PENNAETH NEWYDD
PRENTISIAETHAU:
DEWCH I GWRDD Â MATTHEW WICKER
Rydym yn falch iawn o groesawu Matthew Wicker fel Pennaeth newydd Prentisiaethau yn PCYDDS.
Mae Matthew yn arwain yr Uned Brentisiaethau, gan oruchwylio’r gwaith o ddatblygu a darparu rhaglenni sy’n diwallu anghenion dysgwyr a chyflogwyr fel ei gilydd. Gyda dros ddegawd o brofiad ym maes rheolaeth addysg, cyflogadwyedd a datblygu’r gweithlu, mae’n dod â chyfoeth o wybodaeth ac ymagwedd gydweithredol i feithrin partneriaethau sy’n cael effaith.
WYTHNOS
CYNEFINO
YR WYTHNOS
SY’N DECHRAU AR 15 MEDI 2025
Croeso cynnes i bob prentis newydd sy’n dechrau ar eu taith gyda ni’r Hydref hwn.
CADWCH Y DYDDIAD:
GRADDIO 2025
25 Tachwedd 2025
Diwrnod arbennig i ddathlu ein prentisiaid sy’n graddio’r Hydref hwn. Rhagor o fanylion i ddilyn.
Os hoffech chi wahodd eich cyflogwr, bydd gennym docynnau wedi eu neilltuo ar eu cyfer –siaradwch â’ch Swyddog Cyswllt Prentisiaethau am ragor o wybodaeth.
BLE MAEN NHW NAWR?
Llongyfarchiadau i Samuel Jackson, Arweinydd Trawsnewid Digidol yn y GIG, sydd wedi graddio drwy ein llwybr prentisiaeth. Cafodd ei stori lwyddiant ei hamlygu’n ddiweddar.
Dolen i erthygl ar y wefan >>> From Degree Apprentice to Digital Transformation Leader: UWTSD Graduate Sam Jackson’s Success Story | University of Wales Trinity Saint David
TAITH I JAPAN:
JOE & LUKE YN CYNRYCHIOLI PCYDDS
Cafodd dau o’n prentisiaid eithriadol, Joe Shankland (Gradd-brentis Peirianneg Fecanyddol) a Luke Read-Jenkins (Prentis), y cyfle anhygoel i gynrychioli PCYDDS yn Japan.
Fe wnaethon nhw ymweld â Japan ym mis Mehefin a dysgu am yr effaith ddiwylliannol ar effeithlonrwydd a pheirianneg ddarbodus.
UWTSD and Tata Steel partnership develops next generation of advanced manufacturing engineers | University of Wales Trinity Saint David
Roedd y daith yn anhygoel, ac roedd y prentisiaid yn wir lysgenhadon i’r brifysgol.
Marie Pitson
Uwch Ddarlithydd PCYDDS
Mae teithiau Luke a Joe yn dangos effaith partneriaeth y PCYDDS â diwydiant. Mae ein Radd-brentisiaethau’n sicrhau bod dysgwyr yn cael cymwysterau achrededig tra’n cymhwyso eu gwybodaeth yn uniongyrchol yn y gweithle. Mae’r dull hwn yn datblygu graddedigion medrus iawn sy’n barod i wneud gwahaniaeth ar unwaith yn eu sefydliadau ac yn y sector ehangach.
Matthew Wicker Pennaeth yr Uned Brentisiaeth PCYDDS
Gwnaethom gyflwyno
Gradd-brentisiaethau yn ôl yn 2023 a PCYDDS oedd un o’n dewis ddarparwyr hyfforddiant. Nid yn unig mae un dysgwr eisoes wedi graddio trwy raglen Radd-brentisiaeth PCYDDS, ond mae Joe wedi cael cyfle unwaith mewn oes i ymuno â thaith astudio i Siapan i rannu gwybodaeth am sut rydym yn gweithredu yn Tata Steel yn erbyn ystod eang o sectorau yn Siapan.
Ar ôl dychwelyd o’i daith gwnaeth Joe (ochr yn ochr â Luke Read Jenkins) gyflwyno eu canfyddiadau, ac roedd yn hynod ddiddorol clywed am yr hyn a ddysgasant yn ystod eu taith a’r gwahaniaethau mewn diwylliannau. Rwy’n edrych ymlaen at weld Joe yn parhau ar ei daith gyda PCYDDS a defnyddio’r offer a thechnegau a ddysgwyd yn ei amserlen waith ddyddiol.
Matthew Davies
Rheolwr Hyfforddiant Technegol (Dysgu a Datblygu) Tata Steel
DIGWYDDIADAU SBOTOLAU:
PRYNHAWN
RHWYDWEITHIO
I’R DIWYDIANT
Dydd Iau 23 Hydref 2025
CADWCH Y DYDDIAD!
3:00 – 5:00pm
Matrics Arloesi, Campws SA1, Heol y Brenin, Abertawe SA1 8EW
Ymunwch â ni ar gyfer prynhawn o fewnwelediadau a rhwydweithio ar y canlynol: TROSOLWG O EIDDO DEALLUSOL (PATENTAU, HAWLFRAINT, DYLUNIO, NODAU MASNACH, EIDDO DEALLUSOL DRAMOR).
Rachel Gilmore Swyddfa Eiddo Deallusol
MYNEDIAD AM DDIM
- Darperir lluniaeth
- Cyfleoedd i rwydweithio
WYTHNOS
PRENTISIAETHAU
2026
9 – 15 Chwefror 2026
CADWCH Y DYDDIAD!
Wythnos sy’n llawn o weithgareddau, digwyddiadau a chyfleoedd cyffrous. Cadwch lygad am gyhoeddiadau! www.uwtsd.ac.uk/events/uwtsdswansea-open-day
WORLDSKILLS
Mae ein prentisiaid yn parhau i ddisgleirio ar y llwyfan cenedlaethol a byd-eang
Dysgwch ragor yma: WorldSkills Feature
Cysylltwch â prentisiaethau@uwtsd.ac.uk a dilynwch ni ar LinkedIn
Degree Apprenticeships @ UWTSD
PRENTISIAETHAU GRADD DIGIDOL DERBYNIADAU IONAWR 2026
LLEOEDD AR GAEL
Rydym yn gyffrous i gyhoeddi bod ceisiadau bellach ar agor ar gyfer derbyniadau Ionawr 2026 y Prentisiaethau Gradd Digidol. Mae lleoedd ar gael ar y rhaglenni canlynol:
• BSc Systemau Data a Gwybodaeth
• BSc Peirianneg Meddalwedd
• BSc Rhwydweithiau Cyfrifiadurol a Seiberddiogelwch
Wedi eu cyflwyno mewn partneriaeth â chyflogwyr, mae’r rhaglenni hyn yn cyfuno gwaith â thâl gydag astudio’n rhan-amser yn y brifysgol, gan sicrhau bod prentisiaid yn datblygu’r arbenigedd technegol a’r sgiliau proffesiynol sydd eu hangen i ffynnu yn yr economi ddigidol.
Os ydych chi’n gyflogwr sy’n dymuno uwchsgilio eich gweithlu, neu’n unigolyn sydd â diddordeb mewn dechrau ar eich taith ym maes technoleg, cysylltwch â ni heddiw:
apprenticeships@uwtsd.ac.uk