Zaiting van Cirkul Kultural va Tischlbong
N. 109 - Avoscht 2025
aufprocht is 1984 van Mauro van Cjapitani
I
Dar Fabrizio Nonis avn sunti van gaasa
n leistn sunti van mai monat, avn sunti van gaasa, is ckeman dar Fabrizio Nonis. In gonzn toog hottar tischlbongara o ganoman, unt nitt lai, asin eipas hont darzeilt ibara schprooch unt praicha, bosta virn doarf hott gabelt soon unt as darzeilnt nouch in haint ols bos mittar gaas zan tuanan hott. Peisar zan mochn ckenan bia unt bos asmar da gaas milach odar da gaas schouta odar in gaas ckaas meik prauchn, hottar mittar Eddie ckreit van nojan piachlan as is boarn gadruckt unt as va asou bos rein tuat. Dar ckouch Fabrizio hott noor necklan vrisch gachoucht asar mittar gorgonzola va gaas ckaas o hott gamocht unt asmar mitt glust hott gameik ckoustn. Untara ckircha, berda hott gabelt, hotzi gameik ainschraim unt ckoustn bos da junga van Cefab va Kodroip honant olsarlai gackoucht min guatn zoi as var gaas milach ausar ckimpt. anias eisn is boarn voartschteilt mit an sghluck bain var Azienda Bodigoi Nicola. Berda seem is gabeisn hott gameik a ckoustn da gaas ckaasa in konkors as a giuria va lait, asi guat ausckenant, hont noor premiaat. Aniga honzi ain tschrrim zan gianan schuang in groasn schtool van Gioachino in Alp: dar Ennio hotza pfiart unt dareimst darzeilt praicha unt liandlan van unsarn dearfar. In Museo van Eraschtn Beltckriag, in deen boarman unt schpasigar toog, hottmar a gameik gianan schaung, baldar in gonzn toog oufa is gabeisn. Da Romina hott ckoot procht sai viich unt an lama as guat min ckindar iis pliim unt asa hott untarholtn. Dar Sunti van gaasa gipt anias joar eipas nojs. Berbas boffar schiana nojarickait as bearnt anondar joar ainpfiart? Dear sunti is schuan va longa hear boarn aufprocht. A mool, is da meiglickait gabeisn zan mein seachn unt aus suachn zan ckafn da schianastn gaasa odar pecka. In haint mitt ola da regiarn as sent umanondar zan viarn is viich, da gaasa asmar meik seachn sent lai biani, ovar da voarm asmar sicht sent obla da seen var “Camosciata delle Alpi”, da gaas asi peisar tuat gabenan leim afta schtickla oartn as bia da seen as pan uns sent. Is obla gabeisn as dar peisasta gaas ckas hont an premi darbischt van lait asi guat
D
Druckarai Cortolezzis Palutsch
ausckenant zan darchenan in peisastn tschmooch unt mendar ganua hert iis unt zoma plaipt. Unt asou isis aus gongan hojar aa. Kein mitoog is boarn zok dar beila ckaas bar dar peisasta. Da schualara van Cefab, mit guata baindar darpai, hont gamocht ckoustn bosa hont ckoot ckrichtat. In gonzn toog, da gaigara va Sudri, hont untarholtn mit sojara lustiga musik. Ols bosta is boarn o ganoman in seen toog, meikmar seachn druckntar deen cknofa. V. P. In 12 avoscht um 8 tschnochz, pachmerasi ola zoma virn LUSTIGAR OUBARLONT. Miar bearn rein van nojan piachlan UNSARS EISN as darzeilt ols bosmar mittar gaas milach meik ckouchn. Dar Fabrizio beartuns mochn ckenan bosar van oldarlai hott tschrrim ibara ckrofn as ear ckoucht in oldarlajana moniar. Meimar seachn in video as is boarn gadrat min maschkaras van unsar Vosching. Zoma schaung in video as dar Fabrizio Nonis hott gadrat virn Sunti van Gasa.
Uma 8:30 tschnochz van 30 avoscht dar tschock tonzara van IS GULDANA PEARL mocht sunti vir da 45 joar. Zoma tonz mit unsara ckaln unt groasn ckimpt a grup va Palù in Val Fersina, da PALAIAR LEAR MUSIKANTEN, bosa taitsch reint as bia miar.
A boucha reintar va cinema
a earschtn bouchn van sghuin dar Swan is bidar af Tischlbong gabeisn. in sool van cinema sent boarn gazak da videos van tischlbongara as eipas hont darzeilt van sojarn leim. Avn vertin is boarn gazak a schtickl video van film as beart darzeiln bos da baibar hont gatonan in earschtn Beltckriag. Van monti 9 sghuin pis in vraiti 13 sghuin, bearsi hott ckoot aintschriim, hott gameik, min hilf van Swan, learnan a film mochn, bosmar muast beisn unt richti ainviarn asou viil as ols zoma past. Is liandl as is boarn auszuacht zan darzeiln, iis is sega van Fischiosauro. Da junga hont gamuast van an eika avn ondarn gian aus suachn is peisasta plotz bo o neman. Houfmar, in biani, zan seachn bosa hont gamocht. V.P.
Parrocchia di S. Geltrude