Стопанската комора на Македонија и Студентскиот парламент при Универзитетот „Св. Кирил и Методиј“ – Скопје, започнуваат нов Проект: „Претприемништвото – иднината на студентите“, со цел развој и промоција на претприемништвото и поттикнување на значењето на секоја бизнис-идеја на секој студент. Иновативноста, креативноста и способноста за преземање ризик се основите на претприемништвото, но развивањето на претприемничка култура, особено кај младите, подразбира и развивање на потребните способности и вештини. Овој проект, кој ќе опфати 100 студенти од Универзитетот „Св. Кирил и Методиј“ – Скопје, ќе им помогне на младите претприемачи да остварат директни контакти со успешни бизнисмени од реалниот сектор, да ги стекнат и надградат потребните способности, вештини и знаења и на тој начин да ги зголемат своите шанси за остварување на своите бизнис-идеи и полесно справување со предизвиците на пазарот на трудот.
Како да се пријавите? Сите заинтересирани студенти кои имаат некоја оригинална бизнис-идеја, можат да се пријават за овој проект по пат на апликација, каде што треба, покрај неколку основни информации за себе, во неколку реченици да ја објаснат и суштината на бизнис-идејата.
Што понатаму? Посебна комисија ќе ги разгледа сите поднесени бизнис-идеи и избраните студенти ќе имаат можност да продолжат во наредните фази на Проектот. Првата фаза подразбира организирање средби со претставници од компаниите-членки на Стопанската комора на Македонија. Паралелно, на средбите студентите ќе добијат и обуки за вештини за самовработување коишто се потребни на секој студент.
Втората фаза вклучува и систем на менторство. Секој студент ќе одбере еден од претставниците на компаниите кој што ќе биде негов ментор. Во периодот на менторство студентот и претставникот на компаниите ќе одржуваат средби, се` со цел мотивација на студентите и учење за бизнисот и како да се успее во него од најдобрите, врз основа на животни приказни. По периодот на менторство ќе следува финална средба на сите учесници и претставниците од компаниите. На оваа средба ќе се донесат заклучоци од средбите и ќе се изготват препораки за сите студенти и компании со цел зближување на бизнис-секторот и студентите, но и развој на претприемништвото. Бенефит на секој студент од вклучувањето во овој проект е: 1. 2. 3. 4. 5.
учење за бизнис-секторот од најдобрите преку директен контакт со нив; презентирање на бизнис-идеите на студентите пред бизнис-заедницата (можност за помош при развој на идејата); намалување на невработеноста кај младите луѓе; укажување на значењето на претприемништвото меѓу студентите; стекнување вештини за развој како личности, идни бизнисмени во македонското општество.
Контакт информации: Симона Ристоска тел: 02 32 44 067 simona@mchamber.mk
Марија Василевска тел. 072 243 705 spukm.mk@gmail.com
Стопанска комора на Македонија
Студентски парламент на Универзитетот Св. Кирил и Методиј - Скопје