Víkurfréttir 36. tbl. 46. árg.

N ja r ða r b r au t 1 1 a Engar tímapantanir

in Stöndum vakt

a!

Laugardagur 27. desember 2025 // 36. tbl. // 46. árg.

DREIFT Á SUÐURNESJUM OG Á HÖFUÐBORGARSVÆÐINU • ÓKEYPIS EINTAK

DAGLEGAR FRÉTTIR

Uppsetningu neyðarkyndistöðva við Fitjar og Rockville lokið:

Geta gengið eins lengi og þörf er á Fyrr í desember var lokið við að setja upp neyðarkyndistöðvar á Fitjum við Reykjanesbæ. Áður hafði sambærilegum búnaði verið komið upp við Rockville. Kyndistöðvarnar eiga að koma í veg fyrir rof á afhendingu á heitu vatni á Suðurnesjum eins og gerðist þegar þegar hraunstraumur frá Sundhnúksgígum tók sundur lagnir við Svartsengi í febrúar 2024 og íbúar voru heitavatnslausir í fjóra kalda sólarhringa.

Það var góð aðsókn og stemning í Aðventugarðinum í Reykjanesbæ á aðventunni. Jóladagskrá, skautasvell og sölubásar lífguðu upp á jólafjörið. VF/pket.

Grípa þarf til aðgerða vegna áfalla í atvinnulífi Atvinnu- og hafnarráð Reykjanesbæjar segir stöðu atvinnulífs á Suðurnesjum valda áhyggjum og að bregðast verði við eftir áföll víða um land, sem hafi einnig bitnað á Reykjanesbæ með auknu atvinnuleysi. Þetta kom fram á fundi ráðsins 11. desember, þegar fulltrúar Samtaka atvinnurekenda á Reykjanesi og Meistarafélags byggingarmanna á Suðurnesjum sátu fundinn. Farið var yfir nýjustu tölur um atvinnu-

leysi og rekstrarumhverfi fyrirtækja, bæði á Suðurnesjum og á landsvísu. Ráðið bendir á að opinberir aðilar beri ábyrgð á að skapa aðstæður til vaxtar í atvinnulífi. Sveitarfélög þurf i að huga að skipulagsmálum, innviðum og hagrænum hvötum í nærumhverfi, á meðan ríkisvaldið þurfi að tryggja uppbyggingu almennra innviða, réttlátt laga- og reglugerðarum-

Starfsmenn frá hinu rúmlega aldargamla véltæknifyrirtæki Héðni voru að stöfum við að setja búnaðinn upp við Fitjar fyrr í mánuðinum. Héðinn smíðaði fjögur sett af varmastöðvum sem hafa verið settar upp við Rockville og nú við Fitjar. „Hér við Fitjar eru þetta fjórir stórir olíakatlar sem eru samtengdir við tvær neyðarvarmastöðvar. Stöðvarnar ganga fyrir dísilolíu og því hægt að láta þær ganga eins lengi og þörf er á,“ segir Sigurjón Uggi Ívarsson, vélstjóri hjá Héðni og verkstjóri verksins við Fitjar.

Neyðarstöðvarnar munu sjá til þess að hægt er að halda veitukerfum frostfríum, draga úr líkum á frostskemmdum fasteigna á svæðinu og auðvelda íbúum að ná upp innihita með rafmagnskyndingu ef meginlagnir fara aftur í sundur eins og gerðist í febrúar 2024. Kyndistöðvarnar eru samstarfsverkefni stjórnvalda, HS Orku og HS Veitna. Þær eru hreyfanlegar og því ekkert til fyrirstöðu að taka þær niður og setja þær upp annars staðar á landinu ef þörf krefur.

hverfi og hagstætt efnahagsumhverfi. Í því samhengi vísar ráðið til atvinnustefnu Reykjanesbæjar sem bæjarstjórn samþykkti í ágúst og leggur áherslu á að tryggja áfram góð skilyrði til atvinnuuppbyggingar. Jafnframt hvetur ráðið ríkisvaldið til að tryggja efnahagslegan stöðugleika til að snúa þróuninni í rétta átt. Samþykkt var að atvinnuog hafnarráð fundi reglulega með fulltrúum atvinnulífsins framvegis.

Mikil uppbygging á Fitjum í farvatninu

Sjá fleiri myndir á vf.is

Elsti einstaklingur Suðurnesjamanna, Gunnar Jónsson, 102 ára, var á meðal 300 gesta sem mættu í skötu á Réttinum á Þorláksmessu. Ungdómurinn mætti líka og sjá mátti heilu fjölskyldurnar.

SÍÐA 2

16 SÍÐUR Í ÞESSARI VIKU • STÆRSTA FRÉTTA- OG AUGLÝSINGABLAÐIÐ Á SUÐURNESJUM Í 45 ÁR

2 // VÍKURFRÉTTIR Á SUÐURNESJUM

Leikskólaplássum gæti fjölgað um 120–130 - með stækkun núverandi leikskóla í Reykjanesbæ Menntaráð Reykjanesbæjar telur raunhæft að fjölga leikskólaplássum í sveitarfélaginu um samtals 120–130 með stækkun núverandi leikskóla, sem jafngildir í reynd uppbyggingu eins nýs leikskóla. Þetta kom fram á fundi menntaráðs 12. desember, þar sem farið var yfir stækkunarmöguleika í leikskólum Reykjanesbæjar. Ráðið hefur kynnt sér minnisblað um málið og fagnar þeim

kostum sem þar eru lagðir fram. Menntaráð segir stækkanir af þessu tagi mikilvægt og hagkvæmt skref til að mæta aukinni þörf fyrir leikskólapláss og leggur áherslu á áframhaldandi vinnu við mat, forgangsröðun og útfærslu út frá svæðisbundinni þörf, rekstrarhagkvæmni og hagsmunum barna og fjölskyldna. Sviðsstjóra menntasviðs var falið að vinna málið áfram.

Biðlisti eftir sálfræðiaðstoð styttist í Reykjanesbæ – börnum á biðlista fækkað um þriðjung Átaksverkefni menntasviðs Reykjanesbæjar til að stytta bið barna eftir þjónustu sálfræðinga hjá skólaþjónustu hefur skilað mælanlegum árangri. Þetta kom fram á fundi menntaráðs 12. desember, þegar Einar Trausti Einarsson forstöðusálfræðingur kynnti framgang verkefnisins sem unnið hefur verið að síðastliðið ár. Á 12 mánaða tímabili hefur börnum sem bíða eftir aðkomu

sálfræðinga fækkað um þriðjung og biðtími styst um fjórðung. Menntaráð fagnar árangrinum og segir markvissar aðgerðir, breytt verklag og aukin áhersla á snemmbæran stuðning hafa skilað bættri þjónustu við börn og fjölskyldur þeirra. Ráðið þakkar starfsfólki skólaþjónustunnar fyrir faglegt starf og leggur áherslu á að haldið verði áfram á sömu braut til að tryggja varanlegar umbætur í þjónustunni.

„Forsendur eru ekki lengur fyrir hendi“ Bæjarstjórn Reykjanesbæjar hafnaði því að samþykkja fyrirliggjandi viðauka við þjónustusamning um samræmda móttöku flóttafólks og frestaði afgreiðslu málsins samhljóða, 11–0. Þetta var niðurstaðan þegar tekið var fyrir mál 2 úr fundargerð velferðarráðs frá 11. desember á fundi bæjarstjórnar. Í bókun allra bæjarfulltrúa, sem Margrét Þórarinsdóttir lagði fram, kemur fram að bæjarstjórn geti ekki samþykkt viðaukann þar sem um sé að ræða framlengingu og efnisbreytingar á samningi sem samþykktur var 1. júlí 2025, án þess að forsendur hans liggi lengur fyrir með fullnægjandi hætti. Jafnframt er talið að gildistími samningsins sé of langur og að hann eigi að vera að hámarki til 30. júní 2026, enda ríki mikil óvissa um framkvæmd málaflokksins í tengslum við brottfararstöð sem á að taka til starfa 12. júní 2026. Í bókuninni er einnig bent á að Reykjanesbær sé með stærsta karlaúrræði Vinnumálastofnunar á landinu og að samsetning móttöku sé ólík öðrum sveitarfélögum. Tölur sem lagðar voru fram sýna að í Reykjanesbæ séu 252 í úrræðum, þar af 31 prósent fjölskyldur og 69 prósent stakir karlar, á meðan hlutfall fjölskyldna sé mun hærra í Hafnarfirði og Kópavogi. Bæjarstjórn gagnrýnir samráðsleysi stjórnvalda í málaflokknum og krefst samtals við ríkið áður en hægt verði að samþykkja viðauka III.

Ásgeir Elvar býður sig fram í leiðtogaprófkjöri Sjálfstæðisflokksins Ásgeir Elvar Garðarsson hefur ákveðið að bjóða sig fram í leiðtogaprófkjöri Sjálfstæðisflokksins í Reykjanesbæ 31. janúar 2026. Ásgeir hefur undanfarin ár stýrt Bílaleigunni Geysi en hann er fæddur og uppalinn í Keflavík. „Samfélagið okkar í Reykjanesbæ stendur á krossgötum. Við búum yfir einum mestu tækifærum landsins með aðgengi að einstökum innviðum í kringum alþjóðaflugvöll og stórskipahöfn en því miður hefur okkur ekki tekist nógu vel að byggja upp fjölbreytt atvinnulíf í bænum,“ segir hann í aðsendri grein sem sjá má á vf.is. Ásgeir á ekki langt að sækja áhugann á samfélaginu og bæjar-

pólitík. Faðir hans, Garðar Ketill Vilhjálmsson, var bæjarfulltrúi Sjálfstæðisflokksins í Reykjanesbæ 2006-2010. Þá var afi Ásgeirs, Vilhjálmur Ketilsson, bæjarfulltrúi Alþýðuflokksins í Keflavík 19861994 og bæjarstjóri 1986-1988. Ólafur Björnsson, langafi hans, var einnig í framlínu Alþýðuflokksins í Keflavík, bæjarfulltrúi í aldarfjórðung og varaþingmaður um skeið.

Uppbygging Iceland World Class Wellness Hotel við Fitjar fer í kynningu Umhverf is- og skipulagsráð Reykjanesbæjar hefur veitt heimild til að auglýsa vinnslutillögu að breytingu á deiliskipulagi Fitja og vinna jafnframt tillögu að breytingu á aðalskipulagi fyrir miðsvæði M4. Tillagan var lögð fram af Laugar ehf. og byggir á uppdrætti Gláma/Kím, dagsettum 30. nóvember 2025. Breytingin nær til atvinnulóðar við austurenda Fitjabakka og felur meðal annars í sér stækkun lóðarinnar, breytt aðkomufyrirkomulag og auknar byggingarheimildir. Samkvæmt vinnslutillögunni verða skilgreindir tveir byggingarreitir á lóðinni. Þar yrði heimilt að reisa heilsuræktarstöð með veitingasal og hóteli, ásamt heimild fyrir baðlaug eða baðlóni utanhúss. Einnig er gert ráð fyrir aukinni hæðarheimild, allt að 2–6 hæðum og heildarhæð allt að 25 metrum yfir gólfkóta jarðhæðar. Þá yrði heimilt að byggja bílageymslu á tveimur hæðum til að mæta bílastæðaþörf, með heimild fyrir allt að 335 bílastæðum. Heildarbyggingarmagn ofanjarðar er sett fram sem allt að 26.300 fermetrar og samtals 32.800 fermetrar með neðanjarðarrýmum. Meðal kynningargagna hjá umhverfis- og skipulagsráði Reykjanesbæjar er hugmyndakynning að „Iceland World Class Wellness Hotel“, þar sem mannvirkinu er lýst sem heilsu- og upplifunar-

Við óskum viðskiptavinum okkar gleðilegra jóla og farsældar á komandi ári.

Með þökk fyrir viðskiptin á liðnu ári.

Svona gera hugmyndir ráð fyrir að mannvirkið muni líta út. Myndir: Iceland World Class Wellness Hotel

hóteli með heilsulind og baðlón í lykilhlutverki. Hugmyndin sýnir langt, fjölhæða hótel sem liggur meðfram lóðinni og myndar skjól fyrir útisvæði, með móttöku- og setusvæðum, þjónusturýmum og veitingasal á jarðhæð og tengingu út á lón-

og verandarsvæði. Þar er meðal annars gert ráð fyrir fullorðinslóni og fjölskyldulóni, auk slökunar- og meðferðarrýma. Áréttað er í gögnunum að um hugmyndakynningu sé að ræða en ekki endanlega, samþykkta hönnun.

4 // VÍKURFRÉTTIR Á SUÐURNESJUM

ka

luk a l ó J

2025

étta r Víkurfr

ðaleiku Skafmi

Aron, Thorarinn og Mikael, starfsmenn Nettó í Krossmóa drógu út vinningshafa að viðstöddum ritstjóra Víkurfrétta og Ívari verslunarstjóra Nettó.

Bruno Birins vann 65” LG sjónvarp frá Nettó í fyrsta útdrætti.

Ragnar Guðleifsson með Zolo ilmolíulampann úr 2. útdrætti.

Lokaútráttur í Jólalukku Víkurfrétta fór fram að morgni aðfangadags. Hér eru nöfn allra vinningshafa:

Magnús fékk Bústoðarstólinn - hverjir fengu sjónvörpin og hina vinningana? Þrjátíu og sex vinningar voru dregnir út í lokaútdrætti Jólalukku Víkurfrétta 2025 á aðfangadagsmorgun en aldrei fyrr í sögu Jólalukkunnar hafa jafn margir miðar verið í kassanum góða í Nettó. Stórglæsilegir vinningar voru í boði, í lokaútdrætti voru m.a. leðurhægindastóll frá Bústoð að verðmæti um 230 þús. kr. og tvö LG 75” sjónvörp frá Nettó. Hér að neðan má sjá nöfn vinningshafa í lokaútdrætti og í fyrri tveimur útdráttunum. Samtals 49 vinningar. Þá er ógetið 7 þúsund vinninga sem voru á skafmiðunum. Vinninga skal vitja hjá viðkomandi gefendum og í Nettó í Krossmóa.

Vinningshafar í 3. útdrætti í Jólalukku 24. desember: Bústoð hægindastóll - Magnús Jens Sigurjónsson, Gónhóll 25, Reykjanesbæ LG 75“ sjónvarp frá Nettó - Sigurður Guðmundsson, Lágmóa 3, Reykjanesbæ LG 75“ sjónvarp frá Nettó - Kristinn Bergmann Þórólfsson, Móavellir 2, Reykjanesbæ Byko 50 þús. kr. gjafabréf - Hildur Kristjánsdóttir, Hafnargötu 23, Reykjanesbæ Gjafabréf - gisting og morgunverður á Courtyard By Marriott - Harpa Rún Steinarsdóttir, Hæðargötu 5, Reykjanesbæ Kef spa gjafabréf fyrir 2 - Rósa Kristín Jónsdóttir, Gónhóll 27, Reykjanesbæ 15 þús. kr. inneign í Samkaupsappi í Nettó - Janusz Papiez, Móavegur 9, Reykjanesbæ 15 þús. kr. inneign í Samkaupsappi í Nettó - Inga Sóllilja Arnarsdóttir, Norðurtún 6, Reykjanesbæ 15 þús. kr. inneign í Samkaupsappi í Nettó - Sigríður Harpa Jónsdóttir, Lækjamót 75, Sandgerði 15 þús. kr. inneign í Samkaupsappi í Nettó - Berglind Ómarsdóttir, Sólvallagötu 44, Reykjanesbæ 15 þús. kr. inneign í Samkaupsappi í Nettó - Sigurdís Benónýsdóttir, Fjöruklöpp 32, Garði 15 þús. kr. inneign í Samkaupsappi í Nettó - Inga Lára Jónsdóttir, Óðinsvellir 21, Reykjanesbæ 15 þús. kr. inneign í Samkaupsappi í Nettó - Svanfríður Kjartansdóttir, Heiðarhvammur 4, Keflavík Nói & Síríus konfekt frá Nettó: Guðný Stefánsdóttir, Suðurgarður 20, Keflavík Sigurður Svavar, Sóltún 18, Keflavík Sonja D. Ólafsdóttir, Þórustígur 20, Njarðvík Ingibjörg Þ. Eyjólfsdóttir, Kríuland 19, Garði

Andrej Gjurchevski, Skógarbraut 929 D, Ásbrú Guðrún M. Pétursdóttir, Hrafnaborg 11 D, Vogum Bryndís Sævarsdóttir, Kirkjuvegur 31, Keflavík Særún Thelma Jensdóttir, Mánagata 11, Keflavík Inga Kjartansdóttir, Vatnsnesvegur 11, Keflavík Aðalheiður Ósk Gunnarsdóttir, Suðurgata 9, Keflavík Bjarnfríður Jónsdóttir, Suðurgata 4a, Keflavík Katrín Færseth, Norðurtún 2, Keflavík Dagga Lís Kjærnested, Kirkjuvegi 5, Keflavík Erlendsína Yr Garðarsdóttir, Bragavellir 11, Keflavík Berglind Ómarsdóttir, Sólvallagata 44, Keflavík Ólafía G. Ólafsdóttir, Grænás 3b, Njarðvík Kristófer Hans Abbey, Kirkjubraut 30, Njarðvík Bergþór Friðþjófsson, Suðurgata 17-21, Sandgerði Helga Jakobsdóttir, Kirkjuvegur 1, Keflavík Hreinn Óskarsson, Njarðarvellir 6, Njarðvík Guðbjörg E. Guðjónsdóttir, Efstaleiti 32, Keflavík Tinna Hallgrímsdóttir, Kjarrmói 5, Njarðvík Sigurður Svansson, Gónhóll 20, Njarðvík Kolbrún Jónsdóttir, Grænagarði 9, Keflavík Olivia Eir, Heiðarhvammur 7, Keflavík Jóhann Víðir Númason, Sóltún 9, Keflavík Sara Guðmundsdóttir, Borgarvegur 9, Njarðvík Fjóla Dís Færseth G., Heiðarbrún 17, Keflavík Aiddy Kristín S. Einarsdóttir, Grænásbraut 605, Ásbrú

Vinningshafar í 2. útdrætti í Jólalukku 19. desember: LG 65“ sjónvarp frá Nettó - Eygló Eiríksdóttir, Tjarnargötu 26, Reykjanesbæ Kef spa gjafabréf fyrir 2 - Auður Bjarnadóttir, Asparlaut 2, Reykjanesbæ Gjafabréf - gisting og morgunverður á Courtyard By Marriott - Guðmundur, Heiðargerði 26, Vogar Zolo - Ilmolíulampi - Ragnar Guðleifsson, Smáratúni 21, Reykjanesbæ

Húsasmiðjan - Nilfiskryksuga að andvirði 32.000 - Aneta Romanowska, Brekkustíg 19, Njarðvík 10 þús. kr. gjafabréf í Orkunni - Bjarney Sigr. Snævarsdóttir, Greniteig 33, Reykjanesbæ 15 þús. kr. inneign í Samkaupsappi í Nettó - Ewa Nikel, Reykjanesvegi 14, Reykjanesbæ 15 þús. kr. inneign í Samkaupsappi í Nettó - Jóhanna Júlíusdóttir, Faxabraut 81, Keflavík 15 þús. kr. inneign í Samkaupsappi í Nettó - Kristbjörg H. Eyjólfsdóttir, Leynisbraut 4, Grindavík 15 þús. kr. inneign í Samkaupsappi í Nettó - Svanfríður G. Gísladóttir, Birkiteig 21, Reykjanesbæ 15 þús. kr. inneign í Samkaupsappi í Nettó - Sylvia Anna Lerkidalur 6, Reykjanesbæ 15 þús. kr. inneign í Samkaupsappi í Nettó - Rebekka Magnúsdóttir, Hlíðargötu 27, Suðurnesbæ.

Vinningshafar í 1. útdrætti í Jólalukku 12. desember: LG 65 tommu sjónvarp frá Nettó - Bruno Birins, Reynidal 1, Reykjanesbæ 20.000 kr. gjafabréf í Reykjanes Optikk - Ljósbrá Líf Sigurðardóttir, Sunnubraut 14, Reykjanesbæ 15.000 kr. inneign í Samkaupsappi í Nettó - Ásdís Alda Birkisdóttir, Asparlaut 26, Reykjanesbæ 15.000 kr. inneign í Samkaupsappi í Nettó - Birna Einvarðsdóttir, Aðalgötu 1, Reykjanesbæ 15.000 kr. inneign í Samkaupsappi í Nettó - Sigríður Sigmundsdóttir, Lerkidal 3, Reykjanesbæ 15.000 kr. inneign í Samkaupsappi í Nettó - Sigurbjörn Hallsson, Seljudal 11, Reykjanesbæ 15.000 kr. inneign í Samkaupsappi í Nettó - Brynja B. Magnúsdóttir, Hraunteig 23, Reykjanesbæ 15.000 kr. inneign í Samkaupsappi í Nettó - Sigurbjörg Ólafsdóttir, Vörðubraut 11, Suðurnesjabæ 15.000 kr. inneign í Samkaupsappi í Nettó - Rut Þorsteinsdóttir, Einidal 13, Reykjanesbæ 10.000 kr. inneign - Orkan - Friðbjörg Arnbergsdóttir, Ásabraut 13, Sandgerði 10.000 kr. inneign - mánaðaráskrift Löður - Laufey Rosento, Skógarbraut 931, Reykjanesbæ

Samfélagið í Vogum nýtur ávinnings af bættum rekstri – þjónusta eflist í stækkandi bæ og lækkun fasteignaálaga Bæjarstjórn Sveitarfélagsins Voga samþykkti á fundi sínum fyrr í mánuðinum fjárhagsáætlun næsta árs og þriggja ára áætlun fyrir árin 2026–2029. Samkvæmt áætluninni er gert ráð fyrir að rekstrarniðurstaða A- og B-hluta verði jákvæð um 168 milljónir króna og að veltufé frá rekstri nemi ríflega 340 milljónum króna, eða 11,4% af áætluðum heildartekjum ársins. Í ávarpi Guðrúnar P. Ólafsdóttur bæjarstjóra í greinargerð með fjárhagsáætluninni kemur fram að áætlunin endurspegli traustari rekstur eftir tímabil fjárhagsþrenginga og aðhalds. Hagræðingu

í rekstri verði skilað til íbúa með lækkun fasteignaálaga og eflingu þjónustu. Áfram verði unnið að uppbyggingu atvinnulífs í sveitarfélaginu með það að markmiði að tryggja tekjustofna og fjölga atvinnutækifærum í heimabyggð, með sérstakri áherslu á Keilisnes. Ábyrgð og festa í rekstri skapi þannig grundvöll að öflugri þjónustu og áframhaldandi uppbyggingu innviða í stækkandi sveitarfélagi. Í greinargerðinni er jafnframt nýlunda í ár, þar sem helstu áherslur í starfseminni árið 2026 eru dregnar saman á skýran hátt.

Aldrei meira úrval! Við eigum réttu vörurnar í áramótaveisluna.

Yfir 100 sölustaðir um allt land.

Nánar á flugeldar.is

6 // VÍKURFRÉTTIR Á SUÐURNESJUM

Ástkær eiginkona mín, móðir okkar, tengdamóðir og amma,

HRAFNHILDUR HILMARSDÓTTIR Reykjanesvegi 4, Njarðvík,

lést á krabbameinsdeild Landspítalans við Hringbraut, þriðjudaginn 16. desember. Útför fer fram frá Ytri-Njarðvíkurkirkju, föstudaginn 2. janúar kl.13 Innilegar þakkir til starfsfólks krabbameinsdeildar LSH fyrir yndislega umönnun. Gunnar Þorvarðarson Kristín Halldórsdóttir Ægir Örn Gunnarsson Birna Björk Þorkelsdóttir Logi Gunnarsson Terry Leverett Harpa Gunnarsdóttir Leverett og barnabörn

Ástkær móðir okkar, tengdamóðir, amma, langamma og langalangamma,

ELÍSA DAGMAR BENEDIKTSDÓTTIR Faxabraut 13, Keflavík,

lést á Hrafnistu Hlévangi, ffimmtudaginn 4. desember. Útför hefur farið fram í kyrrþey að ósk hinnar látnu. Innilegar þakkir til starfsfólks Hlévangs fyrir kærleiksríka umönnun. Hilmar Þór Karlsson Kristinn Rúnar Jónsson Þórdís Guðfinna Jónsdóttir Gunnar Bragi Jónsson

Charies Karlsson Lára Hammer Gylfadóttir Gunnar Rúnar Pétursson Sigrún Arnberg Kjartansdóttir

barnbörn, barnabarnabörn og barnabarnabarnabörn

Öll tölublöð Víkurfrétta frá 1980 og til dagsins í dag eru aðgengileg á

timarit.is

Bílaviðgerðir Smurþjónusta Varahlutir

Brekkustíg 38 - 260 Njarðvík

sími 421 7979 www.bilarogpartar.is

Rétturinn Ljúffengur heimilismatur í hádeginu

Opið:

11-13:30

alla virka daga

Þú finnur allar nýjustu fréttirnar frá Suðurnesjum á

vf is

Heyrðu umskiptin, fáðu heyrnartæki til reynslu

HEYRN.IS HEYRNARTÆKI // HEYRNARGREINING // RÁÐGJÖF Heyrn // Hlíðasmára 19 // Kópavogur // heyrn@heyrn.is //

Reykjanesvegur 10 jólahús Reykjanesbæjar Menningar- og þjónusturáð Reykjanesbæjar hefur útnefnt jólahús og jólafyrirtæki bæjarins árið 2025. Á fundi ráðsins 19. desember kom fram að valið hafi verið byggt á tilnefningum frá íbúum sem bárust í jólaleik á aðventunni. Ráðið hrósar íbúum fyrir metnað í jólaskreytingum sem setji svip á bæinn og gleðji unga sem aldna í skammdeginu og þakkar jafnframt öllum sem sendu inn tilnefningar. Úr mörgum glæsilegum kostum var Reykjanesvegur 10 valið jólahús Reykjanesbæjar 2025 og Dubliner útnefnt jólafyrirtæki Reykjanesbæjar 2025. Eigendur jólahússins og jólafyrirtækisins hljóta verðlaun frá Húsasmiðjunni í Reykjanesbæ, sem afhent verða á Þorláksmessu. Menningar- og þjónusturáð óskar vinningshöfum til hamingju og færir Húsasmiðjunni þakkir fyrir framlag sitt til að lýsa upp bæinn á aðventunni.

– Dubliner hlýtur nafnbótina jólafyrirtæki

Kílómetragjaldið bitnar á fiskflutningum Suðurnesja AFLAFRÉTTIR Gísli Reynisson gisli@aflafrettir.is

Jólahátíðin er gengin í garð og allur báta- og togaraflotinn orðinn stopp. Það verða þá helst dagróðrabátarnir sem róa á milli hátíða ef veður leyfir. Skipstjórinn á frystitogaranum Tómasi Þorvaldssyni GK setti ansi flotta jólakveðju inn. Þeir voru búnir að liggja undir Hafnarbergi að þrífa og ganga frá togaranum fyrir jólastopp og teiknuðu jólatré í trakkinu, ansi flott. Annars hefur veiðin fyrir jólin verið nokkuð góð. Sigurfari GK hefur átt mjög góðan desembermánuð og þegar þetta er skrifað hefur báturinn landað tæpum 160 tonnum í 10 róðrum og er eini dragnótabáturinn á landinu sem hefur veitt yfir 100 tonn í desember. Alþingi okkar Íslendinga er alltaf með svona hálfgerðan glaðning fyrir áramót. Iðulega eru það skattahækkanir en nú tókst þeim að troða kílómetragjaldinu inn í lög, sem verður að veruleika 1. janúar 2026. Reyndar á olían að lækka eitthvað á móti, þótt tölurnar séu mismunandi eftir því sem maður hefur lesið, allt frá 50 upp í 90 krónur á lítra. Af hverju minnist ég á þetta í aflafréttapistli um Suðurnesin? Jú, ansi mikið af bátaflota Suðurnesja hefur verið við veiðar við Austur-

og Norðurland og síðan er aflanum ekið suður til vinnslu. Tökum dæmi. Á Djúpavogi landa Vísisbátarnir oft og er aflanum þá ekið suður. Vegalengdin þaðan til Grindavíkur er 578 kílómetrar, eða 1156 kílómetrar fram og til baka. Þegar stóru línubátarnir landa þar eru þeir oft með um og yfir 100 tonna afla og það þýðir að minnsta kosti fjórir trukkar þurfa til að keyra fiskinn suður. Gjaldið á kílómetra á trukkana er 45,17 krónur og það þýðir að fyrir fjóra trukka þarf að greiða um 209 þúsund krónur í kílómetragjald fyrir að sækja fiskinn á Djúpavog. Þessir trukkar eyða um 40 lítrum á hundrað og það þýðir að ef olían lækkar um 90 krónur þá verður olíukostnaður þessara fjögurra trukka um 353 þúsund krónur. Ef olían lækkar aðeins um

50 krónur verður olíukostnaðurinn um 420 þúsund krónur. Plús kílómetragjaldið, sem segir þá til um annaðhvort um 562 þúsund krónur eða um 629 þúsund krónur. Til samanburðar er olíukostnaður trukkanna í dag miðað við þessa leið um 504 þúsund krónur, en rétt er að hafa í huga að ég miða við 300 krónur á lítra og trukkafyrirtækin eru öll með afslætti, þannig að þessar 504 þúsund krónur eru í raun töluvert lægri. Þannig mun þetta kílómetragjald auka flutningskostnað fiskvinnslufyrirtækja á Suðurnesjum töluvert. Það er náttúrlega alls ekki góð jólagjöf frá þessu blessaða fólki sem situr á Alþingi. Annars er þetta síðasti pistillinn fyrir áramót og vil ég óska ykkur gleðilegs nýs árs og þakka fyrir það gamla.

Útgefandi: Víkurfréttir ehf., kt. 710183-0319. Afgreiðsla og ritstjórn: Hólmbergsbraut 13, (bil 1), 230 Keflavík, sími 421-0000. Ritstjóri og ábyrgðarmaður: Páll Ketilsson, s. 893-3717, pket@vf.is. Fréttastjóri: Hilmar Bragi Bárðarson, s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Dagleg stafræn útgáfa: vf.is og kylfingur.is Prentun: Landsprent.

VÍKURFRÉTTIR Á SUÐURNESJUM // 7

Jóla- og ljósahús Suðurnesjabæjar 2025 valin Veittar voru viðurkenningar fyrir fallegar jólaskreytingar í Suðurnesjabæ í gær, 19. desember, þegar fulltrúar Ferða-, safna- og menningarráðs heimsóttu íbúa þeirra húsa sem hlutu viðurkenningar í ár. Íbúar Suðurnesjabæjar hafa að venju verið duglegir að skreyta

heimili sín og lýsa upp skammdegið með jólaljósum og skreytingum. Val á jóla- og ljósahúsi var í höndum Ferða-, safna- og menningarráðs líkt og undanfarin ár og eru íbúum færðar innilegar hamingjuóskir. Jólahús Suðurnesjabæjar 2025 er Melbraut 23 í Garði og ljósahús

Nýr spjallbekkur hvetur til samtals í Skrúðgarðinum Kvenfélag Keflavíkur hefur fært Reykjanesbæ fallega gjöf, rauðan spjallbekk sem nú hefur verið settur upp í Skrúðgarðinum í Keflavík. Bekkurinn er hluti af verkefninu Vika einmanaleikans, sem haldin er í október og er vitundarvakning Kvenfélagasambands Íslands gegn einsemd og einmanaleika. Markmiðið er að hvetja fólk til að rjúfa félagslega einangrun, efla tengsl og skapa tækifæri til samtals í nærumhverfinu. Spjallbekkir eru tákn um hlýju og opnar dyr og minna á mikilvægi þess að staldra við, setjast niður og spjalla – hvort sem er við vini eða ný andlit. Með staðsetningu í hjarta Skrúðgarðsins verður til að-

gengilegur samverustaður fyrir alla aldurshópa. Reykjanesbær þakkar Kvenfélagi Keflavíkur innilega fyrir gjöfina og þann samfélagsanda sem hún stendur fyrir.

Suðurnesjabæjar 2025 er Bjarmaland 10 í Sandgerði. Sérstakar viðurkenningar hlutu Garðbraut 88 í Garði og Heiðarbraut 4 í Sandgerði. Meðfylg jandi myndir voru teknar við tilefnið og eru íbúar hvattir til að fara í gönguferðir og njóta jólaljósanna um allan bæ.

Melbraut 23 í Garði

Garðbraut 88 í Garði Bjarmaland 10 í Sandgerði

Næsta blað kemur út 14. janúar 2026

Heiðarbraut 4 Sandgerði

Stöndum vaktina á vf.is þangað til

Gleðilega hátíð og farsælt nýtt ár. Þökkum viðskiptin á árinu sem er að líða.

JÓLALUKKA VF VAR Í BOÐI HJÁ ÞESSUM VERSLUNUM w

30%

Ljósanæturafsláttur af allri vöru. Gildir til 7. september. OPIÐ VIRKA DAGA KL. 10–18 LOKAÐ LAUGARDAGA. Tímapantanir í síma 420-0077 og á www.reykjanesoptikk.is

KROSSMÓA

IÐAVÖLLUM

KROSSMÓA NJARÐVÍK

IÐAVÖLLUM KEFLAVÍK

er mætt á Hafnargötu 40

HÓLAGÖTU OG FITJUM

Fjarskiptapakkar og vörur í verslun á Ljósanæturtilboði Léttar veitingar á fimmtudags- og laugardagskvöld Börnin fá ljósabönd á laugardag á meðan birgðir endast

Tengdu.is/Kapalvæðing, býður alla fjarskiptaþjónustu í heimabyggð

8 // VÍKURFRÉTTIR Á SUÐURNESJUM

Minningarstund um brunann í Skildi í Keflavíkurkirkju. 90 ár frá hræðilegum bruna í litlu samfélagi.

Skjöldur og þorpið Árið er 1935. 1073 íbúar mynda Keflavík, þorpið við sjávarsíðuna hvar Skjöldur er eina samkomuhúsið. Ætíð er mikið fjölmenni í húsinu sem hýsir fjölbreytt félagsstarf … því bæjarbúar treysta á sjálfa sig hvað skemmtun varðar. Skjöldur er myndugt hús. Bárujárnsklætt með háalofti og leiksviði. Undir sviði er kjallari sem geymir dyr er liggja út. Einar þröngar útidyr opnast inn í salinn sem á eftir að reynast örlagaríkt. Skjöldur stendur við Templarastíg. Hinum megin við götuna er Guðshúsið. Frá 1932 hefur UMFK haft þann sið að halda jólatrésskemmtanir í Skildi fyrir börnin í þorpinu. Í ár hefur sýslumaður sett samkomubann sökum vanbúnaðar en lætur undan þrýstingi og veitir leyfi fyrir skemmtuninni í ár. Voðaatburður og viðbrögð Það er mánudagur 30. desember 1935. Hátíð er að hefjast. Prúðbúin börn streyma að Skildi, 180 talsins 6-14 ára. Tuttugu fullorðnir eru í húsinu. Veðrið er kyrrt. Snjóföl liggur yfir. Hiti rétt undir frostmarki. Eftirvænting í lofti. Salurinn fallega skreyttur. Eldri konur í peysufötum í óðaönn að undirbúa veitingar, kökur og heitt súkkulaði. Í miðju salar stendur stórt tré, skreytt lifandi ljósum. Börnin dansa í kringum tréð og syngja Göngum við í kringum einiberjarunn þegar skyndilega kviknar í trénu. Stóreyg horfa börnin á þegar eldur gleypir sig í tréð, á svipstundu læsir sig í loftið og niður eftir veggjum. Hitinn magnast, í dauðans ofboði þyrpast allir að útgöngudyrunum sem opnast inn og lokast fljótt vegna atgangs. Erfitt er að komast út. Einhverjir komast út um kjallaradyr. Í svartamyrkri og reyk er börnum nánast kastað út um gluggana, sum í ljósum logum. Samkomuhúsið brennur til kaldra kola á örfáum mínútum. Foreldrar koma hlaupandi úr öllum áttum, kvíði og ótti lýsa sér í

orðum og látbragði. Allir spyrja um börnin sín. Sum finna, önnur ekki en halda leit áfram. Guð er ákallaður út á götu. Guð minn, sendu mér drengina mína. Vörubílum er ekið upp á mela fyrir ofan þorpið, lýsa upp í heiði í von um að finna einhver hrædd börn sem þangað hafa leitað til að forðast eldinn. Helgi, eini læknirinn í þorpinu, er genginn til hvílu. Áður en varir er vinnustofan full af fólki. Helgi fær síðar vitnisburð um að hann vinnur kraftaverk í gegnum kvalarvein. Næstu dagar eru hryllingur í ásjónu. Á gamlársdag er grafið í rústum. Af og til sést hvítur dúkur breiddur yfir. Líkamsleifar finnast. Ekki er hægt að bera kennsl á öll líkin. Þrjú börn eru lögð saman í kistu. Aldrei hafa fleiri, svo vitað sé, látið lífið í bruna á Íslandi frá því á Sturlungaöld. Tíu deyja. Tugir slasast. Mörg bera ör til æviloka. Erfitt er að segja um gróanda andlegu sáranna. Þorpið lamast, félagslífið hverfur. Það líður langur tími þar til kveikt er á kvertum í Keflavík.

Viðbrögð Sálræn skyndihjálp er hugtak sem þorpið þekkir ekki … en á sannarlega sér stað í kvöld. Þorpsbúar þyrpast út á Templarastíg, styðja strax við, reyna að koma öðrum í jafnvægi, setja upp sjúkrastofur í hverju húsi, gefa frá sér samtal. Veita líkamlega og andlega aðhlynningu til einstaklinga sem þjást. Langt í frá sé þetta skipulögð aðgerðaráætlun öllu heldur skjót ósjálfráð viðbrögð. Hver sem hefur burði til, gengur í hlutverk, gefur nálægð, hlýju, umhyggju og virkjar sinn mannlega hæfileika, að hlusta. Þorpið bregst við. Kefvíkingar kveðja árið í kvölum, taka á móti nýju með komandi kveðjustundum. Í hverju húsi er harmur yfir örlögum. Líðan og lyktin er óbærileg. Kærleikurinn svífur yfir í verkum, orðum, augnráði og umhyggju. Heimabúið er borið á milli húsa, saumað, prjónað, þau sem eru aflögufær leggja til aur. Tilfinningar hellast yfir. Léttir: Mitt barn skilaði sér heim. Samviskubiti að upplifa létti.

Ásökun: Mín mesta eftirsjá er að flytja með fjölskylduna til Keflavíkur, nú er dóttir mín dáin. Reiði: Af hverju var undanþágu veitt fyrir skemmtun. Skömm: Ég sendi 6 ára son minn einan á skemmtunina. Sorg: Þessi nístandi sársauki. Fljótt er sammælst í þögn; Segjum sem minnst, hlífum börnum, legg jum hulu yf ir og höldum áfram.

Kirkjan og presturinn Kirkjan stendur opin, borin eru inn þau látnu. Kirkjan tekur á móti þeim sem þar leita athvarfs og veitir birtu sem er ein þess að láta sorgarmyrkur dvína. Síðar sammælist fólk að trúin eflist í brjósti fólks í samfélaginu eftir 30.12.1935. Þjónusta sr. Eiríks Brynjólfssonar er einkennandi fyrir þetta tímabil í sögu þjóðar þar sem presturinn er allt í öllu. Hann sér um allar kirkjulegar athafnir. Sálusorgari og leiðtogi samfélags. Í hreppsnefnd hefur hann áhrif á úrlausnir veraldlegra mála, mótandi áhrif á unga fólkið með kennslustörfum sínum. Á sama tíma er hann bóndi, vinnur öll venjuleg bústörf. Hann auðgar menningarlíf, æfir kóra og heldur söngskemmtanir. Presturinn er fremstur meðal jafningja, lifir og starfar meðal sóknarbarna sinna á mörgum sviðum mannlífs. Eiríkur setur markið hátt, stofnar skóla í þrem byggðarlögum. Hann trúir því að menntun sé menning. Aðalsmerki mannssálar er að

vaxa, að víðsýni og þekkingu. Eiríkur hlustar eftir þörfum, sérlega umhugað um börn og ungmenni. Kann samtalið, hverjar eru vonir fólks og draumar, miðlar þeim af bjartsýni sinni og baráttugleði. Hefur ætíð glöggt auga fyrir líðan sóknarbarna. Brýnir fyrir þeim að aldrei megi gefast upp fyrr en að fullreyndu. Sr. Eiríkur er síðastur út úr samkomuhúsi með logandi hár og hendur. Mörg vinna frækilegt björgunarstarf. Varna því að ekki fari enn verr. Allra mest sr. Eiríkur. Sigurgeir biskup segir: sr. Eiríkur ber heiðursmerki á höndum sér. Eftir brunann liggur Eiríkur lengi á sjúkrahúsi í Reykjavík. Á meðan annast sr. Friðrik, leiðtogi KFUM, útfarir þeirra sem deyja. Fólk segir Eirík ásaka sjálfan sig alla tíð, nefnir aldrei brunann við nokkurn. Hann flytur og starfar til æviloka í Lútherskri kirkju Vancuver í Kanada. Börn hans hafa ekki hugmynd um hvernig hann hlýtur þau ör sem hann ber ekki fyrr en eftir andlát Eiríks. Þau koma til Íslands og heyra söguna um Skjöld. Títt er spurt: Hvernig hefði samfélagið þroskast eftir voðaslys með hörmulegum afleiðingum ef sálusorgar og leiðtogi samfélagsins hefði notið við. Hefði sagan verið sögð með öðrum hætti.

Sagan í samfélaginu í dag Bruninn er ávallt ávarpaður með greini, stundum skrifaður með stórum staf. Bruninn í Skildi er titill bókar sem kom út að 70 árum liðnum, heimildarvinnan og skrif unnin af nærgætni og virðingu af Dagnýju Maggýjar. Á fundi Lionsklúbbs Keflavíkur les höfundur úr nýútkominni bók er öldungur stendur upp með orðum: Það er ekki tímabært að tala um þennan atburð. Sjálfur missti hann bróður og ömmu. Af sárindum yfir efni jólafundar segir hann sig í kjölfarið úr klúbbnum sem hann stofnaði og tilheyrði í meira en hálfa öld. Þetta er ein birtingarmynd sem hefur sveipað sig um söguna í 90 ár. Þetta er saga samfélags en við skulum þó hafa hljótt um hana. Meðvitað, síðustu ár eru leikog grunnskólabörn frædd um brunann þegar gengið er að látlausu minnismerki sem stendur á grunni Skjaldar. Skilningur samfélagsins í dag er mikilvægi þess að hverja sögu verði að segja, hvort sem er saga hamingju eða saga harma. Aðstandendur þeirra er létust og lifðu hafa margir hverjir enn hljótt um Brunann í Skildi. Erla Guðmundsdóttir, sóknarprestur í Keflavíkurkirkju, flutti þennan texta í minningarstund í kirkjunni í lok nóvember.

Kór Keflavíkurkirkju söng á minningarstundinni og Dagný Maggýjar og Sr. Erla Guðmundsdóttir fluttu ávörp. VF/pket.

Fjölmenni var á minningarstundinni í Keflavíkurkirkju. Margir fylgdu Dagnýju ganga með blomsveiginn að minnismerkinu sem er staðsett á reitnum þar sem Skjöldur stóð.

VÍKURFRÉTTIR Á SUÐURNESJUM // 9

Dagný Maggýjar setti blómsveig á minningarstein sem er staðsettur þar sem Skjöldur stóð. Hún gaf út bók um brunann fyrir fimmtán árum. VF/pket.

90 ár frá brunanum í Keflavík Atburður sveipaður þögn Þann 30. desember 1935 varð eldur laus á jólatrésskemmtun barna í samkomuhúsinu Skildi í Keflavík með þeim afleiðingum að 10 létu lífið, þar af sjö börn. 90 ár eru liðin frá atburðinum sem var mikið áfall fyrir lítið samfélag en aldrei hafa fleiri látið lífið í bruna á Íslandi að vitað sé. Missirinn var mikill og margir hlutu alvarleg brunasár. Skjöldur var helsta samkomuhúsið í bænum og rekið af Ungmennafélagi Keflavíkur. Þar fór fram fjölbreytt starfsemi og má þar nefna bíósýningar, skemmtanir og dansleiki en þar voru einnig haldnar íþróttaæfingar félagsins. Þótt bruninn væri hörmulegur hefði getað farið verr. Margir unnu óeigingjarnt hjálparstarf og komu þannig í veg fyrir enn meira tjón og mannskaða.

Sorgin var lamandi fyrir lítið samfélag og var atburðurinn lengi hjúpaður þögn. Börnin sem sóttu jólaskemmtunina voru skilin eftir ein með sína sorg og það sem þau sáu. Þögnin er dýr og lifir kynslóð fram að kynslóð - og sárið helst opið. Heilun hefst ekki þegar tíminn líður, heldur þegar samfélag þorir að nefna sárið. Að tala um atburðinn, viðurkenna missinn og leyfa sorginni að fá rödd. Ég fann það þegar ég talaði við þá einstaklinga sem upplifðu þennan atburð að hann var ljóslifandi í þeirra minni. Það var stutt í tárin. Ég er þeim öllum þakklát sem sögðu söguna sína, þótt erfitt væri. Því hún gaf næstu kynslóðum svör við spurningum sem aldrei var hægt að nefna upphátt. Þannig gat sagan haldið áfram. Minnumst þeirra sem létu lífið þennan dag, með því að tala um

atburðinn heiðrum við minningu þeirra og heilum þetta stóra sár. Með því að minnast atburðarins minnumst við líka þeirra sem sýndu hetjudáð og lögðu líf og limi í hættu - svo ekki fór verr. Dagný Maggýjar flutti þessi orð á minningarstundinni en hún gaf út bók um brunann fyrir fimmtán árum.

Hjartans þakkir fyrir liðið ár. Við hlökkum til áframhaldandi góðs samstarfs við að styrkja Suðurnesin og skapa ný tækifæri á komandi ári. Starfsfólk Kadeco

Leikskólinn Gimli orðinn UNESCO skóli Leikskólinn Gimli í Reykjanesbæ hefur hlotið formlega viðurkenningu sem UNESCO-skóli og er þar með fyrsti leikskólinn á Suðurnesjum og annar á Íslandi sem gengur til liðs við alþjóðlegt skólanet Menningarmálastofnunar Sameinuðu þjóðanna. Viðurkenningin er mikilvægur áfangi fyrir skólann, sem um árabil hefur byggt starf sitt á gildum sem samræmast heimsmarkmiðum og áherslum UNESCO. UNESCO-skólar vinna að fræðslu og uppeldi með áherslu á alþjóðleg málefni, lýðræði, mannréttindi, fjölmenningu og heimsmarkmið Sameinuðu þjóðanna með það að leiðarljósi að efla frið, virðingu og víðsýni. Starfsfólk Gimli segir að hugsjónir skólans og gildi UNESCO falli vel saman; í daglegu starfi hafi verið lögð áhersla

á jafnrétti, kærleika, umhyggju og virðingu. Gimli starfar eftir Hjallastefnunni, þar sem mannrækt barna og starfsfólks er í forgrunni. Kennarar vinna í lotum yfir árið með áherslu á meðal annars aga, sjálfstæði, samskipti, vináttu og áræði. Skólinn hefur einnig kennt jóga frá 2007 og vinnur með núvitund og náttúrutengsl í vettvangsferðum allt árið. Ferlið að UNESCO-viðurkenningu hófst í kjölfar kynningar haustið 2024 og sótti Gimli um á vormánuðum 2025; umsóknin var samþykkt síðla árs. Gimli mun meðal annars vinna sérstaklega með heimsmarkmið 12 – Ábyrg neysla og framleiðsla, og flagga UNESCO-fánanum 5. júní og 15. september ár hvert.

NÝTT EFNI Á YOUTUBE-RÁS VÍKURFRÉTTA OG VF.IS

10 // VÍKURFRÉTTIR Á SUÐURNESJUM

Guðmundur Leo dúx FS á haustönn með 9,71 í meðaleinkunn Fjölbrautaskóli Suðurnesja útskrifar 54 nemendur af haustönn Brautskráning haustannar og skólaslit Fjölbrautaskóla Suðurnesja fóru fram föstudaginn 19. desember. Að þessu sinni útskrifuðust 54 nemendur; 32 stúdentar, 13 úr verk- og starfsnámi, 7 iðnmeistarar, 2 luku prófi af tölvuleikjabraut Keilis og 2 útskrifuðust af starfsbraut. Þess má geta að sumir luku prófi af fleiri en einni braut. Konur voru 30 en karlar 24. Alls komu 39 úr Reykjanesbæ, 9 úr Suðurnesjabæ, tveir úr Grindavík og Vogum og einn úr Reykjavík og Hafnarfirði. Dagskráin fór fram á sal skólans og var með hefðbundnu sniði en athöfninni var einnig streymt. Kristján Ásmundsson skólameistari afhenti prófskírteini og flutti ávarp og Guðlaug Pálsdóttir aðstoðarskólameistari flutti yfirlit yfir störf annarinnar. Sunneva Bergmann Ásbjörnsdóttir nýstúdent flutti ávarp fyrir hönd brautskráðra og Ívar Valbergsson vélstjórnarkennari flutti útskriftarnemendum kveðjuræðu starfsfólks. Að venju var flutt tónlist við athöfnina en þar léku nemendur skólans sem eru einnig nemendur í Tónlistarskóla Reykjanesbæjar. Kristófer Orri Grétarsson, Matthías Sigurþórsson og Sindri Sveinsson léku á gítar ásamt kennara sínum, Arnari Frey Valssyni. Rannveig Jónsdóttir lék svo á selló en Mariia Ishchenko lék undir á píanó.

Við athöfnina voru veittar viðurkenningar fyrir góðan námsárangur og þátttöku í félagslífi en yfirlit yfir verðlaunahafa má sjá hér. Kristján Ásmundsson skólameistari afhenti 100.000 kr. námsstyrk úr skólasjóði en hann er veittur þeim nemanda sem er með hæstu meðaleinkunn við útskrift og hlaut Guðmundur Leo Rafnsson styrkinn. Guðmundur Leo hlaut einnig 30.000 kr. styrk frá Landsbankanum fyrir hæstu einkunn á stúdentsprófi en hann útskrifaðist af raunvísindabraut með 9,71 í meðaleinkunn. Ragnheiður Gunnarsdóttir afhenti við athöfnina styrki úr styrktarsjóði Fjölbrautaskóla Suðurnesja. Sjóðurinn var stofnaður af Kaupfélagi Suðurnesja og Gunnari Sveinssyni, fyrrverandi kaupfélagsstjóra og fyrsta formanni skólanefndar Fjölbrautaskóla Suður-

Verðlaunahafar FS á haustönn 2025.

nesja. Tilgangur sjóðsins er að efla og auka veg skólans með því að styrkja nemendur skólans til náms, að styðja við starfsemi sem eflir og styrkir félagsþroska nemenda og að veita útskriftarnemendum viðurkenningar fyrir frábæran árangur í námi og starfi. Þau Berglind Harpa Óladóttir, Rakel Elísa Haraldsdóttir, Stefan Bodrozic, Thelma Kristín Kristinsdóttir og Stefan Bodrozic fengu öll 40.000 kr. styrk fyrir góða frammistöðu í tjáningu og ræðumennsku. Við athöfnina veitti skólameistari Elínu Rut Ólafsdóttur áfangastjóra og Ívari Valbergssyni vélstjórnarkennara gullmerki Fjölbrautaskóla Suðurnesja en þau hafa bæði starfað við skólann í 25 ár. Það er hefð að veita starfsfólki skólans þessa viðurkenningu við þessi tímamót.

Guðmundur Leo Rafnsson, dúx FS á haustönn 2025. Myndir/Oddgeir Karlsson.

Viðurkenningar á útskrift á haustönn 2025 Á útskrift haustannar voru að venju veittar viðurkenningar fyrir góða frammistöðu í námi. Að þessu sinni voru sex útskriftarnemendur með yfir 9 í meðaleinkunn en Guðmundur Leo Rafnsson var með hæstu einkunn við útskrift en hann var með 9,71 í meðaleinkunn. Á myndinni með fréttinni eru verðlaunahafar, frá vinstri eru Guðmundur Leo, Katrín Tinna, Fjóla Margrét, Jóhanna Ýr, Halldóra Rún, Deriana, Sunneva og Stefan. Guðmundur Leo Rafnsson fékk viðurkenningar frá Verkfræðistofu Suðurnesja og Stærðfræðifélaginu fyrir góðan árangur í stærðfræði, verðlaun frá Þýska sendiráðinu fyrir árangur sinn í þýsku

og gjöf frá Landsbankanum fyrir góðan árangur í stærðfræði og raungreinum. Guðmundur Leo hlaut Raungreinaverðlaun HR sem veitt eru fyrir góðan árangur í raungreinum á stúdentsprófi. Um er að ræða bókaverðlaun, auk þess sem verðlaunahafar sem kjósa að hefja nám við Háskólann í Reykjavík fá niðurfelld skólagjöld fyrstu önnina í námi. Guðmundur Leo fékk námsstyrk úr skólasjóði en hann er veittur þeim nemanda sem er með hæstu meðaleinkunn við útskrift og hlaut Guðmundur 100.000 kr. styrk. Hann fékk einnig 30.000 kr. styrk frá Landsbankanum fyrir hæstu einkunn á stúdentsprófi.

Fjóla Margrét Viðarsdóttir fékk viðurkenningar fyrir góðan árangur í ensku og spænsku, viðurkenningu frá Verkfræðistofu Suðurnesja fyrir góðan árangur í stærðfræði og gjafir frá Landsbankanum fyrir góðan árangur í íslensku og erlendum tungumálum. Sunneva Bergmann Ásbjörnsdóttir fékk viðurkenningar fyrir góðan árangur í ensku, íslensku og spænsku og hún fékk einnig viðurkenningu frá Verkfræðistofu Suðurnesja fyrir góðan árangur í stærðfræði. Stefan Bodrozic hlaut viðurkenningar fyrir góðan árangur í stærðfræði, forritun,

vefforritun, tölvugreinum og íslensku sem annað tungumál. Halldóra Rún Gísladóttir fékk verðlaun frá þýska sendiráðinu fyrir árangur sinn í þýsku og viðurkenningu frá Þekkingarsetri Suðurnesja fyrir góðan árangur í náttúrufræðigreinum. Deriana Fortes Gomes fékk viðurkenningar fyrir góðan árangur í fata- og textílgreinum og fyrir árangur sinn í listasögu. Jóhanna Ýr Óladóttir fékk viðurkenningu fyrir góðan árangur í stærðfræði. Katrín Tinna Snorradóttir hlaut viðurkenningu fyrir góðan árangur í sögu. Sara Mist Atladóttir fékk viðurkenningu fyrir góðan árangur í sálfræði.

Gleðilega hátíð Á bak við jólaljósin, hlýjuna og þægindin heima erum við! Starfsfólk HS Veitna óskar landsmönnum öllum gleðilegra jóla og farsældar á komandi ári

hsveitur.is

12 // VÍKURFRÉTTIR Á SUÐURNESJUM

Samfélag á krossgötum Ekki eru allir stormar til að sökkva skipum, sumir breyta stefnu. Með þessum orðum vil ég deila með ykkur að ég hef ákveðið að bjóða mig fram í leiðtogaprófkjöri Sjálfstæðisflokksins í Reykjanesbæ 31. janúar 2026. Í sveitarstjórnarkosningunum 2026 fá sveitarstjórnarmenn tækifæri til að endurnýja umboð sitt og nýjum frambjóðendum gefst færi á að koma að borðinu með nýja sýn og breyttar áherslur. Ég fell þar undir síðari hópinn en með framboði mínu boða ég nýja og breytta nálgun á stjórnmálin í Reykjanesbæ. Ég bý ekki yfir áralangri reynslu úr stjórnmálum, þótt ég hafi fylgst mjög vel með og tekið virkan þátt í samfélaginu mínu. Ný nálgun er nauðsynleg fyrir sveitastjórnarstigið. Reykjanesbær þarf að reka meira eins og skilvirkt fyrirtæki og minna eins og opinber, hægfara stofnun. Það er ekki nóg að reksturinn líti vel út á blaði þegar bæjarbúar upplifa algjöra andstæðu á eigin skinni. Ég er menntaður viðskiptafræðingur frá Háskóla Reykjavíkur og starfa sem framkvæmdastjóri Bílaleigunnar Geysis. Ég er fæddur og uppalinn í Reykjanesbæ og bý í Keflavík ásamt eiginkonu minni, Gígju Sigríði Guðjónsdóttur. Saman eigum

við tvö börn á leik- og grunnskólaaldri og þar af leiðandi hef ég upplifað frá fyrstu hendi þau endurteknu vandræði sem Reykjanesbær hefur átt í skólamálum sínum. Með breyttum áherslum eru hins vegar verkefni sem hefur verið sýnt fram á áður að vel megi leysa. Ég ólst upp í metnaðarfullu samfélagi með skýra stefnu. Reykjanesbær var líflegur, fjölskyldu-, íþrótta- og menningarbær. Þá var stefna bæjarins að reka hér bestu skóla landsins og með skýrum, mælanlegum markmiðum náðum við markverðum árangri. Reykjanesbær er vagga íslenskrar tónlistar- og íþróttamenningar og við megum aldrei hætta að rækta

okkar sérkenni. Við þurfum að þora að vera stolt af því sem við gerum og tala okkur upp. Þannig löðum við að fólk og fyrirtæki sem vilja taka þátt í þessu frábæra samfélagi. Samfélagið okkar í Reykjanesbæ stendur á krossgötum. Við búum yfir einum mestu tækifærum landsins með aðgengi að einstökum innviðum í kringum alþjóðaflugvöll og stórskipahöfn en því miður hefur okkur ekki tekist nógu vel að byggja upp fjölbreytt atvinnulíf í bænum, en það er hægt að breyta því. Til að gera Reykjanesbæ að spennandi fjárfestingakosti þurfum við skilvirka stjórnsýslu sem ryður veginn fyrir fyrirtæki og einstaklinga. Ég hlakka til að eiga samtal við íbúa Reykjanesbæjar næstu vikur og kynna betur mína sýn og áherslur. Við eigum öfluga forystumenn í þinginu sem mikilvægt er að styðja til að vinna betur fyrir Reykjanesbæ. Ég býð mig ekki aðeins fram fyrir flokkinn í bænum heldur fólkið í bænum og hvet ég því alla sem hafa áhuga á bæjarmálunum að slá á þráðinn til mín. Virðingarfyllst, Ásgeir Elvar Garðarsson.

ÍAV óskar eftir að ráða tækjamenn og bílstjóra ÍAV óskar eftir að ráða tækjamenn á belta- og hjólagröfur og bílstjóra á 4-öxla bíla og trailera. Vinnutími er að jafnaði frá 07:30 til 17:00, en getur verið breytilegur eftir veðri og stöðu verkefna. ÍAV er eitt stærsta og öflugasta verktakafyrirtæki landsins og er félagið öflugur þátttakandi á öllum sviðum byggingariðnaðar, mannvirkjagerðar og jarðvinnuverkefna.

Menntunar- og hæfniskröfur • Tækjaréttindi eða meirapróf • Reynsla af stjórnun vinnuvéla • Geta til að vinna sjálfstætt • Góð íslensku- eða enskukunnátta er nauðsynleg ÍAV er með vottað jafnlaunakerfi og hvetur áhugasama til að sækja um. Umsóknarfrestur er til og með 22. janúar nk. https://alfred.is/starf/taekjamenn-og-bilstjorar Nánari upplýsingar veitir Heiðar í síma 693 4222 / Alda í síma 774 1793

ÍAV gerir brimvarnargarð við Njarðvíkurhöfn Atvinnu- og hafnarráð Reykjanesbæjar hefur samþykkt að gengið verði til samninga við Íslenska aðalverktaka hf. um byggingu 470 metra brimvarnargarðs sunnan við Njarðvíkurhöfn. Verkið var boðið út í kjölfar ákvörðunar ráðsins á 301. fundi þess 22. október og rann tilboðsfrestur út 2. desember. Alls bárust

níu tilboð, þar af fjögur undir kostnaðaráætlun. Vegagerðin, sem er ráðgjafi Reykjaneshafnar við framkvæmdina, lagði til að samið yrði við Íslenska aðalverktaka hf. sem lægstbjóðanda. Ráðið samþykkti tillögu Vegagerðarinnar og fól Halldóri K. Hermannssyni, sviðsstjóra atvinnu- og hafnarsviðs, að fylgja málinu eftir.

Tvöföldun Reykjanesbrautar um Reykjanesbæ verði flýtt Bæjarfulltrúar Reykjanesbæjar lýsa óánægju með ákvörðun samgönguráðherra um að seinka tvöföldun Reykjanesbrautar á kaflanum frá Rósaselstorgi til Fitja og krefjast þess að framkvæmdinni verði flýtt, ekki frestað. Þetta kemur fram í bókun allra bæjarfulltrúa sem Guðbergur Reynisson lagði fram á fundi bæjarstjórnar 16. desember 2025. Í bókuninni óska bæjarfulltrúar íbúum og Suðurnesjamönnum til hamingju með opnun tvöföldunar Reykjanesbrautar frá Hvassahrauni til Rauðhellu en leggja áherslu á að það sé óboðlegt að einn fjölfarnasti vegkafli landsins sé enn einfaldur um Reykjanesbæ. Bent er á að um Reykjanesbrautina aki að meðaltali 22 til 25 þúsund bílar á sólarhring og að umferð frá Flugstöð Leifs Eiríkssonar að tvöföldun við Fitjar fari nú um einfaldan vegkafla í gegnum bæinn.

Bæjarfulltrúar ítreka bókun sína frá 2. september þar sem hvatt var til þess að ríkisstjórn, alþingismenn, samgönguráð og samgöngunefnd flýti tvöfölduninni, enda sé ólíðandi að bíða þurfi í allt að 10 ár, eða jafnvel lengur, eftir að 40 kílómetra kafli sem ber yfir 25 þúsund bíla á dag verði tvöfaldaður. Lagt er til að kaflanum Rósaselstorg–Fitjar verði flýtt um tvö ár fremur en að honum sé ýtt aftar í samgönguáætlun.

Krefst fullrar vetrarþjónustu á Nesvegi og flýtingar hafnarframkvæmda Bæjarstjórn Reykjanesbæjar skorar á Vegagerðina að setja Nesveg strax í fulla vetrarþjónustu og tryggja að vegurinn þoli þann umferðarþunga sem fyrirsjáanleg atvinnuuppbygging á Reykjanesi mun kalla á. Þetta kom fram í bókun atvinnu- og hafnarráðs sem Alexander Ragnarsson lagði fram á fundi bæjarstjórnar 16. desember og tók bæjarstjórn undir í heild sinni. Í bókuninni er bent á að atvinnulíf byggi á greiðum og öruggum samgöngum og að stór fjárfesting í nýjum atvinnutækifærum sé nú í gangi á Reykjanesi, þar sem unnið sé að stórauknum framleiðsluiðnaði sem krefjist mikilla þungaflutninga. Nesvegurinn tengi vaxandi atvinnustarfsemi á Reykjanesi við Hafnaveg og þaðan inn í bæjarfélagið, en fyrirséð sé að vegurinn muni ekki bera verulega aukinn umferðarþunga nema

ráðist verði í framkvæmdir og uppbyggingu. Einnig er Nesvegur sagður mikilvæg tenging við Grindavík og Suðurstrandarveg, bæði sem öxull atvinnuuppbyggingar og ferðaþjónustu og ekki síst sem almannavarnainnviður fyrir íbúa Reykjaness. Vetrarþjónusta á veginum sé óásættanleg þar sem hann sé takmarkað þjónustaður þrjá daga í viku þrátt fyrir starfsemi á svæðinu alla daga ársins.

Það eru 6 nýjir þættir í jólaog áramótadagskrá á vf.is

VÍKURFRÉTTIR Á SUÐURNESJUM // 13

„Ekki annars flokks gámabygging heldur nútímaleg byggingaraðferð“

NÝ BUR AR

Ný bráðabirgðalögreglustöð í Keflavík reist á mettíma með einingahúsum Stólpa Ný bráðabirgðalögreglustöð við Hringbraut í Keflavík er gott dæmi um hvað nútímaleg einingabygging getur gert fyrir opinbera innviði. Þetta segir Börkur Grímsson, forstjóri Stólpa, sem sá um framkvæmdina fyrir Framkvæmdasýslu ríkisins. Hilmar Bragi Bárðarson hilmar@vf.is

Verkefnið varð til þegar þörf skapaðist fyrir skjótvirka lausn vegna myglu á efri hæð gömlu lögreglustöðvarinnar í Keflavík og mikilla þrengsla í húsnæðinu. Nauðsynlegt var að koma starfsfólki í heilnæmt húsnæði á stuttum tíma án þess að slaka á kröfum um gæði. „Þetta er dæmigert innviðaverkefni sem Framkvæmdasýslan fer með í útboði,“ segir Börkur. „Við vildum taka þátt í metnaðarfullu verkefni þar sem ríkið leysir raunverulegan innviðavanda, án þess að slá af neinum kröfum, bara gera hlutina á hagkvæman hátt og á miklu skemmri tíma.“

Einingabygging í stað hefðbundinnar steypu Lögreglustöðin er byggð úr sérhönnuðum húseiningum sem byggja á „gámalausn“ en eru langt frá því að vera hefðbundnir vinnubúðargámar. Þorleifur Björnsson, arkitekt hjá Glóru í Reykjanesbæ og aðalhönnuður mannvirkisins, segir að grunnurinn sé sá sami og notaður er í gámaflutningum, staðlaðar stærðir þar sem eru svo þróaðar áfram fyrir mismunandi notkun. Einingarnar eru framleiddar innandyra í verksmiðju erlendis við kjöraðstæður, með fullum frágangi að innan: gólf, loft, innveggir og einangrun. Þær eru svo fluttar til landsins, settar á steyptar undirstöður og tengdar saman á byggingarstað.

„Það er mikil vöruþróun í gangi með þessar lausnir,“ segir Börkur. „Birgjar okkar í Evrópu eru að keppa á mjög kröfuhörðum mörkuðum, meðal annars í Þýskalandi og Hollandi. Þeir framleiða einingar sem uppfylla stöðugt strangari kröfur, og húsin standast allar íslenskar byggingarreglugerðir.“

Stúlka fæddis á ljósmæðravakt HSS 5. desember 2025 Þyngd: 3348 grömm. Lengd: 52 sentimetrar. Foreldrar: Ragna Dögg Marínósdóttir og Michael D. Hernandez Pericaguan. Þau eru búsett í Reykjanesbæ. Ljósmóðir: Stefanía Ósk Margeirsdóttir Nemi: Hjördís Ósk Gísladóttir

30% ódýrara og miklu hraðvirkara Að sögn þeirra sem að verkinu komu er kostnaðar- og tímasparnaður verulegur miðað við hefðbundna byggingu. Þorleifur bendir á að einingabygging geti verið um 30% ódýrari en hefðbundin byggingaraðferð, án þess að dregið sé úr gæðum. Þar að auki sparist mánuðir, jafnvel ár, í framkvæmd. „Ef þú færð mannvirki í notkun á 12 mánuðum í stað 30, þá er ávinningurinn miklu meiri en byggingarkostnaðurinn einn og sér. Fjármagnskostnaður, skipulag og tíminn sjálfur skiptir gríðarlega miklu máli,“ segir Börkur. Samningur um lögreglustöðina var gerður snemma á árinu, einingar fóru að berast til landsins í júlí og húsið var tilbúið þann 1. september. „Frá því einingarnar koma á staðinn og þar til húsið er fullbúið líða um það bil tveir mánuðir,“ segir Börkur.

Gámabygging með gæðum hefðbundins húss Börkur viðurkennir að enn séu til fordómar gagnvart svokölluðum gámabyggingum, en segir þá byggjast á úreltum hugmyndum.

Börkur Grímsson, forstjóri Stólpa og Þorleifur Björnsson, arkitekt hjá Glóru í Reykjanesbæ. VF/hilmarbragi

Ný varðstofa lögreglunnar. „Við viljum ekki horfa á þetta sem einhvers konar annars flokks lausn heldur sem byggingaraðferð,“ segir hann. „Notagildið og upplifun notenda af þessu húsi er þannig að flestir myndu halda að þetta væri hefðbundið hús.“ Hann nefnir styrk í gólfum, hljóðvist, lofthæð og frágang sem lykilatriði. Veggir eru málaðir, frágangur vandaður og hljóðeinangrun í samræmi við kröfur. „Það skiptir máli hvernig hljóð berst á milli rýma, hvernig dyr lokast og hvernig upplifun er af húsinu í daglegu lífi. Allt þetta er hannað til að standast sömu kröfur og í venjulegri steinsteyptri byggingu.“

Bráðabirgðalausn – en með líftíma upp á áratugi

Starfsmannaaðstaða lögreglu.

Nýja viðbyggingin við lögreglustöðina við Hringbraut í Keflavík. Myndir frá Stólpa.

Þó að um „bráðabirgða“ lögreglustöð sé að ræða segir Þorleifur að ekkert sé því til fyrirstöðu að slík bygging standi í áratugi.

„Það er ekkert sem segir að svona hús séu ekki í notkun í 30–40 ár,“ segir hann og bendir á að hefðbundinn líftímaútreikningur húsnæðis sé oft miðaður við um 30 ár áður en farið er í umfangsmiklar endurbætur, hvort sem um er að ræða einingahús eða hefðbundna byggingu. Einingarnar geta líka fengið nýtt hlutverk síðar. Þær má færa á annan stað eða umbreyta, til dæmis í skóla- eða leikskólahúsnæði eða jafnvel frístundahús. „Reykjanesbær hefur til dæmis verið með tímabundinn skóla á malarvellinum við Hringbraut í svona gámaeiningahúsi sem verður síðar leikskóli,“ segir Þorleifur. „Það er ákveðinn innviður sem er hægt að nýta áfram.“

Fleiri verkefni í pípunum Stólpi og samstarfsaðilar félagsins hafa á undanförnum árum tekið þátt í fjölda verkefna á borð við tímabundnar skólabyggingar, meðal annars við Stapaskóla í Reykjanesbæ, auk nýrra verkefna tengdum bráðamóttöku í Fossvogi og skólum á höfuðborgarsvæðinu. Börkur segir að jákvæð reynsla af lögreglustöðinni í Keflavík gefi tóninn fyrir áframhaldandi uppbyggingu innviða með einingabyggingu. „Það er gríðarleg þörf fyrir húsnæði; í heilbrigðiskerfinu, á hjúkrunarheimilum, í skólum og alls konar opinberum rekstri,“ segir hann. „Ef ríkið og sveitarfélögin horfa til þessarar lausnar sem fullgildrar byggingaraðferðar, sem getur leyst vandamál á mánuðum en ekki árum, án þess að slaka á gæðum, þá er þetta frábær kostur fyrir samfélagið.“

Drengur fæddist á Ljósmæðravakt HSS 11. desember 2025 Þyngd: 3198 grömm. Lengd: 50 sentimetrar. Foreldrar: Kristín Jessica Adeledóttir og Arnar Halldórsson. Þau eru búsett í Sandgerði Ljósmóðir: Stefanía Ósk Margeirsdóttir

Stúlka fæddist á ljósmæðravakt HSS þann 12. desember 2025 Þyngd: 4272 grömm Lengd: 53 sentimetrar Foreldrar: Bryndís Hallsdóttir og Heiðar Hildiberg Aðalsteinsso.n Fjölskyldan er búsett í Reykjanesbæ. Ljósmóðir: Hugljúf Dan Jensen Nemi: Hjördís Ósk Gísladóttir

Drengur fæddist á Ljósmæðravakt HSS 18. nóvember 2025 Þyngd: 3520 grömm Lengd: 52 sentimetrar Foreldrar: Aníta Harpa Jósepsdóttir og Sigurður Vignir Halldórsson. Þau eru búsett í Reykjanesbæ Ljósmóðir: Sara Björg Pétursdóttir

14 // VÍKURFRÉTTIR Á SUÐURNESJUM

Samstarf VF og FKA Suðurnes Markmið með verkefninu er að vekja athygli á FKA konum í atvinnulífinu á Suðurnesjum, fyrirtækjunum þeirra eða verkefnunum sem þær sinna og sýna hversu megnugar og magnaðar þær eru.

Frá opnun Skjólsins. Mynd af vef Reykjanesbæjar.

Skjólið opnar í nýju húsnæði Skjólið, frístund fyrir börn og ungmenni með langvarandi stuðningsþarfir, hefur opnað í nýju og rúmbetra húsnæði að Grænásbraut 910 í Reykjanesbæ. Um miðjan nóvember var haldin glæsileg opnunarhátíð í nýrri aðstöðu sem hefur verið sérstaklega sett upp til að mæta fjölbreyttri starfsemi Skjólsins og styrkja enn frekar þjónustu við börn og fjölskyldur sem treysta á úrræðið. Flutningurinn markar mikilvægan áfanga í þróun þjónustunnar og bætir bæði aðbúnað og möguleika til framtíðar. Nýja húsnæðið er fjölnota þjónusturými þar sem fer fram dagleg starfsemi Skjólsins, hópastarf og Ævintýrasmiðjan yfir sumarmánuðina. Með bættum aðstæðum skapast betra vinnuumhverfi fyrir starfsfólk og aukið svigrúm til að byggja upp skapandi, öruggt og stuðningsríkt rými fyrir börnin. Á opnunarhátíðinni komu saman margir sem hafa lagt verkefninu lið. Stjórnendur Skjólsins færa öllum sem komu að undirbúningi og framkvæmd innilegar þakkir, þar á meðal velferðarráði, starfsfólki velferðarsviðs og umhverfis- og framkvæmdasviðs, styrktaraðilum á borð við Blue-bílaleigu, starfsfólki Skjólsins og ekki síst fjölskyldum og börnum. Þá er einnig þakkað stjórnendum og starfsfólki 88 hússins og Fjörheima fyrir gott samstarf undanfarin ár. Styrkir félagasamtaka og annarra aðila eru lykilþáttur í starfseminni, meðal annars til kaupa á leiktækjum og búnaði sem nýtist beint börnum og fjölskyldum.

Birgitta Ósk Helga Birgisdóttir er FKA Suðurnes kona mánaðarins í Víkurfréttum

„Ég elska að byggja upp, tengjast fólki og hafa gaman í leiðinni“ Birgitta Ósk Helga Birgisdóttir er 50 ára og einn af eigendum Bústoðar og Snúrunnar. Hún er með ræturnar sínar á Borgarfirði eystra en hefur búið í Ytri Njarðvík (Reykjanesbæ) síðan í febrúar 2020. Birgitta sér um verslunina í Garðabæ, heldur utan um vefverslun, samfélagsmiðla og auglýsingar og er ein af þeim konum sem nýta kraft, forvitni og tengslanet til að skapa skemmtilegt og sterkt atvinnulíf – bæði á Suðurnesjum og út fyrir þau. Hver er Birgitta Ósk? Ég er Birgitta Ósk Helga Birgisdóttir, 50 ára. Ég er uppalin á Borgarfirði Eystri og er elst af fjórum systkinum. Það voru algjör forréttindi að alast þar upp. Ég er líka fjölskyldumanneskja – gift Guttormi Pálssyni sem er húsasmíðameistari frá Egilsstöðum og við eigum fjögur börn: Valmar 29 ára, Andreu 26 ára, Patrek 24 ára og Pál 19 ára. Hvað starfar þú við í dag – og hvar? Ég er ein af eigendum Bústoðar og Snúrunnar. Ég sé um verslunina okkar í Garðabæ og sinni líka vefverslun, samfélagsmiðlum og auglýsingagerð. Hvernig byrjaði þetta ferðalag hjá Bústoð? Ég byrjaði að vinna hjá Bústoð vorið 2023, þegar fyrirtækið var þá nýkomið með nýja eigendur. Svo kom ég inn sem meðeigandi ári seinna. Bústoð sem allir á Suðurnesjum þekkja er 50 ára og var rekin af sömu fjölskyldunni í 48 ár – rótgróin húsgagnaverslun sem margir kannast við. Þið opnuðuð útibú í Garðabæ – hvað breyttist með því? Við opnuðum útibú í Garðabæ um haustið 2024. Ég er verslunarstjóri þar og „keyri brautina góðu“ á hverjum degi. Við höfum fengið frábærar viðtökur og það hefur verið mikið að gera – verslunin er líka á rosalega góðum stað. Og svo bættist Snúran við – segðu okkur frá því. Já, í vor keyptum við Snúruna og bættum henni við hjá okkur. Svo nú rekum við tvær verslanir undir sama þaki, bæði í Garðabæ og Keflavík. Með Snúrunni fengum við geggjaða viðbót af gjafavöru og dásamleg merki sem við erum með einkarétt á hér á landi. Snúran er líka með flotta vefverslun sem við erum alltaf að vinna í og bæta við. Hvað er fram undan hjá ykkur – eitthvað spennandi á nýju ári? Já, alveg klárt. Á nýju ári stefnum við á að bæta við nýjum og flottum vörum bæði í Snúruna og Bústoð. Við erum stöðugt að þróa vefverslunina og vera dugleg að koma með ferskar vörur og góða upplifun. Menntunin þín er hársnyrtiiðn – hvernig tengist það því sem þú gerir í dag? Ég er sveinn í hársnyrtiiðn, en hef nú minnst starfað við það. En ég held samt að allt sem maður lærir nýtist: þjónusta, smekkvísi, samskipti og að ná tengingu við fólk – það fer alveg með manni í rekstur og verslun.

félagið og rak hana þar alveg þar til við fluttum á Suðurnesin árið 2020. Þá tók ég búðina með mér og opnaði hana á Hafnargötunni og rak hana þar í 3 ár. Ég átti góðan tíma á Hafnargötunni. Þú fórst líka í miðbæjarmál – hvað kom til? Ég fór strax að starfa fyrir miðbæjarsamtökin Betri Bær og fór í stjórn þar. Í gegnum Betri Bæ kynntist ég fullt af góðu og skemmtilegu fólki. Þar sem ég þekkti kannski fjóra í bænum þegar við fluttum hingað, þá er algjör snilld að henda sér í svona félagasamtök til að kynnast fólki – og sérstaklega frábært að fara inn í FKA Hversu lengi hefur þú búið á Suðurnesjum? Við höfum búið í Njarðvík síðan í febrúar 2020. Við náðum að flytja svona rétt fyrir Covid.

Segðu aðeins frá uppvextinum á Borgarfirði eystri. Pabbi minn var framkvæmdastjóri Álfasteins alla mína æsku og líf okkar fjölskyldunnar snerist bókstaflega um steina og grjót. Við eyddum líka ófáum stundum í fjallaferðum með mömmu og pabba. Ég reyni að fara austur eins oft og ég get – helst á Borgarfjörð til mömmu – og svo elska ég líka að vera á Egilsstöðum hjá systkinum mínum og öðrum ættingjum. Hvernig var skólagangan þín? Ég var í grunnskóla á Borgarfirði, fór síðan í Alþýðuskólann á Eiðum, svo í Menntaskólann á Egilsstöðum og svo iðnskólann í Reykjavík. Þið hafið verið dugleg að „bralla“ saman, þú og Guttormur. Hvað hafið þið gert? Við höfum brallað ýmislegt saman. Við höfum búið í Hafnarfirði, á Egilsstöðum og núna í Reykjanesbæ / Ytri Njarðvík. Við höfum rekið gistihús á Egilsstöðum, byggt hús, gert upp íbúðir og selt. Við ákváðum að flytja suður þar sem maðurinn minn var að byggja hér og það var nóg að gera. Þú opnaðir eigin verslun – hvernig var sagan þar? Ég opnaði verslun á Egilsstöðum 2017 sem hét Verzlunar-

Hverjir eru kostirnir við að búa á Suðurnesjum? Hvað það er stutt til útlanda… nei djók! En jú, það er bara mjög gott hérna. Fólkið er frábært og við vorum strax velkomin í bæjarfélagið. Svo eru góðir golfvellir – en það mætti alveg vera aðeins meira af logni. Að flytja frá Egilsstöðum á Suðurnesin krafðist jákvæðni gagnvart veðurfari… hahaha. Hvernig líst þér á FKA Suðurnes? FKA er dásamlegt félag og það er alltaf gaman að fara á fundi og á hittinga. Það er eitthvað við að hitta frábærar konur og næra sál og líkama með gleði og hlátri. Hvað varð til þess að þú skráðir þig í FKA? Ég gekk í félagið stuttu eftir að ég flutti suður og meðan ég rak Verzlunarfélagið. Eftir að ég lokaði búðinni hætti ég í félaginu – en ég saknaði þess alltaf. Eftir að ég byrjaði aftur í fyrirtækjarekstri skráði ég mig fljótt aftur í félagið. Hvað finnst þér FKA gera fyrir þig? Ég hef kynnst frábærum konum sem ég hefði aldrei kynnst ef ekki væri fyrir þennan félagsskap. Það er svo dýrmætt að mynda gott tengslanet – bæði fyrir þig sjálfa og fyrirtækið. Mig langar að vera

Nafn: Birgitta Ósk Helga Birgisdóttir Aldur: 50 ára Menntun: Sveinn í hársnyrtiiðn (hefur þó starfað lítið við það) Starf: Meðeigandi Bústoðar og Snúrunnar – sér um verslunina í Garðabæ, vefverslun, samfélagsmiðla og auglýsingar Búseta: Ytri Njarðvík / Reykjanesbær (síðan febrúar 2020) Maður: Guttormur Pálsson húsasmíðameistari. Börn: Valmar (29), Andrea (26), Patrekur (24), Páll (19). Áhugamál: Golf, ferðalög, laxveiði (sérstaklega í Jöklu), fjölskyldutími og austurfötin. miklu duglegri að sækja það sem er í boði og ég þarf endilega að koma mér inn í golfið með þeim, ég held að það sé stuð! Þegar þú ert ekki að vinna – hvað finnst þér skemmtilegast að gera? Aðaláhugamálið mitt, annað en vinnan, er golf. Það er ekkert betra en að spila með góðum vinum og fjölskyldunni. Við eigum ófáar góðar samverustundir – ég, maðurinn minn og yngsta barnið spila líka mikið með okkur. Svo finnst okkur ekkert leiðinlegt að skreppa í eina góða laxveiði, sérstaklega austur í Jöklu. Ég elska líka að ferðast – spila golf, en líka að skoða nýja og spennandi staði. Hvað er á döfinni hjá þér næst? Það sem er á döfinni hjá mér á næstunni er að skreppa á sýningu til Parísar í janúar. Svo förum við að sjálfsögðu austur á Borgarfjörð á þorrablót – það er alveg nauðsynlegt að komast á alvöru gamaldags sveitaþorrablót og hlæja með fjölskyldu og sveitungum. Að lokum – ert þú með heilræði til kvenna á Suðurnesjum? Ekki hika við að koma í FKA, alveg óháð því hvað þið eruð að gera. Mér fannst fyrst að ég ætti bara erindi þangað sem fyrirtækjaeigandi – en hafði rangt fyrir mér. Félagið er fyrir allar konur, hvað sem þær eru að gera í atvinnulífinu. Lokaorð „Elsku FKA-konur, gleðilega hátíð og takk fyrir liðið ár. Hlakka til að gera svo miklu meira með ykkur á nýju ári. Ást og friður.“

VÍKURFRÉTTIR Á SUÐURNESJUM // 15

Kvöldverðarboð stjórnarfólks íþróttahreyfingarinnar á Suðurnesjum Íþróttabandalag Reykjanesbæjar (ÍRB) og Íþróttabandalag Suðurnesja (ÍS) buðu á dögunum stjórnarfólki íþróttahreyfingarinnar á Suðurnesjum í kvöldverðarboð í golfskálanum í Leiru. Um 100 manns frá öllum íþróttafélögum og deildum þeirra mættu á viðburðinn sem var sögulegur í ljósi þess að um er að ræða fyrsta skipti sem bæði íþróttahéröðin á Suðurnesjum koma saman til að fagna og þakka sjálfboðaliðum og starfsfólki íþróttahreyfingarinnar fyrir sín störf. Sérstakir gestir kvöldsins voru þeir Willum Þór Þórsson, forseti Íþrótta- og Ólympíusambands

Íslands og Jóhann Steinar Ingimundarson, formaður Ungmennafélags Íslands. Boðið var upp á tveggja rétta matseðil þar sem lambalæri og sykurbrúnaðar kartöflur ásamt meðlæti voru í aðalrétt og súkkulaðikaka með rjóma í eftirrétt. Svæðisfulltrúar íþróttahéraðanna á Suðurnesjum, þau Sigurður Friðrik Gunnarsson og Petra Ruth Rúnarsdóttir buðu upp á spennandi spurningakeppni milli borða og í lok kvölds mætti uppistandarinn Jóhann Alfreð og tryllti lýðinn úr hlátri svo um var talað. Kvöldið þótti takast einkar vel og verður vonandi að árlegum viðburði á svæðinu.

Það var góð stemmning hjá íþróttaforystunni í golfskálanum í Leiru.

Sara Rún körfuknattleikskona ársins í fimmta sinn Keflvíkingurinn Sara Rún Hinriksdóttir og Tryggvi Snær Hlinason hafa verið valin körfuknattleiksfólk ársins 2025. Körfuknattleikskona og karl ársins eru valin í kosningu af stjórn og starfsmönnum KKÍ, afreksnefnd KKÍ og þjálfurum karla-og kvennalandsliðanna. Sara Rún er að hljóta nafnbótina í fimmta sinn og Tryggvi Snær í annað sinn.

Kylfingar hafa fagnað óvanalegri vetrarblíðu og sótt golfvellina suður með sjó. Hér má sjá þá Jón Kr. Magnússon, Snæbjörn G. Valtýsson og Ellert Arnbjörnsson í Leirunni nokkrum dögum fyrir jól.

Val á körfuknattleikskonu ársins 2025: Sara Rún Hinriksdóttir Danielle Rodriquez Þóra Kristín Jónsdóttir Aðrar sem fengu atkvæði í stafrófsröð eru: Anna Ingunn Svansdóttir, Kolbrún María Ármannsdóttir, Rebekka Rut Steingrímsdóttir og Tinna Guðrún Alexandersdóttir. Sara Rún var lykilleikmaður í liði Keflavíkur á síðasta ári sem endaði í 4 sæti Bónusdeildarinnar, en liðið féll svo út í undanúrslitum gegn Njarðvík í úrslitakeppninni í vor. Sara Rún var besti leikmaður liðsins og skoraði 18.3 stig að meðaltali í leik. Sara hefur stórbætt leik sinni á núverandi tímabili og er langstigahæsti íslenski leikmaður deildarinnar með 23.2 stig í leik það sem af er tímabili.Danielle Rodriquez · Njarðvík

Njarðvíkingurinn Veigar Páll Alexandersson með boltann í grannaslagnum við Keflavík. VF/hilmarbragi.

Grindvík efst hjá körlum en UMFN á toppnum hjá konum Körfuboltafólk fær ágætt jólafrí en það voru hörku leikir á aðventunni í Bónus deildum karla og kvenna. Njarðvíkurkonur eru efstar ásamt KR en Keflavík og Grindavík eru jöfn í 3.-5. sæti með Val.

Hjá körlunum eru Grindvíkingar á toppnum með 20 stig. Keflavík er í 4. sæti með 16 stig og Njarðvík er í 9. sæti með 8 stig en þeir grænu töpuðu í grannaslag í Keflavík fyrir jól.

Danielle hóf árið út í Sviss þar sem hún lék með liði Fribourg í svissnesku úrvalsdeildinni og Eurocup evrópukeppninni einnig. Danielle var valinn í annað úrvalslið svissnesku deildarinnar með 13.1 stig og 4.9 stoðsendingar að meðaltali í leik. Fyrir þetta tímabil gekk hún til liðs við Njarðvík og hefur hún farið mjög vel af stað með sínu nýja liði. Njarðvík er á toppnum og Dani er næst framlagshæsti leikmaður deildarinnar með 19 stig, 10 fráköst og 6 stoðsendingar að meðaltali í leik. Val á körfuknattleikskarli ársins 2025: Tryggvi Snær Hlinason Elvar Már Friðriksson

Sara Rún Hinriksdóttir í baráttu við Danielle Rodriquez en þær voru í efstsu tveimur sætunum í vali á körfuboltakonu ársins. VF/hilmarbragi.

Elvar Már Friðriksson · Anwil Wloclawek Elvar Már byrjaði árið í Grikklandi þar sem hann lék með Maroussi í grísku úrvalsdeildinni. Í haust færði hann sig yfir til Póllands þar sem hann hefur farið vel af stað með Anwil Wloclawek, sem

sitja í 7. sæti pólsku deildarinnar þar sem Elvar er með 12 stig og 6 stoðsendingar. Elvar spilaði vel á Eurobasket í Póllandi þar sem hann endaði mótið með 12.4 stig að meðaltali í leik, næst stigahæstur íslenska liðsins.

Víkurfréttir-opnunartímar.pdf

1

23.12.2025

11:12

ÍRISAR VALSDÓTTUR

Upp á æru og trú Ég hef aldrei verið mikill aðdáandi nokkurs konar heita. Yfirleitt þvert á móti. Þegar meginþorri þessa lands fer að mæta í ræktina í janúar þá kemur mótþróinn upp í mér. Ég mæti frekar í apríl, u.þ.b. sex vikum fyrir bikinítímabil sumarsins og ætla svoleiðis að komast í form á núll einni. Þær fáu lífstílsbreytingar sem ég hef tileinkað mér hafa sjaldnast byrjað á mánudegi. Ekki það að ég hafi endilega staðið við þær allar, en það er bara þessi óþarfa formfesta sem fylgir því að ætla að byrja á einhverju í upphafi ákveðins tímabils sem ég fíla ekki.

C

M

Y

CM

MY

CY

CMY

K

Ég hef samt sett mér ákveðið markmið fyrir komandi ár: nýtni. Minnka óþarfa, velja notað og einfaldlega kaupa minna. Mér finnst ég stundum vera að drukkna í dóti og fötum, eldhúsáhöldum, skrautmunum og að sjálfsögðu öllu þessu sem „ekki má henda því það gæti komið að góðum notum einn góðan veðurdag“. Þar að auki fæ ég nagandi samviskubit í hvert sinn sem ég fer út með plast- og pappadallinn. Bið til Svíanna í hljóði að breyta þessu rusli mínu í eitthvað nytsamlegt. Foreldrar mínir, ömmur og afar voru og eru einstaklega nýtið fólk. Ég man að mamma notaði kústskaft til að loka þurrkaranum í nokkur ár því læsingin virkaði ekki. Þegar pabbi sópaði stéttina notaði hann kúst með brotnu skafti svo það náði ekki nema rúmum metra á hæð. Þá bograði pabbi bara með kústinn. Fyrsta minningin mín af stígvélunum sem hann notar til að þrífa bílinn eru síðan áður en ég fór að geta gengið í stígvélum. Hjá ömmum mínum og öfum voru húsgögnin notuð allt þar til þau voru orðin slitin. Þá voru þau bólstruð og notuð áfram í önnur þrjátíu ár. Hlutir sem höfðu runnið sitt skeið fengu ný hlutverk. Á Túngötunni var til dæmis eldgamall örbylgjuofn notaður sem brauðgeymsla. Við krakkarnir lékum okkur á gömlum ljósabekk niðri í kjallara sem notaður var sem sæti eftir að perurnar eyðilögðust. Leikföngin voru svo oftast til frá æskuárum foreldra okkar, sem gerði þau enn meira spennandi. Ég ætla samt ekkert að lofa þessu upp á æru og trú. En ég reyni mitt besta alla daga – nema mánudaga. Gleðilegt nýtt(ni) ár!

Mundi

Ég er endurnýttur, því ég er svo notalegur ...