N ja r ða r b r au t 1 1 a Engar tímapantanir
• Miðvikudagurinn 14. janúar 2026 • 1. tölublað • 47. árgangur
DREIFT Á SUÐURNESJUM OG HÖFUÐBORGARSVÆÐINU • DAGLEGAR FRÉTTIR Á VF.IS
Fyrsta barn ársins á Suðurnesjum Fyrsta barn ársins á Suðurnesjum 2026 fæddist á ljósmæðravakt Heilbrigðisstofnunar Suðurnesja á nýársdag, 1. janúar. Barnið er stúlka sem var 3726 grömm og 51 sentimetri við fæðingu. Foreldrar nýársbarnsins eru þau Sandra Ósk Jónsdóttir og Vilhjálmur Ólafsson. Þau eru búsett í Keflavík. Ljósmóðir var Jónína Birgisdóttir.
Rúmar 160 milljónir vegna barna með fjölþættan vanda Suðurnesjabær fær rúmlega 160 milljónir króna frá ríkinu vegna búsetuúrræða fyrir börn með fjölþættan vanda, samkvæmt erindi frá mennta- og barnamálaráðuneytinu. Framlagið vegna ársins 2025 nemur 160.286.362 krónum. Jafnframt liggja fyrir drög að samningi við Barna- og fjölskyldustofu um fjármögnun þjónustu við börn með fjölþættan vanda fyrir árið 2026. Bæjarráð Suðurnesjabæjar samþykkti samhljóða að fela bæjarstjóra að undirrita samninginn við Barna- og fjölskyldustofu.
Lionskonurnar Eydís Eyjólfsdóttir, Gunnþórunn Gunnarsdóttir og Gunnlaug Eyfells Árnadóttir með viðurkenningarskjal og blóm frá Víkurfréttum. VF/hilmarbragi
Freyjukonur eru Menn ársins 2025 Lionskonur í Lionsklúbbnum Freyju eru Suðurnesjamenn ársins 2025 en þær hafa undanfarna áratugi unnið ómetanlegt starf í líknar- og samfélagsmálum á Suðurnesjum. Þær hafa styrkt fólk, félög og málefni og síðast núna fyrir jól seldu þær sælgætiskransa fyrir rúmar fimm milljónir króna. Freyjukonur eru flestar komnar vel á aldur og þó
meðalaldurinn sé rúmlega sjötíu ár eru þær frískar og fjörugar og njóta starfsins og samverunnar í Freyju. Sjálfboðaliðar eru hópur fólks sem er á undanhaldi og æ erfiðara er að fá fólk til starfa á vettvangi sjálfboðaliða í félögum ýmiss konar. Í Lionsklúbbnum Freyju í Keflavík starfa fjölmargar konur sem eru komnar af léttasta skeiði.
Þær hittast oft yfir vetrarmánuðina, funda einu sinni í mánuði og láta gott af sér leiða. Nú fyrir jólin fjáröfluðu þær með því að selja sælgætiskransa sem þær settu saman sjálfar. Afraksturinn var yfir fimm milljónir króna. Þegar kostnaður hefur verið greiddur fer hver einasta króna sem eftir stendur til líknarmála í nærsamfélaginu á Suðurnesjum.
Þetta er í fyrsta sinn sem heill Lionsklúbbur fær útnefninguna en nokkrum sinnum hafa félög og hópar fengið þessa viðurkenningu og einu sinni áhöfn fiskiskips. Viðtal við Lionskonurnar í Freyju má sjá í miðopnu blaðsins í dag. Sjónvarpsviðtal verður í Suðurnesjamagasíni Víkurfrétta á vf.is í vikunni.
Fjórtán vilja Gömlu búð Átak hafið gegn óleyfilegri búsetu í Reykjanesbæ Alls bárust fjórtán umsóknir frá einstaklingum og fyrirtækjum með hugmyndir um starfsemi og notkun á Gömlu búð eftir að eignaumsýslu Reykjanesbæjar og sviðsstjóra umhverfis- og framkvæmdasviðs var falið að auglýsa eftir áhugasömum aðilum. Málið var tekið fyrir á fundi stjórnar eignasjóðs Reykjanesbæjar fimmtudaginn 18. desember 2025. Þar kom fram að verkefnið væri enn í vinnslu.
Stjórn eignasjóðs segist líta vel á þær hugmyndir sem hafi borist en leggur jafnframt áherslu á að mikilvægt sé að ekki verði til kostnaður umfram áætlun við framhald málsins.
Reykjanesbær hefur nú hafið sérstakt átak sem miðar að því að draga úr óleyfilegri búsetu í sveitarfélaginu en samhliða örri íbúaþróun í Reykjanesbæ hefur komið í ljós að hluti íbúa býr í húsnæði sem ekki er heimilt að nýta til búsetu samkvæmt gildandi lögum og reglum. Upplýsingar um nákvæman fjölda einstaklinga sem búa í húsnæði sem ekki uppfyllir kröfur mannvirkjalaga liggja ekki fyrir að sögn Guðlaugs H. Sigurjónssonar, sviðsstjóra Umhverfis- og framkvæmdasviðs Reykjanesbæjar.
Talið er þó að töluverður fjöldi íbúa búi í atvinnu- eða iðnaðarhúsnæði, eða í húsnæði sem ekki hefur hlotið lögbundna öryggisúttekt. Búseta í slíku húsnæði er óheimil. Húsnæði sem ekki er ætlað til íbúðar eða hefur ekki verið metið með tilliti til öryggis getur verið ábótavant hvað varðar meðal annars brunavarnir, aðgengi að öruggum flóttaleiðum og aðrar grundvallarkröfur um öryggi. Áhersla er lögð á öryggi íbúa og að húsnæði sé nýtt í samræmi við lög og reglur. Verkefnið er unnið í nánu samstarfi starfsfólks Reykja-
nesbæjar, Brunavarna Suðurnesja og Lögreglunnar á Suðurnesjum. „Markmið átaksins er að tryggja að allt húsnæði sem notað er til búsetu uppfylli viðeigandi kröfur laga og reglugerða og að aðstæður íbúa séu öruggar og viðunandi. Íbúar sem vita af eða hafa ástæðu til að ætla að fólk búi við óviðunandi eða ólöglegar húsnæðisaðstæður eru hvattir til að senda ábendingu,“ segir Guðlaugur en ábendingar eru nýttar til að meta hvort tilefni sé til frekari skoðunar á aðstæðum. Ábendingar má senda í ábendingargátt Reykjanesbæjar.
1 6 S Í Ð U R • S TÆ R S T A F R É T T A - O G A U G LÝ S I N G A B L A Ð I Ð Á S U Ð U R N E S J U M F R Á 1 9 8 0
2 // VÍKURFRÉTTIR Á SUÐURNESJUM
Halldóra G. Jónsdóttir ráðin sviðsstjóri Menningar- og þjónustusviðs Halldóra G. Jónsdóttir hefur verið ráðin í starf sviðsstjóra Menningar- og þjónustusviðs Reykjanesbæjar. Starfið var auglýst undir lok árs 2025 og bárust alls 29 umsóknir en tveir drógu umsókn sína til baka. Halldóra hefur gegnt starfi sviðsstjóra Menningar- og þjónustusviðs í afleysingum síðastliðið eitt og hálft ár samhliða starfi sínu sem aðstoðarmaður bæjarstjóra sem hún hefur sinnt frá árinu 2019. Ráðningin var tekin fyrir í bæjarráði 18. desember sl. og staðfest af bæjarstjórn þann 6. janúar. Halldóra er með grunnnám í viðskiptafræði frá Háskólanum í Reykjavík og meistaragráðu í forystu og stjórnun frá Háskólanum
á Bifröst. Hún býr yfir 20 ára reynslu af verkefnastjórnun og hefur starfað við markaðsmál, stefnumótun og gæða- og verkefnastjórnun áður en hún hóf störf hjá Reykjanesbæ. Í störfum sínum hjá sveitarfélaginu hefur Halldóra öðlast víðtæka þekkingu á starfsemi sveitarfélagsins, stjórnsýslu, stefnumótun og rekstri, auk þess sem reynsla hennar úr fyrri störfum nýtist vel í þeim málaflokkum sem falla undir menningar- og þjónustusvið. „Ég er þakklát fyrir traustið og hlakka mikið til áframhaldandi samstarfs við það öfluga og góða fólk sem starfar á Menningar- og þjónustusviði og að vinna áfram að þeim fjölbreyttu og áhugaverðu málaflokkum sem undir sviðið heyra,“ sagði Halldóra um ráðninguna.
Hanna Björg skipuð skrifstofustjóri Raforkueftirlitsins Umhverfis-, orku- og loftslagsráðherra, hefur skipað Hönnu Björgu Konráðsdóttur í embætti skrifstofustjóra Raforkueftirlitsins frá og með 1. janúar. Þetta kemur fram á veg stjórnarráðsins. Hanna Björg hefur víðtæka þekkingu og starfsreynslu á sviði raforkumála og raforkueftirlits. Hanna Björg er sviðsstjóri Raforkueftirlitsins hjá Umhverfis- og
orkustofnun, en frá árinu 2022 starfaði hún sem deildarstjóri Raforkueftirlitsins hjá Orkustofnun. Hanna Björg lauk meistaraprófi í lögfræði frá Háskólanum á Bifröst árið 2014 og hafði áður lokið grunnnámi í viðskiptalögfræði frá sama skóla árið 2012. Auk þessa lauk Hanna Björg BA prófi í viðskiptafræði frá Háskólanum á Akureyri árið 2010. Hanna Björg er gift Jóhannesi Þórhallssyni lögreglumanni og saman eiga þau þrjú börn.
Hópurinn sem tók þátt í Klemmanum á gamlársdag 2025. VF/hilmarbragi
Dreymir um að hlaupa Klemmann eftir göngustíg allan hringinn - safnaði hálfri milljón fyrir Blóð- og krabbameinslækningadeild 11EG Klemenz Sæmundsson hljóp „Klemmann“ í þrítugasta sinn að morgni gamlársdags. Alls tóku 85 einstaklingar þátt í hlaupinu en í boði var að hlaupa, ganga eða hjóla. Klemminn er um 23 kílómetra langur hringur frá Keflavík um Sandgerði og Garð og aftur til Keflavíkur. Þátttakan að þessu sinni var nýtt met en aldrei áður hafa svo margir tekið þátt. Í Klemmanum er engin keppni og allir fara á sínum forsendum og hraða. Klemenz sagðist hafa hlaupið hringinn í ár á tveimur klukkustundum og þrettán mínútum. Í samanburði við síðustu þrjátíu ár segir Klemenz að það sé farið að hægja á honum með árunum. Töluverð umferð var um hlaupaleiðina. Umferðin hefur aukist mikið á síðustu árum en þegar Klemminn fór fyrst fram fyrir 30 árum var varla bíll á ferðinni. Göngustígur var lagður milli Sandgerðis og Garðs fyrir nokkrum árum og hlaupahópurinn notar hann óspart í þessu gamlárshlaupi sínu. Klemenz á sér þann draum að geta hlaupið eftir göngustíg allan hringinn. Byrjað er á göngu-
3.720 þann 1. desember 2023 og hefur því fækkað um 2.847 frá því náttúruhamfarir röskuðu högum bæjarbúa. Í Sveitarfélaginu Vogum fjölgaði íbúum um 11 á milli mánaða eða 0,6%. Íbúar í Vogum eru í dag 1.967 talsins. Þá fjölgaði í Suðurnesjabæ um 19 manns eða 0,4%. Íbúar Suðurnesjabæjar eru 4.402 um áramót.
Glaðar hlaupakonur settu upp hjörtu fyrir ljósmyndarann.
Safnað fyrir Blóð- og krabbameinslækningadeild 11EG Klemminn hefur aldrei verið styrktarhlaup og verður það áfram, nema á stærri tímamótum eins og nú. Í tilefni 30 ára afmælisins var ákveðið að styrkja Blóð- og krabbameinslækningadeild 11EG. Sett var af stað söfnun á meðal hlaupara og almennings. Alls söfnuðust 500.000 krónur og voru þær afhentar í vikunni.
Hildigunnur Marín ráðin verkefnastjóri miðlunar hjá SSS
Íbúum Reykjanesbæjar fækkar á milli mánaða Íbúar Reykjanesbæjar voru 24.582 þann fyrsta janúar 2026. Þeim fækkaði um 53 á einum mánuði eða frá 1. desember þegar þeir voru 24.635. Það gerir 0,2% fækkun íbúa. Þetta kemur fram í nýrri samantekt Þjóðskrár. Á sama tímabili fækkaði íbúum Grindavíkur um 19 manns eða 2,1%. Grindvíkingar eru í dag 873 talsins. Grindvíkingar voru flestir
stígnum milli Keflavíkur og Garðs. Reykjanesbær hefur klárað stíginn frá gatnamótum Vesturbrautar og Hringbrautar og alla leið að Hólmbergskirkjugarði á bæjarmörkum Reykjanesbæjar og Suðurnesjabæjar. Þar er allt stopp og samkvæmt heimildum stranda framkvæmdir við lagningu göngustígs frá Garði og að Hólmbergskirkjugarði á landeigendum. Klemenz vonast til þess að stígurinn verði lagður sem fyrst, enda eru stígar sem þessir góðir til heilsueflingar og útivistar. Þá eru þeir mikið öryggisatriði fyrir gangandi og hjólandi umferð. Mikill hraði var á vegunum út í Sandgerði og Garð og hlaupurum var því miður ekki alltaf sýnd tillitsemi.
Klemmi sjálfur fagnar þrítugasta „nafnanum“.
Hildigunnur Marín Kristinsdóttir hefur verið ráðin í starf verkefnastjóra miðlunar hjá Sambandi sveitarfélaga á Suðurnesjum (SSS). Hún hefur þegar hafið störf. Hildigunnur er fædd og uppalin í Grindavík og er búsett í Reykjanesbæ. Hún er með BA-gráðu í markaðsfræði og samskiptum frá IED og University of Westminster og er nú að ljúka MS-gráðu í markaðsfræði við Háskólann á Bifröst. Hildigunnur býr yfir reynslu af markaðs- og sölustörfum innan ferðaþjónustunnar og hefur ríkan áhuga á markvissri og áhrifaríkri markaðs- og upplýsingamiðlun. Hún kemur til starfa hjá SSS úr ferðaþjónustunni þar sem hún hefur sinnt sölu- og markaðsmálum, meðal annars hjá Courtyard by Marriott. Í starfi sínu mun Hildigunnur sinna upplýsingamiðlun og samskiptum fyrir SSS með áherslu á stafræna miðla, efnisgerð og kynningu á verkefnum samtakanna. Hún mun jafnframt vinna náið með Markaðsstofu Reykjaness, Reykjanes jarðvang og Heklunni – atvinnuþróunarfélagi Suðurnesja að miðlun á málefnum svæðisins.
Við opnum á Aðaltorgi í Reykjanesbæ
Vilt þú slást í hópinn? Í vor opna Arion banki og Vörður sameiginlegt útibú í Reykjanesbæ.
Nánari upplýsingar veita: Einar Hannesson, svæðisstjóri einar.hannesson@arionbanki.is
Hjá okkur starfar þétt liðsheild starfsfólks og í sameiningu leggjum við okkur fram um að skilja þarfir og uppfylla væntingar viðskiptavina okkar.
Thelma Lind Steingrímsdóttir, mannauðsráðgjafi thelma.steingrimsdottir@arionbanki.is
Við leitum að einstaklingum sem búa yfir frumkvæði og jákvæðni, hafa áhuga á sölu og leggja metnað í framúrskarandi þjónustu.
Hægt er að sækja um á arionbanki.is/storf Umsóknarfrestur er til og með 1. febrúar 2026.
4 // VÍKURFRÉTTIR Á SUÐURNESJUM
Feðgarnir Sigurjón og Magnús voru sælir með nýja stólinn.
Magnús Jens Sigurjónsson, þrítugur Sandgerðingur, tyllti sér í glæsilegan leðurhægindastól frá Bústoð sem hann vann í Jólalukku VF en stóllinn var stærsti vinningurinn í leiknum og var dreginn út á aðfangadag. „Ég er búinn að finna stað fyrir hann,“ sagði Magnús þegar hann tyllti sér í koníaksbrúna vinningsstólinn í verslun Bústoðar í Keflavík núna eftir jólin. Magnús hafði heppnina með sér í þriðja útdrætti Jólalukku VF.
Magnús og Björgvin með stólinn fína á milli sín í verslun Bústoðar.
Þrítugur Sandgerðingur ánægður með Bústoðar-hægindastólinn úr Jólalukkunni -fór með Lukkumiða úr Úrabúð Georgs V. Hannah í Nettó Krossmóa og hafði heppnina með sér í útdrætti. Magnús, sem býr í foreldrahúsum nú tímabundið, segir að stóllinn, sem er að verðmæti 230 þús. kr., muni sóma sér vel í nýrri íbúð sem hann stefnir að því að kaupa en Sigurjón faðir hans lét hann hafa Jólalukkumiða sem hann hafði fengið eftir jólainnkaup í Úra- og skartgripaverslun Georgs V. Hannah fyrir jólin. „Ég skrifaði nafnið mitt á miðana og fór með þá í Nettó í Krossmóa. Mér til mikillar ánægju sá ég svo nafnið mitt á vf.is. Það var gaman því ég man ekki eftir að hafa unnið neitt í einhverju happdrætti áður,“ segir Magnús.
vinsælla en leðrið í sófum og sófasettum á síðasta ári. „Við erum mjög sátt með gang mála. Það hefur komið skemmtilega á óvart að sjá meiri áhuga yngra fólks á
dönsku hönnunarvörunum m.a. frá Design By Us og Dottir, sem við höfum boðið upp á. Þá er ekki langt síðan við tókum við Snúrunni en undir hennar merkjum erum
við með mikið af vinsælum gjafavörum. Móttökurnar hafa verið frábærar. Við sáum möguleika á Suðurnesjum í því að bjóða upp á meira úrval af vandaðri gjafavöru
Hvernig hefur það gengið? „Það hefur gengið ótrúlega vel. Markaðurinn er augljóslega mun stærri, allt höfuðborgarsvæðið undir og að mörgu leyti öðruvísi en Suðurnesin sem þó hafa stækkað mikið á undanförnum áratug. Við töldum okkur geta unnið okkur pláss á stærri markaði og það hefur gerst. Þetta hefur komið mjög vel út. Við náum ákveðinni hagræðingu í rekstri og innkaupum og höfum stækkað markaðshópinn mjög mikið,“ segir Björgvin.
Góður gangur í Bústoð Björgvin Árnason, eigandi Bústoðar, sagði eftir að hafa afhent vinningsstólinn að jólaverslun hafi verið mjög góð. Aðspurður um hvort hann hafi orðið var við einhverjar breytingar í húsgagnaverslun segir hann að tau-efni sé að koma sterkara inn og hafi verið
og það hefur gengið eftir sem er mjög ánægjulegt,“ segir Björgvin en fyrir tveimur árum færði Bústoð líka út kvíarnar og opnaði aðra verslun undir sama nafni í Garðabæ.
Í Bústoð má finna mikið úrval húsgagna og gjafavöru en búðin er ein sú elsta á Suðurnesjum. VF/pket.
Páll Ketilsson pket@vf.is
Áfram er unnið að lýsingu Strandleiðarinnar í Reykjanesbæ:
Ljósálfar lýsa upp á Kamb hvida.is
Ertu með góða hugmynd en vantar fjármagn? Ef þú ert að leita að fjárfesti eða lánsfjármögnun þá gæti Hviða fjárfestingarfélag verið rétti samstarfsaðilinn
Ljósálfar lýsa nú upp gönguleiðina upp Kamb í Innri Njarðvík - „fjall“ Reykjanesbæjar. Fyrir Ljósanótt var lokið við uppsetningu um sextíu Ljósálfa á strandleiðinni frá smábátahöfninni í Keflavík inn í Njarðvík og nú hafa fleiri bæst við en alls hafa um hundrað Ljósálfar verið settir upp á strandleiðinni. Að sögn Arons H. Steinssonar veitustjóra hjá Umhverfis- og framkvæmdasviði Reykjanesbæjar hefur verið ákveðið að halda áfram með verkefnið; lýsingu
Fyrir hvern er Hviða? Frumkvöðla með nýjar hugmyndir Fyrirtæki í vexti Verkefni sem skapa verðmæti og störf á Suðurnesjum Þróunarverkefni með skýra framtíðarsýn
OPNAÐ VERÐUR FYRIR UMSÓKNIR 20. JANÚAR
Ljósálfar lýsa nú upp leiðina að Kambi.
strandleiðarinnar, og verða 70-80 Ljósálfar settir upp á leiðinni í Innri Njarðvík settir upp á árinu 2026. „Ljósálfar sem fara í þessa uppbyggingu bæta upplifun, ljósvist og öryggi íbúa við heilsustíga í sveitarfélaginu,“ segir Aron. Óskar Húnfjörð hjá Íslandshúsum sem er framleiðandinn segir að gerð hvers Ljósálfs sé nokkuð tímafrek og taki um það bil heilan dag að gera hvern Ljósálf fyrir utan uppsetningu en hann er uppfinning fyrirtækisins sem er með aðsetur á Ásbrú.
VÍKURFRÉTTIR Á SUÐURNESJUM // 5
Fyrstu altjónshúsin í Grindavík rifin á næstu vikum Undirbúningi að niðurrifi altjónaðra fasteigna í Grindavík miðar vel áfram og stefnt er að því að fyrsta örútboð vegna verkefnisins verði auglýst í janúar. Gert er ráð fyrir að niðurrif á þremur fasteignum hefjist á næstu vikum, en það eru Mánasund 2, Mánagata 19 og Mánagata 21. Alls eru áætlaðar 35–40 altjónaðar fasteignir í bænum. Í mörgum tilvikum er niðurrif þeirra forsenda þess að hægt sé að ráðast í sprunguviðgerðir innanbæjar eða aðrar nauðsynlegar aðgerðir á afgirtum svæðum í þéttbýlinu. Með niðurrifi og viðgerðum er gert ráð fyrir að afgirtum svæðum fækki, sem er talinn mikilvægur þáttur í endurreisn bæjarins. Grindavíkurbær er verkkaupi framkvæmdarinnar og ber ábyrgð á framkvæmdinni, samskiptum og greiðslum við verktaka, auk þess að tryggja að lögboðnum úttektum verði lokið við verklok. Ákvörðun um niðurrif einstakra húsa liggur hjá húseigendum, en þeim stendur til boða að gera samning við Grindavíkurbæ um að bærinn annist niðurrif í umboði eiganda gegn umsýslukostnaði. Með slíku umboði sér bærinn meðal annars um helsta undirbúning, ráðningu byggingarstjóra, leyfisumsóknir, aftengingu veitna og skil lóðar að niðurrifi loknu. Fasteignafélagið Þórkatla, sem á meirihluta altjónseigna í Grindavík, hefur þegar gert samkomulag við bæinn um þátttöku í verkefninu. Aðrir eigendur hafa verið upplýstir um ferlið og eiga möguleika á að fá frekari upplýsingar á fundi með fulltrúum Grindavíkurbæjar. Fyrir liggur rammasamningur milli Grindavíkurbæjar og níu verktakafyrirtækja: Berg verktakar, Berserkir, Ellert Skúlason, Guðlaugsson, H2Orka, Jón og Margeir, Sveinsverk, Urð og grjót og Víkurfrakt. Á grundvelli rammasamningsins verða örútboð auglýst með það að markmiði að tryggja skilvirkt ferli og hagkvæm tilboð í samræmi við lög um opinber innkaup. Að niðurrifi loknu tekur sprunguviðgerðarteymi við og stýrir viðgerðum á viðkomandi svæðum. Þá er undirbúningur að nýju skipulagi þegar hafinn hjá Grindavíkurbæ og hafa fyrstu hugmyndir verið kynntar íbúum.
HSS – Heilbrigðisstofnun til fyrirmyndar Heilbrigðisstofnun Suðurnesja (HSS) veitir íbúum Suðurnesja fyrsta- og annars stigs heilbrigðisþjónustu. Stofnunin hefur eflst til muna og samkvæmt þjónustukönnun ríkisstofnana hefur ánægja með þjónustuna aukist umtalsvert og er HSS nú fremst meðal jafningja.
Hjúkrunarfræðingar Hjúkrunarfræðingar á HSS veita faglega, örugga og hlýja umönnun – hvort sem er á heilsugæslu, hjúkrunardeild eða í bráðaþjónustu. Starfið snýst um að styðja skjólstæðinga og aðstandendur á mikilvægum augnablikum.
Deildarstjóri móttökuritara og heilbrigðisgagnafræðinga Móttakan er fyrsta viðmót stofnunarinnar gagnvart skjólstæðingum. Því er leitað eftir einstaklingi sem á tileinkar sér og innleiðir gildi stofnunarinnar, mennsku, myndugleika og menningu HSS. Umsjón heilbrigðisupplýsinga er í höndum heilbrigðisgagnafræðinga þar sem traust og trúnaður ríkir.
Næringarfræðingur Næringarfræðingur starfar í þverfaglegum teymum meðal annar í sykursýkismóttöku og heilsueflandi móttöku. Hann sinnir ráðgjöf og fræðslu til skjólstæðinga HSS.
Sótt er um störf á hss.is undir laus störf
Víkurfréttir koma næst út 28. janúar in Stöndum vakt
a!
6 // VÍKURFRÉTTIR Á SUÐURNESJUM
Ástkær móðir okkar, tengdamóðir, amma og langamma,
GUÐRÚN HELGA ÞORSTEINSDÓTTIR frá Flateyri, Birkiteigi 33 Keflavík,
lést á Heilbrigðisstofnun Suðurnesja föstudaginn 12. desember. Útför hefur farið fram í kyrrþey að ósk hinnar látnu. Innilegar þakkir til starfsfólks HSS fyrir kærleiksríka umönnun. Hörður Halldórsson Emilía Brynja Sveinsdóttir Magnús Jens Gunnarsson Sigríður Sveinsdóttir Bjarni Sveinsson barnabörn og barnabarnabörn
Fjölmenn þrettándagleði í Reykjanesbæ Þrettándagleðin í Reykjanesbæ var fjölmenn. Hefðbundin dagskrá fór fram við Hafnargötu en myndarleg skrúðganga undir forystu álfakóngs og álfadrottningar lagði upp frá Myllubakkaskóla og endaði að Hafnargötu 12, þar sem hátíðardagskráin fór fram. Þá voru púkar og tröll á ferðinni, auk síðasta jólasveinsins.
Söngur og gleði var á sviði en brennu var aflýst vegna óhagstæðrar vindáttar. Björgunarsveitin Suðurnes bætti það upp með glæsilegri flugeldasýningu, sem sjá má í spilara hér að neðan. Myndirnar voru teknar við hátíðarhöldin þegar jólin voru formlega kvödd. VF/hilmarbragi
Ástkær faðir okkar, tengdafaðir, afi og langafi,
JÓHANN GUÐBRANDSSON f.v. skipstóri og útgerðarmaður Suðurgötu 17-21, Sandgerði, lést á Heilbrigðisstofnun Suðurnesja, laugardaginn 10. janúar. Útför fer fram frá Sandgerðiskirkju, þriðjudaginn 20. janúar klukkan 13. J. Magni Jóhannsson Hjörtur Vignir Jóhannsson Hafdís Jóhannsdóttir Harpa Jóhannsdóttir Hlynur Jóhannsson
Guðbjörg Antonía Guðfinnsd. Ester Grétarsdóttir Bjarni Ástvaldsson Árni Sigurpálsson Eyja Jóhannesdóttir
barnabörn og barnabarnabörn
Öll tölublöð Víkurfrétta frá 1980 og til dagsins í dag eru aðgengileg á
TIMARIT.IS
Bílaviðgerðir Smurþjónusta Varahlutir
Brekkustíg 38 - 260 Njarðvík
sími 421 7979 www.bilarogpartar.is
Rétturinn Ljúffengur heimilismatur í hádeginu
Opið:
11-13:30
alla virka daga
Þú finnur allar nýjustu fréttirnar frá Suðurnesjum á
vf is
Heyrðu umskiptin, fáðu heyrnartæki til reynslu
HEYRN.IS HEYRNARTÆKI // HEYRNARGREINING // RÁÐGJÖF Heyrn // Hlíðasmára 19 // Kópavogur // heyrn@heyrn.is //
Af björgunarskipi og aflabrögðum Það gat nú ekki endalaust verið blíða, en veðrið fyrstu dagana í janúar var óvenjulega gott, en núna þegar þessi pistill er skrifaður þá er fyrsta brælan á vertíðinni. Enginn bátur á sjó, nema Sigurfari GK. Hann fór frá Sandgerði og alveg austur áleiðis að Landeyjarhöfn og Þjórsárósum en báturinn gerði ansi góða ferð þangað í síðustu viku, landaði alls 54 tonnum í tveimur róðrum, 34 tonnum í Þorlákshöfn og 20 tonnum í Sandgerði. Í síðasta pistli var mikið um að vera og þá skrifaði ég um björgunarbátinn Hannes Hafstein sem er í Sandgerði. Eitthvað skrifaði ég ekki alveg rétt um bátinn en fékk skilaboð þar sem réttar upplýsingar koma fram: hérna koma þær. Hannes Hafstein sem er eitt af elstu björgunarskipum landsins er í umsjá Björgunarbátasjóðs Suðurnesja. Skipið er mannað meðlimum björgunarsveitarinnar Sigurvonar í Sandgerði og björgunarsveitinni Suðurnes. Hannes Hafstein hefur margasannað sig í gegnum árin, þótt báturinn sé orðinn gamall, og núna er stefna á að Sigurvon, sem sér um bátinn, fái nýtt björgunarskip og er söfnun í gangi af því tilefni. Reyndar má bæta við að saga björgunarskipa sem hafa heitið Hannes Hafstein er nokkuð löng, en fyrsti Hannes Hafsteinn kom til Sandgerðis árið 1993 og var báturinn þá fyrsta stóra björgunarskipið á Íslandi. Það liðu síðan fimm ár þar til næstu skip komu. Á þessum tíma árið 1993 og vel fram yf ir aldamótin þá var Sandgerði ein
stærsta löndunarhöfn Íslands. Sem dæmi má nefna að árið 1993 þegar Hannes Hafstein kom var Ólafsvík næststærsta löndunarhöfn landsins og voru landanir í Ólafsvík um 6000 talsins. Sandgerði var aftur á móti með ellefu þúsund landanir. Þetta er svona tíminn frá 1990 og fram yfir aldamótin voru landanir í Sandgerði um og yfir 10 þúsund landanir ár hvert og engin önnur höfn hafði eins margar landanir eða þá báta sem komu þar. Svo þörfin á björgunarskipi var mikil enda hefur það margsannað sig í útköllum og björgun þessi 33 ár sem Hannes Hafstein hefur verið til taks, og það skiptir sjómenn miklu máli að öflug björgunarskip séu staðsett í Sandgerði.
AFLAFRÉTTIR Gísli Reynisson gisli@aflafrettir.is
Annars frá Hannesi og lítum aðeins á hvernig hefur gengið aflalega séð. Byrjum á dragnótinni, en veiðar bátanna með dragnót hafa verið frekar rólegar ef Sigurfari GK er undanskilinn en hann er núna kominn með 60 tonn í 4 róðrum og er þegar þetta er skrifað aflahæsti dragnótabátur landsins núna í janúar. Yfir allt landið þá hefur veiði dragnótabátanna verið frekar dræm, og Benni Sæm GK er kominn með 24 tonn í 5 róðrum, og þrátt fyrir aðeins 24 tonn þá er báturinn engu að síður í 8. sætinu yfir landið af 17 bátum sem hafa byrjað dragnótaveiðar. Netaveiðarnar hafa gengið ágætalega, Erling KE er búinn að vera með netin að mestu utan við Stafnes og hefur verið að landa í Sandgerði og kominn með 60 tonn í 6 róðrum. Friðrik Sigurðsson ÁR er búinn að vera með netin við Garðskagavita og hefur landað 46 tonnum í 9 róðrum. Af minni bátunum þá er Addi Afi GK með 18,3 tonn og Svala Dís KE 15,2 tonn, báðir í 7 róðrum. Það má geta þess að báðir bátarnir komu og lögðu netin sín utan við Stafnes og komu svo til Sandgerðis og lágu þar yfir nóttina, fóru svo út daginn eftir og drógu netin og sigldu svo til Keflavíkur til að landa. Ansi sérstakt.
Útgefandi: Víkurfréttir ehf., kt. 710183-0319. Afgreiðsla og ritstjórn: Hólmbergsbraut 13, (bil 1), 230 Keflavík, sími 421-0000. Ritstjóri og ábyrgðarmaður: Páll Ketilsson, s. 893-3717, pket@vf.is. Fréttastjóri: Hilmar Bragi Bárðarson, s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Dagleg stafræn útgáfa: vf.is og kylfingur.is Prentun: Landsprent.
VÍKURFRÉTTIR Á SUÐURNESJUM // 7
Sagnastund á Garðskaga á laugardaginn Sagnastund á Garðskaga verður haldin laugardaginn 17. janúar 2026 kl. 15:00. Salt framleitt á Reykjanesi verður þar til umfjöllunar. Salt er mikilvægt til geymslu matvæla og nær sú saga langt aftur. Með salti mátti auka verðmæti fisks frá því sem var er hann var útiþurrkaður. Saltfiskur stóð að mestu undir afkomu samfélags okkar þar til frysting kom til upp úr stríðinu. Finna má salt sem safnast hefur í jörðu. Einnig er það unnið með eimingu á sjó. Á árunum 1977–1996 var salt unnið á Reykjanesi skammt frá Reykjanesvita. Þá sögu þekkir Gunnar Häsler. Hann fylgdi því verkefni frá byrjun. Gunnar rifjar upp þá sögu og kemur á sagnastund. Frásögn hans greinir sögu saltframleiðslu á Reykjanesi. Sagnastundin er á veitingastaðnum Röstinni á Garðskaga. Allir velkomnir. Áhugamenn um sagnastund á Garðskaga
Kaffi og hland í Listasafni Reykjanesbæjar Einkasýning Tuma Magnússonar, Héðan þangað þaðan hingað, opnar laugardaginn 17. janúar kl. 14:00 - 16:00, hjá Listasafni Reykjanesbæjar. Tumi Magnússon (f. 1957) býr og starfar í Kaupmannahöfn og Reykjavík. Í verkum sínum fjallar hann um tíma, hreyfingu og hið hversdagslega flæði tilverunnar, þar sem breyting er eina festan. Á sýningunni má sjá lykilverkið Kaffi og hland (1998–99), röð átta málverka sem sýna örfín litbrigði frá kaffibrúnum til pissuguls og fanga tímann sem kyrra, en um leið
óstöðuga heild. Einnig eru sýnd nýrri vídeó- og hljóðverk á borð við Tímaréttingarlaglínur (2021–25) og Almenningssamgöngur (2020– 25), þar sem einfaldar athafnir og ferðir eru samstilltar í taktfastar, tónrænar samsetningar. Ferðalag, ganga og endurtekning eru gegnumgangandi þemu í verkum Tuma. Með þeim umbreytir hann heimspekilegum þversögnum um sjálf, tíma og breytingu í ljóðræna og skynræna upplifun. Gavin Morrison er sýningarstjóri en sýningin er styrkt af Myndlistarsjóði.
TM er nýr samstarfsaðili Aukakróna
FRÆÐSLA UM OFBELDI GAGNVART ELDRA FÓLKI Öldrunar- og stuðningsþjónusta Reykjanesbæjar og félag eldri borgara á Suðurnesjum halda fræðslu um ofbeldi gagnvart eldra fólki. Fræðslan verður haldin í þjónustumiðstöðinni á Nesvöllum þann 22. janúar kl. 13:00. Fundarstjóri verður Kristján Gunnarsson formaður FEBS. FRAM KOMA: Hjördís Garðarsdóttir mannauðs- og fræðslustjóri Neyðarlínunnar. Að þekkja ofbeldi Ægir Skjöldal, Davíð Arnar Reynisson, Rut Sigurðardóttir, Sara Dögg Árnadóttir og María Pálsdóttir frá Lögreglunni á Suðurnesjum. Nokkrir punktar um netöryggi Ásdís Ármannsdóttir Sýslumaður á Suðurnesjum. Að hafa stjórn, fjármál og framtíðarskipulag Inga Dóra Jónsdóttir teymisstýra Suðurhlíðar. Kynning á Suðurhlíð, miðstöð fyrir þolendur ofbeldis
KONURNAR Í FREYJU Í ÞÆTTI VIKUNNAR
8 // VÍKURFRÉTTIR Á SUÐURNESJUM
Lionsklúbburinn Freyja eru Suðurnesjamenn ársins 2025:
„Við erum ekki að hætta“
konur hafa verið alveg frábærlega duglegar í því. Hverja hafið þið styrkt núna eftir síðustu sölu? Gunnþórunn: Við erum nú þegar búnar að borga út 1,3 milljónir af því sem kom inn núna. Við gáfum í Velferðarsjóð Suðurnesja, Rauða krossinum og styrktum líka ungan mann sem fór til lækninga til London. Svo tókum við þátt í boccia-móti með fólkinu í íþróttafélaginu Nes. Þetta er árlegt, alltaf í kringum þrettándann og við styrktum þau náttúrulega. Hvernig veljið þið hverjir fá styrki? Gunnþórunn: Það berast beiðnir og við förum yfir það. En við förum alltaf í kirkjuna sem heldur utanum Velferðarsjóðinn. Undanfarin ár höfum við líka gefið Rauða krossinum og þau hafa svo sett það beint yfir í velferðarsjóðinn. Svo þetta kemur til góðs fyrir jólin.
Lionshreyfingin og samvinna klúbba Lionskonurnar Eydís Eyjólfsdóttir, Gunnþórunn Gunnarsdóttir, Gunnlaug Eyfells Árnadóttir og Páll Ketilsson, ritstjóri Víkurfrétta. VF-myndir: Hilmar Bragi Lionskonur í Lionsklúbbnum Freyju eru Suðurnesjamenn ársins 2025 en þær hafa undanfarna áratugi unnið ómetanlegt starf í líknar- og samfélagsmálum á Suðurnesjum. Þær hafa styrkt fólk, félög og málefni og síðast núna fyrir jól seldu þær sælgætiskransa fyrir rúmar fimm milljónir króna. Freyjukonur eru flestar komnar vel á aldur og þó meðalaldurinn sé rúmlega sjötíu ár eru þær frískar og fjörugar og njóta starfsins og samverunnar í Freyju. Sjálfboðaliðar eru hópur fólks sem er á undanhaldi og æ erfiðara er að fá fólk til starfa á vettvangi sjálfboðaliða í félögum ýmiss konar. Í Lionsklúbbnum Freyju í Keflavík starfa fjölmargar konur sem eru komnar af léttasta skeiði. Þær hittast oft yfir vetrarmánuðina, funda einu sinni í mánuði og láta gott af sér leiða. Nú fyrir jólin fjáröfluðu þær með því að selja sælgætiskransa sem þær settu saman sjálfar. Afraksturinn var yfir fimm milljónir króna. Þegar kostnaður hefur verið greiddur fer hver einasta króna sem eftir stendur til líknarmála í nærsamfélaginu á Suðurnesjum. Þetta er í fyrsta sinn sem heill Lionsklúbbur fær útnefninguna en nokkrum sinnum hafa félög og hópar fengið þessa viðurkenningu og einu sinni áhöfn fiskibáts . Við settumst niður með þremur Lionskonum úr fjáröflunarnefnd klúbbsins, þeim Gunnþórunni Gunnarsdóttur, Eydísi Eyjólfsdóttur og Gunnlaugu Eyfells Árnadóttur og ræddum við þær um starfið í klúbbnum og hvað starfið er að gefa þeim. Hvað er það sem fær ykkur til að halda áfram í Lionsstarfi, þótt margar séu komnar vel á aldur? Gunnþórunn: Þetta er bara svo skemmtilegt, fróðlegt og gefandi og gott starf.
Gunnlaug: Og samveran skiptir líka miklu. Maður hlakkar alltaf til að hitta hinar. Eydís: Og þær sem eru orðnar eldri vinna ekkert síður en hinar. Þið eruð margar yfir áttrætt. Er það rétt? Eydís: Já, verður maður ekki að viðurkenna hvað maður er gamall? Ég er nýorðin 85 ára. .
Sælgætiskransarnir – stærsta fjáröflunin Sælgætiskransarnir eru orðnir helsta fjáröflunin hjá ykkur. Hvernig byrjaði það? Eydís: Þetta byrjaði fyrir sirka tuttugu og fimm árum. Ein félagskona kom með hugmyndina og við fórum bara að gera þetta. Við vorum líka með sælgæti í krukkum á ýmsan hátt, en kransarnir urðu langbestir og vinsælastir. Þannig að við héldum þessu áfram. Hversu mikið er þetta í raun? Gunnþórunn: Við kaupum núna svona um760 kíló af sælgæti og hnýtum úr því tæplega 520 hringi.
Og þetta selst allt saman? Gunnlaug: Þetta gengur rosalega vel. Fólk tekur manni svo vel. Það er alveg dásamlegt að fara og hitta kúnnana – margir eru bara að bíða eftir að við komum og segja: „Loksins komið þið.“ Eydís: Yfirleitt eru allir boðnir og búnir að taka á móti okkur. Sælgætiskransarnir fyrir nýliðin jól voru settir saman úr blöndu af erlendum sælgætismolum. Það kemur helst til af því að íslenski framleiðandinn Freyja er hættur að framleiða súkkulaðimolana sem Lionskonurnar hafa notað í kransagerðina. Þá hafa orðið miklar hækkanir á íslensku sælgæti, þannig að þessi leið var farin. Molarnir sem notaðir eru nú eru reyndar mjög góðir, hafa verið notaðir áður, og hafa fengið fína dóma hjá kaupendum. Lionskonur í Freyju eru 34 talsins og taka flestar þátt í því að setja saman kransana. Gunnþórunn: Það eru ekki alveg allar sem koma, sumar eru enn í vinnu. En við vinnum þetta yfirleitt strax eftir hádegi og líka seinnipartinn. Í um mánuð mætum við tvisvar til þrisvar í viku til að hnýta.
Hvar hittist þið og hvernig er stemningin? Eydís: Við hittumst í Rauða kross húsinu og höfum fengið að vera þar í mörg ár. Gunnlaug: Það er mikið fjör. Þetta er handavinna og þetta tekur á – en gott með kaffi og miklu spjalli. Hvað eru margar að fara út að selja? Gunnþórunn: Flestar sem geta. Við erum oft tvær og þrjár saman sem förum.
Styrkirnir – „allt fer þetta út í samfélagið“ Þið seljið yfir 500 kransa og hver kostar 10.000 krónur, sala fyrir rúman fimm milljónir króna. Fara peningar úr þessu beint til samfélagsins? Gunnþórunn: Já, allt fer þetta út í samfélagið þó að það sé auðvitað kostnaður líka. Við þurfum að búa þetta til og svo er ýmislegt smávegis sem þarf eins og að smíða hringina og fleira. Eydís: Það fer heilmikið í að nýta slaufurnar líka og nokkrar
Þið vinnið líka með öðrum Lionsklúbbum? Gunnþórunn: Já, við höfum til dæmis tekið þátt með öðrum Lionsklúbbum þegar klúbbarnir sameinast um stærri verkefni. Lionshreyfingin hefur líka í gegnum árin styrkt sjúkrahúsið mikið, meðal annars með tækjakaupum. Ykkar fólk er komið framarlega í Lionshreyfingunni og þið hafið verið af fá gesti úr æðstu stöðum. Gunnþórunn: Já, við eigum fulltrúa sem eru kominn framarlega í Lions á Íslandi, hún Inga Lóa Steinarsdóttir. Hún er umdæmisstjóri í umdæmi 109 og fer oft til útlanda að hitta fólk. Svo kom alþjóðaforseti Lions í fyrra og hnýtti með okkur krans. Fyrir jólin núna kom líka alþjóðaforseti, indverskur, og honum var gefinn krans.
Fundir, félagslíf og framtíðin Hvernig er venjulegt starf í klúbbnum, hversu oft fundið þið? Eydís: Við fundum einu sinni í mánuði á Hótel Keflavík. Þá fáum við eitthvað til fróðleiks eða skemmtunar, fáum stundum gestu, borðum saman og leggjum drög að því sem er fram undan. Gunnþórunn: Það er yfirleitt alltaf mjög gaman á fundunum og svo förum við árlega í ferðalög, annaðhvort til útlanda eða innanlands. En stórviðburðir, voruð þið ekki með góugleði? Gunnþórunn: Jú, á fyrri árum vorum við með góugleði, svona galakvöld fyrir konur. Allir hlökkuðu til. En þetta er orðið svo dýrt með skemmtikrafta og annað að þetta hefur eiginlega lagst af síðustu árin, sem er leiðinlegt, því þetta var alltaf svo skemmtilegt.
Fjáröflunarnefndin 2018: Ásta Einarsdóttir, Áslaug Bergsteinsdóttir, Magnúsína Guðmundsdóttir og Hulda Guðmundsdóttir.
Hvernig horfið þið til framtíðar? Meðalaldurinn er sagður rétt um sjötugt. Eydís: Við vonum bara það besta. Allar konur eru velkomnar að ganga í klúbbinn, við tökum á móti þeim með opnum örmum.
VÍKURFRÉTTIR Á SUÐURNESJUM // 9
Björgunarafrek áberandi í 35 ára ...Fólk tekur manni svo vel. Það er alveg dásamlegt að fara og sögu Suðurnesjamanns árisns hitta kúnnana – margir eru bara að bíða eftir að við komum og segja: „Loksins komið þið ... Gunnlaug: Já, við reynum að fá konur með okkur. Ungar konur eru alveg jafn velkomnar og þær sem eldri eru. Eydís: Þetta er ekki „kerlingaklúbbur“ endilega fyrir gamlar kerlingar. En auðvitað er mikið í gangi hjá ungu fólki, heimili og lítil börn, og það kostar eitthvað að vera í þessu, þó ekki mikið.
allir geta gert eitthvað.“ Þetta finnst mér svo mikilvægt. Þó að einhver geti ekki gert eitt, þá er svo margt annað í kringum þetta sem hægt er að gera.
Hverjar eru yngstar í klúbbnum? Gunnþórunn: Formaðurinn okkar, Jasmina Crnac, er sú yngsta, fjörutíu og fjögurra.
Hvar geta konur sem hafa áhuga fundið ykkur? Gunnþórunn: Það er hægt að finna okkur Facebook, Lionsklúbburinn Freyja. Að lokum vildi Eydís segja þetta : Takk kærlega fyrir. Við þökkum ykkur á Víkurfréttum fyrir hvað þið hafið alltaf verið liðleg við okkur með auglýsingar og annað. Þetta er mikill heiður fyrir okkur í klúbbnum að fá þessa viðurkenningu og við þökkum kærlega fyrir það. Einnig viljum við þakka öllum þeim sem hafa stutt okkur í gegnum árin. Stuðningurinn er ómetanlegur.
„Enginn getur gert allt – en allir geta gert eitthvað“ Í lokin: hvernig er að vera eldri borgari á Suðurnesjum? Gunnþórunn: Mér finnst það bara gott. Það hefur verið gert mikið fyrir eldri borgara. Það er hægt að fara í alls konar íþróttir, gönguhópa og ferðalög. Mér finnst mikið gert fyrir fólk hér. Eydís: Og svo er nýbúið að opna þetta fína hjúkrunarheimili í Njarðvík, Hrafinistu, og það er mjög fallegt allt. Gunnþórunn: Ég sá einu sinni þegar ég var á ferð í Grindavíkurskóla: „Enginn getur gert allt en
Ætlið þið að halda áfram? Gunnþórunn: Við erum ekki að hætta. Eydís: Nei, nei, við hættum ekki.
VIÐTALIÐ Páll Ketilsson pket@vf.is
Í þessi 35 ár sem Víkurfréttir hafa staðið fyrir vali á Suðurnesjamanni ársins hefur nokkrum sinnum verið brugðið út af vananum að veita verðlaunin til einstaklings. Hópar hafa fengið viðurkenninguna, eitt árið var áhöfn fiskiskips verðlaunuð fyrir björgunarafrek, mæðgin hafa verið verðlaunuð, samstarfsfólk í tónlist, fyrirtæki, stofnanir og íþróttafélög, svo eitthvað sé nefnt. Á þessum árum hafa björgunarafrek nokkrum sinnum ratað í úrslitasætið en oftast hafa það verið einstaklingar sem hafa verið að láta gott af sér leiða til samfélagsins.
Einu sinni hefur valið á manni ársins fallið niður. Í ársbyrjun 2024, þegar velja átti mann ársins 2023, voru aðstæður í samfélaginu á Suðurnesjum þungar. Veita átti viðurkenningu til aðila í Grindavík fyrir fórnfúst starf í þeim náttúruhamförum sem þar höfðu orðið. Slys sem urðu í og við Grindavík í ársbyrjun 2024 og kostuðu þrjú mannlíf, urðu til þess að við ákváðum að sleppa vali á Suðurnesjamanni árisns 2023. Það einfaldlega passaði ekki á þessum tímapunkti. Hér til hliðar er listi yfir þá einstaklinga og aðra sem hafa hlotið nafnbótina frá upphafi.
Útgerðarmaðurinn Dagbjartur Einarsson úr Grindavík varð fyrstur til að hljóta nafnbótina „Maður ársins á Suðurnesjum“. Það var árið 1990. Þá tóku Víkurfréttamennirnir Páll Ketilsson og Hilmar Bragi Bárðarson hús á Dagbjarti í Fiskanesi, útgerðar- og fiskvinnslufyrirtæki í Grindavík. Gunnar Vilbergsson smellti hins vegar mynd af Dagbjarti í Þórkötlustaðarétt. Myndin var upprunalega svarthvít en við nýttum okkur nýjustu tækni í myndvinnslu til að fá myndina í lit hér á síðum blaðsins 35 árum eftir að myndin fór fyrst á prent.
Suðurnesjamaður ársins 1990 til 2025: 1990 - Dagbjartur Einarsson 1991 - Hjörtur Magni Jóhannsson 1992 - Guðmundur Rúnar Hallgrímsson 1993 - Guðjón Stefánsson 1994 - Júlíus Jónsson 1995 - Þorsteinn Erlingsson 1996 - Logi Þormóðsson 1997 - Steinþór Jónsson 1998 - Aðalheiður Héðinsdóttir 1999 - Sigfús Ingvason 2000 - Bláa lónið / Rúnar Júlíusson / Íþróttafélagið Nes 2001 - Freyja Sigurðardóttir / Norðuróp / Fræðasetrið í Sandgerði 2002 - Guðmundur Jens Knútsson (björgunarafrek) 2003 - Áhöfnin á Happasæl KE (björgunarafrek) 2004 - Tómas J. Knútsson 2005 - Guðmundur Kristinn Jónsson / Kristín Kristjánsdóttir 2006 - Hjörleifur Már Jóhannsson / Bergþóra Ólöf Björnsdóttir 2007 - Erlingur Jónsson 2008 - Sigurður Wíum Árnason 2009 - Jóhann Rúnar Kristjánsson 2010 - Axel Jónsson 2011 - Guðmundur Stefán Gunnarsson 2012 - Nanna Bryndís Hilmarsdóttir / Brynjar Leifsson 2013 - Klemenz Sæmundsson 2014 - Fida Abu Libdeh 2015 - Sigvaldi Lárusson 2016 - Stopp hópurinn – hingað og ekki lengra 2017 - Elenora Rós Georgesdóttir 2018 - Guðmundur Ragnar Magnússon 2019 - Már Gunnarsson 2020 - Sólborg Guðbrandsdóttir 2021 - Björgunarsveitin Þorbjörn og Slysavarnadeildin Þórkatla 2022 - Sigríður Pálína Arnardóttir 2023 - Val féll niður v/aðstæðna á Suðurnesjum 2024 - Arnar Magnússon (björgunarafrek) 2025 - Lionsklúbburinn Freyja
Nýárskveðja frá GTS
GTS Reykjanesbær sendir íbúum, viðskiptavinum og samstarfsaðilum
bestu óskir um gleðilegt nýtt ár og þakkar kærlega fyrir gott samstarf á árinu sem er að baki. Við hlökkum til komandi árs með áframhaldandi uppbyggingu, bættri þjónustu og öruggum akstri fyrir alla. Kveðja, starfsfólk GTS Reykjanesbæ
10 // VÍKURFRÉTTIR Á SUÐURNESJUM
Fjölbrautaskóli Suðurnesja bætist við í hóp UNESCO-skóla
Sigrún Svafa Ólafsdóttir, verkefnastjóri fræðslumála hjá Reykjanes jarðvangi og GeoCamp Iceland, afhenti m.a. bækur og efni frá Reykjanes GeoPark sem FS mun nýta. Guðbjörg Rúna Vilhjálmsdóttir og Davíð Ásgeirsson sem hafa haldið utan um þetta verkefni fyrir hönd skólans tóku við gjöfunum ásamt Kristjáni Ásmundssyni skólameistara og Guðlaugu Pálsdóttur aðstoðarskólameistara.
Fjölbrautaskóli Suðurnesja hefur fengið fengið viðurkenningu sem UNESCO-skóli. Þar með eru 4 skólar innan Reykjanes jarðvangs orðnir UNESCO-skólar; Stóru-Vogaskóli í Vogum var fyrstur til að hljóta þessa viðurkenningu vorið 2025, Háaleitisskóli á Ásbrú fylgdi þar fast á eftir í lok sumars og Leikskólinn Gimli í Reykjanesbæ fékk sína viðurkenningu í október 2025. Af þessu tilefni afhenti Sigrún Svafa Ólafsdóttir, verkefnastjóri fræðslumála hjá Reykjanes jarðvangi, öllum nýjum UNESCOskólum innan jarðvangsins, bækurnar Reykjanes I og II, ásamt öðru útgefnu efni jarðvangsins sem getur nýst í verkefnavinnu
um náttúru og menningu í nærumhverfinu. Frá fyrsta kynningarfundi verkefnisins í september 2024 hafa um 18 leik-, grunn- og framhaldsskólar unnið að UNESCO-skólaumsókn innan Reykjanes jarðvangs. Ferlið hófst að frumkvæði Suðurnesjavettvangs og verkefnastjóri fræðslumála hjá Reykjanes jarðvangi hefur haldið utan um verkefnið, sinnt stuðningi við skólana og verið tengiliður við Félag Sameinuðu þjóðanna á Íslandi. UNESCO hefur starfrækt samstarfsnet skóla á alþjóðavísu frá árinu 1953 undir nafninu UNESCO Associated Schools Project Network (ASPnet). Þeir eru nú um 10.000 talsins og starfa í 180 löndum. Skólarnir eru á leik-,
Saman í samfélagi - þátttaka á jafningjagrunni Nýverið tók Hólmfríður Jennýjar Árnadóttir sviðsstjóri fjölskyldusviðs við styrk fyrir hönd Sveitarfélagsins Voga fyrir verkefni sem ber heitið: Saman í samfélagi þátttaka á jafningjagrunni. Það ríkir mikil ánægja með þessa veglegu upphæð sem mun nýtast vel til að sinna inngildingu í fjölmenningarsamfélagi. Helstu markmið verkefnisins eru: Að efla virka þátttöku innflytjenda í félagsstarfi, frístundum og félagasamtökum í Vogum. Að skapa jafningjavettvang þar sem íslenskir og erlendir íbúar vinna saman að heilsueflandi verkefnum, t.d. hreyfingu, menningu, náttúrutengdum viðburðum og fræðslu. Að stuðla að auknu heilsulæsi, virkni og forvörnum meðal allra íbúa, í anda stefnu um Heilsueflandi samfélag. Að þróa sjálfbært módel sem sveitarfélög og samtök annars staðar á landinu geta nýtt við inngildingu og samfélagsþróun. Gildi verkefnisins bygg ja á fjórum stoðum: Virðing: Allir íbúar eiga rödd og virðingu óháð uppruna eða tungumáli.
Samvinna: Þátttaka á jafningjagrunni byggir á trausti og samábyrgð. Heilsa og vellíðan: Líkamleg, félagsleg og andleg heilsa eru samofin. Inngilding: Samfélag styrkist þegar f jölbreytileiki fær að blómstra. Verkefnið er þannig brú milli heilsueflingar, menningarlegrar fjölbreytni og samfélagslegrar samstöðu, þar sem öll fá að vera þátttakendur, ekki aðeins gestir
Pennasala Félags heyrnarlausra á Suðurnesjum Sigurlaug Erla, formaður Dagbjargar, afhendir Tómasi Loga, formanni Björgunarbátasjóðs Suðurnesja, og Siggeiri Pálssyni skipstjóra gjöfina.
Safnaði 300 þúsund krónum til nýsmíðaverkefnis Björgunarbátasjóðs Suðurnesja
Guðjónína Sæmundsdóttir, forstöðukona MSS afhenti Hólmfríði Jennýjar Árnadóttur, sviðstjóra Fjölskyldusviðs styrkinn.
grunn- og framhaldsskólastigi og hafa allir skuldbundið sig til að flétta þemu Sameinuðu þjóðanna og vinnu með Heimsmarkmiðin 17 um sjálfbæra þróun inn í sitt daglega skólastarf. Markmiðið með því að hvetja sem flesta skóla innan jarðvangsins til að fara þessa leið og gerast UNESCO-skólar var í upphafi hugsað til að auðvelda skólum að vinna með heimsmarkmiðin og auka aðgengi að sniðugum verkefnum, en ávinningurinn hefur einnig verið sá að auka tengingu skólanna við jarðvanginn ásamt því að skapa lifandi samvinnuvettvang fyrir skólafólk þvert á skólabyggingar, skólastig og sveitarfélög.
Björgunarbátasjóður Suðurnesja tók nýverið við rausnarlegri peningagjöf frá Slysavarnadeildinni Dagbjörgu, sem stóð fyrir jólabakstri fyrir jólin og seldi til styrktar nýsmíðaverkefni sjóðsins. Að sögn forsvarsmanna söfnuðust 208.500 krónur í söfnuninni, en Dagbjörg ákvað jafnframt að bæta við framlagið þannig að heildargjöfin nam 300.000 krónum. Við afhendinguna tóku Tómas Logi, formaður Björgunarbátasjóðs Suðurnesja, og Siggeir Pálsson, skipstjóri, við gjöfinni úr hendi Sigurlaugar Ernu, formanns Dagbjargar. Björgunarbátasjóður Suðurnesja færir Slysavarnadeildinni Dagbjörgu kærar þakkir fyrir stuðninginn við verkefnið.
Í janúar munu heyrnarlausir sölumenn á vegum Félags heyrnarlausra heimsækja bæjarfélög á Suðurnesjum og hefja sölu veglegra penna. Söfnunin er til styrktar Norrænni menningahátíð heyrnarlausra sem haldin verður á Selfossi dagana 29. júlí til 2. ágúst næstkomandi sumar. Búist er við allt að 400 þátttakendum alls staðar af Norðurlöndunum og verða menning og listir og sviðslistir allsráðandi á hátíðinni ásamt fyrirlestrum og málstofum auk þess sem öflug barnadagskrá er í boði á meðan foreldrar sækja viðburði en áætlaður heildarkostnaður við hátíðina er um 27 milljónir króna. Skipuleggjendur vonast eftir hlýjum móttökum þegar sölumennirnir koma í heimsókn og þakka fyrirfram fyrir stuðninginn.
SI fjölskyldan styrkir velferðarsjóð og Útskálakirkju Viðreisn í Reykjanesbæ auglýsir eftir framboðum og/eða tilnefningum á lista flokksins fyrir komandi sveitarstjórnarkosningar þann 16. maí 2026. Framboðsfrestur er til 7. febrúar 2026. Framboðum verði skilað rafrænt á netfangið sudurnes@vidreisn.is. Fullum trúnaði er heitið. Uppstillinganefnd Viðreisnar Reykjanesbæ
SI-fjölskyldan í Garði styrkti Velferðarsjóð Suðurnesja um 400 þúsund krónur til minningar um Sigga (f. 4. október 1970 – d. 22. desember 1985), son Kristínar Erlu Guðmundsdóttur og Sigurðar Ingvarssonar. Árlegt leiðisljósagjald í Útskálakirkjugarði rennur ávallt í gott málefni en SI Raf sér um að tengja
ljósakrossa í kirkjugarðinum ár hvert. Þá hafi SI-fjölskyldan fært Útskálakirkju 40 klappstóla að gjöf nú í upphafi aðventu. Á myndinni tekur Sigurður Grétar Sigurðsson sóknarprestur að Útskálum við klappstólunum í Útskálakirkju á aðventunni.
VÍKURFRÉTTIR Á SUÐURNESJUM // 11
Magnús Orri Arnarson ásamt Auðbjörgu Sigurðardóttur, gjaldkera Tourettesamtakanna, við Mannréttindahúsið þar sem samtökin eru til húsa.
Tourette-samtökin styrkja Magnús Orra til kvikmyndagerðar Tourette-samtökin veittu nýverið Magnúsi Orra Arnarsyni styrk til að styðja við áframhaldandi kvikmyndagerð hans. Magnús Orri hefur vakið athygli undanfarin ár fyrir verk sín og sýnt með skýrum hætti að fatlað fólk getur látið drauma sína rætast. Frá þessu er greint á vef samtakanna. Magnús Orri hóf að læra kvikmyndagerð í framhaldsskóla en verkefnin tóku verulega við sér þegar hann var fenginn til að gera kynningarmyndband fyrir Íþróttasamband fatlaðra. Síðan þá hefur hann unnið að fjölbreyttum verkefnum og lagt ríka áherslu á að segja sögur sem varpa ljósi á mannlega reisn, virðingu og þátttöku. Fyrr á árinu 2025 var frumsýnd heimildarmynd hans Sigur fyrir sjálfsmyndina, þar sem hann fylgdi íslenskum keppendum á Heimsleikum Special Olympics sem fóru fram á Ítalíu um vorið. Í myndinni veitir hann innsýn í keppnina sjálfa og það samfélag sem byggir
á mannúð og virðingu, sem einkennir starf Special Olympics. Þetta var fyrsta heimildamynd Magnúsar Orra, sem sjálfur keppti á leikunum í Abu Dhabi árið 2019. Tourette-samtökin stóðu, í samstarfi við Bíó Paradís, fyrir sérstakri skynsegin sýningu á Sigri fyrir sjálfsmyndina í október síðastliðnum. Að sýningu lokinni sat Magnús Orri fyrir svörum áhorfenda, en hann er greindur með Tourette og einhverfu. Myndin var síðan sýnd á RÚV 29. desember. Árangur Magnúsar Orra hefur einnig verið viðurkenndur með Hvatningarverðlaunum ÖBÍ 2025, sem forseti Íslands afhenti honum við hátíðlega athöfn 3. desember, á alþjóðadegi fatlaðs fólks. Tourette-samtökin segja Magnús Orra vera mikilvæga fyrirmynd og að hann sé þegar með fleiri kvikmyndaverkefni í bígerð. Til að hvetja hann áfram veittu samtökin honum styrk að upphæð 250 þúsund krónur.
Fimm af síðustu sex dúxum í FS koma úr sundinu Afrekssundfólk úr ÍRB hefur á undanförnum árum ekki bara staðið sig vel í vatninu heldur einnig í námi en fimm af síðustu sjö dúxum við Fjölbrautaskóla Suðurnesja hafa verið sundmenn. Dúx á síðustu haustönn var GuðmundurLeo Rafnsson en hann er margfaldur Íslandsmeistari í baksundi og keppti nýlega á Evrópumeistaramótinu í sundi. Þá keppti hann líka á heimsmeistaramóti í opnum flokki. Guðmundur Leo er fimmti sundmaðurinn úr síðustu sex útskriftum sem dúxar í Fjölbrautaskóla Suðurnesja. Síðustu sex dúxar FS hafa verið: 2023 Vor: Stefán Elías Davíðsson Berman með 9,72, kemur úr sundinu Anita Ýrr Taylor 9,72 vor 2023, ekki úr sundinu. 2023 Haust: Kári Snær Halldórsson með 9,32, kemur úr sundinu 2024 Vor: Alexander Logi Jónsson með 9,97, kemur úr sundinu (hæsta einkunn í sögu skólans) 2024 Haust: Bergþóra Sól Hálfdánsdóttir, kemur úr sundinu (ekki birt einkunn) 2025 Vor: Ísabella Auður Nótt Matthíasdóttir með 9,69, ekki úr sundinu 2025 Haust: Guðmundur Leo Rafnsson með 9,71, kemur úr sundinu.
Það er líklega eitthvað í vatninu í Vatnaveröld í Reykjanesbæ, en þjálfari allra þessa fyrrverandi og núverandi sundmanna er Steindór Gunnarsson.
Guðmundur Leo, sundkappi og dúx frá haustönn í FS 2025.
Nýsköpun & Ný Tengsl – Hringferð um Landið KLAK, Íslandsstofa, Vísindagarðar og Tækniþróunarsjóður fara í hringferð um landið til að kynna stuðningsumhverfi nýsköpunar, í samstarfi við staðbundna lykilsamstarfsaðila sem telja Háskólafélag Suðurlands, Samband sveitarfélaga á Suðurnesjum, Samtök sunnlenskra sveitarfélaga, Orkídea, Hekluna, Austurbú, Samtök sveitarfélaga og atvinnuþróunar á Norðurlandi eystra, Drift, Hraðið, Stéttina, Samtök sveitarfélaga á Norðurlandi Vestra, Gleipni, Landbúnaðarháskóla Íslands, Unigreen, Samtök
sveitarfélaga á Vesturlandi og Vestfjarðarstofu. Í þriðju viku janúar fara KLAK – Icelandic Startups, Íslandsstofa, Tækniþróunarsjóður og Vísindagarðar í sameiginlega hringferð um landið til að halda opna kynningarfundi ásamt staðbundnum samstarfsaðilum fyrir öll þau sem hafa áhuga á að setja af stað verkefni í nýsköpun eða þróa viðskiptahugmynd. Hringferðin, sem ber heitið „ Nýsköpun og ný tengsl – hringferð um landið“, fer fram dagana 19.–26. janúar 2026 og verður stoppað á átta stöðum
víðs vegar um landið: á Selfossi, Suðurnesjum, Egilsstöðum, Akureyri, Húsavík, Sauðárkróki, Hvanneyri og Ísafirði. Markmið hringferðarinnar er að auka aðgengi að upplýsingum og stuðningi og byggja ný tengsl milli frumkvöðla, fyrirtækja og aðila í nýsköpunarumhverfinu. Viðburðirnir eru opnir öllum og ókeypis, og eru sérstaklega ætluð þeim sem eru með viðskipta- eða nýsköpunarhugmyndir – hvort sem er á fyrstu stigum eða tilbúin að sækja á nýja markaði. Ítarlegri upplýsingar eru í grein á vf.is.
Hrafnista Nesvellir — Opið hús Við fögnum opnun nýs hjúkrunarheimilis við Krossmóa 10 og bjóðum alla hjartanlega velkomna í opið hús á 1. hæð heimilisins föstudaginn 16. janúar kl. 13–15 Allir eru hjartanlega velkomnir að koma, skoða aðstöðuna og kynnast starfinu. Þuríður Ingibjörg Elísdóttir, forstöðumaður Hrafnistu Reykjanesbæ
HRAFNISTA
12 // VÍKURFRÉTTIR Á SUÐURNESJUM
Af atvinnuleysi á Suðurnesjum Atvinnuleysi er enn og aftur komið í sína árstíðabundnu sveiflu. Það er þó hærra nú en áður sem má meðal annars rekja til falls Play air og taps á beinum og afleiddum störfum því tengdu.
Morðið í móanum Grípandi titill, ekki satt, sem myndi þó sóma sér betur á skáldsögu eftir Stellu Blómkvist en í stuttri aðsendri grein í bæjarblaði. En tilefnið er ærið. Í júní sl. voru samþykktar breytingar á aðal- og deiliskipulagi á því opna, græna mólendi í kringum vatnstankinn ofan Eyjabyggðar, sem nú, allt í einu, hefur verið gefið örnefnið Aðaltorg. Eflaust hefur það einhvern tímann komið fram í aðal- og deiliskipulagsauglýsingum en hver les svoleiðis? Hvaða svæði dettur þér í hug, kæri lesandi, þegar rætt er um Aðaltorg? Væntanlega ekki mólendið í kringum vatnstankinn fyrir ofan Eyjabyggðina Það hefur ekki verið venjan að tala um morð þegar átt er við náttúruna eða dýr en það sem hér er verið að leyfa og samþykkja er í raun ekkert annað, morð á náttúrunni og því dýralífi sem þar er að finna. Ég ætla mér ekki að fara í efnisatriði málsins hér en bendi áhugasömum á frábæra grein mína sem birtist í 4. tölublaði Víkurfrétta og á vf.is þann 25. janúar á þessu ári sem heitir Bara mói? Endurtek þó hér mína hörðu gagnrýni á bæjaryfirvöld, bæjarfulltrúa sem og Umhverfis- og skipulagsráð. Þetta hefði átt að vinna betur. Kjörnir fulltrúar sýndu þeim íbúum sem málið snertir fádæma vanvirðingu og dónaskap. Enginn þeirra gerði svo lítið sem að kynna sér málið og afstöðu íbúanna, efa að nokkur þeirra hafi lesið þær umsagnir sem sendar voru inn. Ekki fengu íbúarnir prinsessuviðtal í umhverfisog skipulagsráði eins og jarlinn af Aðaltorgi. Matsskýrslan, pöntuð af Aðaltorgi ehf., er svo kapítuli út af fyrir sig. Full af rangfærslum, blekk-
ingum, hálfkveðnum vísum sem og ókveðnum ef það er nú hægt á annað borð, en þeim tókst það. Hvernig dettur mönnum í hug að áhrif af íbúðafjölda og byggingarmagni, sem jafnast á við lítið sveitarfélag, séu smávægileg á þá byggð sem fyrir er?
Nei sko, hvað svo? Annar grípandi titill en í þetta skiptið eftir snillingana í Spilverki þjóðanna. Er nema von að spurt sé. Stórvirkar vinnuvélar eru þegar mættar á svæðið og þegar búkolla sjálf er komin líka er ljóst að hér stefnir í stórframkvæmdir. Hvað er s.s. hægt að gera þegar allir kjörnir fulltrúar, og allir meðlimir Umhverfis-og skipulagsráðs, eru hlynntir þessari framkvæmd og því miður heyrðist ekki neitt í þeim íbúum sem verða fyrir langmestum áhrifum. Held ég hafi verið eini íbúinn sem sendi inn umsögn þó að nokkrir hafi sett inn mótmæli. Ég gerði það sem ég gat en það er erfitt að takast einn á við báknið. Ég get því lagst á koddann með mína samvisku í lagi og sofið mínum kæfisvefni í sátt við sjálfan mig. Alla vega þangað til náttúran kallar um miðja nótt. Á meðan brosir jarlinn sínu breiðasta og allir virðast sáttir. Að lokum þetta: Brosið leikur breitt um kinn breiðir yfir karlinn. Mikinn rakar arðinn inn Aðaltorgsins jarlinn. Brynjar Huldu Harðarson, Íbúi við móa, ennþá alla vega.
Þessi öfgakennda sveifla bitnar verulega á Suðurnesjum þar sem atvinnuleysi er tvöfalt hærra en meðaltalið yfir landið. Í október var atvinnule ysi á landinu öllu 3,9% en hækkaði í 4,4% í desember. Á Suðurnesjum var atvinnuleysið 7,1% í október og 8,9% í desember. Þetta eru miklar sveiflur milli mánaða. Við vonum að næsta ferðasumar verði farsælt og fari snemma af stað en það sem við getum gert er að halda áfram að laða til okkar ný verkefni og fyrirtæki. Reykjanesbær býr ekki til fyrirtækin, það er ekki okkar hlutverk, en við búum til aðlaðandi umhverfi, tækifæri, atvinnulóðir, húsnæði til að búa í, frábæra leikog grunnskóla og þannig sköpum við aðstæður til vaxtar.
Of tíðar sveiflur Það er erfitt fyrir hvaða samfélag sem er að upplifa tíðar efnahagssveiflur sem koma fyrst og fremst niður á atvinnuvegum eins og ferðaþjónustu. Undanfarin sex ár höfum við séð tæplega 9% atvinnuleysi árið 2019 eftir fall WOW air, eftir COVID-19 faraldurinn árið 2020 var atvinnuleysi í Reykjanesbæ 28% og nú sjáum við 9% atvinnuleysi eftir fall Play air og árstíðarsveiflu ferðaþjónustunnar. Við verðum að tryggja að sveiflurnar hafi ekki svona mikil áhrif á samfélagið okkar.
Reykjanesbær hefur unnið að því að fjölga atvinnutækifærum á meðan við höldum vissulega ferðaþjónustunni okkar í hávegum. Nýtt landeldi Samherja er í uppbyggingu sem mun skapa 100 ný störf auk afleiddra starfa, alls 45 milljarða verkefni. Reykjanesbær var einnig að undirrita samning vegna uppbyggingar mannvirkja í Helguvík við Atlantshafsbandalagið fyrir 10 milljarða. Reykjanesbær hefur einnig einblínt á uppbyggingu verslunar og þjónustu, en á árinu opnaði Krónan eina stærstu verslun sína á Fitjabraut, stærsta verslun Gæludýr.is á landinu opnaði auk BYKO-verslunar. Þarna skapaði Reykjanesbær aðstöðu og tækifæri og fyrirtæki komu í kjölfarið. Þetta er í takt við okkar nýju atvinnustefnu sem kom út 2025 og var unnin af atvinnu- og hafnarráði Reykjanesbæjar.
Úrræði til framtíðar Það sem við sem samfélag getum gert núna er að biðla til fyrirtækja á Suðurnesjum, auk sveitarfélaganna, um hvort hægt sé að ráða inn starfsfólk í verkefni þó ekki sé nema tímabundið. Vil ég sérstaklega benda á valmöguleikann sem Vinnumálastofnun býður upp á sem er ráðningastyrkur í allt að sex mánuði með mótframlagi. Þannig geta fyrirtæki fengið
til sín starfskraft tímabundið með ráðningastyrk fyrir 430 þúsund á mánuði auk mótframlags í lífeyrissjóð. Höfuðatriðið er að halda fólki í virkni, atvinnuleysi er ekki gott fyrir neinn. Það helsta sem Reykjanesbær getur gert er að laða að okkur fleiri fyrirtæki og efla möguleika á rekstri með lóðaframboði og húsnæði. Meirihluti bæjarstjórnar hefur því tengdu lækkað álagningu C-skatts atvinnuhúsnæðis undanfarin ár, úr 1,65% í 1,45%. Auk þess hafa álögur A-skatts íbúahúsnæðis lækkað úr 0,36% í 0,25% en þannig höfum við mildað þá miklu hækkun sem hefur verið á fasteignamati undanfarin ár. Að lokum má nefna atvinnustefnu ríkisstjórnarinnar sem er í umsagnarferli en gert er ráð fyrir að leggja stefnuna fram í byrjun árs 2026 ásamt aðgerðaáætlun. Þar kemur meðal annars fram: „Ríkið mun vinna skipulega að þróun nýrra kjölfestuverkefna á landsbyggðinni til að treysta byggð og atvinnulíf um allt land. Þannig beita stjórnvöld sér með virkum hætti til að stuðla að blómlegri atvinnuþróun um land allt.“ Ég bíð spennt eftir að atvinnustefna ríkisins og aðgerðaáætlunin verði lögð fram í byrjun árs 2026 og hlakka til að taka samtalið við ríkisstjórnina um framtíðar tækifæri í Reykjanesbæ og á Suðurnesjum. Við höfum upp á allt að bjóða, erum í örum vexti og hér er frábært að búa. Guðný Birna, forseti bæjarstjórnar Reykjanesbæjar.
Það er enginn bæjarbragur án íþrótta Reykjanesbær er íþróttastórveldi og reynslan sýnir með óyggjandi hætti hversu mikill ávinningur felst í öflugu íþrótta- og tómstundastarfi. Íþróttir, líkt og annað menningar- og tómstundastarf, skapa félagsleg tengsl sem styrkja einstaklinga, efla sjálfstraust og stuðla að virkri þátttöku í samfélaginu. Þar liggja einnig sterk forvarnaráhrif sem skipta sköpum fyrir heilsu, líðan og framtíð barna og ungmenna. Þótt íþróttastarf sé ekki lögbundið hlutverk sveitarfélaga er það augljóslega nauðsynlegur hluti af heilbrigðu samfélagi. Öflugt íþróttalíf skapar velferð, eykur samfélagslegan kraft og byggir upp samstöðu og stolta bæjarbúa. Þetta er fjárfesting sem skilar sér margfalt, bæði félagslega og fjárhagslega, til lengri tíma. Í því samhengi er rétt að horfast í augu við staðreyndir. Útgjöld Reykjanesbæjar til íþrótta- og tómstundamála eru mun lægri en hjá mörgum sambærilegum sveitarfélögum. Það eitt og sér skýrir hluta af þeim vanda sem blasir við: há æfingagjöld, þröng rekstrarskilyrði félaganna og aukið álag á sjálfboðaliða.
Grunnforsenda þess að ávinningur íþróttastarfs náist fram er að öll börn, óháð efnahag, hafi jafnt aðgengi að íþróttum. Aðgengi barna ræðst meðal annars af framboði íþróttastarfs, samgöngum, íþróttamannvirkjum og skipulagi. En það er engum blöðum um það að fletta að æfingag jöld og annar kostnaður vega þar þyngst. Fyrir of margar fjölskyldur er kostnaðurinn orðinn raunveruleg hindrun. Íþróttafélögin í Reykjanesbæ sinna gríðarlega mikilvægu hlutverki af mikilli ábyrgð og eldmóði. En þau geta ekki borið þetta hlutverk ein og sér. Þau þurfa raunverulegan stuðning frá sveitarfélaginu til að halda niðri
kostnaði, byggja upp starfsemi og tryggja gæði til framtíðar. Í samtölum mínum við fólk úr íþróttahreyfingunni hefur borið reglulega á góma að samvinna og samstarf af hálfu bæjaryfirvalda sé verulega ábótavant. Þessu þarf að breyta núna strax, óháð hver er í meirihluta bæjarstjórnar. Það er brýnt að íþróttafélögin og Reykjanesbær vinni saman markvisst að því að létta byrðar af fjölskyldum, styrkja rekstrarumhverfi félaganna og tryggja að íþróttir séu raunverulega fyrir alla. Með ábyrgari rekstri bæjarins og öflugra atvinnulífi getur Reykjanesbær komið af meiri krafti að uppbyggingu íþróttastarfs. Sameinumst um raunhæfar lausnir, stöndum vörð um jöfn tækifæri og gerum góðan bæ enn betri. Vilhjálmur Árnason Frambjóðandi í leiðtogaprófkjöri Sjálfstæðisflokksins í Reykjanesbæ sem fer fram 31. janúar.
Öll tölublöð Víkurfrétta frá 1980 og til dagsins í dag eru aðgengileg á timarit.is
VÍKURFRÉTTIR Á SUÐURNESJUM // 13
Þjónandi forysta í verki – leiðtoginn sem setur fólk í fyrsta sæti Í leiðtogakjöri okkar Sjálfstæðismanna, sem fram fer 31. janúar nk. er ekki kosið um stefnu í hefðbundnum skilningi eða einstök verkefni. Reykjanesbær stendur á tímamótum. Bærinn hefur vaxið hratt, samfélagið hefur tekið miklum breytingum og áskoranir dagsins krefjast skýrra stefnumála, ábyrgðar og sterkrar forystu.
skýrt og rækta heiðarleg samskipti má byggja upp menningu þar sem fólk þorir að segja skoðun sína, koma með hugmyndir og læra af mistökum.
Eins og glöggir lesendur hafa tekið eftir þá er þeir sem sækjast eftir leiðtoga okkar Sjálfstæðismanna í Reykjanesbæ með svipaða stefnuskrá, sem er óumdeilanleg áherslumál; hvaða lausnir má finna til að leysa atvinnumál á svæði, skipulagsmál bæjarins, menntamál og hvernig við mönnum menntastofnanirnar okkar af fagfólki. Að lokum vil ég nefna íþróttir bæjarins og hvernig við náum að gera Reykjanesbæ aftur að íþróttabæ. Það er verið að kjósa leiðtoga flokksins, einstakling sem kjósendur treysta best til að leiða Sjálfstæðismenn í næstu bæjarstjórnarkosningum. Kjósendur líta til leiðtoga sem byggir starf sitt á djúpum gildum og raunverulegri umhyggju fyrir kjósendum, íbúum Reykjanesbæjar, sem ég svo sannarlega geri. Sem leiðtogi í mínum störfum, hvort sem um ræðir skólastjórnanda í Holtaskóla og nú Háaleitisskóla, fótboltaþjálfara eða stjórnarmann Knattspyrnusambands Íslands hef ég lagt áherslu á tvennt; að stjórna og starfa eftir mínum gildum og notast við þjónandi forystu. Þjónandi forysta snýst um að spyrja: Hvernig get ég stutt ykkur? í stað þess að spyrja: Hvað getið
Ástríða fyrir fólki og samfélagi
þið gert fyrir mig? Það á vel við mig. Ég legg ég áherslu á að hlusta, sýna fólki traust og skapa rými þar sem aðrir geta vaxið. Ég trúi því að starf mitt sem leiðtogi sé fyrst og fremst að styðja aðra til árangurs, sem einstaklinga og sem liðsheild. Mín lífsins gildi eru heiðarleiki, ástríða og dugnaður, sem eru ekki aðeins falleg orð á blaði heldur leiðarljós í ákvörðunum, samskiptum og framtíðarsýn. Þessi gildi ráðast af því uppeldi sem ég fékk, því frá unga aldri lærði ég að láta verkin tala, standa við mitt og gefast ekki upp þegar á móti blæs.
Heiðarleiki sem ófrávíkjanlegt gildi Heiðarleiki er eitt af lykilgildum í minni forystu. Í uppeldi mínu var skýrt að orð skyldu standa og að það væri betra að viðurkenna mistök en að fela þau. Í leiðtogahlutverki birtist það í gagnsæi, skýrum samskiptum og að taka ábyrgð þegar hlutir ganga ekki eins og áætlað var. Undir áhrifum þjónandi forystu tel ég traust vera grunnforsendu árangurs. Án trausts er erfitt að fá fólk með sér í vegferð, sama hversu glæsileg markmiðin eru. Með því að tala
Annað gildið, ástríða, snýr fyrst og fremst að fólki og samfélagi. Ég brenn fyrir því að sjá fólk vaxa, taka þátt og hafa áhrif. Sem þjónandi leiðtogi sé ég mig ekki sem miðpunkt alls, heldur sem hlekk sem hjálpar öðrum að tengjast, finna styrkleika sína og nýta þá í þágu heildarinnar. Ástríðan felst í því að gefast ekki upp, hlusta af einlægni og sjá í hverjum og einum þann möguleika sem kannski er ekki alltaf sýnilegur á yfirborðinu. Ástríðan er minn mótor sem knýr mig áfram til að leggja mig allan fram, skapa jákvætt andrúmsloft og vera fyrirmynd í orði og verki. Með ástríðu næ ég að hvetja aðra til dáða, hrinda hugmyndum í framkvæmd og byggja upp traust, trú og sameiginlega framtíðarsýn.
Dugnaður sem daglegt viðmið Dugnaður hefur alltaf verið hluti af mínum veruleika. Ég er alinn upp við að vinna sé ekki eitthvað sem maður sinnir aðeins frá níu til fimm, heldur viðhorf til lífsins. Snemma var mér kennt að dugnaður í vinnu er aðdáunarverður og eitthvað sem fólk í samfélaginu tekur eftir og dáist að. Sem gutti í sjávarþorpinu Neskaupstað, á mínum æsku árum, hjálpaði ég
móður minni að pakka síld aðeins 6 ára gamall, sem er minning sem kallar fram ánægju og stolt. Að klára hlutina, gera sitt besta og sýna ábyrgð, líka þegar enginn horfir á. Sem leiðtogi er ég tilbúinn að leggja mitt af mörkum, hvar sem þörfin er mest. Ég krefst ekki meira af öðrum en ég er tilbúinn að leggja á mig sjálfur. Ég sem leiðtogi geng á undan sem fyrirmynd í verki, ekki aðeins í orði.
Forystu byggð á rótum og gildum Það er margt sem hefur mótað mig og minn leiðtogastíl. Uppeldið mitt var skóli í ábyrgð, sanngirni og samkennd, þar sem heimilið, þátttaka í íþróttum og atvinna hafa haft gífurleg áhrif á mig sem leiðtoga. Þar lærði ég að meta vinnusemi, að segja satt þó það sé óþægilegt og að sýna umhyggju í verki, ekki aðeins í orðum. Þessi grunngildi móta mig sem leiðtoga, leiðtogi sem er fyrst og fremst maður meðal manna, sem gleymir ekki hvaðan ræturnar koma. Að byggja upp fólk, efla samfélagið og skilja eftir sig spor sem standa lengur en nokkurt kjörtímabil eða starfsheiti. Það er sú forysta sem ég vil rækta fyrir bæjarbúa Reykjanesbæjar, í dag og til framtíðar. Unnar Stefán Sigurðsson, skólastjóri í Háaleitisskóla og frambjóðandi í leiðtogaprófkjöri Sjálfstæðisflokksins í Reykjanesbæ.
Arnar Páll býður sig fram til oddvita Kæru íbúar Reykjanesbæjar! Eftir mikla hvatningu hef ég ákveðið að gefa kost á mér í oddvitasæti á lista Viðreisnar í Reykjanesbæ í komandi sveitarstjórnarkosningum. Ég býð mig fram af þeirri sannfæringu að Reykjanesbær eigi meira inni, að Viðreisn eigi erindi við íbúa og geti verið öflugt afl til umbóta. Reykjanesbær er ekki aðeins stórt og fjölmennt sveitarfélag, heldur samfélag með sterkar rætur. Með skýrri framtíðarsýn, ábyrgri fjármálastjórn og samstöðu þvert á flokka getum við stóraukið þjónustu við íbúa, einfaldað kerfin og tryggt traustan og sjálfbæran rekstur til lengri tíma. Hér eru sterkir innviðir, alþjóðaflugvöllurinn er í næsta nágrenni, sem við getum og eigum að nýta mun betur til að styðja við frekari fjárfestingu, þróun og framtíðarstörf. Samhliða þessu er nauðsynlegt að efla nýsköpun og byggja upp fjölbreyttara atvinnulíf í Reykjanesbæ.
Slík uppbygging gerist ekki af sjálfu sér, heldur krefst markvissrar samvinnu, opins samtals og trausts samstarfs, þar sem almannahagsmunir eru hafðir að leiðarljósi. Þó að ég bjóði mig fram núna þá hófst stjórnmálaþátttaka mín árið 2016 þegar ég tók þátt í stofnun Viðreisnar. Ég hef alla tíð trúað á gildi flokksins, að setja almannahagsmuni framar sérhagsmunum, standa vörð um frjálslyndi og sýna ábyrgð í verki. Ég hef alla tíð verið virkur í starfi flokksins og gegnt ýmsum lykilhlutverkum, meðal annars sem formaður kjördæmisráðs, formaður Viðreisnar í Reykjanesbæ og nú formaður Viðreisnar á Suðurnesjum. Þá sat ég í menningar- og atvinnuráði Reykjanesbæjar kjörtímabilið 2018–2022, þar sem ég tók þátt í að móta stefnu og taka ákvarðanir sem höfðu bein áhrif á samfélagið okkar.
n
Ábyrg og stöðug fjármálastjórn, þar sem gagnsæi er regla en ekki undantekning og að framkvæmdaáætlanir byggi á raunhæfu mati.
n
Öryggi í umhverfinu, með því að stuðla að öruggum og góðum samgöngum sem þróast í takt við fjölgun íbúa.
n
Styðja enn betur við öflugt markaðsstarf og vinna af krafti að því að fá öflug fyrirtæki til bæjarins og byggja þannig undir frekari nýsköpun, fjárfestingu og tækifæri til framtíðar.
n
Framúrskarandi íþrótta-, skóla- og frístundastarf, þar sem jafnt aðgengi barna og ungmenna er tryggt svo öll börn fái að njóta sín óháð efnahag eða félagslegum aðstæðum.
n
Hugsa í lausnum þvert á flokka, með því að fagna öllum góðum hugmyndum sama hvaðan þær koma.
Mín helstu áherslumál fyrir komandi kosningar eru:
NÝSKÖPUN & NÝ TENGSL
Ég er menntaður viðskiptafræðingur og hef lokið meistaraprófi í mannauðsstjórnun. Ég er fæddur, uppalinn og búsettur í Reykjanesbæ og hjarta mitt slær með samfélaginu okkar. Ég er fullur eldmóðs og hlakka til þeirra verkefna sem fram undan eru. Ég er tilbúinn að leggja á mig ómælda vinnu til að ná sameiginlegum markmiðum Viðreisnar í Reykjanesbæ. Viðreisn stendur fyrir skynsemi, ábyrgð og fagmennsku og vil ég leggja mitt af mörkum til að þau gildi verði innleidd af meiri festu í bæjarstjórn Reykjanesbæjar. Ég sæki því stoltur um að leiða þann öfluga hóp sem í framboði verður fyrir Viðreisn í komandi sveitarstjórnarkosningum, en hann mun verða skipaður framtaksömu, ábyrgu og kraftmiklu fólki sem vill bæta samfélagið sitt og láta gott af sér leiða. Ég hlakka til að taka samtalið við ykkur á komandi misserum um bestu lausnirnar fyrir samfélagið okkar.
Drengur fæddist á Ljósmæðravakt HSS 12. desember 2025. Þyngd: 3764 grömm Lengd: 51 sentimetri Foreldrar: Snjólaug Ösp Jónsdóttir og Einar Sveinn Einarsson. Þau eru búsett í Reykjanesbæ. Ljósmóðir: Hugljúf Dan Jensen
Stúlka fæddist á Ljósmæðravakt HSS þann 1. janúar 2026 Þyngd: 3726 grömm Lengd: 51 sentimetri Foreldrar: Sandra ósk Jónsdóttir og Vilhjálmur Ólafsson. Þau eru búsett í Keflavík Ljósmóðir: Jónína Birgisdóttir
Stúlka fæddist á ljósmæðravakt HSS 2. janúar 2026. Þyngd: 3160 grömm Lengd: 48 sentimetrar Foreldrar: Laufey Jóna Jónsdóttir og Stefnir Guðmundsson. Þau eru búsett í Hafnarfirði. Ljósmóðir: Ingibjörg F. Sigurðardóttir
Virðingarfyllst, Arnar Páll Guðmundsson
Opinn kynningarfundur fyrir frumkvöðla, sprota og ný fyrirtæki
æ b s e n a j k y í Re
NÝ BUR AR
19 jan – kl 16-18 KEF Café
Stúlka fæddist á Ljósmæðravakt HSS þann 11. Janúar 2026 Þyngd: 4328 grömm Lengd: 53 sentimetrar Foreldrar: Hulda Jenný Hansen Bjarnadóttir og Þórhallur Guðjónsson Þau eru búsett í Reykjanesbæ Ljósmóðir: Rut Vestmann
Til hamingju!
14 // VÍKURFRÉTTIR Á SUÐURNESJUM
Valdimar Kristinn Árnason íþróttamaður ársins annað árið í röð Viðurkenningarathöfn þar sem íþróttamaður ársins, sjálfboðaliði ársins og hvatningaverðlaun Sveitarfélagsins Voga voru veitt fór fram á þrettándanum í Tjarnasal Stóru-Vogaskóla.
Íþróttamaður ársins 2025 var annað árið í röð Valdimar Kristinn Árnason Valdimar Kristinn er rallýkrossökumaður. Valdimar varð bæði Íslandsmeistari og bikarmeistari í unglingaflokki árið 2024 og íþróttamaður ársins í Sveitarfélaginu Vogum. Hann varð 17 ára eftir tímabilið í fyrra og fór því upp um flokk og keppti í 1000cc flokk, en þar var hann í harðri samkeppni við reynslumeiri ökumenn enda yngstur í þessum flokki og flokkurinn sá stærsti fyrir ökumenn 17 ára og eldri. Eftir sumarið stóð hann aftur uppi sem Íslands- og bikarmeistari í 1000cc flokki. Þetta gerði hann allt á sama bílnum, en þó búinn að þyngja hann svo hann sé í réttri þyngd, hann hefur smíðað og græjað bílinn sjálfur með aðstoð eldri bróður síns. Valdimar er þekktur fyrir prúðmennsku, hjálpsemi og hógværð innan Rallýcross-samfélagsins bæði innan sem utan brautar. Hann tók einnig þátt í rallý þetta sumar sem aðstoðarökumaður og varð í 3ja sæti þar í Íslandsmeistaramótinu í rallý. Valdimar hefur sýnt það og sannað að með aga, eldmóð, þrautseigju og metnaði er allt mögulegt.
Sjálfboðaliði ársins 2025 kom í hlut Helgu Ragnarsdóttur Helga hefur um árabil unnið magnað og ómetanlegt starf í þágu samfélagsins og er einstök í að varðveita sögu og menningararf sveitarfélagsins. Hún er ekki aðeins burðarás í starfi Minjafélagsins heldur líka ótrúlega fús til að leggja hönd á plóg í fjölmörgum öðrum verkefnum sem styrkja og efla samfélagið. Helga var meðal annars einn af lykilaðilum í framkvæmd og undirbúningi Landsmóts UMFÍ 50+ á síðasta ári, þar sem hún sýndi ótrúlega elju, skipu-
lagshæfileika og jákvæðni. Þá hefur hún unnið stórvirki við fjölmörg verkefni Minjafélagsins, svo sem uppbyggingu Samkomuhússins og Kirkjuhvols, skipulagningu jólamarkaða, uppbyggingu á Norðurkoti, skipulagðra gönguferða og móttöku hópa í Skjaldbreið, auk umsjónar með bátnum Huginn – og mætti þar lengi telja. Það er rétt að minna á að Minjafélag- og sögufélag Vatnsleysustrandar er fámennt félag, sem gerir framlag Helgu enn dýrmætara. Fyrir okkur sem erum virk í félagsstörfum í Vogum er ljóst að árangur félagsins og metnaðarfull verkefni á þessu ári endurspegla í hvívetna óeigingjarnt starf, eldmóð og þrautseigju Helgu Ragnarsdóttur. Helga er lifandi sönnun þess hvernig einn einstaklingur getur haft gríðarlega jákvæð áhrif á sitt samfélag.
Hvatningaverðlaun ársins 2025 hlaut Björgvin Dagur Kárason Björgvin Dagur æfir fótbolta með Þrótti Vogum og er sagður þrautseigur, mikill peppari, samviskusamur, stundvís, umhyggjusamur, hjálpsamur og góður. Athöfnin var haldin í Tjarnarsal. Hólmfríður Je n n ý j a r Á r n a d ó tt i r, sviðsstjóri fjölskyldusviðs, flutti ávarpsorð og minnti á mikilvægi íþrótta-, tómstunda- og menningarstarfs í Vogunum þar sem sjálfboðaliðar gegndu oft og tíðum lykilhlutverki sem sjaldan færi hátt. Það væri auður hvers sveitarfélags og mikilvæg sjálfsmynd þess að fólk fyndi sér farveg til að iðka áhugamál og hitta mann og annan. Björg Ásta Þórðardóttir varaformaður Frístunda- og menningarnefndar flutti einnig nokkur orð og afhenti viðurkenningar, blómvendi og farandsbikar. Tilnefningar voru eftirfarandi: Hvatningarverðlaun ársins: Björgvin Dagur Kárason Sjálfboðaliði ársins: Jóhanna Brynja Ólafsdóttir Helga Ragnarsdóttir Samúel Þórir Drengsson, Hannes Smárason og Hilmar Ólafsson.
Salome Kristín, íþróttamaður Suðurnesjbæjar 2025.
Salóme Kristín íþróttamaður Suðurnesjabæjar 2025 Salóme Kristín Róbertsdóttir var kjörin íþróttamaður Suðurnesjabæjar 2025. Salóme Kristín er knattspyrnukona sem spilar með meistaraflokki Keflavíkur. Árið 2025 var frábært ár hjá henni, hún spilaði alla leiki Keflavíkur í Lengjudeildinni í sumar, var eins og klettur í hjarta varnarinnar og þrátt fyrir ungan aldur frábær leiðtogi liðsins. Salóme var valin í U19 ára landsliðið fyrir þrjú verkefni árið 2025, meðal annars undankeppni fyrir EM sem haldið var í Portúgal í apríl. Salóme endaði svo knattspyrnusumarið á að vera valinn besti leikmaður meistaraflokks kvenna hjá Keflavík. Alls voru sex íþróttamenn og konur tilnefnd í kjörinu. Þau eru Ástvaldur Ragnar Bjarnason, Hilda Rún Hafsteinsdóttir, Hlynur Jóhannsson, Orfeus Andreou, Ólafur Darri Sigurjónsson og Salóme Kristín Róbertsdóttir, sem að lokum var kjörin íþróttamaður ársins 2025 í Suðurnesjabæ. Við athöfnina var jafnframt tilkynnt um kjör á sjálfboðaliða ársins 2025. Að þessu sinni fékk Sigríður Þórhalla Þorleifsdóttir kjörin. Sigríður Þórhalla, eða Sigga, hefur verið ómetanlegur sjálfboðaliði hjá Víði frá árinu
Sigríður Þórhalla, sjálfboðaliði ársins. 1998. Í gegnum árin hefur hún sinnt fjölbreyttum og krefjandi verkefnum af mikilli alúð, ábyrgð og ósérhlífni. Hún hefur lagt mikið af mörkum í Barna- og unglingaráði, foreldraráði og hefur einnig setið í aðalstjórn Víðis í um það bil fimm ár sem meðstjórnandi og nú sem varaformaður félagsins. Sigríður hefur ávallt sýnt einstakan dugnað, mikla vinnusemi og elju og er sannarlega fyrirmynd annarra sjálfboðaliða. Hún er óstöðvandi og ávallt reiðubúin að leggja sitt af mörkum. Framlag hennar hefur svo sannarlega haft góð áhrif á starfsemi Víðis og samfélagið í heild. Nánar um kjörið á vf.is.
Íþróttamaður ársins: Jökull Blængsson Valdimar Kristinn Árnason
Íþróttafólkið sem var tilnefnt og Sigríður sjálfboðaliði.
Keflvíkingar eru með bæði liðin í undanúrslitum VÍS bikarkeppninnar í körfubolta eftir sigra hjá þeim báðum í vikunni. Kvennaliðið vann stórsigur á Haukum og karlarnir unnu magnaðan eins stigs sigur á Valsmönnum. Undanúrslitin og úrslitaleikir verða fyrstu vikuna í febrúar. Keflvíkingar og stuðningsmenn þeirra munu því mæta hressir á árlegt þorrablót félagsins á laugardaginn en að venju þjófstarta þeir þorra með stóru blóti viku fyrir bóndadaginn.
VÍKURFRÉTTIR Á SUÐURNESJUM // 15
Alexander Veigar og Emma valin íþróttafólk Grindavíkur 2025 Pílukastarinn Alexander Veigar Þorvaldsson og knattspyrnukonan Emma Fanndal Jónsdóttir voru valin íþróttakarl og íþróttakona Grindavíkur 2025. Sameiginlegt lið Grindavíkur og Njarðvíkur í meistaraflokki kvenna í knattspyrnu var valið íþróttalið Grindavíkur 2025 og Gylfi Tryggvason, þjálfari liðsins, þjálfari Grindavíkur 2025. Alexander Veigar var valinn íþróttakarl Grindavíkur þriðja árið í röð. Alexander er stigameistari PSÍ 2025 og margfaldur Íslandsmeistari. Hann sýndi styrk sinn bæði heima og erlendis, þar á meðal á heimsmeistaramóti ungmenna, og hefur skýr markmið um að stefna enn hærra. Emma leiddi sameiginlegt lið Grindavíkur og Njarðvíkur til upp um deild í sumar með yfirvegun, styrk og framúrskarandi varnarvinnu. Hún er einn allra mikilvægasti leikmaður liðsins og sannkallaður leiðtogi.
Verðlaunahafar í kjöri íþróttafólks ársins.
Sameiginlegt lið Grindavíkur og Njarðvíkur tryggði sér sæti í Bestu deild kvenna þrátt fyrir spár um annað í upphafi tímabils. Liðið sannaði að með trú á verkefninu, góðri liðsheild og mikilli seiglu er allt mögulegt. Gylfi tók við nýstofnuðu liði og skapaði ósigrandi liðsheild. Hann er leiðtogi sem nær fram því besta í fólkinu sem vinnur með honum og árangurinn er eftir því.
Gylfi Tryggvason, þjálfari kvennaliðsins.
Alexander Veigar og Emma Fanndal, íþróttafólk Grindavíkur 2025.
Hefurðu kynnt þér hvatagreiðslur fyrir 67 ára og eldri?
Reykjanesbær niðurgreiðir íþrótta- og tómstundastarf íbúa 67 ára og eldri. Kynntu þér málið á reykjanesbaer.is
HANNESAR FRIÐRIKSSONAR
Heilsuhátíð í janúar Yfir 1200 heilsuvörur á tilboði dagana 15.-25. janúar Hvort sem markmiðið er meiri orka, sterkara ónæmiskerfi eða aukin vellíðan, skiptir næringin máli. Að velja mat sem er nálægt sínu upprunalega formi gefur líkamanum þá næringu sem hann þekkir og nýtir, og leggur grunninn að bættri heilsu.
Skoðaðu Heilsublað Nettó hér
Verður árið 2026 ár stungunnar? Árið 2025 er liðið og sól tekin að hækka á lofti. Moskító-flugan er komin til landsins. Hún stingur og ræðst fyrirvaralaust að fólki. Auðvitað óþægilegt að verða fyrir en menn jafna sig venjulega á slíkum stungum. Smá sviði og óþægindi, en lífið heldur áfram. Stungur mannfólksins geta verið verri. Árið 2025 var að mörgu leyti ár ómennsku á samfélagsmiðlunum. Stungurnar gengu í allar áttir á netinu og sumar hverjar höfðu þann tilgang einan að sundra, særa og meiða. Stungur mannfólksins beindust fyrst og fremst að fólki með ákveðinn uppruna, ákveðna kynvitund og kynhneigð, fólki frá öðrum hlutum heimsins. Viðri menn skoðanir sínar á umdeildum málum á netinu er hætt við stungum. Rökræðan þar sem skipst er á skoðunum byggða á staðreyndum virðist vera á undanhaldi og stóryrði í anda götustráka að verða eitthvað norm hjá þeim er hæst láta. Ekki er ég miðill en ég spái því að árið 2026 gæti orðið ár stungunnar. Næg verða tilefnin fyrir nettröllin og siðfræðinginn, nú þegar tekist verður á um ýmis þau úrlausnarefni samfélagsins sem taka þarf á og hver framtíð okkar á að vera. Sveitarstjórnarkosningar og hugsanlegar aðildarviðræður okkar við ESB gætu orðið stór mál þar sem við hvert og eitt verðum að setja okkur inn í málin og ákveða hver afstaða okkar verður. Þá afstöðu verðum við hvert og eitt að fá að taka á sem sönnustum upplýsingum frekar en stóryrðum án innihalds eða rökstuðnings. Málið er að öll lifum við í sama samfélagi sem við viljum öllum hið besta. Öll höfum við okkar skoðanir á því hvernig við höldum að málum sé best fyrirkomið. Við höfum rétt á því og engin skoðun er réttari en önnur. Tökumst á með rökum og staðreyndum en sleppum að kalla hvert annað ónefndum eða gera því upp skoðanir. Leyfum sólinni að koma upp og finnum hlýju í garð hvers annars í stað þess að skapa sundrungu skoðananna vegna. Látum ekki árið 2026 verða ár stungunnar.
Mundi
Ég bý löglega hér á baksíðu Víkurfrétta!