Tudalen 3 Digwyddiadau a Gweithgareddau Pwnc-benodol
Tudalennau 4-9 Digwyddiadau a Diwrnodau Blasu
Tudalennau 10-11 Ysgol Haf
Tudalennau 12-13 Gwneud Cais UCAS
Tudalennau 14-15 Clirio
Tudalen 16 Bioleg yn y Parc
Tudalen 17 Anwytho Chweched Dosbarth
Tudalennau 18-19 Diwrnodau Agored
Gydag amrywiaeth o sesiynau rhyngweithiol i ddewis ohonynt ar draws ystod o feysydd, bydd ein digwyddiadau a'n gweithgareddau pwnc-benodol yn rhoi cyfle i'ch myfyrwyr gael cipolwg go iawn ar astudio pwnc penodol yn y brifysgol.
Rydym yn cynnig sesiynau yn y meysydd pwnc canlynol:
• Addysg ac Addysgu
• Animeiddio a Gemau
• Bioleg a Fforensig
• Busnes
• Ceiropracteg
• Celf a Dylunio
• Celfyddydau Creadigol a Therapiwtig
• Cerddoriaeth
• Cwnsela a Seicotherapi
• Cyfrifiadureg a Seiberddiogelwch
• Chwaraeon
• Drama
• Ffasiwn
• Ffilm a’r Cyfryngau
• Ffisiotherapi
• Ffotograffiaeth
• Gwaith Cymdeithasol
• Gwasanaethau Cyhoeddus
• Gwyddor Fferyllol
• Y Gyfraith
• Hanes
• lechyd a Gofal Cymdeithasol
• Nyrsio a Bydwreigiaeth
• Peirianneg
• Plismona
• Seicoleg
• Technoleg Dylunio
• Therapi Galwedigaethol
• Troseddeg
• Ymarfer Adran Lawdriniaeth
EWCH I’N TUDALENNAU YSGOLION, COLEGAU AC ALLGYMORTH, SYDD NEWYDD EU DIWEDDARU, I GAEL GWYBOD AM Y CYFAN RYDYM YN EI GYNNIG. O SESIYNAU GWYBODAETH, CYNGOR AC ARWEINIAD I YSTOD EANG O DDIWRNODAU BLASU PWNC-BENODOL Y GELLIR CADW LLE
YNDDYNT, MAE DIGON O GYMORTH AR GAEL I CHI A'CH DYSGWYR. GALLWCH HEFYD DDYSGU MWY AM EIN RHAGLENNI EHANGU
CYFRANOGIAD, EIN CYNHADLEDD A'N GWOBRAU ATHRAWON A CHYNGHORWYR, A GWELD PA AELOD O'N TÎM YW'R SWYDDOG PENODEDIG
I'CH YSGOL NEU'CH COLEG.
Rydym yn cynnal nifer o ddigwyddiadau a diwrnodau blasu ar gyfer ysgolion a cholegau ar ein campysau drwy gydol Tymor yr Haf. Os hoffech drefnu diwrnod blasu ar gyfer eich myfyrwyr Blwyddyn 12 neu Flwyddyn 13, cysylltwch â ni: ysgolionacholegau@decymru.ac.uk
Dyddiadau: 17 Mehefin ac 8 Gorffennaf 2026
DISGRIFIODD 93% O YMATEBWYR Y
DIGWYDDIAD YN DDEFNYDDIOL/ DEFNYDDIOL IAWN MEWN AROLYGON AR
ÔL Y DIGWYDDIAD O RAN EU CYSYLLTU AG ADDYSG UWCH.
MYND I'R AFAEL Â: CEIROPRACTEG
Dyddiad: 1 Gorffennaf 2026
Mae Ceiropracteg yn llawer mwy na chefn poenus a gyddfau anystwyth. Mae Ceiropractyddion yn weithwyr gofal iechyd sylfaenol sy'n arbenigo mewn esgyrn, cymalau, cyhyrau a meinwe meddal. Gall myfyrwyr brofi dysgu ymarferol y tu mewn i'n Canolfan
Sefydliad Ceiropracteg Cymru (WIoC). Anogwch eich myfyrwyr i archwilio'r llwybr gyrfa hwn trwy fynychu'r Diwrnod Blasu hwn sy'n cynnwys technegau trin asgwrn cefn a thylino pwyntiau sbardun.
Dyddiadau: 6 Mai a 10 Mehefin 2026
Camwch i fyd cyffrous ymchwilio i safle trosedd gyda'n digwyddiad allgymorth CSI trochi. Yn berffaith ar gyfer gwyddonwyr fforensig uchelgeisiol, a meddyliau chwilfrydig fel ei gilydd, mae'r profiad ymarferol hwn yn gadael i chi blymio i mewn i'r broses ddiddorol o ddatrys achos llofruddiaeth.
Mae'r diwrnod yn cyflwyno senario lleoliad trosedd efelychiedig i fyfyrwyr, gan eu galluogi i ddeall sut mae gwahanol feysydd pwnc yn rhyngweithio, o leoliad y drosedd hyd at erlyniad mewn llys barn.
Dyddiadau: 15 Ebrill a 24 Mehefin 2026
Profiad o ddarlithoedd, seminarau a gweithdai ar amrywiaeth o bynciau gan gynnwys mapio hunaniaeth gymdeithasol, dulliau ymchwil, llwybr llygad a Biopac. Dyma gyfle i fyfyrwyr ymweld â'n Labordy Seicoleg, yn ogystal â rhoi cynnig ar ddefnyddio rhywfaint o'r offer.
ADDYSGU
Mae'r Diwrnod Blasu hwn yn gyfle gwych i'ch myfyrwyr archwilio arfer gorau mewn addysg plentyndod cynnar, cael cipolwg go iawn ar fywyd fel athro dan hyfforddiant, a datblygu sgiliau newydd gwerthfawr. Trwy weithdai rhyngweithiol a gweithgareddau ymarferol, byddant yn cael eu hannog i gydweithio, gofyn cwestiynau, a dechrau meddwl am eu dyfodol mewn addysg, a hynny i gyd wrth gael teimlad o fywyd prifysgol.
DNA: DATGODIWCH EICH
DYFODOL YN PDC
Dyddiadau: 29 Ebrill ac 1 Gorffennaf 2026
Dewch yn Fiolegydd Moleciwlaidd am y diwrnod wrth i chi archwilio sut mae
DNA yn gweithio a pham ei fod yn bwysig. Byddwch yn sefydlu eich adwaith PCR eich hun i fwyhau DNA, yna'n delweddu'r canlyniadau gan ddefnyddio electrofforesis jel - yn union fel mae gwyddonwyr go iawn yn ei wneud yn y labordy. Mae'r gweithgaredd hwn yn rhoi dealltwriaeth ymarferol i ddysgwyr o asidau niwclëig, geneteg foleciwlaidd, a thechnegau biowyddoniaeth modern, wrth ddatblygu sgiliau ymarferol perthnasol fel pipetio, gosodiad arbrofol, a dehongli data.
IECHYD (NYRSIO, BYDWREIGIAETH, YMARFER ADRAN LLAWDRINIAETH AC IECHYD A GOFAL CYMDEITHASOL)
Dyddiad: 17 Mehefin 2026
A oes gan eich myfyrwyr angerdd dros weithio mewn amgylchedd gofal iechyd? Cymerwch ran mewn carwsél o weithgareddau yn ein hystafell efelychu glinigol sy'n archwilio sut beth yw bod yn nyrs, yn fydwraig, neu'n ymarferydd adran lawdriniaethau.
Diwrnod Darganfod Perfformiad
Athletwyr
Dyddiad: 10 Mehefin 2026
Mae'r Diwrnod Blasu hwn yn archwilio'r gwasanaethau cymorth lluosog y gallai athletwr eu profi, gan gynnwys Cryfder a Chyflyru, Gwyddor Chwaraeon, a Therapi Ymarfer Corff, gan roi cipolwg ar yr opsiynau gyrfa yn y dyfodol (ar ac oddi ar y cae) fel myfyriwr graddedig o'r graddau hyn.
Datblygu Hyfforddwyr Yfory
Dyddiad: 17 Mehefin 2026
Mae'r Diwrnod Blasu hwn yn rhoi cipolwg i fyfyrwyr ar sut y gallant ddod yn hyfforddwyr chwaraeon ac athrawon Addysg Gorfforol. Bydd amrywiaeth o weithgareddau cylchol yn canolbwyntio ar Ddatblygu Chwaraeon a Hyfforddi a Pherfformiad Pêl-droed.
Dyddiadau: 22 Ebrill ac 8 Gorffennaf 2026
Mae ein cyrsiau Cyfrifiadureg a TGCh yn ddelfrydol ar gyfer myfyrwyr sydd eisiau datblygu'r sgiliau ymarferol hanfodol sydd eu hangen ar gyfer gyrfa hir ac amrywiol yn y diwydiant TG. Yn y digwyddiad hwn byddwch yn cael cyfle i weld sut mae technoleg yn cael ei defnyddio i ddatrys problemau byd go iawn a bod yn greadigol gyda rhywfaint o'n cit sy'n cael ei bweru gan Raspberry Pi, wrth i chi archwilio un o themâu allweddol ein cyrsiau: y Rhyngrwyd Pethau.
Dyddiadau: 22 Ebrill ac 8 Gorffennaf 2026
Mae ein Diwrnodau Blasu pwrpasol yn cwmpasu ystod o feysydd pwnc o fewn peirianneg, gan gynnwys Awyrenneg, Awyrofod, Cynnal a Chadw Awyrennau, Amgylchedd Adeiledig, Sifil, Trydanol ac Electronig, a Mecanyddol. Bydd myfyrwyr yn profi diwrnod rhyngweithiol a gynhelir gan ein hacademyddion yn y maes pwnc, yn ogystal â chael blas ar fywyd prifysgol yn PDC.
GWYDDOR FFERYLLOL
Dyddiadau: 29 Ebrill ac 1 Gorffennaf 2026
Bydd myfyrwyr yn ateb y cwestiwn a yw tabledi sydd wedi'u storio'n anghywir neu sydd wedi mynd heibio eu dyddiad defnyddio olaf yn ddiogel, gan ddefnyddio dull sbectrosgopig syml i bennu dirywiad tabledi aspirin. Byddant hefyd yn cael eu herio i baratoi a phecynnu eu hufen dyfrllyd a'u balm gwefusau eu hunain. Yn olaf, bydd ein hacademyddion yn trafod yr ystod eang o yrfaoedd sydd ar gael yn y diwydiant fferyllol.
DOSBARTH MEISTR
SBECTROSGOPEG
Dyddiadau: 29 Ebrill ac 1 Gorffennaf 2026
Archwiliwch fyd sbectrosgopeg IR ac NMR yn y dosbarth meistr ymarferol hwn a gynlluniwyd i ategu maes llafur Cemeg Safon Uwch. Byddwch yn dechrau gyda darlith gyflwyniadol ar sut mae'r technegau hyn yn cael eu defnyddio i adnabod strwythurau cemegol, ac yna sesiwn ymarferol yn ein labordai arloesol. Gweithiwch gyda data ac offer sbectrosgopig go iawn i adeiladu eich sgiliau, dyfnhau eich dealltwriaeth, a phrofi'r math o waith labordy y gallwch ei ddisgwyl yn y brifysgol.
NEXTGEN: CREU EICH GYRFA
Dyddiad: 24 Mehefin 2026
Mae hwn yn ddigwyddiad hanfodol i unrhyw ddysgwyr Blwyddyn 12 a Blwyddyn 10 sy'n edrych i ddarganfod sut y gallant ffurfio eu gyrfaoedd yn y diwydiannau creadigol ar ein campws Caerdydd. Clywch gan ein hacademyddion ac arbenigwyr diwydiant am sut y gallai gyrfa greadigol arwain at nifer o lwybrau gwahanol.
Dyddiadau: 29 Ebrill ac 1 Gorffennaf 2026
Mae'r digwyddiad hwn yn cynnig cyfres o sgyrsiau rhyngweithiol a gweithdai labordy neu faes diddorol wedi'u cynllunio i roi cipolwg gwerthfawr i fyfyrwyr ar y cyfleoedd amrywiol sydd ar gael trwy raddau mewn Bioleg, Biowyddoniaeth Fiofeddygol, Gwyddorau Meddygol, ac Ecoleg a Chadwraeth Bywyd Gwyllt. Gall ysgolion a cholegau ddewis digwyddiad sy'n cydfynd â disgyblaethau unrhyw un o'r pedwar cwrs hwn, er enghraifft digwyddiad sy'n canolbwyntio ar ecoleg, biofeddygol neu fioleg foleciwlaidd.
SEIBERDDIOGELWCH
Dyddiadau: 15 Ebrill a 17 Mehefin 2026
Trwy sesiynau ymarferol, diddorol, bydd myfyrwyr yn archwilio meysydd allweddol fel:
Peirianneg Gymdeithasol – Dysgu sut mae ymosodwyr yn manteisio ar ymddygiad dynol.
Diogelwch Rhwydwaith – Darganfod sut i ddiogelu systemau a data rhag bygythiadau seiber.
Deallusrwydd Ffynhonnell Agored (OSINT) – Ymchwilio i sut y gellir defnyddio gwybodaeth sydd ar gael yn gyhoeddus ar gyfer dadansoddi.
Fforensig Digidol – Datgelu'r technegau a ddefnyddir i adfer a dadansoddi tystiolaeth ddigidol. P'un a ydyn nhw'n chwilfrydig am fygythiadau seiber neu'n ystyried gyrfa mewn seiberddiogelwch, bydd y profiad hwn yn helpu eich myfyrwyr i feithrin sgiliau hanfodol a chael cipolwg ar y rolau cyffrous sy'n llunio dyfodol diogelwch ar-lein.
Y CELFYDDYDAU CREADIGOL
THERAPIWTIG: CEFNOGI LLES
TRWY GREADIGRWYDD
Dyddiad: 15 Ebrill 2026
Mae'r Diwrnod Blasu hwn yn cynnig cyfle unigryw i'ch myfyrwyr archwilio sut y gellir defnyddio creadigrwydd i gefnogi iechyd, lles a datblygiad personol. Drwy weithdai a thrafodaethau ymarferol dan arweiniad artistiaid sy'n ymarferwyr a darlithwyr profiadol, bydd myfyrwyr yn darganfod sut y gall y radd Celfyddydau
Creadigol a Therapiwtig arwain at yrfaoedd mewn celfyddydau cymunedol, lleoliadau therapi, addysg a gofal iechyd. Byddant yn cael cipolwg ar sut y gellir cyfuno sgiliau artistig â dulliau therapiwtig i wneud gwahaniaeth ystyrlon ym mywydau pobl, a hynny i gyd wrth brofi sut beth yw astudio'r pwnc gwerth chweil ac amlbwrpas hwn yn y brifysgol.
Cyfres o ddigwyddiadau sy'n cwmpasu
ein holl gyrsiau yn y diwydiannau
creadigol i roi cyfle i'ch myfyrwyr gael
gafael ar ein hoffer lefel diwydiant. Byddan nhw'n clywed gan ddarlithwyr
sydd wedi gweithio yn y diwydiannau
creadigol, gan berfformio ar y lefelau
uchaf. Bydd gwybodaeth am gynnwys
ein cyrsiau, bywyd prifysgol a dewisiadau
gyrfa ar gyfer y meysydd pwnc canlynol:
• Animeiddio, Gemau a Dylunio
• Ffasiwn, Marchnata a Ffotograffiaeth
• Ffilm a Theledu
• Cerddoriaeth a Drama
I drefnu dyddiad sy'n addas i chi a'ch myfyrwyr, anfonwch e-bost atom: ysgolionacholegau@decymru.ac.uk
BUSNES A RHEOLI – DIWRNOD BLASU CANOLFAN EFELYCHU HYDRA
Dyddiadau: 6 Mai, 3 Mehefin ac 8 Gorffennaf 2026
Oes gennych chi ddiddordeb mewn astudio busnes? Gan ddefnyddio ein
Hystafell Hydra trochi ym Mhrifysgol De Cymru, rydym yn eich rhoi yn esgidiau entrepreneur sy'n dechrau busnes newydd ac yn ystyried rhai o'r heriau a'r penderfyniadau y gallai fod angen i chi eu gwneud yn y rôl honno. Bydd y sesiwn yn cyfuno themâu entrepreneuriaeth, cynaliadwyedd a gwneud penderfyniadau, ac yn eich cyflwyno i rai o'r pynciau y byddech chi'n eu hystyried pe byddech chi'n cofrestru ar radd Busnes a Rheoli ym Mhrifysgol De Cymru.
Mae digwyddiadau ein hystafell Hydra yn gyfle gwych i fyfyrwyr gael profiad dysgu trochol a fydd yn datblygu eu meddwl beirniadol, eu gwaith tîm a'u sgiliau cyfathrebu. Mae amrywiaeth eang o weithgareddau ar gael yn ein hystafell Hydra sy'n cyd-fynd ag addysgu sawl maes o'r cwricwlwm gan gynnwys Troseddeg, Gwasanaethau Cyhoeddus, Plismona, Seicoleg, Iechyd a Gofal Cymdeithasol a llawer mwy.
I drefnu dyddiad sy'n addas i chi a'ch myfyrwyr, anfonwch e-bost atom: ysgolionacholegau@decymru.ac.uk
Mae Ysgol Haf PDC yn ôl ym mis Gorffennaf, yn digwydd ar draws pob campws yn PDC rhwng 20 a 24 Gorffennaf 2026.
A yw eich myfyrwyr/defnyddwyr gwasanaethau yn barod am wythnos o ddarganfod, ysbrydoliaeth, a dysgu ymarferol a fydd yn eu cefnogi i ennill sgiliau a phrofiadau bywyd go iawn sy'n eu paratoi ar gyfer y brifysgol?
Gwahoddir cyfranogwyr i blymio i mewn i 5 diwrnod o sesiynau academaidd rhyngweithiol, gweithdai lles, a chefnogaeth gyffredinol gyda gwybodaeth, cyngor ac arweiniad i'w helpu i archwilio syniadau, sgiliau a llwybrau newydd. Gall myfyrwyr fynychu am un diwrnod neu'r pum niwrnod llawn; rydym yn cynnig rhaglen hyblyg er mwyn gweddu i'w hanghenion a'u diddordebau.
Gydag ystod eang o feysydd pwnc i ddewis ohonynt, gall cyfranogwyr adeiladu eu hamserlen eu hunain o weithgareddau a gyflwynir ar draws ein holl gampysau a'n darpariaeth, gan gael y gorau o'n cyfleusterau o'r radd flaenaf a'n sesiynau dan arweiniad arbenigwyr. Rydym bellach yn croesawu Datganiadau o Ddiddordeb ar gyfer yr wythnos gyffrous hon o gyfoethogi, twf a chysylltiad.
Bydd myfyrwyr sy'n cwblhau 10 awr neu fwy o gynnwys Ysgol Haf yn gymwys ar gyfer y Cynllun Cynnig Gwarantedig Ysgol Haf. Gellir dod o hyd i delerau ac amodau'r cynllun ar ein gwefan: https://www.southwales.ac.uk/cy/amdanomni/ysgolion-a-cholegau/ehangu-cyfranogiad/ysgol-haf-pdc-/
Ar gael ar draws ein campysau yn PDC neu yn eich ysgol neu goleg.
Mae'r sesiynau'n rhoi trosolwg o'r broses ymgeisio UCAS a sut i wneud cais i brifysgol.
• Gall myfyrwyr sefydlu eu cyfrifon UCAS ar-lein a dechrau cwblhau'r ffurflen gais
• Mae myfyrwyr yn derbyn Canllaw UCAS PDC i ddechrau ymchwil ar brifysgolion, cyrsiau, ac ystyried eu hopsiynau
• Rydym yn egluro newidiadau datganiad personol
• Rydym yn darparu cyflwyniad i Gyllid Myfyrwyr - faint mae prifysgol yn ei gostio, y cyllid sydd ar gael, sut a phryd i wneud cais am gyllid ac awgrymiadau cyllidebu
• Cyfleoedd ar gyfer Taith Campws i weld bywyd myfyrwyr yn PDC.
Bydd pob mynychwr yn cael Canllaw UCAS PDC.
O 2 Gorffennaf ymlaen, gall eich myfyrwyr wneud cais am le ar radd israddedig ym Mhrifysgol De Cymru drwy Clirio.
Dod o hyd i gwrs: decymru.ac.uk
Llinell Gymorth Diwrnod Canlyniadau Athrawon a Chynghorwyr Angen atebion cyflym ar Ddiwrnod Canlyniadau? Mae ein Tîm Ysgolion, Colegau ac Allgymorth yma i helpu. Gall athrawon a chynghorwyr ffonio ein llinell gymorth uniongyrchol am gymorth cyflym, cyfeillgar ar gamau nesaf eich myfyrwyr, opsiynau cyrsiau, neu’r broses UCAS. Rydyn ni wrth law trwy gydol y dydd i roi arweiniad clir a sicrhau bod eich dysgwyr yn cael gwybodaeth gywir pan fydd ei hangen arnynt fwyaf.
Sganiwch i wneud cais drwy UCAS
decymru.ac.uk/gwneud-cais
03455 76 07 51
Neu ewch i www.decymru.ac.uk/clirio am gyngor a chymorth.
ANOGWCH EICH MYFYRWYR I FYNYCHU
EIN DIWRNODAU AGORED CLIRIO
Dydd Iau 13 Awst 16:00 – 18:00
Dydd Sadwrn 15 Awst 11:00 – 14:00
Dydd Iau 20 Awst 16:00 – 18:00
WELWN NI CHI
YN Y PARC AM DDIWRNOD BYTHGOFIADWY O WYDDONIAETH
Ymunwch â ni ar gyfer Bioleg yn y Parc - diwrnod o ddarganfod ym Mharc Margam!
Camwch i fyd diddorol bioleg yn un o fannau gwyrdd harddaf De Cymru. Mae'r digwyddiad hwyliog ac addysgiadol hwn yn llawn gweithgareddau a heriau ymarferol dan arweiniad arbenigwyr mewn ecoleg, bywyd gwyllt a chadwraeth o Brifysgol De Cymru a sefydliadau partner. Beth sydd ar y gweill?
• Cystadleuaeth tîm gyda gwobrau - A fydd eich ysgol neu goleg yn cipio'r goron?
• Archwilio ecosystem fach - Rhowch gynnig ar dechnegau go iawn a ddefnyddir mewn ecoleg a chadwraeth.
• Heriau arsylwi - Profwch eich sgiliau a datgelwch amrywiaeth anhygoel bywyd o'n cwmpas.
Manylion y digwyddiad
• Dyddiad: Dydd Mawrth 2 Mehefin 2026
• Amser: 10.30am – 2.30pm
• Lleoliad: Parc Margam
• Dewch â rhain gyda chi: Esgidiau cyfforddus, pecyn cinio, potel ddŵr –a'ch chwilfrydedd!
Mae'r digwyddiad hwn wedi'i gynllunio ar gyfer myfyrwyr ym mlynyddoedd 11, 12 a 13 (neu gyfwerth) sy'n awyddus i ddysgu am ddyfodol biolegol cynaliadwy, ecoleg, a chadwraeth bywyd gwyllt. Mae cymorth trafnidiaeth ar gael ar gais.
Dyddiadau: 1 Medi - 1 Hydref 2026
Lleoliad: Campws Trefforest | Amser: 10.00am - 2.00pm
Rhowch hwb i ddechrau’r flwyddyn academaidd gyda Sesiwn Anwytho Chweched Dosbarth wedi'i chynllunio ar gyfer myfyrwyr Blwyddyn 12 a Blwyddyn 13, yn ogystal â dysgwyr sydd ar lefel sy’n cyfateb i'r coleg.
Mae'r profiad hwn ar y campws yn cefnogi dysgwyr Blwyddyn 12 wrth iddyn nhw ddechrau yn y chweched dosbarth, gan eu helpu i fagu hyder, datblygu sgiliau astudio hanfodol, ac archwilio byd addysg uwch.
Ar gyfer dysgwyr Blwyddyn 13, mae'r sesiwn yn gyfle i fireinio a chryfhau eu datganiadau personol gyda chefnogaeth, ochr yn ochr â gweithgareddau tîm cydweithredol sy'n magu hyder ar gyfer y flwyddyn i ddod.
Mae uchafbwyntiau'r sesiwn yn cynnwys:
• Cyngor gan arbenigwyr ar wneud y gorau o'r chweched dosbarth.
• Awgrymiadau gwych ar astudio’n effeithiol a dysgu’n annibynnol.
• Cymorth a gweithgareddau dan arweiniad i helpu myfyrwyr Blwyddyn 13 i ddatblygu datganiadau personol cryf.
• Cyflwyniad i lwybrau prifysgol a bywyd myfyrwyr.
• Gweithgareddau adeiladu tîm hwyliog a chynhwysol i annog hyder a chydweithio.
Ebost ysgolionacholegau@decymru.ac.uk i drefnu.
13 MEHEFIN 26 MEDI 24 HYDREF 21 TACHWEDD
Dechreuwch ymchwil AU eich myfyrwyr yn un o'n Diwrnodau Agored. Mae'r digwyddiadau hyn yn ffordd wych i'ch myfyrwyr ddarganfod yr amrywiaeth o gyrsiau sydd ar gael yn PDC.
LE MEWN
DIWRNOD AGORED:
Gallwn dalu cost treuliau rhesymol sy'n gysylltiedig ag ymweld â Phrifysgol De Cymru i fynychu Diwrnod Agored Israddedig, Cyfweliad, neu Ddiwrnod Profiad Ymgeisydd.
Mae taliadau'n talu am gostau trên neu fws, ac rydym yn gallu eich cefnogi gyda chostau teithio mewn car.
Sganiwch y cod QR i gael gwybod mwy am gymhwysedd a sut y gall myfyrwyr a'u rhieni/gofalwyr wneud cais.
Mae gan ein gwefan yr holl wybodaeth sydd ei hangen ar eich myfyrwyr am PDC mewn un lle. Sganiwch y cod QR isod neu ewch i decymru.ac.uk
