Eldoraigne vs Zwartkop - AWSUM Special Edition 2025

16 - 17 MEI 2025

OUR TEAM

Editor Meinette van Zyl

Sub-editor

Aniena Venter

Layout & Design

Rowan Engledoe

Enrico Theart

Bryan Meyer

Lukhanyo Siko

Distribution

Schools

Advertising

HEAD OFFICE

Chief Executive Officer: Durandt van Zyl

Managing Director: Meinette van Zyl

Financial Manager: Christelle van Wyk

Admin Manager: Carina Pio

Sales Manager: Quintus Brand

Read the latest school news online at www.awsumnews.co.za

voorwoord

Vrydag, 16 Mei 2025

Baie welkom aan al die Eldo’s en Zwarries se ouers, personeel en leerders. Dit is vir Hoërskool Eldoraigne ‘n besondere voorreg om vandag as gasheerskool op te tree. Die jaarlikse Derby tussen die twee skole, is werklik iets om na uit te sien. Baie welkom aan die borge. Julle betrokkenheid by skolesport gee statuur aan die dag –ons waardeer hierdie insette tot die ontwikkeling van ons jeug.

Vandag gaan oor ons kinders! Die lewenslesse wat hul vandag gaan aanleer, wen of verloor, moet hulle toerus vir hul toekoms.

Sterkte aan elke speler en afrigter. Die heel belangrikste is dat elke span volgens hul volle potensiaal sal speel. Ons spreek die wens uit dat sportmanskap sal seëvier. Baie dankie aan elke ouer wat vandag u belangrikste bate, u kind, ondersteun. Dankie dat u saam met die onderwysers en afrigters werk om u kind ten volle te ontwikkel.

Geniet die dag saam met ons. Kom ons maak vriende, ten spyte van strawwe kompetisie op die sportveld.

Jy kan meer leer van ‘n mens in ‘n uur se spel as in ‘n jaar se gesprekke. Plato (427 – 347 vC)

Vrydag | 16 Mei 2025

Saterdag | 17 Mei 2025 netbal

Darren Bruwer

KAPTEIN VAN DIE

EERSTE RUGBYSPAN

Watter spesifieke sterkpunte glo jy het hierdie jaar se span wat julle van die opposisie onderskei?

Of ons nou voor of agter is op die telbord, hierdie span sal nooit opgee of ophou baklei nie, tot die eindfluitjie blaas.

Hoe voel dit om jou skool se eerstespan te lei, en waarop sal jy as leier fokus?

Ek is trots om die skool se eerstespan op die veld te lei. Ek sal fokus daarop om die span bymekaar te hou en te verseker dat alles volgens plan uitgevoer word.

Watter tradisies of waardes maak jou skool se rugbykultuur uniek?

Voordat ons opdraf, sing ons die skoollied uit volle bors. Dis ’n oomblik wat ons verenig en motiveer.

Watter doelwitte het julle as span vir die seisoen gestel? Ons mik daarna om Zwartkop te wen én die liga te vat.

Watter opkomende wedstryde of toernooie sien julle die meeste na uit?

Definitief die Classic Clash, en natuurlik al die ligawedstryde wat ons gaan uitdaag om tot by die finaal te kom.

Is daar ‘n professionele rugbyspeler na wie jy opkyk, en hoekom?

Ja, die bekende Franse skrumskakel Antoine Dupont. Hy het die rol van skrumskakel verander en wys hoe dié posisie ‘n span kan lei om wedstryde te wen.

HOËRSKOOL ELDORAIGNE EERSTESPAN RUGBY

Hoe uitdagend was die voorbereiding vir die seisoen?

Ons voorbereiding vir die seisoen was baie hard en uitdagend. Ek dink dit is die hardste wat ek myself nog ooit gedruk het, maar dit het ons uitstekend voorberei vir die doelwitte wat ons as span vir onsself gestel het.

Watter spesifieke sterkpunte het julle wat julle van die opposisie onderskei?

Ons balverspreiding is baie goed, en ons teenaanval is een van ons sterkste wapens. Verder het ons vlugvoetige agterspelers en sterk, hardwerkende voorspelers wat nie terugstaan nie.

Hoe voel dit om jou skool se eerstespan te lei, en waarop sal jy as leier fokus?

Dit is ’n groot eer. Toe ek in graad 7 besluit het om ’n Zwarrie te word, was dit my einddoel en dis ’n voorreg om te kan sê ek het dit bereik. Ek sal fokus op die voorbereiding van die span vir die groot dag. Dit kan oorweldigend raak, en daarom is dit belangrik om saam met my span gefokus en kalm te bly.

Watter tradisies of waardes maak jou skool se rugbykultuur uniek?

Ons eerstespan staan bekend as die Vikings. Wanneer ’n speler sy twintigste wedstryd speel, kry hy die kans om voor die hele skool “geswaard” te word, en dra dan ook die swaard wanneer die span uitdraf. Ons het ook capping-geleenthede waar spelers formeel vereer word vir hul bydraes.

Watter doelwitte het julle as span vir die seisoen gestel?

Ons doelwitte was om die NWU Prestige-reeks te wen en ’n onoorwonne toer te hê. Ongelukkig het die NWU-finaal uitgereën, maar ons het nog steeds ’n onoorwonne toer gehad en in die top 4 van die NWU-reeks geëindig. Ons mik nou om die SDC Noordvaal Plaatafdeling te wen en natuurlik om die Classic Clash-beker omhoog te hou.

Watter opkomende wedstryde of toernooie sien julle die meeste na uit?

Eldoraigne gaan, soos altyd, ’n lekker taai wedstryd wees, maar ek moet ook sê dat Hoërskool Middelburg ’n wedstryd is waarna ek besonders uitsien. In die SDC Noordvaal Plaatafdeling gaan dit week vir week ’n oorlog wees.

Is daar ’n professionele rugbyspeler na wie jy opkyk, en hoekom?

Jaco Kriel is my rugbyrolmodel. Ek het grootgeword deur elke Saterdag na hom op televisie te kyk in die rooi en wit van die Leeus. Sy passie en spel vir die span is iets wat altyd by my sal bly.

Eerste ry:

HS Eldoraigne - Rugby o.15A

HS Zwartkop - Rugby o.15A

Zwartkop - Rugby o.14A HS Eldoraigne - Rugby o.14A

Lidene Lubbe en Ilani Janse van Vuuren

KAPTEIN VAN DIE EERSTE NETBALSPAN

Hoe het die span hulle vir die seisoen voorberei en op watter aspekte van die spel het julle gefokus?

Ons het reeds vroeg verlede jaar ons proewe gehad sodat ons as ’n span genoeg voorbereiding kon hê. Ons het gefokus daarop om ons spoed deur al vier kwarte te behou, ons strategieë te verbeter, en om as ’n eenheid op die baan saam te werk.

Wat dink jy maak julle span hierdie jaar mededingend?

Ons het uitstekende uithouvermoë - ons sal alles gee tot die laaste sekonde. Wat ons regtig mededingend maak, is dat ons mekaar vertrou, op én van die baan af, maak nie saak wat gebeur nie. Ons leef volgens die slagspreuk: “We have each other’s backs.”

Wat beteken dit vir jou om jou skool as ‘n eerstespan-speler te verteenwoordig?

Dit is ’n groot eer en voorreg en iets wat nie vir almal beskore is nie. Om die skool as speler te verteenwoordig is iets wat ons nooit sal wil misbruik nie, en soveel te meer dat ons die kans het om leiding binne die span te neem.

Watter doelwitte het julle span vir die komende seisoen gestel?

Ons doelwit is om ons intensiteit te verbeter. Deur dit te doen, hoop ons om genoeg wedstryde te wen sodat ons verder kan presteer en die volgende vlak kan bereik.

Watter span of toernooi beskou jy as julle grootste uitdaging hierdie seisoen?

Die span wat ons as ons grootste uitdaging beskou, is Zwartkop. Die Classic Clash is altyd die grootste wedstryd van die seisoen. Dit word vooraf baie opgebou, en die impak wat die toeskouers op die dag maak, maak ’n groot verskil in vergelyking met ander wedstryde.

Watter netbalster of sportpersoonlikheid bewonder jy en hoekom juis hy of sy?

Ons bewonder veral ou Protea-spelers en een van ons afrigters, coach Erin Burger. Sy gee haar alles vir ons sodat ons die beste weergawe van onsself kan wees.

o.19A Netbal

Ondersteun die eerste netbalspan, Saterdag 17 Mei om 09:15.

HOËRSKOOL ELDORAIGNE

EERSTESPAN NETBAL

HOËRSKOOL ZWARTKOP

EERSTESPAN NETBAL

Hoe het die span hulle vir die seisoen voorberei en op watter aspekte van die spel het julle gefokus?

Ons span het seker gemaak dat ons fiksheid op die nodige standaard is. Tydens die voorseisoen het ons ook gefokus op mobiliteit en daarop dat ons liggame sterk genoeg is om beserings te vermy. In ons spel fokus ons op beide verdediging en aanval om ’n goeie balans te handhaaf.

Wat dink jy maak julle span hierdie jaar mededingend?

Die feit dat ons span ’n sterk konneksie het, op en af van die baan af. Ons is op ’n ander vlak, en dit gee ons reeds ’n voorsprong. Ek glo ons kan baie bereik, aangesien ons geestelik sterk is en mekaar voortdurend opbou.

Wat beteken dit vir jou om jou skool as ’n eerstespan-speler te verteenwoordig?

Dit is vir my ’n groot eer om saam met die span op die baan te draf en die skool se waardes van respek en integriteit in ons spel uit te leef. Dit is nie net ’n voorreg om deel van die eerstespan te wees nie, maar ook om saam met ’n merkwaardige groep jong dames ’n spel te speel wat ons opreg geniet.

Watter doelwitte het julle span vir die komende seisoen gestel?

Om saam as een span te groei en die beginsels wat ons leer, toe te pas sodat dit ons later tot groter sukses sal lei.

Watter span of toernooi beskou jy as julle grootste uitdaging hierdie seisoen?

Vir jare is die Classic Clash ’n hoogtepunt in Centurion waar ons teen ons buurskool, Hoërskool Eldoraigne, meeding. Dis ’n spesiale geleentheid waar ons skool as een saamstaan om ons sportspanne te ondersteun. Al speel ons ook ander belangrike wedstryde, bly die Classic Clash die een waarna almal uitsien.

Watter netbalster of sportpersoonlikheid bewonder jy en hoekom juis hy of sy?

Ané Retief, hoofverdediger van die SuidAfrikaanse span. Ek dink nie net dat sy ’n fantastiese speler is nie, maar haar manier van speel is ’n toonbeeld van die tipe persoon wat sy is en die waardes wat sy uitleef.

HS Eldoraigne - Netbal o.16A

HS Eldoraigne - Netbal o.15A

HS Eldoraigne - Netbal o.14A HS Zwartkop - Netbal o.16A HS Zwartkop - Netbal o.15A HS Zwartkop - Netbal o.14A

Clarissa Dreyer

KAPTEIN VAN DIE EERSTESPAN HOKKIEDOGTERS

Op watter aspekte van fiksheid en strategie het die span tydens voorseisoefening gefokus? Die fokus was op kondisionering, dus fiksheid van hoë volume en intensiteit. Ons strategiese fokus was om tegniese vaardighede te verfyn en op te skerp.

Wat is julle span se sterkpunte hierdie jaar? Ek dink een van ons sterkste punte is dat ons mekaar as span ondersteun en opbou, ongeag die omstandighede.

Wat beteken dit vir jou om die skool se eerste hokkiespan te lei?

Vir my is dit ’n groot eer om in hierdie posisie te wees. Ek is ongelooflik trots op my span én op my skool.

Het julle skool ’n groot hokkiekultuur, en hoe belangrik is sukses vir julle span om dit te volhou?

Ja, beslis. Ons het passievolle spelers wat hul beste gee – voor, tydens en ná die seisoen. Die hoogtepunt van ons jaar is die EHL (Eldoraigne Hockey League), waar senior en junior spelers saam in spanne deelneem. Vir ons beteken sukses om saam te werk en elke oomblik ten volle te geniet.

Wat wil julle as ’n span in 2025 bereik? Ons wil ’n sterk span-dinamika ontwikkel. Ons mik daarna om die jaar ten volle te geniet en wonderlike herinneringe saam te skep.

Watter wedstryd en/of toernooi is vir julle die spesiaalste, en hoekom?

Die Belgotex Easter Festival. Dit was die eerste keer wat ons as ’n span regtig bymekaar gekom het en sterk bande gebou het.

Is daar ’n hokkiespeler of sportfiguur na wie jy opkyk, en hoe het hulle loopbaan jou benadering tot die spel beïnvloed?

Ja, Celia Seerane. Sy is my rolmodel, want sy is een van die land se beste hokkiespelers – maar terselfdertyd altyd vriendelik en nederig. Sy maak altyd tyd om haar spel te verbeter en is altyd bereid om raad te gee waar sy kan.

o.19A Hokkiedogters

Ondersteun die eerste hokkiedogters, Saterdag 17 Mei om 09:15.

HOËRSKOOL ELDORAIGNE

EERSTESPAN HOKKIEDOGTERS

HS Eldoraigne - Hokkiedogters o.19B

HS Eldoraigne - Hokkiedogters o.16A

HOËRSKOOL ZWARTKOP

KAPTEIN VAN DIE EERSTESPAN HOKKIEDOGTERS

Op watter aspekte van fiksheid en strategie het die span tydens voorseisoefening gefokus?

Tydens die voorseisoen was ons baie bevoorreg om ’n biokinetikus as een van ons afrigters te hê. Sy het vir ons spesiaal uitgewerkte oefenprogramme saamgestel wat op beide fiksheid en krag gemik was. Saam met dit het ons ook gefokus op die verbetering van ons basiese spelvaardighede.

Wat is julle span se sterkpunte hierdie jaar? Ons deel almal ’n gemeenskaplike passie vir hokkie, wat dit makliker maak om as span saam te werk. Ons fokus daarop om ons sterkpunte verder te ontwikkel, eerder as om net op swakpunte te verbeter. Dit het ons vinnig laat groei, sowel as span en as individuele spelers.

Wat beteken dit vir jou om die skool se eerste hokkiespan te lei?

Vir my is dit ’n groot eer om die skool as kaptein te verteenwoordig. Ek sien dit as ’n voorreg om my spanmaats te ondersteun, op en van die veld af.

Het julle skool ’n groot hokkiekultuur, en hoe belangrik is sukses vir julle span om dit te volhou?

Ons hokkiekultuur fokus sterk op respek en onderlinge ondersteuning tussen spanne en spelers. Hierdie kultuur het die afgelope paar jaar baie gegroei. As eerstespan dra ons ’n groot verantwoordelikheid om hierdie kultuur by Zwartkop hoog te hou en om ’n goeie voorbeeld te stel.

Wat wil julle as ’n span in 2025 bereik?

Ons hoofdoelwit is om ’n sterk vlak van kommunikasie en verhoudings binne die span deur die seisoen te bou. Hiermee saam wil ons op ons volle potensiaal presteer en elke wedstryd afstap met die wete dat ons alles gegee het.

Watter wedstryd en/of toernooi is vir julle die spesiaalste, en hoekom?

Die algemene antwoord: Classic Clash teen Eldoraigne. Dit is vir ons besonders omdat dit ’n ongelooflike opwinding in die skool en binne ons span skep. Dis meer as net ’n wedstryd - dis ’n geleentheid.

Is daar ’n hokkiespeler of sportfiguur na wie jy opkyk, en hoe het hulle loopbaan jou benadering tot die spel beïnvloed?

Celia Seerane is ’n toegewyde Suid-Afrikaanse hokkiespeler wat vir my ’n rolmodel is in hoe om sport en ’n persoonlike lewe in balans te hou. Sy is ’n passievolle speler wat ook buite die veld moeite doen om hokkie onder die jeug te bevorder.

Nico Janse van Rensburg

KAPTEIN VAN DIE

EERSTESPAN HOKKIESEUNS

Op watter aspekte van fiksheid en strategie het die span tydens voorseisoefening gefokus?

Ons het baie gefokus op die bou van ’n goeie grondslag, aangesien ons ’n jong span is. Daar is sterk klem gelê op kommunikasie, manmerking en ‘midfield transfers’. Gedurende die vakansietye het ons op fiksheid gekonsentreer, omdat ons gedurende die skooltyd reeds baie wedstryde gespeel het.

Wat is julle span se sterkpunte hierdie jaar?

Soos ek genoem het, is ons ’n jong span, maar ons het die gees en karakter om nie vir enige skool terug te staan nie – maak nie saak wie die teenstander is nie. Ons sal aanhou werk tot die laaste sekonde.

Wat beteken dit vir jou om die skool se eerste hokkiespan te lei?

Dit is ’n groot voorreg om in hierdie posisie te wees. Ek weet ek het ’n paar groot skoene om te vul, maar ek sal my uiterste bes probeer om ons span en skool se naam hoog te hou en elke speler nie net ’n beter hokkiespeler nie, maar ook ’n beter mens te maak.

Het julle skool ’n groot hokkiekultuur, en hoe belangrik is sukses vir julle span om dit te volhou?

Ons het ’n baie sterk kultuur onder die seuns se hokkiespelers – alles te danke aan Coach Stefan. Dit is ’n opbouende kultuur, gebaseer op respek. Coach was baie duidelik dat ons alles en almal met respek moet hanteer.

Wat wil julle as ’n span in 2025 bereik?

Ons is nie ’n span wat net vir die telbord speel nie, maar een wat vir mekaar en vir die liefde van goeie hokkie speel. Ons doel is om die beste moontlike hokkie te speel wat ons kan, en nie terug te staan vir enige groot naam nie.

Watter wedstryd en/of toernooi is vir julle die spesiaalste en hoekom?

Beslis die Top Schools-toernooi in Bloemfontein, want dit is waar ons regtig kan wys wie ons is en wat Eldoraigne as span kan doen.

Is daar ’n hokkiespeler of sportfiguur na wie jy opkyk, en hoe het hulle loopbaan jou benadering tot die spel beïnvloed? Ek het nie spesifiek een persoon na wie ek opkyk nie. Ek glo jy kan iets leer by enige iemand, en ek probeer al die goeie dinge wat ek van ander sien, in my eie spel inkorporeer. “Why stick to one person when you can learn from everyone?”

o.19A Hokkieseuns

Ondersteun die eerste hokkieseuns, Vrydag 16 Mei om 19:30.

HOËRSKOOL ELDORAIGNE

EERSTESPAN HOKKIESEUNS

HOËRSKOOL ZWARTKOP

EERSTESPAN HOKKIESEUNS

Handre Coetzee

Op watter aspekte van fiksheid en strategie het die span tydens voorseisoenoefening gefokus?

Tydens die voorseisoen het ons span gefokus op oefening teen ’n hoë intensiteit om ons fiksheid vir die seisoen op te bou. Ons strategie was om mekaar en mekaar se spelpatrone so vinnig as moontlik te leer ken, sodat ons beter samespel kon ontwikkel. Ons het ook ’n nuwe afrigter gekry en het die geleentheid gebruik om so gou as moontlik aan te pas by sy afrigtingstyl en wedstrydstrategie.

Wat beteken dit vir jou om die skool se eerstespan te lei?

Dit is vir my ’n groot voorreg, nie net om saam met ’n wonderlike span hierdie seisoen te beleef nie, maar ook om deel te wees van die tradisies, hokkiekultuur en kameraadskap wat gevestig word en wat ons agterlaat vir toekomstige eerstespanspelers.

Het julle skool ’n groot hokkiekultuur, en hoe belangrik is sukses vir julle span om dit te volhou? Ons hokkiekultuur is besig om volstoom te groei, aangevuur deur die sukses van al die hokkiespanne. Ons glo dat ons prestasies help om meer toeskouers by die wedstryde te kry. Een van die lekkerste dinge om te ervaar, is om oudeerstespanspelers te sien terugkom om Zwarriehokkie te ondersteun. Sukses is vir ons span belangrik, maar sukses kom nie net uit wen nie, maar ons leer ook baie uit die wedstryde wat ons verloor.

Watter wedstryd en/of toernooi is vir julle die spesiaalste, en hoekom?

Die spesiaalste toernooi wat ons hierdie jaar gespeel het, was die Belgotex Hokkietoernooi aan die begin van die seisoen. Dit is waar ons regtig ’n span geword het, nie net tussen die spelers nie, maar ook saam met ons afrigters. Dit was beslis een van die hoogtepunte van ons jaar.

HS Eldoraigne - o.16A Hokkie

o.16A Hokkie

HS

- o.16A Hokkie