Zaiting van Cirkul Kultural va Tischlbong aufprocht is 1984 van Mauro van Cjapitani
N. 107 - DICEMBAR 2024 Druckarai Cortolezzis Palutsch
Seachz joar... unt nit hearnsa
P
latntar da oltn boletins leisntmar van ola da sochn as da Pro Loco hot vir unsarn doarf gamocht. Anias joar, va bona asa is boarn aufprocht, hotza obla eipas nojs gamocht: teatros in cinema, suntigis avn plotz, suntigis bo is boarn ckreit van gasa as pan uns sent boarn auf gaziglt, odar nouch, zoma rein bosta bilt soon auftraim unt avn zunt van viich drauf schaung. Da earschn manifeschtazions hont ckasn “Settimana primaverile Alto Bût". Leismar bosta is boarn gaton is joar 1968. Van 5 avn 20 apriil sent boarn gazichn da majar van haisar mit oldarlajana zaicha, anaitalan meikmar nouch in haint seachn. In 14 apriil a moschtra van kunstlara as holz, aisn, da trochtn tuant oarbatn odar mochn. In 15 apriil a gara van vischara ibarn pooch oachn van Fontanon pis avn schteig va Chlalach, ols hott pefertigat tschnochz min Koro Peresson va Penck as hott in cinema zungan. In 17 apriil in cinema, is boarn ckreit var vichtickait zan denckn zan mochn in parko van Coglians, afta Balischa saita, unt van Valentin tool afta Eztraichischa saita. In 20 apriil, in sool van cinema, in teatro “Napoleon tal Cormôr” unt in 21 apriil da zbaita mool van Sunti van Gasa, bomar gasa hott gameik ckafn unt da earschta mool asmar hott gameik seachn chalblan unt schtiarlan van unsarn dearfar. In da glaicha zait is boarn ckreit van birma, unt bimarsi meik pahiatn van gift. Is zbaita tal, obla in sool van cinema, is boarn ckreit bosta bilt soon auftraim in d’olba. Dos glaicha is joar 1969 van 10 avn 18 mai. In sonsti 10 mai, inagurazion van piltar as dar kunstlar Marino Sopracasa hott gamocht noch da bartlan van zancklan “Stelutis alpinis”. In 11 mai dar koro is in gita gongan pis af Dachau. In 17 mai, a teatro in cinema. In sunti 18 mai, an konvegno zan rein var noja anziga lataria as in tool iis. Nochmittog sent boarn ausgeim da premis vir da vischara. 10 mai, vir da viarta mool, beart ckreit va gasa unt vrischinga, mons trok odar nit. Nochmitoog, sent boarn zoma ckriaft berda bilt learnan voarn min auto. Unt is joar 1978? In bintar is boarn zuackolfn dar Schportiva Marmitimaucleulis da garas min schkis mochn drina in Pearck. In longast in toog tschnochz hott dar koro hott zungan unt, obla mittar Schportiva, da gara van vischara unt da schkuara as ckugl schpilt. In sumar, dar sunti van ckropfn af Chlalach unt dar sunti vir Madona d’avoscht af Tischlbong.
Bainachtn af Tischlbong
Is joar 1980, vir da drita mool, mi hilf van koro, a schia toog tschnochz min bartlan van zancklan van koros va Sauris unt van koro “Chei du Guart”. Is joar 1981, a schia piachl zoma gatoon min hilf van ondarn asociazions van doarf, zan mocht ckenan bosta is boarn gadenckt za moch vir Madona d’avoscht. Bimar meik seachn, sent seachz joar as da Pro Loco is unt as is doarf mocht chenan min suntigis asa ainviart. Da earschn joar is a vraida gabeisn, vir Madona d’avoscht pachemansi avn plotz var ckircha. Hont nia pfalt da giostras, dar “palo della cuccagna”, da kioskos bomar a birschtl unt a piarl hott gameik ckafn, dar schiana hilzana poun bomar hott gatonzt unt dar groasa palko, kein da maurar var ckircha, min tasn aichn schteck voroon, nicht za mochn seachn da aisna van rist. Da palanka as in sock is gabeisn is nit tschbint boarn gapraucht is raidl zan mochn afta giostra, bal a mool gamocht is ckana meiglickait gabeisn vir anondars. In da joar sent boarn ainpfiart konferenzas bo is boarn ckreit va cichtlan as min leim afta pearga hot zan tuan. Dein leisn zaitn viil nojarichaitn sent boarn gamocht da piachlan: “Unsars eisn” a glustiga raas in unsara praicha in da ckuchl, “Schtaiglan” as umadum van doarf sent, “Joarzaitn” a groasa raas in da suntigis unt in da schianickait van doarf. Unt nouch, in da Vosching zait meikmar da maschkaras seachn unt in da Bainachtzait an schian presepio. Da Pro Loco valt nia darpai zan sain afta suntigis af Sudri min ckropfn, min ckneidl, mittar panada, guats eisn asuns da eltarn hont glearnt. In haint is a schia tschock as zua helfn tuat afta suntigis unt viil sent da ckindar unt da gonz junga a darpai. In onfong van doarf, berda virpai geat ibarn noja beig, meik seachn is schiana ckamouta zimar var sede. Miar ola bintschn dar Pro Loco va Tischlbong asa baitar asou geat unt asa obla eipas nojs in doarf prink. Geats baitar asou, “Miar va Tischlbong”! Velia
Da noia ckolendar virn 2025
Ola zoma in da Hailiga Nocht
DAR HAILIGA NIKOLò
24 dicembre • ore 20:00 • Timau, lungo la via principale
Santa Messa cantata della Vigilia di Natale. Al termine, scambio di auguri e convivialità davanti al Presepio
24 dicembre • ore 21:00 • timau, Chiesa di Santa Geltrude
Santa Messa di Natale a Timau e Cleulis 25 dicembre • orario festivo Cleulis, Chiesa di San Osvaldo timau, Chiesa di Santa Geltrude
Vir da earschta mool a tischlbongar in da Komunitaat var Cjargna. Miar bintschn dar Velia van Ganz asa mit vraida unt biil oarbatn tuat vir unsara dearfar.
Ckemant da drai ckiniga I Re Magi visitano le case del paese e portano gli auguri per il nuovo anno 6 gennaio • tutto il giorno • Timau
Dal 1° dicembre, lungo Via Maria Plozner Mentil a Timau
Raas in da Venta zait. Viaggio nel tempo dell’Avvento
Dal 5 dicembre 2024 al 26 gennaio 2025 a Timau, sarà visitabile il “Presepe di Mariangela” (presepe realizzato con vecchie bambole)
Vosching af Tischlbong 22 febbraio Timau Ckindar Vosching 4 marzo Timau
achtn Guata Bain ligis unt a Glick ojs Joar Hailigis N
Vargeltzgot oln seen as zua hont ckolfn. Dar Hailiga Nikolò hott zoma gachlaupt € 383,61 asar in AGMEN hot cickt.
Congratulazioni vivissime e buon lavoro a Velia Plozner