Zaiting van Cirkul Kultural va Tischlbong aufprocht is 1984 van Mauro van Cjapitani
B
Dar beig var Heacha Tschprengt bosta in isula is gabeisn avn cklopf van Cklaan Paal
imar ola bast, nochn groasn sghlak as oar is gongan var bont van Cklan Paal in dicembar, dar beig var Heacha is tschbint zua boarn gatonan. In mai monat, noch asa hont varschtonan bia unt bosa meink tuanan in beig in da varsichar zan tuanan, hontza onckeipt zan oarbatn. Da Region tuat dos ainviarn zoma mittar Anas, tuat zoma oarbatn zan mein bidar auf tuanan in beig darvoar as is joar vertin tuat. Da earschn oarbatn belnt a mool abeck ziachn, oum
I
auf, da schtana as sem aufn nit sichar sent. Dar sghlak van dicembar hott a ckluft auf gatonan in da bont va 50 centimetros unt in ols sent ibar 5oo kubos cklopf as meink oarvoln van an moment in ondarn. In erti 23 lui, sent baorn aichn tschteckt, in da leichar as kurasghiga oarbatslait hont ckot gamocht in da bont, 150 kg pulvar. Uma zba nochmitoog, berda drina is gabeisn in Pearck, odar oum in Lavareit, bomar schian hear sicht da gonza bont, hott a mool ckeart laitn unt noor a mool da bont seachn zaschpringan nor earscht in groasn schus. Houfmar asa baitar meink gianan min oarbatn unt as is eartarach sichar iis, asa meink nidar tuanan da groasn reits hintar zan ckoltn da schtana, asou viil as dar beig meik bidar auf sain gamocht. V.P.
Dar Luca Scrignaro is dar noja Schindik var Gamaan va Palutsch
n 8 unt 9 sghuin ola da ainbonara van dearfar var Gamaan sent boarn ckriaft aus suachn in nojan Schindik unt in nojan Konsei as vir da 5 joar as ckemant vir da gonza Gamaan bearnt oarbatn. Mit 473 vouts in ols dar noja Schindik va Palutsch is dar Luca Scrignaro unt da noja konseirs sent Alessio Di Centa, Tiziano Di Ronco, Fabrizio Dorbolò, Lorenzo Maier, Paola Monai, Velia Plozner, Lucia Puntel, Silvia Tassotti, unt in minorantscha Luca Boschetti, Lisa De Franceschi, Boz Andrea, Renata Maier. Dar noja konsei is aintschtimi as dar sghlak as in beig var Heacha zua hot gaton, a schon is virn gonzn tool unt as hauptsochn is tuan ols bosmar zareacht ckim asou viil asmar bidar meik hin unt hear van Extraich gian. Ondara cichtna as hont in ckurz za sain gamocht sent: drauf schaung afta schian platza as in dearfar sent, saubar choltnsa unt manan bo vaneatn is. Hear richtn da beiga. Auf tuanan in asilo vir da gonz cklan ckindar. Baitar gian min oarbatn hear zan richtn da gapaidar var Gamaan as darzeilnt van leim unt var oarbat van lait. Virchn troon unt varpeisarn ols bos aniadar, sai ckint odar eltars mentsch, vaneatn hott, peisar unt riablich zan leim in unsara dearfar. Ols dosto ona vargeisn da schianickait van unsarn pearga, sai baldar odar bildigis, unt varpratarn da grenzn van Parko. Min hilf van lait, van asociazions, van ola dein as tuant oarbatn obla gadenckntar afta raichickait van unsarn schian tool, is dar bil zoma pachmansi unt schtudiarn bos tuan vir da gonza Gamaan as nouch viil hott zan darzeiln unt zan mochn chenan. Mit a groasar bil unt vraida bearmar tuanan bi mear asmar mein. An schian donck oln deis astisuns deiga meiglickait hott geim. V.P.
N. 106 - Avoscht 2024 Druckarai Cortolezzis Palutsch