Zaiting van Cirkul Kultural va Tischlbong
N. 101 - DICEMBAR 2022
aufprocht is 1984 van Mauro van Cjapitani
Druckarai Cortolezzis Paluc
A film as bilt darzeiln bi da baibar zua hont ckolfn in Earschn Beltckriag
O
la in doarf unt in da dearfar do umar beisnt bos da baibar hont gatonan in Earschn Beltckriag. Min schkarpets afta viasa "Suna odar bint, reing odar sghneab, mittar sghbarn af d’ozzl, da pecc in da hentn, miatar unt mentschar sent aufn pis afta heachastn pearga, an hilf unt a guatz boart troong in saldotn, as hont tschlochtat." (Unsara baibar, Laura Plozner van Ganz), da voulan sghbarn cherba af d’ozzl senza abeck gongan gonz vartoos. Hont aufn gatroon ols bos da saldotn hont gameik prauchn unt as afta cklapfa van Paal, van Vraickouvl unt van Promoos sichar nitt is gabesin. In sumar is peisar gabeisn. Da trita sent laichta gongan ibara beiglan aufn. Beiglan as dein baibar sent gabeisn gabent za mochn, asa schtaan vir schtaan hont gachent, asa reacht hont gabist bo nidar sitzn rostn. In bintar honzi viil mear hoarta ckoot. Da zoukl min nagaln nit zan sghlipfn afta glotna ais, da trita an hintarn ondarn in hoachn sghneab, unt lonzn, lonzn baitar gian ona mochnsi darseachn. Nitt zait zan varliarn, in da hentn is schtrickach: is obla vaneatn gabeisn van a noj poar bulana schtimpfa. Hott nia pfalt da petsch, gianantar is boarn dar rosghari a gapetat vir ola da mandar as in ckriag sent gabeisn. Baibar as, mensa hintar sent ckeman, honza earscht gamuast afta ckindar unt afta oltn drauf schaung. Nor is gabeisn is holz za mochn virn bintar, da ackar zan oarbatn, is viich za viarn hiatn, is hai za mochn, … ols dosto lai mit sojadar
Guata Bainachtn unt a Glickligis Hailigis Nojs Joar
ckroft. Da palanka asa hont darbischt vir aniada raas honza gapraucht a pisl meal za mein chafn, zan mein avn tisch tuan a plenta a zuachn pan sent biani asin is velt hott geim. In ondenck va dein baibar, in vraiti 21 otobar unt in sonsti 22 otobar in sool van cinema, af Tischlbong, ibar 80 mentschar van gonz tool sent in doarf ckeman voarschteilnsi virn film as dar regischt Swan Bergman bilt mochn ibara Portatrices. Da jungan mentschar as sent ckeman, hont darzeilt as biani is boarn ckreit va dein baibar unt asa belnt helfn mochn ckenan bos da mearastn nit beisnt unt as is passiart av unsara pearga unt dearfar voar ibara hundart joar. Da earschn schticklan film sent boarn o ganoman in 9, 10, 11 dicembar unt, nochn biil van regischt, mit aneitlan mentschar van dearfar do umar, unt ckreit in unsara taitscha schprooch. Min hilf va bearda eipas mearar bast bi ols aus is gongan, bisa sent gabeisn ongleik, bi da haisar sent gabeisn, sent da seen zaitn boarn darzeilt, bosta is passiart unt ona vargeisn berda is leim hott geim. V.P.
DAR HAILIGA NIKOLÒ In vinftn dicembar um sezza tschnochz is ckeman dar Hailiga Nicolò. As bia anias joar, dar sghlita is voula pferbata packlan gabeisn vir da vraida van ckindar: bosa hont ckoot zan ziachn ibara schtreta van Fatt oar saina helfara! Boartn in sool asar aus gipt da schencka sent ckindar gabeisn polda var gonzn belt. Van Fronkraich sent do gabeisn da zba zbindlan van Elvio van Cjapitani, va New York da zba sghbeistarlan van Loredano, da diarlan var Anna van Lombart, zba diarlan as anpflais va Milan sent ckeman unt viil ondara vrema ckindar as aufar ckeman af Tischlbong boartn da schencka va dein Hailin as oln eipas prink sai groas odar cklaan. Miar boartndi dos joar as ckimpt a bidar. Vargeltzgot oln seen as zua hont ckolfn. Dar Hailiga Nikolò hott zoma gachlaupt € 250,00 asar in AGMEN hot schickt.