GRAFÍSK MIÐLUN
VOR 2026
Hönnun og uppsetning efnis fyrir prent-, net- og skjámiðla. Unnið er m.a. með umbrot, myndvinnslu og grafíska framsetningu.
Prentun á fjölbreyttum búnaði þar sem efnisval, pappír og frágangur skipta sköpum. Nemendur læra að nýta prentarana og ná sem bestu útkomu.
Bókband
Frágangur og binding sem gefur verkinu endanlegt form. Handverk, nákvæmni og mismunandi aðferðir skipta máli fyrir endingargóðan lokafrágang.
Greinarnar þrjár hafa nú verið sameinaðar undir sérsviðið grafísk miðlun. Nemendur læra alla verkþætti og byggja upp fjölbreytta færni sem nýtist í skapandi og síbreytilegu starfsumhverfi – þar sem möguleikarnir eru endalausir. Komdu og vertu með!
Eftir frábærar annir get ég loksins deilt með ykkur þeim verkefnum sem ég hef lagt mig fram við að búa til.
Verkin sem ég tek fyrir í Emblunni minni eiga það sameiginlegt að kafa dýpra en yfirborðið. Þau fjalla um vináttu, ást, fórnir og átök – bæði innri sem ytri. Sögurnar sem ég fjalla um eru ekki allar léttar og laggóðar, heldur tilfinningaþrungnar og oft sorglegar, þar sem persónur standa frammi fyrir erfiðum ákvörðunum og afleiðingum þeirra. Þrátt fyrir að sögurnar séu ólíkar í formi og uppruna, segja þær frá mannlegri reynslu.
Nú er námi mínu að ljúka og nýr kafli tekur við. Ég vil þakka Tækniskólanum fyrir skólagönguna og frábæra aðstöðu til náms. Einnig vil ég þakka kennurunum fyrir lærdómsríka kennslu og stuðning á þessari vegferð. Að lokum vil ég þakka þeim sem gefa sér tíma til að lesa – ég vona að þetta tímarit veki áhuga og leyfi ykkur að sökkva inn í sögur á sama hátt og ég hef gert.
Umbrot og hönnun
Natalia Elín Valladares Ingudóttir
Prentun og frágangur
Natalia Elín Valladares Ingudóttir
Útgefandi
Uplýsingatækniskólinn
Pappír
Innsíður: G-print smooth 130 g/m2 Kápa: G-print smooth 170 g/m2
Letur
Univers 45 light - 9/13pt.
Universe 55 roman - 9/13 pt.
Um mig
Akkilles & Patróklus
Haikyuu: Endurvakning blaks í Japan Black Swan
Captive Prince Foxhole Court
Ég er fædd 5. júní 2002 og ólst upp á Flúðum og Selfossi með tvíburabróður mínum þar sem við eigum margar góðar bernskuminningar. Ég er hálf hondúrísk sem hefur alltaf gefið mér skemmtilega tengingu við annan menningarheim. Ég hef alltaf verið mikil útivistarmanneskja og elska að vera á hreyfingu, prófa nýja hluti og finna mér lítil ævintýri. Ljósmyndun hefur lengi átt hug minn, en á sama tíma kann ég vel að meta rólegar stundir inni þar sem ég gleymi mér í allskyns sögum.
Þegar ég var yngri var ég lengi óviss um hvað ég vildi gera í framtíðinni. Kvikmyndageirinn heillaði mig mikið og ég hugsaði um að skrifa handrit eða verða leikstjóri, en það virtist þá frekar vera draumur en raunhæfur kostur. Eftir framhaldsskóla fór ég í landfræði við HÍ. Þó ég stæði mig vel fann ég fljótt að ég var ekki alveg á réttum stað. Í kortafræðiáföngum fékk ég þó að hanna alls konar kort, sem fékk mig til að vilja prófa grafíska miðlun.
Grafísk miðlun hafði alltaf verið til staðar í bakgrunninum. Í framhaldsskóla hafði ég gaman af skapandi uppsetningu verkefna og afi minn, sem er prentsmiður, hvatti mig mikið til að fara þessa leið, þó ég hafi oft verið efins. Smám saman fór þetta þó að meika meira sens og ég ákvað að gefa því séns. Í dag starfa ég sem ráðgjafi í eldhúsinnréttingum hjá IKEA, þar sem ég fæ að vinna með hugmyndir og fólk á skapandi hátt.
Framtíðin er enn óskrifað blað. Ég er enn að prófa mig áfram og finna mína leið, en kannski er það einmitt það sem gerir þetta allt saman spennandi.
„I would recognize you in total darkness, were you mute and I deaf. I would recognize you in another lifetime entirely“ – Akkilles, The Song of Achilles
Samband Akkillesar og Patróklusar hefur verið umdeilt í árþúsundir.
Hvers vegna er saga sem var fyrst sögð fyrir meira en tveimur árþúsundum enn í dag viðfangsefni fræðilegra umræðna, listrænnar þráhyggju og metsöluskáldsagna? Hvað er það við Akkilles og Patróklus sem heillar okkur svona?
Saga þeirra úr Ilíonskviðu
Saga Akkillesar og Patróklusar er ein þekktasta og tilfinningaþrungnasta frásögnin úr Ilíonskviðu Hómers.
Patróklus var prins sem var sendur í útlegð eftir að hafa óvart myrt ungan dreng. Hann var sendur til konungsins Peleus, þar sem hann kynntist syni hans, Akkilles. Hómer lýsir Akkilles og Patróklus sem afar nánum félögum með djúpt tilfinningalegt samband. Patróklus er oft lýst sem skynsömum og góðum, andstæðu við Akkilles sem er kaldranalegur og hrokafullur en þó blíður og umhyggjusamur gagnvart Patróklus.
Þegar Trójustríðið hófst fóru þeir báðir til Tróju til að berjast með Grikkjum. Akkilles varð fljótt frægur fyrir ótrúlega bardagahæfileika sína. Hins vegar varð hann reiður þegar leiðtoginn Agamemnon tók frá honum stríðsfangann Briseis. Vegna þessarar móðgunar, neitaði Akkilles að taka lengur þátt í stríðinu sem olli því að Grikkir fóru að tapa.
Þegar staða Grikkja versnaði bað Patróklus Akkilles um leyfi til að klæðast brynju hans og leiða hermennina í bardaga svo Tróverjar
héldu að Akkilles væri kominn aftur. Akkilles samþykkti það, en bað hann að elta ekki óvinina of langt. Patróklus barðist djarflega og náði að ýta Tróverjum til baka, en hann fór lengra en Akkilles hafði ráðlagt. Þar mætti hann hetjunni Hector sem greiddi honum banahöggið.
Þegar Patróklus fellur á vígvellinum lætur Akkilles frá sér hræðilegt óp og fellur til jarðar, yfirbugaður af sorg. Hann neitar að þvo sér fyrr en Patróklus er jarðsettur. Akkilles fyllist af sorg og reiði og snýr aftur í stríðið til að hefna hans. Hann skorar Hector á hólm og drepur hann í einvígi. Sumir vilja telja að viðbrögð Akkilles vera of sterk til að skýrast eingöngu af vináttu. Grikkirnir enduðu á því að sigra stríðið og Akkilles lést. Að beiðni Akkillesar og Patróklusar voru þeir jarðaðir saman í sameiginlegri gröf til að tryggja að þeir yrðu saman jafnvel í dauðanum.
Texti: Natalia og Chatgpt Myndir: Pexels, Wikimedia Commons
Vinir eða ásthugar?
Samband Akkillesar og Patróklusar má auðveldlega lesa sem rómantískt, þó Hómer segi það aldrei berum orðum. Forn-Grikkir sjálfir
náðu heldur ekki samkomulagi um eðli sambands Akkillesar og Patróklusar. Líkt og við í dag reyndu þeir að skilja þessa goðsagnakenndu tengingu út frá hugmyndum og samfélagi síns tíma.
Í mörgum fornum textum f.Kr. birtast þeir sem ástfangnir en á miðöldum í Evrópu var rómatíska hliðin fjarlægð og eytt var slíkum vísbendingum þar til sagan stóð eftir föl og líflaus. Í nútíma endursögnum er enn tekist á um túlkunina. Í kvikmyndinni Troy (2004) eru þeir til dæmis gerðir að frændum en í skáldsögunni The Song of Achilles er sam band þeirra skýrt rómantískt frá upphafi. Þar er byggt á frásögn Ilíonskviðu til að sýna náið og tilfinningaþrungið samband þeirra. Óháð túlkun er ljóst að tengsl þeirra voru afar sterk og þýðingarmikil.
af öllum regnkápum okkar. Fullkomnar fyrir íslenskt veður. Komdu og verslaðu!
Blak hefur lengi verið mikilvæg íþrótt í Japan og átt stóran sess í íþróttamenningu landsins. Á
tímabili minnkaði þó áhuginn verulega og íþróttin hvarf nær úr sviðsljósinu. En þá kom ein teiknimynda- og myndabókasería sem gaf blaki nýtt líf í samfélagið.
Haikyuu!!
Haikyuu!! er japanskt manga og anime sem segir frá Shoyo Hinata, lágvöxnum en metnaðarfullum dreng sem dreymir um að verða blakstjarna í
íþrótt þar sem hæð skiptir miklu. Hann gengur í lið með Karasuno, sem eitt sinn var frægt blaklið en er nú þekkt sem „Fallen Champions“. Þar hittir hann ólíka liðsfélaga sem þurfa að læra að vinna saman til að endurheimta fyrri frægð og sigra sterkari andstæðinga.
Höfundurinn, Haruichi Furudate, spilaði sjálfur blak í skóla og sótti innblástur í eigin reynslu. Með því að leggja áherslu á bæði spennu leikjanna og mannleg samskipti leikmannanna skapaði hann sögu sem höfðar ekki aðeins til íþróttaáhugafólks heldur einnig til almennra áhorfenda. Þótt Haikyuu!! sé skálduð saga endurspeglar hún að mörgu leyti raunverulega blaksögu í Japan.
Blak: Deyjandi íþrótt í Japan
Blak í Japan á 20. öld var vinsæl íþróttagrein. Japönsk lið náðu góðum árangri á alþjóðlegum vettvangi, sérstaklega á sjöunda og áttunda áratugnum þegar íþróttin var ein sú vinsælasta í landinu. Á þeim tíma vann japanska landsliðið ýmis alþjóðleg verðlaun, m.a. Ólympíugullverðlaun árið 1964. Árangur karlalandsliðsins fór að dala á seinni árum. Liðið átti í erfiðleikum á alþjóðlegum mótum
og missti meðal annars af þremur Ólympíuleikum
í röð áður en það sneri aftur árið 2008, þar sem það tapaði öllum leikjum sínum. Þeir komust heldur ekki á Ólympíuleikana í London 2012. Þessi slaki árangur dró úr vegsemd íþróttarinnar.
Kvennalandsliðið hefur lengi verið með þeim sterkustu í heiminum og vann m.a. brons á Ólympíuleikunum 2012. Árangur þeirra hélt blakinu á lofti í Japan, en ekki nægilega til að vekja mikinn áhuga fjölmiðla eða ungra karla.
Á sama tíma fóru aðrar íþróttir, sérstaklega hafnabolti og fótbolti, að verða vinsælli og blak fékk litla athygli. Þátttaka minnkaði hratt í skólum og hjá félögum. Einnig hafði íþróttin fengið ímynd sem „kvennaíþrótt“, sem gerði það að verkum að margir strákar töldu hana síður spennandi. Blak virtist því vera að hverfa úr almennri umræðu – þar til árið 2012 þegar ein sería breytti óvænt stöðunni.
Blak: Endurvakning íþróttarinnar
Fáir hefðu búist við því að blakteiknimyndasería gæti orðið svo vinsæl, en Haikyuu!! sannaði annað. Fyrsta manga-bindi seríunnar kom út árið 2012, á sama tíma og vinsældir blaks í Japan voru að minnka, og vakti strax mikla athygli. Hún kynnti íþróttina fyrir nýjum lesendum og gerði hana spennandi og aðgengilega. Þegar anime-þættirnir komu út árið 2014 náði serían til enn stærri hóps og jók vinsældir blaks enn frekar.
Serían heillaði áhorfendur með því að sýna bæði gleði sigra og vonbrigði ósigra, ásamt þeirri vinnu og þrautseigju sem þarf til að bæta sig í íþróttinni. Persónurnar standa frammi fyrir eigin áskorunum sem gerir þær raunverulegar og auðvelt að tengja við.
Blakið í seríunni hefur einnig verið hrósað fyrir raunsæja framsetningu, þar sem leikirnir byggjast á raunverulegri tækni, taktík og æfingum. Þetta hjálpaði jafnvel fólki sem hafði áður lítinn áhuga á blaki að skilja og njóta íþróttarinnar.
Eftir útgáfu seríunnar jókst áhugi á blaki, sérstaklega meðal ungmenna. Þátttaka í framhaldsskólablaki jókst um 43% frá 2012 til 2024. Ímynd íþróttarinnar breyttist einnig; blak fór frá því að vera talið leiðinlegt yfir í að vera „töff“ og „skemmtilegt“, og kynjaójafnvægi í áhorfi og þátttöku minnkaði.
Japanska landsliðið í dag Á síðustu árum hefur japanska karlalandsliðið í blaki aftur náð sterkari stöðu á alþjóðavettvangi. Samkvæmt blakheimslista FIVB árið 2012 fékk Japan ekki sæti á listanum en árið 2025, er liðið í 4. sæti og þar með sterkasta lið Asíu. Kvennalandsliðið stendur einnig sterkt og er í 5. sæti heimslistans, sem gerir það einnig að sterkasta liðinu í Asíu.
Margir japanskir leikmenn hafa viðurkennt áhrif Haikyuu!!. Sumir segja að serían hafi vakið áhuga þeirra á blaki eða hvatt þá til að æfa meira. Þeir nefna einnig að stemningin í kringum íþróttina hafi breyst: fleiri áhorfendur mæta á leiki, fleiri börn byrja að æfa og umræða um blak hefur aukist bæði í fjölmiðlum og á samfélagsmiðlum.
Haikyuu!! breytti ímynd blaks í Japan og hvatti nýja kynslóð til að æfa íþróttina. Í dag eru myndabækurnar, þættirnir og blakið sjálft stór hluti af japanskri menningu. Tengingin milli skáldskapar og raunveruleika, ásamt áherslu á metnað og samvinnu, gerði Haikyuu!! að mikilvægum þætti í að endurvekja áhuga á blaki
Í blaki eru sex leikmenn inni á vellinum í einu, 3 í fremri línu og 3 í aftari línu: uppspilari, miðjumaður, kantmaður framlína, kantmaður afturlína, frelsingi og díó. Hver staða hefur sitt hlutverk í sókn og vörn.
Leikurinn byrjar á uppgjöf frá öðru liðinu. Liðin snúast réttsælis í stöður þegar þau vinna uppgjöfina af andstæðinginum. Stig eru gefin í hverri lotu og leikið er upp í 25 stig í fyrstu fjórum hrinum en 15 í þeirri fimmtu. Alltaf þarf að vinna með tveggja stiga mun. Hvert lið má snerta boltann mest þrisvar en sami leikmaður má ekki snerta hann tvisvar í röð. Boltinn má snerta hvaða líkamshluta sem er, en ekki má grípa hann eða halda honum.
„A dancer dies twice — once when they stop dancing, and this first death is the more painful.“
– Martha Graham
Hverjir eru BTS?
BTS eru sjö manna Suður-Kóresk hljómsveit sem var stofnuð árið 2013 hjá fyrirtækinu Big Hit Music. Hljómsveitin samanstendur af söngvurunum, dönsurunum og röppurunum RM, Jin, SUGA, j-hope, Jimin, V og Jungkook. Þeir hafa orðið eitt stærsta tónlistarfyrirbæri heimsins og náð gríðarlegum vinsældum bæði í Kóreu og á alþjóðavettvangi.
Upphaf BTS var þó langt frá því að vera auðvelt. Hljómsveitin var stofnuð hjá litlu fyrirtæki sem stóð á barmi gjaldþrots og fyrstu árin einkenndust af mikilli samkeppni og litlum áhuga frá almenningi. Meðlimirnir þurftu að vinna mjög hart til að skapa sér nafn í tónlistarheimi sem tók þeim ekki opnum örmum. Þrátt fyrir erfiða byrjun á ferlinum, hélt þeim gangandi ástríða þeirra fyrir tónlist og aðdáendum.
Árið 2016 varð vendipunktur á ferli þeirra með útgáfu plötunnar Wings, sem vakti mikla athygli í Suður-Kóreu og markaði upphaf alþjóðlegrar frægðar þeirra. Árið 2017 voru þeir orðnir þekktir sem alþjóðlegar stjörnur og síðan þá hafa vinsældir þeirra aðeins aukist. Í dag eru þeir taldir vera stærsta hljómsveit í heimi.
Textasmíð BTS
Eitt af því sem gerir tónlist BTS sérstaka er hvernig þeir nálgast textasmíð. Meðlimirnir taka virkan þátt í að skrifa, semja og framleiða tónlistina sína sjálfir. Þannig endurspegla textar laganna raunverulega reynslu og tilfinningar þeirra.
Í gegnum feril sinn hafa BTS fjallað um fjölbreytt og oft þung málefni í tónlist sinni.
Lög
Lög þeirra fjalla m.a. um pressu sem ungt fólk upplifir í samfélaginu, leit að sjálfsmynd, kvíða, andlega heilsu og félagslegt óréttlæti. Þeir hafa einnig talað opinskátt um eigin reynslu af erfiðleikum, óöryggi og þreytu. Þessi hreinskilni hefur gert tónlist þeirra að einhverju sem margir hlustendur geta tengt við. BTS hvetja þá til að elta drauma sína, finna hamingju og vera með þeim í að takast á við áskoranir lífsins.
Í mörgum lögum BTS er tónlistin sjálf lýst sem uppsprettu vonar og styrks. Lagið Black Swan sker sig þó úr í þessari diskógrafíu. Þar velta þeir upp spurningunni sem margir listamenn óttast: hvað gerist ef ástríðan fyrir listinni hverfur?
Black Swan
Lagið Black Swan, sem kom út árið 2020 á plötunni Map of the Soul: 7, er ein djúpstæðasta og persónulegasta tónsmíð BTS. Þessi melankólíska R&B og trap-innblásin ballaða, lýsir eigin reynslu þeirra af innri baráttu sem fylgir því að vera listamaður undir mikilli pressu og stöðugum væntingum.
Innblástur lagsins kemur frá frægri tilvitnun dansarans Martha Graham: „A dancer dies twice — once when they stop dancing, and this first death is the more painful.“ Þessi orð spegla þá tilfinningu sem BTS lýsa í laginu.
Í Black Swan segja þeir frá þeirri tilfinningu að tónlistin sem áður fyllti þá ástríðu og lífskrafti geti stundum orðið fjarlæg. Þessi tilfinning tengist kulnun og kvíða sem getur fylgt því að vera listamaður á heimsfrægum vettvangi.
Myndhverfingin svarti svanurinn hefur táknræna merkingu. Þar sem hvítur svanur er oft tákn sakleysis og fegurðar, táknar svarti svanurinn hins vegar dýpri og flóknari hlið listamannsins.
Þó BTS séu meðal vinsælustu tónlistarmanna heims er helsti ótti þeirra ekki að missa vinsældir eða frægð. Í stað þess óttast þeir að missa ástríðuna fyrir tónlistinni sjálfri. Þessi hreinskilni gerir Black Swan að sérstaklega áhrifamiklu verki. Lagið opnar glugga inn í viðkvæma hlið listamanna sem margir sjá aðeins sem heimsfrægar stjörnur.
Þrátt fyrir þunga þemu endar lagið þó ekki í algjöru vonleysi. Í gegnum lagið takast meðlimirnir á við ótta sinn og reyna að finna leið til að halda áfram að skapa. Þannig verður Black Swan ekki aðeins saga um ótta, heldur einnig um baráttu listamannsins við að halda ástinni á listinni lifandi þrátt fyrir erfiðar aðstæður.
“To gain everything and lose everything in the space of a moment. That is the fate of all princes destined for the throne.”
- Laurant of Vere
Frá höfundi C. S. Pacat, kemur fyrsta bókin í margverðlaunaða þríleik hennar. Damen er hetja í augum þjóðar sinnar og réttmætur erfingi hásætis Akielos. En þegar hálfbróðir hans rænir völdum er Damen handsamaður, sviptur sjálfsmynd sinni og sendur til að þjóna krónprinsi í óvinaríki sem þræll.
Nýi eigandi hans, prinsinn Laurent, endurspeglar það versta við hirðina í Vere. En í þessum flókna og hættulega vef stjórnmála innan hirðarinnar er ekkert sem sýnist og þegar Damen flækist inn í valdabrölt um hásætið neyðist hann til að vinna með Laurent til að lifa af og bjarga landi sínu.
Fyrir Damen gildir aðeins ein regla: að opinbera aldrei, undir neinum kringumstæðum, hver hann er í raun. Því sá maður sem hann þarf mest á að
Sögusvið
Captive Prince er fantasíusaga án galdra í skáldheimi sem byggir á áhrifum frá Miðjarðarhafi og fornri Evrópu. Sagan fjallar um flókin stjórnmálaátök milli hernaðarlega Akielos, byggt á Grikklandi, og fágaðra Vere, byggt á Frakklandi. Við fylgjum sambandi Damen og Laurant og pólitískri flækju kringum þá, þar sem þrældómur, valdamisvægi og ofbeldi spila stórt hlutverk.
Söguþættir
Þrældómur er stór hluti af samfélaginu í bókaseríunni og birtist í mörgum myndum, þar sem einstaklingar á öllum aldri eru haldnir í ánauð. Í upphafi virðist serían færa þrælahald og ofbeldi í eðlilegt horf, en síðar verður ljóst hversu siðlaust kerfið er. Sú vitund leiðir til innri átaka og vekur hjá aðalpersónunum þörf til að breyta ríkjunum til hins betra.
Akielos og Vere, sem fyrr var eitt ríki, hafa átt í stríði um aldir. Við upphaf sögunnar ríkir brothætt friðarástand eftir stórorrustu sex árum fyrr, þar sem konungur Vere féll og eldri bróðir Laurent var drepinn af Damen. Í kjölfarið varð Laurent erfingi hásætisins, en vegna ungs aldurs hans tekur föðurbróðir hans við stjórn ríkisins þar til Laurent nær löglegum aldri til að krýnast konungur.
Þó ber föðurbróðurinn í raun djúpan hatur gegn Laurent og sækist sjálfur eftir krúnunni. Hann vinnur markvisst að snúa hirðinni gegn Laurant. Á meðan Laurent berst í leynilegri baráttu fyrir lífi sínu og réttmætri erfðastöðu fær hann óvænta hjálparhönd frá manni sem hann síst bjóst við.
Texti: Natalia og Chatgpt / Myndir: Shutterstock, Natalia
og Laurent
þeir geta fyrirgefið hvor öðrum og unnið saman til að bjarga konungsríkjum sínum?
Söguþráður
Foxhole Court er þriggja bókasería eftir Nora Sakavic sem segir frá óvenjulegum hópi ungs fólks sem tengist í gegnum erfiðan og krefjandi íþróttaheim. Serían fylgir Neil Josten, dreng á flótta sem lifir undir fölsku nafni til að komast undan hættulegri fortíð. Þegar hann gengur í háskóla til liðs við Foxes sem er lið í skáldaðri íþróttagrein að nafni Exy, neyðist hann til að horfast í augu við bæði fortíð sína og nýja liðsfélaga sem hver og einn ber með sér sín eigin sár.
Persónur
Foxes-liðið samanstendur af ungu fólki sem átti mjög slæma æsku vegna höfnunar, fordóma, andlegs og líkamslegs ofbeldi. Neil sjálfur er tortrygginn og lokuð manneskja, en smám saman lærir að treysta öðrum. Andrew Minyard er kaldur og óútreiknanlegur, en undir yfirborðinu mjög tryggur. Kevin Day, fyrrum stjarna í Exy, glímir við brotna sjálfsmynd og þrýsting frá fortíðinni.
Aðrir liðsfélagar eins og Dan, Matt og Allison bæta við fjölbreyttum sjónarhornum og sýna hvernig mismunandi bakgrunnur geta mót að fólk á ólíkan hátt. Persónurnar eru stöðugt í átökum sín á milli og eiga erfitt með að spila saman. Liðið er í neðsta
sæti deildarinnar en hefur þó möguleikann til að verða eitt það besta ef persónunum tækist að ná saman og spila sem ein heild á vellinum.
Fundin fjölskylda
Þrátt fyrir átök, leyndarmál og oft erfið samskipti tekst þessum hópi að mynda sterk vinabönd. Í upphafi ríkir vantraust og fjarlægð, en í gegnum sameiginlegar æfingar, keppni og erfiðar aðstæður byrja þau smám saman að skilja hvert annað betur. Í gegnum Exy-íþróttina finna þau tilgang, aga og leið til að takast á við innri átök. Smám saman þróast liðið úr því að vera óvinir yfir í eins konar fjölskyldu.
Sagan segir frá ungu fólki sem hefur verið brotið niður en fundið styrk í hvort öðru og byggja upp nýtt líf úr rústunum. Bókaserían sýnir að fortíð manns þarf ekki að skilgreina framtíðina og hvernig vinátta og samheldni geta hjálpað fólki við að finna sér sinn stað í heiminum.
Persónur nr. Staða
Neil Josten #10 Framherji
Andrew Minyard #3 Markvörður
Kevin Day #2 Framherji
Dan Wilds #1 Sóknarmaður
Matt Boyd #4 Bakvörður
Allison Reynolds #7 Varnarmaður
Nicky Hemmick #8 Bakvörður
Renee Walker #9 Markvörður
Aaron Minyard #5 Bakvörður
Seth Gordon #6 Framherji
PRENT.IS er svansvottuð prentsmiðja
Vantar þig uppsetningu á nafnspjöldum, bæklingum, reikningum eða umbrot á blöðum eða bókum?
Prentun er okkar fag. Hjá Litlaprenti starfa prentarar með mikla fagþekkingu og fagmenntun til margra ára.
Litlaprent býður upp á fjölbreytt úrval á frágangi prentverks, t.d. brot, vírhefting, fræsing og margt fl.
Aðild að réttu stéttarfélagi skiptir sköpum fyrir öryggi og velferð launþega. Kjaramál, réttindi og starfsumhverfi hafa bein áhrif á daglegt líf og því er mikilvægt að hafa öflugan bakhjarl. Grafía stendur vörð um hagsmuni félagsmanna, vinnur markvisst að bættum kjörum og veitir faglega ráðgjöf og stuðning þegar á þarf að halda.
Með því að ganga til liðs við Grafíu styrkir þú stöðu þína á vinnumarkaði og tryggir þér áreiðanlegan stuðning.
Vertu með í okkar röðum – við erum til staðar fyrir þig.
Ávinningur sameiningarinnar er gríðarlegur fyrir félagsmenn Grafíu.
Kynntu þér réttindin þín og fáðu frekari upplýsingar inn á www.grafia.is
Stórhöfða 31, 3. hæð, 110 Reykjavík
5400 100 grafia@grafia.is