Embla_Ilmur

5.tbl 15.ÁRG

Þinn fræðsluheimur

Prent-og miðlunargreinar eru skapandi og þróast hratt. Til að ná árangri skiptir máli að bæta við þekkingu frá fyrsta degi eftir að námi lýkur.

IÐAN fylgir þér frá útskrift allan starfsferilinn og býður upp á símenntun með fjölbreyttum námskeiðum sem taka mið af breytingum og tækniþróun í faginu.

Fræðslusetur

Vatnagarðar 20 104 Reykjavík

Sími 590 6400

Netfang idan@idan.is Veffang www.idan.is

Umbrot og hönnun

Ilmur María Þórarinsdóttir Blöndal

Forsíða

Ilmur María Þórarinsdóttir Blöndal

Útgefandi

Upplýsingatækniskólinn

Prentun

Upplýsingatækniskólinn

Letur

Univers 45 light –9/13 pt

Univers 55 roman – 9/13 pt

Univers 65 bold – 9/13 pt.

Pappír

130 g G-Smooth

Nú þegar ég lít til baka á þennan kafla í lífi mínu fyllist ég þakklæti og stolti. Tíminn í grafískri miðlun hefur verið bæði krefjandi og einstaklega lærdómsríkur. Í gegnum námið hef ég fengið tækifæri til að þróa hugmyndir og miðla þeim á fjölbreyttan hátt, hvort sem er í prenti eða stafrænt.

Á þessum tíma hef ég lært mikið og bætt færni mína í faginu. Ég er þakklát fyrir að hafa valið þessa leið og hlakka til að nýta það sem ég hef lært áfram í framtíðinni.

Mig langar sérstaklega að þakka kennurunum mínum fyrir stuðninginn, leiðsögnina og þolinmæðina. Ég er þakklát fyrir kennarana mína, þau hafa stutt mig og hvatt mig áfram. Ég hef lært mikið af þeim og fengið meira sjálfstraust í því sem ég er að gera.

Takk fyrir mig

Um mig

Ég heiti Ilmur og ólst upp bæði á Akureyri og í Vesturbæ. Fyrstu árin mín bjó ég á Akureyri, og síðan við fluttum höfum við fjölskyldan alltaf sótt þangað mikið og dvalið hjá ömmu og afa. Af þeim sökum hef ég ávallt haldið sterkum tengslum við Akureyri, þó að eftir því sem árin líða kemst ég sjaldnar en áður.

Lengst hef ég þó búið í Vesturbænum, eða í tæp tíu ár. Margir myndu líklega halda að ég liti fyrst og fremst á mig sem Vesturbæing, en Akureyri á sérstakan stað í hjarta mínu. Ég er þó enn ung, og aldrei að vita hvort ég muni með tímanum tengja mig meira við Vesturbæinn.

Fyrsta árið mitt í menntaskóla var í FG, þar lærði ég margt nýtt. Það sem heillaði mig mest voru félagsfræði og félagsvísindi. Ég hafði í raun aldrei velt grafískri miðlun fyrir mér fyrr en mamma benti mér á þá leið. Ég ákvað að láta á það reyna og flutti mig yfir í Tækniskólann. Þar upplifi ég mig í góðum höndum; kennararnir eru þolinmóðir og hvetja okkur til að rækta hæfileika sem ég hafði að einhverju leyti misst á unglingsárunum hæfileikann til að skapa.

Þegar ég var yngri var ég sífellt að skapa: Ég samdi sögur, teiknaði, leiraði, orti ljóð og jafnvel prentaði hluti til handavinnu. Ég lifði að miklu leyti í mínum eigin skapandi heimi. Á unglingsárunum fjarlægðist ég þennan heim, en nú finn ég að hann er smám saman að snúa aftur.

Gönguferðir bæta líðan

Gönguferðir eru einföld, aðgengileg og áhrifarík leið til að bæta bæði líkamlega og andlega heilsu. Regluleg ganga styrkir hjarta og æðakerfi, eykur þol og stuðlar að betri almennri heilsu. Á sama tíma hefur hún róandi áhrif á hugann, dregur úr streitu og kvíða og getur aukið einbeitingu og andlega skýrleika. Þegar gengið er í rólegu umhverfi hægir á hugsunum og auðveldara verður að ná jafnvægi í daglegu lífi.

Göngur gefa tækifæri til að taka sér hlé frá áreiti og hraða nútímans. Þær skapa rými til að hugsa, velta hlutum fyrir sér eða einfaldlega njóta augnabliksins. Margir upplifa að hugmyndir og lausnir á vandamálum komi fram á meðan gengið er, þar sem hugurinn fær svigrúm til að vinna úr upplýsingum á náttúrulegan hátt. Þannig geta gönguferðir ekki aðeins bætt líðan heldur einnig aukið sköpunargáfu og innsæi. Til að ná sem bestum árangri er mikilvægt að byrja rólega og auka álagið smám saman.

Stuttar göngur, til dæmis um 20–30 mínútur í senn, geta haft jákvæð áhrif strax. Með tímanum er hægt að lengja göngurnar eða auka tíðnina eftir

því sem líkamlegt þol eykst. Sumir kjósa að skipta göngum upp yfir daginn, sem getur verið góð leið til að koma hreyfingu inn í daglega rútínu. Með reglulegri iðkun verða göngur oft sjálfsagður og ómissandi hluti af lífsstíl.

Á Íslandi eru aðstæður einstaklega góðar til gönguferða. Náttúran er víða nálæg og landslagið fjölbreytt, sem býður upp á ótal möguleika til útivistar. Hvort sem um er að ræða stuttan

Höfuðborgarsvæðið

Á höfuðborgarsvæðinu eru fjölmargar fallegar gönguleiðir sem henta bæði byrjendum og lengra komnum. Vinsælar leiðir má finna í Heiðmörk, þar sem eru skógarstígar og vatnasvæði, og í Elliðaárdalur sem liggur í gegnum borgina meðfram ám og fossum. Einnig er Esjan vinsæll kostur fyrir þá sem vilja krefjandi fjallgöngu og fallegt útsýni yfir höfuðborgarsvæðið.

göngutúr í hverfinu eða lengri ferðir í náttúrunni, er auðvelt að finna leiðir sem henta hverjum og einum. Jafnvel í þéttbýli má finna græn svæði og göngustíga sem gera útiveru aðgengilega. Þrátt fyrir að samgöngur séu oft skipulagðar með bíla í huga er hægt að velja að ganga oftar, til dæmis í vinnu, skóla eða verslun. Slíkar breytingar, þó litlar séu, geta haft veruleg áhrif til lengri tíma.

Veðurfar getur haft áhrif á hreyfingu, sérstaklega á veturna þegar kalt, dimmt eða vindasamt.

Með réttum fatnaði og góðum undirbúningi er þó vel hægt að stunda göngur allt árið um kring. Hlý og þægileg föt, góðir skór og vani gera gönguferðir öruggar og ánægjulegar. Útivera í fersku lofti, jafnvel í köldu veðri, getur haft endurnærandi áhrif og aukið vellíðan.

Þar sem hugmyndir verða að veruleika. Við bjóðum hágæða prentun fyrir plaköt, bæklinga, nafnspjöld og sérsniðin verkefni.

Súðavík

Sumar sögur lifa áfram í minni þjóðarinnar. Þær eru ekki aðeins sagðar í bókum eða fréttum heldur lifa áfram í fólkinu sjálfu, í minningum, í samtölum og í þeim stöðum sem bera vitni um fortíðina. Saga Súðavíkur eftir snjóflóðið 16. janúar 1995 er ein slík saga. Hún er sár og þung, en hún er líka saga um samstöðu, seiglu og þann styrk sem getur myndast þegar fólk stendur saman á erfiðustu stundum. Þegar snjóflóðið féll breyttist lífið í þorpinu á einni nóttu. Harmleikurinn skildi eftir djúp spor í litlu samfélagi þar sem Súðavík var talin ein stór fjölskylda.

Ísafjörður

Margir íbúar fluttu tímabundið til Ísafjarðar eða suður til Reykjavíkur á meðan reynt var að ná utan um ástandið. Á Ísafirði fengu Súðvíkingar húsnæði og aðstöðu á meðan ástandið í heimabyggð þeirra var metið. Skólastarf barna úr Súðavík var einnig flutt tímabundið til Ísafjarðar svo börnin gætu haldið áfram námi þrátt fyrir áfallið.

Lífið, sem áður hafði fylgt rólegum takti, var nú allt í óvissu. Þetta tímabil var erfitt fyrir íbúana. Þeir voru langt frá heimilum sínum og margir syrgðu ástvini. Samt sem áður reyndu íbúarnir að halda í samheldni samfélagsins og styðja hvert annað í gegnum sorgina.

Samt hófst fljótt samtal um framtíðina. Spurningin sem blasti við var einföld en þung: átti að byggja Súðavík upp aftur?

Að morgni 16. janúar 1995 féll snjóflóð úr hlíðinni fyrir ofan þorpið Súðavík á Vestfjörðum. Flóðið, sem var 200 metra breitt, féll á íbúðarhús í þorpinu og olli miklu tjóni og sorg. Alls létust 14 manns, þar á meðal 8 börn.

Uppbygging

Á borgarafundi skömmu eftir hamfarirnar var ljóst að margir íbúar vildu halda áfram. Hugmyndin varð sú að færa byggðina á öruggara svæði innan við Eyrardalsá. Það var stór ákvörðun og mikil vinna fram undan. Heimili höfðu glatast og sorgin var sterk, en viljinn til að halda áfram var sterkari en óttinn.

Til bráðabirgða voru fluttir sumarbústaðir til þorpsins svo fólk gæti haft skjól á meðan unnið var að nýrri byggð. Um sjötíu íbúar fluttu í þessi litlu hús. Smám saman risu ný heimili og nýtt þorp tók að mótast.

Stuðningur

Eftir snjóflóðið í Súðavík sýndi íslenska þjóðin mikinn samhug. Fjölmiðlar stóðu fyrir söfnunarátakinu „Samhugur í verki“, þar sem fyrirtæki, sjálfboðaliðar og almenningur lögðu sitt af mörkum. Átakinu tókst að safna yfir 300 milljónum króna til að styðja íbúa við að byggja upp heimili og samfélag sitt á ný. Þetta sýndi sterka samstöðu Íslendinga og hversu mikið þjóðin getur gert þegar hún stendur saman.

Vigdís Finnbogadóttir

Minningarathöfnin var eftirminnileg og henni var útvarpað, en það sem situr helst eftir hjá aðstandendum er einlæg samúð frá Vigdísi. Hún gekk á milli fólks, tók utan um þá sem höfðu misst ástvini og hlustaði. Í slíkum augnablikum getur samkennd haft djúp áhrif.Hvernig forseti Íslands, Vigdís Finnbogadóttir, brást við erfiðum aðstæðum skipti miklu máli. Þegar hún kom til Súðavíkur og tók fyrstu skóflustunguna að nýrri byggð varð það tákn fyrir nýtt upphaf.

Súðvíkingar sjálfir héldu líka þétt utan um hvert annað. Í litlu samfélagi er sorgin aldrei einkamál einstaklings heldur reynsla sem snertir alla. Vinir, nágrannar og fjölskyldur studdu hvert annað á meðan allir reyndu að fóta sig á ný.

Vestfirðir

Í þessum erfiðu aðstæðum mynduðust einnig ný tengsl. Ungt fólk úr Súðavík sótti skóla á Ísafirði eftir flóðið og þar kynntist það jafnöldrum sínum úr öðrum byggðum á Vestfjörðum. En þessi nýju kynni fengu fljótt annan og þyngri tón. Síðar sama ár féll snjóflóð á Flateyri þar sem margir létust, þar á meðal ungmenni. Sum þeirra voru rétt að byrja að kynnast vinum sínum

úr Súðavík. Sorgin lagðist yfir alla Vestfirðinga. Þrátt fyrir allt hélt lífið áfram. Börn sneru aftur í skóla og samfélagið tók smám saman að finna nýjan takt.

Raggagarður Í dag stendur Súðavík á nýjum stað, en minningarnar lifa áfram. Einn staður sem minnir á styrk samfélagsins er Raggagarður í Súðavík. Garðurinn var byggður til minningar um Ragnar Frey Vestfjörð sem lést árið 2001, en hann hefur einnig orðið að fallegum áningarstað fyrir fjölskyldur og gesti. Þar leika börn sér á sumrin, fólk situr saman og náttúran umlykur staðinn. Garðurinn táknar hvernig samfélag getur umbreytt sorg í eitthvað fagurt og lifandi.

Saga Súðavíkur er því ekki aðeins saga um hörmungar. Hún er saga um fólk sem hélt áfram að trúa á heimabyggð sína, studdi hvert annað og byggði samfélagið upp að nýju. Hún minnir okkur á að náttúran er ógnvekjandi, en mannleg samstaða verður ávalt sterkari.

„Missir eins er missir okkar allra.“

Súðavík er lítið sjávarþorp á Vestfjörðum, nálægt Ísafirði. Bærinn stendur við fallegan fjörð og byggir líf sitt að miklu leyti á sjávarútvegi. Þar ríkir rólegur andi, sterk samfélagstengsl og nánd við náttúruna, sem gerir staðinn að góðum búsetukosti fyrir þá sem meta friðsælt umhverfi.

Í Súðavík er einnig fjölbreytt útivist í boði, svo sem gönguleiðir og hjólastígar. Náttúran í kring býður upp á fallegt landslag og ríkulegt dýralíf. Þrátt fyrir

smæð bæjarins er þar öflugt samfélag þar sem íbúar styðja hver annan og halda í sterkar hefðir.

Fundur var haldinn hjá kennarafélögunum og ákveðið var að sýna samhug með þeim sem urðu fyrir náttúruhamförunum í Súðavík.

Nýtt sjávarþorp reis með miklum hraða í Súðavík eftir snjóflóðin í janúar 1995. Það var ekki lengur öruggt að búa í gamla þorpinu og var þá ákveðið að flytja byggðina í Eyrardal. Skipulag nýja þorpsins var unnið á skömmum tíma og framkvæmdir hófust fljótt.

Á innan við tveimur árum hafði nýtt þorp risið. Þetta sýnir bæði seiglu samfélagsins og þann metnað sem var lagður í þorpið.

Mannfjöldi

Þrátt fyrir þann mikla missi sem samfélagið varð fyrir sýndu íbúar Súðavíkur ótrúlega seiglu. Árið

1995 bjuggu um 220 manns í þorpinu og aðeins þremur árum síðar voru enn um 200 skráðir til heimilis þar. Það sýnir hversu margir ákváðu að snúa aftur og halda í rætur sínar þrátt fyrir áfallið.

Fólk vildi ekki yfirgefa samfélagið sitt, heldur byggja það upp á nýjum og öruggari grunni.

Þó að íbúum hafi síðar fækkað og árið 2002 voru um 165 manns skráðir í Súðavík, lifði samfélagið áfram. Fækkunin var eðlileg í ljósi aðstæðna, en hún breytti ekki þeirri staðreynd að kjarninn í samfélaginu var sterkur. Fólkið þekkti hvert annað vel og tengslin voru sterk, mótuð af sameiginlegri sögu og daglegu lífi í litlu sjávarþorpi. Þegar áfallið reið yfir varð þessi nálægð að mikilvægustu stoðinni

Samfélag

Í slíku samfélagi er samheldni ekki eitthvað sem þarf að búa til hún er þegar til staðar. Hún birtist í litlum en mikilvægum athöfnum dagsins: þegar nágrannar líta til hvers annars, bjóða fram hjálp án þess að vera beðnir um hana, setjast niður og hlusta þegar einhver þarf að tala eða einfaldlega eru til staðar í þögninni. Fólk deildi ekki aðeins sorginni heldur líka ábyrgðinni á því að halda áfram. Þá varð vonin að sameiginlegu verkefni, eitthvað

sem allir héldu í og styrktu hvert hjá öðru, jafnvel á þeim stundum þegar hún virtist veikburða. Þeir sem eftir stóðu héldu áfram að rækta tengsl sín, styðja hvert annað og byggja upp líf í nýju þorpi. Það sem gerði Súðvíkingum kleift að standa svona vel í lappirnar var ekki aðeins ytri stuðningur heldur líka innri styrkur samfélagsins sjálfs. Með tímanum varð Súðavík tákn um seiglu. Það sýnir að jafnvel eftir miklar hamfarir er hægt að halda áfram, ekki með því að gleyma fortíðinni heldur með því að læra af henni og byggja ofan á hana. Saga íbúanna er því vitnisburður um að styrkur samfélags felst ekki í fjölda heldur í samheldni þess og vilja til að halda áfram, sama hvað á dynur.

Valencia

Valencia er þriðja stærsta borg Spánar, en stærð hennar segir aðeins lítinn hluta af sögunni. Það sem gerir Valencia sérstaka er hvernig borgin ber með sér margar aldir af menningu, list og sögu sem lifa enn í daglegu lífi borgarinnar. Þegar gengið er um götur hennar má finna fyrir því hvernig fortíð og nútíð mætast. Gamlar byggingar standa við hlið nútímalegs arkitektúrs og hefðir sem eiga rætur í miðöldum eru enn lifandi í menningu borgarinnar.

Saga Valencia nær aftur til Rómverja sem stofnuðu borgina árið 138 f.Kr. Í gegnum aldirnar hefur borgin verið undir áhrifum margra ólíkra menningarheima. Hún var hluti af íslamska heiminum í nokkur hundruð ár og síðar mikilvæg kristin verslunarborg á Miðjarðarhafssvæðinu. Þessi marglaga saga hefur mótað borgina og sést í arkitektúr hennar, matarmenningu og daglegu lífi. Eitt af því sem gerir Valencia svo áhugaverða er hvernig borgin hefur þróast án þess að missa tengsl við fortíðina. Í gamla miðbænum má finna þröngar götur og byggingar sem minna á miðaldir, þar sem markaðir, kirkjur og torg skapa líflegt menningarumhverfi.

Menning Valencia birtist einnig sterklega í hátíðum borgarinnar. Ein frægasta hátíðin er Las Fallas sem haldin er á hverju ári í mars. Þá eru byggðir stórir skúlptúrar úr tré og pappa sem sýna oft myndir af samfélaginu eða stjórnmálum. Í lok hátíðarinnar eru skúlptúrarnir brenndir í stórum brennum sem lýsa upp næturhimininn. Þessi hefð sýnir hvernig list getur verið bæði tímabundin og lifandi hún er búin til að gleðja fólk í stuttan tíma áður en hún hverfur aftur. Valencia er einnig dæmi um borg sem hefur umbreytt erfiðri reynslu í nýja möguleika. Árið 1957 varð stórt flóð þegar Turia-áin flæddi yfir bakka sína og olli miklu tjóni í borginni. Í stað þess að endurbyggja ána í gegnum miðbæinn var ákveðið að beina henni í annan farveg. Gamli árfarvegurinn var síðan breytt í grænt svæði sem kallast Turia-garð urinn. Í dag liggur þessi garður í gegnum borgina í meira en tíu kílómetra og er einn af mikilvægustu samkomustöðum borgarbúa.

Í þessum garði stendur einnig eitt þekktasta tákn nútíma Valencia, City of Arts and Sciences. Þetta svæði er fullt af framúrstefnulegum byggingum sem minna meira á skúlptúra en hefðbundinn hús. Þar má finna vísindasafn, óperuhús og Oceanogràfic, stærsta sædýrasafn Evrópu. Arkitektúrinn er mjög nútímalegur og skapar sterka andstæðu við gömlu borgina. Samt virðist þessi andstæða ekki brjóta upp borgina heldur gera hana enn áhugaverðari.

Kannski er það einmitt þessi blanda sem gefur Valencia sinn sérstaka karakter. Borgin er ekki bara safn af sögulegum byggingum eða ferðamannastöðum. Hún er lifandi staður þar sem menning, list og saga halda áfram að þróast. Í Valencia má ganga frá miðaldagötum yfir í framúrstefnulegan arkitektúr á örfáum mínútum, eða frá hefðbundnum mörkuðum yfir í nútímaleg listasöfn.

Valencia sýnir þannig hvernig borg getur verið bæði rótgróin og síbreytileg á sama tíma. Saga hennar er ekki aðeins eitthvað sem tilheyrir fortíðinni heldur eitthvað sem heldur áfram að móta borgina og fólkið sem býr þar. Kannski er það þess vegna sem Valencia kemur svo mörgum á óvart. Hún er borg þar sem fortíð, nútíð og framtíð lifa saman á sama stað.

Quatre Carreres Oceangrafic Art El Saler Centro Jardín del Turia

Ciutat

Vella Jardín del Turia El Carmen Torres de Serranos

Patraix

Valencia Hortensia Herrero Art

Plaça de Patraix Mercado de Jesus

Ásgeir Trausti

Ásgeir Trausti er íslenskur tónlistarmaður sem hefur náð miklum vinsældum bæði á Íslandi og erlendis. Hann fæddist árið 1992 og ólst upp á Laugalandi í Árnessýslu. Ásgeir sló í gegn með fyrstu plötu sinni, Dýrð í dauðaþögn (2012), sem varð ein vinsælasta plata í íslenskri tónlistarsögu

Ásgeir Trausti er einn þekktasti tónlistarmaður Íslands á síðari árum og hefur vakið athygli langt út fyrir landsteinana. Hann fæddist árið 1992 og ólst upp í sveit, sem hefur haft áhrif á rólegan og náttúrulegan tón í tónlist hans. Hann sló í gegn með plötunni Dýrð í dauðaþögn árið 2012, sem sló sölumet á Íslandi. Enska útgáfan, In the Silence, gerði honum kleift að ná alþjóðlegum vinsældum, sérstaklega í Evrópu og Bandaríkjunum.

Tónlist Ásgeirs einkennist af mjúkum söng, melódískum lögum og blöndu af poppi, folk og raftónlist. Hann gaf einnig út enska útgáfu af plötunni undir nafninu In the Silence, sem vakti athygli víða um heim. Síðan þá hefur hann haldið áfram að gefa út tónlist og koma fram á tónleikum bæði heima og erlendis.

Ásgeir Trausti er þekktur fyrir einstakan hljóm og lágstemmdan stíl, og hefur fest sig í sessi sem einn af fremstu tónlistarmönnum Íslands á síðustu árum.

Tónlist Ásgeirs er blanda af poppi, folk og rafrænum áhrifum, og hann er þekktur fyrir fallegar laglínur og mjúka rödd. Textarnir hans eru oft ortir af föður hans, Einar Georg Einarsson, sem gefur lögunum persónulegan og ljóðrænan blæ. Ásgeir hefur síðan gefið út fleiri plötur og haldið tónleika víða um heim. Hann er þekktur fyrir að skapa rólega og stemningsríka tónlist sem hefur höfðað til breiðs hóps hlustenda og styrkt stöðu hans sem einn af fremstu listamönnum Íslands.

Allt er vænt sem vel er grænt –umhverfisvæn prentun

Veldu umhverfisvænar lausnir. Prentsmiðjan okkar er Svansvottuð í öllu prentferlinu frá forvinnslu til prentunar og frágangs. Við tökum að okkur fjölbreytt prentverk og leggjum metnað í gæði og áreiðanleika. Hafðu samband og við finnum lausn sem hentar þér.

Skemmuvegi 4, blá gata

200 Kópavogi | Sími 540 1800 Netfang litlaprent@litlaprent.is

Veffang www.prent.is

Opið virka daga : 8:00–16.00

FORVINNSLA

PRENTUN

FRÁGANGUR

Með okkur ertu áhyggjulaus

Að velja rétt stéttarfélag getur haft veruleg áhrif. Launakjör og réttindi eru lykilþættir í lífi launafólks, og þar leggur Grafía sitt af mörkum. Gakktu til liðs við okkur og treystu á að við stöndum með þér þegar á þarf að halda.

Grafía er orðin hluti af Rafiðnaðarsambandi Íslands. Ávinningur sameiningarinnar er gríðarlegur fyrir félagsmenn Grafíu.

Kynntu þér réttindin þín og fáðu frekari upplýsingar inn á heimasíðunni okkar www.grafia.is

Stórhöfða 31, 3. hæð • 110 Reykjavík • Sími 5400 100 grafia@grafia.is • www.grafia.is