壹叁肆期 ISSUE 134
Contents *編委作品
編者的話 – Grace 3 太古夫人信箱 5
*Swire Hall 靚仔靚女 *Warden 專訪 * Hall Pool * Swire Non-local *太古邱比特 *單身貴族 *Roommate *愛情專家
Egg Recipes Hotpot
67 73
7 22 33 37 41 45 51 60
謝天恩 Grace 回望過去一年，感覺好像過了一個空白期。一眨眼，便迎來 2021 年。
因為疫情的關係，大家都減少了社交活動，舍堂的活動也受到影響。儘管如此，盼望此期的 ⟪太古青年⟫ 能拾起大家 零碎的回憶，記錄 2020 年在舍堂中的堂友和當中發生的大小事。
2020 年，好像拉遠了人與人之間的關係。曾經認為理所當然的定期聚會，卻因疫情而被迫再三延期。然而，2020 年卻 提醒了我要珍惜每一次的相聚時間，當誤以為很快就能再見，但事實上再見的時間遙遙無期。每次能約到的聚會都不 是理所當然，因此我更珍惜每次的聚會、珍惜仍在自己身邊的家人和朋友。下次聚會時，嘗試放下手機，多與身邊的 人談天說笑，把珍貴的回憶烙印在自己心中吧。
在 2020 年，我亦多了時間留在家中吃飯。當我開始嘗試下廚時，才發覺熱騰騰的餸菜內蘊藏着滿滿的心血。由備菜 到烹調，像極一場馬拉松，一點也不輕鬆。從前我卻從不珍惜住家飯，回家吃飯從來不是我的優先選擇。然而，2020 年提醒了我製作一頓飯背後所需要付出的時間和努力。新一年，新目標，多點回家吃飯，不妨稱讚一下家人的廚藝， 其實家人亦只是想看你吃得滿足的臉。
我非常喜歡旅遊，十分喜歡在旅遊中放空自己的感覺，忘卻世俗的煩惱，單純地享受眼前的美食和風景，但疫情卻打
3
亂了我的計劃，我好像只能困在生活節奏急速的香港，令人喘不過氣來。然而，可能基於疫情的關係，香港在這一年 間新開了很多的咖啡店，這亦成為我的安舒區。坐在咖啡店裏，欣賞杯子上的拉花，漫無目的地看着街上的行人，凝 視窗外的樹木。時間一點一點地過去，不知不覺間一整個下午便過去了。偶然去咖啡店坐一坐，聞着咖啡的香味，聽 着咖啡機運作的聲音，看着咖啡師熟練的拉花動作，放空自己，擺脫世俗的煩惱，放鬆一下，我認為每個人也值得擁 有這些奢侈的時光。
2020 年一下子就過去了，我似乎是毫無意義地過了此年，沒有實體課堂、沒有實體的迎新活動，所有活動都變為網上 的，感覺都體會不到實體活動的喧鬧聲和熱鬧氣氛。然而，經過多番反思後，我發覺自己在 2020 年上了一堂寶貴課 堂，學懂了珍惜仍然陪在自己身邊的人、感激會為自己做飯的家人、感謝他們為缺少色彩的 2020 年添上了多一點的 顏色。很多人形容 2020 年為糟糕的一年，但我認為任何事情都是一把雙刃劍，各位不妨想一想 2020 年為你帶來了甚 麼？多了時間與家人吃飯？多了自由時間完成一些目標？更珍惜與朋友的聚會？或許 2020 年對很多人來說不是美好 的一年，但請相信不美好中總會有它的美好存在。
我不能預測 2021 年會是怎樣的一年，但盼望各位能將在 2020 年領悟到的道理套用在新一年上，再過上全新的一年。 我相信雨過後必定會天晴，讓我們懷着盼望踏上新的一年吧。
撰於 2021 年 2 月
4
太古夫人信箱 太古夫人：
學身農畝中迷失道，覺迷途，亦是失經常性 動力讀。語雲：一分耕耘，一分收穫。然有 時，而地不覺難此句真確性。不勤，而無其 功。而無力者，自知力不足而重席。 一日，令自負能量積愈多。然而不知其激動 力，余下學農畝、後路。
祝 生活愉快 疑惑的國民上 5
疑惑的國民：
生總會一喜一悲，有得有失，高下。無體甜酸苦辣過，何謂 也？ 無可否認，學一新之。自由度甚高，而亦頗費力自強，所以一 定之理時間表。 又，實與有志總會落差。謂我當於中學修讀感興趣其科。然實 深而告我，我須先修讀諸郁之程，而衆理皆不感興趣。望大， 大失望。 當時自有修讀不感興趣課程，不覺疑初選科決、始患其不來也 無趣。 自以爲適足以負能量我長。然多負能量徒以多爲功。當此之 時，人言可以求人，人情，以免多負能量藏於心。 若果訴無所，可試行海走走，郊新鮮空氣采之。予自休放空 時。 請一言而善，有過雨晴。君務巾車。
祝 台安 太古夫人字 6
1. 1-10 分對自己嘅樣評分？ C: 我會俾自己 7 分，素顏就 5 分。 2. 覺得 Swire Hall 有邊個比得上你？ C: 大把啦，例如 10F Pieonnie。 3. 你對生得醜嘅人有咩睇法？ C: 我覺得佢哋通常都好真誠、好誠懇、好 easy going、朋友多 元化，所以我會好鍾意同佢哋做朋友。
4. 你對於貪圖你樣貌而接近你嘅人有咩睇法？ C: 膚淺，但係我多謝佢哋先。 7
5. 你點樣自我增值去保持自己嘅吸引力？ C: 噴吓香水，散發多啲女性魅力。 6. 你平時用咩護膚品？點化妝？介唔介意分享俾各位堂友？ C: 用 Nars 嘅 foundation，我淨係搽 cushion 同埋 mascara。 因為我黑眼圈好重，所以一定會用 foundation，我推薦 Nars 嘅 方型盒 foundation。護膚品就好多，例如 CPB 嘅 cream、 Aesop 嘅 serum，同埋潤唇膏，Jo Malone 潤唇膏都好好用。 7. 你點樣評價自己喺 hall 嘅形象？ C: 好潛、好毒、好鍾意食 Swire can、同 Linda 姐最 friend。 8. 同 hall 花嘅 similarity？ C: 都好鍾意打麻將、都係讀 A&F，同埋我哋身高都好相似。 9. 你單獨影 selfie 嘅 frequency 係？ C: 都幾極端嘅，最 extreme 嘅時候一日可以幾廿張，最低嘅時 候又可以幾廿日一張。
8
10. 你覺得點樣嘅另一半先比得上你？ C: 有肚腩、夠高、誠實忠誠、隻手夠靚。 11. 當你見到 KOL 醜過你嘅時候，你會有咩諗法？ C: 我會暗爽，然後會諗佢哋係咪買 followers。 12. 當你想 approach 一個心儀對象時，你會點樣打扮自己同點 樣 prepare？ C: 我會洗頭、沖涼、噴香水，同埋會 reply 佢 story 搵嘢傾。 13. 喺條街度你應該成日俾人望呀，你覺得點解人哋會望你？ C: 我行路好快好似競走，可能啲阿伯覺得好新奇。 14. 你對於仰慕你樣貌嘅堂友有咩鼓勵嘅說話？ C: 千奇唔好將自身嘅價值投放喺外在嘅美貌，內在嘅真善美先 係最可以體現到你嘅美麗。
9
1. 1-10 分對自己嘅樣評分？ S: 我會俾自己 6 分，因為 5 分係平均水平，但我唔夠標青。 2. 你對於一啲生得醜嘅人有咩睇法？ S: 唔可以以貌取人。 3. 對於被揀中為靚女做訪問有咩睇法？ S: 飄飄然同好開心，比人讚好開心。 4. 你覺得你塊面邊一 part 係最吸引？ S: 揀唔到，因為冇一 part 特別中意。不過想塊面細啲。
10
5. 喺呢間 hall 有邊個比得上你？ S: 得 Chloe 比得上我（笑）。 6. 如果得一套衫俾你着一世，你會揀咩嚟着？ S: 我會揀 hall wear，因為好舒服（笑）。 7. 你對於貪圖你樣貌而接近你嘅人有咩睇法？ S: 我都鍾意靚仔，所以冇乜所謂。 8. 你平時用咩護膚品？點化妝？介唔介意分享俾各位堂 友？ S: 我唔用粉底，我用素顏霜，我用緊 W lab 素顏霜同 Nars 遮瑕。 9. 你點樣評價自己喺 hall 嘅形象？ S: 小摺摺，唔係特別浮。 10. 同 hall 花嘅 similarity？ S: 都係靚女。
11
11. 你喺大學同喺出面嘅形象有咩唔同 ? S: 都係佛系，想做咩就做咩，唔會跟人 join 活動。 12. 你有冇試過照鏡然後俾自己 impress 到？ S: 會啊，啱啱起身好樣衰嗰吓，同埋啱啱化完妝好靚女嗰 陣。 13. 你點樣自我增值去保持自己嘅吸引力？ S: 唔會淨係 focus 外貌，例如令自己性格好啲、true 啲。 14. 你單獨影 selfie 嘅 frequency 係？ S: 以前一個禮拜一張，宜家一個禮拜兩三張。 15. 當你見到 KOL 醜過你嘅時候，你會有咩諗法？ S: 會覺得人哋醜過自己都咁多人 fol，如果係我咪不得 了？
12
16. 當你想 approach 一個心儀對象時，你會點樣打扮自己 同點樣 prepare？ S: 我會等佢嚟 approach 我，我唔會特別 prepare。 17. 喺條街度你應該成日俾人望呀，你覺得點解人哋會望 你？ S: 係咪冇拉褲鏈或者我瀏海有問題，會覺得自己有啲奇 怪。 18. 你對於仰慕你樣貌嘅堂友有咩鼓勵嘅說話？ S: 加油過 3 爆 4，因為你哋個樣唔會超越我。人醜就要多 讀書。
13
2F Nick 1. 1-10 分對自己嘅樣評分？ N: 我會俾自己 7.5 分，因為正正常常有眼耳口鼻都值 7.5 分。 2. 你對於一啲生得醜嘅人有咩睇法？ N: 樣唔係唯一，性格先重要（好虛偽哈哈）。 3. 對於被揀中為靚仔做訪問有咩睇法？ N: 好 surprise，因為我好樣衰。
14
4. 喺呢間 hall 有邊個比得上你？ N: 好多嘅，例如 Terrence、8 樓 Alex、Herry、Kuinton， etc。 5. 你覺得你塊面邊 part 最吸引人？ N: 諗唔到，冇特別吸引嘅位，但全部夾埋就好協調。 6. 你對於貪圖你樣貌而接近你嘅人有咩睇法？ N: 好神奇，但做朋友都冇乜嘢。 7. 如果得一套衫俾你着一世，你會揀咩嚟着？ N: 我會揀 Hisso 嘅衫同埋長牛仔褲。 8. 你點樣自我增值去保持自己嘅吸引力？ N: 打牌。 9. 你平時會點打扮自己？ N: 冇乜特別用咩 skincare，不過我會用竹炭洗面膏。
15
10. 你點樣評價自己喺 hall 嘅形象？ N: 一個識得 social 嘅人（即係世界仔），同邊個都做到 friend。 11. 同 hall 草嘅 similarity？ N: 着衫 style 幾似，有眼耳口鼻，都係男人。 12. 你喺大學或者出面嘅形象有咩唔同？ N: 打扮冇乜分別，不過喺出面會 hyper 啲。 13. 你有冇試過照鏡然後俾自己 impress 到？ N: 冇！到底要幾自戀先會俾自己個樣 impress 到？真係 自戀到極致。 14. 擇偶條件？ N: 個樣夠靚就唔洗身材，當然仲有性格，唔中意太文 靜，長短頭髮都得。
16
15. 當你想 approach 一個心儀對象時，你會點樣打扮？ N: 會着套鍾意嘅衫同洗頭。 16. 喺條街度你應該成日俾人望呀，你覺得點解人哋會望 你？ N: 會好奇佢哋望咩，會以為自己冇拉褲鏈。 17. 咁我哋太古堂嘅靚仔靚女就鍾意飲椰汁西米露，唔知 你鍾意食咩糖水呢？ N: 我鍾意食熊仔餅，但糖水就會揀鮮芋仙嘅仙草芋圓。 18. 你對於仰慕你樣貌嘅堂友有咩鼓勵嘅說話？ N: 其實都唔係差好遠，因為我都唔係咁靚仔，不過可以 學吓我嘅性格。
17
2F Kuinton
1. 1-10 分對自己嘅樣評分？ K: 我會俾自己 8 分，高 Chloe 1 分。 2. 喺呢間 hall 有邊個比得上你？ K: 大把啦，第一個肯定係 Devin，成間 hall 最靚仔肯定係 Devin。 3. 你覺得你塊面邊一 part 係最吸引？ K: 眼睫毛。
18
4. 你對於生得醜嘅人有咩睇法？ K: 佢哋心地都好善良，但係我覺得評價一個人嘅美，唔係淨係 講外表嘅。我就唔會話佢醜過我，因為我會睇埋內在。
5. 你對於貪圖你樣貌而接近你嘅人有咩睇法？ K: 我覺得佢哋好真誠，識得欣賞我嘅美貌，不過我身邊暫時都 冇一啲咁樣嘅人。
6. 如果得一套衫俾你着一世，你會揀咩嚟着？ K: 我會唔着衫，底褲都唔會着，回歸原始。 7. 你點樣自我增值去保持自己嘅吸引力？ K: 讀多啲書，chur 吓 GPA 咁。 8. 平時點 gel 頭？介唔介意分享俾各位堂友？ K: 用開 Gatsby，平時會同 Devin 互用一齊 gel 頭。（Devin 唔 係 gay，佢更加希望可以幫人扎辮）
19
9. 你點樣評價自己喺 hall 嘅形象？ K: 都幾潛吓。
10. 你喺大學或者出面嘅形象有咩唔同？ K: 我專注喺個人嘅增值，搞吓副業，例如話開吓 party room 咁。（IG：partyroom_thecabin）
11. 你有冇試過照鏡然後俾自己 impress 到？ K: 我最鍾意喺沖涼嘅時候，去二樓殘廁個大鏡度照，每次都會 照好耐先去沖涼。
12. 單獨影 selfie 嘅 frequency 係？ K: 唔影嘅 frequency 可以係三個月，影嘅話可以係一日二十幾 張。
13. 你覺得點樣嘅另一半先配得上你？ K: 長腿大波呢啲就唔緊要，最重要係有上進心，同埋思維上要 夠 match，都係睇性格。如果一定要講，最好就白啦、腳趾好 睇、冇染髮、識化妝，同埋有姐姐 feel 就最好啦。
20
14. 當你見到啲 KOL 醜過你嘅時候，你會有咩諗法？ K: 佢哋好多時候都係 p 圖，我會好欣賞佢哋嘅 p 圖技巧，因 為每個人都應該持有追求美麗嘅心。
15. 當你想 approach 一個心儀對象時，你會點樣打扮自己同 點樣 prepare？ K: 會剃鬚、洗頭，同埋冥想放鬆心情。 16. 喺條街度你應該成日俾人望，你覺得點解人哋會望你？ K: 我覺得可能係我成日着黑衫，所以望落去好似示威者，成日 俾啲警察查牌，所以當有人望住我嘅時候多數我係會驚。
17. 你對於仰慕你樣貌嘅堂友有咩鼓勵嘅說話？ K: 唔好意思啊大家，我鍾情於玲姐，此生不想努力了。 18. 同 hall 草嘅 similarity？ K: 我就好鍾意 Chung jai 嘅，因為我同佢精神上嘅交流好好， 同佢傾計好開心，同埋都係男校仔。
21
22
Hall 對我最大嘅得益從來都唔係參加咗咩活動，拎過啲咩獎，咁多年， 其實你唔會記得自己參加咗咩比賽，攞過啲咩獎，反而係一個最好嘅過 程令自己學識點樣同唔同嘅人去相處。大家無論點樣唔夾，價值觀點樣 唔同，大家都會保持互相尊重、唔會玩弄對方，或者有人去玩你嘅時候， 有人會去 support 你。冇一個 magical formula and golden rule 話你跟住 做就得，而係要你學識點樣去拎一個心出嚟對待別人，而人哋又可以感 受到。
好多時我哋面對嘅法律問題，都係溝通問題所造成。琴日我都處理咗一 個 case，係父母同子女爭產，父母向我求助，我見咗佢哋一個半鐘，有 多過一半嘅時間都唔係講法律，而係講人生道理。
喺宿舍入面學到嘅係點同唔同年紀、唔同背景、唔同種族嘅人相處，喺 03年，大家對社會時事嘅睇法可能已經好唔同，而我哋作為大學生，一 個特別嘅身份，我哋唔單止係香港大學學生，太古堂 ambassador，更加 係香港人嘅 ambassador。
23
點樣同唔同價值觀嘅人去溝通、去相處，令佢哋了解更多唔同嘅睇法， 甚至係接納你嘅意見，其實會為香港帶嚟好大嘅改變。可能你會覺得香 港變到好污煙漳氣，社會上發生咗好多政治事件令到你覺得好氣餒，令 你感到無力，但就算你哋只係十幾歲嘅青年人，喺你哋嘅崗位上都有好 多嘢可以去做。每個人都有自己嘅角色，喺自己嘅角色範圍之內盡全力 去做，累積落嚟嘅改變已經可以好大。
唔知大家有冇睇逆權公民呢套電影，有逆權大狀、逆權司機、逆權公民， 呢套電影入面有好多唔同嘅小角色，但係呢啲小人物喺關鍵時刻都會做 翻佢哋應該要做嘅嘢，就咁睇好似係好微弱嘅力量，但蝴蝶效應帶嚟嘅 改變可以好大。所以 hall education 帶俾我最深刻嘅係點樣做好代表香 港人嘅角色，點樣令到非本地生去理解點解香港人對政府做嘅嘢有唔同 嘅睇法，令佢哋多啲了解其他人嘅睇法，由原本係敵人嘅人變成係自己 嘅朋友。永遠都係多一個朋友好過多一個敵人，點樣喺一個多元嘅環境 入面贏到對方嘅尊重就係 hall 教識我哋嘅嘢。
24
我當年去咗 National University of Singapore，啲人可能會覺得香港學生 比起海外留學生冇咁勤力讀書，望住啲 non local 可能就會諗點解佢哋 可以長期讀書咁犀利。去到新加坡之後發現就算係好勤力嘅內地學生， 都會俾新加坡人嘅勤力嚇親。新加坡嘅男學生喺入讀大學之前就已經接 受咗大概兩年嘅軍訓，所以佢哋生活極有規律，每日準時六七點起身， 做運動、食早餐，然後就已經開始讀書。HKU lib 通常都係 reading week 打後先比較難搵到位做嘢。但我去到 NUS 嘅第一日，諗住睇吓 library 點樣借書，然後發現人哋個 library 已經爆哂，想搵個位坐吓都冇。
香港人成日覺得新加坡人好死板、唔識變通。好老實講，完全唔係。尤 其後生嗰代特別識變通，佢哋對未來係有期盼嘅，覺得未來有希望、會 越嚟越好，佢哋覺得呢一刻政府比較專制，但係未來會放鬆。反觀香港 嘅年輕人，就覺得將來冇希望，香港嘅限制會越嚟越多，經濟會越嚟越 差，成個人好灰。去咗新加坡除咗感受到佢哋好勤力，更加大嘅感觸係 佢哋對未來嘅睇法。對未來嘅睇法唔同，係會直接影響我哋點樣去建設 自己將來嘅人生。
25
KCL: King's College London 法律界有崇洋嘅氛圍，因為自信同成功嘅法律界人士通常都係喺英國比較出名嘅 大學畢業，所以我 postgrad 都去咗 KCL。我喺好早嘅階段已經向住呢個目標前 進，但當時自己家景又唔係好富裕，喺公屋長大，要點樣去應付龐大嘅海外留學 費用？其實都係依賴 scholarship，經歷咗六年好艱苦嘅生涯，終於拎到 full scholarship。唔單止包咗機票住宿，另外仲有額外嘅零用錢喺歐洲旅遊。
KCL 同 HKU 嘅分別在於學術方面，KCL 喺學術方面真係叻啲。英國人嘅知識 基礎的確冇亞洲人咁堅固，但佢哋之所以維持住一個領先嘅地位，我認為係因為 佢哋 top 1% 嘅人都好叻，佢哋係靠 top 1% 嘅人撐起成個國家。睇翻香港，由 香港本地大學畢業再去外國深造嘅大多數人都係拎 first hon，我哋應付學術上係 比佢哋優勝。佢哋比較注重用解決問題嘅角度去學習，唔會為左儲 CV 去讀書， 佢哋會有清晰嘅目標，知道自己嘅職業，有目的咁去讀相應嘅課程去 equip 自己， 令自己將來可以做到自己想做嘅嘢。呢嗰就係西方學生同香港學生嘅最大分別。 我哋行 exam-orientated，佢哋相對就冇咁大競爭壓力，心態更加健康。
26
原來鍾意同適合係可以唔 overlap，搵 lifelong partner 需要
考慮好多。譬如生活習慣、係咪可以同對方屋企人和睦相處、 家庭背景、對方生育觀念等等。我眼見好多例子明明兩情相 悅，但係好多外界因素，導致最後冇得喺埋一齊。唔係話未 來好悲觀，淨係想大家珍惜大學時光比較 pure 嘅愛情，因 為將來另外一半同自己其實未必係好純粹嘅愛情。譬如我 都見過兩情相悅嘅一對最後分道揚鑣，雖然佢哋心入面可 能都會好掛住對方，但係最尾同咗完全唔同嘅人結婚。聽落 好似電影小說，但現實就係咁。其實 hall education 其中一 樣嘢都係想大家學識點樣同其他人生活，而唔係單單做室 友。當學識同人哋相處，可以喺舍堂搵到另外一半嘅機會都 會比較大。
27
其實當年我都想讀醫。04 年入學，03 年揀科，當年沙士威力仲勁過 宜家，我成績理想，加上初戀都想讀醫，就有咗讀醫嘅念頭。但係之 後 23 條事件爆發，運動領導人主要係明星大律師，去解釋、普及當 時發生緊咩事，指出法律條文唔合理嘅地方。我當年都有參加遊行示 威，經歷咗 71 遊行，真正有去反思病嘅唔係人嘅身體咁簡單，而係 思想。心諗要唔要仿效孫中山、魯迅，棄醫從文，努力改變呢個社會， 所以就揀咗 Law。順便一提初戀照舊揀咗 MBBS，兩個人越行越遠 就分咗手。但當時都唔知原來律師嘅要求好高，唔知原來搵唔到錢， 原來生意係要靠自己搵，原來每個月都有好多支出，要租寫字樓、請 秘書，原來收入可以係零，原來會面對拖數問題。如果話喺讀大學嗰 陣時冇動搖過一定係假，但好彩嘅係我都冇忘記初心。 讀咗七年大學，雖然每個月都有固定收入，但我唔想用自己嘅知識去 服務原本就好有錢嘅人。我想直接用自己嘅知識去幫人哋改變人生， 而唔係單純搵錢咁簡單。
28
讀 Law 唔係單純為左職業，唔係單純解決法律爭論，唔係單純背誦。 而係叫我哋明辨是非，教我哋點樣令到其他人理解咩係啱、咩係錯。 能力越大責任越大，法律絕對唔係完美，法同理都要兼顧。其實法律 同好多人情公義都有距離，讀 Law 就係想同學用自己嘅角色，將法 律同人情之間嘅鴻溝縮細。 法治應該係要限制公權濫用，而法律存在嘅意義係去限制公權濫用。 香港宜家對於公權嘅限制越嚟越細，當權者可以利用權力控制人民， 去合理化佢哋做嘅唔合理嘅事情。其實本地法律制度仲有好多進步 空間，例如司法覆核、警察需要喺必要嘅時候展示自己嘅編號等。雖 然你可能覺得冇必要，雖然現實係唔完美，但唔代表我哋可以咩都唔 做，呢個只係懶惰嘅藉口。
29
Warden 唔係一個全職同唯一嘅工作，我係法律學院嘅高級 講師，亦都係執業大律師，要講書同上法庭處理案件。所以 我日常嘅工作真係好忙，已經冇咩私人嘅時間。除咗備課、 教書、改卷，仲要出卷，好多時都係得夜晚先可以處理宿舍 嘅內部事務。例如開會、見人、見 hall tutor 等等。宿舍細 節嘅嘢都唔係我去處理，曾經有一個做咗好多年 warden 嘅人，講過一句我好深印象嘅嘢：best warden does nothing 。意思唔係話就咁坐係度乜都唔做，而係 contextual，去 guide 人哋去做嘢，咁佢就唔使去做其他嘢 enforce hall rules。表面上我嘅職責就係去 enforce hall rules，但係去到 某個階段，當然希望唔係好 top-down 咁去管堂友，而係 同大家有思想上、價值觀上嘅交流。 30
成日聽人講 Swire 每屆 hall 莊都同下屆講唔可 以改 T design，但我問翻當年設計 hall T 嘅 SA， 原來呢個係錯嘅講法。雖然設計 hall T 嘅人係我 嘅好朋友，但我都覺得可以做改變。 講起轉 hall T，因為疫情嘅關係，啱啱嗰屆畢業生 失業率就比平常高，所以政府都推出咗啲計劃幫佢 哋就業，喺大學大概有 50 個名額俾同學去申請， 去請啱啱畢業嘅大學生。我見到呢個計劃就即刻申 請咗，希望幫畢業生就業，同埋希望搵翻啲熟悉 hall education 同啱啱畢業嘅同學幫我哋 hall 帶 嚟改變。新嚟嗰位同事嘅職責就係幫大家了解多啲 31
呢類型唔同嘅機會，例如嚟緊日本領事館有個計劃 可以俾香港學生去交流等等。呢位新同事係 Swire
超仙，希望可以幫到我哋統籌吓有咩要改善嘅地方， 例如 hall T、 tracksuit、 logo、 fundraising。不過 最後都係要睇翻大家嘅意願，但我認為咩都係可以 商討同改變。
32
9F Vanessa & 3F Gary
1. 第一次見面係幾時？ Both: 係喺 softball practice 個時。 2. 最欣賞對方邊樣特質？ Vanessa: 有時幾 warm。 Gary: 細心、溫柔、樂觀。 3. 真正熟落係幾時？ Both: 喺 SRC service trip 嗰時。
33
4. 住 hall 對拍拖有冇幫助？ Both: 一定有，多機會見到唔同級嘅人，表現吓自己。例如 swirefest，team practice。 5. Hall 入面參加咩活動對出 pool 最有幫助？ Both: 做 visit。 6. 平日會一齊喺 Swire 入邊做咩？ Both: 睇 Netflix，煮嘢食。
7. 一齊咗幾耐？ Both: 一齊咗 10 個月。 8. Swire 有咩拍拖勝地 or 附近有咩拍拖勝地？ Both: 沙灣徑，適合影相。 9. 會唔會話成日同對方一齊相處？ Both: 我哋成日一齊唔分開㗎~ 10. 請問你哋對想出 hall pool 嘅人有咩建議？ Vanessa: 加吓啲仔 IG，覆吓佢哋 story。 Gary: 一入嚟多啲玩吓啦，join 多啲活動，傾多啲計。
34
5F Kayla & 3F Ethan
1. 第一次見面係幾時？ Both: 做 visit。 2. 最欣賞對方邊樣特質？ Kayla: 我欣賞佢 on＿ 嘅時候夠 on＿，認真嘅時候可靠。 Ethan: 願意為人付出，為人着想。 3. 真正熟落係幾時？ Kayla: 喺 swirefest 嗰時。 Ethan: 交換 Snapchat 傾計。
35
4. 住 hall 對拍拖有冇幫助？ Kayla: 視乎邊間 hall。 Ethan: 冇咩，要出 pool 嘅人點都出到。 5. Hall 入面參加咩活動對出 pool 最有幫助？ Kayla: 我覺得係 Swirefest/ join team。其實睇啱人，上去洗個衫都 ok。 Ethan: 我覺得係做 visit。 6. 平日會一齊喺 Swire 入邊做咩？ Kayla: 食飯、睇戲、溫書。 Ethan: 食嘢、睇 Netflix。
7. 一齊咗幾耐？ Both: 年幾。 8. Swire 有咩拍拖勝地 or 附近有咩拍拖勝地？ Kayla: 上 11 樓睇日落。 Ethan: 我覺得係 Global lounge 後面個 coffee shop。 9. 會唔會話成日同對方一齊相處？ Kayla: 一時時，冇嘢做就一齊 hea。 Ethan: 會，好多時候都一齊。 10. 請問你哋對想出 hall pool 嘅人有咩建議？ Kayla: 睇緣分/ 睇啱人先。如果唔係嘅話，同一間 hall 都幾尷尬。 Ethan: 睇緣分，唔好強求，唔好做狗公。
36
1. What is your hobby? I like doing sports, especially swimming and weightlifting. It is a pity that the Henry Fok Swimming Pool is temporarily closed and currently I do not have the chance to go for a swim since I came to Hong Kong. However, I will still hit the gym which is situated in the Jockey Club Tower three times a week. Besides, I have decided to join the Swire Hall swimming team, since I like swimming very much and I am more than happy and eager to meet new buddies there.
2. Why do you choose to live in Swire Hall? Well, I believe that the culture and ambiance of Swire Hall suits my personality well. When I clicked into Swire’s own website, at first sight, what I see was an array of photos of various sport teams competing. This is why the word ‘sporty’ is my first impression of Swire Hall and I believe that my active character is able to fit in this place perfectly.
3. Does Swire Hall live up to your ideal university hall life? Definitely – Swire Hall definitely lives up the hype. My personal opinion is that a warm interpersonal relationship is what makes a hall great. For non-locals like me, a strong bonding between individuals can certainly add some flavour to an unfamiliar and forlorn university life. My floormates are really nice to me and they are more than eager to lend me a helping hand when I have academic or language difficulties. I am really pleased about this and I can tell you that I am currently enjoying the ideal hall life.
37
4. Is there any difference between imagination and reality with regard to hall life? To be frank, life here is quite different from what I have imagined. I used to study in mainland China, and halls (actually it’s more like dorms) in China have smaller rooms than rooms here. Besides, people there are not really that close to one another as they rarely have conversations with each other or hang out together. Dorms in mainland China are merely a place for students to reside, in my opinion. But in Hong Kong, at least in Swire Hall, I can feel that this place is more relatable to that of a family as people here are kind-hearted, united, and willing to help each other out. I really like this atmosphere since I am able to get a lot of help from you guys and I hope I can give something back to others one day as well!
5. What is your most memorable encounter in Swire Hall? To start with, when I had just arrived Hong Kong, I didn’t really know much about the local culture or Cantonese or indigenous slangs etc. To be honest my mind thought that I wouldn’t get much help from local students due to the language barrier, but it turns out to be so different from what I have imagined. People here are so warm, you guys offered me a lot of help so that I am able to make the necessary adaptations to fit into HKU. My university life and hall life are now filled with colours and surprises. Therefore, I would say that every single moment I have spent with you all are the most memorable experiences for me in Swire Hall.
6. What would you like our hall to improve, to name a few, the hygienic conditions of our shared space, the settings in our pantry etc.? I think the pantry should be larger. I’m quite into cooking but it seems that our pantry is quite small. Sometimes I can’t even get a little bit of water when someone is cooking in the pantry. There is only enough space for a stove and a plate, and this is the reason why sometimes I would rather carry my kitchenware and ingredients to the 6th floor as the pantry there is much more spacious.
38
1. What are your hobbies? I like swimming a lot. I used to be a member of the regional swimming team and I am proud that I was able to represent my city. I also like doing math (although I am not very good at it). This is the reason why I chose risk management as my major, which requires me to quantify a lot of statistics.
2. What attracts you to enter HKU? When I was doing A-levels in high school, my seniors told me that HKU is a very decent university. This is the reason why I am now here. Hong Kong truly attracts me as I think that this place provides equal opportunities for people with different professions and expertise, including mathematics and finance. I certainly hope that once I have graduated, I will be given the opportunity to work and live in this wonderful place.
3. Why do you choose to live in Swire Hall? The reason is actually quite simple: the hall is located within the main campus, which is extremely convenient for me and saves a lot of time and money for transportation.
39
4. Is Swire Hall an ideal hall for you? Well, I know that Swire Hall is established quite a long time ago and to be real, I once feared that the hall facilities would be too shabby to use. However, I will say that the condition of the floor that I am currently living in is not bad at all. I can see that many of our staff are doing a great job here – checking and maintaining hall facilities regularly. Of course, I am not saying that every single corner here is preserved in great condition, but the living environment of this hall at least exceeds my expectations. Somethings to point out though: the shower cubicles on my floor are far too small and narrow, especially for a grown man like me. It is mission impossible to enjoy a relaxing shower in Swire Hall, I could say. And occasionally, some hallmates will practice hockey and softball in open areas, which may cause quite a nuisance to my daily life, since the sounds generated by emphatic hitting of balls echoes along the whole corridor. But I am glad and grateful that many of the locals here are actually very nice and are willing to cope with non-locals like me so that both sides can reach an agreement really quickly. After all, it is understandable that the majority of boys are sporty and I can actually be quite a reckless noise maker myself!
5. Do you hope that there will be a stronger bonding between locals and non-locals living in Swire Hall? Oh, of course I hope to join their (locals’) conversations if there is such a chance to do so. But it is obvious that they have their own language and culture. As a Korean myself, it is definitely hard for me to blend into the local community. I am not saying that you guys are cold and distant, in fact, I think that many of you are actually really nice, it is just a pity that there is a language and cultural barrier between us. Actually, in South Korea, locals like me also tend to ignore foreigners on many occasions, so this situation, for me, is totally understandable. But of course, it would be cool if you guys are more willing to come up to me and have a little conversation.
40
1. 宜家有幾渴望出 pool？ Douglas: 唔渴望出 pool。 Charlene: 如果 5 分滿分嘅話，2.7 分左右。 2. 咩星座？ Douglas: 金牛座。 Charlene: 天蠍座。 3. 得閒鍾意做咩？ Douglas: 打機。 Charlene: 睇吓動漫囉，跟住睇吓 Netflix 囉，最近睇緊全職獵人，睇吓 Netflix 嗰陣有咩好睇。 同埋我心情特別好或者特別唔好嗰時就會煮嘢食。 4. 鍾意食啲咩？ Douglas: 芝士。 Charlene: 鍾意打邊爐，同埋鍾意食甜嘢。
41
5. 鍾意同另一半食啲咩？ Douglas: 冇乜所謂。 Charlene: 冇擁有過另一半，所以唔知道。 6. 鍾意咩類型嘅異性？細粒、運動、穩重？ Douglas: 笑多啲，開心啲。 Charlene: 其實冇話好 specific，如果用我身邊嘅人做例子，現實嘅對象點都會同理想型有啲出入，永遠揀嘅 人都唔會係自己嘅理想型。其實冇話有咩特別鍾意嘅類型，啱傾、傾到計就得。Arr，或者可以咁講，佢對 我嚟講要係一個好特別嘅存在，唔可以同其他人一樣。同埋佢個人要幽默囉。簡單嚟講，即係佢要夠＿， 但係唔駛每個 moment 都係＿，佢要分到幾時可以＿，幾時唔可以＿。 7. 對另一半有冇特別要求？ 例如一定要戴某種眼鏡、 唔可以高過自己、 把聲唔可以低音？ Douglas: 唔可以高過我係基本啦我覺得。如果唔係嘅話會好奇怪。 Charlene: 要高過我囉。矮過我嘅話我會好尷尬。 8. 如果只能夠二選一，你會傾向樣貌平平，性格好嘅異性，定係樣貌好，但性格平平嘅異性？ Douglas: 性格。 Charlene: 性格好好。 9. 三個你最反感嘅異性性格或者行為舉止？ Douglas: 成日發脾氣、唔講野或者好弱智、好 kam。 Charlene: 第一個係講笑唔識分場合或者係借住幽默之名，講埋啲好 offensive 嘅野。第二就係，太毒囉，I mean 唔識同人溝通嗰種，因為講到毒嘅話，我自己都好毒嘅，但係我唔鍾意嗰隻毒係指緊連嘢都唔識講一 句嗰啲，嗰隻眼鏡毒男嗰啲。第三就係冇責任感。 10. 三個你覺得自己最能吸引異性嘅特徵或者條件？ Douglas: 三個！？唔知啊，樂觀嗰啲，細心嘅都應該有嘅我諗。我都唔知喎… on＿囉。 Charlene:（諗咗 30 秒）Arrrrrrrr，唔知喎，做嘢認真囉，識煮嘢食，仲有....觀察力好！？
42
1. 聽開咩歌/歌手？ Edwin: 周興哲、邱鋒澤、林宥嘉、陳零九。 Kate: 廣東歌就張敬軒。台灣歌手嘅話就五月天同周杰倫。 2. 點睇出 hall pool？ Edwin: 順其自然，唔太 prefer，因為太 chur，兩個人嘅一舉一動好容易俾 hall 其他人記得。 Kate: 同普通拍拖冇分別。 3. 想唔想出 hall pool？ Edwin: 唔太想，唔想日見夜見，好驚好快會悶。 Kate: 如果有適合嘅人都會考慮，但首先要有人選。 4. 會偏向揀運動型、文青型、讀書型定係其他類型嘅對象？ Edwin: 冇特定一類，識跳舞會加分。 Kate: 冇特定一類，普普通通嘅人。
43
5. 五個擇偶條件？ Edwin: 有興趣/長處、outgoing、識跳舞、衣着上會打扮、思想成熟（為人着想）。 Kate: 幽默、思想成熟、男、唔太瘦同身材中等、高過自己。 6. 男仔/女仔做咩先會令你心動？ Edwin: 喺生日/特別節日準備驚喜同埋禮物，日常生活做貼心嘅行為。 Kate: 突然關注自己，喺一班人裏面會特別關心我，幫我做嘢咁。 7. 當世界末日，喺 hall 入面揀一個異性陪你？ Edwin: 我會揀 Wilson + Rebecca + Vincent 打牌。 Kate: Warden，夠 champ，Law professor 又係大狀。 8. 覺得讀咩科嘅人最荀盤？ Edwin: 冇特定科目。 Kate: 冇特定科目，唔好太 chur 就得（MBBS、Law)，同埋唔好中 ed！No education！！ 9. 點睇年紀大過/細過自己嘅對象？ Edwin: 冇所謂，細一兩年都可以，但係同年紀最好。 Kate: 我會 prefer 大過，細過都 ok，最緊要唔係幼稚，要成熟。 10. 如果出咗 hall pool，會點樣同另一半喺 hall 過一日？ Edwin: 睇戲，一齊上跳舞堂。 Kate: 好似普通情侶咁，喺房 hea 吓，睇吓片咁。
44
問: 可唔可以介紹吓自己？ 答: 我係 8 樓 Herman，year 3 BEng (Mech)。 問: 平時鍾意做咩 hobby？ 答: 宜家開始做翻 gym，玩 drama。以前會約 frd 打籃球，宜家少咗好多。 問: 可唔可以講吓自己嘅 status 呢？ 答: 我 status 係 A1，上次係兩年幾。 （訪問日期為 2／11，現時情況不肯定） 問: 宜家想唔想出 pool？ 答: 覺得呢啲嘢唔到自己想唔想，有好多不可確定嘅因素，而且呢樣嘢都算係隨緣嘅。有啱嘅人同啱嘅時 間就可以出。
45
問: 最近有冇人 approach？ 答: 有一個，唔係 hall 嘅。 問: 你見到身邊嘅人出 pool 會唔會有羨慕嘅感覺？ 答: 有嘅，上一個嘅時候係中學，有一個中同同我同時期拍拖拍到宜家四年幾，我都幾羨慕佢哋 last 到咁 耐。但係如果你話係 813C 嘅話咁我又冇咩太大感覺。 （補充，813 為 Frank 同 Paul） 問: 鍾意拍拖定唔拍拖嘅生活多啲？ 答: 老實講冇體驗過真係拍拖嘅生活。我同上一個係好少見嘅，好似本地 long d 咁。嗰陣時我哋 respective 屋企都好嚴，所以好少見。對我嘅感覺嚟講，拍拖係同單身冇咩分別，除咗喺一啲 critical moment 會有身邊另一半支持住，就會好過啲。我個 ex 唔係我嘅理想型。 問: 有咩興趣會令你容易啲有好感？ 答: 只要同我啱 key，講到嘢，有共同話題就得。 問: 鍾意外向定係內向？ 答: 外向少少會比較好。佢唔使太外向，但係你想出街嘅時候會陪你，outgoing 少少。 問: 有咩唔可以接受嘅缺點？ 答: （唔鍾意打太鼓）我覺得女仔唔沖涼洗頭係 ok 嘅，水煙都還可接受。但係食煙對草，噴好重香水嘅 都唔得。性格方面，對人唔可以咁挑剔。最好係鍾意貓嘅人。 問: 你會 prefer 多定少 common friend？ 答: 以前會覺得多啲好玩啲，宜家反而覺得少啲好。好似越多 common friend，大家對於呢對情侶嘅意見就 會越多。 問: 你會 prefer 高調定係低調出 pool？ 答: 低調。我從來都唔係一個高調嘅人。我應該唔係嗰啲會喺 IG post 好多相嘅人。除非去到一個好重要 嘅日子，好重要嘅 moment，如果唔係都唔會放閃。 問: 如果鍾意咗一個 O 嘅人，你會點？ 答: 應該唔會，我唔係嗰啲得翻一個對手嘅人。如果對方係 O 緊，我應該都會收一收先，個人認為搞一個 O 嘅人都幾 PK。如果佢喺分手邊緣，搵我傾，我都會儘量令自己客觀，唔好令到自己有乘虛而入嘅 feel。佢想我聽佢講嘢我都會避重就輕咁講。
46
問: 有咩想同你嘅 ex 講？ 答: 祝你幸福快樂，都係祝福嘅。 問: 對出咗 pool 嘅自己有咩忠告？ 答: 對人好啲？唔知講咩好，加油啊你！ 問: 喺 Swire 入面揀一個最接近你理想型嘅異性？ 答: 頭髮唔可以咁短。鍾意嘅人喺出面 (唔喺 hall)，但係都唔覺得佢係我嘅理想型。我嘅理想型，唔一定 好 yo，仲要笑多啲嘅。我對身材冇咩要求，同自己對到就得。 （Herman 回答時，揼咗十幾分鐘都答唔到個答案，最後其實都冇答到條問題。有興趣可以自己去問佢）
47
問: 首先請介紹吓自己先。 答: 我係 Grace，今年 year 2 讀 science，諗住 maj bio 同 food nu。 問: 可唔可以講吓自己嘅 status 呢? 答: 我拍過一個禮拜嘅拖，所以可以當我係 A0。 （訪問日期為 3／11，現時情況不肯定） 問: 點解嘅？即係嗰啲試用期過唔到嗰啲？ 答: 唔係試用期呀，係我問題。 問: 係幾耐之前嘅事？ 答: 係高 form。 問: 咁都年幾兩年嘅事啦。你宜家想唔想出 pool？ 答: 想啊。 問: 可唔可以講吓點解想出 pool？ 答: 因為好似好多人都出咗 hall pool。 問: 你會 prefer 多定少 common friend？ 答: 我會 prefer 多 common friend，有 common friend 除咗可以兩個人約出嚟，仲可以一大班人約出嚟 玩。
48
問: 咁會唔會變咗好似 (2F) 阿寶同 (7F) Ada 咁。 答: 佢哋兩個都唔係好多 common friend 咋嘛！？ 問: 最近有冇人 approach 你？ 答: 冇。入到大學之後都冇人 approach 過。 問: 咁你有冇鍾意嘅人？ 答: 而家冇呀。好感就有嘅，但係未去到鍾意嘅程度。 問: 係唔係 hall 入面？ 答: 係呀… 問: 如果你見到好多 friend 拍拖，會有咩感覺？ 答: 假設你 roommate 出咗 (hall) pool，咁你就會日日都見到佢同佢條仔一齊。跟住自己就會想出 pool。 問: 咁你都係想出 pool 啦，有咩興趣會令到你覺得你會鍾意佢？ 答: 有時候有啲人，打波好勁，我會覺得佢哋好 champ，但係唔會去鍾意佢哋。 問: 即係你係睇性格嘅？ 答: 睇樣？我承認我係外貌協會嚟。 問: 樣排先。高度呢？ 答: 矮過我一定唔得，但係 so far 仲未見到有男仔矮過我。同我差唔多高嘅我都 ok。 問: 鍾意外向定內向嘅男仔？ 答: 我覺得如果同一個內向（拍拖）會好奇怪，因為我本身係一個外向嘅人。我 prefer 唔太內向嘅人。 問: 可唔可以講一啲你唔可以接受嘅缺點？ 答: 冇上進心。 問: 你打算拍拖係高調定低調？即係會唔會喺 IG 成日 post 自拍嗰類？ 答: 如果一定要 2 揀 1 嘅話，我會希望係高調，有得放閃點解唔放閃呀！如果唔係 2 揀 1 嘅話可以取個平 衡嘅，一個禮拜 po 一次 IG 咁樣？
49
問: 如果鍾意咗一個 O 嘅人你會點？ 答: 我唔會鍾意一個 O 緊嘅人，喺我鍾意佢之前我應該已經會迫咗自己放棄。 問: 咁萬一嗰個人喺分手邊緣呢？ 答: 我接受唔到無縫接軌。我會迫自己喺佢哋散之前唔好鍾意佢，亦都唔會喺人哋未散嘅時候同佢培養感 情，喺人地一散之後就話我鍾意你，跟住就同人喺埋一齊。 問: 有咩想同拍咗一個禮拜拖嘅嗰個人講？ 答: 對唔住，希望佢搵到一個更加好嘅女朋友。 問: 佢宜家有冇女朋友？ 答: 唔知喎。 問: 有咩會想同出咗 pool 嘅自己講？ 答: 好好維持呢段關係，要好好珍惜自己嘅男朋友。 問: 係 (Swire) 入面搵一個最接近你理想型嘅人？ 答: 我嘅理想型係男仔，高過我，樣正正常常。就係咁啦，其實我冇咩 requirement，講晒條件最後鍾意嘅 都唔係自己嘅理想型。 問: 會唔會鍾意比較 sporty 或者陽光嘅人？ 答: 我唔鍾意 sporty 嘅人，sporty 唔係一個加分位，都唔係特別鍾意暖男。 問: 或者有冇啲咩性格係你比較鍾意？高冷、傲嬌？ 答: 少少壞，但係唔可以太壞，太中央暖爐都唔係幾好。
50
Roommate A= Frank Q: 平時有咩興趣？ A: 我有好多興趣，例如鍾意睇雜誌，好似 Economist、Diplomat 呢啲講政治嘅，仲有飲 酒、打機。呢排參加咗 dance team 發現跳舞都好好玩。
Q: 點解鍾意玩動森？ A: 玩動森可以整自己嘅島，有啲成就感。而且考完 DSE 好悶冇嘢做，所以買咗嚟玩。
Q: 點解床單爛咗唔買過張？ A: 其實我好懶，但係我會遲啲去買。
Q: 你對你 roommate 有咩睇法？ A: 我 roommate 真係又 champ 又靚仔，佢識得吹樂器、變魔術，又識調酒。而且我見佢一 朝早出去做 intern，每日好忙，再加上佢有個好靚女嘅女朋友，可以話係人生贏家。當我有 問題嗰陣時佢可以幫我解決，好似 course 或者見工嘅問題揾佢可以幫到我。
Q: 你同你 roommate 一個 year 1，一個 year 4 會唔會有 generation gap？ A: 其實我哋年紀相差唔大，所以相處冇咩問題，不過佢都有少少大叔 feel，因為佢係 90 後 呀嘛，所以頭髮似上班族。而且佢鍾意着 polo T shirt，所以我覺得佢有少少老土。不過其實 我都唔係好得去邊，佢話我好 MK，鍾意着 oversize T，喺 hall 好頹。
51
Q: 如果出年 roommate 走咗，你會想同啲咩人 part 房？ A: 我希望我新 roommate 係 yo 得嘅，最好係好似 Paul 咁多才多藝。如果佢係鍾意潮流嘢 嘅話就更好啦。希望可以一齊打機、飲酒、做 assignment。
Q: 擇偶條件有啲咩？ A: 靚、高、認同普世價值、讀書人。
Q: 對邊層男層有興趣？ A: 我全都要。
Q: 喺 hall 入面有冇學識煮嘢食，有冇啲咩拿手菜式？ A: 我成日自己煮嘢食，不過會食到肚痛 or 整親自己隻手，我最拿手嘅係煮公仔麵，希望 以後喺 hall 有人日日煮嘢俾我食啦。
Q: 聽聞你 roommate 都有做吓 fitness，唔知你又會唔會想好似佢咁操肌呢？ A: 我哋兩個都想做 gym，但係我最近冇時間，再加上疫情嘅原因，所以我哋諗住自己喺 hall 做。
52
A= Paul Q: 你係 year 4 過嚟 Swire Hall 嘅，點解想轉 hall？ A: 因為想多啲機會打吓波同埋可以轉吓男女 hall，冇咁 dry 呀嘛。12 年男校 + 3 年男 hall 唔係講玩㗎。同埋 Swire Hall 係 campus hall，住落都方便啲啦。
Q: 男女 hall 同男 hall 有咩唔同？ A: 簡直係文化衝擊。我喺 hall 一向都係着啲最唔見得人嘅衫。住咗成個月先發現原來喺 hall 係要注意形象嘅。同埋男女 hall 真係好多是非，我會話我食花生食得好開心。
Q: 平時有咩興趣/鍾意做咩？ A: 好多興趣，咩都玩吓囉冇話特別鍾意邊樣嘅。我係啲見到新嘢就會想試吓學嘅人。過去 咁多年都係見一樣學一樣，積埋積埋咩都學得半桶水。
Q: 例如呢？ A: 我都幾鍾意音樂嘅，本身彈開琴，想學多啲其他嘢所以學咗單簧管。之後又覺得 saxophone 幾型，所以玩埋。最近都買咗支長笛翻嚟學，無奈學唔識 lol。仲有魔術、調酒 之類都係一啲偶然嘅機會接觸到，覺得好似幾好玩所以順便學埋。其實運動都係，因為樣 樣都好似好好玩咁，所以未轉過嚟之前喺 Mhall 都係有咩就 join 咩 。
53
Q: 你宜家 year 4 做 intern 係咩 feel？ A: 其實本身就冇咩嘢嘅，最多都係生活會規律多少少。不過宜家咁一路讀 30 cred，一路做 就真係唔係講玩。放工仲要翻嚟趕 deadline，真係想死。仲要有啲堂一唔上，個 lecturer 就 會瘋狂 send email /打電話俾我，搞到我就算未放工都會一邊戴 AirPods，一邊上佢 zoom 堂。Hall activities 其實有好多都好玩嘅嘢，好想 join，但係無奈真係冇咩時間。
Q: 你會鍾意同乜嘢性格嘅人相處？ A: 最鍾意就緊係個人 nice，親和力高。相處得舒服之餘，唔洗咁多顧忌嘛。我覺得自己都 算玩得癲嘅，要壓抑住就唔好啦。
A: 如果可以滿足你三個願望，你有咩願望想實現？ Q: 靚仔啲、型啲、聰明啲、有才華啲。已經夠喇，唔貪心。
Q: 你平時咁早翻工嘈醒我會唔會內疚？ A: 完全唔會，不過都攬吓你、錫返你啦。
Q: 見你成日飲酒，點樣飲酒先唔會嘔？ A: 首先我就唔飲酒嘅。然後我會話只要唔好好似你咁。飲親都傻左咁款瘋狂自 chur。食啲 嘢墊吓肚咯，飲多啲就慣㗎啦。
54
Q: 你有咩花名？ A: 小學、中學啲人都叫我破產，Paul Chan 嘛。好彩我唔係姓朱。
Q: 點解咁鍾意玩狼人殺? A: 其實唔係特別鍾意玩，不過 gath 狼人可以多啲唔同層嘅人 gath 埋一齊玩。都幾開心， 始終係一個 social game，當識吓人啦。
Q: 你成日着 polo T shirt 有啲似大叔，會唔會想轉 style？ A: 大叔我一向都咁老套，係咁冇 taste 㗎啦... 現公開招聘形象指導。有意者內洽，謝。
55
A= Scarlett Q: 用 3 個詞形容吓你嘅 roommate？ A: 我會話佢係 on_、大忙人同埋佢 champ 到爆。
Q: 對 roommate 嘅第一印象？ A: 我對佢嘅第一印象係我覺得佢望落好成熟，好似好少嘢講咁。因為第一次見到佢嘅時候 我知道佢係 year 2，就會覺得咗佢 year 2 應該會好成熟。
Q: 用一種動物形容 roommate？ A: 我會話佢係一隻貓頭鷹。因為佢瞓覺同埋做嘢嘅時間永遠都係調轉晒。佢係喺夜晚凌晨 5 點幾都仲煲緊全民造星，但係佢晏晝就完全唔會起到身（偷笑）。
Q: 你嘅 roommate 有咩不為人知嘅習慣？ A: 佢永遠都唔會俾人見到佢戴眼鏡嘅樣，因為佢話佢覺得佢副眼鏡好＿，但係我完全唔 覺，我覺得好正常。佢起身第一件事一定係戴 con 先，佢做乜之前都一定會戴咗 con 先。 同埋，如果佢喺度煲劇，唔洗問睇緊咩，佢一定喺度睇緊 Modern Family。佢係 obsessed with Modern Family 嗰啲人，佢無時無刻都喺度煲緊，而且翻睇咗十幾二十次。我覺得超神 奇，點解可以睇極都唔覺得悶。
56
Q: 你嘅 roommate 有邊啲習慣你覺得無法接受？ A: 佢唔洗衫！佢啲衫可以擺喺度幾個禮拜都唔洗，搞到間房臭臭地咁（尷尬笑）。同埋我接 受唔到佢喺堆舊衫入邊摷翻啲着過嘅襪出嚟着，Ugh！
Q: 你覺得係咩令到你們咁 firm？ A: 我覺得係因為我地都係啲乜＿都講出嚟嘅人。因為我哋間房有張地氈，又有好多好靚、 望落好舒服嘅燈，跟住我哋就會坐喺度傾計。我哋咩都會講，無論係開心定係唔開心嘅。 我覺得同佢好啱傾，所以先咁 firm。同埋我同佢啲 taste 都超相同，鍾意嘅歌啊、鍾意睇嘅 劇啊都類似。同埋我覺得我哋有陣時 mindset、笑點嗰啲都好似。
Q: 你點睇 roommate 放閃？ A: 其實我唔介意佢哋放閃，因為我覺得佢哋呢一 pair 好得意，佢哋兩個都 onon__ 咁嘅 樣。我幾鍾意睇佢哋兩個互動，因為佢男朋友都係啲 onon__ 嘅人，所以我覺得佢哋兩個其 實好襯。
Q: 你 roommate 有冇做過啲咩，係你覺得好 kam？ A: 其實暫時未見到有咩好 kam 嘅嘢，就係有陣時做嘢做到好攰，佢會冇啦啦行過嚟講句 「做到 Swire！」咁樣咯。我覺得呢個都 ok，都唔係好 kam。
57
Q: 請對你嘅 roommate 講一句嘢。 A: 希望之後可以一直同你做 roommate。因為我俾咗好多錢同你一齊 dec 間房，又買咗地 氈嗰啲。如果我哋分咗房我都唔知點去分啲嘢（笑）。同埋加油，見到你上莊都好辛苦好 攰。同埋希望你可以快啲洗衫啦，間房堆衫都就嚟擺咗成兩個禮拜啦。
A= Vana Q: 用 3 個詞形容吓你嘅 roommate？ A: 我會形容佢做好煩、好嘈，同埋好感性。
Q: 對 roommate 嘅第一印象？ A: 我對佢嘅第一印象係我覺得佢好純情、好乖。同埋佢好細個，好似細路仔咁。
Q: 用一種動物形容 roommate？ A: 我會話佢係一隻倉鼠。
Q: 你嘅 roommate 有咩不為人知嘅習慣？ A: 我嘅 roommate 喺夏天嘅時候都要冚住張羽絨被，跟住開大個冷氣瞓覺。因為佢好鍾意 冚大件被，但係佢又鍾意好凍，但係嗰陣時係夏天。
58
Q: 你嘅 roommate 有邊啲習慣你覺得無法接受？ A: 佢成日食完嘢啲碗擺喺度擺過夜都唔洗，跟住就好多漬，仲有啲蚊會死喺入邊，就好核 突。
Q: 你覺得係咩令到你們咁 firm？ A: 我覺得我哋嘅性格好互補，我係一個理性嘅人，但係佢係一個好感性嘅人。所以我都好 鍾意搵佢傾計，而我都覺得佢都好鍾意搵我攞意見。同埋我哋都係讀緊 ed 嘅 program，其 實讀嘅嘢都好似，所以會好夾。同埋我哋鍾意嘅嘢都幾相似。同埋我哋兩個都好 chill、好 open-minded，就唔會話有咩拗撬。
Q: 驚唔驚遲啲冇咗 roommate？ A: 咁我就唔驚遲啲冇咗 roommate 嘅，因為如果佢選擇唔做我 roommate，咁應該係佢個人 嘅意願，我唔會迫佢。
Q: Roommate 有冇做過啲咩你覺得好 kam？ A: 佢之前以為冷氣掣係燈掣下面嘅紅色掣，跟住就一嘢㩒咗落去，搞到成層都響警鐘。
Q: 請對你嘅 roommate 講一句嘢。 A: 多謝你成日都聽我講嘢。因為好多好感性嘅嘢我搵你講，你都會聽。
59
Q: 可唔可以分享一吓你嘅感情經歷？ A: 好細嗰嘅時候都試過追人。即係小學嘅時候嗰啲 puppy love 咁樣，一路去 到中學都冇追過人。對上次拍拖就係中學嘅時候，嗰陣係俾人追嘅，我嘅感情 經歷大概就係咁。
Q: 你宜家有冇 target？ A: 冇啊。
60
Q: 點解發掘唔到身邊嘅對象？ A: 我覺得係我自己喺 hall 暫時未搵到我嘅理想型，或者可以話比較符合嘅對 象。
Q: 咁可唔可以講吓你嘅理想型係咩？ A: 大概就係玩得但又可以認真，喺需要佢嗰陣可以 support 我，或者想要一啲 advice 嘅時候佢係真係可以好認真咁俾到我想要嘅嘢。但係如果我想要單純情 感上嘅 support，佢就聽我呻吓咁樣。大概就係比較溫柔穩重，但係仲有少少小 朋友感覺嘅男人。
Q: 有冇啲咩外在條件上嘅要求？ A: 其實都冇咩，高過我同埋個樣睇得順眼就 ok。
Q: 你對於身邊嘅人出 pool 有咩感覺？ A: 我會覺得佢哋出 pool 開心就好。
Q: 咁你會唔會俾佢哋影響到？ A: 唔會，不過到聖誕呢啲好多情侶出現嘅日子，我有時會諗如果自己都有一個 就好。不過一過咗呢段 period 就冇嘢。
61
Q: 可唔可以簡單咁講吓你自己嘅愛情觀？ A: 我覺得愛情唔係一個必須品。
Q: 咁你覺得愛情喺人生應該佔幾多%？ A: 我覺得佔 30% 左右。
Q: 咁你覺得有啲咩係重要過愛情？ A: 我覺得係屋企人，或者工作。
Q: 咁你點樣睇速食愛情？ A: 我會話大家鍾意就 ok，即係宜家好多人都話想出 pool，或者拍兩三個月就 散，又或者 one night stand 嗰啲。咁我就會覺得宜家社會好開放。但我會話你 覺得咁樣 ok 就 ok。同埋呢啲嘢都係你情我願。
Q: 咁你會唔會追求柏拉圖式戀愛？ A: 我覺得咁樣會好難，因為有時拍咗一兩年拖，你要做嘅嘢都做哂。我會覺得 你鍾意一個人到一個程度，或者啱啱好到嗰個氣氛，自然就會水到渠成。所以 除非你真係好抗拒結婚之前做，或者你覺得要守住貞潔，如果唔係我覺得就冇 必要追求柏拉圖式。
62
Q: 你覺得 Swire 係唔係一個好容易出 pool 嘅地方？ A: 我覺得唔算，我覺得大家都比較純品。即係我入 hall 之後都好少聽到嗰種 好混亂嘅情況，大家都好似係有某啲接觸。即係有同一個 OC function，或者有 一個契機，慢慢接觸，之後先出 pool。
Q: 想問一吓你會點樣形容自己嘅性格？ A: 我覺得自己係好慢熱嘅人，要過好耐先會開始展露真實嘅自己，所以比較適 合同主動啲或者多嘢講嘅人相處，我好「佛系」，唔會主動去追求人。
Q: 愛你嘅人同你愛嘅人你會點揀？ A: 從女仔嘅角度嚟講會揀愛你多啲嘅人，因為如果你一味咁對個男仔好，個男 仔係會唔識珍惜。愛情中嘅地位，冇絕對平等嘅地位，如果女仔俾人愛多一 啲，佢嘅地位就會高啲。
Q: 麵包同愛情你會點揀？ A: 我係一個好理性嘅人，一定會麵包行先，如果連填飽個肚都做唔到，段關係 仲點維持落去，不過如果係兩個人一齊捱窮奮鬥，我就會接受到，冇可能要我 養埋佢。
63
Q: 你有冇啲咩感情經歷？ J: 我自己就好似冇俾人追過嘅，但我自己有追過人，中學都有踴躍咁追過人兩 次，咁兩次都失敗告終啦。
Q: 咁你宜家有冇啲咩追求嘅對象？ J: 冇咩積極追求嘅對象喎，因為主要係自己今年 year 4，GPA 想追多啲啦。所 以就唔想花太多時間喺學業以外嘅嘢，暫時都冇諗過要出 pool。
64
Q: 咁你會唔會因為見到身邊啲人出咗 pool 而自己都想出 pool？ J: 我自己都會有少少俾身邊嘅人影響到，有時會見到啲朋友拍緊拖嘅時候又會 覺得自己係唔係都應該要試吓。
Q: 你覺得拍拖係唔係生命中嘅必須品？宜家係唔係一定要急住拍拖？ J: 我覺得除咗拍拖都有好多嘢值得我去花時間嘅，可能係讀書、工作，或者其 他唔同嘅人生經歷我都 value 得好重。
Q: 咁你仲有冇其他愛情觀？ J: 我自己就比較睇內在嘅，當然外在都要睇。所以我覺得一個人就算外在條件 唔係比較好，但係都可以睇性格。因為到最後你相處得耐都係性格最重要，只 要有一個好嘅性格，又唔係成日講大話，其實就 ok 㗎啦。
Q: 咁宜家社會都好興速食愛情啦，咁你點樣睇呢個現象？ J: 我就唔太贊成速食愛情嘅。但我覺得宜家好多年青人都好想拍拖，所以我都 理解到呢個現象嘅。
Q: 咁你會揀速食愛情定柏拉圖式戀愛？ J: 雖然速食愛情同埋柏拉圖式戀愛都唔係我最想要嘅 option，但我會偏向柏拉 圖式戀愛多啲。
65
Q: 咁你覺得喺 hall 入面係唔係好易出 pool？ J: 我都識幾多人係 Swire 入面出 hall pool 嘅，咁我覺得喺 Swire 都算易出 hall pool，同埋男女層都有比較多 joint 樓嘅活動，所以出 hall pool 都好似係比 較 common 嘅事。
Q: 請問你嘅理想型係咩？ J: 第一樣就係性格啦，我鍾意啲會認真但肯玩嘅人。即係太過認真又或者太過 玩嘅人我都覺得唔係咁好。 我比較偏向唔戴眼鏡嘅人，同埋我唔鐘意太瘦嘅 人。
Q: 咁你覺得自己適合同邊種性格嘅人相處？ J: 因為我自己本身比較隨和。即係我個人比較 flexible，同好多人都可以建立一 種相處模式，所以我覺得同大部份人相處都應該還好。但我覺得價值觀要類 似，如果唔係就好難溝通到。
Q: 你會揀愛你嘅人定你愛嘅人？ J: 我會揀我愛嘅人。因為我覺得如果我唔鍾意嗰個人嘅話，我都幾肯定我好難 同佢相處得耐。
66
How are eggs formed? The egg is formed in the reproductive tract of a female chicken, called a hen. When a hen reaches maturity, lighting conditions trigger hormones to start the egg laying cycle. It takes a chicken roughly 24 hours to form an egg inside her body, and an additional 21 days after the egg is laid for it to hatch.
Recipe
67
Ingredients (main) 3 eggs (seasoning) 1 tbsp dashi, 1 tsp mirin, 2 tsp sugar, 1 tsp soy sauce, 2 pinch sea salt
Steps 1.
Gently whisk the eggs in a bowl. Then, pour the seasonings mixture into the egg mixture and whisk gently.
2.
Heat the pan over medium heat, add oil to the pan. Pour a thin layer of egg mixture in the pan, tilting to cover the bottom of the pan.
3.
After the egg is half-cooked, start rolling the egg into a log shape from one side to the other.
4.
Move the rolled omelette to the side where you started to roll.
5.
Repeat step 2 to 4 for 5-6 times.
How is it made? It is made by preserving chicken or duck eggs in a mixture of salt, lime and ash. Then wrapping in rice husks for several weeks.
68
Recipe
Ingredients (main) 1 block silken tofu, 2 century eggs, chopped green onion (optional) (sauce) 1 tbsp soy sauce, 1 tsp toasted sesame oil
Steps 1. Place the sliced preserved egg on top of the tofu. Add the mixed sauce and chopped green onion on top of the ingredients.
69
How is it made? Placing chicken or duck eggs in a mixture of clay, table salt and water (ratio 1:1:2). The eggs are then stored at room temperature for 12 to 14 days to cure.
Recipe
70
Ingredients (main) 450g minced pork (pork mix should be 1/2 fatty pork), 2 salted eggs (seasoning) ½ inch ginger julienne, 1½ tsp soy sauce, 2 tsp cooking wine, 1 tsp sesame oil, 1 tsp corn flour, pepper (optional)
Steps 1.
Separate the salted egg white from the yolk.
2.
Add the corn flour into the minced pork and mix well.
3.
Add the salted egg white, soy sauce, ginger, cooking wine, pepper, and sesame oil onto the pork.
4.
Mix well and leave to marinate for at least an hour.
5.
Distribute the egg yolk on the meat.
6.
Steam the meat for around 15 to 20 minutes.
Recipe
71
Ingredients (main) 2 chicken eggs, 1 salted duck egg yolk (divided into 8 parts), 1 century duck egg (divided into 8 parts), water (water: egg ratio is 1.5:1) (seasoning) 1 teaspoon sesame oil, 1 teaspoon soy sauce (optional), salt (optional), chopped spring onion
Steps 1.
Beat 2 chicken eggs lightly and then add water 1.5x the number of eggs.
2.
Add salt (optional) and mix lightly until eggs, water and salt are combined.
3.
Place sliced salted duck egg yolk and century duck egg on the egg.
4.
Steam the dish in low heat throughout with the steamer lid slightly ajar (use chopsticks) for 15-25 minutes.
5.
Remove the dish from the steamer, add sesame oil, soy sauce (optional) and chopped spring onions on top of the dish.
6.
The dish is ready to serve with a bowl of rice!
72
Background information Country: Korea Origin: The dish was created shortly after the ended the Korean War. At that time, food was extremely scarce in Korea, therefore the surplus processed foods from the US military bases were a great supplement for Koreans.
How to make Army base stew?
Ingredients (main) Korean ramen noodles, Korean rice cakes, sausage, spam, tofu, kimchi, cheese, mushroom, cabbages (sauce) 2 tbsp Korean chili flakes (Gochugaru), 1/2 tbsp Korean chili paste (Gochujang), 1 tbsp soy sauce, 1/2 tbsp sugar, 6 garlics (minced), 2 tbsp water
73
Steps 1.
Mix the sauce and add all the main ingredients (except for instant ramen noodles and cheese) to the pot. Close the lid and boil it on medium high heat for 8 mins.
2.
Add the remaining ingredients (instant ramen noodles and cheese) on top of the pot. Boil uncovered for 2 to 3 mins. It is ready to serve!
Background information Country: Japan Origin: There are various traditions about sukiyaki. One of the origins is that during the Asuka period, people could only eat meat when they were sick or at special events. In the 1860s, foreigners came to Japan to introduce the culture of eating meat and new cooking styles. Sukiyaki has then become a popular way to serve the meat.
74
How to make Sukiyaki?
Ingredients (main) udon, bean vermicelli (need to soak for 10 mins before cooking), thinly sliced beef, cabbages, mushroom, tofu, green onion (sauce) 1 cup sake, 1 cup mirin, ¼ cup sugar, 1 cup soy sauce, 1-1.5 cup water
Step 1.
s oil in the pan. Sear the beef for 10 seconds, and add a drizzle of the sukiyaki sauce. Fry the beef until it Heat just begins to brown, then remove it from the pot and set aside.
2.
Add the rest of your sukiyaki sauce. When it starts to boil, add all the remaining ingredients to the pot. Close the lid and boil it for 5 to 7 mins.
3.
Remove the cover, add the cooked sliced beef and chopped green onion to the pot. Ready to serve with rice and raw egg yolk (pasteurized)!
75
Background information Country: Swiss Origin: The book published in Zurich in 1699 named "Käss mit Wein zu kochen" (meaning: to cook cheese with wine) is believed to be the earliest known recipe for the cheese fondue. The earliest cheese fondue was made by melting grated or cut-up cheese with wine and served with bread.
How to make Fondue? Ingredients (main) loaf French bread (cut into cubes) (fondue) ½ pound shredded Swiss cheese, ½ pound shredded Gruyere cheese, 1 cup dry white wine, 2 tablespoons all-purpose flour, ¼ teaspoon ground nutmeg, ¼ teaspoon salt
Steps 1.
Add the wine to the pot and heat until boiling.
2.
Stir in Swiss cheese, Gruyere cheese, 1/4 pound at a time. When all the cheese has melted, stir in salt and nutmeg.
3.
Serve with cut-up French bread!
76
鳴謝 – Acknowledgement Swire hall 靚仔靚女 4F Brain 9F Kelly 10F Kathy
Warden 專訪 4F Casey 7F Kelly 10F Carol 10F Yvonne
Hall Pool 3F Jack 9F Jackie 10F Natalie 10F Sarah
Swire non-local 2F Terence 3F Jeff 5F Ivy 8F Steven
太古邱比特 2F Jeffrey 7F Ada 9F Phoebe 10F Yvonne
77
單身貴族 4F Kevin 8F Ryan 9F Bella 10F Vico
Roommate 2F Frankie 8F Frank 9F Selene 10F Lavender
愛情專家 2F Anson 3F Edison 9F Xenia 10F Krystal
78
編輯 – Editorial Board 910 Grace 謝天恩
Instagram: swireyouth
Facebook: 太古青年
Email: swirehallswireyouth@gmail.com
79