Surselva Tourismus AG 920 11 00 Glennerstrasse 22a 920 11 01 7130 Ilanz Schweiz
Tel.
0041 81
Fax
0041 81
info@surselva.info www.surselva.info
Communicaziun allas medias dils 20 da august 2026
Breil glischa – Festival d’illu ed art: Breil/Brigels tarlischa per l'emprema gada sco cuntrada d'art glischonta Breil, ils 19 da august 2026 Breil/Brigels, August 2026: Per l'emprema gada semida Breil/Brigels en ina cuntrada d'art glischonta. Il niev festival da glisch ed art „Breil glischa – festival d’illu ed art” ha liug duront duas fins d'jamna la fin october/entschatta november 2026. In festival per la cuminonza Breil glischa envida indigens, secund-indigens e hosps dalla regiun da guder communablamein muments per contemplar e smarvegliar en tutta calma. La magia migeivla dalla glisch creescha spazi per star, scuvierer e parter. Ils objects d'art da glisch e las installaziuns s'integreschan bufatgamein el vitg. Las ovras d'art da glisch e las installaziuns vegnan integradas precautamein el spazi public e fan che loghens, vias e baghetgs existents vegnan mussai a moda nunusitada. La glisch creescha leutier in'atmosfera speciala ed envida da sefermar per in mument, da mirar entuorn e d`observar il vitg cun auters egls. «Cun Breil glischa lein nus mussar con bia atmosfera e potenzial cultural che schai el vitg Breil. Il festival duei esser in`occurrenza per hosps da lontan sco maneivel ed el medem mument scaffir spazi per sentupadas. Tgi che spassegia tras Breil scuviera da niev enconuschent ed entaupa magari zatgei dil tuttafatg nunspitgau», di Marina Morgenthaler da Breil glischa. Art da glisch e musica el vitg Duront las duas fins d'jamna dil festival, neschan en differents loghens accessibels alla publicitad a Breil/Brigels, ovras d'art da glisch, projecziuns ed installaziuns. El vitg sefuorman pliras ovras d'art da glisch, projecziuns ed installaziuns. Denter auter la sculptura glischonta «Pialeto» e la sculptura da lenn digl artist indigen Michel Pfister. L’art metta accents poetics el spazi public. Ia runda vegn cumpletada cun in program accumpignont multifar: In workshop da teater per affons envida da separticipar. Ina show da fiug, praulas e concerts sper il fiug creeschan ulteriurs muments da sentupada. Era la musica gioga ina rolla impurtonta. Cun Mattiu, Argent Vif e JSO Crescendo sepresentan diversas formaziuns ed artistas ed artists. Ils concerts spel fiug, colligia la glisch cun la musica e la cumpignia. Ina premiera per Breil/Brigels Cun Breil glischa survegn Breil/Brigels in niev format cultural. Art e glisch arvan novas perspectivas el spazi public. Il festival envida da veser il vitg en in'autra glisch e da scuvierer communablamein la diversitad culturala dalla Surselva. «Gest la colligiaziun denter las ovras d'art ed il vitg fa Breil glischa special. Las installaziuns stattan buca separadas ina da l'autra, mobein daventan part dil liug. Aschia dat ei in gir nua che art, vitg e sentupada secolligian», declara Silvan Gabriel. Datas ed informaziuns per representants:as dallas medias Il festival ha liug la fin d'jamna da Halloween / di dallas olmas sco era la fin d'jamna suandonta. El ei aviarts mintgamai il venderdis e la sonda dallas 17:30 uras entochen las 22:00 uras, e quei ils 30 e 31 d'october sco era ils 6 e 7 da november 2026. Ils loghens d'occurrenza sesanflan en loghens accessibels publicamein el vitg da Breil/Brigels. Il program cumplet ei publicaus sin www.breilglischa.ch. Contact per medias: