Glennerstrasse 22a
7130 Ilanz info@surselva.info
Schweiz www.surselva.info
Communicaziun allas medias dils 4 da matg 2026
Fiera jamnila da Glion festivescha 30 onns
Glion, ils 04 da matg 2026
Il plascher silla nova sesiun da fiera ei svegliaus: La fiera jamnila da Glion parta ils 9 da matg 2026 en sia sesiun da giubileum. Dapi 30 onns stat il marcau per qualitad regiunala, sentupadas persunalas ed agricultura vivida. Visitadras e visitaders astgan selegrar naven dil matg entochen igl october mintgamai la sonda dallas 8 entochen las 12 sin products frestgs dall'atgna cuort ed in'atmosfera da fiera speciala sil Plaz fiera a Glion.
In liug da sentupada per diversitad regiunala e brat
La fiera jamnila da Glion ha ina purschida varionta directamein dil producent. Victualias frestgas, specialitads artisanalas e products stagiunals marcheschan il maletg dil marcau. El medem mument creescha el spazi per sentupadas: La clientella ha la pusseivladad da vegnir persunalmein en discuors cun puras e purs e d'intervegnir dapli davart la derivonza e la producziun dils products. «La fiera jamnila ei bia dapli ch'in liug da vendita, ella ei in liug da brat e da cuminonza», aschia Bettina Grob, presidenta dall’Uniun fiera jamnila Glion.
30 onns tradiziun da fiera vivida
Il crap da fundament per la fiera jamnila ei vegnius tschentaus 1995 cura che Lydia Bapst ha sviluppau ensemen cun Hanspeter Caduff in concept. Ils 21 da fevrer 1996 ei l'uniun Fiera jamnila Glion vegnida fundada, purtada da 16 purschiders, per gronda part famiglias da purs. Gia igl 1. da zercladur 1996 ha l'emprema fiera giu liug. Dapi lu ei la fiera jamnila sesviluppada ad ina part fixa dalla veta regiunala.
In onn giubilar cun differents puncts culminonts
La sesiun 2026 stat cumpleinamein sut l'enzenna dils 30 onns d’existenza e vegn accumpignada da differentas occurrenzas. In punct culminont special ei la fiasta da giubileum digl 1. d'uost cun ina fiera engrondida ed in brunch festiv. La fiera sepresenta leutier cun ina purschida specialmein varionta che porscha deletg a pign e grond. Ulteriuras datas egl onn giubilar:
• 9 da matg: entschatta dalla sesiun
• 23 da matg: Fiera da primavera cull'Uniun per la protecziun d'utschals Surselva
• 1. d'uost: 30 onns fiera jamnila cun fiera e brunch da giubileum
• 10 d'october: Fiera d'atun cun l'Uniun da puma Surselva
Ina fiera cun irradiaziun per la regiun
La fiera jamnila da Glion ei s'etablida duront varga treis decennis sco impurtonta part dall'identitad regiunala. El colligia tradiziun cul present e rinforza l'agricultura locala gest aschibein sco la schientscha per in consum persistent. La sesiun da giubileum envida da festivar communablamein quella historia da success e da scuvierer da niev l'atmosfera speciala dil marcau.
Contact da medias:
● Bettina Grob, Uniun fiera jamnila Glion info@glennerhof.ch
● Ann-Cathrin Uhl, communicaziun e marketing Surselva Turissem SA 081 552 02 03, ann-cathrin.uhl@surselva.info
maletgs: cheu fontaunas dils maletgs: Peter Lühti / Surselva Turissem SA
Glennerstrasse 22a
7130 Ilanz
info@surselva.info
Schweiz www.surselva.info
La Surselva: Ina destinaziun dil turissem durabel duront igl entir onn
La destinaziun turistica Surselva ha da porscher bia: in mund alpin impressiunont, territoris da skis attractivs e plazzas da golf vastas, la spectaculara Ruinaulta cun in dils pli bials tschancuns dalla Viafier retica, l'enconuschenta planira aulta dalla Greina sco era la Val Frisal. Vitier vegnan la viva cultura romontscha e gualsra cun lur uniuns activas, occurrenzas culturalas significontas sco igl Open Air Lumnezia e la opera viva, numerus vitgs autentics ed intacts cun juvels architectonics sco era il center da cumpra regiunal Glion cun siu marcau vegl scharmant. Arrundau vegn quella purschida multifara d'ina cordiala hospitalitad d'indigens e secund-indigens. www.surselva.info