Surselva Tourismus AG Glennerstrasse 22a 7130 Ilanz Schweiz
Tel. 0041 81 920 11 00 Fax 0041 81 920 11 01 info@surselva.info www.surselva.info
Communicaziun allas medias, ils 30 da mars 2026
La «primavera» 2026 a Glion metta puspei accents multifars cun ideas pil di da nozzas ed ina fiasta da giubileum Glion, ils 30 da mars 2026 Sonda, ils 11 d’avrel 2026 daventa Glion dallas 10.00 entochen las 17.00 danovamein in marcau da primavera. Varga 40 fatschentas da Glion e contuorn envidan all’exposiziun da primavera e porschan in viadi d’exploraziun multifar tras il commerci, la gastronomia ed il mistregn. Uonn datti l’emprema ga ideas da nozzas inspirontas ed in giubileum special stat el focus. Per l’emprema ga el program: ideas da nozzas inspirontas In niev punct culminont dalla «primavera» ein las ideas da nozzas che preparan las visitadras ed ils visitadres sin lur di particular. Ellas lolcalitads dil coworkings, gest all’entrada dil Städtli, presentan Fluras Calamandrin ed il coiffeur Hoorschniideri Nina Caveng concepts creativs davart nozzas ed occurrenzas festivas. Trends florals, arranschaments stilistics e frisuras fatgas individualmein, sco era bellet adattau muossan con varionta ed a moda persunala ch’ina tala occurrenza sa vegnir creada. «Cullas ideas da nozzas creein nus in camp d’aventuras supplementar che sveglia emoziuns e porscha inspiraziun», di Alice Bertogg, menadra dil post d’informaziun da Surselva Turissem a Glion. «Las visitadras ed ils visitaders survegnan investas concretas e san schar cussegliar directamein el liug.» 15 onns expert surselva cun musica e sentupadas In ulteriur accent ei il giubileum da 15 onns expert surselva. Quel vegn festivaus el rom dalla «primavera» cul «Café primavera» e musica da Clau Maissen e Rees Coray. Il divertiment musical procura per ina atmosfera speciala ed envida da sefermar e guder. Medemamein segna expert surselva ensemen culla Swisscom sco sponsur principal per in dils premis attractivs dalla concurrenza. El rom dalla carta da bullar datti denter auter da gudignar in Samsung S26 Ultra ella valeta da 1300 francs. Sponsurs sco petga centrala dall’occurrenza La «primavera» muossa a moda impressiunonta con impurtonts ch’il sustegn da partenaris regiunals e sponsurs ei. Senza lur engaschament fuss in’occurrenza da tala dimensiun buca pusseivla. Sper il premi principal contribueschan ulteriurs sponsurs cun sustegn e contribuziuns generusas essenzialmein al success. «La stretga collaboraziun cun nos partenaris ei ina part centrala dalla «primavera», accentuescha Franca Strasser, presidenta dall’Uniun da commerci e mistregn da Glion e contuorn. «Ella possibilitescha a nus da render vesiblas la forza innovativa e la diversitad da nossa regiun e da scaffir in’aventura attractiva per la populaziun.» In’occurrenza da primavera per l’entira regiun Sper ils novs accents porscha la «primavera» era il 2026 in vast spectrum d’attracziuns. Da moda e mobilitad sur sanadad e cussegliaziun entochen culinarica e purschidas per famiglias datti zatgei per tuts. In highlight special ein plinavon ils products regiunals dalla fiera jamnila che representan las specialitads frestgas e stagiunalas e products produci a maun. Las revistas da moda, exposiziuns e las sentupadas multifaras procuran che Glion daventa quei di in liug viv ton per indigens sco era per segund-indigens e hosps. Culla «primavera» metta Glion puspei in ferm signal per regiunalitad, collaboraziun e varietad vivida. Vsitadras e visitaders san selegrar sin in di insirpont plein scuvretgas.