1. apríl 2026
1201. tbl - 26. árg.
Vaskir keppendur á Páskasundmóti Víkings
Árlegt páskasundmót sunddeildar Ungmennafélagsins Víkings var haldið í síðustu viku fyrir krakka sem æfa sund hjá Víkingi. 26 kátir krakkar tóku þátt í mótinu og stóðu þau sig öll virkilega vel.
Þegar allir höfðu lokið keppni fengu keppendur páskaegg í verðlaun sem Lionsklúbburinn Rán gaf deildinni. JJ
Víkingur dottinn úr Mjólkurbikarnum Önnur umferð í mjólkurbikar karla fór fram um liðna helgi og mætti Víkingur Ó. Þrótti Reykjavík á Avis vellinum í mikilli viðureign. Adam Árni Róbertsson byrjaði leikinn vel fyrir Þrótt en hann skoraði mark strax á 18. mínútu leiksins. Aron Snær Ingason bætti við öðru marki fyrir Þrótt á 55. mínútu en Naim Aaras El Hmaidi náði að minnka muninn þegar hann skoraði mark fyrir Víking stuttu seinna. Baldur
Hannes Stefánsson gulltryggði þó sigurinn fyrir Þrótt þegar hann bætta við þriðja markinu á 65. mínútu. Víkingar fengu aukaspyrnu á hættulegum stað á 89. mínútu sem Ingvar Freyr tók en skotið fór fram hjá markinu. Fleiri mörk voru ekki skoruð í leiknum og staðan við leikslok því 3-1 fyrir Þrótt R. Þróttarar fara því áfram í bikarnum og Víkingar eru dottnir út. JJ
Við bjóðum upp á alhliða bílaviðgerðir, framrúðuskipti, dekkjaskipti og smurþjónustu. Tímapantanir í síma 436-1111
Jökull Bæjarblað steinprent@simnet.is 436 1617