1199. tbl - 26. árg.
18. mars 2026
Þéttsetið á Páskabingói Ungmennaráðs
Ungmennaráð Snæfellsbæjar stóð nýverið fyrir vel heppnuðu fjölskyldupáskabingói til styrktar Lilju Daggar, sem nú glímir við erfið veikindi. Viðburðurinn vakti mikla athygli og var þátttaka íbúa afar góð, en salurinn fylltist af fólki á öllum aldri sem sameinaðist í góðum tilgangi. Stemningin var einstaklega hlý og jákvæð og ríkti sannkallaður páskabingó andi í húsinu. Gestir nutu þess að taka þátt, spila saman og eiga notalega stund með öðrum bæjarbúum. Vinningarnir vöktu einnig mikla lukku en þar mátti meðal annars finna fjölbreytt
gjafabréf og vörur frá fyrirtækjum í Snæfellsbæ, auk girnilegra páskaeggja sem glöddu bæði unga sem aldna. Ungmennaráð Snæfellsbæjar vill koma á framfæri innilegu þakklæti til allra þeirra fyrirtækja sem studdu við viðburðinn með rausnarlegum hætti, sem og til allra sem mættu og lögðu sitt af mörkum til að gera daginn ógleymanlegan. Alls söfnuðust 535.000 krónur sem renna óskiptar til Lilju Daggar. Hugur og stuðningur samfélagsins er með henni á þessum erfiðu tímum.
Við bjóðum upp á alhliða bílaviðgerðir, framrúðuskipti, dekkjaskipti og smurþjónustu. Tímapantanir í síma 436-1111
Ásgeir Trausti í Frystiklefanum
Sunnudaginn 15. mars síðastliðinn hélt Ásgeir Trausti tónleika í Frystiklefanum á Rifi. Ásgeir Trausti hefur farið um landið í mars og haldið tónleika á vel völdum stöðum áður en hann heldur af stað erlendis í tónleikaferðalag. Mun hann þá ferðast um Evrópu frá apríl og fram í september og í haust færir hann sig svo yfir til Bandaríkanna. Þetta
var því síðasti tækifæri landsmanna til að hlíða á Ásgeir Trausta innan landssteinanna í allavega ár. Á tónleikunum í Frystiklefanum flutti Ásgeir nýútgefið efni af nýrri plötu sinni, Julia, í bland við eldra efni. Tónleikarnir voru vel sóttir og enduðu tónleikagestir þar helgina með ljúfum tónum og notalegri stund. SJ