BaejarbladidJokull1198tbl

Vel heppnað Konukvöld Víkings

Konukvöld Ungmennafélags

Víkings var haldið laugardaginn 7. mars síðastliðinn þegar tæplega 100 konur komu saman í Röstinni á Hellissandi, skemmtu sér saman og styrktu í leiðinni barnastarf ungmennafélagsins.

Skipulag og framkvæmd kvöldsins var í höndum stjórnar UMF Víkings og lukkaðist kvöldið einstaklega vel. Rikki G sjá um veislustjórn og hélt stuðinu uppi, fór fram veglegt happdrætti frá fjölmörgum styrktaraðilum og uppboð á tveimur málverkum, annað frá Jaclyn Art og hitt frá Ósk N Art. Kvöldið fór fram úr björtustu vonum og söfnuðust háar fjárhæðir fyrir börnin sem æfa með ungmennafélaginu. Markmið stjórnarinnar var að fá fleiri gesti en árið áður og safna meiri pening og rættist úr þeim markmiðum og gott betur en það. SJ

Lesfimi góð í Snæfellsbæ

Menntamálaráðuneytið hefur gefið út niðurstöður lesfimiprófa sem eru lögð fyrir nemendur þrisvar á hverju skólaári. Í September, janúar og maí þreyta nemendur prófin og hefur ráðuneytið nú ákveðið að birta niðurstöður prófa undanfarinna fimm ára til þess að auka gagnsæi og fá heildræna yfirsýn yfir námsframvindu barna. Nýjustu niðurstöður sem búið er að birta eru frá maí 2025.

Niðurstöðurnar eru birtar eftir sveitarfélögum og er Snæfellsbær í efsta sæti af sveitarfélögum á Vesturlandi og í því sjöunda á landsvísu. 82% grunnskóla ­

barna í sveitarfélaginu náðu skilgreindu lágmarksviðmiði í lestrarhraða. Í gögnunum kemur fram að 64% barna í Stykkishólmsbæ og í Grundarfjarðarbæ náðu lágmarksviðmiði í síðustu mælingum. Benda má á að lesfimiprófið mælir eingöngu lestrarhraða en ekki lesskilning. Í tilkynningu frá Mennta­ og Barnamálaráðuneytinu kemur hins vegar fram að fjölmargar rannsóknir sýni að sterk tengsl séu á milli lesfimi og lesskilnings og með því að bæta lesfimi nemanda eflist lesskilningurinn jafnframt.

Hættir rekstri Hraðbúðarinnar eftir 30 ár

Á dögunum tilkynnti Drífa Skúladóttir tímamót í verslunarsögu Hellissands. Eftir 40 ár sem kaupmaður á Hellissandi hefur hún, ásamt eiginmanni sínum

Viðari Gylfasyni ákveðið að hætta rekstri Hraðbúðinnar frá og með 1. maí næstkomandi. Drífa hóf fyrst verslunarrekstur á Svörtuloftum á Hellissandi þegar hún rak Kjörbúðina aðeins 25 ára gömul. Árið 1996 flutti hún svo verslunina yfir á Útnesveg 10 þar sem hún hefur rekið Hraðbúðina síðan.

Drífa segir að komandi breyting leggist mjög vel í hana. Ákvörðunin um að hætta hafi komið skyndilega en mikil sátt sé hjá hjónunum með komandi tíma og eiga þau von á að njóta fyrsta sumarfrísins í 40 ár í sumar. N1 mun kaupa reksturinn af Hraðbúðinni og auglýsa eftir nýjum rekstrar­

aðilum fljótlega og hvert fram haldið verður eftir að tími þeirra hjóna mun renna sitt skeið kemur þá í ljós.

Margt smátt

gerir eitt stórt

Smiðjan, virkni og hæfingastöð fyrir fólk með skerta starfsgetu.

Í byrjun árs 2026 sendi Smiðjan frá sér styrktarumsóknir til félagasamtaka í Snæfellsbæ. Markmið var að leita eftir stuðning úr samfélaginu við að auka möguleika á virkni og hæfingu í daglegu starfi Smiðjunnar. Virkni og hæfing er fjölbreytt hugtak sem er margþætt í daglegu lífi og starfi. Á nýju ári var markmiðið að auka tækifæri starfsmanna Smiðjunnar á hreyfingu innanhúss í Smiðjunni undir handleiðslu leiðbeinenda okkar. Hugmyndin var því að fjárfesta í líkamsræktarbúnaði og öðrum tækjabúnaði sem kæmi til með að veita starfsmönnum hvatningu og tækifæri á að stunda hreyfingu í Smiðjunni. Starfsmenn og leiðbeinendur fara einu sinni í viku í íþróttahúsið í frjálsa hreyfingu. Almennt

leggjum við upp með því að fara gangandi á milli staða en eins og við vitum að þá er veður og færð oft krefjandi meiri part ársins. Við tökum einnig mið af því að það hentar ekki öllum að fara í fjölmennar líkamsræktir eða hóptíma til að hreyfa sig. Markmið okkar er að geta veitt starfsmönnum Smiðjunnar tækifæri á markvissri hreyfingu 2­3 sinnum í viku.

Starfsmenn og leiðbeinendur Smiðjunnar þakka félögum okkar í, Soroptimistaklúbb Snæfellsness, Kvenfélagi Hellissands, Kvenfélagi Ólafsvíkur og Lionsklúbbi Nesþinga kærlega fyrir stuðninginn. Félögin hafa gert okkur kleift að bæta aðstöðu til virkni og hæfingu til muna í Smiðjunni.

Upplag: 500

Áb.maður: Jóhannes Ólafsson

Prentun: Steinprent ehf. Sandholt 22a, Ólafsvík 355 Snæfellsbæ

Blaðið er gefið út af Steinprent ehf. og liggur

frammi í Snæfellsbæ og Grundarfirði,

Blaðið kemur út vikulega.

Netfang: steinprent@simnet.is

Sími: 436 1617

- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði

vegr@vegr.is vegr.is

S: 849-7276 Remek og 898-5463 Þórður

ATVINNA - SUMARSTÖRF

Hafnir Snæfellsbæjar auglýsa hér með eftir tveimur starfsmönnum til sumarafleysinga við Ólafsvíkurhöfn og Rifshöfn. Viðkomandi munu einnig þurfa að vinna við Arnarstapahöfn og vera orðnir 20 ára gamlir.

Laun eru greidd samkvæmt kjarasamningi Sambands Íslenskra sveitarfélaga og Kjalar stéttarfélags.

Umsóknarfrestur er til og með 31. mars 2026 og skulu umsóknir sendar til hafnarstjóra.

Nánari upplýsingar gefur hafnarstjóri í síma 433-6922 og 883-1212, einnig á netfangi doddi@snb.is

Hafnarstjóri.

HAFNIR SNÆFELLSBÆJAR

Uppskeruhátíð í heimabyggð 2026

Stóra upplestrarkeppnin er svo sannanlega einn af vorboðunum í mínum huga en þá höldum við uppskeruhátíð heima í héraði. Þar koma saman nemendur úr 7. bekk grunnskólanna á Snæfellsnesi og loka átaki sem hófst 16. nóvember s.l. en ár hvert hefst þetta átak á degi íslenskrar tungu og hefur gert í mörg ár.

Þrátt fyrir að vera einn af vorboðunum þá var vetur konungur í essinu sínu en keppendur létu það ekki stoppa sig og því síður allt stuðningsfólkið þeirra. Keppnin var haldin að þessu sinni í Ólafsvíkurkirkju þeirri fallegu byggingu sem tók vel utan um keppendur og áheyrendur.

Keppendur sýndu líkt og fyrri ára keppendur framúrskarandi upplestur í þremur umferðum. Þrír nemendur mættu frá hverjum skóla eftir undangengna forkeppni hjá þeim.

Keppendur voru eftirfarandi: Grunnskóli Grundarfjarðar;

Bergur Ingi Þorsteinsson, Jódís

Kristín Jónsdóttir og Telma Dís Ásgeirsdóttir.

Grunnskóli Stykkishólms; Arney Lilja Atladóttir, Diljá Líf Káradóttir og Reynir Axel Hjaltalín Grunnskóli Snæfellsbæjar; Carmen Bylgja Arnarsdóttir, Freyja Hafrún Hall Valdimarsdóttir og Víglundur Orri Heimisson Í fyrstu umferð var lesin bókarkafli og rann sagan vel smurð í gegn þar sem nemendur lásu upp úr sömu sögunni í fyrirframgefinni röð. Hrein unun var að hlýða á túlkun þeirra.

Eftir fyrstu umferðina var örlítið uppbrot og flutti Tumi Guðjón Reynisson, nemandi í Grunnskóla Snæfellsbæjar lagið Amazing Grace á píanó.

Í annarri umferð fluttu nemendur ljóð og í þessum lið fengu þau að velja úr 10 ljóðum sem öll fjölluðu um íslenska fugla. í þriðju umferð fluttu þau svo ljóð að eigin vali.

Það er óhætt að segja að með hverri umferð óx keppendum ásmegin og dómnefndin átti erfitt verkefni fyrir höndum, eftir talsverðar umræður var niðurstaðan ljós og voru það nemendur grunnskóla Grundarfjarðar sem tóku til sín öll sætin. Jódís Kristín Jónsdóttir hreppti fyrsta sætið, Telma Dís Ásgeirsdóttir hreppti annað sætið og Bergur Ingi Þorsteinsson það þriðja. Það voru mikil fagnaðarlæti hjá samnemendum þeirra og öðrum aðstandendum þegar úrslitin urðu ljós enda ekki á hverjum degi sem einn skóli vinnur öll sætin. Vinningshafar hlutu gjafakort frá Landsbankanum og viðurkenningarskjöl fyrir sitt sæti.

Það vantaði ekkert upp á hátíðleikann á þessari flottu uppskeruhátíð frekar en fyrri daginn. Nemendur, kennarar, fjölskyldur og vinir mættu vel til að styðja sitt fólk, gleðin og stoltið leyndi sér ekki.

Um leið og ég óska nemendum öllum til hamingju með sína þátttöku og nemendum grunnskóla Grundarfjarðar hjartanlega til hamingju með sigurinn, vil ég vil þakka öllum þeim sem komu að hátíðinni með einum eða öðrum hætti kærlega fyrir sitt framlag, sérstaklega þeirra sem hafa haldið nemendum við efnið og þjálfað þau og verið þeim stuðningur í öllu ferlinu.

Umgjörð og veitingar voru í boði grunnskóla Snæfellsbæjar Þórhalla Baldursdóttir kom fyrir hönd Landsbankans Hlakka til að hitta ykkur að ári þegar uppskeruhátíðin verður haldin í mars 2027 í Grundarfirði.

Fyrir hönd Félagsog skólaþjónustu Snæfellinga

Berglind Elva Elísabetar Tryggvadóttir umsjónaraðili uppskeruhátíðarinnar

Hafþór Ingi hjá Lögreglunni á Vesturlandi kemur til okkar í Höllina, þriðjudaginn 17. mars klukkan 13.00 og sýnir okkur hvað ber að varast í tölvunni eða símanum.

Núna er tækifæri til að læra að snúa á þessa fanta, sem eru að reyna að komast inn í tækin

Félag eldri borgara. Eru tölvuþrjótar

okkar, aðallega til að komast í bankareikninga eða bara til að valda leiðindum.

Hvetjum okkar fólk til að mæta, Hafþór hefur mikla reynslu í að leiðbeina fólki í þessu.

Kvóti botnfiskategunda á Vesturlandi

Í lok febrúar kom út ný Glefsa sem Vífill Karlsson skrifaði fyrir SSV en í Glefsunum er að finna brot úr hagvísum og skýrslum SSV auk annars efnis. Sjávarútvegur hefur verið töluvert til umfjöllunar í Glefsunni og skiljanlega þar sem ein auðugustu fiskimið landsins eru Faxaflói og Breiðafjörður og sjávarútvegur mikilvæg atvinnugrein á Vesturlandi. Í nýútgefinni Glefsu Vífils var skoðað hvernig aflaheimildir botnfisktegunda í almenna kerfinu hafa þróast frá bankahruni. Borin voru saman tvö fimm ára tímabil, annars vegar 2008­2012 og hins vegar 2022­2026 og aflaheimildirnar ársmeðaltöl þeirra í tonnum. Þessi tímabil voru valin vegna þess að eftir bankahrunið varð á vissan hátt nýtt upphaf í atvinnulífi landsmanna.

Við skoðun gagnanna heilt yfir landið gefa þau til kynna að útgerðir fjær borginni fjárfesta frekar í aflaheimildum á milli tímabilanna en þær sem eru nær og verður þetta enn augljósara þegar hlutfallsleg aukning á milli tímabilanna er reiknuð. Þetta kann að mega rekja til þess að sjávarútvegurinn verður stöðugt besti valkostur samfélaga eftir því sem fjær dregur frá Reykjavík. Ástæður þess eru meðal annars að ferðaþjónustan sem er sú atvinnugrein sem vaxið hefur hvað mest á Íslandi undanfarið hefur vaxið hvað mest á landsbyggðinni næst höfuðborgarsvæðinu með fáeinum áhugaverðum undantekningum. Þess utan bendir nýleg

rannsókn til þess að sóknarfæri landsbyggðarinnar í óstaðbundnum störfum er líka á landsbyggðinni næst höfuðborgarsvæðinu.

Við skoðun gagna frá Vesturlandi kemur fram að ú tgerðir í Snæfellsbæ fj á rfestu mest hlutfallslega eða um 29%. Þegar horft er eingöngu til tonna eru útgerðir í Snæfellsbæ líka hæstar með rúm 4.700 tonn. Sveitarfélagið Stykkishólmur kom í kjölfar Snæfellsbæjar með 25% aukningu. Aflaheimildir drógust saman í öðrum sveitarfélögum á Vesturlandi, í Borgarbyggð dróst saman um 50%, hjá Akraneskaupstað dróst saman um 26% og hjá Grundarfjarðarbæ dróst saman um 19%. Mestu munaði hj á

Grundarfjarðarbæ um kaup FISK í Skagafirði á útgerð Soffaníasar Cecilssonar. Skagfirðingar juku aflaheimildir sínar um 7.607 tonn að jafnaði á rlega milli þessara t í mabila eða um 128%. Það er meira en það sem dr ó st saman hjá Grundarfjarðarbæ 1.372 tonn. Að lokum var skoðað hversu miklar veiðiheimildir voru í viðkomandi sveitarfélögum deilt með fjölda íbúa. Í lj ó s kom að Snæfellsbær er eitt allra öflugasta sjávarútvegssveitarfélag landsins sem á ekki að koma á óvart þar sem aðrar mælingar hafa gefið slíkt hið sama til kynna. Grundarfjarðarbær er þarna skammt undan, jafnvel þ ó hann hafi tapað frá sér aflaheimildum á milli

t í mabilanna sem til skoðunar voru. Næst en nokkru neðar er svo Sveitarf é lagið Stykkish ó lmur, þ á Akraneskaupstaður og síðan dettur Dalabyggð inn rétt fyrir ofan Borgarbyggð. Ef rýnt er í tölurnar, kemur í ljós að árið 2026 eru aflaheimildir á íbúa nær tvöfalt meiri í Snæfellsbæ en í Grundarfjarðarbæ. Í Grundarfjarðarbæ eru þær rúmlega tvöfalt meiri en í Sveitarfélaginu Stykkishólmi, og í því sveitarfélagi eru þær rúmlega þrefalt meiri en í Akraneskaupstað.

Glefsuna í heild sinni geta áhugasamir nálgast á vefsíðu Samtaka sveitarfélaga á Vesturlandi, www.ssv.is.

Búi Steinn Jóhannsson frá Kverná

Búi fæddist á Kverná árið 1945 og ólst þar upp við venjubundin sveitastörf þess tíma, þegar strákar óku dráttarvélum og jeppum innansveitar.

Hann fór alltaf gangandi hvernig sem veður var um tveggja kílómetra leið í Barnaskóla Eyrarsveitar, sem var úti í Nesi.

Fyrsta sjóferðin!

Lagt var frá bryggju í Grafarnesi eftir hádegi þann 29. mars 1960, á nýja bátnum hans Guðmundar Runólfssonar, Runólfi SH 135, 115 brl. Þeir áttu það sameginlegt, nýji báturinn hans Guðmundar og 14 ára sveitapilturinn að vera nú að fara í sinn fyrsta róður.

Mannskapurinn var á dekki að gera netatrossurnar klárar, í minni Grundarfjarðar kallar Guðmundur til Búa: „Komdu upp í brú og stýrðu bátnum fyrir mig“, sem hann og gerði. Guðmundur sagði stefnuna í gráðum og fór svo aftur í til að setja út siglinguna.

Búi hafði aldrei á sjó komið eða staðið við stýri, þó hann væri alvanur að aka traktornum í sveitinni og heimilisjeppanum próflaus um sveitina.

Eftir nokkurn tíma kom Guðmundur hlæjandi fram í brú og sagði: „Búi kanntu ekki að stýra“, nei ­ ei, nei var svarið, en Guðmundur hafði séð skrúfuvatnið í tómum essum aftur út. Þá sagði Guðmundur þessa ógleymanlegu setningu, „Sérðu bátinn þarna framundan út á firðinum“. ­ Já, „Horfðu þangað og stýrðu eins og þú sért að keyra traktorinn á Kverná“.

Það kann ég, sagði Búi og allt

gekk vel eftir það.

Búi átti eftir að vera hjá þessari ágætu útgerð meira eða minna frá 1960 til 1979, sem háseti og vélstjóri. Á haustvertíðum, vetrarvertíðum og sex sumur á síldveiðum fyrir norður og austurlandi, svo og á Jan Mayen svæðinu.

Árin 1966 til 1969 var Búi í Vélskólanum og í vélvirkjun 1972.

Á sigling af síldarmiðunum sumarið 1966, gerðist nokkuð sem fáir vita um. Guðmunudur sýndi Búa teikningu af síðutogara sem hann hefði hug á að láta byggja og koma með til Grundarfjarðar, byggðarlaginu sínu til heilla.

Draumurinn rættist svo 9 árum síðar er þeir sigldu nýsmíðuðum skuttogara, Runólfi SH 135, 312 brl., úr Stálvík í Garðabæ og til heimahafnar að morgni dags 15. janúar 1975. Þar með rættist draumur Guðmundar um að koma með togara til Grundarfjarðar.

Eftir að sjómannsævintýrunum lauk árið 1979. tók við 25 ára vélstjórastarf hjá Landsvirkjun í virkjunum á Tungnaársvæði. Þ.e.a.s Sigöldu, Hrauneyjafossi og Vatnsfellvirkjun.

Árið 2017 hitti Búi skólafélaga úr Vélskólanum, Ingólf Kristinsson, sem hafði með öðrum skólafélaga, Hallóri Olesen verið um nokkurt skeið í sjálfboðavinnu við að gera fyrrverandi varðskipinu Óðni til góða, þar sem skipið lá við Sjóminjasafnið á Grandagarði og Búi slóst í hópinn.

Þó aðrir og ágætir menn hafi unnið um borð á undan og með

þeim félögum, vill undirritaður samt kalla þá frumherjana, vegna þess að þeir áttu þann draum að sigla skipinu, ræstu ljósavélarnar árið 2018 og aðalvélarnar 2020. Þá urðu straumhvörf í sögu skipsins, því farið var að vinna að skráningu þess á íslenska skipaskrá og fá á það haffæri, sem leitt hefur til þess að gefin var út sérstök reglugerð um safnskip. Eftir að þetta komst í kring hefur hefur verið siglt á hverju sumri frá árinu 2022.

Hinir frumherjarnir tveir, Ingólfur 81 árs og Halldór 80 ára létu af sjálfboðaliðastörfum sínum um borð í Óðni s.l. haust, en Búi ætlar að vinna um borð þar til siglt hefur verið til Grundarfjarðar. Þannig ætlar þessi trausti, vandvirki og góði félagi loks að leggja árar í bát í heimahöfninni, þar sem hann lagði fyrst frá landi 14 ára gamall árið 1960 og skrifaði essin sín á hafflötinn.

Egill Þórðarson.

Jökull á Issuu

Til að nálgast Jökul á netinu er hægt að skanna QR merkið hér að ofan með myndavélinni í símanum.

Hestafimleikar á Snæfellsnesi

Á sunnanverðu Snæfellsnesi starfar hestafimleikahópurinn Vetrarsól.

Upphaf hestafimleika á Snæfellsnesi má rekja til helgarnámskeiðs sem æskulýðsnefnd Snæfellings stóð fyrir vorið 2025 í Stykkishólmi. Kennari þar var Kathrin Schmitt frá Hvammstanga og vakti námskeiðið mikla gleði og áhuga meðal barna á svæðinu.

Stór hópur barna frá sunnanverðu Snæfellsnesi sótti námskeiðið og fóru nokkur þeirra í framhaldi af því í sumaræfningabúðir á Hvammstanga.

Í kjölfarið ákváðu mæður þeirra barna að stofna æfingahóp á Snæfellsnesi svo krakkarnir gætu haldið áfram að æfa íþróttina heima fyrir.

Börn á sunnanverðu Snæfellsnesi hafa takmarkaða möguleika á að stunda skipulagðar íþróttir og var þarna kjörið tækifæri til að bjóða upp á eitthvað sem væri vel sótt og möguleiki að halda

úti miðað við þá aðstöðu sem er til staðar.

Hópurinn var formlega stofnaður haustið 2025 og eru 15 börn og ungmenni á aldrinum 7 til 15 ára sem stunda íþróttina nú í vetur. Allir eru velkomnir til að sækja um þátttöku en þátttakendur eru núna mestmegnis frá sunnanverðu Snæfellsnesi ásamt nokkrum sem koma frá Grundarfirði.

Stofnendur og umsjónamenn eru Dagbjört Dúna Rúnarsdóttir, Franziska Kopf, Katharina Kotschote og Ulrike Taylor. Dagbjört og Franziska eru þjálfararnir og sóttu hestafimleikaþjálfaranámssekið á Hvamstanga í nóvember 2025 en Ulrike og Katharina sjá um að hringteyma hestana þegar þeir eru með á æfingum. Æfingar eru einu sinni í viku í 60 til 90 mínútur. Flestar æfingar eru grunnþjálfun á þar til gerðum tréhestum og æfingabúnaði í Böðvarsholti en þriðja hver æf­

ing er á hestum í reiðhöllinni í Söðulsholti.

Hestafimleikar eru íþrótt þar sem fimleikaæfingar eru framkvæmdar á hestbaki á meðan hesturinn gengur í hringi. Æfingarnar eru gerðar á sérstakri dýnu á baki hestsins og sérútbúinni gjörð sem hefur handföng og annan stuðning við æfingarnar.

Hestafimleikar er í raun liðaíþrótt þar sem liðsmenn skiptast á að framkvæma röð æfinga á hestinum. ÍÞað felur í sér jafnvægisæfingar og hreyfingar sem krefjast styrks, liðleika og samhæfingar. Þar eru gerðar stöður og hreyfingar sem ýmist er hægt að gera einn eða með samvinnu við aðra þannig að fleiri en einn eru á baki í einu.

Það sem heillaði stofnendur hópsins mest við íþróttina var hve ávinningur þátttakenda er mikill og fjölbreyttur. Í hestafim leikum er unnið með bætta lík amleg getu, styrk, liðleika og fimi

ásamt því að ástundunin styrkir sjálfstraust, aga, samvinnu, traust og stuðlar að jákvæðri umgengni við dýr.

Hópurinn er undir nýstofnaðri Hestafimleikadeild hestamannafélagsins Snæfellings, en Vetrarsól er eini hópurinn sem er starfandi á nesinu. Mikill meðbyr hefur verið með starfinu og hefur hópurinn fengið stuðning úr mörgum ólíkum áttum og fékk til dæmis hvatningarverðlaun HSH 2025.

Búnaðurinn og þjálfunartólin sem notast er við í hestafimleikum er mjög sérhæfður og þurfti meðal annars að kaupa og flytja inn búnað frá Þýskalandi. Söfnun fyrir þeim búnaði gekk framar vonum og vilja börn og þjálfarar í Vetrarsól koma á framfæri innilegum þökkum fyrir allan stuðninginn.

Stefnt er að því að Vetrarsól verði með smá hestafimleikasýningu á Snæfellingamótaröðinni 1.

Fræðslufundur um lífeyri og netöryggi

Miðvikudaginn 18. mars kl. 17.00 í félagsheimilinu Klifi, Ólafsvík.

Gústav Gústavsson, sölustjóri hjá Verðbréfa- og lífeyrisþjónustu Landsbankans, fer yfir hvers er að vænta við starfslok og hvaða ráðstafanir þarf að gera áður en kemur að lífeyrisaldri og starfslokum.

Brynja M. Ólafsdóttir, sérfræðingur í Regluvörslu bankans, fer yfir helstu tegundir netsvika og hvers konar netsvik eru áberandi í dag. Þá fer hún vel yfir hvernig sé best að fyrirbyggja slík svik.

Léttar veitingar og heitt á könnunni.

Skráning nauðsynleg hér: https://www.landsbankinn.is/ armalamot-mars-2026