1195. tbl - 26. árg.
18. febrúar 2026
112 dagurinn
Neyðarlínan heldur upp á 112 daginn þann 11. febrúar á hverju ári því að dagsetningin 11. 2. minnir okkur á neyðarnúmer allra landsmanna, 112. Það er mikilvægt að minna á þetta númer af því þetta er eina númerið sem landsmenn þurfa að þekkja í neyð. Í ár var áhersla dagsins að 30 ár eru síðan samræmt neyðarsímanúmer var tekið upp á Íslandi en fyrsta símtalinu í 112 var svarað 1. janúar 1996.
Miðvikudaginn 11. febrúar fór slökkvilið Grundafjarðar í heimsókn í grunnskólann auk þess sem sem viðbragðsaðilar fóru í bláljósaakstur frá slökkvistöðinni seinnipartinn sama dag. Hringur viðbragðsaðilanna endaði við stóra bílastæðið vestan við grunnskólann. Þar sýndu viðbragðsaðilar hvernig bíll er klipptur í sundur og var það mikil upplifun viðstaddra að verða vitni að slíku. 112 dagurinn í Snæfellsbæ hef-
- Bílaviðgerðir - Skipaþjónusta - Almenn suðuvinna - Smurþjónusta - Smábátaþjónusta - Dekkjaverkstæði vegr@vegr.is vegr.is S: 849-7276 Remek og 898-5463 Þórður
ur verið færður yfir á næsta laugardag svo að sem flestir geti tekið þátt í fögnuðinum. Laugardaginn 14. febrúar fóru viðbragðsaðilar af stað í bílalest frá björgunarstöðinni Von á Rifi og keyrðu lögreglan, Slökkvilið Snæfellsbæjar, sjúkrabíllinn og björgunarsveitin Lífsbjörg um Rif, Hellissand og Ólafsvík áður en íbúum var boðið í opið hús í Mettubúð, Slökkvistöð Snæfellsbæjar. Auk þeirra sem voru í bílalestinni
voru þar aðilar frá Slysavarnarfélögum Helgu Bárðar og Sumargjöf og frá Rauða Krossinum. Ungir sem aldnir ræddu við viðbragðsaðila Snæfellsbæjar, fengu að líta í bílaflotann, gátu fengið sýnikennslu á skyndihjálp og eins og svo oft áður vakti þetta mikla lukku yngstu kynslóðarinnar og vakti upp ýmsar spurningar. SJ