8. maí 2025
1159. tbl - 25. árg.
Fyrsta skemmtiferðaskipið komið
Fyrsta skemmtiferðaskip sumarsins hjá Grundarfjarðarhöfn kom til hafnar mánudaginn 5. maí. Veðrið var ekki upp á marga fiska fyrri part dags svo það lagðist ekki að bryggju fyrr en í hádeginu. Skipið heitir Amera, er frá Þýskalandi og rýmir um 500 farþega. Skipið er 204 metrar að lengd og 30 metrar á breidd. Skipið lafði aftur frá höfninni um kvöldmatarleytið og heldur nú áleiðis til Grænlands. Skipið byrjaði ferða-
lagið í Þýskalandi og hefur ferðast til Færeyja og Íslands en farþegar þess eiga eftir að heimsækja Grænland, Kanada, Bandaríkin, Portúgal og Spán áður en þau halda aftur til heimahafnar í Þýskalandi eftir 50 daga siglingu. Í maí eru níu skipakomur bókaðar í Grundarfjarðarhöfn og í sumar eru hátt í 80 komur skemmtiferðaskipa bókaðar í höfnina.
Við bjóðum upp á alhliða bílaviðgerðir, dekkjaskipti og smurþjónustu. Tímapantanir í síma 436-1111
SJ
Jafntefli í fyrsta leik deildarinnar Víkingar heimsóttu Víðir í Garðinn síðastliðinn laugardag, 4. maí. Þetta var fyrsti leikur liðanna á Íslandsmóti KSÍ í 2. deild karla. Víðir setti boltann í mark gestanna strax á 14. mínútu og voru þá komnir 1-0 yfir. Gabríel Þór Þórðarson nældi sér i gult spjald á 18. mínútu og Ellert Gauti Heiðarsson sömuleiðis á 37. mínútu. Luis Alberto Diez Ocerin fékk svo þriðja gula spjald leiksins á 82. mínútu. 90 mínútur venjulegs leiktíma
voru liðnar og á fyrstu mínútu í framlengingu kom Ingólfur Sigurðsson boltanum í mark andstæðinganna og jafnaði leikinn. Eftir fyrstu umferð deildarinnar sitja tvö lið á botninum með ekkert stig, tvö lið tróna á toppnum með 3 stig og hin 8 liðin deila miðjunni með 1 stig. Næsta umferð verður því æsispennandi en Víkingar taka á móti KFG á Ólafsvíkurvelli þann 10. maí. SJ