Pathianni: Sabath
Lawmna.
Thawhlehni:
Vantlangah lawmna nunpui rawh
Thawhtanni:
Pathian thatna te i hriatchhuah theih nan mitthla theih tur siam ang che
Lawmna.
Easter thlen hmaa hun hman thin ‘Lent’ hian Isua nun te, a thihna leh thawhlehna te hriatchhuahna hun remchang min siam sak a. He hun hian he leia Isua nun ropui leh mak tak takte min thlir tirin chutih rual chuan a tawrhna nasa tak min tem tir bawk. Chuvang chuan Easter alo thlen meuh chuan a thawhlehnaah lawmna kan lo nei thei ta a ni.
Sam 107:1-2 ah heng thu hi kan chhiar a: ‘Aw, LALPA hnenah lawmthu hril rawh u, ani chu a tha si a; A ngilneihna pawh kumkhuain a awm dawn si a. LALPA mi tlante chuan chutiang chu sawi rawh se, Dotu kut ata a tlan,’
Lent-ah hian Pathian thatna pawmtu leh tipungtu ni a lawmna lantirna hun nei turin kan sawm che a ni.
Chutiang lawmna nun chu nitina nunpuiin Lent a zawh hnu thleng pawha lawmna thinlung pua i lanchhuah tir zel theihna turin.
Thawhtanni
Pathian thatna te i hriatchhuah theih nan mitthla theih tur siam ang che.
‘‘Aw, mihringte hian LALPA chu a ngilneihna avang leh, Mihring fate chunga a thilmak tihte avang hian fak theselaaw.’(Sam107:8)
Vawiin hian lawmna thlentu apiang che ziak chhuak ta che. Chungte chu bawm ah khung la. A nih loh pawhin chung i ngaihtuah te chu tarchhuak ta la. Ni alo tlak chuan chungte chu chhiar chhuak leh vek la Pathian thatna ngaihtuah ang che.
Pathianni Sabbath.
Tunkar chhung zawnga i chunga a thatnate avangin Pathian hnenah lawmthu sawi ang che. I lawmna thu i ziah chhuah zawng zawngte kha keng la. Midang nena in lawmna thu in sawidun te kha ngaihtuah let la. Pathian chu tunge a nih lo hre thar leh ang che.
Thawhlehni
Vantlangah lawmna nunpui rawh
‘Chuvangin, infuih tawnin, intisawt tawn theuh rawh u, in tih reng thin ang hian.,(1Thessalonika5:11)
I thian emaw i hnathawh pui emaw i chhungkaw zinga mi emaw inthurualpui la, vawiina lawmna i neihte hrilh la. Anni pawh lawmna an neihte hrilh ve tur chein sawm ang che.
Inrinni: Kraws avanga lawmna.
Nilaini: Ziahchhuah lam han tum chhin teh.
Zirtawpni: Midangte chunga lawmna.
Nilaini
Ziahchhuah lam han tum chhin teh.
‘LALPA hnenah chuan ka thinlung zawngzawnginlawmthukasawianga; I thilmak tih zawng zawng chu ka hriattirang.’(Sam9:1)
Vawiin hian hun tlemte chu thuziahna hun atan inpe la. Nilenga i hun hmante ngaihtuahin lawmna emaw thlamuanna petu che emaw nuam i tih hun lai tak kha han ngaihtuah let ta che. I thian hnen atanga thu hriat nuam tak i dawn emaw, hna i thawh zawh emaw, i tawngtai chhanna emaw, thingpui tui tak i in kha nge-i lawmna lai te leh a chhan ziak chhuak ang che. I thu ziah te chu chhiar let la thil te tham tak anga lang mahse awmze nei tak sia Pathianin mal a sawm dan che kha thlir ang che.
Ningani
Ni tawpa inenletna.
‘A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiang te- thatna reng a awm a, fakna reng a awm phawt chuan- chung chu ngaihtuahrawhu.’(Phillipi4:8)
Zana i mut hmain vawiina i hun hman zinga thil kaltluang em em pathum ngaihtuah let turin hun tlem han inpe la, chunga i lawm nachhante pawh chu ngaihtuah ang che
Zirtawpni
Midangte chunga lawmna.
‘Ka hriatchhuah apiang che uin kan Pathian hnenah lawm thu ka hrilthin.’(Phillipi1:3)
Vawiin hian i mihriat tu emaw va pawh la, a chunga i lawm zia leh a awm avanga i lawmna te hrilh la, alo tanpui tawhna che emaw i nuna nghawng tha a neih tawhte avangin lawmthu hrilh ang che. I thian emaw i chhungkua ami emaw i thawhpui emaw mi tuemaw i hmuh khat tak pawh a ni thei. I lawmna thu i hrilh dan chu a chiang thei ang ber ni rawh se.
Inrinni
Kraws avanga lawmna.
‘Nimahsela,Pathianchuanami hmangaihnachufaktlakinalantira,mi sualtekanlanihlaiaKristakanaiaathih avangkhan.’(Rom5:8)
Lent chhunga Isua nun leh kraws kawng a zawhnate thlir letna i neih lai hian thingthia lawmthu sawina hun insiam ang che. A inpeknain a khawihna che kawng hrang hrang avangin Isua hnenah lawmthu sawi ang che.