Hlauhna Raiahinna
Advent hun lo thleng hian Isua lo luhna atana kan thinlung buatsaih turin min sawm a Isua lokal lawmna atan maia inbuatsaih lovin mahni inenletna hun atana hmang turin min duh a ni Krismas thawnthu kan hriat Temple ah te, mang lamah te, tlangah te leh inchhung rehah te pawh hlauhna hi alo tel zel a Nimahsela khang hun tinah khan Pathian chuan dem mai lovin ‘Hlau suh’ tih thu a rawn hrilh zel a ni.
Hlauhna aiah Rinna tih thu kan chhiar turte hian hlauhna hmunah pawh rinna chu a thang thei tih min ngaihtuah tir a Nun a tluan loh hunah pawh Pathianin min hnaih reng tih min hrilh nawn a, nghah deuh a ngaih hunah pawh Pathian chu a rintlak tih min hriat nawn tir a, hlauhna hmunah pawh chu hlauhna chu thutawp min siam saktu a nih kher a ngailo tih min hriattir bawk.
Hlauhna aia Rinna kan thlanna hian Isua chu thuk zawka kan nuna sawm tura min lo tanpui reng zia kan nitin inenletna thu chhiar te hian min hmuhfiah tir dawn a ni.
Pathian Hun Tiam Rinna
Luka 1:5-25 and 39-45
Elizabeti chuan a tawngtai chhana a awm loh avanga rilru natna nen a hun a hmang a. Amah leh a pasal Zakaria nen nitin kum tin Pathian rawngbawlin rinawm takin an awm a mahse fa neih an beiseina erawh a chuai telh telh a ni. Nimahsela, rin loh takin thil alo danglam thut mai a. Vantirhkoh pakhatin fapa an neih tur thu a rawn puang a, tichuan, Elizabeti chu a rai ta a ni
Elizabeti hian hlauhna a neih thu kan hre chiah lo naa hlauhna in a tuam ve ngei ang tih a rinawm. Kum tam tak chhung nghak leh beiseia a awm hnuah a chunga thil thleng chu a ring ngam angem? Ni e, rin a thlang ta tho a ni Hriatthiam harsa viau mahse Pathianin thil danglam a ti mek tih a hmu a ni.
Hlau emaw ringhlel mai lovin Elizabeti chuan rinna in alo chhang let a A rai khan, “Mi hnena ka hmingchhia chhilh nan Lalpan duhsak takin heti hian min tihsak ta,”(Luka 1:25) tiin Pathian a chawimawi a ni
Marin a rawn tlawh tum khan Elizabeti chu Thlarau Thianghlimin a khat a, Pathianin a tiam Messia chu Mari chuan a pai a ni tih alo hre nghal a ni Tichuan Mari chu, “Ka Lalpa nu,”(Luka 1:43) tiin a lo ko a ni Midangin an hmuh miah loh tur alo hmu a, malsawmna leh nemnghehna thu alo sawi a ni
Rinna hi thil engkim hmuhfiah sa na a nih loh zia Elizabeti chanchin hian min entir a A chang chuan ngawi renga lo vawn te, a hunlaiin a zir lo viau chung pawha Pathian rin tlatna te leh kan hriatthiam vek loh hun pawha Pathian hnathawh lo thlir tlatna te hi a ni zawk a ni
Hlauhna aiah rinna tih awmzia chu a chhanna kan hriat loh emaw kan hmalam kawng kan hmuhfiah theih loh hun pawha Pathianin hna a thawk reng tih rin kan thlanna hi a ni Elizabeti hian Pathian hun tiam chu keini hun tih nen a danglam zia min hriattirin beiseina nei turin tlai luat a awm lo tin min hrilh
Tun hunah hian eng kawngah nge Pathian i nghah mek? Chhanna awm loah pawh rinnaa i chet chhuahna in engtin nge i nunah awmzia a neih ang?
Lalpa, ka beisei huna ka beisei ang alo thlen loh chang pawha nangmah ring turin min tanpui ang che Ka rinhlelh leh ka hlauh chang pawhin nang chuan hna i thawk reng tih ring tlat turin min pui ang che Amen
Pathian Hun Tiam Rinna
Luka 1:5-25 and 39-45, Sam 145
Elizabeti chanchinah hian ngawi renga tawrhna leh rinna thuk tak kan hmu. Amah leh a pasal Zakaria te chu Pathian hmaa mi dik an ni a- mi rinawm, mi inpe leh tawngtai mi an ni Nimahsela, kum tam tak chhung an tawngtai chhana a awm loh avangin an lungngai a Elizabeti chuan chuti chung chuan rin ala thlang fan.
Tuman an rin tawh loh hunah Pathianin an tawngtaina a rawn chhang ta a, chu hunah chuan Elizabeti chuan Pathian thiltih mak chu alo hmu chat a ni. Alo dawn sawn danah chuan rinhlehna emaw dodalna a awm hauh lova, lawmna leh mak tihna nen alo dawngsawng a ni A zah vang nilovin
Pathian a zahna avang zawkin thla nga chhung biru in a awm hrang a A chhunga nunna thar lo awm avang leh ching nia zahawmlohna amaha awm chu Pathian khawngaihnaa hlih kiana a awm avangin lawmthu a sawi a ni
Pathian chu kan duh hunah che lo mahse
Elizabeti chuan Pathian thiltum chu a tha a ni tih a hrethiam a Alo nghah fan fan na kha a thlawn lo; beisei loh hmuna thianghlim chu hmu thiam tura buatsaihin a lo awm reng zawk a ni
Amaha thilmak thleng hrilh tura Mari alo kal khan Elizabeti chu Thlarau Thianghlima khatin a awm a. Kum upa zawk leh thlarau mit fiah tak nei lo ni tawhin midangten an hmuh ve loh tur chu alo hmu a Pathian hnathawh Mari nuna thleng chu Malsawmna leh nemnghehna thu sawichhuakin, “A ring nu pawh a eng a thawl a ni, a hnena Lalpan thu a sawi kha a thleng dawn si a,”(Luka 1:45) tiin a puang chhuak ta a ni
Hei hi rinna chi al a ni- Pathian chetna lo hmuhfiah leh mite thinlunga huaisenna thu sawi hi He hun thianghlimah hian Elizabeti chu a nau hriat ngai loh kawng zawg mektu tan nemnghettu aw ah a tang a A nun hian kum tam tawrhna leh nghahna in a hrinchhuah rinna chuan midang rinna a tihchak theih zia te, rochhiah tur alo rem chhoh te leh chhuan thar hnena nunna thu a sawi zia te min hmuhfiah tir
Hlauhna leh rinhlelhna khawvelah hian dawhthei taka nghaka ring tlat tute thusawi nghet charh hriat chu kan mamawh rêng a ni
Vawiina chhuan tharte hnenah hian engtin nge malsawmna leh nemnghehna thu chu i sawi ve ang?
Pathian rinawm, tawngtaina tinreng I ngaihthlak avangin lawmthu ka hrilh a che.
Elizabeti ang hian hmuh theih lohna hmuna I thianghlimna hmufiaha midangte thinlunga rinna tuhtu ni ve turin min pui ang che. I hnathawh hmufiahtu mit min pe la mite fuihtu ni turin min tanpui ang che Amen
Pathian Hun Tiam Rinna
Luka 1:5-25 & 39-45, Sam 37-1-7
Kan beisei anga nun a kal loh chang pawh a rin tlatnain a tih theih chu Elizabeti nunah hian kan hmu a ni.
lizabeti leh Zakaria te kha nau pai turin an kum a upa mah mah tawh a Miten fa nei tur atana upa tawh niin hmu mahse Pathian chuan anmahniah Pathian Fa rinawm tak an nihna a hmu a an tan kawng a siam a ni An nuna thilmak tak thlengah hian Pathian thiltihtheihna huam chin nei lo leh a hmangaihna famkim chu kan hmu a ni. An nun hian Pathianin mihringte beisei baka chet a duhna leh a theihna min hrilh nawn a, a tana rinawm te chu an beisei loh lama mal a sawm dan te pawh
Tin, fa a pek hi zawlnei hrilh lawk thlen dikna tur a ni lehzel bawk a, mi zawng zawng chhandamtu Pathian Fapa lo kalna tur atana kawng sialtu Baptistu Johana pianna chu
Elizabeti leh Zakaria chanchin atang hian
Pathian ruahmanna zau zawk kan lo tem phah a Kum tam tak chhunga zahna an tawrhte leh an lungngaihna te chu Pathianin an nuna ruahmanna leh tum a neih vek a lo ni a
Ngawi renga nghah ngawt ngawt a ngaih chang leh harsatnaah pawh rinna nei a rawng an bawl tlat avanga an nuna Pathian thiltihtheihna lo lang kan hmu a A theih loh nia kan ngaihna hmunah pawh engkimtitheitu lam en tlat tur kan nih zia an nun hian min hrilh nawn bawk a ni
A tlai hunah, lungawilohna leh rinhlelhna hmunah, a theih awma a lan loh hunah pawh tunge Pathian tih hre reng tura koh kan ni Pathian rinawm, a tana rinawm tlatte chunga malsawmna leih duh em em tu Pathian chu.
Hlauhna in kan tlai tawh nia min hrilh hunah kan rinna chuan Pathian tlai ngailo neitu kan nih zia min hriattir sela Ngawi renga thuawiha i awm kha a hmu reng a ni. I tawngtaina a hria a. Kan dil leh kan beisei aia nasa a ti thei bawk Ama remruat hun diktakah chuan
Amah chu rinawm leh tlawm tak leh taima takin zui ila. Min hmu a min hria tih hrerengin Amah kan rin tlat chuan kan tana a remruatna tha tak chu a puitlin ngei dawn tih hre tlat bawk ang u
A rei tawh i tih em avanga i tawngtai chhunzawm loh hun a awm em? Vawiinah hian Lalpa hnenah rawn thlen thar leh la eng nge thlenga i rin?
Lalpa rei tawh hle a ka hriat hunah pawh i rinawm tih min hrilh thar leh la Min hmu a, min hria a, hna i thawk dawn tih hrerengtu nia i hunruat nghak a i rawngbawl mai turin min pui ang che Amen
Major Rosemary Matunde
Pathian Hun Tiam Rinna
Luka 1:5-25 & 39-45, Hebrai 11
‘I hnena Lalpain thu a sawi kha a thleng ngei dawn tih i rin avangin i nihlawh e’ –Luka 1:45 (MIZCLBSI)
Bible-a mi ropui tak tak te hian Pathian
thutiam hi kum tam tak hnuah an nghak chhuak a ni
Mosia chuan kum40 a nghak a Kum 40 dang hruaitu a ni leh a. A tih theih zawng ni a a hriat loh leh tlaklo nia a ngaih thlengin
Pathianin ti turin a tir a ni Nimahsela chung zawng zawnga a hlawhchhuah te han thlir teh le
Josefa chuan mumang a nei a. Mahse chu mumang alo thlen dik hma chuan sal nihna te, tan in te leh tam te a paltlang hmasa a Chung hun harsa zawng zawng chu Pathianin a nun thlak danglam nana hun remchang a siam sak a lo ni.
Davida chuan Israel lal ni turin kum15 vel zet a nghak a Lal a ni dawn tih hrereng chungin a nghak a A nghah chhungin
Davida chuan Pathianin a kohna a hrereng a, Pathianin a thinlung ang pu mi a tih hial alo ni.
Elizabeti leh Zakaria te leh heng miten an nghah chhung hian nun a tawp lo
E An nghah chhunga an paltlang zawng zawng chu an hmaa lo thleng tur atana anmahni chu chhunglam leh pawn lama buatsaihtu alo ni zawk a ni Tichuan, an chunga thutiam chu alo thlen chuan nasa taka malsawmin an awm a ni.
An vai hian diklohna nei chu an ni ve An rinhlelh rum rum chang te, zawhna an zawh chang leh an rah pelh thelh thelh chang a awm. Mahse Lalpan ruahmanna a nei. Pathianin tum neia a kohte theuh an ni Pathianin a remruat hun diktakah Tin, anni hian rinna an nei a, Pathian chu tunge a nih hriain a rintlak zia pawh an hria An hma huna thil lo thleng tur atan beisei an nei theuh bawk a ni.
Bible ah leh nangma nun ngeiah pawh entirna dang tam tak a awm
I beisei hmunah awm lovin chhanna emaw awmdan tur emaw hre har hle in i inhre maithei Pathianin a thatna te a rinawmna te hrerenga Amah ring turin a sawm che a ni
Kan hmuh theih loh pawhin Pathian chu kan hnenah a awm a, kan tan a awm reng a, hna a thawk reng bawk a ni
Tunah khan nghah mek i nei em? I nghah chhung khan Pathianin eng nge i nunah zirtir che a duh tilang turin ngen rawh?
Lalpa ka nghah reng lai che hian nangmah ring turin min pui la Dawhtheih min zirtirin ka hma huna thil lo thleng tur atan min buatsaih ang che. Kawngte chu hmufiah rih lo mahila i rinawm zia leh ka tana i hnathawh te min hriattir ang che Ka rinna tichak la, keimahah beiseina nung min siam ang che. Amen.
Pathian Hun Tiam Rinna
Luka 1:5-25 & 39-45, Hebrai 11:1, Habakkuka 2:3
‘Tin, rinna hi thil beiseite awm ngeia hriatna, thil hmuh lohte hriat fiahna a ni ’ –Hebrews 11:1
Tawngtaina hi Pathian nena thinlung taka inbiak pawhna tiin kan sawifiah thei ang. A bik tak emaw kan remchan dan ang pawh nise Pathian hnen pan tura min sawmtu a ni A chang chuan kan tawngtai chhanna te hi kan hmu nghal lo maithei a mahse kan nghak thin tur a ni. Pathian hian kan nunah hian thil liantham tak min ruahman sak a, chu aia nasa pawh chu kan tan a ti thei zel bawk Chhanna kan nghah mek laiin hlauhna leh rinhlelhna ten min tuam thei a Chung hunah pawh chuan amah kan ring tlat tur a ni. Chu chu rinna kawng kan zawhnaah hian kan tih makmawh a ni
Kum 17 ka nih lai khan ka hmalam hun atan thil tum leh hmathlir tam tak ka nei a Chu hun chu a ni. Ka nun nghawng thei tur thutlukna pawimawh tak ka nei a. Tichuan ka tawngtai a, ka nghak ta a
Hetia ka nghah lai hian Pathianin ka tawngtainate a chhang lo niin ka hria a. Heng hun harsa ka tawh laia hian ka kianga awm turin ka beisei a, mahse mal hle in ka inhre thung si a ni Ka hma hunah eng nge thleng dawn ka hre lova, eng nge ka tih tur ka hre bawk lova, hlauhna in ka khat a ni A chang chuan keimah ngei pawh ka inringhlel rum rum thin. Chutianga ka nghah a, rilru buaina te,
rinhlelhna te leh hlauhna ten min tuam laia ka hriatchhuah chu Pathianin min awmpui reng a keimahah hna a thawk reng tih hi a ni
Pathianin ka tan ruahmanna a nei a, ka hma huna thleng tur pawh aman a hre zawk tih hriatna nen chuan ka tawngtai chhunzawm ta zel a Thlarau lama ka mi rinte hnenah ka awmdan te ka hrilh a, Pathian thua ka inhawn mek lai chuan Pathianin a thu hmangin ka hnenah thu a sawi chho ta a Chutia ka nghah lai chuan dawhtheih ka lo zir reng a, Pathianin ka tana a ruahmanna chu ka duh hun ni lovin hun tha leh diktak ka tan a ruahman zawk tih ka hre chho ta zel bawk a. Rinna nena amah kan nghah tlat chuan min chhang ngei thin tih ka hre ta bawk a ni
A chhanna hmu turin kumhnih ka nghak a Dik tak chuan kumhnih chu rei ka ti hle a, hun rei tak nghah chu harsat pawh a harsa hle a ni Mahse ka nghah chhung chuan amah rin deuh deuh ka zir a ni Min chhang ngei dawn tih rin tlat chu ka zir a Min chhang ngei bawk. Chhanna a lo kal a thutlukna ka siam thei ta a ni. Ka hun tawn ang hi in tawng ve tawh maithei a, in la tawng ve maithei bawk Heng hunah hian Lalpa nena inzawmin awm tlat la, a hnathawh chu ring tlat ang che Min vengtu leh hruaitu Pathiana rinna nghah tlatna hian heng hun harsaah hian hlauhna a la bo thei Vawiinah leh naktuk ah pawh Pathianin hruai zel che u rawh se
Rei tak Pathian i nghak a, kalbo mai pawh ava chakawm dawn em. Hetiang hunah hian engtin nge Lalpaah i awm reng theih ang?
Nangmah nghaka ka thut reng lai hian aw ka Pa i kianga awm reng turin min hnuk hnai la. I hun tiam nghaka nangmah ring tlat turin min pui ang che. Ka tana i remruat tha ber ka nghah lai hian ka thinlung nei la thlamuanna min pe ang che Amen
Bethel Kumaravel
Pathian Hun Tiam Rinna
Luka 1:5-25 & 39-45, Galatia 4:4, Johana 6:35
‘A hun tak a lo thlen meuh chuan Pathianin a Fapa chu a rawn tir a’ – Galatia 4:4
Mihringte suala an tlûk khan Pathianin tlanna a tiam a Nimahsela, kum zabi tam tak hnuah Messia a lo kal chauh Chhuan tam tak chhung beisei chung si, rinhlelhna nen, thu thar awm si lovin sal tanna te thleng pawha tuarin an lo nghak a ni. Chung hnuah chuan a hun takah Isua a lo kal ta a Thiltihtheihna leh langsar taka lo kal lovin ngawi reng leh tlawm takin a lo kal zawk a ni
Pathian hun tiam hi mak kan ti thin a, mahse lo thleng satliah a ni ngai lo Galatia mite hnena lehkha a thawnah khan Paula chuan a hun takah Pathianin a Fapa a rawn tirh thu min hrilh a A hma lutuk lova a tlai hek lo. Pathianin a tum leh a ruahman ang tak zawkin a ni.
Kan nunah pawh hian rei tak kan nghah tawh chuan theihnghilh kan ni ta emaw kan inti thin. Kan lo suangtuah te a bo a.
Mahse Advent hian hei hi min hrilh nawn a ni: Pathianin a tiam chu a hlen anga kan mamawh hun takah a ni ang. A ruahmanna te chu tim hauh lovin awmze nei takin a rawn phawrh chhuak thin a ni
Johana 6:35-ah Isuan, “Kei hi nunna chhang chu ka ni; tu pawh ka hnena lo kal chu a ril a tam lovang,” a ti a. Hetah hian taksa thu chauh a sawi lova mihring thinlunga riltamna a sawi tel bawk a ni Thil tuma riltamna te, thlamuannaa tamna te, damna beiseia tamna te leh beiseinaa tamna te. Isua chuan kan tamna apiangte hi kan beisei hunah ni kher lovin a hun diktak zelah min lo ti tlai thin
Fiahna te, var pawhna te leh siam tharna beiseiin i nghak a ni thei e I natna i sawi chhuak thin te pawh kha a âwm khawp mai. Mahse i beisei ti bo suh ang che. Pathianin a hmu reng che a I mamawh a hria A hun takah chuan i mamawh i tana tha ber chu a pe dawn che a ni
Vawiinah hian hei hi lo ngaihtuah teh: Ka ngaihtuahna hi engin nge ka chawm? Bible chhiarin, tawngtaina te, Pathian chibai bukna te leh mahni inenletna hmangin emaw i thlarau tan Pathian hnenah chaw tha lo zawng ta che. Tah chuan a rawn tawk ang che.
Lalpa, i chenchilhna in ka thinlung ti tlai la thlamuanna min pe ang che. Nangmahah chauh lawmna famkim min hmuh tir la, ka thinlung duh zâwng zawng zawng tifamkimtu i ni tih ring tlat turin min pui ang che Amen
Pathian Hun Tiam Rinna
Luka 1:5-25, 39-45 & 46-54
Advent kar hmasa ber kan lo khar mek lai hian kan thinlung lairilah inenletna hun lo hmang ila
Vawiinah hian Magnificat tia an sawi fakna leh rinna hla ropui em em Mari hla hi lo ngaihtuah ila. A thu te hian Pathian khawngaihna, a chakna leh a dikna kan nuna langte hmufiah turin min sawm a He hla hlui tawh tak rinna hlaah hian chakna, huaisenna leh beiseina lo hmu theuh ang u
‘Tin, Marin,
“Ka nunin Lalpa a chawimawi e,
Ka thlarau pawh
Mi chhandamtu Pathian chungah a lawm em em a
A bawihnu hnam tlawmzia a hmu a, a khawngaih a;
Ngai rawh,
Tun achinah thangthar zawng zawngin nihlawh mi ti dawn a ni.
Mi chak khan ka chungah thil ropui tak mi tihsak a,
A hming pawh a thianghlim a ni
A tihtute chu thangthar thlengin a khawngaih zel thin
A banin a tha chakzia a entir a,
Mi chapo te chu an inngaihtuahnain a tidarh ta a.
An thutphaha lal thute chu a hnûk thla a,
Hnam tlawmte chu a chawimawi ta a
Riltamte chu thil tha takin a tipuar a,
Hausate chu kut ruakin a kal botir ta a
Kan thlahtute hnena a sawi ang khan,
Abrahama leh a thlahte chu chatuana a khawngaih tur zia hriat reng nan,
A chhiahhlawh Israelte chu a chhawmdâwl ta a,” a ti a.’
Luka 1:46-55
Tunkar hun kalta te kha han ngaihtuah kir la. He Advent kar hmasa berah hian Lalpan eng thu nge i hnenah a sawi le?
Khawngaihna leh hmangaihna Pathian, Lal Isua pianna kan thlir mek lai hian kan ngaihtuahna chawlh tirin kan beng rawn ti vâr la. Mari ang khan heng i hnathawh hrang hrang- mi tlawm i chawikan te, riltam i tih tlai te leh chhuan tam tak chunga khawngaihna i lantir min hmuh tir la Nangmah ring zual zel turin huaisenna min pe la, rinnaa kan kal zel na turin chaknain min thuam la, i thutiam i tihhlawhtlin te hmutu ni turin beiseina nung min pe ang che Amen
I hriatthiam loh hunah
Luka 1:26-38
Mari chu hmeichhia la naupang tak niin ropuina leh hmingthanna nei a ni lova, mahse Messia paitu tura thlan a ni a Pathianin tlanna a buatsaihna tur atana thlan a ni ang tih tuman an rin loh tur mi a ni Mahse Pathian kawng hi chu a mak tlat thin Vantirhkoh a kianga a rawn inlar a Messia a pai dawn tih a rawn hrilh khan
Mari chuan mak a ti a, engtin nge a nih theih ang tih zawhna alo zawt hial a ni. Mari chhanna hi thil theih loh awma lang lo chhanna a tan chuan a awm reng a ni
A zawhna hi a rinhlelh vanga zawt a ni lo A hriat fiah theih bak thil a nih avangin thil awmzia a hriat fiah theih nana a zawhna a ni A tlanchhe lova, a hnial hek lo Fiahna dang pawh a phut miah lo Rinna in a chhang lêt ta zawk a, ‘I thu ang zelin ka chungah thleng rawh se,’ (Luka 1:38) tiin
Mari hian a duh ang chhanna a hmu vek lo
A hma hunah eng nge lo thleng dawn tih leh engtin nge Josefa in a chunga thil thleng chu alo dawn sawn ang tih pawh a hre hek lo. Mahse ‘Aw’ tia chhang tur khawpin Lalpa a ring tawk a ni
Mari chanchin hian rinna hi zawhna eptu a ni lo tih min hriattir Rinna chu kan hriatchian loh thilah leh hlauhna hmunah pawh ‘aw’ tia Lalpa chhan theihna hi a ni zawk Kan nunin beisei loh kawng a zawh hun pawha ring tura thutlukna siam zelna leh kan hriatthiam loh hunah pawh
Pathianin hna a thawk reng tih rinna hi a ni.
Hlauhna aiah rinna kan tih hian ‘engatinge’ tih zawhna a awm lo tihna a ni lo Kan chunga thil thleng zawng zawngah pawh
Pathianin min awmpui reng tih hre chungin
Mari ang hian zawhna tam tak leh huaisenna kan nei kawp thei.
Pathianin engti turin nge min duh ang tih ngaihtuahna in a luah khat tawh che em? I hriatfiah loh thilah pawh ‘aw’ tia chhan chu eng nge a an ang?
Lalpa, ka hlauhna hmunah leh ka vai ruai chang pawhin ‘aw’ tia chhangtu che ka nih zel theih nan min pui ang che Ka hlauhna hmunah hian ka rinna than tir ang che Amen
I hriatthiam loh hunah
Luka 1:26-38, Isaia 55:8-9, Thufingte 3:5-6, Hebrai 11:1
Mihringte kan ni a. Mak tak leh mawi taka siam kan ni Ngaihtuahna leh hriatthiamna famkim lo tak, fel lohna tam tak leh hlauhna nasa tak nei kan ni bawk Mahse
Pathian anpuia siam kan ni a, beiseina tawp thei lo kan nei thei a, ring thei kan ni a, hmangaih thei kan ni a, zawhna tam tak kan nei bawk
Marin Pathian mi tirh alo chhanna hi a mak lova mihring tih awm reng alo ti a ni A Pathian hrechiang em em chung siin hriatfiah chakna nen alo dawngsawng a ni.
Pathian thuchah chu alo hnawl lova, hriatthiam a lo tum zawk a ni Chumi hunah tak chuan thil mawi deuh mai kan hmu a, rinna thinlung atanga chhuak zawhna te chu Pathianin alo lawm em em a ni tih hi.
I hriatfiah loh thil ti turin Pathianin a hrilh tawh che em? I ruahmanna emaw i ngaihdan kalh thilah tihtur a pe tawh che em? Chumi hunah chuan i ding mek maithei a- tih theih awm anga lang lo hunah chuan i ding mek maithei
Chutiang hunah chuan Mari angin hlauhna leh hnawlna nen ni lovin hriatfiah duhna nen kan lo hmachhawn thei a ni Rinhlelhna ni lovin Pathianin kawng a siam dawn tih rinna nen ‘Engtin nge ni ang?’ tiin zawhna kan lo zawt thei ang.
Chutiang zawhnaah chuan Pathianin min kalsan ngai lova, min tawk zawk thin a, kan thinlungah thusawiin amah nen chuan engkim a tih theih tih min hrilh nawn zawk thin.
I zawhna te chuan zawhna chhanna zawng zawng neitu hnenah hnuk hnai che rawh se.
Kan hma hunah engpawhin min hmuak se, kan tana awmze nei a ni emaw ni lo emaw hlauhna aia rinna thlangtu ni zel turin chakna nei ila, tlawm taka ‘Lalpa chhiahhlawh ka ni’ ti theitu ni zel ang u.
I thinlunga zawhna i neih reng thin kha lo ngaihtuah teh. A mak i tih em vang emaw a har i tih em vang emaw a thianghlim lova i hriat avanga Pathian hnena ila thlen loh kha lo ngaihtuah la. Chu zawhna chu vawiinah hian Lalpa hnenah thlen ang che. Thukru tawh lo la, Pathian hmaah rawn bunruak la. Pathian aw lo ngaithla zui ta che. I zawhna leh i hriatfiah duhnaah chuan i rinna lo thang lian rawh se.
Aw Pathian, ka hriatfiah lohna leh ka hriatthiam duhna te min lo ngaihthlaksak avangin lawmthu ka hrilh a che Ka hun tawn ten awmzia a neia ka hriat loh hunah pawh nangmah ring tlat turin min pui ang che Mari angin ka thinlung hawng la, rinnaah chuan thlung nghet ang che. ‘I chhiahhlawh ka ni’ tia chhang zel thei tur che in min pui ang che Amen
I hriatthiam loh hunah
Luka 1:26-38, Matthaia 19:26, Luka 2:19
Pathian nen chuan tih theih loh a awm lo.
He thu hi a kum en pawha nau pan rinawm tawh loh Elizabeti rai chungchang Gabrielan Mari a hrilh laia a sawi a ni
He thu hi Isua ngei pawhin Matthaia 19:26ah alo sawi a, ‘Chu chu mihring tan tih rual a ni lova; Pathian nen erawh chuan engkim tih theih a ni,’ tiin
He Pathian thu hi ka ngaihlu hle a. Tunge kan Pathian tih kan hriat chianna leh eng nge min tanpui turin a tih theih tiha kan chianna hian hlauhna min hneh tir a Amah nen chuan engkim kan tih theih avangin Pathian nen chuan hlauh tur reng hi a lo awm lo a ni.
Naupangtê ka nih laiin zan mut dawn a ruaiah ka naute lem duh ber ka ti bo tlat mai a
Nasa taka ka zawn hnuah beidawng takin ka tawngtai ta ringawt mai a. ‘Tuna min tanpui a nih chuan i duh apiang ka ti anga ka damchhungin lawmthu ka hrilh ang che,’ tiin ka tawngtai ta a Naupang ka atangin naupang thinlunga amah rinna nen chung thu chu ka chhak chhuak a ka tawngtaina chu alo ngaithla ziah thin a ni
Thawnthu hote angin lang mahse Mari angin he thu hi ka thinlungah ka vawng a Pathian pawhin a hnena ka thutiam kha min hriat thar tir fo thin. Ka nun a lo kal zel a, Pathianin The Salvation Army Officer ni turin min ko ta a ni Tichuan hlauh chang awm mahse Petera angin rinna in tui chungah ka kal fova, ka hlauh dawn pawhin Pathianin ka tan a awm reng tih ring turin min hrilh fo thin Min koh apiangin, ‘I duh apiang ka ti ang,’ tiin ka lo chhang thin
Pathiana ka rinna zawng zawng ka nghah hian ka nunah eng danglamna nge a thlen?
Ka Pa van ami, ka hlauh chang leh tihngaihna ka hriat loh chang pawha min enkawl reng thin avangin lawmthu ka hrilh a che. Mari angin ka nun hi i tan ka hlan nawn leh e. Amen
Major Elisabeth Grahn
I hriatthiam loh hunah
Luka 1:26-38, Luka 2:19
‘Mari erawh chuan thusawi zawng zawng chu a rilruin a ngaihtuah a, a vawng reng a ’ – Luka 2:19
Mari nun chu thawklehkhatah a danglam vek mai a Van thuchah, Pathian kohna thianghlim lo thlengin tuma la zawh ngai loh kawng a zawh a ngai ta Kawng ruahman sa leh awm dan tur hriat sa a awm lova, ruahmanna felfai hmuh theih a awm hek lo Chhanna leh finfiahna phut zung zungna khawvelah hian Mari chuan thil danglam ti turin min sawm a- thilmak chu ngaihlu turin Mari kha hriatthiam lohna nasa tak hnuaiah a awm a, mahse thil chiang zawk a phût lo mai ni lovin a thinlung chu Pathian inpuan nan a lo hawng zawk a A ngaithla a, a lo chhinchhiah a, roh takin a lo vawng tha a ni
Kan nunah hian a ngaihna rêng kan hriat loh hun a lo thleng ve theuh tawh ang tih ka ring a Tawngtaina chhana a awm miah loh hun, hmalam hun a buai hun leh Pathianin kawng thar zawh tura min koh hunte alo thleng thin.
A fiahna kan hmu kher lo maithei a, mahse thutlukna kan siam a ngai thin Inkharkhipin kan kal san thei a, a nih loh pawhin lo in hawn a, ngaihven leh a dawta kan tihtur ngaichang turin a khawi emaw zawk atan thutlukna kan siam a ngai thin a ni
Kan nghah deuh chuan a chianna alo thleng a, Pathian thu chu kan hnenah alo thleng leh a, beisei loh ngilnei tak min hruaitu chu a lo thleng thin Hei hi kan tana rohlu a ni
Thil eng emaw kan ngaihhlut hi hriatthiam vek na a ni lem lo. Ngaihhlut kan thlanna kha a ni zawk. Vawn tlatna leh a makna leh ropuina rin mai chu a ni Marin ngawi renga alo vawn that chuan sawi chhuaktu aia ngaithlatu leh hriatfiah vek tumtu aia ngaihtuah nguntu rinna nasat zia chu min hmuh tir a ni.
Pathian hian engkim hmuh fiah aia lo pawm mai tu ni tur leh a thiltih ngaihlu tu ni turin ko che sela engtin nge i chhan ang?
I tana awmze awm lo leh i hriatthiam loh hunah te, thuchah lo thlengah te leh i chunga thilthleng a ngaihna i hriat si loh ah te khan Lalpan amah ring mai turin a ti tawh che em?
Ka Pa min hmangaihtu,ka hriatthiam loh thilah pawh i awmpuina leh i hun tiam ngaihhlut min zirtir la Mari anga chiai mai lova ngaihtuah nguntu leh buai aia makti a ngaihlutu ni turin ka thinlungah rinna vawng reng turin min pui ang che Amen
I hriatthiam loh hunah
Luka 1:26-38, Rom 8:28
Hringnunah hian a chang chuan fiah lo ruai si a kohna lo kal chuan min tur ru deuh et et ni mai hian a hriat thin a Chu hun chu rinna lo parchhuah hun a ni ngei ang tih hi ka mimal ngaihdan a ni Mari chanchin atang hian hriatfiah aiin rin mai chu ka tihtur tih ka hria. A ngaihna ka hriat lovah te hian thutlukna siam a ngaih tlat si hun te alo thleng thin a- chung hun chu sawi chhuah chiam aia ngawi renga hmachhawn ngai chi te leh ka bul vel a buai nuaih nuaih lai pawh a khawngaihnaa innghah mai a ngaih hun te a ni fo.
Pathianin ka tana a ruahman chuan rilru a tihbuai tlat chang leh hlauhthawnawm riaua ka hriat châng awmin chung hunah te chuan ka hlauhna avanga Pathian ruahmanna lo hnawl mai chang ka nei thin
Mahse Mari nun hian tlawm mai lo tur leh hmalam pan zawk turin min fuih thar thin. Finfiahna ni lovin khawngaihna zawkin min zawng chhuak a ni tih ka chiang a A chhanna hmuh lam aiin ‘aw’ tia chhanna pe zel thei tura rinna neih a pawimawh zawk.
Ka hriatthiam dan chuan hlauhna aia rinna thlannaah hian kan khur lo a ni bik lo Hlauhna um botu hmangaihnaah chuan kan inthlung tlat zawk tihna a ni. Engkim hai lana a awm hunah chuan kan hriatthiam loh thil te khan awmzia an lo nei reng tih kan hriatfiahna tur a ni bawk
Khawi lam nge a thlen dawn che tih hre lova ‘aw’ tih chhanna ilo pek ve tawh ah Pathianin i inpekna avanga a hnu lama thil ropui a tih sak che i hrechhuak ve tawh em?
Kan thinlung hre vektu van Pathian, kan nun mawlmang takah hian thu i sawi thin avangin lawmthu ka hrilh a che Hlauhna leh rinhlelhna hmunah pawh Mari anga ‘aw’ ti ve zel thei turin min pui la Kan kawng tur a fiah loh chang pawhin i thutiam ngaihlutu rinna chu keimahniah than tir ang che. Kan inhlanna hi i ropuina atan ni rawh se. Amen.
Maleleko Munkombwe
I hriatthiam loh hunah
Luka 1:26-38, Isaia 55:8-9, Habakkuka 1:5
Mihring kan nih avang hian a chang chuan
Pathianin a tih theih te hi tlem taa hriatna te kan lo nei a, a hnathawh chiang tak te pawh kan hmuh hmaihin a thiltihtheihna leh a awmpuina te pawh hi kan lo hrefiah lo leh thin. Kan tum reng vang ni lovin amaha kan beiseina te hi a lo tla hniam fo thin. A thilmak tih te thlir nachang kan hre lova, tawngtai chhannaah pawh lawm nachang te hre lovin thil danglam min tih sak te pawh kan thlir liam leh mai thin a ni.
Amaherawhchu, kan ngaihtuahna han pe deuh ila chuan kan nitin nuna Pathian chetna zawng zawng te hi kan hmu thei ang Khawi atanga lo kal nge kan hriat loh kan mamawh lo thleng te, beisei loh tak nen kan intawna hun duhawm tak kan hman chang te, kan ni hmana fiahna leh thlamuanna kan chan te, a ngaihna kan hriat loh chinfel saka kan awm te hian Pathian chu a rinawmin a hnai reng a kan nunah a inrawlh reng a ni tih an va tichiang si em
Mari chanchin kan ngaihven em em lai hian hei hi hrilh nawnin kan va awm nasa em –Pathian chuan thil mawl tê pawh thil danglam leh ropui tak tihna hmanruaah a hmang duh a, tin, kan hriatfiah lohah pawh rinnaa amah chhang let thin turin min sawm bawk
Kan rinna chu ruahmanna tha leh felfaia nghat lova Mari anga min kotu chunga rinna nghat zawk turin min sawm bawk a ni
Pathianin khawvel chhandamna hna a thawhna tur atana chanvo pawimawh tak chelh turin hmeichhe mawlte tawnhriat pawh nei lo a thlang a Mari kha mithiam emaw hotu emaw pawh a ni lova Mi thiltithei emaw mi hausa emaw pawh a ni hek lo. Pathian erawh chuan duhsak taka amah chu thlirin thil danglam tak atan a ko a ni
Advent kan hman mek lai hian, Pathian ropuina leh chakna hre thar lehin a makna leh a danglamna te fak ang u. Pathian chuan kan nawmna hmun chauhva awm reng lova hmun danglamah pawh amah zui tur leh a chakna leh a ropuina lantir turin min kova Amah min kotu chu Pathian mak a nih zia hriaiin a thiltihtheihna nasa tak kha hrereng ila thil mai mai anga kan ngaihte pawh thilmak tih nan a hmang duh tih kha i hmuh hmaih lovang u
Nitina a awmpui zia che hrethiam turin Lalpa hnenah mit var neih dil la. Beisei loh leh hriilhfiah theih loh te chu zawng la. ‘Engtin nge a nih theih?’ tiin rinna in zawhna zawt ang che.
Lalpa, I makna ka hmuh hmaih chang te, thiltihtheihna nen ka tan bik tak pawh a hna min thawh sak tura beisei nachang che ka hriat loh chang a awm thin tih hriaiin i ngaihdamna ka rawn dil e. Nitina min chenpuina hmufiah zel turin min pui la, ka hriatthiam loh thilah pawh nangmah thlir a ring tlat tur che in ka thinlung min siam that ang che. Amen.
I hriatthiam loh hunah
Luka 1:26-38, Sam 40, Thufingte 3:5-6
‘I thinlung zawng zawngun Lalpa ring la, Nangma hriatnaah innghat suh; I kawng zawng zawngah amah hre reng la, I kawngte chu a kawhhmuh zel ang che. ’ – Proverbs 3:5-6
Hriat fiah mai theih a nih loh chang pawha amaha rinna nghat mai tura sawm tu che kan Pathian van ami awmpuinaah che chuan chawl mai turin vawiin hian kan duh che a ni Thil fiah zawk phut thinna khawvelah cheng tawh mahila Pathian chuan amaha inhlan ral turin a ko che. Vawiin hian hahchawl la, hriatfiah kilh kelh i chakna te kha paih bo la hmangaihtu Pathian rinawm chenchilh reng naah chuan lut zawk ang che
Advent chanchin hi thil mak tak te, ngawih tlatna te leh nghah ngawt ngawt na chanchin te a ni hlawm a. Ngawihna hmunah Lalpan thu a sawi fo. Pathian hmaa ngawi renga awmna hun lo insiam la. Thu sawi lovin sawi tur pawh ngaihtuah lovin amah chu ngaithla tawp ang che. Tichuan he hun hi, ‘Hrethiam vek thin lo mahila ka ring tawp che,’ tih thu Lalpa hnena i puanna lantirna a lo ni dawn a ni.
Ka Pa, ka nihna ang ang a i hnena kal mai tura min sawm avangin ka lawm e Keima hriatnaa innghat lova i finna leh hmangaihnaa chawl zawk turin min pui ang che. Amen.
A man i pek a ngaih hunah
Matthaia 1:18-25
Josefa chuan Mari kalsan nachhan tur tam tak a nei. A thlirna atang chuan inphatsanna a ni A nupui hual chuan a ma fa ni lo a pai a ni Ngawi renga bansan a tum mek reng a(Matthaia 1:9), amah leh Mari zahawmna humhim a nih nan ngawi renga kalsan a tum a ni. Nimahsela, Pathian a rawn inrawlh ta
Zan reh takah chuan Vantirhkohvin ‘Hlau suh’ tih thuchah a rawn thlen ta. Mari chanchin hi hmingchhiatna ni lovin remruatna thianghlim a ni zawk Tuman an la hmuh ngai loh angin Lalpan hna a thawk a ni Josefa chuan thutlukna siam tur a nei ta
A rinna chu rilru chhungril lam mai ami a ni lova hriatfiah tur awm si lohna hmuna thuawihna nasa tak a ni
jA hma lam hun chu hlauhna kutah a hlan duh lova. A man pek a ngaihna hmunah leh a tana awmze awm awma lang lo dinhmunah pawh Pathianin ti tura a tih lam chu a pan tawp mai a ni
A chang chuan Pathian zui hi midang ngaihdan nawr liamna te pawh hi alo ni thin Kan nuam tihna hmun emaw kan zahawmna hial pawh hlan ral a ngai thin Josefa chanchin hian rinna chu pawm mai na aia nasa a nih zia min hrilh nawn awn awn a ni Rinna thiltiha lantirna a ni A man kan pek a ngaih hun pawh a Pathian kawng kan thlan zelna hi a ni
I nawmna aia thuawihna thlang tura Lalpan a tih hun che i tawng tawh em? Mite pawn mak an tih huna Lalpa zui tlat hi eng nge a an ang?
Lalpa, ri bengchheng tam tak karah hian i aw min hriattir rawh A man pek a ngai a nih pawha i hnung zui tlat turin min pui ang che. Amen.
Matthaia 1:18-25, Isaia 30:21, Deuteronomy 31:6
Pathianin Josefa kha thil awlsam ti turin a ti lova thil dik ti turin a ti zawk
Mi en hrek hrek tawk turin Mari chu kalsan
lova a nupui atana nei tura hrilh a ni. Mite hriatthiam loh kawng zawh a Pathian thiltum puitlin tura thupek a ni A nun nawmna aia thuawihna thlang turin, nawmna aia huaisenna kawng zawh turin
Lalpan a kova. Chutianga a tih avang chuan thawnthu ropui bera a changtu pawimawh tak a lo ni ta a ni
Khang hunlaia an hnam dan atanga thlir chuan Josefan Mari a nei ta mai kha thil
atthlâk em em mai niin Josefa chuan mi chaklo, mahni zahawmna humhim nachang hre lo leh a hma hun ngaihtuah nachang pawh hre lo nihna a chang a ni
Nimahsela Josefa chuan chhûn enga mite sawi sep ai chuan zan reha Lalpan a hnena a sawi kha a awih zawk a ni.
A chang chuan thil tih chakawm miah lo te pawh Lalpan ti tura min tih chang a awm Ngawih mai a awlsam zawk chang te, mite tanpuitu ni tura min tih hun te. Kan hmangaihte ti beidawng hial khawp a thudik tan tura min nawr hun te Sum harsat lai taka thilphal a tul tlat hun te Hlauhna chuan mahni himna min zawn tir a Rinna erawh chuan thuawih taka ke pen turin min ko.
Isua hnungzui hi a harsat em em hun leh a tlawm thlak hle a a lan chang a awm Kan duh reng vang ni lova Thlarau min nawrna leh ngilnei taka min sawmna hnar theih loh avanga kan chet chhuah hun a awm châwk Josefa chanchin atang hian Pathianin min awmpui a tiam tlat tih hre reng chungin dinhmunin a zir loh ber hun pawha a thuawih tute Lalpan a chawimawi dan hi hre thar leh ang u.
I nunah khan Lalpan ngawih a tha zawka i hriat huna thusawi tura a tih hun che a awm em, midangte kal lohna hmuna kal turte emaw miten an en hrek hrekna tur che thil ti tura a hrilh hun che a thleng tawh em?
Ka Pa Pathian, nang chuan hun harsa leh fiahna hmunah te min hruai thin a A man pek a ngaihna hmun leh hmun hreawm ah pawh i hnungzui zel turin huaisenna min pe ang che Amen
A man i pek a ngaih hunah
Matthaia 1:18-25, Hebrai 10:23
JJosefa chu Israel Pathian ringtu a ni a. Ringtuah pawh dân hrechiang a a thu dawn pawimawh zia pawh hrethiamtu a ni ngei ang Innei tura thuthlung an siam tawh hnu an la inneih hma siin Mari chu a rai a Khang hunlai khan hmeichhia pasal neih hmaa rai chu dân chuan lunga den hlum tur a ti a ni Josefa chuan chu chu a hrechiang hle a ni
Hlauhna chuan Josefa chu a man ve a ni ngei ang. Rorelna te, lunghnur emaw mualpho te a hlau a ni ngei ang Mari chu ngawi renga bansan turin thutlukna a siam a ni Nimahse Pathian thuchah kengtuin a hnen a rawn thleng ta tlat mai a
Friedrich Nietzsche, German philosopher chuan chûng ang thutlukna, dik zawk leh awmze nei zawk anga lang chu nihna thununna atan leh thil tha lo pumpelhna atana siam a ni thin a ti Pathian hretu tan erawh chuan chet dan dik leh diklo thliarna Pathian atanga thilpek kan dawn leh amah kan hriatna atang zelin a lo kal a ni
Martin Luther King thusawi mar deuhah chuan, ‘Huaisenna chu hlauhna hneh tura thinlung thiltihtheihna a ni,’ a ti a A dik hle mai Mahse he huaisenna hi khawi atanga lo kal nge? Hmangaihna a kan tana Pathian inpumpekna hrechiangtu te chakna chu Pathian hnen ami a ni. Josefa chuan a manga hrilha a awm angin Thlarau Thianghlimin Mari a pek naute chu Pathian Fapa a ni tih a ring a ni Rinnaa inthuamin Josefa chuan rinna chu hlauhna a hneh tir ta a ni.
Hekna leh tawrhna hmunah pawh Pathian chuan a mite chu fuih leh tih chak a duh reng a ni A thute chu beiseina leh chakna hnar a ni a. Josefan Pathian thu a awih chiah khan a hlauhna te chu a lo bo ta a ni. Pathiana kan rinna nghat tlat chunga kan nun chhuah pui hian hlauhna te chuan min kian san thin reng a ni
Krismas hunpui kan hman chhoh mek lai hian, Chhandamtu Isua kan rinna a zarah Pathian chuan hlauhna te hneh turin mitin te min tanpui mawlh rawh se
I nuna hun harsa leh khirh tak te a lo thlen chang hian engtin nge i lo hmachhawn thin? I hlauhthawnna te kha i inthunun tir nge i rinnaah chuan chakna leh hruaitu i zawng zawk? Vawiinah hian Pathian chakna zawng turin eng nge i mamawh?
Aw Lalpa, ka nuna harsatna lo thleng te avanga hlauhna hmachhawn tur hian ka ring tawk che a Nangmah rinna kaltlanga ka hlauhna te hneh turin min pui ang che Amen
Major Roy Samuel
Matthaia 1:18-25, Hebrai 11:7-8 & 24-27, 2 Samuela 6:14-22
Josefa chuan a ngaihdan aiin thuawih a thlang. Mite ngaiha tha a nih vanga Mari kha nei a ni lova Pathian aw a rinna avang zawkin a nei ta a ni
Tin, malin a awm lo
Van a thian kak laiin Noa chuan lawng a tuk a. Mosia chu dang awk chung leh mite hriat chak loh thusawi turin Aiguptaah a let a Midangin an nuihzat lai pawhin Davida chu Pathian hmaah hlim takin a lam Pathian ring tlattu te chuan mite hmaa a taka lan pawh hi a huam reng mai a ni.
Mite ngaihdan a ni lovang tih hlauhna hi thil awm tak a ni. Hlauhna hi Pathian kohna ‘aw’ ti a kan chhanna tur lak a ta hi min ngawih tir leh min khap beha zeng ang maia che thei lova min awm tirtu a ni thei tak tak a ni Nimahsela, rinna chuan mite remtihpuina a zawng ngai lo Mite laka hranna emaw hriatthiam loh hlawhna emaw mite pela kal ngai pawh nise rinna chu huaisen takin a che chhuak mai thin
Josefa tan chuan a zahawmna leh khawtlanga a dinhmun ai chuan a Pathian vana mi zah leh duh leh rin chu a pawimawh zawk a ni I thuawihna kaltlang khan eng ang chanchin nge Lalpan a ziah ve ang le?
Mite ngaihdan i dah pawimawhnain Lalpa kohna ‘aw’ tia i chhanna tur a dang tawh che em? Pathian aw ngaipawimawh ber ta la eng nge danglam ang?
Lalpa, mite ngaihdan aia i aw ngaipawimawh zawk turin min pui ang che Miten min hriatthiam loh ka hlauh chang pawhin Josefa anga i thuawih tlattu ni turin huaisenna min pe la I aw chu min hruaitu ni rawh se Amen
A man i pek a ngaih hunah
Matthaia 1:18-25, Isaia 41:10
Ram danga pem chu kan bungrua thun fel mai a ni lova, ka nihna pakhat kalsan ka ang zawk Hriat ngai mi reng awm lohna hmunah zirna ka tan that a ngai a Lanchhuah tir lem lo mahila hlauhna in min man a ni. Thian thar siam te hi alo har em em a, ka tlangnelna hmun leh him nia ka inhriatna hmunah khan kir leh ka chak rum rum thin
Chung hun ka tawn lai chuan Matthaia 1:18-25 thua kan hmuh angin Mari a rai tih a hriat a Josefa nun lo inthlakdanglam vek kha min hriat chhuah tir a Keimah ang bawk khan a hlauvin a hamhaih a ni Mahse tlanchhe daih lovin Lalpa a ring a ni Chang 24 ah, ‘Tichuan, Josefa chu a muhil a tho va, Lalpa vanrirhkohvin a hnena thu a pek ang chuan a ti a,’ tih kan hmu a
He thu hian min deng dawt mai a. Josefa chuan a thinlunga zawhna tam tak chhanna a mamawh lo, a mamawh chu rinna a ni
Insawn ka ngaih nachhan hi hrethiam lo mah ila Lalpa rin mai chu a tha zawk angem tih zawhna hi ka inzawh phah ta a Isaia 41:10 thu a inziak, ‘ Hlau suh u, kei in hnenah ka awm si a; mangang suh u, kei in Pathian ka ni si a,’ tih hi ka hrechhuak leh bawk a. Hmun tharah pawh chuan Lalpan min awmpui zel tih chu ka lo hrechhuak leh ta a Tichuan thil hotea langah Lalpa hmel ka hmu thiam tan ta a: ka zirpui fel takte ah te, Biakina hlim hmel min lo hmuhtuah te leh min ngaihtuah em em tu zirtirtute hmelah te.
Tunah chuan heng hun danglam hi ka chanchin peng Lalpan a ziah mek a ni tih ka lo hmufiah ta a ni
Tuna i nunah khan bei theih loh riauna lai i nei em? Pathian hnenah tlang takin han thlen chhin teh. ‘Rinna hi eng ang nge?’ tih zawhna hi lo in zawt bawk la. I hma hun chiang lo riau ah pawh Lalpaa i rinna i nghah zia ti lang thei tawngtaina tawi te lo ziak chhuak bawk ang che.
Min hmangaihtu Lalpa, thil alo danglam chang hian hlauhna ten ka khat thin Josefa anga nangmah ring tlat turin min pui rawh aw. Khawiah pawh awm ila malin ka awm lova min awmpui reng a ni tih hi min hriattir zel ang che Thian tharte leh ka bula mi tha tak tak awmte avang hian lawmthu ka hrilh che a, hun remchang leh thanna tur kawng min siam sak te avang pawhin ka lawm e. Ka ke pen tin hi rinna nena pen turin min pui ang che, Isua hmingin ka dil e, Amen
Mandy Ambitan
A man i pek a ngaih hunah
Matthaia 1:18-25, Isaia 43:1-2
Hun reilote chhungin Josefa khawvel chu a inher danglam a. Thu tlemte avangin Mari nena an hmalam hun atana a lo suangtuah zawng zawngte chu a danglam zo ta a Chuvang chuan tu tan pawha tha ber tura a hriat angin ruahmanna a siam ta tawp mai a: an inlaichinna ngawi renga bansan chu a tum ta a. Mahse Josefa chuan ala hmu thiam lo naa he chhungkaw din tum kehchhe leh mek si te tan hian inneihna leh fanau malsawmna chu Pathian thil tum a ni si. Josefa chu Lalpan a mang lamah a mamawh tak a rawn thlen ta a- a hma hun tur nemnghehsakna leh hmalama ke pen tura huaisenna chu
Josefan thu a awih avang khan khami huna a dinhmun kha a tih danglam phah lo tih hi lo chhinchhiah ila. Mite sawi sep a reh mai lova, rinhlelhna leh hriatthiam lohna in ala tuam reng a, hnual rawihna leh inlaichinna chhe mek pawh ala awm reng ‘Aw’ ti a Lalpa a chhanna chuan hreawmna leh tawrhna ata a hruai chhuak chuang lova mahse Pathian awmpuina thûk zawk erawh a chang thung a ni
‘Aw’ ti a Lalpa aw kan chhanna hian kan dinhmun her danglamin kan buaina te a su kiang kher ngai lo, mahse thil engkim hmufiah zawktu hnenah min hnuk hnaiin amahah innghahna thuk zawkah min hruai lut a ni
Josefa ang hian kan ruahmanna a kal sual hunte, hriatthiam lohna kan tawh chang te, mite ngaihdan a pel ang tih kan hlauh chang te leh beidawnnain min bual changte kan tawng ve ngei ang. Chung hunah chuan a chinfelna zawnga kawng fel leh him zawk nia kan hriatte zawn chhuah kan tum maithei a ni Heng hun tak mai hlauhna leh rinna inbuk tawna a awm lai, inpekna nge tha ang inthununna tih vela rilru buaina a awm hunlai tak mai hian Pathian chuan amah ring nasa lehzual turin min sawm a ni
Josefa chanchin hian kawng a awlsam zawk dawn avanga thuawih kan ni lo tih min hrilh nawn a. Thu kan awih nachhan chu hlauhna aia chiang zawk leh kawng rualrem lova kawng tluang tiamtu thutiam kan dawn chu thutiam dik tak a nih zawk avangin a ni
Pathian chu kan hnenah a awm.
A man tam tak pek ngaia a lanna hmunah Lalpan amah ring mai turin a hrilh tawh che em? Vawiinah hian rinnaa ke pen zelna chuan khawi nge min thlen ang?
Aw Pathian, ka nuna awm reng i tiam avangin ka lawm e I kohna ‘aw’ tia ka chhanna che hian inpekna thûk tak keng tel mahse chung chu i phu reng a ni tih min hriat nawn tir zel la Kan kawng tur a chian lohna hmunah pawh nangmah ring turin min pui la, thlamuanna chu rahchhuah lo lang turah ni lovin i awmpuinaah zawk a awm tih min hriat nawn tir fo vang che. Amen.
A man i pek a ngaih hunah
Matthaia 1:18-25, Isaia 40:31
Tunkar hun chu alo zo leh dawn ta a, thawk han la te te la. Tunkar chhunga bengchheng te,buaina te, i rilru ti tawt tu te, hmalakna tur tam tak te atang khan kal kiangin chawl tawh ta che Vawiin hian Kan Pa vana mi chenpuinaah chuan chawl turin kan sawm che a ni Ani chu a man i pek a ngaih chang pawha amah ring tlat tura sawmtu che kha a ni
Advent hi nghaktu kan nih hunlai a ni. Nghahna satliah erawh a ni lova lo thlir lawkna thianghlim niin beiseina lam kan pan a ni. Pathianin a phenah, ngawi rengin, a hun ala thlen hma siin hna a thawk reng a ni tih ring chunga kan lo nghah hunlai a ni
Immanuela chu ‘kan hnena Pathian awm’ tihna a nih zia ringin chu thutakah chuan lo chawl ta che Amah chu a hnai reng a Kan tan a rinawm a Kan tan a tawk em em a ni
Channa nasa tak nia langah khan Pathianin eng thilah nge amah ring tura a tih che? A hmaa ngawi renga awmna hun vawiin hian lo insiam la. Chumi hmunah chuan Pathian chu tawk tur che in sawm la. A thlamuanna chang ang che. I thinlung chu a huaisennaa thuamin awm se la. Chutia Lalpa i ngaihthlak lai chuan kar thar lo awm tura rinna kawng zawh tura a tih che ni a i hriat kha han ziak chhuak la, chumi tur chuan chakna dil bawk ang che.
Lalpa, I thuawiha I kawng a tha ber tih ringtu Josefa chanchin avang hian lawmthu ka hrilh a che. Ka chan turte thlira hlau mai lova nagmah rin thlang zawktu ni ve turin min pui ang che Isua lokal hun tur nghaka ka awm pek lai hian min thlamuanin min awmpui la. Ka thlarau min siam thar sak la, rinnaa ke pen tur leh i lam hawi tlat turin min pui ang che Amen
Berâmvêngtutechu
Hlauhnahmuna
