టోనీ అలామో క్ టి యన్ మినిస్ ట్ రీస్ రి స్ నూతన యెరూషలేము
పాస్టర్ టోనీ అలామో
అంతర్జాతీయ సమాచారపత్రం
ప్రపంచవ్యాప్త సంఘములు సంచిక 22400
అలామో క్రిస్టియన్ నేషన్
దూతలు ై లంగిక సంబంధాలను కలిగి ఉంటాయా? టోనీ అలామో
“నరులు భూమిమీద విస్తరింప నారంభించిన తరువాత కుమార్తెలు వారికి పుట్టినప్పుడు, దేవుని కుమారులు (దేవుని దూతలు ఎప్పటికీ ‘దేవుని కుమారులు’ గా పిలువబడలేదు. దేవుని వాక్యం [క్రీస్తు]లో విశ్వసించేవారే దేవుని కుమారులు. ఈ పదబంధము సేతు కుమారులను సూచిస్తుంది. హేబేలు దేవునిని విశ్వసించినట్లు సేతు కూడా విశ్వసించాడు.1) నరుల కుమార్తెలు (ఈ కుమార్తెలు కయీను అనగా ఆదాము యొక్క అదైవిక కుమారుని సంతానము) చక్కని వారని చూచి వారందరిలో తమ మనస్సుకు నచ్చిన స్త్రీలను వివాహము చేసికొనిరి” (ఆదికాండము 6:1-2). దేవుని బిడ్డలు అదైవిక బిడ్డలను, అనగా దుష్టత్వపు బిడ్డలను వివాహము చేసుకోవటాన్ని దేవుడు నిషేదిస్తారు.2 పాస్టర్ టోనీ అలామో 1986లో తీసిన ఫొటో
దూతలకు జననావయవాలు ఉండవు.3 మార్కు 12:25 లో యేసు అలాగున చెప్పారు. దూతలను “కుమారులుగా” దేవుడు ఎప్పటికీ పిలువలేదు. “ఏలయనగా ‘నీవు నా కుమారుడవు, నేను నేడు నిన్ను కనియున్నాను’ అనియు, ఇదియుగాక, ‘నేను ఆయనకు తండ్రినై యుందును, ఆయన నాకు కుమారుడై యుండును’ అనియు ఆ దూతలలో ఎవనితోనైన ఎప్పుడైనను ఆయన (దేవుడు) చెప్పెనా? మరియు ఆయన భూలోకమునకు జ్యేష్టపుత్రుని (ఆయన “జ్యేష్ట” అని చెప్పారు, దానికర్థం దత్తతలో అనేకులైన ఇతరులుంటారు – మనం) మరల రప్పించినప్పుడు దేవుని దూతలందరు ఆయనకు (అద్వితీయకుమారుడైన యేసు) నమస్కారము చేయవలెనని చెప్పుచున్నాడు. ‘తన దూతలను (ఆత్మలుగా) వాయువులుగాను, తన సేవకులను (పరిచారకులను) అగ్నిజ్వాలలుగాను చేసికొనువాడు’ అని
తన దూతలను గూర్చి చెప్పుచున్నాడు గాని తన కుమారుని గూర్చియైతే, ‘దేవా, నీ సింహాసనము నిరంతరము నిలుచునది; నీ రాజదండము న్యాయార్థమయినది’ … అయితే, ‘నేను నీ శత్రువులను నీ పాదములకు పాదపీఠముగా చేయువరకు నా కుడిపార్శ్వమున కూర్చుండుము’ అని దూతలలో ఎవనిని గూర్చియైన యెప్పుడైనను ఆయన (దేవుడు) చెప్పెనా? వీరందరూ రక్షణయను స్వాస్థ్యము పొందబోవువారికి (మనం, దేవుని దత్తపుత్రులము) పరిచారము చేయుటకై పంపబడిన ఆత్మలైన దూతలు కారా?” (హెబ్రీయులకు 1:5-8, 13-14). ఇప్పుడు, “దూతలకు లింగ అవయవాలు లేవనే” విషయానికి తిరిగి వెళ్తూ – మీకు తెలియాల్సిందేమిటంటే మనం కూడా పరలోకానికి వెళ్లినపుడు మనకి కూడా లింగ అవయవాలు ఉండవు. దేవదూతలు నరుల కుమార్తెల (మానవ స్త్రీలు)తో సంబంధం కల్గియున్నందు వలన మహాకాయుల వంటి జాతి ఉద్భవించిందని చెప్పే కొంతమంది అబద్ధ బోధకులను మీరు గుర్తించడానికి ఈ విషయాన్ని నేను మీకు బోధిస్తున్నాను. మరల చెప్పేదేమిటంటే, దేవుడు
దూతలను “కుమారులు” గా ఎన్నటికీ పిలువలేదు. ఇది అబద్ధపు బోధ. రెండవ కొరింథీ పత్రిక 6:14-18 మనకు చెప్తుంది, “మీరు అవిశ్వాసులతో జోడుగా ఉండకుడి. నీతికి దుర్ణీతితో ఏమి సాంగత్యము? వెలుగునకు చీకటితో ఏమి పొత్తు? క్రీస్తునకు బెలియాలు (అపవాదియైన బయల్జెబేలు)తో ఏమి సంబంధము? అవిశ్వాసితో విశ్వాసికి పాలెక్కడిది? దేవుని ఆలయమునకు (మనకు) విగ్రహములతో ఏమి పొందిక? మనము జీవముగల దేవుని ఆలయమై యున్నాము; అందుకు దేవుడీలాగు సెలవిచ్చుచున్నాడు. ‘నేను వారిలో నివసించి సంచరింతును, నేను వారి దేవుడనై యుందును వారు నా ప్రజలై యుందురు. కావున మీరు వారి మధ్య నుండి బయలువెడలి ప్రత్యేకముగా ఉండుడి; అపవిత్రమైన దానిని ముట్టకూడదని ప్రభువు చెప్పుచున్నాడు. మరియు నేను మిమ్మును చేర్చుకొందును; మీకు తండ్రినై యుందును, మీరు నాకు కుమారులును, కుమార్తెలునై యుందురు’ అని (దూతలు కాదు) సర్వశక్తిగల ప్రభువు చెప్పుచున్నాడు.”4
(తరువాయి 2వ పేజీలో)
1 ఆదికాం డము 4:25-26 2 నిర్గమకాండము 34:12-16, లేవియాకాండము 20:26, ద్వితియోపదేశకాండము 7:1-6, ఎజ్రా 9:1-2, 10-15, 10:10-11, నెహెమ్యా 13:23-27, మలాకీ 2:11, 1 కొరింథీయులకు 7:39, 2 కొరింథీయులకు 6:14-18, ఎఫెసీయులకు 5:11 3 మత్తయి సువార్త 22:29-30, మార్కు సువార్త 12:24-25, లూకా సువార్త 20:34-36 4 యిర్మీయా 31:31-34, 1 కొరింథీయులకు 6:19-20, ఎఫెసీయులకు 2:21-22, తీతుకు 2:11-14, హెబ్రీయులకు 8:8-12
1