ИНФОРМАТОР, ОГЛАШКИ, ИНТЕРМЕЦО
2. 5 и н а м и р от е м й а с м ски д а с о в о Н На
ГЛАСНЇК ПО РУСКИ
„ЛОРИСТ”
РОК LXXV ЧИСЛО 41 (3858) НОВИ САД, 11. ОКТОБЕР 2019.
■ ШКОЛЯРСКИ СТИПЕНДИЇ
НАЦИОНАЛНОГО СОВИТУ
У проєкту идентификованя особох и подїйох зоз склєняних плочох фотоґрафох Будински зоз Руского Керестура, котру орґанизує Завод за културу войводянских Руснацох (ВР), а котри уж длугши час обявйовани на остатнїм боку новинох „Руске слово”, потребна векша помоц ширшей явносци. Велї од обявених фотоґрафийох уж идентификовани, алє о даєдних потераз зазначене барз мало податки. На Фейсбук боку Заводу за културу ВР до окремного албуму положени тоти фотоґрафиї, та ше модлї шицких котри дацо знаю о особох, подїйох,
Фотоґрафия: 0135P
Фотоґрафия: 0697P-B1279 14
ОГЛЯДНУЦЕ НА ПРЕШЛОСЦ
Фото: В. Вуячич
Фото: Оля Русковски
ЦЕНА 30 ДИНАРИ
часу, обставинох, обичайох, облєчиве и инши податки хтори вязани за тоти фотоґрафиї же би ше явели. Явиц ше мож прейґ порученя на Фейсбуку або коментару на фотоґрафиї, на имейл zavod.rusini@gmail.com лєбо на телефон 021/548-421. Кажда информация значна. Дзекуюци фотоґрафийом хтори настали у фотоґрафскей роботнї Будинскових, а котри диґитализовани на склєняних плочох, зачува ше шведоченє о живоце людзох и подїйох и велїх податкох цо припадаю културно-историйному скарбу Руснацох на тих просторох.
■ ДЗЕЦИНСКИ ТИДЗЕНЬ
СТАНОВИСКА ЧЛЕНОХ НАЦИОНАЛНОГО СОВИТУ РУСНАЦОХ
ОБРАЦИЦ ШЕ ҐУ НОВИМ ЖРИДЛОМ ФИНАНСОВАНЯ Пише: Борислав САКАЧ, предсидатель Националного совиту Руснацох
Спатраюци потерашнї стан у финансованю порядней роботи
улога и робота националних совитох коло таких програмох Националного совиту рускей националней меншини, обачлї- круциялна, бо у терашнїм чаше то ткв. предприступни прови конзервативни приступ ришованю тей файти одвичатель- грами котри нам як держави кандидату понукаю безповратни носци. То потераз у пракси значело, у першим шоре, операнє средства за рижни дїялносци и обласци каждодньового живона домашнї финансийни жридла з боку републичних и покра- та, та и роботи националних совитох. Кед у датей хвильки Реїнских институцийох и орґанох локалней самоуправи котри публика Сербия постанє полноправни член ЕУ, така пракса то сполньовали поряднє уж роками. Медзитим, вкупни обсяг финансованя ше предлужує, лєм тоти програми и фонди вевитворених средствох стаґнує, або ше зменшує, а потреби и цей нє буду по своїм характеру предприступни, алє буду ставимоги рошню. Источасно ше критериюми за розподзельова- ємни и єдини жридла финансованя. Праве прето и формованє средствох пооштрую и до конца зужую, цо шицко вєдно не окремне Роботне цело Проєктни Биро у терашнїм зволаню приводзи функционованє Националного совиту до прикрей Националного совиту Руснацох, бо зме без тей файти активфинансийней ситуациї, котра окреме виражена у тим року, бо носци вецей нє годни функционовац. зме по нєшкайши дзень нє достали розпис финансийного Ту мож обачиц вецей файти програмох. Насампредз, таплану, а уж зме у остатнїм кварталу 2019. року! кволани окремни транснационални програми як цо то: Понеже цали час сотрудзуєме зоз Координацию национал- Ядранско-Йонска програма, Дунай, Horizon 2020, Cosme, них совитох, евидентни таки нєвигодни финансийни обста- Erasmus+, EaSI и велї други котри исную уж вецей децевини и при других заєднїцох, медзитим, вони ше у такей си- ниї, а розликую ше по своєй намени. Окрем тих, маме и туациї операю на свойо матични держави, рижни файти фи- програми прейґгранїчного сотруднїцтва котри ше одноша нансийней помоци и донациї котри им оможлївюю лагоднєй- на сотруднїцтво рижних правних субєктох зоз териториї АП Войводини, а облапяю сушедни ше ришованє вше векших потребох. Наш Совит нє у такей ситуациї, та Нєвигодни финансийни обставини и жеми: Горватску, Мадярску, Румупри других националних заєднїцох, нию и Болгарску. То такволани ше мушиме обрациц на други можлїви жридла финансийох, на ино- медзитим, вони ше у такей ситуациї IPARD и IPA II програми. Перши ше жемни ресурси. операю на свойо матични держави, одноши на прейґгранїчне сотруднїцТу сом препознал вецей можлївосци рижни файти финансийней помоци тво у польопривреди, а друге, зоз полну назву Interreg-IPA II CBC (Inкотри исную, а потераз су нєдосц вии донациї котри им оможлївюю terRegional – InstrumentforPre-Acхасновани: лагоднєйше ришованє вше векших sion II CrossBoarderCooperation), Наприклад, у бешеди зоз представ- потребох. Наш Национални совит ces ше одноши, медзи иншим, и на тунїками рижних амбасадох достал нє у такей ситуациї, та ше мушиме ризем и охраньованє културного насом информациї о можлївим сообрациц на други можлїви жридла шлїдства, дзе наш Национални сотруднїцтве на вецей уровньох, як цо финансийох, на иножемни ресурси вит, а и други правни нєпрофитни то обласци економиї, култури, обрасубєкти можу апликовац. Тоти прозованя и информованя, прето же кажда страна держава ма свойо аґенди котри запровадзує спрам грами ше планую на вецей роки тирваня, та, хронолоґидатих обставинох и жада сотруднїцтво. Медзитим, ту нам ча- йно патраци, почали зоз CARDS (2004–2007), потим IPA сто хибя потребни медзидержавни контракти без котрих ше (2007–2013), IPA II (2014–2020), а доґмало будзе IPA III таки сотруднїцтва нє можу цалком витвориц. Длугорочно па- (2021–2027). Финансийно патраци, тоти програми инветраци, то би було праве, квалитетне ришенє, но нажаль, ту стицийни и поєдинєчно су „чежки” по даскельо дзешатки, потребна обсяжна дипломатска робота котра вимага часу и та и стотки тисячи евра, дзе ЕУ обезпечує 85% средствох, ресурси зоз котрима ми углавном нє розполагаме. а 15% муши обезпечиц апликант. У АП Войводини исную Цо ше дотика иножемних ресурсох за финасованє и со- институциї котри нам можу ґарантовац и обезпечиц тих финансованє, окрем державох, ту зацикавени и мултина- 15% средствох, так же анї то нє представя вельки проционални компаниї як цо то Microsoft, котра понука ри- блем. Тиж так, конкурованє зоз проєктами на таких прожни вигодни програми потримовки и сотруднїцтва котри грамох нє завиши од медзидержавних контрактох и споше уж часточно и хасную у процесу образованя, а верим, розуменьох, бо тоти сушедни нам жеми, маю обовязку як же би и други таки компаниї могли допринєсц на свой члени ЕУ, то робиц и поволовац на розписани конкурси. способ и на взаємни хасен. Думам же у наиходзацим периодзе тота концепция додатноЦалком „нова” и нєвихаснована можлївосц, то сотруднїцтво го финансованя у значней мири допринєше злєпшаню робозоз Европску унию. Ту иснує концепт, так повесц, нєви- ти нашого Националного совиту Руснацох, на взагальни хачерпних програмох и фондох котри маме право хасновац, як сен нашого руского народу.■ Република Сербия, котра ище 2008. року подписала докуменСтановиска висловени у тим тексту виключно авторово и нє вше одражую ушорйовацку политику новинох „Руске слово” ти о приступаню ЕУ. У тей хвильки барз важне визначиц же
2 РУСКЕ СЛОВО
11. OКТОБЕР 2019.
ЗМИСТ
УВОДНЇК Пише: Иван САБА ДОШ, главни одвичательни редактор
■ Тижньовнїк 4–5. Стипендиї Националного совиту буду и того року
■ Нашо места 6. Совит МЗ Руски Керестур о купованю огньогасного камиона
■ Економия 10–12. У Новим Садзе отримани „Лорист”
■ Руске словечко 14–15. Нашо гвиздочки: Катарина Недич зоз Коцура
■ Култура и просвита 18–19. Копродукция РНТ „Петро Ризнич Дядя” и кулского РКУД „Др Гавриїл Костельник”
■ Мозаїк 20–21. Михаил Дудаш, авантурох и виволаньох
любитель
■ Людзе, роки, живот 24–25. Керестурски штири дзвони и „Яни”, пияти
■ Духовни живот 29. Преславени Кирбай у Петровцох
■ Информатор 30–34. Мали оглашки и In memoriam
■ Спорт 36–37. Резултати наших фодбалских клубох
■ Интермецо 38. Горуци тепши Насловни бок: Дзецински тидзень у Коцуре Авторка фотоґрафиї: Оля Русковски
РУСКИ СТИПЕНДИЇ Праве у Дзецинским тижню, достали зме розришенє велькей дилеми хтора, кед би єй розплєт бул иншаки, под знак питаня могла положиц и саму сущносц и есенцию отриманя и витворлївосци нашей меншинскей културней самоуправи. Як цо зме писали, у процесу пременкох законодавства у домену меншинских правох, и їх примени на дотерашнї пракси, якошик випадло же Национални совит, прейґ свойого Одбору за образованє, вецей нє будзе мац право додзельовац школярски стипендиї зоз буджетских приходох, алє лєм зоз власних финансийних средствох – хтори нє ма. Лєм одвичательни зоз Совиту, його Служби и Одбору за образованє знаю же як, алє тота одлука розпатрена ище раз, и претолковане же дотерашнї способ стипендованя може буц предлужени и далєй. Стипендованє школярох єдна з ридко конкретних и континуованих акцийох Националного совиту Руснацох. Запровадзує ше од школского 2011/12. року, потримовали ю и предлужовали шицки зволаня Совиту потераз, а з часом ше лєм звекшовала єй сума и обсяг. Стипендиї руским предшколцом, першокласнїком, ґимназиялцом и студентом висших рокох нашей Катедри єдна з найважнєйших и найвекших мирох, кед слово о популаризованю образованя на мацеринским язику. Мотивованє дзецох и родичох же би ше одлучели за руски оддзелєня, школи и студиранє, односно отримованє и звекшанє числа школярох у образовней системи по руски, источашнє и доказ и потвердзенє же вона потребна, оправдана и нєобходна. З другима словами, маме конєчни арґумент пред законодавательом лєбо финансиєром, односно державу, кед ше раз, дакеди, дахто, можебуц опита – Чи наисце без того нє можеце? У єдним моменту випатрало же нам тот арумент буд зе вибити з рукох. Чи пре уж узвичаєну колизию предписаньох, чи пре поверхове и паушалне їх толкованє, чи пре бирократ ске препущенє, анї нє такой таке важне. Важне лєм же з нашого боку реаґоване такой, а компетентна державна служба, Канцелария за людски и меншински права добре и одвичательно поробела свою роботу. Предписаня претолковани так же уважене сущне значенє стипендийох, а нашо школяре их годни достац и того року. Хто зна цо будзе нарок, лєбо можебуц уж по нєдзелї, лєбо наютре, алє голєм нєшка маме причину оддихнуц.
* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/VII, 21000 Нови Сад * Редакция: одвичательни редакторe/ки – Олена Планчак-Сакач, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Славица Фейса, Вероника Вуячич * новинаре/ки – Мария Афич, Влада Дїтко, Сандра Саламун, Андреа Медєши, Оля Русковски, Лидия Кухар * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-923244-82 * Девизни рахунок 160-0050870024999-53 * Рукописи ше нє враца * Друкує Друкарня ”Maxima graf” Петроварадин * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *
Директор др БОРИС ВАРҐА *** Главни одвичательни редактор ИВАН САБАДОШ
11. ОКТОБЕР 2019.
РУСКЕ СЛОВО 3
ТИЖНЬОВНЇК КАНЦЕЛАРИЯ ЗА ЛЮДСКИ И МЕНШИНСКИ ПРАВА ПОТРИМАЛА НАЦИОНАЛНИ СОВИТ РУСНАЦОХ
СТИПЕНДИЇ МОЖ ВИПЛАЦОВАЦ И ЗОЗ БУДЖЕТУ Пишу: Ан. МЕДЄШИ И. САБА ДОШ
На основи Правилнїка о додзельованю стимулацийох и наградох у форми стипендийох, Национални совит и того року будзе додзельовац стипендиї студентом, школяром и предшколским дзецом як помоц при школованю на мацеринским, руским язику. Стимулациї и награди ше будзе додзельовац єден школски рок як нєповратни средства, а сума за шицких школярох будзе 5 000 динари мешачно, односно 50 000 у школским 2019/2020. року
Н
а остатнєй схадзки Националного совиту Руснацох єдна з главних темох бул проблем хтори настал з административним толкованьом державних финансийних службох же вецейрочна пракса виплацованя школярских стипендийох з буджетских средствох Совиту вецей нє дошлєбодзена. По тим толкованю, Национални совит би стипендиї, хтори ше през роки указали як єден з найзначнєйших механїзмох потримовки образованю по руски, мушел виплацац виключно з власних средствох, хтори вон, заправо, нє ма. Медзи иншима мирами, як цо скорей ришиц тот акутни проблем, Совит вимагал и фахове думанє о тей нєвигодней одлуки, и штредком септембра зоз компетентней Канцелариї за людски и меншински права Влади Сербиї сцигла информация же средства хтори сцигую зоз буджета заш лєм мож хасновац як и потераз, односно за виплацованє стипендийох. – Нам найважнєйше же, як и у прешлих осем рокох, так и у тим року будземе мац можлївосц стипендовац школярох. Рочнє коло 1 250 000 динари у рамикох Одбору за образованє похаснуєме на стимулациї и стипендиї, а то сума пенєжу хтора ше дава од предшколского возросту по факултет. Сума пенєжу варира з рока на рок, у зависносци яке маме число дзецох, була и до милион и пол рочнє. У комуникациї зоз родичами, як и наставним кадром хтори заняти у школох у Керестуре, Коцуре и Дюрдьове, похопели зме же тоти стимулациї барз значни и зложели зме ше же ше треба остарац витвориц их и надалєй – гвари предсидатель Вивершного одбору Националного совиту Руснацох Желько Ковач. Причина прецо тота мира була положена под знак питаня найскорей останє у административней сфери, алє важаце толкованє Канцелариї будзе моцни арґумент кед ше така ситуация евентуално повтори. И КОНКРЕТНЕ И СИМВОЛИЧНЕ ЗНАЧЕНЄ Руски стипендиї ше виплацує по 5 000 динари мешачно у чаше школского року (10, односно 9 мешаци) дзецом у дзецинскей заградки у Коцуре и Дюрдьове, першей класи основней школи по руски у тих двох местох, ґимназиялцом першей класи на руским наставним язику у Керестуре и студентом трецого и штвартого року на Оддзелєню за русинистику Филозофского факултета у Новим Садзе. Треба надпомнуц же школяром першей класи у руским оддзелєню Ґимназиї, хтори нє зоз Руского Керестура, будзе виплацене и пребуванє у школским интернату. Кед слово о студентох, условия за стипендию исти як и за державни
4 РУСКЕ СЛОВО
стипендиї, алє ше медзисобно нє виключую, односно добри студенти их можу достац обидва. Предсидателька Одбору за образованє Мелания Римар тиж визначує позитивни ефект тих стипендийох хтори ше, окрем же су уж длугорочна континуована пракса, указали як єдна з наших найвекших афирмативних мирох у обласци образованя. – Треба повесц же потвердзованє права на виплацанє стипендийох вельки резултат Совиту и шицких актерох у нашим образованю, бо такой похопена озбильносц проблему и активно глєдане як ше го риши. Кед би нє було так, кед би ше стипендиї утаргло, могло би аж и поставиц питанє чи наша робота и културна самоуправа у обласци образованя маю смисла – прешвечена Мелания Римар, а за свойо становиско наводзи числени арґументи. Насампредз, школски стипендиї наменєни наисце конєчному хасновательови – дзецом, односно родичом, а їх мешачна сума, маюци на розуме финансийни можлївосци Националного совиту, наисце конкретне одлєгчанє у фамелийним буджету. Далєй, стипендиї ше додзелює у одлучуюцих точкох образовней вертикали – предшколске, перша класа, руска Ґимназия, закончуюци роки Катедри, и потвердзели ше як значни стимуланс кед школяре и родичи правя вибор ґу образованю по руски. На концу, ту и символичне значенє, понеже заєднїца указує же дзба о своїх дзецох. АКТУАЛНИ СТАН И ПЕРСПЕКТИВА Же би могло буц формоване оддзелєнє на руским наставним язику у першей класи, нєобходне же би було уписано найменєй пецеро дзеци. Того року попри Керестура и Коцура, руске оддзелєнє першей класи ознова маме и у 11. ОКТОБЕР 2019.
tiznjovnjik@ruskeslovo.com
Дюрдьове. У першей класи основних школох у Дюрдьове єст осмеро школяре, а у Коцуре ше сцеро. Школяре зоз обидвох школох поряднє до ставаю стипендиї. Перспектива за шлїдуюци рок така же у Дюрдьове у Пририхтуюцей предшколскей програми єст штверо дзеци, а у Коцуре их єст седмеро, алє ше родичи двох дзецох нє опред зелєли за руску класу. Попри других причинох, родичи як проблем визначую и пожнєнє учебнїкох, мед зитим, треба наглашиц же бриґу зоз учебнїками маю и други меншински народи, а пожня и дзепоєдни учебнїки по сербски.. У Ґимназиї „Петро Кузмякˮ у Руским Керестуре на руским наставним язику єст дзевецеро школяре, та шицки тоти школяре достаню и стипендиї, понеже по Правилнїку право на стимулацию маю перши дзешец школяре хтори по першираз уписани до першей класи Ґимназиї. За два школярки хтори нє зоз Керестура, Национални совит у першим року виплаци змесценє у интернату. Можлївосц стипендованя студентох тре-
ОВОДАРЦИ ДОСТАЛИ „РУСКИ ЯЗИК” Дзеци зоз предшколских, пририхтуюцих ґрупох у Руским Керестуре, Коцуре и Дюрдьове, прешлого тижня достали Роботни лїстки „Руски язик” хтори обезпечує Национални совит Руснацох, односно його Одбор за образованє, а подзелєл их предсидатель Вивершного одбору Националного совиту Желько Ковач. Окрем 37-ерих предшколских дзецох у Керестуре, Роботни лїстки достали и шесцеро предшколски дзеци у Коцуре и штверо у Дюрдьове. За шицки штерацец седем Роботни лїстки Одбор за образованє обезпечел 22 825 динари. Роботни лїстки „Руски язик”, авторкох Наталиї Зазуляк и Емилиї Костич, по одлуки Одбору за образованє Национални совит предшколским дзецом дарує од 2013. року.
цого и штвартого року на Оддзелєню за русинистику у Новим Садзе тиж постої, медзитим нажаль, того року на тим оддзелєню нєт студентох на трецим, лєм єден на штвартим року. – Задовольни зме же того року маме першу класу на руским наставним язику и у Дюрдьове и Коцуре и, вшелїяк, два оддзелєня першокласнїкох у Керестуре, прето и даваме тоти стимулациї, бо видзиме же то добра мотивация родичом. Но, нажаль, ясне нам же ситуация нє лєгка, бо дзеци єст вше менєй, а тот проблем зоз вше меншим числом школярох маю и други народи. Поведзме, у Дюрдьове скорей було штири оддзелєня на сербским наставним язику и єдно на руским – спадло на два оддзелєня по сербски и єдно по руски. У Коцуре було три оддзелєня на сербским наставним язику и єдно на руским, а спадло на два по сербски и єдно по руски. Вшелїяк же висельованє, асимилация, одход на роботу до иножемства причина такей статистики – заключує Ковач. Зоз шицкого спомнутого, видно же стипендиї Националного совиту, попри индивидуалного и фамелийного чувства и свидомосци о националним идентитету, медзи найзначнєйшима арґументами хтори стоя на драги тих ґлобалних негативних трендох.■ 11. OКTOБЕР 2019.
STANOVISKA Пише: Александар САВАНОВИЧ, новинар
„ЧЕСНИ” КРА ДОШЕ Нїґда сом нє роздумовал як ше по става крадош? Заправо, кед роздумам лєпше, вообще ше ридко интере суєм за „профе сиї” хтори ше нє пахаю зоз законом. Правда, у новинарскей роботи сом часто писал о рижних крадзох, лопченьох и гаматляньох з домену злоха сно ва ня уря до во го положе ня ко йд зе я ких ди ректор(чк)ох и функционер(чк)ох, алє сом ше нє барз стретал з тима „правима” толваями хтори себе муша сами направиц нагоду цошка змотац, а нє лєм вихасновац тото цо ше им понука на „най ше пачи”. Но, причина же сом конєчно и о нїх мушел почац штудирац – приватна. През викенд моєй супруги украднути бутеляр. Фамелийни буджет дожил нєобчековане вдеренє, а шицки ми у обисцу, а окреме директно очкодована, колективни стрес. Як наупрекосц, у бутєлару окрем даскельо червених було и „наменски средства” зоз стратеґийней пожички, порихтани за реґистрованє авта. Углавним, спричинєна чкода мултипликована. Ем пошли пенєжи, ем пожичене треба врациц, ем авто ище нє реґистровани... Дальши импликациї нє будзем начишльовац, алє, як нам идзе, за рок, найдалєй два, озда ше вицагнєме зоз кризи. Но, тераз кед моя ситуация елаборована, врацим ше на челєднїка, лєбо челєднїцу, хтори ю спричинєл. Чи оголєна безпенєжносц и бида, чи намира нашвидко и без роботи дойсц до пенєжу, чи можебуц потреба почувствовац вдеренє адрена лину кед ше роби цошка цо ше нє шме тот инициялни мотиватор прецо хтошка хпа руки до цуд зей кишенки, лєбо ташни? Да лєй, чи ше тота „робота” розликує од плаґированя докторатох, купованя дипломох, надуваня фактурох, наме сцаня тендерох? З тей нагоди, тримам страну „че сному” крадошови. Вон краднє од єдного, а гевти други од шицких нас. Кед го влапя, шлїдзи му гарешт, а чежко же му там горе спомнути буду цимере. Ту и питанє особного моралу. Кед, наприклад, на драже найдземе червену, цо подумаме перше? Мойо щесце, чи цудза бриґа пре страцену, можебуц дньову наднїцу? Можебуц и тот микроплан гутори кадзи цагаме и дзе припадаме, ґу шоровому швету, чи ґу гевтому другому? Спомнути бутєлар щешлїво найдзени у желєнїдлу нєдалєко од ме ста дзе є украднути. У нїм остали шицки документи, вжати лєм пенєж. И то нє шицок. Охабени 120 динари. Таман за городски превоз... Єдине цо сиґурне, же гранїца анї нє така ясна, анї нє така строга, та и медзи крадошами випатра єст „че сних”. Голєм медзи тима цо крадню надробно. Становиска висловени у тим тексту виключно авторово и нє вше одражую ушорйовацку политику новинох „Руске слово”
РУСКЕ СЛОВО 5
НАШО МЕСТА СХАДЗКА СОВИТУ МЕСНЕЙ ЗАЄДНЇЦИ РУСКИ КЕРЕСТУР
КУПИ ШЕ ОГНЬОГАСНИ КАМИОН На схадзки Совиту Месней заєднїци, пияток, 4. октобра, принєшена одлука о купованю огньогасного камиона, прилапене предкладанє Финансийного плану за 2020. рок, дати подробнєйши информациї о зогриваню спортскей гали, о преширйованю драги Руски Керестур – Крущич, а тиж предложени и список улїцох у Керестуре на хторих треба закончиц платанє дзирох
Н
а 12. схадзки Совиту МЗ зоз членами Добродзечного огньогасного дружтва (ДОД), члени Совиту принєсли одлуку о купованю огньогасного камиона за потреби валалу, а за хтори зоз добродзечних прилогох назберане 2,5 милиони динари, односно 1 400 000 динари од гражданох Руского Керестура, 600 000 од Општини Кула, и 3 500 евра (у девизох) од людзох зоз иножемства. На схадзки визначене же огньогасни камион ище муши прейсц одвитуюци ате сти Аґенциї за безпечносц у транспорту же би познєйше могол буц реґистровани як огньогасни камион. Як на схадзки визначел предсидатель Совиту МЗ Владимир Олеяр, у планє було увесц огньогасни камион зоз иножемства, понеже векшина огньогасних камионох хтори на предай у Сербиї стари коло 45 роки. Медзитим, понеже зоз иножемства нє мож увесц превозку без Евро 3 мотора же би ше ю могло реґистровац, а таки огньогасни камиони коштаю вельо вецей од суми назбераних средствох и маю лєм 3 500 литри води капацитету, одлучене же ше превозку заш лєм купи у Сербиї. За назберани 2,5 милиони динари, у иножемстве могло купиц лєм специялну наменску превозку, алє нє огньогасни камион, а понеже по конкурсу средства наменски, муши ше их потрошиц виключно за купованє огньогасного камиона. Камион кед прейдзе одвитуюци атести Аґенциї за безпечносц у транспорту, будзе купени у Беоґрадзе. Наглашене же таки камион зоз 2001. року и зоз 4 500 литри води будзе цалком достаточни за Руски Керестур. ДОД годно хасновац дотерашнї, стари камион
6 РУСКЕ СЛОВО
хтори ма капацитет 2 200 литри води и 45 роки, и нови зоз 4 500 литрами води стари 18 роки. НЄОДЛУГА И ЗОГРИВАНЄ НА ҐАЗ У СПОРТСКЕЙ ГАЛИ На схадзки принєшена и одлука о прилапйованю предкладаня Финансийного плану за 2020. рок, за хтори предвидзене 5 941 000 динари, а 1 200 000 динари предвидзени за ґаз за греянє у спортскей гали, хторе би требало нєодлуга и почац, такой по подписованю контракта. Медзитим пред тим як ше пущи ґаз, нєобходне намесциц радиятори, понеже, як гварели, пре дзеци хтори на нїх шедали, вони з часом звишени. РЕКОНСТРУКЦИЯ ДРАГИ КЕРЕСТУР – КРУЩИЧ По пиятей точки дньового шора, дати подробнєйши информациї о реконструкциї драги Руски Керестур – Крущич, хтора будзе преширена на стандардни шейсц метери, понеже драга нє ма достаточну ширину за преходзенє превозкох у обидвох напрямох. Явна набавка розписана, а кед хвиля допущи драга би требала буц закончена по Нови рок. На схадзки тиж спомнуте же дзири на калдермох у Керестуре, хтори були платани у септембру, пре нєдостаток средствох дочасово застановени, алє понеже явна набавка розписана, нєодлуга почнє закончованє нєпоплатаних дзирох. ■ Ан. Медєши 11. ОКТОБЕР 2019.
mesta@ruskeslovo.com
СХАДЗКА ПОКРАЇНСКЕЙ ВЛА ДИ
ОПШТИНИ ВЕРБАС 13,9 МИЛИОНИ ДИНАРИ ЗА ҐАЗИФИКАЦИЮ У Новим Саду, 2. октобра отримана схадзка Покраїнскей влади на котрей принєшени ришеня о розподзельованю средствох котри обезпечела Канцелария за управянє з явнима укладанями Влади Републики Сербиї, прейґ Програми обнови и унапредзованя обєктох явней намени у явней влсносци у обласци образованя, здравства и социялней защити. Клинїчни центер Войводини достал 547,5 милиони динари за реконструкцию и адаптацию обєкта Интерней клинїки у Новим Саду. Тиж, КЦВ достал согласносц и 213,9 милиони динари за реконструкцию заєднїцкого обєкту Клинїки за неурогирурґию, Клинїки за васкуларну и ендоваскуларну гирурґию и Клинїки за анестезию. За роботи на отримованю обєкту ОШ ,,Жарко Зренянинˮ у Ґосподїнцох Покраїнска влада видвоєла 25,8 милиони динари, а ОШ ,,Милица Стоядинович Српкиняˮ у Врднику за адаптацию закрица достала 4 милиони динари. За реконструкцию спортскей сали у Ґайдобри општина Бачка Паланка достала 17,4 милиони динари, а ґимназия
,,Йован Йованович Змайˮ у Новим Садзе 7 милиони динари за реализованє проєкту хаснованя ґеотермалней енерґиї за зогриванє и хладзенє. Општини Вербас додзелєне 13,9 милиони динари за ґазификацию Стреднєй фаховей школи ,,4. юлийˮ, ОШ ,,Светозар Милетичˮ и дзецинскей заградки ,,Полетарацˮ (ПУ ,,Бошко Бухаˮ). О. Р.
АРАНКА МЕДЄШИ ЗОЗ КОЦУРА НА ТРИБИНИ З НАГОДИ МЕДЗИНАРОДНОГО ДНЯ СТАРШИХ ОСОБОХ У БЕОҐРАДЗЕ
„СЕРБИЯ ЗА ШИЦКИ ҐЕНЕРАЦИЇ” З нагоди означованя Медзинародного дня старших особох, у Народней скупштини Републики Сербиї пондзелок, 30. септембра, була орґанизована трибина на тему ,,Сербия за шицки ґенерациї”. Трибина почала святочно зоз гимну ,,Боже правде” котру одшпивал хор ,,Смилє” зоз Дому Бежанийска коса, а потим бешедовали министер за роботу, занятосц, борецки и социялни питаня Влади Републики Сербиї Зоран Дьордєвич, як и о. д. директора Канцелариї за людски и меншински права Влади Републики Сербиї Сузана Паунович. – Старши людзе, углавним, жию сами. Од коло 450 тисячи ґаздовствох у котрих жию старши, вецей як половка то ґаздовства у котрих старша особа жиє сама. Лєм єдна трецина старших жиє у истим обисцу зоз своїма дзецми. Нє шмеме забуц на тот податок, нє шмеме забуц же осаменосц проблем зоз котрим ше старши людзе часто стретаю – гварела Паунович.
11. ОКТОБЕР 2019.
Вона тиж, визначела же тот Дзень старших нагода же би ше ище гласнєйше прегварело о правох старших особох котри у векшим проценту од вкупного жительства, як и же їх социялне положенє и злєпшованє способу живота то обовязка цалого дружтва, а Влада Сербиї пошвецена тому цилю. О положеню старших особох у Сербиї бешедовали и предсидателька Управного одбору Здруженя гражданох ,,Моц приятельства” – Amity Надежда Сатарич, представнїца старших женох зоз Коцура Аранка Медєши, педаґоґ у пензиї з Беоґраду Мирослав Маринкович и член Вивершного одбору Здруженя пензионерох општини Врачар у Беоґрадзе, Петар Трайкович. – Цо ше дотика живота на валалє, валал треба любиц, унапредзовац, ушорйовац, отримовац, алє и намагац ше модернизовац тото цо мож. А млади фамелиї треба же би роздумовали о векших фамелийох и вецей дзецох. Кед би нашо прабаби и прадїдове мали по єдно або двойо дзеци, нас би уж давно нє було. Старши людзе уж у примарней фамелиї здобули свидомосц же шицки муша раз остариц. Нє дай Боже кед би так нє було, вец бизме мушели помрец млади – гварела з тей нагоди Аранка Медєши. На трибини були старши зоз седем городох и општинох зоз Сербиї – з Нового Пазару, Убу, Трстенику, Бору, Краґуєвцу, Сримскей Митровици и зоз Коцура, як и гражданє з вецей беоґрадских општинох. Орґанизаторе тей трибини то Канцелария за людски и меншински права Влади Републики Сербиї у сотруднїцтве зоз компанию Color Media Communications. О. Р.
РУСКЕ СЛОВО 7
НАШО МЕСТА У РУСКИМ КЕРЕСТУРЕ У КАРИТАСУ
ЗАКОНЧЕНА УСПИШНА АКЦИЯ ЗА ШКОЛСКИ ПРИБОР Акция збераня средствох за школски прибор школяром цо го нє були у можлївосци набавиц, котру започали волонтере Каритасу на уровню керестурскей парохиї концом авґуста, тирвала по конєц септембра 2019. року и закончена є тих дньох. Акция була успишна и назберало ше средства за шеснацецеро дзеци, котрим уручени бони у одредзеней вредносци, а з котрима могли пойсц до кнїжкарнї „Линеаˮ и там их потрошиц. Назберало ше и досц половного прибору за школу, котри тиж подзелєни. Кед же дакому ище дацо хиби, може ше явиц волонтером Каритасу и кед єст потребни артикли мож их под зелїц. Ол. Ж.
ОЗНАЧЕНИ ШВЕТОВИ ДЗЕНЬ СТАРИХ У КУЛИ
У КУЛИ
ЄШЕНЬ ЖИВОТА З МЛА ДОСЦУ ПРЕТКАНА
НА ТЕМЕТОВЕ ПОШВЕЦЕНИ ОБНОВЕНИ КРИЖ
Першого дня октобра ше указує окремну увагу старшим особом, бо то Медзинародни дзень старших особох. У Доме за старих у Кули того дня отримана манифестация „Слунечна єшень животаˮ. Манифестацию з музичним наступом прикрашели школяре ОШ „Иса Баїчˮ котри и водзели програму. Хаснователє Дома за старих з Руского Керестура тиж були на манифестациї. Дом за старих у Кули нащивели и предсидатель општини Кула Дамян Милянич, його заменїк Кароль Валка и помоцнїк предсидателя Страхиня Паравина. З тей нагоди предсидатель општини Кула Милянич визначел же ше локална смоуправа намага обезпечиц цо лєпши условия за роботу и живот найстарших наших гражданох. Наявел и други по
На швето Воздвижениє чесного хреста, 27. септембра у Кули, по св. Литурґиї, на старим грекокатолїцким теметове пошвецени обновени криж хтори поставели ище 1969. року парохиянє грекокатолїцкей парохиї священомученїка Йосафата.
шоре саям за пенизонерох котри будзе 20. октобра, под покровительством општини Кула. Директорка Дома за старих и пенизонерох у Кули Сандра Бабич виявела же з тоту манифестацию ше жада здогаднуц же старосц, попри дозретосци, зоз собу приноши и радосни днї. Наявела же у октобру наших старших гражданх обчекую рижни активносци зоз дзецми и здруженями з териториї нашей општини. Ол. Ж.
8 РУСКЕ СЛОВО
Обновени криж пошвецел парох тей парохиї єромонах Дамян Кича ЧСВВ, а учасц у обряду вжал и сотруднїк єромонах Платон Салак ЧСВВ и послужитель Иван Ребачук. На пошвецаню була и ш. Цецилия, даскельо парохиянє и госци з Руского Керестура. Истого дня пополадню на теметове, пред обновеним крижом парох Дамян одслужел и панахиду за шицких покойних кулскей парохиї. Присутни були дзепоєдни члени Церковного одбору и красне число парохиянох. М. А. 11. ОКТОБЕР 2019.
mesta@ruskeslovo.com
АКТИВ ЖЕНОХ ШЕ ПРЕДСТАВЕЛ НА ФЕСТИВАЛУ ЄДЗЕНЯ У РАКОВЦУ
БОГАТИ СТОЛ КОЦУРСКИХ ЖЕНОХ
У Раковцу всоботу, 5. октобра, отримани 9. Фестивал єдзеня под назву ,,Алє ше дакеди добре єдло баш” на котрим ше представели и жени зоз Активу женох КУД ,,Жатва” зоз Коцура. Шицки нащивителє мали нагоду пробовац рижни лакотки котри на Фестивалу були виложени. Тогорочна тема була ,,Колачи котри ше рихта за швета”, та так коцурски жени порихтали рижни покераї, алє и паску. На Фестивалу тиж була презентована и вистава женскей творчосци, а шицко було провадзене зоз културно-уметнїцку програму. Спонзоре Фестивалу єдзеня у Раковцу то СО Беочин, Покраїнски секретарият за привреду и туризем, Покраїнски секретарият за польопривреду, водопривреду и лєсарство, а шицко орґанизовало Здруженє ,,Горска ружа” Раковац. О. Р.
У КОЦУРЕ
У БЕОҐРАДЗЕ
СЛУЖБА ЗА СТАРИХ И ХОРИХ
РУСНАЦИ ПРЕДЛУЖУЮ СВОЙ ПРОЄКТ
У грекокатолїцкей церкви Успения Пресвятей Богородици у Коцуре прешлей соботи, 5. октобра, була Служба Божа за стари и хори особи. Служба почала на 10 годзин, а служели ю парох коцурски о. Владислав Рац и капелан коцурски о. Данил Задрепко. Велї вирни ше на Служби помодлєли за шицких. Понеже урядово 1. октобер Медзинародни дзень старих и хорих, а цали мешац у знаку старших особох, у грекокатолїцкей церкви ше уж даскельо роки вше першей соботи у мешацу на 10 годзин служи Службу за стари и хори особи. Обезпечена и превозка за тих котри нє маю як присц, а пред Службу Божу ше можу и висповедац. О. Р.
Руснаци у Беоґрадзе ше прилагодзую на нову локацию на хторей ше помали сходза, и так ше 6. октобра знова зишли после Служби Божей у Крунскей улїци 23, и предлужели свой Проєкт „Нови гласнїк Руснацох у
културним просторе Сербиї и Европи” котри финансує Завод за културу войводянских Руснацох. Попри означованя родзеного дня др Яши Стрибера, порадзене шлїдуюце стретнуце 20. октобра, котре будзе пошвецене „Костельниковей єшенї”, кед ше повола наших писательох, рецитаторох, а будзе нагоди и за руску писню. Здогаднїме же у рамикох спомнутого Проєкта, 7. юния була промоция прекладу Библиї по руски у Народней бибиотеки, а тота вистка пренєшена и на РТС 1 под насловом „Novi Zavet na rusinskom jeziku”. о. В. В. 11. ОКТОБЕР 2019.
РУСКЕ СЛОВО 9
ЕКОНОМИЯ У НОВИМ САДЗЕ ЗАКОНЧЕНИ 52. МЕДЗИНАРОДНИ САЯМ „ЛОРИСТ”
НА ДОСЦ ВИКЛА ДАЧОХ И ВЕЛЬО НАЩИВИТЕЛЬОХ Медзинародни сайми „Лорист” од 2. по 6 октобер, на хторих було вецей як 500 викладачох зоз 20 державох, видзели коло 35 000 людзе, односно 15 одсто вецей як прешлого року Пише: Мартица ТАМАШ
О
дличне предаванє на Сайме лова и риболова, повязованє понукачох и купцох на Сайме туризма, заключованє конкретних роботох на Сайме еколоґиї и промоция школского спорту под покровительством Городу Нового Саду, означели тоти найкрасши програми Новосадского сайма. На 52. Медзинародни саям лова и риболова продукователє, дилере и дистрибутере опреми и прибору за лов и риболов, як и спортского и ловарского оружия пришли предавац свойо продукти и, як гваря, дому одходза задовольни. Як ше гвари у сообщеню зоз Новосадского сайма, медзи першима предати найдрагши експонати и то америцка пушка Барет за 13 500 еври, машинка Стела за 77 400 динари и циґонї Ласет за 64 000 динари.
ЛЯЇЧ – МЕНЯМЕ ТУРИСТИЧНУ СЛИКУ ВОЙВОДИНИ Министер тарґовини, туризма и телекомуникацийох Расим Ляїч виявел на отвераню саймох „Лорист” 2. октобра же реализованє проєкту вибудови велнес и спа центру з аква парком на Паличу и бициґлистичней драги Нови Сад – Беоґрад пременї туристичну слику Войводини и да нови стимул розвою туризма у цалей жеми.
Викладаче гваря же предаванє того року на Сайме було вельо лєпше як прешлого року. На штанду Каприола предате вецей як 20 пушки, а найвекше интересованє було за найдрагши модели. Застава оружиє предала 28 полуавтоматски ловарски карабини и репетирки. На штанду Топ ґану зоз Пожаревцу предати коло 50 прикладнїки оружия, найвецей воздушни пушки, Метеор стил мал купцох за 20 циви, Ґринспорт предал 20 пушки и коло 40 машинки и циґонї. Задовольни були и на штанду Еурофишу зоз Крушику, хтори ше после 13 рокох врацел на „Лорист”, з намиру же би промововали ревитализовану фабрику мунициї и як гваря, то им ше и удало, а зоз предаваньом мунициї су барз задовольни. САЯМ ТУРИЗМА У рамикох тогорочного Лористу, од 3. по 5. октобер бул и саям туризма. Представнїки Мадярскей – Жеми партнера Саймох „Лорист”, наступ на тогорочним Сайме оценюю як барз успишни. Найвекше интересованє було за купелї и воздушни банї, хтори нє досц познати жительом Сербиї, як наприклад Баня Мако, або Орошхаза. Представели ше и продукователє и дострибутере опреми за лов и риболов, чийо ше продукти, дзекуюци контрактом заключеним на Сайме, пошвидко зявя и у предавальньох у Сербиї. З окремну програму наявени и Шветови саям лова и природи, хтори будзе отримани у Будапешту 2021. року. З тей нагоди були виложени даскельо трофеї, же би ше нагадло цо очекує нащивительох Вистави „Єдинство з природу”. На Б2Б схадзкох у рамикох Сайма туризма участвовали туристични аґенциї и орґанизациї, привредни комори,
10 РУСКЕ СЛОВО
11. ОКТОБЕР 2019.
ekonomija@ruskeslovo.com
велнес и спа центри, готели, компаниї, туроператере, а учашнїки були зоз 21 жеми: Белґиї, Босни и Герцеґовини, Бразилу, Болгарскей, Чарней Гори, Горватскей, Ческей, Данскей, Ґрузиї, Италиї, Мадярскей, Марока, Ниґериї, Румуниї, Русиї, Сиверней Македониї, Сербиї, Словацкей, Словениї, Тунису, Зєдинєних Арабских Емиратох. Кед слово о туристичних дестинацийох у нашей жеми, странци найвецей заинтересовани за термални купелї, як и за пребуванє у очуваней природи з акцентом на понуканє Златара и Ґолиї, як и за историйни памятнїки и манастири. Покраїнска влада под час Сайма промововала активносци и мири хтори запровадзую: Покраїнски секретарият за привреду и туризем, Покраїнски секретарият за польопривреду, водопривреду и лєсарство, Покраїнски секретарият за урбанизем и защиту животного штредку и Покраїнски секретарият за спорт и младеж. Саям еколоґиї през фахово трибини и едукациї, як и през реализованє акциї сепарациї одпаду, конкретно понукал продукти и услуги, а на Сайме заключени и конкретни роботи. Так Алґо Teхнолоґи мал успишни розгварки зоз директнима купцами и започал розгварки о пласованю ферментора Алґо компостера на тарґовище Русиї. Представнїки Борпластики направели контакти и почали сотруднїцтво зоз фирмами з Нємецкей и Македониї. САЯМ СПОРТА Треци Саям спорта под покровительством Городу Нового Саду орґанизовани од 3. по 6. октобер и на нїм було вецей як 150 викладаче. Акцент бул на промовованю проєкта „Спорт до школох”. Отимани числени змаганя и промоциї скоро шицких спортох. У тих активносцох, попри вецей як 1 500 школярох зоз основних школох зоз Нового Саду и околних местох, участвовали и 820 спортисти. У рамикох 25. меморияла у пасованю у греческоримским стилу „Йован Боґич Пуфука”, отримани вежби, спаринґованя и квалификацийни борби. У Манєжу Новосадского сайма отримани 10. медзинародни Куп Сайма, хтори у календаре Шветовей конїцкей федерациї. У штирох катеґорийох участвовали 20 клуби зоз 100 конями и 70 шедлаче зоз штирох жемох, а Саям нащивели и велї познати спортисти.
11. OKTOБЕР 2019.
НА „ЛОРИСТУ” И „ДАЧО” З КОЦУРА СМКЗР „Дачо”, Данила и Драґани Сакач зоз Коцура, хтора на тогорочним Польопривредним сайме достала Златну медалю за домашнї кулен и Златну медалю за домашню суху шунку, а свойо продукти викладала и предавала и на „Лористу”. У медзичаше тото месарске подприємство наступало на вецей саймох и достало награди за свойо квалитетни продукти. Були на „Укус фесту” у Беоґрадзе 14. и 15. септембра, дзе за французки кулен и домашнї кулен у евки и пейґлани кулен достали погар и диплому и на польоприврдних саймох у Зренянину и Яши Томичу. Вони дзечнє участвую и викладаю на манифестацийох, та вноци зоз 4. на 5. октобер и з 5. на 6. октобер участвовали на ноцним пияцу на Рибовим пияцу, так же през дзень були на Лористу, а вноци зоз своїма деликатесами на Рибовим пияцу. Внєдзелю, 6. октобра, остатнього дня на „Лористу” виложели свойо папаґаї, їх длугорочни гоби.
ОЦЕНЄТИ КВАЛИТЕТ На оценьованю квалитета готелско-погосцительних обєктох и услугох, було вецей як 150 учашнїкох зоз дзевец жемох. Абсолутни лидер квалитета Готел „Фонтана” у Врнячкей банї. Два високи припознаня остали у Новим Садзе – Вельки шампински погар достал Готел „Президент”, а Стриберни шампионски погар достал Готел „Шератон”. На фамелийни дзень пияток, 4. октобра, цала фамелия могла присц на Саям по цени єдней уходнїци. У сотруднїцтве зоз викладачами, орґанизовани наградни бависка за нащивительох зоз купенима уходнїцами и додзелєни коло 60 награди, а премия, дарунок Новосадского сайма, дочек Нового року у Будапешту. Медзи наградами були вилєти, путованя, облєчиво, алат, опрема за лов и риболов, бициґли и ваучери за предавальнї. Дженерали Осиґуранє Сербия, ґенерални спонзор Медзинародного сайма „Лорист”, промововало драгове осиґуранє, як и шицки продукти и услуги у обласци осиґураня.■
РУСКЕ СЛОВО 11
ЕКОНОМИЯ НА „ЛОРИСТУ” И ТУРИСТИЧНИ ОРҐАНИЗАЦИЇ ОПШТИНИ ЖАБЕЛЬ И ОПШТИНИ ВЕРБАС
ПРЕДСТАВЕНИ КАПАЦИТЕТИ ШИЦКИХ МЕСТОХ Туристична орґанизация општини Жабель поряднє участвує на саймох у нашей жеми и иножемстве и там промовує капацитети шицких населєньох општини. На Медзинародним сайме ,,ЛОРИСТ”, а у рамикох Саяму туризма, представени продукователє домашнїх продуктох типичних за места Општини Жабель, меду и вина, ресторани и спортски обєкти. Представени и найновши проєкти: тематска рута „Драга сира и меду” и проєкт „З ґолфом през реґион” у котрим ше промовує приватни Центер за ґолф котри ше находзи у Жаблю, а до туристичних понукнуцох буду уключени и числени културни манифестацийох. З тей нагоди штанд ТОО Жабель нащивели и представителє Општини Жабель и предсидатель Чедомир Божич. – На тим Сайме предствени два найзначнєйши проєкти котри промовую нашо найзначнєйши туристични продукти. По ґолф теренох зме познати нє лєм у Сербиї алє и у иножемстве, а значни туристични потенциял и наш сир и продукти з меду. Попри тим, и рики Тиса и
Єґричка видвоюю нашу општину од других, а окреме же Стара Тиса популарна при наших спортистох котри веслаю и хасную каяк – гварел Чедомир Божич. Ґаздовства котри прейґ сайтох видаваю ноцнїк на териториї Општини Жабель потераз мали госцох зоз Китаю, Белґиї, Французкей, Греческей, Ческей, та и Беораду и Нового Саду. – Општина Жабель ма идеалне ґеоґрафске положенє, на сто километри од велїх значних дестинацийох. Нашо потенцияли часто представяме у рамикох Туристичней орґанизациї Сербиї, та зме их прешлого року представели у Москви, а ТО Сербиї и прето виробели промотивни спот за нашо понукнуца у кампанї „Опать Сербию” котри представени и на сайме у Китаю, цо за наш штредок ма вельку значносц – гварела Мария Чупич, директорка Туристичней орґанизациї општини Жабель. С. С.
12 РУСКЕ СЛОВО
УКАЗАНИ БОГАТИ СПОРТСКИ ПОТЕНЦИЯЛИ Туристична орґанизация општини Вербас ше и того року представела на Сайме ,,ЛОРИСТ” у Новим Саду. На вельким, заєднїцким штанду Туристичней орґанизациї Войводини, медзи другима численима општинами и туристичнима орґанизациями, представени потенцияли Вербасу и околних местох, окреме кед бешеда о ловним, риболовним, спортским, манифестацийним и конґресним туризме. – Нє жадаме препущиц вельки и значни нагоди же бизме представели тото зоз чим розполагаме и з чим можеме прицагнуц госцох до Вербасу. Попри туризму, зоз участвованьом на Сайме жадаме представиц и цали город, його привредни потенциял, потим проєкти котри плануєме реализовац же бизме додатно розвили Вербас и места у општини, як и же бизме установели контакти зоз другима городами и туристичнима орґанизациями и през сотруднїцтво напредовали – гварел предсидатель општини Вербас Милан Ґлушац. Директорка Туристичней орґанизациї општини Вербас Мария Златович-Арсениєвич визначела же є задовольна з числом людзох котри нащивели ,,ЛОРИСТ” и штанд Туристичней орґанизациї Войводини, на котрим представени и Вербас. – Шицким котри жадаю нащивиц Вербас указуєме на значни места, значни хвильки, на велї змисти котри понукнути у нашим городзе, з довирийом же можу задоволїц їх потреби и интересованя. Вше вецей туристох єст у Вербаше, а найвекши заслуги иду добрим спортским и културним манифестацийом котри ше у нас орґанизує. Наздаваме ше же ше число туристох будзе лєм звекшовац – визначела Златович-Арсениєвич. О. Р. 11. ОКТОБЕР 2019.
ekonomija@ruskeslovo.com
ЄШЕНЬСКИ ФЕСТИВАЛ КВЕЦА У КУЛИ
ШВЕТО ЗА ОЧИ И попри тим же хвиля нє була красна, „Єшеньски фестивал квецаˮ у Кули ше, заш лєм, отримал штварток, 3. октобра, од 7 та по 19 годзин, а орґанизатор тогорочней манифестациї Општина Кула и Туристичне здруженє Општини Кула
Ф
естивал урядово отворела заменїца предсидателя Скупштини општини Кула Зорица Демкович, котра привитала гражданох, госцох и шицких котри любя квеце и пожадала шицким успишне тарґованє. Директор Туристичного здруженя Општини Кула Владимир Станкович потолковал же початок єшенї то прави час же би нащивителє купели квеце до заградкох, дворох, за тераси, же би прикрашели свойо обисца и амбиєнт у котрим жию. Того року, по словох директора, на Фестивалу було вецей як седемдзешат викладательох, дистрибутерох и продуковательох квеца. И на тот завод викладачох зоз Руского Керестура нє було, док зоз Кули свойо ручни роботи, черепчки за квеце котри сама прави, виложела и Наталия Садовски. Пополадню на Фестивал вишло и Здруженє женох „Идеаˮ зоз своїма продуктами и сувенирами. Велї дистрибутере пришли на Фестивал, а єден зоз нїх и „Плантлайнˮ зоз Нового Саду. Док вредно робела, роботнїци Мариї Пантич удало ше потолковац же „Плантлайнˮ директни увознїк зоз Голандиї котри окончує дистрибуцию квеца по квецарньох у Сербиї, же маю вельки асортиман, вецей як двасто, тристо файти квеца. Нєдалєко од Деспотовцу, находзи ше розсаднїк „Ресава Брестовоˮ котра ма штерацец пейц роки традициї пестованя квеца и велїх нєзвичайних древкох котри ше традицйно нє садза у нашим поднєбю алє у цеплєйших крайох. Деян Димитриєвич того року першираз бул у Керестуре на Кирбаю, зоз нащиву бул задовольни и добре тарґ-
11. OKTOБЕР 2019.
овал. Ма упечаток же людзе у Керестуре наисце добронамирни и же найвироятнєйше на Кирбай придзе и нарок. З тей нагоди нащивел Кулу зоз рижнородним асортиманом, за котри нащивителє були заинтересовани. Зоз Керестура на Фестивал пришли наисце велї нащивителє и любителє котри нє лєм розпатрали, алє и куповали виложене рижнородне квеце, рижни еґзотични древка и прибор за гоби котри любя. Любица Надь зоз Руского Керестура нащивела Фестивал и потолковала же нє лєм вона, алє и муж барз любя квеце и дома сами ушорюю заградки и тому пошвецую вельо уваги. Од дзецинства люби квеце, а одкеди муж у пензиї, маю ище вецей часу за тот гоби. Квеце, як гвари Любица, наисце терапия, котра змирює, виволує при чловекови красни и позитивни чувства. Гвари же би ше дакеди просто зачирела до того квеца, була мала часточка тей красоти з котру би постала єдно, и як почолка ходзела од єдного до другого квета. Нащивиц фестивал и опатриц цо ше понука зоз Керестура пришла и Наталия Рац котра кратко описала свою любов: – Любим квеце и робота коло нього ме опущує. Пришла сом поопатрац цо ше понука, а купела сом арвачки, гортензию и ерику. За мнє то швето за очи и уживам у квецу. Хто люби квеце и гортикултуру, на „Єшеньским сайме квецаˮ у Кули могол ше наприпатрац на рижнородносц и красоту квеца и пренєсц до своєй заградки, до свойого дому, часточку тей краси.■ О. Живкович
РУСКЕ СЛОВО 13
Число 21
Ушорела: Оля Русковски
НАШО ГВИЗДОЧКИ: КАТАРИНА НЕДИЧ ЗОЗ КОЦУРА
ЛЮБОВ ҐУ РИЖНИМ НАУКОМ ТИРВА И НЄШКА З першим школским бренчком школяре ше врацели до школских лавкох, ещи єден школски рок збогациц зоз знаньом, а вшелїяк и з добрима оценами. Катарина Недич, школярка осмей класи Основней школи ,,Братство єдинство” у Коцуре, до своєй школярскей кнїжочки планує додац ещи петички, же би и тот школски рок закончела як цалком одлична школярка
К
атарина наймладша од пецерих дзецох, двома ше страми и двома братами. Одма лючка шицки були заинтере совани за науки, и нє раз ше случело же бависко и шлєбодни час часто заменєли з ришовань ом задаткох. Любов ґу рижним науком тир ва и нєшка. – Найволїм год зини математики, руского, сербского, анґлийского, французкого, а любим и историю. Ци каве ми роздумовац о тим цо ше случова ло скорей. А нєдавно сом одкрила же любим и програмованє – бешедує Катарина. Зоз шицких тих предметох ход зи и на змаганя, и зазначела уж велї замерковани успихи. Наймилши єй з руского и сербского язика, прето же сцигла по Репу-
14 РУСКЕ СЛОВО
блични уровнь, а барз ше цеши зоз успихом з математики и участвованю на Математичним кам пу у Шабцу. – Ход зим од пиятей класи и през тоти 4-5 днї кельо препровад зим там, вше упознам вельо това ри шох зоз ца лей Сербиї. Научим вше и нове дацо з математи ки на пре подава нь ох котри ма ме за тот час, а шиц ки учашнїки свойо знанє те стираю на змаганю на кон цу Кампу – гвари Катарина. Того року була у Петници, у Лєтней науко вей школи, и отама ль принєсла лєм красни упечат ки, но ви знаня и нови памятки на друженя з дзецми зоз Сер биї, алє и од да лєй. – У на шей ґру пи було коло сто це це ро дзе ци и барз зме ше крашнє дружели. Одкрила сом и дзепо єдни нови интере сованя, понеже зме слуха ли преподаваня з предметох яки нє маме у школи. Заинтере со ва ла ме електронїка, а упозна ла сом ше и з ґеолоґию, астро номию, археолоґию – толкує тота одлична школяр ка. Катарина ше барз добре знаход зи и у музичних водох, понеже закончела музичну школу, и грає на гу шлї, а покус и на ґитари. И фотоґрафия, алє и ри со ванє єй иду од рук, барз ю опущую и виполнюю. Найчастейше рисує анимациї и нєпреривно дацо фото ґрафує. – Мам свою камеру, и любим сликовац при роду, животинї, даєдни предмети, алє шицко з даяко го одред зеного угла. Любим рошлїни, окреме какту си, а делфини и мачички ми окреме симпатични – з ошми хом приповеда Катарина. 11. ОКТОБЕР 2019.
slovecko@ruskeslovo.com
ЦО ЧИТАЦ? Шицки тоти котри любя швет маґиї и уживаю у путованю през „маґийну историю”, предкладаме пар кнїжки авторки Джоан К. Роулинґ котри би вам могли правиц дружтво у наиходзацих єшеньских дньох.
Недичова ше опробова ла и у ґлуми и, гоч єй було крашнє дружиц ше и бавиц представи, заключе ла же ма вельо обовязки, вельо интере сованя и нє могла старчиц на шицки боки. Алє, од рецитованя нє одустава. Рецитує одма лючка и тото барз лю би. Порядна є на рецитаторских смотрох, а на при рихтованя одход зи до Вербасу, и у тих хвилькох барз ужива. Кед найд зе шлєбодного часу, Катарина люби чи тац Хари Потера и подобни кнїжки, люби патриц филми – авантуристични, кримина листични и комедиї, провад зи и ю`тюберох и кана ли за рисованє, а барз ше люби и дружиц. Люби бавиц од бой ку, а велька радосц єй и путованя на рижни ме ста зоз фамелию. Катарина ше, кед закончи основну школу, планує уписац до ґимназиї у Вербаше. Идею за студи ра нє тиж ма – любела би ше уписац на журна ли стику, понеже єй занїманє новинара вше було ин тере санте. Алє як гвари, тераз обачела же ше єй пачи и програмованє, математика вше дзешка коло шерца, та увид зи за хтори напрям ше на концу одлучи. – За себе бим гварела же сом кре ативна, любим учиц и научиц, интере сую ме велї ствари. Наприклад, любим писац за Википедию. Нє важне же хтора обласц, лєм кед нє писане опширно. Я вец на йд зем енциклопедиї, поглєдам податки и дополнїм текст на Википедиї – през ошмих при поведа Катарина хтору интере сую велї обласци, и гоч на хтори бок ру ши – вшад зи зазначує успихи. У рокох котри пред нами, вериме же ещи велї кра сни вистки учує ме о тей одличней школярки з Коцура. ■ 11. ОКТОБЕР 2019.
„Хари Потер – Путованє през историю маґиї” Одкрийце швет блага чародїйнїкох и пририхтайце ше за прекрасне путованє през Гоґвортну наставну програму, од Бриґи о маґийних єствох и Герболоґиї, шицко по Одбрану од Цмих схопносцох, Астрономию, Предсказаня и ещи вельо того у кнїжки котра розшвицує тисячи роки маґийней историї. Одкрийце праву правду о походзеню Каменя мудросци, чудотворних шарканьох и нєзґодних тролох, справце себе сами опиваюци чаривни напиток, одкрийце дзе ше находза чаривни палїчки у швеце котри вас окружує и прецо мандраґора квичи. Поопатрайце призначки хтори написал Леонардо да Винчи и одкрийце найстарши атлас ноцного нєба, а тиж и потераз нєвидзени скици и ориґинални боки рукопису самей авторки. Тота кнїжка идеална за амбицийни босорки и чародїйнїки, а и за шицких тих котри любя Хари Потера – од наймладших по найстарших. „Фантастични жвири и дзе их найсц” То наисце практични приручнїк за чародїйнїкох. У швеце дзе ше сиґурно стретнєце зоз рижнороднима єствами, потребне добре ше упознац зоз шицким цо младого авантуристу чека. Приказ рижних жвирох и єствох написани барз духовито, и барз цикаве провадзиц їх класификацию, окреме гевту на опасних и ,,допитих”. Мушице припознац же нєт вельо маґийни швети дзе жию и допити чудовиска. Окремну чаривносц даваю ,,ориґинални призначки” Хари Потера, Рона и Хермиони, понеже перши власнїки того приручнїка праве школяре тей школи за маґиї. Кнїжка нє писана як роман, алє наисце як приручнїк, так же ю мож опатрац и нєобовязно, кеди ґод пожадаце же би вас чуда котри начишлєни у нєй, одведли, далєко, далєко од того цо ше вам случує кажди дзень.
РУСКЕ СЛОВО 15
КУЛТУРА И ПРОСВИТА ДЗЕЦИНСКИ ТИДЗЕНЬ ОЗНАЧЕНИ У РУСКИМ КЕРЕСТУРЕ, КОЦУРЕ
РИЖНОРОДНИ АКТИВНОСЦИ Як и у цалей Сербиї од 7. по 13. октобер, так и у наших образовних установох у Руским Керестуре, Коцуре и Дюрдьове означени Дзецински тидзень, а того року з мотом „Най кажде дзецко – свойо право ужива лєгкоˮ
У Основней и штреднєй школи з домом школярох „Петро Кузмякˮ Дзецински тидзень означени през рижни активносци, та так школяре Ґимназиї, за школярох нїзших класох ОШ, пририхтали традицийни квиз „Забавна математикаˮ, у хторим ше основношколци змагали процив своїх парнякох зоз Коцура. Школяре основней школи були нащивиц специялну школу „Милан Петрович” у Новим Садзе, же би видзели и дакедишнього свойого школяра и саму тоту установу. Висши класи ОШ тиж нащивели и бивательох у керестурским Доме за старих, а домашня Школа дочекала госцох зоз Здруженя МНРО „Белава птицаˮ зоз Кули, як и школярох и наставнїкох зоз ОШ „Нестор Жучни” зоз сушедного Лалитю, хтори пришли нащивиц окреме атрактивни Фестивал науки, хтори орґанизовали домашнї школяре. И того року на годзинох ше бешедовало о дзецинских правох о чим ше школяре и креативно виражовали, а були и подобово роботнї и бависка за младших школярох. Як спортска активносц отримує ше и єшеньски крос. З нагоди Дзецинского тижня керестурска Школа традицийно орґанизує и гуманитарну акцию зоз хтору ше збера пенєжни прилог, а суму ше подарує єдна часц школяром котрим потребна помоц зоз самей Школи, а єдна часц здруженьом хорих особох. Дзецински тидзень означени и у Оддзелєню дзецинскей заградки „Цицибанˮ ПУ Бамби зоз Кули, у шицких возростних ґрупох. Попри подобових активносцох, як цо правенє плакати и бавенє зоз цестом, дзецом орґанизовани и диско, була и театрална представа, як и рижни спортски активносци и бависка. У складзе зоз тогорочним мотом тижня хтори пошвецени дзецом, виховательки, прикладно возросту, упознаваю и зоз правами дзецох, а за тото хасную и кнїжку на руским язику о дзецинских правох хтору ище скорей видал Покраїнски секретарият за демоґрафию. Найстарши предшколци нащивели и ЯКП „Руском” дзе их приял директор Иґор Фейди, а традицийно нащивя и Дом за старих. М. А.
16 РУСКЕ СЛОВО
ЕДУКАТИВНО-ЗАБАВНИ ПРОГРАМИ За кажди дзень тей манифестациї були обдумани рижни активносци, едукативно-забавного и гуманитарного гарактеру. У Школи були рижни роботнї, квизи, дружтвени бависка и спортски змаганя, прилагодзени школяром нїзших, алє и висших класох. Початком тижня школяре нїзших класох рисовали на асфалту на тему „Най кажде дзецко – свойо право ужива лєгкоˮ, а школяре висших класох рихтали роботи за литературни конкурс на тогорочну тему и за подобови конкурс на тему ,,З кнїжку ґу гвиздомˮ. Медзи иншим, школяре першей класи нащивели Библиотеку у Коцуре и дружели ше з писательом Бранком Стефановичом дзе им писатель читал виривки зоз своїх кнїжкох, писнї и приповедки и бешедовал з нїма о значносци Дзецинского тижня, як и о любови, друженю, радосци и других им цикавих темох. Тиж, школяре нащивели и Етно клуб, як и Ґеронтолоґийни центер, Месну заєднїцу, Огньогасни дом, а школяре висших класох – члени Школярского парламенту нащивя и предсидателя Општини Вербас Милана Ґлушца. За дзеци у „Герлїчки” воспитачки обдумали активносци прилагодзени возросту дзецох у цалодньових и полудньових воспитних ґрупох, та ше так єден дзень прешейтали з дзецми по центру валала, дзе дзеци опрез Дома култури на асфалту рисовали порученя з нагоди Дзецинского тижня. Од пондзелку по пияток у „Герлїчки” були отримани рижни креативни роботнї, музични и спортски бависка. О. Р. 11. ОКТОБЕР 2019.
kultura@ruskeslovo.com
И ДЮРДЬОВЕ
СТАРШИ БЕШЕДОВАЛИ О ПРАВОХ И ОБОВЯЗКОХ Традицийна манифестация Дзцински тидзень и того року означена у обидвох образовних институцийох у Дюрдьове, а так же би каждому возросту дзецох и школярох була прилагодзена. Дзеци, школяре и заняти у Основней школи „Йован Йованович Змай” и Предшколскей установи „Дзецинство”, обєкт „Дюрдєвак” у Дюрдьове, того пондзелку почали зоз рижнима активносци. Найвреднєйши були дзеци зоз ПУ котри и у тижню пред тим зоз своїма родичами ушорйовали двор ПУ. – Док зме ушорйовали двор, дзеци були барз задовольни, вредни и сцели помагац, а були барз нєсцерпезлїви чуц кеди будземе ознова пораїц и ушорйовац двор. Вони мали задаток принєц каблїк и лопатку з котрима нам помагали у роботи. Зберали каменча, премесцали глїну и писок и були барз щешлїви, а познєйше мали ище енерґиї и бавиц ше – гварела Марина Сабадош воспитачка у Мишаней ґрупи ПУ Дюрдьове дзе ше учи на руским язику. Пондзелок дзеци патрели театралну п р ед с т а ву „Товаришство без хиби”, вовторок нащивели оштинску библиотеку у Дюрдьове, а стреду ознова ушорйовали двор вєдно зоз родичами. Штварток дзеци нащивели писателє котри пишу за дзецински часопис „Витез”, а на пияток свойо ручно направени продукти буду предавац на традицийним Вашаре котри будзе отворени на 11,30 годзин опрез будинка. Тот вашар валачанє вше нєсцерпезлїво чекаю, бо на нїм вше мож купиц красни предмети, колачики и прикраски, а зоз символичну цену обрадую дзеци котри ше до того вше максимално даваю. Активносци у дюрдьовскей ОШ ше помалки приводзи ґу концу. Школяре ОШ у тим тижню мали вецей роботнї на тему тогорочного мота. Младши возрости писали писмени состави, рисовали и бешедовали на тоту тему. Пияток школяре од першей по штварту класу у биоскопу у Зренянину буду патриц рисовани филм „Краль лєвох” и розпатрац спомнути город. Школяре буду мац задаток обновиц нарисовани часци на бехатоуну у школским. Старши возрости буду бешедовац на тоту тему и виписовац цидулки и зоз парняцким тимом обдумаю огласни табли з порученями тогорочного мота, а акцент будзе на правох дзецка, алє и на обовязкох котри ше подрозумює вєдно зоз їх правами. С. С. 11. ОКТОБЕР 2019.
ГОДЗИНИ РУСКОГО ЯЗИКА НА ПРЕДШКОЛСКИМ ВОЗРОСТУ У НОВИМ САДЗЕ
ВЄДНО СУ КАЖДЕЙ ДРУГЕЙ СТРЕДИ У рамикох Дзецинского тижня, Мешацa кнїжкох и 13. Поетских нїткох Меланиї Павлович, стреду, 2. октобра, почали воспитно-образовни активносци по руски зоз предшколскима дзецми и виховательку Александру Колбас у oбєкту „Палчочка” Предшколскей установи „Радосне дзецинство” у Новим Садзе у тим, 2019/2020. школским року. – Подзекованє за порядне нащивйованє годзинох руского язика у прешлим року придати: Дариови Корпашови и Йованови Чулибркови и Яковови Фурманови. Вони, шицки троме уж уписани до 1. класи у новосадских школох, та ше наздаваме же предлужа учиц руски язик зоз учительками Ана-Марию Рац и Олю Яковлєв – гварела Ирина Папуґа спред Дружтва за руски язик, литературу и културу..
Вихователька и дзеци поволани же би вжали учасц у Литературно-подобовим конкурсу хтори у тим полрочю пошвецени писательови Михайлови Михалови Ковачови (1909–2005), чию ше 110-рочнїцу од народзеня означи 27. октобрa 2019. року. Годзини руского язика у новосадскей Предшколскей установи „Радосне дзецинство” у „Палчочки” отримує ше каждей другей стреди од 18 до 19 годзин, а у рамикох Проєкту „Учиме руски язик” ПУ „Радосне дзецинство” у Новим Садзе зоз хтору Дружтво за руски язик, литературу и културу ма подписани Контракт од 2015. року. Потримовку активносцом, попри Дружтва за руски язик, литературу и културу дава и Национални совит Руснацох (подобови материял, драгово трошки виховательки итд.). Я. Дю.
РУСКЕ СЛОВО 17
КУЛТУРА И ПРОСВИТА КОПРОДУКЦИЯ РНТ „ПЕТРО РИЗНИЧ ДЯДЯ” З РУСКОГО КЕРЕСТУРА И РКУД „ ДР ГАВРИЇЛ КОСТЕЛЬНИК” ЗОЗ КУЛИ
МЛАДШИ ҐЛУМЕЦКИ АНСАМБЛ ПЕРШИРАЗ У ПРЕДСТАВИ ЗА СТАРШИХ Пишу: Андреа МЕДЄШИ Олена ПЛАНЧАК-САКАЧ
У Кули, у Руским културно-уметнїцким дружтве „Др Гавриїл Костельник” у цеку пририхтованє представи „Белава принцеза” по тексту Саши Палєнкаша у копродукциї зоз Руским народним театром „Петро Ризнич Дядя”. Члени Дружтва „Др Гавриїл Костельник” реализовац тот текст почали початком септембра, кед позберали младшу ґрупу ґлумецкого ансамбла, хтори потераз бавел у дзецинских представох и там здобул красне ґлумецке искуство, а тераз першираз будзе бавиц у представи за старших
П
о словох Янка Лендєра, предсидателя Управного одбору Руского народного те атра „Петро Ризнич Дядя” и режисера „Белавей принце зи”, представа за старших буд зе вивед зена першираз одкеди Дружтво у Кули формоване, а о копродукциї двох те атрох бешедуєме и зоз директором РНТ „Петро Ризнич Дядя” Славком Оро сом. Свойо вид зенє и упечатки о режиї власного текста и ґлумцох хтори бавя у тей представи гварел нам и наград зени автор текста Сашо Палєнкаш. – Тоти млади ґлумци бавели у дзецинских представох, мед зитим нє мали наго-
ду бавиц у даєдней представи за старших, а думам же би требало робиц на тим же би ше их затримало у тим те атралним живоце, же бизме дакус обогацели наш руски ґлумецки корпус. Найвецей нас то и мотивовало же би ґлумели зоз старшима и так до стали нагоду указац свой талант, алє и научиц дацо од старших, а тиж и же би предлужели свой ґлумецки живот – гвари Янко Лендєр. ЦАЛА ПРИПОВЕДКА РОЗВАГА Представа писана у форми монолоґу и бавеней структури, през дзевец дїї. Мо-
– Кед би убудуце, попри приватних обовязкох, нашли часу и за ґлуму, Кула би достала єден озбильнєйши ґлумецки ансамбл котри би роками могол буц присутни. Но, шицко завиши и кельо млади буду заинтересовани остац у театре – Янко Лендєр
18 РУСКЕ СЛОВО
11. ОКТОБЕР 2019.
kultura@ruskeslovo.com
нолоґи представяю жвератко чловековей души хтори гуторя як би морално требало жиц, а през бавену структуру дознаваме же то, у ствари, нє так лєгко. Приповедка зме сцена до криминалистичного жанру, хтори нє таки части у руским те атралним корпусу, а як визначує режисер Лендєр, премиєрне приказованє тей представи плановане концом новембра. А яки упечатки зоз пробох и пририхтованя тей представи ма автор тексту Саша Палєнкаш, вон за нашо новини гвари: – У период зе кед сом пошол нащивиц екипу представи по першираз, ансамбл зоз роботу уж прешол до про стору. Мал сом нагоди вид зиц даскельо виривки и
– Тота копродукция настала як ре зултат двох мотивох хтори присутни уж єден период у нашим Националним те атре. Пред вецей роками, на остатнїм конкурсу за нови драмски тексти хтори заєднїцки розписали РНТ „Петро Ризнич Дядя” и НВУ „Руске слово” текст Саши Па лєнкаша „Белава принце за” до стал першу награду и на тот спо соб остала морална обовязка Те атра же би тот текст єдного дня бул по ставени на сцену, алє то потераз, пре рижни причини, нє могло ре ализовац. З другого боку, у Кули по сле одредзеного часу континуованей роботи зоз дзецми, дозрела ґенерация тераз уж младих ґлумцох хтори би могли ношиц представу за старших, а тематика текста
– Театер помогнє Дружтву и зоз потребну сценоґрафию, костимами и другима нєобходнима технїчнима средствами зоз хторима розполага. На тот способ би интензивнєйше зажил театрални живот у Кули, бул збогацени репертоар РНТ „Петро Ризнич Дядя”, алє и наступни Драмски мемориял – Славко Орос чуц идейни сценски ришеня. Пачело ми ше же режисер, гоч пре скромни условия буд зе мушиц дакус импровизовац, у одношеню на тото цо я коло тексту представи дал як суґе стиї (понеже у рукопису хтори сом придал, попри тексту ґлумцох, дати опис за сценоґрафию, як и шветло сни и звучни ефекти) барз добре потрафел по енту цалей приповедки – толкує Сашо Палєнкаш и додава же му барз мило же режия зве-
Саши Палєнкаша праве наменєна такей ґенерациї. На тот спо соб би ше створел колектив хтори наступних рокох може ношиц те атрални живот у Кули, цо вшелїяк у интере су и РНТ „Петро Ризнич Дядя”, бо єдна з його мисийох и же би ширел те атралну дїялносц по наших ме стох – пояшнює Славко Орос. У представи ґлумя Яро слав и Амалия Ковачово, Александер Мудри, єдну сцену и Янко Лендєр, а од
– Вшелїяк бим жадал похвалїц и младих ґлумцох, а хотри ношаца часц ансамблу. Паметам их зоз дзецинских представох и же були порядни учашнїки Драмского мемориялу Петро Ризнич Дядя, цо гутори же РКУД „Др Гавриїл Костельникˮ у Кули роби на тим же би мал континуитет у своєй роботи и же ма порядних членох, цо барз важне за добри резултати – Сашо Палєнкаш рена праве нашому ґлумцови и режисерови Янкови Лендєрови зоз хторим наш собешеднїк нє раз мал нагоди сотруд зовац на велїх проєктох и, як гвари, вше були на истей фреквенциї. ДЕЦЕНТРАЛИЗОВАНЄ ТЕАТРАЛНЕЙ ДЇЯЛНО СЦИ И ДО НАШИХ МЕСТОХ – Нє сцел сом же би тема мала вязи анї зоз политику, анї зоз актуелнима проблемами у заєднїци – нї зоз чим цо нас окружує, алє же би цала приповедка була єдна розвага, най нє повем, забава. Друга идея з хтору сом ше вод зел, док сом ю писал, то же сом ю задумовал у вивод зеню ґлумцох хтори дакеди бавели у кере стурских младежских представох, а теди уж були у Новим Сад зе на студийох. То ми олєгчовало у глави створиц одред зени характери и сцени – пояшнєл Палєнкаш. 11. ОКТОБЕР 2019.
младих ґлумцох Лїляна Кнежевич, Ве сна Вонич, Дияна Канюґа и Миро слав Стричко. – Маме кус проблеми зоз орґанизованьом пробох, понеже млади ґлумци иду до школи, даєдни до Кули, даєдни до Вербасу, та вец рижни змени треба уклопйовац. Но, ми плануєме по ставиц шицко же бизме по початок новембра ма ли фину ре а лизацию представи зоз музику. По конєц новембра ше наздаваме же буд зе ре а лизоване шицко, а теди бизме могли обчековац и премиєрне приказованє представи – гварел Янко Лендєр. Наш Те атер конкуровал и за средства за тот проєкт у Покраїнским секретарияту за образованє, предписаня, управу и национални заєднїци, дзе до стал одредзени, нєвельки, средства за тот проєкт. Тоти средства буду похасновани за виплацованє фаховей роботи, насампредз режисера, як и за пропаґандни материял (плакати, афиши и подобне). ■
РУСКЕ СЛОВО 19
МОЗАЇК РОЗГВАРКА ЗОЗ МИХАИЛОМ ДУДАШОМ
Олимпийца Михаила Дудаша познаме по його посцигнутих рекордох у атлетских дисциплинох на европских, шветових першенствох, алє и як учашнїка на Олимпийских бавискох. Михаил ше попри спорта занїма и зоз фотоґрафию, а кед ма шлєбодного часу, люби путовац и нащивйовац еґзотични дестинациї Пишe: Лидия КОСТЕЛНИК
П
очатком того рока, Михаил нащивел Южну Африку, реґию Вестерн Кейп дзе препровадзел скоро три мешаци. По його словох то єдно з найкрасших местох на швеце цо дотераз видзел. Як гвари, нє єдоставно поровнац менталитет людзох зоз Африки и зоз Сербиї. Там ше досц чувствує подзелєнє жительства по фарби скори. И гоч ше скорей вельо строгше патрело на тото, нєшка то нє таке виражене, алє ше заш лєм, чувствує. – Там людзе жию барз скромно. Биваю у ткв. помоцних хижкох хтори им будує держава, док векша часц жительства бива у алуминиюмских колїбох. То тоти цо населєли Южну Африку зоз Обали Слоновачи, Ниґериї итд. Вони ше розликую од билих людзох хтори ше тиж населєли и завжали свою позицию, побрали цо шмели и цо нє шмели, та понаправяли драги хижи. Постої бояжлївосц билих людзох там пре части краднуца, забойства, та ше досц виселюю до Австралиї и Америки дзе думаю же ше буду чувствовац сиґурнєйше – толкує Михаил.
хтори любя комерциялни побрежя и бетон. Медзитим, вон нє єден з нїх. – Младим бим вше препоручел, кед можу, же би нащивели Южну Африку, т. є. гоч цо, зависно од можлївосцох. Дахто люби тото цо чловек вибудовал, а дахто люби тото цо природа дала. По моїм думаню, природа красша и импозантнєйша як шицки будинки. Кед ше позбераш напр. до Риму, вец идзеш опатриц тото цо уж напредок одредзиш и знаш же сцеш видзиц, а кед ше порихташ на гору, або до велького националного парку, або резервату, видзиш и тото цо ши нє обчековал. Препоручел бим лєм же би перше патрели на свой буджет, а вец на дестинацию – гвари Дудаш. През розгварку, Михаил спомина же би любел нащивиц Зимбабве, одкаль його добри пайташ зоз хторим ше упознал през атлетику. Бувши дзешецобоєц го дзечнє чека же би му указал шицки природни богатства яки єст у тей держави. Жада го водзиц до природи же би там препровадзели тидзень або два, под одредзенима правилами и способом справованя хторе нє дошлєбодзене потупиц, бо це у процивним може нападнуц даєдна дзива животиня. Муши ше мерковац дзе ше ґажи же би вас нє укушел отровни гад. Нє дошлєбодзене ше приблїжовац ґу слонови, бо кед би слон рушел ґу вам, нє шмели бисце ше помкнуц же бисце го нє знємирели. Кед би вас оганял нилски конь, вец треба сцекац од нього так же ше бежи на лїво, або на право до круга, бо вон вельки и нє може нагло пременїц напрям рушаня. Кед лєв руши на вас, як Михаил гвари, ту нєт правила окрем же бисце ше помодлєли. Шицки тоти правила справованя у природи Дудаш жада цо скорей дожиц.
ПАМЯТКИ ЗОЗ АТЛЕТСКИХ ПРИРИХТОВАНЬОХ Дудаш, як успишни спортиста, пре змаганя и пририхтованя, мал нагоди путовац по швеце и видзиц вельо еґзотични дестинациї хтори зазначовал зоз своїм фотоапаратом и дзечнє ше их здогадує. Южна Африка му занавше останє найинтересантнєйше место, а ма и красни памятки и зоз Портуґалиї. Монте Ґордо и Виля Реал де Санто Антонио то места у хторих Михаил бул на пририхтованьох у атлетских клубох. А визначел же Тенерифи красне место за людзох
20 РУСКЕ СЛОВО
11. ОКТОБЕР 2019.
mozajik@ruskeslovo.com
НЄЗВИЧАЙНЕ ПУТОВАНЄ ПО АФРИКИ – Мали зме авто марки „шевролет спарк”, до хторого зме ше лєдво троме змесцели и одвезли зме ше до часци у резервату дзе єст лєви. Наишли зме на драгу по хторей требало исц до брега, цо можебуц анї нє була добра драга, бо зме ше вожели по вельких каменьох, та сом мушел барз помали вожиц. Од горе, з брега, видзели зме ґрупу людзох оддалєну дас километер од нас. Вони сликовали лєви, цо значи же зме нє добре рушели, нє по добрей драги. Помали зме ше врацали назад, и у єдней хвильки зоз високей трави вибегнул огромни алфа лєвиско! Лєв помали преходзел коло нашого авта и очуховал ше до ньго. Пайташ и я ше ,,замарзли” од страху, док треци пайташ шмело отворел облачок на авту же би го висликовал. Ми му гварели: ,,Ведран, заври облак! Тота мачка може за секунду пребегнуц дзешец метери! Войдзе нам до авта, будземе шицки готови!” На щесце, завар облак – здогадує ше Михаил. Зоз Йоганесбурґу, дзе чекали пайташа на аеродроме, до Кейп Тауну дзе були змесцени, одлучели ше врациц на гайзибану. Путованє требало тирвац 21 годзину, алє ше одлужело и вецей як дзешец годзини. Шедли до купеа, порихтани на длугше путованє. Медзитим, пайташ Томас мал инше на розуме и шицко зорґанизовал, цо з єдного боку було добре, док з другого, як Михаил спомина, нагварел их висц зоз конфорней зони, и так дожили памятки хтори буду паметац цали живот. Гайзибан нє бул з тих найновших, алє мал предносц же єдзенє и напой були барз тунї. Чуц було музику, так поцихи, а през облаки ше могло припатрац на нєдотхнуту природу и животинї хтори нєшка уж нє мож видзиц, бо их остало лєм даскельо на швеце. – През тото путешествиє, видзели зме цалу Южну Африку. Тото дожице бим каждому препоручел. После того зме ишли по побрежйох од Стеленбошу и Самерсет Весту 11. ОКТОБЕР 2019.
до Херманусу. На єдним од побрежйох оганяли нас бабуни. Напахали хто ноши єдзенє зоз собу и схопно украдли торби, а вец з нїма сцекли. Мой пайташ Боґдан мал щесца же вельо животинї видзел у єдним дню, за цо мнє можебуц, требало и цали мешац. У тим дню видзел бабуни, фоки, делфини, кити цо барз ридко же ше дакому шицко тото поспиши видзиц лєм у єдним дню. Вельо ту було интересантни приповедки, верим же бим до рана нє закончел приповедац о дожицох – закончує Дудаш.
СНОВАТЕЛЬ ПЕРШОГО RUNNING КЛУБА У НОВИМ САДЗЕ Михаил вельо путовал и през свою спортску кариєру и на тих путованьох наиходзел на running клуби. Задумал же би то була добра идея, кед би ше основало єден таки клуб у хторим ше буду зберац людзе хтори любя бегац, дружиц ше, черац идеї и бешедовац. На таки способ би афирмовали здрави способ живота и заєднїцу хтора то представя. NS Running club Михаил Дудаш основал прешлого року вєдно зоз пайташом. – Видзел сом же жительом у Новим Садзе треба таке дацо подобне, а єст и можлївосци, бо є ровни варош. Ту дзе зме стационовани и дзе маме просториї, а то на Лиману, при мосце Шлєбоди, правиме руту од седем-осем километри, хтору бежи напреднєйша ґрупа. Мило ми же маме ґрупни „чети” на дружтвених мрежох и ту видзим же ше людзе медзи собу зиходза звонка тренинґох и дружа ше. Злучую ше товаришства, клуб ше розвива, людзе ше нєпреривно приявюю, єст позитивней енерґиї и атмосфери, цо мой и циль – гвари Михаил. Приявиц ше може кажде, и хто порихтани и хто нє порихтани, схопни и нє схопни, бо програми єст од пририхтуюцей ґрупи по озбильну. Тренинґи єст три раз до тижня, пририхтуюца ґрупа почина од 18:45, док главна ґрупа ма тренинґ од 20 годзин. ■
КАЖДИ КРОЧАЙ ДАКОМУ ПОМОЖЕ
Фото: М. Дудаш
На путованю по африцкей реґиї Вестерн Кейп, Михаил зоз дружтвом нащивел и резерват зоз дзивима животинями. Гвари же нє були наймудрейши у шицким цо одлучели и поробели того дня.
Гуманитарна акция ,,Пружи корак”, то апликация хтора мера вашо крочаї и конвертує их до динарох, хтори ше збера за хори дзеци од карциному. Тоту активносц потримал и Дудашов Клуб прешлого тижня кед орґанизовали длугоку руту на хтору ше приявели шицки заинтересовани хтори сцели зоз бежаньом донирац пенєж спомнутей акциї.
РУСКЕ СЛОВО 21
ЛЮДЗЕ, РОКИ, ЖИВОТ НАШ ГОСЦ: ЗВОНКО ГАЙДУК З ВУКОВАРУ
ПЕЙЦ ДЕЦЕНИЇ ОД ПЕРШИХ КРОЧАЙОХ У КУЛТУРИ
Пише: Агнетка БАЛАТИНАЦ
Звонко Гайдук з гевтей ґенерациї хтора знала шеднуц на моторку и з Вуковару пойсц до Петровцох на пробу фолклору, лєм же би танцовал и цо частейше наступал. Вчас ше „задар” до руснацтва, и ище вше го тото трима
З
вонко жил у Вуковаре при оцови Янкови и мацери Марї, хтора по походзеню з Керестура, Иванова, або Гардийова як ше писала. Його седем роки младши брат Мирослав, зоз фамелию жиє у Миклошевцох, а свою приповедку наш собешеднїк почина од вуковарских дражкох: – До основней школи сом ходзел у Вуковаре, а потим до технїчней школи у Борове. Там сом достал и роботу як контролор на продукованю автоґумох, а потим як референт рекламацийох, дзе сом робел по саму войну. Понеже война розошала Вуковарчаньох по цалим швеце, я закончел у Слатини. Там сом ше преквалификовал за тарґовца, та сом и робел єден час. Бул сом и вожач, а вец сом одлучел пойсц до инвалидскей пензиї. Од теди прешло уж 10 роки – приповеда Звонко свою професийну драгу. ШЕРЕҐИЙ ПЕРШИ УЧИТЕЛЬ ФОЛКЛОРУ И ДРАМИ – На „Саймишту”, дзе зме бивали, як хлапец сом нє мал векше дружтво, та сом ше уж у седмей класи уключел до КУД „Осиф Костелник”. Теди, до тих крайох пришол и Юрий Шереґий зоз Словацкей. Бул вельки авторитет, та зме го шицки слухали, а учел нас танцовац и ґлумиц. Бавели зме „Наталку Полтавку”, а танцовали ткв. „Шереґийов гопак”. З тоту представу зме госцовали и у Андрашевцох, Бикич Долу, Миклошевцох, Петровцох – гвари наш собешеднїк толкуюци же танцованє лєм у КУД „Осиф Костелник” нє задовольовало його гиперактивносц. – Жадал сом ше нєприрвно змагац, видзиц хто лєпши. Прето сом пошол до
22 РУСКЕ СЛОВО
Петровцох хтори нє так далєко од Вуковару и приключел ше ґу аматером у КУД „Яким Гарди”. Теди Дружтво мало вельо членох, часто наступали, а путовали и до иножемства. Янко Чордаш ме приял и такой положел до першей танцошкей постави, та сом з нїма бул аж и у Французкей. У гевтих часох, було то вельке дожице – здогадує шє Звонко – Задумайце, на пробу сом, з Вуковару до Петровцох, ходзел на моторки, 15 километри два раз тижньово. Нєшка, кед векшина ма авта, таке дацо, можебуц, нє мож анї задумац, алє теди то була права авантура – з ошмихом приповеда Звонко. БАЛ – НЄЗАОБИХОДНЕ ВЕШЕЛЄ – Накадзи сом ше уключел до Дружтва там, дзешка, 1968-69. року, почал сом ходзиц и по балох. Думам же сом анї єден нє прескочел. Найвекши бал бул тот у Вуковаре, односно у Роботнїцким доме у Борове. Теди на балу знало буц коло 500 особи. Дружтво звичайно наступало, а нам, младим, то було вельке дожице бо зме могли остац скоро цалу ноц. Родичи нас нє гнали 11. OKTOБЕР 2019.
ljudze@ruskeslovo.com
дому, а на тим балу ше стретали млади зоз Заґребу, Славонского Броду, Осєку, Баня Луки, Прнявору, Липовлянох... Дружели зме ше и радзели и о тим цо будземе робиц през рок. Прейґ тих балох сом якошик рушел и на семинари. Нєшка то Лєтни школи – приповеда Звонко, и добре памета же на єдним таким семинару упознал и свою будуцу супругу. Кед дахто укаже сцелосц у роботи, вец му нє хибя задлуженя. Так Звонко єден час бул заменїк Гавриїлови Такачови при орґаниза ци й ним од бо ре Се ми на ра. Звон ко на сту пал з пе тровским Дружтвом и кед ше отверало мост на Дунаю медзи Илоком и Бачку Паланку (1974. року), а отворел го тедишнї пред си дате ль Юго сла виї, Йосип Броз Тито. Танцовац опрез такей значней особи, за яку словел Тито, була насправди велька чесц, окреме кед ше зна же наступело руске Дружтво з Петровцох, з малого ме ста, мала национална меншина, гоч Руснаци уж наступали пред авторитетами. Миклошевски хор, у часох кед го водзел учитель Яким Ко стелник, наступел пред папом у Ватикану. ВРАЦАНЄ ДОМУ – Того року будзе 10 роки як сом ше врацел дому, до Вуковару. Жена нє сцела присц зо мну, а мнє ту цагало. Так зме ше якошик и розишли. Жена остала у Вировитици дзе мала роботу як инспектор, а я у Вуковаре. Маме и єдно дзивче, тераз є уж одроснута дзивка – Наташа, дипломовала и маґистровала на Економским факултету у Осєку. Занята є и уж длугши час ма леґиня, идуцого року ше сцу побрац, та ше наздавам же будзем и дїдо – през ошмих приповеда Звонко о своїх найблїзших.
11. OKTOБЕР 2019.
– Кед сом ше врацел до Вуковару, пооправял сом хижу, будовал цо требало, а вец сом мал шлєбодного часу, та сом почал помагац старшим коло одходу до дохтора, плаценя рахункох, одвоженя дзе требало... У тим сом нашол якеш задовольство. ПОЛИТИЧНЕ АНҐАЖОВАНЄ – Понеже у тей хвильки нє мам векши обовязки, ознова сом активнєйши у КУД „Осиф Костелник”, алє тераз нє лєм як хориста, алє и у членстве у предсидательству Дружтва, а уключел сом ше и до политичного живота Руснацох. Член сом Городскей и жупанийскей ради рускей националней меншини. Потримуєме роботу наших дружтвох, и вєдно з другима националнима меншинами презентуєме нашо руске, вшадзи дзе нас поволаю. Дзечнє одходзиме и на Фестивали до Войводини – гвари вон. – Любел бим кед бизме ше частейше стретали з Руснацами з Войводини. Тераз нєдавно було Дружтво з Дюрдьова на манифестациї у Миклошевцох, и барз сом уживал у їх концерту. На концу, Звонко ище потолковал же то уж прешло 50 роки од його перших крочайох у култури. Було ту и прерви, алє заш лєм ше цеши кед ше здогаднє на шицки прешли роки, на шицко цо по нєшка „прекрачал”. Ми му жадаме ище велї успихи и у будучно сци.■
Звонко други з лївого боку
ПАМЯТКИ НА НЄМИЛИ ЧАСИ Нажаль, траґедия войни 90-тих, нє заобишла анї Гайдукову фамелию. – Мой оцец под час войни остал у обисцу, а мац теди була у Керестуре. Ту оцец и нєстал. Гварели же є ту и забити, алє по нєшка зме го нє нашли. Мац, о кратки час, кед ше врацела, умарла, та сом ту остал сам – приповеда Звонко, хтори ше пред децению врацел до родного краю.
РУСКЕ СЛОВО 23
ЛЮДЗЕ, РОКИ, ЖИВОТ У КАТЕДРАЛНЕЙ ЦЕРКВИ СВ. ОЦА МИКОЛАЯ У РУСКИМ КЕРЕСТУРЕ
ПЕТРО, ДЮРА, МИКОЛА, МИХАЛ И ЯНИ ПОВОЛУЮ НА МОЛИТВУ Пише: Мария АФИЧ
У ВОЙНОХ ДЗВОНИ БУЛИ ОДНЄШЕНИ Дзвони вше були блїзки людзом, вязани за їх каждодньови живот. Прето им було барз чежко кед дзвони однєшени у обидвох шветових войнох. Записане у керестурскей хронїки же теди валалчанє плачуци по конєц валала випровадзали дзвони хтори войско одношело...
Керестурци дзбаю о своїх дзвонох – найвекши Петро
У нєшкайшим чаше сателитскей комуникациї т. є. интернету, мобилней телекомуникациї, дружтвених мрежох, вироятнє уж мало хто, а окреме младши ґенерациї, замерковює же ище вше жию и стародавни способи обвисцованя. Єден з нїх то и дзвони у церковних турньох т. є. дзвонєнє
Ж
ителє у городох их уж вироятнє анї нє так чую од городского галайку, док на валалох ище вше нє мож нє чуц їх оздзиванє, найчастейше вязане за вирски потреби. У Руским Керестуре, у катедралней церкви св. Миколая хтора тераз шедзиско и нашей епархиї, у турнї змесцени пейц дзвони, гоч у шпиванки ошпивани „керестурски штири дзвони”. Дзвони маю и свойо мена та найвекши и найчежши Петро хтори ма 1 200 кили за половку лєгчейши Дюра и ма 800, кг, вец Микола, Михал и Яни. Єден дзвон дзвонї у турнї у Водици. ПРЕЗ ИСТОРИЮ Єдноставни звук дзвона одвше дорушовал найглїбше чловекову душу у шицких крайох швета. Дзвони збогацели литературу, музику, надихли архитектуру... Може
24 РУСКЕ СЛОВО
дзвонїц лєм єден або вецей, а звук им завиши и од того яку вистку оглашую, чи смутну чи радосну, а аж и од атмосферских обставинох... Дзвони обешени у турнї, медзи нєбом и жему, а їх гласне дзвонєнє виволує страхопочитованє и воздзвигує душу зоз тужемского до вичного. Дзвонєнє мистично позязує жемске зоз божеским, прето су присутни у вирских обрядох и церемонийох у скоро шицких старих релиґийох, та и у християнскей вири. Нє познате же хтори народ видумал дзвони, алє ше бешедує же ше перше зявели у Китаю, и же су у Азиї од давна, ище пред християнску еру. Мож их найсц и при старих америцких цивилизацийох, при Асирцох, у Єгипту, а мали их и Греки и Римянє. Гоч у медитеранских културох од давних часох исновали мали дзвони, на Заходзе вони свою ренесансу дожили аж у християнстве. Спочатку у християнскей вири дзвон поволовал на богослуженє, познєйше почал провадзиц и обряд, тиж означовац и преходзенє часу, славиц винчаня, оплаковац шмерц, оглашовац опасносци як огень, нє11. OKTOБЕР 2019.
ljudze@ruskeslovo.com
погоди, воєни вдереня итд. Од XIV столїтия у Белґиї и Голандиї дзвони постали и музични инструмент. ДЗВОНИ У НАШИМ ОБРЯДУ И у нашей грекокатолїцкей вири и на тих просторох дзвони од давна присутни, а як дознаваме у напису о. Йоакима Холошняя у Християнским часопису „Дзвони” на тоту тему, дзвони, яки маме нєшка, у християнстве ше хасную аж од осмого вику. По теди ше „оглашованя” место дзвонох посциговало з рижнима предметами, найчастейше десками, древенима, чи металнима або каменима, до хторих ше било и так доставало звуки. Остатки такого спо собу оглашованя у нашей Церкви то керепканє на Вельки пияток под час обряду Исусового хованя. Як нам потолковал парох керестурски о. Михайло Малацко, то єдини дзень у року кед ше церквони дзвони нє оглашую. Иншак, кажди дзень дзвони чловека поволую на молитву, гоч теди тиж означую и час. Рано кед задзвоня ранши пацери, поволую вирнїка же би дзень започал з Богом, вец на поладнє, же би ше застановел у роботи и думку дзвигнул ґу Господу, та вечар кед зуновани одходзи на одпочивок подзековал за ище єден дзень хтори му Бог дал и хтори прешол. О. Малацко нам спомнул и официйни податок кеди ше почало дзвонїц на поладнє. Папа Климент III 1456. после побиди коло Беоґраду над Турками, кед Янош Хуняди победзел султана Мехмеда II, дал же би ше дзвонєло на поладнє. – Скорей ше людзе по дзвону ровнали. Дзвонєло кед швитало, та и кед ше змеркало тиж так, а то часово нє було єднак, и на поладнє. Паметам же кед зме з родичами були на полю и на поладнє чули дзвон мац ше вше прежегнала. Теди ше ишло на полудзенок. Значи, дзвонєнє мало источашнє и молитвене и часово значенє, и рано и вечар поволовало голєм ше прежегнац, бо почина и кончи ше дзень з Богом – здогадує ше о. Малацко. Як записал о. Холошняй, з дзвонами ше оглашує дзень, нєдзеля и швета по велькосци, поволує ше на богослуженє, означую ше и найглавнєйши часци богослуженя, дзвони дзвонєли кед приходзел владика... По точних правилох, иншак ше дзвонї на роботни дзень, иншак внєдзелю и на швето, а иншак на найвекши швета, дакеди ше задзвонї лєм з єдним дзвоном з других нагодох ше шицки оглашую. У валалє и нєшка дзвони оглашую и смутну вистку кед ше дахто упокої, та старши добре знаю чи умар хлоп, чи жена, бо дзвони на початку три раз станю за хлопа, а два раз за жену, а 11. OKTOБЕР 2019.
у давних часох специфично ше дзвонєло и кед умерали дзеци. З двонами ше тиж поволує и на хованє и у тим єст вецей фази. ҐОМБИЧКА МЕСТО ПАНЬВАШОХ – Ми маме пейц дзвони, гоч нам позната шпиванкА „Керестурски штири дзвони”. Но, нєт правила кельо муши буц дзвони, то завиши од велькосци церкви и єй финансийних можлївосцох. У нашей турнї зме нєдавно змоцнєли конструкцию хтора трима дзвони. Уштимовани су по мелодиї, кажди дзвон ма свой тоналитет, алє кед их єст вецей, муши буц медзи нїма гармония. У вельких церквох єст и по 20 рижни дзвони, та мож теди аж и грац з нїма – потолковал о. Малацко. Велї старши ґенерациї Керестурцох паметаю же ше скорей дзвонєло ручно, цагаюци моцни груби штранґи за кажди дзвон окреме, а дзвонар их мушел цагац же би розкивал и сами дзвони, и їх шерца. У тей нєлєгкей роботи му помагали валалски шванцаре. Таке искуство памета и о. Малацко. – Дзвонар вше мал помоц од хлапцох и тримал нас коло себе зоз рижнима приповедками, а як награду нам дал побегац дакус по церковним пойдзе. Так робели велї ґенерациї керестурских хлапцох. Уж велї роки, у чаше пароха Макая, керестурски дзвони електрификовани. З часом скапала робота дзвонара, та нєшка у катедралней церкви тоту нємалу обовязку окончує церковнїк Томислав Регак. Уж седемнац роки сом церковнїк, та и дзвонїм. То нє чежко, бо дзвони тераз на струю, тиж су и автоматски намесцени дзвонїц пацери и поладнє, а я приходзим задзвонїц аж пред Службу Божу. Приходзим достоїнствено задзвонїц и кед дахто умре. – Ручно ше дзвонї ище лєм у Водици – гвари Регаков. Най би ище длуго була жива керестурска парохия, та най би ище длуго дзвонєли керестурски дзвони у шерцох своїх вирних. И ту, и там дзе су розшати по далєким швеце.■
ЛЮДЗЕ ШЕ РОВНАЛИ ПО ПАЦЕРОХ Кед наш стари керестурски дзвонар Ґалуска раз за 45 роки заспал, та нє дзвонєл рано на 5 годзин, єден валалчан ше з нїм вадзел же вон пре ньго запожнєл на автобус. А дзвонар гвари: „Цо ти думаш прецо я дзвонїм рано, чи прето же би ти пошол на автобус точно?! Дзвонїм прето же биш станул и помодлєл ше.” Так ше дзвонар вицагнул у тей ситуациї, алє и гварел глїбши смисел дзвонєня – виприповедал парох о. Малацко валалску анеґдоту.
РУСКЕ СЛОВО 25
ЛЮДЗЕ, РОКИ, ЖИВОТ МИРОН ЖИРОШ: ПРИВРЕДНИ ЖИВОТ РУСНАЦОХ (XV)
КОМАСАЦИЯ И ДЗЕЛЄНЄ ПАЖИЦОХ
Пририхтал: Микола ШАНТА
Пажици (пашкови, пасовиска) мали обачлїву улогу у живоце наших людзох-приселєнцох и виселєнцох зоз тих крайох. Вони ношели уж утвердзени способ живота – засновани на статкарстве и, источасно, нєобходни преход же би ше зоз живота селєня (селєнца) могли застановиц, на длугши час, и на єдним месце чувац традицию (триманє статку на пасовискох) и шмелше прилапйовац и овладовац з новшим, напреднєйшим польодїлством
П
ри приселєню до тих крайох – Керестура, Коцура, Дюрдьова и познєйше висельованє до Сриму, а окреме славонских валалох – Андрияшевцох, Пишкуревцох и Посавини – Райового Села, Ґунї и других менших местох – Руснаци хасновали заєднїцки пасовиска, або лєси дзе напасали статок, куповали пашкови, преорйовали их и преориєнтовали ше на польодїлство котре им оможлївйовало векше напредованє и триманє вецей статку. Напасанє статку и його триманє було заступене ище на Горнїци, и прето, предпоставяме, дзечнє прилапйовали и ту, або ше ориєнтовали населїц таки краї дзе уж могли лєм повториц „уходзену драгу” цо швидшого економского напредованя. Бо, кед пришли до Керестура, наишли на вельки поверхносци пасовискох котри могли хасновац и на нїх на ,,колективни способ” ґаздовац. То значело источасно ґаздовац за себе на заєднїцкей, валалскей (панскей – державней) жеми и обрабяц часц ,,своєй жеми” достатей на обрабянє
26 РУСКЕ СЛОВО
и плаценє од нєй аренди и одрабянє у роботи на панским – державним маєтку. Лєм кед ше з такого аспекту патри на пажици, достава ше о нїх правдиву слику, похопює ше їх значенє за першого, и нє лєм першого, населєнца до керестурского хотара. Ґу тому кед ше дода ище єдна прикмета керестурских пажицох – їх пасовиска и подводносц котра оможлївйовала константне триманє статку на нїх – вец розумлїве же вони були (голєм спочатку) ґаранция єдного ,,шлєбодного напредованя”. До таких предпоставкох приходзиме нє лєм на основи приповеданя старих Керестурцох (їх паметаня того цо слухали од своїх старих, односно усного преношеня з колєна на колєно), алє така предпоставка шлїдзи и пре прилапйованє условийох при насельованю тих крайох. Ту, на першим месце, нєобходне спомнуц прилапйованє обрабяня пустарох Медєш и Керестури и прилапйованє подводних пажицох, „нїчию” жем, односно „шицких” ко11. ОКТОБЕР 2019.
ljudze@ruskeslovo.com
тру мож спрам власних можлївосцох добре хасновац. ПАСОВИСКА ХУДОБНИМ БАРЗ ЗНАЧЕЛИ Пажици часц хотара хтори поставаю валалски, шицких валалчанох, т. є. заєднїцка власносц. На нїх ше витримує статок, котри ше зявює як „побочни продукт” контрактного насельованя и продукованя, односно схопносци и традициї у статкарскей продукциї. Нашо перши населєнци, поучени у прешлосци, странєли од жеми, односно обовязкох. Прето и прилапели насельованє з одредзенима олєгчанями, котри им оможлївели же би ше економски подняли. Прето им хаснованє пажицох и лєсох добре пришло же би спознали нови стредок и оценєли свойо можлївосци дальшого напредованя. Статок якошик вше бул ґаранция же голи живот нє будзе загрожени. И прето кед пришли суши, велї ше ламали цо и як будзе далєй. Дзепоєдни ше одлучели врациц и врацели ше на Горнїцу, алє, розуми ше, зоз статком. Тоти цо остали – з частим модлєньом, молбами, алє з лєгкима обецунками кулского ерара – висшу жем, окреме Билу, доставали лєм на одредзени час. За пажици (пашкови) були нєпреривно вязани у вше векшим чишлє и вше баржей. Жеми вецей нє могли достац як цо єй було (а их було вше вецей и пре нови досельованя и наталитет), прето пажици мушели баржей хасновац. Праве пажици пре триманє и напасанє статку були значне жридло приходу. Прето кед була комасация и сеґреґация жеми, односно збиванє жеми и повторене дзелєнє на менєй местох у хотаре и дзелєнє заєднїцкей (општинскей-валалскей) жеми, односно пажицох, спричинєло окремни револт худобних. Зоз траценьом пажицох – и пре додзельованє слабшей жеми худобним, або хибело пажици, бо жеми анї нє мали – нє було економскей сиґурносци за живот праве при тих котри жеми потераз нє мали. На тот способ пришло до ище векшого охудобньованя худобних и збогацованя уж змогнутих. Шицким нам познате же кед нашо перши населєнци насельовали Керестур, велька часц тей жеми була подводна. Вода им на одредзени способ ґарантовала сиґурнєйшу еґзистенцию, бо и пре сушу на Горнїци, випатра, приходзели до тих крайох. Медзитим, познєйше пре вилїви и под’жемни води мали надосц бриґи. Так же, шмело мож повесц, вони жем „однїмали” од води, обрабяци ю на свой способ и творели початну базу у статку, котри тримали на пажицох. Тото початкове ґаздованє ше им удало та воно, источасно було и поволанка новим колонистом же би насельовали тоти краї. Такей жеми котра нє була „предвидзена” за обрабянє (оранє и кошенє лукох) коло Керестура було досц. До тей поверхносци ше муши ураховац и валал котри ше помали преширйовал залапююци вше вецей и нїзшей обрабяцей жеми. Од хаснованя пажицох порция була срозмирна количеству обрабяцей жеми, котру на початку зношел валал, а нє водзело ше строго рахунку хто кельо статку напаса на пажицох. Пре таку вигодну можлївосц хаснованя пажицох дзепоєдни нашо людзе странє11. ОКТОБЕР 2019.
ли, або нє сцели вжац вельо жеми на обрабянє од котрей мушели сполньовац обовязки – седмину, лєбо дзевятину и дзешатину. Попис од 1773. року указує же у Керестуре було лєм 313 ґаздовства (обисца) спомедзи котрих 20 нє мали жеми, 29 анї ферталь, 57 лєм єден ферталь (7 гольти). Теди Керестурци за свой рахунок обрабяли лєм 4 212 гольти (кед рахуєме же тоти цо нє мали анї ферталь, мали стреднє по 5 гольти). На основи того попису видно же у Керестуре було 1 778 жительох, же на єдно обисце (ґаздовство) приходзело 5,7 жительох, а на єдного жителя ишло 2,5 гольта, односно стреднє єдно ґаздовство обрабяло коло 15 гольти жеми. Вшелїяк же уж таки початок направел вельки розлики медзи керестурскима жителями и же ше обставини у наиходзацим чаше чежко могли виправиц. Шмелши остали економски моцнєйши и поставали вше богатши на рахунок тих котри жем нє змогли на обрабянє теди кед єй було. ДВАЦЕЦ РОКИ ПОСЛЕ НАСЕЛЬОВАНЯ Алє зато уж 22 роки после урядового населєня Керестура єст пейц ґаздовства цо маю по 28 гольти жеми, 100 цо маю по 21 гольт и 102 цо маю по 14 гольти жеми. Чкода же нам нє познати тоти маєтнєйши ґаздовства, односно мена тих обисцох, бо би ше на тот способ легчейше могло утвердзиц їх економске напредованє и способ ґаздованя як и способи и средства котри применьовали же би були цо маєтнєйши. Зоз таких пописох за Коцур мож констатовац же тоти цо мали вецей жеми уж по кратшим пребуваню у тим краю – були найбогатши и у першей половки XX стороча. Алє, врацме ше знова ґу керестурским пажицом. Значи, пажици ше хасновало, алє ше аж познєйше огранїчовало число напасаюцого статку. На їх хаснованє нє исновали строго утвердзени обовязки як на гевту другу жем котру ше мушело обрабяц зоз статком або физичну роботу и дзешатину з урожайох. На тот способ ше странєло и од риґорозних карох, гоч ше обовязки нє могло и пре обективни причини сполнїц (подводни роки, елементарни нєпогоди и инше). Нашо предки на тот способ були шлєбоднєйши и могли предлужовац, уж по євоєй традициї, до других хотарох дзе могли знова мац шлєбоду селєня и свой способ ґаздованя.■ (Предлужи ше)
РУСКЕ СЛОВО 27
ДУХОВНИ ЖИВОТ НЕҐОВАН ПЕЛИЧ ЗОЗ СРИМСКЕЙ МИТРОВИЦИ ПРИКЛАД ЦЕРКОВНЕЙ ОСОБИ ХТОРА ПЕСТУЄ ТРАДИЦИЮ
ЛЮБИ СВОЙО ПОХОДЗЕНЄ Пише: о. Владислав ВАРҐА
Трицецрочни Неґован зоз Сримскей Митровици, котри сам научел руску бешеду, чита „Руске слово”, пише по руски до „Дзвонох”, православни є, а люби нашу Грекокатолїцку Церкву, дарує свой шлєбодни час у хору „Руски зарї”, участвує у културним живоце Руснацох у Митровици и дава свой прилог, як за Церкву, так и за худобних
Неґован у хору „Руски зарї” (кучи, на лївим боку)
С ПОУЧНЕ ИНТЕРЕСОВАНЄ ЗА ПРЕДКОХ Кед ше так дахто зацикави за своїх предкох, скоро сиґурне же направи и свойо фамелийне стебло як цо то и Неґован Пелич поробел, глєдаюци документи у нашей церкви, алє аж и у Польскей, дзе пренашол стари гробни памятнїк своїх Шкрпанових. Най би його приклад порушал велїх же би нє забували свою прешлосц, своїх дїдох и прадїдох, свою историю, а по можлївосци и свою бешеду, котру можебуц мало дзе мож хасновац, алє, як гварел єден Єврей кед видзел кнїжку на своїм язику, а давно забул свою бешеду, купел ю зоз словами „А хто же ю купи кед нє я, потомок моїх славних предкох!”
28 РУСКЕ СЛОВО
римскомитровчань Неґован Пелич народзени у мишаней малженскей фамелиї 1988. року, оцец му православни Серб, а мац Миряна народзена Шкрпан, руского походзеня. Кед ше Неґован зацикавел за свойо руске походзенє, дознал же вони походза зоз давней Лемковщини, округ Ґорлице, або як теди писали у церковним документох Ґалиция, зоз валалу Панкна (нєшка Петна) у юговосточней Польскей. Його чукундїдо Василь Шкрпан пришол до Сримскей Митровици коло 1895. року, а пред тим бул у Америки, дзе робел як и велї Русини у рудокопе. Кед ше врацел до Митровици, купел хижу и як добри християн бул вибрани за члена Церковного одбору, котри почал будовац нєшкайшу грекокатолїцку церкву Вознесения Господнього. СЛАВИ ДВА КРАЧУНИ И ДВА ВЕЛЬКИ НОЦИ Понеже оцова мац римокатолїкиня, Неґован вше славел два Крачуни, два Вельки ноци, бо як гвари, так ше стретаме и радуємє крачунским и вельконоцним шветом, приходзиме єдни до других, до єдней и другей церкви. – До грекокатолїцкей церкви сом першираз пришол зоз дїдом по мацери, Шкрпаном, гоч вон уж давно покойни, алє ше вшелїяк радує на нєбе же сом нє забул на його Церкву, виру и язик – роздумує Пелич.
О грекокатолїцкей вири нє знал вельо док ше нє упознал зоз тераз покойним о. Зиновийом Вовком котри му дал даскельо кнїжки и вельо вецей му потолковал „мацерову” виру. Як нам познате, у Сримскей Митровици Русини забули свою мацеринску бешеду уж 1930-их рокох, кед до Митровици, як треци по шоре, а перши Руснак, пришол паноцец Владимир Сеґеди, же би поучел свой народ бешедовац по руски, алє уж було позно. Нєшка од тих Русинох нїхто вецей нє бешедує по руски, окрем Неґована. По руски бешедую ище 28 Руснаци котри ту пришли зоз Шиду, Бачинцох, Миклошевцох, Бикичу и Коцура и дас штверо Українци, котри жили у Бачинцох. Прето, як гвари Неґован, вон и нє мал од кого научиц по руски. Дацо учел од професорки Моники Абодїйовей и од о. Вовка, алє углавним найвецей сам, зоз читаньом „Руского слова”, других виданьох, як и провадзеня руских емисийох на Телевизиї Нови Сад и шпиваня руских писньох. Неґован ше уключел и до шпивацкей ґрупи „Руски зарї” одпочатку, пред пейцома роками, котру водзи професорка музики Даниєла Горняк зоз Сримскей Митровици. Даниєла ходзела дакеди на ученє руского язика, та тераз добре позна руску писню. Тиж є и композитор, єй композициї два раз наградзени на „Червеним пупчецу”, а компоновала и за „Ружову заградку”. 11. ОКТОБЕР 2019.
duhovni@ruskeslovo.com
Неґован поставел памятнїк о. Маркови Маличови
У тим хору Неґован може бешедовац по руски зоз панїматку Славицу Варґа, Душку Костичову и Ґенку Люботина, бо индзей нєт нагоди, та и то єдна од можлївосцох дакус вецей дацо научиц, зоз писньох и зоз бешеди. Тиж, ма нагоду стретац ше зоз Руснацами и наступац на „Червеней ружи” у Руским Керестуре, на хорским шпиваню у Вербаше, а вєдно з хором участвовал и у Шидзе, Беоґрадзе, Бикичу, Дивошу и з рижних нагодох у Митровици. Неґован активни и у шицких културних збуваньох у Рускей заєднїци у своїм месце у Сримскей Митровици. Окрем „Дня Руснацох” и сримскомитровицкей културней манифестациї „Мацери Рускинї” вон участвує и у каждим стретнуцу дзе ше Руснаци представяю. Єдно з його анґажованьох була и успишна трибина о култури Руснацох у Митровици у проєкту „Руснаци у Сримскей Митровици” котри софинансовал Покраїнски секретарият за културу, явне информованє и одношеня зоз вирскима заєднїцами, котра отримана у Месней заєднїци Сутєска, 24. новембра прешлого року. Попри Светозара Обрадовича, предсидателя Месней заєднїци, котри ше окреме крашнє виражел о Руснацох, їх вири и чуваня своєй култури, на трибини о обичайох бешедовала Анита Абодї, а дириґентка хору „Руски Зарї” Данєла Горняк о хорским шпиваню. З тей нагоди наступел и Неґован котри представел ученє руского язика през историю у Бачкей и Сриме зоз окремним акцентом на дзеци у Сримскей Митровици котри ходза ґу професорки Моники Абодї. Гоч, як гварел, Руснаци у 11. ОКТОБЕР 2019.
Митровици уж лєм даскелї бешедую по руски, а то тоти котри пришли зоз других сримских местох, його оптимизем и власне виучованє указало же вше мож обновиц язик своїх предкох, и без огляду як зме помишани, и асимилация уж давно зробела тото цо чежко врациц. Покресцени є у Сербскей Православней Церкви по оцови, алє Неґован часто присутни и на наших богослуженьох. Нє забул дац вєдно зоз мацеру на грамоти за своїх предкох, а з нагоди означованя 110-рочнїци од будови грекокатолїцкей церкви 2016 року. На памятку того ювилея нашей Церкви подаровал красни червени ручни хрест. Одтеди, уж три роки кажди мешац уплацує зоз своєй плаци 500 динари за обнову нашей церкви, цо треба похвалїц. ЗОЗ МАЛИМ МОЖ ВЕЛЬО ПОМОГНУЦ Неґован предлужел свойо анґажованє и у Каритасу у нашей Церкви, та так бул на стретнуцох на националним уровню у Текийох 2016. року, у Беоґраду 2017. року, у Зренянину 2018. року, як и на стретнуцу Каритасу того року у Водици. Тоти стретнуца го мотивовали, та и сам зоз своїх власних средстваох того року направел пакети за пейц найхудобнєйши фамелиї у Митровици. Як зна часто повесц, кед бизме шицки покус одвоєли зоз свойого, могли бизме велїм помогнуц, бо єст надосц старших, хорих, худобних котрим можебуц нє тельо потребни лєм пенєж, кельо и щира бешеда. Велї з нїх нє маю з ким побешедовац, попиц кафу, цо тиж вельке дїло любови. Нєдавно вон зацикавел нашу церковну явносц, а окреме Бачинчаньох, кед, читаюци кнїжку о Руснацох котру видало Дружтво за руски язик, литературу и културу, одкрил же на нашим руским теметове у Митровици поховани штерацецрочни бачински парох Марко Малич, котри збудовал бачинску церкву и парохию, алє на теметове нє ма нїяки знак на гробе. Вєдно зоз домашнїм парохом, вон дал направиц нєвельки памятнїк и положел го на напущени гроб, коло паноцох Ванчика, Сеґедия и Гирйоватого.■
КИРБАЙ У ПЕТРОВЦОХ
БОГОРОДИЦА НАС ОХРАНЮЄ
Фото: www. krizevacka-eparhija.com
У Петровцох внєдзелю, 6. октобра, преславене швето Покрова Пресвятей Богородици и Кирбай, а шветочну Литурґию служел о. Милан Стипич, апостолски управитель Крижевскей епархиї. Як сообщене на сайту Крижевскей епархиї, сослужели о. Владимир Мудри, о. Владимир Маґоч, о. Олеґ Закалюк, о. Михайло Режак, о. Дарко Рац, о. Владимир Еделински Миколка, о. Мате Шполяр и о. Стєпан Маруславац. Домашнї парох и владически викар о. Владимир Седлак предводзел шпиванє. Апостолски управитель Стипич у казанї бешедовал о наставаню швета Покрова Пресвятей Богородици и о його смислу и значеню за живот християнох. Вон наглашел же у Богородици вше маме защитнїцу, хтора нас розуми и вше ше за нас модлї. М. Г. К.
РУСКЕ СЛОВО 29
informator@ruskeslovo.com СМУТНЕ ЗДОГАДОВАНЄ Дня 7. октобра наполнєли ше 40 смутни днї як нас занавше зохабела наша мила супруга, мац и баба
ОСТАТНЇ ПОЗДРАВ Дня 30. септембра занавше нас зохабела наша мила баба и прабаба
МАРИЯ ФА (1933–2019) з Руского Керестура Занавше останєш жиц у наших памяткох и у здогадованьох на красних хвильки препровадзени зоз тобу. Вично ожалосцена твоя унука Ясминка зоз супругом Цвийом и твойо праунуки Андреа, Тамара и Никола Максимовичово Спочивай у мире Божим! ОСТТАНЇ ПОЗДРАВ Дня 30. септембра занавше нас зохабела наша мила баба и прабаба
ИРИНКА НЯРАДИ народзена Винаї (1963–2019) з Руского Керестура
МАРИЯ ФА (1933–2019) з Руского Керестура
Твою любов, доброту и красни памятки на це вично буду чувац – супруг Дюра, и дзеци – дзивка Сандра зоз супругом Александром и дзецми Теодором и Карлом, дзивка Павлина зоз супругом Дарком и сином Лазаром и син Ивица Спочивай у мире Божим!
Нїґда нє забудземе вашу любов и доброту и занавше останєце у наших шерцох и наших думкох. Вично ожалосцени ваш унук Желько зоз супругу Ясминку и вашо праунуки Иґор и Лара Папуґово Спочивайце у мире Божим!
СМУТНЕ ЗДОГАДОВАНЄ Дня 7. октобра наполнєли ше штерацец жалосни днї як нас занавше зохабела наша мила шестричка
СМУТНЕ ЗДОГАДОВАНЄ Дня 9. октобра наполнєл ше рок як нас занавше зохабела наша мила и добра мац, баба и прабаба
ИРИНКА НЯРАДИ народзена Винаї (1963–2019)
Памятку на єй милу подобу вично чуваю єй браца: Янко, Дюра и Микола зоз фамелиями Спочивай у мире Божим!
30 РУСКЕ СЛОВО
НАТАЛИЯ РАЦ народзена Надь (1927–2018)
З любову и почитованьом памятку на це вично чуваю твойо наймилши Спочивай у мире Божим! 11. ОКТОБЕР 2019.
informator@ruskeslovo.com OСТАТНЇ ПОЗДРАВ Дня 3. октобра занавше нас зохабела наша мила мац
ИРИНА ГАРДИ народзена Еделински (1. IV 1942 – 3. X 2019) з Руского Керестура Навики це будземе чувац у наших шерцох и думкох. Ожалосцена твоя дзивка Оленка и жец Владо Спочивай у мире Божим! OСТАТНЇ ПОЗДРАВ Дня 3. октобра занавше нас зохабела наша мила баба
ИРИНА ГАРДИ народзена Еделински (1. IV 1942 – 3. X 2019) з Руского Керестура Твоя доброта останє вше зоз нами. Твойо наймилши унуки Владко и Ванеска зоз супругом Владком Спочивай у мире Божим!
OСТАТНЇ ПОЗДРАВ Дня 3. октобра занавше нас зохабела андя
ИРИНА ГАРДИ народзена Еделински (1942–2019) з Руского Керестура З любову и почитованьом памятку на ню буду чувац Любо зоз супругу и дзецми, Ната зоз супругом и дзецми и андя Слава зоз дзецми Спочивай у мире Божим!
11. ОКТОБЕР 2019.
ОСТАТНЇ ПОЗДРАВ Дня 7. октобра занавше нас зохабела наша мила супруга, мац, баба и прабаба
ОСТАТНЇ ПОЗДРАВ Дня 7. октобра занавше нас зохабела наша мила мац и баба
ФЕМА РОЙКО народзена Планчак (1937–2019) з Руского Керестура Красни памятки на єй любов и доброту навики будзе чувац супруг Яким Спочивай у мире Божим!
ФЕМА РОЙКО народзена Планчак (1937–2019) з Руского Керестура З любову и почитованьом у красних памяткох навики ю буду чувац: дзивка Славка зоз супругом Славом, и унуки Мики и Сандра зоз супругом Иґором Спочивайце у мире Божим!
ОСТАТНЇ ПОЗДРАВ Дня 7. октобра занавше нас зохабела наша мила мац и баба
ОСТАТНЇ ПОЗДРАВ Дня 7. октобра занавше нас зохабела наша мила мац и баба
ФЕМА РОЙКО народзена Планчак (1937–2019) з Руского Керестура Зоз любову и почитованьом у красних памяткох навики вас буду чувац: син Михал зоз супругу Таню и унукове Славко и Влатко Спочивайце у мире Божим!
ФЕМА РОЙКО народзена Планчак (1937–2019) з Руского Керестура Зоз любову и почитованьом у красних памяткох навики вас буду чувац: син Юлин зоз супругу Веселку, и унукове Борис и Желько зоз супругу Даниєлу Спочивайце у мире Божим!
ОСТАТНЇ ПОЗДРАВ Дня 7. октобра занавше нас зохабела наша мила мац, баба и прабаба
СМУТНЕ ЗДОГАДОВАНЄ Дня 1. октобра 2019. року наполнєли ше шейсц мешаци як вецей нє з нами наша мила
ФЕМА РОЙКО народзена Планчак (1937–2019) з Руского Керестура КСЕНИЯ ПЛАНКОШ Зоз любову и почитованьом у краснародзена Киш них памяткох навики вас буду (1944–2019) чувац: дзивка Злата зоз супругом з Коцура Ґораном, унуки Деян и Наташа зоз Памятку на ню чуваю шестра супругом Ацом и праунук Никола Спочивайце у мире Божим! Маря и Зденка зоз Коцура НА ЗДОГАДОВАНЄ Дня 9. октобра 2019. року наполня ше дзешец смутни роки як нас занавше зохабел наш мили оцец, дїдо и швекор
МИРОСЛАВ МИХАЙЛОВСКИ (1953–2009) з Дюрдьова Його любов и доброту нїґда нє забуду и навики буду ношиц памятку на ньго у своїх шерцох. Ожалосцени: син Владимир зоз фамелию, син Михайло зоз фамелию и дзивка Таня зоз фамелию
СМУТНЕ ЗДОГАДОВАНЄ Наполнєли ше шейсц мешаци як вецей нє з нами наша мила
КСЕНИЯ ПЛАНКОШ народзена Киш (1944–2019) з Коцура З любову и почитованьом памятки на ню чуваю шестра Леона зоз супругом Петром и синами Аленом и Славком зоз Австралиї
РУСКЕ СЛОВО 31
informator@ruskeslovo.com НА ЗДОГАДОВАНЄ Дня 5. октобра наполнєли ше 40 жалосни днї як ше преселєл до вичносци мой мили супруг
ЯНКО САБАДОШ (1936–2019) з Руского Керестура З любову и почитованьом у красних памяткох го чува ожалосцена супруга Мелания Спочивай у мире Божим! НА ЗДОГАДОВАНЄ Дня 5. октобра наполнєли ше 40 жалосни днї як нас занавше зохабел наш мили оцец и дїдо
ЯНКО САБАДОШ (1936–2019) з Руского Керестура З любову и почитованьом памятки на Вас чуваю син Дюра зоз супругу Весну и унуки – Ясмина, Деян и Наташа Спочивайце у мире Божим! НА ЗДОГАДОВАНЄ Дня 5. октобра наполнєли ше 40 жалосни днї як нас занавше зохабел наш мили оцец, дїдо и прадїдо
СМУТНЕ ЗДОГАДОВАНЄ Дня 13. октобра наполнює ше рок як ше преселєла до вичносци наша мила мац, супруга и швекра
ҐИЗЕЛА КИШ (1958–2018) з Коцура У думкох и молитвох вше будзеш з нами. З вельку любову и почитованьом твойо наймилши: супруг Любомир, синове Тихомир, Далибор, Микола и нєвеста Ивана СМУТНЕ ЗДОГАДОВАНЄ Дня 9. октобра наполнєли ше 6 жалосни мешаци як вецей нє з нами наш мили супруг, оцец и дїдо
МИХАЙЛО ВАРҐА (1952–2019) з Руского Керестура З любову и почитованьом красни памятки на це чуваю и нїґда це нє забуду твойо наймилши: супруга Даринка и синове Мижо и Владко зоз супругу Наташу и твойо мили унучки Елена и Надя Спочивай у мире Божим!
НА ЗДОГАДОВАНЄ Вовторок, 8. октобра наполнєли ше двацец роки як вецей нє з нами наш мили супруг, оцец и дїдo
ЯНКО САБАДОШ (1936–2019) з Руского Керестура Красни памятки у своїх шерцох на Вас чува син Янко зоз фамелию Спочивайце у мире Божим! НА ЗДОГАДОВАНЄ Вовторок, 8. октобра наполнєли ше двацец роки як вецей нє з нами наш мили шовґор
ЛЮБОМИР СОПКА (1938–1999) з Руского Керестура Остал нам у найкрасших памяткох.
Най спочива у мире Божим! Фемка Паланчайова, Костелниково и Бодянцово
32 РУСКЕ СЛОВО
ЛЮБОМИР СОПКА (1938–1999) з Руского Керестура Красни памятки на його любов, доброту и пожертвовносц чуваю його наймилши: супруга Мария и дзеци Любомир и Терезия зоз своїма фамелиями Най спочива у мире Божим! 11. ОКТОБЕР 2019.
informator@ruskeslovo.com СМУТНЕ ЗДОГАДОВАНЄ Дня 14. октобра 2019. року наполня ше 40 жалосни днї як нас занавше зохабела наша мила тета
СМУТНЕ ЗДОГАДОВАНЄ Мили наш, прешол рок як ши нас нєсподзивано напущел, а нас охабел же бизме ше лєм здогадовали живота котри зме прежили з тобу. Твою доброту и пожертвовносц будземе занавше паметац.
ФЕБРОНИЯ МАҐОЧ (1929–2019) з Коцура З любову и почитованьом у красних памяткох навики ю будзе чувац фамелия Русковски: Микола, Слободанка и дзивка Биляна Спочивайце у мире Божим!
СМУТНЕ ЗДОГАДОВАНЄ Дня 14. октобра наполнї ше жалосни рок як вецей нє з нами мой мили кум
МИХАЙЛО РАМАЧ (1943–2018) з Нового Саду З любову и почитованьом твойо наймилши: супруга Ната, син Иван, дзивка Ганча, жец Яни, унука Мая и унук Теодор СМУТНЕ ЗДОГАДОВАНЄ Дня 12. октобра 2019. року наполнї ше рок як ше упокоєл наш кум
ВЛАДО ФЕКЕТЕ (1951–2018) з Коцура Гоч сом нєшка далєко, алє у моїх думкох остали Ви и Вашо благородне вельке шерцо, полне любови и доброти. Вше будзем паметац кед сом як дзивче мойо найкрасши дзецински днї препровадзела зоз Вами у вашим доме у Коцуре. Ви нас дочековали, любели и випровадзали. Куме, за шицко Вам дзекуєм! Тераз ми остали лєм найкрасши памятки. Вашо кумче Весна Олеярова, тераз Афичова зоз супругом Кимом и дзецми Андрейом и Мартину зоз Нємецкей Спочивайце у мире Божим! СМУТНЕ ЗДОГАДОВАНЄ Дня 14. октобра наполнї ше жалосни рок як нас зохабел наш кум
OGLA[OVANW МИХАЙЛО РАМАЧ Красни памятки остали. Куме, вше це споминаю кумово Сабадошово
021/6613-697, 021/ 6624/708 e-mail: ruske.redakcija@gmail.com
* дзе цо будзе *
ПАЛОМНЇЦТВО ДО СУБОТИЦИ
ВЛАДО ФЕКЕТЕ (16. XII 1951 – 14. X 2018) з Коцура Куме, най це у цихосци вичного мира провадзи наша любов котра моцнєйша од часу и забуца. Твойо кумово: Владо и Ксения Олеярово зоз Керестура Спочивай у мире Божим!
11. OKTOБЕР 2019.
На соботу, 12. октобра 2019. року, Културно-просвитна рада Новосадскей парохиї св. апостолох Петра и Павла орґанизує паломнїцтво до Суботици. Руша ше на 8 годзин зоз Нового Саду, през Коцур и Вербас. У Францисканскей церкви будзе Служба Божа, а после ше идзе зоз туристичним водичом до Православней церкви, Катедрали, Синаґоґи, Джамиї, Городскей хижи и на Палич, дзе будзе и полудзенок. Цена по особи 2 000 дин. Приявиц ше може Геленки Бабичовей на тел. 064/6521262.
РУСКЕ СЛОВО 33
informator@ruskeslovo.com * дзе цо будзе *
НА СОБОТУ „ДОМАШНЇ ШПАЙЗˮ У РУСКИМ КЕРЕСТУРЕ Уж традицийно, у центру Руского Керестура, на соботу 12. октобра од 8 годзин будзе отримана манифестация „Домашнї шпайзˮ. На соботу свойо, уж надалєко познати продукти виложа жени зоз Здруженя женох „Байкаˮ, Михайло Фейди – „Задолїнєцˮ, Олена Рацова понукнє природни соки, Микола Винаї мелку паприґу, а Таня Югасова домашню жимнїцу. Кажде з учашнїкох будзе мац свой штанд на котрим виложи свойо продукти. Кед же ище дахто жада присц понукнуц свойо продукти, най ше шлєбодно придружи викладачом. Манифестацию орґанизує Здруженє женох „Байкаˮ зоз Руского Керестура и поволує нащивительох же би пришли на манифестацию и дополнєли свою жимнїцу.
***
У ВОДИЦИ ЄШЕНЬСКЕ СТРЕТНУЦЕ „ДЗЕЦИ ЗА ЄДИНСТВОˮ Порядне єшеньске стретнуце дзецох дзецох од пейц по дванац роки – Дзеци за єдинствоˮ, отрима ше на соботу, 12. октобра од 11–16 годзин у Водици, а кед же хвиля нє будзе красна, стретнуце будзе у просторийох керестурского Каритасу. Стретнуце будзе духовно-рекреативного типу, цо значи же дзеци буду мац и духовни вежби и нагоду упознац ше и бавиц. Присутним будзе орґанизовани и полудзенок. Присуствовац буду домашнї, дзеци зоз Руского Керестура, Коцура, Вербасу, Нового Саду, Суботици, Беоґраду, Вершцу и других местох. Контакт особа за тото стренуце Янко Катона и мож ше му явиц на мобилни телефон 063/8021165, месинджер або прейґ його Фейсбук профилу. Стретнуце орґанизує Рух фоколарох, а партнер стретнуца Каритас.
***
ВОСПИТНО-ОБРАЗОВНИ АКТИВНОСЦИ У „ПАЛЧОЧКИ” У обєкту „Палчочка”, у Улїци Бранимира Чосича ч. 40 почали воспитно-образовни активносци за наймладши дзеци у Новим Садзе. Годзини ше будзе отримовац каждей другей стреди, а шлїдуюца годзина будзе 16. октобра. И того року з дзецми будзе робиц вихователька Александра Колбас, а хто жада ходзиц на годзини може ше приявиц виховательки Александри на тото число телефона 060/3298991. Годзини буду тирвац од 18 до 19 годзин.
34 РУСКЕ СЛОВО
Городска управа за защиту животного штредку Городу Нового Саду на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
Городска управа за защиту животного штредку Городу Нового Саду на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
о принєшеним ришеню з хторим дата согласносц на Студию о преценьованю вплїву на животни штредок проєкта базней станїци мобилней телефониї „НС2193_02 НС_ Футоґ_3” Подприємство „KODAR ENERGOMONTAŽA” DOO зоз Беоґраду, по овласценю ношителя Проєкта „VIP MOBILE” d.o.o. Милутина Миланковича 1ж, Нови Беоґрад, поднєсол тому орґану вимогу за даванє согласносци на Стдудию о преценьованю вплїву на животни штредок проєкта - базней станїци мобилней телефониї „НС2193_02 НС_ Футоґ_3”, у улїци Царици Милици 5, у Футоґу, на катастерскей парцели число 6018, К. О. Футоґ, Город Нови Сад. После запровадзеного поступку и предкладу Технїчней комисиї, Городска управа за защиту животного штредку дня 8. октобра 2019. року принєсла ришенє число VI-501-578/19 з хторим дата согласносц на предметну Студию. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин на сайту Городскей управи за защиту животного штредку www.environovisad.org. rs. Процив того ришеня мож порушац управни спор пред Управним судом у чаше од 30 днї од дня його обявйованя обвисценя о принєшеним ришеню у средствох явного информованя.
о принєшеним ришеню з хторим дата согласносц на Студию о преценьованю вплїву на животни штредок проєкта базней станїци мобилней телефониї „НС2477_02 НС_ Ковиль_центер” Подприємство „KODAR ENERGOMONTAŽA” DOO зоз Беоґраду, по овласценю ношителя Проєкта „VIP MOBILE” d.o.o. Милутина Миланковича 1ж, Нови Беоґрад, поднєсол тому орґану вимогу за даванє согласносци на Стдудию о преценьованю вплїву на животни штредок проєкта - базней станїци мобилней телефониї „НС2477_02 НС_ Ковиль_центер” у улїци Лази Костича 16, у Ковилю, на катастерскей парцели число 2513, К. О. Ковиль, Город Нови Сад. После запровадзеного поступку и предкладу Технїчней комисиї, Городска управа за защиту животного штредку дня 9. октобра 2019. року принєсла ришенє число VI-501-577/19 з хторим дата согласносц на предметну Студию. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин на сайту Городскей управи за защиту животного штредку www.environovisad.org. rs. Процив того ришеня мож порушац управни спор пред Управним судом у чаше од 30 днї од дня його обявйованя обвисценя о принєшеним ришеню у средствох явного информованя.
ОБВИСЦЕНЄ
Покраїнски секретарият за урбанизем и защиту животного штредку, на основи члена 14. Закона о преценьованю вплїву на животни шредок („Службени новини РС” чс. 135/04) обявює
OБВИСЦЕНЄ
o приношеню ришеня о обсягу и змисту студиї о преценьованю вплїву на животни штредок Покраїнски секретарият за урбанизем и защиту животного штредку дня 27. 09 2019. року принєсол ришенє о обсягу и змисту Студиї о преценьованю вплїву на животни штредок за ПРОЄКТ за Вибудов швидкей державней драги IB ряду чс. 21 Нови Сад Рума, Партия 1-Часц 1, Ґузел „Автодрага Е-75” – Параґово, зоз плановану трасу державней драги IIA ряду чс. 100 од Жежельового моста до ґузла „Автодрага Е-75. Ношитель проєкта ЯП „Драги Сербиї” зоз Беоґраду, улїца Булевар краля Александра чс.282. Ришенє о обсягу и змисту студиї о преценьованю вплїву на животни штредок за предметни проєкт мож достац на увид роботни дзень од 10 до 14 г у просторийох Покраїнского секретарияту за урбанизем и защиту животного штредку, Булевар Михайла Пупина 16, Нови Сад (прижемє, канцелария ч. 39). Заинтересована явносц може виявиц жалбу на принєшенє ришенє у чаше од 15 дньох од дня обявйованя того обвисценя.
МАЛИ ОГЛАШКИ ДИХТОВАНЄ облакох и дзверох. Щици од витру, жими, праху, галайку, инсектох. МОНТИРАМЕ: – РОЛЕТНИ – ГАРМОНИКОВО
ДЗВЕРИ – ПАНТЛЇКОВО ДЗВЕРИ – МРЕЖИ ОД СУНЬОҐОХ – ВЕНЕЦИЯНЕРИ – ОПРАВКИ 025/5827-710 060/5088-433
ОБВИСЦЕНЄ
Городска управа за защиту животного штредку Городу Нового Саду на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же потребне преценьованє вплїву и о одредзованю обсягу и змисту Студиї на животни штредок проєкта радио базней станїци мобилней телефониї „НС2334_02 НС_ Ветерник_3” Подприємство „KODAR ENERGOMONTAŽA” DOO зоз Беоґраду, по овласценю ношителя Проєкта „VIP MOBILE” d.o.o. Милутина Миланковича 1ж, Нови Беоґрад, поднєсол тому орґану вимогу за одлучованє о потреби преценьованя вплїву на животни штредок проєкта радио базней станїци мобилней телефониї „НС2334_02 НС_ Ветерник_3”, у улїци Краля Петра I число 25, на катастерскей парцели число 387, К. О. Ветерник, Город Нови Сад. После запровадзеного поступку Городска управа за защиту животного штредку дня 8. октобра 2019. року принєсла ришенє число VI-501-239/19 з хторим дата согласносц на предметну Студию. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин на сайту Городскей управи за защиту животного штредку www.environovisad.org. rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.
11. ОКТОБЕР 2019.
sport@ruskeslovo.com
ШВЕТОВЕ ЗМАГАНЄ ЗА ОСОБИ З ИНВАЛИДИТЕТОМ ,,ПАРА–КРИМ 2019” У РУСИЇ
МИЛАН ШОЛАЯ ДРУГИ НА ШВЕЦЕ
У
Дакеди бул успишни рукометаш, а тераз параолимпиєц, Милан Шолая зоз Коцура на змаганю у Русиї освоєл друге место у статичней апнеи
рамикох Фестивала за особи зоз инвалидитетом ,,Пара-Крим 2019.” у Русиї, од 4. по 11. септембра, отримане шветове змаганє у вецей дисциплинох, на котрим и Сербия мала свойого представнїка. Сербски параолимпиєц Милан Шолая зоз Коцура на тим змаганю освоєл друге место у статичней апнеи. У тей дисциплини участвовали 14 змагателє, а златну и бронзову медалю освоєли змагателє зоз Русиї. Шолая ше на тото змаганє пласовал после побиди на Европским першенству отриманим у Словениї, дзе освоєл златну медалю. Покля бул у Русиї, Милан мал нагоду опробовац ше ище у єдней дисциплини – з падобраном скочел з висини од 4 300 метери. Тренер нашого параолимпийца у статичней апнеи Милош Дяконов и Шолая одпутовали до Русиї пред змаганьом. Наш представнїк Шолая мал и чесц отвориц ,,Пара-Крим 2019.”, так же як єдини од шицких котри участвовали на змаганю, мал нагоду на урядовей святочносци повесц даскельо слова коло 500 присутним учашнїком. Шолайово участвованє на змаганю у Русиї потримали Општина Вербас, як и ДОО ,,Екстра ауто транспорт”. Дакеди активни рукометаш, тринац роки успишно бавел за РК ,,Вербас”, Милан 2014. року дожил транспортне нєщесце у котрим бул чежко покалїчени и остал нєрухоми. После операциї похребцини и регабилитациї, од 2015. по 2017. рок озбильно тренирал руцанє копия зоз инвалидского кочика и достал лиценцу за найвисши змаганя и постал член параолимпийскей репрезентациї Сербиї. Медзитим, пре вельки напруженя и оштри рухи при руцаню копия, попукали му шруби фиксатора за похребцину и мушел престац занїмац ше зоз атлетику. Поволанку за европске змаганє у апнеи достал од орґанизатора Бранка Радака зоз Словениї, котри и снователь и предсидатель Медзинародней асоцияциї за гендикепованих мурячох ,,Адриатик” у Словениї, а з котрим бул 2017. и 2018. року у кампу за мурянє у Кикинди. Як гвари, там даскельо раз пробовал буц под воду без воздуху и витримал скоро два минути. Радак у Шолайови препознал талант и за тот спорт и уж теди бул прешвечени же кед Милан будзе дакус вежбац зазначи барз добри резултати. Милан мал коло дзешец днї же би ше пририхтал за вельке европске змаганє, а тренирал у своєй посцелї, зоз щипальку на носу. – Бранко ми прейґ телефона и порученьох накратко потолковал як най дихам и най вежбам, же бим на змаганє нє
11. ОКТОБЕР 2019.
пришол цалком нєпорихтани. Вельо чежше було дома у посцелї зоз щипальку, як у води, дзе цалком иншаке чувство. Дома сом почал вежбац зоз минуту и пол, два, и кажди дзень предлужовал по дзешец, двацец секунди. То ми нє дало мира и почал сом тренирац пар раз на дзень и кажди раз предлужовац час без воздуху – з ошмихом приповеда Шолая. Параолимпиєц зоз Коцура на тим змаганю тестирал власни гранїци, шицких конкурентох охабел далєко за собу и постал европски шампион зоз златом у рукох. Зоз твару под воду, без воздуху, на тим змаганю бул 4 минути и 33 секунди. – Кед сом вишол спод води, нє могол сом вериц цо ше случело. То бул наисце вельки и озбильни резултат, а нєобчековани, прето же мой циль бул 3 минути и 50 секунди. Мозоґ ми на пар секунди остал без оксиґену, прето же сом на змаганє пошол нє барз пририхтани. Покля шицки аплаудовали и фотоґрафовали ме, пар секунди сом нїч нє видзел – бешедує Шолая. На 2. Медзинародним змаганю у статичней апнеи за инвалидох и апнеи за особи з инвалидитетом, котре було отримане у юлию у Вербаше, зазначел значни успих и тиж освоєл перше место. На тим змаганю диханє затримал 5 минути и 15 секунди. Шолая гвари же, у тим спорту барз ужива и планує ше зоз тим занїмац и далєй и буц ище успишнєйши. Миланови ше указала и нагода же би ше врацел ґу своєй першей спортскей любови, понеже од параолимпийских комитетох Словениї и Русиї достал понукнуце за промоцию рукомету у кочику. Його намира же би участвовал у формованю селекциї Сербиї у тей дисциплини, котра од 2020. року постанє параолимпийски спорт.■ О. Русковски
РУСКЕ СЛОВО 35
СПОРТ ПОДРУЧНА ФОДБАЛСКА ЛИҐА НОВИ САД
БАЧКА НА ИСТЕЙ ПОЗИЦИЇ, АЛЄ З ТРОМА БОДАМИ ВЕЦЕЙ ФК „Бачка 1923” (Дюрдьов) – ФК „Шайкаш 1908” (Ковиль) 3:2 (1:0) ДЮРДЬОВ: Стадион ФК „Бачка 1923”, патрачох коло сто. Главни судия Йован Чулум (Шайкаш), помоцни Дуня Вукчевич (Нови Сад) и Любица Полич (Ченей). Штрельци: Иґнїч у 45, Солдат у 70. и Петрович у 75. минути за Бачку, а Станкович у 56. и Павков у 60. минути за Шайкаш. БАЧКА: Смолян, Чулибрк, Ґрбич, Иґнїч, (Петрович), Вуйович, Данґубич, Летич, Пантелич, Дюрич, (Зконивч), Солдат и Станкович. Були три замени и шицки три у другим полчасу. У 46. минути вишол Иґнїч вошол Петрович, у 55. минути вишол Дюрич, вошол Янкович, а у 57. минути вишол Чулибрк и вишол Тривунович Д. У 10. колу єшеньскей часци першенства Подручней фодбалскей лиґи Нови Сад внєдзелю, 6. октобра, єденастопласовани ФК „Бачка 1923” з Дюрдьова бул домашнї
ДОК НЄ БУДУ ТРИБИНИ МОЖ И НА НОВЕЙ ТЕРАСИ Од тей сезони патраче и любителє дюрдьовского ФК „Бачка 1923” з Дюрдьова змаганя можу патриц зоз преширеней тераси на першим поверху бачкового обєкта, такой при вельким терену дзе ше отримує першенствени змаганя. – У прижемю нашого обєкта маме роботни просториї, канцеларию, преблєкальнї и купатила, а на першим поверху видаваме простор у котрим ресторан. Маме нового закупца котри жадал прешириц терасу и Управни одбор Клуба му то дошлєбодзел, та тераз вельо вецей патрачох змаганє може патриц и зоз тей тераси. Ище вше зме у розгваркох за вибудов трибинох на нашим стадиону, ришуєме маєтково-правни одношеня, а у општини зме достали обецунку же трибини буду готови по ярню часц першенства идуцого року – гварел Никола Тртич, предсидатель Управного одбору ФК „Бачка 1923” з Дюрдьова.
другопласованому ФК „Шайкаш 1908” зоз Ковилю. Ґол за Бачку дал Иґнїч у 45. минути, Солдат у 70. минути и Петрович у 75. минути. Гоч госци у тей часци змаганя указали схопносц у бавеню, находза ше у самим верху таблїчки, у змаганю котре було внєдзелю у Дюрдьове нє були доминантни у одношеню на домашнїх, котри ше вельо подлєйше котираю на истей таблїчки. Домашнї у бависку хасновали шицки можлївосци при госцовим ґолу, удатни були три напади, а дзекуюци добрим асистенцийом собавячох и тимскей офанзиви, змаганє закончели з трома ґолами и трома значнима бодами. Ґоли дали бавяче чийо ше мена часто пишу у таблїчки Записнїка за дати ґоли, окреме Солдат и Иґнїч. После того змаганя ФК „Бачка 1923” на таблїчки Подручней фодбалскей лиґи остава на єденастим месце и ма три боди вецей, односно вкупно ма 12 боди. У шлїдуюцим 11. колу ФК „Бачка 1923” будзе бавиц на терену дванасто пласованого ФК „Фрушкогорски партизан” у Буковцу. Змаганє ше отрима на соботу, 12. октобра, на 15 годзин. С. С.
ПОДРУЧНА ФОДБАЛСКА ЛИҐА ЗОМБОР
РУСИН ПОРАЖЕНИ У РАТКОВЕ ФК „Раднички 1918ˮ (Ратково) – ФК „Русинˮ Руски Керестур 5:2 (3:0) Перши полчас за Русинових бавячох цекол вельо слабРАТКОВО: Стадион Радничкого, патрачох 200, судия Єрилович (Апатин). Стрилци: Алексич у 33. Црнянски у ше як цо зме потераз звикли видзиц од нїх. Змаганє оста34. и 67. Мирко Кецич у 37. Кувелїч у 46 (з пеналу) за нє запаметане по трох ґолох хтори до стали од процивРоботнїцки, а Давидович у 58 и Веселинович у 83. ми- нїцкей екипи у нєполних штирох минутох бависка. Пернути за Русин. Жовти картони достали: А. Петкович, Ко- ши ґол до стали у 33. минути, та на концу полчасу по сле цич, Н. Петкович (Раднички), а Б. Надь и Гарди (Русин). вецей схопно сцох домашнїх и вецей нагодами за ґол, реУ осмим колє Подручней фодбалскей лиґи Зомбор внєдзе- зултат бул 3꞉0. У 46. минути до судзени пенал за бавячох лю, 6. октобра, як госци на терену у Раткове процив ФК з Раткова хтори успишно и реализовани. Пред конєц зма„Раднички 1918ˮ, ФК „Русинˮ з Руского Керестура пораже- ганя, русиновци ше дакус розбавели, та у 58. минути ґол дал Деян Давидович, а у 83. минути Дражен Ве селинони з резултатом 5:2 (3:0). На змаганю бавели: М. Надь, Д. Веселинович, Б. Голик, Б. вич. Русин тераз спаднул на дзевяте ме сто на таблїчки, а у Надь, В. Вуйович, Д. Павлович, Д. Давидович, С. Дюканович, Б. Бранкович, А. Чизмар, Ф. Вуйович. На замени бавели идуцим колє будзе бавиц на нєдзелю, 13. октобра, на доФ. Тома, П. Фаркаш, К. Боднар., Й. Гарди и И. Маньош, а машнїм терену процив ФК „Омладинац” зоз Буковцу. Ан. М. ґоли за Русин дали Д. Давидович и Д. Веселинович.
36 РУСКЕ СЛОВО
11. ОКТОБЕР 2019.
sport@ruskeslovo.com
ФОДБАЛСКА ПАНОРАМА ОПШТИНИ ШИД
БАЧИНЧАНЄ У ВЕРХУ ТАБЛЇЧКИ
У шестим колє Општинскей фодбалскей лиґи Шид одбавеним внєдзелю, 6. октобра, ОФК „Бачинци” у општинским дербию на своїм терену звладали екипу Ґраничара з резултатом 1:0. Пораженє потераз лидерскей екипи з Ямени и побида з минималним резултатом Бачинчаньом була достаточна же би злєпшали пласман на таблїчки – тераз су на трецей позициї зоз 14 бодами, кельо ма и Ердевик на другей позициї, хтори тиж дома прешвечлїво звладал Борца зоз 4:0. Лєм бод вецей ма першопласовани на таблїчки, Напредак хтори на госцованю Єдинстве у Моровичу декласовал домашнїх з резултатом 1:7, и ма 15 боди. У других двох стретнуцох ривалє подзелєли боди. ОФК „Бинґула” и Єдинство (Лю) одбавели нєришено 1:1, а из истим резултатом закончене и стретнуце у Ґибарцу медзи Синдєличом и Омладинцом. После шестого кола, на штвартей позициї Општинскей фодбалскей лиґи Шид Ґраничар зоз 12 бодами, а нїзшепласовани клуби по числу бодох тераз уж обачлїво заоставаю за водзацу штверку. На пиятим и шестим месце Єдинство (Лю) и Синдєлич маю по седем боди, а Омладинєц на седмей позициї ма шейсц боди. ОФК „Бинґула” на осмим месце зоз штирома бодами, а на сподку таблїчки, зоз по трома бодами, Борац и Єдинство (М). У седмим колу, хторе заказане за нєдзелю, 13. октобер, стретню ше Омладинєц – Єдинство (М), Ґраничар –
Синдєлич, Борац – ОФК „Бинґула”, Єдинство (Лю) – ОФК „Бачинци”, и Напредак – Ердевик у дербию седмого кола. Шицки стретнуца седмого кола Општинскей фодбалскей лиґи Шид почню на 15. 30 годзин. У Медзиопштинскей фодбалскей лиґи Срим – ґрупа Заход у седмим колє хторе одбавене внєдзелю, 6. октобра, ОФК „Бикич” на госцованю екипи БСК у у Бешенове поражени 3:2, а беркасовски Сримец у Сримскей Митровици звладал домашнї Тарґовецки з резултатом 0:2. Єднота дома дочекала Словена и одбавела нєришено 1:1 , а Обилич 1993 дома надбавел Ґраничара з резултатом 2:0. После седмого кола Медзиопштинскей фодбалскей лиґи Срим – ґрупа Заход найлєпше пласовани клуб зоз подруча шидскей општини Сримец, хтори зоз 12 бодами на пиятей позициї. На шестим месце ОФК „Бикич” хтори ма 11 боди, а єднота зоз 10 бодами забера осму позицию на таблїчки. Обилич 1993 ма дзевец боди и находзи ше на 10. месце, а Ґраничар 1924 з бодом менєй на 11. позициї. На верху таблїчки и после седмого кола екипи Фрушкоґорца и ОФК „Зека Булюбаша” хтори маю по 16 боди. У осмим колу, на нєдзелю, 13. октобра, од 15 годзин стретню ше Ґраничар 1924 – Єднота, ОФК „Бикич” – Обилич 1993, и Сримец – БСК. И. С.
ПОДРУЧНА ЛИҐА СУБОТИЦА
ПОРАЖЕНЄ У ОПШТИНСКИМ ДЕРБИЮ ФК „Обилич” (Змаєво) – ФК „Искра” (Коцур) 1:0 (0:0) ЗМАЄВО: Стадион у Спортским центру у Змаєве, патрачох коло 200, судия Лукич (Су ботица). Стрилєц Марчетич у 75. минути (зоз пеналу). Жовти картони: М. Живойнов, Тошич и Буквич з Обилича и Малацко, Сталевич, Петрович и Пєшевац з Искри. Состав: Калинич, Ваяґич (Дакич), Петрович (Ери), Юрчук, Дякович, Сталевич, Комазец, Малацко, Пєшевац, Ґубаш, Сердар. После прешлотижньовей побиди процив лидера, ФК Србобран, фодбалере Искри нє предлужели у истим ритме и на госцованю у сушедним Змаєве страцели од домашнього Обиличу зоз 1:0. Змаганє, насампредз, означело подле судзенє судиї Лукича, котри на даскельо заводи очкодовал обидва екипи, а на концу першого полчасу праве пре даскельо подли одлуки, кущик хибело же би справованє бавячох вишло зоз рамикох спортского бависка. Змаганє у першим полчаше було ровноправне зоз даскельо добри шанси на обидвох бокох алє, понеже ґолманє обидвох екипох на 11. ОКТОБЕР 2019.
тим змаганю були розположени за бависко, резултат ше нє менял та ше на одпочивок пошло зоз резултатом 0:0. У другим полчаше, публика тиж могла видзиц ровноправне бависко, алє як ше змаганє приводзело ґу концу так до вираженя приходзела лєпша физична пририхтаносц домашнїх бавячох. На жаль, други полчас знова означело Лукичово судзенє. Док тирвало бависко, точнєйше у 75. минути, у єдней акциї домашнєй екипи, бавяч одбрани Искри Павле Дякович направел фаул на вецей як 17 метери од ґолу, а за котри, на нєсподзиванє як домашнєй публики так и домашнїх бавячох, досудзени пенал. Тот дарунок домашнї вихасновали и дали ґол и до конца змаганя то остал єдини ґол на змаганю. После 8 одбавених колох Искра зоз 9 освоєнима бодами забера 12 место на таблїчки. У шлїдуюцим колє Искра на домашнї терену дочека екипу Сенти зоз истоменного места. З. К.
РУСКЕ СЛОВО 37
ИНТЕРМЕЦО
ГОРУЦИ ТЕПШИ (од Биляни Кулич Маєр, зоз Кули )
Плазма торта Тоту торту дзеци барз любя, лєгко ше ю прави, лєм ше треба притримовац точних мерох и поступку правеня. Окреме є пригодна за родзени дзень, и кед ище маце сцерпеня торту вицифровац, будзе то права торта и за очи, и за смак. Перше ше направи цесто. До 5 жовчкох положиц 5 ложки цукру, 5 ложки несквику и 5 ложки муки и зоз миксером премишац. Витрепац бильчки окреме и помали зєдинїц зоз направену мишанїну. Печиц на 200 ступнї дас 20 минути. До малей шерпенки усипац 1,5 деци млєка и 1,5 деци води и 5 ложки цукру, най превре и зоз тим ше преляц упечене цесто. Нє забудзце правило – цесто жимне, а чечносц цепла, лєбо цесто цепле, а чечносц жимна. Фил ше прави так: вимиксовац 250 децилитри купчей сладкей шметанки (витрепце зоз миксером алє нє длуго, бо ше дакеди зна барз стварднуц) до того положиц 2 квашни шметанки, 1 шольку мелкого цуркру (200 ґрами). Кед тото вимиксуєце зоз миксером, усипце 250 ґрами млєтей плазми и шицко розмишайце зоз варешку. За украшованє торти вам потребне 400 ґрами шлаґу (мож купиц у Здравим дутяну на меранє) и 600-700 милилитри млєка. Шлаґ треба же би бул дакус густейши же бисце могли цифровац торту. До єдней меншей часци шлаґу положиц даяку фарбу за украшованє. Поступок филованя: цесто преляц зоз порихтану чечносцу, положиц фил зоз плазми и филовац цалу торту зоз шлаґом. На концу можеце украшиц по власним жаданю. Фотоґрафиї поведза вецей як слова.
Пририхтали: Лю. Цвеїч и Т. Салонтаї
38 РУСКЕ СЛОВО
11. ОКТОБЕР 2019.
ИНТЕРМЕЦО
ВЕРБАС
ДЗЕ ШЕ ПОДЗЕЛИ ВАЛАЛСКИ КАРЧМИ
ИЩЕ ШЕ ПАМЕТА КАРЧМУ „ПРИ МОСЦЕ”
У
Фото: А. Маркович
моноґрафиї „Руснаци у Вербаше” (Завод за културу войводянских Руснацох, 2014) у текстох Мирона Жироша дознаваме же у Вербаше 1889. року основане Ремеселнїцке здруженє, и же ше до майсторскей матрикули од теди почало уписовац ремесла и майстрох у Старим Вербаше, Новим Вербаше и Коцуре. Тиж зоз Жирошового текста дознаваме же у попису жительства за 1900. и 1910. рок, дати податки и за качмарох. „У Коцуре єст 7 качмарох, у Ст. Вербаше 17, а у Н. Вербаше аж 36.” („Руснаци у Вербаше”, бок 43). У истей моноґрафиї зазначене и же перши представи хтори пририхтало Театралне дружтво „Руска драма” (хторе основане 1933. року), премиєрно були приказовани у Гостильнїци Ремплїнґера. После Другей шветовей войни у Вербаше ше розвивала индустрия, та з тим и карчми було вше ве-
Фото: М. Тамаш
Погосцительни обєкт Каиро бул дакеди барз нащивени
11. ОКТОБЕР 2019.
цей. Концом прешлого вику популарни були пицериї у центре Вербасу, алє и далєй ше смачни фалаток торти могло поєсц у Каиру, на павзи у роботним чаше ше зашло до Ресторану у Робней хижи, а на вечеру, кед сце мали святочну нагоду порихтали сце ше пойсц до Ресторану у Рекреативним центру, як то людзе знали повесц, а нєшка то Центер за физичну културу „Драґо Йовович”. У Старим Вербаше до нєдавно робел Бифе Код моста, лєбо При мосце. Текст о интересантней животней судьби власнїци того обєкту обявени у нашей новинки пред роком („Руске слово”, 32/2018). А интересантне же у тим тексту зазначене же ше у тей карчми сходзели члени дакедишнєй литературней секциї „Зарї”, та после схадзкох ище зашли порадзиц ше и поприповедац и нови стих додумац. В. В.
РУСКЕ СЛОВО 39
ИНФОРМАТОР, ОГЛАШКИ, ИНТЕРМЕЦО
2. 5 и н а м и р от е м й а с м ски д а с о в о Н На
ГЛАСНЇК ПО РУСКИ
„ЛОРИСТ”
РОК LXXV ЧИСЛО 41 (3858) НОВИ САД, 11. ОКТОБЕР 2019.
■ ШКОЛЯРСКИ СТИПЕНДИЇ
НАЦИОНАЛНОГО СОВИТУ
У проєкту идентификованя особох и подїйох зоз склєняних плочох фотоґрафох Будински зоз Руского Керестура, котру орґанизує Завод за културу войводянских Руснацох (ВР), а котри уж длугши час обявйовани на остатнїм боку новинох „Руске слово”, потребна векша помоц ширшей явносци. Велї од обявених фотоґрафийох уж идентификовани, алє о даєдних потераз зазначене барз мало податки. На Фейсбук боку Заводу за културу ВР до окремного албуму положени тоти фотоґрафиї, та ше модлї шицких котри дацо знаю о особох, подїйох,
Фотоґрафия: 0135P
Фотоґрафия: 0697P-B1279 14
ОГЛЯДНУЦЕ НА ПРЕШЛОСЦ
Фото: В. Вуячич
Фото: Оля Русковски
ЦЕНА 30 ДИНАРИ
часу, обставинох, обичайох, облєчиве и инши податки хтори вязани за тоти фотоґрафиї же би ше явели. Явиц ше мож прейґ порученя на Фейсбуку або коментару на фотоґрафиї, на имейл zavod.rusini@gmail.com лєбо на телефон 021/548-421. Кажда информация значна. Дзекуюци фотоґрафийом хтори настали у фотоґрафскей роботнї Будинскових, а котри диґитализовани на склєняних плочох, зачува ше шведоченє о живоце людзох и подїйох и велїх податкох цо припадаю културно-историйному скарбу Руснацох на тих просторох.
■ ДЗЕЦИНСКИ ТИДЗЕНЬ