Ruske slovo 14

ГЛАСНЇК ПО РУСКИ

У ВЕРБАШЕ НА ШЛАЙСУ Шлайс место за вилєти, и место за одпочивок, спорт, рекреацию, забаву и лапанє рибох у Вербаше. Побрежє покошене, мож ше прешейтац и по ушореней дражки. Ту єст и погосцительни обєкти, фодбалски стадион и будинок Здруженя спортских рибарох ”Златни карас”. Проєктант и будователь Йожеф Киш народзени у Будапешту, жил у Зомборе, алє по власним жаданю поховани є у Вербаше, нєдалєко од свойого будовательного проєкта – Велького бачкого каналу. Вельки бачки канал длугоки 118 километери, викопани є у 18. вику и бул єден з найвекших будовательних проєктох тедишнього часу. Нажаль, нєшка є найзагроженши водоцек у Европи. А. Маркович

РОК LXXII ЧИСЛО 14 (3675) НОВИ САД, 8. AПРИЛ 2016. РОКУ

■ РУСКОМУ КУЛТУРНОМУ ЦЕНТРУ З НОВОГО САДУ – ЗЛАТНИ ПОГАР ЦЕНА 30 ДИНАРИ

ОГЛЯДНУЦЕ НА ПРЕШЛОСЦ еб редакция „Руского слова”, у сотруднїцтве зоз Заводом за културу войводянских Руснацох, Музейом Войводини и Покраїнским заводом за защиту памятнїкох, поволує читачох новинох „Руске слово” и нащивительох сайта (www.ruskeslovo.com) же би помогли препознац особи на старих фотоґрафийох. Фотоґрафиї хтори ше будзе обявйовац на сайту и у новинох диґитализовани, а пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com. Фотоґрафиї ше будзе обявйовац длугши часови период, а на сайту буду пошоровани на окремним месце, так як виходза у новинох.

В

ПОМОГНЇЦЕ, РОЗПИТАЙЦЕ ШЕ, ПРЕПОЗНАЙЦЕ!

■ У АПРИЛУ ЯР ЯК ЛЄТО Фотоґрафия: K006a_0144P

НЄ ДОСЦ МАЦ ПРАВА, АЛЄ ИХ ТРЕБА И ХАСНОВАЦ Пише: мср. Гелена Папуґа, редакторка за виданя на руским язику, Завод за учебнїки

Главни напрям у хторим ше руша Завод за учебнїки то У прешлим Планє, кед слово о виборних предметох, воунапредзованє квалитету учебнїкох як на сербским, так шли лєм „Од бависка до рахункара (1–4 класу)” и „Ини на язикох националних меншинох. Як цо ше шицки форматика и рахункарство (5 –8 класу)”. скорейши редакторе, хтори робели у Редакциї на руским Попри тим, учебнїки хтори ше водзи як виборни предязику, намагали и борели обезпечиц шицки и цо квали- мети, Завод може, а нє муши видац. Завод обовязни витетнєйши учебнїки, так ше и я особнє, як нова редактор- дац лєм учебнїки хтори обовязни. ка хтора нашлїдзела свойого ментора и предходного ре- Без огляду на тото, Редакция на руским язику отворена дактора проф. Славка Сабола, будзем намагац обезпечиц за сотруднїцтво, у смислу же би ше оформело авторски тим хтори напише приручнїк за „Народну традицию”. сучасни и квалитетни учебнїки. На дзепоєдних учебнїкох, як цо то наприклад руски язик Кед уж будземе мац готови учебнїк, вец ше го и вида, а и култура висловйованя за нїзши класи, модернизує ше за тото єст вецей способи. Треба же би до каждого хаснуюци новши, сучанаставнїка, або професнєйши методи ученя, а План учебнїкох ше нє формує у Заводзе, сора дошла информароби ше и на нових орґа кед ше го правело нє вошли даєдни виборни ция о тим же хтори то иналних учебнїкох. Музична култура за предмети як длуго обчекована „Народна традиция” нови учебнїки. Зоз тим у вязи треба повесц же седму класу, хтора похтору би ше виучовало од першей по штварту тераз була преложени класу основней школи. Кед уж будземе мац готови попри каталоґу учебнїкох, за шицки информаучебнїк зоз сербского, тот учебнїк, вец ше го и вида, циї можу контактовац и одтераз то орґинални а за тото єст вецей способи Завод. учебнїк авторки Лидиї Випатра же ше идуцого Пашо и будзе готови и школского року заш оформи руске оддзелєнє у Дюрдьопорихтани за початок нового школского 2016/17. року. Пририхтує ше и орґинални учебнїк Музичней култури ве. Нє раз бешедоване о тим же кельо значне за заєднїцу за осму класу зоз чим ше завре круг и у цалим основно- отримац руски оддзелєня и руски язик. Нє досц мац прашколским циклусу будзе записана и будзе ше виучовац ва, алє их треба и хасновац, бо ше може случиц же кед их нє будземе хасновац та нам их утаргню. А ми можеруску музику. Исную и ствари на хтори Завод нє може уплївовац. Ре- ме зробиц тото же обезпечиме шицки условия же би ше дакциї на язикох националних меншинох у Заводзе робя руски язик и школа отримали. по Плану учебнїкох, т. є. чого нєт у Планє – нєт анї у ви- За школски 2016/17. рок шицки учебнїки буду порихтадавательним планє Заводу. План учебнїкох ше нє фор- ни и будзе их достаточно. мує у Заводзе, а кед ше го правело нє вошли даєдни ви- Того року, понеже було дилеми чише годно предплациц борни предмети, а медзи нїма и наприклад длуго обчеко- на учебнїки чи нє, принєшена одлука же ше, заш лєм, вана „Народна традиция” хтору би ше виучовало од пер- мож предплациц. Школи ше, на урядовим сайту Министерства просвити, шей по штварту класу основней школи. науки и тенохоґийного розвою, по 10. април могли вияшнїц и наручиц учебнїки, а виплацовац ше будзе на три рати – 18. априла, 23. мая и 20. юния. Треба же би ше обрацело увагу на тото же, пре технїчни причини, дзепоєдни учебнїки нє вошли до списку хтори на сайту министерства („Виронаука за першу и другу класу”, „Букварнїца за першу класу основней школи”, лектира ...), алє их єст у Заводзе и можу ше прейґ каталоґу Заводу за учебнїки наручиц. Зачувац права хтори маме, змоцньовац свойо капацитети и бориц ше за образованє на своїм мацеринскиим язику, то найменєй цо можеме зробиц за будуци ґенерациї. За шицки информациї у вязи учебнїкох тиж мож дознац на теле фон 021/523-844 и e-mail: helena.papuga@gmail.com ■

2 РУСКЕ СЛОВО

8. АПРИЛ 2016.

УВОДНЇК

ЗМИСТ

Пише: Борис ВАРҐА, одвичательни редактор

■ Тижньовнїк

СКЛА ДАНЄ СТАРИХ СТВАРОХ

4–7. Виберанки 2016 – лїстини, кандидати, активносци

■ Нашо места 9. Базар здравя у Кули 11. Пияц половних стварох у Коцуре

■ Економия 13. Ентериєр у етно стилу

■ Култура и просвита 14. Медзиокружне змаганє у знаню руского язика 15. Премиєра дзецинскей представи „Васо Пикасо” у Керестуре

■ Мозаїк 18–19. Психични хороти сучасного чловека

■ Людзе, роки, живот 20–21. З другого боку творчосци – Владимир Кирда Болхровес 22–23. Наш госц – Владимир Еделински з Осєку

■ Духовни живот 25. З нєвладовима орґанизациями процив елементарних нєпогодох

■ Информатор

26–30. Оглашки и In memoriam

■ Спорт 31. Японска дисциплина у Коцуре 32. Рочна скупштина ФК „Бачка 1923” Дюрдьов На насловним боку – Шлайс у Вербаше Авторка фотоґрафиї – Ана Маркович

Уж нє знац чи уключовац висти, чи нє. Нє богзна цо добре єст чуц. Дома – безвиходносц; вонка – кризи, войни, фарси. После Жимней войни гевти цо „победзели” нє дзбали, виволали шветову економску кризу, скомпромитовали демократию и шлєбодни швет. Заходни жеми нє застановели, як дознаваме зоз афери „панамских документох”, и участвовали у скриваню огромного нєопорцийованого пенєжу. Гевти цо после комунизма „страцели”, нєшка ше „будза”. Малки держави ше завераю до себе, Европска уния ше „гимба”. Анї на Балкану нїч нє лєпше, лєм ми дзепоєдни кризи прешли скорей, та ше наздаваме же ше нє будзе на исти „грабелки” два раз ставац. И ту тал „пиятого октобра” давно потрошени. Пре шлєбоду преси и чесне судство – вше менєй ше возбудзуєме... Заш лєм, така шива ситуация у окруженю нє причина же би ше нє зведло даяки рахунки, окреме у рускей заєднїци. Уж кед знаме же ше „ремень” будзе зацаговац, вец би голєм попрескладовац у „старих орманох”. Так и у „Руским слове”, нєт можебуц пенєжи за нови компютери, алє най видзиме же цо зоз старима архивами. Нє мож по канцеларийох шедзиц кельо ше того назберало. Нєдавно сом дознал же зме обовязни водзиц архиву фотоґрафийох... И руска заєднїца ма тельо того цо би могло поскладац, за цо би ошлєбодзиц полїчки. Голєм за два орґанизациї знам же плановали направиц руску библиотеку, а нє велька є (коло езер кнїжки). Дзе тот длуго наявйовани архив, чи мож пририхтац корпус за ґалерию? Як то же даґдзе на серверох нєт радио з руску модерну музику? Крашнє ше у Коцуре прешлого викенду орґанизовали и зоз старих стварох цали пияц направели. У ситуациї якей зме, шицким така тарґовина, яґда, добре одвитує. Пишце нам – ruske.redaktor@gmail.com

* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/7, 21000 Нови Сад * Редакция: заменїк одвичательного редактора Иван Сабадош – редакторе/ки – Дюра Винаї, Мирон Горняк-Кухар, Михайло Зазуляк, Александар Паланчанин, Олена Планчак-Сакач, Славица Фейса; новинаре/ки – Мария Афич, Влада Дїтко, Сенка Надь, Сандра Барань, Ана Маркович, Танита Ходак * Язична редакторка – Блажена Хома-Цветкович * Лекторка – Ясмина Дюранїн * Технїчна редакторка – Люпка Цвеїч; компютерски обробок – Вероника Вуячич, Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-923244-82 * Девизни рахунок 160-0050870024999-53 * Рукописи ше нє враца * Друкує Друкарня ” Maxima graf” Пет роварадин * E-mail: ruske.redakcija@gmail.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 100 *

Direktorka MARTICA TAMA[ *** Odvi~atelqni redaktor dr BORIS VAR]A

8. АПРИЛ 2016.

РУСКЕ СЛОВО 3

ТИЖНЬОВНЇК

ПРЕДСТАВЯМЕ РЕПУБЛИЧНИ ЛЇСТИНИ

ШИЦКИ ИНШАК ВИДЗА ЕВРОПУ Гоч остало ище мало часу за заключенє виберанкових лїстинох пред гласанє 24. априла, кед слово о виберанкох за републичну Народну скупштину, по заключенє того числа „Руского слова” стан бул исти як и прешлого тижня Пририхтала: Редакция/портали

Р

епублична виберанкова комисия урядово преглашела 10 лїстини. З тей нагоди представиме основни порученя лїстинох под шорнима числами од штири по шейсц. Лїстина „Др Воїслав Шешель-Сербска радикална странка” Штварту по шоре лїстину хтору Републична виберанкова комисия преглашела за парламентарни виберанки 24. априла, самостойно формовала Сербска ра-

дикална странка. Радикалє, хтори ше анї скорей нє уключовали до предвиберанкових коалицийох, на тот способ оставаю на становиску же политична странка хтора сама нє може прейсц цензус, анї нє треба же би була у Народней скупштини. Лїстина ма 250 кандидатох за народних посланїкох, а перши медзи нїма лидер радикалох Воїслав Шешель. Предвиберанкову кампаню Сербска радикална странка базує на процивеню приблїжованя Сербиї ґу НАТО, и операню на Русию. Тримаю же наступни виберанки, заправо референдум чи гражданє Сербиї за ЕУ у хторей видза „традицийних нєприятельох”, чи за Русию хтора „матка”. Критични су спрам власци Сербскей напредней странки, алє и спрам опозициї, як тей на гражданским, так и на националним спектру политичней сцени.

4 РУСКЕ СЛОВО

Тота лїстина рахує на додатну потримовку гласачох после пресуди Гажского трибунала хтори по шицких точкох ошлєбодзел Шешеля. На предвиберанковим митинґу СРС у Зренянину, лидер радикалох оценєл же то нє єдина причина прецо їх рейтинґ рошнє, а рейтинґ власци пада. По його словох, рейтинґ напреднякох пада, понеже влада Александра Вучича нє сполнєла анї єдну обецунку. Лїстина „Двери-Демократска странка Сербиї-Санда Рашкович Ивич-Бошко Обрадович” Коалиция лїстини ДСС-Двери ма 240 кандидатох за народних посланїкох. На першим месце предсидателька ДСС Санда Рашкович Ивич, а други лидер „Дверох” Бошко Обрадович. Кампаню „#Щесце за Сербию”, урядово почали на Петроварадинскей твердинї, а закладаю ше за шлєбодну Сербию з Косовом. На вонкашнїм плану, лїстина ДСС-Двери порихтана сотрудзовац з Востоком и Заходом, алє су евроскептични, и блїзши евроазийским интеґрацийом коло Русиї. З другого боку, децидно су процив членства Сербиї у НАТО, а одлучованє о будучносци Косова планую врациц до компетенцийох Зєдинєних нацийох. Дружтвену политику базую на охрани традицийних фамелийних вредносцох и „економским патриотизму” хтори фаворизує домашню привреду и аґрар, понеже ДСС-Двери зауважую же нєшка примат маю странски инвеститоре и

8. АПРИЛ 2016.

ТИЖНЬОВНЇК STANOVISKA банки. Як за медиї виявела предсидателька ДСС Санда Рашкович Ивич, тота лїстина ше проциви приватизациї стратеґийних енерґетичних и комуникацийних системох. За розлику од других националних и правоориєнтованих виберанкових лїстинох, коалиция ДССДвери насампредз водзи кампаню прейґ интернета и дружтвених мрежох хтора за цильну ґрупу ма младшу популацию, а тиж ше намагаю обновиц уплїв у интелектуалних и академских кругох. Лїстина „Vajdasági Magyar Szövetség - Pásztor István - Союз войводянских Мадярох – Иштван Пастор” Виберанкова лїстина Союзу войводянских Мадярох шеста хтору РИК преглашела за парламентарни виберанки 24. априла, алє є и перша меншинска виберан-

кова лїстина. Лїстина ма 250 кандидатох за народних посланїкох, а перши на нєй Балинт Пастор хтори и потераз заступал СВМ у републичней Скупштини Окрем членства СВМ, медзи кандидатами и представителє Демократскей странки войводянских Мадярох и Странки мадярского єдинства. З формованьом того партнерства, СВМ ше у чаше пред розписованьом виберанкох ознова позиционовала як централна политична орґанизация медзи припаднїками мадярскей националней заєднїци у Войводини и Сербиї. Виберанкова програма под назву „Точка довирия” и порученьом „Дошлїдно. Автономно. Одвичательно”, у ствари стратеґийни документ хтори детально виклада цо мадярска лїстина планує витвориц у периодзе 2016–2020. рок. Потримовка ЕУ интеґрацийом Сербиї, „уставна ревизия” у напряме политичних и системских реформох, децентрализациї и моцнєня правней держави, моцнєнє автономиї АП Войводини и корпусу людских и меншинских правох медзи водзацима началами програми, а у обласци економиї, лїстина коло СВМ ше фокусує на моцнєнє микро и малих подприємствох и дальши розвой прейґгранїчних партнерствох з Мадярску.■ 8. АПРИЛ 2016.

Пише: Лариса ОНОДИ, новинарка

УРБИЦИД, ЧИ КРОЧАЙ ДО БУДУЧНОСЦИ У Новим Садзе у строгим центру прешлого тижня поваляни стари будинок дакедишнєй Комуналней банки. Окрем того, страдал и стари єрменски памятнїк блїзко при локациї дзе дараз була Єрменска церква. Давно даяка подїя нє виволала таки револт гражданох як цо то валянє будинку старей Комуналней/Ерсте банки, котри бул под защиту як памятнїк културно-историйней важносци. Актуална власц зволала конференцию за медиї на котрей пробовали потолковац же на тим месце место старого будинку баржей будзе швечиц сучасни солитер, нагнївани гражданє нє дали им дойсц до слова, а валянє будинку преглашели за урбицид и насилство процив културного нашлїдства. „Старосадянє” окреме нагнївани на „тих цо пришли” до Нового Саду и валяю шицко старе, а будую нове. Забуваю же то нє перши раз же ше старе ядро городу валя же би ше збудовало дацо нове – по податкох зоз сайту Дружтва архитектох Нового Саду, праве на тим месце, дзе вирошнє нови солитер, 1963. року звалєна Єрменска церква, пре преширенє Булевара Михайла Пупина, дакедишнього Булевара Маршала Тита. Тиж так, пре будинок Сербского народного театру, котри закончени 1981. року, поваляни цали єден бок Єврейскей улїци. Здогадуєме ше случайох у новшей историї – 2007. звалєни парапет, односно часц мурискох на Петроварадинскей твердинї. Дзвигнул ше галайк, глєдало ше хто виновати, а на концу вифасовал – баґериста. Кус скорей так скапал и сецесийни будинок у самим центре на чиїм месце збудовани склєняни тарґовински центер, котри анї кус нє швечи ґу сушедному будинку Менратовей палати, зачуваней як єдного з малочислених историйних памятнїкох у центру Нового Саду. Уж даскельо днї ше приповеда у городу же ше буду валяц и стари хижи закрити з надом у улїци Кралєвича Марка, дзе тиж так нєодлуга вирошнє солитер. Хижи тиж под защиту як памятнїки историйно – културного значеня, алє власнїки нє мали средства за їх отримованє, та ше уж роками валяю и препадаю. Да ше сцело, могло ше помогнуц и уложиц, та зачувац тоти памятнїки, котри єдини комплекс таких етнолоґийних обєктох котри зачувани у городзе и у Войводини. Кельо ше у тих найновших збуваньох/валяньох консултовало з фаховцами, нє знам. На цо будзе здабац солитер зоз 13 поверхами у самим центре, як то витрима поджемни преход котри ше находзи лєм кущик далєй – питанє за архитектох, проєктантох, инжинєрох. А питанє тиж чи у тим случаю интерес важнєйши од културного нашлїдства.

РУСКЕ СЛОВО 5

ТИЖНЬОВНЇК

ЛОКАЛНА ВИБЕРАНКОВА ХРОНЇКА

КАНДИДАТИ ЗОЗ НАШИХ МЕСТОХ Векшина лїстинох хтори буду участвовац на локалних виберанкох медзи кандидатами ма и людзох зоз наших штредкох, од хторих дзепоєдни познати у рускей заєднїци Пишу: Редакция и мрежа дописовательох

Б

лїжи ше конєц законского термину покля мож придавац лїстини за виберанки 24. априла, а странки, коалициї и ґрупи гражданох хтори ше кандидовали, интензивую промотивни активносци ОПШТИНА ЖАБЕЛЬ За локални виберанки до Скупштини општини Жабель нєт преглашени нови виберанково лїстини. На потерашнїх преглашених дзевец лїстинох од вукупно 193 кандидатох за одборнїкох, трицецеро Дюрдьовчанє. Єдино на осмей потвердзеней лїстини, коалициї „Демократска странка Сербиї-Сербски рух Двери”, на котрей ношитель Миодраґ Яньош (1957, професор) зоз Жаблю, од 11 кандидатох анї єден нє зоз Дюрдьова. Ґу тому, анї єден ношитель лїстини нє зоз Дюрдьова. На лїстини ґрупи гражданох „Чедомир Божич-Наша општина Жабель”, чий ношитель терашнї предсидатель општини, Чедомир Божич (1984, дипломовани економиста), на другим месце находзи ше Сандра Станкович (1989, дипломовани инжинєр защити рошлїнох) зоз Дюрдьова. Од 31 кандидата, на лїстини ище штверо Дюрдьовчанє – дзешата Велимирка Ачимов (1958, матурант ґимназиї), шеснасти Миле Мушицки (1984, зубни технїчар), двацец други Мирослав Рамач (1966, автоелектричар) и двацец дзевята Зорица Бадюр (1975, ґаздиня). На лїстини Сербскей напредней странки „Александар Вучич-Сербия победзує” ношитель Стоян Бороя (1966, поднїматель) зоз Жаблю. Перши з Дюрдьована тей лїстини, Радован Чолич (1968, будовательни технїчар) на трецим месце. Од 31 особи, на лїстини ище пецеро Дюрдьовчанє – шеста Душанка Джамбас (1968, дипломовани инжинєр польопривреди), дзевята Милица Виславски (1955, пензионерка), шеснасти Иван Михайловски (1995, студент), двацец штварта Саня Дьоґо (1971, дипломовани фармацеут) и трицец перша Нерима Шовлянски (1987, дипломовани инжинєр польопривреди). Ношитель општинскей лїстини „Лиґа сoциялдемократох Войводини-Ненад Чанак”, Йован Панич (1979, дипломовани економиста) зоз Жаблю. Зоз Дюрдьова, на трецим месце тей лїстини Владимир Балоґ (1961, машински технїчар). Од 27 кандидатох, з Дюрдьова ище двойо - дванасти Любомир Молнар (1959, пензионер) и Нада Шарич (1991, студент). Предраґ Радович (1974, машински технїчар) зоз Жаблю, ношитель лїстини „Ивица Дачич-Социялистична партия Сербиї (СПС)”. Од 24 кандидати за одборнїкох у Скупштини општини, перши на лїстини з Дюрдьова Милорад Мушицки (1959, апсолвент електротехнїки) хтори на шестим месце. Окрем його, на лїстини ище тройо Дюрдьовчанє. Ношитель лїстини коалициї „Васа Злоколица-СПО, СНП, СДП Сербиї”, Васа Злоколица (1956, поднїматель) зоз Жаблю. Од 13 кандидатох, перши на лїстини з Дюрдьова находзи ше на пиятим месце, Ґоран Андєлкович (1970, медицински технїчар), а на дзешатим Томислав Тохоль

6 РУСКЕ СЛОВО

(1985, польомеханїчар). На лїстини „Ґрупа гражданох-Гражданска инициятива” ношитель Слободан Ґвозденац (1988, спец. инж. електротехнїки) зоз Чуроґу. Од 31 кандидата, перши на седмим месце на лїстини Бранислав Марич (1970, машински технїчар), и ище штверо Дюрдьовчанє –

Представителє лїстини Сербскей напредней странки „Александар Вучич-Сербия победзує” у Дюрдьове

осемнасти Никола Ґолуб (1995, електро технїчар), двацец други Миладин Вуйович (1972, менаджер инж.менаджмента), двацец пияти Иґор Барна (1992, студент права) и двацец седма Виолета Отич (1977, дипломовани економиста). На лїстини „Др Воїслав Шешель-Сербска радикална странка”, ношитель Воїслав Дувняк (1955, пенизонер) зоз Жаблю. Од 14 кандидатох за одборнїкох двойо з Дюрдьова – на пиятим месце Славко Шанта (1991, механїчар), а на осмим Миодраґ Боґданович (1971, машински технїчар). Ношитель лїстини „Демократска странка-Милорад Степанов-Ґиша”, Милорад Степанов (1968, поднїматель) зоз Жаблю. Од єденац кандидатох за одборнїкох, на трецим месце лїстини Блаженка Сеґеди Свркота (1976, дохторка общей пракси), и ище двойо з Дюрдьова – седми Миливоє Данґубич (1952, пензионер) и дзешата Леона Виславски (1956, медицинска шестра). На политичней конвенциї Сербскей напредней странки Општини 23. марца у Вельей сали Задружного дому у Дюрдьове представени їх кандидати за членох Скупштини Општини Жабель и кандидат за покраїнского посланїка з општини, Душко Михелц з Дюрдьова. На сходзе о програми СНС, медзи другима, бешедовал подпредсидатель странки и актуални министер правди Никола Селакович. ОПШТИНА ШИД За локални виберанки у Шидзе потвердзени ище два виберанково лїстини. Пията по шоре будзе лїстина „Сербски рух Двери - Демократска странка Сербиї – Санда Рашкович Ивич–Бошко Обрадович”. Спомнута коалиция ма лєм 13 кандидатох за даєден од 39 мандатох кельо ма СО Шид. 8. АПРИЛ 2016.

ТИЖНЬОВНЇК

Пер ша на лїстини Оливера Убавич, новинарка. На локалних виберанкох у Шидзе будзе участвовац и виберанкова лїстина „Сербска народна партия-Ненад Попович”, хтору Општинска виберанкова комисия преглашела як шесту по шоре на гласацким лїстку. На тей лїстини 26 кандидати, а перши з нїх економиста зоз Шиду Мирослав Янїч. На потерашнїх потвердзених виберанкових лїстинох, єст кандидатох з наших местох. На лїстини число єден „Александар Вучич–Сербия победзує” на трецим месце др Ваня Ґнип Гарди, а на 34. Славко Дупаль, будовательни шлосер, обидвойо зоз Шиду. На 37. месце Деян Бобаль, дипломовани инженєр польопривреди зоз Бикичу. На лїстини число два „Сербска радикална странка-др Воїслав Шешель” на осмим месце Дюрица Еделински, роботнїк зоз Шиду, Ириней Папуґа, дипломовани инженєр технолоґиї тиж зоз Шиду на 20, а Єлица Гарди, роботнїца зоз Бикичу, на 36 месце. Лїстина число три, „Социялистична партия Сербиї, Єдинствена Сербия Ивица Дачич-Драґан Маркович Палма”, медзи 29 кандидатами за одборнїкох, Дарко Жмура, дипломовани менаджер зоз Беркасова на 14. месце, Желько Цупер, економиста за туризем зоз Шиду на 23. месце, Владимир Задрипко, пензионер зоз Бачинцох на 26. и Владимир Канюх, пензионер зоз Шиду на 29. месце. На лїстини число штири ,,Час за шорових людзох” Ратко Торма, правни технїчар зоз Беркасова ше находзи на сед-

Ненад Чанак бешедує на трибини ЛСВ у Шидзе

мим месце. На лїстини число пейц „Сербски рух Двери-Демократска странка Сербиї Снда Рашкович Ивич-Бошко Обрадович,” од 13 кандидатох тей лїстини, Любица Тиркайло, правнїца зоз Шиду находзи ше на 11. месце. Од виберанкових активносцох странкох и коалицийох, призначуєме же Сербска радикална странка отримала конференцию за новинарох на хторей бешедовали Мирослав Нонкович, перши чловек Општинского одбору и перши на лїстини за одборнїкох як и режисер Цветин Аничич, кандидат за одборнїка. Вони ше фокусовали на стан у култури и окреме бешедовали о започатей (пред вецей роками), а нє доконченей вибудови будинка будуцей музичней школи на месце дакедишнього Дома младежи. И Лиґа социялдемократох Войводини (ЛСВ) представела свою програму и як наглашел Ненад Чанак, предсидатель ЛСВ, тота странка остала дошлїдна своєй политики полни 26 роки. Чанак виражел наздаванє же лиґаше буду участвовац у формованю будуцей Покраїнскей влади и повторел закладанє за полну законодавну, вивершну и судску власц Покраїни. О актуалним стану у польопривреди, з акцентом на предаванє обрабяцей жеми странским державяном бешедовал Бранислав Кнежевич, а о економских проблемох Дьордє Стойшич и Мая Седларевич. 8. АПРИЛ 2016.

Свойо активносци представела и Желєна еколоґийна партия-Желєни. Деян Булатович, предсидатель Покраїнского одбору странки, потолковал же „Желєни” на локалним уровню направели коалициї зоз странками демократского опредзелєня як у Войводини, так и у централней Сербиї. У Шидзе на локални виберанки виходза у зоз Демократску странку, Лиґу социялдемократох Войводини, Социялдемократску странку и Либерално демократску партию на лїстини ,,Час за шорових людзох”. Окреме визначене же їх коалицийни партнере прилапели окремну часц програми хтора ше одноши на защиту животного штредку цо предусловиє за приступанє „Желєних” ґу предвиберанковим союзом. ОПШТИНА КУЛА Општинска виберанкова комисия Кула 30. марца преглашела ище два виберанково лїстини, так же по заключенє того числа, за виберанки одборнїкох до Скупштини општини (СО) Кула єст осем лїстини. Як седма преглашена лїстина „Сербски рух Двери-Народни рух Динара-Дрина-Дунай”, на хторей 25 кандидати и як осма преглашена лїстина Сербскей радикалней странки, на хторей 13 кандидати за одборнїкох до СО Кула. На спомнутих двох лїстинох нєт кандидатох з Руского Керестура. Перше странкове представянє за наступни локални виберанки у кулскей општини, у Руским Керестуре затераз отримала лєм „Єдинствена Сербия (ЄС)-Рух за социялни ратунок”, чий Општински одбор на митинґу у Велькей сали Дома култури 31. марца представел прграму и виберанкову лїстину „Єдинствена Сербия-Драґан Маркович Палма”, на хторей 37 кандидати (кельо и єст одборнїкох у Скупштини општини Кула). Медзи кандидатами за одборнїкох у СО Кула и двойо з Руского Керестура, Михайло Сопка и Марина Преґун, котра ше и представела своїм согражданом, а на промоциї бешедовали и предсидатель Општинского одбору ЄС-Руху за социялни ратунок Драґутин Медоєвич, кандидат за предсидателя Општини Александар Зракич и даскельо кандидати за одборнїкох у СО Кула. Бешеднїки наведли же приоритети ЄС то лєпше положенє положнїцох и ваготних женох, пензионерох, привреднїкох и младих, як и же праве ЄС годна обезпечиц лєпши живот гражданом кулскей општини.

Представянє лїстини „Єдинствена Сербия-Рух за социялни ратунок” у Руским Керестуре

Члени Лиґи социялдемократох Войводини, на чолє з народну посланїцу Олену Папуґа, участвовали у добродзечней роботней акциї Здруженя спортских рибарох „Коляк”, на рускокерстурским базену, дзе посадзени коло 400 древка, найвецей младнїки сибирского бресту и канадскей тополї. Лиґаше за тоту нагоду подаровала коло 150 младнїки канадскей тополї.■

РУСКЕ СЛОВО

7

НАШО МЕСТА ПРЕДСТАВИТЕЛЄ НС НАЩИВЕЛИ ВЕРБАСКУ ПОДРУЧНУ КАНЦЕЛАРИЮ

НАЙВЕЦЕЙ О НАСТУПНИХ КУЛТУРНИХ ПОДЇЙОХ

У рамикох порядних нащивох подручним канцеларийом (ПК) Националного совиту (НС) Руснацох по наших ме стох, предсидатель Вивершного одбору (ВО) НС Желько Ковач и секретар Совиту Таня Арва Планчак прешлей стреди нащивели ПК у Вербаше, у КПД „Карпати”. О информованю, односно стану у вербаских медийох на схадзки бешедовала Еуфемия Ґшвенґ, а предсидатель ВО НС Желько Ковач гварел же по законченю поступку ликвидациї ЯП за информованє „Вербас”, архиву того подприємства превежнє Архив Нового Саду. – У Вербаше вецей нє постої електронски медий, постоя два приватни новини, а єдни з нїх, „Бачкапрес”, даваю и тексти по руски. Виходза два раз мешачно и ту зме заступени, як и Мадяре, Українци, Чарногорци. У ЯП за информованє „Вербас” пред мешацом закончени ликвидацийни поступок – визначела Ґшвенґова. О образованю присутних поинформовал Славко Сабо, а найвецей було слова о можлївосци же би од септембра почала робиц ґрупа за пестованє руского язика у вербаскей Предшколскей установи, о чим найвецей информациї мал Желько Ковач. Др Деян Загорянски присутних поинформовал же „Карпати” маю барз добре сотруднїцтво з учительками руского и українского язика Славицу Мали и Олю Станков, и же сотрудзую у орґанизованю подїйох. Бешедуюци о култури, предсидатель КПД „Карпати” др Загорянски винєсол тогорочни план роботи Дружтва, односно його секцийох, а найвецей бешедоване о наступним Хорским фестивалє „Карпати”, хтори того року у Вербаше будзе 21. мая. На тот завод, предсидатель ВО Совиту Желько Ковач винєсол и звит зоз єдней схадзки зоз представителями Културного центру Вербас, хтори

тиж порихтани помогнуц и участвовац у тей традицийней манифестациї. Вербащанє представительом НС винєсли и же им будзе потребна финансийна потримовка за одход на Фестивал русинскей култури у Свиднїку, у маю, понеже од орґанизатора уж достали урядову поволанку. На схадзки було слова и о участвованю аматерох Дружтва на наших наступних фестивалох, як и о службеним хаснованю язика и писма у Вербаше, а представителє НС винєсли заувагу „з терену” же тогорочне националне швето Руснацох Вербащанє могли означиц и зоз шветочнєйшима змистами, односно нє лєм зоз спортску манифестацию. Попри горе спомнутих, у мено Подручней канцелариї на схадзки присутвовали и Владимир Будински, Михайло Тамаш и Владимир Мученски. Нащива була друга тогорочна нащива подручним канцеларийом НС, перша була у Сримскей Митровици, и до конца априла би мали буц нащивени шицки ПК у наших местох. Ана Маркович

У ШИДЗЕ РИШЕНИ ЗНАЧНИ ТРАНСПОРТНИ ПРОБЛЕМ

АСФАЛТОВАНИ ПРЕХОД ПРЕЙҐ ГАЙЗИБАНСКЕЙ ДРАГИ После вецейдньових роботох асфалтовани преход прейґ гайзибанскей драги Беоґрад–(Шид)–Заґреб у Шидзе у напряме Адашевцох на державней драги 121 на хторей „густи” транспорт, пре одход на авто-драгу

8 РУСКЕ СЛОВО

Беоґрад—Заґреб. Роботи окончели ЯП „Сербия драги” и „Желєзнїци Сербиї”, понеже слово о драговим напряме у компетентносци спомнутих двох державних подприємствох. Представнїки локалней самоуправи

нащивели роботи и гварели же з асфалтованьом драгового преходу прейґ шинох, на длужей будзе злєпшани транспорт. Уж длугши час локална самоуправа у Шидзе вимагала санированє спомнутого преходу. Перше вимогу по слал предсидатель општини, а прешлей єшенї то послане и як заключенє зоз схадзки СО Шид. Транспортни инспектор теди сообщел же преход у таким стану же грожи безпечносци транспорту. За вожачох найзначнєйше же тот преход, хтори обтерховани и з автами и з терховнима превозками, конєчно ушорени. Вл. Дї. 8. АПРИЛ 2016.

НАШО МЕСТА ПЛАНОВАНИ АКТИВНОСЦИ У ЯКП „СТАНДАРД” И „ВОДОВОД” У ШИДЗЕ

ПОДРАГШИ И ВОДА И ВИНОШЕНЄ ШМЕЦА

Виношенє шмеца и услуги отримованя желєних поверхносоцох у шидскей општини у 2016. року буду висши за 10 одсто у одношеню на прешли рок. Таку одлуку прилапели одборнїки СО Шид прилпююци Програму дїлованя ЯКП „Стандард” за 2016 рок. Тиж у планє и числени укладаня, а укратко их нашивела Славица Сремац зоз Финансийней служби подприємства. Як визначела, планує ше ушориц нови теметов и городску депонию шмеца, а тиж ше планує вибудов азила за псох блукачох. За виробок проєктней документациї потребне 490 000 динари, а за вибудов ище милион.

– Од укладаньох плануєме злєпшац услугу виношеня шмеца бо купиме нову превозку, а тиж плануєме купиц и превозку за превоженє загинутих животиньох, як и набавку погребней превозки. Плануєме ушориц и желєни пияц, набавиме нови косачки, бо маме вше вецей отримовац желєни поверхносци – наглашує Славица Сремац. Подпримєство ше будзе намагац цо вецей заробиц на тарґовищу и же би були зменшани субвенциї локалней самоуправи, а цени за пияц, вашар, услуги хованя и паркированя ше нє буду звекшовац. Тераз у „Стандарду” заняти 104 особи, од

БАЗАР ЗДРАВЯ ДЗ „КУЛА”

ПРЕПАТРЕНИ И 65-ЕРО КЕРЕСТУРЦИ

Шейдзешатпецеро жителє Руского Керестура, ше превентивно препатрели на Базару здравя одн. превентивних препатрункох, хтори отримани всоботу, 2. априла у керестурскей Здравственей амбуланти, у орґанизациї Дома здравя Кула. Препатрунки були безплатни, а жителє и без здравственей кнїжочки могли препатриц основни здравствени параметри як цо кревови прицисок, уровень цукру у креви, окончиц консулстативни препатрунок при кардиолоґови, як и на ултразвуку, цо нєт у других штредкох. То велька вигодносц, понеже ше тоти препатрунки звекшого заказує и чека на нїх, плаци партиципацию, а

нє муши ше анї путовац до централного Дому здравя. Циль тих препатрункох же бизме здравствену защиту приблїжели ґу жительству, а пришли особи од 50 рокох старосци и старши. И на тот завод пренайдзени одредзени здравствени проблеми, а велї особи анї нє то нє знали, поготов кед ше указало на ултразвуку, найчастейше то каменки у жовчу, лєбо покруткох. Гоч така файта превентивней пракси нє нова у тим штредку, праве прето би требала буц порядна. И тот Базар здравя орґанизує Дом здравя Кула у шицких местох општини, а прешли бул отримани у децембру прешлого року. М. Афич

хторих 95 на нєодрецзени час, а дзевец на одредзени час. Тиж и ЯКП „Водовод” у тим року подрагши цену води за пейц одсто, а надополнєнє за водомери остава нєпременєне. Александар Йованович, директор „Водоводу”, гвари же єст случаї дзе ше наплацованє услуги хаснованя води мушело запровадзиц прейґ суду. У и „Водоводу” планую значни инвестициї, насампредз, першу и другу фазу вибудови нового цивоводу, и за тоту намену вежнє ше кредит. Намаганє же би ше зменшало субвенцию локалней сампуправи, а вона у 2016. рок планована же будзе 12 милиони динари. Вл. Дї.

У СЛИКИ И СЛОВОХ

ПОРАЄНЄ ОПРЕЗ ШКОЛИ Школяре з дюдьовскей ОШ „Йован Йованович Змай”, пондзелок тижня у валалским парку посадзели беґониї котри достали од ЯКП „Услуга и отримованє” зоз Жаблю. Но, пред тим мушели позаметац, попораїц, виплєц коровче и траву.

У роботи им помогла Оливера Матич, наставнїца биолоґиї у школи котра гварела же ушорйованє и залїванє рошлїнох розвива любов ґу лєпшому и чистейшому животному штредку. С. Б. 8. АПРИЛ 2016.

РУСКЕ СЛОВО

9

НАШО МЕСТА НА КЕРЕСТУРСКИМ БАЗЕНУ ПОСАДЗЕНИ ВЕЦЕЙ ЯК ШТИРИСТО ДРЕВКА

МЛАДНЇКИ ОЖЕЛЄНЯ БЕҐЕЛЬ У орґанизациї Управного одбору Здруженя спортских рибарох „Коляк” на керстурским базену (на боку од „Лонґова”) всоботу, 2. априла, на роботней акциї посадзени вецей як 400 древка, найвецей младнїки сибирского бресту и канадскей тополї, а древка ше посадзи После прешлорочних орґанизацийних и финансийних почежко сцох, свою обновену активносц Здруженє спортских рибарох „Коляк” з Руского Керестура того року почало зоз садзеньом младих древкох на керестурским базену, цо мож толковац и як символични початок новей роботи керестурских рибарох. З тим вецей же, як гварел нови предсидатель Здруженя Михайло Пашо, Општини Кула прешлого тижня уплацени 25 000 динари (з камату то вишло вецей яи 31 000), цо Здруженє мушело

Рибаре ше уключели до садзеня древкох

врациц прето же, як оценєне у Општини, пенєж достати з буджета нє бул наменски потрошени, односно нє по тедишнїх мерадлох о спортских активносцох. Так и рибаре тераз знова годни конкуровац за средства з општинского буджету наменєни спортским орґанизацийом и то за програму „манифестациї”, гварел рибаром на соботовим сходзе предсидатель СД „Русин” Драґан Ковачевич. Можлїве же одредзени пенєж за роботу у тим року Здруженє достанє и з Месней заєднїци. Вироятнє нє лєм пре тоти добри новосци, алє пре зложни и вредни руки и удатну орґанизацию, садзенє древкох на добродзечней акциї ишло швидко и схопно, та посадзени вецей яи 400 младнїки, найвецей сибирского бресту, хтори Здруженє достало од „Водох Войводини”. У роботи участвовали коло 30 особи, насампредз шицки члени Управного одбору Здруженя рибарох, други рибаре, вецей школяре зоз седмей и осмей класи керестурскей Школи „Петро Кузмяк”. Древка садзени до машински вартаних дзирох, залївани су з ярчка коло базену, а пре охрану при кошеню трави, коло каждого древка положена пластична фляша. По законченю акциї, под нову стреху Здруженя рибарох на базену за учашнїкох бул полудзенок, а садзенє древкох предлужене и внєдзелю, на другим боку базену (од валалу) и цалком будзе закончене того тижня. Ту рибаре садза ґестинї и явор, хтори тиж достали од „Водох Войводини”, и остава допатрац их, примерковац же би ше прияли и виросли. Отримованє роботней акциї на рижни способи помогли Месна заєднїца Руски Керестур, ЯКП „Руском”, приватни подприємства „Комфорт” (власнїка Иґора Раца) и „Тина ентериєри” (власнїка Деяна Санковича), та польопривредни продукователь Янко Чизмар Чими. М. Зазуляк

КОМУНАЛНЕ УШОРЕНЄ БЕРКАСОВА

ПЛАНУЮ 60 ПРИКЛЮЧЕНЯ ЗА КАНАЛИЗАЦИЮ Совит Месней заєднїци Беркасово тей яри предлужує започати роботи комуналного ушореня валала од прешлей єшенї. Точнєйше, концом новембра прешлого року закончени роботи у часци Шидскей улїци на нєпарним боку нумерох, а тераз ше планує робиц на боки дзе парни числа. – Од општини Шид зоз буджета зме достали два милиони динари, цо

10 РУСКЕ СЛОВО

20 одсто учасци локалней самоуправи од вкупного виносу од 5,7 милиони динари кельо рахуєме же будзе коштац вибудов канализациї. Кед ше покладзе циви, обчекуєме же ше коло 60 обисца прикапча на канализацию. Же би обезпечело потребни средства, ознова зме конкуровали до Покраїнского секретарияту за польопривреду, водопривреду и лєсарство и наздаваме ше же нам буду од-

добрени средства – наглашує Зоран Видович, подпредсидатель Совиту МЗ Беркасово. Видович додава же у тим тижню ше ма почац асфалтованє даєдних часцох у двох улїцох у валалє у хторих потераз була лєм калдерма. Слово о часци Планинскей и Партизанскей улїци, вєдно у длужини коло 500 метери. Вл. Дї. 8. АПРИЛ 2016.

НАШО МЕСТА У КОЦУРЕ БУЛО РОЗПРЕДАВАНЄ ПОЛОВНИХ СТВАРОХ

НЄ НОВЕ, АЛЄ ШЕ ИЩЕ ЗДА Коцурски пияц всоботу рано звичайно пусти, алє тей першей априлскей соботи було цалком иншак. По тезґох було виложене вшелїячини, од алату, судзини, кнїжкох, бавискох, прикраскох, по обуй и облєчиво хторого було, прешвечлїво, найвецей. З єдного боку тезґох були людзе хтори пришли понукнуц тото цо им вецей у обисцу нє потребне, а з другого тоти хтори опатрали чи им пунукнуте можебуц будзе хасновите Идею наволану „Ярнє розпредаванє половних стварох” реализовала Емилия Чизмар, у надїї же вона зажиє у валалє, бо, як толкує, вше у обисцу маме дацо цо нам нє треба а цо би ше можебуц другим пачело. А прецо руциц кед на тим мож ище и заробиц? Медзитим, такволане улїчне, лєбо ґаражне розпредаванє стварох хторе цалком узвичаєне у заходних державох, дзе людзе звичайно предаваю тото цо би змесцели до своїх ґаражох после пораєня обисца у Коцуре дотераз нє було познате. – Док сом шицко рихтала, намагала сом ше же би цо вецей людзе дознали за мою идею и требало ю промововац. На концу сом ше наисце приємно нєсподзивала, бо було и тих цо понукали, а и тих цо куповали – гварела Емилия. Ствари на пияцу понукани по символичних ценох од 50 динари и вецей, лєм требало мац шмелосци и часу порозпатрац же цо ше медзи шицким тим „шаренїдлом” скрива. Людзе углавним одходзели задовольни дому. – Купела сом сукню. Дакус ми є узка, алє кед сом чула же то за гуманитарну намену, та сом достала мотивацию най схуднєм. Купела сом и прикраски, а супруг купел футролу за документи и годзинку, и нє потрошела сом вецей як тисяч динари – гварела єдна Весна. Марча и предавала, алє нашла часу порозпатрац и купиц дацо – черала сом нєхасновану Павловичову масц за два парточки. Купела сом и красни бутєлар зоз металним ременьчком, то будзе на дарунок – одвитовала Марча. Красна хвиля потримала людзох хтори ше придружели ґу Емилиї у предаваню, а и купцох було надосц. Ро-

зпредаванє ше Коцурцом, випатра, попачело, бо ше велї такой питали же кеди таке будзе орґанизоване ознова. – По ориґиналней идеї, то нє обичай же би ше тото орґанизовало. Медзитим, понеже є орґанизоване на уровню валала, розумим же ше таке интересованє зявело. Покончим тото цо сом годна же би Коцурци мали ище таки пияци. Думам же зме годни то орґанизовац поведзме першей соботи у мешацу, так же шлїдуюце розпредаванє мож чекац уж 7. мая – закончела Емилия. Попри тим же по законченю предаваня кажде могол охабиц облєчиво и бависка же би ше их познєйше однєсло до Каритасу и розпоредзелєло тим хторим є потребне, єдна зоз тезґох тиж мала гуманитарну намену. Под паролу „Пайташки за пайташку”, на тезґи понукане облєчиво хторе позберали дзивки зоз Коцура и наших местох, а пенєж заробени зоз предаваня, наменєни за лїченє єдней анонимней особи. Т. Ходак

НАЦИОНАЛНИ СОВИТ ЧАРНОГОРЦОХ

КОНЗУЛАРНИ УСЛУГИ У ВЕРБАШЕ Национални совит чарногорскей националней меншини у Сербиї и Ґенерални конзулат Републики Чарней Гори у Сербиї за потреби Чарногорцох и других согражданох у тей часци Войводини, у шедзиску у Вербаше буду обезпечени конзуларни услуги. Конзуларни дзень будзе кажди вовторок, праве од нєшка, 29. марца, а услуги ше буду давац у просторийох НС Чарногорцох у Вербаше, Маршала Тита 47, од 10 до 13 годзин. Як стої у сообщеню, конзуларни услуги од службенїка Ґенералного конзулату заинтересовани гражданє достаню як и у шедзиску дипломатского представительства. 8. АПРИЛ 2016.

На официйним отвераню канцелариї Конзулату були ґенерални конзул Чарней Гори у Сербиї Миодраґ Канкараш, министер совитнїк Чедомир Фуштич, конзул Вук Ракочевич и предсидатель НС Чарногорцох Ратко Шоч зоз сотруднїками. Иншак, вимоги гражданох у таких случайох барз розлични, од интересованя за особни статус, за документацию з матичних кнїжкох, интересованя за здобуванє державянства и други питаня, а циль канцелариї будзе защита людзох на тим простору, як державянох Чарней Гори так и других, и реализованє условийох за лєгке и швидке витворйованє рижних правох. А. М.

РУСКЕ СЛОВО 11

ЕКОНОМИЯ ПРОМОЦИЯ „ПОЛЬОПРИВРЕДНЇКОВОГО ПОЛЬОПРИВРЕДНОГО КАЛЕНДАРА ЗА 2016. РОК”

ПОТЕНЦИЯЛИ МАМЕ – ХИБИ ДОБРА АҐРАРНА ПОЛИТИКА З нагоди промоциї кнїжки „Польопривреднїков польопривредни календар за 2016. рок”, пияток у Новим Садзе отримани округли стол на тему „Польопривреда и рурални розвой – обставини и потенцияли”, а тот алманах, з тей нагоди подписую 200 еминентни авторе

Е

минентни польопривредни науковци, хтори длуго роки сотрудзую зоз „Польопривредником”, на округлим столє ошвицели польопривредну проблематику у польодїлстве, статкарстве, овоцарстве и заградкарстве. РЕКОРДНИ УРОЖАЇ РЕАЛНО МОЖЛЇВИ

– Потенцияли хтори маме нє годни зме реализовац кед ше нє витвори нову аґрарну политику – гварел проф др Радован Пеянович. – Насампредз, треба де финовац шицки неґативни огранїченя на их реализациї, хторих єст вельо. То на першим месце аґрарна политика, тарґовище, цени, финансованє, нєконкурентносц, климатски пременки и велї други. Тоти проблеми ше уж децениями громадза и теУЧАШНЇКИ раз, кед зме на прагу уходу до Европскей униї, маме шансу На тим сходзе бешедовали др Радован Пеих ришиц. янович – Огранїченя у розвою польопривреЗ оглядом же на округлим ди и напрями новей аґрарней политики, др столє бешедовали професоре Мирослав Малешевич – Феномен високого зоз новосадского и беоґрадско- урожаю, др Жарко Илин – Напрями розвою го Польопривредного факулте- заградкарства, др Зоран Кесерович – Предту, очиглядне же нєобходна ло- клад мирох и модели розвою овоцарства у ґистика за унапредзенє польо- руралних стредкох, др Желько Деспотович – Соларна енерґия у польопривреди и мобилпривредней продукциї ту. Шицки визначели вельки по- них соларних пошореньох у польопривреди, тенцияли хтори наш аґрар мо- др Владан Боґданович – Вплїв климатских же вихасновац. Професор Ми- пременкох у статкарскей продукциї, др Анрослав Малешевич надпомнул ка Попович Вранєш – Укладанє до малих же рекордни урожаї яки при- погонох за преробок млєка и продукцию сизначени на сиверу Бачкей у ра и др Ґордана Радович – Рурални туризем у функциї руралного розвою. продукциї жита можлїви кед

СОВИТУЮ 60 РОКИ Перше число новинох „Польопривредник” вишло 2. децембра 1956. року. Як теди, так и нєшка присутни є у домох польодїлцох, задруґох и польопривредних маєткох. Того року означи 60 роки виходзеня. Єдинствена є по тим же єдина преноши досяги наших науковцох зоз аґрару, а хтори мож применїц у продукциї. Новини виходза раз у двох тижньох. Кнїжка „Польопривредников польопривредни календар” рочнїк, а перша вишла 1958. року. То алманах хтори популарни и под назву „Мала польопривредна енциклопедия”, а обявени тексти еминентних авторох понукаю конкретни совити у польопривредней продукциї.

12 РУСКЕ СЛОВО

ше аґротехнїчни мири применює у континуитету. Др Зоран Ке серович, профе сор на департману за овоцарство спомнул вельо добри приклади зоз околїска, а хтори лєгко и у нас применїц. Вон указал на приклад Турскей хтора у прешлим року зоз продукциї лїсковцох заробела 2,8 милиярди долари, а тиж так надпомнул и же єдна фамелия на валалє може добре жиц зоз яблукох на 4 гектари. МАМЕ ЛЄПШИ ПРИРОДНИ УСЛОВИЯ ЯК КОНКУРЕНЦИЯ

Подобни условия маме и кед слово о розвою заградкарства. Як гварел др Жарко Илин, маме лєпши природни условия од велїх европских державох, а у тей хвильки зме, кед слово о продукциї заградкарских културох, на 5-6. ме сце у Европи. О потенциялох у продукциї орґанскей (здравей и безпечней) поживи бешедовала др Анка Попович Вранєш. Затераз у Войводини така продукция орґанизована у вецей дзешаткох ґаздовствох. Вона витворена з помоцу политики, фаховей помоци и науки. Директорка „Польопривредника” др Ґордана Радович на тим сходзе бешедовала о значносци руралного туризма хтори доприноши руралному розвою. З тей нагоди вона наглашела же у тим року то перши таки сход, а понеже того року „Польопривредник” означує ювлей – 60 роки друкованя, по конєц рока буду отримани ище подобни сходи як цо бул тот.■ Александар Паланчанин 8. АПРИЛ 2016.

ЕКОНОМИЯ ЕТНО СТИЛ У КОЦУРЕ

КРЕАТИВНОСЦ ЗОЗ СТАРИМА ЦЕГЛАМИ Уж длугши час у Коцуре, та и у цалей Войводини, етно стил ушорйованя ентериєра и екстериєра барз популарни, а Милан Дрляча постал прави майстор у тей креативней роботи

С

тари цегли и черепи хтори велї маю наскладани у заднїм дворе ознова достали свою намену и хаснує ше их за вонкашню декорацию, а Коцурец Милан Дрляча єден з майстрох хтори уж дзевяти рок будує украсни мурики зоз старого будовательного материялу. – Найчастейше будуєм украсни мурики, алє ту и печеняри, чопи, шанки, шицко тото цо тераз популарне. Я таке перше почал дома робиц, а вец у пайташа, то людзе видзели и волали ме же бим и им направел. Тераз уж єст дас 15 мурики у Коцуре хтори я вимуровал, и можем повесц же вони наисце прикрашую наш валал – гвари Милан. Пошвидко, за Милана ше пречуло и у околїску, а тераз уж зоз сином Предраґом мурує по цалей Войводини. Роботи ма надосц, та му з рока на рок и поостава, бо нє може постарчиц. Од материялу хаснує стари цегли и черепи хтори до мурикох уклада цали, лєбо их реже на менши фалатки зоз окремну машину хтору тиж сам направел спрам своїх потребох, и хтора му барз олєгчує роботу. – Черепи єст барз вельо, а цегли уж єст вше менєй. Барз цикаве же ше тоти швабски цегли од места по место розликую. Иншаки су по димензийох, як и по фарби, а маю и иншаки иницияли. У Коцуре ище и найподлєйша цегла, док у Керестуре барз красни и квалитетни стари цегли, лєбо, наприклад, у Србобрану – бешедує Милан хтори идеї за будованє достава у хвильки кед треба муровац, а красни мурики ше вимурую, так повесц, сами од себе. Потераз вимуровал вецей як 50 мурики, а заинтересованим людзом дзечнє указує фотоґрафиї же би ше одлучели яки мурик жадаю у своїм обисцу. ДАЮ МУ РОБИЦ ПО СВОЇМ – Велї ми препуща же бим сам одлучел як направим мурик, бо вше випаднє крашнє. А я анї сам нє знам як випаднє на концу, як вежнєм цеглу до руки, так ю положим. Вше меркуєм же би було крашнє поробене, же би фуґни були истей ширини, и бул даяки склад. Як роки преходза, видзи ше ми же ми идзе вше швидше, а кажди мурик красши як гевтот пред тим. Перши идеї сом, нє будзеце вериц, находзел у турских серийох. Супруга провадзела дїю, а я шацовал їх хижи и мури. Вони наисце „махере” и за твердинї и за декорацию хижох. Кед ше чловек запатри, то наисце так – гвари Милан. За мурованє єдного мурика длугокого 10 и високого 2 метери, Миланови и Предраґови потребне 10 днї, а кед хвиля красна можу закончиц и швидше. Док Милан мурує, Предраґ му шицки цегли пореже на одредзени димензиї. Медзитим, уж ше помали лапа и сам муровац. – Вон би требал то предлужиц, док я уж нє годзен робиц, алє ище нє барз сце пойсц сам даґдзе муровац. Най себе найдзе двох пайташох, та най робя, бо людзе барз глєдаю. Кед бим нє робел у державней фирми, я би можебуц и постарчел, алє так нє можем. Ша дакеди ше слу8. АПРИЛ 2016.

Милан и син Предраґ правя мурик у Мото-клубу

чи же ноцами робим, а през дзень муруєм. Понукал сом и другим же их научим, алє ридко хто заинтересовани. За тото треба наисце видвоїц вельо часу, а нє мож анї вельо наплациц, бо людзе нє маю пенєжи. Прето велї майстрове думаю же ше нє виплаци робиц. Ниа, єден майстор вимурує хижу за 10 днї и вежнє 2 000 еври. А я, же бим ю цалу вимуровал и вицифровал, треба ми голєм два мешаци, а вежнєм исти пенєж. То ше наисце муши любиц – толкує Милан. Гоч є по фаху тракториста, Милана ище давно братняци уведли до мулярскей роботи, а вон сам ше вше интересовал за таку файту креативного виражованя. Гвари же ноцами часто нє ма мира и нє може спац од бурї идейох, а за свой гоби часу пренаходзи и кед пада диждж. Теди ше завре нука, та прави декоративни предмети зоз древа, лєбо з металу. И У ПРОСТОРИЙОХ МОТО-КЛУБА ОХАБЕЛ СВОЙ ПЕЧАЦ Милан член коцурского Мото-клуба „Пеґасус”, и вон задлужени за нукашню и вонкашню декорацию кед у питаню мулярски роботи и вирабянє металних часцох. Тому пошвецел вельо свойого часу и енерґиї. Нукашньосц Клуба прекрашнє поробена, а Милан увагу пошвецел шицким детальом. Праве закончовал вонкашнї мурик и бину. Клуб свой дзешати родзени дзень преслави у ушорених просторийох. Алє то нє готове, Милан и його колеґове з Клуба маю ище вельо плани за свойо просториї. Тераз нам их нє вивола, бо понагля, ознова зоз новим муриком ма украшиц єден зоз валалох у околїску. ■ Танита Ходак

РУСКЕ СЛОВО 13

КУЛТУРА И ПРОСВИТА МЕДЗИОКРУЖНЕ ЗМАГАНЄ У ЗНАНЮ РУСКОГО ЯЗИКА

ШКОЛЯРЕ ЗОЗ ДВАЦЕЦ ШКОЛОХ Коцурска Основна школа „Братство-єдинство” була домашня 7. Медзиокружному змаганю у знаню зоз руского язика хторе орґанизовало Дружтво за руски язик, литературу и културу вєдно зоз коцурску Школу. Змаганє отримане всоботу, 2. априла, а змагали ше 68 школяре

З

маганє отворела директорка коцурскей Школи Славица Байор, як и Ирина Папуґа у мено Дружтва за руски язик, литературу и кулутру, же би на 10 годзин школяре уж почали ришовац те сти. Присутна була и Мелания Римар у мено Одбору за образованє Националного совиту Руснацох, та числени наставнїци руского язика зоз наших местох. На змаганю участвовали школяре зоз 14 местох и 20 школох у хторих ше руски язик учи як порядни, односно як виборни предмет. Од приявених 73 школярох на змаганє пришли 68 школяре од пиятей по осму класу, понеже того дня були орґанизовани змаганя зоз других предметох, та школяре мушели вибрац єдно од змаганьох. Окрем зоз Коцура, ту були и школяре зоз Руского Керестура и Дюрдьова, дзе руски язик у порядней настави, а потим и зоз Нового Саду, Ветернику, Сримскей Каменїци, Бачкей Тополї, Нового Орахова, Вербасу, Кули, Бачинцох, Шиду, Савиного Села и Сримскей Митровици, дзе ше руски язик учи як виборни предмет. – У мено орґанизатора можем похвалїц коцурску школу же нас крашнє дочекали и же ше пририхтали, а окреме сом задовольна зоз числом учшнїкох. Барз ми мило, а треба же би було и шицким родичом же ше дзеци одволали у таким вельким чишлє, як зоз порядней настави, так и зоз школох дзе руски язик виборни предмет. З тим облапени штири округи, Сивернобачки, Заходнобачки, Южнобачки як и Сримски округ – потолковала Ирина Папуґа.

14 РУСКЕ СЛОВО

НАЙУСПИШНЄЙШИ Кед слово о порядней настави, школяре пиятей и шестей класи були лєм похвалєни, бо нє мали достаточне число бодох за награди. Медзи школярами зоз седмей класи найлєпши були Соня Балїцки зоз Руского Керестура и Лидия Чапко зоз Дюрдьова, хтори освоєли перше место. Зоз осмих класох перше место освоєли Терезка Будински зоз Руского Керестура и Мария Барна зоз Дюрдьова. Медзи школярами хтори Руски язик уча як виборни предмет у осмих класох найлєпше знанє указали Яна Бодвански, Ана Петкович, и Лара Петкович зоз Нового Саду, та Дина Мудрох зоз Сримскей Каменїци, хтори освоєли перше место. У седмей класи перше место освоєла Марина Грубеня з Нового Саду, у шестей Анастасия Джуджар зоз Кули, а у пиятей Михаило Пап зоз Нового Саду.

Школяре ришовали тести хтори составели проф. др Юлиян Рамач за порядну, и Мелания Сабадош за виборну наставу. Як потолковали Рамач и Сабадошова, тести були подобного составу як и прешлорочни, а заступена була и ґраматика и литература, док тести за виборну наставу мали найвецей питаня зоз познаньом язика. Тести школяре ришовали годзину и пол, а потим ушлїдзело препатранє и на концу преглашованє найуспишнєйших школярох на змаганю. Кажди учашнїк на змаганю достал припознанє, а наградзени школяре достали виданя НВУ „Руске слово” и Дружтва за руски язик, литературу и културу. Школяре седмих и осмих класох ше 28. мая ознова стретню у Коцуре, кед будзе отримане Републичне змаганє у знаню руского язика.■ Т. Ходак 8. АПРИЛ 2016.

КУЛТУРА И ПРОСВИТА У РУСКИМ КЕРЕСТУРЕ ПРЕМИЄРА ДЗЕЦИНСКЕЙ ПРЕДСТАВИ „ВАСО ПИКАСО”

ЖИВОТНА ЛЕКЦИЯ ШКОЛЯРСКОГО ОДРАСТАНЯ

Дзецинска ґрупа Драмского студия „Арт” Дома култури Руски Керестур внєдзелю успишно премиєрно виведла свою нову представу Сави Шкобича „Васо Пикасо”, у режиї Ксениї Бодянец

Н

ажаль, вше присутне неґативне зявенє у школским живоце старших школярох – одправянє годзинох, односно сцеканє з нїх, тема тей представи. Главна особа Васо хтори зоз шестру Весну жию з тету понеже им родичи робя у Швайцарскей. Дзеци у адолесценстским возросту и покус глєдаю себе, и вельо раз су и бунтовнїки. Так и Васо, хтори ма прихильносц ґу мальованю, та го товарише прето наволали Пикасо, занєшено шнїє о своєй будучносци славного уметнїка. Прето себе раз надумал нє пойсц до школи кед бул контолни з математики. При тим ше запутал до циґанства, алє научел и добру животну лекцию, чого були шведкове шестра, тета и двоме товарише. Улогу Васи успишнє толковал Емилиян Няради, а комични секвенци барз успишнє дополнєл зоз своїм талантом комичара прейґ руху, а поготов ґестикулациї, цо давало шмишни тони цалей представи.

КЕРЕСТУРЦИ ШЕ ПЛАСОВАЛИ НА ЗОНСКУ СМОТРУ У Крущичу вовторок, 5. априла, закончена Општинска смотра дзецинскей театралней творчосци и представа Керестурцох „Васо Пикасо” ше пласовала на Зонску смотру. На Општинскей смотри участвовали осем театрални витвореня, медзи нїма и дзецинска представа РКУД „Др Гавриїл Костельник” зоз Кули „Одата за витор” Роберта Такарича, у режиї Александри Лендєр. Селектор на Општинскей смотри бул режисер Владимир Надь Ачим и попри спомнутей зоз Кере стура, одред зел же ше на Зонску смотру пласовали и дзецински представи КУД „Крущич” зоз Крущичу, Мадярского културного центру „Непкер” зоз Кули и Културного центру Кула. М. З.

8. АПРИЛ 2016.

Учашнїки у тей подїї попри тети хтору як Тету Нату Язикату прешвечлїво одбавела Ивана Планчак, и Васовей шестри хтору, як Весну Єсну понеже любела вельо єсц, упечалїво толковала Ана Костелник, а ту и двоме Васово школски товарише з назвисками Штребер и Мутавко, а хтори легко одбавели уж искусни млади ґлумци Андрей Надь и Петрик Надь. Назвиска шицких улогох асоцираю и на характер їх подобох. У Васовей моралней трансформациї од спревоцкоша и лєнївка, бо нєдзечнє пораєл свою хижу, одлучуюцу улогу мала Русалка, цо ю бавела Анамария Няради, котра го з условеньом прешвечела же яки чежки пошлїдки таких подлих чловекових прикметох, а то и главне порученє самей представи. Режисерка Бодянцова уж даскельо сезони роби зоз стаємну ґрупу младих глумцох, а мож повесц же їх одрастанє провадзи и вибор текстох хтори поставя на сцену. Представа Васо Пикасо нє така динамична и з менєй музичнима ефектами яки зме звикли видзиц у скорейших представох Бодянцовей. Як виявела после премиєри, задовольна є як дзеци прилапели и винєсли свойо улоги, бо представу рихтали за релативно кратки час. Наш упечаток же зоз лєпшу убавеносцу ґлумцох будзе роснуц и динамика цалей представи, а шлїдуюци раз ше такой 5. априла на Општинскей смотри дзецинскей театралней творчосци у Крущичу. Вшелїяк же будзе виведзена нєодлуга и на Драмским мемориялє. Режисерка Бодянцова обдумала и сценоґрафию, текст Сави Шкобича на руски язик преложел Владимир Бодянец, удатни костими як и вше, пририхтала Таня Орос, суфлерка була Сара Планчак, музични сотруднїк и тонмайстор бул Михайло Бодянец, а майстор шветла Сашо Палєнкаш.■ М. Афич

РУСКЕ СЛОВО 15

КУЛТУРА И ПРОСВИТА РУСКИ КУЛТУРНИ ЦЕНТЕР ЗОЗ НОВОГО САДУ

ЗЛАТНИ ПОГАР ФОЛКЛОРНОМУ АНСАМБЛУ ВЕТЕРАНОХ

Як нам сообщели представителє РКЦ зоз Нового Саду пияток, 1. априла, фолклорни ансамбл ветеранох РКЦ, под руководительством хореоґрафа Миломира Шайтоша, участвовал на змагательним Фестивалу фолклорних традицийох и народного скарбу Републики Сербиї „Златни опанак”. Тот Фестивал ше уж традицийно, по 14-раз отримує каждого року у Валєве, а на нїм участвую найлєпши фолклорни ансамбли зоз цалей Сербиї. У конкуренциї седем фолклорних ансамблох, Новосадянє наступели зоз хореоґрафию „Руски танци Бачки и Сриму”, а длуготирваци аплауз публики у сали валєвского Дома култури бул найлєпши указатель квалитету виводзеня фолклорного ансамблу ветеранох Руского културного центру. По законченю того фестивалного вечара, ушлїдзело додзельованє припознаньох дзе Новосадяном за успишни наступ и указани уметнїцки уровень, припаднул златни погар, як найлєпшому ансамблу у катеґориї ветеранох. Потим, ушлїдзело гевто цо фолклораше найволя, а то друженє и заєднїцке танцованє до позних годзинох шицких ансамблох учашнїкох Фестивалу.

Як нам сообщели представителє РКЦ Новосадянє на тот фестивал поволани пре свой длугорочни континуовани квалитет хтори презентую на рижних фестивалох и як резултат членства у Асоцияциї културно уметнїцких дружтвох Сербиї, хторе основане у фебруару того року. Гоч Руски културни центер у тей хвильки у чежкей и нєвигодней финансийней ситуациї, фолклорни ансамбл ветеранох пошол до Валєва и участвовал на тим важним и значним Фестивалу, дзекуюци донаторови, сообщую зоз РКЦ. О. П-С.

КУД „ТАРАС ШЕВЧЕНКО” У ДЮРДЬОВЕ

ПОСТАВЕНИ ДВА НОВИ ТАНЦИ У Културно-уметнїцким дружтве „Тарас Шевченко” у Дюрдьове, внєдзелю хореоґраф Звонко Костелник зоз Союзу Руснацох Републики Горватскей поставел нови танци котри премиєрно буду виведзени на традицийним Рочним концерту того Дружтва. Єден поставени за Наймладшу дзецинску ґрупу, а други за виводзацку фолклорну ґрупу. – Барз сом задовольни зоз танцошами, бо барз добре прилапели нашо друженє и швидко научели крочаї и рядошлїд рушаня. Єдней ґрупи поставени танєц, венчик наших народних танцох, а другей танєц зоз Буковини котри ше танцує на свадзбох. Гоч зме мали мало часу, задовольни

16 РУСКЕ СЛОВО

Звонко Костелник

сом зоз резултатом – гварел хореоґраф Звонко Костелник. Вон подзековал представительом Дружтва же оможлївене и обновене сотруднїцтво. На пробох були и уметнїцки руководителє тих двох фолклорних ґрупох котри зоз танєчнїками предлужена вежбац танци котри буду виведзени на концерту, 1. мая, на Вельку ноц по юлиянским календаре. Як гварел Микола Кухар, предсидатель Дружтва, и того року одлучене предлужиц тото добре сотруднїцтво зоз хореоґрафом Звонком Костелником, котре тирва уж длугши час. Потераз вше були задовльни зоз резултатами, а танєчнїки маю нагоду научиц танци од фаховей особи. С. Барань 8. АПРИЛ 2016.

КУЛТУРА И ПРОСВИТА У ШИДЗЕ НА ГОДЗИНОХ РУСКОГО ЯЗИКА И ШКОЛЯРЕ ХТОРИМ ТО НЄ МАЦЕРИНСКИ ЯЗИК

ШЕРЕМЕТОВО СЦЕЛИ НАУЧИЦ ПО РУСКИ Мина, Матия и Уна нє лєм же уча руски язик як виборни предмет, алє ше змагали и у рецитоваю, одлични су школяре, спортисти, музичаре и танцоше

Г

Їх труд на годзинох препознала наоч роками у Шидзе проблем як позбеставнїца Златка и прето их и порихтарац дзеци хтори буду пестовац руски ла за змаганє. Влонї Мина була поязик з елементами националней култури хвалєна за рецитованє, а того року як виборного предмету, зоз хторим ше наМатия достал и кнїжку. Шереметово ставнїца Златка Сивч Здравич роками зонам гваря же годзини по руски за нїх чує, єст и добри приклади. Дахто, кому нє вельке обтехованє, гоч уж маю наруски нє мацерински язик, сце го научиц досц школски и звонка школски аки буц активни и звонка порядних школтивносоци. Мина нам гвари же посиских активносцох. Таки приклад шестри лала свойо литературни и подобово и брат Шереметово з Основней школи роботи до „Заградки” и же достала „Бранко Радичевич”, зоз Шиду, Мина, награду за порядне сотруднїцтво. школярка осмей класи, Матия зоз шестей Прешли рок Мини и Матийови остаи Уна, школярка зоз першей класи. нє у паметаню и же були на Лєтнєй На спомнутих школярох увагу нєдавно школи руского язика у Попраду у прицагнул наступ на општинскей смотри Словацкей Републики. рецитаторох „Поето, народу майого” на – Було нам крашнє под час школхторей наступели шицки тройо и рецитоМина ского одпочивку єден тидзень пребували по руски. Руснацох представял ище зоз „Святосавску повелю” вац у иножемстве. Там зме ше дружелєм єден руски школяр зоз Бачинцох Божидар Загорянски. Правда, нє пласовали ше за висши ли зоз парняками и то нам була награда за нашо активуровень змаганя, алє Матия достал похвалу селектора носци през рок – скромно гваря Мина и Матия. Мина активна на змаганьох зоз биолоґиї, ґеоґрафиї, смотри, а влонї була похвалєна Мина. И наймладша Уна сербского язика, як и зоз физики. Ґу тому Мина и пията „пребила ляд” и вона ше перши раз змагала. – Кед зме чули же ше у школи може вибрац руски язик класа у Музичней школи „Филип Вишнїч” у Шидзе и як виборни предмет, ми ше опредзелєли за тоти годзини ґрає на флаути. – На републичним змаганю у Валєве сом достала треи нє патрели зме чи там єст досц школярох чи нє. Сцели зме научиц и тот язик. Шмело зме прилапели предклада- цу награду, а у Беоґрадзе першу, так же сом прешлого нє нашей наставнїци Златки же бизме ше порихтали и на року достала „Святосавску повелю”, хтору влонї достал змаганє у рецитованю. Найзначнєйше же бизме порозу- и мой оцец Томислав, як просвитни роботнїк. Того року мели писню, а вец ше лєгчейше научи и интерпретує – сом достала ознова „Святосавску повелю”, алє тераз за гваря нам Мина и Матия, по чиїх крочайох рушела и на- вкупни мойо резултати у школи и на змаганьох. Мам часу и за спорт. Тренирам одбойку, а наступам и у ориєнймладша шестра Уна. тиринґ спорту за єден клуб у Новим Садзе дзе и Матия – приповеда Мина и додава же танцує у ГКУД „Шид”. Матия у ориєнтиринґу од дзевятого року и потераз достал числени припознаня на рижних змаганьох у Сербиї. – На тоти змаганя часто приходза и странски змагателє и вец конкуренция ище моцнєйша. Добре знам анґлийски язик и нє було ми препреченє бешедовац на змаганьох дзе сом на єден завод упознал и змагателя зоз Китаю. Попри спорта любим грац и на тамбурки, та граєм у ГКУД „Шид” и у Городским тамбуровим оркестру – гвари Матия. Їх ше стра Уна тераз школярка першей класи основней школи и вона помали руша по крочайох старшей ше стри и брата. Шицки тройо одлични школяре и вшелїяк су за приклад.■ Матия, Уна и Мина Шереметово Вл. Дїтко 8. АПРИЛ 2016.

РУСКЕ СЛОВО 17

МОЗАЇК ПСИХИЧНИ ХОРОТИ СУЧАСНОГО

Пише: Цецилия НАДЬ

єшкайши способ живота вимага нєпреривне провадзенє трендох, Н констане виглєдованє и усовершованє

у роботи, алє и у дружтвеним живоце. Чловек анї нє свидоми кельо шицко тото неґативно вплївує на його менталне здравє, односно психу. Соня Виславски з Руского Керестура дипломовани психолоґ, у тей хвильки є на мастер студийох психолоґиї на Филозофским факултету у Новим Садзе, напрям Розвойно педаґоґийни. У розгварки зоз ню дознали зме яки пошлїдки можу остац на чловековей психи Єдна од найрозширенших хоротох нєшкайшого/модерного часу вшелїяк стрес, хтори, кед тирва барз длуго, односно, кед є хронїчни, витрапює орґанизем и приводзи до психичних и физиолоґийних хоротох. – Тому доприноши швидки темпо живота, вельо обовязки, кед ше шпи, або ше шпи барз мало, и мало ше одпочива. Шицко тото вплївує на наш орґанизем и приводзи до психичней напартосци, анксиозносци, роздраженосци, вистатосци – толкує Соня и додава же би особа требала пренайсц час за себе и препровадзела го так як єй найбаржей одвитує. Тиж треба зменшац уношенє алкоголу, кофеину, одредзиц приоритети и скромнєйше жиц.

ХОРОТИ СУЧАСНОСЦИ У розгварки зоз младу психолоґиню, Соню Виславски, дотхли зме ше пар хоротох сучасного чловека. Попри хоротох, постоя и психолоґийни феномени хтори вше

18 РУСКЕ СЛОВО

баржей присутни. Єден з нїх то „ярня вистатосц”. Правда, водзи ше як психолоґийни феномен, алє заш лєм ма свою физиолоґийну пременку. Можеме повесц же зявенє ярнєй вистатосци цалком нормалне. – Кед приду цеплєйши днї часто виходзиме вонка, уживаме на слунку, полни зме ентузиязма и доброго розположеня, за цо одвичательне звекшанє концентрациї серотонина (гормон доброго розположеня, радосци) у орґанизму. После даскелїх минутох можеме почувствовац вистатосц и слабосц, понеже ше наш орґанизем ище вше привикує на тоту пременку – гвари Виславскова и наглашує же после краткого часу тото чувство нєстава. Кед особа и после даскельо дньох чувствує слабосц и вистатосц, потребне же би пошла до лїкара и преверела чи у тим нєт даяка друга физиолоґийна пременка. Анксиозносц ше од страху розликує по тим же особа чувствує якуш нєлагоду, нєприємносц, страх, чувство безпомоцносци, медзитим, стварни обєкт на хтори би ше то одношело нє постої, односно нє присутни є. Соня гвари же анксиозносц обстава док ше єй одупераме. При постояню неґативних думкох, хтори ми константно поцискуєме и контролуєме, бориме ше з нїма, сцекаме од ситуацийох хтори на нас дїйствую анксиозно, треба робиц шицко процивно од того. Прилапиц думку и пущиц ю без анализи.

Питали зме ше младим особом чи нагли и амбицийни живот неґативно вплївує на менталне здравє (психу) чловека? Лидия Костелник (19), Руски Керестур Вшелїяк се складам зоз тим, прето же шицко тото вплївує на нєдостаток концентрациї, а єй нєдостаток вплївує на чловеково гришки у каждодньовим живоце. Михайло Фейса (24), Коцур Думам же таки способ живота неґативно вплївує на чловеково менталне здравє, пошвецує ше увагу лєм роботи и кариєри, понагля ше посцигнуц вельке число нагромадзених обовязкох. Часто забуваме на реални дружтвени живот – бо велї пробую реални живот заменїц зоз виртуалним, хтори ше вообще нє можу поровновац. Наташа Гайдук, (23), Руски Керестур Гоч нам модерни технолоґиї олєгчую живот, людзе нервозни, понагляю, час их оганя, а то неґативно вплївує на їх живот и щесце. Думам же би кажде требал пренайсц гоби и вецей ше пошвециц себе, як пре щесце, так и пре здравє. 8. АПРИЛ 2016.

МОЗАЇК ЧЛОВЕКА ВИХО DЗИ НОВИ

НОВЕ ЧИСЛО У ДРУГЕЙ ПОЛОВКИ АПРИЛА У штвартим, априлским чишлє МАК-у „У фокусу” информациї и совити будуцим штредньошколцом и студентом, а ту и интервю з Димитрийом Цапом з Коцура, хтори на специялизациї на Музичней академиї у Братислави, у Словацкей.

Кед слово о депресиї при младих, муши ше повесц же то єден озбильни здравствени проблем, хтори часто останє нєзамерковани аж и з боку самей младей особи. – Младих прицискаю праве їх парняки, родичи, наприклад пре факултет, хиби им социялна потримовка, поремецени фамилийни одношеня, пре траценє їх милей особи, шицко то приводзи до дзвиганьох и паданьох – толкує Соня и додава же єст даскельо способи лїченя, як цо хаснованє антидепресивох, психотерапия, т. є. розгварка з психотерапеутом и на концу госпитализация. Фактори хтори дїствую позитивно на здрави емоцийни розвой младей особи то ефикасни стратеґиї моцованя зоз стресом, самодовириє, самопочитованє, социялни схопносци, добри одношеня родичох з дзецком, вира и релиґия.

ПСИХОСОМАТСКИ ОХОРЕНЯ

У „МАК-овим колажу” розгварка зоз Срдяном Ґовльом з Нового Орахова и Стефаном Ноґавицом з Керестура, студентами Факултета за поморство у Котору. У априлским МАК-у, у рубрики „Упознай себе”, годно поробиц тест професийней ориєнтациї, хтори лєм приклад як тот тест випатра, бо ше вон иншак роби на вельо озбильнєйшим уровню, а рубрика „Так и нїяк иншак” понука толкованя даєдних задаткох зоз збирки задаткох зоз руского язика. „Роздумованє наглас” и тераз ноши Сплєтки и мервеня, „Спорт и рекреация” пише о популарней форми рекреациї при младих – терховнї, а у „Куцику совитох” годно пречитац яка мода тей яри. „Швет технїки и технолоґиї” представя Калину Павлович з Керестура, хтора занята у софтверскей ИТ Компаниї за виглєдованє, розвой и инженєринґ у обласци управяня електроенерґетских системох „Schneider Electric DMS NS” у Новим Садзе. У рубрики „Направ сам” рецепт за чоколадово мафини, а „Власни печац” понука поезию младих авторох и представя Андреу Новак з Коцура и єй авторски фотоґрафиї. Ма. З.

У основи наставаня психосоматских охореньох лєжа праве психични фактори. Виславскова наглашує же емоцийна напартосц, хронїчна анксиозносц, нукашнї конфликти, чувство виноватосци, чувство меншей вредносци, пренаглашена амбицийносц, можу спричинїц поремеценя физиолоґийних функцийох и на тот способ привесц до длуготирвацого поремеценя орґанох. – Психосоматске охоренє настава углавним при особох хтори нє знаю вербализовац свойо чувства – шицко затримую у себе. А кед ше нє пражнїме, кед шицки тоти чувства оставаю у нас, вони правя тензию у нашим орґанизму и знїщую го, а особа нє ма контролу над нїма. Особа нє треба же би затримовала неґативни чувства у себе, муши мац даяки ,,видувни” вентил – закончує психолоґиня Соня Виславски. ■ 8. АПРИЛ 2016.

РУСКЕ СЛОВО 19

ЛЮДЗЕ, РОКИ, ЖИВОТ

З другого боку творчосци:

ВЛА ДИМИР КИРДА БОЛХОРВЕС

МОЙО ДЇЛА МИ ДАВАЮ СМИСЕЛ Розгварку водзела: Славица ФЕЙСА

Кнїжки то його обсесия. Напавал ше зоз кнїжкох и з власного живота. Вельо раз повторел же його дух, сензибилитет и характер вибудовали кнїжки. Прето нє криє радосц пре добре написани свойо виреченя, пасуси, боки... Звонка його творчей роботнї радує ше каждому щесцу своїх найблїзших

С

лики дзецинства и младосци препровадзени у Керестуре Владимир Кирда Болхорвес нє лєм же памета, вони нєшка и часц його литературного дїла. У „Шветлосци” (януар-марец) 2013. року обявени його „Прилог за можлїву антолоґию керестурскей поезиї”, и дознаваме же написал 52 керестурски писнї и поеми. Кирда гвари же кед раз будзе обявени зборнїк шицких писньох з Кере стура и о Кере стуре, будзе видно хто ма найвецей таки стиховани витвореня. Кере стурцох и кере стурски подїї уноши и до своїх романох. А пред вецей як шейдзешат роками, перши слики з Керестура враца на наставнїцу Марчу Рамачову, познєйше Чаканову. Вла-

20 РУСКЕ СЛОВО

димир и нєшка памета же ходзел до штвартей класи кед пред цалу класу пречитани його писани со став, найлєпши медзи парняками. Теди почина його литературна творчосц. У Керестуре Кирда закончел основну и шеґертску школу, а школованє предлужел у Новим Садзе, Суботици и Беоґрадзе. ПРЕКЛЯТСТВО АМБИЦИЙНОГО НЄБОРАКА У юнию 1991. року два днї пред початком войни у Словениї, Владимиров син пошол жиц до Нємецкей, а отамаль до Анґлиї. И нєшка є там. У Войводини жил двацец роки, а у Анґлиї двацец пейц. Пра8. АПРИЛ 2016.

ЛЮДЗЕ, РОКИ, ЖИВОТ ве тих дньох є зоз супругу, Анґлийку, и двоїма дзецми на лєтованю у Шри Ланки. – Його мац, моя супруга, дакеди дудрала же сом го нагварел най идзе до швета, а вон нам уж вецей раз гварел же є сто раз щешлївши на богатим Заходзе як цо би бул ту, у худобней Сербиї. Наша дзивка, и єй муж тиж маю двой дзеци. Жию ту, у Новим Садзе. Любим ше прешпацирац, раз до нєй, до жеца и унукох, раз до Бориса и його Ясенки. У литератури частейше жиєм як звонка литератури – надпомина Кирда, рахуюци же його супруга Мадярка, нє розуми по руски, та нє будзе читац анї тоти шорики же за дзеци, за фамилию, нїґда нє мал вельо часу. – То нє значи же сом о нїх нє дзбал. Каждому нормалному чловекови його найблїзши – супруга, дзеци и унуки – найважнєйши и наймилши – прешвечени Кирда. Узвичаєни, каждодньови дзень у Кирдових випатра так же супруга од додню рана у кухнї або дньовей хижи, а Владимир у своєй роботней хижи – творчим куцику. Кед нє пише, чита. Теди лєжи на кавчу, гвари одпочива похребцину. Кед сце одпочинуц и мозоґ, одходзи до шпацирунґу, хтори барз люби. – Дзекеди моя винчана задурка на дзвери у хижи дзе робим, та ше ми опита: Ми ище у малженстве? Чи ши у малженстве зоз своїм компютером и з юнакинями своїх романох? Так з дня на дзень. Озбильна литературна творчосц то робия, та кед ше ми дахто опита як жиєм, одвитуєм: Як робияш. Мам кажди дзень два шпацираня по єдну годзину, а остаток препровадзуєм у своєй роботней самици. Добродзечна робия. Преклятство амбицийного нєборака! НЄ ПИШЕМ НАДАРЕМНО – Найбаржей тужим за нєдосц вихаснованим часом. Кед ши худоба, мушиш службовац. Я службовал штерацец роки. Од того двацец седем роки як новинар Рускей редакциї Радио-телевизиї Нови Сад, односно Войводини. Нєшка мам добру пензию, и квартель сом достал од Титовей держави, алє сом єй дал штерацец роки живота. Бул бим вельо щешлївши да сом их могол уложиц до свойого дїла. Тераз ше боїм же го нє закончим. Тото ме

8. АПРИЛ 2016.

УПАРТИ ПРИЯТЕЛЄ ПО ЛИТЕРАТУРИ Владимир Кирда ше вецей раз врацал ґу Толстойови, Томасови Манови и Мирославови Крлежови... Були то и остали Кирдово найоблюбенши писателє. Крлежово „Застави” и нєшка трима як єден з найзначнєйших романох. Познєйше, вельо раз читал поезию Милоша Црнянского и Стевана Раичковича, док од наших писательох, и тераз до рукох бере поезию Дюри Папгаргая, поезию, романи и науково дїла Юлияна Тамаша. – Тамаша тримам за найзначнєйшого живого Руснака. Чекам його найновши роман, як и роман Миколи Шанти. Ми троме найинтензивнєйше, найупартейше пробуєме пребиц ляд на рики сербского културно-литературного живота.

найбаржей мучи. Уж роками по цали дзень шедзим за компютерским столом. У ствари, з часу на час ше одпочивам. Мушим, бо мам уж седамдзешат штири роки. Ужас! Вираховал сом же би ми требало, же бим закончел свойо дїло, сто штерацец роки. (А нє верим же преґурам вецей як сто трицец) франтує Болхорвес и нє криє же ше окреме цеши у дїлу котре твори, а о котрим гвари, Руснаци нє знаю скоро нїч. – Кед у Кере стуре була промоция мойого первотнїка „За горами” – котри затераз у рускей литератури єдини кере стурски роман – на тей промоциї були (кед нє рахуєме културних дїячох и други особи цо у Доме култури були „по службеней длужно сци”) два чи три особи з валалу. Кере стурци читаю кнїжки? Нє знам. Алє знам же на промоциї єдиного кере стурского романа нє були. Но, то нє таке страшне. Взагалї патраци, литература нєшка марґинализована. Нїхто нє чита кнїжки. Дзеведзешат дзевец по сто звичайни людзе свойо ментални потреби задоволюю опрез телевизийного екрана. Супруга ми ше з часу на час, опита: Прецо пишеш кнїжки, кед знаш же литература марґинализована? А єй на гварим: Пишем прето же мойо дїло – смисел мойого живота. Пишем за тих барз ридких високо квалитетних. Вони ми важнєйши як шицки други.■

РУСКЕ СЛОВО 21

ЛЮДЗЕ, РОКИ, ЖИВОТ НАШ ГОСЦ: ВЛА ДИМИР ЕДЕЛИНСКИ З ОСЄКУ

НЄ ПРЕТАРГНУЛ ВЯЗУ З ВАЛАЛОМ

Пишe: Агнетка БАЛАТИНАЦ

Владимир Еделински ище як леґинь пошол з Керестура до варошу школовац ше. И гоч ше часто по истей драги врацал до валалу, раз по другей пошол до Осєку. На тей драги остал цали живот. З Руснацами ше дружел, радзел, з нїма робел и у нїх ше цешел. И ище вше од того нє вистал

В

ладимир Еделински, Миколка, народзени у Руским Керестуре пред так повесц, скоро седемдзешат роками. Основну школу закончел у Руским Керестуре, а дзецинство препровадзел на кере стурских улїчкох. Влєце ше бавело фодбал, бегало по пажицох, а вжиме кед ше людзе санкали на древених санкох, кажде ше сцел на нїх завишац... Оцец му бул карчмар, та гнєтка и Владо помагал у роботи. Памета як хлопи ставали пред карчму з коньми и кочом, и з дзеверох кричали – дай лє єдну! Оцец би швидко винєсол палєночку, хлопи випили, и понагляли далєй по роботи. Нє було кеди шедзиц у карчми. ҐАРАДИЧУ, ПО ҐАРАДИЧУ...

Владимир Еделински на роботи 1972. року

22 РУСКЕ СЛОВО

Познєйше, кед уж ходзел до стреднєй школи, Владо почал бавиц рукомет. Осемдзешатих рокох прешлого вику, рукомет на валалє бул барз квалитетни. Попри фодбалу бул найпопуларнєйши, алє и найуспишнєйши спорт у Керестуре. Владо би го нїґда нє опущел, алє школованє було на першим месце. У своїм петнастим року, Еделински ше пошол шко-

ловац до Нового Саду, до стреднєй медицинскей школи. Припознава же му спочатку у школи нє було лєгко пре сербски язик, алє му ше якош удало висц украй з науку. – У Керестуре, гоч дзе ши ше рушел, чи до дутяну, чи до општни лєбо на фодбал, шицки бешедовали по руски, а у новим штредку ше бешедовало лєм по сербски. Розумел сом слова, алє нє и цо и як требало наглашиц у бешеди – памета наш собешеднїк. Бул добри школяр. Раз при єдному наставнїкови сцел достац лєпшу оцену, та научел шицко од слова до слова, дзвигнул руку и вишол опрез катедри. Владо шицко знал, алє ше загаковал, бо му мозоґ „робел” по руски. Бешеда му нє була чечна, та наставнїк заключел же то прето же нє научел так як треба. На концу му заш лєм дал штверку. После штирох рокох школованя Владимир постал лаборант, лабораторийни технїчар. Барз сцел достац роботу и даґдзе робиц, алє вшадзи глєдали же би мал одслужене войско. Теди ше служело рок и пол, та вяри, 1968. року, будуци вояк пошол до Сараєва. Приповеда Владо же гранїци у Републикох бувшей Югославиї нє були препреченє же би дахто достал роботу, а о роботних местох ше дознавало єдни од других. Найвецей ше дознало у Керестуре на Кирбаю, кед ше там стретали велї ґенерациї, бо приходзели и тоти котри робели даґдзе далєко од дому. Окрем друженя, черали искуства и презнавали ше тото цо каждого интересовало. 8. АПРИЛ 2016.

ЛЮДЗЕ, РОКИ, ЖИВОТ Владо стретнул пайташку хтора робела у медицинским фаху у Славонским Броду, и през приповедку дознал же у Осєку, у тамтейшим Дому здравя, глєдаю лаборантох. Надумал же ше праве там пойдзе приявиц. Так и було. Року 1970. ше запутел до Осєку. – Нє мал сом нїкого познатого, нє знал сом анї кому ше явиц, та сом стал у конку и чекал же би дахто наишол. Пошвидко ме упутели. Уж од идуцого пондзелку бул сом на роботи у Дому здравя у Осєку и остал там полни 43 роки. Прежил сом войну, приватизациї, турбуленциї и транзициї... У пензиї сом уж три роки. ДОМ ПРИ НАЙБЛЇЗШИХ Дзе ше лєм руши, Руснак вшадзи глєда своїх, родзину... Так и Владо кед пошол жиц до Осєку. Перше отворел дзвери на грекокатолїцкей церкви и побешедовал з паноцом, а вец кус-покус, стретал и упознавал велїх Руснацох – Тимкових, Папових и велїх других з котрима ше сприятелєл. Пренашол малу руску заєднїцу у котрей ше чувствовал як дома. Та заш лєм, цошка им хибело. Руснаци у Осєку ше сцели дружиц и стретац и звонка церкви, та прейґ тедишнього Союзу Русинох и Українцох РГ, пошли на семинар Русинох и Українцох до Стрмцу, до БиГ. Там ше Владимир баржей упознал з Владимиром Тимком, та почали бешедовац о снованю дружтва у Осєку. По врацаню зоз Семинару, о тей идеї бешедовали и з другима людзми. Уключели ше и Соколово: Даниєл и Даниєла, Зденко Сивчов, Силвестер Пап и други. Перши предсидатель Дружтва бул Звонко Костелник, Руснацом познатши як пилот и наставнїк падобранства з Осєку. Пре мено и презвиско часто го нашо людзе знали помишац зоз Звонком Костелником з Петровцох, котри кореоґраф и роби у Союзу Русинох РГ. Так, 17. априла 1983. року, урядово започало з роботу Културне дружтво Руснацох у Осєку. Дружтво з ро-

ками меняло мена од КПД Руснацох и Українцох по КУД Руснацох Осєк, алє Владо вше остал там, у руководзацих структурох и активни у велїх секцийох. Шпивал у хорскей секциї, а бул активни и у спортскей... Помагал дзе лєм могол, и ище вше є активни, гоч уж тераз, гвари, вельо менєй як дакеди. Трима же уж час же би ше млад ши уключо ва ли, гоч вше кед ше отримує Мемориялни турнир у столним тенису „Вла ди мир Тим ко”, Владо вше там. Тераз Еделински на длужно сци подпредсидателя Дружтва, а за Владимир Еделински як член руского Дружтва 1985. року 33 роки бул секретар, предсидатель, подпредсидатель... Прилапйовал длужно сци, и вшелїяки роботи „кладол на свой хрибет”. Так сцел, так научел. Нєшка свойо пензионерски днї Владимир Еделински препровадзує у Осєку. Город на Драви му дом уж 46 роки, гоч свой родни валал Керестур нє забува. Там ище вше ма и хижу. – Зна то дзекеди буц и терха, припознава Владимир – треба робиц на два боки. Треба отримовац два обисца, а то анї кус нє лєгко. Но, док чловек ма хижу у валалє дзе ше народзел, видзи ше ми же нє претаргнул вязу з валалом, там, дзе ище вше його коренї.■

Вецей як три децениї бул у руководзацих структурох Дружтва з Осєку

8. АПРИЛ 2016.

РУСКЕ СЛОВО 23

ДУХОВНИ ЖИВОТ ПРИЛОГ ҐУ ПИСАНЮ „РУСКОГО СЛОВА” О ПСЕВДОСОБОРУ 1946. РОКУ

КОНТРОВЕРЗНА УЛОГА ГАВРИЇЛА КОСТЕЛЬНИКА

Пише: о. др Роман МИЗ

Гласанє учашнїкох Львовского псевдособору 8. марца 1946. року

Гоч ше нїґда нє будзе шицко знац о улоги о. Гавриїла Костельника у Львовским псевдособоре 1946. року, у можлївосци сом дакус додац ґу тому цо було о нїм написане у „Руским слове”

К

остельникова улога була, вшелїяк контроверзна, бо и вон, можебуц як чловек, бул на одредзени способ контроверзни, а то ше барз указало праве и у вязи зоз псевдособором и шицким тим цо з тим Собором було повязане. Костельникова дзивка Христина авторови тих шорикох приповедала же жаданє єй оцa, о. Гавриїлa, було зачувац Українску грекокатолїцку Церкву, бо єй грожела подполна ликвидация з боку совєтского большевизма. Окрем того, у України ше у тим чаше думало же швидко придзе до зраженя медзи СССР и заходнима сoюзнїками – ЗАД, Вельку Британию и другима. Та требало прежиц тот кратки час, и вец нє будзе проблем зволац заш єден таки собор и врациц ше до униї. Же Костельник наисце так думал, може послужиц факт же анї його супруга, анї єдно їх дзецко нє прияло православє, алє до шмерци остали грекокатолїки, цо явно манифестовали зоз своїма приходами до Риму на рижни сходи грекокатолїкох при українскей грекокатолїцкей церкви св. Софиї. Праве там ше з нїма упознал и автор тих шорикох. А як контроверза такого становиска, нєодлуга после собора, зявює ше єдно писмо о. Гавриїла Костельника написане о. Янкови Будинскогому до Петровцох. У тим писме вон пише менєй-вецей так: „Придзем я там до вас и преведзем вас на православиє”. Розуми ше же тото писмо виволало ту, при наших священїкох одредзени нємир. Тото писмо мал у рукох теди

24 РУСКЕ СЛОВО

ище богослов Петро Овад, котри єден час бул на парохиї у Петровцох. Вон го преписал, и препис того писма дал авторови тих шорикох, котри го може буц ище и ма у своїм архиве. Ище теди ше медзи нашима священїками ширели гласи же то нароком було так написане писмо, бо Костельник верел же його писма читаю одредзени служби. Окрем Г. Костельника, котри бул заштрелєни, и други двоме члени инициятивней ґрупи псевдособору, владикове Антоний Пельвецкий и Михайло Мельник пошвидко поумерали под нєяснима околносцами. А же таки и подобни контроверзи на України у тим чаше були досц часте зявенє, указує и слїдуюце. У туристичним галицким городзе Трускавцу, у православней парохиї, у котрей бивал православни парох Цолта, родзина автора тих шорикох, на мансарди того православного парохиялного дома, у исти час бивал илеґални грекокатолїцки владика Йосафат Федорик, котри ше тиж и костирал ту при панїматки Надїї Цолта. Автор тих шориких отримовал вязу з тим владиком и преношел його писма до Риму, а з Риму до ньго. Робела то и авторова мац, Мария Миз и монахиня служебнїца, шестра Йосафата (Молнар). Медзи иншим, и на таки способ Грекокатолїцка Церква на України прежила чежки часи репресиї.■ 8. АПРИЛ 2016.

ДУХОВНИ ЖИВОТ У НОВИМ САДЗЕ

У КОЦУРЕ

ПОШВЕЦЕНА КОПИЯ ТОРИНСКЕЙ ПЛАЩАНЇЦИ

ДУХОВНА ЧИТАЛЬНЯ ДОСТАЛА НОВИ КНЇЖКИ

Копию Торинскей плащанїци зоз подобу Исуса Христа, хтора будзе стац у церкви св. апостолох Петра и Павла, парох новосадски о. Юлиян Рац пошвецел на Крестопоклону нєдзелю. На нєй указане цело зоз предку, зоз хрибта и места дзе чурела крев. Копия плащанїци, хтора длугока 160 цм и широка коло пол метера, зоз України принєшена и подарована новосадскому парохови о. Рацови. Парохиянка Єлена Корцеба даровала на рам за тоту копию, а поволує ше вирних же би и вони дали свой прилог за постолє на хторим будзе стац.

Манастир шестрох служебнїцох у Коцуре вовторок нащивела заступнїца Дружтва за руски язик, литературу и културу Ирина Папуґа, и з тей нагоди подаровала виданя Дружтва до скарбу Духовней читальнї о. Кирила Селецкого. Кнїжки прияла монахиня Михаїла Воротняк, и подзековала же їх духовна читальня тераз богатша за коло петнац нови виданя.

* * *

ВЄДНО ПРОЦИВ ЕЛЕМЕНТАРНИХ НЄПОГОДОХ

Округли стол на тему „Улога нєвладових орґанизацийох у зменшованю ризика од елементарних нєпогодох”, отримани у просторийох Екуменскей гуманитарней орґанизациї (ЕГО) у Новим Садзе концом марца, у орґанизациї Каритасу нашого Апостолского еґзархату зоз Коцура. Зоз Коцура були представнїки зоз Месней заєднїци, Основней школи, Добдродзечного огньогасного дружтва и Здруженя младих, потим були з Еколоґийного руху Вербас, представнїки ЕГО, Червеного крижа городу Нового Саду и зоз других орґанизацийох. Представяюци проєкт, мр цивилней защити Йована Лончаревич отримала кратку презентацию о елементарних нєпогодох, а свойо 8. АПРИЛ 2016.

искуства винєсли и представнїки ЕГО и Каритасу Зренянину. Як гварел координатор Каритасу нашого Еґзархата и координатор того проєкта Елемир Джуджар, у розгваркох заключене же нєвладово орґанизациї маю важну улогу и вельо робя у своїх штредкох. – И Каритас Еґзархату у тей фази з одредзенима средствами помогнє ДОД Коцура и у сотруднїцтве зоз локалну самоуправу ше засадзи витрозащитни пояс на терирориї Општини Вербас, коло Коцура. Одредзени плани би требало реализовац до конца того року, же би ше могло апликовац на нови проєкти за зменшованє ризику од елементарних нєпогодох – потолковал Джуджар. М. Г. К.

Папуґова у бешеди зоз ш. Михаїлу пожадала же би у Коцуре була отримана промоция виданьох Дружтва за руски язик, литературу и културу, а найвецей уваги би ше пошвецело кнїжки „Цеплосц дїлох, перли словох” Леони Лабош Гайдук, у хторей єст вецей слова о о. Андрейови Лабошови, хтори бул коцурски парох у чаше кед одлучене же ше шестри служебнїци приселя до Коцура. Т. Х.

ПАПА ФРАНЦИСКО АПЕЛУЄ

ПОМОЦ ЗАГРОЖЕНИМ У УКРАЇНИ Папа Франциско наявел же 24. априла, на Квитну нєдзелю по юлиянским календаре, у шицких европских католїцких церквох буду орґанизовани акциї збераня помоци за жертви зраженьох у України, окреме за старших и дзеци, и поволал парохиї у Европи же би потримали тоту инициятиву з „велькодушнима донациями”. Коло 500 000 особом такой потребна основна пожива. Найвекши потреби здравствени. Коло милион и 300 000 особом очежани приступ ґу води за пице. М. Г. К.

РУСКЕ СЛОВО 25

ОСТАТНЇ ПОЗДРАВ Дня 1. априла 2016. року занавше ме охабела моя мила супруга

МЕЛАНКА НАДЬ народзена Надь (1963–2016) з Руского Керестура

ОСТАТНЇ ПОЗДРАВ Дня 1. априла 2016. року занавше нас зохабела наша мила мац и баба

МЕЛАНИЯ НАДЬ (1963–2016) з Руского Керестура

Наймилша моя, охабела ши ме занавше у вельким смутку и болю. Вично будзем паметац твою доброту, мили ошмих, красоту и твойо вельке шерцо полне з любову. Навики ожалосцени супруг Михал Спочивай у мире Божим!

З подзековносцу и почитованьом найкрасши памятки на єй любов и доброту навики буду чувац син Иґор, нєвеста Ясмина и унук Андрей Спочивай у мире Божим!

ОСТАТНЇ ПОЗДРАВ Дня 1. априла престало дуркац шерцо моєй милей шестри

ОСТАТНЇ ПОЗДРАВ Дня 1. априла, после длугей и чежкей хороти, престало дуркац шерцо моєй милей дзивки

МЕЛАНКИ НАДЬОВЕЙ (1963–2016) з Руского Керестура З любову и почитованьом памятку на ню буду чувац шестра Наталия, шовґор Юлин Варґово зоз дзецми Виолету, Биляну и Ваню зоз фамелиями Спочивай у мире Божим! ОСТАТНЇ ПОЗДРАВ Нашей свахи

ОСТАТНЇ ПОЗДРАВ Нашей свахи

МЕЛАНИЇ НАДЬ (1963–2016) з Руского Керестура Найкрасши памятки на ню буду чувац сватово Планкошово Спочивай у мире Божим!

МЕЛАНИЇ НАДЬ (1963–2016) з Руского Керестура Найкрасши памятки на ню буду чувац сватово Медєшово Най спочива у мире Божим!

СМУТНЕ ЗДОГАДОВАНЄ Дня 3. априла наполнєли ше 24 барз жалосни роки як нам погинул наш мили син, оцец и брат

МЕЛАНКИ НАДЬОВЕЙ (1963–2016) з Руского Керестура Найкрасши памятки на єй любов и доброту навики у своїм шерцу будзе чувац мац Мелана Спочивай у мире Божим! СМУТНЕ ЗДОГАДОВАНЄ Дня 6. априла 2016. року наполнєли ше пейц роки як нє з нами наш мили супруг, оцец, швекор и дїдо

МИКОЛА КОРПАШ (1940–2011) з Нового Саду Вично го ноша у своїх шерцох супруга Амалка, синове Александар и Иґор зоз фамелиями Спочивай у мире Божим! НА ЗДОГАДОВАНЄ Дня 5. априла 2016. року наполнєли ше єденац смутни роки як нас занавше охабела наша мила дзивочка

СМУТНЕ ЗДОГАДОВАНЄ Дня 5. априла 2016. року наполнєли ше єденац смутни роки як нас занавше зохабела наша мила унучка

ОЛЯ БУДИНСКИ (2003–2005) з Коцура

ДЮРА ДЖУДЖАР (1958–1992) з Руского Керестура Ожалосцена мац Гелена, синове Мижо и Златко зоз супругу Марияну, брат Елемир зоз фамелию, шестра Марча зоз фамелию и брат Янко зоз фамелию Спочивай у мире Божим!

26 РУСКЕ СЛОВО

Мила наша Олїцо! Час нє лїчи жаль за тобу, алє твори звикнуце же би ше далєй зоз нїм жило. Занавше нам буду хибиц твой ошмих и твоя подоба, а у наших шерцох и думкох будзеш вично жиц. Твойо, мама Драґана, тато Славко и шестри Андреа и Саня Спочивай у мире Божим!

ОЛЯ БУДИНСКИ (2003–2005) з Коцура Мила наша Олїце, боль и жаль у шерцу нє можу ше виповесц зоз словами анї часом хтори преходзи. Док жиєм и ти будзеш жиц у моїм шерцу и моїх думкох. Твоя баба Фемка Спочивай у мире Божим!

8. АПРИЛ 2016.

ОСТАТНЇ ПОЗДРАВ Дня 1. априла 2016. року занавше нас зохабела наша мила и добра мац

МЕЛАНКА НАДЬ народзена Надь (1963–2016) з Руского Керестура

ОСТАТНЇ ПОЗДРАВ Дня 26. марца 2016. року престало дуркац шерцо моєй милей шестри и тети

СОФРОНИ ЧОСИЧ народзеней Макаї (1932–2016) з Нового Саду

Мила мамо, охабела ши нас тераз кед ши нам найпотребнєйша. Тот чежки боль у наших шерцох нїґда нє престанє. Дзекуєм ци за тоти роки цо ши нас виховала, потримовала и безгранїчно любела. Навики ожалосцена дзивка Александра и жец Владимир Спочивай у мире Божим!

Ожалосцена шестра Маря зоз фамелию и єй дзеци. Памятку на ню будземе чувац з любову и почитованьом

ОСТАТНЇ ПОЗДРАВ Дня 1. априла 2016. року огабела нас наша добра нєвеста

НА ЗДОГАДОВАНЄ Дня 10. априла 2016. року наполнї ше рок як нас занавше зохабел

МЕЛАНКА НАДЬ (1963–2016) з Руского Керестура

МИКОЛА ҐОЛУБ (1949–2015) з Вербасу

Меланко наша, пошла ши од нас кед ши нам найпотребнєйша. Твою доброту и почитованє будземе ношиц у наших шерцох. Дзекуєме ци же ши була наша нєвеста. Ожалосцени оцец и мац Бандуриково Спочивай у мире Божим!

Твою доброту и любов навики будземе чувац у своїх шерцох и думкох. Ожалосцена супруга Зденка, син Александар, нєвеста Драґана, унуки Ваня и Ема, та шестра Гелена Будински Семан зоз фамелию Спочивай у мире Божим! СМУТНЕ ЗДОГАДОВАНЄ

НА ЗДОГАДОВАНЄ

ДЕСИМИР НИКОЛИЧ (1942–2011)

НАТАЛИЯ КОСТЕЛНИК народзена Чапко (1925–2007)

Вашо наймилши СМУТНЕ ЗДОГАДОВАНЄ Дня 8. априла наполнєли ше ше- Дня 10. марца наполнєли ше осем йсц мешаци як нас занавше зоха- роки як нас занавше зохабела набел наш мили оцец, швекор, дїдо ша мила мац, швекра, баба и праи прадїдо баба

ЛЮБОМИР ЕДЕЛИНСКИ АНА ЕДЕЛИНСКИ (1929–2015) (1929–2008) з Руского Керестура Памятку на нїх у своїх шерцох навики буду чувац син Ярослав, нєвеста Златка, унука Ванеса, унука Марина зоз супругом Владаном и праунук Вукашин Спочивайце у мире Божим!

8. АПРИЛ 2016.

МИРОНЬ КОСТЕЛНИК (1925–2015) Вичная вам памят!

ГЕЛЕНА ХРОМИШ (2001–2016) з Коцура Вично з любову чуваме памятку на ню. Єй наймилши: Супруг Яков, дзивка Цецилия зоз фамелию и дзивка Єлена зоз фамелию

ИНФОРМАЦИЯ КЕРЕСТУРЦОМ! Пре реновиранє просторийох Дописовательства „Руского слова” у Руским Керестуре, од пиятку, 1. априла, Дописовательство дочасово будзе заварте. Прето оглашки и ин мемориами за покойних за тот час мож придавац Сенки Надь, на адреси Партизанска 86, роботни днї од 8 до 14 годзин. З роботнїками Дописовательства мож контактовац на числа телефонох 069/67-33-19 (С. Надь), 069/67-33-21 (М. Зазуляк), лєбо 069/67-33-18 (М. Афич).

РУСКЕ СЛОВО 27

ИНФОРМАТОР Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о поднєшеней вимоги за одлучованє о потреби преценьованя вплїву на животни штредок проєкта

Ношитель проєкта „Телеком Сербия” а.д. Таковска 2, Беоґрад 2, поднєсол вимогу за одлучованє о потреби преценьованя вплїву на животни штредок проєкта базней станїци мобилней телефониї „НСУ228 Футоґ-Заход (УМТС)” у улїци Царици Милици 92, у Футоґу, на катастерскей парцели число 2130/2, К.О. Футоґ, Город Нови Сад. Податки и документацию зоз вимоги ношителя проєкта мож видзиц у про сторийох Городскей управи за защиту животного штредку Городу Нового Саду, Улїца Руменацка 110, Нови Сад, роботни днї од 10 до 15 годзин. Шицки заинтере совани, у чаше 10 днї од дня обявйованя того обвисценя, можу дац свойо думанє у писаней форми на адре су Городскей управи за защиту животного штредку Городу Нового Саду.

Городска управа за защиту животного штредку Городу Нового Саду на основу члена 20. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о явним увиду, явней презентациї и явней розправи Студиї о преценьованю вплїву проєкта на животни штредок

Ношитель проєкта, „Телеком Сербия” а.д. Таковска 2, Беоґрад, поднєсол вимогу за даванє согласносци на Студию о преценьованю вплїву на животни штредок проєкта базней станїци мобилней телефониї „НС195, НСУ195,НСЛ195-Дьордя Йоановича”, у улїци Др Дьордя Йоановича число 7, у Новим Садзе, на катастерскей парцели число 5155 К.О. Нови Сад I, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110, Нови Сад, роботни днї од 10 до 15 годзин по 6. май 2016. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 9. мая 2016. року, у просторийох Городскей управи за защиту животного штредку Городу Нового Саду, Руменацка 110, Нови Сад, на 12 годзин.

Городска управа за защиту животного штредку Городу Нового Саду на основу члена 20. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о явним увиду, явней презентациї и явней розправи Студиї о преценьованю вплїву проєкта на животни штредок Ношитель проєкта, „Телеком Сербия” а.д. Таковска 2, Беоґрад, поднєсол вимогу за даванє согласносци на Студию о преценьованю вплїву на животни штредок проєкта базней станїци мобилней телефониї „НС195, НСУ195,НСЛ195-Дьордя Йоановича”, у улїци Др Дьордя Йоановича число 7, у Новим Садзе, на катастерскей парцели число 5155 К.О. Нови Сад I, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110, Нови Сад, роботни днї од 10 до 15 годзин по 6. май 2016. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 9. мая 2016. року, у просторийох Городскей управи за защиту животного штредку Городу Нового Саду, Руменацка 110, Нови Сад, на 12 годзин.

28 РУСКЕ СЛОВО

* дзе цо будзе *

У ДЮРДЬОВЕ ПРЕМИЄРА ДЗЕЦИНСКЕЙ ПРЕДСТАВИ На нєдзелю 10. априла Дзецинска драмска секция КУД „Тарас Шевченко” у Дюрдове премиєрно виведзе представу „Нєлапшни шаркань” у режиї Якима Чапка. Представа почнє на 19 годзин у просторийох Дружтва.

***

ВИСТАВА ПИСАНКОХ У НОВИМ САДЗЕ На нєдзелю, 17. априла 2016. року, у церковней сали св. Миколая у Новим Садзе будзе вистава писанкох. Вистава будзе отворена од 11,30 до 19 годзин. Орґанизатор Културна рада парохиї св. апостолох Петра и Павла у Новим Садзе. ***

ВЕЛЬКОНОЦНИ ВАШАР У КОЦУРЕ

Оддзелєнє Каритасу у Коцуре орґанизує Вельконоцни вашар ручних роботох и других предметох. Вашар будзе отримани нєдзелю, 17. априла, у церковней сали грекокатолїцкей церкви, од 8 по 12 годзин. Часц прилогох зоз предаваня будзе похасновнани за гуманитарну намену. Витайце! ***

ДРАМСКИ МЕМОРИЯЛ ПЕТРА РИЗНИЧА ДЯДЇ

Тогорочни 48. Драмски мемориял Петра Ризнича Дядї у Руским Керестуре будзе од 15. по 23. април, а участвую єденац театрални представи – седем за старших и штири дзецински.

MALI OGLA[KI DIHTOVANW oblakoh i dzveroh zoz neopren-}umu. Telefon: 063/8238-767. PRAVIME po meri roletni i garmonikovo dzveri. Tel: 063/8238-767 i (025) 58-27-710. *** ВЛАГА? Изолуєме влажни хижи. 063/440-470; 063/102-41-14.

CENOVN>K MALIH I POSMERTNIH OGLA[KOH – mala ogla{ka do 20 slova ko{ta 200 dinari – mala ogla{ka vecej yk 20 slova ko{ta 300 dinari – uramikovani tekst ogla{ki, abo vin~ovanki ko{ta 500 dinari – posmertna ogla{ka na wdno polqo ko{ta 600 dinari – posmertna ogla{ka na dva poly ko{ta 1 200 dinari. Cenovn<k va`i od 1. мая 2015. roku Ogla{ki mo` poslac na mejl office@ruskeslovo.com лєбо ruske.redakcija@gmail i uplacic na rahunok Novinsko-vidavatelqnej ustanovi “Ruske slovo” u banki Inteza ~islo 160923244-82. Informaci< mo` dostac na telefon 021/ 6613697. 8. АПРИЛ 2016.

ИНФОРМАТОР УПИС ДО ПУ „РА ДОСНЕ ДЗЕЦИНСТВО” У НОВИМ САДЗЕ

Львов

Упис до дзецинских заградкох Предшколскей установи „Радосне дзецинство” у Новим Садзе почал 1. априла 2016. року дзе тераз єст 1 532 шлєбодни места. Конкурс тирва по 18. април, а родичи дзецох котри ходза до приватних дзецинских заградкох, а доставаю субвенцию од Городу, та дзецох котри на лїстиних чеканя, муша ознова придац документацию. Документи треба придац до будинку управи ПУ у улїци Павла Симича, роботни днї до 17 годзин, а соботами до 14 годзин. Вецей информациї мож опатриц на сайту http://www.predskolska.rs/index.php/sr-rs/.

ПАЛОМНЇЦТВО ДО УКРАЇНИ

УПИС ПЕРШОКЛАСНЇКОХ У ВОЙВОДИНИ Од 1. априла по 31. май тирва упис дзецох до перших класох у 345 основних школох у Войводини. За упис до першей класи ОШ потребне потвердзенє о законченей предшколскей програми, кресцене писмо дзецка, лїкарске уверенє, а будуци першокласнїки буду мац и обовязне тестованє при школских психолоґох и педаґоґох. Покраїнски секретарият за образованє обчекує же у АП Войводини у школским 2016/17. року будзе коло 17 900 першокласнїкох. Приблїжне число дзецох до першей класи уписане и прешлого року.

На паломнїцтво до України под назву „Пасха 2016”, руша ше 28. априла зоз Нового Саду, Коцура и Руского Керестура. У пополадньових годзинох предвидзени приход до Мукачева, розпатранє городу и замка. Потим, по розпорядку, 29. априла нащиви ше Крехов и Львов, 30. априла Львов, 1. мая Львов и Шевченкивски Гай, 2. мая Львов и Ужгород, 3. мая тиж Ужгород, кеди плановани и приход до Сербиї у позних вечарших годзинох. Цена 150 еври (превоз, осиґуранє, фриштик и вечара). Приявиц ше мож по 15. април 2016. року на парохию до Руского Керестура на тел. 025 703 836, лєбо Иванови Гардийови на тел. 063 88 96 467. М. Г. К.

КОНКУРС СЕКРЕТАРИЯТУ ЗА ЕНЕРҐЕТИКУ Покраїнски секретарият за енерґетику розписал конкурс за додзельованє безповратних средствох за софинансованє витворйованя проєктох енерґет ски отримуюцих фармох за млєчни крави. За єден проєкт мож достац найвецей милион динари. Конкуровац можу физични особи котри ношителє реґистрованих польоприведних ґаздовствох за хованє рогатого статку и продукцию млєка у Войводини. З конкурсом ше жада звекшац енерґетску самостойносц, зменшац трошенє енерґиї на фармох, та и на таки способ потримац рурални розвой. Вецей информациї о конкурсу мож опатриц на сайту www.psemr.vojvodina.gov.rs. 8. АПРИЛ 2016.

РУСКЕ СЛОВО 29

ИНФОРМАТОР

RADIO NOVI SAD – PROGRAMA PO RUSKI Pondzelok 06:00 Ran{a programa 07:30 Ran{i dnqovn<k (+ muzika) 12:00 Visti 12:10 Zoz na{ogo `ridla 12:30 Po na{ih mestoh: zoz sportskih terenoh 14:00 Radio novini (+ muzika) 14:45 – 15:00 Ukra<nska programa – visti dny Vovtorok 06:00 Ran{a programa 07:30 Ran{i dnqovn<k (+ muzika) 12:00 Visti 12:10 Tisy~ radosci 12:30 Ostanqce na{meyni 14:00 Radio novini (+ muzika) 14:45 – 15:00 Ukra<nska programa – visti dny Streda 06:00 Ran{a programa 07:30 Ran{i dnqovn<k (+ muzika) 12:00 Visti 12:10 Festivalski pamytki 12:30 Zlatna w{enq `ivota 13:00 Dom i familiy 14:00 Radio novini (+ muzika) 14:45 – 15:00 Ukra<nska programa - visti dny [tvartok 06:00 Ran{a programa 07:30 Ran{i dnqovn<k (+ muzika) 12:00 Visti 12:10 Melodi< rovn<ni 12:30 [vet biznisu 13:00 A}robiznis 13:30 Evropski gorizonti 14:00 Radio novini (+ muzika) 14:45 – 15:00 Ukra<nska programa – visti dny 23:00 00:00 Do pol noci 00:49 Nocna programa: Narodna muzika 02:00 Nocna programa: Klasika 04:00 Nocna programa:

30 РУСКЕ СЛОВО

Zabavna muzika Piytok 06:00 Ran{a programa 07:30 Ran{i dnqovn<k (+ muzika) 12:00 Visti 12:10 [pivano~ki mojo 12:32 Vojvodynski tidzenq 13:00 Zoz na{ej arhivi 13:30 ]u vikendu 14:00 Radio novini (+ muzika) 14:45 – 15:00 Ukra<nska programa – visti dny Sobota 06:00 Visti 06:10 Z muzi~nej arhivi 06:30 Virska emisiy 07:00 Zlatna w{enq `ivota 07:30 Vojvodynski tidzenq 12:00 Nayva i visti 12:10 Album ti`ny 12:30 Emisiy za dzeci 13:00 Sobotovo stretnuca 14:00 Radio novini (+muzika) 14:30 Muzi~ni tajm aut 15:00 Odyva programi Nwdzely 06:00 Visti 06:10 Horska tradiciy 06:30 Melodi< rovn<ni 07:00 Emisiy za valal 12:00 Visti 12:10 Z narodnej studzenki 12:30 Kulturna panorama 13:30 Hl<b na{ nasu|ni 14:00 Radio novini (+muzika) 14:30 –15:30 Programa na ukra<nskim yziku – ukra<nski obri< 00:00 Nocna programa: Narodna muzika 02:00 Nocna programa: Klasika 04:00 Nocna programa: Zabavna muzika

БЕЗПЛАТНИ ПРЕВОЗ ЗА ПЕНЗИОНЕРОХ И СТАРШИХ У ОПШТИНИ ЖАБЕЛЬ По Одлуки Општинскей ради Општини Жабель, пензионере и особи старши од 65 роки од соботи, 2. априла, маю право на безплатни автобуски превоз у жабельскей општини. Право годни витвориц з дньову карту, хтору можу превжац у месних канцеларийох у Дюрдьове, Ґосподїнцох и Чуроґу, лєбо у шалтер-сали у Општини Жабель. За витворенє права на безплатни превоз потребне указац леґитимацию, лєбо чек од пензиї, а достату карту треба указац контролорови, лєбо вожачови автобуса. За дзень годно достац єдну повратну карту.

ЦЕНОВНЇК КНЇЖКОХ НВУ “РУСКЕ СЛОВО” Микола Шанта: ВСЕЛЕНСКА ЧЕРКОТКА . . . . . . . . . . . . 300 дин. Ася Папуґа: ГРИШКА . . . . . .200 дин. Владимир Бесерминї: СЛОВО БОЯНА ДВОКРАЯНА . . . .300 дин Агнета Бучко Папгаргаї: ОСЦЕ И ЧЕРЕШНЇ . . . . . .300 дин. Ирина Гарди-Ковачевич: ГАЛОВ . . . . . . . . . . . . . . . . .500 дин. Мирон Жирош: ГОРНЇЦА БАЧВАНСКО-СРИМСКИХ РУСНАЦОХ . . . . . . . . . . . .500 дин. Юлиян Тамаш: ЦЕНТУРИОН – ДЗЕШЕЦ ЛЮБОВНИ ЗАПОВИДИ . . . . . . . . . . . . .700 дин. Ev}enij ^akan: BA^VANSKI SAFARI . . . . . . . . . . . . . . .300 din. Vasilq Mudri: BUDZENW YRI . . . . . . . . .300 din. Mikola M. Cap: NA @RIDLOH DUHOVNOSCI . . . . . . . . .400 din. Lxbomir Medw{i: ^ASOKROK . . . . . . . . . . . . . . . . . . . . . . . . . . . .400din. Slavomir Oleyr: NA[ENW . . . . . . . . . . . . . . . . . . . . . . . . . . . . . . . . . . . . .500din. Ana Tama{: ^OM ^OMKA NW MA UHA . . . . . . . . . . . .200 din. Samanta Rac Stoilqkovi~: ^ARNA RUSALKA . . . . .200 din. Sa{a Sabado{: POTARGANI ^ERVENI CVERNI . . . . .200 din. Melaniy Rimar: @VIRKI U AZBUKI . . . . . . . . . . . . . . .400 din. [tefan Gudak: ZAJDA ZA MIRNI SON . . . . . . . .400 din. Vladimir Ko~i{: LYDOVA TRAVA . . . . . . . .400 din. Vladimir Kirda Bolhorves: ZA GORAMI . . . . . . . . . . . .500 din. Xliyn Pap: ^OM [E KA^KA Z VODU MA^KA . . . . . . . .300 din. Ynko Pavlovi~: REPIK NA DU[I . . . . . . . . . .200 din. Tamara Hrin: KOL>BA STRAHU . . . . . . . . . . . . . . . . . . . . . . . . . .200 din. Vany Dula: TEROR IDEALOH . . . . . . . . . . . . . . . . . . . . . . . . . . . . . . . . . .200 din.

ПОЛИЦИЙНА СТАНЇЦА У ВЕРБАШЕ

ДОДАТНА ЗМЕНА ЗА ВИДАВАНЄ ДОКУМЕНТОХ Пре вше частейши вимоги гражданох котри нє можу висц з роботи реґуловац свойо законски права, Полицийна станїца у Вербаше запровадзела додатну змену. Окрем у порядним роботним чаше, потребни роботи вязани за леґитимациї, пасоши, вожацки дозволи, реґистрациї превозкох, видаванє увереньох и подобне, гражданє од того тижня каждей стреди можу окончиц и у пополадньовей змени, од 14,30 до 20,30 годзин. Перши дополнююци пополадньови роботни час будзе од стреди, 6. априла. Одлука о єднодньовим цалодньовим шалтеру нє на републичним уровню, алє лєм у Вербаше, а як поручую зоз Станїци, запровадзованє додатней змени, затераз, дочасове.

8. АПРИЛ 2016.

СПОРТ ЯПOНСКА ДИСЦИПЛИНА У КОЦУРЕ

ШКОЛЯРЕ УСПИШНИ КАРАТИСТИ Школяре основней школи „Братство-єдинство” у Коцуре маю нагоду после годзинох пойсц на тренинґи каратеa хтори у їх школи трима Карате клуб „Вербас” зоз Вербасу. Зоз нєдавно отриманого змаганя у Суботици врацели ше зоз припознанями Тренер Йован Сабо зоз Вербасу барз задовольни з ґрупу школярох зоз хторима уж другу сезону роби у Коцуре. Як толкує, на тренинґи приходзa дацо вецей як двацец школярe возросту од 6 по 14 роки. – Карате клуб „Вербас” вишол вочи родичом, та же би дзеци нє мушели путовац до Вербасу и плациц превоз, ми орґанизовали годзини каратеa по валалох у општини Вербас. Школяре зоз хторима я робим у Коцуре маю жовти пaс, а годзини тримаме два раз тижньово. Нарок почнєме робиц з нову ґрупу, та будземе мушиц увесц ище єден термин – толкує тренер.

Карате клуб „Вербас” иснує уж 40 роки, ма вецей як 400 членох, и прето є найвекши клуб у Сербиї хтори пестує тоту борецку схопносц. Тренер Йован Сабо обяшнєл же тота япoнска дисциплина хтору школяре тренираю як спорт добра и за физичну, алє и психичну надбудову. – Нє лєм же ше вежба борецку схопносц, алє карате барз добри и за здравє, бо ше перманентно розвиваю и психа и физична активносц. Моторични схопносци дзецка барз приходза до вираженя, цале цело анґажоване, а то потребне дзецку за розвой и дальши живот. Попри тим, дзецко здобува вельке самодовириє и роботни звикнуца – гвари Сабо. Клуб школярох водзи лєм на векши змаганя, праве прето же би зменшали трошки путованя. После успишного змаганя у Суботици, школяре ше рихтаю за першенство хторе будзе отримане 8. мая у Вербаше, а вец за покладанє помаранчецового пaсу у юнию, после чого маю лєтнї розпуст. Тренинґи каратеa вовторками од 20 годзин и штвартками од 19 годзин, а тренер поволує заинтересовани дзеци же би ше приключели ґу своїм парняком на годзинох. Т. Ходак

ИВАН ЛЕНДЄР РЕПРЕЗЕНТАТИВЕЦ У ПЛЇВАНЮ

ДАСКЕЛЬО СТОТИНКИ ОД ОЛИМПИЯДИ

Наш репрезентативец у плїваню, Иван Лендєр у тей хвильки намесца форму за Европске першенство хторе будзе отримане у маю. То остатня нагода же би виплївал норму за Олимпияду у Риу. На остатнїм змаганю у Луксембурґу у фебруару за норму му хибело 28 стотинки. – То на перши попатрунок випатра же ми мало хиби же бим пошол на найзначнєйшу спортску смотру до Бразилу. У плїваню то досц длуги час и проблем го витвориц. Вельо того би требало сполнїц же бим витворел задоволююци резултат. Ту 8. АПРИЛ 2016.

нє у питаню физична порихтаносц, алє технїчни деталї, нутриционистична тактика, психична порихтаносц и велї други значни условия – гварел Иван Лендєр. Лендєр ше вредно рихта у Дубаию и наздава же витвори А олимпийску норму праве на змаганю на Европским першенстве. Спаринґ партнер му Велимир Стєпанович хтори витворел три А олимпийски норми. Затераз Сербия ма трох плївачох хтори ше виборели за змаганє на Олимпияди у Рио де Жанеиру. А. П.

РУСКЕ СЛОВО 31

СПОРТ РОЧНА СКУПШТИНА ФК „БАЧКА 1923” ДЮРДЬОВ

ФОРМОВАНИ ТИМ „КОГУЦИКОХ” У просторийох ФК „Бачка 1923” у Дюрдьове, внєдзелю, 3. априла, отримана порядна Скупштина Клуба. Перши тим Бачкей вєшенї достал нового тренера, та на место Миленка Вукчевича котри тераз задлужени за роботу з младшу катеґорию фодбалерох, поставени Ґоран Андєлкович. Попри висшого ранґу и популаризованя фодбалу планую ушориц преблєкальнї и направиц нови трибини

Ч

ленох и приятельох ФК „Бачка 1923” приНаздаваю ше же ше пласую до висшого ранґу витал, предсидатель Скупштини, Милош Шовлянски. О звиту роботи за прешли и планох за тот рок бешедовал предсидатель Управного одбору и клубу, Мирко Тривунович. Вон визначел же ше прешлого року порядно робело и же ше у тим року зоз першим тимом планую пласовац ранґ вишей. Тиж гварел же Клуб нє ма длуства, а кед же у тим року буду мац векшу финансийну помоц планую ушориц преблєкальнї и направиц трибину на стадиону. Спортски союз Општини Жабель у прешлим року порядно уплацовал средства, а бешеда о ришованю власнїцко-правних одношеньох за жем при стадиону ище вше нє дошла по прегварки од пред роком кеди су започати з представителями општини. Як и прешлих першенства Медзиопштинскей лиґи Вербас–Титерокох удало им ше купиц потребну опрему за тренинґи ль–Жабель Бачка закончела як першопласован вєдно з и змаганя. ФК „Искру”. У Клубу попри трох возростних ґрупох фодбалерох – Финасийни звит за прешли и план за тот рок поднєсол 2002/04, 2005, 2006/07 влєце формована ище єдна ґрупа секретар Драґан Римски, котри гварел же за тот рок обчефодбалерох народзених 2008/09. року котри ше на єше- кую векшу пенєжну и материялну помоц, окреме од опнь, док почнє нови циклус, прияви за змаганя. Тренира штини и од покраїни. Вон подзековал шицким спонзором их, як и фодбалерох першого тиму, Небойша Пантич. котри помогли у роботи Клубу. Як гварел, за основне Представени звит роботи шицких ґрупох, а о роботи функционованє Клубу рочно потребне коло 1 400 000 дипершого тиму бешедовал їх тренер Ґоран Андєлкович нари кельо у прешлим року и потрошели. Же би ше моглo котри винєсол статистику и стан у ґрупи у котрей зате- вецей укладац або напредовац муша пренайсц нови жрираз бави двацец єден фодбалер. Вон визначел же у при- дла финансованя. Понеже у прешлим року за зогриванє рихтуюцих приятельских змаганьох з клубами котри потрошене коло 300 000 динари, предсидатель Мирко углавним у виших ранґох посцигнути добри резултати. Тривунович гварел же ше буду намагац поставиц зогриваПобедзели у шейсц змаганьох, страцели три, a єдно зма- нє на ґаз же би зменшалo тот трошок. Клуб прешлого роганє закончели з нєришеним резултатом. Маю надїї же ку видвоєл средства за поставянє двох нових мрежох споше пласую до ранґу висшей лиґи, бо єшеньска часц за обидвох ґолох на стадиону, а поставели и два стру-

Нови члени Управного одбору Никола Тртич (з правого) и Драґан Вуйович (з лївого боку)

32

РУСКЕ СЛОВО

йомери з котрим одвоєли наплацованє струї у ресторану котри даваю до закупу и струї котра ше хаснує за функционованє Клубу. Шицки звити и плани єдногласно прилапени. Управа ше и у тим року будзе намагац обезпечиц цо лєпши условия за функционованє шицких селекцийох у Клубу у котрим єст коло 150 младих фодбалерох, анимировац и промововац здрави способ живота. У Управним одборе єст седем членох. На место Чеду Матичa и Недї Яковлєвичa котри дали задзекованє пре приватни обовязки, вибрани Никола Тртич и Драґан Вуйович. На Скупштини присуствовали представителє МЗ Дюрдьов котри обецали финасийну помоц Клубу по авґуст того року. ■ С. Барань 8. АПРИЛ 2016.

СПОРТ ОПШТИНА ВЕРБАС

СПОРТИСТОМ 20 МИЛИОНИ ДИНАРИ Општина Вербас, после запровадзеного конкурсу, почала подписовац контракти о финансованю спортских клубох у 2016. року. Контракти буду подписани зоз 29 клубами, а додатни 32 буду на основи єдноразових видвойованьох за орґанизованє турнирох, змаганьох и других спортских манифестацийох Конкурсни резултати принєшени на основи критериюмох хтори утверд зени пред двома роками.

Спрам того Општина Вербас за спорт видвоєла исто кельо и прешлого року – 20 милиони динари.

За шах и фодбал у Коцуре вкупно коло пол милиона динари

Медзитим, велї клуби и спортски колективи буду доставац додатну помоц през други файти потримовки, як цо то потримовка през хаснованє Центру за физичну културу, през транспорт спортистох, през стипендиї, услуги спортского лїкара. Так спортски клуби у вербаскей општини функционую уж роками, и то добре нашлїдство вецейрочних одношеньох општини Вербас и спортских клубох, хтори ше нєпреривно пестує и унапредзує. У перспективи би требало направиц шора кед слово о клубских членеринох. Добри модел би бул же би гевти клуби хтори маю потримовку локалного буджету нє наплацовали членарину. Кед слово о наших клубох у Коцуре, у тим року за фодбалски клуб „Искра” з ло кал но го буд же ту опредзелєни 290 тисячи динари, а шаховски клуб „Омладинєц” за порядну дїялносц до станє 140 тисячи, док за два традицийни турнири по 20 тисячи, одно сно вкупно 40 тисячи динари. А. М.

НА ГРАЖДАНСКУ ИНИЦИЯТИВУ

У КЕРЕСТУРЕ ИЩЕ ЄДЕН СПОРТСКИ ТЕРЕН Руски Керестур од соботи, 2. априла, ма ище єден спортски терен за бавенє, у часци на самим концу Русинскей улїци, “на кирбаю”, направени на инициятиву гражданох котри жию на тим концу. Терен на пажици опрез обисцох, вєдно зоз своїма приятелями и роботнїками з фирми „Клуб 10”, направел єй власнїк Мирко Надь, як гварел, насампредз пре безпечне бавенє коло 20-ерих дзецох, понеже є далєй од калдерми. Спортски терен за фодбал и други спорти димензийох 20 зоз 40 метери (як рукометни терен у Старей школи), а после кошеня трави поставени капури, хтори закопани и забетоновани до жеми. Терен аж и означени по предписаньох, односно описани з вапном. Циви за капури обезпечело ЯКП „Руском”, пошвайзовал их Вуядин Щекич, а у означованю терену помогол ФК „Русин” M. З. 8. АПРИЛ 2016.

РУСКЕ СЛОВО 33

СПОРТ МЕДЗИОПШТИНСКА ЛИҐА ВЕРБАС–ТИТЕЛЬ–ЖАБЕЛЬ

БАЧКА ПРЕШВЕЧЛЇВО ПОБЕДЗЕЛА ФК „Бачка 1923” – ФК „Младосц Радосц” (Србобран) 5:0 (2:0)

БАЧКА: Бошкович, Янкович, Маркович, Курушич, Павлов, Пантич, Летич, Рац, Матич, Балоґ, Данґубич. У другим полчасу з бависка вишли Летич, Янкович и Чирин, а вошли Тривунович, Круль и Матич. У 13. колє Медзиопштинскей лиґи Вербас–Титель–Жабель, Бачка на домашнїм терену победзела Мла-

Ґолґетере були розположени за ґоли

досц Радосц зоз Србобрану з аж 5:0. Фодбалере Бачки од самого початку стретнуца почали нападац и такой у першей минути ґол дал Балоґ. З ґолом предно сци Бачка предлужела бавиц офнзивно, а бависко ше у векшей часци стретнуца одвивало на половки терена на хторим ше находзела го сцуюца екипа. По сле кратшей акциї опрез ґола Младо сци Радо сци, на одбиту лабду од їх бавяча охрани набегнул Данґубич и по сцигнул ґол у 36. минути. Бачка на одпочивок пошла з двома ґолами предно сци, а у другим почасу ше нє пременєло бог зна цо. Го сцом ше ознова нє удало одбранїц свой ґол. У 48. минути ґол дал Янкович, а потим Балоґ у 67. минути. Конєчни резултат по ставел Круль хтори дал ґол у 87. минути. У тижню за нами бавели и други Бачково селекциї. Пионире 2002. рок победзели парнякох з екипи Младосц Радосц з Србобрану зоя 1:0, 2005. рок победзели Ван тим з Темерину з аж 6:1, а 2005. рок страцели од ЖСК з Жаблю з 3:2. У шлїдуюцим колє, Бачка на нєдзелю го сцує у Вилове дзе будзе бавиц процив Обиличa. М. Рамач

ИСКРА НАПЛАЦЕЛА ЄШЕНЬСКЕ ДЛУСТВО ФК „Искра” – ФК „Младосц” (Радичевич) 5:0 (2:0)

ИСКРА: Ступар, Зарин, Живкович, Юшкович, Дамир Ґубаш, Дрляча, Иван, Малацко, Николич, Дамян Ґубаш и Сердар. До бависка вошли: Барович и Боґдан Сталевич. Ґоли за Искру: Зоран Сердар 2, Дамян Ґубаш, Дамир Ґубаш, Дарко Николич. Искра одбавела и перше змаганє пред свою публику у ярнєй часци се зони у Мед зиопштинскей лиґи Вербас–Титель–Жабель. Як го сци им пришли екипа „Младосц” зоз Радичевича, екипа котра их єдина победзела у тей сезони. Фодбалере Искри на терен вишли барз мотивовани же би ше вимсцели за єдине пораженє и тото цо заплановали то зробели, понеже прешвечлїво победзели, аж зоз 5:0. Од початку змаганя було видно же коцурски бавяче озбильно похопели тото змаганє и же нє дошлєбодза

34

РУСКЕ СЛОВО

нє спод зи ва нє. На те ре ну ба ве ла лєм єдна екипа, а то була Искра. Го сци ше сконцентровали на охрану свойого ґолу и з часу на час гроже ли зоз про цив напа дох, алє остатня линия Искри и ґолман то лєгко застановйовали. Дзешец минути було потребне домашнїм фодбалером же би „начали” го сцох и по сле даскелїх нєвихаснованих нагодох Сердар вибил сам опрез ґолмана и рутински го звладал, и од тей хвильки шицким олєгчало. По сле ґола, Искра предлужела красне бависко, а до другого ґола дошли прейґ пеналу котри Дамир Ґубаш сиґурно вихасновал и зоз ре зултатом 2:0 за Искру ше и пошло на одпочивок. Други полчас почал так як ше закончел перши. Искра доминовала на терену, предлужела шоровац нагоди, а єдну барз красну акцию вихасновал Дамян Ґубаш и звекшал

ре зултат на 3:0 за Искру. Треци ґол дотлукол го сцох котри ше по сле того ґолу намагали прияц цо менєй, мед зитим, до конца змаганя, прияли ище два ґоли. Перше Сердар, а потим и Дарко Николич принєсли Искри прешвелїву побиду од 5:0. Пред концом змаганя, правда при високому ре зултату, патраче вид зели и єден фер-плей поцаг Дамира Ґубаша котри свидомо премашел пенал котри судия нєоправдано до суд зел за Искру. По сле 13. кола Искра перша на таблїчки и ма 33 боди. Шлїдуюцого викенду Искру чека чежке го сцованє у Савиним Селу дзе буд зе ба виц про цив еки пи Будуч носц. Правда же Искра вельо квалитетнєйша у тей хвильки, алє таки дерби змаганя вше чежки и нє допущую же би бавяче до нїх вошли опущени зоз предпо ставку же уж побед зели. З. Колєсар 8. АПРИЛ 2016.

СПОРТ ПОДРУЧНА ФОДБАЛСКА ЛИҐА ЗОМБОР

ВЕЛЬКА ПОМОЦ И ВЕЛЬКИ ТРИ БОДИ ФК „Русин” – ФК „Станишич” 1:0 (0:0)

У 19. колє П.Ф.З. Зомбор, Русин чежше як цо ше думало, звладал екипу ФК „Станишич” зоз Станишичу. „Дзешаткована” екипа Русина без половки стандардних бавячох (пре ґрипу и жовти картони) у першим полчасу ше длуго трапела зоз борбену екипу зоз Станишичу. Госци бавели на контри, а ключна хвилька на змаганю ше збула у 33 минути. Станишич з єдней контри поцильовал греду, пред ґолом Русина настала гужва, госцински фодбалер Цветичанин нєправилно стартовал на ґолмана Гардия, достал жовти картон, a то му бул уж други на змаганю и такой достал и червени картон. У другим полчасу Русин нєпреривно нападал, бавел „Викторию” на ґол Станишича, алє дал лєм єден ґол. Иґор Грнчяр после корнера приял лабду и зоз искуством доброго фодбалера дал ґол.

За Русин нє пискани два пенали, єден у першим, а други у другим полчасу, алє побиди ше нїґда нє патри до зубох. Окреме тераз, по чежким пораженю у Крущичу и „дзешаткованей” екипи Русина, Русин достал вельки три боди. Побиду процив Станишича чекали и фодбалере Русина, алє и їх навияче котри ше у вельким чишлє назберали на Ярашу. На молбу навиячох обявюєме и верх таблїчки П.Ф.Л. Зомбор: 1. Полет 40 боди 2. Липар 39 боди 3. Русин 38 боди 4. БСК 36 боди 5. Младосц 32 боди У дальшим цеку ямаганя „Русин” два раз госцує. На нєдяелю у 20. колє путує до Свилоєва дяе го чека Тереквеш. Змаганє процив Тереквеша почина на 16 Вирна потримовка Русина на трибинох годзин. В. Сеґеди

ОПШТИНСКА ФОДБАЛСКА ЛИҐА ШИД

БИКИЧАНЄ ЗВЛА ДАЛИ ЄДНОТУ У 13. колу Општинскей фодбалскей лиґи Шид ознова фодбалере були розположени за даванє ґолох, а од шейсцох змаганьох, на двох победзели госци. ОФК „Бикич” на госцованю у Шидзе процив Єдноти победзел 2:1, а водзаци Гайдук на госцованю у Ґибарцу победзел Синдєлич зоз 4:2. Сримец победзел Борец зоз 3:0, ОФК „Бинґула” Омладинєц 1:0, ОФК „Бачинци” победзели Ґраничар 3:1, Єдинство було лєпше од Братства и победзело 2:1. На таблїчки нєт векши пременки. Гайдук з Вишнїчева перши зоз 35 бодами, а ОФК „Бикич” други зоз 31 бодом. 8. АПРИЛ 2016.

Заоставаю Синдєлич на трецим и ОФК „Бинґула” на штвартим месце зоз 25 бодами. ОФК „Бачинци” пияти ма 23, а шеста Єднота 19 боди. Седми Ґраничар з 16, осми Омладинєц зоз 15, а дзевяти Борец зоз 12 бодами. Єдинство дзешате зоз 11, Сримец предостатнї єденасти з трома бодами, а остатнє, дванасте, Братство без бодох. У 14. колу хторе ше будзе бавиц на нєдзелю, ОФК „Бикич” дочекує ОФК „Бачинци”, Гайдук будзе бавиц процив Єдинства, Братство дочекує Єдноту, Ґраничар будзе домашнї Сримцу, Борец ОФК „Бинґулa”, а Омладинєц дочекує Синдєлич. Вл. Дїтко

РУСКЕ СЛОВО 35

ГЛАСНЇК ПО РУСКИ

У ВЕРБАШЕ НА ШЛАЙСУ Шлайс место за вилєти, и место за одпочивок, спорт, рекреацию, забаву и лапанє рибох у Вербаше. Побрежє покошене, мож ше прешейтац и по ушореней дражки. Ту єст и погосцительни обєкти, фодбалски стадион и будинок Здруженя спортских рибарох ”Златни карас”. Проєктант и будователь Йожеф Киш народзени у Будапешту, жил у Зомборе, алє по власним жаданю поховани є у Вербаше, нєдалєко од свойого будовательного проєкта – Велького бачкого каналу. Вельки бачки канал длугоки 118 километери, викопани є у 18. вику и бул єден з найвекших будовательних проєктох тедишнього часу. Нажаль, нєшка є найзагроженши водоцек у Европи. А. Маркович

РОК LXXII ЧИСЛО 14 (3675) НОВИ САД, 8. AПРИЛ 2016. РОКУ

■ РУСКОМУ КУЛТУРНОМУ ЦЕНТРУ З НОВОГО САДУ – ЗЛАТНИ ПОГАР ЦЕНА 30 ДИНАРИ

ОГЛЯДНУЦЕ НА ПРЕШЛОСЦ еб редакция „Руского слова”, у сотруднїцтве зоз Заводом за културу войводянских Руснацох, Музейом Войводини и Покраїнским заводом за защиту памятнїкох, поволує читачох новинох „Руске слово” и нащивительох сайта (www.ruskeslovo.com) же би помогли препознац особи на старих фотоґрафийох. Фотоґрафиї хтори ше будзе обявйовац на сайту и у новинох диґитализовани, а пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com. Фотоґрафиї ше будзе обявйовац длугши часови период, а на сайту буду пошоровани на окремним месце, так як виходза у новинох.

В

ПОМОГНЇЦЕ, РОЗПИТАЙЦЕ ШЕ, ПРЕПОЗНАЙЦЕ!

■ У АПРИЛУ ЯР ЯК ЛЄТО Фотоґрафия: K006a_0144P