Issuu

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ РОК LXXIV ЧИСЛО 35 (3800) НОВИ САД, 31. АВҐУСТ 2018.

■ КУЛТУРНА МАНИФЕСТАЦИЯ МИКЛОШЕВЦИ 2018”

Фото: Любомир Дудаш

ЦЕНА 30 ДИНАРИ

”

Забаву на Кирбай наймладши вше чекаю з нєсцерпеньом, и того року у Коцуре розвага зоз музику и диджеями почала ище пияток. Луна парк у котрим було вельо новей и иншакей забави як до тераз, отворени бул вецей днї пред Кирбайом, та ше наймладши могли навожиц на рижних гомбалкох, конїкох, авточкох и гайзибанчкох.

Фото: З. Колєсар

КОЦУРСКИ КИРБАЙ

ОГЛЯД НУ ЦЕ НА ПРЕ ШЛОСЦ

Фотоґрафия: 0707P

оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.

■ ДНЇ КЕРЕСТУРСКЕЙ ПАПРИҐИ

ИНТЕРМЕЦО

ҐОСПОДЇНЦИ

главней драги у центре валала, а там мож и читац интересантни кнїжки, лектири, часописи и друге. Основна школа „Жарко Зренянин” ма школску библиотеку у хторей єст осем тисячи кнїжки медзи нїма и кнїжки, лектири и фахова литература на руским язику. Хасновац их можу школяре и заняти у школи. Руски кнїжки читаю школяре котри ходза на годзини руского язика, а найпоряднєйша з нїх Мария Колошняї, алє други школяре найчастейше по руски читаю лектири. Фонд кнїжкох медзи шейсц и пол и седем тисячи прикладнїки, а од того єст коло пейцсто кнїжки на руским язику – словнїки, читанки, фахово кнїжки и други. Библиотекарка остатнї шейсц роки Єлена Попов и одкеди вона роби нє було звекшаня фонду кнїжкох на руским. У библиотеки робели и Ана Юришич, Соня Драпшин, Радмила и Андєлко Баришич и Милица Туцаков. С. Саламун

Фото: Сандра Саламун

Ґосподїнцох єст два библиотеки, а лєм у єдней єст кнїжки на руским язику. Валалска библиотека у Ґосподїнцох функционує як оддзелєнє општинскей Народней библиотеки „Велько Петрович”, a єй шедзиско у Жаблю. Основана є 1960. року, и од теди у нєй робели два библиотекарки – Ковилька Луґоня и Снежана Крвпоїч котра ище вше роби. Кнїжки на руским язику нєт у тей библиотеки. Библиотека функционує у просториї котра на

РУСКА КНЇЖКА У БИБЛИОТЕКИ

2 РУСКЕ СЛОВО

31. АВҐУСТ 2018.

ЗМИСТ

УВОДНЇК Пише: Марина ДЖУДЖАР, дописователька зоз Руского Керестура

■ Тижньовнїк 4–5. Пред виберанками за Национални совит Руснацох

■ Нашо места 10. Донация вербаскому шпиталю

■ Економия 12–13. Отримани „Днї керестурскей паприґи”

■ Култура и просвита 16–17. У Орахове отримани „Днї нового хлєба” 18. Културна манифестация „Миклошевци 2018.”

■Литературне слово 19–22. Твори младих руских авторох

■ Людзе, роки, живот 24–25.Наш госц: Янко Хома, новинар, Новосадян, а Керестурец

■ Духовни живот 28. Кирбай у Коцуре

■ Информатор

30–33. Мали оглашки и In memoriam

■ Спорт 36–37. Бокс: Юниорски куп нацийох у Вербаше

■ Интермецо 38–39. Хладок и горуци тепши

Насловни бок: Шицким интересантнe на Дньох керестурскей паприґи Автор фотоґрафиї: Любомир Дудаш

КЕРЕСТУРСКА ПАПРИҐА З ЕВРОПСКУ ЕТИКЕТУ Орґанизаторе манифестациї „Днї керестурскей паприґи” того року можу гордо повесц же мали рекордне число нащивительох, вироятнє найвекше яке знача керестурски манифестациї. Шицкому тому допринєсол добри глас о керестурскей паприґи котри чуц надалєко. Керестурске Здруженє паприґарох „Капсикум анум” сотрудзує з паприґарами зоз цалей Сербиї, та и госцох було и здалєка. Манифестацию ше финансує по проєкту з општинскей и покраїнскей каси, а першираз и зоз средствох Европскей униї, дзекуюци чому керестурска паприґа достала и европску етикету, гоч ше можебуц зоз европских средствох обчековало вецей. Но и попри тим найзначнєйши финансиєре ище вше остали спонзоре котри ше и представяю на керестурским тарґовищу. Вшелїяк же єст простору за ище лєпшу орґанизацию, даваюци акцент насампредз на тото же треба указац шицко зоз чим Керестур розполага. Нажаль, нє було дзеки же би ше обишло оглядне польо, а анї други паприґаре нє мали дзеку указац свойо поля. Прето бул орґанизовани виход лєм на єдно польо, а у хотаре наисце єст цо указац, як барз красни паприґи, так и тоти цо ше их слабо будзе оберац. Шицко то приклади на котрих мож научиц, и чийо искуства требало подзелїц зоз фаховцами и другима госцами, та и медзи керестурскима паприґарами. Од паприґи завиши векшина жительох Руского Керестура, предлужуюци традицию своїх предкох, оцох, дїдох, та и прадїдох. У валалє ше ю тераз садзи на вецей як 400 гектарох. Заробок зоз тей желєняви бул вше солидни, алє єст и таки роки котри останю у паметаню – по красним урожаю и богати, алє и таки кед ше заробело лєк дакус вецей як цо уложене. Гваря людзе, дакеди то було иншак, паприґу ше пестовало на вельо менших поверхносцох, прави ґазда садзел медзи пол и єдним гольтом, а тераз ше садзи и до двацец гольти по єдним ґаздовстве, нє знац же як лєпше. Каждого року, окреме после добрей сезони яка була прешла, на лєгки и вельки заробок зоз паприґи ше „злаша” и тоти цо ше по тераз нє занїмали зоз польопривреду. Як на упрекосц, уж тота сезона указала и други, нє таки красни бок заградкарства. Хвиля була вигодна за розвой вшелїяких рошлїнских хоротох, а було и каменцу. Гоч тераз одкупна цена висша од прешлорочней за коло 20 одсто, процент першей класи будзе вельо менши, та сиґурно же заробок нє сполнї шицким обчекованя.

* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/7, 21000 Нови Сад * Редакция: одвичательни редакторe – Борис Варґа, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Олена Планчак-Сакач, Славица Фейса, Ана Маркович, Вероника Вуячич * новинарке/ки – Мария Афич, Влада Дїтко, Сандра Саламун, Златко Колєсар, Марина Джуджар * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки– Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a . d . B e o g r a d 160-923244-82 * Девизни рахунок 1 6 0 - 0 0 5 0 8 7 0 0 2 4 9 9 9 - 5 3 * Р у ко п и с и ш е н є в р а ц а * Д ру ку є Д ру ка р н я ” M a x i m a g r a f ” П е т р о ва р а д и н * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *

Директорка МАРТИЦА ТАМАШ *** Главни одвичательни редактор ИВАН САБАДОШ

31. АВҐУСТ 2018.

РУСКЕ СЛОВО 3

ТИЖНЬОВНЇК

РЕПУБЛИЧНА ВИБЕРАНКОВА КОМИСИЯ РЕПУБЛИКИ СЕРБИЇ

ВОЧИ ВИБЕРАНКОМ ЗА НОВИ

ПРЕЦО – ПРЕТО ЖЕ

ПРЕГЛАШЕНИ ДВА РУСКИ ЛЇСТИНИ Републична виберанкова комисия 23. и 28. авґуста преглашела два лїстини за виберанки за членох нового зволаня Националного совиту Руснацох, хтори 4. новембра буду отримани за шицки национални заєднїци. Виберанкову лїстину под числом єден „Руснаци вєдно” поднєсла ґрупа виберачох „За Руснацох”, а єй ношитель Борислав Сакач, дипломовани инжинєр електротехнїки з Нового Саду. На лїстини „Руснаци вєдно” 19 кандидати и за ню стоя 176 полноважни вияви виберачох. Виберанкову лїстину под числом два „Буц и остац РУСНАК – ОЛЕНА ПАПУҐА” поднєсло Здруженє „Руска лиґа”, а єй ношителька Олена Папуґа, новинарка з Руского Керестура. На тей лїстини 7-еро кандидати, и за ню стоя 90 полноважни вияви виберачох. Термин за придаванє лїстинох 19. октобер. КАНДИДАТИ НА ЛЇСТИНИ ЧИСЛО 1, „РУСНАЦИ ВЄДНО” 1. Борислав Сакач, 1959, дипломовани инжинєр електротехнїки, Нови Сад 2. Йоаким Рац, 1956, кореоґраф, Руски Керстур, 3. Мартица Тамаш, 1961, професорка сербского и руского язика, новинарка, Вербас 4. Микола Кухар, 1968, польопривреднїк, Дюрдьов 5. Зденко Лазор, 1983, дипломовани филолоґ мастер, Бикич Дол 6. Єлена Сивч, 1987, професорка ґеоґрафиї – мастер, Руски Керестур 7. Михайло Киш, 1984, дипломовани економиста, Кoцур 8. Миломир Шайтош, 1960, програмер, Нови Сад 9. Марина Джуджар, 1988, мастер професорка руского язика и литератури, Руски Керестур 10. Михайло Пашо, 1981, ґрафични технїчар за друк, Руски Керестур 11. Иґор Фейди, 1986, дипломовани инжинєр за поднїмательни менаджмент, Руски Керестур 12. Саня Тиркайла, 1970, професорка физичного воспитаня, Руски Керестур 13. Владимир Олеяр, 1981, дипломовани дїловни информатичар, Руски Керестур 14. Борис Надь, 1969, електротехнїчар, Бачинци 15. Аранка Медєши, 1960, прекладателька, Коцур 16. Мирон Рамач, 1974, професор историї, Руски Керестур 17. Мирослав Джуджар, 1964, автоелектричар, Дюрьов 18. Ксения Бенце, 1965, наставнїца класней настави, Коцур 19. Владимир Варґа, 1980, дипломовани економиста, Руски Керестур КАНДИДАТИ НА ЛЇСТИНИ ЧИСЛО 2, „БУЦ И ОСТАЦ РУСНАК - ОЛЕНА ПАПУҐА” 1. Олена Папуґа, 1964, новинарка, Руски Керестур 2. Деян Загорянски, 1981, др медицини – лїкар, Вербас 3. Дюра Винаї, 1958, новинар, Нови Сад 4. Мелания Римар, 1958, новинарка, Петроварадин 5. Борис Маґоч, 1979, економиста, Нови Сад 6. Виктор Винаї, 1995, студент, Нови Сад 7. Олґа Радович, 1950, дипл. економистка туризмa, Нови Беоґрад

4 РУСКЕ СЛОВО

На дочасовим виберацким списку националних меншинох на дзень 15. авґуста 2018. року уписани 7 977 вибераче рускей националней меншини

их дньох, потим як 17. авґуста министер за державну управу и локалну самоуправу Бранко Ружич розписал виберанки за национални совити националних меншинох, почали сциговац и перши лїстини кандидатох за нове зволанє и Националного совиту Руснацох. А цо и як у тим процесу може помогнуц його Служба хтора ше находзи у шедзиску НС у Руским Керестуре, бешедовали зме зоз предсидательом Вивершного одбору НС Жельком Ковачом. По його словох, терашнї НС у тим процесу може понукнуц єдино технїчну потримовку як будуцим кандидатом, так и виберачом. На цо ше одноши тота помоц толкує Ковач. – Национални совит, односно його служба за наиходзаци виберанки, понука технїчну потримовку у смислу зазберованя потребней документациї и подобне. Конкретно то значи же кед дакому хто ношитель лїстини треба даяку нєобходну документацию за прияву на виберанки, можу присц ту до Служби НС, дзе им можеме копирац, скенирац, випринтац... То улога служби, а друге дацo НС ту нє ма цо робиц – гвари Ковач. Упис до Окремного виберацкого списку тиж єдна з темох о хторей зме жадали достац цо вецей практични информациї, дзе ше мож уписац, як випатра тот поступок, докеди ше мож уписац и цо ту служба НС може помогнуц? – Кажди припаднїк рускей националней заєднїци хтори ище нє уписани до Окремного виберацкого списку, може то зробиц у Општинскей управи у општини у котрей жиє, а там може и превериц чи є уписани кед же є до того нє сиґурни. За уписованє потребне виполнїц предвидзени формулар и придац го особнє до спомнутей управи. Сам формулар мож зняц на сайту кед ше удурка „ПОСЕБНИ БИРАЧКИ СПИСКОВИ”, а то на сайту Министерства за локалну самоуправу, або и на сайту нашого НС на адреси www.rusini.rs. Формулар за уписованє до виберацкого списку мож достац и у нашей Служби кажди дзень од 9 до 16 годзин. Важне визначиц же ше уписац мож аж до 31. АВҐУСТ 2018.

tiznjovnjik@ruskeslovo.com

НОВИНСКО-ВИДАВАТЕЛЬНА УСТАНОВА „РУСКЕ СЛОВО” НАЦИОНАЛНИ СОВИТ РУСНАЦОХ

МАМЕ НА ТОТО ПРАВО 24 годзини пред самима виберанками хтори буду 4. новембра. Кед же дахто хто уж уписани до списку, пременї даяки особни податки, нпр. презвиско, лєбо адресу нє ма сам нїч преберац, то идзе по автоматизму, як и у общим виберацким списку – дознаваме од Ковача. Уписац ше до Окремного виберацкого списку Желько Ковач окреме поволал младих хтори од прешлих виберанкох пред штирома роками по нєшка постали полнолїтни, та з тим витворели и право гласац. А прецо важне окончиц тоту гражданску длужносц Ковач одвитовал: – Насампредз прето же маме на тото право, бо нам Устав Републики Сербиї тото оможлївює и же бизме тото право требали вихасновац. Друге, лєм кед зме уписани до Окремного виберацкого списку, можеме ше кандидовац и буц єден з потенцийних кандидатох на даєдней зоз лїстинох. Тиж и прето же так вшелїяк можеме гласац за понукнути лїстини на виберанкох хтори пред нами. Визначел бим же виберанки и гласанє за национални совит важни и прето же ше можеме цешиц же зме Руснаци ту вецей як 270 роки и будземе горди на тото – гвари Ковач. На нашо питанє цо ми зоз тим доставаме од держави, кед гласаме, одн. з националнима совитами прецо то важне, Ковач здогаднул же на таки способ охранюєме нашу националну заєднїцу, у образованю, култури, информованю, у хаснованю язика и писма.

ПОТЕРАШНЇ СОВИТИ Перши национални совити та и Национални совит рускей националней заєднїци прейґ електорскей системи вибрани 2002. року и дїйствовал по 2004. а перши предсидатель бул Рафаил Русковски. Друге зволанє нашого НС на чолє зоз Славком Оросом було од 2004. по 2010. а мал длугши мандат, бо ше чекало нови закон о виберанкох. По тим новим законє, хтори попри електорских оможлївел и нєпоштредни виберанки, по хторих и Руснаци вибрали шлїдуюце зволанє НС хторому у двох мандатох од 2010–2014. и од 2014–2018. на чолє бул Славко Рац.

– Значи тото цо нам дате як право же би НС тото помогол витвориц, ми з нашим гласаньом у тим участвуєме, указуєме же нам то важне, же о тим дзбаме, же сцеме буц часц того процесу хтори нам припада. Бо, кед ми нє будземе участвовац, други место нас нє буду – заключел Желько Ковач. Най здогаднєме, национални совити ше вибера директно, на нєпоштредних виберанкох як вибера наша национална заєднїца, лєбо по електорскей системи. Мандат им тирва штири роки, а їх основни компетенциї у штирох спомнутих обласцох – образованю, култури, информованю, и службеним хаснованю язика и писма.■ М. Афич 31. АВҐУСТ 2018.

ДР БОРИС ВАРҐА ВИБРАНИ ЗА ДИРЕКТОРА

На 69. схадзки Управного одбору (УО) Новинсковидавательней установи „Руске слово”, котра отримана пондзелок 27. авґуста, по Явней поволанки за вибор директора розписаней 27. юлия, од штирох приявених кандидатох, найвецей гласи достал др Борис Варґа. УО зашедал у полним составе, за др Варґу гласали седем, од дзевец членох. Потерашнєй директорки НВУ „Руске слово” Мартици Тамаш мандат тирва по 19. септембер, а тоту одвичательну функцию др Варґа пребера 20. септембра. Директора ше вибера на штирирочни мандат. Рок жалби на тоту одлуку Управного одбору 15 днї. По Закону о явним информованю и медийох, хтори ступел на моц 2016. року, вибор директора окончує УО, а нє национални совит националней меншини чий єй снователь.

ТИРВАЦО РИШИЦ ФИНАНСОВАНЄ Влада Републики Сербиї штварток (23. авґуста) поволала фаховцох з обласци информованя на язикох националних заєднїцох з цильом же би допринєсли виробку новей медийней стратеґиї Републики Сербиї. Роботна ґрупа за виробок Стратеґийного документу з обласци явного информованя послухала фаховцох з рижних обласцох, котри повязани зоз медиями на язикох националних заєднїцох. На схадзки були представнїки меншинских медийох, медзинародних орґанизацийох (ОЕБС-у), новинарских здруженьох, представнїкох Влади Републики Сербиї и националних совитох. Спред медийох по руски, на схадзки участвовал медийни фаховец и одвичательни редактор новинох „Руске слово” Борис Варґа. На схадзки доминовали даскельо теми, а то терашнї стан меншинских медийох, резултати приватизациї локалних медийох, финансованє медийох на язикох националних заєднїцох и уплїв националних совитох на кадровски питаня и ушорйовацку политику медийох котрим национални совити снователє. Робота на виробку новей медийней стратеґиї почала концом юния, а треба же би була закончена по конєц 2018. року. Я. Дюранїн/Рутенпрес

РУСКЕ СЛОВО 5

ТИЖНЬОВНЇК КОМБИ НАЦИОНАЛНОГО СОВИТУ РУСНАЦОХ У СРИМЕ

ДЗЕЦОМ И АМАТЕРОМ ШВИДШЕ НА КОЛЄСОХ

Пише: Владимир ДЇТКО

Комби хтори Национални совит Руснацох дал на хаснованє до Сриму од велького хасну. Потераз є вожени коло 150 раз, а направени коло 20 000 километри. Поряднє отримованє комбия як и реґистрация иду на трошок Националного совиту

О ПРАВИЛНЇК Же би примарне хаснованє комбия, як и його пожичованє, було як спада постої Правилнїк, а о пожичованю за нєпримарни намени на териториї Сербиї одлучує трочлена комисия. Согласносц за пожичованє комбия за длугши драги и драги до иножемства дава Вивершни одбор Националного совиту под условийом же ше комби у глєданим термину нє хаснує за примарни намени.

6 РУСКЕ СЛОВО

д юния 2016. року Национални совит Руснацох дал на хаснованє комби превозку за дзеци, хтори факултативно уча руски язик, виронауку и за потреби аматерох руских дружтвох зоз Шиду, Бикичу, Бачинцох и Беркасова Основна намена хаснованя комбия праве за потреби лєпшей рухомосци и повязованю школярох котри уча мацерински язик и виронауку у шидскей општини. – Циль же би ше зазберовало дзеци по наших местох и их одвоженє на место дзе ше отримує руски язик и виронауку же би ше олєгчала роботу учительки и паноцови, указало ше як барз добре. Дзеци ше медзи собу упознали и розвили свидомосц о тим же таких Руснацох хтори уча по руски єст и у других местох и заинтересовало их за глїбшу учасц у рускей култури. Зоз того ше кус познєйше формовала и дзецинска драмска секция, хтора роби як надбудов виучованя руского язика и хтора мала вецей успишни наступи по наших местох. Мож повесц же континуована робота зоз дзецми дава резултати, а тото би без комби превозки нє могло буц витворене – гвари Наташа Еделински Миколка, подпредсида-

телька Националного совиту Руснацох и координаторка Подручней канцелариї Националного совиту Руснацох у Шидзе. Як гвари наша собешеднїца, гориво за примарну намену комбия зоз найвекшей часци обезпечел Национални совит Руснацох. Часц средствох, хтори покриваю трошки превозу за проби и наступи дзецинскей драмскей секциї, достати од КПД „Дюра Киш” зоз Шиду, а часц од компензациї за амортизацию, котру ше достава през гориво од пожичованя комбия за намени хтори нє спадаю под примарне хаснованє. Комби дочасово хасную КПД „Иван Котляревски“ зоз Бикичу и КПД „Дюра Киш” зоз Шиду, за потреби одходу на наступи, або за орґанизованє пробох. У тим случаю трошки горива зноши Дружтво хторе хаснує комби. Же би примарне хаснованє комбия, як и його пожичованє було як спада, постої Правилнїк, а о пожичованю за нєпримарни наменни на териториї Сербиї одлучує трочлена комисия. Согласносц за пожичованє комбия за длугши драги и драги до иножемства дава Вивершни одбор Националного совиту под условийом же 31. АВҐУСТ 2018.

tiznjovnjik@ruskeslovo.com

STANOVISKA Пише: Александар САВАНОВИЧ, новинар

ЧИТАНЄ МЕДЗИ ШОРИКАМИ

ше комби у глєданим термину нє хаснує за примарни намени. Комби ма даскельо шоферох, хтори маю согласносц од Националного совиту же би го вожели, а хтори по потреби вожа комби и за примарни и за нєпримарни потреби.

ЗАДОВОЛЬНИ У КПД „ДЮРА КИШ” У КПД „Дюра Киш” у Шидзе гваря же су барз задовольни же достали комби на хаснованє. – Барз нам помага у роботи, бо то олєгчало превоженє дзецох, окреме зоз валалох, кед приходза до Шиду на проби драмскей секциї. Тиж и кед треба пойсц на наступ. Нє мушиме волац родичох же би на особних автох превожели дзеци. Думам же задовольни и дзеци и родичи, а зоз догварку хснованє комбия барз добре – гвари Златко Манько, предсидатель КПД „Дюра Киш”.

– Потераз комби вожени коло 150 раз, а направени коло 20 000 километри. Попри назначених наменох, комби ше вецей раз хасновал и звонка примарней намени, та и звонка рускей заєднїци, як и за потреби Националного совиту, або других руских институцийох. За потреби рускей заєднїци комби вожел и рижни ґрупи до иножемства. Поряднє отримованє комбия, як и реґистрация, иду на трошок Националного совиту Руснацох, а менши укладаня до превозки мало и КПД „Дюра Киш”. Умиванє комбия идзе на трошок хасновательох як зоз Правилнїком и предвидзене – гвари Наташа Еделински Миколка.■ 31. АВҐУСТ 2018.

Нє знам чи ше ище дахто памета акцию „Новинаре нє клєча” хтора од децембра 2015. по фебруар 2016. року отримована у векших городох по Сербиї. То була реакция и протест тих цо робя у медийох и гражданох хтори спричинєла нєприкладна и увредзуюца „франта” тедишнього министра охрани Братислава Ґашича хтори єдней новинарки дакедишньей Б92 гварел же „люби новинарки хтори лєгко клєкню.” Министер пофрантовал, понеже дотична колеґиня клєкла з микрофоном же би нє „уходзела до кадру” знїмательом хтори тиж од министра брали вияву. Ґашичова „франта”, указало ше, у медийним фаху похопена нє лєм як увредзованє єдней колеґинї, алє цалей професиї. Порушана протестна акция „Новинаре нє клєча”, з намиру же би министер пре свойо нєприкладни слова одступел з функциї. И тедишнї предсидатель Влади Сербиї Александар Вучич думал так, та министер и формално зменєни у фебруару 2016. Новинарски здруженя и гражданска явносц наздавали ше же ше им удало єдного нєодвичательного ношителя явней функциї послац до скорейчасовей политичней пензиї. О два и пол рока, Братислав Ґашич находзи ше на чолє найважнєйшей безпечносней институциї у жеми – Безпечносно-информативней аґенциї (БИА), РТВ Б92 вола ше иншак, а кампаня „Новинаре нє клєча” остала лєм фуснота у морю информацийох хторе каждодньово заплюскує медийну сцену. Прето анї нє чудне же ше забуло же лєм пред два и пол роками бул якишик новинарски протест. Медзитим, уж теди, та по нєшка було ясне же метафора „Новинаре нє клєча” у ствари крик до помоци за ратунок професиї хтора ше уж роками „таблоидизує”, завалює и знєважує. Глас критики, виглєдовацкого и аналитичного новинарства, обєктивного и професийного розпатраня нашей реалносци, скоро же нє може дойсц до гражданства и публики. Мейнстрим медиї, хтори найбаржей уплївую на явне думанє, скоро цалком заварти за критику и иншаке думанє. З другого боку, тоти цо думаю иншак, и сами поставаю тема и мета „блатоидох”, алє и ношительох явних и политичних функцийох, а медиї хтори таки становиска преноша, оставаю без оглашкох, пенєжу з локалних и державних медийних конкурсох, на вдереню инспекцийох. А найвекше число новинарох, без огляду „на хторим су боку”, робя за мали плаци и на рубцу еґзистенциї. Прето, док провадзим протести новинарох у БиГ пре физични напад на колеґу Владимира Ковачевича з БН телевизиї, похопюєм же физичне насилство лєм пошлїдок систематичного насилства над професию, же би новинарство постало пропаґанда. У БиГ, политично вельо зложеншим дружтве як цо нашо, видзим векшу новинарску солидарносц и векшу моц професиї як у нас. Алє, то мира нашей реалносци. Читац медзи шориками. Кед же ище єст цо пречитац. Становиска висловени у тим тексту виключно авторово и нє вше одражую ушорйовацку политику новинох „Руске слово”

РУСКЕ СЛОВО 7

НАШО МЕСТА СЕДМИ ДНЇ КЕРЕСТУРСКЕЙ ПАПРИҐИ

РИЖНИ КУЛТУРНО-ЗАБАВНИ ЗМИСТИ У културно-забавней часци тогорочних Дньох керестурскей паприґи, и на тот завод були рижнородни змисти и награди, а зоз програму наступели госцинска шпивацка ґрупа зоз Словацкей Републики, як и домашнї аматере Дому култури

ота часц Манифестациї почала з дефилеом парадних кочох членох домашнього Конїцкого клубу „Русин”, а потим виведзена културноуметнїцка програма. Домашнї ше представели зоз танцом Наймладшей фолклорней ґрупи, за цо их пририхтал Сашо Па лєнкаш хтори и хореоґраф, вец Хлопска жридлова ґрупа одшпивала два народни шпиванки, под руководзеньом Мирка Преґуна. Вон предводзел и Вельки народни оркестер хтори одграл венчик руских шпиванкох. Потим наступели госци шпиваче Фолклорней ґрупи „Роньва” з валалу Сланске нове место. Хлопска женска ґрупа, обидва вєдно и солисти под руководзеньом Терези Кубаньовей на гармоники, веведли блок народних шпиванкох зоз свойого краю. Госци з того места у Керестуре перши раз, а пришли вєдно з уж познатима госцами зоз їм сушедней Земплинскей Теплици, на чолє зоз старостами тих местох Миланом Дихенещиком и Йозефину Угальову. Тоти места нєдавно нащивел керестурски Дом култури у своєй турнеї по Словацкей, та взаїмни госцованя уж поставаю традицийни. Милан Дихенещик за „Руске” з тей нагоди виявел. – Цешим ше же зме ту могли присц, ми пейц километри од Земплинскей Теплици зоз хтору маме исти шпиванки и крашнє сотрудзуєме. З нашима писнями сцеме вас кус розвешелїц на єй вашей красней манифестациї. Цешиме ше же и вашо аматере були у нас, а же ми ту наступели. Вельке число нащивительох з околїска и велїх других местох, могли

коштовац печену прашецину и баранчецину, або рижни єдла зоз штернац котлох, дзе ше варело рибов, швиньски, баранї, баранчецов и єленьов паприґаш, полнєта паприґа, а указало ше же шицкого анї нє було досц. После урядовей програми хтору водзел Емил Няради нащивительох з музику забавяла ґрупа „Пицикато бенд”, а потим вельо публики було и на наступу познатей новосад-

НАЙКРАСШИ ШТАНД И МАСКИ Попри наградох за найлєпши айвар и найчежшу паприґу, орґанизатор наградзел и найкрасше ушорени штанд зоз слункобраном хтори достал Керестурец Янко Чизмар. Орґанизовани бул и традицийни маскенбал дзецох хтори того року були маскирани виключно у духу паприґи, и позберал красне число дзецох од предшколских по школярох нїзших класох. Першу награду за найкрасшу маску достал Стефан Арва, другу Адрияна Рац, а трецу шестри Кристина и Милена Рамачово.

8 РУСКЕ СЛОВО

скей поп ґрупи „Ґарави сокак”. Того року першираз под час Манифестациї була отворена и Музейна збирка у Замку за цо ше остарало Туристичне здруженє, а збирку обишло вельке число нащивительох, як госци так и домашнї Керестурци. Други дзень Манифестациї того року було предвидзенє обиходзенє и розпатранє валалу на парадних кочох хторе би за госцох пририхтали члени домашнього Конїцкого клубу „Русин”, медзитим, тото нє витворене, понеже госци мушели скорей одпутовац. Пред одходом були на Велькей Служби Божей у Катедралней церкви, хтору служел домашнї капелан о. Владимир Медєши и о. Станислав Дихенещик, парох у Братислави, а родом зоз Сланского нового места, як и нашо госци.■ Мария Афич 31. АВҐУСТ 2018.

mesta@ruskeslovo.com

ДРУЖТВО РУСНАЦОХ У СУБОТИЦИ

НОВА ПРЕДСИДАТЕЛЬКА ЄЛЕНА СИВЧ ВЕЛЯНОВИЧ У Суботици, пияток, 24. авґуста, отримана виберанкова Скупштина Дружтва Руснацох на котрей вибране нове руководство, Управни и Надпатраюци одбор Дружтва. Пред вибераньом, потерашнї предсидатель Дружтва Иван Гарди поднєсол звит о роботи и финансийни звит за 2017. рок, котри члени Скупштини єдногласно прилапели.

За предсидательку Дружтва вибрана Єлена Сивч Велянович, за подпредсидателя Деян Паланчаи, а за членох Управного одбору вибрани Кирил Симунович, Ясмина Пеячки, Мирта Иштванович, Ксения Бркич и Анамария Лендєр. У новим Надпатраюцим одборе буду Владимир Раґаї як предсидатель, Любомир Папуґа и Мария Ивошевич. Рут

ГОСЦИ ЗОЗ СЛОВАЦКЕЙ НА СЛУЖБИ У КАТЕДРАЛИ

ЗАЄДНЇЦКА МОЛИТВА И ЗА ПОКОЙНИХ ВЛАДИКОХ

Фото: М. Рамач

На шпиваней Служби Божей у Катедралней церкви, внєдзелю, попри домашнїх присуствовали и госци зоз Словацкей котри у Керестуре пребували на „Дньох паприґи”. З домашнїм капеланом о. Владимиром Медєшом, Службу служел и їх священїк о. Станислав Дихенещик. Вон поволал Керестурцох у Братислави же можу и там поглєдац свою Церкву. У Служби о. Дахинещик по словацки пречитал Євангелске читанє, о Медєши наказовал, а на концу Служби привитал госцох, док домашнїх поздравел о. Станислав и похвалєл их же ту за 260 роки кед ше приселєли з крайох, дзе и вони нєшка жию, же ту принєсли

31. АВҐУСТ 2018.

и свою грекокатолїцку виру и же ю зачували по нєшка. Тиж пожадал же би так остало ище голєм тельо роки. По Служби госцох домашнї капеланє о. Медєши и о. Михайло Шанта одведли и до крипти под Катедралу дзе поховани нашо владикове. О. Станислав своїх краянох здогаднул же кельо тоти владикове, од Нярадия, прейґ Сеґедия и Микловша, важни и за тамтейшу грекокатолїцку Церкву. Як визначел, вони помагали и им у Прешовскей епархиї, дзе тиж окончовали епископску службу, и вишвецовали числених священїкох у нєлєгких часох, поготов у комунизмe. Як подзекованє владиком подаровали свою молитву през Панахиду хтору предводзел о. Станислав. Дзень пред тим госци нащивели и нашу Водицу. Отец Дахинещик иншак парох у Братислави, а родом зоз Сланского нового места, як и присутни госци. Вон як парох на грекокатолїцкей парохиї у главним городзе Словацкей, у вияви за „Руске слово” поволал и нашо руски фамелиї зоз Керестура хтори ше там нєдавно преселєли, же можу поглєдац свою Церкву и приступиц до єй заєднїци и на Богослуженя, а їх розпорядок, як и адресу, можу найсц на интернет сайту парохиї. М. А.

РУСКЕ СЛОВО 9

НАШО МЕСТА СОТРУДНЇЦТВО ФОНДАЦИЇ “SUVA NAWA” И ОБЩОГО ШПИТАЛЮ ВЕРБАС

МЕДИЦИНСКИ ШЕСТРИ З ВЕРБАСУ БУЛИ У ГОЛАНДИЇ Предсидателька фондациї Suva Nawa” з ” но нащивела Голандиї Bouwine Schuttel нєдав Общи шпиталь Вербас пре догварку о будуцим сотруднїцтве з цильом розменьованя знаня и искуства медицинских шестрох и технїчарох у роботи зоз старшима и чежше рухомима/нєрухомима пациєнтами

рґ а ни за циї Су ва На ва” основ ни ци ль ро боти ” змен ша нє ра нї во сци по пула циї стар ших, а з орґанизацию подполно управяю волонтере хтори руководза зоз ширшу мрежу, тиж волонтерох зоз Голандиї. Тих дньох до вербаского Общого шпиталю сцигла донация скоро 100 плахитки и облєчени 200 заглавки. Тота донация витворена у сотруднїцтве зоз священїком Евангелскей церкви з Коцура Александром Суботином, з Нєвладову орґанизацию За помоц во сточней ” Европи” и фондацию Сува Нава”. ” Окрем того, у збераню средствох за ре а лизацию донациї участвова ли и заняти у шпита лю Ме андер” у Amersfoorty, Голандия, хтору нащивели ” два медицинси шестри зоз вербаского Шпиталю. УПОЗНАЛИ ШЕ З РОБОТУ У ШПИТАЛЮ Главна медицинска шестра Оддзелєня ортопедиї зоз трауматолоґию, пластичней и реконструктивней гирурґиї Душка Обровачки и терапеутска медицинска шестра Оддзелєня за ендокринолоґию и нефролоґию у Служби интерней медицини Валентина Николич под час авґусту нащивели шпиталь Меандер” у Амерсфорту, а ” нащива задумана як едукативно-роботна. Вони окрем порядного роботного часу у шпиталю, дзекуюци панї Лени Хиленґа директорки двох старецких домох, нащивели вецей ґеронтолоґийни центри и други установи цо сотрудзую зоз шпитальом и фондацию Сува Нава”. ” Иншак, фондация свойо приходи витворює през донаторски кампанї, спонзорства, зберанє средствох. Волонтере доставаю лєм строго лимитовани средства хтори закриваю стварни трошки под час активносцох. ВЕЛЇ ПРОЦЕДУРИ ОЛЄГЧАНИ Як визначела Душка Обровачки, попри колеґох и колеґиньох, особнє их дочекала и менаджерка Карина Кастелийн. – Вона нам погуторела о роботним чаше шпиталю, упознала нас з роботу оддзелєньох на хторих будземе пребувац док зме у нащиви, а после упознаваня з колеґ-

10 РУСКЕ СЛОВО

инями и колеґами почали зме провадзиц фахову роботу и упознавац ше з їх процедурами. Активно зме ше старали о полурухомих и нєрухомих пациєнтох. Тиж так, зме мали и обуку за роботу на машинох за дзвиганє и транспорт пациєнтох по тоалет. Окреме бим видвоєла же у каждей шпитальскей хижи єст електронски посцелї з алармну систему, так же кед пациєнт станє, а нє порихтани є, алармна система обвисци медицинску шестру – визначела Обровачки. Валентина Николич додала же окреме интересантне у якей мири злєкшане дзелєнє терапиї. Медицински шестри маю и таблет, або даяку файту рухомого рахункару хтори ше находзи на кочику за дзелєнє пер ос” терапиї. ” – Так, источашнє док окончую дзелєнє лїкох пациєнтом, зазначую кажди лїк и процедуру за каждого пациєнта поєдинєчно. Лїкаре и шестри нє ходза до визити вєдно, алє ше у одредзеним чаше сходза и коментарую стан пациєнтох, одредзую дальшу терапию и додатну дияґностику – гварела Николичова. Колеґове у Голандиї им оможлївели видзив и Урґентни приєм у шпиталю, дзе ше после указаней першей помоци кончи примопредаванє информацийох медзи шестрами, и вец ше пациєнта такой враца на оддзелєнє на хторим и бул. Шестром з Вербасу було интересантне и же у шпиталю Меандер” иснує и Тим за консултациї. ” – Сцели бизме искуство зоз шпиталю Меандер” при” меньовац у пракси у нашим Шпиталю тельо кельо то мож присподобиц ґу нашим ресурсом. А насампредз бим подзековац священїкови Александрови Суботинови хтори направел контакти медзи нашим и шпитальом у Голандиї, як и зоз фондацию Сува Нава”. Нащива заду” мана як врацаюца, та у шлїдуюцим крочаю очекуєме два колеґинї медицински шестри зоз Голандиї же нащивя Общи шпиталь Вербас – додала Обровачкова.■ А. Маркович 31. AВҐУСТ 2018.

mesta@ruskeslovo.com

АКТИВНОСЦИ У ЯКП „ВОДОВОД” У ШИДЗЕ

НОВУ СТУДНЮ ШЕ ИЩЕ НЄ ХАСНУЄ

Роботи коло вартаня новей студнї за потреби ЯКП „Водовод” у Шидзе давно закончени, алє остало ище инсталовац потребну опрему. Гоч ше нависцовало же то будзе скорей як цо почнє горуце лєто, то ше нє зисцело.

Александар Йованович, директор ЯКП „Водовод”

– Му ше ли зме запро вад зиц по сту пок яв ней на бав ки за опрему и то спомалшело активно сци, тиж перше треба вимуровац хижочку коло студнї за спомнуту опрему хтору вец треба монтирац и вец покончиц потребни анализи води – гварел нам Александар Йованович, директор ЯКП „Водовод”. Ище кед новинаре у маю нащивели початни роботи на вартаню студнї гварене же вона звекша продукцию води за 15 одсто, та док студня будзе у експлоатациї нє будзе ше запровадзовац

ноцни викапчованя води. Медзитим, понеже ше студню ище нє хаснує, ноцни ре стрикциї води „стара приповедка”. Под час ре стрикциї, полнї ше резервоар же би було до статочно води од рана. Коли че ство води зоз дру гих студньох зоз 90 спадло на 65 литри у секунди, а директор Йованович нависцує же нєодлуга будзе требац вартац ище єдну студню. Тиж будзе потребне у Шидзе збудовац и єден резервоар за воду. Цо ше дотика роботох на новей водоводней мрежи у Бикичу и Привиней Ґлави, Йованович гвари же циви по ставени на коло шейсц километри, а остало ище збудовац даскельо шахти. – Студня ше находзи у Привиней Ґлави, як и резервоар за воду. Наздаваме ше же до конца септембра буду закончени шицки роботи. Потим шлїдзи анализованє води и випитованє водоводней системи, а аж вец и хаснователє годни прикапчовац сво йо оби сца на водо вод ну мрежу – гвари директор Йованович. Вл. Дї.

У ВЕРБАШЕ ШЕ ПРИРИХТУЮ ЗА ПЕРШИ СЕПТЕМБЕР

ПРЕБИЛЄНИ ПЕШАЦКИ ПРЕХОДИ КОЛО ШКОЛОХ Екипи ЯКП „Комуналєц” прешлого тижня закончели ошвижованє горизонталних линийох коло образовних установох у Вербаше, пре лєпшу безпечносц школярох под час школского рока. Остатнї два вербаски школи коло хторих закончени роботи ОШ „Светозар Милетич” и Стредня школа „4. юлий”. Пред початком каждого нового школского року, вербаски драгаре ошвижую букви, пешацки преходи и застановяци смуги на драгох у околїску основних и штреднїх школох. Закончени шицки приходи ґу основним и стреднїм школом у Вербаше, по сле чого исти роботи шлїдза у валалох општини. Як визначел Милован Кривокапич з Дїловней єдинки „Чистота”, безпечносц дзецох у транспорту приоритет найвисшого уровня, а обнова сиґнализациї то транспортно-технїчна мира хтора оможлївює безпечнєйше рушанє школярох на драги з дому по школу. Понеже роботи у меншей мири уплївую на транспорт, Кривокапич шицких вожачох з тей нагоди замодлєл за сцерпе злївосц, и почитованє швидко сци од 30 километри на год зину у зонох школох. 31. AВҐУСТ 2018.

По сле обнови горизонталней сиґнализациї почнє и заменьованє вертикалних знакох и слупох, як и асфалтованє дзирох на драгох хтори у инґеренциї ЯКП „Комуналєц” и локалней самоуправи. А. М.

РУСКЕ СЛОВО 11

ЕКОНОМИЯ ЗАКОНЧЕНИ „ДНЇ КЕРЕСТУРСКЕЙ ПАПРИҐИ”

MAНИФЕСТАЦИЯ НА СЛАВУ БРЕНДА

Пише: Марина ДЖУДЖАР

Отримана уж седма по шоре туристично-привредно-културна Mанифестация на чесц керестурского бренду – червеней паприґи за айвар, цо нащивительом вше интересантнєйше. Єст поля на котрих охореня и дижджи охабели подли пошлїдки, та медзи керестурскима паприґарами нє було заинтересованих же би указали свойо польо

е манифестация „Днї керестурскей паприґи” з рока на рок вше на висшим уровню, потвердзує число нащивительох котрих єст зоз шицких крайох нашей держави, та и госцох споза гранїцох. Цалком нове у орґанизациї же значносц манифестациї препозната и у ИПА проєкту Европскей униї котри вєдно витворели побратимени Општина Кула и Општина Калоча зоз Мадярскей. То значело средства ище з єдного боку, алє з тим и векши обчекованя од орґанизаторох, понеже ше першираз дочековало и госцох зоз Мадярскей котрим требало представиц Керестур и його основну дїялносц – продукцию паприґи, а ґу тому им указац и други квалитети з котрима розполага єдинствена руска заєднїца. Зоз заєднїцким проєктом обезпечени 200 тисячи еври котри подзелєни 60 одсто Општини Калочи за їх „Днї паприґи”, а 40 Општини Кула за „Днї керестурскей паприґи” и за манифестацию „Днї традициї” мадярского културного центру Непкер у Кули котра будзе отримана того викенду. Конкретно зоз тих средствох у Руским Керестуре финансовани полудзенок у ресторану за шицких госцох на Манифестациї, забавна часц програми – „Пицикато

12 РУСКЕ СЛОВО

бенд” и наступ бенду „Ґарави сокак”, як и змесценє за штверих госцох зоз Мадярскей. Општина тиж купела шатор котри хасновани на керестурскей Манифестациї, а надалєй остава на хасен шицким општинским орґанизацийом за подобни збуваня. Як дознаваме од предсидательки Здруженя паприґарох „Капсикум анум” Душици Оросовей, виостали дробнїци як цо то обецани маїци и фартухи, а шицко друге догварене випочитоване. У РАМИКОХ ЕВРОПСКОГО ПРОЄКТА Седму манифестацию „Днї керестурскей паприґи” у мено орґанизатора Здруженя паприґарох „Капискум анум” отворел Владимир Варґа, у мено локалней самоуправи, предсидатель Општини Кула Велибор Милоїчич, а нє пришли представнїки з Покраїни. – Перше бим сцел подзековац Општини Кула, Месней заєднїци Руски Керестур, Покраїнскому секретарияту, шицким спонзором и людзом добрей дзеки котри нам помагаю у орґанизациї, бо то наисце велька робота, а мило ми же нас каждого року єст вше вецей и же то вше нащивенше – гварел Варґа. 31. АВҐУСТ 2018.

ekonomija@ruskeslovo.com

Милоїчич привитал Керестурцох и шицких госцох Манифестациї з першим виреченьом по руски, дзекуюци чому достал красни аплауз на початку його бешеди. – Почитовани приятелє, добри дзень. Вельке ми задовольство же нєшка у мено Општини Кула можем отвориц седму Манифестацию „Днї керестурскей паприґи”. Роками през сотруднїцтво зоз Здруженьом паприґарох потримуєме Манифестацию котра препозната, як у привредним и туристичним значеню, так и у животним значеню за жительох Руского Керестура, понеже по паприґи Керестур препознатлїви. У складзе зоз тим, тогорочна Манифестация реализована у рамикох прейґгранїчного ИПА проєкту, котри вєдно реализую Општина Кула и Општина Калоча зоз Мадярскей. Подзековал бим домашнїм на орґанизациї, тиму зоз Канцелариї за локални економски розвой Општини Кула котра роби на реализациї того проєкта, а здогаднєм вас же ше тот исти проєкт предлужи идуцого тижня у Кули, а будзе тирвац до идуцого року кед будзе и закончуюца конференция – гварел предсидатель Општини Кула. ОД ПЛОДОХ НЄ МОЖ ОБЧЕКОВАЦ ВЕЛЬО, ЗАКЛЮЧЕНЕ НА ТЕРЕНУ Гоч у керестурским хотаре єст поля з паприґу з котрима ше мож пишиц, а єст и таки на котрих бактериозни охореня и дижджовне лєто охабели тирваци и катастрофални пошлїдки, а медзи керестурскима паприґарами нє було заинтересованих же би указали свойо польо. Познате же одкупйоваче и рижни фаховци з обласци польопривреди приходза насампредз прето же би ришовало проблеми и їх причини на терену, а одкупйоваче же би спатрели ситуацию понуканя на тарґовищу зоз червену паприґу у валалє. Єдини котри мал дзеку указац свойо польо зоз паприґу то Владимир Шимко, чия парцела на линиї Сейкох. Днї паприґи прешли без виходу на оглядне польо, понеже спонзоре оглядного поля зоз гибридом нє були заинтересовани за презентацию. Вироятнє же и паприґа на оглядним полю нє сполнєла обчекованя спонзора, алє як толковали фаховци и паприґаре, тота сезона була наисца чежка за пестованє паприґи. До Шимка на польо пришли даскелї фаховци з обласци защити заградкарства, паприґаре з валалу и околних местох, а найвецей ше бешедовало о проблемох з котрима ше зочовали заградкаре у тогорочней продукциї, як и можлївосцох за злєпшанє квалитету и квантитету урожаю. Як Шимко потолковал, скорей мал и вельо красшу паприґу, алє є задовольни и зоз 31. АВҐУСТ 2018.

тогорочну. На його парцели каменєц падал лєм раз, алє праве теди направел чкоду од 60 одсто, цо потвердзели и зоз осиґуруюцей хижи. Медзи шицкима обставинами, паприґа у релативно добрим стану. Попри шицким, нащивителє Шимковей паприґи з дильова розпатрели и други сушедни парцели, та ше поровновало же наисце важна технолоґия котру ше хаснує, як и благочасова и адекватна защита паприґи, понеже на истим терену єст барз вельки розлики. Медзи госцами и викладачами на Манифестациї були и даскельо представнїки одкупйовачох. Так велї паприґаре зоз своїма сотруднїками обишли свойо поля, алє без присуства явносци. То и причина чом на паприґу до Шимка пошло релативно мале число людзох, цо наисце и була причина пригваркох паприґарох госцох з околних местох. Як конєчне заключенє утвердзене же того року будзе зменшани и квалитет и квантитет урожаю, а же будзе вельо векше понуканє паприґи другей класи котру ше прерабя у хладзальньох. БОГАТШИ ЗМИСТИ Орґанизаторе пробовали збогациц змисти Манифестациї, та орґанизоване и змаганє у вареню айвару зоз керестурскей паприґи. Медзитим, одволанє змагательох було мале, так повесц символичне, алє по шицким задоволююце за перши рок. У вареню айвара ше змагали три екипи, два домашнї з валалу и єдна зоз Парачину, а зоз тайним гласаньом жири першу награду додзелєл Михайлови Фейдийови з валалу. У змагательней часци дзе ше традицийно вибера найчежша паприґа тей сезони, було шейсц паприґи, а найудатнєйши продукователь бул Керестурец Зоран Йованович, чия паприґа мала аж 453 ґрами, цо аж за 50 ґрами вецей од побиднїцкей прешлого року. Йованович наградзени зоз диґиталну мажочку, а орґанизатор му пожадал успишну сезону. Анґажовали ше и троме млади ґлумци аматере – Себастиян Няради, Андрей Орос и Иван Емейди, та пред Манифестацию зняли видео скеч як наяву, а на Манифестациї було и його предлуженє.■

ОРҐАНИЗАТОРЕ ЗАДОВОЛЬНИ – Манифестация каждого року вше успишнєйша, як орґанизаторе зме наисце задовольни. Гоч кельо напарте орґанизовац таке збуванє, ми знаме же шицко добре покончене кед видзиме яке вельке число людзох приходзи на Манифестацию, а котре з рока на рок вше векше – гварела Душица Ороса

РУСКЕ СЛОВО 13

ЕКОНОМИЯ САЯМСКИ МАНИФЕСТАЦИЇ У ПРОМОЦИЇ БИЗНИСУ

РЕЗУЛТАТИ ШЕ УКАЗУЮ ПРЕЗ ЦАЛИ РОК

Пише: Мирон ГОРНЯК КУХАР

Вельо ше треба пририхтовац за озбильне участвованє на тарґовищу и на вельких польопривредних манифестацийох, дакеди аж и през вецей ґенерациї поднїмательох. На таких манифестацийох вредзи участвовац, видзиц и буц видзени, бо нє досц лєм випродуковац, алє треба и предац у велькей конкуренциї. Нєт лєпши тест як цо Медзинародни польопривредни саям у Новим Садзе

ешедуюци о ефектох и упечаткох зоз и после медзинародного Польопривредного сайма у Новим Садзе, власнїк „ВОС системи” зоз Жаблю Люпка Тиркайла наглашела же ше указало як добре же манифе стация тирвала од вовторку до пондзелку, а нє до нєдзелї, як пред тим, та цалком вихасновани днї викенду. То було видно и по велїх нащивительох. – На Сайме, як уж то традицийно, зме мали штанд, вельо нащивительох и заинтересованих, з тим же нам менєй интересантни тоти хтори лєм любопитлїво и туристично преходза – гварела Тиркайлова. ВАЖНИ КОНТИНУИТЕТ УКЛАДАНЬОХ – Нє мали зме подписованє даякого векшого дїловного контракта през днї Манифестациї. То було влонї, алє як резултат дво-тромешачних пририхтованьох. У принципу, сайми нам найбаржей служа за стретанє и упознаванє. Конкретно за нас, односно нашу продукцию и предаванє опреми за швинярство, важне тото же

14 РУСКЕ СЛОВО

єст континуитет укладаня до швинярства. Пред даскельома роками нє було так и нє було тельо интересованя. Тераз ше зявюю нови продукователє, а стари ше осучаснюю и того єст вше вецей – потолковала Тиркайлова. Важне и тото же дзепоєдни вельки, практично од найвекших компанийох укладаю до швинярства. Медзитим, по Люпкових словох, на жаль, у тим напряме держава того року затаєла зоз потримовку у смислу же ю дала лєм за два кредитни лениї, а влонї було за осем кредитни лениї. ҐАРАНЦИЇ ЗОЗ КВАЛИТЕТОМ И ИСКУСТВОМ – Можем заключиц же ми добре робиме и добре дїлуєме зоз продуктами хтори сами правиме у фабрики у Жаблю. Стоїме за тим цо робиме и ґарантуєме зоз квалитетом и искуством. Важне и мило нам кед муштерия ознова приходзи ґу нам, бо то и найлєпша реклама. 31. АВҐУСТ 2018.

ekonomija@ruskeslovo.com

У тей фабрики маю широку палету продуктох. Жабельска „ВОС система” ДОО ма опрему за карменє швиньох, одно сно за прашачки, за автоматске карменє, бокси, за карменє прашатох, плочи за зогриванє на цеплу воду и струю, сило си за покарму, пластични рошти и панели за швинї. Тиж, ту и вентилацийна опрема, медзи хтору и автоматски клима компютери, як и конструкциї монтажно-демонтажни за фарми, продукцийни хали и маґацини. За дїловни особи на тарґовищу важни и одпочивок и релаксация, та так и Любка Тиркайлова после велькей роботи була у Москви и Санкт Петербурґу. – Досц путуєм, нєдавно сом пришла з Русиї, дзе сом була зоз пайташку и можем повесц же було прекрашнє, а вжиме любим пойсц до цеплєйших крайох, наприклад даґдзе до Азиї. На концу, можем повесц же як и у роботи, и у туризме важне буц у добрим дружтве – гварела Тиркайлова.

У КЕРЕСТУРСКИМ ХОТАРЕ

ПОЧАЛА ЛАМАЧКА

МЛАДИ НЄ БАРЗ ЗАИНТЕРЕСОВАНИ ЗА МЕСАРСТВО И ШЛОСЕРСТВО И попри добрих искуствох ремеселнїкох, аж и на вельких манифестацийох як цо то Медзинародни польопривредни саям, прешлих рокох у Сербиї на штредньошколских напрямох хтори школую будуцих пекарох, месарох, тишлїрох лєбо шлосерох, приявйовали ше лєм по єден, двойо, до тройо школяре. Наприклад, тарґовински ланци углавним глєдаю месарох тарґовцох, док у клальньох потребни месаре кланїчаре. Роботодавци були порихтани аж и обучовац младих, плациц школованє и дац добри условия роботи. Алє, месарох нєт на тарґовищу роботи. Индикативне же образовни профил месар кланїчар, наприклад, у Сриме єст у Поживово-хемийней школи у Сримскей Митровици и у Польопирвредно-поживовей у Руми, алє у прешлим школским року вони нє уписали анї єдного школяра на тот напрям.

КОЦУРСКИ КОЛБАСИ ПОШЛИ ДО АФРИКИ На 85. Медзинародним польопривредним сайме у Новим Садзе свойо продукти виложела и Самостойна месарско-колбасовска ремеселнїцка роботня „Дачо” Данила Сакача, поднїмателя зоз Коцура, хтори роби на стари квалитетни способ, а то му принєсло и успих на Сайме. – Вредзело присц на тот Саям, мали зме вельо нащивительох, заинтересованих, як и роботи и поруджбини за познєйше – гварел Данил. – Нащивели нас представнїки ресторанох зоз Беоґраду, Лесковцу, Войводини, хторим значни квалитет и почитую продукти хтори ше прави на стари, давни 31. АВҐУСТ 2018.

способ, без адитивох. Так нашо продукти пошли зоз тей велькей польопривредней манифе стациї и до Южней Африки. По Данилових словох, вон аж анї нє мушел плациц закуп свойого штанду на Сайме, бо то плацела АП Войводина – вязане зоз Здруженьом поднїмательох, коло 30 подприємством держава помогла промововац свойо продукти. Роботня „Дачо” може буц пишна и прето же ю поволала делеґация зоз Горватскей же би викладала свою робу у Заґребе на сайме. На чесц то и предком Данила Сакача (хтори учели ремесло, як ше то гвари, ище у Шваба у своїм валалє), бо вон власнїк найстаршей месарско-ремеселнїцкей роботнї у Войводини, хтора нє загашела роботу и тирва од 1929. року. ■

У хотаре Руского Керестура штредком авґуста почала и ламачка вчасних сортох кукурици, а по словох парастох, урожай векши и за 30 одсто як звичайно, а даґдзе и вецей. Гоч ламачка пришла вчас, як ше заклада, урожай будзе вельо векши цо цалком нєзвичайне. Тому сиґурно допринєсло же кукурица достала дижджу праве у фази веґетациї кед єй найбаржей требало. Звекшани урожай на своїм полю медзи першима виламал и Звонко Надь хтори посадзел вчасни „пионирово” сорти и задовольни є зоз урожайом хтори затераз змесцел до своїх чардакох. Як дознаваме у подприємстве „Юарбис”, хторе одкупює лупану кукурицу, гоч єст парастох хтори мераю влагу своєй кукурици, вона ище нє за лупанє.

Тераз влага зарна од 25 до 28 одсто и таки урожай мож змесциц до чардаку, док за лупанє оптимална влажносц коло 14 одсто, та на тото ище треба причекац. На основи того же дзепоєдни одкупйоваче уж дали свою цену, заклада ше же и попри велького урожаю цена кукурици годна буц барз нїзка, яка є уж вецей роки, а то 12–14 динари на бази 14 одсто влаги. М. А.

РУСКЕ СЛОВО 15

КУЛТУРА И ПРОСВИТА СЕДЕМНАСТА МАНИФЕСТАЦИЯ „ДНЇ НОВОГО ХЛЄБА” У НОВИМ ОРАХОВЕ

ДВА ДНЇ РОЗВАГИ И ВЕШЕЛЯ ВАЛАЛЧАНОМ

Всоботу и внєдзелю, 25. и 26. авґуста, у Новим Орахове на спортских теренох отримана 17. Културна манифестация „Днї нового хлєба”. Перши дзень Манифестациї бул пошвецени младим и спорту, а други старшим хтори ше змагали у вареню паприґашу. У културно-уметнїцкей програми наступели дзевец КУД-и, а свойо танци и шпиванки указали нашо дружтва – КУД „Жатва” зоз Коцура и домашнї КУД „Петро Кузмяк” Пише: Александар ПАЛАНЧАНИН

о бул мотив же би ше у Новим Орахове пред седемнац роки отримала перша Манифестация „Днї нового хлєба” уж вецей анї нє таке важне. Вона постала традиция хтора збогацує културни скарб, доприноши мултикултуралносци. Постала прицагуюци елемент шицким нащивительом, а валал Нове Орахово достало свойо место на мапи култури нє лєм за припаднїкох мадярскей и рускей меншини. Мено под хторим ше отримує, тиж так своєродни и специфични мотив за сходзенє. Бо нє вше начури вельо жита после косидби, алє кельо зродзи, новому житу и хлєбу ше вше радуєме. Прето им и треба указац чесц. СПОРТ И МЛАДИ

Младим на седемнастей Манифестациї „Днї нового хлєба” у Новим Орахове резервовани перши дзень. З тей нагоди отримани турнир у малим фодбалу на хторим участвовали дзевец екипи, а найлєпша була екипа зоз Нового Орахова. Друге место освоєла екипа зоз Ґунарошу, а треце екипа „Фламенґо” зоз Нового Орахова. Но, важне надпомнуц же на турнире найвецей уваги мало стретнуце екипох когуцикох зоз Торньошу и Нового Орахова. Понеже ше источашнє бавели и други змаганя, коло їх терену було найвецей публики. Були то найвирнєйши навияче, углавним родзина и родичи младих, можебуц будуцих фодбалских гвиздох. Видзени добри комбинациї, дриблинґи, алє и нєлапшни поцаги малих фодбалерох. Алє пред нїма час кед шицко цо нє добре виправя. На тим малим дербию сушедних валалох лєпша була екипа зоз Нового Орахова хтора победзела своїх парнякох зоз резултатом 7:4. Пополадню истого дня отримани „Бависка без гранїци”. Бависка на тим змаганю були як и назва – без гранїцох. Були приявени шейсц екипи хтори мали по седем

16 РУСКЕ СЛОВО

членох. Состав екипох нє бул важни – у екипи були и хлапци и дзвчата, а нє були анї з истого места. Змагательни дисциплини були вшелїяки, таки же нє була барз значна кондиция, бо були баржей забавного характеру и виволали вельо шмиху у публики. Найинтересантнєйше було змаганє у вибераню балона з води, а без рукох, потим у шпиваню под воду. Шлїскаюце ґуґланє виволало вельке интересованє, бо учашнїки нє мали кулї, алє шлїскаюци ше по фолиї требали звалїц цо вецей бабки... Найлєпша екипа у бавискох була „Треф 6” хтора у составе мала штирох членох зоз Нового Орахова и двох зоз Канїжи. По конєц першого дня манифестациї на отворених спортских теренох у Новим Орахове указани схопносци любительох канґуа, фитнеса и зумби на хторим участвовали вецей як трицец учашнїки. У забавней часци хтора почала после спортских змаганьох отримана „журка” на хторей младах забавяли Ди Джей Муки и ґрупа „Фрик аут”. ПАРТКИ, ЛЕПИНЇ, ПАПРИҐАШ И ВИНО Нєдзеля тиж була наменєна за змаганє, алє старших – у вареню паприґашу. На тото змаганє ше приявели штернац екипи, а три найсмачнєйши паприґаши, по оцени специялней комисиї достали вредни награди. Стриберни погар и други награди достал Атила Байтаї, хтори жец познатого дакедишнього фодбалера Яким Гайдука, старшого. – Мам чесц и задовольство же сом участвовал на тим змаганю, а окреме прето же сом ораховски жец. Мою екипу твори насампредз родзина. Док зме були у валалє робел сом у погосцительстве, та мам даяки предзнаня кед слово о вареню. Велькей тайни нєт. Можебуц же мой способ пририхтованя доприноши доброму смаку, алє тайомни присмачки нєт. Потераз сом ше вецей раз змагал и мал сом добри успих и освоєни награди. Так же пракси мам 31. АВҐУСТ 2018.

kultura@ruskeslovo.com

досц. Кед слово о присмачкох, найважнєйше мац добру мелку паприґу, а насампредз добру екипу. Моя супруга и я, односно наша фамелия тераз жиєме у Ирскей и часто и там варим паприґаш за товаришох – гварел Атила. Секция женох „Чипкерожа” зоз Нового Орахова, як и прешлих рокох пририхтала виставу ручних роботох. Постої уж двацец роки и вельо раз є на числених виставох наградзена. – У секциї нас єст коло трицец. Каждей стреди ше сходзиме у просторийох нашого дружтва. Ту ше догваряме, радзиме и помагаме єдна другей. Робиме шицко, а найвецей вишиваме партки, салветки, гекламе и штрикаме. Най нє начишлюєм, шицко цо нам ше пачи и цо видзиме даґдзе. Одкеди постої секция ходзиме и индзей на вистави. Звичайно то вистави хтори ше каждого року отримує у другим городзе у Войводини. З таких виставох каждого року до валалу принєшеме числени награди. И то нам єдина сатисфакция. Заробку нєт, дакеди було, алє маме вельке задовольство – гварела Ибоя Гайдук член секциї. На теренох ше источашнє отримовала и дзецинска часц програми хтору орґанизовала школа и учительки зоз своїма школярами, под назву „Улїца за бавенє”. Дзеци складали чардаки з чуткох, цильовали зоз лабдочками, рисовали. За кажди успишно одробени задаток, односно одбавене бависко, достали бони з хторима могли купиц лакотки на вашарскей часци. Клуб стрилцох зоз Байши указали свою схопносц у цильованю зоз стрилками, а шицки присутни могли коштовац вино хторе принєсло Здруженє винарох зоз Карасу зоз Мадярскей. Здруженє винарох у тим малим валалє у Мадярскей хтори збратимени зоз Новим Ораховом, постої двацец роки. То познати винїцарски край у Печуйским округу. – Здруженє зме оформели, бо зме сцели предлужиц традицию наших предкох. У здруженю нас єст 44 винарох, а у Карасу винїци маме на 6 гектарох. У околїску, найблїзших валалох єст вецей як 250 гектари винїци. Найвецей ше продукує сорти Шардоне, Цвайґер и Белава Франковка. До Нового Орахова на деґустацию зме принєсли нашо вина: Розе, Каберне, Севиньон и Италиянски ризлинґ. Треба надпомнуц же ми вино продукуєме на традицийни способ, без хемийних додаткох. Вино стої у древених гордовох, а и шицко друге цо ше хаснує у продукциї вина таке як цо дараз давно було. Рочнє випродукуєме коло 5 тисячи литри вина. По числу наградох хтори доставаме каждого року мож повесц же є доброго квалитету – гварел Адам Тофнер, предсидатзель Здруженя винарох зоз Карасу. Тиж так отримана и деґустация лепиньох хтори порихтали жени зоз форуму „Армида”. На їх штанду цали час

31. АВҐУСТ 2018.

ДЕФИЛЕ ЗАПРАГОХ Пополадню пред початком културно-уметнїцкого концерта, конїкаре зоз валалу и околїска мали дефиле. Як и потераз, нови хлєб превежени по улїцох Нового Орахова, а потим виложени на бини. – Ми, односно наша фамелия, однєдавна вошла до швета конїкарства. Конї маме три роки. Вибрали зме тоту файту, бо су красни на око. Насампредз прето же су двофарбово и цифровани. Но, нє чиста су файта. У ґенох маю, по фарби мож повесц, характеристики файти Джипси. Вредносц им од 800 до 1000 евра, а мож их хасновац за роботу. Ми их углавним хаснуєме за шедланє и уживанє. Потераз зме вецей раз участвовали на подобних дефилеох и прето зме задовольни – гварел Федор Томич, конїкар зоз Бачкей Тополї.

була велька гужва и було барз чежко дойсц до лепиня. То, очиглядно, потвредзує же були смачни. КУЛТУРНО-УМЕТНЇЦКА ПРОГРАМА У културно-уметнїцкей програми хтора потим отримана участвовали дзешец културно-уметнїцки дружтва – зоз Ґунарошу, Кевию, Торньошу, Сузи (Република Горватска), Сентешу (Република Мадярска), Пачиру, Байши. Члени КУД „Жатва” зоз Коцура ше на манифестациї у Новим Орахове представели зоз шпиванку „Панонска ровнїно” хтору одшпивала Дарина Михнякова у провадзеню Любомира Сакача на гармоники. Фолклорни ансамбал одтанцовал хореоґрафию „Коло водички” хореоґрафа Владимира Ивана. – Манифестация „Днї нового хлєба” источашнє и днї нашого валалу. Орґанизацию, финансованє и шицко друге сами окончуєме. Уключена, насампредз, Месна заєднїца Нове Орахово, а тиж так и шицки други валалски здруженя и цивилни орґанизациї. Доставаме и помоц од других структурох и спонзорох. Од того року зме до програми манифестациї уведли и додзельованє припознаня давательом креви и ту уключени Општинска орґанизация „Червеного крижа” зоз Бачкей Тополї – гварела Гайналка Шипош, предсидателька Вивершного одбору Месней заеднїци Нове Орахово. По сле пошвецаня нового хлєба, предлужена програма. Закончена є позно вноци по сле концерту Золтана Берецкия зоз Мадярскей и Жарака Прибаковича зоз Бачкей Тополї и „Улїчного балу” на хторим грал орке стер „Хомокора”. ■

РУСКЕ СЛОВО 17

КУЛТУРА И ПРОСВИТА ОТРИМАНА 33. КУЛТУРНА МАНИФЕСТАЦИЯ „МИКЛОШЕВЦИ 2018”

ВИТИРВАЛО ПЕСТУЮ ТРА ДИЦИЮ

У Миклошевцох, 25. и 26. авґуста, у орґанизациї КУД „Яким Ґовля”, а под покровительством Совиту за национални меншини РГ и сопокровительством општини Томповци, та Союзу Русинох РГ, отримана 33. Културна манифестация „Миклошевци 2018” соботу у просторийох основней школи отворена вистава вишивкох КУД „Яким Ґовля”, а потим поетскоВ музични вечар на хторим промовована кнїжка Агнетки

Балатинац „Ґомбуля”. Вечаршу програму означел цаловечарши концерт новосадского РКЦ. Пре екстремно нєвигодну хвилю, першираз по велїх рокох, нє пришли бициґлисти зоз Руского Кере стура. Оправдана причина, алє чкода же традиция мушела буц претаргнута. Пред Службу Божу, внєдзелю, на памятней площи погинутим у Отечественей войни, положени венєц и запалєни швички з боку институцийох з Миклошевцох и Томповцох, и КУД „Яким Ґовля”. Службу Божу одслужел о. Янко Колошняї зоз Канади, а сослужовал домашнї парох о. Роман Ступяк. ЦАЛОВЕЧАРШИ КОНЦЕРТ НОВОСАДСКОГО РКЦ Концерт отворела фолклорна ґрупа „Ветеранки”, зоз хтору руководзи Миломир Шайтош, зоз танцом „Раковецкий кручений танєц”, а у програми одтанцовали и „Женски руски танци зоз Марамурешу” и на концу „Фляшков танєц”. Хор „Гармония”, зоз хторим дириґує Сузана ҐросМаркович, одшпивал три шпиванки – „Били орґони”, „Мила моя” и „Розпрягайте хлопци конї”. Младежска фолклорна ґрупа хторей руководителє Андреа Бики, Тамара Салаґ и Михаїл Римар виведла хореоґрафию „Стародавни танци зоз Шаришу”, а Хлопска шпивацка ґрупа з руководительом Борутом Павличом одшпивала шпиванки „Желєнєє жито”, „А я хлапец Капущан” и „А я себе порадзим”. Фолклорни наступи провадзел оркестер РКЦ-у хторому руководитель Мирослав Пап. Вони одграли и два композициї, „Верба” и „Бабушка”. На концу програми подпредсидатель Национално совиту Рускей националней меншини у Сербиї Йовґен Мудри подзековал домашнїм

ВИСТАВА ВИШИВКОХ И ПРОМОЦИЯ КНЇЖКИ Виставу вишиваних заглавчкох у голу Подручней школи у Миклошевцох отворела Леся Мудри, учителька мацеринского язика, а пририхтали ю активни жеми КУД „Яким Ґовля”. Коло шейдзешат заглавчки позберани у валалє, од домашнїх ґаздиньох. Поскладани по мотивох: дзецински, ружовани и „з таблїчками” прибрали амбиєнт на промоциї, а успишна женска шпивацка ґрупа з даскелїма рускима шпиванками розвешелєла тот поетско-музични вечар. У школи була и вистава роботох Дружтва „Нашо дзеци” дзе мож було и купиц рижни прикраски. Кнїжку поезиї „Ґомбуля” видал Союз Русинох Републики Горватскей, та о нєй бешедовала Вера Павлович, главна и одвичательна редакторка видавательства Союзу. Окрем авторки Агнетки Костелник Балатинац, писнї зоз єй найновшей кнїжки читали и Матей Мудри, Сабина Ждиняк и Леся Мудри, а биоґрафию поетеси пречитала Анамария Мудри. М. Римар

18 РУСКЕ СЛОВО

на поволанки, а Славко Ждиняк, предсидатель КУД „Яким Ґовля” госцом уручел пригодни дарунки. НАСТУПЕЛИ ОСЕМ ДРУЖТВА Централна манифестация „Поздрав ровнїни” отримана внєдзелю пополадню на 15 годзин, а наступели осем дружтва. Медзи визначнима госцами замерковали зме тайомнїка Союзу Русинох РГ и члена Совиту за национални меншини РГ, Звонка Костелника, началнїка општини Томповци Здравка Звонарича, та прочелнїцу за туризем и култутру у Вуковарско-сримскей жупаниї Марию Будимир. Медзи осем дружтвами наступело и єдно мадярске зоз Чаковцох, єдно бошняцке зоз Райового Села и єдно ромске зоз Дарди. Од наших дружтвох наступело домашнє КУД „Яким Ґовля” зоз шицкима секциями, КУД „Яким Гарди” зоз хлопску шпивацку ґрупу и старшу фоклорну секцию, КД Руснацох з Винковцох, Дружтво Руснацох Цвелфериї з Райового Села и Дружтво „Руснак” зоз Петровцох. Поведли бизме же уж преходзи до традициї же би манифестацию отворел о. Янко Колошняї зоз свойофайтову гимну манифестациї под назву „Миклошевци”. Потим зме мали нагоду насправди уживац у фолклорних досягох наймладшей Миклошевскей фолклорней ґрупи, а нє заоставала анї дакус старша. Аж бизме могли повесц же поставаю вше лєпши и схопнєйши. Танци им поставя хореоґраф Звонко Костелник, а за наступи их пририхтує Виолета Гирйовати. У двогодзиновей програми котру водзела Сабина Ждиняк, патраче мали нагоду чуц и побиднїцку писню зоз дюрдьовскей манифестациї „Най ше нє забудзе”, женскей шпивацкей ґрупи КУД „Яким Ґовля”. Прекрасни наступ фолкорней секциї КУД „Яким Гарди” зоз Петровцох и хлопску шпивацку ґрупу истого Дружтва. Руснаци з Винковцох, з Райового Села и Дружтво „Руснак” з Петровцох наступели зоз рускима народнима шпиванками, а хвиля праве тельо потримала же под час манифестациї нє падало. И тогорочна манифестация прешла у радосци и злагоди, а вше сердечни домашнї, указали же їх вельке шерцо дзечнє привита каждого хто приходзи патриц тоту манифестацию котра тирва уж 33 роки.■ А. Балатинац и В. Вуячич 31. АВҐУСТ 2018.

АВҐУСТ

2018. рок ЧИСЛО 7

ТЕМА: ПОЕЗИЯ И ВЕЧАР МЛА ДИХ На Озерку, у Руским Керестуре, 4. авґуста отримане музично-литературне стретнуце младих авторох у рускей заєднїци. Нови стихи, гласне слово и рижни мриї лєцели у воздуху. Руска творчосц ма историю и традицию, хтору ше почитує и допатра, а млади предлужую нїтку и охабяю власни шлїди и крочаї у нашей писаней творчосци. Вони нє забуваю власне слово и язик, а кельо збогацую себе, тельо и руску културу. Вечар младих авторох ище єдно потвердзенє же млади творя и пренаходза ше у литератури. На шлїдуюцих бокох можеце пречитац їх твори.

31. АВҐУСТ 2018.

Ася ПАПУҐА *** Накруцени полцорово бабки хтори кажди дзень повторюю свою сиґурну, милу, драгоцину, устаємнєну драгу. Крочай на лїво – крочай на право. Єден – два. Тик – так. Напредок здумани бешеди, реакциї, мимика, витрошени франти, кревожадни ошмихи, жвирска глад, ґрабанє, надрилююци комплименти, аґресивни флерт, силованє. Димензия свидомосци паралелна з одгуком змарзутей, злїпеней, престатей даремносци у вистатих, витрошених, випитих, цемних очох. Аж анї крик вецей нє постої, Еґо и Алтер еґо зосушени, трансформовани и злучени до згнїтого паметаня, з хторого хробаки успишно правя и свою остатню госцину. Стари, шиви, покруцени косцанїки у младих целох ше цагаю на храставих брухох и нацагую чарни, кирвави, тварди руки нє знаюци же отровни тромби у їх главох, а нє венох. ”Гибай. Мушиш. Дай ше.” Зомби апокалипса. Тик – так.

РУСКЕ СЛОВО 19

literaturne@ruskeslovo.com

ТЕМА: ПОЕЗИЯ И ВЕЧАР МЛА ДИХ Денис НАДЬ

БОЇМ ШЕ Ти ми даваш цошка цо сом длуго нє мал. То чувство же ме хтошка сце любиц. А я ше од такого уж так оцудзел, Боїм ше, же шицко можем лєм погубиц. Склєняне шерцо ми у фалаткох, Можебуц го и маш моц полїпиц. И кед бим ци то допущел, Боїм ше, Же ше на склу можеш лєм покалїчиц. Гоч як да ци було крашнє зо мну, Нє можем ци допущиц най ме любиш. Чежкей дзеки ци гварим нє, прето же Боїм ше, Же ше и ти пре мнє исто так оцудзиш.

Михаил РАМАЧ

*** Нє старай ше за мнє моя мила ту у шерцу моїм ши зажила кед заболї нє повем же пре це дармо без це ковац свойо щесце Нє старай ше кед цихосц однїма найдзем прави слова, добри сом зоз нїма сциґанїм же з тобу нє ма вязи заш поглєдам стари драгокази

Жарко ОСТОЇЧ

Кристина АФИЧ

ЧУВАЙ Ю

СИСТЕМА ПРЕПАСЦИ ЖЕМСКОГО ЖИВОТА Стоїм на штред безконєчней улїци. Як судия ше припатрам на розлуку шерца и розума. Задумано патрим на розшате нєбо у жвератку тей длугокей улїци. Одблїскую тоти розжирячени шветлочка, од тей цмей и забрудзеней ровнї. Починаме забувац хто нас трима за талпи, хто отримує нашу ровновагу. Свидомо ґажиме по главох наших предкох. Ґажиме по їх златних корунох на главох, з надїю же забудземе на нашо зачаце. Брудзиме Жем зоз чимшик фалшивим. Приходза думки, алє их витор розноши. Розплашує їх циль, же би були виповедзени. Стоїм ище вше на штред тей улїци, припознавам уж барз злєкнуто. Здоганяю ме зли витри, розноша, сцу ме зарабровац, же бим постала ище єдна од їх слугох. Сцу най забудзем хто сом и цо сом. Нє саную ме. Галаво єдза шицко опрез себе, безочно охабяю за собу шлїди катастрофи... З часом, здогонєли и мнє. Швидко однєсли и остатню отрушинку моєй души. Розплєтли нїтки мойого слабого шерца и запановали над Жему. Пре жаданє за власцу и галавосц, запановала конєчна цмота на Жеми. Вони нє похопели же достали лєм найменшу точку од цалей безконєчносци. Нєбо ше теди розплакало, з надїю же умиє тот грих. Безуспишно...

Чуєш ме ти, цо вноци швициш и плїваш по нєбе? Гей ти, таки пишни Мешацу. Обрацам ше тебе. Треба ми помоц, а ти ми помогнєш, то знам. Даєдни ствари я нє можем зробиц сам. Я лєм мали чловек ту на жеми, Нє видзим кельо видзиш ти, Бо ти, заш лєм, горе у вселени Патриш на нас шицких и на нашо сни. Поглєдай ю, уж кед ши там. Глєдай ю, пребач же це загварям. Поведз ми такой накадзи ю збачиш. Нє бой ше, кед ми помогнєш, нїч нє страциш.

Томи РАЦ

НЇЧИЙ КРИК „ПОМОЦ! ПОМОЦ!” Кричал сом наглас. Кричал сом лєм ме нїхто нє чул! Чом ме людзе нє чую? Чи ме наисце нє чую, чи ме лєм нє сцу чуц?

Поведз витру най свойо найслабши и найцеплєйши сили пущи на ню. На твари ше єй зяви ошмих мили. И пренєш єй же як ю любим док будзе лєгац. Досц лєм тельо будзе, нє мушиш за ню бегац. Чувай ми ю док ю нє найдзем, док ше нє враци. Чувай ми ю од злих людзох, чувай най ше нє страци. Ошвиц єй драгу ґу мнє, драгу по дом. А вец я превежнєм одвичательносц за свой наймилши сон.

„МОДЛЇМ ВАС! МОДЛЇМ ВАС!” Модлєл сом ше им. Нє раз, нє два раз, сто раз, можебуц и двасто раз! Видзим же мойо молитви уж анї до бога нє досцигую, уж верим же и вон сам дзвигнул руки одо мнє, як и шицки други. „ТУ СОМ! ТУ СОМ!” Сцел сом най ме найду. Опатрел сом добре, алє ме други нє видза! Нїхто нє обраца увагу на мнє, Справую ше яґод да сом одпаднїк даяки.

Раз кед витри, болї ми задаю ґу себе дильови поволаю виволам ци кого любел сом єдино твой сом длужнїк моя Войводино

„ШВЕТЛО! ШВЕТЛО!” Требало ми у тей цмоти. Алє у цмоти нє було нїкого да го запалї! Випатра сом сам ту, сам самучки, алє нє старайце ше о мнє, я навикнул уж.

Шнїєм о це, кед ше жито тлачи нашмеяни дзеци на Мутнячи на салашу пил бим води зоз студзенки и облапел бабу кед гласка пацерки

„ПОЙДЗЕМ! ПОЙДЗЕМ!” Уж спаковани ми ствари, Вежнєм шицко мойо, гоч ми цали живот станє до кишенки! Сам то шицко поробим, без цудзей помоци, Нє так же було дакого да ше ми спроциви.

Шнїєм дїда як зоз коньми оре од кеди паметам вон на нєбе горе задумуєм його твар нашмеяну пишни на предкох у нєбеским океану

„ЗБОГОМ! ЗБОГОМ!” Довидзеня швеце. Тераз видзим твойо праве лїцо! Наздавам ше же ше шицко тото пременї, Лєм ше боїм же я ту нє будзем то видзим.

20 РУСКЕ СЛОВО

31. АВҐУСТ 2018.

РУСКЕ СЛОВО 21

literaturne@ruskeslovo.com

ТЕМА: ПОЕЗИЯ И ВЕЧАР МЛА ДИХ Денис НАДЬ

Михаил РАМАЧ

Жарко ОСТОЇЧ

Кристина АФИЧ

ЧУВАЙ Ю

Томи РАЦ

20 РУСКЕ СЛОВО

31. АВҐУСТ 2018.

РУСКЕ СЛОВО 21

ПРИКАЗИ, РЕЦЕНЗИЇ, РОЗГВАРКИ, ДРАМА, ПРОЗА…

ШЛЄБОДНА ТЕМА – Таке нєприкладне справованє нє шмеме допущиц – гуторел груби глас, моцного хлопа у рокох. – Тот ше одшмелєл потупиц огранїченя – предлужел, указуюци на поганьбеного хлапца. – Одвше вам гуториме же ше муши писац з писанима буквами, а нє друкованима. Шицки огранїченя здумани же би вам указали як треба же бисце ше справовали, робели и роздумовали. Млади уха хтори тото слухали прилапйовали тоти информациї як єдини можлїви способ думаня. Шицким твари були озбильни, хрибти випросцени, теки отворени, клайбаси застругани и руки на лавки. После длугокого монолоґу о тим цо ше шме, а цо нє, почала бешеда о составу хтори кажде з нїх муши написац. – Як цо сом гварел, состав мушице здумац сами, ту муши буц виражена ваша креативносц. Алє, запаметайце, способ писаня, словнїк и рядошлїд точно одредзени! Од того ше нє шмеце оддалїц – толковал далєй тот исти. Зявела ше єдна рука дзвигнута понад главу, хтору такой замерковал тот цо до теди єдини бешедовал. – Можеш повесц цо ши сцела – гварел. На тото преволанє, дзивче цо дзвигало руку, стануло. – У тим нашим составе можеме описац прешвеченосц зоз кнїжку хтору зме читали прешлого тижня? – питала ше. – Можеце, алє о тим сце уж писали прешлого тижня. Майце дакус ориґиналносци. Ма ище дахто предкладанє? – зоз швидким обрацаньом глави пробовал ґлумиц глєданє тот, цо бул авторитет. За тот рух вон думал же є гумористични и же пре ньго викладаня нє допити. Ище єдна рука ше зявела у воздуху. – Можеме писац о фодбалу? – питал ше єден з хлапцох. Шицким хлапцом ше на твари зявела надїя же нашли тему за писанє. – Анї най сце нє подумали на таке дацо! – нагнївано их опомнул старши чловек. – Можеме писац о уметносци? – опитало ше друге дзивче, после дзвиганя руки. – Може. То добре роздумованє. О чим ши точно сцела писац? – О поезиї, о писньох, о любови – предлужела. – Цо, о любови?! Нє, нє. О таких нїзкосцох нє мож писац – после даскелїх секундох предлужел. – Ма ище дахто даяку идею? – Можеме писац о уметносци мальованя? – опитал ше хлапец споза шицких, без дзвиганя руки. После заинтересованого попатрунку, того цо дава слово, предлужел. – Була внєдзелю вистава алтернативних малюнкох. Можеме о тим писац?

Кристиян СОПКА

– Як?! О таких нєприкладних стварох сцеш писац?! – поставел тоти реторични питаня розчервенєти главни медзи нїма. – Алє тот уметнїк достал награди у иножемстве и ... – пробовал потолковац тот цо розпочал тему. – Нє интересує ме! Ви нє шмеце на таки способ роздумовац. Прецо нїхто нє предклада нїч родолюбиве? Спомнїце биду у хторей жили вашо предки. Пишце о чежких роботох на полю. Тирвала добри двацец минути бешеда о темох. То бул ознова ище єден монолоґ у хторим ознова було опоминаня цо ше шицко нє шме. Точно описани деталї хтори муша буц спомнути у теми хтору виберу. – Маце шлєбоду виберац о чим будзеце писац – виводзел заключеня на концу монолоґа, о темох за писанє, пан главни. – Мушице буц креативни. Хаснуйце свою главу и напишце так як думаце же треба. Зоз тим закончена бешеда. Младим розумом було чежко розумиц контрадикторносц у тим шицким.

Число ушорела редакция ЛС: Александра Лендєр и Цецилия Надь. Фотоґрафиї Марина Джуджар

22 РУСКЕ СЛОВО

31. АВҐУСТ 2018.

kultura@ruskeslovo.com

НА СОБОТУ ТРА ДИЦИЙНИ ФЕСТИВАЛ НАРОДНИХ ОРКЕСТРОХ У ШИДЗЕ

ОДГУКНЮ РУСКИ МЕЛОДИЇ Єденасти по шоре фестивал народних оркестрох „Мелодиї Руского двору” будзе отримани на ютре, всоботу, 1. септембера, на лєтнєй бини у порти Лєтнєй владическей резиденциї у Шидзе. Ознова заграю оркестри зоз наших местох инструментални и вокално инструментални композициї. А їх наступ будзе провадзиц фахови жири як и публика. Жири преглаши три найлєпши оркестри (мали и вельки оркестер, як и найлєпшу интерпретацию), а публика вибере хтори найлєпши оркестер по єй смаку. Наградзени як и по тераз, достаню награду, хтора ноши мено професора и културного дїяча Еуґена Сабола Ґени, а то малюнки. Наступ оркестрох почнє на 19 годзин. Покля жири будзе приношиц одлуку, а публика гласац, у ревиялней часци Фестивала наступи СКУД „Єднота” зоз Шиду. Пред тим будзе у Лєтнєй владическей резиденциї отворена вистава малюнкох Андєлки Античевич, малярки зоз Беркасова на 17 годзин, а на 18 годзин буду отворени у порти етно штанди з традицийнима рускима єдлами и ручнима роботами. Уходнїца за фестивал, хтора источасно и гласацки лїсток, як и прешли роки, будзе коштац 100 динари. Орґанизатор Фестивала КПД „Дюра Киш” зоз потримовку Националного сови-

ту Руснацох, Заводу за културу войводянских Руснацох, парохиї Преображеня Господнього и локалней самоуправи. Орґанизаторе ше наздаваю же будзе красна хвиля, а кед же будзе падац диждж, Фестивал будзе у Културнообразовним центре. Вл. Дї.

У КУЛИ БУЛА ПРЕМИЄРА ПРЕДСТАВИ „ВАЙ-ФАЙ ПРИНЦЕЗА”

РОВНОВАГА МЕДЗИ СУЧАСНИМ И ТРА ДИЦИЙНИМ Ґлумци зоз Дзецинскей драмскей секциї кулского РКУД „Др Гавриїл Костельник” 24. авґуста у Културним центре у Кули премиєрно виведли представу „Вайфай принцеза” Людмили Шандаловей, у режиї Нади Лендєр. Дзешецеро ґлумци одбавели приповедку о хороти нєшкайшого дружтва, зависносци од интернета, и указали же вон источашнє и хасновити, кед ше го зна хасновац, алє и тото же треба направиц ровновагу медзи сучасним и традицийним. Векшина з нїх першираз ґлумела, а як после премиєри гварела режисерка Нада Лендєр, було чежко позберац тоту нову ґенерацию дзецох, хтори и нове богатство за Дружтво. У представи ґлумели Ве сна Вонич, Наталия Жирош, Мария 31. АВҐУСТ 2018.

Жирош, Дарян Пирожек, Мартина Барна, Серґей Барановски, Лара Сопка, Дарко Вукелич, Уна Пирожек и Невена Люмович. Премиєру патрело красне число публики, гоч у нєй хибело дзеци, понеже слово праве о дзецинскей представи. Гоч у даєдних сценох ґлумци нє були убавени и мали проблем зоз дикцию и руским наглашком, то розумлїве кед ше вежнє до огляду тото же велї з нїх анї нє бешедую по руски. До тей сучасней сказки удатно були попреплєтани руски дзецински розчитованки, загадки и шпиванки. За шветло бул задлужени Янко Лендєр, за тон Мирослав Стричко, за костими Дияна Канюґа, а текст представи на руски язик преложела Александра Лендєр. М. З. Г.

РУСКЕ СЛОВО 23

ЛЮДЗЕ, РОКИ, ЖИВОТ НАШ ГОСЦ: ЯНКО ХОМА – НОВИНАР, НОВОСА ДЯН, А КЕРЕСТУРЕЦ

ДВАНАСТИ ЯНКО ПО ШОРЕ… Пише: Любомир ДУДАШ

Лєгко, цалком, анї нє роздумовац о мену новонародзеному синови у Хомовей фамелиї у Руским Керестуре. По традициї чий корень уж и щезнул у рокох, та и викох, синови ше вше давало мено – Янко. Традиция жиє и далєй

ПАМЯТКИ КЕЛЬО СЦЕШ Предидатель валалскей младежи Янко бул у двох успишних мандатох. – Истих рокох, памета Хома, почало ше и зоз ватерплом. Порушали го дохтор Ярослав Колбас, Мирко Малацко зоз Комбинату и други. У нїяких условийох за тренинґи робело ше, и то добре, у другей Сербскей лиґи скоро штири роки. Младеж, та и я, як и шицки други, мали енерґиї за шицко, и вше єй було за добро шицким зоз валалу. У виводзацким фолклорним ансамблу Дома култури, Янко танцовал скоро седем роки, а и отамаль памятки за цали живот...

24 РУСКЕ СЛОВО

аш собешеднїк, Янко Хома, новинар Рускей редакциї Радио-телевизиї Войводини, дванасти по шоре. Його син, дабоме, тиж Янко – тринасти. – Роснул сом на концу, лєбо початку Нового шора, завиши лєм одкадз ше патри. Дзецинство насампредз, було щешлїве и веселе. Росли зме шицки у дружтве, а було нас на тим концу, лєм на Рибалове вецей як терашнї цали ґенерациї рапухох. Росло ше вельо худобнєйше як нєшка, алє зме одросли вельо, наисце вельо, богатше як нови ґенерациї… Нє було бависка, нє було телевизори, алє пайташох кельо сцеш, а ту и беґель, ту шлайс, тераз уж базен, ту стари млїн на Лонґове… Вше у дружтве, без телефонох и компютерох и… виросло ше. ШЕЙСЦ МЕШАЦИ ПРЕРОСЛИ ДО ДЕЦЕНИЙОХ – Штредню школу сом закончел у Кули, а Висшу польопривредну, напрям статкарства у Винковцох. Супруга Марча праве почала робиц у Телевизиї, у Рускей редакциї, од першого дня снованя и роботи, док я о новинарству анї нє роздумовал, якиш други плани були... Живот сцел иншак. Перше сом лєм на шейсц мешаци менял колеґиню на хорованю, а вец шейсц мешаци преросли до рокох, деценийох и тераз уж час роздумовац цо робиц у пензиї. А а тельо того остало нєзакончене же анї сам нє знам до чого ше перше лапиц – шмеє ше Янко. Зоз роботу цалком нормално пришло и дальше школованє. Перше ше наш собеднїк уписує на Високу школу политичних наукох у Заґребу, напрям журналистика, а

потим ище и Покраїнска школа у истим фаху. Робело ше и учело, а учиш ше, гвари вон, и з каждим новим дньом, дабоме, хто сце и ма дзеку. То єдноставно природна потреба кед сцеш напредовац. БОГАТСТВО КОТРЕ НЄ МА ЦЕНУ – Починаюци робиц на Емисиї за валал, вельо сом робел зоз нєдавно упокоєним Мироном Жирошом, алє и другима. И то була школа. Емисия за валал, теренска робота, найменєй раз тижньово, принєсла и числени приятельства, нових людзох, парастох и других до кругу блїзких приятельох. Якош потим, анї сам нє знам кеди, пришла и робота на соботових „Стретнуцох” котри робим и нєшка. Други часи то були, знало ше же на терен, до местох дзе жию нашо людзе, одходзиш порядно, тижньово, мешачно, рочно… Технїка була, за терашнї поняца, вшелїяка, а робело ше на пантлїкох, та касетох, а аж тераз и з новима технолоґиями котри олєгчую роботу до нєпрепознатлївосци. Мушиш знац прейсц и по интернету, а наша редакция перша и почала на тим у системи РТВ-а. А мушело ше познац и шицку роботу на персоналних рахункарох, студийней технїки… И…, мож то шицко кед чловек ма досц дзеки, схопносци и знаня. Робота мала и дала велї предносци, приятельох и познатих по ца лей тедишнєй держави, безчислени путованя, одходи до иножемства, мед зи тамтейших Ру31. АВҐУСТ 2018.

ljudze@ruskeslovo.com

снацох, Лемкох… То праве богат ство котре нє ма цену. – Крочайом назадок, здогадуєм ше и седемдзешатих рокох кед у валалє нє було анї дзе висц, анї час мудро утрошиц. Права цма ноц. Нашо пар ґенерациї розрушали шицко аж по „бурї” у тедишнєй державней системи. Парох тедишнї, Михал Макаї, нам обецал збудовац дом же би ше младеж могла сходзиц и робиц дацо хасновите. Ми тоту идею прилапели, а чом бизме и нє? А вец настава буря… Яке то мишанє церкви до системи и наисце вшелїяки, тераз поведзено, глупосци!... Но, заш лєм, збудовани Младежски дом, теди найлєпши у широким околїску. Нє лєм же зме мали Дом, алє ше и робело шицко, здушнє, цо ґод требало. Сами себе зме орґанизовали вецей як успишни бали, „Житни”, „Белави вечар”, „Грознов бал”, „Дочеки”. Приходи познатих музичних ґрупох, концерти… Робела младеж, аж пращало. Нажаль, роками познєйше рушело шицко по старим, нєт дзеки, нєт хто, нєт дзе, та нєт часу и други вигварки. А, и нєшка нє вельо лєпше – гвари вон. Нє було и то шицко, як и други валалски леґинє, требало дацо и заробиц, а у Комбинату ше то могло, теди було роботи за

ШИЦКИ ЗМЕ У ИНФОРМОВАНЮ – Якош сом анї сам нє раховал, гвари Янко Хома, алє шицки нашо, Хомово, у информованю. Син Янко роби у Радио телевизиї Войводини, а и нєвеста Саня. Дзивка Оля у Радию, а там була одмалючка кед читала радио драми и вше так, раз тото, вец инше, та исте наоколо.

31. АВҐУСТ 2018.

шицких хто сцел. Заробиш у єдней часци розпуста, а вец ше облєчеш лєбо инше, а о власним, нє о трошку родичох… Ми звожовали сламу, гвари Янко, Но, алє нєт вецей Комбинату, а анї тельо роботи, а думам же и младеж дакус иншака – роздумує Хома. БОГАТА АРХИВА ШПИВАНКОХ И РЕПОРТАЖОХ Особнє го познам и по наисце нємерлїво вредних колекцийох рускей музики зоз шицких крайох дзе Руснаци жию, робя и шпиваю. Музика окреме почитована у їх обисцу. Чува Янко и безчислени тонски записи, од найчежших, зоз войнових часох, та и медзи Руснацами зоз обидвох бокох Дунаю, записи зоз Емисийох за валал, бешеди зоз численима нашима предняками и роботнїками, уметнїками, и на шицких польох културних збуваньох, бешеди зоз майстрами и колеґами котрих уж давно и нєт… – Робота на „Нєбу над Кере стуром” Ирини Гарди Ковачевич ми потирвала скоро два роки, алє є зробена так як то и требало и як задумане. Сотрудзовало ше зоз цалу мрежу Радио станїцох, а наймилше, озда, було зоз колеґами зоз Радио Прешова, зоз Польскей… Мушим спомнуц и записи о обичайох, народних, и медзи Лемками и медзи Руснацами, та и добра часц медзи нашима у Сиверней Америки… – гвари Янко, а о жаданьох предлужує: – Медзи нєсполнєнима жаданями ми остало лєм скоро єдине нєвитворене, нащива даскелїм нашим людзом у Райовим Селу. Випадло так, же сом ше вше якош рихтал, вше чекал лєпшу хвильку лєбо уж цо, алє то сом нє витворел и, цо и найгорше, и там мам и познатих, и приятельох. На другим боку, витворел сом сон роками нєдошнїти у Новим Саду. Врацели зме ше зоз мою Марчу до валалу, до Керестура. Супруга уж у пензиї, я пойдзем нєодлуга, та будзе часу и за дочековац унучку Лару, о пар днї школярку першей класи. Вона Янка тринастого Хому, синова дзивка – гвари наш домашнї, и додава: –Найвекша нам є радосц и єдини лїк процив стресох. Лара нам „полнї батериї” так же маме енерґиї по єй нови приход.■

Янко зоз супругу, дзивку и унуку Лару

РУЖА” ” ШЕ РОЗКОНАРЕЛА – У роботи котру робим тельо роки, було и числени награди за успишни прилоги. Заш лєм, озда ми було наймише же зме теди, даскельо зоз Редакциї, змогли моци врациц „Ружову заградку” там дзе єй место, до правих фестивалох, та вона и тераз медзи „най” у Войводини – цеши ше Янко.

РУСКЕ СЛОВО 25

ЛЮДЗЕ, РОКИ, ЖИВОТ СТРЕТНУЦЕ З РИБОВИЧОВУ ФАМЕЛИЮ

НА ВАЛАЛ ШЕ НЇҐДА НЄ ЗАБУВАЛО Пише: Сандра САЛАМУН

У ШНАЙДЕРСТВЕ ШТИРИ ДЕЦЕНИЇ Меланка шнайдерка, та зме єй нашли роботу же би робела з дому и здобувала праксу котра єй барз значела – предлужує Рибович. Меланка була у шнайдераю полни штерацец штири роки и у своїм богатим роботним искустве пременєла вецей фирми, а остатнї двацец єден рок роби у припознатей нємецкей фамелиярней фирми „Шетан”, цо ю тераз водзи седма ґенерация у фамелї. Припозната є и у швеце. Нєт тото цо вона нє зна зошиц, бо на роботи шила од елеґантних шматох, по ташки и ботоши.

Гоч нарок будзе пол вика як Рибовичово почали жиц и робиц у Нємецкей, през цали тот период час були активни у своїм родним валалє, у Дюрдьове. Од валалских активносцох ше им нїґда нє дало одпитац, та на їх польох пестовали житарки, док у обисцу дозревало грозно, а доокола пахло домашнє квеце

– Ми ше нє одселєли, ми там пошли робиц – з тима словами почал свою животну приповедку Йоаким Рибович. Кед ше давних рокох виучел за ремеселнїка, почал себе глєдац роботу, алє го часто одбивали и вше му дацо находзели, же нє бул оженєти, же нє бул у войску.... Пошвидко войско одслужел, алє ше нє оженєл, бо перше сцел найсц роботу и обезпечиц себе якутаку будучносц. У Заводзе за находзенє роботи му понукли же би робел у даєдней з жемох у Заходней Европи. Одлучел же вихаснує понукнуте, бо теди були досц популарни одходи робиц до даєдней другей держави. Як и векшина, и вон плановал лєм дочасово пойсц робиц у иножемстве и заробиц себе за витворенє векших планох док ше отамаль враци. – Теди и у Нємецкей було мало металошлосерох, та сом одлучел там пойсц робиц. На драгу сом рушел зоз сто роботнїками з Войводини и Сербиї. Першу роботу сом до стал у Прешлого року було два децениї Минхену дзе сом обраяк Меланка роби у „Шетану”

26 РУСКЕ СЛОВО

бял метал, правели зме рижни вентили, синхрони за менячи и друге. Плановал сом остац док нє заробим за квартель, або хижу у Дюрдьове, або Новим Садзе – щири Йоаким. Гоч змена на роботи тирвала дзешец годзини, а мал право робиц и по дванац, од своєй задумки нїяк нє одуставал, гоч половка роботнїкох котра допутовала з нїм ше врацела дому уж о пол рока. Йоаким бул млади и жадни знаня, нєпреривно ше унапрямйовал преширйовац свойо знанє у фаху и робиц на вецей местох. – Требало витримац тот темпо, вельо зме арбайтовали и мушели зме буц послухни. Одвичательносц при Нємцох барз добре позбната, та и тото же су добре орґанизовани. Ище теди ми ше така система попачела, кажде бул задлужени за дацо и за тото бул одвичательни. У Ауґзбурґу сом найдлужей робел, а пред тим у вецей местох и фирмох Бремену, Гамбурґу, Берлину, Анштеду, алє и у Словацкей. ПОЗНАТИ ПО ТОЧНОСЦИ И ПРЕЦИЗНОСЦИ Остатнї двацец пейц роки Рибович робел у фирми Осрам у Ауґзбурґу, там бул 31. АВҐУСТ 2018.

ljudze@ruskeslovo.com

особнє поволани. У нїх ше и преквалификовал за индустрийного механїчара, почитовал їх точносц, прецизносц и одвичательносц, тото цо хибело и у Югославиї щешлївших рокох прешлей децениї. – Нашо роботнїки у иножемстве теди були барз глєдани, фирми ше буквално однїмали за нїх. Людзе зоз Сербиї маю дисциплину кед робя под строгшим надпатраньом, чим го нєт, такой иншак. Интересантне и тото же вельо вецей и швидше посцигню як їх домашнї, нємецки роботнїки – предлужує наш собеднїк. Гоч цали час мал сиґурну роботу у Нємецкей, нїґда ше нє одрекол свойого родного места. З вельку дзеку приходзел до Дюрдьова, и часто робел у полю зоз швекром Данилом. Донєдавна, кажди рок обрабял польо у валаским готаре. Нєшка свойо пензионерски днї препровадзує у лєгчейших роботох. ЗЛАТНА СВАДЗБА ПРЕД ДЗВЕРМИ И док бул млади, поряднє приходзел до Дюрдьова, а на єдней од валаских иґранкох обачел Меланку, теди Дороґхазийову, нєшка його супругу з котру о пейц роки преславя златну свадзбу. Пред штерацец пейц роками ше побрали. Меланки хибело два мешаци же би була полнолїтна, та и дзень нєшка франтую же як ю Йоаким малолїтну одведол до иножемства и пре тото мушел подписац документ. – Тидзень по свадзби зме вєдно пошли до Нємецкей, алє теди стан у Нємецкей нє бул найлєпши, роботу з векшого доставали лєм їх жителє. Тераз шиє спортски шмати котри нє препущую воду за познати шветово бредни як цо „Порше”, „БМВ”, „Ауди” и други, та и за нємецку полицию, голандску ґарду... – Цали роботни вик сом за машину и нє допило ми, бо сом шила вше иншаке. При Нємецох ми ше попачело же вше почитую тото цо порадзене, почитую и свой и люц-

Рибовичово дзечнє препровадзую свой шлєбодни час з дзивками и у Нємецкей, и у Дюрдьове

ки час – гвари Меланка хтора док жили у Новим Садзе, робела у „Новитету”. Теди уж мали два дзивчата. Наталия и Таня основне школованє закончели у Новим Садзе, Наталия и штреднє, а потим ознова пошли жиц до Нємецкей, та основни студиї закончели у Нємецкей. ПОЧИТУЮ СВОЙО, АЛЄ И ЦУДЗЕ У обисцу Рибовичових ше вше бешедовало по руски, дзе ґод да жили. Прето анї нє чудне же обидва дзивки активни и у нашей рускей заєднїци, без огляду на оддалєносц и шицки штверо порядни на друженьох Руснацох у Нємецкей. Фамелиярно ше сходза на векши швета, а руски народни єдла часц їх каждодньовосци. Вше кед маю нагоду, окреме на векши швета приду до Дюрдьова, а, окреме на Вельку ноц кед їх кошарка з вельконоцним єдлом у валаскей грекокатолїцкей парохиї. Кед за таке нєт часу, обовязно вельконоцну кошарку пошвецаю у тамтейшей церкви у Ауґзбурґу, бо и там таки обичаї, гоч гваря же Нємци у кошаркох преважно маю лєм писанки. ЧАСТА РЕЛАЦИЯ АУҐЗБУРҐ – ДЮРДЬОВ – Любиме присц до Дюрдьова, бо и ми и нашо дзеци у нїм одросли. Йоаким бул у Нємецкей пейц роки пред тим як зме ше побрали, и я знала же там пойдземе робиц. Нє побановала сом – гвари вона. – О даскельо роки пойд зем до пензиї, а док можеме, вше буд земе на релациї Ауґзбурґ–Дюрдьов. Цага нас и ту, и там. Велї нашо приятелє маю исти таки живот, гварела Меланка. Почитую свойо, алє и цуд зе, та часто путую на други ме ста упознац ше з тамтейшим жительством и їх културу. ■

31. АВҐУСТ 2018.

ДЗИВКИ ПОШЛИ ПО СВОЇХ ДРАГОХ Обидва дзивки ше успишно витворюю у своїх професийох и интересованьох, и нєпреривно напредую. По законченю основних студийох у Нємецкей ше дошколовали. Таня занята як заменїца директорки у дзецинскей заградки дзе робела як воспитачка, старша дзивка Наталия наша припозната уметнїца, модни креатор котра ше дошколовала у Бечу у Австриї дзе закончела общу уметносц. Робела за велї познати фирми, остатнї пейц роки у Япону. Однєдавна роби як самостойни уметнїк.

РУСКЕ СЛОВО 27

ДУХОВНИ ЖИВОТ КИРБАЙ У КОЦУРЕ

ВЛА ДИ КА ВО ЗВЕ ЛЇ ЧАЛ ШВЕ ТО Преславене швето Успениє Пресвятей Богородици котре у Коцуре означую Грекокатолїцка и Православна Церква

ирни хтори ше притримую юлиянского календара швето Успениє Пресвятей Богородици – Велька Матка Божа, преславели на Службох Божих у наших церквох, а з нїм ше Церква здогадла на одход Пречистей Дїви Мариї з того швета, кед по християнскей традициї, була на нєбо вжата и зоз своїм целом. На дзень Кирбаю, 28. авґуста, централне Богослуженє була шпивана Служба Божа котру служел апостолски еґзарх за грекокатолїкох у Сербиї кир Георгий Джуджар у сослуженю 12 паноцох, а парох нововербаскей парохиї Иґор Вовк споведал парохиянох. Пред початок Служби виронаучни дзеци зоз пригодну рецитацию привитали владику и подаровали му квеце. У своєй казанї владика Георгий вельочисленим парохияном пожадал щешлїви Кирбай и здогаднул же Пречиста Дїва Мария пошла з того швета зоз душу и тїлом и од теди маме покровительку и заступнїцу на нєбе котра ше модлї за нас. – Пречиста Дїва Мария пре два причини зоз целом вжата до нєба. Перше, вона напредок була зачувана од ПРЕСЛАВА У ПРАВОСЛАВНЕЙ ЦЕРКВИ Успениє Пресвятей Богородици преславене и у Православней Церкви у Коцуре, перше 27. авґуста зоз бдинийом, котре служел вербаски парох Остоя Нємчевич, а сослужели дзешецерме паноцове. Потим, 28. авґуста, у коцурскей православней церкви святу Литурґию служел архиєрейски намеснїк о. Далибор Купусович, а сослужели штирме паноцове зоз сушедних епархийох и єден диякон. Бул обход коло церкви и благолов славского колача и колїва. Кума тогорочней церковней слави була Миряна Дражич, а кумство за шлїдуюци рок прилапела Мария Асеєв. По законченю Служби у порти православней церкви наймладши члени КУД „Завичайного врела” отримани кратку програму зоз котру возвелїчали Кирбай.

28 РУСКЕ СЛОВО

первородного гриху, понеже мала народзиц Спасителя, нє гришела, та єй цело нє було дате на розпаднуце. Друга причина тота же ношела и народзела Спасиителя цалого людского роду, а потим, же мала учасц у каждей часци Исусового живота. И ми кед будземе почитовац Божи закон, вец войдземе до заєднїцтва зоз Господом Богом, Пречисту Дїву и шицкима святима котри у нєбе. Пречиста Дїва стої при престолу преславена вєдно зоз своїм Сином, вимодлює Божи благослов и за каждого з нас ше модлї. Вона нам тиж так помага же бизме прешли нашу драгу на тим швеце и же бизме були учашнїки у вичней радосци вєдно з нашим Господом и нашу духовну мацеру – гварел, медзи иншим, у казанї владика Джуджар. Коцурски парох о. Владислав Рац пречитал и винчованки паноцох котри на тот завод нє могли зоз своїм присуством возвелїчац тот Кирбай. По законченю Служби бул обход коло церкви и пошвецанє єй штирох бокох. Вашарска часц Кирбаю и забава за наймладших нє виостали анї того року, а валал бул полни з людзми и подїями од рана до вечара. Розвага зоз музику и диджеями почала ище пияток и млади ше пейц вечари опущовали у локалох у центру Коцура. Луна парк у котрим ше забавяли наймладши, отворени бул даскельо днї пред Кирбайом, а наймладши лєдво дочекали же би ше вожели на рижних гомбалкох, конїкох, авточкох и гайзибанчкох. Жетони за воженє на сам дзень Кирбаю на приємне нєсподзиванє нє були драгши як прешлих дньох, та родичи дзецом куповали жетони же би ше вожели и уживали. Вашарска часц Кирбаю тиж була богата, кажде за себе могол найсц дацо. Окрем облєчива, прикраскох и козметики, шицки котри нащивели тоту вашарску часц могли купиц и менши домашнї животинї, еґзотични древка и квеце, ручни роботи, як и нєзаобиходни ручно правени лакотки. Коцурци, як и прешлих рокох, зоз других местох дочековали госцох, родзину и приятельох у своїх обисцох.■ Златко Колєсар 31. АВҐУСТ 2018.

duhovni@ruskeslovo.com

КИРБАЙ У БИКИЧУ

МАРИЯ НАША ЗАЩИТНЇЦА Церква и вирни у Бикичу на швето Успения Пресвятей Богородици, вовоторок преславели Кирбай. Шветочну Службу Божу предводзел о. Михайло Режак, парох у Шидзе и декан сримски, а сослужели о. Дарко Рац, парох у Бачинцох и домашнї парох о. Владимир Еделински Миколка. Отец Режак читал Євангелию, а потим и наказовал. Вон гварел же кажда мац збера свойо дзеци коло себе, та так и Пречиста Дїва Мария збера вирнїкох коло себе, бо вони єй дзеци. Вона цеши свойо дзеци и при нєй маю и єй порозуменє. – Вона пребачує и цеши кед зме слаби и кед нас нїхто нє розуми. Нєбесна мац нє ма гранїци у любови, притулює нас коло свойого шерца и дава нам защиту. Прето ше єй требаме модлїц – гварел о. Михайло. Апостол читал о. Дарко, а церковне шпиванє преводзела дзиячка Любица Роман. Отец Владимир подзековал паноцом же пришли возвелїчац Кирбай и вирнима и їх госцом, хтори пришли и зоз Горватскей, повинчовал швето. Вл. Дї.

ДЗЕЦИ З УКРАЇНИ НАЩИВЕЛИ И НОВИ САД

У СУБОТИЦИ

ВЄДНО ШЕ МОДЛЄЛИ ОЧЕНАШ

НАЩИВА Ш. АНАСТАЗИЇ И Ш. МАРТИНИ

Коло 30 дзеци у провадзеню одроснутих з України, после пребуваня у Коцуре, пияток нащивели и Нови Сад, дзе их у церкви св. апостолох Петра и Павла привитал парох о. Юлиян Рац. – Господь Исус Христос сце же бизме були у заєднїци, у Литурґиї, причасци и друженю. Треба же бизме були вєдно у вири до Бога – гварел о. Рац, хтори ше интересовал и за виронауку у України, дзе школяре маю предмет християнску етику. Українци и нашо парохиянє у церкви, медзи хторима були и предсидатель Союзу Руснацох Українцох Сербиї Боґдан Виславски и заменїк предсидателя Националного совиту Руснацох Йовґен Мудри, вєдно помодлєли Оченаш и Богородице Дїво. Друженє и черанє искуствох предлужене у церковней сали, дзе було аґапе и дзе вєдно одшпивана „Ридна мати” и други писнї, а потим госци нащивели дзепоєдни интересантни места у Новим Садзе. М. Г. К.

31. АВҐУСТ 2018.

На порядней Служби Божей у Суботици всоботу, котру служел о. Михайло Шанта, шестри служебнїци предводзели шпиванє. То була и окремна нагода у котрей парохиянє ш. Анастазиї повинчовали на покладаню вичних завитох, а першираз и ш. Мартина нащивела грекокатолїцку заєднїцу у Суботици. После Служби Божей у виронаучней сали францисканского манастира предлужене друженє. И. Г.

РУСКЕ СЛОВО 29

informator@ruskeslovo.com ОСТАТНЇ ПОЗДРАВ Дня 20. авґуста 2018. року у 64. року живота упокоєл ше наш любени

ОСТАТНЇ ПОЗДРАВ Дня 19. авґуста 2018. року у свїом 77. року живота зохабел нас наш мили

РУДОЛФ МЕЗЕК – Руди (1955–2018) Бул чловеколюбиви и дружелюбиви, скромни, дзбали, бистрого и живого розума и веселого духу. Бул у шицким окремни. Дзекуєме шицким цо нам помогли у тих чежких дньох, цо нам виявели сочувствиє и випровадзели го до його вичного дому. Любов и смуток оставаю, алє „Вредзело пожиц за кратке вчера” Ожалосцена супруга Слободанка зоз Ясмину ОСТАТНЇ ПОЗДРАВ Дня 20. авґуста 2018. року занавше нас зохабел наш любени

ЯНКО – ЙОВАН БАЛОҐ (1941–2018) з Ґосподїнцох Памятку на твою любов и доброту буду чувац фамелиї Дулово и Тимково Спочивай у мире Божим! ОСТАТНЇ ПОЗДРАВ Дня 19. авґуста 2018. у свїом 77. року живота зохабел нас наш мили

ЯНКО – ЙОВАН БАЛОҐ (1941–2018) з Ґосподїнцох

РУДОЛФ МЕЗЕК (1955–2018) з Руского Керестура Дзекуєм ци за шицко цо ши зробел за мнє и за мою фамелию. Ожалосцена братова дзивка Ивана Надь зоз супругом Любомиром и дзецми Себастияном и Виктором

Памятку на твою любов и доброту буду чувац фамелиї Кишово и Ґнипово Спочивай у мире Божим!

СМУТНЕ ЗДОГАДОВАНЄ Дня 4. септембра 2018. року наполнї ше рок як нє з нами наш оцец, дїдо, прадїдо и брат

СМУТНЕ ЗДОГАДОВАНЄ Наполнєли ше 25 роки як вецей нє з нами наш мили

ВЛАДИМИР МАКАЇ (1928–2017) з Коцура

МИКОЛА СКУБАН СОЦКИ (1932–1993) з Руского Керестура

Памятки на це чуваю дзивка Леона Скубанова з фамелию з Вербасу, дзивка Мелания Рамачова з фамелию з Руского Керестура и брат Силвестер Д. Макаї з фамелию з Коцура Вичная памят! СМУТНЕ ЗДОГАДОВАНЄ

Вично це ношиме у своїх шерцох. Твойо наймилши СМУТНЕ ЗДОГАДОВАНЄ Наполнєли ше 40 роки як нас занавше зохабели нашо мили родичи Дня 23. юлия 2018. року

АНДРИЯ ВОРОТНЯК (1905–1988)

СОФИЯ ВОРОТНЯК народзена Главацки (1907–1969)

Прешли велї роки як сце вецей нє з нами, алє ми ше здогадуєме вашей любови и доброти. Зоз щиру любову и молитву вше вас будземе паметац. Вашо наймилши дзеци, дзивки: Штефка зоз Австралиї, ш. Надїя з Кули и ш. Тат’яна з Руского Керестура Спочивайце у мире Божим!

30 РУСКЕ СЛОВО

Дня 24. авґуста 2018. року

ВЛАДИМИР РАМАЧ ЯРОСЛАВА РАМАЧ (1931–1978) народзена Сабадош з Руского Керестура (1932–1978) Кажди дзень з думками на Вас, дзивка Люпка зоз супругом Юлином и сином Борисом Вичная памят!

31. АВҐУСТ 2018.

informator@ruskeslovo.com

Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

Городска управа за защиту животного штредку Городу Нового Саду на основи члена 20. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о принєшеним ришеню же нє потребне преценьованє вплїву на животни штредок проєктабазней станїци мобилней телефониї „НС2387_02 НС_ Нови_Сад_Житна_площа” Подприємство „KODAR ENERGOMONTAŽA” D.O.O., з Беоґраду, по овласценю ношителя проєкта „VIP MOBILE ” D.O.O., Милутина Миланковича 1ж, поднєсол тому орґану вимогу за одлучованє о потреби преценьованя вплїву на животни штредок проєкта радио базней станїци мобилней телефониї „НС2387_02 НС_Нови_Сад_Житна_площа” у улїци Масарикова 25, на катастерскей парцели число 9894, К. О. Нови Сад I, Город Нови Сад. После запровадзеного поступку, Городска управа за защиту животного штредку дня 28. авґуста 2018. року принєсла ришенє число VI501-483/18 же потребне преценьованє вплїву застатого стану на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше 15 днї од дня його обявйованя у средствох явного информованя, по тим орґану.

o явним увиду, явней презентациї и явней розправи о Студиї о преценьованю вплїву на животни штредок Ношитель проєкта „НАФТНА ИНДУСТРИЯ СЕРБИЇ” АД, Нови Сад, улїца Народного фронта число 12, поднєсол вимогу за даванє согласносци на ажуровану студию о преценьованю вплїву на животни штредок проєкта „Вибудов обєкта станїци за обезпечованє зоз горивом „Нови Сад 11” поверхносци П, у Новим Садзе, Булевар Цара Лазара число 25а, на катастерских парцелох число 3922/15 и 3922/20 К.О. Нови Сад II, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, роботни днї од 10 по 15 годзин по 24. септембер 2018. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 25. септембра 2018. року, у просторийох Городскей управи за защиту животного штредку Городу Нового Саду, Руменацка 110A, Нови Сад, на 12 годзин.

ОБВИСЦЕНЄ

o явним увиду, явней презентациї и явней розправи о Студиї о преценьованю вплїву на животни штредок Подприємство „Telenor Common Operation”, Оддїл Беоґрад – Нови Беоґрад по овласценю ношителя проєкта „TELENOR” д.о.о. Младежских бриґадох 90, Нови Беоґрад, поднєсол вимогу за даванє согласносци на Студию о преценьованю вплїву застатого стану на животни штредок базней станїци мобилней телефониї „НС Клиса 3” у Улїци Сентандрейска драга 147б, у Новим Садзе, на катастерскей парцели число 84/1 К.О. Нови Сад I, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, роботни днї од 10 по 15 годзин по 25. септембер 2018. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 26. септембра 2018. року, у просторийох Городскей управи за защиту животного штредку Городу Нового Саду, Руменацка 110A, Нови Сад, на 11 годзин.

ОБВИСЦЕНЄ о принєшеним ришеню же потребне преценьованє вплїву застатого стану и о одредзованю обсягу и змисту студиї о преценьованю вплїву на животни штредок проєкта радио базней станїци мобилней телефониї „НС Авиятичарске населєнє” Подприємство „Telenor Common Operation”, зоз Беоґраду по овласценю ношителя проєкта „TELENOR” д.о.о. Младежских бриґадох 90, Нови Беоґрад, поднєсол тому орґану вимогу за одлучованє о потреб преценьованю вплїву застатого стану на животни штредок проєкта базней станци мобилнйе телефониї „НС

31. АВҐУСТ 2018.

o явним увиду, явней презентациї и явней розправи о Студиї о преценьованю вплїву на животни штредок Подприємство „Telenor Common Operation”, Оддїл Беоґрад – Нови Беоґрад по овласценю ношителя проєкта „TELENOR” д.о.о. Младежских бриґадох 90, Нови Беоґрад, поднєсол вимогу за даванє согласносци на Студию о преценьованю вплїву на животни штредок базней станїци мобилней телефониї „НС Народного фронта” у Улїци Народного фронта 23д, у Новим Садзе, на катастерскей парцели число 3928/43 К.О. Нови Сад II, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, роботни днї од 10 по 15 годзин по 25. септембер 2018. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 26. септембра 2018. року, у просторийох Городскей управи за защиту животного штредку Городу Нового Саду, Руменацка 110A, Нови Сад, на 11,30 годзин.

Авиятичарске населєнє” у Улїци Миленка Ґрчича число 6а, у Новим Садзе, на катастерскей парцели число 3806 К.О. Нови Сад I, Город Нови Сад. После запровадзеного поступку, Городска управа за защиту животного штредку дня 28. авґуста 2018. року принєсла ришенє число VI-501-107/18 же потребне преценьованє вплїву застатого стану на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше 15 днї од дня його обявйованя у средствох явного информованя, по тим орґану.

OGLA[OVANW 021/6613-697, 021/ 6624/708 e-mail: ruske.redakcija@gmail.com

РУСКЕ СЛОВО 31

ИНФОРМАТОР МАЛИ ОГЛАШКИ

ПРЕДАВАМЕ хижу у Старим Вербаше обок при рускей церкви.Тел. 063-504-541

МАЛИ ОГЛАШКИ ДИХТОВАНЄ облакох и дзверох з неопрен ґуму. Щици од витру, жими, праху и шпорує на зогриваню. Монтираме и оправяме ролетни, гармониково дзвери, пантлїково фиронґи, мрежи од суньоґох. 060/5088-433 и 025/5827-710 *** ВЛАГА? Изолуєме влажни хижи. 063/440-470 и 063/102-41-14. Република Сербия Автономна Покраїна Войводина

ОБВИСЦЕНЄ

К О Н К У Р С ЗА ДОДЗЕЛЬОВАНЄ ПРИПОЗНАНЯ „ДР ДЬОРДЄ НАТОШЕВИЧ” ЗА ШКОЛСКИ 2017/2018. РОК хтори обявел Покраїнски секретарият за образованє, предписаня, управу и национални меншини – национални заєднїцише находзи на сайту Покраїнского секретарияту за образованє, предписаня, управу и национални меншини – национални заєднїци www.puma.vojvodina.gov.rs Заинтересовани особи додатни информациї у вязи зоз реализацию Конкурсуможу достац у Секретарияту на числа телефонох: 021- 487 41 83, 021/46 09и 021- 487 40 35. ПОКРАЇНСКИ СЕКРЕТАР, Михаль Нїлаш

* дзе цо будзе *

НА СОБОТУ БУДЗЕ ФЕСТИВАЛ „МЕЛОДИЇ РУСКОГО ДВОРУ“ На соботу, 1. септембра, будзе отримани традицийни, єденасти по шоре, Фестивал тамбурових оркестрох „Мелодиї Руского двору”. Змагательна часц почина на 19 годзин на лєтнєй бини у порти Лєтнєй владическей резиденциї, а кед будзе подла хвиля, Фестивал будзе отримани у сали Културно-образовного центра. Пред главну змагательну часцу, на 17 годзин у Лєтнєй владическей резиденциї, будзе отворена вистава малюнкох Андєлки Античевич, ма на 18 годзин буду отворени етно штанди зоз рускима єдлами и ручнима роботами. ***

ЛЄТНЇ ФЕСТИВАЛ РУЧНИХ РОБОТОХ И СУВЕНИРОХ У КУЛИ

Лєтнї фестивал ручних роботох и сувенирох, будзе отримани на пияток, 7. септембра, од 10 до 19 годзин, у Ленїновей улїци у Кули, опрез будинка пошти. На вистави ручних роботох буду участвовац числени здруженя, нє лєм домашнї, алє и з велїх войводянских местох, а нащивителє годни одпатриц и пригодну културно-уметнїцку програму. Манифестацию орґанизую Здруженє женох „Идея”, Туристична орґанизация и Канцелария за локални економски розвой Општини Кула.

ПОСИЛАЙЦЕ НАМ СВОЙО РЕЦЕПТИ Як и прешлого року, „Руске слово”, як часц лєтнєй шеми, предлужи зоз рубрику „Хладок и горуци тепши”. Поволуєме вас шицких же бисце зоз читачами „Руского слова” подзелєли рецепти, дали поради коло вареня, як лєгчейше и швидше направиц полудзенок, колачи и даяки єдла. Пишце нам на адресу – РУСКЕ СЛОВО (ЗА РУСМАК), Булевар ошлєбодзеня 81, Нови Сад 21000, лєбо на емаил rusmak@gmail.com. Можеме сотрудзовац и прейґ Вайберу 069 67 33 15. Пошлїце нам идеї и висликуйце свой стол, окреме кед є креативни, бо зоз тим, єдни другим даме дзеку и вариц, и аранжирац. нам

ишце зуймеу, цпих д у р т о с , р ! Ище раизнай нам з игоєм но пахнє р п т р у тепшох ф

32 РУСКЕ СЛОВО

31. АВҐУСТ 2018.

ИНФОРМАТОР/СПОРТ У СТАРИМ ВЕРБАШЕ

ОТРИМАНИ ПЕРШИ ТУРНИР „3 НА 3” У БАСКЕТУ Дзекуюци активизму двоїх младих Старовербащаньох Миї Тутнєвич и Неманьови Орловичови, и з потримовку локалней самоуправи и велїх спонзорох, на теренох Спортского дружтва „Йоаким Виславски Киме” нєдавно отримани перши „3 на 3” турнир у баскету. Числена публика три вечари за шором уживала у стретнуцох найлєпших баскеташох Вербасу и других сушедних местох. Перше место освоєла екипа „Самба кафа”, и вони окрем погара достали и пенєжну награду, од 50 тисячи динари, друга була екипа „Маґлич” хтори достали 15 тисячи динари, а треца екипа „Dead Pub” хтора достала 5 тисячи динари. За найлєпшого бавяча турнира преглашени Оґнєн Йоканович („Самба кафа”), а найлєпши „тройкаш” бул Иґор Радун зоз екипи „Сердар коп”. Єдна з найзалсужнєйших за орґанизацию турниру Мия Тутнєвич визначела же ше на їх поволанку одволали 16 екипи, и же су з орґанизацию барз задовольни з тим як турнир прешол и маю жаданє же би постал традицийни и защитни знак тей часци городу.

Член Општиснекй ради задлужени за спорт Срдян Станич з тей нагоди подзековал Спортскому союзу Войводини и покраїнскому секретару за спорт и младеж Владимирови Батезови прето же обезпечели же би турнир у Старим Вербаше бул одбавени на окремней подлоги хтора наменєна за тоту спортску дисциплину. А. М.

ДЗЕВЯТИ МЕДЗИНАРОДНИ ПЛЇВАЦКИ МИТИНҐ „БЄЛИЦА КУП”

ЗМАГАТЕЛЄ И ЗОЗ ИНОЖЕМСТВА

На отворених базенох Центра за физичну културу „Драґо Йовович” у Вербаше пред двома викендами отримани дзевяти Медзинародни плївацки митинґ „Бєлица куп”. Тота традицийна спортска манифестация хтору орґанизує Плївацки клуб „Бєлица”, з потримовку општини Вербас, окрем домашнїх плївачох того року позберала и змагательох зоз Горватскей, Румуниї и Кениї. Митинґ отворел член Општинскей ради за спорт и младеж Срдян Станич, хтори визначел же локална самоуправа предлужи потримовац куп хтори достава интернационални характер и промовує плївацки спорт у Вербаше. Орґанизатор турниру Здравко Бєлица гварел же є задовольни пре присуство екипи з далєкей Кениї, и додал же лєм у тим року одлични резултати на шицких уровньох витворели велї плїваче з Клубу „Бєлица”. У вкупним пласману найлєпши тим на змаганю бул Клуб „Пролетер” зоз Зренянину, други домашнї клуб „Бєлица”, а треце место завжал Плївацки клуб „Кикинда”. Окрем того, Лука Еракович, як вкупни побиднїк змаганя, достал припознанє за найлєпшого плївача на тогорочним Бєлица купу. А. М. 31. АВҐУСТ 2018.

РУСКЕ СЛОВО 33

СПОРТ

ПОЧАЛА ЄШЕНЬСКА ЧАСЦ ПЕРШЕНСТВА ОПШТИНСКЕЙ ФОДБАЛСКЕЙ ЛИҐИ ШИД

ВЕЛЬО ҐОЛИ НА ПОЧАТКУ СЕЗОНИ У першим колу єшеньскей часци першенства у Општинскей фодбалскей лиґи Шид хторе бавене прешлей нєдзелї, на шейсц змаганьох дати аж 32 ґоли. Найросположенши були фодбалере Єдноти на домашнїм терену у Шидзе и победзели Борец з Илинцох зоз аж 11: 0. На початку сезони були успишни и фодбалере Сримцу з Беркасова хтори дома победзели ОФК „Бинґулу” зоз 7:0. Єдинство з Моровича дома бавело 3:3 процив ОФК „Бачинцох”. ФК „Ердевик 2017” дома победзел Омладинєц з Батровцох 3:0. Вировнато бавели Єдинство з Люби процив Синдєлича з Ґибарцу 2:2, а у Ямени Ґраничар бавел 1:1 процив Напредку з Вашици. После першого кола, Єднота перша зоз трома бодами, а тиж тельо боди ма и Сримец на другим и Ердевик 2017 на трецим месце. Штварте Єдинство (М), пияти ОФК

ТАРГЛИ ШЕ И БИКИЧАНЄ У другим колу Медзиопштинскей фодбалскей лиґи Срим, внєдзелю бавени змаганя двох екипох зоз шидскей општини. ОФК „Бикич” дома победзел Гайдук зоз Вишнїчева зоз 2:1. Обилич 1993 зоз Куковцох, тиж екипа зоз општини Шид, дома победзел Слогу зоз Чалми зоз 3:1. На таблїчки Обилич 1993 шести зоз трома бодами кельо ма и ОФК „Бикич” на осмим месце, а Гайдук єденасти тиж зоз трома бодами. У трецим колє, буду бавиц Гайдук процви Фрушкей гори з Руми, Крушедол будзе бавиц процви ОФК „Бикичу”, а БСК з Бешенова дочекує Обилич 1993.

„Бачинци”, шесте Єдинство (Лю), седми Синдєлич, осми Ґраничар и дзевяти Напредак маю по бод, а без бодох Омладинєц (М) на дзешатим, Омладинєц (Б) на єденастим, ОФК „Бинґула” на дванастим и Борец на тринастим месце. У другим колє на нєдзелю, буду бавиц Борец процив Ердевику 2017, ОФК „Бачинци” процив Єдноти, Синдєлич дочекує Єдинство (М), а ОФК „Бинґула” Єдинство (Лю). Напредак дома будзе бавиц процив Сримцу, а Омладинєц (М) процив Ґраничара. Вл. Дї.

ПОДРУЧНА ФОДБАЛСКА ЛИҐА НОВИ САД

ДАЛЄЙ ЗОЗ ТРОМА БОДАМИ ФК „Бачка 1923” – ФК „Софекс” 5:0 (1:0)

Дюрдь ов: ста ди он ФК „Бач ка 1923”. Главни судия Стефан Радасинович зоз Нового Саду, помоцни Алекса Ґраховац и Дуня Вукчевич з Нового Саду. БАЧКА: Иґнїч, Дякович, Янкович, Деянович, Павлов, Пантич, Петрович, Маркович, Душан Тривунович, Сол дат и Да нґ у бич. Ви мен ки: у другим полчасу у 60. минути до бависка вошли Лю. Тривунович котри заменєл Д. Тривуновича и Роґич котри заменєл Янковича у 71. минути. У другим змаганю єшеньскей часци першенства, внєдзелю 26. авґуста на стадиону у Дюрдьове Бачково фодбалере бавели процив ФК „Софекс” зоз Футоґу котри ярню часц першенства закончел як штварти на таблїчки Подручней лиґи Нови Сад, зоз двацец бодами вецей од домашнєй Бачки. Гоч ше нагадовал побиднїк, Бачково фодбалере добре старовали и водзели уж у першей часци першенства 1:0, ґол дал Ранко Янкович у 26. минути. И у другим полчасу фодбалере Бачкей ше указал як добри у одбрани и нападаню, та анї теди нє дошлєбо-

34 РУСКЕ СЛОВО

дзели же би даєдна лабда закончела у їх ґолу. Моцнєйши напад ма ли пред конєц змаганя кед за кратки час да ли три ґоли, перши ґол у другим полчасу дал Душан Тривунович у 47. минути, Сте фан Деянович у 70. минути, а потим два ґоли з штирома минутами розлики, у 81. и 85 минути дал Никола Петрович. У першей часци змаганя, у 26. минути док ше бавело з главами ше збили двоме бавяче процивнїцких екипох. Бавячови зоз го сцуюцей екипи теди пукла аркада, домашнї лїкаре швидко одре аґова ли, а бавяч такой превежени до Урґенстного центру Нови Сад. На тим змаганю Бачка указа ла вельо лєпше бависко як на першим змаганю, кед од вельо слабшей екипи од Софекса, а себе приблїжней страцела з пейц ґолами розлики. По сле того змаганя Бачка ше стопласована од ше снац клубох и ма три боди. Шлїдуюце змаганє за ФК „Бачка 1923” буд зе на нєд зелю, 2. Септембра, на 17 год зин на терену ФК „Индекс” у Новим Сад зе котри пиятопласовани з истим числом бодох як и Бачка. С. С. 31. АВҐУСТ 2018.

sport@ruskeslovo.com

ПОДРУЧНА ФОДБАЛСКА ЛИҐА СУБОТИЦА

ПОБИДА У ОСТОЇЧЕВУ ФК „Слоґа” (Остоїчево) – ФК „Искра” 1:2 (0:1)

ИСКРА: Калинич, Иван, Златич, Дякович, Родич, Ґубаш, Малацко Сердар, Янкович (Сталевич), Ґаґович и Пєшевац (Живкович). Ґоли за Искру дали Янкович и Ґаґович По сле пораженя на домашнїм терену прешлого тижня од Войводини зоз Бачкого Ґрадишта, Искра у прешлим, 2. колє Подрученй лиґи Суботица го сцовала у Остоїчеву. Екипи Слоґи вошла тей сезони до лиґи и на тим терену, потераз упечаток бул таки же будзе чежко вжац шицки три боди. Пораженє, вшелїяк охабело шлїд на психолоґийним уровню на бавячох, та Искрово бавяче до госцох пошли зоз малим прициском же нє шму страциц. Змаганє, як ше и очековало, було чежке и бавело ше на широким терену, по подлей и дижджовней хвилї. Домашнї мотивовано вошли до бависка и од початку бавели барз оштро. Бавело ше углавним на стредку терена, алє здобул ше упечаток же Искра мала вецей лєпши шанси за ґол. Центарфор Искри Янкович ше на даскельо заводи нашол у добрих шансох, а штредком першого полчасу на Сердарову асистенцию єдну и вихасно-

вал, та Искра на одпочивок пошла зоз предносцу од 1:0. У другим полчаше ше обидва екипи забавели кус отворенше, окреме домашнї котри после прешлотижньовей побиди у Надалю жадали предлужиц зоз добрима резултатами. Таке бависко им ше виплацело у 50 минути кед ше им удало дац ґол и поровнац резултат. Медзитим, Искрово бавяче ше нє придавали и предлужели нападац, а як ше змаганє приблїжовало ґу концу так до вираженя приходзела и лєпша физична порихтаносц коцурских фодбалерох. Вельку радосц и перши три боди у новей сезони Искри принєсол Ґаґович пред концом змаганя кед єдну наруцену лабду схопно з главу послал до Слоґового ґолу. После двох одбавени колох Искра на осмим месце на таблїчки зоз трома бодами. У шлїдуюцим колу Искра у Коцуре дочека екипу Пролетера зоз Нєґошева котри после двох колох маю єден освоєни бод и находза ше на пред остатнїм месце на таблїчки. Змаганє почнє на 16 и 30 годзин. З. К.

ПОДРУЧНА ФОДБАЛСКА ЛИҐА ЗОМБОР – БАЧКА ПАЛАНКА

ПРЕ ГРИШКИ – НЄРИШЕНО

ФК „Раднички 1918” (Ратково) – ФК „Русин” (Руски Керестур) 3:3 (1:1) РУСИН: Михал Надь, Голик, Веселинович, Ланчужанин, Боян Надь, Орос, Маркович, Дюканович, Чижмар, Стефан Кочиш и Катона. У другим полчаше Голика заменєл Саянкович, Дюкановича Будински, а Катону заменєл Малацко. Русин уж у 10. минути почал водзиц зоз оправдано до судзеного пеналу хтори реализовал Чизмар, но уж у 20. минути домашнї вировнали резултат. По конєц

31. АВҐУСТ 2018.

першого полчасу углавним ше бавело на штредку терена зоз подаєдну полунагоду за ґол на обидвох бокох. Други полчас почал нєдобре за екипу Русина. Домашнї даваю два ґоли и то по сле претаргнуца бависка, кед лабда була по слата до Русинових 16 метерох дзе ше домашнї лєпше знашли. Но, Русиново бавяче предлужели зоз добрим бависком, та нєодлуга Стефан Кочиш зменшал резултат на 3:2, а потим и Малацко зоз бицом скоро зоз 30 метерох по сцигує и конєчни резултат 3:3. Русин бул лєпша екипа, и кед би нє були тоти гришки у охрани кед прияти ґоли вироятнє би ше з Раткова врацели зоз трома бодами. На нєдзелю, 2. септембра Русин бави у Кере стуре процив екипи Липара, а змаганє почнє на 16,30 годзин. Я. В.

РУСКЕ СЛОВО 35

СПОРТ У ВЕРБАШЕ ОТРИМАНИ ДРУГИ ЮНИОРСКИ КУП НАЦИЙОХ У БОКСУ

ЗМАГАЛИ ШЕ БОКСЕРЕ 25 РЕПРЕЗЕНТАЦИЙОХ ШВЕТА

Штредком авґуста Вербас бул домашнї другого Купу нацийох у боксу за юниорох и юниорки. На тогорочним змаганю участвовали вельо вецей учашнїки як на прешлим – того року зишли ше аж 25 репрезентациї Пише: Aна МАРКОВИЧ

зень пред тим, вочи Купу, отримана и пригодна програма на централней площи у Вербаше, а штварок у велькей гали Центра за физичну културу отримана церемония отвераня, дефиле учашнїкох и уводни борби. На змаганю наступели вецей як 200 боксере зоз цалого швета, у вецй як 150 борбох, а турнир у Вербаше найвекша боксерска манифестация у Европи и єдна з трох найвекших у швеце того року. Як на отвераню визначел секретар турнира Иґор Шкундрич, манифестация рошнє и розвива ше з рока на рок, а интересованє же би ше уключела до орґанизациї такого велького спортского случованя виражела и Општина Кула. ДОДЗЕЛЄНИ ПЛАКЕТИ ЗА ПОМОЦ У ОРҐАНИЗАЦИЇ Плакети за помоц у орґанизациї з тей нагоди достали директор ЯКП „Комуналєц” Синиша Адамович, помоцнїк городоначалнїка Нового Са-

МИНИ ПЕРШЕНСТВО ШВЕТА На Купу нацийох у боксу за юниорох у Вербаше за три днї було 185 борби у шицких катеґорийох. – То бул барз моцни турнир младих боксерох. За нашу репрезентацию то єдно вельке искуство, а тиж так и своєродне преверйованє форми за предстояце Европске першенство хторе будзе отримане у октобру у Русиї. Конкуренция була моцна, наступели боксере зоз Русиї, Казахстану, Анґлиї ... Мож повесц же то було, так повесц, мале першенство швета – гварел тренер репрезентациї Сербиї Драґан Василєвич.

36 РУСКЕ СЛОВО

ду, Срдян Кружевич, предсидатель Општини Кула Велибор Милоїчич и предсидатель Општини Вербас Милан Ґлушац. Присутних привитал и директор турнира и функционер Боксерского союзу Войводини Йовица Панич и член Општинскей ради задлужени за спорт Срдян Станич. З тей нагоди у Вербаше ше по нєдзелю, 19. авґуста, змагали репрезентациї Азербейджану, Босни и Герцеґовини, Болгарскей, Горватскей, Ческей, Ґрузиї, Нємецкей, Мадярскей, Греческей, Индиї, Израелу, Казахстану, Летониї, Македониї, Словацкей, Шведскей, Русиї, Зєдинєних Америцких Державох, Велсу, Турскей, Чарней Гори, Польскей, Румуниї, Сербиї... На манифестациї отвераня отримана и кратка културно-уметнїцка програма. ВЕРБАЩАНЬ СТЕФАН ЦАМОВИЧ ОСВОЄЛ ЗЛАТО Сербски тим у финалних борбох мал трох представнїкох, алє лєм репрезентативец Сербиї и член Боксерского клубу „Чарнок” з Вербасу Стефан Цамович, освоєл злато у катеґориї 57 килоґрами, а преглашени є и за найлєпшого боксера турнира.

Вон у финалним мечу звладал Индийца Рамеша Ґорку Акаша зоз 4:1. – Виполнєл ми ше сон, алє ище вше думам же шнїєм. Вельку подзековносц сом длужни тренером Желькови Жмукичови и Иґорови Шкундричови хтори ме научели о схопно сцох того спорту – гварел Стефан Цамович после побиди. У конкуренциї юниоркох найлєпши пласман на Другим купу нацийох мала репрезентациї Росиї, други були Индия и Чарна Гора. У конкуренциї юниорох найлєпши резултати витворели Казахстан, Индия и Сербия. Иншак, юниоре, боксере и боксерки возросту од 15 по 16 роки, змагаю ше у трох рундох по два минути. Собота, 18. Авґуст, була резервована за змагательох хтори ше пласовали до полуфиналу, а финални мечи отримани нєдзелю, 19. авґуста. Члени репрезентациї Сербиї на тот завод мали и красну потримовку публики и мотив же би ше цо лєпше указали на тим моцним змаганю. ШИЦКИ ДЕРЖАВИ ШЕ ОДВОЛАЛИ Як визначел Иґор Шкундрич, у одношеню на прешли рок направени крочай далєй, понеже Куп змаганє 31. АВҐУСТ 2018.

sport@ruskeslovo.com

того року вельо векше и отримане у Велькей гали Центру за физичну културу. Прешлого року то було у сали єдней основней школи, a гевто цо тиж так барз добре, то же ше шицки держави одволали. – До Стефана зме верели. Тренирали зме зоз нїм два раз на дзень по два годзини, алє одвичательносц вязана за пририхтованя того спортского спектаклу додатно нам черпала моц. Тераз кед шицко прешло, можеме повесц же зме пишни на општину Вербас, на явни подприємства, установи и орґанизациї, бо нам дзечнє помагали же бизме ше указали у цо лєпшим шветлу – визначел секретар турнира и тренер “Чарноку” Шкундрич. Предсидатель Орґанизацийного одбору турниру Милан Ґлушац з тей нагоди визначел же локална самоуправа моцно потримує нє лєм боксерски, алє и шицки други спортски колективи. – Вербас город спорту хтори зна препознац спортски вредносци, та прето и достал же би бул домашнї у тей велькей спортскей манифестсациї. Заслуги за добру орґанизацию иду и Центру за физичну културу „Драґо Йовович”, Туристичней орґанизациї општини Вербас, алє и шицким волонтером – визначел Ґлушац.

СТРАХУ НЄТ – АЛЄ ТРЕМА ТУ На найвекшей спортскей боксерскей манифестациї у Европи и єдней з трох найвекших у швеце, фарби Сербиї бранєли 26 змагателє од хторих шейсц дзивчата. – Гоч сом ше на ринґу борел зоз парняками зоз штирох континентох, нєбал сом ше. Но, мушим припознац же сом мал трему. Алє то гевта позитивна трема. Кондициї и моци мам, прето же сом цали розпуст подредзел боксу. Вредно зме тренирали, бо сом жадал освоїц златну медалю и потвердзиц потерашнї успихи. Тото змаганє мойо вельке искуство прето же плануєм и далєй зазначовацц добри резултати у тей племенїтей схопносци – гварел Стефан Цамович.

Финални борби провадзел и предсидатель Боксерского союзу Сербиї Ненад Боровчанин. Шицки борби у Вербаше були у єдним ринґу, та заинтересована публика могла провадзиц кажду. Медзи гевтима хтори з трибинох давали потримовку боксером и дзечнє провадзели штири днї квалитетного боксу у гали ЦФК найвецей було гевтих хтори по рокох парняки змагательом. ■ 31. АВҐУСТ 2018.

ЗАКОНЧЕНИ ТУРНИР У КОШАРКИ ТРИ НА ТРИ У РУСКИМ КЕРЕСТУРЕ

„ДЮРКО И ОМЛА ДИНА” НАЙЛЄПШИ

Екипа „Дюрко и омладина” побиднїки Турнира у кошарки „3 на 3”, хтори тирвал од 15. по 24. авґуст на кошаркашским терену на пияцу у Руским Керестуре Вони у финалу, 24. авґуста, побед зели екипу „СФРЮ” зоз 11:10, док треце место освоєла екипа „Руском”, понеже побед зела „Цвечки” зоз 16:9. „Дюрко и омладина” достали 10 000 динари, „СФРЮ” 5 000, а „Руском” 3 000 динари. Турнир сам орґанизовал штредньошколєц Борис Югик, з намиру же би позберал младих на Дюрко и омладина єдним месце, бо, як гвари, нє маю дзе виходзиц. – Кажди дзень на пияцу дахто бавел баскет. Видзел сом же єст талантованих хтори би ше могли указац на Турниру, алє и бавиц пре забаву, бо ше екипи приявели и прето, нє лєм же би освоєли даєдну награду. Задовольни сом зоз дзешец екипами, кельо их було, за першираз то барз добре. Кажди дзень зме мали и красне число публики хтора нас потримовала. У орґанизациї ми помагал пайташ Петрик, родичи и брат, а материялно помогли спонзоре „Комфорт” и „Т-пам”, та зме купели лабди и мрежочку, фарби за фарБорис Югик бенє терену – гварел Борис после успишно законченого Турнира и велї нє мали дзе шеднуц, бо придодал же го планує и нарок орґа- шли коло 200 особи, а ми нє були порихтани за тельо – толкує вон. низовац. Попри побиднїкох, на тим Тур– Плануєм, алє же би була озбильнєйша орґанизация, заш лєм то ниру бавели и екипи „Цвечки”, бул перши рок. Наприклад, тераз „Фреш маркет”, „Летечи Пирозме погришели же перши дзень жеканци”, „Бо стан Селтикс”, „Зама ло”, „Бифебар Форту на” и „Шимко”. Кажди дзень були и наградни бависка у руцаню на кош, а побиднїки до става ли сим волични награди. М. З. Г.

РУСКЕ СЛОВО 37

ИНТЕРМЕЦО Аня Гудак

ХЛАДОК И ГОРУЦИ ТЕПШИ Тот рецепт за ґаздинї хтори нє маю искуства зоз розцагованьом цеста. Так направени рейтеши випатраю як да зме розцаговали цесто, мегки су и сочни.

(од Вероники Вуячич)

Желєна пита

Потребне: ■ 300ґ сремушу /шпинату/покриви и подобне ■ 500ґ швапского сира ■ 250 мл шметанки за варенє ■ 2 вайца ■ 1/2 кґ купче цесто за рейтеши (ценке) солї

Сремуш (так и другу желєняву) порезац. Вайца вдериц до сира и посолїц, розмишац и направиц фил. Складац по два цеста єдно на друге, намасциц два трецини поверхносци зоз филом и посипац желєняву по верху. Скруциц на рейтеш. Док шицки покруцице, рейтеши резац на 4-5 центи широки и складац до помасценей тепши, лєбо положце лєм папер за печенє. На концу заляц зоз шметанку за варанє, може и обична шметанка лєм ю треба витрепац и розридзиц зоз кус млєка лєбо йоґурту. Печиц на 200 ступнї 30-40 минути.

38 РУСКЕ СЛОВО

31. АВҐУСТ 2018.

ИНТЕРМЕЦО ХЛАДОК И ГОРУЦИ ТЕПШИ

(од Танї Салонтаї )

Парадичи у дунцу – Парадичи пелат

Парадичи поумивац и Потребне: перше з ножиком кус позарезовац на штири єд■ Парадичи наки часци (на крижик) ■ Соль же би ше могло лєгчєйше очисциц лупку. ■ Цукер Парадичи ше положи до врацей води на 30 се■ Вашилєц – швижи кунди, а вец до жимней и (даскельо лїсточка) треба очисциц лупку. Пореже ше ю,очисци и посклада до дунца, дакус треба поприцискац же би пущела сок. До каждого дунца положиц ложичку солї и ложичку цукру, вашильцу – швижого ( може, а нє муши). Дунци ше завру зоз покривку (нє зоз целофаном). Вец до шерпенї положице хлєбовку и усипце жимней води, алє нє по верх покривки. И кед вода превре зменшац температуру на ринґли, лєбо ґаз на менши огень же би помали варло 35 минути. Потим охабиц дунци у тей води же би ше охладзели.

Пише: Емилия ЧИЗМАР

РОЗДУМОВАНЄ НАГЛАС – У ХЛА ДКУ Кирбай пада през викенд: „Яй, гужва яка, раз до рока та ше зидзе шицок швет, гужва, галайк, нє маш места у родзеним валалє.” Кирбай пада през тидзень: „Яй яке пусте, нїґдзе нїкого, вше лєм исти людзе, пии.” Кирбай пада през викенд: „Забога, людзе, шицки мушице тадзи? Идзце дахто до Липару, Бечею... Наопако!” з воц ма бар о , д а л к и р „Нап е у, то нє так вельо цукр арела вона, гв здраве...” – по ванґли зоз и ц пребераю шкварками #хроно

Пляска реалносци кед „машинка за конфети” постанє лєм машинка хтора дзирави папер до фасциклох. #розчарованюнебудетконца Юпиии. Морйо белаве Морйо мокре Спекли сце ше – браво. Кеди уж єшень? #гаикухейт 31. АВҐУСТ 2018.

РУСКЕ СЛОВО

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ РОК LXXIV ЧИСЛО 35 (3800) НОВИ САД, 31. АВҐУСТ 2018.

■ КУЛТУРНА МАНИФЕСТАЦИЯ МИКЛОШЕВЦИ 2018”

Фото: Любомир Дудаш

ЦЕНА 30 ДИНАРИ

”

Фото: З. Колєсар

КОЦУРСКИ КИРБАЙ

ОГЛЯД НУ ЦЕ НА ПРЕ ШЛОСЦ

Фотоґрафия: 0707P

■ ДНЇ КЕРЕСТУРСКЕЙ ПАПРИҐИ