ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
НА НОВОСАДСКЕЙ ПЛАЖИ
ÌÀÍÈÔÅÑÒÀÖÈß „ÏÎÄ ÊÎÐÓÍÀÌÈ ÍÀ ØÒÐÀÍÄÓ”
ЦЕНА 30 ДИНАРИ
дин.
ОГЛЯДНУЦЕ НА ПРЕШЛОСЦ
Даєдни фотоґрафиї обявюємє вецей раз, понеже за нїх дотераз нєт нїяки податки.
500 К: 2 И А Н З Ь ТЕ Л ЛЕТ КОС КОМП И ЦАЛ
цифичносци тей националней меншини. Почало ше з македонским язиком, з тим же дзеци од тринац до дзеветнац роки можу слухац интензивни курс мадярского язика. Потим будзе орґанизована и роботня румунского язика. Найуспишнєйши достаню прикладни награди. – Пестованє интеркултуралного и мултикултуралного диялоґу главни циль орґанизованя тих роботньох. На таки способ жадаме мотивовац дзеци же би у основних и штреднїх школох ходзели на годзини факултативного виучованя меншинских язикох – сообщели Городска библиотека у Новим Садзе, Херор медия понт и Центер за розвой меншинских и локалних медийох котри орґанизаторе тей манифестациї. Шицки учашнїки маю обовязку притримовац ше предписаних мирох у защити од ширеня коронавирусу котри предписал Городски штаб за кризни ситуациї. Я. Дю.
Фото: Вероника Вуячич
Фото: Чила Давид
Роботнї за дзеци од пейц до дванац роки котри промовую медиї, културу и язики меншинских заєднїцох, почали прешлого тижня на новосадскей плажи Штранд, на просторе Городскей библиотеки. Уж осми рок за шором, дзеци маю нагоду научиц одредзени фонд словох даєдного язика, а на тот способ и спе-
РОК LXXVI ЧИСЛО 32 (3901) НОВИ САД, 7. АВҐУСТ 2020.
Фотоґрафия: 0122P
Фотоґрафия: 0101P
Фотоґрафия: 0159P
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох П на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.
■„ЗАСАВИЦА” – ГАРМОНИЯ ЧЛОВЕКА З ПРИРОДУ
ИНТЕРМЕЦО ДОБРОДЗЕЧНИ ОГНЬОГАСНИ ДРУЖТВА
Б И К И Ч, Б А Ч И Н Ц И И Б Е Р К А С О В О
С
римски валали Бикич, Бачинци и Беркасово, нєдалєко од Шиду, и после Другей шветовей войни мали свойо огньогасни дружтва пре ефикаснєйше зоперанє и охрану од огня. По подат кох, у Би ки чу Огнь о га сне дру жтво oсноване 1954. року. До роботи ше як волонтере уключели хлопи хтори звладали основи процивогньовей защити, а у валалє ше отримовало и змаганя у процивогньових схопносцох о чим нам виприповедал Звонко Гнатко, чий покойни оцец Кирил у младших рокох бул огньогашец. Огньогасци мали и свою просторию у єдней часци будинку Дома култури дзе тримали опрему. Огньогасци ше орґанизовали и у Бачинцох, а тих часох ше здогадує бачи Дюра Канюх (нажаль, и вон ше у медзичаше упокоєл). У просториї будинку Месней заєднїци ше по його словох дежурало окреме кед була косидба жита, бо вец и була найвекша опасносц од вибухованя огня.
2 РУСКЕ СЛОВО
Людзе орґанизовано дежурали у зменох, та и зоз тракторами же би були порихтани пререзац огень кед би ше зявел на полю. Так би зопарли його дальше ширенє и оможлївели лєгчейше и швидше гашенє. Беркасово найблїзши валал при Шидзе, алє и у тим валалє после Другей шветовей войни исновали добродзечни огньогасци. Никола Кнежевич, просвитни роботнїк у пензиї зоз Шиду, а по родзеню з Беркасова, виприповедал же Беркасовчанє добре паметаю вельки огень хтори ше случел влєце 1949. року, кед ше запалєли як гвари „гувна”, а моцни витор грожел же ше огень раз-два прешири. Шицки ше дали до гашеня огня, а найвецей чкоди мали Бобальова, Уґреновичова, Тотова и Кнежевичова фамелия. Добродзечни огньогасци мали ручни пумпи – брентачи и так гашели огень. Вл. Дїтко
7. АВҐУСТ 2020.
ЗМИСТ
УВОДНЇК Пише: Иван САБАДОШ, главни одвичательни редактор
■ Тижньовнїк 4–5. Схадзка управи Фондациї „Fundatio Ruthenorum”
■ Нашо места 6–7. Капитални роботи на водоводу у вербаскей општини
■ Економия 14–15. Продукция малинох у Руским Керестуре
■ Култура и просвита 16. Ратко Торма, маляр зоз Беркасова
■ Мозаїк 20–21. Новосадянка Наташа Джуджар, медзи музику и математику
■ Людзе, роки, живот 24–25. Наш госц: Славомир Рамач зоз Дюрдьова
■ Духовни живот 28–29. Подїї з парохиялного живота
■ Информатор 30–33. Мали оглашки и In memoriam
■ Спорт 35. Фодбалски клуб „Искра” з Коцура ма нового предсидателя
■ Интермецо 38–39. Хладок и горуци тепши Насловни бок: „Засавица”, специялни резерват природи першей катеґориї Авторка фотоґрафиї꞉ Вероника Вуячич
ЧЕРВЕНИ АЛАРМ Ище чекаме конєчну одлуку Министерства просвити о судьби руского оддзелєня Ґимназиї у Руским Керестуре, односно чи компетентни дошлєбодза же би ше формовала руска перша класа з менєй як пейц школярами. Кед же, як ше шицки наздаваме, тото дошлєбодзенє сцигнє, як заєднїца ше виратуєме з рубца бездни. Кед же нам Министерство нє препатри през пальци уж такой у першей нагоди, односно кризи упису яку зме ище нє мали, шлїдзи нам, и то треба ясно повесц, национална катастрофа, бо евентуалне гашенє єдиней рускей Ґимназиї на швеце нїяк иншак нє мож наволац, лєм так. Гоч ше мож гнївац на Министерство же є такой-таке ажурне кед треба розпатрац опцию гашеня за руску заєднїцу животно важного штреднєшколского оддзелєня, а дзепоєдни други ситуациї роками нє ришує, вину нє мож преруцовац лєм на Беоґрад. Кед будземе реални, треба припознац же нам компетентни уж роками скоро по автоматизме дошлєбодзую винїмки и преседани коло формованя руских оддзелєньох у рижних школох и формох настави, и то зме почали прилапйовац як правило. Медзитим, винїмок праве тото – нєшка є гей, ютре є нє. Неґативна демоґрафска слика рускей заєднїци, як и тирваца депопулация наших штредкох хтору, парадоксално застановиц можу лєм ґлобални кризи (шветова рецесия 2008, актуална пандемия) вшелїяк главна обєктивна причина нєшкайшого стану. Мед зитим, нє мож занягац анї субєктивну одвичательносц ца лей заєднїци, наших лидерох, нас самих. Я почитуєм нашу националну културу, фестивали и фолклор, алє верим же то нє сущносц меншинских правох. Образованє на мацеринским язику прави фундамент того концепту, а шицко друге надбудов. Медзитим, мам упечаток же нам голєм остатнї 20 роки яко шик ва жнє й ша фа са да, як чи у му рох єст вла ги. А вец, кед хижа спаднє, хто виновати? Нє треба мац заблуди и делузиї. Терашня, Треца руска ґимназия формована у остатнїм историйним моменту, док на тих просторох ище було институцийного шора и нормалносци. Кед же ше, на вичну ганьбу загаши, вироятно ше вецей нїґда нє обнови. Далєй, после Ґимназиї, на шоре Катедра. Резон ясни – нач школовац професорох хтори нє маю кому преподавац? Но, та, нам од образовней вертикали з хтору ше у каждей нагоди хвалїме голєм кельо и з тим же зме „народ найграмотнєйши” останє половка, висока праве тельо кельо маю и нашо согражданє з так повесц „другого ешалону” полу-еманципованих меншинских заєднїцох. Елементарна писменосц, научиц ше голєм озвец на мацеринским язику, даскельо шпиванки и досц. Кед же лєм маме школовац роботнїкох за Канаду и Нємецку, вецей нам можебуц анї нє треба. Щиро ше наздавам же таке роздумованє нєприлаплїве за прешвечлїву векшину статистично (ище вше) найобразованшей националней заєднїци на тих просторох.
* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/VII, 21000 Нови Сад * Редакция: одвичательни редакторe/ки – Олена Планчак-Сакач, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Славица Фейса, Вероника Вуячич * новинаре/ки – Мария Афич, Влада Дїтко, Лидия Кухар, Андреа Медєши, Оля Русковски * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-923244-82 * Девизни рахунок 160-0050870024999-53 * Рукописи ше нє враца * Друкує Друкарня ” Maxima graf” Петроварадин * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *
Директор др БОРИС ВАРҐА *** Главни одвичательни редактор ИВАН САБАДОШ
7. AВҐУСТ 2020.
РУСКЕ СЛОВО 3
ТИЖНЬОВНЇК КОНСТИТУТИВНА СХАДЗКА СКУПШТИНИ АП ВОЙВОДИНИ
ПЕРША РОБОТНА СХАДЗКА”
ИШТВАН ПАСТОР ОСТАВА ПРЕДСИДАТЕЛЬ
ВИБРАНИ
У Мастер центру на Новосадским сайме, пияток, 31. юлия, отримана Конститутивна схадзка Скупштини АП Войводини. Схадзка отримана з почитованьом шицких епидемиолоґийних мирох безпечносци, а на присуствовали скоро шицки нововибрани посланїки на виберанкох хтори отримани 21. юния того року. По Дїловнїку и Статуту першу схадзку Скупштини АП Войводини у новим зволаню, пред конституованьом водзел найстарши посланїк а то Момо Чолакович (ПУПС). На схадзки потвердзени мандати шицким 120 покраїнским посланїком, а потим вибрани предсидатель Скупштини АП Войводини и подпредсидателє, а меновани и ґенерални секретар Скупштини и предсидатель и члени Одбору за административни и мандантни питаня Скупштини АП Войводини. За предсидателя Скупштини АП Войводини ознова вибрани Иштван Пастор (СВМ), хтори бул спикер Покраїнскей скупштини и у предходним зволаню. Пастор гварел же очекує добре сотруднїцтво зоз шицкима посланїками у интересу гражданох Войводини. У тим мандату Скупштина будзе мац пейц подпредсидательох, а на тоту функцию вибрани: Александра Малетич (СНС), Александра Дянкович (СПС), Дамир Зобеница (СНС), Неманя Завишич (СНС) и Деян Чапо (ЛСВ). У предлуженю Схадзки
за Ґенералного секретара Скупштини вибрани Никола Баняц, мастер правних наукох, зоз Нового Саду. У новим, дзевятим зволаню Скупштини од увод зеня вецейстранковей системи, коалиция СНС ма 76 посланїкох, коалиция СПС – ЄС тринац, СВМ єденац,
4 РУСКЕ СЛОВО
Коалиция „Войводянски фронт” шейсц, лїстини „Метла 2020” и „За кральовину Сербию – за сербске Войводство” по пейц, а СРС штирох посланїкох. Мед зи по сланїками Коалициї „Войводянски фронт” у тим зволаню Скупштини АП Войводини будзе и Олена Папуґа (ЛСВ) хтора прекоментаровала на чим будзе фокус тей политичней опциї.
75 РОКИ АВТОНОМИЇ Интересантне надпомнуц же на дзень кед конституована нова Скупштина Войводини, пред 75 роками, 30. и 31. юлия 1945. року зоз жаданьом и одлуку народох и народносцох хтори жили на тих просторох, а на началох антифашизму и модерним наднационалним концепту, створена автономия Войводини, и конституована автономна покраїна у составе Републики Сербиї и Югославиї.
– Нашо становиска и опредзелєня у Лиґи социялдемократох Войводини познати. Значи и далєй ше будземе бориц за врацанє полней автономиї яку зме мали од 1974. по 1989. рок. Вшелїяк и же би ше цо скорей принєсол Закон о финансованю АП Войводини. За судску, вивершну и законодавну власц. За войводянску полицию и же би тото цо ше зароби остало у Войводини. Нашо намганя же би у новим Уставе Републики Сербиї нє було вецей же доставаме 7 одсто, алє най шицко останє у Войводини, а ми Беоґраду виплациме тото цо шлїдзи держави – гварела Олена Папуґа. У предходним скупштинским зволаню владаюца коалиция була союз СНС, СПС – ЄС и СВМ. Векшина актерох политичного живота у Покраїни коментаровали же и тераз скупштинска векшина будзе формована у рамикох ґенералного спорозуменя на шицких уровньох власци, а же Покраїнска влада будзе оформена после формованя Влади Републики Сербиї. А. П.
просторийох Руского културного центра, штварток, 30. юлия, отримана перша роботна схадзка Фондациї „Fun da tio Rut he no rum” хтора оформена концом 2017. року. На схадзки потерашня предсидателька Фондациї Ивана Дудаш задзековала на тоту функцию пре други обовязки, та є розришена длужносци, а на єй место менована нова предсидателька – Анита Ґовля. Першу роботну схадзку Фондациї водзел Борислав Сакач, предсидатель Управного одбору Фондациї. Як медзи иншим поведзене, аж тераз, после скоро трох рокох як є установене, витворени лоґистични фундаменти же би Фондация почала робиц на очуваню и розвою скарбу нашей заєднїци. По Статуту Фондациї, оформена є же би чувала и розвивала културни скарб нашей заєднїци. За нєполни три столїтия кельо зме на тих просторох вельо того зме „наґаздовали” и у материялним, а тиж так и у нєматериялним смислу. То єдно богатство, а вшелїяк и шведоченє о нашим живоце, култури и скарбу, а хторе би требало зачувац и отримовац. У будучносци Фондация нє лєм же будзе чувац и розвивац нашу културу и скарб, алє будзе и титулар шицкого цо наша заєднїца за тельо роки здобула на тих просторох. На приклад, лєм у Руским Керестуре маме три обєкти велькей културней
У
7. АВҐУСТ 2020.
tiznjovnjik@ruskeslovo.com
ФОНДАЦИЇ „FUNDATIO RUTHENORUM”
НОВИ УПРАВИТЕЛЬ вредносци за Републику Сербию (будинок „Замок”, Церква и Водица). ПРОЄКТНИ БИРО ЯК ЛОҐИСТИЧНА ПОМОЦ По Статуту, Фондация нєпрофитна орґанизация хтора би прейґ рижних конкурсох и зоз повязованьом зоз другима Фондациями обезпечела нєобходни средства за спомнути статутарни опредзелєня. Подобнє як Роботне цело Проєктни биро, алє вельо єдноставнєйше. Роботне цело Проєктни биро хторе прейґ иншаких драгох доходзи до нєобходних средствох за рижни проєкти у нашей заєднїци, уж здобуло одредзени знаня и искуства, насампредз у апликованю на Конкурси, та з тим створени и фундаментални предусловия же би Фондация вєдно зоз Бироом конєчно почала витворйовац идеї пре хтори є оформена.
У пояшнєню компетенцийох и можлївосцох Фондациї, Елемир Джуджар, спред Роботного цела Проєктни биро, наглашел же Фондация може на вецей бокох вимагац средства и нє ма огранїченя як цо ма Национални совит. З другима словами, Фондация як полуга у хторей ше обєдинює интереси вецей институцийох и субєктох, та у тим смислу може вимагац и достац вельо векши средства. Кед слово о нашей заєднїци, надпомнул Джуджар, у тим року було вецей интересантни Конкурси за Фондацию. З оглядом на тото же то волонтерска нєпрофитабилна орґанизация од членох, а окреме од чолних людзох, ше вимага професийносц и едукованосц. НА ШОРЕ АДМИНИСТРАТИВНИ РОБОТИ У наиходзацим периодзе, як поведзене на схадзки, Фондация би требала закончиц административни роботи – направиц печац, отвориц жиро рахунки, и подобне. Кед ше витворя и тоти условия за роботу, пошвидко би могло очековац єй перши конкретни позитивни резултати. Но, тото цо ище важнєйше, потим треба розробиц план и стратеґию. Як наявене на схадзки, до єшенї би могло закончиц административни роботи, а уж на идуцей схадзки Фондациї би требало бешедовац о планох и стратеґиї. А. Паланчанин 7. АВҐУСТ 2020.
STANOVISKA Пише: Мирослав ЗАДРЕПКО, новинар
КОРОНОВАНЄ Як ствари тераз стоя, нє ришиме ше пошвидко вируса корона. Приповедки о тим же зме го победзели и же епидемия под контролу и таке койцо крашнє звуча, алє факт же вирус циркулує медзи нами, випатра аж и баржей як цо було на яр. Надри-наздаваня же UV зарї, лєбо лєто забию вирус и же му сезона прейдзе, очиглядно нє тримаю воду, вакцина ище вше у розвою и, гоч кельо ше бешедує о тим же лєм цо є нє, реалносц же инстант ришенє нє по стої. Як велї фаховци, а и гевти зоз менєй фахово сци, гуторели – корона ту и мушиме ше научиц жиц зоз тим вирусом. Е, то же маме жиц зоз тим вирусом значи же мушиме прилапиц „нову реалносц” хтора ше мнє нє пачи. Дораз енки най ше порадзиме дацо, то же ми ше нє пачи, нє значи же ю нє прилапим, якош ми ше ище вше жиє и кед то муши буц под маску и на дистанци, ок, най будзе так, алє ми ше заш лєм нє пачи, а ниа и чом, и прецо. Як перше чловек, медзи иншим, дружтвене єство. Нє мам про стору толковац цо то шицко значи, алє ясне же нє може функционовац як само стойна, од-цалого-швета-видвоєна єдинка. Єст винїмки, алє у сущно сци, шицким нам нєобходне окруженє других людзох же бизме жили нормално. Мнє особнє, як дакому хто нїґда нє цалком одро снул и хто нє дошлєбодзел же би Петар Пан у нїм умар, поготов знача други людзе и контакт зоз нїма. Щиро поведзено, дакус ше и обавам же ме живот без театру, концертох, друженьох, без можлїво сци же бим облапел милих людзох, ощерби и покалїчи. И тераз ту дилема, скоро парадоксалних розмирох: як зачувац и физичне и менталне здравє, витвориц свойо жаданя и остац здрави, жиц живот зоз корону и нє бац ше? Нажаль, нє сиґурни сом же вообще дахто ма конретни, общи одвит на тото питанє. Єдно ставно, гевто цо за дакого може буц ришенє, дакому другому може буц терха, лєбо проблем. Єдино цо сом сиґурни то же тоту нову реалносц мушиме прилапиц. Нє вредзи обрацац главу на други бок и чекац же би Ковид-19 сам од себе щезнул. Можебуц ше то и случи, єдного дня будземе мац и вакцину, прейдзе кеди-теди, алє по тамаль, мушиме єдно ставно прилапиц же вирус и хорота ту, коло нас, и научиц жиц зоз ню: ношиц маски, тримац дистанцу, заменїц журки и концерти зоз меншима друженями, хасновац час за власни „вентили”, читац кнїжки, патриц филми, буц креативни... И нє ганьбиц ше поглєдац помоц, од блїзких людзох лєбо фаховцох. Єдно ставно, пременка през хтору преходзиме як дружтво нє мала, а зоз тим анї єй пошлїдки нє буду беззначни. Цо скорей то прилапиме, лєгчейше их превозидземе. Становиска висловени у тим тексту виключно авторово и нє вше одражую ушорйовацку политику новинох „Руске слово”
РУСКЕ СЛОВО 5
НАШО МЕСТА У ВЕРБАСКЕЙ ОПШТИНИ ГОДНИ ПИЦ КВАЛИТЕТНУ ВОДУ
ЄДНА „СТУДНЯ” ЗА ШИЦКИХ Пишу: Редакция и мрежа дописовательох
Длугорочни проблем нєквалитетней води за пице у општини Вербас би у будучносци нє требал буц проблем. У плану же би шицки пейц места у вербаскей општини були приключени на городске жридло води вербаского „Водозахвату” у хторим ше воду прерабя оставянє цивоводох почало пред двома мешацами, и то перше на релациї Вербас–Коцур–Савине Село, а заплановане же ше исти тоти роботи предлужа и у других местох у општини, док по плану почнє друга фаза роботох. Намира тота же би шицки жителє тей општини мали добру, квалитетну воду за пице, цо потераз так нє було. За шицки заплановани роботи потребни нє мали пенєж, инвестицию ше реализує у сотруднїцтве и на шицких уровньох власци зоз медзинароднима орґанизациями и иножемнима финансиєрами, а вредносц инвестициї 4,1 милиони евра. Вербас єден з варошох хтори часц Програми „Помоц водоподмирйованя и канализациї у општинох стреднєй велькосци у Сербиї”, a реализує ше у сотруднїцтве зоз Нємецку розвойну банку KFW, хтора оможлївела помоц зоз кредитом. За проєкти задлужени проєктантски тим компаниї „Sеtec Engeniring”, роботи на вибудови транспортного цивоводу окончує фирма „Ґрадитель НС”, а рок за їх законченє 365 днї. ПОТЕРАЗ ИШЛО ПО ПЛАНУ Затераз шицко идзе по плану, а тото потвердзене и з републичного министерства.
6 РУСКЕ СЛОВО
Фото: www.nasemesto.rs
П
Синиша Адамович
– Тот значни проєкт ше започало з контрактом медзи општину Вербас и Министерством будовательства, як и з финансийну потримовку Нємецкей розвойней банки, бо ше такой могло раховац на першу фазу роботох котрей циль положиц водовод длужини 14 км. Паралелно з тим и други роботи и активносци ше одвиваю по плану, и барз важне же ше у роботи нє стої у месце, або на дакого чека. Вельку увагу ше придава комуналней инфраструктури, бо то тото цо конкретно оможлїви квалитетнєйши живот шицким гра7. АВҐУСТ 2020.
mesta@ruskeslovo.com
жданом – гварел, медзи иншим, державни секретар Министерства будовательства др Милоє Обрадович. ПРЕШИРЕНИ КАПАЦИТЕТИ У „ВОДОЗАХВАТУ” Часто кед ше закуши до вецейрочного, та мож повец и вецейдецнийного проблему, як цо у тей хвильки квалитет води у вербаскей општини, аж теди видно правдиву його велькосц, односно тото же проблем вельо комплекснєйши. После подробних анализох пред тим як ше з ашовом вошло до жеми, було ясне же нєобходни велї укладаня, аж и на самим городским жридлу води, на „Водозахвату”, дзе ше студньову воду прерабя, и квалитетнєйша є як по валалох, а з хтору ше роками подмирює лєм Вербас. Одлучене же ше преширя уж постояци филтер-станїци, же ше прешири и вибудує резервоарски простор пре баланс кед ше воду нєровномирно троши... План тот же ше воду зоз „Водозахвату” транспортує по пумпни станїци и резервоари у Коцуре, а отамаль будзе пущена у трох напрямох, ґу Савиному Селу, Змаєву, Бачкому Доброму Полю и Равному Селу. Затераз шицко пошло по плану. Порихтани шицки проєкти и достати потребни дозволи. Од руководителя вербаского водоводу Мирослава Фейси дознаваме же треба зачувац тоти поджемни води хтори маме, алє и обезпечиц додатни количества поджемней води за водоподмирйованє жительства, так же предвидзене вибудовац 5 нови студнї и прешириц капацитет за преробок води, ище 100 л/с. РОБОТИ БУДУ ТИРВАЦ ЦАЛИ ИДУЦИ РОК Главна проєктантка у мено „Seteca” Єлена Лович бешедує о роботох, и прешвечена є же тото цо запланова-
ВОДУ ШЕ ЛЄМ ДЕЗИНФИКУЄ Валали у општини Вербас (Коцур, Савине Село, Равне Село, Змаєво и Бачке Добре Польо), воду за пице роками хасную зоз студньох хтори нє маю квалитет добрей, здравей води. Тоти населєня нє маю одвитуюци третман спомнутих студньових водох, окрем хлорованя, або так повесц, дезинфекциї води, цо нє досц же би ше задоволєло основни вимоги квалитета води хтори реґуловани аж и з Правилнїком о гиґиєнскей исправносци води за пице (Сл. Гл СРЮ 42/98 44/99).
7. АВҐУСТ 2020.
Єлена Лович
УКЛАДА ШЕ ДО РОЗВОЮ ОПШТИНОХ Шицки инвестициї аранжман зоз КFW банку, односно, розвойну банку Нємецкей, хтора обезпечує кредити општином штреднєй велькосци, по уж спомнутей Програми. Тота банка инвестує до проєктох у Сербиї од 2000/2001. року, а од 2008. року почина укладац до општинох стредней велькосци за обласц водоподмирйованя. Програма V, у рамикох хторей и Вербас, почала ище 2014. року, а 2021. року предвидзене же ше закончи зоз шицкима роботами на спомнутих инвестицийох. Попри Вербасу у програми и општини Кикинда, Парачин и Княжевац. не у першей фази по конєц септембра, будзе и закончене, кед и нє скорей, а тераз ше кладзе циви на часци Вербас–Коцур, односно у Коцуре. – На коло 1 900 метерох робота поробена, 900 метери у Коцуре и коло 1 000 метери на локациї „Водозахвату”. У роботи применєни найсучаснєйши ришеня, а з вибудову двох цивоводох (Вербас–Коцур–Савине Село, длужини 14 километери и Коцур–Змаєво–Равне Село–Бачке Добре Польо, длужини 18 километери), водоводни мрежи населєньох буду повязани зоз централним „Водозахватом” у Вербаше, у вкупней длужини 32 километри. За вибудов доводних цивоводох вибрани водоводни циви од полиетилена, одпорни на вонкашнї механїчни очкодованя, хтори ше лєгко монтира и кладзе – наглашує Ловичова. По словох директора Явного комуналного подприємства „Комуналєц” Вербас Синиши Адамовича, под час спомнутих роботох почитує ше шицки релевантни закони и предписаня, а окремна увага дата контроли и примени закона о безпечносци и здравю на роботи. Директор Адамович надпомина и тото же кед слово о других инвестицийох, тераз у цеку евалуация понукнуцох за тендер за фурованє студньових польох, алє и пририхтованє тендера за други наявени роботи. На питанє кеди Коцурци и жителє Савиного Села годни до погара насипац квалитетну воду, ище вчас дац точну информацию. Тото цо сиґурне то же спомнути роботи буду тирвац през цали идуци 2021. рок, та ше нагадує же би ше то могло буц у 2022. року.■
РУСКЕ СЛОВО 7
НАШО МЕСТА НОВИ САД – КОВИД-19
Городски штаб за позарядово си туа циї од лу чел же шиц ки мири котри принєшени пре зоперанє ширеня вируса корона, од 17. юлия буду предлужени по 7. авґуст. Зоз Штаба поручели же ситуация у Новим Садзе и далєй нєстабилна, и же ше число хорих нє зменшує у очекованим проценту. И надалєй важа мири котрих кажде треба же би ше притримовал – як цо то ношенє защитней маски и почитованє физичней оддалєносци, а и других мирох котри препоручел Кризни штаб. У Клинїчним центре Войводини у Новим Садзе, тераз ше лїча 307 пациєнти при хторих по-
твердзена хорота од вируса корона. Двацец пациєнти прикапчани на респиратори. У Воєним шпиталю у Петроварадину од хороти ше лїча 27 пациєнти. Як у сообщеню зоз того шпиталю пише, велї пациєнти у чежким клинїчним стану. Окрем нєобходней терапиї применєна и интерзивна терапия зоз оксиґеном. КЦВ апеловал на гражданох най ше обовязно притримую шицких превентивних защитних мирох, а то: ношенє маски, отримованє одвитуюцей социялней дистанци и поряднє умиванє рукох. Важне и же би ше керовало сходзенє у векшим числу у завартим просторе. А. П./Я. Дю.
Фото Лю.Ц.
МИРИ ЗАЩИТИ ПРЕДЛУЖЕНИ
ОПШТИНА ВЕРБАС
ЕПИДЕМИОЛОҐИЙНА СИТУАЦИЯ ШЕ СТАБИЛИЗУЄ На териториї општини Вербас позарядова ситуация и далєй на моци, як и обовязне притримованє шицких предписаних мирох защити. Кед слово о епидемиолоґийней ситуациї у вербаскей општини, як гварел директор Общого шпиталю Вербас
др Милан Попов, а пренєсол сайт Радио-телевизиї Войводини, до ковид пулмолоґийней амбуланти у рамикох Дома здравя „Велько Влахович” Вербас, а спред ОШВ, дньово ше явя од 50 до 80 особи. – За цали юлий препатрели зме 1 680 пациєнтох, од котрих 480 були на котролних препатрункох. Интернисти и пулмолоґове котри у ковид-амбуланти дежураю нєпреривно, од 00 годзин по 24 годзин, закажу контроли кед лєгчейша форма запалєня плюцох, а потим одлучую
8 РУСКЕ СЛОВО
чи пациєнта пошлю до шпиталю. За 24 годзини єст од 3 до 10 госпитализациї – гварел др Попов. У вербаским Общим шпита лю формоване ковидоддзелєнє, котре ма 50 по сцелї и наход зи ше у окремним видвоєним будинку. По словох др Попова, остаток шпита лю функционує, алє ма зменшане число пациєнтох. Ро би де жур на урґ ент на служба дзе ше окон чує шиц ки урґ ент ни пре патрун ки, и кед сло во о ги ру рґ иї, орто педиї, як и ин тер ни стич ни пре патрун ки. Як ви значел, вод зи ше ра хун ку же би у ам булан ти, од но сно у поли кли нїч ней ча сци нє було ве цей як 30 па ци єн тох. – Поручел бим шицким гражданом же би предлужели ношиц защитни маски и притримовали ше одредзеней оддалєносци, як и же би ше стримали од сходох и друженьох ище мешац, два, покля нє сцигнє вакцина – гварел на концу директор ОШВ др Милан Попов. Здогаднїме, роботни час погосцительних обєктох у цалей општини Вербас и далєй до 20 годзин, а заградки кафичох робя до 22 годзин. Базени заварти, а нє робя анї терховнї, та ше спортски клуби упутює же би тренинґи отримовали на отвореним. Сходи у завартим и отвореним просторе огранїчени на 10 особи. Явни установи ше поряднє дезинфикує. Шицки котри чувствую даяки симптоми, можу ше явиц до ковид-амбуланти на число телефона 062/ 780 289. Амбуланта функционує у рамикох вербаского Дома здравя, а роби нєпреривно, од 00 годзин по 24 годзин кажди дзень. О. Р. 7. АВҐУСТ 2020.
mesta@ruskeslovo.com
ЯКП „ПРЕЧИСЦОВАЧ ВЕРБАС – КУЛА”
Централне ушоренє за преробок одрутних водох у Вербаше и Кули од нєдавна водзи компания „Веолиа”. Тот странски оператер будзе задлужени за управянє зоз „Пречисцовачом”, покля ше нє створи капацитети з котрима будзе оможлївене же би зоз тим ушореньом управяло. Явне комуналне подприємство „Пречисцовач Вербас – Кула” формовали локални самоуправи Вербасу и Кули. Окончователь длужносци директора ЯКП „Пречисцовач Вербас – Кула” Ранко Митрович гварел же з контрактом медзи општину Вербас и фирму „Веолиа” точно назначени задлуженя и обовязки обидвох бокох. На локалней самоуправи остали обовязки плаценя трошкох енерґентох – струї и ґазу, як и старанє о дегидрованим мулю. Приватни странски оператер „Веолиа” фирма котра була уключена до вибудови линиї води на пречисцовачу, та єй фаховци уж упознати зоз шицкима процесами роботи. Законченє канализацийней мрежи у општини Вербас и приключованє околней индустриї предусловиє же би пречисцовач преробел у полним обсягу. То и предусловиє за ришованє рижних еколоґийних проблемох, насампредз за чисценє заґадзених водоцекох. Централни пречисцовач за преробок одрутних водох Вербасу и Кули затераз зазберує санитарни води практично лєм з тих двох населєних местох и роби зоз трецину свойого капацитету. Дзвиганє того капацитету єден з приоритетох фирми „Веолиа”, котрей у вецей европских жемох зверене управянє на даскелїх подобних обєктох.
Фото: www.vrbas.net
СТРАНСКИ ОПЕРАТЕР ПРЕВЖАЛ УПРАВЯНЄ
– Наш интерес же бизме у партнерству зоз фирму „Веолиа” посцигли квалитетнєйше управянє зоз ЦППОВ. Наша идея же би ше у будучносци на ЦППОВ приключели и други места. Прето зме придали комплетну проєктно-технїчну документацию канцелариї за управянє з явнима укладанями. За ефикасну роботу „Пречисцовача” важне же би ше на систему одводзеня одрутних водох приключели и найвекши индустрийни ушореня – гварел предсидатель Дочасового орґану општини Вербас Милан Ґлушац. О. Р.
У ОПШТИНИ КУЛА ОДКАЗАНИ ВЕЛЇ МАНИФЕСТАЦИЇ
„ДНЇ КЕРЕСТУРСКЕЙ ПАПРИҐИ” ПРЕЛОЖЕНИ ЗА ШЛЇДУЮЦИ РОК Пре почитованє одлуки Влади Републики Сербиї и Штабу за позарядово ситуациї општини Кула, зоз хтору ше забранює отримованє шицких манифестацийох и огранїчує число людзох на отворених и завартих просторох до дзешец людзох, велї манифестациї у кулскей општини одказани. Пре тоту причину, одказана и манифе стация „Днї кере стурскей паприґи” хтора требала буц отримана концом авґуста. По словох предсидательки Здруженя паприґарох „Капсикум анум” Душици Орос, така одлука принєшена у консултациї зоз локалну самоуправу, а пре актуалну епидемиолоґийну ситуацию. Як гварела Оросова, компетентни у општини Кула виражели можлївосц же би сума од 400 000 динари зоз општинского буджету, а хтора була наменєна за отримованє тей манифестациї, заш лєм була преруцена на рахунок Здруженя, гоч манифестация того року нє будзе отримана. 7. АВҐУСТ 2020.
– План бул таки же бизме за нашу манифестацию зоз општинского буджету каждого року доставали по 400 000 динари. Понеже того року манифестация нє будзе отримана, тот пенєж бизме любели похасновац за купованє столох, бини або другей провадзацей опреми хтора потребна за отримованє манифе стациї. Затераз зме з локалней самоуправи нє достали нїяки конкретни одвит, алє нам поведзене же можлївосц постої. У Покраїни анї нє розпатрени конкурси за манифестациї, гоч зме и там конкуровали. Прешлого року зме од Покраїнского секретарияту за привреду, водопривреду и лєстарство достали 80 000, а того року нє знам кельо би було, понеже зме одвит од нїх нє достали – гварела предсидателька Здруженя Душица Орос. О премесцаню манифестациї за познєйши датум того року, предсидателька Здруженя гварела же би то нє мало смисла, понеже ше з одкупйовачами паприґи догварки и контракти
прави пред тим як почнє оберанє. – Зоз локалней самоуправи нам гварели же по Нови рок нє будзе отримана анї єдна манифестация, та о премесцованю манифестациї за даєден други датум нє було бешеди. Нам важне же би ше манифестацию отримовало пред обераньом паприґи, кед и одкупйоваче приходза до валалу пре паприґу. Будземе у контакту зоз шицкима одкупйовачами паприґи, вони буду приходзиц поєдинєчно обиходзиц паприґу до валалу, фирми тиж буду приходзиц, кед годно, приду и на фахово преподаваня, алє шицки тераз керую контакти и векши сходи. Оглядне польо требали отримац фирми „Тимак аґро” и „Синджента”, медзитим, и вони одказали нащиву пре векши сход людзох – потолковала Оросова. Же би ше нє пришло до ситуациї же безпечносц нащивительох будзе загрожена, одлучене же би ше „Днї керестурскей паприґи” преложело за 21. авґуст 2021. року. Ан. М.
РУСКЕ СЛОВО 9
НАШО МЕСТА У ОПШТИНИ ШИД
ДИСЦИПЛИНА ДАВА РЕЗУЛТАТИ Фото: С. Михайлович
вадзовац превентивни мири, хасновац На подручу општини Шид по остатнїх дезинфекцийни средства, тримац дисурядових податкох, хтори пондзелок соотанцу медзи госцами, хтори муша хабщел Завод за явне здравє зоз Сримскей сновац защитни маски и подобне. Митровици, єст 18 особи позитивни на На базенох у Шидзе тиж гваря же вирус корона. През викенд реґистрована почитую мири защити, гоч налоґа анє лєм єдна позитивна особа, цо би значело нє велька, вироятно и пре страх од виже ше векшина гражданох притримує руса корона. епидемиолоґийних мирох у зопераню шиЦо ше дотика податкох на уровню реня вируса. Сриму, хтори тиж сообщени пондзеЛєм пред даскельома днями, Општинлок, др Нада Зец, директорка Заводу ски штаб за позарядово ситуациї сообщел за явне здравє у Сримскей Митровиже провадзи розвой епидемиолоґийного ци гварела же у тим городзе були реґстану и же кед ше звекша число позитивистровани 129 позитивни особи на них особох розпатри ше аж и можлївосц вирус, у Старей Пазови 30, Руми 71, уводзеня позарядовей ситуациї. др Нада Зец Индїї 39, Ириґу лєм пейц, Шидзе 18 и У општини Шид дезинфиковани явни поверхносци, гражданє можу достац дезинфекцийни сред- у Печинцох 10 позитивни особи. Вона оценєла же епидемиолоґийни стан у благим ства за хаснованє у своїм обисцу, а тиж ше контролує и хаснованє защитних маскох у явних установох, предаваль- злєпшаню, алє поволала гражданох же их то нє шме спреведнуц и же ше и надалей муша притримовац епиньох, вельких маркетох, пекарньох, апатикох и индзей. Як нам гварел єден тарґовец, кари нє лєм 5 000 динари демиолоґийних мирох защити. Кед слово о податкох зоз Общого шпиталю у Сримза особу хтора вошла до дутяну без маски, а тиж и за тарґовца, алє вельо раз векша за власнїка предавальнї, так скей Митровици, пондзелок було 116 пациєнтох хорих од корона вируса, 14 змесцени на интензивним допатраже ше тоту епидемиолоґийну миру углавним почитує. Вл. Дї. И власнїки кафичох опомнути явно же муша запро- ню, од хторих шесцеро на респираторох.
У РУСКИМ КЕРЕСТУРЕ
РОБОТНА АКЦИЯ У ДЗЕЦИНСКИМ ПАРКУ Прешлого тижня була роботна акция у дзецинским, беби-парку у Руским Керестуре, дзе ознова вилята дражка место 30 метерох дослуженей, а маю буц поставени и два, або три кандилабри и два нови лавочки. На инициятиву Месней заєднїци роботу орґанизовало и финансовало ЯКП „Рускомˮ и його роботнїки котри поробели пририхтуюци роботи, а коло 30 метери дражки виляли добровольци зоз Церковного одбору, Добродзечного огньогасного дружтва и Здруженя рибарох „Колякˮ. По словох директора „Руском” Иґора Фейдия, за шлюнок и цимент потрошене 61 000 динари, а кандилабри обецани зоз Кули зоз єдного места дзе су вецей нє потребни. О. д. секретара МЗ Михайло Пашо о тей инициятиви гварел: – Уж єден час видзело ше потребу окончиц тоти роботи у тим красним парку котри наменєни наймладшим дзецом, хтори по розтрушеней дражки на своїх бициґ-
10 РУСКЕ СЛОВО
УЖ БУЛ ВАНДАЛИЗЕМ Уж ютредзень по роботней акциї у парку, дзе дакус пооправяни и сами дзецински бависка, заменєни ланци, дески на гомбалкох, случел ше вандализем, та на найвекшей гомбалки поодламовани тримачи, цо вшелїяк за осудзенє тим цо то зробели.
лочкох нє могли войсц до свойого парку, дзе ше дзечнє бавя кажди дзень зоз своїма родичами. Вечарами ту ше збераю и млади, алє часто було и нєприкладни ситуациї за таке место, зоз прегласну музику зоз паркираного авта, та и койцо инше. Знаме же ше парк находзи медзи катедралну церкву, манастиром шестрох служебнїцох, ту и здравствена амбуланта, нєдалєко и Замок. Прето ше у парку коло обновених дражкох розчисцело и желєнїдло же би бул прегляднєйши, на слупох за ошвиценє заменєни моцнєйши грушочки, а плановане поставиц и два-три кандилабри. Тиж плановане офарбиц и дзецински бависка, гомбалки, спущовалки и друге, як и лавочки цо роботнїки „Руском”-у оконча у наступним тижню. Положи ше и два нови лавочки нєдалєко од Здравственей амбуланти од Маковского шора, понеже чекальня пре вирус тераз на драже. М. А. 7. АВҐУСТ 2020.
mesta@ruskeslovo.com
ОПШТИНСКИ ОГНЬОГАСНИ СОЮЗ У ШИДЗЕ
ОБНОВЕНА РОБОТА ДРУЖТВА У СОТУ Општински огньогасни союз у Шидзе член Огньогасного дружтва Войводини и тераз ма дружтва у пейцох населєних местох општини. Традиция добродзечного огньогаства у Шидзе длуга, бо Дружтво основане ище далєкого 1924. року. По словох Небойши Суботича, секретара Союзу и висшого огньгасного официра и члена Вивершного одбору Огньогасного союзу Войводини, през историю ше орґанизованє меняло. – После Другей шветовей войни Небойша Суботич добродзечни огньогасни дружтва буУ прешлим року на конкурсу у АП Войводини 85 друло у скоро шицких населєних местох нашей општини. Помали вони почали щезовац, осемдзешатих рокох пре- жтва достали 1 300 униформи, а ДОД у Люби достало шлого вику дружтва були под компетенцию локалней 10 униформи. У дружтвох у Союзу на подручу општини самоуправи, а вец после дзешец рокох огньогасна слу- Шид активни коло 100 добродзечни огньогасци, а пре жба пошла под компетенцию Министерства нукашнїх нєдостаток средствох остатнї роки нєт змаганя подростдїлох и то була значна пременка. Медзитим, добродзеч- ку у огньогашительних дисциплинох. – Кельо добре же ше приступело ґу професионализане огньогашительство нє скапало – гвари Небойша Суциї огньогашительства, тельо и нє, бо значно зменшане ботич. Тераз активни дружтва у Шидзе, Ердевику, Люби, добродзечне огньогашительство и нєшка нє лєгко зациЯмени и найновше у Соту, чия робота обновена 2019. кавиц младих же би ше уключели до тей роботи. Без огляду на почежкосци, плануєме же би ше дружтва року. Суботич гвари же у Ердевику єст огньогасни дом и осно вало и у векших валалох општини, як цо то, напридва превозки, у Ямени ґаража и превозка, а у Люби ґаража и цистерна за воду хтору ше приквачує за трактор. И клад Морович и Вишнїчево. Цо ше дотика подруча Сриу Соту єст ґаража хтору треба обновиц и то єдна з пла- му, союзи зоз Шиду и Индїї найлєпше орґанизовани – гварел Небойша Суботич. Вл. Дї. нованих активносцох.
ЛЄТО У ОПШТИНИ ШИД
ОДПОЧИВОК НА БОСУТУ
Валал Морович у општини Шид єден з векших валалох, а окреме ше його жителє можу цешиц же маю два рики – Босут и Студву. Праве на тих рикох мож мац красни одпочивок, окреме млади, а так и шицки други хтори сцу даяк вихасновац шлєбодни час. Гоч вода на Босуту анї нє така чиста як би требало, дзеци и млади ше купаю при побрежю, а шмелши скакаю до води зоз слупа моста на рики. Тоти хтори маю чамец вожа ше по ри-
ки. А дакому ше чамец зда же би лапал риби. Доокола єст и вельо птици, а вшелїяк же найкрасши лебеди хтори пишно плїваю по рики. Простор на побрежю, дзе дакеди роками стали два гайзибански ваґони хтори ше девастирало и вец склонєло, ушорени, а єден приватнїк ту дочасово трима и кафич на отвореним, так же хто сце шеднуц до хладку, одпочинуц и дацо попиц, ма и таку нагоду. Вл. Дї. 7. АВҐУСТ 2020.
РУСКЕ СЛОВО 11
ЕКОНОМИЯ ЗОЗ СУДСКОГО ПОСТУПКУ И ПЛАНУ РЕОРҐАНИЗАЦИЇ ХЛАДЗАЛЬНЇ У РУСКИМ КЕРЕСТУРЕ
ФАБРИКА ОЗНОВА ПРИПА ДЛА СТАРИМ ВЛАСНЇКОМ Зоз поступком примопридаваня Фабрики змарзнутей желєняви АБЦ-фуд, хторе 21. юлия окончене, на основи судского ришеня тота фабрика ознова придата старим власнїком и тераз ю нє мож предац
П
римопредаванє фабрики хтора од 2014. року у судским поступку и плану реорґанизациї, зоз власнїками окончел предликвидацийни управнїк Любиша Єлич, а на основи нєудатного другого порушованя предликвидацийного поступку хтори суд одредзел 14. октобра 2019. Предликвидацию истого року уж 22. децембра суд претаргнул, а по основи жалби власнїци и єй Напредок пририхтаного плану реоґранизациї (НППР). Тот План суд одбил 24. априла 2020. року, и знова требал буц порушани предликвидацийни поступок, хтори поверитель „Банка Интезаˮ нєодлуга поцагла, та власнїца придала нови НППР хтори од 25. мая ознова у судским поступку у Привредним суду у Зомборе. О цалей тей ситуациї Єлич за „Руске слово” гварел и свойо видзенє: – Понеже по Плану реорґанизациї фабрики нїч нє поступане, я думам же и терашня ситуация и нови НППР власнїци то лєм купованє часу. У медзичаше, єден други поверитель порушал нову предликвидацию, а чул сом же ше то рихтаю зробиц ище дзепоєдни поверителє. То прето же нє веря до власнїцового НППР-ї, понеже потераз анї єден з тих планох нє бул випочитовани. И по моїм искуству НППР лєм список красних жаданьох, односно лєм купованє часу же би ше хто зна цо ище посцигло у тим упартим намаганю цо баржей зменшац длуство, цо тиж зоз здравим розумом нєпохоплїве. У медзичаше, понеже предликвидацийни поступок зоз спомнутима поступками претаргнути, Аґенция за привредни реґистри (АПР) висцерала Любишу Єлича як законского заступнїка Фабрики, а уписана ознова стара власнїца Виолета Шулеїч. По Єличових словох Фабрику тераз нє мож предац, а роботу мож порушац єдино кед ше ю вида под закуп, о чим ше нєформално и бешедує
12 РУСКЕ СЛОВО
Любиша Єлич
медзи жителями Керестура. Но бувши предликвидацийни управнїк и на тото скептични и пита ше хто то може тельо заробиц же би и сам мал хасен, та и за одплацованє длуствох. – Мнє барз чудно звуча и сами НППР зоз хторима ше стари власнїки намагаю же би ше им одписало до 90 одсто длуства. Нє ясне анї як то поверителє можу прилапиц, та и шицко тото ми випатра на рубу закона. Но тераз и на тот найновши НППР власнїкох судийка мала пригварки, дала осем днї же би ше их виправело, а вец шлїдзи и гласанє поверительох о тим плану. Увидзиме як то шицко прейдзе – заключел Єлич. На примопредаваню фабрики були и даскельо дакедишнї роботнїки хтори були и члени пописней комисиї инвентару. Пред тим як поступок окончени, вони за медиї виявели свойо нєзадовольство же фабрика ознова припадла власнїци. Єден з нїх и Мирко Ковачевич зоз Крущичу гварел: – Ми ше ту зишли як члени Комисиї хтора утверд зела же вельо того зоз опреми хиби и гварене же є видате одред зеним фирмом. Ґу тому, од нашого пописованя знаме же ше случели и уход зеня до фабрики о чим єст и полицийни записнїк, но увид зиме як шицко прейд зе. Гоч вецей нїч нє обчекуєме, болї нас, заш лєм, и тото же лєм за нашо плаци Фабрика нам длужна вецей як 10 000 еври, а дзе же ище здравствене и пензийне осиґуранє. ■ М. Афич 7. АВҐУСТ 2020.
ekonomija@ruskeslovo.com
МАКСИМ КИШ, ПРОДУКОВАТЕЛЬ ШЛЇВКОХ ЗОЗ ДЮРДЬОВА
КУС УКЛАДАНЯ, А ВЕЛЬКИ УРОЖАЙ На три ферталї ланца Максим Кишов зоз Дюрдьова вєдно зоз свою фамелию продукує вецей файти шлївки. Тота овоц барз глєдана, а преда ше ю ище на полю
Максим Киш
С
езона збераня шлївкох того року почала концом юния и потераз ше указало же и квалитет, и урожай шлївки добри. Перша на шор пришла Калифорнийска белава шлївка, а початком юлия рушела и Чачанска красавица. Максим уж дзешати рок роби зоз тоту овоцу и, як гвари, дума и предлужиц. – Уж дзешати рок як овоцнїк засадзени, а треци рок же и урожай досц добри. Тераз, алє и даскельо роки пред тим, шлївки предавам лєм на велько, приходза ми людзе дому и одноша ю на велї страни. Так робим уж даскельо роки и нє менял бим систему роботи. Шлївки накадзи сцигню зоз поля такой ше их предава, нє чека ше муштерию анї дзень. Маме щесца зоз хвилю котра нам идзе на руку, нє мали зме каменцу, анї велького мразу, як цо було у дзепоєдних городох у Сербиї, дзе шицку овоц знїщел мраз або потлукол каменєц. Тераз цена на велько 30 динари, а за маджун предавам по 50 динари. Наздавам
ше же цена по конєц сезони будзе и векша, бо наисце шлївки нєт, та таке мож обчековац – приповеда Максим. ОВОЦНЇК У ПОЛНИМ РОДУ Максим гвари же перши седем роки у овоцнїку нє бул таки урожай як нєшка, алє остатнї три роки є задовольни зоз урожайом тей овоци, з оглядом на тото же на полю нє ма систему за залїванє капка по капка, алє шицку воду цо овоц достанє, достава од дижджу. – Можем повесц же продукция шлївкох досц подзековна, бо нєт велького укладаня, а урожай вельки. Мой овоцнїк нє пирскани, шлївки цалком чисти и здрави и зоз тим ше цешим. Овоцнїк прикармюєм зоз комину котра видзе зоз палєнки, пущим ю помедзи шори и на таки способ гноїм жем. Тото цо сом вжал од поля, то му и врацам, и на таки способ правим природни циклус у допатраню и отримованю овоцнїка – гвари Максим. ПАЛЄНЧАРНЯ З ТРАДИЦИЮ Максимово польо на добрей локациї, як вон гвари, у зациху є, и нє ма чкоди од шпакох. Наш собешеднїк у валалє познати и по палєнчарнї у котрей ше пече на далєко добру и познату палєнку, а була и єдна медзи першима у валалє. – Давного 1982. року сом почал робиц у Мошорину у єдней палєнчарнї и там сом научел ремесло, а вец сом почал дома. Теди у валалє було штири або пейц казанї, и здогадуєм ше же у нас капура вше була отворена, а шор кочох зоз шлївками за палєнку опрез обисца бул през цалу улїчку. Теди нє було телефони, алє придзеш, и чекаш свой шор. Ище и нєшка мам стари муштериї котри отримую традицию и квалитет своєй палєнки праве у моєй палєнчарнї. Максим роботу научел од дїда, а тераз пришол и на ньго шор свойо знанє и искуство преношиц на сина и унука котри уж активни у тей роботи и котри му велька помоц, бо добру и уж розробену роботу вшелїяк же треба предлужиц.■ Л. Кухар
7. АВҐУСТ 2020.
РУСКЕ СЛОВО 13
ЕКОНОМИЯ ПРОДУКЦИЯ МАЛИНОХ У РУСКИМ КЕРЕСТУРЕ – ВЛА ДИМИР РАЦПЕТИ
УРОЖАЙ НЄ ВЕЛЬКИ, АЛЄ ЦЕНА ДОБРА Пише: Андреа МЕДЄШИ
Владимир Рацпети
Тих дньох оберанє малинох у Руским Керестуре у полним розмаху. И попри тим же єст надосц очкодовани рошлїни прето же ше суша, як пошлїдок вименкового зменьованя вельких количествох паданя и високих температурох, по словох продуковательох, цена того року добра, а будзе и заробку
П
онукнута одкупна цена по 220 динари за килу резултат добрей нагоди на шветовим тарґовищу малинох, окреме пре драстичне опадованє продукциї у Чилеу, найвекшим шветовим продукователю тей овоци. Зменшану продукцию у одношеню на обчековани урожай маю и малинаре у ЗАД, Мексику, України, Польскей, а на реґийним уровню то Босна и Герцеґовина, хтора зазначела опадованє продукциї за 10 000 тони. Фаховци гваря же урожай малинох у Сербиї у одношеню на вецейрочни просек од 80 000 тони, того року зменшани за коло 50 одсто пре, як спомнуте, нєвигодни хвильово условия. Но, праве пре зменшану продукцию тей овоци, поглєдованє вельке, а по першираз ше малини одкупює по класох. СОРТУ ПОЛКА САДЗИ УЖ ПЕЙЦ РОКИ И Владимир Рацпети з Руского Керестура єден од продуковательох тей овоци хтори вєдно зоз свою фамелию, сорту Полка садзи уж пейц роки, а того року на поверхносци од 30 ари. Оберац почали коло 13. юлия, а тих дньох будзе оберанє горнїх, красших плодох тей глєданей овоци.
14 РУСКЕ СЛОВО
– Того року будзе пияти рок як фамелиярно садзиме малини, а маме их на 30 арох на полю. Посадзели зме их на розстояню од три метери же би през штредок могол преходзиц трактор и обрабяц траву и коровче. Тот рок, цо ше квалитету малини дотика, досц подли, слабшого є квалитету як дотераз, а местами и по 4, 5 метери анї нє зишла. Причина тому вироятно тота же жима була досц суха, та теди кед малина требала вибиц, нє могла пре нєдостаток влаги у жеми. Першираз нам ше случело же малини слабше и виросли, док скорейших рокох мали коло 1,20 метери, того року наросли коло 80 центи. Дакус нам малини и на густейше посадзени, понеже на єдним длужним метру би требало буц коло 18 малини, а ми их маме коло 30, требало их преридзиц, алє на таких вельких поверхносцох дзе єден шор ма коло 220 метери и 5 таки шори, то барз велька робота – толкує Рацпети. ОДКУПЮЄ ШЕ ПО КЛАСОХ И попри тим же того року подли и квалитет, и урожай малинох, зоз цену од 220 7. АВҐУСТ 2020.
ekonomija@ruskeslovo.com
динари за килу продукователє заш лєм задовольни. Першираз ше того року, як гвари Владимир, малини одкупйовало по класох, а обезпечени и превоз за одкуп зоз Кули, та анї коло трошкох транспорту продукователє нє муша водзиц бриґу. – Цена того року почала од 240 динари за килу, тераз спадла на 220 динари, а того року першираз ю почали и класификовац. Цена другей класи 190 динари, и ту спада малина хтора по себе ма били шплях, односно хтора опечена од слунка, а до трецей класи идзе шицка друга малина хторе ше обера зоз комбайном. И тота трецокласна малина ма добру цену од аж 160 динари за килу, а з оглядом же пред двома роками цена за килу першокласней малини була 70 динари, того року ше виплаци пестовац тоту овоц – задовольно приповеда Владимир и додава же анї коло транспорту малинох, нє мали нїяки трошки, понеже по його малини приходзи чловек зоз Кули, та их на своєй превозки окрем у своїм месце и у Керестуре, збера и у Лалитю и Крущичу, и одвожи до хладзальнї до Оджаку. – Тото же нє мушиме одвожиц малини ми барз одвитує. Дакеди зме их одвожели до Кули, понеже там бул одкуп, а тераз уж два роки так. Окрем до хладзальнї, малини предаваме и у нашей предавальнї, а того року маме и досц заручено малини од людзох з валалу – гвари Владимир. Но, предаванє малинох, по словох нашого собешеднїка, найменши проблем. Векши проблем оберанє и дойсц до роботнїкох, понеже оберанє малинох „пипаваˮ робота, а ту и дилема як плациц? РОБОТУ ШЕ ПЛАЦИ ПО КИЛИ – До наднїчарох чежко дойсц. Малина специфична овоц понеже є барз дробна, та ю людзе нє барз любя оберац. Но, нам ходза младши хлапци и дзивчата хтори себе сцу заробиц пенєж през лєтни одпочивок, а им то нє така чежка робота. Проблем и у тим же як плациц наднїчара. Кед плациш на годзину, вец нам, продуковательом, нє останє нїч, та ше указало же плаценє по наобераним количестве найлєпше. Мали зме, поведзме, случай же єдному вреднєйшому хлапцови на годзину вишло
7. АВҐУСТ 2020.
280 динари, а дакому хто помалши роби видзе 180 динари. Ми би каждого требали єднак виплациц, алє людзе нє єднак наобераю. Прето ше робота при обераню малинох наплацує по кили. Почали зме плациц 100 динарами по кили кед малина була по 240 динари, а тераз цена спадла, та плациме 80 динари по кили. Думам же робота нє така страшна, бо шеднуц и направиц павзу може хто кеди сце и то ше окреме пачи младшим – приповеда Владимир. ТРОШКИ ПРОДУКОВАНЯ НЄ ВЕЛЬКИ Трошки коло пестованя малинох, по искустве нашого собешеднїка, нє таки вельки. Исти саднїци велї продукователє хасную и по дзешец роки, пирсканє од инсектох нє потребне, од фунґицидох лєм у барз дижджовних периодох, а єдини и найвекши трошок прикармйованє. – Кед ше першираз почина зоз продукцию малини треба купиц саднїци, залївну систему, треба мац вибиту студню на полю, а шицко тото остава и за шлїдуюци роки. Тото до чого кажди рок треба уложиц то прикармйованє – маґнезиюм, калциюм и желєзо. Цо ше пирсканя дотика, одкеди садзим малини нїґда сом нє мал даяки проблем зоз инсектами, та сом их нїґда анї нє пирскал. Лєм раз сом малини опирскал од ботритису, од бактериози, пре дижджи. Малину нє напада нїч, ю ше вообще нє пирска, прето ше ю так и глєда у Европи и у швеце – заключує наш собешеднїк и додава же урожай по гольту, кед идеални рок, може буц и до 8 тони. Но, у таким слабшим року як тот, обчекує же урожай будзе полу менши. Малини, попри яблукох, єдна з главних адутох у Сербиї кед у питаню вивоз овоци. Прешлого року вивоз змарзнутей малини, и попри зменшаного урожаю, бул добри, а по податкох Привредней комори Сербиї, витворени заробок од 234 милиони евра, цо вецей як трецина вкупней вредносци вивеженей овоци. Найвекше поглєдованє ище вше у жемох Европскей униї. Чи и того року малина затрима титулу найглєданшей овоци за вивоз, увидзи ше после оберачки, док ше плоди змесца до хладзальньох и вирахує вкупни урожай и заробок. ■
РУСКЕ СЛОВО 15
КУЛТУРА И ПРОСВИТА РАТКО ТОРМА, МАЛЯР ЗОЗ БЕРКАСОВА
НОВИ УМЕТНЇЦКИ ИНСПИРАЦИЇ Прешло дакус вецей як рок як Ратко Торма, маляр зоз Беркасова, мал нєкаждодньову виставу своїх роботох, хтора мала вельки одгук. Було то початком авґуста 2019. року на Фестивалє тамбурових оркестрох „Мелодиї Руского двору”
М
аляр зоз Беркасова, Ратко Торма, пред роком мал нєкаждодньову виставу на Фе стивалє тамбурових орке строх „Мелодиї Руского двору” кед у пиньвици Лєтнєй владиче скей резиденциї пред централну програму отворена вистава його малюнкох под назву „Ментална конструкция”. Цо ше пременєло у його творчо сци за тот єден рок. – Инспирация и далєй тирва на тоту тему, бо є нєвичерпна – кратко на початку розгварки гвари Торма – Менєй-вецей кажда особа таке дацо ноши у себе и на свой спо соб роздумованя твори реалносц. Кажди малюнок єдна приповедка, алє циль дойсц до шлєбоди и щесца – гвари Торма. Наш собешеднїк далєй предлужує же кед чловек нєзадовольни и кед себе прешвечи же то так муши буц,
вец то наисце по става реални стан у хторим жиє. Прето поручує же треба звалїц препреченє, бариєру, неґативно сци и витвориц виру до себе, самодовириє, и то ше одражує и на творчосц. Торма припознава же у
ВИСТАВА ЛЄМ У ПЕРСПЕКТИВИ Торма нам гвари же од прешлого року кед мал замерковану виставу у пиньвици Лєтнєй владическей резиденциї, нє викладал свойо малюнки и яґод кед би творел у цихосци и чека одредзену хвильку же би ознова публики представел цо намальовал. – Нє видзим же пофришко будзе даяка вистава, бо видзиме як вирус корона зохабел пошлїдки на цали живот и шицких нас. Алє можебуц єдного дня орґанизуєм виставу зоз малюнками, як сом их наволал, „сериялу позитиви” – щиро гвари Торма.
16 РУСКЕ СЛОВО
остатнїм чаше инспирация на малюнкох дзеци хтори, як гвари, маю мрию у хторей жию и вец на таки спо соб жию и у реално сци. А накадзи почню до школи, тота мрия и лєгкосц, безбрижност щезню и такой слухаю „тото нє можеш, тото нє шмеш”. До пред да ске ль ома ро ка ми Тормо ви на й век ша ин спи ра ция були ду хов ни те ми и то ро бел, як гва ри, нє пре пе нєж, алє пре пре швече нє, емо цию и окрем не чув ство за та ку фа й ту ин спи ра циї, бо, гва ри, нї ґ да нє може тво риц да цо про цив сво єй дзе ки, да цо цо нє чув ствує як потре бу. А яка си туа ция у тей хви ль ки. – Уж длугши час, од кеди тирва пандемия вирусу корона, гамує ме у творчей роботи и зявює ше як даяке „ша лєнїдло” и одред зена файта револту. Можебуц пред 15 роками сом на ма люнкох давал одред зену критику дружтва и системи, а тераз вецей патрим позитивно и то преношим на ма люнки. Обачуєм же сом ше пременєл у позитивним напряме и вец таки чувства преношим и на платно. Вид зим же нє добре жиц у револту, бунту, хтори вод зи ґу анксиозно сци особи, а на концу похопиш же нє можеш пременїц швет – пояшнює на концу розгвари Ратко Торма.■ Вл. Дїтко 7. АВҐУСТ 2020.
kultura@ruskeslovo.com
КАТАРИНА НЕДИЧ, ШКОЛЯРКА ҐЕНЕРАЦИЇ У ОШ „БРАТСТВО ЄДИНСТВО” У КОЦУРЕ
КАДЗИ ШЕ ЛЄМ РУШИ – ЗАЗНАЧУЄ УСПИХИ У коцурскей основней школи „Братство єдинство” припознанє Школяр ґенерациї у школским 2019/2020. року достала школярка руского оддзелєня VIII класи, Катарина Недич
К
атарина одмалючка була заинтере сована за науку, a любов ґу рижним єй конаром провадзела ю през цале основношколске образованє. Интере сованє ґу математики, физики, рускому язику, сербскому, анґлийскому, историї, потим ґу музики, рецитованю, рисованю, спорту и природи принєсли єй успих, припознаня, похвали и дипломи. Зоз рижних предметох Катарина ход зела на змаганя, дзе зазначовала замерковани ре зултати як на општинских, так и на републичних уровньох. Перши успихи на змаганьох з математики по сцигла уж у нїзших класох основней школи, та так на Општинским змаганю у 4. и 6. класи завжала треце ме сто, а у 7. класи була найлєпша у општини. На математичних змаганьох була и похвалєна, а на Дописней математичней олимпияди „Архимедес” у висших класох каждого року освоєла першу награду, як и пласман до финала, док у седмей класи до стала похвалу у финалу. Вельке поцешенє єй було участвовац на Математичним кампу у Шабцу каждого лєта по сле пиятей, ше стей и седмей класи, а у тим Кампу на змаганю єдного року завжала треце ме сто. Попри математики, Катарина зазначела успих и з физики на змаганьох општинского уровню, кед у 6. класи завжала треце ме сто, а у 7. класи друге. Катарина була и у Петници у Лєтней науковей школи. Окрем числох и природних наукох, наша успишна школярка люби и язични науки, а окреме мацерински язик. Найлєпши доказ то завжате треце ме сто у 5. класи, друге у 6. класи и перше ме сто у 7. класи на Мед зиокружних змаганьох. Вельки успих зазначела и на Републичним змаганю зоз руского язика у 7. класи, кед завжала друге ме сто. Истого року Катарина була и на Окружним и Републичним змаганю зоз сербского як нємацерин7 . АВҐУСТ 2020.
ского язика, та ґу своїм дипломом додала ище два за освоєни треци ме ста.
Катарина Недич
Рид ко хто ри ли те ратур ни кон курс прешол без Катариновей роботи, та и ту наша талантована школярка була наград зована. А писме ни за дат ки зоз ру ско го лє бо сербского язика кажда наставнїца окреме хвалєла, а ґу петичком дакеди би дзечнє дописали нє лєм єдну гвиздочку. Катарина тиж так зоз своїм рецитованьом прикрашела кажду святочносц и кажду школску програму. Рецитаторка була одмалючка, и каждого року є порядна на Смотрох рецитаторох. Участвовала на Општинскей смотри, пласовала ше на Зонску, та аж и на Покраїнску смотру. Тота одлична школярка ше барз добре знаход зи и у музичних водох, по не же за кон че ла Основ ну музичну школу у Вербаше. Грає на гушлї, а покус и на ґитари. Була наград зена на Мед зинародним музичним змаганю „Фантаст”, а високи позициї завжала и на школским
змаганю у Вербаше зоз гушлю, як и на Екипним фе стивалу солфедя „Славенски”. Катарина успишна и у спорту, швидка, та так перши ме ста завжала на вецей кро сох Радио Телевизиї Сербиї. Успишну роботу мала и на Еколоґийним конкурсу „Школски желєни пресс 2017”, у библиотеки „Данило Киш” до стала припознанє „Читатель рока”, а на 15. Мед зинародним дзецинским подобовим конкурсу до стала припознанє аж зоз Япону. – Наймилши ми успихи зоз змаганьох руского и сербского язика, пре то же були на Ре публич ним уровню. Алє, у барз красним паметаню ми и Математични камп, як и Лєтна наукова школа у Петници. Цале школованє, як и шицки змаганя охабели на мнє красни упечатки, велї памятки, знаня, а и вше нови интере сованя. Любим учиц и научиц, а наисце ме интере сую велї ствари, од природних наукох, по дружтвени, фотоґрафия, уметносц, му зи ка, про гра мо ва нє... Упи са ла сом ше до Ґимназиї „Жарко Зренянин” у Вербаше, на природно-математични напрям, а о студийох буд зем роздумовац кед прид зе за тото час – гварела наша млада собешеднїца. На концу можеме заключиц же Катарина єдна успишна, талантована, мудра, одвичательна, дисциплинована, упарта, кре ативна, све страна млада особа, котра заслужено ноши тогорочну титулу Школяра ґенерациї коцурскей школи. Лєм красни слова за ню мали єй наставнїки, учителька, товарише и шицки котри Катарину познаю. Вше нашмеяна, з интере сованями у велїх обласцох, а кад зи ше лєм руши – там зазначує успихи. Вериме же ище велї красни вистки учуєме и напишеме о тей будуцей ґимназиялки у рокох котри приход за.■ О. Русков ски
РУСКЕ СЛОВО 17
КУЛТУРА И ПРОСВИТА У ШТРЕДНЄЙ ШКОЛИ „ПЕТРО КУЗМЯКˮ У РУСКИМ КЕРЕСТУРЕ
ИЩЕ ВШЕ ШЕ ЧЕКА ДОПУЩЕНЄ ЗА ҐИМНАЗИЮ
У Штреднєй школи зоз домом школярох „Петро Кузмякˮ ище вше ше обчекує допущенє зоз Министерства просвити, науки и технолоґийного розвою, за оформенє оддзелєня Ґимназиї на руским наставним язику, понеже ше за тот образовни профил опредзелєли лєм тройо школяре. Най здогаднєме, тоту молбу керестурскей Школи за допущенє оддзелєня такой потримал и Одбор за образованє Националного совиту Руснацох хтори по своєй нєдавно отриманей схадзки тиж послал вимогу на вецей компетентни места, од покраїнского Секретарияту по саме Министерство, дзе окреме наглашена важносц ґимназиї як єдиней такей штреднєй школи на цалим швеце, а хтора тиж преглашена за школу од окремного значеня и на уровню АП Войводини. Як дознаваме у Школи, оддзелєнє би лєгчейше було одобрене зоз голєм пейцома школярами, а за руску ґимназию потенциялно ище єст єден заинтересовани школяр, алє вон ше годзен преписац аж у септембру. Одвит зоз Министерства затераз нєт, а причини тому можу буц, як прекоментаровали и зоз Служби НС и актуална змена власци, т. є. влади, та и министерствох, а подобнє и на покраїнским уровню дзе тиж єст пременки людзох пре нєдавно отримани виберанки.
Тиж ше мож здогаднуц и на подобну ситуацию кед Школа глєдала окремне допущенє за два оддзелєня першей класи у Основней школи „Петро Кузмяк”, та воно сцигло дзень пред початком школского року. Як наглашела директорка Школи Хелена Пашо Павлович, од руского оддзелєня Ґимназиї ше нїяк нє одступа и будзе ше упарти пре значенє, бо то єдина Ґимназия на у швеце у хторей настава на руским язику. М. А.
У ОСНОВНЕЙ ШКОЛИ „БРАТСТВО ЄДИНСТВО” У КОЦУРЕ
ПРАВО ШКОЛОВАЦ ШЕ НА МАЦЕРИНСКИМ ЯЗИКУ
Зоз коцурскей Основней школи ,,Братство єдинство” у юнию сцигла красна вистка – же до руского оддзелєня першей класи приявени седмеро дзеци, пейцме хлапци и два дзивчата. Руски оддзелєня углавним малочислени, та то значи же у тей школи шицко будзе функционовац як и звичайно – з єдним руским и двома сербскима оддзелєнями у ґенерациї. Медзитим, як нам гварела директорка Основней школи у Коцуре Сенка Мученски, Министерство просвити, науки и технолоґийного розвою 22. юния видало фахове упутство як ше буду формовац оддзелєня и ґрупи у идуцим школским року. – Школскей управи Нови Сад послала сом предклад орґанизованя настави за школски 2020/2021. рок, цо подрозомйовало роботу у єдним оддзелєню на руским и двох оддзелєньох на сербским наставним язику од першей по осму класу. Медзитим, достали зме фахове думанє од Школскей управи Нови Сад же маме право формовац шейсц самостойни руски
18 РУСКЕ СЛОВО
оддзелєня и єдно комбиноване руске оддзелєнє. Дали нам можлївосц же би то було злучованє 1. и 2. класи, лєбо 2. и 3. класи руских оддзелєньох – бешедує директорка коцурскей школи. По єй словох, таке фахове думанє було нєобчековане.
Сенка Мученски
– Жалбу зме послали до Канцелариї за людски и меншински права, и тераз чекаме од нїх одвит. Консултовали зме ше зоз чолнима особами зоз Покраїнского секретарияту за образованє. Каждого року доставаме ришенє за першу класу за малочислени оддзелєня и тото ришенє важи лєм за наиходзаци школски рок, а за кажди шлїдуюци од-
вичательна Школска управа Нови Сад. И праве того року зме од нїх достали фахове думанє най направиме комбиноване оддзелєнє – толкує Мученскова. Як гвари директорка школи у Коцуре, кед одвичательни особи зоз компетентного Министерства нє препознаю значносц отримованя континуитета класней настави по руски, зочиме ше нє лєм зоз траценьом роботних местох, алє и зоз асимилацию хтора вивола вельку утрату за нашу руску заєднїцу. Потераз до коцурскей Основней школи ище нє сцигнул нїяки одвит, а директорка Сенка ше найщирше наздава позитивному ришеню. – Оптимистична сом же нам дошлєбодза осем самостойни оддзелєня на наставним руским язику, же бизме шицки могли робиц як и потераз и же би нашо дзеци мали вибор на хторим язику ше сцу школовац. Наздавам ше же школски 2020/2021. рок почнє зоз єдним руским и двома сербскима оддзелєнями у каждей класи – визначела на концу директорка Основней школи у Коцуре Сенка Мученски. О. Р. 7. AВҐУСТ 2020.
tiznjovnjik@ruskeslovo.com
ШКОЛА „ПЕТРО КУЗМЯКˮ У РУСКИМ КЕРЕСТУРЕ
ОДОБРЕНИ СРЕДСТВА ПО ПРОЄКТУ „СТЕМ УЧАЛЬНЯ ТОЛЕРАНЦИЇˮ У рамикох европского проєкту „Потримовка Европскей униї у управяню миґрацийох у Републики Сербиїˮ Основней и штреднєй школи зоз домом школярох „Петро Кузмякˮ у Руским Керестуре одобрени средства за проєкт „СТЕМ учальня толеранциїˮ
О
сновней и штреднєй школи зоз домом школярох наюци одмалючка – гварела наставнїца математики „Петро Кузмякˮ у Руским Керестуре штредком Наталия Будински. Достати средства буду унапрямени на подмирйоваюлия одобрени средства од 650 000 динари за проєкт под назву „СТЕМ учальня толеранциїˮ, а у рами- ню СТЕМ учальнї, купованє мебелю, потребного макох европского проєкту „Потримовка Европскей униї у управяню миґрацийох у Републики Сербиїˮ. Координаторки того проєкту хтори заняти у керестурскей Школи, то наставнїца биолоґиї Тереза Катона и наставнїца математики мр Наталия Будински, а цилї проєкту же би ше през злєпшованє капацитету фаховцох у образовней системи понукло адекватну потримовку миґрантом и дзецом зоз почежкосцами у ученю, як и же би ше створело толерантне и квалитетне образовне окруженє. – З оглядом же наша школа нє ма миґрантох, средства буду унапрямени на школярох зоз социялно загрожених катеґорийох, зоз почежкосцами у ученю, а тиж у тих активносцох буду участвовац и шицки други школяре. През рижни активносци и роботнї школяре буду мац иновативну, виглєдо- Координаторки проєкту – наставнїца математики мр Наталия Будински и наставнїца биолоґиї Тереза Катона вацку, проєктну наставу, акцент будзе на СТЕМ образованю през хторе школяре годни лєгчей- териялу, технїчней опреми як цо лаптоп, таблети, ше усвоїц функционални знаня зоз природних пред- проєктор, друковач, а тиж и на реализованю вецей рометох и математики, алє и на медзипредметним повя- ботньох, екскурзиї, анґажованю тренера, психолоґа, и зованю, та на тот способ буду уключени и язични на набавку школского прибору, ужини и шматох за компетенциї, социялна интеґрация, здрави стил жи- одредзених школярох. Окрем усвойованя функционалного знаня и реавота, як и мултикултуралносц – потолковала наставлизованя едукативних и креативних роботньох, цинїца Тереза Катона. Саме значенє акронима СТЕМ представя обєдинєни ль проєкту и уключованє дзецох до спортских и дисциплини науки, технолоґиї, инжинєрства и мате- других активносцох хтори промовую здрави способ матики, а СТЕМ едукация то ученє предметох зоз тих живота. – Барз значне дзецом приблїжиц значносц здравоштиирох дисциплинох през интеґровани приступ. – Понеже занїманя хтори базовани на тих штирох го способу живота, на хтори и вони сами можу уплїСТЕМ дисциплинох дефицитарни, а потребни су за вовац и хтори применлїви у шицких штредкох и кулнєшкайши живот хтори подрозумює швидки розвой турох. За квалитетни живот чловека важне водзиц ратехнолоґиї, патри ше же би ше цо вецей школярох хунку о костираню, физичней активносци и менталпрез рижнородни активносци заинтересовало за при- ним здравю. У тим проєкту през розлични активнородни предмети и математику и же би ше познєйше у сци як цо роботнї, преподаваня, тренинґи и екскурживоце могли зоз тим занїмац. Тоти дисциплини маю зиї, акцент будзе на тим же би дзеци возпоставели значну улогу у реалним, каждодньовим живоце, ва- психофизичну ровновагу и же би на тот способ дожни су и хасновити, школяре доставаю практичне ис- принєсли квалитетнєйшому животу – гварела Тереза куство з ученя, та прето думам же СТЕМ едукация Катона.■ Ан. М. треба же би була инкорпорована до школства, почи7. АВҐУСТ 2020.
РУСКЕ СЛОВО 19
МОЗАЇК РОЗГВАРКА ЗОЗ НАТАШУ ДЖУДЖАР
МАТЕМАТИКА ПРЕТКАНА З МУЗИКУ Талантована и амбициозна Новосадянка Наташа Джуджар, од єшенї будзе матурантка Ґимназиї „Йован Йованович Змай” на природно-математичним напряму. Ходзела и до Основней музичней школи „Исидор Баїч” у Новим Садзе, дзе грала на гушлї. А любов ґу музики и гушлї и далєй тирва, та себе на нєй и нєшка заграє Пише: Тамара САЛАҐ
О
д початку свойого школованя у ґимназиї, Наташа у секцийох хтори вязани за хор и оркестер. З тима секциями мала нагоду пойсц на рижни фестивали и змаганя ширцом Сербиї, та участвовала и на републичним змаганю. – Того року зме плановали пойсц на фестивал до Москви, медзитим пре терашню ситуацию зме нє пошли, а фестивал бул отримани у онлайн форми. Послали зме видео знїмок и на тим фестивалу зме освоєли лауреат на другей катеґориї, алє нам тота награда нє така мила, прето же зме нє були физично там – приповеда Наташа.
ЛЮБОВ ҐУ ИНСТРУМЕНТУ Кед була мала Наташа барз любела шпивац, вше ю провадзели якиш звуки, тони, мелодиї, була у швеце музики и нє було єй важне дзе ше у тей хвильки находзела, чи на улїчки, чи дома, чи даґдзе индзей. Праве тото обачели єй родичи, та ю уписали до музичней школи, а вона вец сама вибрала на хторим би инструменту любела грац.
Та так Наташа Джуджар закончела и музичну школу дзе ше шейсц роки учела грац на гушлї, а источашнє грала и у оркестру. – Тот оркестер у музичней школи нє грал пребарз комплексни композициї, алє нам розвил любов ґу инструменту и ґу граню у оркестру, т. є. граню вєдно. Теди сом похопела же поєдинєц нє може нїч вельке справиц, алє кед зме шицки вєдно здружени, вец резултат барз добри. Вєдно можеме витвориц дацо цо анї нє обчекуєме же може буц таке добре. Гранє вєдно, гранє у оркестру наисце превозиходзело шицки обчекованя. Тот перши оркестер нам шицким дал увид до того же як кажди инструмент важни и звекшал нам любов ґу инструменту, ґу музики. Мнє особнє дал окремну волю грац ище вецей. Музика ми барз важна и то ми єден зоз векших гобийох. Нє могла бим тераз видвоїц же цо волїм гранє, чи шпиванє. Просто, єдно без другого нє идзе. Кед би нє було шпиваня, нїґда бим нє грала, а знова, кед бим нє грала, нє повязала бим ше так з музику. Так же и єдно и друге барз важни
Наташа Джуджар
сеґмент у моїм живоце – щиро приповеда Наташа. У тей хвильки Наташа грає у оркестру Ґимназиї „Йован Йованович Змай”, а по потреби на гушлї грає и у КУД-ох, алє ше нїґдзе нє сце стационовац, праве пре проби школского оркестра, а и пре ученє и обовязки хтори ма у школи.
ВЯЗА ЗОЗ МАТКУ У НОВИМ САДЗЕ Наташа у Руским културним центру, або як вона люби повесц, у Матки, одмлаючка. Участвовала на шицких дзецинских фестивалох як цо то „Веселинка”, „Пахулька”, шпивала, грала, танцовала у фолклору, ґлумела у бабкарских представох, а кед уж преросла секциї за дзеци, поцагла ше. Заш лєм, єден рок шпивала и у дзивоцкей шпивацкей ґрупи.
Хор ґимназиї „Йован Йованович Змай” у Новим Садзе
20 РУСКЕ СЛОВО
7. АВҐУСТ 2020.
mozajik@ruskeslovo.com – Поцагла сом ше зоз шицких тих активносцох у Матки, прето же бим вец занєдзбала други обовязки хтори ми приоритет, алє зато сом тераз у Матки з часу на час активна на други способ. Ходзим на Маткованя и шицки други збуваня хтори ше там орґанизує, и наисце потримуєм векшину збуваньох, бо видзим же иду у добрим напряме. Пачи ше ми идея же би ше зєдинєли шицки Руснаци у Новим Садзе, бо би ше так злєпшало нашу заєднїцу. Думам же Матка конєчно, после длугшого часу, ожила. И мило ми же постала єдно место дзе ше шицки чувствую крашнє и приємно – гвари Джуджарова. Наташа нє активна лєм у Матки, вона була член и у Центру за младежску роботу (ЦЗОР), а дзечнє була и член ОПЕНС-у єден час. Ту участвовала на рижних конференцийох, диялоґох, а була и єдна од походнїцох Школи людских правох у Беоґрадзе.
одредзени рейтинґ. Наисце сом барз подзековна такому искуству, прето же сом достала иншаку перспективу яку сом до теди нє мала – толкує Наташа. Вона роздумовала же поруша одредзену секцию, же би ше активовало и порушало младих, алє дума же є ище вше нє порихтана за таки вельки крочай, так же можебуц о даскельо роки, док пойдзе на факултет и здобудзе ище искуства. – Плануєм ше уписац на факултет, так же найвекша часц наиходзацого школского року ми будзе пошвецена праве пририхтованю за примаци испит на факултет. Цо ше дотика того лєта, плануєм вихасновац днї цо вецей. Цо вецей ше рушац, буц вонка, зоз товаришками, кед же то будзе можлїве пре ситуацию. З оглядом же тераз нє мож путовац, нє мож виходзиц зоз нашей жеми, то ми нагода же бим обишла Сербию, та можебуц и пойдзем даґдзе зоз дружтвом, а потим
Наташа кратко шпивала и у Дзивоцкей шпивацкей ґрупи у РКЦ
– Тераз сом свойо активносци котри вязани за тоти орґанизациї зведла на минимум, почало ми одберац барз вельо часу и моци. Алє вшелїяк ми то барз значело як искуство. Дзекуюци тому искуству похопела сом як ше даяки ствари случую, як функционую одредзени механїзми, зрозумела сом дзепоєдни термини хтори ше часто хасновало у медийох, а ґенерално их вигваряли ,,вельки” людзе хтори ше находза у политичних водох, и же чи тоти термини наисце требали буц вигварени на тим месце, чи су ту лєм прето же би ше здобуло 7. АВҐУСТ 2020.
бим пошла дакус обисц бабу и дїда – закончує Наташа. Интелектуална анґажованосц нашей собешеднїци подрозумює и єй физични активносци, та Наташа ходзи на тренинґи Les Mills-овей системи тренинґох и вежбанє у терховнї, намага ше читац цо вецей кнїжки, грає на гушлї, алє понеже ше тераз нє рихта за фестивали, и змаганя, ма часу грац тото цо ше єй грає и цо ше єй пачи. Тиж би ше през лєто ище любела опробовац и у даєдних других активносцох, цо потераз нє мала нагоду. ■
НАШО МАСТЕРАНТИ Мено и презвиско: Михаїл Римар Датум народзеня и место одрастаня: 17.06.1994. Нови Сад, тераз жиє у Петроварадину Здобути ступень, напрям, обласц: Мастер професор ґеоґрафиї Тема мастер роботи и датум мастерованя: Уплїв привреди на стан животного стредку у рамсарских подручйох у Бачкей. Мастер роботa одбранєна 30.09.2019. Основни студиї: Природно-математични факултет Нови Сад, Департман за ґеоґрафию, туризем и готелиєрство Штредня школа: Ґимназия „Исидора Секулич”, Нови Сад, дружтвено-язични напрям Роботне место: Руска редакция Радио-телевизиї Войводини од 1. януара 2018. року. Награди и специялизациї: У основней школи од 5. по 8. класу кажди рок освоєл даєдно з перших трох местох на републичним змаганю з руского язика, а основну школу закончел и як вуковец. На Природно-математичним факултету 2016. року бул предсидатель Дружтва младих виглєдовачох „Бранислав Букуров” зоз хторим участвовал на велїх теренских роботох и кампох, а тиж и орґанизовал вецей кампи и други збуваня у рамикох активносцох того дружтва. Язики: Руски, сербски, словацки, анґлийски Интересованя и гобиї: Найволї на мире буц у природи, алє му тиж єден з найвекших гобийох фолклор зоз хторим ше занїма уж вецй як 18 роки. Грає на буґнох, а спорт и лапанє рибох му тиж гобиї. Контакт: mihajil.rimar@gmail.com Плани за будучносц: Усовершовац ше у своїм фаху (ґеоґрафиї) и у роботи у телевизиї, а тиж и у фолклору, дзе жада виглєдовац народни руски танци и музику.
РУСКЕ СЛОВО 21
ЛЮДЗЕ, РОКИ, ЖИВОТ СТРЕТНУЦЕ: СЛАВКА И ВЛА ДО БЕРЕКОВО ЗОЗ РУСКОГО КЕРЕСТУРА
ЗОЗ КАНАДИ ШЕ ВРАЦЕЛИ ИНШАКИ Пише: Мария АФИЧ
Береково Славка и Владо Керестурци, нєшка пензионере, на валалє прежили векшину свойого живота, як и остатнї три роки, алє маю и богате єденацрочне искуство живота у Канади. Кед их нєшка стретню тоти цо их и пред тим познали, видза же ше зоз Канади врацели цалком иншаки. У каждим поглядзе, и змирени и якош одмладнути... Тоти свойо искуства пристали подзелїц и зоз нашима читачами
П
ознате же ше пред 15 и вецей роками велї фамелиї зоз Руского Керестура виселєли до далєкей Канади, найвецей до Норт Батлфорду, та єден час там було аж 200 руски фамелиї, углавним младши зоз дзецми. За дзецми нєодлуга почали одходзиц и даєдни родичи, найвецей помогнуц чувац унуки, та дзепоєдни и остали. Так ше случело и Берековим чия младша дзивка Наташа, одата Бодвайова, зоз супругом Владом и трирочним Давидом, пошли жиц до Батлфорду. РАДИКАЛНИ ПОЦАГ А о тим як ше одлучели на таки радикални крочай, у нє таких младих рокох, Славка приповеда: – Дзеци пошли 2005. року у децембру на Миколая, а у януару ме дзивка волала чи пойдзем ґу нїм чувац унука же би вона могла пойсц робиц. Нє було чежко одлучиц ше, и такой сом пристала, бо то бул перши унук, та сом им сцела помогнуц – гвари Славка, а Владо ше надовязує же вон пошол за супругу дас о пол рока. – Паметам же бул барз подли рок за паприґу хтору зме садзели, мож повесц аж катастрофални, нє же нє було заробку, алє лєм утрати. И то ме лєгчейше одогнало до тей далєкей жеми. Попачело ше нам обидвоїм, но понеже я уж прекрочел роки за уселєнє, одлучели зме покончиц папери за злучованє фамелиї, бо зме так могли остац. Гоч ше чекало рок и пол за паперами, добре було, бо я мал роботу – гвари вон. Славка у Керестуре пред тим робела у друкарнї, Владо бул шофер у будовательним подприємстве „Домˮ хтори бул пред гашеньом, та роботу охабел 1997. року и преруцел ше на польопривреду. Кед и друкарня з часом престала робиц, Берековим
22 РУСКЕ СЛОВО
ше нє чежко було одлучиц пробовац од початку, у далєким швеце. До Канади пошол и Славков брат, и там ше и оженєл. Берекова старша дзивка жиє з фамелию у Лединцох, и єй познєйше справени папери за Канаду, алє ше на концу оддумала. Но, Береково ше шмело влапели до нових животних виволаньох. Учели анґлийски язик, Владо ознова покладал шоферски испит за камион, раховали купиц власну хижу, здобуц и канадске державянство... – Такой зме почали ходзиц до школи учиц язик и там зме були найстарши, алє зме мали вельку дзеку цо вецей научиц. Ми вельо роки ходзели, аж док зме державянство нє достали, алє ходзи ше хто кельо сце – гвари Славка, а Владо предлужує о законченей 4. класи и о тим же требало уложиц надосц труду. – Гоч зме нє були млади, мож то кед ше сце, бо було младших одо мнє, а вельо менєй знали кед ше нє учели. Дзешка сом начитал же нє проблем учиц кед знаш як треба учиц, перше тото треба прилапиц – гвари наш собешеднїк. Кед унук Давид вироснул, а вец и младша Ана хтора ше там народзела, и Славка 7. АВҐУСТ 2020.
ljudze@ruskeslovo.com
почала робиц, перше у пекари. Там, як гвари, наисце требало знац язик и трудзела ше цо вецей научиц же би могла бешедовац з людзми. Познєйше складала робу у велькей робней хижи, и барз ше єй пачела тота робота. – Я спочатку робел як заварйовач, гоч сом ту гонєл камион. Там ми тото нє признали, та сом перше покладал за камион ознова шицко од початку, як кед бим нїч о тим нє знал, а було ми дас 63 роки. То коштало коло 4 500 тисячи долари хтори сом глєдал од держави, та ше младши аж и чудовали кед ми дати тот пенєж. Но, робел сом лєм два роки, бо то наисце досц чежка робота, и видзел сом же є уж нє за мнє. Прешол сом гонїц школски автобус, то було лєгчейше, алє требало язик баржей знац, бо дзеци мали, а шофер одвитує за нїх, збера их по варошу, єден час и по фармох, а вожел сом дзеци и на екскурзиї. Уживал сом у тей роботи и добре сом ше знашол з дзецми, вибачел им шора як най ме вше послухаю – здогадує ше Владо. ЯК „БОГ И КАЛАПАР” Питаме ше Берековим яка розлика медзи животом у Канади и у наших крайох, та гваря же анї прировнац нє мож. – То анї описац нє мож, то як Бог и калапар. Од того яка ушорена держава у шицким, як дзба о своїх гражданох, и живот яки орґанизовани, и як ше закони почитує, то цалком иншак як ту у нас. Лєм єден банални приклад спомнєм кед сом реґистровал авто, лєбо дацо таке, то ше покончи на єдним шалтеру, дзе ше нїч нє чека, а шицко покончим за три до пейц минути. Раз два було готове, док ту, у Сербиї, поготов у Кули, най нє приповедаме – толкує Владо, а Славка тиж барз любела жиц у Канади праве прето. – Канада ше ми барз пачела бо є ушорена жем по шицких питаньох. Вони барз сцу помогнуц, вше су нашмеяни, мала сом и вельо пайташки, аж и зоз других жемох, а окреме Канадянки, и видзела сом и упознала велїх людзох з цалого швета. И на роботи зме ше добре складали, було нас одвшадзи. Згваряли зме ше кажда на своїм язику и розумели зме ше, цо була и предносц, бо векшина Канадянох зна лєм по анґлийски. Нє завадзала ми анї велька жима, там гоч дзе пойдзеш вшадзи ци цепло, добре зогриваю, аж и з обисца ше уходзи до цеплого авта. Гоч коло канадскей жими з Ке-
Владо у Канади вожел автобуси 7. АВҐУСТ 2020.
Дзивки Наташа и Ивана з дзецми
рестурцами єст анеґдоти кельо сцеш – щира Славка. Крашнє було Берековим и кед ше през викенди сходзели зоз другима керестурскима родичами, и приватно, алє и з другима на руских балох, або пикникох. У варошу им найкрасши були дочеки Нового року у велькей гали дзе ше зберали цали фамелиї, и старе и младе. Унучата виросли коло нїх, маю и красни искуства з роботи, зоз путованьох и обиходзеньох, та нє мож шицко анї поспоминац... ПООБРАЦАЛО ШЕ, ТА ШЕ ВРАЦЕЛИ На питанє же як ше заш лєм врацели до Керестура, Береково гваря же кед дзеци з Канади надумали прейсц жиц до Нємецкей, думали себе же цо там буду без нїх. Предали хижу, та ше врацели до валалу. У Канади Владо уж дошол и до пензиї, гоч, правда, и после назбераних рокох за пензионерски днї, ище єден час робел и гонєл автобус. Кед ше дзеци нєодлуга, заш лєм, врацели назад до Канади, лєм до другого места, Славка и Владо уж нє сцели назад. И ту им барз мило пре другу дзивку Ивану Аладин и єй фамелию, єй супруга Хариса, и їх синох, Димитрия хторому 11, и дзевецрочного Андрия. – Барз нам спочатку було цлїво. Перши два роки сом нє могла вельо койчого прилапиц, у дутяну бим цени у глави претваряла до доларох и нє могла вериц же шицко ту драгше як у Канади. Тераз зме уж треци рок ту, та сом ше якош помирела. Окреме зме радосни и уживаме, та забудзем и на Канаду кед приду служиц унукове, Дими и Андрий. Барз ту любя присц, и по руски ше учиме, гоч шицко розумя, док унучата у Канади перфектно знаю мацерински язик, бо ше знало же ше дома лєм так бешедує. – Видзиме же ше и ту дацо на лєпше пременєло, а дацо и нє, же и ту мож добре жиц, но чкода же нє шицким живот лєгчейши – заключує Владо. Канада Берековим цалком пременєла живот, дала им можлївосци, преширела горизонти, та прето вредзело, як гваря, видзиц швета, а лєгчейше тераз и материялно ужиц ту, дзе им и коренї.■
РУСКЕ СЛОВО 23
ЛЮДЗЕ, РОКИ, ЖИВОТ НАШ ГОСЦ: СЛАВОМИР РАМАЧ ЗОЗ ДЮРДЬОВА
РОКАМИ НА ДРАГИ ОД ДОМУ ПО ДОМ
Пише: Лидия КУХАР
НЇҐДЗЕ БЕЗ КНЇЖКИ Свойо пензионерски днї и шлєбодни час Славомир препровадзує зоз своїма унучатми и коло кнїжкох. Його велька любов то кнїжки котри почал читац у младосци и од теди з нїма нє престава дружтвовац. Найволї гевти исторйни, алє як гвари, чита шицко цо му ше найдзе под руку. Очи го по тераз добре служели, та ше наздава же так будзе и убудуце.
Живот, по даскельо мешаци оддалєни од дому, од фамелиї и дзецох, вшелїяк нє лєгки и зоз собу ноши велї одреканя, а приноши нови искуства, познанства и дожица котри занавше оставаю у паметаню. Наш собешеднїк приповеда о своїх дожицох зоз цалком иншакого швета на хтoри зме звикли
С
лавомир народзени у Дюрдьове, и дзецинство препровадзел праве у тим валалє у котрим и нєшка жиє зоз супругу Марию. Маю двох синох Славка и Иґора и аж пецеро унучата у хторих ше барз цеша. О своїм живоце Рамач почина през слички дзецинства и перших буквох. По законченей основней школи одходзи до Нового Саду до штреднєй Транспортней школи „Пинки”, дзе закончел за автомеханїчара и за вожача механїчара. Пошвидко достал роботу у варошу, у фирми „22. май”, и там робел коло два децениї. Три раз бул у Ираку, два раз у Ґабону и раз у Алжиру. ПРИБИЖИЩЕ НА БЛЇЗКИМ ВОСТОКУ – Фирма у котрей сом бул заняти мала свойо роботни єдинки по цалим швеце, у Либиї, Алжиру, Ираку, Кувайту... Заняти котри ришели свой роботни час препровадзиц далєко од дому, могли виберац чи то будзе шейсц, дзевец мешаци, або цали рок. Мой перши контракт бул на шейсц мешаци, а пошол сом до Ираку. Паметам же сом пред тоту першу длугшу драгу бул возбудзени, и пре саму драгу, алє и пре думки котри ше ми круцели по глави. Нє знал сом яки там швет, людзе и обичаї, и наисце кед сом першираз крочел на тот континент, шицко ми випатрало нове, иншаке... Нє лєгко сом ше звикнул на таки
24 РУСКЕ СЛОВО
живот. Драга по Ирак була интересантна, а паметам же путованє на траєкту зоз Греческей по Сирию тирвало пейдзешат годзини, два днї и два ноци. У Ираку сом гонєл камион, превожели зме шицко цо було потребне за вибудов авто драгох, а робел сом и друге, оправял сом камиони, гонєл сом и по пустиньох и по джунґлох, нїґда сом нє хасновал навиґацию, анї мобилни телефон, вше сом ше якош сам знаходзел – приповеда Славомир. Кед ше одпочивало од роботи, а то у Ираку бул пияток, у нїх ше тот дзе нє робело, камиони ше того дня нє гонєло. Славомир теди обиходзел край, або ше пошол помодлїц до церкви. – Любел сом пойсц до церкви. У Баґдаду, котри огромни город, була католїцка церква, та ми було мило же и у швеце мам якеш свойо прибижище – гвари Славомир. ЖИВОТ У ҐАБОНУ Место котре на Славомира зохабело вельки упечаток то Ґабон, держава у подсахарскей Африки, на самей гранїци зоз Екватором. – Тоти предїли и природу котру сам у тей часци швета видзел, нє мож описац 7. АВҐУСТ 2020.
ljudze@ruskeslovo.com
зоз словами, таке ше муши лєм дожиц. Медзи варошами нєт асфалту, лєм розчисцена джунґла по котрей зме ходзели. У Ґабону службени язик французки, та ше нє було лєгко згвариц, алє зме мали прекладательох котри нам були од велькей помоци коло роботи. Хвиля там така же велька влажносц воздуху, а температури ше рушаю од 20 по 40 ступнї. Робели зме велї роботи, ношели руду за цимент, та квола ни клин кер, тото на ша фирма робела, а на другей зме преношели стебла з лєсох по пристанїща. Тоту роботу зме робели за єдно ватиканске подприємство котре експлоатовало лєси. То нам були основни роботи у Ґабону – предлужує наш собешеднїк. Славомир добре памета и камп у котрим спали и препровадзовали Славомир зоз супругу Марию и унучатми свой шлєбодни час. – То бул менши камп, населєнє у котрим жили майстрове котри робели рижни роботи, а було их зоз шицких странох швета. Мали зме и „билих” и „чарних” приятельох и шицки зме були єднаки, цо за мнє було єдно цалком нове дожице – приповеда Славомир. Понеже у тедишнї час нє було дружтвени мрежи, анї интернет, Славомир зоз своїма наймилшима мал вязу лєм прейґ писмох и розгляднїцох котри и дзень нєшка чува. Вони го здогадую на далєки путованя и роботу. ДОМАШНЇ ГОСЦ Славомир и його супруга Мария 46 роки у малженстве, а як випатрал живот зоз чловеком котри такповесц жил на колєсох, Мария гвари: – Нє було лєгко остац сама дома зоз малима дзецми, a нїґда сом нє знала кеди ше враци и чи ше враци, и як сом часто за супруга гуторела, вон бул домашнї госц. Пришол дому, наєдол ше, виспал ше, спаковала сом му нову зайду на другу, вон шеднул до камиона и пошол.
У роботнї зоз колеґами зоз Сербиї и Ниґериї
7. АВҐУСТ 2020.
ДРУГИ ДОМ Кед нє бул на драги и на колєсох, Славомир любел зайсц до Културно-уметнїцкого дружтва „Тарас Шевченко” котре памета як друге обисце. – До Матки сом дзечнє ходзел и пре дружтво и пре драмску секцию чий сом бул член. Бул то наисце барз красни период мойого живота. Тиж, штири роки сом бул и активни член Церковного одбору у Дюрдьове.
У обисцу сом була и хлоп и жена. Шицки роботи я робела и коло обисца и на полю, алє сом вше нашла часу и за гекланє, за вишиванє и ручни роботи котри ми ишли од рук и у котрих сом уживала. А на полю зме роками садзели бо стан и паметам як нєшка же зме на кочу ходзели предавац ґереґи аж до Руского Кере стура. Часто сом ходзела сама з дзецми, а кед Славомир бул дома, и вон одходзел з нами. Аж кед пошол до пензиї и кед нє путовал так часто, було ми вельо лєгчейше. Так и нєшка, вєдно ходзиме на польо, робиме, и вше єдно другому помагаме – закончує супруга Мария. ■
РУСКЕ СЛОВО 25
ЛЮДЗЕ, РОКИ, ЖИВОТ 75 РОКИ „РУСКОГО СЛОВА” 1945–2020 (VII)
ВИДАВАТЕЛЬСТВО ОЧЕЖАНЕ ПРЕ ЧЕЖКУ ЕКОНОМСКУ СИТУАЦИЮ
Пише: Дюра ЛАТЯК
Кед маме штерацецрочни розвойни период видавательней хижи „Руске слово”, условно го можеме подзелїц на три фази. Кажда ноши зоз собу одредзени розвойни характеристики котри суґерую таке подзелєнє, алє су анї нє таки строги же би ше их нє могло и иншак подзелїц. Накратко розпатриме и предходне орґанизацийне устройство котре забера значну часц першей розвойней фази и одредзує єй дальши напрям
Н
овини почали видавац два орґанизацийни цалосци: Редакцийни колеґиюм и Друкарня, котра почала з роботу 1. юния 1945. року под назву „Друкарня Народного фронту Руски Керестур”, з єдним плаценим роботнїком чия плаца завишела од числа предатих новинох. Редакцийни колеґиюм теди робел волонтерски, без даякого пенєжного надополнєня. Друкарня под спомнуту назву роби аж по 5. марец 1948. року, а надалєй предлужує як филияла у составе новоформованого Видавательного и друкарского подприємства „Братство-єдинство” зоз централу у Новим Садзе, до чийого составу, як окремна єдинка, теди вошла и Редакция „Руского слова”. Од того часу престава ше у Редакциї робиц на волонтерскей основи. Як нови видаватель постава Покраїнски одбор Народного фронта Сербиї за Войводину, а роботнїки за свою роботу плацу доставаю од нового подприємства. Таке устройство нє потирвало длуго, бо нове подприємство зоз 21 филиялу и барз розличнима проблемами и розвойнима интересами у каждей филияли, було чежко ускладзиц у духу националней
ровноправносци. Прето оценєне же будзе лєпше кед ше оформя окремни подприємства, з тим же би главни ядра таких подприємствох були новини народох и народносцох. Так 30. юния 1951. року зоз подприємства „Братство-єдинство” видвоєни окремни филияли и з нїх формовани нови новинско-видавательни хижи националних меншинох. Теди Дирекция привредних подприємствох Покраїнского одбору Народного фронта Сербиї за Войводину зоз Ришеньом число 1017 основала и Видавательно-друкарске подприємство „Руске слово” у Руским Керестуре. За директора меновани Любомир Такач, котри у тедишнїм чаше бул и одвичательни редактор наших новинох. Од 29. децембра 1960. року назва видавательней хижи пременєна на „Новинске подприємство 'Руске слово'”, а у 1968. року, после преселєня до Нового Саду окончена пременка на „Новинско-видавательне подприємство 'Руске слово'”. Анї тота назва нє тирвала длуго. У складзе зоз новима законскима одредбами у 1979. року назва фирми пременєна на „Новинско-видавательна роботна орґанизация (НВРО) 'Руске слово'”, же би од 10. мая 1991. року була реґистрована як „Новинско-видавательна установа (НВУ) 'Руске слово'” и тоту назву и нєшка ма. ПEРИОД КОНСОЛИДАЦИЇ И ИНСТИТУЦИОНАЛИЗАЦИЇ Перша розвойна фаза (период 1945–1955) характеристична по тим же ше порушую нови виданя, же ше на початку цала робота окончує волонтерски (з винїмком друкарских), и же поставени фундаменти новинарства як припознатей професиї у рамикох рускей народносци. То источашнє и период консолидациї и институционализациї видавательней дїялносци на руским язику у Войводини.
26 РУСКЕ СЛОВО
7. АВҐУСТ 2020.
ljudze@ruskeslovo.com
Ту треба учишлїц и уводзенє самоуправяня, а тиж и цесну вязу зоз Руску матку, у чиїх рукох у перших пейцох рокох була шицка видавательна дїялносц, окрем новинох. У тим периодзе (1945–1955) виходза слїдующи виданя: 1. „Руске слово”, тижньово политично-информативни гласнїк (од 1945), 2. „Пионирска заградка”, мешачни часопис наменєни дзецом (од 1947) 3. „Шветлосц”, часопис за литературу и културу, виходзи штири раз до рока (од 1952, заключно зоз 1954. роком – шицкого три роки), 4. Народни календари (за 1946, заключно зоз 1949, а за 1951. рок место Народного календара виходзи „Рочна кнїжка” зоз подобним змистом, алє без календарскей часци), 5. Вкупно 36 кнїжки (15 политични брошури, белетристика и науково-популарна литература), 6. Учебнїки за основни школи з руским наставним язиком. „ШВЕТЛОСЦ” ПРЕСТАВА ВИХОДЗИЦ Конєц тей розвойней фази характеризує опадованє обсягу видавательней дїялносци. Престава виходзиц Народни календар, часопис „Шветлосц”, по трох рокох виходзеня, тиж утаргнути. Поєдинєчни кнїжки тиж нє виходза. Поряднє виходзи лєм „Руске слово” и дзецински часопис „Пионирска заградка”. Число нових учебнїкох тиж зменшане. Од 1951. року приходзи до кадровей консолидациї нового подприємства, окреме административней служби. Кед слово о професийним новинарским кадру, у тим чаше на новинох робели 2-3 особи, рахуюци ту и одвичательного редактора цо источасно бул и директор подприємства. Новини у тим чаше виходза на 4–6 бокох. Главна причина такому опадованю обсягу видавательнeй дїялносци вшелїяк були и очежани економски обставини у нашей жеми, особлїво после 1948. року кед после резолуциї Информбироа одказани велї медзидержавни економски догварки, котри спомалшели наш дальши економски розвой. У таких условийох кажди динар бул од виталного значеня за вибудов економскей бази, та мушела церпиц дружтвена надбудов, до котрей спада култура и просвита. Найбаржей то почувствовали културни институциї националних меншинох. У таких обставинох анї нашим културним институцийом ше нє удало затримац видавательну дї7. АВҐУСТ 2020.
ялносц анї на уж по теди досцигнутим уровню. Нєшка ше нє мож одорвец упечатку же тому кумовали и дзепоєдни субєктивни слабосци котри ше зявели послепейдзешатих рокох. Гоч явни коментари о причинох преставаня виходзеня „Шветлосци” було барз мало, заш лєм як єдна з причинох ше споминало мале число читачох и сотруднїкох. Медзитим, зоз перспективи познєйшого часу було чежко вериц же ше тоти причини нє могло превозисц. Зоз видатих трох рочнїкох часопису було видно же ше зявели млади потенцияли чийо ше творчи квалитети у явносци потвердзели. До того нас прешвечує и самокритичне огляднуце Штефана Гудака, у котрим, медзи иншим, написал: „Ми, котри нє знаме же з якима ше почежкосцами стретали видавателє часопису, котри зме лєм за тунї пенєж купели готову ствар, нє роздумуєме вельо о почежкосцох: финансийских лєбо нєдостатку материялу. „Шветлосц” престала виходзиц, мушело ше претаргнуц. Складам ше, гоч нє знам причини – конєчно, можем себе лєм задумац. Алє ше поставя вопрос же чи ми у валалох дали шицко од себе же би наш часопис вошол глїбше до народу. Наш народ люби читац – тото факт. Особлїво у чаше длугих жимских вечарох, лєм му потребне дац кнїжку. Наша задача же бизме му оможлївели же би читал, а нашо слово йому найблїзше, найпохоплївше, а о тематики же бизме анї нє бешедовали. Значи, цо на ствари з того и виходзи, и ми, котри робиме по наших валалох, зношиме добру часц вини за утаргованє видаваня „Шветлосци”... И на концу часопис загаснул пре рижни причини. Складам ше з тим, алє ше нє складам же и наша кнїжовна творчосц загасла. Верим, же людзе котри писали до „Шветлосци” пишу и далєй, алє за мнє, за нас тото исте таке як да анї нє пишу, бо їх роботи нє можеме читац, нє маме дзе.“ На основи того мож заключиц же одвичательни особи у Редакциї нє були досц енерґични у намаганьох ше би ше часопис голєм у скромним обсягу отримал. По утаргованю державней дотациї рушело ше по линиї меншого одупераня, та, место же би ше витворело цеснєйшу вязу зоз сотруднїками по наших валалох и прейґ нїх голєм дочасно винашло нови жридла финансованя, пришло до дванацрочней паузи у виходзеню того нашого часопису.■ (Предлужи ше)
Штефан Гудак
РУСКЕ СЛОВО 27
ДУХОВНИ ЖИВОТ ПРОЄКТ „ПАПА ЗА УКРАЇНУ”
ПОМОЦ МИЛИОН ЛЮДЗОМ Проєкт „Папа за Україну” порушани 2016. року, а з уложенима 15 милиони еврами помогнул скоро милион людзом и охабя за собу шлїд екуменского сотруднїцтва и любови. Як прекоментароване у медийох, молитва и милосердни дїла – то руки хтори од початку свойого папства папа Франциско дава дорогому українскому народу, з окремну увагу у одношеню на войново подїї хтори тот народ трапя од 2014. року. Концом юлия, после молитви Ангелского привиту, папа виражел задовольство пре догварку о претаргнуцу огня зоз сепаратистами у покраїни Донєцк. – Бешедовац о зраженю у хторим дзеци плаца найвисшу цену и поривац медзинародну заєднїцу же би пренашла ришеня хтори принєшу плоди мира и справедлївосци, то барз важне за нас, Українцох – гварел монс. Едуард Кава, помоцни владика Львова. Тот папов гуманитарни проєкт бул конкретни знак солидарносци, без огляду на релиґию, виросповиданє, лєбо етнїчну припадносц. На розполаганє дати средства за зогриванє, лїки, облєчиво и пожива, стедства за отримованє гиґиєни и психосоциялна потримовка.
Фото: www.kc.org.rs
Епископ Кава на концу визначел заєднїцку роботу на паповим проєкту, и то нє лєм латинского Каритасу и грекокатолїцкого Каритасу, алє и протестантох и числених медзинародних орґанизацийох. М. Г. К.
У ПАРОХИЇ У РУСКИМ КЕРЕСТУРЕ
СТРЕТНУЦЕ У ВОДИЦИ
ПОШВЕЦЕНА МАКОВЕЙСКА ВОДА
ДУХОВНЕ ОКРИПЕНЄ И ПОТРИМОВКА
У Парохиї св. отца Миколая всоботу, 1. авґуста, на раншей Служби Божей у катедралней церкви означене нєзаповедане швето старозавитних Маковейских мученїкох – Маковея, а то були седемцме браца и їх мац хтори забити, бо ше нє сцели одрекнуц вири до правого Бога. Службу Божу предводзел парох керестурски о. Михайло Малацко, а сослужели парох новосадски о. Юлиян Рац, домашнї капелан о. Владимир Медєши и о. Михайло Шанта. По Служби Божей за тото швето специфичне и пошвецанє води, алє так же кажда ґаздиня до церкви принєше воду у даякей судзини, канчове, кантички, вазни, прикрашени зоз сезонским живим квецом. Пред тим як пошвецел воду, парох о. Малацко пошвецел и цалу церкву. Пошвецену воду ше потим одноши дому и хаснує за рижни потреби души и цела. М. А.
У Марийовим святилїщу Водици, внєдзелю, 26. юлия, отримани духовни вилєт у орґанизациї локалней заєднїци Марийового дїла з Руского Керестура и Коцура. Понеже пре епидемиолоґийну ситуацию того лєта нє орґанизовани вельки стретнуца на уровню держави, опредзелєло ше за мали локални духовни вилєти, а з цильом духовней потримовки у тих нєсиґурних и ризичних часох. У Водици ше зишло нєвельке число фамелийох, хтори подзелєли свойо духовни искуства на тему Волї Божей, а потим и зоз ш. Михаїлу Воротняк на тему Водици, Водицовей икони, та и других темох вязани за супружески живот, а на основи посланїци супружнїком папи Франциска. Шицки шведочели кельо им у познатим змирююцим амбиєнту нашей Водици тото значело, як за физични оддих, так и за нови сили у каждодньовим живоце. И на тот завод ше указало яке важне же би ше особи потримовали и одшмельовали у духовним живоце праве у тих часох. Попри других физичних факторох за моцни имунитет нєобходна, або и ключна, и психична и духовна стабилносц, на чим треба вельо робиц праве тераз кед зме загрожени зоз вирусом, а моцни имунитет му найвекша охрана. М. А.
28 РУСКЕ СЛОВО
7. АВҐУСТ 2020.
duhovni@ruskeslovo.com
ПРЕСЛАВЕНЕ ШВЕТО ИЛИЇ
У КОЦУРЕ
ШВЕДОЧМЕ ГОСПОДА ЗОЗ СВОЇМА ДЇЛАМИ
ОДБОРНЇКИ ОЗНОВА У РОБОТНЕЙ АКЦИЇ
У грекокатолїцкей церкви Успения Пресвятей Богородици у Коцуре, внєдзелю, 2. авґуста, означене швето пророка Илиї по юлиянским календаре. Службу Божу служел капелан о. Данил Задрепко, а у своєй казанї присутним вирнїком бешедовал о живоце пророка Илиї. Як гварел, у народзе є познати и як Илия громовнїк, а тот старозавитни пророк одмалючка бул у пустинї и модлєл ше Господу Богу, бешедовал о спашеню, нависцовал слово Боже, а як и Исус Христос и кажди пророк, мушел церпиц и бул одруцени у своїм краю. – Кед ше модлїме даєдному пророкови, най будзе вше таке намиренє же би нам сам пророк дал тоту благодать же бизме були цо блїзши з Господом Богом. Ми ше помодлїме пророкови Илийови же би нам дал тоту силу и моц же бизме шведочели Исуса Христа зоз своїма дїлами, та гоч би нас можебуц дахто и осуд зел, прето же нєшка чежко буц чесни граждан. Знац любиц, знац почитовац, знац робиц шицко по християнски, дословно пророковац Господа, то нас одвоює од системи узвичаєного менталитета. Модлїме ше Господу Богу же би нам отворел очи, же бизме шицки були пророкове Исуса Христа, християнства, нависцовали Боже слово и же бизме були спашени, як у тим швеце, так и у другим – визначел на концу капелан о. Задрепко. З оглядом на терашню епидемиолоґийну ситуацию, красне число парохиянох присуствовало на шпиваней Служби Божей, притримуюци ше шицких предписаних мирох защити. О. Р.
Церковни одбор коцурскей грекокатолїцкей церкви Успения Пресвятей Богородици прешлого пиятку, 31. юлия, орґанизовал роботну акцию у котрей ушорена церковна порта и простор коло храму.
Одборнїки покошели траву на велькей поверхносци у порти, алє и опрез церкви, церковней сали, як и опрез старого парохиялного будинку. Вредни руки членох Церковного одбору ушорели и квице котре украшує околїско коцурскей церкви. У роботи ше ґу одборнїком приключел и парох коцурски о. Владислав Рац. И попри тим же бул барз горуци дзень, роботна акция прешла у добрим розположеню и злоги. Тота роботна акция лєм єдна з числених котри Церковни одбор коцурскей церкви запровадзує, водзаци рахунку же би церква, простор коло нєй и шицко за цо вони одвичательни, було крашнє ушорене. О. Р.
У ДЮРДЬОВЕ
У ПЛАНУ ИЩЕ ДВАЦЕЦ НОВИ СТОЛКИ Храм Божи у Дюрдьове и його нукашньосц з рока на рок маю вше красши випатрунок. Прешлого року ше у тей церкви почало зоз заменьованьом столкох. Стари
7. АВҐУСТ 2020.
столки заменєли, за тераз, двацец нови, котри уж мож хасновац и пре котри церква знука ище красша. Пенєжна помоц достата од Локалней самоуправи Жабель котра ше уж велї роки пред тим намага дац свойо доприношенє, як здруженьом котри ше закладаю за културу, так и Церквом у тей општини. Грекокатолїцка церква Рождества Пресвятей Богородици у Дюрдьове того року подписала ище єден контракт котри ше одноши на финансованє нових столкох у церкви. Пенєжна помоц, 500 000 динари, буду унапрямени праве на тоти роботи, а планує ше же шицко будзе закончене на єшень. Виводзач роботох будзе „Дуборезни ателє св. Трифуна” зоз Тителю, чий руководитель Сима Будиша – гварел священїк у Дюрдьове о. Михаил Холошняй. Л. Кх.
РУСКЕ СЛОВО 29
informator@ruskeslovo.com OСТАТНЇ ПОЗДРАВ Дня 22. юлия, после краткей и чежкей хороти зохабела ме моя шестра, котра пожила 93 роки.
ЛЕВОНА САЛАМУН (1927–2020) з Дюрдьова Єй любов и доброта навики буду у моїм шерцу. Вично ожалосцена шестра Марча зоз синами Мирославом и Владимиром и їх фамелиями Най спочива у мире Божим! СМУТНЕ ЗДОГАДОВАНЄ Прешло 6 мешаци як вецей нє з нами наш мили
СМУТНЕ ЗДОГАДОВАНЄ Наполнєли ше дзевец мешаци як нас моя мац, баба и прабаба зохабела, а того року ше наполня и 9 роки як нас зохабел оцец, дїдо и прадїдо.
ВЛАДИМИР КОЧИШ ЛЕОНА КОЧИШ (1930–2011) (1930–2019) З любову и почитованьом за дальши роки, будземе ше здогадовац вашей любови, пожертвованя, нєсебичносци и доброти. Ваша дзивка Славка зоз супругом Янком Рац и дзеци Катарина, Андрей, Петер, Мике, Лили и праунука Мила. СМУТНЕ ЗДОГАДОВАНЄ Дня 1. авґуста наполнєли ше два Наполня ше двацец шейсц роки роки як нє з нами мили супруг, як нє з нами наш мили син и оцец и дїдо брат
ВЛАДИМИР ОЛЕАР (4. IX 2003 – 9. II 2020) Гваря… плач без слизох найбаржей болї, то жалосц хтора нїґда нє преходзи, нє мож ше виплакац, анї забуц, а жиц ше муши з больом у думкох и шерцу... Знаме же видзиш и чуєш кельо це любиме и як нам хибиш. Твойо: оцец Любомир, мац Снежана, шестра Ґабриєла зоз фамелию, браца Даниєл, Мартин и Михайло, тети Снежана и Лаура зоз фамелиями, баба Мира и Славица, дїдо Владимир и шицка родзина и товарише. Спочивай у мире Божим! OСТАТНЇ ПОЗДРАВ
ЙОАКИМ БУЧКО (1941–2018)
ЮЛИЯН БУЧКО (1969–1994)
з Руского Керестура Днї преходза, а жалосц и смуток оставаю навики. Памятку на вас чуваю вашо наймилши – супруга и мац Натала, син и брат з фамелию Спочивайце у мире Божим!
Городска управа за защиту животного штредку Городу Нового Саду на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
СНЕЖАНА НАДЬ (1969–2020) з Руского Керестура Красни памятки на ню будзе чувац андя Мелания Семанова зоз дзецми и їх фамелиями Спочивай у мире!
о принєшеним ришеню же потребне преценьованє вплїву и одредзованє обсягу и змисту студиї о преценьованю вплїву застатого стану на животни штредок проєкта базней станїци мобилней телефониї „НС118, НСУ118, НСЛ118 НСО118 НС – Войводи Степи” Нови Сад Ношитель проєкта „Телеком Сербия” а. д., Таковска 2, Беоґрад, поднєсол тому орґану вимогу за одлучованє о потреби преценьованя вплїву застатого стану на животни штредок проєкта – радио базней станїци мобилней телефониї „НС118, НСУ118, НСЛ118 НСО118 НС – Войводи Степи” Нови Сад, у Улїци Булевар войводи Степи бч., на катастерскей парцели число 703/8, К.О. Нови Сад IV, Город Нови Сад. После запровадзеного поступку и предкладу Технїчней комисиї, Городска управа за защиту животного штредку дня 15. януара 2020. року принєсла ришенє число VI-501-125/20 же потребне превценьованє вплїву на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин на сайту Городскей управи за защиту животного штредку www.environovisad.org. rs. Процив того ришеня мож порушац управни суд пред Управним судом у чаше од 30 днї од дня його обявйованя о принєшеним ришеню у средствох явного информованя.
МАЛИ ОГЛАШКИ
OGLA[OVANW 021/6613-697, 066/202-414 e-mail: informator@ruskeslovo.com роботни дзень од 9-14 годзин 30 РУСКЕ СЛОВО
ДИХТОВАНЄ облакох и дзверох. Щици од витру, жими, праху, галайку, праху, инсектох. МОНТИРАМЕ: – РОЛЕТНИ – ГАРМОНИКОВО ДЗВЕРИ – ПАНТЛЇКОВО ДЗВЕРИ – МРЕЖИ ОД СУНЬОҐОХ – ВЕНЕЦИЯНЕРИ – ОПРАВКИ 025/5827-710, 060/5088-433
Покраїнски секретарият за урбанизем и защиту животного штредку на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04) обявює
ОБВИСЦЕНЄ
о поднєшеней вимоги за одлучованє о потреби преценьованя вплїву на животни штредок проєкта Ношитель проєкта „Термовул” д.о.о. Шид, Улїца Цара Душана 17, поднєсол вимогу за одлучовaнє о потреби преценьованю вплїву на животни штредок проєкта „Вибудов дїловного обєкту – продукцуйна хала зоз складзиском и управним будинком”, на катастерскей парцели число 3318/1 К.О. Адашевци. Податки и документацию зоз вимоги ношителя проєкта мож видзиц у просторийох Покраїнского секретарияту за урбанизем и защиту животного штредку, Булевар Михайла Пупина 16 (прижемє, канцелария чс. 39), а шицки информациї о поднєшеней вимоги мож достац на телефон +381 21 487 46 90, лєбо з електронску пошту з посиланьом питаня на адресу: olivera.vucinic@vojvodina.gov.rs и natasa.knezevic@vojvodina.gov.rs . Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Секретарияту.
7. АВҐУСТ 2020.
sport@ruskeslovo.com / informator@ruskeslovo.com
ОЛИМПИЙСКИ БАВИСКА
ШВЕТЛО НА КОНЦУ ТУНЕЛА Накадзи преглашена пандемия вируса корона, а окреме кед нєщешлїви людзе хтори охорели од нєй и умарли, вельо того ше пременєло, од велїх стварох зме ше мушели одрекнуц и пременїц справованє. Так пре хороту и вше векше число хорих мушела буц одложена планетарна спортска манифестация – Олимпияда, хтора того року требала буц отримана у Японє
ВЕЦЕЙ СЦЕНАРИЯ Предсидатель МОК-а Томас Бах припознал же ше пририхтує вецей сценария за отримованє Олимпийских ба-
вискох. За кажди сценарио ключне же би ше их отримало у максимално безпечних условийох за шицких. – Нє знаме як будзе швет випатрац о рок. Односно, велї людзе нє знаю як будзе випатрац их швет наютре, чи годни висц зоз обисца, чи годни пойсц, як дакеди, до ресторану зоз, лєбо без маски. Задумайце яки маме задаток же бизме пририхтали найзложеншу спортску манифестацию – гварел Бах. Велї ше питаю, з прикладу националних спортских манифестацийох хтори ше отримую без публики, чи и Олимпийски бависка у сценарийох виключую присуство любительох спорту, навиячох. Бах надпомнул же шицки жадаю же би спортски арени були полни з публику, алє єдно жаданя, а друге можлївосци. Но, вшелїяк, як гварел, МОК муши буц порихтани на шицки вариянти отримованя Бавискох. Праве прето тота Олимпияда и єй орґанизация нєвироятно чежки. Потераз було же ше Бависка пририхтовало за єден формат хтори менєй-вецей шицки потераз прилапели. – То подрозумйовало же одредзене место отримованя, спортиста сце, маце Олимпийски валал и вец орґанизуєце Олимпийски бависка. На тото завод вельо того нє познате. Нє зна ше яки обставини и предвидзованя рушаня параметрох хороти. Чи ше закончи, чи и надалєй будзе зараженя. И то ше нє одноши лєм на єдну державу, алє на 206. Шицко спомнуте, а и ище вельо вецей, мушиме мац у оглядзе – надпомнул Бах. На концу предсидатель МОК Томас Бах гварел же нє треба роздумовац чи то будзе – зоз публику, лєбо без нєй. Прето же ше Бависка муши прилагодзиц ґу тому А. П. швету, гоч як вон випатра.
Городска управа за защиту животного штредку Городу Нового Саду на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
Покраїнски секретарият за урбанизем и защиту животного штредку, на основи члена 25. Закона о преценьованю вплїву на животни штредок („Службени новини РС” чс. 135/04) обявює
о принєшеним ришеню же нє потребне преценьованє вплїву и преценьованю вплїву застатого стану на животни штредок проєкта базней станїци мобилней телефониї „НС119, НСУ119, НСЛ119 НСО119 НС – Каналска „Данубиус”” Нови Сад Ношитель проєкта „Телеком Сербия” а. д., Таковска 2, Беоґрад, поднєсол тому орґану вимогу за одлучованє о потреби преценьованя вплїву застатого стану на животни штредок проєкта – радио базней станїци мобилней телефониї „НС119, НСУ119, НСЛ119 НСО119 НС – Каналска „Данубиус” Нови Сад, у Улїци Каналска 1, у Новим Садзе, на катастерскей парцели число 4154/1, К.О. Нови Сад I, Город Нови Сад. После запровадзеного поступку и предкладу Технїчней комисиї, Городска управа за защиту животного штредку дня 31. юлия 2020. року принєсла ришенє число VI-501-127/20 же нє потребне превценьованє вплїву на животни штредок застатого стану на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин на сайту Городскей управи за защиту животного штредку www.environovisad.org. rs. Процив того ришеня мож порушац управни суд пред Управним судом у чаше од 15 днї од дня його обявйованя о принєшеним ришеню у средствох явного информованя, прейґ того орґану.
о приношеню ришеня о даваню согласносци на Студиї о преценьованю вплїву на животни штредок Компетентни орґан обвисцує явносц же 30. юлия 2020. року, принєшене Ришенє о дваню согласносци на Студию о преценьованю вплїву на животни штредок ПРОЄКТА Вибудов преточилїща камионских и ваґон цистернох, на катастерскиих парцелох число 2556/1, 2556/2, 2556/3 и 2555/16 КО Нови Сад III на Терминалу за претоварйованє и одкладанє дериватох з нафти Нови Сад ношителя проєкта НИС а.д., Улїца Народного фронта чс.12, Нови Сад. Ришенє о даваню согласносци принєшене на основи предкладу одлуки хтора состойна часц Звита Технїчней конисиї як и з увидом до дорученей документациї, з хтору констатоване же проєкт зоз свою реализацию нє будзе мац неґативни вплїв на животни штредок кед ше випочитую шицки предписани мири защити. Пре защиту елементох животного штредку, ношитель проєкта длужни обезпечиц условия и запровадзел мири хтори мдефиновани у поглавю 8.0 Студиї о преценьованю вплїву на животни штредок, а хтори предвидзени з похлавйом 9.0 Студиї о преценьованю вплїву на животни штредок. Ришенє о даваню согласносци на студию о преценьованю вплїву на животни штредок конєчнє и у управним поступку. Процив того ришрня мож порушац управни спор пред Управним судом у Беоґраду у периодзе од 30 днї од дня обявйованя того обвисценя.
Була то одлука Медзинародного Олимпийского комитета и по нєй Бависка буду отримани идуцого року. Медзитим, гоч одлука була медзи любителями спорту нєпопуларна, заш лєм МОК оптимистично твердзи же бависка буду „шветло на концу тунела” после борби зоз ґлобалну пандемию вируса корона.
СИМВОЛ СОЛИДАРНОСЦИ – Тото цо зме научели у тей шветовей кризи, то же кажду почежкосц, як цо и тота хтору виволал вирус корона, можеме превозисц лєм кед зме солидарни. Бависка можу буц блїщаци вираз шветовей солидарносци. Успих Бавискох, насампредз будзе завишиц од спортистох, алє порученє хторе повязане зоз Бависком, цо и сущносц, ДНК, бавискох зєдинюю цали швет. Мушим надпомнуц же у Комитету єст 206 членох з националних олимпийских комитетох, хтори вєдно творя єдинство чловечества у вкупней розличносци – гварел Бах. Вон тиж визначел же же порученє Бавискох треба дополнїц и же вони окрем солидарносци указую и на одпорносц. Насампредз прето же на Бавискох спортисти можу витвориц високи резултати, прето же уж указали яки су одпорни. Вони нє лєм же прилапели спокусу, алє указали и другим спортистом як треба вежбац у условийох кризи. Односно, як ю превозисц. Прето, як гварел Бах, тоти Бависка буду окремни и прето, же укажу яке значенє спорт ма у дружтве.
ОБВИСЦЕНЄ
7. АВҐУСТ 2020.
OБВИСЦЕНЄ
РУСКЕ СЛОВО 31
informator@ruskeslovo.com
32 РУСКЕ СЛОВО
7. АВҐУСТ 2020.
informator@ruskeslovo.com
7. АВҐУСТ 2020.
РУСКЕ СЛОВО 33
СПОРТ ОФК „ВЕРБАС” З ВЕРБАСУ
ЖЕНСКИ ФОДБАЛ ВШЕ ПОПУЛАРНЄЙШИ У рамикох Младежского фодбалского клубу „Вербас” у Вербаше постої и женска екипа котра оформена пред роком и пол. Дзивчата вредно тренираю, цо потвердзує же тот спорт при нїх вше популарнєйши, гоч ше за фодбал нє так часто опредзелюю
М
лади фодбалерки з вербаского Клубу остатнї рок ше змагаю зоз дзивчатми з других тимох у рамикох Квалитетней кадетскей лиґи Войводини. Зоз позицию на стредку таблїчки на котрей ше у тей хвильки находза, шести од тринац клубох, доказали же шицки тренинґи, упартосц и труд дали резултати.
ДЗИВЧАТА ЗАИНТЕРЕСОВАНИ И ДИСЦИПЛИНОВАНИ Кед ситуация ознова буд зе вигодна, дзивчата предлужа зоз тренинґами котри ше отримую на фодбалским терену у центру Вербасу, и то вецей раз у тижню. По словох тренера женскей екипи ОФК „Вербас” Желька Миловича, дзивчата барз дисциплиновани и, гоч су релативно нови у тим спорту, барз швидко напредую у звладованю бавяцких технїкох. Вєдно зоз дзивчатми тренираю и хлапци, часто ше и змагаю вєдно, а як гварел тренер, мед зи нїма нєт ривалитету, лєм жаданє же би вєдно побед зовали и шоровали спорт ски успихи. – Нашо дзивчата по сле рока и пол, кельо функционує женска фодбалска екипа, змагаю ше у Ква литетней кадет скей лиґи Войводини. З оглядом на тото же зме млади клуб, завжац ше сте ме сто мед зи тринац екипами кельо ше змагаю, то барз добри ре зултати. З тей нагоди бим поволал шицки дзивчата котри заинтере совани и жадаю бавиц фодбал най приду и придружа ше ґу нам на тренинґох, накад зи отримованє
34 РУСКЕ СЛОВО
тренинґох буд зе оможлївене – гварел тренер Желько Милович.
ТРЕБА РОЗБИЦ ПРЕДРОЗСУДКИ Як медзи иншим спомнул тренер Милович, обставини ше у остатнїм чаше барз пременєли кед слово о женским фодбалу. Вше вецей дзивчата заинтересовани бавиц фодбал, а тому ше барз радує. – Мушим визначиц же з нашого стредку до Женского фодбалского клубу „Войводини” пошла Ваня Кривокапич, котра и дебитовала у сениорскей конкуренциї, а дала и даскельо ґоли за „Войводину” у рамикох Суперлиґи Сербиї. З нєсцерпеньом чекаме єшень, наздаваме ше же руши лиґа, прето же тоти змаганя праве и причина прецо дзивчата тренираю и занїмаю ше зоз фодбалом. Наш стредок таки же ище вше ма предросудки ґу женскому фодбалу, алє кажде би требал присуствовац на змаганю, видзиц як то шицко випатра, та сиґурно же буду мац цо видзиц и можебуц пременї думанє – визначел Милович. Гоч на наших просторох женски фодбал можебуц и нє нательо заступени, у велїх шветових жемох женски фодбал популарни. У нас, перше официйне стретнуце дзе на фодбалски терен вишли жени одбавене у Беоґрадзе 1938. року. Остатнї 40 роки отримую ше шветово и европски першенства, а можебуц єдного дня и даєдни з дзивчатох вербаскей екипи буду мац нагоду указац свойо схопносци на даєдним з медзинародних першенствох. Упартосц и робота котри затераз указую, будза у нас надїю и виру же єдного дня так и будзе. ■ О. Русковски
7. АВҐУСТ 2020.
sport@ruskeslovo.com
ФК „ИСКРА”
ЕКИПА МА НОВОГО ПРЕДСИДАТЕЛЯ За ФК „Искра” предходни 4 роки були можебуц и найплоднєйши у єй историї, з оглядом на тото же Клуб у тим периодзе виборел пласман до Подрученй лиґи Суботица, а у тим ранґу Клуб ше аж два роки за шором у баражу борел за уход и до Войводянскей лиґи
Р
уководство на чолє зоз Радиславом Сталевичом, окрем по резултатох на фодбалским терену, вельо поробело и на инфраструктури, а капиталне було будованє цалком нових трибинох.
ЗА НОВИ УСПИХИ Медзитим, после штирох рокох прешлому руководству вишол мандат, а потерашнї предсидатель Радислав Сталевич пре здравствени причини нє могол предлужиц квалитетно окончовац длужносц предсидателя. По думаню подпредсидателя Михайла Варґи Пелета, Искри була потребна и нова, швижа крев. Виборна скупштина котра була заказана пре вирус корона и нови мири безпечносци мушела буц одказана, та зволана друга схадзка кед ше указала нагода, на котрей потерашнї предсидатель Радисав Сталевич розришени длужносци, а Драґан Горняк поставени на його место. Драґан член Искрових ветеранох, а роби як директор служби трезора у подприємстве „Карнекс”. – Мушим припознац же мам чесц же людзе котри потераз були у Искри думаю же можем помогнуц и отримац Клуб на уровню на котрим є остатнї даскельо роки. Любим Искру, Коцур и спорт, та сом нє могол повесц „нє” и одбиц понукнуце. Медзитим, першираз сом у управи єдного спортского клуба, та ми будзе потребна потримовка искуснєйших котри знаю на котри способ шицко функционує. Дам шицко од себе же би ше Искр затримала на високим уровню. Бавяцки кадер ми ше видзи добри, а з оглядом же нам циль у тей сезони цо вецей афирмовац наших младших бавячох, резултат нє будзе у першим планє, алє думам же маме квелитет же бизме були у стредку, а можебуц и у горнєй часци таблїчки – виявел нови предсидатель Искри Драґан Горняк.
ФОДБАЛЕРЕ ШЕ ПОЧАЛИ ПРИРИХТОВАЦ У наиходзацим периодзе будзе вибране и нове руководство, у котрим будзе нових людзох, алє будзе места и за
7. АВҐУСТ 2020.
тих котри и потераз були у Клубу, а жадаю и далєй помагац и сотрудзовац. Фодбалере Искри всоботу почали пририхтованя за нову сезону, тренер Александар Петрович може раховац на фодбалерох котри бавели за Искру у ярнєй часци сезони, окрем Сави Делича, котри пошол з Искри, а затераз, як перши помоцнєня за шлїдуюцу сезону, пришли Душан Бокан, котри потераз бавел у младших катеґоДраґан Горняк рийох ТСЦ-а зоз Бачкей Тополї и Филип Релїч. По початок першенства у планє привесц ище єдно, або два помоцнєня и вецей обрациц увагу на младих фодбалерох котри потераз бавели за подросток Искри. Прето до першого тиму уключени Никола Скубан, Дамян Колошняї, Павле Човс, Марян Киш, Данило Мезеї и Давид Дакич, котри за Искрову наймоцнєйшу екипу дебитовал у прешлей сезони. На перших тренинґох одволанє бавячох було добре, та тренер Петрович може орґанизовац трениґ по своїх задумкох.
ПЕРШЕНСТВО ПОЧИНА О ТИДЗЕНЬ Понеже у Подручних лиґох кажда екипа муши мац приявену и єдну младшу катеґорию, Искра у тей сезони прияви пионирску екипу, котру будзе тренирац длугорочни бавяч Искри Дамир Ґубаш. По найновших информацийох, першенство у Подручней лиґи Суботица почнє 15. авґуста, а змаганя ше будзе бавиц без присуствованя публики. Искра по початок першенства одбави два пририхтуюци змаганя, 2. авґуста процив Русина зоз Руского Керестура и процив Пролетера зоз Равного Села, 9. авґуста. ■ З. Колєсар
РУСКЕ СЛОВО 35
СПОРТ МИРКО БЕРКЕШ ЗОЗ ШИДУ, ДАКЕДИШНЇ СПОРТИСТА У ШТРЕЛЯЦТВЕ
ОШТРЕ ОКО И МИРНА РУКА ЗА ЦЕНТЕР МЕТИ
Пише: Владимир ДЇТКО
У дакедишнєй велькей держави, бувшей Югославиї кед привреда була моцна, а роботнїки задовольни зоз плацами, обичай бул же би ше роботнїки змагали у рижних спортских дисциплинох як аматере у рамикох такволаних роботнїцко-спортских бавискох. Як и у професийним спорту отримовало ше и олимпияди роботнїкох
О
И СИН У ИСТИМ СПОРТУ Окрем же тренирал колеґох и колеґинї у штреляцтве, Беркеш ше остарал же би за тот спорт зацикавел и сина Зорана. Вон тиж бул схопни у штреляню, та ше, як гвари, знало случиц же дакеди кед дахто з хлопох у екипи нє могол пре одредзени причини пойсц на змаганє, вец на його место „ускочел” Зоран.
36 РУСКЕ СЛОВО
рґанизовани спортски змаганя осемдзешатих рокох прешлого вику було и медзи роботнїками на подручу општини Шид, кед привреда була моцна, а медзи такима подприємствами було и ґрафичне подприємство „Ґрафосрем”. И у тим колективе ше орґанизовали змагательни екипи медзи хлопами и женами у вецей спортох, а кед слово о штреляцтве, за тоту дисциплину бул задлужени ґрафични роботнїк Мирко Беркеш зоз Шиду. ЛЮБОВ ИЩЕ З ВОЙСКА Мирко Биркеш ше змагал у спортскей дисциплини штреляня зоз воздушней пушки з 10 метерох до мети. А як шицко почало? – У войску сом бул одлични штреляч и помагал сом и другим вояком же би звладали схопносц точного, прецизного штреляня. Кед у „Ґрафосрему” требало основац спортски екипи за рижни спортски дисциплини, я ше такой приявел же бим основал штреляцку екипу. До екипи сом вибрал Зденка Парчетича, Стеву Юришича, Милана Осмокровича и Желька Абяновича и зоз нїма сом почал тренирац,
а после на шор пришли и змаганя – гвари Мирко Беркеш, уж роками пензионовани роботнїк „Ґрафосрему“. Тренинґи ше отримовало у самей фабрики „Ґрафосрем”, алє и у Спортскей установи „Партизан” дзе були добри мети и условия за тренинґ. Звичайно ше тренирало по годзину и пол кажди дзень, а пред змаганями и вецей годзини. Дзень пред самим змаганьом була павза од 24 годзини за одпочивок. А цо найзначнєйше у тей спортскей дисциплини же би ше посцигло замерковани резултати? – Насампредз муши буц цело поставене на одредзени способ же би, як ми то у жарґону воламе, „зросло” зоз пушку. Тиж и пушка муши буц барз квалитетна и уштреляна и же би ше утвердзело на хтори бок цага. Значна и добра концентрация, а мирна рука и оштре оком рецепт доброго штреляня – гвари Беркеш. ЕКИПА МАЛА ЗАМЕРКОВАНИ УСПИХИ На општинским уровню штреляче „Ґрафосрему” вше заберали перши места и пласовали ше на зонски змаганя на уровню Сриму. Медзитим, там уж були моцнєйши 7. АВҐУСТ 2020.
sport@ruskeslovo.com
– Були то красни часи, бо зме були младши и порихтани, окрем на роботу, тренирац и у спортских дисциплинох и змагац ше. А од шицкого було найзначнєйше друженє и упознаванє нових товаришох цо думам же и бул задаток роботнїцко-спортских бавискох. Були зме аматере и шицко робели з вельо дзеки. Нєшка цалком иншаки часи, людзе застарни пре роботни места и плаци, и нєт тей енерґиї же би ше ознова таке дацо порушало – гварел нам на концу Мирко Беркеш, додаваюци же од дакедишнєй хлопскей екипи лєм ище вон живи, бо колеґове поумерали.■ 7. АВҐУСТ 2020.
СПОРТСКО РЕКРЕАЦИЙНИ ЦЕНТЕР „ПОСЕЙДОН ИН” У ШИДЗЕ
РОЗВАГА НА БАЗЕНОХ
Фото: Вл. Дїтко
екипи и Шидянє ше мушели задоволїц зоз участвованьом. Наш собешеднїк гвари же тоти други екипи мали квалитетнєйши пушки и лєпши условия за трениранє, та вец посциговали и лєпши резултати. Звичайно ше зонски змаганя отримовали у Сримскей Митровици и у Руми дзе були одлични условия за змаганє. Тиж ше отримовали и спортски змаганя ґрафичних роботнїкох Сербиї на Златибору на хторих и Шидянє участвовали. Окрем же основал штреляцку секцию у своїм колективе и бул тренер хлопскей екипи, Беркеш ше потрудзел же би у подприємстве основал и тренирал и женску екипу хтора на змаганьох на општинским уровню заберала перши места. Тоти змаганя тирвали покля нє пришло до розпадованя бувшей держави и войнох дзеведзешатих рокох.
У городох хтори маю рики, людзе през лєто ратунок од горучави глєдаю праве у купаню у рики, а з оглядом же Шид нє ма рику, уж роками ошвиженє годни поглєдац на базенох Спортско рекреацийного центру „Посейдон ин”. По словох Стевана Филиповича, власнїка центру, тогорочна сезона купаня почала дакус познєйше як звичайно, односно 26. юния. Уходнїца за базен кошта 300 динари за одроснутих и 200 динари за дзеци, а дзеци до три роки можу войсц безплатно. Филипович гвари же и того року орґанизована школа плїваня хтору трима инструктор Милош Милошевич зоз сотруднїками. За годзину ученя плїваня треба заплациц 200 динари. Хто жада добре научиц плївац курс тирва 30 годзини, а нєплїваче подзелєни до трох ґрупох спрам одредзених критериюмох з хторима ше роби же би научели плївац. З оглядом на актуалну пандемию вируса корона, власнїкови базенох Филиповичови зме ше питали яки епидемиолоґийни мири запровадзени на базенох? – Вода ше каждодоньово филтрує и дезинфикує и даскельо раз
ше окончує лабораторийну контролу у Заводзе за явне здравє у Сримскей Митровици. Присуство людзох рахуєме єдно дзецко на штири квадратни метери, а єдна одроснута особа на 10 квадратни метери. Тиж у ресторану за єдним столом шму шедзиц два сооби, а столи ше находза на одредзеней оддалєносци – гварел Стеван Филипович. Наш собешеднїк уж тераз оценює же тота сезона нє будзе окреме добра и же нє будзе даякого заробку пре пременлїву хвилю, алє и пре пандемию вируса корона, бо обачлїво же людзе на базени нє приход за у векшим чишлє як предходни роки. Филипович и того року визначує добре сотруднїцтво зоз ЯКП „Водовод” и локалну самоуправу. Вл. Дї.
РУСКЕ СЛОВО 37
ИНТЕРМЕЦО
ХЛАДОК И ГОРУЦИ ТЕПШИ Лїляна Еделински
Цагани рейтеши зоз кромплями Потребне за цесто: ■ ■ ■ ■ ■
500 ґрами муки 3 деци води децу олєю ложичка солї масц за премасцованє
Потребне за фил: ■ пол кили потарти сирови кромплї ■ празилук порезани на колєчка ■ ложичка попру ■ ложичка веґети Поступок правеня: Загнєсц добре цесто, подзелїц на два цесточка. Розогнац дакус зоз розвалку и од горе добре помасциц зоз масцу. Най цесто одстої пол годзини и вец розцаговац на цо векши круг. Розмишац фил и пофиловац розцагнуте цесто. Скруциц питу и положиц до помасценей тепши. Питу помасциц од горе зоз олєйом и печиц на 220 ступнї док нє почервенї. Кед ше упече, од горе помасциц зоз воду и закриц зоз хлєбовку най ше дакус упари. Смачного!
Люпка Цвеїч
Америцка питка
Потребне: Америцка питка ше подобно прави як ■ 20 ложки муки и нашо стародавни питки зоз вишнями, ■ 10 ложки цукру яблуками. У пекарньох є позната як ■ 3 вайца „леня пита”. ■ 3 ложки масци Поступок правеня: (лєбо єден Замишце шицки начишлєни потребни марґарин) состойки. До округлей тепшички по■ 2-3 ложки ложце папер за печенє. Розженьце цешметанки сто на округло. Положце до порихтаней ■ пращок за печенє тепши и поприцискайце з нукашнього боку тепши, а звишок одрежце зоз ножом. Од того звишку направце пантлїки и попреплєПририхтованє фила: тайце пантлїки од горе, алє пред тим як положице пантлїЯблука натрец, лєбо кед ки висипце фил зоз вишньох, правице зоз вишньох, вец их пощикац. Положиц до шерпенки лєбо яблукох. овоц за хтору сце ше опредзелєли, вєдно зоз випущеним соНа 200 ступнї печце питку ком, и вариц зоз єдним ванелийовим пудинґом. Увариц густейдок нє почервенї. ше. Кед ше охладзи усипац на цесто. Смачного!
38 РУСКЕ СЛОВО
7. АВҐУСТ 2020.
rusmak.ruske@gmail.com
ХЛАДОК И ГОРУЦИ ТЕПШИ
Пририхтали: Лю. Цвеїч, M. Гудак
Ириней Гудак
Морска риба „на ґраделе”
Р
иба „на ґраделе” то традицийни способ пририхтованя риби на горватским приморю. Можеце вибрац гоч хтору файту морскей риби. Ми ше опредзелєли за ораду. На початку порихтаме моцну жирячку зоз древа або угля и положиме прейґ нєй чисти роштиль най ше добре зогреє. Док ше огень нє розжирячи, пририхтаме рибу. Швижу и очисцену рибу треба добре осушиц зоз кухньовим папером за сцеранє (же би ше нє лїпела за роштиль). Рибу потим позарезуєме до зукос, а менши фалатки мож и по длужни од глави ґу хвосту, най ше нє розпадує. Потим добре насолїц, и з нука и з вонка. На розжирячени роштиль поскладаме рибу и премасцуєме зоз розмарию намачану до маринади (прелїв) котру зме пред тим пририхтали. Фалатки риби после одредзеного часу (15-20 мин. у зависносци од велькосци риби) треба пообрацац на други бок и предлужиц печиц. Вше покус премасцовац з розмарию замачану до маринади. Готову рибу послужиме зоз кромпльову шалату и обовязно з домашнїм вином. Бо як стара присловка гвари, риба три раз плїва. Першираз у води, други раз у олєю и трецираз у вину. Смачного и наздраве!
7. АВҐУСТ 2020.
Маринада: Домашнї маслинов олєй, на дробно пошекани цеснок, петрушково лїсце, соль, попер и юшка з лимуну.
РУСКЕ СЛОВО
39
ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
НА НОВОСАДСКЕЙ ПЛАЖИ
ÌÀÍÈÔÅÑÒÀÖÈß „ÏÎÄ ÊÎÐÓÍÀÌÈ ÍÀ ØÒÐÀÍÄÓ”
ЦЕНА 30 ДИНАРИ
дин.
ОГЛЯДНУЦЕ НА ПРЕШЛОСЦ
Даєдни фотоґрафиї обявюємє вецей раз, понеже за нїх дотераз нєт нїяки податки.
500 К: 2 И А Н З Ь ТЕ Л ЛЕТ КОС КОМП И ЦАЛ
цифичносци тей националней меншини. Почало ше з македонским язиком, з тим же дзеци од тринац до дзеветнац роки можу слухац интензивни курс мадярского язика. Потим будзе орґанизована и роботня румунского язика. Найуспишнєйши достаню прикладни награди. – Пестованє интеркултуралного и мултикултуралного диялоґу главни циль орґанизованя тих роботньох. На таки способ жадаме мотивовац дзеци же би у основних и штреднїх школох ходзели на годзини факултативного виучованя меншинских язикох – сообщели Городска библиотека у Новим Садзе, Херор медия понт и Центер за розвой меншинских и локалних медийох котри орґанизаторе тей манифестациї. Шицки учашнїки маю обовязку притримовац ше предписаних мирох у защити од ширеня коронавирусу котри предписал Городски штаб за кризни ситуациї. Я. Дю.
Фото: Вероника Вуячич
Фото: Чила Давид
Роботнї за дзеци од пейц до дванац роки котри промовую медиї, културу и язики меншинских заєднїцох, почали прешлого тижня на новосадскей плажи Штранд, на просторе Городскей библиотеки. Уж осми рок за шором, дзеци маю нагоду научиц одредзени фонд словох даєдного язика, а на тот способ и спе-
РОК LXXVI ЧИСЛО 32 (3901) НОВИ САД, 7. АВҐУСТ 2020.
Фотоґрафия: 0122P
Фотоґрафия: 0101P
Фотоґрафия: 0159P
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох П на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.
■„ЗАСАВИЦА” – ГАРМОНИЯ ЧЛОВЕКА З ПРИРОДУ