ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
ВИШОЛ МАЙСКИ МАК
РОК LXXVI ЧИСЛО 24 (3893) НОВИ САД, 12. ЮНИЙ 2020.
Тих дньох вишло майске число младежского часопису МАК, а „У фокусу” му онлайн студиранє под час кризи ковиду-19, док у тей рубрики мож пречитац и текст о положеню женох. У пиятим тогорочним чишлє, „МАК-ов колаж” пише о Йосипови Ваштаґови зоз Коцура, а ту и гумористична рубрика „Квит ки мудро сци у МАК-у”, „Кинотека”, „Алт шоу у МАК-у”, „Упознай себе”, як и „Здогаднїме ше”, хтора пише о историї рускей школи у Дюрдьове. Яка то Си зи фо ва ро бота мож дознац у рубрики „Чом так гуториме?”, а у рубрики „Швет науки и технолоґиї” о тим же цо то рей-трейсинґ. „Спорт и рекреация” представя ґолмана Филипа Хромиша з Коцура, а „Власни печац” поезию двох младих авторкох. М. Зазуляк Гарди
Даєдни фотоґрафиї обявюємє вецей раз, понеже за нїх дотераз нєт нїяки податки.
ОГЛЯДНУЦЕ НА ПРЕШЛОСЦ
Фотоґрафия: 0736P
Фотоґрафия: 0737P
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґП рафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.
Фото: Кристина Афич
#останьцеодвичательни
ЦЕНА 30 ДИНАРИ
■ ОДПОЧИВОК ЗА ДУШУ И ЦЕЛО
ЛЄГЧЕЙШИ СПОСОБ НЄ ВШЕ И НАЙЛЄПШИ Пише꞉ Деян БУЧКО, наставнїк историї у школи „Петро Кузмяк”, Руски Керестур
Центер за интерактивну педаґоґию и Министерство про- образованя цо, муши ше повесц, анї кус нє єдноставне, аж свити, науки и технолоґийного розвою зоз заєднїцкима и за наставнїкох зоз вецейрочним искуством. моцами орґанизую проєкт под назву Змоцнєнє язичних Пре тельо почежкосци дахто би себе подумал, чи и єст дакомпетенцийох наставнїкох/цох хтори преподаваю на яки хасен од того проєкту? Одвит би бул – вшелїяк же єст. осем язикох националних меншинох. Тот проєкт ма задаток Кед бешедуєме лєм о нашей националней заєднїци, лєм у же би допринєсол витворйованю правох на квалитетне єдним смислу, тота робота дискутабилна. Насампредз образованє школярох на мацеринским язику, насампредз прето же єден од главних цильох того проєкту же би натих хтори наставу виучую на єдним од осем язикох мен- ставнїки, а вец и школяре, правилно научели хасновац фашинских националних заєднїцох (руски, словацки, мадяр- хово термини и поняца зоз одредзеного предмету на своїм ски, румунски, горватски, албански, болгарски и бошняц- мацеринским язику. То нєобходне за школярох хтори сцу ки), през унапредзованє линґвистичних компетенцийох предлужиц свойо високе образованє звонка Сербиї, на коло 3000 наставнїкох/цох своїм мацеринским язику у хтори участвовую на он-лайн матичней держави. У тим У велїх наставних предметох хаснує ше обуки. Конкретнєйше поведсмислу, за руских школярох специфични поняца за котри єст назва по зено, циль того проєкту, меди нєт вельо хасну, понеже ми руски, алє ше цудза назва на якишик способ зи иншим, же би наставнїки „одомашнєла”. Медзитим, то нє муши, и нє нє маме високе образованє були оспо собени правилно на „своїм” руским язику у шме буц так. Шлєбодно мож повесц же хасновац фахову терминолоґдругих державох. длужносц наставнїкох котри наставу тримаю ию на своїм мацеринским Медзитим, хасен за наших язику за предмет котри виу руских оддзелєньох, же би правилно хасновали школярох хтори наставу викладаю у настави. учую по руски, а зоз тим и за фахови поняца на мацеринским язику, а як У фокусу предмети котри ше пошлїдок того же би их и школяре так научели цалу нашу заєднїцу, заш лєм покладаю на закончуюцим исвельки. Уж кед маме право школовац ше на руским язипиту на концу осмей класи основней школи (математика, физика, хемия, биолоґия, ку, мушиме ше потрудзиц же бизме го максимално вихаґеоґрафия и история). За кажди од тих предметох формова- сновали. Тот проєкт нам у тим помага. Шицки зме свидони тим у котрим заступени по єден представитель осем ми же руски язик, алє и други меншински язики, под моцспомнутих меншинских заєднїцох. Попри тим, по истим ним уплївом других язикох, насампредз сербского и анґпринципу, формовани и тим котри роби на унапредзованю лийского язика. Вше баржей ше у руским язику, окреме общих язичних компетенцийох. Задаток тих тимох же би на- при школярох основношколского и штредньошколского писали змисти, кажди за свой предмет, за он-лайн курс ко- возросту, хасную рижни цудзи слова за котри єст нашо рутри би наставнїки мали прейсц през три тижнї. Змисти на ски слова, алє дакеди єдноставнєйше и лєгчейше похаснотим он-лайн курсу буду преложени на кажди з осем мен- вац пожичку, лєбо, ище частейше, єдноставно нє знаме як ше даяке поняце пове по руски. Розумлїве, анї наставни шинских язикох, а за тоту потребу буду анґажовани лекторе. кадер нє вше имуни на таки пожички. У велїх наставних Зоз нашей националней заєднїци до тей, анї кус лєгкей предметох хасную ше специфични поняца за котри єст нароботи, влапели ше наставнїки/ци зоз Основней и штред- зва по руски, алє ше цудза назва на якишик способ „одонєй школи зоз домом школярох „Петро Кузмяк” зоз Руско- машнєла”. Аж и наставнїком дакеди лєгчейше потолковац го Керестура. Алє, прецо гварим же тота робота нє лєгка? дацо хаснуюци цудзе слово. Пре рижни причини. Перше, таки лєбо подобни проєкт Медзитим, то нє муши, и нє шме буц так. Шлєбодно мож потераз нє робени. Наставнїки котри пишу змисти за обу- повесц же длужносц наставнїкох котри наставу тримаю у ку нє маю ше нацо „опрец” лєбо упатрац, лєм на свойо руских оддзелєньох, же би правилно хасновали фахови власне искуство зоз настави. Друге, за потреби обуки тре- поняца на мацеринским язику, а як пошлїдок того же би ба видвоїц, зоз моря других, фахови поняца котри задаваю их и школяре так научели. Нє раз поведзене же знанє найвекши проблем кед ше прекладаю на язик национал- странских язикох указує ширину образованя и култури ней меншини. Треце, цала робота ше окончує он-лайн. Са- поєдинца, алє правилна бешеда на мацеринским язику ме по себе то нє очежуюца обставина, алє кед ше вежнє до основа и його образованя и култури, и духовносци, на огляду же донєдавна тирвал позарядови стан и же ше на- концу. Кед уж маме руски назви за фахови поняца, чом бистава у школи ище окончує он-лайн цо вельо часу, мож по- зме их и нє хасновали. На тот способ можеме „ожиц” велї весц же зоз тоту додатну анґажованосцу наставнїки дакус руски слова котри на одредзени способ забути, лєбо заи преобтерховани цо може уплївовац и на квалитет самей нєдзбани. Источашнє, чуваме нє лєм сам наш язик, цо роботи. Штварте, комуникация медзи наставнїками у тиєден од символох нашого идентитету, алє и його богатство мох нє баш порядна, пре рижни причини, прецо ше сама и ширину. Бо, на концу, шицко ше зводзи на, уж сто раз робота предлужує. Пияте, обдумуюци тоти змисти, навигварене, „кед ше ми нє будземе старац о нашим язику, ставнїки муша водзиц рахунку же би ше витворели и шицнїхто ше други нє будзе”.■ ки цилї, односно уровень здобутого конкретного знаня и схопносцох котри предвидзени за одредзени предмет зоз Становиска висловени у тим тексту виключно авторово и нє наставним планом и програму за перши и други циклус вше одражую ушорйовацку политику новинох „Руске слово” 2 РУСКЕ СЛОВО
12. ЮНИЙ 2020.
ЗМИСТ
УВОДНЇК Пише: Иван САБАДОШ, главни одвичательни редактор
■ Тижньовнїк 6–7. Зоз схадзки Проєктного бироа Националного совиту Руснацох
■ Нашо места 11. Керестурски Сейки у планох Покраїнского заводу за защиту природи
■ Економия 12–13. Актуални роботи коло паприґи
■ Култура и просвита 19. Мултимедиялни стретнуца у новосадским РКЦ
■ Руске словечко 20–21. Адрияна и Андрей Рацов зоз своїма любимцами
■ Дикица 22–23. Гумор после корони
■ Людзе, роки, живот 24–25. Репортажа꞉ На Фестивалу квеца у Кули
■ Духовни живот 29. Акция Екуменскей гуманитарней орґанизациї
■ Информатор 30–33. Мали оглашки и In memoriam
■ Спорт 34. СБ „Яша Баков” – Пионирски турнир у малим фодбалу у Дюрдьове
■ Интермецо 38–39. Горуци тепши Насловни бок꞉ На беґелю Авторка фотоґрафиї꞉ Кристина Афич
ВИБЕРАНКИ 2020 По розличних баржей и менєй релевантних анкетох, можебуц аж милион и пол гласачох, од 6, 6 милиони гражданох хтори маю виберацке право, планує абстиновац на виберанкох 21. юния. Пиятина полнолїтних гражданох Сербиї нє дума гласац пре рижнородни мотиви и причини. Єдним мотив принципиєлни꞉ лєбо потримую бойкот, цо леґитимни способ виражованя политичного становиска, лєбо су аполитични, односно нїґда нє гласаю, нє участвую у политичним живоце анї их то нє интересує. Други ше водза з практичнима причинами – нє сцу ризиковац и исц до гужви коло гласацких шкатулох кед вирус корона ище ту, лєбо ше (ище) наздаваю же ше им по виберанкови викенд уда врациц на роботу до иножемства. Трецим на першим месце емоциї. То такволани „розчаровани” гласаче хтори вецей нє веря политичним опцийом хторим скорей давали довириє, лєбо су апатични и гваря же ґенерално нє маю за кого гласац „бо су шицки исти”. Тоти остатнї, голєм формално, нє маю право. По конєчних податкох, аж 21 виберанкова лїстина будзе участвовац на републичних парламентарних виберанкох. Кед же вериме же то шицко автентични политични моци, а нє лєм „виберанкови декор” хтори треба же би змоцнєл упитни леґитимитет наступних виберанкох, и кед прилапиме же ше на виберанкох участвує пре порихтаносц робиц за обще добро, пре власни идеолоґийни начала и политични програми, а нє лєм пре голу власц лєбо єй отрушинки, вец мож повесц же пред гласачами „политични шведски стол” – найдзе ше дацо каждому по смаку. Странки актуалней позициї, насампредз СНС и СПС, забераю широке подруче право и лїво од политичного центра. На правим боку найвекша гужва, од найоддалєнших радикалох, завитнїкох и Левиятану, прейґ монархистох, Русийскей странки (!), народняцких лїстинох Стаматовича и Велї Илича, по „урбанши” вариянти националней опциї хтору понукаю Шапичов Спас и Метла 2020. Покус нєобчековано алє политично праґматично, аж и Радуловичово суверенисти и Трифуновичов ПСГ претендую на часц гласачох того спектру. На лївим боку понукнуце нє таке богате. Тадзи, попри еколоґийно освидомених Желєних и Новей, як и (можебуц) ҐГ „1 од 5М”, позиционована и преважно социялдемократска ЗДС коло Войводянского фронту, и гражданска Коалиция за мир Чеди Йовановича. Остатнї два лїстини облапяю и депоєдни векши и менши меншински партиї, медзитим, на виберанки нє виходза у меншинским статусу. Коалициї за мир тота можлївосц нє припозната пре процедурални причини, ЗДС ю анї нє мала намиру (зло)хасновац. Меншински лїстини специфична приповедка, у покус фрустрираюцим положеню дзе треба патриц на себе, а закладац ше за общи интерес, без хторого анї тебе нє будзе лєпше. Ту мадяска лїстина СВМ, бошняцка Уґлянинового СДА, лїстина албанских парти й ох хто ри по сле длуг шо го ча су на ви бе ран ки ви ход за вєд но, и Зукорлич хтори попри бошняцкей представя и македонску заєднїцу. Цо заєднїцке за шицки лїстини хтори заступаю меншини? Лєм вони (ище) бешедую о людских и гражданских правох, реґионализме и Европи...
* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/VII, 21000 Нови Сад * Редакция: одвичательни редакторe/ки – Олена Планчак-Сакач, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Славица Фейса, Вероника Вуячич * новинаре/ки – Мария Афич, Влада Дїтко, Лидия Кухар, Андреа Медєши, Оля Русковски * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-92324482 * Девизни рахунок 160-0050870024999-53 * Рукописи ше нє враца * Друкує Друкарня ” Maxima graf” Петроварадин * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *
Директор др БОРИС ВАРҐА *** Главни одвичательни редактор ИВАН САБАДОШ
12. ЮНИЙ 2020.
РУСКЕ СЛОВО 3
ТИЖНЬОВНЇК ВИБЕРАНКИ 2020
ПРЕГЛАШЕНИ 20 ЛЇСТИНИ ЗА РЕПУБЛИЧНИ ПАРЛАМЕНТ Републична виберанкова комисия преглашела 20 лїстини за парламентарни виберанки 21. юния. Слово о лїстинох хтори по 5. юний на пол ноци придали валидни кандидатури, лєбо у законским термину од 48 годзини одклонєли замерковани нєдостатки По информацийох зоз сайту РВК, ище двом придатим потенциялним лїстином наложене дополнїц документацию, медзитим, по заключенє тексту нє сообщене чи тота вимога сполнєна, односно чи спомнути лїстини буду участвовац на виберанкох.
Єденаста по шоре преглашена лїстина за виберанки 21. юния будзе СДА Санджаку др Сулейман Уґлянин / SDA Sandžaka – dr. Sulejman Ugljanin, на хторей 27 кандидати за народних посланїкох, а интересантне же ношитель лїстини Сулейман Уґлянин хтори лидер Странки демократскей акциї Санджаку нє медзи нїма. З нагоди преглашеня лїстини хторей потвердзени статус меншинскей, кандидати СДА хтори за себе гваря же су єдина автентична бошняцка и санджацка политична опция у Сербиї, повторели же їх виберанкова програма дошлїдна становиском хтори од снованя заступа тота странка. То децентрализация Сербиї, здобуванє специялного статуса за Санджак цо подрозумює политичну и териториялну цалосц ровноправних гражданох и народох, врацанє статуса народу Бошняком, и дальши европски и НАТО интеґрациї.
Виберанкова лїстина „НАРОДНИ БЛОК – Велимир Илич – ґенерал Момир Стоянович” тринаста по шоре преглашена за наступни виберанки. Перши медзи 70 кандидатами Велимир Илич, предсидатель Новей Сербиї, а други пензионовани ґенерал Момир Стоянович, лидер Ґрупи гражданох „Щиро за Ниш” и дакедишнї шеф Воєней безпечносней аґенциї. По його словох, На-
ВЕЦЕЙ ЯК 6,5 МИЛИОНИ ГЛАСАЧОХ Републична виберанкова комисия сообщела же по Єдинственим виберацким списку хтори заключени 5. юния, 6 милиони 583 тисячи 665 гражданє Републики Сербиї маю право гласац на наступних парламентарних виберанкох. Тиж обявене же за републични виберанки 21. юния буду отворени вкупно 8 253 виберанково места, од хторих у Беоґрадзе буду 1 196 места, у Войводини 1 781, а у централней Сербиї 5 247.
4 РУСКЕ СЛОВО
родни блок у хторим попри Иличовей Новей Сербиї обєдинєни даскельо дзешатки локални здруженя гражданох понука „трецу драгу”, базовану на автентичних вредносцох традиционалного и патриярхалного сербского валалу, дзе особна чесц и патриотизем високо почитовани. Як гваря у Народним боку, їх народняцтво з порученьом „Сербия ше будзи” политична драга иншака од корумпированей власци и безидейней беоґрадскей опозициї.
Лїстина СЕРҐЕЙ ТРИФУНОВИЧ – РУХ ШЛЄБОДНИХ ГРАЖДАНОХ штернаста по шоре преглашена за виберанки 21. юния. То перша политична ґрупация декларована як гражданска опозиция актуалней власци хтора одлучела участвовац на виберанкох и одустала од їх бойкоту. На лїстини єст 158 кандидатох за народних посланїкох, а перши єй ношитель ґлумец Серґей Трифунович хтори и предсидатель ПСҐ. Медзи кандидатами на 64. позициї на лїстини Александра Виславски, фахова воспитачка зоз Дюрдьова. Тота странка на виберанки виходзи з питаньом „Цо чекаме?”, и прешвеченьом же политични пременки власци и системи нє можлїви кед ше нє участвує у парламентарним живоце держави. Обецую же у парламенту буду заступац и гражданох хтори их потримую, и тих хтори бойкотую виберанки, а же нї на яки способ нє буду сотрудзовац з актуалну власцу.
Лїстина СУВЕРЕНИСТИ петнаста по шоре хтору РВК преглашела за парламентарни виберанки. На нєй 130 кандидати а перши Саша Радулович, предсидатель Руху Досц було. Тота политична опция на виберанки виходзи з порученьом „Лєм Сербия нє ма алтернативу”, и суверенистичну платформу хтора до другого плану положела началну неолибералну идеолоґию тей партиї. Суверенисти ше дистанцую и од власци и од ґражданскей опозициї, себе видза як политичну силу центра, а закладаю ше за Сербию у хторей ше будзе крашнє и дзечнє жиц. Критични су ґу интеґративним политичним процесом и уплїву наднационалних орґанизацийох на державну политику, а у сфери економиї найвекша заувага же привреда зависна од иножемних инвестицийох, а дружтво траци понеже профит нє остава у Сербиї алє ше виноши до иножемства. 12. ЮНИЙ 2020.
tiznjovnjik@ruskeslovo.com
ВИБЕРАНКИ 2020
Лїстина „АЛБАНСКА ДЕМОКРАТСКА АЛТЕРНАТИВА – УЈЕДИЊЕНА ДОЛИНА / ALTERNATIVA DEMOKRATI KE SHQIP TA RE – LU GI NA E BAS HKU AR” шеснаста по шоре хтору РВК преглашела, и припознала єй статус меншинскей лїстини. На нєй 11 кандидати за народних посланїкох, шицки зоз шорох албанскей меншинскей заєднїци. Перши на лїстини правнїк Шаип Камбери хтори и предсидатель Општини Буяновац и лидер Партиї за демократске дїйствованє, хтора вєдно з ище штирома локалнима албанскима политичнима странками формовала тоту лїстину. Циль заєднїцкого наступу албанских меншинских партийох на републичних виберанкох же би попри локалней власци хтору тримаю у трох општинох на югу Сербиї, участвовали и у законодавних процесох на державним уровню, насампредз кед слово о реґионалним розвою и меншинских правох.
Седемнаста по шоре преглашена виберанкова лїстина под назву „Ґрупа гражданох: 1 од 5 милионох”. На нєй 98 кандидати за народних посланїкох, а интересантне же од перших 25, аж 21 студент. На тей лїстини часц активистох руху „1 од 5 милионох” хтори у прешлим периодзе орґанизовал граждански протести „Стоп диктатури!” и кампаню за бойкот виберанкох пре нєєднаки условия за шицких учашнїкох. Одлуку о виходу на виберанки тота орґанизация принєсла пре „политикантство” и нєєдинство опозициї коло бойкоту, цо загрожело сущносц тей методи политичней борби. Порученє їх кампанї „Пременїме Систему!”. Кандидати тей лїстини поволали шицки опозицийни политични орґанизациї же би на їх квоту делеґовали членох виберацких одборох, з цильом же би ше обезпечело векши ступень надпатрунку реґуларносци виберанкового процесу.
СКУПШТИНА ВОЙВОДИНИ Покраїнска виберанкова комисия (ПВК) потераз преглашела дзевец лїстини хтори буду участвовац на виберанкох за Скупштину Войводини хтори розписани за 21. юний. Покраїнска скупштина ма 120 посланїкох, а виберанки буду отримани по пропорцийней системи. Перша преглашена покраїнска лїстина АЛЕКСАНДАР ВУЧИЧ – ЗА НАШО ДЗЕЦИ. хтору придала Коалиция под исту назву. Лїстина ма 120 кандидатох, а перши на нєй Иґор Мирович, актуални предсидатель Покраїнскей влади. Медзи кандидатами доминую члени СНС, а попри нїх кандидатох маю Партия зєдинєних пензионерох Сербиї, Социялдемократска партия Сербиї и Рух социялистох, як и Словаци напредок и Рух моц Сербиї. Як другу лїстину ПВК преглашела ИВИЦА ДАЧИЧ – „Социялистична партия Сербиї (СПС), Єдинствена Сербия (ЈС) – Драґан Маркович Палма”. Лїстина ма 120 кандидатох, а перши на нєй високи функционер СПС Душан Баятович. Треца лїстина преглашена за покраїнски виберанки „Др ВОЇСЛАВ ШЕШЕЛЬ – СЕРБСКА РАДИКАЛНА СТРАНКА”. Лїстина радикалох ма 120 кандидатох а перши на нєй Дюрадь Якшич, предсидатель Городского одбору СРС у Новим Садзе. Штварта преглашена виберанкова лїстина у Покраїни то Vajdasági Magyar Szövetség-Pásztor István – Союз војводянских Мадярох – Иштван Пастор хтору придал Союз војводянских Мадярох (СВМ). На виберанковей лїстини хтора ма статус меншинскей єст 120 кандидатох зоз шорох СВМ, а перши Иштван Пастор, предсидатель актуалного зволаня Скупштини Войводини. Пията лїстина на покраїнских виберанкох „ВОЙВОДЯНСКИ ФРОНТ – зєдинєни за демократску Сербию (Лиґа социялдемократох Войводини, Вєдно за Войводину, 12. ЮНИЙ 2020.
Войводянска партия, Демократски союз Горватох у Войводини, Чарногорска партия, Демократски блок)”. На тей лїстини 120 кандидати за покраїнских посланїкох, перши лидер ЛСВ Ненад Чанак, а на пиятей позициї лїстини Олена Папуґа. Шеста лїстина „ЗА КРАЛЬОВИНУ СЕРБИЮ – ЗА СЕРБСКЕ ВОЙВОДСТВО (Рух обнови Кральовини Сербиї, Монархистични фронт) – Жика Ґойкович”. Монархистична лїстина ма 120 кандидатох за Скупштину Войводини, виключно зоз шорох ПОКС, а перши на нєй др Ґоран Иванчевич зоз Нового Саду. Лїстина „МЕТЛА 2020” хтору придала коалиция под исту назву седма по шоре преглашена за покраїнски виберанки. Ма 50 кандидатох, а перши др Бранислав Ристивоєвич, високи функционер ДСС. Скоро шицки кандидати тей лїстини тиж истей странковей припадносци. Лїстина „Чедомир Йованович – КОАЛИЦИЯ ЗА МИР (БОШНЯЦКА ГРАЖДАНСКА СТРАНКА/BOŠNJAČKA GRAĐANSKA STRANKA, СТРАНКА ЧАРНОГОРЦОХ)” осма по шоре преглашена за покраїнским уровню. Лїстина ма статус меншинскей, а медзи 50 кандидатами шицки зоз чарногорскей и бошняцкей партиї. Интересантне же тей Коалициї нє припознати меншински статус на парламентарних виберанкох Дзевята лїстина на виберанкох за Скупштину Войводини под назву „Академик Муамер Зукорлич – Лєм просто – Странка правди и помиреня (СПП) – Демократска партия Македонцох (ДПМ) / Akademik Muamer Zukorlić – Samo pravo – Stranka pravde i pomirenja (SPP) – Демократска партија на Македонците (ДПМ) ”. Tота лїстина придата як меншинска, на нєй 40 кандидати за покраїнских посланїкох, а перши Хасан Скорупан, теолоґ зоз Суботици. И. С.
РУСКЕ СЛОВО 5
ТИЖНЬОВНЇК ВИБЕРАНКИ 2020
РОБОТНE ЦЕЛO ПРОЄКТНИ БИРО
ТРИ ПРОЄКТИ Лїстина „НАЙ МАСКИ СПАДНЮ – Желєна странка – Нова странка” осемнаста преглашена лїстина за парламентарни виберанки у Сербиї. Ма 190 кандидатох за народних посланїкох, перши медзи нїма предсидатель Желєней странки Горан Чабради, а други предсидатель Новей странки, дакедишнї премиєр Зоран Живкович. Тота коалиция оценює же виберанково условия подли, алє звонкаинституцийна алтернатива участвованю на виберанкох нєприлапююца за озбильну и одвичательну политику хтору заступаю. Порученє тей коалицийней лїстини же политика у Сербиї заґадзена, заґадзела шицки сфери дружтва, а таки нам и животни штредок. Як гваря, їх намира з тей красней жеми направиц и озбильну державу, а за чисти воздух, животни штредок и чисте дружтво насампредз нєобходна чиста власц. Поволую гласачох же би конєчно гласали за свою будучносц, анє будучносц политичарох.
Лїстина „РУСИЙСКА СТРАНКА – СЛОБОДАН НИКОЛИЧ” ма 31 кандидата за народних посланїкох, а єй ношитель Слободан Николич, економиста зоз Шабцу. По своєй програми, Русийска странка ше заклада за ступанє Сербиї до Евроазийскей економскей униї, и полноправне членство у воєней орґанизациї ОДКБ (Орґанизация контракту о колективней безпечносц), односно шицких асоцияцийох Русийскей федерациї. Тиж, заклада ше за цеснєйши вязи и векше сотруднїцтво з Росию у обласци економиї, образованя и култури. Декларує ше як заступнїк интере сох русийскей меншини и шицких прорусийски орєнтованих гражданох Сербиї. РВК тей странки нє припознала меншински статус, понеже нє доручени потребни и прешвечлїви обгрунтованя же заступа интереси русийскей заєднїци у Сербиї, односно же медзи кандидатами ма припанїкох тей заєднїци.
Лїстина „Чедомир Йованович – КОАЛИЦИЯ ЗА МИР (Либерално демократска партия, ТОЛЕРАНЦИЯ Сербиї, БОШНЯЦКА ГРА ЖДАНСКА СТРАНКА/BOŠNJAČKA GRAĐANSKA STRANKA, СТРАНКА ЧАРНОГОРЦОХ, Влашка народна странка/Partia neamului rumânesc, Либерално демократски рух Войводини, ЗДРУЖЕНЄ ЮГОСЛАВЯНОХ У СЕРБИЇ, АМАРО – Акцийна мрежа асоцияцийох и ромских организацийох, Здруженє гражданох „Румунє Гомоля”, Скаска)”, остатня, 20. по шоре виберанкова лїстина хтору РВК преглашела за парламентарни виберанки 21. юния. На нєй 188 кандидати за народних по сланїкох, а перши лидер ЛДП Чедомир Йованович. Коалиция за мир на виберанки виходзи з порученьом „Одустанєме нїґда!”, же їх политика можлївого, и же нєт теми о хторих су нє порихтани отворено бешедовац.■ Пририхтал И. Сабадош
6 РУСКЕ СЛОВО
Роботне цело Проєктни биро у тим року конкуровало зоз 47 проєктами. Пре актуални обставини з початку яри зоз вирусом корона, ище вше нє розпатрани шицки. У периодзе януар – юний одобрени три, а дзевец одбити. Но, конєчни резултати за шицки проєкти ше будзе пошвидко знац Треца порядна схадзка Роботного цела Проєктни биро Националного совиту Руснацох отримана пияток, 5. юния, у просторийох Заводу за културу войводянских Руснацох. На схадзки бул поднєшени звит о реализациї проєктох з хторима Цело, институциї, здруженя и асоцияциї Руснацох апликовали у периодзе од януара по юний того року. Найвецей проєкти послали: Каритас А. Е. – 15, Коцурске здруженє младих (КУМ) – 15, СОФИА – 9, Етно Клуб – 5, а зоз єдним проєктом апликовали Национални совит Руснацох, Пензионере Коцур, Месни одбор Рускей матки и Основна школа „Братство єдинство” зоз Коцура. Найвецей проєкти ше апликовало при ресорних покраїнских Секретариятох АП Войводини (за културу, за национални заєднїци, за ровноправносц полох, за еколоґию...) и републичних Министерствох (за младих и спорт, правди...). Тиж так було вецей проєкти з хторима ше апликовало на локалним уровню, насампредз у вербаскей Општини. Средства по проєктох ше вимагало и од вецей фондацийох. ПОКРАЇНА НАЙАЖУРНЄЙША Як поведзене на схадзки, од 47 проєктох затераз лєм тром одобрени средства. Слово о проєктох хтори финансує, лєбо софинасує Влада АП Войводини, а то проєкти: Урґентни проєкт КОВИД 19, (Каритас А.Е. 2020), Едукация младих умрежованє (СОФИА 2020) и Дзешец роки мултикултурализма (Коцурске здруженє младих). Средства за спомнути проєкти достати од Фондациї „Каритас Италия”, Националного совиту Руснацох и Покраїнского секретарияту за национални заєднїци. Од вкупного числа проєктох дзевец одбити, лєбо нє були послати. Шицки други проєкти ище вше маю шанси достац средстава за реализацию, алє актуални обєктивни причини зоз пандемию загамовали процес. Можебуц праве прето, вецей проєкти були у вязи зоз пандемию вируса корона. Як поведзене на схадзки, пошвидко ше будзе знац чи и тоти 35 проєкти, хтори нє були у процедури достаню позитивну оцену. 12. ЮНИЙ 2020.
tiznjovnjik@ruskeslovo.com
НАЦИОНАЛНОГО СОВИТУ РУСНАЦОХ
ДОСТАЛИ СРЕДСТВА И далєй остава задаток членох Роботного цела Проєктни биро и Националного совиту же би лобирали за одоброванє проєктох при амбасадох, министерствох и покраїнских орґанох, як донаторох. Кед слово о амбасадох, на схадзки спомнути два и то амбасада Републики Болгарскей и Япону. ИПАРД – ЗА ТУРИЗЕМ
Фото: В. Вуячич
На схадзки Роботного цела Проєктни биро участвовал и предсидатель Националного совиту Борислав Сакач хтори з тей нагоди членох Цела поинформовал о ище єдней можлївосци за апликованє зоз проєктами у обласци валалского туризма, а слово о ИПАРД фондациї.
Познате же ИПАРД фондация унапрямена на проєти зоз обласци польопривреди и унапредзенє польопривредней продукциї. На тот завод, як пояшнєл предсидатель Националного совиту, зявели ше нови можлївосци за апликованє при тей фондациї у обласци туризма. Слово о валаским туризме, хтори вше популарнєйши у околїску, а однєдавна приклади туристичних капацитетох и обєктох маме и у Руским Керестуре. Спрам потерашнєй пракси, тот фонд потримує менши капацитети и обєкти – до трицец посцелї. Средства зоз того фонда мож хасновац, як надпомнул Борислав Сакач, и за вибудов и за опреманє постояцих обєктох. Окрем того, Руски Керестур, як и векшина наших валалох уж тераз маю солидну инфраструктуру за розвой и унапредзенє туризма. У наиходзацим периодзе предствителє нашого Совиту буду нащивйовац нашо подручни канцелариї и бешедовац о можлївосцох ИПАРД фондациї, а розумлїве и о розвою туризма у наших валалох. На членство у Целу у предходним периодзе задзековала Ивана Дудаш, та на схадзки предложене же би ше на наиходзацей схадзки Националного совиту розпатрело предклад о вибераню нових членох, Єлени Дудаш и Зинaиди Будински. А. Паланчанин 12. ЮНИЙ 2020.
STANOVISKA Пише: Лариса ОНОДИ, новинарка
ДИҐИТАЛНА РЕАЛНОСЦ Поносує ми ше пайташка хториш дзень – нє може заказац термин за виробок особней карти и пасоша прейґ интернету. Нєт термини. Нє стої єй ше у шоре, тирва длуго, а и нєбезпечно, вирус и далєй циркулує. У чаше кед епидемия и далєй актуална, на гражданох ше апелує же би цо вецей и частейше хасновали плаценє и административни конченя прейґ интернету. На концу, заш лєм будзе мушиц положиц маску и дриляц ше у шоре. У диґиталним чаше. Тих дньох медиї пренєсли же гражданє муша стануц до шора и опрез катастрох, прето же новтарушом муша принєсц лїстину нєрухомосци з тей институциї, гоч диґитализация оможлївела же би ше тот документ могло достац у електронскей форми. Новтаруше твердза же Влада нє прецизовала у яким формату можу видац тот документ, як го можу овериц и наплациц. Покля тот проблем нє будзе ришени, гражданє муша стац у шоре и чекац папер. Ознова. У априлу, кед на моци були мири защити од корона вирусу, виходзела сом лєм кед сом наисце мушела, углавним до предавальнї. Рахунки сом углавним плацела онлайн, алє дакеди апликация нє функционовала. Вец гайд, на банкомат по пенєжи. Дрилїм карточку, удуркам пин, напишем кельо ми пенєжи треба и нїч. Карточка вишла, пенєжох нєт. Волам банку, кол центер ми пуща музику, предклада кредити, гутори най причекам першого шлєбодного оператера. Безконєчно. Га, нїч, идзем на други банкомат. Иста приповедка, пенєжи нє доставам. Знова волам кол центер, наслухам ше музики, чекам оператера, а по хрибце ми ше злїва зной. Уж ше направел шор, пущам людзох най пробую вони, я и далєй чекам оператера. Анї други пенєжи нє доставаю, гоч на банкомату нє пише же є погубени, або же пенєжи нєт. Патра на мнє, питаю ше цо ше случує, рушаю до своєй банки. Пошла и я, опрез банки стоя осмеро, з масками, рукавицами и на метер и пол оддалєносци. После пол годзини сцигуєм на шор, добри дзень, нач приходзице кед можеце шицко покончиц електронски, блаблабла... Думам себе - допито ми дома, та сом пришла допивац ци на шалтеру. Гварим же банкомати нє функционую, вона ми одвитує же ше система спомалшела чи цо, уж ше нє здогадуєм. Дзвигам пенєжи на шалтеру та назад, виплациц рахунки на други шалтер... Тей яри, пре позарядово обставини, настава була онлайн, та велї родичи мали нагоду зоз дзецми, други або треци раз у живоце, слухац ґрадиво зоз основней школи, а и упис до школи могло ше покончиц прейґ еУправи и нє мушело ше зазберовац числени документи. Заказованє терминох було онлайн, а школи сами були длужни обезпечиц кресцене писмо, потвердзенє о пребувалїщу и о оконченим препатрунку у педиятра. Добри крочай напредок, алє по моїм думаню, требало би крачац швидше, у складзе з потребами гражданох.
Становиска висловени у тим тексту виключно авторово и нє вше одражую ушорйовацку политику новинох „Руске слово”
РУСКЕ СЛОВО 7
НАШО МЕСТА ВИБЕРАНКИ 2020
ПРЕГЛАШЕНИ НОВИ ЛЇСТИНИ Жителє векшини локалних самоуправох на териториї АП Войводини на виберанкох 21. юния достаню три гласацки лїстки – за републични Парламент, за покраїнску Скупштину и за городску лєбо општинску скупштину НОВИ САД Пишу꞉ Редакция и мрежа дописовательох
У
остатнїх даскельох дньох, до 5. юния, окрем вельких и познатих партийох и странкох на републичним и покраїнским уровню, на локалним уровню, општинох и городох, преглашени ище даскельо лїстини, коалицийох, здруженьох и рухох, хтори зоз своїма специфичносцами и интересованями углавним вязани за узши подруча и анґажованя. НОВИ САД Городска виберанкова комися Городу Нови Сад преглашела ище пейц виберанково лїстини, коалицийох, странкох, рухох и здруженьох хтори буду участвовац на предстояцих виберанкох. То лїстини: „Русийскей странки”, хтора ма 26 кандидатох, перша Верица Ракич, а на 21. месце Еуґен Орос, потим „Войново ветеранє за Сербию”, ма 26 кандидатох, а перши Самуел Чеман, потим Коалициї „Александар Шапич – побида за Нови Сад”, ма 26 кандидатох, перши Зоран Суботич, потим „Суверенисти”, ма 26 кандидатох, перши Александар Буїч и остатня, 14. лїстина то „Здрави бок городу”, ма 26 кандидатох, а перши Слободан Йованович. Скупштина Городу Нового Саду ма 78 одборнїкох. ОПШТИНА БАЧКА ТОПОЛЯ Виберанкова комисия Скупштини општини Бачка Тополя, по 5. юний, преглашела штири виберанково лїстини: „Александар Вучич – За нашо дзеци (Сербска напредна странка)”, лїстина ма 35 кандидатох, а перши на нєй Саша Срдич, коалицию „Ивица Дачич – Социялистична партия Сербиї, Єдинствена Сербия – Драґан Маркович Палма”, на нєй 12 кандидати, перши др Ґруїца Милошев, потим „Др Воїслав Шешель – Сербска радикална странка”, зоз тиж 12 кандидатами, а перши Павле Лужич, и „Союз войводянских Мадярох – Иштван Пастор”, ма 35 кандидатох, перши медзи нїма Нимрод Томик. Скупштина општини Бачка Тополя ма 41 одборнїкох. ГОРОД СРИМСКА МИТРОВИЦА У Сримскей Митровици, за локални виберанки, Городска виберанкова комисия преглашела дзевец виберанково лїстини: „Александар Вучич – За нашо дзеци (Сербска напредна странка)”, ма 58 кандидатох, перши Бранислав Недимович, потим „Ивица Дачич – Социялистична партия Сербиї”, ма 58 кандидатох, перши др Даниєл Бабич, потим Коалициї „За Кральовину Сербиї
8 РУСКЕ СЛОВО
(Рух обнови Кральовини Сербиї, Монархистични фронт) – др Єлица Єликич”, ма 21 кандидата, перши Бранко Тодорович, потим „Др Воїслав Шешель – Сербска радикална странка”, ма 21 кандидата, перша на лїстини Марта Мичич, вец „Город за шицких нас – Владимир Петкович”, ма 41 кандидата, перши Владимир Петкович, потим Коалициї „Войводянски фронт – Европска желєна партия”, ма 41 кандидата, перши Мирослав Певац, потим Ґрупи гражданох „Митровацка алтернатива – рух шлєбодних гражданох – др Мирослав Кендришич”, ма 28 кандидатох, перши Мирослав Кандришич, потим „Нови тим за Митровицу”, ма 21 кандидата, перши Зоран Боґичевич и дзевята лїстина „Метла 2020”, ма 21 кандидата, а перши Митар Павлович. У Скупштини Городу Сримска Митровица єст 61 одборнїк. ГОРОД СУБОТИЦА Городска виберанкова комисия у Суботици преглашела дзевец виберанково лїстини: „Александар Вучич – За нашо дзеци (Сербска напредна странка)”, ма 67 кандидатох, перши др Боґдан Лабан, потим „Др Воїслав Шешель – Сербска радикална странка”, ма 23 кандидатох, перши Лука Радулович, потим „Русийска странка – Иґор Петров”, ма 23 кандидатох, парши Иґор Петров, потим „Союз войводянских Мадярох – Иштван Пастор”, ма 67 кандидатох, перши др Балинт Пастор, потим „Ивица Дачич – Социялистична партия Сербиї”, ма 45 кандидатох, перши Небойша Црноґорац, потим „Бунєвци за Суботицу – Союз бачких Бунєвцох”, ма 23 кандидатох, перши Мирко Боїч, потим Коалициї „Войводянски фронт – за демократску Суботицу – Томислав Жиґманов”, ма 28 кандидатох, перши Томислав Жиґманов, потим Ґрупи гражданох „Рух гражданскей Суботици”, ма 36 кандидатох, перши Єно Маґлаи и дзевята лїстина то „Горватски демократски форум”, ма 23 кандидатох, перши Звонимир Перушич. Скупштина городу Суботици ма 67 одборнїкох. 12. ЮНИЙ 2020.
mesta@ruskeslovo.com
ВИБЕРАНКИ 2020 ВИБЕРАНКИ У МЕСНИХ ЗАЄДНЇЦОХ У ОПШТИНИ ЖАБЕЛЬ
ШИД
ОДЛУЧУЄ ШЕ О НОВИХ ЧЛЕНОХ СОВИТОХ МЗ
ОПШТИНА ШИД Штварта виберанкова лїстина хтора преглашена у општини Шид до 5. юния, то Коалиция „Войводянски фронт – зєдинєни за демократски Шид” (Лиґа социялдемократох Войводини, Вєдно за Войводину, Войводянска партия), ма 13 кандидатох, а перша на лїстини докторанд наукох Деяна Дюрдєвич зоз Люби. Скупштина општини Шид ма 39 одборнїкох. ОПШТИНА ЖАБЕЛЬ По 5. юний у општини Жабель преглашени ище два лїстини. Пията преглашена виберанкова лїстина то лїстина „Др Воїслав Шешель – Сербска радикална странка”. Лїстина преглашена на 19. схадзки Општинскей виберанковей комисиї 4. юния на 16,20 годзин. На виберанковей лїстини седем кандидати.
Лїстину предводзи Никола Тривунович, инженєр машинства зоз Дюрдьова. Шеста преглашена виберанкова лїстина то лїстина „За Кральовину Сербию – за Кральовску општину Жабель” (Рух обнови Кральовини Сербиї, Монархистични фронт). Лїстина преглашена на 20. схадзки Општинскей виберанковей комисиї 5. юния на 10,30 годзин. Тота лїстина ма седем кандидатох, а предводзи ю Владимир Лїлянич, автоелектричар зоз Дюрдьова. ОПШТИНА ВЕРБАС У општини Вербас до 5. юния преглашена ище єдна, штварта виберанкова лїстина, ҐГ „Ошлєбодзме Вербас”, хтора ма 24 кандидатох, а перши на нєй дипл. економиста Драґан Стиєпович зоз Бачкого Доброго Поля. Скупштина општини Вербас ма 36 одборнїкох. ■
Предсидатель Скупштини општини Жабель Радован Чолич, на схадзки 29. мая, принєсол ришенє о розписованю виберанкох у месних заєднїцох на териториї општини Жабель. Будзе ше виберац нових членох до Совиту шицких месних заєднїцох на териториї општини Жабель. Виберанки буду отримани 5. юлия, а виберанково активносци почали 1. юния. Месна заєднїца Дюрдьов будзе виберац седем нових членох Совиту, Месна заєднїца Жабель дзевец членох, а Месна заєднїца „21. май” Ґосподїнци будзе виберац седем нових членох Совиту. Виберанки за членох Совиту месних заєднїцох запровадзую Виберанкова комисия за запровадзованє виберанкох за членох Совиту месних заєднїцох, виберанково комисиї и Другоступньова виберанкова комисия. Текст образцу за подношенє прияви за предклад кандидатох друковани и на руским язику, а доступни є на урядовим интернет боку општини Жабель од 1. юния того року. Л. Кх.
ЖАБЕЛЬ
12. ЮНИЙ 2020.
РУСКЕ СЛОВО 9
НАШО МЕСТА ОТРИМАНА 13. СХАДЗКА СКУПШТИНИ ОПШТИНИ КУЛА
ПРИЛАПЕНИ ЗВИТ О РОБОТИ КРИЗНОГО ШТАБУ На 13. порядней схадзки Скупштини општини Кула, хтора отримана 9. юния, одборнїки з вельку векшину гласох прилапели Звит о роботи Штабу за позарядово ситуациї под час позарядового стану у Републики Сербиї, а зоз схадзку руководзел предсидатель Скупштини Велибор Милоїчич. О Звиту, т. є. о його ключних точкох, одборнїком бешедовал предсидатель Штабу и предсидатель Општини Кула Дамян Милянич. Як оценєл, Штаб барз добре реаґовал на нєсподзивану ситуацию пре зявенє епидемиї Ковиду 19, нагло реаґовал на шицки ключни потреби у шицких обласцох явного живота и потребох гражданох у цалей општини. Милянич тиж визначел же Општина Кула дзекуюци благочасовим одлуком Штабу о набавки дезинфекцийних средствох єдна з перших хтора могла окончовац дезинфекцию шицких явних обєктох и поверхносцох, такой дзень по преглашеню позарядового стану. Предсидатель визначел и похвалєл роботу кол-центру и окреме волонтерох у шицких местох хтори ше швидко орґанизовали и були на розполаганю своїм старшим согражданом у шицких потребних набавкох и окончованю рижних услугох. Похвалєне и анґажованє привреднїкох з општини котри реаґовали у нєдостатку защитних маскох, а медзи нїма и керестурски подприємства и у чаше позарядового стану ушили безплатно 13 000 маски, за хтори материял обезпечела општина од донаторох. У презентациї Звиту предсидатель одвитовал и на зауваги одборнїкох зоз Одборнїцкей ґрупи „Критична маса”, найвецей на препущеня у Месней заєднїци Липар, а тиж и на констатацию же члени Штабу нє виберани по политичней линиї, алє по фаховей.
Предсидатель на концу подзековал шицким поєдинцом и компанийом хтори векшином самоинициятивно помогли зоз значнима донациями и зоз своїм анґажованьом и наявел же им Општина и явно подзекує з нагодо Дня општини Кула у новембру. Як финансийни пошлїдок позарядового стану предсидатель Милянич наявел и ребаланс општинского буджету хтори ше пририхтує. После розправи о Звиту, хтори виволал надосц дискусиї, одборнїки прилапели и даскельо Звити явних подприємствох, прилапени одредзени кадрово пременки у школских одборох и у општинскей управи. Одборнїки тиж прилапели и рочни ликвидацийни звит ЯП „Завод за вибудов”, а тиж и Одлуки о зменшаню вредносци даскельо нєрухомосцох у власносци општини. Медзи нїма и хижа у улїци М. Тита 94 у Руским Керестуре, хторей вредносц зменшана за 20 проценти, та тераз будзе понукнута за 8 886,89 еври на лицитациї хтора будзе отримана у юлию того року. М. А.
РОБОТНА АКЦИЯ НА БАЗЕНУ У РУСКИМ КЕРЕСТУРЕ
ЗМАГАТЕЛЬНИ БАВИСКА И БОГАТИ НАГРА ДИ На керестурским базену, на соботу 13. юния, будзе отримана роботна акция вичисцованя базену хтору орґанизує Месна заєднїца, а у рамикох хторей буду отримани и змагательни бависка за дзеци зоз богатима наградами. Вичисцовац базен, хторе почнє на 9 годзин, буду школяре, волонтере основней школи, члени Здруженя спортских рибарох „Колякˮ, члени Добродзечного огньогасного дру-
10 РУСКЕ СЛОВО
жтва Руски Керестур, члени ЯКП „Рускомˮ и Месна заєднїца. По сле ви чи сцо ва ня ба зе ну, на 12 год зин почню змагательни бависка у воженю бициґлох и обегованю за хтори предвид зени и награди. Дзеци од трох до шейсцох рокох буду ше змагац у обегованю, и за нїх як перша награда буд зе тротинет, док ше дзеци од 1. по 4. кла су основ ней шко ли буду змагац тиж у обегованю, а дзецко
за перше ме сто до станє дзецин ску бициґлу. Кажди родитель хтори жада же би його дзецко участвовало у змаганю, треба же би подписал согласносц, хтору може окончиц до пиятку, 12. юния од 9 по 12 годзин, у просторийох Месней заєднїци. Подробнєйши информациї мож достац при секретарови Месней заєднїци Михайлови Сабадошови на число телефона 065/270-33-05. Ан. М. 12. ЮНИЙ 2020.
mesta@ruskeslovo.com
ДЗЕНЬ ЗАЩИТИ ЖИВОТНОГО ШТРЕДКУ
Медзинародни Дзень защити животного штредку у Сербиї означени 5. юния, под мотом „Час за природуˮ, та през кампанї и акциї унапрямени є на очуванє биодиверзитету и вкупного природного скарбу Як визначене зоз Заводу за защиту природи Сербиї, у нашей держави защицене 7,6 одсто териториї. Тоти подруча маю вельке значенє, бо су бивальнїки велького числа ридких и загрожених файтох. Директор Заводу Александар Драґишич наглашел же за защиту природи єднак важне же би и кажди поєдинєц бул свидоми яке йому особнє самому барз важне чувац природни вредносци, биодиверзитети и свойо околїско. Тиж так, наглашел Драґишич, же би ше зоз справованьом и каждодньовим одношеньом доприношело їх лєпшей защити, бо старанє о природи то и бриґа за добро чловека. Єдзенє котре єме, воздух хтори удихуєме, вода цо ю пиєме и клима котра твори нашу планету вигодну за живот, приходза зоз природи. Як поручене зоз Покраїнского Заводу за защиту природи, у тим чаше природа нам посила порученє. Же бизме ше старали о себе, мушиме ше старац и о природи. Час же бизме ше пребудзели, обачели порученє, час зробиц дацо вецей за природу, людзох, планету. Гоч зме и нє сцели, нєдавне застановенє живота пре пандемию такой указало барз позитивни ефекти у обновйованю природи. На освидомйованю же треба чувац планету и свой животни штредок вельо робя еколоґийни рухи и здруженя, та ище паметаме як Еколоґийни рух „Желєни персцень” з Руского Керестура донєдавна, два децениї означовал тот дзень з велїма змистами. На окремней програми, наградзовало ше и найушоренши заградки, робело на ожелєньованю и ушорйованю валала и околїска, беґелю, помагало у едукованя школярох и оводарцох, а тоти найменши додзельовали и желєни и чарни лїсток, а мали и маскенбал.
Фото Кристина Афич
ЧАС ЗА ПРИРОДУ
„Желєни персцень” уж даскельо роки, нажаль, нє активни, а на тот завод, пре епидемию и оводарци нє могли вибрац найзаслужнєйших за чуванє животного штредку, або тих цо робя процивно. З тей нагоди зоз фотоапаратом зме призначели тото цо красне у нашим околїску. Нєдавно на пристанїщу порезани над у беґелю одкрил, нажаль, и вельо шмеца цо було до ньго поруцане, як цо то пластични фляши, мещки, алє одкрил анї чисту воду при побрежю и рибку цо там плїва, и малого гадзика на дражки на беґелю... Призначели зме и ушорени балкон Анґели Дудашовей хтора жиє у заєднїцким будинку. И як ю похвалєли єй сушедово, гоч є и чежко хора, остарала ше и за заєднїцке место за шедзенє вонка у дворе, дзе можу шицки уживац, о хторим ше праве вона найвецей стара. Видзи ше нам же Керестурци остатнї роки досц меркую на шор и красу коло своїх обисцох, комуналне подприємство и на заєднїцки явни поверхносци и вилєтни места. Но ище вше нє дзбаме и руцаме шмеце, вшадзи нє „нє нашоˮ, и єст ище вельо того дзе ше треба освидомйовац, и як поєдинци и як заєднїца. На концу, повеме и же Покраїнски завод за защиту природи виглєдує даскельо подруча же би ше их защицело, а медзи нїма и Сейки при Руским Керестуре. М. А.
У РУСКИМ КЕРЕСТУРЕ
ОПРАВЕНА ПУМПА НА ВОДОВОДНЕЙ МРЕЖИ Пумпа за воду на Б4 студнї на водоводу при пристанїщу у Руским Кере стуре оправена прешлого тижня. Ремонт пумпи поробело Явне комуналне подприємство „Рускомˮ, а як гварел директор того подприємства Иґор Фейди, пумпа єден час нє робела пре гаварию на мотору пумпи на студнї Б4. Понеже уж у маю зазначене векше количе ство трошеня води, оправена пумпа оможлїви лєпши прицисок у валалскей водоводней мрежи. Ан. М. 12. ЮНИЙ 2020.
РУСКЕ СЛОВО 11
ЕКОНОМИЯ ЗАКОНЧЕНЕ ПРЕСАДЗОВАНЄ ПАПРИҐИ У РУСКИМ КЕРЕСТУРЕ
ЧЕКА ШЕ ЦЕПЛЄЙШУ ХВИЛЮ
Пише: Андреа МЕДЄШИ
Пресадзованє паприґи у керестурским хотаре того року почало коло 1. мая, тераз є уж закончене, а на паприґарох остава же би водзели рахунку о прикармйованю и защити процив инсектох и хоротох, хторих того року годно буц вецей пре слабу жиму
П
родукиция паприґи у Руским Керестуре ше з рока на рок звекшує, а добри глас о вигодносцох садзеня тей култури преширел ше и на околни места як Лалить, Крущич, Коцур, Савине Село, та шицким новим членом Здруженя паприґарох „Капсикум анум” центер за набавку репроматериялу як и за одкуп, праве Руски Керестур. По словох искусних продуковательох, хвиля того року одвитовала пресадзованю, понеже слунко нє було моцне и нє були горучави, алє паприґи хтора уж пресадзена тераз барз потребне слунко и надосц води. Як гварела предсидателька Здруженя Друшица Орос, после пресадзованя паприґи потребне ю защициц од рижних хоротох як цо уша, пипа,... а з оглядом на тото же жима була досц блага и мразу скоро анї нє було, можлїве же ше зявя и даяки нови хороти. ПРЕДАВАЛО ШЕ И ПРЕСАДУ Пре мраз хтори ше зявел на початку яри, у априлу, пресада велїм змарзла, та и кед ше ю предавало могло ше крашнє заробиц. То потвердзує и Веселинка Сабо зоз Руского Керестура хтора зоз свою фаме-
12 РУСКЕ СЛОВО
лию уж роками пестує тоту културу на двох гольтох. – Паприґу зме шали 14. марца до пластенїкох, а 8. мая зме ю пресадзели. Каждого року кладземе два гольти паприґи, алє у пластенїкох маме вше вецей квадрати пресади. Кед ше нам пресада уда як того року, вец маме и на предай. Мали зме рогову, а предали зме ю по цени од 10 евра по квадрату. Пресаду ше того року барз глєдало, дахто предавал по 1 000 динари по квадратним метеру, а чула сом же понукали и векши цени. Концом мая ше ю уж так глєдало, же конци цо останю у пластенїкох ше лєм паковало до шкатулох, та ше и на шкатулу предавало – приповеда Веселинка. Но, як гвари Сабова, поглєдованє за пресаду нє каждого року таке вельке. Причина вироятно мраз у априлу пре хтори велїм, та аж и искусним продуковательом, пресада станула з ростом, або замарзла. – Теди кед бул мраз, дзень-два зме зогривали пластенїки, алє кед жимни ноци потирвали, кед зме видзели же нє будзе цеплєйше, поставели зме и аґрил. Пресаду зме предали до Зренянину, чловек хтори ю купел бул задовольни з ню, а волали купци и зоз Коцура, Кули, Лалитю – закончує наша собешеднїца. 12. ЮНИЙ 2020.
ekonomija@ruskeslovo.com
У керестурским хотаре ше поверхносц под хтору ше садзи паприґу з рока на рок звекшує, та ше и польопривреднїки зоз сушедних валалох заинтересовали за тоту продукцию. ПАПРИҐУ САДЗА И У СУШЕДНИХ МЕСТОХ – Паприґу садзим по поли зоз своїм братом на 13 гольтох и можем повесц же єст надосц и укладаня, и роботи, алє на концу сезони зме задовольни. У Керестуре ше подмирюєме зоз репроматериялом, ту и предаваме другу класу паприґи, а першу нам одкупює „Дарком” – приповеда Вилиям Шимек, продукователь з Лалитю, и потвердзує же и у тим сушедним месце єст надосц паприґарох, алє тоту рошлїну садза на менших поверхносцох. Як гвари, коло паприґи єст досц укладаня, а и роботи, окреме кед ше ю нє садзи на фолию.
„ДНЇ КЕРЕСТУРСКЕЙ ПАПРИҐИ” Манифестация „Днї керестурскей паприґи” того року запланована за 15. авґуст, а чи будзе отримана праве на тот датум, и чи буду важиц даяки окремни мири защити, ище вше ше нє зна. Чека ше и на одобренє средствох зоз Покраїни, як и на средства од 400 000 динари хтори обецала Општина Кула, бо кед тота манифестация по першираз урахована до општинского буджету. – Тот початок рока бул досц нєзґодни, залапели нас три жимни габи, та зогриванє пластенїкох було нєобходне. Закривали зме паприґу и зоз аґрилом, а паприґа нїяк да руши. Мали зме и каменцу, хтори на щесце, нє бул таки вельки, та нє направел озбильнєйшу чкоду. Понеже нє кладземе паприґу на фолию, кажди дзень треба копац, пареме ю ручно бо паприґа на густо посадзена. Без фолиї єст досц роботи, алє єст и вецей роду. Кед почню лєтни горучави и високи температури, теди лєпше паприґи хтора нє на фолиї, густейше є зашата, та є защиценша од слунка кед вельки горучави. Но, така хвиля без слунка як того року, вигоднєйша за садзенє з фолию. – толкує Вилиям. Кед слово о аґротехнїчних мирох, Шимек гвари же нє шпорує нї на чим, вельо и пирска и прикармює, алє прето и роду єст. Роботнїкох анґажує зоз Оджаку, и як гва-
12. ЮНИЙ 2020.
ри, каждого року патри же би приходзели исти, искусни людзе, же би робота цекла цо швидше и була добре поробена. Цена наднїци 250 динари на годзину, а кед продукователь анґажує и бриґадира же би му приведол роботнїкох то ище єден дополнююци трошок на хтори треба додац и цену драгових трошкох хтора до 400 динари по роботнїкови, у зависносци яка оддалєносц у питаню. НА КОНКУРСУ ВЕЛЇ НЄ ПРЕШЛИ – БУДУ ПИСАЦ ЖАЛБУ Того року Покраїнски секретарият за польопривреду, водопривреду и лєсарство розписал конкурси за додзельованє средствох за софинансованє опреми за наводньованє, защиту од хвильових нєпогодох и рижни други, на хторих вельке число Керестурцох нє прешло. По словох предсидательки Здруженя паприґарох, и попри тим же условия велї сполньовали, остало нєясне прецо таке вельке число и младих и женох, одбите. – Того року конкурс у Покраїни вишол барз вчас, 18. януара, кед векшина людзох ище нє знала чи будзе шац паприґу. Кед сцигло ришенє, видзели зме же барз мале число людзох, и жени и младих, прешло на тим конкурсу. Глєдали зме од Покраїнского секретарияту же би нам потолковали бодованє, медзитим, одвит зме нє достали. Достали зме лєм питанє зоз Покраїнского секретарияту же прецо продукователє паприґи зоз Руского Керестура каждого року конкурую за субвенциї за систему капка по капку, прецо нє глєдаю ґаранцию на тоту систему на 5 роки. Медзитим, тот материял хтори ми хаснуєме так направени же го ми каждого року по законченю сезони мушиме вивесц на шмециско. Нє можеме го хасновац анї шлїдуюцого року, а нє шлїдуюци пейц. Нєдостаточне число бодох бул їх одвит прецо велї нє достали субвенциї. Будземе писац колективну жалбу зоз Керестура, же бизме видзели по яким принципу ишло бодованє, понеже и попри тим же потераз вше бул ясно назначени принцип бодованя, того року зме по першираз нє достали до ньго увид – потолковала Оросова и гварела же шицки тоти хтори нє прешли на конкурсу зоз Покраїни, тераз поцагую документацию и конкурую за Републични средства за софинансованє опреми за наводньованє и набавку польопривредних машинох хтори розписани по 15. юний, а за хтори Република дава до 60 одсто безповратних средствох.■
РУСКЕ СЛОВО 13
ЕКОНОМИЯ ИВАН ИВАНОВ – ПАПРИҐАР ЗОЗ ҐОСПОДЇНЦОХ
МЛА ДОСЦ И ИСКУСТВО ДАВАЮ ДОБРИ РЕЗУЛТАТИ Же млади оставаю на валалє и же маю дзеку робиц на своєй жеми, прешвечел нас млади продукователь Иван Иванов зоз Ґосподїнцох, котри пияти рок за шором садзи паприґу и цибулю Иван паприґу залїва зоз систему капка – Идея за паприґу ше народзела пред по капка, а з рока на рок вше дацо нове даскельома роками кед сом ше кус вепробує и уж видно добри резултати. Коло цей розпитал и презнал же цо приноши пирсканя, прикармйованя и пририхтованя добри заробок и сиґурне пласованє жеми помоц ма од фаховей особи, од члопродукту. Та сом ришел же то будзе павека котри ше наисце розуми до того, веприґа и то слоново ухо, и думам же то ри му и тоту часц роботи препущує йому було добре ришенє. Цена потераз була и доказало ше же су, по тераз, добри тим. одлична, и вше зме ю мали дзе пласовац. То углавним накупци котри приходза по паприґу, а кед их нєт, вец наВАЖНЕ МАЦ ДОБРИХ РОБОТНЇКОХ шо продукти предаваме фабриком. Ище єден позитивни бок у цалей тей Даскельо роки попри хвильових обстаприповедки же паприґу нїґдзе нє одвинох котри правя вельки проблеми покладаме, нє чуваме ю по даскельо днї, льопривреднїком, други проблем було алє такой зоз поля сцигує просто до пренайсц роботну моц котра будзе добре купцових рукох – приповеда Иван. окончовац роботу и котрей мож вериц. Вон гвари же ше паприґа крашнє при– Правда же чежко найсц достаточне яла и рошнє, хиби єй кус вецей слунка число роботней моци котра будзе квалиже би лєпше напредовала, алє то нє прететно робиц роботу, бо зме шведкове же судне за єй квалитет. Важне же би ше ю вельке число людзох одходзи робиц до стаємно отримовало у здравим стану, иножемства, алє и до фабрикох котрих цо значи же ю треба защициц од хороєст вше вецей. Як и шицки котри завиша тох, а барз важне же би и польо було без од роботней моци так и ми завишиме, коровча, так же у наиходзацих дньох намагаме ше дац добри условия и добру Иван Иванов поверхносци под паприґу буду окопани. наднїцу же би зме затримали старих надИван попри паприґи ма и два гектари цибулї. нїчарох зоз котрима сом наисце задовольни, алє приво– Зоз продукованьом цибулї сом почал пред двома ро- лац и нових котри жадаю заробиц. Я мам коло двацец ками и у тей роботи сом ище вше нови и учим ше. Мам стаємних роботнїкох котри робя мешац и котри уж упоу плану и тоту роботу прешириц и вецей ше усовершо- знати зоз цалу процедуру. Вше ше зяви дахто нови, алє вац. Цибуля муши буц така и у таких условийох же би ше вец одо мнє обчекує же бим бул стаємно присутни и могла длуго стац. Єй найлєпша цена у фебруару и мар- надпатрал роботи же би нє пришло до чкоди, цо ше вецу мешацу, так же ю по тот период треба добре чувац, а цей раз и случовало – гвари Иван Иванов. ■ Л. Кухар то нє лєгко – приповеда Иван. ТРЕБА УЧИЦ И УСОВЕРШОВАЦ ШЕ Нас собешеднїк гвари же у тей роботи найважнєйши квалитет продукту и же вон у велькей мири завиши од продукователя. Як и у каждей роботи так и у польопривреди, нєобходне стално учиц ше, усовершовац и исц крочай напредок. – У каждей сезони ше намагам виправиц гришки котри сом направел прешлих рокох и на таки спо соб ше усовершуєм, и цо ше дотика самого продукту, и механїзациї, а и шицкого другого. Думам же ключ у тей роботи зоз цо менєй роботней моци направиц цо лєпши продукт. Пред трома роками сом вжал нови аґреґат, у тим ми помогла держава котра давала нєврацаюци средства, а котри ше уж по сле двох рокох виплацел – приповеда Иван.
14 РУСКЕ СЛОВО
12. ЮНИЙ 2020.
ekonomija@ruskeslovo.com
ЗАГРАДКАРСТВО НА ПОДРУЧУ ОПШТИНИ ШИД
ПРОДУКУЮ КОРНИШОНИ ЗА НЄМЕЦКУ Остатнї роки на подручу општини Шид, алє и у других општинох Сриму, заградкарство ше вше баржей розвива. Єдна з глєданших културох то огурки корнишони, и за продукованє тей желєняви єст вше вецей заинтересованих
Т
ераз у тей часци Сриму єст вецей як 35 менших продуковательох и даскельо таких хтори огурки продукую на векших поверхносцох. А продукция ше контрачи зоз нємецку фирму „Кухне”, хтора их потим будзе одкупйовац и вивожиц до Нємецкей. Слово о сучасней, такволаней, вертикалней продукциї дзе ше кладзе слупи (як у винїци), а потим розцагує мрежочку и кладзе систему за залїванє капка по капка и найлонову фолию. Як нам гварели домашнї, заступнїки нємецкей фирми, правило таке же шицки роботи за продукцию треба покончиц по 15. април. ЕДУКАЦИЯ И ФАХОВА ПОМОЦ Кажди продукователь напредок, пред початком продукцийного циклуса, достал и єдну едукативну брошуру з хторей ше може едуковац о продукциї огуркох же би му було лєгчейше, окреме кед є початнїк. З контрактом предвидзена и фахова помоц аґрономох хтори на поволанку можу присц и препатриц як продукция напредує и чи потребна даяка помоц, односно интервенция.
12. ЮНИЙ 2020.
Препорученє и же би ше пред тим окончело хемийну анализу жеми на хторей будзе продукция. Подрозумює ше же муши буц обезпечене достаточне количество води за залїванє, а тиж и роботна моц, и то три або штири особи за поверхносц од 10 ари. Фирма при но ши пре са ду огуркох, фолию, систему за на вод нь о ва нє, сред ства за при кармй о ва нє и за щ и ту огуркох, а половку з тей вредно сци продукователь виплаци у роби, одно сно у прерахованей вредно сци огуркох. Препоручене же би ше огурки оберало рано и вечар, а найменєй раз на дзень, а обрани огурки продукователь треба же би преве зол на одкупне ме сто дзе ше их сортира до трох класох. При педантних Нємцох ше напредок зна и одкупну цену, цо продуковательoм барз значне. Одредзене же перша класа будзе плацена 102,20 динари, друга 48,20 динари, а треца класа 14,04 динари. Продукователь ше муши намагац же би продукция була цо успишнєйша и же би цо вецей випродуковани и випоручени огурки були у першей класи, бо так и найвецей зароби. Рахує ше же продукцийни циклус тирва по штредок септембра, а кед єст урожаю и после того, вец ше предлужи и одкуп тих количествох. Же у каждей продукциї нє шицко лєгко видно и по тим же ше одкупйовач напредок у контракту оградзує же нє будзе зношиц утрату за можлїви чкоди и зменшанє урожаю пре бурю и каменєц. Дознаваме и же на єдней поверхносци огурки мож продуковац три роки, длужей ше нє препоручує пре зявенє хоротох, чкодлївцох и зменшанє урожаю, алє вец их мож садзиц на другей польопривредней поверхносци.■ Вл. Дїтко
РУСКЕ СЛОВО 15
КУЛТУРА И ПРОСВИТА ОСНОВНА ШКОЛА „ЙОВАН ЙОВАНОВИЧ ЗМАЙ” У ДЮРДЬОВЕ
ПОСЦИГНУТИ ДОБРИ РЕЗУЛТАТИ Матуранти ОШ „Йован Йованович Змай” зоз Дюрдьова прешлого тижня мали нагоду превериц свойо знанє и прешвечиц ше до того кельо ше ище муши зограц карсцель за закончуюци испит котри пред нїма, та котрей часци ґрадива треба пошвециц вецей часу На пририхтуюци испит вишли 63 школяре осмей класи. Вони ше за испит пририхтовали дома, алє були орґанизовани и даскельо годзини у школи. Годзини математики ше отримовало прейґ ґуґл учальнї. Под час пандемиї така файта роботи давала барз добри резултати, школяре ше швидко звикли на таки способ ученя математики, та ше то предлужело и далєй. Понеже ше робело на кус нєзвичайни и за шицких нови способ, наставнїкове задовольни зоз посцигнутима резултатами на пробним испиту и наздаваю ше добрим резултатом и на закончуюцим испиту. – Преверйованє тестох було цалком иншаке як потераз. Шицко ше робело прейґ компютера, цо барз олєгчало цалу роботу. Преверйованє було орґанизоване у штреднїх школох у Новим Садзе. Тести ше скенирало, уношело до окремней програми котра ше вола ТестМастер. Робота була готова о даскельо годзини, а школяре свойо резултати годни видзиц на интернет боку Министерства просвити, науки и технолоґийного розвою прейґ окремних бар кодох – гварела нам наставнїца математики Блаженка Тимко Станкович. Яки упечатки школярох осмей класи зоз пробного ипиту, виприповедала нам Аня Хромиш.
МАТУРА БУДЗЕ ОТРИМАНА 24. ЮНИЯ Матура за школярох осмих класох будзе отримана 24. юния у школским атриюму. Же би ше почитовало мири защити, школа принєсла ришенє же матурантох годни присц опатриц лєм родичи. Гевто цо будзе иншаке од прешлих рокох то же школяре нє буду танцовац традицийни матурски танєц, алє буду мац дефиле у парку опрез школи, а потим ше друженє предлужи у школским голу.
16 РУСКЕ СЛОВО
ЕКСКУРЗИЇ БУДУ РЕАЛИЗОВАНИ Школяре буду мац нагоду пойсц на екскурзию, котрей ше шицки радую. Екскурзиї и вилєти буду реализовани по 31. авґуст того року. Кажди актив ше ма догвариц коло термину єй реализациї. – Пробни пририхтуюци испит зме робели два днї. Перши дзень зме ишли до школи по тести котри зме ришовали дома, за котри зме мали 24 годзини часу ришиц их, то були тести зоз мацеринского язика и комбиновани тести. Тести зоз математики зме робели у школи. За мнє тото було цалком нове и нєзвичайне, окреме же сом мала можлївосц робиц тести з дому. То кус олєгчало ришованє задаткох, бо нє було треми, а нє було анї напартей атАня Хромиш мосфери. Наисце сом ше намагала задатки робиц самостойно без консултованя кнїжкох и текох, сцела сом себе превериц кельо сом порихтана за прави примаци испит и цо ище треба научиц. Задовольна сом як сом поробела, задатки за основни и штреднї уровень були барз лєгки, а за напредни требало кус вецей роздумовац, алє сом их поробела – гвари Аня. Аня ше планує уписац до штреднєй уметнїцкей школи, та пририхтованя за тоту школу уж давно почали. Л. Кх.
12. ЮНИЙ 2020.
kultura@ruskeslovo.com
ЗОЗ ОСНОВНЕЙ И ШТРЕДНЄЙ ШКОЛИ ЗОЗ ДОМОМ ШКОЛЯРОХ „ПЕТРО КУЗМЯК” У РУСКИМ КЕРЕСТУРЕ
МАТУРСКИ ВЕЧАР, МОЖЕБУЦ БУДЗЕ ЛЄМ ЗА МАЛИХ МАТУРАНТОХ У Основней и штреднєй школи зоз домом школярох „Петро Кузмяк” у Руским Керестуре тих дньох ше почитуюци предписани мири безпечносци и защити од Ковиду 19 окончую рижни активносци, найвецей коло испитох малих и вельких матурантох, як и отримованя екскурзийох и матурских вечарох
Ш
коляре осмей класи, т. є. 28 мали матуранти, мали други пробни закончуюци испит, хтори тиж бул специфични, понеже школяре тести на паперох зоз мацеринского, односно руского язика и комбиновани (з историї, ґеоґрафиї, физики, хемиї и биолоґиї) виполньовали у свох домох, док тест з математки други дзень робели у школи, почитуюци мири безпечносци. Матуранти штредньошколци, т. є. ґимназиялци на руским и сербским наставним язику, и з напряму туристични и готелиєрски технїчар, хторих вєдно єст 61 од 1. по 16. юний покладаю матурски испити, хтори ше состоя зоз трох ча-
ШКОЛЯРКА ҐЕНЕРАЦИЇ МИЛИЦА МАЛИНОВИЧ За школярку ґенерациї Основней школи у тим школским 2019/20. року вибрана Милица Малинович, школярка VIII б оддзелєня, а за тото припознанє конкуровала и школярка Ребека Семан тиж зоз истого оддзелєня. На своєй схадзки 8. юния, а на основи правилнїка т. є. приложеней документациї о посцигнутих успихох на змаганьох зоз рижних предметох на найвисших уровньох Малиновичову предложела Оддзелєнска рада Основней школи, а тото предкладанє такой потим прилапене и на схадзки Наставнїцкей ради Школи.
сцох понеже ше поклада мацерински язик, потим тест зоз виборного предмету (математики лєбо странского язика), и бранї матурску роботу. И єдни и други матуранти пред тим мали у школи орґанизовани пририхтованя за тоти испити, половку у самей школи на живо, а другу половку он-лайн. Мали матуранти ище нє достали резултати пробного закончуюцого испиту, а начално коментаровали же им було дакус чежше як на першим он-лайн пробним испиту. Пририхтованя ше у истей форми за нїх предлужа и у тим ти12. ЮНИЙ 2020.
жню, понеже їх прави закончуюци испит чека од 17. по 19. юний. По урядових препорученьох з Министерства просвити, науки и технолоґийного розвою и керестурска Школа запровадзела активносци коло екскурзийох, шќоли у природи и матурских вечарох и малих и вельких матурантох, дознаваме од директорки Школи Хелени Пашо Павлович. Понеже за шицко спомнуте потребна писмена согласносц родичох, тераз у цеку їх анкетованє, а по заключенє того числа по резултатох анкети, матурски вечар нє буду мац штредньошколци. Вияшньованє о матурским вечаре матурантох-осмакох ище нє закончене, а же би ше матурски вечари могли отримац, як предписане з Министерства, муша ше вияшнїц вецей як половка родичох. Цо ше дотика екскурзийох, по словох директорки, ту ище тирва анкетованє родичох и то лєм за школярох основней школи дзе спада и одход до школи у природи, док екскурзиї за штредньошколцох у тим специфичним року нє буду реализовани. Кед би ше реазлизовали екскурзиї и настава у природи то би було од 31. юния по 31. авґуст и подрозумює ше же зоз почитованьом мирох безпечносци и защити. Як тиж стої у препорученьох з Министерства, кед же дахто од родичох уж уплацел пенєж за екскурзию, тот пенєж годзен буц преунапрямени за даяки други активносци и нїяк нє препаднє.■ М. Афич
РУСКЕ СЛОВО 17
КУЛТУРА И ПРОСВИТА ДОМ КУЛТУРИ РУСКИ КЕРЕСТУР
НАГАДНУТИ ДАТУМИ ОТРИМОВАНЯ „РУЖИˮ И МЕМОРИЯЛУ
тра Ризнича Дядї могли буц орґанизоваНа схадзки роботней заєднїци Дома кулни, та зме принєсли одлуку же би Драмтури Руски Керестур, хтора отримана поски мемориял требал буц отримани од чатком тижня у Руским Керестуре, принє25. септембра по 4. октобер. Будзе отришени даскельо одлуки о орґанизациї робомани перши, понеже Мемориял уж бул ти тей установи, одно сно орґанизациї порихтани за ярнї термин, и теди ше отримованя пробох, наступох, смотрох и шицки уж приявели. Други вельки Фе фестивалох после утаргованя позарядостивал рускей култури „Червена ружаˮ вих обставинох. На схадзки, попри самей заплановани за 10. и 11. октобер и найвиорґанизациї двох найстарших фестивалох роятнєйше будзе у скраценей вариянти, „Червена ружаˮ и Драмски мемориял Пеприлагодзени ґу новим обставином, цо тра Ризнича Дядї, нагаднути и термини їх значи же будзе отримани без го сцох з отримованя, та так Мемориял заплановаиножемства и зоз ище дзепоєднима вини од 25. септембра по 4. октобер, а „Руменками, а културна манифе стация „Ко жаˮ такой шлїдуюцого викенду, 10. и 11. стельникова єшеньˮ останє у истим меоктобра. шацу як и дотераз, од 13. по 22. новембер – Шицки дописи хтори нам сцигли од – гвари Надь и визначує же ше спомнути Републичного министерства за културу, як Владимир Надь датуми планую под условийом же ше по и зоз Покраїнского секретарияту за култуєшень нє случа нїяки нєпредвидзени сиру, а тиж и после отриманих схадзкох Домох култури у општини Кула, водза ґу тому же наша дї- туациї, як и же ше подробнєйши информациї о спо собе ялносц може свойо резултати приказац аж од септембра реализованя спомнутих фе стивалох будзе знац по сле – гвари о. д. директора Дома култури Владимир Надь, и ребалансу буджету. По законченю схадзки, секретар фе стивалох Михайло предлужує: – На схадзки було бешеди о орґанизациї пробох по Бодянец шицким Културно- уметнїцким дружтвом по секцийох хтори маме зоз нашима сотруднїками, руко- слал допис о шицких питаньох вязаних за отримованє и водителями: фолклорних секцийох, хору, шпивацких орґанизованє тогорочних фе стивалох Драмски мемориґрупох, орке строх, рецитаторскей и драмскей секциї. ял и „Червену ружуˮ, а о хторих члени руски Дружтва Розпатрали зме и датуми у хторих би тоти два вельки треба же би ше вияшнєли найпознєйше по 20. юний. Ан. М. манифе стациї „Червена ружаˮ и Драмски мемориял Пе-
У ОШ „ПЕТРО КУЗМЯК” У РУСКИМ КЕРЕСТУРЕ
ТИРВА УПИС И ТЕСТОВАНЄ У Основней школи „Петро Кузмяк” у Руским Керестуре, од 1. юния почал упис 39 школярох до першей класи за школски 2020/21. рок, будуцих школярох хтори ше пред тим приявели до тей Школи. Упис тирва по 15. юний, а кед баш дахто нє сцигнє, годно и познєйше – поручую з управи керестурскей Школи. Того року специфична процедура коло приявйованя и упису, та родичи прейґ еУправи мушели заказовац и тер-
18 РУСКЕ СЛОВО
мин у Школи за упис свойого дзецка, а источашнє ше окончовало и тестованє. Тестованє о тим як дзеци интелектуално пририхтани и дозрети за школу окончує педаґоґиня Мария Шанта хтора о тим гвари: – Понеже ище нє закончене тестованє и нє препатрени шицки тести, можем повесц єдино же нє видзим даяке одступанє у тим як дзеци пририхтани, у одношеню на предходни ґенерациї. Як познате, тота ґенерация пре епидемию закончуюци мешаци нє могла ходзиц до предшколскей установи так же пририхтуюцу предшколску програму докончовали на далєкосц. Видно же виховательки добре окончели свою часц роботи – гварела Шантова. Док ше упишу шицки дзеци буду подзелєни до двох оддзелєньох, а у тим ше педаґоґиня притримує вецей критериюмох, та попри интелектуалних потенциялох дзецка меркує и на подєднаку розпоредзеносц хлапцох и дзивчатох у обидвох оддзелєньох, тиж патри и на место биваня же би дзеци мали парнякох зоз свойого краю. Учительки котри превежню першу класу у идуцим школским року буду Ясминка Сабадош и Любица Бучко. М. А. 12. ЮНИЙ 2020.
kultura@ruskeslovo.com
МУЛТИМЕДИЯЛНИ СТРЕТНУЦА У РУСКИМ КУЛТУРНИМ ЦЕНТРУ
УМЕТНЇКОВ ШВЕТ ПРИБЛЇЖЕНИ ПУБЛИКИ Шлїдом дакедишнїх стретнуцох зоз назву „Под смужку”, Славко Винаї порушал мултимедиялни стретнуца у новосадским Руским културним центре, на хторих уметнїки з нашей заєднїци буду бешедовац и одкривац свойо власни швети хтори их понукаю твориц
Г
осц на першим мултимедиялним стретнуцу, стреду 3. юния, зоз початком на 19 годзин, бул академик Юлиян Тамаш, наш познати писатель и науковец, а модератор вечара бул Славко Винаї. Академик Тамаш бешедовал о своїх початкох у писаню, а у бешеди ше преплєтали хвильки зоз приватного живота и роботи науковца и писателя. Слова було о темох хтори академикови Тамашови инспирация за писанє, и о його шветох о хторих пише, алє и о тим же на литератури докторовал кед му було 32 роки. Було слова и о тим як почал писац на руским язику, алє и о до тераз видатих кнїжкох, як и о кнїжкох хтори лєм треба друковац. – Дзекуєм на винчованки за родзени дзень. Наздавам ше же є нє остатнї, бо ище вше мам нєдокончени кнїжки. Под час хороти, як дарунок, озда сом лєм заслужел, написал сом и обявел седем кнїжки. Мам ище у глави дас три, а того року ми виходза три кнїжки – розпочал стретнуце наш найпознатши теоретичар литератури Юлиян Тамаш. На концу писатель Юлиян Тамаш пречитал кратки прозни виривок зоз кнїжки „Окупани у вично сци”, писню „Шпитальске шветло” и ище єдну любовну писню. Зоз тим стретнуцом означени и Тамашов 70. родзени дзень. Мултимедиялне стретнуце було попреплєтане зоз музичнима точками Владимира Сивча. Такой пондзелок, 8. юния, орґанизоване ище єдно мултимедиялне стретнуце, го сцинска вечара була Ирина Гарди Ковачевич, наша позната поете са, писателька, литературна критичарка, а модератор вечара тиж бул Славко Винаї.
12. ЮНИЙ 2020.
Нащивителє дознали же Ирина Гарди Ковачевич нє надумала писац и описовац свой швет, алє же ше то так случело. Ище док була дзецко нє барз єй ишли бависка зоз лабду, алє кед требало стищки складац у тим була схопна. Писателька ше здогадла як однєсла перши написани стихи до „Заградки”, вец бешедовала о литературних вечарох и стретнуцох на хторих єй було интересантне, бо ше стретала з людзми з хторима мала о чим бешедовац. Тиж ше здогадла колеґох и роботи у „Руским слове”, хтори ю вше потримовали у писаню. Писателька потолковала и два найчастейши и упечатлїви локалитети у єй творох – Руски Керестур и Нови Сад. Одросла у Руским Керестуре дзе мала красне дзецинство, а система вредносцох єй вше поровнованє зоз Керестуром. Нови Сад єй зочованє зоз шветом хтори нє наш руски. – Литература вецей од живота, алє литература нїґда нє може буц тото цо живот. Литература нє може видумац тото чого нєт, а живот, кеди-нєкеди ми укаже же ище вше дацо єст нє дожите, нє превозидзене. Тото цо у литератури маґийне то реалносц – потолковала авторка кнїжки „Нєбо над Керестуром”. Писателька ище гварела же є дзекуюци тей епидемиї цо є за нами, подзековна животу же єй отворел швет литератури, бо є так нїґда нє сама, охабена и вше ма цо робиц. Културно-уметнїцка програма була попреплєтана зоз музичнима точками Ивана Лїкара. Мултимедиялни стретнуца у Руским културним центре задумани як серия културно-уметнїцкей програми у форми стретнуцох зоз културно- уметнїцкима дїячами зоз нашей заєднїци. ■ В. Вуячич
РУСКЕ СЛОВО 19
РУСКЕ СЛОВЕЧКО
Число 30
Ушорела: Славица Фейса
АДРИЯНА И АНДРЕЙ РАЦОВО З РУСКОГО КЕРЕСТУРА
НАЙВОЛЯ ЖИВИ БАВИСКА” ”
Дзеци ше од шицкого на швеце найволя бавиц, а нєшкайши дзеци маю барз вельо можлївосци виберац з якима бависками ше буду бавиц – од мегких платнових, ґумових, до пластичних або компютерских, а дзепоєдни можу мац и живи бависка. Ту ше дума на животинї хтори нє лєм бависка, алє хтори ше люби, почитує и кончи коло нїх шицко цо треба Пише: Мария АФИЧ
П
раве таки живи бависка, попри гевтих спомнутих, найволя и шестричка и брацик Адрияна Дея и Андрей Рацово, хтори у своїм доме маю вельо домашнї животинї: кози, мачки пси, кури, гуски и крави. Анрей ма 11 роки и закончує пияту класу, а Адрияна младша и вона аж у септембру почнє ходзиц до школи. Гоч ше тей яри пре вирус корону до школи и дзецинскей заградки „ходзелоˮ лєм прейґ ин-
20 РУСКЕ СЛОВО
тернету, он-лайн, шицки були дома, та кажде думал же було и вецей часу за бавенє. Но, Андрейово искуство таке же му ученє на далєко одберало барз вельо часу, так повесц, по цали дзень було обовязки. Мало часу му оставало за тото цо найволї, а то домашнї животинї, а тиж и рошлїни, бо Андрей пестує и свойо квеце. Шестричка младша, та вона була у тим чаше шлєбоднєйша, а праве теди ше обидвойо барз радовали малим кощатком, бо маю три кози у обисцу. О тим же прецо любя животинї Андрей гвари: 12. ЮНИЙ 2020.
slovecko@ruskeslovo.com
– Животинї живи, нє як бависка зоз дутяну, а док су мали, фини су, мегки, та их любим гласкац. Нє боїм ше же ме укуша, бо ме и вони любя кед их накармим, або ше бавиме з нїма – так дума Андрей, алє и шестричка, лєм вона ганьблївша, та нам лєм виволала же вона тиж люби шицко, алє найволї кощатка и щенятка хторим и мена подавала. – Єдному кощецу сом дала мено Катя, щенятку мено Флеки, а
целятком Аца и Сречко. Найволїм ше бавиц зоз щенятком Флекийом – гвари Адрияна. А їх мама додава же го вшадзи ноши зоз собу, аж го и на бициґлочки вожи у малей кошарочки. А кощата окремна приповедка. Рацово на их пестовали и мерковали на нїх скоро од початку як их коза окожела, бо им нє дала цицкац, та их вони тримали нука и дойчели кажди три годзини. – То робела мама, рихтала им до фляшки кравского млєка, а я им давал лєм вечар, бо сом теди мал найвецей часу. Тераз уж виросли и вельо бегаю, а найволя по дворе бегац. Таки су швидки же их уж нє можеме здогонїц, а и пасц барз любя. Ище єдна коза ше ма окожиц, та будзе ище кощата, а будзе и гушата – потолковал нам Андрей. 12. ЮНИЙ 2020.
Вон зоз шестричку часто коло родичох и кед кармя и доя крави, та вец и курово вайца збераю. Дараз пойду и на польо дзе Андрей найволї татови помагац заганяц трактор док збераю шено и складаю бали. Адрияна на полю барз люби бегац и оганяц ше, бо там вшадзи шлєбода и нє муши ше мерковац же чи нє наидзе авто. Виволал нам Андрей и тото же у школи найволї технїчне, бо вше дацо рисую и правя зоз древа, або з картону, а вец справене и дому можу принєсц. У нїзших класох любел и рецитовац, та ше и змагал на валалскей смотри. Указал нам и свойо квеце, бо и то барз полюбел. – Раз мама куповала квеце за осми марец, та и я себе купел как тущок. Барз ше ми попачело и уж сом го розмножел, та тераз мам пейц. Куповал сом вец и иншаке квеце, и мушкатлу и ру жички койдзеяки, а и надоставал сом од других. Барз любим пресадзовац квеце и вец го залївам. Случи ше ми дакеди же нє постарчим позалївац, воно ше осуши, алє я го такой ратуєм док ше заш нє подзвигнє – приповеда нам Андрей, хтори одмалючка учи окончовац обовязки и буц одвичательни.■
РУСКЕ СЛОВО 21
ШМИХ ВШЕ ЗДРАВИ!
ЗОЗ ШИЦКИХ БОКОХ
РОК XXXL ЮНИЙ 2020. число 473 Число ушорел: Любо Инґе Дудаш
А ПРЕЦО З ДВОМА КАМЕНЯМИ… – Нє знал би ши ми повесц прецо тот сушедов жец одходзи на спанє, а вше зоз двома каменями ? – Боме, чежко потоковац, алє мож… Слухай ме добре, зоз першим каменьом шветло гаши, а зоз другим преверює чи облак заварти, озда го так його дома научели…!
ЗНАШ, ЧИ НЄ ЗНАШ – Котри то главни город Фейсбука? – Ша Лайковац !
ДОХТОРСКИ – Того пациєнта мушиме оперовац и то цо скорей, гвари дохтор колеґови.
– А цоже то ма же таке нагле? Цо ма? – Пенєжи, озда нє видно по нїм, рихтай ше оперовац!
ДОХТОРСКИ 2 Враца ше заштудирани челєднїк од дохтора и стретнул товариша, Та, цо нове, пита ше? – Нїч, гвари перши, бул сом у дохтора… – Та… – 200 евра! – А цоже то маш ? – Мам лєм пейдзешат. – Нє тото ци ше питам, алє цо ци хиби ? – 150!
ДАСКЕЛЬО МЕДЗИНАРОДНИ – На Исланду єст єден одсто нєписмених… Боже, дзе з нас шицко нєт?
*** – Прецо шицки приходза лєм до нашей жеми ? Ша, озда чули же ту нєт роботи! *** – Видумали у Америки суперкомпютер, та го такой дали и випробовац… Перши вошол Американєц и лєм о пар мину ти ви шол зоз куфром па пе рох… – Нє мож му нїч, шицко зна, гвари присутним. Вошол Рус, та вон з двома куфрами паперу о пар минути вонка… – Наисце шицко зна, а пробовал сом го и по руски. Вошол Босанєц и нєт го… О пар годзини з компютера ше скурело, а вон лєм... – Нє знам цо му, питал сом ше лєм чи нє зна цо Фата дома роби…
АНЕҐДОТА
ЯК З РУКУ ОДНЄШЕНЕ
Штредком прешлого вику, такой по Другей войни, у Керестуре ше барз чежко жило, так як и у цалей держави. Людзе були на слабим косту, без нєобходней гиґиєни, та нє було чудне кед дахто у обисцу мал хлїсти, або преганячку. Нє було анї лїки, та апатикаре, Єлена Солонар и єй супруг Костя, сами правели лїки по апатикарских рецептох. Людзе би лєм принєсли фляшку за чечносц, бо анї фляшки нє було, або шкатулку за масци, помади, мещок за комбиновани пращок кед их жима збила. Векшина Керестурцох волєла кед у апатики була панї апатикарка Єлена, як єй супруг Костя. Костя бул ровно нахмурени, дзепоєдни би поведли же бул и накратко застругани, бо знал людзом одрубац як зоз шекеру. Правда, и людзе були вшелїяки, дзепоєдни и барз досадзени, таки як и спомнута хорота, алє панї апатикарка зоз своїм ошмихом, сцерпезлївосцу и благим ошмихом з каждим на крашнє покончела.
Раз так пришла до апатики зармуцена керестурска кресцанка поносуюци ше же шицки у обисцу маю преганячку, та би єй даяки лїки же би ше виратовали од тей хороти. Апатикарка єй дала пращок и порадзела ю як ше треба лїчиц. О даскельо днї тота иста кресцанка знова у апатики, алє тераз весела, аж у нєй черчало. – Яй, панї апатикарко, барз сце нам помогли з вашу пораду и з тима лїками. Можеце ми повесц же з чого справени тоти лїки. Барз бим любела знац – гвари кресцанка. – Та то анї нє таке важне. Кед бим вам поведла же з чого су справени, можебуц же бисце их анї нє попили. Важне же вам тоти лїки помогли – гвари єй з ошмихом апатикарка Єлена. – Ша, вера же помогли. Нїхто вецей у обисцу нє ма преганячку. Як з руку однєшене! – з радосцу єй одвитовала кресцанка. Михал Симунович
БЕЗ СЛОВА: ЖИВОТ У КАРАНТИНУ 22 РУСКЕ СЛОВО
12. ЮНИЙ 2020.
ШМЕРЦ КОРОНИ ШЛЄБОДА НАРОДУ Мой сушед ше народзел у гевтей велькей войни. Озда му тедишнї час остал у креви та вше кед зме ше стретли, вон би ми поздравкал: „Шмерц фашизму – Шлєбода народу!” Одкеди запановал тот вирус, коронa, два мешаци зме ше нє видзели. Як и шицки стари людзе, були зме позаверани у своїх домох, як птички у клїтки. Перше рано кед утаргнута полицийна годзина, стретли зме ше у пекара. Е, тераз я йому поздравкал: „Шмерц корони – Шлєбода народу!”
Вон ше на тото лєм ошмихнул. Як кед би сцел повесц же кажди час ма и свойо здравканє. ПОЗНАТА НАМ ТОТА КОРУНА Нашим старим оддавна позната тота Коруна 19, та и Коруна 18, зоз осемнастого вику. Кед ше стари муштровали з младима, знали би им повесц: „Озда ци нє спаднє коруна з глави кед же покончиш тото и тото!” М. Симунович
БРИҐИ БУЛО И ВШЕ, И ВШАДЗИ
ПРИЦИШНЄШ ҐОМБИЧКУ – И МЕХ НА ПЛЄЦУ! Седемдзешатих рокох прешлого вику велї млади, за хлєбом, пошли до швета. Ту було, вшелїяк, чежко. Роботи нє було, поготов нє у фаху, а дзе ище роздумовац о фамелиї, женїдби и одаванки. З єдним словом, нїяк, лєбо ище горше. До швета рушели наисце велї майстрове, инженєре, та и дохторе… Куфер до рукох, та гайд. Найвецей ше ишло до Нємецкей, Австриї, Французкей, алє, боме, и до далєкей Австралиї. Одходзели цали фамелиї. Так було лєгчейше достац папери и визу. Янко вислужел войско, врацел ше дому, а йому, як и шицким, требало роботи… Отлукал ше дзе лєм знал, писал молби, презнавал ше, алє од шицкого того – нїч… Од обецункох жиц нє мож, та ше и Янко ришел пойсц до швета. Дома зохабел найблїзших, оца, мацер, младшого брата, дїда… Рушел ше, та и становел, зоз ище даскелїма Руснацами и Янко у Нємецкей. Роботу достал такой, алє на-
12. ЮНИЙ 2020.
йпростейшу и найчежшу, а як би и нє кед язик нє знал. У млїну зразу знал дриляц мехи полни муки, заметац, пораїц коло машинох, алє… плаца ишла. Мушел Янко шпоровац дзе лєм знал. А як би и нє, ша нє могол би анї себе анї другим оправдац одход до швета, мушел указац же зарабя. Учел язик, а мушел ше и згвариц, учел ше робиц и други, озбильнєйши роботи, а учел ше, вера, и вариц, попомивац, шора правиц же би квартель бул як тому шор и швечи. Дому писал скоро порядно, а вец уж написал и же Велька ноц будзе у валалє и за Янка. Придзе дому на швето, а придзе и по облїваню… Придзе, а цо важне, на своїм, власним авту. Дома радосц, голєм при младшому братови, а пре авто найвецей. Станул авто, Форд Таунус 12М, запискал же би и сушеди, и дальши чули и зявел ше Янко дома, а у коцкастим калапчку, длугшим мантилу и желєних панталонох. Позавидзели би му и Нємци на облєчиву. – Гайде нука, гайде шедай, та цо же єст нового, добре випатраш, як прави пан ши… Приповедком нєт конца, а дзень кратки. Ґу каждому ше озвец и треба, и муши. – Слухай Янку, добре приповедаш, гвари дїдо, алє поведз нам уж раз – цо то ти там робиш… – Слухайце дїду, там шицко автоматизоване, шицко. Я лєм станєм просто єдней дзири надо мну, там дзе би була повала, прицишнєм червену ґомбичку на слупе, мех ми сам спаднє на плєцо и такой го индзей ношим, без затримованя. Кед бим ше затримал, достал бим два, три мехи… Но, їх мехи лєгчейши як нашо, приповеда Янко… – Розумим, розумим, прежубротал дїдо, лєм меркуй же би ше нє погубела тота червена ґомбичка…■ Владимир Дудаш Иванов
РУСКЕ СЛОВО 23
ЛЮДЗЕ, РОКИ, ЖИВОТ НА ФЕСТИВАЛУ КВЕЦА У КУЛИ
КЕД ГОБИ ПОСТАНЄ КАЖДОДНЬОВА РОБОТА
Пише: Оленка ЖИВКОВИЧ
На тогорочним трецим „Ярнїм фестивалу квеца” у Кули, котри орґанизовани 1. и 2. юния под покровительством Општини Кула и Туристичней орґанизациї тей општини, було вельо любительох квеца. Крамерова улїца була заварта за транспорт, а вельке число викладачох и ище векше число нащивительох котри любя квеце, заградково рошлїни и гортикултуру, були на Фестивалу од рана до вечара. Медзи викладачами були и велї нашо людзе
В
идно було на тим Фестивалу же людзе лєдво дочекали висц зоз своїх обисцох после дньох котри мушели препровадзиц у завартим, пре вирус корону. Хвиля була красна, та орґанизаторе були окреме поцешени зоз манифестацию. Задовольни були и викладаче хтори после першого дня мушели надополнїц свой асортиман, бо, як гваря, векша часц розпредата такой першого дня. Окрем квеца на манифестациї було и велї други продукти, окреме ґаздиньом до оби-
сца, ручни роботи и рижнородни лакотки. Предсидателька Здруженя „Идея” Серафина Бики, активно водзи Здруженє котре вше присутне нє лєм на тим Фестивалу, алє и на других. На тот завод Милка Михайлович спред „Идеї” нє крила задовольство. – Нєшка зме викладали углавним ручни роботи наших членох, а то геклани бависка, керпари, черепки за квеце, хусточки, рижни фартухи... Кажда жена нашого Здруженя дацо окреме справи и тото вец понукаме на таких и подобних манифестаицйох. Жени вредни, любя робиц, алє и викладац свойо продукти. У Кули зме як дома, и ту нам вше окреме крашнє – потолковала Михайловичова. ОД ДАРУНКОХ ПО ФАМЕЛИЙНИ БУДЖЕТ
Инспирацию за тото цо роби Наталия нашла у природи
24 РУСКЕ СЛОВО
Наталия Садовски з Кули тиж член того Здруженя и каждого року наступа на рижних манифестацийох зоз продуктами котри сама справи. Най12. ЮНИЙ 2020.
ljudze@ruskeslovo.com
частейше то украсни черепи, черепки за квеце, омальовани фляши и танєри з олєйовима фарбами. Намальовани черепи можу буц прикраска, а мом их и практично применїц у обисцу. – Инспирация за мальованє ми найчастейше жито, його класки и польске квеце хторе черпам зоз природи и з нашей рускей традициї. Перше сом почала мальовац танєри на мур и вазночки, так лєм за себе, а вец и дарунки моїм приятельом и познатим. Людзе видзели цо робим, почали ше интере совац и так то преро сло и до озбильнєйшого гобию котри пополньовал фамелийни буджет. Задовольна сом зоз тим, то ми гоби, то цошка у чим уживам, а з того мам и плацу – з ошмихом констатує Наталия. ШИЦКО ПОШЛО ПО ПЛАНУ На Фе стивалу свойо квеце понукла и Даяна Семан Грубеня и єй супруг Шандор Грубеня зоз Руского Кере стура. – Єшеньске квеце продукуєме уж дзевец роки, а сезонске квеце коло пейц. З оглядом же зме реґистровани як польопривредне ґаздовство, задовольни зме же як напредуєме и на яки спо соб пласуєме свою робу. З продукциї хтору зме мали потераз ше крашнє заробело, но, мушим припознац же спочатку, пре корону, випатрало же рок нє пойдзе по плану. И мнє и мойому ше видзело же нїкому нє будзе до квеца, алє на концу ше указало цалком процивно. Людзе були дома, заварти, а
Грубеньово скоро децению у роботи з квецом
12. ЮНИЙ 2020.
Природну козметику Анита понука и на пияцох
окреме же ше нє могло рушац, велї прикрашовали свойого обисца и заградки, ушорйовали двори, та ше и нашо квеце нашло у велїх загардкох нє лєм у валалє, алє и у окруженю – гвари Даяна. Понеже Грубеньово реґистровани як польопривредне ґаздовство, за фамелию то значни приход. Вредни су обидвойо, а Даяна припознава же ше супруг наисце барз анґажує у роботи. Квеце давно пре стало буц єй гоби, бо маю штири пластенїки, та нєпреривно єст роботи. – Тройо дзеци треба пристановиц, та и хлапци помагаю у роботи – гвари наша собшеднїца. ПАХНЯЦИ ПРИРОДНИ МИДЕЛКА Анита Роквич зоз Коцура понукала пахняци подукти зоз природних со стойкох – ґлицерински миделка, миделка зоз природних олєйох, „туш-кульки”, ароматични швички, пахняци морски солї и рижни други продукти. – Маме реґистровану фирму „Затина” и шицко робиме з руками, без машинох. Фирму зме отворели у марцу того року, праве теди кед ше нови вирус у нас розмаховал. Пред тим зме робели лєм пре себе, алє з часом зме роботу одлучели прешириц. Пре позарядови стан зме нє робели, и покус зме ше и обавали же як почац понукац тото цо продукуєме. Почали зме ходзиц по пияцох – соботами зме у Вербаше, а нєдзелями у Кули – гвари Анита. Як окремна и перша нагода Роквичовим була Фе стивал квеца у Кули на котри пришли понукнуц свойо продукти и за першираз су наисце задовольни. Гваря же лєм так их людзе упознаю, пробую тото цо правя, а наздаваю ше же велї ґу нїм ознова приду куповац.■
КВЕЦЕ И ЯК ЛЇК Квеце прикрашує заградки, балкони, обисца и простор коло нїх. Часто ше случи же опрез даєдного обисца людзе застаню наприпатрац ше на красоту крашнє ушореного двора або тераси. Подаровац квеце – красни ґест, знак почитованя, уважованя и любови. Дарує ше го особом кед радосни нагоди, алє и кед смутни. Зоз нїм ше означую родзени днї, ювилеї, рочнїци... Особи котри го пестую гваря же им лїчи душу, прикрашує живот, а робота у заградки коло квеца их змирює.
РУСКЕ СЛОВО 25
ЛЮДЗЕ, РОКИ, ЖИВОТ ЗДОГА ДОВАНЯ: НА ДЯ ВОЛЧКО (1934–1983) УМЕТНЇЦА З БЕРКАСОВА
ТАПИСЕРИЇ РОЗОШАЛА ШИРЦОМ ПО ЕВРОПИ Пише: Ирина ПАПУҐА
За Надю Волчко гуторели же є уметнїца широкого формату, чий викрок до швета подобовей уметносци, односно таписерийох, тедишня югославянска сучасна уметносц препознала и припознала. Була нєзвичайно талантована. Нажаль, пошла з того швета барз вчас, а тото цо за собу охабела, зачуване у збиркох ателєох, ґалерийох и публикацийох
Н
адя Волчко народзена 25. aприла 1934. року у Беркасове. После законченей основней школи у Беркасове и Шиду и ґимназиї у Сримскей Митровици, одходзи на студиї Академиї применєних уметносцох до Беоґраду. Мала замерковани резултати у подобовей уметносци – закончела специялизацию у обласци таписерийох, а то ю одведло на студийски путованя до Паризу, Лозани, Цириху, Заґребу, Минхену Сараєва... Зоз своїма таписериями участвовала на вецей Октоберских салонох у Беоґрадзе, а першу самостойну виставу мала у Музею применєней уметносци у Беоґрадзе 1962. року. Виставу отворел познати литерата Васко Попа, исочашнє одкриваюци и єй уметнїцки лайтмотив „Полноцне слунко”. ВИТКАНЕ ДОЖИЛА ЯК ВШЕ НОВУ ПИСНЮ Самостойни и колективни вистави мала и у Беоґрадзе, Сараєвe, Новим Садзе, Осєку, Опатиї, Заґребу, Цириху, Женеви, Лозани Зекинґену, Минхену итд. Викладала и на „Червеней ружи” у Руским Керестуре, a була и илустраторка часописох НВУ „Руске слово”. Член Здруженя подобових уметнїкох Сербиї постала 1964. року, а робела як проєктантка текстила у текстилней индустриї, а потим и як професорка подобового воспитаня у Ґимназиї „Сава Шуманович” у Шидзе. Замерковане же єй таписериї превозиходзели конвенцийни циль декоративного украсного предмета хтори мал оплеменїц простор, або
26 РУСКЕ СЛОВО
12. ЮНИЙ 2020.
ljudze@ruskeslovo.com
практичи предмет еґзистенциялного, збогацени з гармонию фарбох и линийох. Кажда таписерия була нова писня. До таписерийох огромних димензийох, а у рижних технїкох, хтори виткала з власнима руками, уношела рижни офарбени материяли, преважно у природних фарбох, фарби польох, лєсох и околїска єй родного валала Беркасова. На таписериї з хтору є представена у Шветовей енциклопедиї таписерийох уткала стихи рускей народней писнї „Нє зрубуй нє сцинай желєного дуба...”. Велї нє знаю же ше єй роботи находзели у ателєох, найвецей на Петроварадинскей твердинї, а найвекше число заш лєм остали по приватних збиркох. Спомнути таписериї ношели назви: Ярнє слунко, Полноцне слунко, Ода слунку, Любим це жовте, Питаґорова пришага… (Таписерия Питаґорова пришага у власносци фамелиї Павлович з Нового Саду, др Александра и Ґордани Павлович и їх дзивки Татяни Войнов зоз Сримских Карловцох). Окрем уметносци и педаґоґийней роботи, Волчкова любела и писала поезию. ТОТО ЦО РОБЕЛА ЖИЄ И ДАЛЄЙ Дружтво за руски язик, литературу и културу, у рамикох активносци Клуба подобових уметнїкох, 2003. року видало лек-
сикон – моноґрафию под назву „Подобова творчосц Руснацох” у хторей замерковане место ма и подобова уметнїца, таписеристка, Надя Волчко. Дружтво вєдно зоз Културно-образовним центром зоз Шиду у октобру 2002. року орґанизовало Округли стол о творчосци Надї Волчко и Ангели Прокоп зоз Шиду, а отримани є у Новим Садзе. Теди о Надї Волчко бешедовала проф. Верица Радивойков, а о Прокоповей литерата Светислав Ненадович зоз Шиду. Собщенє зоз спомнутого сходу було обявене у публикацийох КОЦ у Шиду и Дружтва за руски язик и литературу, 2003. року. У рамикох означованя 70-рочнїци од народзеня Надї Волчко, 24. априла 2004. року, попри пригодней подобовей вистави у Дїловним центру у Шид зе отримани Омаж за Надю Волчко, а у рамикох означованя єй 80-рочнїци у Руским дворе у Шидзе 1. авґуста 2014. року. Теди, у рамикох Подобовей колониї, о уметнїци надихнуто, з вельо пиєтета, бешедовала Верица Радивойков, хтора як професор робела зоз Надю у Ґимназиї „Сава Шуманович” у Шидзе. Надя Волчко умарла у Беоґрадзе 31. юлия 1983. року, у своїм пейдзешатим року живота. Похована є на Руским теметове у Беркасове.■
Надя Волчко ЛЮБИМ ЦЕ ЖОВТЕ Жовте – Симфония нєчуйна Нєвлаплїва за шицки дотики фарба пращку на квету шмерц єшеньского лїсца. Нєдогорена швичка тлєє занавше страценим Жовте шпива о наших празнїнох полних зоз смислом Ознова народзених єствох. Жовте – то обелиск прешлосци зачувани през тисячи вики безкрайней молби Слунку грих животодавни нєпохоплїва краса птици Символ слави ґения прекрасни днї дзецинства. 2. Жовте и древо цо клюка з нєба и рошнє у шицких глїбинох Шветле слунко цо вше ознова пада под шицки горизонти до цмоти викох. (Жовте) – то любов цо настава и умера у шицких вечарох уж милиярди роки Жовте – то шмих витру поволанка лїсца безкрайна празнїна осаменосци през хтору преходзиме ми щешлїви преходнїки з єй простором одушевени вше без поволанки знова приходзиме зоз ключками нових нагадованьох нєрозумлївих нєодгаднутих тайнох у нас Прето без одвиту занавше падам пред тебе ЖОВТЕ
У тей хижи у Беркасове жила Надя
12. ЮНИЙ 2020.
(Прешпивала Наталия Канюх)
РУСКЕ СЛОВО 27
ДУХОВНИ ЖИВОТ ЗОЗ ПАРОХИЇ У РУСКИМ КЕРЕСТУРЕ
МОЛИТВА ЗА ПОКОЙНИХ И НАМ ПОМАГА У керестурскей парохиї 7. юния була Нєдзеля шицких святих, а теди ше виходзи и на теметов дзе на 15 годзин була панахида за шицких покойних пред крижом на штред теметова. Панахиду служел парох о. Михайло Малацко, а присутни були велї парохиянє, та и з других местох хтори маю своїх похованих на керестурским теметове. Толкуюци значенє тей подїї и прецо ше Церква модлї за тих цо закончели свой жемски живот, о. Малацко наглашел же виход на теметов попри молитви за шицких покойних ма глїбоке порученє и за нас. – Зишли зме ше помодлїц ше за наших покойних, а тиж и подзековац Богу же зме у валалє нє мали жер-
НОВИ РОЗПОРЯДОК СЛУЖБОХ У керестурскей Парохиї св. оца Миколая од идущей нєдзелї, 14. юния, будзе и нови розпорядоск Службох Божих. Так нєдзелями будзе Служба Божа лєм на 9 годзин (а вецей нє будзе на 8 и на 10), потим дзецинска на пол дванастей (11,30) и вечарша на 19 годзин. На швета, Служби у церкви буду на 8 годзин, на 10 у Водици и вечарша у церкви на 19 годзин. Соботами, вечарши богослуженя у Водици затераз нє буду. У юнию, стредами и пиятками, по вечаршей Служби хтора на 19 годзин, служи ше молебени до шерца Христового.
ПРЕСЛАВЕНЕ ШВЕТО РУСАДЛЯ ПО ЮЛИЯНСКИМ КАЛЕНДАРЕ
ОТВОРМЕ ШЕ ЗА ДУХА СВЯТОГО Швето Сошествиє Святого Духа – Русадля початком тижня преславене и по старим, юлиянским календаре. Так, у новосадскей Церкви святих апостолох Петра и Павла уходни дзвери и нукашньосц церкви були украшени зоз желєним, цо символизує живот. Бешедуюци о швету на Радио Мариї, парох новoсадски о. Юлиян Рац гварел же ше зоз желєнїдлом и квецом символизує славенє живота и дарох. – Анї зме нє свидоми кельо нас Бог люби и дарує. Отворме ше за Духа Святого. Кед зме подзелєни, вец го нєт, и прето ше нє дайме дзелїц. Нє бойме ше припознац же якей зме вири и яки нам идентитет – наглашел о. Юлиян Рац. Наказуюци внєдзелю у церкви, вон тиж акцентовал же Исус Христос виполнює шицки обецунки на Русадля, зоз посиланьом Духа Святого на вирних. М. Г. К.
28 РУСКЕ СЛОВО
тви од вирусу корона. Ми нє знаме кеди наш конєц. Шицки приповедаю о концу швета, а лєпше би було роздумовац о своїм концу, хтори сиґурно придзе, и вец идземе пред Господа Бога. Кажда наша молитва за наших покойних то и освидомйованє же маме жиц по Божим закону любови, прето же Исус нє пришол на швет же би нас покарал, алє же би нас спашел – заключел о. Малацко. Вон после заєднїцкей молитви поблагословел и поєдинєчни гроби по жаданю їх блїзких. Всоботу, 30. мая, у керестурскей парохиї означена и пията Задушна собота, остатня у тогорочним циклусу молитвох за покойних парохиянох, а шицко ше закончує зоз панахиду на теметове. М. А.
У ПАРОХИЯЛНИМ БУДИНКУ У НОВИМ САДЗЕ
НОВИ ВОДОВОДНИ ЦИВИ
У Парохиї св. апостолох Петра и Павла у Новим Садзе початком юния отримана роботна акция, кладло ше и заменьовало водоводни циви у парохиялним будинку. Як гварел парох новосадски о. Юлиян Рац, случела ше гавария на старих цивох, вода чурела до жеми и требало направиц „бай пас”. – Водоводна мрежа санирована так же стара ления цивох остала и далєй, алє ше ю нє хаснує, а положени нови циви по мурох до кухнї и купатила парохиялного будинку. Дзекуєм шицким хтори пришли и участвовали у тей акциї – гварел о. Юлиян Рац. У роботней акциї участвовали Йоаким Канюх, Владимир Колошняї, Дюра Рац, Михаїл Римар, Иван Канюх, Дюра Канюх и Марко Раїч. М. Г. К. 12. ЮНИЙ 2020.
duhovni@ruskeslovo.com
ПАПА ПОВОЛУЄ ЧЛОВЕЧЕСТВО НА ЗАЄДНЇЦКУ БОРБУ ПРОЦИВ ВЕЛЬКИХ ПРОБЛЕМОХ
ВЄДНО ВЕСЛАЙМЕ У ИСТЕЙ ЛА ДЇ пре любов ґу Богу и ближньому, то нагода за солидарносц, служенє и анґажованє. По сланє хторе Бог зверел каждому, дава нам же бизме од нашого злєкнутого и завартого „я”, прешли на ознова пренайд зене „я”, обновене зоз дарованьом себе – наглашел папа. По його словох, Бог Любов, и прето нам по слал Сина, хтори цалком по слухни Оцови, а Син нам дал свойого Духа, душу Церкви. Христос нас по сила до швета, ґу людзом розглашовац радо сну вистку. Безплатно зме до стали живот, а то подрозумює же бизме далєй нєсебично даровали себе. М. Г. К.
www.vaticannews.va
„Ту сом, мнє пошлї” (Изаия 6,8), то наслов порученя папи Франциска за тогорочни Шветови дзень мисийох, хторе обявене на Русадля, и у хторим ше ви значує вя зу мед зи Ду хом Святим и по сланьом Церкви. У контексту пандемиї вируса корона, хтора ище вше тирва, папа здогаднул же човече ство поволане „заєднїцки ве слац” и же Бог сце зоз свою любову дойсц до шицких людзох. То важне у терашнєй шветовей кризи. Як цо дакеди Исусово ученїки були нєсподзивани и пре страшени у ладї пре вельку бурю, и нєшка зме шицки у истей ладї, слаби зме, алє
важни и потребни, шицки зме поволани вєдно ве слац и цешиц єдни других. – Шицки маме моцне жаданє за животом и ошлєбодзеньом од зла. У тим смислу, поволанка на по сланє, поволанка же бизме вишли зоз себе,
ПОМОЦ ОД ЕКУМЕНСКЕЙ ГУМАНИТАРНЕЙ ОРҐАНИЗАЦИЇ
ПОДЗЕЛЄНИ 105 ПАКЕТИ У тижню за нами зоз наших грекокатолїцких парохийох сцигую нам красни вистки о помоци людзом у потреби. Нажаль, число людзох на списку було вельке, алє шерцо волонтерох и членох Екуменскей гуманитарней ораґнизациї було полне щесца кед дознали же маю нагоду помогнуц тим людзом, и гоч на кратко врациц им ошмих на твари и надїю за живот. Кажде красне и цепле слово им були велька помоц. Тоту акцию добрей дзеки порушала и орґанизовала Екуменска гуманитарна орґанизация зоз Нового Саду, котра основана ище 1993. року, а єй снователь и перши предсидатель бул священїк Кароль Береш. Нєшка ше на його функциї, однєдавна, находзи млада Ана Бртка Валент, дипломовани економиста мастер. Член тей орґанизациї и наша Грекокатолїцка Церква. Вона ма 15 членох, а медзи нїма и парох новосадски о. Юлиян Рац, др Янко Рамач и Йоаким Грубеня. Пенєжна помоц од 1 100 евра достата од традицийного донатора Gustavа Adolf Werkа котри у сотруднїцтве зоз тоту орґанизацию жадал помогнуц вирним у потреби. Помоц ше состої од пакетох поживи и средствох за гиґиєну. – Пред позарядовим станом достали зме обвисценє од директорки орґанизациї Ани, о планованей гуманитарней акциї котра мала буц ище коло Велькей ноци, алє понеже зме ше нашли у такей ситуациї, активносци були одказани – гварел Йоаким Грубеня. Кед шицко прешло, такой зме почали акцию купованя и правеня пакетох. Вельку помоц сом мал од Владимира Колошняя, члена нашого новосадского Церковного одбору и других парохиянох, котри ми помогли и коло купованя и коло пакованя пакетох. Направели зме 105 пакети за нашо 12. ЮНИЙ 2020.
Пакети достали и Дюрдьовчанє
руски парохиї. Помоц достали парохиї у: Руским Керестуре, Коцуре, Дюрдьове, Новим Садзе, Беркасове, Бикич Долу, Шидзе, Бачинцох, Индїї, Сримскей Митровици и Вербаше. Волонтере и людзе добрей дзеки котри жадали помогнуц у розношеню помоци, у догварки то и покончели. Кажда парохия достала задаток направиц список людзох у потреби, на таки способ зме дознали число, и тельо пакети направени – потолковал Йаоким Грубеня. У Дюрьове акция дзелєня пакетох була орґанизована внєдзелю, 7. юния, у пополадньових годзинох, у котрей участвовали Йовґен Мудри и Лидия Кухар. По словох орґанизаторох и людзох котри члени Екуменскей гуманитераней орґанизациї, планує ше предлужиц зоз таку файту помоци людзом у потреби. Л. Кх.
РУСКЕ СЛОВО 29
informator@ruskeslovo.com ОСТАТНЇ ПОЗДРАВ Дня 5. юния у своїм 74. року живота у смутку занавше нас зохабела наша мила мац и баба
ОСТАТНЇ ПОЗДРАВ Дня 5. юния занавше нас зохабела наша мила мац, швекра, баба и прабаба
ОСТАТНЇ ПОЗДРАВ Дня 5. юния занавше нас зохабела наша мила андя
МЕЛАНИЯ КОЗАР народзена Дудаш (1946–2020) з Руского Керестура Памятку на ню вично буду чувац дзивка Татяна и унук Мижо Спочивай у мире Божим!
МЕЛАНИЯ КОЗАР народзена Дудаш (1946–2020) з Руского Керестура Памятку на ню вично буду чувац син Борис зоз супругу Ану, унука Тамара зоз супругом Мирославом, унука Александра и праунуки Миа и Ена Спочивай у мире Божим!
МЕЛАНИЯ КОЗАР народзена Дудаш (1946–2020) з Руского Керестура Памятку на ню вично будзе чувац Михал Козаров зоз супругу Ксению и їх дзецми Спочивай у мире Божим!
СМУТНЕ ЗДОГАДОВАНЄ Дня 11. юния наполнєли три жалосни роки як нас занавше зохабела наша мила дзивка и шестра
СМУТНЕ ЗДОГАДОВАНЄ Дня 8. юния наполнєл ше рок як вецей нє з нами наша мила мац и швекра
АНКА КОЛОШНЯЇ народзена Манджи (1949–2019) з Руского Керестура Прешол рок, а у шерцох боль остава. Вше будзеце у наших думкох и молитвох. Дзивка Таня и жец Славко Спочивайце у мире Божим!
СМУТНЕ ЗДОГАДОВАНЄ Дня 8. юния наполнєл ше жалосни рок як ме зохабела моя мила мац
АНКА КОЛОШНЯЇ народзена Манджи (1949–2019) з Руского Керестура Мамо, хибице барз. З любову и почитованьом памятку на Вас навики будзе чувац дзивка Славка Спочивайце у мире Божим! СМУТНЕ ЗДОГАДОВАНЄ Дня 8. юния наполнєл ше рок як вецей нє з нами наша мила баба и прабаба
АНКА КОЛОШНЯЇ народзена Манджи (1949–2019) з Руского Керестура Памятку на це буду чувац у своїх шерцох унуки Марина, Кристина зоз супругом Александром, Даниєла зоз супругом Жельком, Сладяна зоз супругом Владимиром, як и праунуки Матей, Кристина, Константин и Валериа Спочивай у мире Божим!
НА ЗДОГАДОВАНЄ Мили наш оцец и супруг, 15. юния будзе 5 роки як ши вецей нє з нами
ТАНЯ КЕРАВЧИН народзена Тамаш (1969–2017) зоз Деспотова Прешли три чежки роки як ши нє з нами. Хибиш нам барз! Твой ошмих, красни слова котри ши мала за шицких людзох. Памятки на це, з почитованьом и любову вично буду чувац ожалосцена мац Амалия и брат Юлиян зоз свою фамелию Спочивай у мире Божим! СМУТНЕ ЗДОГАДОВАНЄ Дня 10. юния наполнєли ше 18 роки як нє з нами наша мила супруга, мац и баба
АНА САБО народзена Дудаш (1947–2002)
Вично ши з нами у наших шерцох Твойо наймилши
30 РУСКЕ СЛОВО
СИМЕОН РАМАЧ (1937–2015) Занавше це споминаме, и з любову и почитованьом чуваме це у наших шерцох. Твоя супруга Вера, дзивка Лидия и син Борис СМУТНЕ ЗДОГАДОВАНЄ Дня 11. юния наполнєли ше 11 смутни роки як нас занавше зохабел наш мили супруг, оцец, швекор, дїдо и прадїдо
МИХАЙЛО МАЛАЦКО (1938–2009) з Руского Керестура З любову и почитованьом памятки у своїх шерцох чуваю його наймилши Спочивай у мире Божим! Спочивай у мире Божим!
НА ЗДОГАДОВАНЄ
ВИКТОРИЯ ГОРНЯК Мила наша супруго и мамо, гоч прешли длуги осем роки од кеди ши нє з нами, хибиш нам як першого дня. Дзечнє це споминаме, чуваме це у думкох тераз и занавше. Спочивай у мире Божим! Памятку на тебе чуваю твойо наймилши супруг Владимир зоз дзивками Кристину и Лидию
12. ЮНИЙ 2020.
informator@ruskeslovo.com Република Сербия, Автономна Покраїна Войводина Покраїнски секретарият за образованє, предписаня, управу и национални меншини – национални заєднїци На основи члена 15. Покраїнскей скупштинскей одлуки о покраїнскей управи („Службени новини АПВ”, число 37/2014, 54/2014 – друге предписанє, 37/2016, 29/2017 и 24/19), члена 6. пасус 3. Покраїнскей скупштинскей одлуки о установйованю награди Автономней Покраїни Войводини и покраїнских припознаньох („Службени новини АП Войводини”, число 54/2018), члена 4. и члена 5. пасус 2. Покраїнскей уредби о поступку за додзельованє покраїнских припознаньох („Службени новини АП Войводини”, число 6/2019), Покраїнски секретарият за образованє, предписаня, управу и национални меншини – национални заєднїци, посила
ЯВНУ ПОВОЛАНКУ
за подношенє предкладаньох за додзельованє покраїнского припознаня у обласци людских и меншинских правох – Припознанє „Людевит Мичатек” Покраїнски секретарият за образованє, предписаня, управу и национални меншини – национални заєднїци посила явну поволанку шицким заинтересованим правним и физичним особом зоз шедзиском у Автономней Покраїни Войводини, за анґажованє и посцигнути резултати у обласци защити людских и меншинских правох, унапредзенє толеранциї, єднакосци и ровноправносци – Припознанє „ЛЮДЕВИТ МИЧАТЕК”, яке ше додзелює за резултати посцигнути у 2019. року. Право предкладац кандидатох за додзельованє покраїнского припознаня у обласци людских и меншинских правох маю правни и физични особи. Право на покраїнске припознанє ма физична або правна особа з местом биваня, односно шедзиском у Автономней Покраїни Войводини. Предкладанє ше доручи у писаней форми з обгрунтованьом, з податками о кандидатови и резултатох його роботи яки посцигнути у 2019. року. Ґу предкладаню ше доручи и одвитуюцу документацию, хтору ше после одлучованя о додзельованю покраїнского припознаня нє враца предкладачови. Одлуку о додзельованю покраїнского припознаня приноши Комисия за додзельованє Покраїнскей награди и покраїнских припознаньох. Подношителє предкладаньох обовязно доручую шлїдуюцу ПОТРЕБНУ ДОКУМЕНТАЦИЮ: 1. Формулар – предкладанє за додзельованє покраїнского припознаня у обласци образованя – Припознанє „ЛЮДЕВИТ МИЧАТЕК”, яке ше додзелює за винїмково резултати хтори посцигнути у обласци людских и меншинских правох – мож го превжац на сайту www.puma.vojvodina.gov.rs, 2. фотокопию особней леґитимациї, односно одчитану особну леґитимацию за кандидата хтори физична особа, односно вивод зоз одвитуюцого реґистру за правну особу, як доказ же кандидат ма место биваня, односно шедзиско, у Автономней Покраїни Войводини, 3. фотокопию потвердзеня о порцийним идентификацийним чишлє – ПИЧ – за правни особи, 4. доказ о посцигнутих резултатох у обласци людских и меншинских правох у 2019. року, 5. професионалну биоґрафию и 6. фотокопиї НАЙЗНАЧНЄЙШИХ наградох и припознаньох. Термин и способ доручованя предкладаня: Явна Поволанка за подношенє предкладаньох за додзельованє покраїнского припознаня у обласци людских и меншинских правох – Припознанє „ЛЮДЕВИТ МИЧАТЕК” тирва по 31. октобер 2020. рок. Предкладаня ше доручує по пошти препорученє з назначеньом: «Явна поволанка за подношенє предкладаня за додзельованє покраїнского припознаня у обласци людских и меншинских правох – Припознанє „ЛЮДЕВИТ МИЧАТЕК”, Покраїнскому секретарияту за образованє, предписаня, управу и национални меншини – национални заєднїци, Булевар Михайла Пупина 16, 21000 Нови Сад. Покраїнске припознанє у обласци людских и меншинских правох – „ЛЮДЕВИТ МИЧАТЕК” ше додзелї 10. децембра 2020. року. Покраїнске припознанє ше додзелї у форми дипломи и у пенєжней нето суми 100.000,00 динари з припадаюцима порциями и доприносами. Додатни информациї мож достац у Покраїнским секретарияту за образованє, предписаня, управу и национални меншини – национални заєднїци на телефон 021/487-4604 або по електронскей пошти: bojan.greguric@vojvodina.gov.rs Покраїнски секретар, Михаль Нїлаш
12. ЮНИЙ 2020.
Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же нє потребне преценьованє вплїву проєкта на животни штредок Ношитель проєкта „NS SEME ENERGY” DOO Нови Сад, Максима Горкого 30, поднєсол вимогу за одлучованє о потреби преценьованя вплїву на животни штредок проєкта „Вибудов биоґазнeй електрани капацитета 999 kW и обєктох за маґазинованє чечного и черствого гною на катастерскей парцели 3856/5, К.О. Ченей, Город Нови Сад. После запровадзеного поступку, Городска управа за защиту животного штредку дня 5. юния 2020. року принєсла ришенє число VI-501130/20 з хторим дата согласносц на предметну Студию. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.
Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же нє потребне преценьованє вплїву проєкта на животни штредок Ношитель проєкта „ADECO” ДОО Нови Сад, Темеринска драга число 109, поднєсол вимогу за одлучованє о потреби преценьованя вплїву на животни штредок проєкта „Реконструкция часци отвореного маґазину – танквани зоз резервоарами и добудов отвореного маґазину – танквани зоз резервоарами, поверхносци П” на Темеринскей драги число 10, на катастерскей парцели число 3/3, К. О. Нови Сад I, Город Нови Сад. После запровадзеного поступку, Городска управа за защиту животного штредку дня 8. юния 2020. року принєсла ришенє число VI-501-92/20 з хторим дата согласносц на предметну Студию. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.
Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же потребне преценьованє вплїву застатого стану и о одредзованю обсягу и змисту студиї о прееценьованю вплїву на животни штредок проєкта базней станїци мобилней телефониї „НСУ144, НСЛ144, НСО144 НС – Паризкей комуни” Нови Сад Ношитель проєкта „Телеком Сербия” а.д. Таковска 2 Беоґрад, поднєсол тому орґану вимогу за одлучованє о потреби преценьованя вплїву застатого стану на животни штредок проєкта базней станїци мобилней телефониї „НСУ144, НСЛ144, НСО144 НС – Паризкей комуни” Нови Сад у улїци Паризкей комуни 25, у Новим Садзе, на катастерскей парцели 4944, К. О. Нови Сад I, Город Нови Сад. После запровадзеного поступку, Городска управа за защиту животного штредку дня 8. юния 2020. року принєсла ришенє число VI-501-117/20 же потребне преценьованє вплїву застатого стану на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану
РУСКЕ СЛОВО 31
ПРИРИХТОВАНЯ КОГУЦИКОХ ФК „РУСИН”
ИНФОРМАТОР/СПОРТ
Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ПОЧАЛИ ТРЕНИНҐИ И ЗМАГАНЯ
ОБВИСЦЕНЄ
о поднєшеней вимоги за одлучованє о потреби преценьованя вплїву на животни штредок проєкта Ношитель проєкта „Телеком Сербия” а.д. Таковска 2, Беоґрад, поднєсол вимогу за одлучованє о потреби преценьованя вплїву на животни штредок проєкта базней станїци мобилней телефониї „НС05, НСУ05, НСЛ05, НСО05 Ковиль” Ковиль пре реконструкцию, у уїлци Дьордя Бешлина бб (споза числа 34), на катастерскей парцели число 122, К.О. Ковиль, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110а, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду.
Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же потребне преценьованє вплїву застатого стану и о одредзованю обсягу и змисту студиї о преценьованю вплїву на животни штредок проєкта базней станїци мобилней телефониї „НС32, НСХ32, НСУ32, НСЛ32, НСО32 НС – Ветерник” Ветерник Ношитель проєкта „Телеком Сербия” а.д. Таковска 2 Беоґрад, поднєсол тому орґану вимогу за одлучованє о потреби преценьованя вплїву застатого стану на животни штредок проєкта базней станїци мобилней телефониї „НС32, НСХ32, НСУ32, НСЛ32, НСО32 НС – Ветерник” Ветерник у улїци Младежска бб, у Ветернику, на катастерскей парцели 1299/2, К. О. Ветерник, Город Нови Сад. После запровадзеного поступку, Городска управа за защиту животного штредку дня 8. юния 2020. року принєсла ришенє число VI-501-116/20 же потребне преценьованє вплїву застатого стану на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.
Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же потребне преценьованє вплїву застатого стану и о одредзованю обсягу и змисту студиї о преценьованю вплїву на животни штредок проєкта базней станїци мобилней телефониї „НС67, НСХ67, НСУ67, НСЛ67, НСО67 НС – КРАЛЯ ПЕТРА I – МУП” НОВИ САД Ношитель проєкта „Телеком Сербия” а.д. Таковска 2 Беоґрад, поднєсол тому орґану вимогу за одлучованє о потреби преценьованя вплїву застатого стану на животни штредок проєкта базней станїци мобилней телефониї „НС67, НСХ67, НСУ67, НСЛ67, НСО67
32 РУСКЕ СЛОВО
На нєдавно отриманей схадзки Кризного штабу, од 1. юния дошлєбодзене присуство публики на спортских змаганьох на отвореним, як и сходи на отвореним дзе годни буц присутни вецей особи. Так тренинґи и змаганями почали шицки три возростни ґрупи Фодбалско клубу „Русинˮ. Тренинґи на отвореним, на керестурским Ярашу, а под предписанима мирами защити, буду отримовац наймладши фодбалере, возросту од 7 по 10 роки, зоз своїм третренером Денисом Югиком, потим младши кадети зоз тренером Бояном Бранковичом, як и старши кадети зоз тренерами Зденком Шомодїйом, Владимиром Хомом, Деяном Йоличом и Мирославом Накичом. Когуцики ше так починаю пририхтовац за турнири у Крущичу и Пиньвиц, младши кадети буду бавиц приятельски змаганя, док ше старши кадети тиж зоз приятельскима змаганями пририхтую за єшеньску часц першенства Окруженй кадетскей лиґи. Ан. М. Покраїнски секретарият за урбанизем и защиту животного штредку, на основи члена 10. Закона о преценьованю вплїву на животни штредок („Службени глашнїк РС” чс. 135/04) обявює
ОБВИСЦЕНЄ
o принєшеним ришеню o нєприступаню виробку студиї о преценьованю вплїву на животни штредок Покраїнски секретарият за урбанизем и защиту животного штредку, дня 8.06. 2020. року принєсол ришенє o нєприступаню виробку студиї о преценьованю вплїву на животни штредок ПРОЄКТА проєкта Баґерованє ричного наношеня зоз корита рики Дунай од km 1268+500 до km 1269+000 на к.п. чс. 6690 КО Футоґ, ношителя проєкта „Карин Комерц МД” д.о.о. зоз Ветернику, улїца Живорада Петровича чс. 8. Ришенє р o нєприступаню виробку Студиї о преценьованю вплїву на животни штредок за предметни проєкт мож мож достац на увид у просторийох Покраїнского секретарияту за урбанизем и защиту животного штредку Булевар Михайла Пупина 16 (прижемє канцелария чс. 39). Заинтересована явносц може виявиц жалбу на принєшене ришене у чаше од 15 днї од дня обявйованя того обвисценя.
НС – КРАЛЯ ПЕТРА I – МУП” НОВИ САД, у улїци Билевар краля Петра I число 11, на катастерскей парцели число 4654/3, К. О Нови Сад I, Город Нови Сад. После запровадзеного поступку, Городска управа за защиту животного штредку дня 8. юния 2020. року принєсла ришенє число VI-501-128/20 же потребне преценьованє вплїву застатого стану на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.
МАЛИ ОГЛАШКИ ДИХТОВАНЄ облакох и дзверох. Щици од витру, жими, праху, галайку, праху, инсектох. МОНТИРАМЕ: – РОЛЕТНИ – ГАРМОНИКОВО ДЗВЕРИ – ПАНТЛЇКОВО ДЗВЕРИ – МРЕЖИ ОД СУНЬОҐОХ – ВЕНЕЦИЯНЕРИ – ОПРАВКИ 025/5827-710, 060/5088-433 12. ЮНИЙ 2020.
informator@ruskeslovo.com
12. ЮНИЙ 2020.
РУСКЕ СЛОВО 33
СПОРТ 29. СПОРТСКИ БАВИСКА „ЯША БАКОВ” – ТУРНИР У МАЛИМ ФОДБАЛУ ЗА ПИОНИРОХ
ДОМАШНЇ БУЛИ НАЙЛЄПШИ Терен ФК „Бачка 1923” зоз Дюрдьова бул домашнї турнира у малим фодбалу пионирскей селекциї. Участвовали три екипи – домашнї, пионире ФК „Искра” зоз Коцура и екипа пионирох „РКЦ Нови Сад” зоз Нового Саду. То перша спортска, турнирска манифестация после позарядового стану пре вирус корона, а з тей нагоди найлєпша була домашня екипа
П
омали, алє сиґурно ше и спорт и спортски активносци врацаю на старе после пандемиї вируса корона и позарядового стану. У тим року то други турнир хтори ше отримує у рамикох Спортских бавискох „Яша Баков”. Прешлого викенду на фодбалским терену ФК „Бачка 1923” у Дюрдьове у рамикох 29. Спортских бавискох „Яша Баков” було отримане змаганє у фодбалу за пионирох (2005. рок и младши). Змаганє орґанизовали Спорт ске здруженє Спорт ских бавискох „Яша Баков” и ФК „Бачка 1923” зоз Дюрдьова и тото сотруднїцтво ше указало як добре. ПО СИТЕМИ „КАЖДЕ З КАЖДИМ” Бавело ше по системи „кажде з каждим”, стретнуца тирвали двацец минути, односно полчас тирвал 10 минути. У першей рунди, у першим стретнуцу бавели екипи ФК „Бачка 1923” зоз Дюрдьова и „РКЦ Нови Сад” зоз Нового Саду. Побида домашнїх була прешвечлїва, а резултат бул 5:0. У другим стретнуцу бавели екипи ФК „Искра” и екипа „РКЦ Нови Сад”. Лєпши були Новосадянє хтори победзели з резултатом 3:1. У тецим стретнуцу бавели екипи Бачкей и Искри. Резултат бул нєришени, без ґолох. Друга рунда почала зоз стретнуцом екипох Искри и РКЦ Нови Сад. На тим стретнуцу лєпши були Новосадянє хтори победзели зоз 2:0. У другим стретнуцу Искри и Бачкей, домашня екипа ознова призначела прешвечлїву побиду зоз резултатом 4:0. Перше место завжала домашня екипа ФК „Бачка 1923” хтора од трох стретнуцох два победзела, а єдно одбавела нєришено. Друге место завжала екипа „РКЦ Нови Сад” хтора мала єдну побиду, єдно нєришене стретнуце, а єдно страцела.
34 РУСКЕ СЛОВО
Треце место на турниру освоєла екипа ФК „Искра” зоз Коцура, хтора мала два страцени стретнуца и єдно нєришене. Резултати стретнуцох очиглядно указую же кажде мало свою чежину и адреналинску напартосц. Так повесц, як на правих стретнуцох екипох старших возростох. Но, з тей нагоди посцигнути резултати були у другим планє. Важнєйше од нїх було же нашо клуби, у тим случаю Бачка и Искра, маю перспективу. СОСТАВИ ЕКИПОХ Члени побиднїцкей екипи ФК „Бачка 1923”: Деян Бечкеречки, Лазар Павлович, Милан Тривунович, Саша Рац, Мирослав Чавич, Душан, Барач, Срдя Илиїн, Владимир Царевич. За ФК „Искра” зоз Коцура бавели: Давид Неделькович, Вид Неделькович, Ален Мученски, Дамян Колошняї, Даниел Човс и Матия Паунович. Екипу „РКЦ Нови Сад” представяли: Велько Ваяґич, Саша Загорянски, Борис Загорянски, Михайло Буїла, Алекса Дорокхази, Лука Дорокхази, Стефан Гарди, Оґнєн Салонтаї. – После утаргованя позарядового стану Спортске здруженє Спортских бавискох „Яша Баков” предлужує там дзе стануло зоз своїма активносцами. Сезону змаганьох и бавискох отворели пионире у малим фодбалу у Дюрдьове, а уж шлїдуюци викенд резервовани за столни тенис у Шидзе, а потим 27. юния и за одбойку на писку на Паличу – приповеда Иван Папуґа. Кед финансийна ситуация, котра того року нє на завидним уровню, будзе добра, бависка ше будзе отримовац по наших руских местох, а любительом спорту остава лєм приявиц ше и участвовац на змаганьох.■ Л. Кухар 12. ЮНИЙ 2020.
sport@ruskeslovo.com
ПРИЯТЕЛЬСКИ СТРЕТНУЦА КА ДЕТОХ ФК „РУСИН”
ЄДНА ПОБИДА И ЄДНО ПОРАЖЕНЄ
П
Кадети Фодбалского клубу „Русинˮ у прешлим тижню отримали два приятельски стретнуца на домашнїм терену. Русиновци ше добре указали з оглядом на тото же бавяче Русина два роки младши од бавячох процивнїцких екипох, а тиж так и пре покалїченя ключних бавячох хтори виостали зоз стретнуцох
ерше приятельске стретнуце одбавене вовторок 2. юния кед кадети ФК „Русин” победзели го сцох, екипу подростку ФК „Раднички” зоз Раткова, з резултатом 4:3 (1:2), а друге стретнуце кадети Русина одбавели даскельо днї познєйше, всоботу 6. юния, тиж на домашнїм терену, кед страцели од ФК „Искра” зоз Коцура, з резултатом 4:2 (2:0) ҐОЛ У ОСТАТНЄЙ МИНУТИ На приятельским стретнуцу процив ФК „Раднички” перши ґол за Русин у 20. минути дал Иван Будински, кед Русин превжал водзенє з резултатом 1:0. По конєц першого полчасу процивнїцкей екипи ше зоз двох контранападох удало дац ище два ґоли, та на першу павзу млади бавяче пошли з резултатом 2:1 за го сцох. Такой по сле даскельох минутох другого полчасу, над наймладшим бавячом Русина, Марком Ковачевичом, направени пенал, та капитен русиновцох Александер Тома, у 50. минути виведол пенал и виєдначел резултат на 2:2. Нєодлуга по сле виєдначованя, го сци бавяче дали и треци ґол, а 15 минути пред концом змаганя, треци ґол за Русин дал Алексей Джуджар. Кед ше уж думало же ше приятельске змаганє закончи з нєришеним резултатом, Давид Надь у остатнєй минути, го сцуюцей екипи дал остатнї, побиднїцки ґол, та ше стретнуце закончело з резултатом 4:3 за Кере стурцох. Побиди допринєсол и схопни бавяч Русина Александер Драґутинович хторому ше, и попри доброго бависка процивнїкох, удало усишно интервеновац за даскельо добри нагоди дац ґол го сцуюцей екипи. Русин наступел у со ставе: М. Ковачевич, Драґутинович, Няради, М. Иличич, Попов, Чонка, Бодянец, Тома, Л. Иличич, Зорич, Н. Ковачевич, Надь и Джуджар, а понеже русиновци бавели процив, у про секу, два роки старших процивнїкох, кадетом помогли и троме омладинци ФК „Русин”: Матей Саянкович, Желько Виславски и Иван Будински. „ВИЧНИ ДЕРБИ” Шлїдуюце приятельске стретнуце кадети Русина одбавели даскельо днї познєйше, всоботу 6. юния, кед 12. ЮНИЙ 2020.
страцели од ФК „Искраˮ зоз Коцура, з резултатом 4:2 (2:0) Перши полчас прешол у доминантнєйшим бависку фодбалерох зоз Коцура, кед зоз двох контранападох дали два ґоли домашнїм, та на перши одпочивок бавяче пошли з резултатом 2:0 за Искру. У другим полчаше, по сле зазначеного и трецого ґолу Коцурцох, русиновец Желько Виславски зменшал водзенє го сцох кед зоз пеналу два раз затре сол мрежу процивнїцкей екипи. Русиновцом ше нєодлуга указала ище єдна добра нагода же би виєдначели на 3:3, медзитим, процивнїки схопно вихасновали тоту нагоду, та зоз ище єдного контранападу дали остатнї, штварти ґол на тим приятельским стретнуцу. Причина прецерпеного пораженя Русинових бавячох би ше вшелїяк могла приписац нєкомплетному со ставу екипи, понеже на стретнуцу процив квалитетного процивнїка, пре калїченя и рижни приватни причини, вио стали седемцме бавяче. Обачлїва була и оправдана вистатосц домашнїх и слабше рушанє дзепоєдних бавячох хтори за седем днї одбавели аж три змаганя. Праве пре тоти причини, алє и пре направену павзу спричинєну зоз шветову пандемию, русиновци остали прикрацени и за вежби моци и кондицийни тренинґи, цо на концу могло и обачиц на терену. На тим приятельским стретнуцу Русин наступел у со ставе: Драґутинович, Чордаш, Чонка, Зорич, Саянкович, М. Иличич, Попов, Виславски, Л. Иличич, Н. Ковачевич, Джуджар, Тома, Будински, Паплацко, Бики. Ище єдно стретнуце кадетох Русина обчекує у наиходзацим периодзе процив кадетох ФК „Младо сцˮ зоз Апатину. Ан. Медєши
РУСКЕ СЛОВО 35
СПОРТ ЮВИЛЕЙ: 60 РОКИ РУКОМЕТНОГО КЛУБА „РУСИН” (VI)
ПОТВЕРДЗЕНЄ ВЕЛЬКЕЙ УПАРТОСЦИ И ЛЮБОВИ Пише: Александар ПАЛАНЧАНИН
Пред початком першенственей сезони 2008/09. року, вибране нове руководство Клуба. За предсидателя Клуба вибрани Мирко Чизмар, а за тренера професор Владимир Бесерминї. Русин ше у новей сезони змагал у нїзшей лиґи – Бачкей рукометней лиґи
С
тарт рукометашох Русина у нїзшим ранґу змаганя – Бачкей рукометней лиґи бул успишни. Перше стретнуце ше бавело на терену у Старей школи процив екипи Зомбор II. Победзел Русин зоз резултатом 26:17. Екипа Русина була у составе: Мудри, Рац, Маґоч, Грубеня, Папуґа, Пап, Малацко, Планчак, Боянович, Пирожек, Семан Тунґуз и Милеуснич. Искусни Папуґа бул ґолґетер на стретнуцу – дал 10 ґоли. ОПЕРАНЄ НА ДОМАШНЇ МОЦИ После стретнуца нови, алє и дакедишнї тренер екипи професор Владимир Бесерминї бул задовольни зоз посцигнутим резултатом, а у вияви надпомул же у екипи бавя углавним хлапци зоз Руского Керестура. Резуллтат бул таки же пред концом стретнуца тренер Бесерминї дал нагоди бавиц наймладшим на лавки, а то школяре седмей и осмей класи. Теди, як виявел тренер Бесерминї, русиновцом було понукнуте же би остали бавиц у старей лиґи, односно у висшим ранґу, алє тот предклад руководство одбило пре формованє новей и младей екипи Русина. У лиґи окрем Русина були екипи: Партизан (Горґош), Едьшеґ (Мали Идьош), Борец (Бачки Ґрачац), Будучносц (Чонопля), ПИК Приґревица (Приґревица), Кляїчево и Зомбор II. Стретнуце процив екипи зоз Горґошу страцели, алє познєйше Русин нашол свойо бависко и шоровал побиди.
36 РУСКЕ СЛОВО
Дерби кола було стретнуце зоз екипу ПИК Приґревица. Русин бул на другим месце на таблїчки у тей хвильки, а процивнїк бул лидер. Стретнуце було борбене и нєизвесне по конєц. Нажаль, вецей щесца мали госци. З оглядом же и остатнє стретнуце зоз екипу Кляїчева Русин страцел и после бавеня заостатих стретнуцох, Русин закончел єшеньску часц на 4. месце на таблїчки. Пласман обецовал добре бависко и резултати на яр. У предлуженю першенства, у ярнєй часци, рукометаше Русина лєм раз страцели и то кед бавели процив екипи зоз Приґревици. Посцигнути резултати були фантастични, стретнуце зоз Едьшеґа закончене зоз предносцу од 32 ґоли! На концу тей сезони Русин бул на трецим месце, друга була екипа Приґревици, а перша екипа Кляїчева. У лиґи найлєпши ґ олґетер бул Мирко Папуґа хтори дал 77 ґоли, алє важне надпомнуц же екипа вше була у полним составе и шицки бавели зложно и убавено. Успих би нє бул успих кед би нє було и добрих ґолманох, а то насампредз Милинкович и Планчак. Управа Клуба була задовольна, а окрем того же посцигнути добри резултат на терену, озбильно ше почало робиц и зоз нїзшима катеґориями. ШАМПИОНИ ДО ЯРИ После успишно законченей сезони, у новей 2009/10. року, очековало ше лєпши успих. Рукометаше Русина мали озбильни амбициї указац ше ище лєпше и тей сезони. 12. ЮНИЙ 2020.
sport@ruskeslovo.com През лєто, накадзи бул закончени лєтни фодбалски турнир хтори ше отримовал на терену у Старей школи, ше озбильно пририхтовали. До початку першенства одбавели вецей стретнуца хтори були нови драгоцини искуства. Нова екипа у лиґи була РК „Станишич” зоз Станишичу. На першим стретнуцу хторе Русин бавел процив екипи Радничкого зоз Баймоку, призначена перша побида. У екипи Русина були: Милинкович, Мудри, Папуґа, Семан, Хафич, Рац, Боянович, Гебут, Планчак, Тунґуз, Милеуснич и Катона. По конєц єшеньскей часци першенства Русин страцел лєм раз на змаганю и то кед бавели процив екипи РК „Станишич”. Як пише у аналох Клуба: „страцели прето же подценєли процивнїка”. Но, заш лєм, заслужено були єшеньски шампиони у Бачкей лиґи. Русинова статистика була така: дали 239 ґоли, а прияли 155, значи були у плусу 84 ґоли. Ґолґетер екипи и у Бачкей лиґи бул Мирко Папуґа, капитен и тренер, хтори на стретнуцох у лиґи дал 67 ґоли. За рукометаша рока вибрани Иван Рац. Пририхтованя за ярню часц почали озбильно. Од початку ярнєй часци Клуб змоцнєли Мирослав Надь Мико, а зоз подростку у першей екипи почали бавиц Мирко Катона, Мирослав Малацко и Даниєл Будински. Тренер екипи бул Борис Хафич. На першим стретнуцу у ярнєй часци першенства процив екипи Радничкого бавели: Планчак, Мудри, Надь, Хафич, Рац, Дудаш, Пузович, Боянович, Гербут, Тунґуз, Милеуснич, Пирожек, Будински и Малацко. Русин победзел зоз резултатом 34:18. У предлуженю першенства рукометаше Русина на стретнуцох хтори страцели добре бавели. Хибело им лєм вецей щесца и прецизносци у реализациї „зицер” шансох.По законченю першенства Русин завжал штварте место од осем екипох у лиґи. Рушели добре, алє як уж спомнуте до конц ше подло закончело. Од штернац стретнуцох, страцели три и то лєм зоз єдним ґолом розлики. Екипа дала 392, а достала 307 ґоли и у лиґи Русин мал найлєпшу ґол-розлику од +85 ґоли. Ґолґетер екипи бул Мирко Папуґа хтори дал 79 ґоли на стретнуцох. Интересантне надпомнуц же стретнуца хтори Русин бавел на своїм терену були найбаржей нащивени. На стретнуцу зоз екипу Станишичу, на терену у Старей школи було 200 патрачох. Нажаль, то було єдно стретнуце хторе Русин страцел зоз єдним ґолом розлики. Резултат бул 21:22. ЮВИЛЕЙ ПРЕД ПОЧАТКОМ ПЕРШЕНСТВА Концом авґуста 2010. року, пред початком новей сезони 2010/11, Рукометни клуб „Русин” орґанизовал турнир з нагоди означованя ювилея – 50 роки Рукометного клу12. ЮНИЙ 2020.
ба „Русин”. На турнире з нагоди велького рукометашкого швета у Руским Керестуре участвовали штири млади екипи: РК „Червинка”, РК „Вербас”, РК „Зомбор” и домашнї РК „Русин”. У першим стретнуцу з екипу Вербасу и Зомбора резултат бул нєришени, та побиднїка одредзели пенали. Вецей щесца мали Вербащанє. У другим стретнуцу Русина и Червинки лєпши були домашнї хтори победзели зоз резултатом 19:12. У борби за треце место екипа Зомбора була лєпша од Червинчаньох, а у финалним стретнуцу РК „Вербас” победзел РК „Русин”. Другого дня преслави ювилея одбавени ревиялни стретнуца ветеранох, старшей екипи и змагательней екипи Русина. У екипи ветеранох бавели: Юлин Будински, Велько Мичунович, Велько Петричич, Славо Бучко, Юлин Джуня, Яким Папуґа, Михал Козар, Владимир Югик, Любо Жирош, Владо Сабадош, Владо Гербут... Процивнїк им була актуална змагательна екипа Русина. Резултат бул нєришени. У другим ревиялним стретнуцу бавели старша екипа и актуална екипа Русина. За старших рукометашох бавели: Владимир Грубеня, Дарко Рац, Владимир Салак, Владислав Салак, Желько Миячич, Мирослав Надь, Михайло Тиркайла, Борис Хафич, Славко Чапко, Ярослав Салаґ, Михал Чернок, Славко Пап, Веселин Ковиянич... Селектор тей екипи бул Владимир Планчак. Победзели, гоч то анї нє було таке значне, старши рукометаше и то зоз „дуплим резултатом”. Були то стретнуца хтори указали же рукомет у Руским Керестуре вше мал прихильнїкох и любительох. У наиходзацей сезони хтора нєодлуга почала у екипи Русина бавели: Милинкович, Мудри, Папуґа, Катона, Єличич, Рац, Дудаш, Боянович, Гербут, Будински, Малацко, Планчак, Виславски и Пузович. У єшеньскей часци першенства Русин страцел лєм два стретнуца – од екипи Партизан зоз Горґоша и од Червинки II хтора була лидер на таблїчки. Од победзених стретнуцох можебуц би требало визначиц лєм даскельо, а то дерби стретнуце процив екипи Станишичу, потим процив екипи Ґрафичар дзе Мирко Папуґа дал аж 14 ґоли и стретнуце зоз екипу Будучносци зоз Чоноплї дзе резултат бул 22:41.■ (Предлужи ше)
Яким Грубеня Бора
СЛИЗИ БРАВУРОЗНОГО ҐОЛМАНА – Кед сом почал бавиц тренер бул Бесерминї. Теди було чежко бранїц, насампредз прето же екипа була млада и ище нє убавена. Як и у шицких малих валалских клубох тренере робели аматерски, односно як знали и могли. Алє найфаховши тренинґи зме мали кед за тренера пришол Владимир Гарди Вили – гварел дакедишнї рукометаш, ґолман, Яким Грубеня Бора. – Змаганє у Сонти нїґда нє забудзем. Гоч зме страцели зоз двома ґолами розлики, я там так бранєл же то наисце було за епитет „бравурозно”. То потвердзели и щири аплаузи домашнєй публики хтори сом достал. Но, Сонта ми остала у паметаню кед зме страцели и кед сом после стретнуца плакал – здогаднул ше Бора.
РУСКЕ СЛОВО 37
ИНТЕРМЕЦО
ГОРУЦИ ТЕПШИ Лїляна Еделински
Лїльово кромплянїки
( Наша кухарка”, ” Марґита Лїкар)
КРОМПЛЯНЇКИ Очисцени кромплї порежеме на коцки, увариме у сланей води, одцадзиме и поджамиме. Кед кромплї охладзени, додаме 3-4 цали вайца, дакус шметанки, масци и досц муки. Цесто розженєме як палєц грубе, режеме го на фалатки и пражиме на горуцей масци або олєю. Кромплянїки ше є зоз капустову шалату або з компотом.
КРОМПЛЯНЇКИ НА ИНШАКИ СПОСОБ Дас килу кромплї очисциме, умиєме, потреме на тарлє и посипеме з муку же би нє почарнєли. Ґу таким кромпльом ше дода єдну зомлєту цибулю, розбиє єдно вайцо, долєє децу води, по смаку посолї и шицко добре вимиша з муку же би було кус густейше як за палачинки. Кромплянїки ше пражи на помасценей палачинкарнї и є слани з даяку шалату. 38 РУСКЕ СЛОВО
Потребне: ■ 500 ґрами уварени и поджамени кромплї ■ пакованє швижого квасу ■ 3 вайца ■ децу млєка ■ ложичка солї ■ 2 ложки цукру ■ децу олєю ■ мелки цукер за посипованє
Загнєсц цесто и охабиц єдну годзину же би цесто наросло. Потом розогнац и порезац на коцки. Пражиц на горуцим олєю зоз обидвох бокох же би почервенєло. Од горе посипац зоз мелким цукром. 12. ЮНИЙ 2020.
rusmak.ruske@gmail.com
ГОРУЦИ ТЕПШИ
Пририхтали: Лю. Цвеїч и Т. Салонтаї
Таня Бодянец Колбас
Hello Dolly коцки
Тот рецепт зме достали зоз Канади, барз є смачни и швидко ше прави! До глїбшей тепши посипац у пасмох: 1 и пол шольку помлєти/потрушени кекси, шольку кокосу, шольку дробни фалатки чоколади (chocolate chips), шольку дробни карамелово фалатки (butterscoth chips), шольку нашекани орехи (замена за мандулї, лїсковци, кикирики).
Потим преляц: 300 милилитри кондензованого млєка. Пол шольки розпущеного масла. Печиц дас 20 минути, порезац на коцки.
Таня Салонтаї
Слани мафини зоз лєном
Зомлєти лєн можеце купиц у предавальньох здравей поживи, лєбо зарна лєну зомлєц у млїнчку за кафу. Вайца витрепац (нє барз) додац шметанку, лєн, соль, пращок за печенє и шицко добре розмишац. Усипац до фурмох за мафини од горе посипац маґочки з бундави и печиц у релни на 200 ступнї.
12. ЮНИЙ 2020.
Состойки: (за 8 мафини) ■ 3 вайца ■ 3 ложки квашней шметанки ■ 12 ложки зомлєтого лєну ■ солї ■ дакус пращку за печенє ■ маґочки зоз бундави
РУСКЕ СЛОВО
39
ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
ВИШОЛ МАЙСКИ МАК
РОК LXXVI ЧИСЛО 24 (3893) НОВИ САД, 12. ЮНИЙ 2020.
Тих дньох вишло майске число младежского часопису МАК, а „У фокусу” му онлайн студиранє под час кризи ковиду-19, док у тей рубрики мож пречитац и текст о положеню женох. У пиятим тогорочним чишлє, „МАК-ов колаж” пише о Йосипови Ваштаґови зоз Коцура, а ту и гумористична рубрика „Квит ки мудро сци у МАК-у”, „Кинотека”, „Алт шоу у МАК-у”, „Упознай себе”, як и „Здогаднїме ше”, хтора пише о историї рускей школи у Дюрдьове. Яка то Си зи фо ва ро бота мож дознац у рубрики „Чом так гуториме?”, а у рубрики „Швет науки и технолоґиї” о тим же цо то рей-трейсинґ. „Спорт и рекреация” представя ґолмана Филипа Хромиша з Коцура, а „Власни печац” поезию двох младих авторкох. М. Зазуляк Гарди
Даєдни фотоґрафиї обявюємє вецей раз, понеже за нїх дотераз нєт нїяки податки.
ОГЛЯДНУЦЕ НА ПРЕШЛОСЦ
Фотоґрафия: 0736P
Фотоґрафия: 0737P
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґП рафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.
Фото: Кристина Афич
#останьцеодвичательни
ЦЕНА 30 ДИНАРИ
■ ОДПОЧИВОК ЗА ДУШУ И ЦЕЛО