ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ РОК LXXIV ЧИСЛО 23 (3788) НОВИ САД, 8. ЮНИЙ 2018.
■ ОТРИМАНИ ЦЕНА 30 ДИНАРИ
45. ПЕТРОВСКИ ДЗВОН” ”
Фотоґрафия: 0701P-B1295
Фото: Aнa Маркович
СТРЕТНУЦЕ ПРЕДШКОЛСКИХ ДЗЕЦОХ З РУСКИХ ОДДЗЕЛЄНЬОХ
ОГЛЯД НУ ЦЕ НА ПРЕ ШЛОСЦ оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.
Фото: В. Вуячич
П
■ ОСМИ ХОРСКИ ФЕСТИВАЛ „КАРПАТИ” У ВЕРБАШЕ
ОСЛУХУЄМЕ ЯК „ДИХА” ТЕРАШНЯ ҐЕНЕРАЦИЯ МЛАДИХ Пише: Мая ЗАЗУЛЯК ГАРДИ, одвичательна редакторка часопису МАК
Нєдавно вишло пияте число младежского часопису би нє було и без наших младих будуцих новинарох, поеМАК, цо половка од того кельо раз рочнє виходзиме. А тох, писательох, без младих фаховцох з рижних облаяк кед би лєм тераз була преслава МАК-ового 45. родзе- сцох... У креїрованю часопису у 2017. року участвовали ного дня. Рок прелєцел, а мож повесц же 2017. прешол коло 60 млади (од 14 по 30 роки) зоз Руского Керестура, досц продуктивно. Бул то други рок як МАК почал ви- Коцура, Дюрдьова, Нового Саду и Шиду. Даєдни з нїх ходзиц мешачно, точнєйше, дзешец раз рочнє, два раз як поряднє сотрудзую з МАК-ом, а даєдни ше праве предвочисло. Гоч на початку нє випатрало так, до конца ро- шлого року уключели, на нашу поволанку, лєбо самоиника видруковани и роман у приповедкох, дзелєло ше сим- циятивно, так як и того року. Маме велїх хтори уж рокаволични дарунки, а у сотруднїцтве з другима обявени и ми поряднє пишу, лєбо на даяки иншаки способ сотруддва музични албуми и даскельо синґли, правда, у елек- зую з МАК-ом, та мож провадзиц и як дозреваю вєдно з тронскей форми, алє факт же то нєшка младим баржей и нїм. Напевно же нїкому нє почкодзи кед раз до своєй биодвитує, бо велї уж анї нє маю дзе положиц компакт- оґрафиї напише же сотрудзовал зоз єдним часописом. диск. Мали зме даскельо промоциї, а спомнута преслава „МАК-ов квет” нє заварти, алє вше „розквитнути”, та и МАК-овей рочнїци у РКЦ-у прешла, голєм з моїма очми отворени за шицких младих, цо мож видзиц и по тим же го у шицких аспектох патрено, барз добре. Мотворя праве млади. Вогло ше видзиц же тот наш Маме велїх хтори уж роками поряднє пишу, лєбо на ни и пишу о тим цо их єдини часопис за младих даяки иншаки способ сотрудзую з МАК-ом, та мож интересує, алє о шицище ма перспективу, як и провадзиц и як дозреваю вєдно з нїм. Напевно же тото же кажда ґенерация нїкому нє почкодзи кед раз до своєй биоґрафиї напише ких темох, нє лєм о тих хтори ше дотикаю нас, младих хтора прешла же сотрудзовал зоз єдним часописом Руснацох, бо ше и напрез МАК охабела иншашо млади школую по ки шлїди за собу, и же ше нє треба обрацац назадок и поровновац як то було даке- истей системи, робя исти роботи, маю исти гобиї и инди, алє „дихац” зоз терашню ґенерацию младих, провад- тересованя, жию у истим дружтве и истим чаше як и зиц и прилагодзовац ше ґу їх интересованьом и часу у шицки други млади. Но, вшелїяк же насампредз зазначуєме збуваня хтори орґанизую нашо млади, же пишеме хторим жиєме. Праве тото ше и ми трудзиме уж даскельо роки – понук- о наших успишних школярох, студентох, музичарох, нуц младим часопис хтори провадзи сучасни тренди. То- спортистох, активистох... бо праве тото мож попровадто цо ше нєшкайшей младежи вшелїяк муши понукнуц зиц лєм у МАК-у, и наших других медийох. то модерни випатрунок, односно дизайн, цо шицки най- Так и того року, провадзиме шицко спомнуте, виходзичастейше перше и обача кед МАК вежню до рукох. Вец ме кажди мешац, окрем у юлию и авґусту, алє праве преих то прицагнє же би го и пречитали, лєбо голєм позаку- то у юнию и септембру буду двочисла. Цо ше дотика даковали цо у нїм єст. Того би нє було без Златка Емейдия, яких додаткох, затераз ище нєт у плану же би того року ґрафичного инжинєра и дизайнера, хтори уж пияти рок вишло дацо вєдно з МАК-ом, лєбо на сайту, цо нє значи роби дизайн и компютерски обробок МАК-у. Тото цо ве- же ше то у цеку рока нє пременї. рим же тиж так нє мож нє обачиц то фотоґрафиї на на- Як и у шицким, вшелїяк же и у МАК-у нє шицко „мед и словних бокох, хтори тиж робя млади, а найчастейше млєко”. Чежше тримаме крочай з порядним виплацовапрофесийна фотоґрафка Андреа Новак. Вшелїяк, МАК-у ньом гонорарох, алє младим свидомосц о тим кельо тот часопис за нас значни, здобуванє искуства, роки сотруднїцтва, даваю мотив же би поряднє робели. Тиж так, предплатнїкох нєт тельо кельо их було дакеди, алє кед роздумаме же млади нєшка нє бежа до трафики купиц гоч хтори тинейджерски часопис так як скорей, вец то цалком розумлїве. Праве прето им шицки числа МАК-у, як и даєдни поєдинєчни тексти понукаме и на сайту, бо нашим терашнїм читачом то тераз у ствари и природнєйши и прилаплївши способ информованя. Та кед ше о дзешец, лєбо уж кельо роки ма случиц тото же то и МАК-у будзе єдина форма виходзеня, вец най будзе так, бо процив того нє мож. А до теди ґураме напредок и робиме так як тераз знаме и можеме. ■ 2 РУСКЕ СЛОВО
8. ЮНИЙ 2018.
ЗМИСТ
УВОДНЇК Пише: Ана МАРКОВИЧ, дописователька зоз Вербасу
■ Тижньовнїк 4-5. Активносци у рускей заєднїци
■ Нашо места 8. Мото стретнуце у Коцуре
■ Економия 12-13. Паприґа интересантна и у Коцуре 14-15. Продукция арониї у Керестуре
■ Култура и просвита 18-19. Фестивал „Петровски дзвон” у Горватскей 20-21. Хорски фестивал „Карпати” у Вербаше
■ Мозаїк 22. Мини репортажа зоз Горнїци
■ Людзе, роки, живот 28-29. 70 роки малженства Сабадошових з Дюрдьова
■ Духовни живот 31. Перша причасц у Керестуре
■ Информатор
32–35. Мали оглашки и In memoriam
■ Спорт 36-37. Розплєт у локалних фодбалских лиґох На насловним боку: Зоз Хорского фестивалу „Карпати” Авторка фотоґрафиї: Ана Маркович
ХОРСКЕ ШПИВАНЄ, ВЕРБАСКА ТРА ДИЦИЯ У викенду за нами отримани ище єден, осми по шоре Хорски фе стивал „Карпати”, манифе стация на лїстини гевтих хтори од окремней значносци за руску националну заєднїцу. На Фе стива лу ше того року зишли пейц хори, три „домашнї”, руски, и два госцуюци, цо у одношеню на прешли роки два менєй, та репертоар бул преширени, а публика могла уживац у скоро двочасовей уметнїцкей програми. Манифе стация пред двома роками доста ла епитет „мед зинародна”, та и попри тим же того року нє було финансийни условия привесц госцох з иножемства, заш лєм госцуюци хор „Ирида” зоз Сримскей Митровици дал окремни печац, понеже на своїм репертоару ма грече ски писнї. Така файта културного збуваня интере сантна по самим числу вивод зачох, того року их було коло 170. То такой подрозумює рижнородносц и богат ство розличних гласох, а вше дахто з хорох вивед зе и вецейгласносц, та и то „засмачи” програму. Кед ше ґу тому дода и тото же хори на тот завод вивод за духовни, народни, класични писнї, вец наисце єст понукнуца за кажди смак. Правда же хорски случованя нє спадаю до популарней култури, алє з оглядом на атрактивносц вивод зеня и свою доступносц (першенствено ше дума на Хорски фе стивал у Вербаше, дзе уход безплатни), заслужую же би ма ли вецей нащивительох. Так и тота, єдна зоз святочнєйших наших манифе стацийох, хтора ґу тому уж и традицийна, заслужує же би була масовнєйше провад зена з боку публики. На концу, за Вербас „наш” Фе стивал хтори найчастейше концом мая, таке як шлаґ на торту майских културних збуваньох. Под час того мешаца у Вербаше отримана манифе стация „Музеї за 10”, Фе стивал поезиї младих пре славел свой 50. род зени дзень, у Савиним Селу „Невенов фе стивал дзецох поетох” пре славел свой 30, а Смотра хорох у „Карпатох” сиґурно крача ґу свойому 10. род зеному дню. Кед знаме же шицки тоти манифе стациї, односно програми, под час манифе стацийох безплатни и доступни широкей публики – вец остава жичиц най би ше таки ювилеї и да лєй склада ли.
* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/7, 21000 Нови Сад * Редакция: одвичательни редакторe – Борис Варґа, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Олена Планчак-Сакач, Славица Фейса, Ана Маркович, Вероника Вуячич * новинарке/ки – Мария Афич, Влада Дїтко, Сандра Саламун, Златко Колєсар, Марина Джуджар * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-923244-82 * Девизни рахунок 1 6 0 - 0 0 5 0 8 7 0 0 2 4 9 9 9 - 5 3 * Р у ко п и с и ш е н є в р а ц а * Д ру ку є Д ру ка р н я ” M a x i m a g r a f ” П е т р о ва р а д и н * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *
Директорка МАРТИЦА ТАМАШ *** Главни одвичательни редактор ИВАН САБАДОШ
8. ЮНИЙ 2018.
РУСКЕ СЛОВО 3
ТИЖНЬОВНЇК ПРЕДСТАВНЇКИ РУСКЕЙ МАТКИ У НАЩИВИ ПОЛЬСКЕЙ
У РАМИКОХ ФЕСТИВАЛА И ЗАШЕДАНЄ ШВЕТОВЕЙ РАДИ Пише: Марина ДЖУДЖАР
У Кринїци у Польскей, 19. и 20. мая отримани 10. Медзинародни биєнале лемковскей/русинскей култури, а то була нагода же би зашедала и Шветова рада Руснацох/Русинох/Лемкох (РРЛ), та и ище єдна нагода розправяц о питаньох значних за положенє рускей/русинскей националней заєднїци у европских державох
Ф ЧЛЕНСТВО У „MINORITY SAFEPACK” Шветова рада розпатрала можлївосц членства у европским проєкту за витворйованє меншинских правох „Minority SafePack”. – Догварене же бизме шицки требали буц члени спомнутей орґанизациї, алє же треба же би ше кажда членска орґанизация Шветовей ради РРЛ требала самостойно учленїц. През членство у такей орґанизациї будземе вимагац прилапйованє универзалного закону о националних меншинох котри би требал важиц на териториї цалей Европи. Правда же иснує европска Повеля, алє вона нє обовязуюца и нє ма чежину закона – наглашує Дюра Папуґа.
4 РУСКЕ СЛОВО
естивал у Кринїци почал зоз кладзеньом квеца ґу памятнїку лемковскому малярови Нїкифорови Кринїцкому, дзе ше на його творчосц здогадли шицки учашнїки фестивалу, котри на ним були облєчени у своїм народним облєчиве, та потим з музику и писню шицки вєдно у колони рушели ґу сали дзе ше отримовал фестивал, цо источашнє означовало и початок ювилейного, 10. Медзинародного биєналу лемковскей/русинскей култури. Спомнути фестивал ше отримує од 2000. року, кажди други рок, зменююци ше зоз отримованьом Шветового конґресу РРЛ, з чим членски орґанизациї маю нагоду зашедац поряднє. На зашеданю Шветовей ради РРЛ, односно фестивалу були шицки членски орґанизациї, окрем представнїкох зоз Канади, Америки и Польскей. Векшина присутних орґанизацийох ше представела зоз свою културну творчосцу, цо нє бул случай зоз Руснацами зоз Сербиї. Зоз Сербиї до Кринїци спред Рускей матки (РМ) путовала лєм трочлена делеґация у составе предсидатель Дюра Папуґа, предсидатель Форуму рускей младежи Борис Фейди и Славко Пап, як поета и представнїк РМ у зашеданю Комисиї за масмедиї, информованє и видавательну дїялносц. – Першобутно було заплановане же би до Кринїци на фестивал путовал ансамбл КПД „Карпати” зоз Вербасу, за цо Руска матка пробовала обезпечиц средства у виносу 116 000 динари по проєкту з Покраїнского секре-
тарияту, цо була цена автобусного превозу. Нажаль, чи пре якешик нєпорозуменє, чи пре даєдну другу причину, ми по тей основи достали лєм скромни 20 000 динари, з чим зме лєдво подмирели драгово трошки на єдним авту – толкує предсидатель Рускей матки Дюра Папуґа. У рамикох фестивалу була орґанизована и вистава малюнкох лемковских/руских малярох. Малюнки приношели госцуюци, односно членски орґанизациї, медзитим, на тот завод нє викладани твори Влади Нярадия з Вербасу, пре административни процедури на гранїци уходу до Европскей униї. Як потолковал Папуґа, фестивал бул нагода и за отримованє успишного стретнуца поетох, на котрим присуствовало красне число тих котри творя на лемковским/руским язику. На стретнуцу, предсидатель Рускей матки представел Славка Папа як поету, а потим Пап пречитал и даскельо вибрани писнї. ДОДЗЕЛЄНА НАГРАДА ВАСИЛЬ ТУРОК ГЕТЕШ” ” Предшедуюци на зашеданю Шветовей ради РРЛ бул Штефан Лявинец з Мадярскей, а участвовал представнїк зоз Словацкей Мартин Караш, зоз Горватскей Мийо Шайтош, Никола Бобинєц зоз Закарпатя з України, Андрий Копча зоз Польскей, Ґеорґий Фирцак з Румуниї и Дюра Папуґа зоз Сербиї. 8. ЮНИЙ 2018.
tiznjovnjik@ruskeslovo.com
ЗАШЕДАНЯ КОМИСИЙОХ Зоз зашеданьом Шветовей ради РРЛ, источашнє було и зашеданє Комисиї за историю и Комисиї за масмедиї, односно информованє и видавательну дїялносц. На зашеданю Комисиї за историю, формално потвердзени мандат предсидательови, дипломованому историчарови, представнїкови РМ Борисови Фейдийови. – На тим зашеданю утвердзени и план роботи за наступни рок, точнєйше по юний 2019. року. Догварене же би ше робело на видаваню окремного Зборнїка роботох з найзначнєйшима историйнима датумами Руснацох/Лемкох и значнима особами у спомнутих заєднїцох, а зоз чим плановане направиц прегляднєйши и олєгчани приступ ґу таким информацийом. Догварене же би ше почало з видаваньом рочнїка, зборнїка наукових роботох котри подобни рочнїку Матици сербскей – гвари Папуґа. О видаваню того рочнїка Фейди бешедовал и на єдней зоз схадзкох УО РМ. Славко Пап присуствовал на зашеданю Комисиї за масмедиї, односно информованє и видавательну дїялносц. – Комисия за масмедиї, информованє и видавательну дїялносц дискутовала о випатрунку сайта, котри тераз загашени, алє будзе обновени, та його змисти буду обявйовани на русинским/лемковским язику, гоч було идеї же би бул лєм на анґлийским язику. Попри тим, бешедоване же на онлайн енциклопедиї Википедиї єст мало тексти по русински, та же и тоти написи котри обявени у себе маю полно нєточни факти, цо потребне повиправяц – дознаваме од Папуґи. Представнїки членских орґанизацийох буду робиц и на тим же би ше до спомнутей онлайн енциклопедиї зазначели и значни датуми за Руснацох, як цо то преслави Дня Руснацох у каждей держави, та и заєднїцки Дзень Руснацох на цалим швеце, 23. марец. ИЩЕ РАЗ О НАЦИОНАЛНИМ ПИТАНЮ На зашеданю Шветовей ради бешедоване и о одвитох котри достали на послати вимоги до українскей влади з намиру и вимогу за припознаванє русинскей националней меншини, язика и писма. – Исте послате и до Европскей униї и до Совиту ЕУ, а то и причина же бизме убудуце робели на тим. Так же плановане бешедовац зоз Мирославом Лайчаком, котри министер вонкашнїх дїлох у Словацкей, високи функционер Зєдинєних нацийох, а нєодлуга би ше мал врациц назад до Европского парламенту. Шветова рада будзе пробовац з його помоцу же би наша вимога спрам України голєм була положена на гласанє при українским парламенту, понеже по тераз зме вше достали неґативни одвит без дальшого розпатраня – дознаваме од Дюри Папуґи.■ 8. ЮНИЙ 2018.
СЕДМЕ СТРЕТНУЦЕ ПРЕДШКОЛСКИХ ДЗЕЦОХ ЗОЗ НАШИХ ОВОДОХ
ДРУЖЕНЄ БУДУЦИХ ШКОЛЯРОХ З РУСКИХ ОДДЗЕЛЄНЬОХ
Фото: В В.
Шветова рада насампредз розправяла и одлучовала кому будзе додзелєна тогорочна награда з обласци русинскей култури з меном Василя Турока Гетеша. Медзи трома кандидатами були предложени маляр Владо Няради з Вербасу, котрого предложела РМ, Михайло Чукран зоз Закарпатя, з Мукачева и Андрий Копча, котри предсидатель Стоваришеня Лемкох зоз Польскей. Спомедзи нїх Копча достал найвецей гласи учашнїкох зашеданя. После официйного зашеданя и гласаня, у шветочней часци фестивалу Копчови уручена награда, медзитим, источашнє було и урученє награди зоз 2016. року, тедишнєй лауреатки Олґи Прокоповей зоз Чинадиєва при Мукачеве, шпивачки котра ше занїма зоз русинску шпиванку, а по фаху є педаґоґиня. Прокоповей награда уручена зоз запожнєньом понеже теди нє була у можлївосци присуствовац на фестивалу, а познєйше нє було нагоди за тото.
У орґанизациї Одбору за образованє Националного совиту Руснацох, 1. юния отримане Седме стретнуце предшколских дзецох руских оддзелєньох з Руского Керестура, Коцура, Дюрдьова Як и потераз, циль стретнуца бул же би ше раз у року на єдним месце позберало шицки руски дзеци. На тот завод до Нового Саду припутовали штерацецеро дзеци. Вихователька Емилия Костич зоз Руского Керестура приведла дзеветнацецеро дзеци, а виховательки Ксения Уйфалуши и Марина Штрбац зоз Коцура и Марина Сабадош зоз Дюрдьова приведли по дзешецеро. Дзеци ше дружели и упознавали перше у дзецинским парку у Петроварадину, а потим и на Петроварадинскей твердинї, одкаль ше припатрали на цали Нови Сад. – Таки друженя дзецох предшколского возросту маме намиру и убудуце орґанизовац. Потераз отримани два круги друженьох у трох наших местох, а з тим седмим зме почали и треци круг. Шицки тоти дзеци потенциялни школяре у руских оддзелєньох и тот сход єден крочай блїжей же би ше родичи одшмелєли уписац свойо дзеци до руских оддзелєньох. През бависко, на таким стретнуцу ше упознаю, медзи собу бешедую по руски. Познєйше, кед уж постаню школяре, буду ше стретац на школских змаганьох и других наших манифестацийох – гварела Мелания Римар, предсидателька Одбору за образованє Националного совиту Руснацох. Як и шицки потераз, друженє наших прeдшколцох ище єден своєродни здогаднїк родичом же би потримали поволанку наших компетентних институцийох же би уписали дзеци до руских оддзелєньох. У тим школским року руски оддзелєня були лєм у Руским Керестуре и Коцуре. З оглядом же з тей нагоди на друженю предшколцох було дзеци зоз трох местох, Руского Керестура, Коцура и Дюрдьова, остава ше наздавац же од єшенї, од початку нового школского року будземе мац руске оддзелєнє и у Дюрдьове. Потераз таки файти друженьох були отримовани у оводох по наших местох, кед дзеци зоз своїма виховательками пририхтовали кратки и пригодни програми. Заварти простор оводох заменєни за бависко на отвореним. А. Паланчанин
РУСКЕ СЛОВО 5
ТИЖНЬОВНЇК АЛТЕРНАТИВНИ ЗВИТ О
ПОДПРЕДСИДАТЕЛЬ СНС МИЛОШ ВУЧЕВИЧ О КАДРОВСКИХ ПРЕМЕНКОХ
ОЛЄГЧАЦ
ПРЕВИПИТА ШЕ РОБОТА ШИЦКИХ ФУНКЦИОНЕРОХ Задзекованє предсидателя Општини Кула вимагала Аґенция за борбу процив корупциї и то була тема схадзки локалного парламенту ище 30. януара
Як преноша медиї, вецеймешачна криза локалней власци у кулскей општини закончела ше зоз подношеньом задзекованя предсидателя Општини Кула Перици Видеканїча. Його задзекованє вимагала Аґенция за борбу процив корупциї и то була тема схадзки локалного парламенту ище 30. януара, а понеже ше одборнїки вияшнєли процив вимоги Аґенциї, вон предлужел окончовац тоту длужносц. Подпредсидатель Сербскей напредней странки Милош Вучевич виявел же задзекованє предсидателя Општини Кула Перици Видеканїча нє нєобчековане и же будзе ище пременки на шицких уровньох власци. Вучевич здогаднул же зоз СНС скорей наявене же будзе превипитана робота шицких локалних, покраїнских и републичних функционерох. Звичайне оценьовац їх роботу и то согласне зоз одлуками Вивершного одбору странки, а о роботи предсидателя општини конєчне слово даю гражданє Кули. Замодлєни коментаровац задзекованє Видеканїча, Вучевич гварел же то нє будзе єдина пременка у Войводини. Аґенция за борбу процив корупциї 25. юлия 2017. року принєсла Ришенє о приношеню Мири явного обявйованя препоруки за розришенє з явней функциї предсисателя Општини Кула, Перици Видеканїча, на хторе вон поднєсол жалбу. Вона одбита 22. новембра 2017. року, а Аґенция прешлїдзела Инициятиву за його розришенє Скупштини општини (СО) Кула на гласанє початком того року. Аґенция за борбу процив корупциї послала СО Кула Инициятиву за розришенє предсидателя Видеканїча пре зраженє интересох, понеже супруга предсидателя Општини достала державну жем под аренду по праву першенства арендованя по основи занїманя зоз статкарством, и прето же подприємство його брата окончовало роботи за дакедишнє ЯП „Завод за вибудов” Кула, достати по основи явних набавкох, з толкованьом же предсидатель о можлївим зраженю интересох требал писмено обвисциц Аґенцию. Редакция/РТВ
6 РУСКЕ СЛОВО
На велїх местох, дзе би требали буц, ище вше нєт табли виписани на язикох националних меншинох. O тим нє потребне меняц свидомосц людзох зоз меншинскей заєднїци, алє свидомосц шицких гражданох
У
Медия центру у Беоґрадзе, 30. мая представени Алтернативни звит о защити правох националних меншинох у Републики Сербиї, на котрим участвовали снователь Форуму за етнїчни одношеня Душан Янїч, бувша заменїца покраїнского омбудсмана задлужена за питаня националних заєднїцох Ева Вукашинович и економиста Данило Шукович. На сходу оценєне же власци у Сербиї думаю же ше зоз ришованьом статусу Косова закончи процес ЕУ интеґрацийох, прето ше и нє пошвецую другим важним питаньом, як наприклад положенє националих меншинох. Ева Вукашинович твердзи же уставни рамик подло поставени у одношеню на закон, а тиж же Сербиї потребни нови Акцийни план котри би ше одношел на злєпшанє положеня меншинох. – Уписованє менох припаднїкох националних меншинох до особних документох нє колективне, алє особне право. Обачели зме мири котри би могли злєпшац роботу судийох на
8. ЮНИЙ 2018.
tiznjovnjik@ruskeslovo.com
ЗАЩИТИ ПРАВОХ НАЦИОНАЛНИХ МЕНШИНОХ
ЗАНЯТОСЦ МЕНШИНОМ язикох националних меншинох. Наприклад, маме случай у Войводини же ше судзеня одвиваю на мадярским язику, а пресуда вше по сербски – спозорює Вукашиновичова. Бувша заменїца покраїнского омбудсмана гвари же ше закончели шицки термини за приношенє законох, предвидзени зоз Акцийним планом и же їх примена барз подла. – Нє точне же реализовани шицки активносци. На велїх местох, дзе би требали буц, ище вше нєт табли виписани на язикох националних меншинох котри там у службеним хаснованю – толкує Вукашиновичова и додава же о тим нє потребне меняц свидомосц людзох зоз меншинскей заєднїци, алє свидомосц шицких гражданох. Душан Янїч гварел же ше Акцийни план за злєпшанє положеня националних меншинох нє може правуц на вимогу державох членох ЕУ, алє спрам потребох тих народох котри жию у Сербиї Економиста Данило Шукович гварел же занягани економски права националних меншинох, а тото питанє би требало буц у фокусу шицких мултинационалних штредкох, з чим би ше превозишло дискриминованє при доставаню роботи. – Важне поставиц нови критериюми при глєданю роботи. Вони треба же би ше одношели на представительох меншинских ґрупох, же би ше им олєгчало занятосц. За розлику од приватного, дзе шицко завиши од дзеки власнїка, державни сектор може и муши робиц на векшей заступеносци националних меншинох. Кед нєт резултати у тим сеґменту, вец нє можеме бешедовац о демократиї, шлєбоди и правди – гварел Бешич. Тот фаховец з обласци економиї гварел же Сербия децениями заостава по тим питаню у одношеню на други жеми.■ Medija centar/MinorityNews
STANOVISKA Пише: Александар САВАНОВИЧ, новинар
ПРЕЙҐ ГРАНЇЦИ Лєто єдини период у року кед сом сиґурни же ше векшина тих цо пошли до иножемства пошвидко, по рочним одпочивку зоз моря, горох, або озера – враца дому. Углавним сом навикнул же тоти цо оталь пойду, анї ше нє врацаю. Приду лєм на кратко, обиду своїх найблїзших, родзину и приятельох, а вец ше враца там дзе ше преселєли. Рочнє тота держава страци тельо людзох кельо ма єден Вербас. За тельо нас єст менєй. И так роками. Тоту информацию сом чул прейґ державней телевизиї и з оглядом же верим до єй релевантносци, застарал сом ше над нашу судьбу. Нє прето же сом народзени у Вербаше, алє прето же чи тот гипотетични „єден цали Вербас” жительох нє постанє „єдна цала Суботица”, або, нє дай Боже, „єден цали Нови Сад”. Менєй людзох. Кед ше лєм пообрацаме, познаме голєм єдну особу, а, верим, и вецей тих цо нєдавно одлучели свойо щесце и успих глєдац далєко од тей жеми. Дакеди то були млади людзе котри закончели школи и рушели до иножемства глєдац роботу. Медзитим, остатнї роки видзиме же до иножемства одходза дозрети людзе зоз дзецми и людзе старши одо мнє. А я мам 42 роки. То особи котри за собу маю роки роботного стажу и вельке искуство. То людзе котри за нашо условия мали аж и пристойнєйши плаци. А одлучели оталь пойсц. И тото цо найгорше, гоч кельо им чежко звикнуц ше у тих рокох на нове окруженє и менталитет, у єдним су катеґорчни – нє сцу ше врациц. Озбильно себе штудирам же цо там у иножемству тельо лєпше як у нас, у одношеню на нашу державу, же би ше людзе резиденти претворели на туристох котри до Сербиї приду на пар днї, кажди даскельо роки. Перше – можу путовац и до других державох, бо им робота оможлївює же би нащивели дестинациї о котрих ту лєм могли шнїц. Док глєдали роботу, опитали ше им цо знаю робиц и котри школи закончели, а нїхто им нє споминал членску карточку владаюцей странки. Там политика жиє у парламенту, институцийох системи, а нє як ту – на каждим углє, у каждим нашим обисцу, на улїци, у предавальнї... Там ше нє жиє од виберанкох по виберанки, а мерадло живота цалком иншаке и благороднєйше. Тоти цо их познам, там дзе пошли вецей нє поставяю кажде рано питанє чи буду мац за рахунки и чи им останє за каждодньови живот и за подзвигованє дзецох. Канада, ЗАД, Нємецка, Голандия, Данска, Ирска... держави до котрих кед бим нєнаявено пошол на два-три тижнї, було би велькей шанси же бим стретнул дакого познатого. Без огляду на пространство тей держави. И їх, и мнє, и каждого нормалного у тей держави гнїва празни бутєлар, пендранє ценох по нєбо, док нас политична верхушка прешвечує же зме нїґда так добре нє жили (то вони напевне же гей) и же партийна кнїжочка важнєйша од наукових званьох и дипломох. Же подобносц важнєйша од способносци. Жадам жиц у держави у котрей ме таки ствари нє буду нервовац, алє нє прето же сом на нїх „оґуґлал”, алє прето же там таке вецей нє будзе. И тоти людзе котри оталь пошли жадали жиц у такей держави. И тераз у нєй жию. А нам, котри зме ту остали, остава же бизме з рока на рок констатовали же ище єден Вербас – скапал. Становиска висловени у тим тексту виключно авторово и нє вше одражую ушорйовацку политику новинох „Руске слово”
8. ЮНИЙ 2018.
РУСКЕ СЛОВО 7
НАШО МЕСТА МОТО КЛУБ „ПЕҐАСУС” З КОЦУРА
ПРЕСЛАВЕЛИ СВОЙ РОДЗЕНИ ДЗЕНЬ Мото клуб „Пеґасус” прешого викенду, односно од 1. по 3. юний преславел свой 12. родзени дзень и з тей нагоди, уж по традициї, до Коцура пришли байкере з цалей Сербиї и зоз реґиону. У крашнє ушореним просторе мото клуба „Пеґасус”, орґанизоване мото стретнуце котре почало пияток пополадню зоз приходом перших байкерох и тирвало до нєдзелї рана кед зоз кафу випровадзени госци котри камповали у Коцуре. Пияток и всоботу вечар отримани концерти на котрих наступели рок бенди. Мото клуб „Пеґасус” родзени дзень преславел у одличней атмосфери, красна хвиля потримала стретнуце на отвореним, та шицки котри пришли на мото стретнуце були одлично розположени и дружели ше у добре познатей байкерскей атмосфери. Пияток, 1. юния, до Коцура почали сциговац перши госци зоз шицких републикох бувшей Югославиї, Мадярскей, Австриї, Нємецкей, а дочекани су зоз пицом, паприґашом и у ритму рок музики. Исти вечар бул перши рок концерт на котрим грали ґрупи „Last train” зоз Бечею и „Прляви Ромео” зоз Апатину. Всоботу пополадню ше у Клубе позберало красне число моторкашох, було коло 500 моторки, за шицких нащивительох порихтана „байкерска пасуля”, а потим бул и дефиле по Коцуре котри закончении на площи Николи Пашича у Вербаше, дзе байкере, вєдно зоз полицию, отримали указуюцу вежбу под назву „Без алкоголу на
двох колєсох” у котрей пояшнєни правила о безпечним транспорту. После дефилеа моторкаше ше врацели до Коцура и предлужели зоз преславу и рок концертом. Всоботу на концерту наступали ґрупи „Кикс бенд” зоз Вербасу и „Хамер бенд” зоз Нового Саду. У ОШ „Братство єдинство”, у догварки зоз членами Мото клубу „Пеґасус” положели шкатулу до котрей ше зберало добродзечни прилоги за Желька Шанту, та на тот способ до акциї уключели и байкерох. З рока на рок, кажди перши викенд у юнию Коцур ожиє дзекуюци Мвото клубу „Пеґасус” котри прави добру атмосферу и зазберує вше вецей любительох рок музики и моторкох у своїм клубе. З. Колєсар
РУСКИ КЕРЕСТУР
ПЕЙДЗЕШАТ РОКИ МАЛЕЙ МАТУРИ У Руским Керестуре, 26. мая отримани сход ґенерациї народзених 1953. року, хтори з тей нагоди означели 50 роки од законченя Основней школи „Петро Кузмяк”.
8 РУСКЕ СЛОВО
Як дознаваме, у ґенерациї их було 113, цо нєшка нє мож задумац, а були подзелєни у трох оддзелєньох. Учителє им були Витомир Бодянєц, Владимир Фа Ґалуска и Мелания Сакач, нєшка уж шицки покойни. Нажаль, и од школярох двацец шесцеро уж нє медзи живима, а на сход 50-рочнїци од законченя основней школи, та и 65 роки живота ше зишли трицецеро. И їх ґенерацию живот розошал по велїх местох нашей жеми и иножемства, та и на сход два особи пришли аж зоз Нємецкей, єден Австралиянєц ше нєдавно врацел до Керестура итд. Цо ше дотика образованя, велї школяре и тей ґенерациї позакончовали и високи школи, та дзепоєдни робели, або робя як успишни лїкаре специялисти, технолоґове, професоре, наставнїки, або ремеселнїки рижних фахох, чи польодїлци и ґаздинї. На сходу у керестурским ресторану „Червена ружа” ше барз крашнє препровадзели у дружтвованю и з музику, та пожадали знова ше зисц о два роки. М. А. 8. ЮНИЙ 2018.
mesta@ruskeslovo.com
ГУМАНИТАРНА АКЦИЯ У КОЦУРЕ
ЖЕЛЬКОВИ ПОТРЕБНА ИЩЕ ЄДНА ОПЕРАЦИЯ ОЧОХ У Коцуре знова порушана гуманитарна акция у котрей потребне назберац 5 000 евра за Желька Шанту, односно за його операцию очох у Русиї. Желько у юлию прешлого року бул у Калуґи, у Русиї на операциї ока, котра прешла успишно и дзекуюци гуманим особом котри помогли Шантовим же би сина одведли на операцию. После успишней операциї Шантово думали же конєчно можу оддихнуц, алє ше зявел ище єден проблем з очми, а же би го ришели, за операцию знова потребни пенєж и порушана нова гуманитарна акция, до котрей ше перша уключела школа у Коцуре. До конца юния треба назберац 5 000 евра же би Желько, школяр трецей класи ОШ „Братство єдинство” пошол до Русиї на операцию очох, односно, на поступок котри ше вола витректомия. Перша ше до новей гуманитарней акциї уключела ОШ „Братство єдинство” котра прешлого тижня орґанизовала гуманитарну журку за школярох од 5. по 8. класу и назберане 14 800 динари. Окрем журки школяре трецей класи зоз родичами и учительку Виолету Рашета пре-
шлого пиятку на пияцу у Коцуре предавали вишнї, компоти, сирупи, бетонски фиґури и прикраски зоз декупажи, а заробени пенєж подаровали за лїченє свойого товариша зоз оддзелєня. ОШ „Братство єдинство” шкатулу за зберанє добродзечного прилогу за Желька поставела и на мото стретнуце котре прешлого викенду було отримане у Коцуре и на тот способ и коцурских байкерох уключела до тей гуманитарней акциї. Поволую ше людзе добрей дзеки и тоти котри можу помогнуц зоз своїм добродзечним прилогом же би ше приключели до тей гуманитарней акциї. До на цию мож упла циц на жи ро-ра ху нок Же ль ко во го оца: Ти хо мир Шан та, Бан ка Ин те за, а чи сло жи ро-ра хун ку: 160-
5800101032234-53. Прешлого року у гуманитарней акциї за Желька назберане 3 000 евра и вон успишно оперовани у Русиї, а тераз му знова потребна помоц, та Основна школа „Братство єдинство” порушала нову акцию. З. Колєсар
ВЕРБАС
ОКРУГЛИ ЮВИЛЕЙ ҐЕНЕРАЦИЇ Прешлого викенду ше у вербаскей Ґимназиї „Жарко Зренянин” зишли матуранти дакедишнєй Висшей мишаней ґимназиї, хтори тоту школу закончели школского 1957–1958. року. Од шейдзешат троїх кельо их було у ґенерациї, двацецседмеро медзи нами, а на сход пришли двацецеро, и
8. ЮНИЙ 2018.
то нє лєм з Вербасу и околних местох, алє аж зоз Подґорици, Беоґраду, Нового Саду, Берчкей... Матуранти ше у Шветочней сали спомнутей Ґимназиї здогадовали на заєднїцки мили памятки, и споминали же док були школяре, так ше крашнє дружели же кажди дзень и ужину дзелєли. После школованя даєдни з нїх були министрове, професоре на факултету, предсидателє суду, директоре школох, катастру, а медзи нїма бул и вершински атлетичар Владислав Няради. На сходзе була и Коцурска, односно Тереза Горняк, одата Недич, хтора под час роботного вику робела як фармацеут, и була специялиста биохемиї. Свою „округлу” рочнїцу присутни вєдно орґанизовали, а после годзини у Ґимназиї, и здогадованя на школски днї, друженє предлужене у єдним вербаским погосцительним обєкту. А. М.
РУСКЕ СЛОВО 9
НАШО МЕСТА РОБОТНА АКЦИЯ НА ТЕМЕТОВЕ У РУСКИМ КЕРЕСТУРЕ
РОЗКЕРЧЕНИ ГЕКТАР ПОВЕРХНОСЦИ У акциї на розкерчованю старей часци керестурского теметова поза каплїцу, всоботу, 2. юния, участвовали коло 50 особи з Керестура, а и з околних местох општини Кула, та розчисцени гектар поверхносци. Пред акцию, приход до тей часци з баґером розчисцел власнїк подприємства Еделински д. о. о. а у акциї векшином участвовали члени валалских Здруженьох рибарох „Коляк”, Конїцкого клубу „Русин”, Добродзечного огньогасного дружтва и други, як и члени Церковного одбору (ЦО). Акцию иницировал Месни одбор Сербскей напредней странки з предсидательом Иґором Фейдийом, у сотруднїцтве з Церковним одбором керестурскей парохиї хтора власнїк теметова, и предсидателями спомнутих здруженьох. У орґанизациї участвовала и Месна заєднїца (МЗ) и спомнути керестурски здруженя. Вельки громади розкерчених конарох жителє можу вжац за огрив, а цо останє на єшень будзе запелєне. Як дознаваме од єдного з орґанизаторох акциї предсидателя Совиту МЗ Владимира Олеяра, тиж на єшень, планована ище єдна акция у тей часци теметова. – У тей роботи хтора хасновита за наш валал, барз нам було интересантне кед зме нашли найстарши гроб зоз 1882. року. Так ше пред нашима очми зявела вецей як сторочна история Керестура и Руснацох чийо ше потомки нєшка розошали ширцом швета. Було нам барз упечатлїве по тих гробох видзиц яку судьбу наш народ преходзел, од чежких хоротох як колера, чума, тифус, од хторих умерали лєм цо народзени дзеци и млади мацери, хлапци погинути и при-
нєшени зоз двох шветових войнох... – виприповедал нам Олеяр. Тутор теметова и член Церковного одбору Михайло Рац задовольни з тим цо поробене у тей акциїː – Барз вельо поробене и мило нам же телї пришли помогнуц, бо теметов шицких нас, та лєм вєдно вельо мож и поробиц, гоч ше Церковни одбор ма старац о теметове, за то нє ма анї досц часу. анї моци, анї потребни алат, так же тераз зоз тримерами, моторнима пилами и з баґером наисце вельо поробене. Ми тераз плануєме попирскац зоз специялним гербицидом за древка, а кед ше на єшень ище раз будзе чисциц, и кед ше будзе и далєй тота часц отримовац, нєодлуга там годно порихтац и нови гробни места – заключел тутор Рац. М. А
У РУСКИМ КЕРЕСТУРЕ
БАМБИЙОВЦИ ОЗНАЧЕЛИ ДЗЕНЬ ЕКОЛОҐИЇ Дзеци зоз керестурскей Дзецинскей заградки „Цицибан”, хтора спада до ПУ „Бамби” з Кули, вовторок, 5. юния, означели Дзень защити животного штредку з традицийним маскенбалом. Уручели и подзекованє двом оцом, Милетови Зеличови и Ґоранови Петковичови, за оправянє їх бавискох у парку у Дзецинскей заградки. О защити животного штредку оводаше, прикладно возросту у своїх воспитних ґрупох учели цали прешли тидзень. Тиж заєднїцки виписали и плакати з еколоґийнима порученями и обешели их на капуру своєй оводи же би валалчанох здогадли на тот значни дзень. Пред вечаром, з традицийним маскенбалом у найрижнороднєйших маскох висликовали ше у дворе своєй оводи, а потим прешпацирали през центер валала док их провадзели фамилия и велї други Керестурци. Шпацир ше закончел у валалским дзецинским парку, дзе учителька Емилка Костич у мено „Бамбия” двом спомнутим оцом хтори маю дзеци у тей установи подзековала за їх самоинициятивну помоц, а подзекованя им уручели їх дзеци. Ґрупа предшколских и младших дзецох потим присутним вишпивали даскельо шпиванки зоз еколоґийнима порученями. М. А.
10 РУСКЕ СЛОВО
ВИБЕРАНКИ ЗА СОВИТ МЗ РУСКИ KEРЕСТУР
ГЛАСАНЄ 8.ЮЛИЯ Предсидатель Скупштини општини Кула Велибор Милоїчич розписал виберанки за нове зволанє Совиту Месней заєднїци Руски Керестур. На виберанкох котри буду отримани 8. юлия, будзе ше гласац за нових єденац членох Совиту. Виберанки буду запровадзени по виберацким списку котри утвердзени за вибор предсидателя Републики котри були отримани 2. априла 2017. року, зоз вименками и дополнєнями котри настали после запровадзених виберанкох за предсидателя. Од стреди, 6. юния, почал период предвиберанковей кампанї за лїстини котри ше буду кандидовац на наступних виберанкох за Совит Месней заєднїци Руски Керестур. М. Дж. 8. ЮНИЙ 2018.
mesta@ruskeslovo.com
У ВЕРБАШЕ ОТРИМАНА ТРЕЦА МАНИФЕСТАЦИЯ „ПАЖЛЇВКО”
ВАЖНА ТРАНСПОРТНА ЕДУКАЦИЯ У Вербаше пондзелок отримана треца по шоре манифе стация „Пажлївко” у рамикох проєкту „Полиция у локалней заєднїци” хтори витворени з цильом же би ше дзеци предшколского возросту през транспортну едукацию, у тирваню од двох мешацох, лєпше пририхтали за школу Дзеци з Предшколскей установи „Бошко Буха” ше змагали на централней площи Никола Пашич у городзе, а найлєпши змагателє и екипи достали дипломи и награди хтори обезпечела Аґенция за безпечносц транспорту. Окрем Вербащаньох, на транспортним полиґону на централней площи участвовали и екипи зоз Србобрану, Нового Саду и Беочину, та то була и наймасовнєйша орґанизация по тераз. Участвовали коло 300 дзеци од 5 и 7 роки, и з тей нагоди указали добре знанє о безпечним справованю у транспорту, транспортних знакох и подобне. Як визначела директорка ПУ „Бошко Буха” Марина Маринкович, двомешачну транспортну едукацию каждого року нащивя коло 500 предшколци зоз шицких оводох општини. Началнїк Полицийней станїци у Вербаше Владо Ґлодьович акцентовал же дзеци предшколского возросту хтори ше осамостоюю як пешаки, вожаче ролерох, або бициґлох, представяю найзагроженшу катеґорию учашнїкох у транспорту, а едукация найзначнєйша за їх защиту од транспортних нєщесцох.
– Попри наградох, того року зме приведли и маскоту Пажлївка хторого дзеци барз любя и чийо совити у вязи з правилами справованя у транспорту дзечнє слухаю. Думам же Вербас ище раз одлично орґанизовал цали проєкт, та и саме финале – гварел з тей нагоди совитнїк директора Аґенциї за безпечносц транспорту з Беоґраду Милан Илич. Познанє транспортних предписаньох оценьовали воспитаче и полицийни службенїки, а пре добри резултати и квалитет, тот проєкт ше запровадзує у ище трох войводянских општинох. А. М.
КОЦУРСКИ ШКОЛЯРЕ У НАЩИВИ СУБОТИЦКЕЙ ШКОЛИ
ТОВАРИШСТВО НЄ МА ГРАНЇЦИ Прешлого року, у септембру, цалком спонтано почало єдно интересантне сотруднїцтво медзи коцурску ОШ „Братство єдинство” и суботицку ОШ „Кизур Иштван”, на инициятиву школярох зоз тих школох Коцурец, Желько Перенчевич, школяр штвартей класи ОШ „Братство єдинство”, пред двома роками зоз фамелию, пре оцову роботу, жил у Суботици и там ходзел до школи „Кизур Иштван”, а потим ше знова врацели до Коцура, алє моцна вяза медзи товаришами зоз класи остала. Желько ше нательо зблїжел зоз школярами у Суботици и нахвалєл им Коцур же вони пожадали нащивиц и Коцур и Жельков дом у Коцуре. Тото жаданє дало идею Жельковей бувшей учительки же би орґанизовано цала класа пришла до Коцура,
8. ЮНИЙ 2018.
нащивела коцурски значни места и упознала Желькових товаришох. Суботичанє у Коцуре були у септембру прешлого року, а прешлого тижня Коцурци врацели нащиву. Зоз школярами до Суботици пошла учителька Єлена Русковски и Желькова мац Мирела Перенчевич, котра єдна зоз иницияторох зблїжованя двох школох. Окрем Жельковей мами, на мини екскурзию пошли и други родичи Желькових товаришох: Ясмина Буша, Таня Майкич, Ясминка Паунович, Таня Стєпович и Ацо Нешич, дїдо єдного школяра. Коцурских школярох у Суботици привитали учителька Татяна Параґ и директор школи Деян Андєлкович и на початку нащиви перше обишли Школу „Кизур Иштван”, а потим и суботицку церкву. Дзеци ше бавели у дзецинским парку у центре Суботици, а там нащивели и Городску хижу, Белаву фонтану, театер и о каждей институциї школяре суботицкей школи виприповедали найзначнєйши информациї. У центре, Коцурци и Суботичанє були у найстаршей сладоледарнї у Суботици у котрей були почасцени зоз сладолядом. Нєзаобиходне место, кед ше нащиви Суботица и Зоолоґийна заграда у котрей дзеци уживали, а од животиньох найвекшу увагу прицагнул им тапир. Друженє школярох зоз Коцура и Суботици закончене у бавилїщу, зоз наздаваньом же ше пошвидко знова стретню и буду уживац у друженю. З. К.
РУСКЕ СЛОВО 11
ЕКОНОМИЯ ЕКСПАНЗИЯ ПАПРИҐАРСТВА У КОЦУРЕ
ОЧЕКОВАНЄ ДОБРОГО ЗАРОБКУ, АЛЄ И ОБАВАНЄ
Коцурски польопривреднїки остатнї даскельо роки ше вше баржей обрацаю ґу продукциї желєняви и овоци. Окрем стандардних културох як цо то кукурица, слунечнїк, жито и соя, у коцурским хотаре тераз вше вецей мож видзиц малини, чия експанзия була прешлого року, потим паприґу, карфиол, або овоцнїки зоз лїсковцами Пише: Златко КОЛЄСАР
ВЕЛЬО ЗАВИШИ ЯКИ БУДЗЕ РОК Кед у питаню паприґарство у Коцуре, вельо завиши од того року, и кед вон прейдзе добре, шлїдуюцого року бизме, окрем ище векших поверхносцох под паприґу, могли очековац и повязованє коцурских паприґарох до даякого здруженя прейґ котрого би лєгчейше було ушориц тарґовище, одкупне место, орґанизовац рижни преподаваня о паприґи и едукациї котри унапредза продукцию тей култури у коцурским хотаре.
12 РУСКЕ СЛОВО
П
решлорочни добри паприґарски рок одшмелєл велїх у Коцуре же би ше спатрели на Керестурцох и на свойо поля засадзели паприґу. Понеже у Коцуре робота зоз паприґу нє на таким уровню як, наприклад, у Руским Керестуре, дзе паприґаре маю здруженя и задруґу, та нє мож точно преценїц же кельо гольти тей култури будзе того року у Коцуре. З искуства, заш лєм, преценює ше же будзе коло 50 гольти. Правда, то ище вельо менєй як у Руским Керестуре, медзитим кед ше вежнє до огляду же прешлого року поверхносци под паприґу у Коцуре було коло 10-15 гольти, а роками пред тим ище менєй, вец очиглядне же ше и коцурски парасти помали обрацаю ґу продукциї паприґи. УЧИ ШЕ И НА ГРИШКОХ Велїм главна причина прецо засадзели паприґу на свойо поля, то пенєж и добри прешлорочни заробок. Медзитим, то годзен буц проблем, понеже су нє свидоми кельо их роботи очекує и як чежко випродуковац добру паприґу. Стриберово, Юлин и Оля, медзи першима у Коцуре почали робиц зоз паприґу и у тей роботи су уж коло 20 роки.
Оля гвари же млади котри тераз починаю робиц зоз паприґу у вельо векшей предносци, понеже ту и интернет и можлївосц анґажовац защитара, а кед вони починали того теди нє було. – Кед зме починали, теди нє було интернету дзе можеш шицко видзиц цо це интересує – гварела Оля Стрибер. – Шицке знанє котре нєшка маме коло продукциї паприґи углавним зме научели зоз своїх и цудзих гришкох. Наприклад, осиґуровац зме почали аж кед зме видзели же сушедову паприґу пред обераньом ляд так побил же остали лєм палїчки. Младим можем поручиц же и тоту роботу, як и кажду другу, мушиш любиц, а кед ци лєм динари и рахунок у глави, вец ше од тей роботи швидко одустанє. Стриберово уж роками садза коло 2-3 гольти паприґи и гваря же то поверхносц котру мож квалитетно и добре поробиц, а углавним принєше заробок од котрого фамелия може нормално жиц. ДЗЕПОЄДНИ НЄ СВИДОМИ ЖЕ ЯКА ИХ РОБОТА ЧЕКА – Думам же векшина нових паприґарох, нормално єст ту и озбильних парастох за 8. ЮНИЙ 2018.
ekonomija@ruskeslovo.com
котрих нє сумням же поробя добре роботу, нє свидоми же яка их робота чека – надовязал ше Юлин Стрибер. – Кед почнє сезона, муши ше кажди дзень пойсц, обисц паприґу. Мнє ше случовало же зме зоз жену рано пошли, обишлица лу поверхносц, вид зели же шицко добре и пришли дому. Медзитим, пополадню сом пошол залївац, прешол по нєй и видзел пременку и такой сом ишол дому по пирскачку и пошол опирскац. Рано або було шицко добре, або нам премахло, а пополадню уж було за пирсканє. Тиж так, барз значне анґажовац защитара, бо то нє вельки трошок, а маце сиґурносц и точно знаце цо кеди треба робиц. Уж тераз, кед ше прейдзе коло польох дзе єст паприґа мож видзиц же хто будзе яки паприґар – заключує Юлин. Стриберово думаю же тота експанзия паприґи у Коцуре ма и добри и подли боки. Добри тоти же векше количество паприґи прицагнє вецей накупцох, годно орґанизовац и одкуп, та би ше зменшало и трошки, алє и ушпоровало на часу. Подли бок тото же пре векше количество паприґи годно буц и вецей хороти котри преноша инсекти, витор и будзе ю дакус чежше зачувац. ДОБРИ ПРЕШЛИ РОК ОДШМЕЛЄЛ КОЦУРЦОХ У Коцуре паприґаре, котри прешлого року першираз посадзели паприґу, того року углав-
У НОВИМ ОРАХОВЕ
ПОЧАЛА ЖАТВА ЯРЦУ Юлин Стрибер
ним звекшали поверхно сци, а єст и таких котри тоту културу того року першираз положели и то на два, три та и вецей як штири гольти. Муничово, Боян и Срдян, у Коцуре на гласу як озбильни польопривреднїки котри обрабяю коло 140 гольти, на котрих маю посадзене кукурицу, слунечнїк и жито. Того року першираз посадзели паприґу на коло 2 гольти. – О продукциї паприґи роздумуєм уж даскельо роки, алє сом чул же кельо єст роботи коло нєй, та сом ше нїяк нє одлучовал посадзиц, понеже сом нє бул сиґурни чи постарчиме поробиц як тому шор – гвари Срдян Мунич. – Щиро, того року сом преламал и положели зме паприґу пре барз добри прешли паприґарски рок. Нє лєм я, алє и велї други. Видзи ми ше же зме анї нє свидоми кельо нас роботи очекує у паприґи, я аж тераз кед ше розсадзує видзим же то кус вецей як цо сом задумовал. Алє, наздавам ше же зоз роботнїками посцигнєме шицко поробиц як спада. Найчежше будзе кед ше почнє кошиц слунечнїк и ламац кукурицу, понеже ше теди и паприґу обера, алє потрудзиме ше шицко виорґанизовац – потвердзел Мунич.■
Срдян Мунич
8. ЮНИЙ 2018.
У новоораховским хотаре прешлого тижня, точнєйше 30 мая, почала жатва ярцу. Ярец пошати у оптималним термину дозрел скоро мешац скорей як звичайно.
Єшеньска хвиля погодовала же би ше рошлїна добре розвивала, влаги було надосц, а шицкому допринєсла и блага жима. Вяри диждж спаднул кед бул найпотребнєйши, а концом мая пришла красна хвиля, нє пребарз горуца за тоту културу и ярец дозрел. Перши до хотара зоз комбайну вишол Анти Янушко. – Ярец зме пошали од першого по пияти октобер, жем добре пририхтана, а руцел сом минимум и штучного гною – гварел Анти. – Першу парцелу зме покошели 30. мая, цо ше нє памета же би ярец так вчас дозрел. Влага була 10,2 проценти, а кед зарно прешло през машину влага була коло 11,5 одсто. Понеже маме рогатого статку, єдну часц сом положел до силосу, а остаток зме предали – констатовал Анти. На першей парцели цо покошели Янушково, зродзело ше коло 41 метери по гольту, док на других парцелох урожай бул дакус слабши, алє просеково ше зродзело коло 39 метери по гольту. У новоораховским хотаре концом априла и початком мая спадло надосц дижджу, цо добре, бо ше на тих просторох людзе углавним поносую на суху хвилю и же их паданя заобиходза. Як ше потераз указує, и жито добре зродзело, а и слунєчнїк и кукурица потераз барз крашнє напредую. Лю. Рац
РУСКЕ СЛОВО 13
ЕКОНОМИЯ ПРОДУКЦИЯ И ПРЕРОБОК АРОНИЇ У РУСКИМ КЕРЕСТУРЕ
ЧАРНИ БОБКИ ПЕСТОВАНИ НА ОРҐАНСКИ СПОСОБ
Пише: Марина ДЖУДЖАР
Бобки арониї штреднє чежки коло 1 ґрам, та же би ше наоберало єден килограм треба дакус вецей труду як кед обераме вишнї, а зоз обераньом паприґи анї нє мож поровнац. Арония богата зоз витаминами А, Ц, Е и П, попри тим у своїм составе ма флаваноиди, антоцияни и биофеноли, та и танин пре котри ше морщиме кед єме тоту овоц
Д
ипломовани инжинєр технолоґ Мария Дюрич жиє и роби у Новим Сад зе у своїм фаху, алє на валалє з помоцу родичох пе стує аронию и прави продукти з нєй. Аронию у Руским Кере стуре по сад зели пред штирома роками, о рок звекшали поверхно сци, а источашнє ше намагала направиц власни продукт, под своїм меном, на котри буд зе пишна и за чий квалитет годна ґарантовац. Приоритет єй була здрава, одно сно орґанска продукция, а идея настала од того кед єй дохтор препоручел же би пременєла спо соб живота и же би ше поча ла здрав ше ко сти рац. Дзекуюци свойому фаху знала зоз чим ше стретаме у продуктох котри купуєме. Преробки полни з конзервансами, а овоц и желєнява часто третировани зоз забранєнима препаратами, або зоз їх ве льо век шим коли че ством, та єст и таки случаї
14 РУСКЕ СЛОВО
же без огляду на „каренцу”, вони ше обераю и пласую до предавальньох. – По сле власних виглєдованьох и нама га нь ох ґу здра вому сти лу жи вота, пред даскельома роками сом дознала за аронию. Мушим припознац же сом теди з помоцу арониї под звигла имунитет, алє барз ми було чежко кед сом ю єдла швижу, та сом ю хасновала у рижних овоцових шалатох зоз дюмбиром и медом. Швидко ше род зела и идея о „Маровим шпайзу” – бренду котри промовуєме. Вихасновала сом искуство технолоґа, а зоз потримовку фамелиї, оца Стеви и мацери Нади зме по сад зели перши младнїки арониї – толковала Мария. Скорей як по сад зели, мешацами вєдно зоз супругом виглєдова ла яку фай ту по сад зиц, а зоз оцом през викенд у загради чита ли литературу о орґан скей продукциї. Як гварела, нє зна ли вельо о орґанскей продукциї, алє ма ли иску ства у конвенционалней заградкар скей продукциї у завартим про сторе, цо им дакус помогло. 8. ЮНИЙ 2018.
ekonomija@ruskeslovo.com
Нє ис ку ство у тей об ла сци их лєм од шме лє ло за да ль шу ро бо ту. Нє одлу га на пра ве ли хлад за ль ню и по гон за продук цию мад жу нох у роди чох на ва ла лє. ПЕЛИН, ПОКРИВА И ЗЕОЛИТ ЗА ЗАЩИТУ Оцец тот котри задлужени же би керестурска арония була у полней „кондициї”. Вон провадзи чкодлївцох и евентуални пременки на рошлїни, поряднє коши младу покриву котру у гордовох пририхтує за пирсканє. – Наша арония наисце нє видзела нїяки отрови, у защити нє хаснуєме аж анї препарати на бази бакру котри дошлєбодзени у орґанскей продукциї, успишно ше знаходзиме и без того – гварел оцец Стево. – Вимага вельо бриґи, а цалком иншак пестовац аронию у Войводини и у брещковитих предїлох. Ми ту маме нєвигодну ситуацию коло того же ше вода затримує длужей, маме частейши випарйованя, а з тим и условия за хороти. Но, то шицко удатно ришуєме зоз природнима препаратами як цо то пелин, зеолит, покрива, з котрей пририхтуєме змишанїну за пирсканє. ОЧЕКУЮ УРОЖАЙ 7 ДО 8 ТОНИ Стево констатовал же зоз 840 древкох котри посадзени у двох заградох у валалє обчекую урожай од 7 до 8 тони. Тиж, наглашел же им прешлого року каменєц направел вельку чкоду, а пошлїдки у зменшаню рода годно обачиц ище того року, понеже каменєц нє лєм же поотлукал бобки, алє и младнїки котри требали буц родни тей сезони. Арония нє церпи нїяки коровча, поряднє ю плєю и окопую. Як нам потолковала мац Нада, вона задлужена же би арония була без коровча, цо наисце чежко. – Медзи шорами арониї нєт вельо места, а з оглядом же є велька, анї нє мож ходзиц и копац коло нєй з мотику. Шицке коровче плєєме на колєнох и зоз вельку осторо-
8. ЮНИЙ 2018.
жносцу же би ше нє ламало родни ґранча – виприповедала Нада. НА СЕРТИФИКАТ ШЕ ЧЕКА НАЙМЕНЄЙ ТРИ РОКИ Мария зоз фамелию ше опредзелєла за продукцию здравей поживи, на орґански способ, прето хасную шицки еколоґийни препарати. Сертификат о орґанскей продукциї ище нє пробовали достац, алє гваря же им и то у плану. Правда, то процес котри тирва найменєй три роки, а потребне сполнїц и велї условия. – Пестованє арониї вимага вельо труду и усиловносци. Наша штиророчна плантажа уж висока коло 150 цм, тераз є у фази формованя бобкох котри би требало оберац штредком авґуста, алє шицко указує же веґетация попонагляла, та же оберачка годна почац можебуц и скорей – толкує оцец Стево, та додава же им чежше найсц и роботнїкох, понеже теди почина и оберачка паприґи, алє же ище вше нашли потребне число. ПРОДУКЦИЯ НА ВАЛАЛЄ, А ПРОМОЦИЇ И У НОВИМ САДЗЕ Мария вєдно зоз мацеру водзи бриґу коло преробку, а зоз супругом орґанизує промоциї по Новим Садзе и глєда дистрибутерох за єй продукт. – Процес продукциї почина после дозреваня бобкох, лєм технолоґийно дозрети бобки мож хасновац у дальшим преробку. Мац задлужена же би аронию умила у трох водох, а дзекуюци тому же є таки перфекциониста, з води вибера и бобки котри нє задоволюю високи критериюми першей класи за продукцию – толкує технолоґ Мария. Потераз понукаю штири файти маджунох, спомедзи котрих єден без билого цукру, а у плану им од тей сезони почац правиц и сок без конзервансу. – Маджуни правиме на традицийни способ, без адитивох, конзервансу, фарбох и желатину. Маджун готови теди кед ше цукер у нїм карамелизує, аж теди ма свой совершени смак. Продукуєме маджун од арониї зоз додатком других овоцох, так же маме аронию зоз вишню, грушку, ягоду и малину. Понукаме и маджун з арониї и малини зоз додатком фруктози, цо значи же го можу єсц особи котри нє єдза били цукер – гварела Мария. Свойо продукти рекламує на фейсбук мрежи, орґанизує промоциї по Новим Садзе у предавальньох здравей поживи, на пияцох, а кед ше єй уда та нащиви и даєдну манифестацию за промоцию подобних продуктох.■
АРОНИЯ ЯК ЄДЗЕНЄ И ЛЇК Як толкує наша собешеднїца Мария Дюрич, фаховци препоручую аронию и як єдзенє и як лїк. Полна є зоз антиоксидансами, прецо ма и антиканцероґене дїйство, позитивно дїйствує на шерцо и кревову систему, детоксикує наш орґанизем и моцнї имунитет, а мож ю єсц як сирову, алє и у преробкох, як цо то маджуни и соки котри у планє продукциї.
РУСКЕ СЛОВО 15
КУЛТУРА И ПРОСВИТА УТВЕРДЗЕНИ ПРОГРАМИ 57. ФЕСТИВАЛА РУСКЕЙ КУЛТУРИ
„ЧЕРВЕНА РУЖА” О ТРИ ТИЖНЇ На схадзки Програмного и Орґанизацийного одбору 57. Фестивала рускей култури „Червена ружа”, котра отримана 29. мая, утвердзени програми Фестивала хтори будзе 29. и 30. юния. Пременка на скорейши предкладаня же манифестация „Червена ружа”, як змаганє младих шпивачох и музичарох, будзе отримана перши вечар, пияток, 29. юния. За Фестивал обезпечени милион 270 тисячи динари. Того дня Фестивал будзе отворени з виставу малюнкох младей уметнїци Лари Петкович з Нового Саду на 16,30 годзин, а на 17,00 почина ювилейне 50. „Червене пупче”, хторе будзе у духу свойого родзеного дня, а попри традицийних и модерних танцох буду виведзени и 10 нови композициї за дзеци. У предлуженю, на 22 годзин почнє „Червена ружа”, змаганє младих шпивачох и музичарох у забавним духу, хтора того року будзе мац пременєну концепцию. У 10 точкох будзе змаганє за найкрасши дзивоцки глас, за найлєпшу авторску композицию и най-
лєпши вкупни наступ, а буду додзелєни и три пенєжни награди. За найкрасши дзивоцки глас предвидзена кошарка червених ружох и 5 000 динари, за авторску композицию награда виноши 10 000, а наградзени за найлєпши вкупни наступ достанє 5 000 динари. Того року нє будзе змаганє за найкрасши леґиньски глас пре нєдостаточне число приявених кандидатох. Други дзень Фестивала, всоботу, 30. юния, на 10 годзин почнє традицийни Керестурски саям старих ремеслох у Майсторским доме, а спортскей часци у рамикох Фестивала того року нє будзе. Вечар, на 21 годзин, музично-фолклорна манифестация „Одгуки ровнїни”, на хторей виступя нашо културноуметнїцки дружтва и єден госцуюци ансамбл з Войводини. У забавней часци, пияток вечар после „Червеней ружи”, у орґанизациї младежскей орґанизациї „Пакт Рутенорум” грац будзе бенд „Банда дрвена”, а други вечар после „Одгукох ровнїни” наступи домашнї оркестер „Микс-бенд”.
Под час обидвох фестивалских дньох, од 14 по 20 годзин за нащивительох будзе отворена Музейна збирка у будинку „Замок”. Як потвердзене на схадзки хтору водзели предсидателє Йоаким Рац и Желько Ковач, за Фестивал обезпечени милион 270 тисячи динари зоз вецей жридлох: од Републики з Министерства култури и информованя 120 000 динари, з Покраїни зоз Секретарияту за културу, явне информованє и одношеня з вирскима заєднїцами 50 000, а зоз Секретарияту за образованє, предписаня, управу и национални меншини 170 000. З Општини Кула 550 000 динари, з нашого Националного совиту опредзелєни 200 000, а того року Фестивал финансийно помогнє и Амбасада України у Сербиї котра обезпечи 2 000 америцки долари, цо у динарскей проциввредносци 180 000. Утвердзена и цена уходнїцох за Фестивал хтора будзе виношиц 200 динари на дзень, а уход за дзеци безплатни. Мария Афич
IN MEMORIAM
МИРОН БУДИНСКИ (1931–2018)
Всоботу, 2. юния, у новосадским шпиталю, после чежкей хороти умар наш познати писатель и професор Мирон Будински. Мирон Будински єден спомедзи перших пейцох наших писательох постал член Дружтва писательох Войводини од 1971. року. Було му то вельке припознанє за кнїжку сказкох за дзеци „Воденїчка на стриберним потоку”, єдину кнїжку на руским язику котра дожила три свойо виданя. Мирон Будински ше народзел у Руским Керестуре 19. фебруара 1931. року. Оцец му бул познати друкарски роботнїк и вельорочни театрални аматер у Руским Керестуре. Мирон основну школу закончел у своїм валалє, а 1. класу нїзшей ґимназиї школского 1943/44. року у Ужгородзе, покля 2, 3. и 4. класу нїзшей ґимназиї зоз одличним успихом закончел у Руским Керестуре и бул ошлєбодзени од покладаня малей матури. Висши класи ґимназиї зоз вельку матуру закончел у Бачким Петровцу 1951. року, а Природно-математични факултет у Беоґрадзе 1955. року. Уж такой по законченю студийох, школского 1955/56. року, роби як професор у ґимназиї у Старей Пазови, а вец у индустрийней школи зоз практичну обуку од 1957. по 1960. рок. Од 1960. року постава асистент на Технїчним факулте-
16 РУСКЕ СЛОВО
ту у Новим Садзе и ту роби полни єденац роки. Потим роби як професор математики у ґимназиї у Србобранє од 1971. по 1973. рок. Року 1973. ше конєчно враца на место фахового сотруднїка на Технїчни факултет у Новим Садзе и ту остава по 1996. рок, кед одходзи до пензиї. Мирон Будински охабел вельки шлїд у рускей литератури, витвореней на тих наших просторох. Велї ґенерациї наших школярох у рамикох школскей лектири читали його „Воденїчку на стриберним потоку”, а його писнї и приповедки читали у „Пионирскей заградки”. Старши любителє нашей литератури уж од 1948. року у календарох, а од 1952. року и у часопису „Шветлосц” мали нагоду читац його поетски и прозни витвореня аж по 1970. рок, кед пре обєктивни причини престал активно сотрудзовац зоз нашу периодику. Алє, його твори були и далєй заступени у наших антолоґийох, а обявйовани су и на сербским, словацким, українским, македонским и румунским язику. То найлєпши доказ же твори Мирона Будинского здобули тирвацу вредносц и достойне место у нашей културней скарбнїци. Мирон Будински поховани вовторок, 5. юния 2018. року на Новосадским теметове. Вичная му памят! Дюра Латяк
8. ЮНИЙ 2018.
kultura@ruskeslovo.com
У КОЦУРЕ ПРЕДСТАВЕНА ҐИМНАЗИЯ ПО РУСКИ И ШТРЕДНЯ ШКОЛА ЗОЗ РУСКОГО КЕРЕСТУРА
И ШКОЛЯРЕ МОЖУ УЧАСТВОВАЦ У ПРОЄКТОХ Директорка керестурскей Школи Хелена Пашо Павлович бешедовала о предносцох школованя у школи зоз интернатом, о напрямох котри школа понука и о напряму туристични технїчар, алє и о проєктох хтори запровадзую у Школи и у хторих можу участвовац шицки заинтересовани школяре
У
коцурскей ОШ „Братство єдинство” пияток, 31. мая, отримана промоция Штреднєй школи з домом школярох „Петро Кузмяк” з Руского Керестура, односно Ґимназия по руски. Школяром осмей класи прейґ видео-биму приказани випатрунок Школи и школски просториї, Школска библиотека, змесценє у интернату, физкултурна сала, терховня и други простори за рижни активносци у Школи, о хторих бешедовала директорка Ґимназиї Хелена Пашо Павлович. НАСТАВА И НА СТРАНСКИМ ЯЗИКУ – У нашей Ґимназиї знанє ше здобува на модерни способ, практикує ше интердисциплинарна и интерактивна настава. Тиж так, ми уж од скорей практикуєме КЛИЛ приступ ґу настави, алє тераз од кеди є и урядово запровадзена тото практикованє ище интензивнєйше. То значи же ше, поведзме, биолоґия окрем на сербским або руским язику, учи и на виборним странским язику. Нашо школяре котри вибрали напрям туристични технїчар у Школи вельо путую по Европи и нащивели велї европски метрополи як цо то Рим, Париз, Берлин, Лондон и велї други. Окрем того, участвуєме и на рижних проєктох Европскей униї – визначела директорка Пашо Павлович. На промоциї бешедовали и школярки трецей класи Ґимназиї на руским язику Марина Роман и Йована Ноґавица, як и Коцурец котри ходзи до керестурскей Ґимназиї Марко Буила, котри школяром осмей класи предста-
8. ЮНИЙ 2018.
вели предносци школованя у Руским Керестуре, бешедовали о наставнїкох и рижних активносцох котри у Школи и у Керестуре интересантни за младих. Директорка коцурскей Школи Славица Байор подзековала госцом зоз керестурскей Школи на презентациї и визначела же наставнїки у школи препоручую Ґимназию по руски у Руским Керестуре, понеже понука предлужованє школованя на мацеринским язику. БЕЗПЛАТНИ ИНТЕРНАТ И 5 000 ДИНАРИ МЕШАЧНО Предсидатель Вивершного одбору Националного совиту Руснацох Желько Ковач школяром подзелєл флаєри о Школи и школярох руского оддзелєня поинформовал о помоци котру дава наш Национални совит за тих школярох котри ше одлуча уписац Ґимназию на мацеринским язику у Руским Керестуре. – Школяре котри предлужа школованє по руски у Ґимназиї, у першим року, дзешец мешаци маю стимулацию од 5 000 динари котру дава Национални совит Руснацох тим школяром котрим Ґимназия по руски будзе вибор у першим кругу и перши дзешецеро зоз найлєпшим успихом у школи. Тиж так, шицки Коцурци котри ше упишу до Ґимназиї по руски у першим кругу буду бивац у интернату перши рок безплатно – визначел Желько Ковач. Школяре коцурскей Школи заинтересовано слухали промоцию, а за тераз ше двойо школяре вияшнєли же жадаю уписац Штредню школу у Руским Керестуре, од котрих єдно дзивче ма жаданє предлужиц школованє на руским язику. Златко Колєсар
РУСКЕ СЛОВО 17
КУЛТУРА И ПРОСВИТА ОТРИМАНИ 45. „ПЕТРОВСКИ ДЗВОН” У РЕПУБЛИКИ ГОРВАТСКЕЙ
ФЕСТИВАЛ У ЗНАКУ ЮВИЛЕЙОХ Пише: Aгнетка БАЛАТИНАЦ
Централна манифестация култури Руснацох у Републики Горватскей „Петровски дзвон” отримана од 1. по 3. юний у Вуковаре и Петровцох, а була пошвецена 50-рочнїци од снованя Союзу Русинох РГ
М
Хор Союзу Русинох РГ
анифестация означела и 40-рочнїцу Етноґрафскей збирки Русинох РГ и 50-рочнїцу КУД „Осиф Костелник” з Вуковару, а под високим покровительством Собору РГ, Совиту за национални меншини РГ, та з финансийну потримовку Вуковарско-сримскей жупаниї, городу Вуковару и општини Боґдановци, а у орґанизациї Союзу Русинох РГ и КУД „Яким Гарди” з Петровцох. Манифестация почала у просторе Етноґрафскей збирки з отвераньом вистави малюнкох зоз подобових колонийох Союзу Русинох РГ. Виставу отворела предсидателька Союзу Дубравка Рашлянин, а о малюнкох бешедовал Владимир Провчи. У предлуженю планованей програми отримана промоция кнїжкох и лїтопису „Думки з Дунаю”. Кнїжки представела редакторка видавательства Союзу Вера Павлович, а представени кнїжки Агнетки Балатинац, Любици Гаргай, Владимира Провчия (два) и др сц. Филипа Шкиляна. Богата видавательна дїялносц нє значи же звекшани средства за видавательство, алє значи же дзепоєдни кнїжки, як цо то Любици Гаргай и др. сц. Филипа Шкиляна финансовал Представнїк рускей националней меншини Городу Заґребу, док Владимир Провчи у векшей мири сам финансує друкованє своєй поезиї. Совит за национални меншини РГ вифинансовал лєм видаванє збирки поезиї „Ґомбуля” Агнетки Костелник Балатинац и лїтопис „Думки з Дунаю”. Литературно-музични вечар почал зоз здогадованьом на одсутних и покойних писательох и поетох по походзеню зоз Горватскей, а котри маю видруковану голєм єдну кнїжку. Медзи одсутнима лєбо покойнима, начишлєло ше 16, а медзи присутнима 6 писательох. Присутни писателє, медзи котрима були Ганча Папандриш Гаргаї, Томислав Мишир, Звонимир Барна, Владимир Провчи, Любица Гаргай и Агнетка Балатинац, самостойно читали свою поезию патрачом, а о покойних и одсутних, Агнетка Балатинац и Любица Гаргай пречитали основни податки з
18 РУСКЕ СЛОВО
биоґрафиї и начишлєли їх виданя. У музичней часци участвовали два од трох дружтвох котри означую значни рочнїци. КД Руснацох з Винковцох означело 25 роки од снованя, а КУД „Осиф Костелник” з Вуковару, 50 роки. Ювилант и КУД Руснацох з Осєку котре означує 35 роки од снованя, алє пре обєктивни причини нє наступели. Дружтва котри наступели удатн овиведли руски шпиванки котри ше барз попачели патрачом, та их наградзели з моцним кляпканьом. „ДЗВОНЧОК” НАЙМАСОВНЄЙША МАНИФЕСТАЦИЯ Нєдзельова програма почала з покладаньом венцох на памятнїк погинутим у Отечественей войни, предлужела ше зоз Службу Божу, а вец почал „Петровски дзвончок”, смотра музичней и фолклорней творчосци дзецох. „Дзвончок” єдна з найнащивенших манифестацийох „Петровского дзвону”, а поряднє позбера подростки наших културно-уметнїцких дружтвох, та школски дзеци котри приду патриц, як и власни, алє и родзину. На тогорочним „Дзвончку” наступели: школяре з ОШ „Антун Бауер”, подручна школа Петровци, котри уча мацерински язик и културу, а котрим ше приключели и дзепоєдни з Янковцох, тиж з виучованя руского язика, та их на бини було коло 40, подросток КУД „Яким Ґовля” з Миклошевцох, котри пре першу причасц котра ше одбувала у Миклошевцох нє були у вельким чишлє, КУД „Осиф Костелник” Вуковар, КУД „Тарас Шевченко” Канижа, котри пестую українски шпиванки и фолклор, та на концу домашнї, КУД „Яким Гарди” з Петровцох. ТРИНАЦ ДРУЖТВА НА „ДЗВОНУ” Смотра музичней и фолклорней творчосци Руснацох РГ, „Петровски дзвон”, у пополадньових годзинох на сцену приведла 13 дружтва, а почала зоз традицийну писню 8. ЮНИЙ 2018.
kultura@ruskeslovo.com
котра ше вола як и манифестация – „Петровски дзвон”. И того року ю одшпивал Михайло Голик з провадзеньом Хлопскей шпивацкей ґрупи КУД „Яким Гарди” з Петровцох. Гимну Републики Горватскей и шветочну писню Руснацох у РГ одшпивал хор Союзу Русинох РГ под дириґентску палїчку Агнети Тимко Мудри, а з провадзеньом здруженого оркестра з наших дружтвох. Предсидателька Союзу Русинох РГ привитала шицких присутних, а манифестацию отворел началнїк општини Боґдановци Марко Барун. Медзи визначнима госцами з дружтвеного, културного и вирского живота, могла ше замерковац числена делеґация Руснацох зоз Сербиї, медзи котрима були: Йовґен Мудри, подпредсидатель НС Руснацох Сербиї, Желько Ковач, предсидатель ВО НС Руснацох, Мартица Тамаш, директорка „Руского слова”, котра з тей нагоди подаровала значне количество кнїжкох нашим дружтвом, Йоаким Рац, директор Дома култури Руски Керестур, Саша Сабадош и Анита Ґовля. През писню и танєц мали зме нагоду видзиц творчосц КУД „Яким Гарди” з Петровцох, КУД Руснацох Осєк представело ше зоз шпивацку ґрупу а КУД „Яким Ґовля” з Миклошевцох наступело зоз фолклором и шпивацку ґрупу. „Калїна” з Риєки одшпивала барз удатно даскельо шпиванки, а „Руснак” з Петровцох виведол на сцену младу шпивацку ґрупу. КД Руснацох з Винковцох, як и КУД „Осиф Костелник” з Вуковару, наступели зоз хорским шпиваньом, док за „Рушняк” з Риєки наступел Владимир Провчи як соло шпивач. Дружтво Руснацох Цвелфериї з Райового Села приємно нєсподзивало зоз масовносцу, як у шпивацкей ґрупи, так и у оркестри. Як госци, на „Дзвону” було Ромске КУД з Дарди, Здруженє Нємцох и Австриянцох зоз Вуковару, та два українски дружтва: КУД „Андрий Пелих” зоз Шумеча и КУД „Тарас Шевченко” зоз Канижи. Ромске дружтво наступело лєм зоз фолклором, Нємецко-австрийске
Дружтво Руснак” з Петровцох ”
8. ЮНИЙ 2018.
КУД Тарас Шевченко” з Дюрдьова ”
ГРОМКИ АПЛАУЗИ ДЮРДЬОВЧАНОМ – Наисце сом приємно нєсподзивани же публика з вельку увагу провадзела нашо рецитаторки, а и тото же нєпреривно шицких наградзовали зоз гласнима и длугима аплаузами, аж и у паузох медзи строфами. То була нагода же би нашо члени и споза гранїци презентовали нашу роботу. Бул то наисце красни концерт, а окреме ми мило же по його законченю з публики приходзели винчовац ми на, як гварели, успишним виводзеню и водзеню секцийох – гварел Мирослав Такач, предсидатель КУД „Тарас Шевченко” з Дюрдьова. С. С.
лєм зоз шпиваньом, а українски дружтва наступели и зоз фолклором и зоз шпиваньом. Пополадньову програму заварли члени КУД „Яким Гарди” з Петровцох – Хлопска шпивацка ґрупа виведла венчик руских шпиванкох, а фолклорна секция Пастирски танци. Конферансу на „Дзвончку” и „Дзвону” водзел Томислав Рац. ЦАЛОВЕЧАРШИ КОНЦЕРТ ДЮРДЬОВСКОГО ДРУЖТВА Цаловечарши концерт того року виведло КУД „Тарас Шевченко” з Дюрдьова. Медзи шпиванками, рецитаторами, фолклорашами и музичарами, могол ше замерковац високи виводзацки уровень, а през 90 минутову програму патраче мали нагоду уживац у шицких файтох културней творчосци того успишного Дружтва, котре ма репрезентативне число наступох у жеми и иножемстве. Моцне кляпканє, котре провадзело кажду виведзену точку, потвердзело же патраче знаю препознац квалитет, алє и же су жадни квалитетних руских шпиванкох и танцох. Младосц и розбавеносц виводзацкого кадру КУД „Тарас Шевченко” ище єдна прикмета за позитивни упечатки котри виволую при патрачох. Предсидателька Союзу Русинох РГ Дубравка Рашлянин уручела окремни припознаня за сотруднїцтво КУД „Тарас Шевченко”, Националному совиту Руснацох РС, Дому култури Руски Керестур, та директорки „Руского слова” Мартици Тамаш.■
РУСКЕ СЛОВО 19
КУЛТУРА И ПРОСВИТА ХОРСКИ ФЕСТИВАЛ „КАРПАТИ” У ВЕРБАШЕ
НАСТУПЕЛИ ПЕЙЦ ХОРИ Пише: Aна МАРКОВИЧ
Културна и дружтвена мисия хорского шпиваня опатра ше нє лєм у масовним музицированю, алє и у розвиваню дружтвеносци, смислу за дисциплиновану колективну роботу и сотруднїцтво, а Фестивал ту же би тоту мисию предлужел
П
решлей соботи, у Културно-про свитним дружтве „Карпати” отримана осма по шоре Смотра хорох, традицийна манифе стация хтора од окремней значно сци за руску националну заєднїцу. На Фе стивалу наступели: домашнї Хор КПД „Карпати” з Вербасу, Хор Дома култури з Руского Кере стура, Хор „Гармония” з Нового Саду и, традицийно, два го сцуюци хори – Хор Културного центру Вербас „Бачки шпиваче”, хтори од снованя участвує на Фе стивалу, и Хор Здруженя сербско-грече ского приятельства „Ирида” зоз Сримскей Митровици. Як у самей програми визначене, хорске шпиванє представя уметнїцке сотруднїцтво вецей особох, значна є културна компонента сучасного дружтва и представя цали проєкт чия благородна мисия ма общу културну и дружтвену значносц. ПЕРШИ НАСТУПЕЛ ДОМАШНЇ ХОР На самим початку, зоз своїм шпивом го сцох привитал Хор КПД „Карпати”, хтори чишлї коло 25 членох, а на своїм репертоару ма класични, народни и духовни писнї. Хор формовани 2004. року и настал зоз здружованьом церковних хорох зоз Коцура и Вербасу. Од теди по нєшка вецей раз му грожело гашенє, алє дзекуюци ентузиястом и шпивачом котри наисце любя хорске шпиванє, тот хор вше предлужовал свою роботу. Прешлого року мал чесц отвориц єшеньске зашеданє у Народней скупштини Републики Сербиї. Дириґент Хору Надїя Воротняк.
20 РУСКЕ СЛОВО
Потим наступел хор Грекокатолїцкей парохиї Святих апо столох Петра и Павла и Руского културного центру з Нового Саду, хтори основани 2007. року, з дириґентку проф. Сузану Ґрос-Маркович. У нїм ше гармонично зложели вецей як 20 члени рижних ґенерацийох, национално сцох и вирох. Репертоар хору облапя духовни и шветовни композициї, на вецей як дзешец шветових язикох. Манифе стацию у Вербаше ище раз возвелїчал и Мишани хор зоз Руского Кере стура. Хор Дома култури и Катедралней церкви Святого оца Миколая предлужує традицию хору котри свой перши явни наступ мал ище 1892. року у Будапешту и тот рок ше трима як початок орґанизованого хорского шпиваня у Руским Кере стуре. У своєй богатей ис то риї, котра зоз мен ши ма пре таргнуцами тирва уж вецей як 120 роки, зазначел велї успихи на рижних змаганьох и манифе стацийох як у жеми, так и у иножемстве. Дириґентка хо ру проф. Ли дия Хор Дружтва сербско-греческого приятельства „Ирида” Пашо. 8. ЮНИЙ 2018.
kultura@ruskeslovo.com
Потим наступел Хор „Бачки шпиваче” хтори основани 2014. року, и од теди каждого року госцує на Фестивалу. Хор за штири роки освоєл даскельо награди и витворел вельке число наступох и концертох. Всоботу го водзела дириґентка Милена Алексич. На самим концу наступели госци зоз Сримскей Митровици, хор хтори иснує три роки, под час хторих зазначел вельке число явних наступох. Специфични є по своїм репертоару, понеже источашнє пестує музику Греческей, алє и музику з наших просторох. Уметнїцка руководителька Хору и предсидателька Дружтва сербскогрече ского приятельства „Ирида” проф. Александра Ґарунович.
мує пестованє традициї и обичайох у Дружтве, а праве „Карпати” тоти хтори Вербасу принєсли и єдно вельке приятельство зоз словацким городом Свиднїк. Хор „Бачки шпиваче”
ФЕСТИВАЛ ПРОВАДЗЕЛИ И ЗНАЧНИ ГОСЦИ Зоз своїм присуством, концерт звелїчали народна посланїца Олена Папуґа, помоцнїк покраїнского секретара за привреду и туризем мр Серґей Тамаш, предсидатель Вивершного одбору Националного совиту Руснацох Желько Ковач, директорка НВУ „Руске слово” и подпредсидателька Скупштини општини Вербас Мартица Тамаш,
Хор Дома култури и Катедралней церкви Святого оца Миколая
член Општинскей ради Вербас Мариян Миянович, помоцнїк предсидателя Општини Предраґ Роєвич, заменїца предсидателя Општини Миляна Штулич, предсидателька Одбору за културу Ґабриєла Саянкович, предсидатель Роботного цела за младеж Саша Сабадош, предсидатель Националного совиту Українцох Михал Кржачек, началнїца Оддзелєня за дружтвени дїялносци у Општини Вербас Мира Недич, директор Културного центру Вербас Ригард Генґл, предсидатель Союзу Руснацох Українцох Сербиї Боґдан Виславски и други госци.
– Вшелїяк же за добре шпиванє нє достаточни лєм добри глас, и добри слух. Насампредз, барз важне мац добру дзеку, любов и витирвалосц у тим шицким. Нашо хористи то маю, и попри своєй роботи, обовязкох, свой час пошвецую и самим пробом, а медзи хористами и гевти хтори шпиваю уж децениями. Жадам же бизме були горди на тото и надалєй потримовали таки Фестивал – визначел Желько Ковач. Предсидатель Дружтва „Карпати” Славко Барановски визначел же є презадовольни зоз тогорочну манифестацию, з нащивеносцу, зоз потримовку значних институцийох и гевтим цо хористи указали под час Фестивалу. Подпредсидатель Дружтва др Деян Загорянски визначел же гоч того року участвовали пейц хори, репертоар преширени, та у скоро двогодзиновей програми госци мали нагоду указац гевто найлєпше зоз свойого репертоару. Тим зоз „Карпатох” успишно орґанизовал тоту вельку манифестацию, понеже лєм учашнїкох було коло 170, а наздаваю ше же и финансийни средства як потримовка Фестивалу сцигню по конєц рока, та цала приповедка годна буц и финансийно закрита. Хор „Гармония”
МАЛИ НАРОД, А УЖ ОСЕМ ХОРИ – Думам же Вербас по стал наш центер хорского шпиваня медзи Руснацами, и то ми мило. Видзим же Руснаци любя хорске шпиванє, и то видзим зоз єдного свойого искуства, понеже сом як народна по сланїца поволала шицки нашо хори до Народней скупштини Републики Сербиї же би шпивали гимну, та ми у Скупштини гуторя яки то Руснаци мали народ, а уж маце осем хори. Так же ми мило же хорске шпиванє медзи Руснацами жиє, понеже „хто шпива зле нє дума”, а Руснаци праве таки – визначела з тей нагоди народна по сланїца Олена Папуґа. Заменїца предсидателя Општини Миляна Штулич визначела же локална самоуправа у подполносци потри8. ЮНИЙ 2018.
Манифестацию потримали Национални совит рускей националней меншини, Завод за културу войводянских Руснацох, Општина Вербас, Покраїнски секретерият за културу, явне информованє и одношеня з вирскима заєднїцами и Покраїнски секретерият за образованє, предписаня, управу и национални меншини-заєднїци. Конферансу на Фестивалу водзела Дияна Мученски, под час програми свойо задлуженя мали и дзеци-аматере Дружтва, а после урядовей часци програми, друженє хористох предлужене у Центре за физичну културу „Драґо Йовович”.■
РУСКЕ СЛОВО 21
МОЗАЇК МИНИ РЕПОРТАЖА ЗОЗ СВИДНЇКУ
НА ГОРНЇЦИ ВШЕ ЄСТ ЦО ВИДЗИЦ Пише: Оля ХОМА
И
того року ше ми удало пойсц на Горнїцу. Лєдво, алє удало ше ми. Знова до Свиднїку, алє на тот завод на Фестивал култури Русинох Словацкей, понеже сом пред двома роками була на другим, „українским” Свиднїку. И тераз зме крашнє дочекани од орґанизаторох и домашнїх, и вшелїяк, городоначалнїка Свиднїку Яна Голодняка, хтори традицийно приял делеґациї зоз побратимених местох, та так и зоз нашого Вербасу. Голодняк ознова на шицких охабел окремни упечаток як любезни и добре порихтани домашнї. Перши вечар лял диждж, цо за тот край и фестивал звичайне, та технїка витримала, нє затаєла, а публика тиж була порихтана, отвориц амрели и провадзиц програму. Пияток наступели Дзивоцка шпивацка ґрупа „Калина” зоз Стропкова, Хлопска шпивацка ґрупа „Русиния” з Гуменего, ансамбл ПУЛС зоз Прешова, музични ансамбл „Бабкини вунуки” зоз Русиї, и словацка поп ґрупа „No Name”. Всоботу зме одпочинути од длугей драги и осушени од вечаршого дижджу по красним слунечним дню пошли опатриц музей и памятнїк на Дуклї, дзе од октобра по новембер 1944. року у борбох за „капуру Чехословацкей” погинули 86 тисячи припаднїки Червеней армиї, медзи нїма и велї Русини зоз того краю. Нєдалєко, на концу валалчика Нїжни Комарник мала древена грекокатолїцка церква Мацери Божей, хтору нащивителє з наших крайох тиж часто обиходза. Потим зме зашли до карчми цо зме себе вибрали за базу у Свиднїку, а вец назад до фестивалского амфитеатру провадзиц наступ дзецинскей и фолклорней групи „Шинява” цо ше нам барз пачело, бо шпиваю так як ми, лєм лєпше.
22 РУСКЕ СЛОВО
Кед би требало повесц цо главни упечаток, то же домашнї знаю орґанизовац и озвучиц фестивал добре, програма квалитетна и нє пожнї, єст цо поєсц и попиц, мала бина на уходзе дзе ше нє плаци програма, столїки зоз сувенирами и други провадзаци змисти. Мож було чуц пригварки у публики же програма „нє досц русинска” и же є комерциялна, алє тиж мож було обачиц же нащивительом було крашнє. Швидко прешла нащива и уж требало дому, та за конєц най вам лєм доповем же кед надумаце на Горнїцу, патьце же бисце пошли на власней превозки, же бисце ше нє трапели у драже годзинами и же бисце за тот час цо маце могли цо вецей побегац, бо на Горнїци вшелїяк єст цо видзиц. ■
8. ЮНИЙ 2018.
КОНЦЕРТ У НОВИМ САДЗЕ
РОК У БЛОКУ У Гайзибанским парку у Новим Садзе традицийно отримани Блоксток фестивал. На тогорочним Блокстоку, попри познатих и преславених панк рок ґрупох наступели и млади, алє и новоосновани бенди – „5 минута славе”, „Црни паун и Ненад Паґонис”, „Руке у вис”, „RocHoir kids”, „UV ”, „Амайлия”, „Мортал Комбат” и „Ритам нереда”. Млади и ище нєафирмовани бенди маю шансу на тим Фестивалу, та того року Блоксток отворела новосадска ґрупа „5 минута славе”, хтора уж ма вецей успишни наступи и помали достава власну публику. Нєсподзиванє бул „RocHoir kids”, перши сербски дзецински рок хор з Беоґраду. А публику прицагли познати бенди, новосадска „Амайлия”, метал-панк бенд „Мортал Комбат” з
Беоґраду и панк рок ґрупа „Ритам нереда” основана ище 1987. року у Новим Садзе. Блоксток означел и двацец роки од снованя. Перши Блок Рок Фест отримани 1998. року у Гайзибанским парку зоз скромну опрему, а наступели лєм даскельо локални бенди пред нє вельо публики. З рока на рок, на концертох було вше вецей публики, та го од 2001. року потримує Городска управа за културу, а од 2006. и Покраїнски секретарият за културу. Фестивал постал популарни кед на нїм наступели, окрем новосадских ґрупох, и „Ю ґрупа” и „Партибрейкерси” з Беоґраду. Познєйше концерти були озбильнєйши, алє нє орґанизовани су од 2010. по 2015. рок, кед ше видзело же таки Фестивал наисце за шицки
ґенерациї популарни и ма вше векшу потримовку при гражданох. Теди и пременєне мено на Блоксток, а уж од 2016. достал и реґионални характер, кед на нїм наступели „Бркови”, „Самостални референти” и други, а од познатших участвовали и „Прляви Инспектор Блажа и Клюнови”, „Ґужва у 16-ерцу”, „Йорґовани”, „Сателити”... У сотруднїцтве зоз Мото-унию Войводини орґанизовани дефиле байкерох и вистава моторкох. Уходнїци ше нє наплацовало, а на шанкох були шкатули за добродзечни прилоги. Л. Вуячич
ПОМАЛИ ШЕ ПОЛНЯ „ЕҐЗИТОВО” БИНИ
И НОВИ И СТАРИ МЕНА, А ШИЦКИ ДОБРИ Тогорочни фестивал „Еґзит” будзе отримани од 12. по 15. юлий на Петроварадинскей твердинї, а главне порученє манифестациї хтора и того року ноши епитет найлєпшого европского велького фестивалу – Шлєбода, односно „Пренайдзце Еґзит у себе” аралелно з тим як ше помали розпредаваю атрактивни пакети уходнїцох по промотивних ценох (на дньових картох ище мож зашпоровац 60 одсто, на комплету 55 одсто, а ище тирва акция 4+1), орґанизаторе сообщую и вше прецизнєйши лїстини учашнїкох и розпорядки наступох през штири фестивалски днї. Розумлїве, найвецей уваги прицагую гвизди хтори наступя на двох найпопуларнєйших фестивалских бинох – Мейн стейджу и Денс арени. На Мейн стейджу того року примат будзе тримац електроника – шветово популарни ди джей и продуцент Давид Ґета и гвизда новей ґенерациї Мартин Ґарикс ту буду пущац свойо сети. Чесц актуалним гвиздом и гвиздочком, алє през роки ше указало же на Мейну найлєпши концерти тримаю ветеранє: tераз ше то очекує од икони осемдзешатих Ґрейс Джонс, а потенциял ма и Зиґи Марли, музичар хтори реґе уведол до 21. вику. Просто з верху топ-лїстинох, на Еґзит приходзи и Алис Мертон, а приємне нєсподзиванє могол би буц и наступ Фивер Рей. На Денс арени и того року музику буду пущац водзаци мена електронскей сцени. Техно минималиста Ричи Хаутин, пионир техно звуку Карл Крейґ, актуална гит сензация Офенбах, як и ди джей героїна Нина Кравиц. Вшелїяк, ту ище дзешатки интересантни мена, а мож обчековац же на Арени журка штири днї будзе тирвац од змерку
П
8. ЮНИЙ 2018.
по швитанє. Интересантне же велї з лайн-апу тогорочней Денс арени нє буду наступац першираз у Новим Садзе, алє ше дзечнє врацаю на Петроварадинску твердиню. Широкей Еґзитовей публики найинтересантнєйши спомнути стейджи, алє на Твердинї єст и други скрити оази дзе фестивалски дух затримал автентични шмек. Фюжн бина, звичайно наменєна алтернативи и реґионалним гвиздом, того року будзе неопанкерска. Окрем Ейжн Даб Фондейшн, ту наступя бенди Слейвс, Айдлс. З другого боку, бина Експлозив, дзе ше грає и слуха твардейши звук, того року удоми ветеранох – гардкорашох Медбол, калифорнийских гардкор-панк пионирох Адолесцентс, и родоначалнїкох Ои! Панк жанру, лондонски бенд Кокни Риджектс. Вшелїяк, ту „пражиц” будзе и ґалерия метал составох рижних жанрох и напрямох. То затераз лєм часц понукнуца тогорочного Еґзиту. Ище ше пополнюю програми на менших бинох, дзе наступаю локални мена и виводзаче хтори комуникую зоз специфичну публику, а орґанизаторе обецую же приповедка нє закончена анї кед слово о „вельких” бинох, дзе тиж будзе ище нєсподзиваня. Вичерпни и швижи информациї о наиходзацим Еґзиту кажди дзень мож опатриц на урядовим сайту фестивала: exitfest.org/sr. И. С.
РУСКЕ СЛОВО 23
ЛЮДЗЕ, РОКИ, ЖИВОТ ТРА ДИЦИЙНА МЕДЄШОВА БУРЕКАРНЯ У КЕРЕСТУРЕ
НА ПАУЗИ – „ОЛОВРАНТИ” Пише: Мая ЗАЗУЛЯК ГАРДИ
У Руским Керестуре єст даскельо традицийни пекарнї и бурекарнї, а єдна з нїх то и, Керестурцом добре позната, Медєшова бурекарня з автентичним меном „Оловранти”. Настала дзеведзешатих рокох, а у фамелийней роботи ше отримала по нєшка, з истима продуктами и на истим месце
П
ред 26 роками, „Оловранти” основали Владимир Медєши и його теди 16рочни син Михайло, хтори нєшка и водзи бурекарню, а оцец, гоч є у пензиї, и далєй помага. – Кед настала наша бурекарня, бул сом лєм штредня школа. Здогадуєм ше як сом
Дїдо ше наздава же єдного дня унучата предлужа роботу у бурекарнї
24 РУСКЕ СЛОВО
модлєл же би ми направели особну карточку, бо ше роботня од початку водзела на мойо мено. Нє верели ми же сцем отвориц... Почал сом ше школовац за месара, алє сом вец позарядово закончел и за пекара. Учел сом тото ремесло од оца, хтори уж мал искуства. Найчежша ми була тота, ноцна смена, кед дружтво нє ишло дому з варошу ище анї спац, а я уж ишол робиц – памета бурекар Михал. Кед ше побрали зоз супругу Маю, и вона ше уключела до фамелийней роботи, а тераз им уж помага и дзивка, штредньошколка Марина, а син Иван ше дакеди шпота коло нїх. – Вон тераз ма 10 роки, та го интересую даяки други ствари, алє кед бул менши, часто бул при нас. Марина почала помагац перше так же зме ю посилали купиц дацо кед нам захибело, а тераз и предава, розправи белюша и друге цо треба. Ставанє ше и єй сиґурно нє пачи на тельо роки, алє то, єдноставно, состойна часц тей роботи. Я углавним рано рихтам печиво за дутян, бо го и там пласуєме, ношим го, печем, 8. ЮНИЙ 2018.
ljudze@ruskeslovo.com
преда вам... Полю бе ла сом тоту ро боту, а то, мож по весц, и яка шик на ви ка – тол кує Мая. СЛАБО ПРЕХОДЗИ ДАЦО НОВЕ Кед Медєшово започали тот бизнис, правели исти продукти як и тераз, а гваря, Керестурци тото любя и то преходзи уж скоро трицец роки. – На початку ше це сто з руку мишело, а вец зме нєодлуга купели машину за мишенє. Скорей зме мали и пец на бутан, а вец зме набавели на струю, хтори зґоднєйши и єдно ставнєйши, а за нашу роботу лєгчейши. Скорей ишло заш лєм дакус лєпше як тераз, алє було и вецей люд зох у валалє. Тиж так, тераз таки продукти уж єст и по дутянох. Було конкуренциї и скорей, можебуц нє тельо як тераз, алє кажда муштерия заш лєм найд зе дацо свойо, цо ше єй пачи и цо єй смакує. Ми понукаме кифли, поґачи зоз шкварками и зоз сиром, буреки, белюши... Пробовали зме уруциц и дацо нове, алє то заш лєм слабо преход зи. Думам же при наших люд зох барз заступени сир – гвари Михал, а його супруга Мая додава же
8. ЮНИЙ 2018.
дзеци найволя кифли з еврокремом, а старши поґачи зоз шкварками и бурек зоз сиром. – Людзе тиж глєдаю и капущанїки, окреме кед пост. Нє маме вельо продукти, алє думам же нашо муштериї любя тото цо подобне домашньому печиву, а нашо праве таке – визначує вона. И амбиєнт тей бурекарнї традицийни, а док зме робели тоту розгварку з Медєшовима, зменьовали ше їх стаємни муштериї, а даєдни з нїх ше и затримали, бо вихасновали паузу на роботи же би пришли на оловранти. – Людзе приду, так, на швидко, на дзешец минути поєсц бурек и иду далєй робиц. Ми и побешедуєме з нїма, бо познаме свойо муштериї, знаме хто цо купує, хто цо люби, та аж и на кельо годзин приду. Бурекарня нам у обисцу, та нам зґоднєйше, гоч то за даєдни ствари предносц, а дакеди анї нє так барз добре – гваря вони. ДОК ДАХТО ЛЄГА, ВОНИ УЖ СТАВАЮ Робота пекара и бурекара нє лєгка, окреме прето же им дзень заменєни за ноц, а кед ше попри тим роби ище дацо, часу за спанє нєт вельо. – Роботни час за шлїдуюци дзень почина ми дзень пред тим, даґдзе коло дзевец вечар, кед рихтам цесто, а вец уж такой на пол трецей ставам и предлужуєм з роботу. Даґдзе од дзевец годзин рано сом шлєбодни, кед ше попреда печиво. Нє лєгам вчас, бо кед сезона, мам роботи и на полю, алє вец патрим спац пополадню – приповеда нам Михал и додава же им соботами найвекша гужва. – Найвецей роботи єст кед пиячни дзень, понеже зме ту, блїзко при пияцу. Пияток правиме за соботу, бо ше през ноц нє посцигнє шицко направиц, та себе помагаме. Внєдзелю нє робиме. Чекаме швета и рочни одпочивок же бизме ше одпочинули, нє робиме лєм кед идземе даґдзе, и за вельки швета – гвари вон. Медзи младима Керестурцами обичай же после варошу часто зайду и до „Оловрантох” на бурек, та теди Медєши отвера свою бурекарню и скорей роботного часу. – Отвераме на пейц, алє понеже я ту уж од пол трецей, дзечнє им одомкнєм кед приду скорей. Вжиме ми и дуркаю, нє маю ше дзе склонїц, та ше ту зогриваю док ше нє зогреє пец и нє упече бурек. Шедза, радза ше, хихоца, дакеди ше нє мож анї згвариц, алє и ми були млади, та ми шицко ясне – през шмих Михайло закончує тоту приповедку о їх фамелийней бурекарнї.■
ЧЕКА НА УНУКУ Пияток пополадню зме у „Оловрантох” стретли и Михалового оца Владимира, хтори праве теди правел буреки за соботу. – То шицко домашнє, нєт ту штучного. Мушим припознац же ми уж чежко ставац так вчас, та бим любел кед би унука превжала єдну часц роботи... Гоч зме роботню отворели у чежких часох, 1992. року, роботи було наисце вельо, нє мож було анї постарчиц – виприповедал нам Владимир, док з окремну схопносцу и лєгкосцу „вирабял” зоз цестом.
РУСКЕ СЛОВО 25
ЛЮДЗЕ, РОКИ, ЖИВОТ НАШ ГОСЦ: ДЮРДЇЦА ПОЛДРУГИ З КОЦУРА
ЖИВОТ З НЮ НЄ ПАНУЄ, АЛЄ ВОНА З НЇМ Пише: Златко КОЛЄСАР
Дюрдїца з дзивками и унуку Тину
Приношиц чежки одлуки котри меняю живот и каждодньовосц нє лєгко, алє Дюрдїцу Полдругову живот наганял же би свой власни живот меняла з кореня. У другей децениї свойого живота ше преселєла з Вуковару до Войводини, у трецей засновала фамелию, а у пиятей народзела треце дзивче и розишла ше зоз супругом. Нєшка, у шестей децениї, коцурска учителька задовольна, ужива у своїх дзивкох и унуки
Д
Дюрдїца з братами и сушедовима дзецми у Вуковаре
26 РУСКЕ СЛОВО
юрдїца Полдруги, Сримска, алє баржей Коцурска, бо вецей як половку свойого живота жиє у Коцуре. У Вуковаре, дзе ше народзела, препровадзела барз красне дзецинство. Нє було важне хто на яким язику бешедує, хто цо ма, або хто є. – Там сом закончела основну школу на горватским язику, ходзела сом и на годзини руского язика, гоч зме дома бешедовали по руски. Закончела сом и музичну школу – гармонику, понеже мой оцец бул самоуки музичар, та жадал же би и я рушела по тих водох. Любела сом танцовац, рецитовац и у тим сом мала успиху. Єдного року сом освоєла треце место на Републичним змаганю – памета Дюрдїца и додава же ше Руснаци у Вуковаре теди зазберовали у Союзу Русинох и Українцох Горватскей, дзе мали поетски вечари, путовали и ходзели на поетски кампи. У Павловичовей фамелиї, дзе одросла зоз двома братами, оцец барз жадал же би предлужела стредньошколске образованє на руским язику.
– Оцец у мнє видзел учительку, гоч я теди, анї нє штудирала о тим, а тераз сом му барз подзековна. Векшина з моєй класи ше уписали до тарґовецкей школи, бо ше у тим чаше отверала робна хижа у Вуковаре, барз модерна и шицким ґарантовали же буду мац роботу по законченю школованя. А я сцела буц стюардеса. Оцова шестренїца, а наша позната писателька Мелания Павлович, совитовала оцови же би було крашнє кед бим пошла до Ґимназиї до Руского Керестура, та я вшадзи конкуровала. Була сом прията на шицки три места, до Осєку за стюардесу, у Вуковару за тарґовца и у Руским Керестуре за учительку. Превагло оцово жаданє. ВОЙНА ЗАНАВШЕ ОХАБЕЛА ПОШЛЇДКИ Школованє у Руским Керестуре Дюрдїци принєсло красни друженя, велїх приятельох, алє и залюбеносц котра ю одведла до Коцура. Гоч ше зоз супругом розишли, з того малженства Дюрдїца ма три красни дзивки, два одати, а наймладша тих дньох мала матурантка. 8. ЮНИЙ 2018.
ljudze@ruskeslovo.com
– Залюбели зме ше и пошвидко побрали. О даскельо роки народзела ше Саня, а потим и Татяна. Були то красни даскельо роки, концом 80-тих, док нє почала война у Горватскей, котра охабела вельки пошлїдки на моїх родичох и на мнє – памета Дюрдїца. У войни Вуковар розваляни, а велї нєвини людзе, жертви, прецерпели вельки болї и нєправди. Дюрдїцово родичи єден час були у Коцуре. Хижа им зруйнована, та кед ше врацели, рушели од початку. Браца були у войни, єден брат Звонко погинул, а други, младши, Желько, котри робел у войску, нєшка у пензиї и жиє у Беоґрадзе. – Було барз чежко, брата зме нє нашли... Нєдавно сом дала ДНК, та тераз чекаме чи будзе найдзени. Вуковар ше пременєл. Велї мойо познати пошли до иножемства, а на тото цо вибудоване после войни, патрим з вельку носталґию. Мойо родичи помарли, остала їх хижа там дзе дакеди бул наш дом. У сушедстве уж нови ґенерациї, алє на вельке щесце, нїґда сом нє почувствовала же на мнє дахто боком патри, так же и Вуковар любим як и Коцур – гвари Дюрдїца. ТРИ ДЗИВКИ – ШИЦКО ЦО МАМ За Вуковар ю вяжу памятки, а за Коцур и Бачку єй три дзивки у котрих ше Дюрдїца барз цеши. Саня Полдругова, одата Дивлякович, наша позната шпивачка, одмалючка шпивала на наших фестивалох, зазначела числени успихи, а нєшка є занята у рускей редакциї РТВ Войводина. Татяна ше одала за Руснака Кимча до Кули и нєшка маю красну дзивочку Валентину Тину котра баби Дюрдїци велька радосц. – Задовольна сом кед патрим на дзивки, добри су особи, добри людзе – гвари наша собешеднїца здогадуюци ше як одрастали. Саня и Татяна одросли зоз маму учительку котра после або пред роботу у школи ходзела на польо. – Занїмали зме ше зоз польопривреду, ховали квеце и други култури, а мали зме тельо жеми же кед була сезона, кажди дзень зме мушели ходзиц на польо. Вельо раз зме нє могли шицко постарчиц, та и вони два ходзели з нами. Случовало ше же сом зоз трактора зишла, нашвидко ше витуширала и понагляла до школи – гвари Дюрдїца. У ПИЯТЕЙ ДЕЦЕНИЇ СТУДИРАЛА И ЧЕКАЛА БЕБУ Дюрдїца по законченю Висшей школи за учительох мала щесца и до стала роботу у фаху. Робела як наставнїца музич8. ЮНИЙ 2018.
У културним живоце у валалє була активна накадзи пришла до Коцура
ней култури у двох школох – у Савиним Селу и Вербаше, а познєйше до стала стаємну роботу як учителька у Основней школи „Брат ство єдинство” у Коцуре дзе и нєшка роби. Понеже закончела висшу школу, по сле вецей як двацец рокох роботи у фаху була примушена закончиц Учительски факултет, бо би остала без роботи. – Нє роздумовала сом чи ше упишем на факултет чи нє, гоч ми було чежко ознова покладац испити и учиц ше, но, мушим припознац, знала сом же мушим найсц моци, и попри обисца, и роботи у школи, закончиц два роки студийох. Теди сом анї нє знала же цо ми живот ище рихта – гвари вона, бо ше под час упису на студиї у Зомборе, нє чувствовала добре... – Требало учиц, покладац испити, старац ше о дзивкох хтори теди мали 17 и 18, требало ми прилапиц тото же у 43. року народзим треце дзецко. Валентина пришла як прави благослов на єй живот. Дала єй новей моци и енерґиї же би закончела и студиї... Ушлїдзел и розход зоз супругом. – Велї роки зме нє функционовали як фамелия, давно зме престали дзелїц и добре и зле, та сом през велї ситуациї зоз дзецми преходзела сама. Нє мала сом потримовку анї у моралним, анї у материялним смислу. Ришела сом же на нашу приповедку положим точку. Предлужела сом през живот сама, зоз своїм пейцрочним дзецком. Саня теди жила у Новим Садзе, а Татяна у Кули. Од того, 2009. року Дюрдїца рушела од початку, охабела шицко и нєшка жиє зоз Валентину котра мала красне дзецинство. Нєшка на шицко тото патри зоз огромним ошмихом на твари, и ище вше як и по тераз, до будучносци шмело крача.■
ПРЕГИРМЕЛИ ВЕЛЬО, ПРЕГИРМЯ И ТОТО Дюрдїца Полдруги активно участвовала у културним и дружтвеним живоце у Коцуре и режирала вецей представи по руски у котрих ґлумели школяре нє лєм з руских, алє и сербских класох. Длуго учителька водзела и рецитаторску секцию у Коцуре. Каждей сезони ше у тей обласци максимално анґажовала, и одводзела дзеци на змаганя. Кед почала жиц сама зоз Валентину, нє могла отримац квалитет, мушела претаргнуц. – Валентина, нажаль, достала дзецинску реуму, котра нє лєгка хорота з котру ше и нєшка трапиме, алє дриляме, нє даме ше и наздаваме ше же ше вилїчи. Прегирмели зме вельо, и тото прегирмиме – прешвечена Дюрдїца.
РУСКЕ СЛОВО 27
ЛЮДЗЕ, РОКИ, ЖИВОТ СТРЕТНУЦЕ ЗОЗ ВЛА ДИМИРОМ И АМАЛУ САБА ДОШОВИМА З ДЮРДЬОВА
СЕДЕМ ДЕЦЕНИЇ ЗЛАГОДИ
Пише: Сандра САЛАМУН
Дюрдьовчанє, Сабадошово, Владимир и Амала уж полни седемдзешат роки жию у малженстве. Одкеди ше побрали шицко робя вєдно. У поради и зоз сцерпеньом. У їх бешеди, рухох и попатрункох видно же то були децениї потримовки, почитованя и порозуменя. Шведкове су велїх пременкох у нас и у швеце, алє гваря же им фамелия вше була и будзе на першим месце авних рокох, кед Сабадошово були Д леґинь и дзивка, у Дюрдьове попри корзоа млади ше найвецей дружели на
Сабадошово ше побрали 1948. року
28 РУСКЕ СЛОВО
иґранкох и на праткох. Каждей нєдзелї од двох годзин иґранка була у Планчака, а кед ше змеркло одходзели дому вечерац и комотнєйше ше облєчиц за иґранку котра була прейґ драги Планчаковей сали, у Копчансковей. Їх приповедка почина праве на такей єдней иґранки. О даскельо роки кед ше упознали справели вельку свадзбу... – Кед сом ю обачел, такой сом здумал план, по слал сом ґу нєй пайташа Данила най єй пове же би вишла вонка. Опитал сом ше єй чи ми будзе дзивка, а такой и чи ше ода за мнє, з ошмихом на твари приповеда Владимир, а нашмеяна Амала додава. – Такой сом пристала, и нїґда сом нє побановала. О кратки час пошол до войска, алє я го чекала. Поряднє зме ше дописовали, тоти писма сом длуго чувала, и тераз су дзешка у шкатули лєм нє знам дзе. Нєсцерплїво сом их чекала, бо теди нє було телефони и лєм так сом могла знац як є – гвари Амала котра ше у тей хвильки задумала, бо ше здогадла тедишнього страху же чи ше Владимир враци. Войско служел два и пол роки, од 1944, по 1947. рок. Кед пошол мал дзеветнац, а Амала петнац роки. Побрали ше о рок як пришол, жадали скорей, алє пре наглу шмерц
Владимирового оца, причекали же би прешол рок. У МИРЕ ШИЦКО РИШОВАЛИ Сабадошово цали свой живот препровадзели у Дюрдьове. Амала гвари же тоти седем децениї наисце швидко прелєцели и же паметаю найвецей красни хвильки. Млади дзивки у тедишнїх часох найбаржей роздумовали о живоце зоз супругом и дзецми, у заєднїци. – Одтеди сом го анї раз нє охабела. Вадзели зме ше, як и шицки, алє зме ше швидко єдно ґу другому озвали и далєй було як треба. Прейґ драги од нас жили мойо родичи. Вера же нїґда нє знали же зме ше поспричкали, памета – Амала – Ми ше якошик през шицки тоти роки складали, помагали зме себе и вше нам ше, якош, удало у мире шицко розришиц – предлужує Владимир. Гваря же робели же би могли напредовац, а у часох кед були младши тото им ше и удало. Як вчера памета яки бул щешлїви кед 1964. року купел перши нови трактор – ферґусона. За живота купел штири трактори, а вец нови комби и камион. Обидвойо гваря же теди нє було як тераз, лєм два граждански класи, худобни и богати. Теди напредовац могол кажде хто сцел робиц, а вони були з тих, 8. ЮНИЙ 2018.
ljudze@ruskeslovo.com
вше глєдали иновациї од котрих буду мац хасну, та перши у валалє на полю викопали студню од три цоли за залїванє паприґи. – Нє розумовали зме о луксузу, алє о роботи и о тим цо потребне за живот. Нїґда зме нє мали авто, алє камион котри нам бул на хасен, важне нам було дзеци вишколовац, и покупиц им хижи – гвари Владимир. НА МОТОРКИ ҐУ СУПРУГОВИ И НАДНЇЧАРОМ Сабадошово цали живот були парасти. Садюзели житарки, бостан, гращок аж на штернац ланцох. Паприґу мали двацец роки и поряднє предавали на Каленичовим пияцу у Беоґрадзе. Вше мали статку и живини. – Добре зме ше складали. Вчас рано мой пошол на польо, я понапавала и понамиряла статок и живину, а вец сом шедла на моторку и пошла на польо ґу ньому, або ґу наднїчаром. Вше зме шицко сцигли поробиц, а роботи було вельо. Док зме садзели гращок мали зме и по шейдзешат наднїчарох на дзень, памета наша собешеднїца, котра медзи першима, а вироятно и перша жена котра у валалє мала положене за моторку. Бачи Владо гвари же було добре док могол вельо робиц и кед о хоротох нє роздумовал. – Тераз мам тоту хибу же ше му цукер зявел, а то така хорота же часто чувствуєм слабосц. Єдино добре же нє мам болї, а мам апетит и енериї, алє нє таку як цо би требала буц – гвари вон. Припознава же ше часто робело по його, бо нїґда нє жадал же би завишел од других, алє и же му найвекша потримовка у шицким була супруга. Такого характеру є и нєшка. Найволї кед шицко сам покончи, алє му остатнї рок нє шицко идзе так як би сцел. – Тераз ше з мою скоро анї нє вадзиме, бо нє маме на чим. Роздзелєли зме роботи хто цо може. Супруга вари, отримує обисце и поряднє миши галушки, а я обрабям поля и заграду. Од желєняви нїч нє купуєме, бо шицкого маме. Гоч того мешаца наполнї 93 роки, вон найстарши активни польопривреднїк у
Дюрдьове. Од прешлого року жем менєй обрабя, лєм заоре бразди же би указал як треба же би му други поробели. И нє мож го так часто видзиц на бициґли, частейше є на трактору и поряднє обиходзи поля. Його супруга до влонї варела маджуну, кладла дунци, туршию.., гоч єй шлїдуюцого мешаца будзе 89 роки. Бистрого розума и таких истих думкох, операю ше єдно на друге. Любя же ище вше можу садзиц желєняву аж и сином и їх фамелийом, та и унучатом, а у парунучатох найбаржей уживаю. Од двох синох, Владимира и Мирона, маю штверо унуки Лидию и Єлену и жецох Драґана и Йована, унукох Ивана и Мирослава, та уж и штверо праунучата Владимира, Марка, Максима и Андрея. Прабаба Амала их нє бере на руки, бо ше бої же их випущи, алє барз єй мило кед ше на нїх припатра, слуха и бешедує з нїма. Обидвойо тримаю же любов ґу наймилшим цошка наисце окремне и прекрасне, часто анї описац нє мож. ДОК РОБЕЛА РУЧНИ РОБОТИ ОДПОЧИВАЛА Кед ше одала, Амала Сабадошова купела нову машину, та за обидвох синох наштиковала по двасто ручнїки за свадзбу. Любела ручни роботи, окреме гейґловац. То єй бул гоби у шлєбодним чаше, окреме през жиму, кед нє було роботи на полю. За тот час бачи Владо вше штудирал як би могли напредовац у роботи. – Чловек креатор свойого живота. Важни инстинкт и нє одуставанє. Живот комликовани лєм кед го себе сами закомликуєме, того ше треба одрекнуц. Тиж так, треба жадац гевто цо можеш витвориц. Важне и робиц гевто цо любиш, нє важне чи ши параст, чи интелектуалєц. Треба максимално вихасновац свойо знанє – так през живот роздумовал Владимир. Обидвойо младим совитую же заєднїцки живот може обстац лєм кед ше двойо складаю, почитую и слухаю. Дакеди, гваря, дацо треба прецихнуц, дакеди бриґи обрациц на франту. Дакеди ше нє оглядац за тим цо було. Лєм напредок патриц.■
Паприґу садзели двацец роки РИДКО ХТО ТАКЕ ДОЖИЛ На седемдзешату рочнїцу малженства, 17. мая, посходзела ше цала фамелия, а нашо собешеднїки ше здогадли на 1948. рок кед ше побрали. Славиц таки ювилей нє каждодньовосц, бо у Дюрдьове а и ширше ридко хто дожиє таки красни роки вєдно. Госцина була у Сабадошовим обисцу котре справели давного 1951. року. Хижу ище вше малюю з мустрами, а мури обцагнути зоз смужками. По цалим дворе вискладани цегли, з бокох квеце и отворени конк дзе стол и карсцелї, а коло нього ше желєнєє нови род грозна. Так як дакеди випатрало скоро кажде руске обисце.
На таки красни ювилей треба мац памятку
8. ЮНИЙ 2018.
РУСКЕ СЛОВО 29
ДУХОВНИ ЖИВОТ СТРЕТНУЦЕ ВОЛОНТЕРОХ КАРИТАСУ НАШОГО ЕҐЗАРХАТУ
НЄ ЧЕКАЮ АНЇ ПОДЗЕКОВАНЄ У Водици прешлей соботи, 2. юния, отримане рочне стретнуце волонтерох Каритасу нашого Апостолского еґзархату, на котре ше з векшини наших парохийох одволали коло 40 особи, вирни, дзевецме нашо священїки и шестри Служебнїци. Стретнуце почало з Молебеном до Богородици у водицовей церкви, хторе служел керестурски капелан о. Михайло Шанта, а перше викладанє отримал домашнї парох о. Михайло Малацко на тему Каритасу, любови до ближнього и волонтеризму. Як наглашел парох, любов нє лєм слова, алє конкретне дїло, а волонтеризем тей файти без любови нє можлїви. – Волонтер свой труд дава безплатно, лєм з чистей любови ґу Богу и нє шме чекац анї подзекованє, бо ше вец часто може розчаровац до людзох – наглашел о. Малацко. Директор Каритасу нашого Еґзархату о. Владислав Варґа потим отримал викладанє на тему „Мария и Каритас”. – Мария була перша котра служела, перше кед пристала постац мац, а вец кед пошла служиц своєй нини Єли-
Фото: ш. Михаїла Воротняк
савети. У єй вислове „Я слугиня Господня” приклад и каждому нашому волонтерови – визначел о. Варґа. И вон и о. Малацко, наглашели поволанку папи Венедикта, яке важне же би у каждей парохиї исновал Каритас, хтори ше будзе старац о потребох своїх парохиянох. Потим представителє присутних парохийних Каритасох представели свою роботу и свойо намаганя. Тиж и шестри Служебнїци, на чолє з провинциялну ш. Мартину Кмита, представели свойо активносци, а найвецей свою роботу зоз дзецми – широтами у Виноградове на Закарпатю, дзе финансийно помагали и нашо парохиї з Беоґраду, Сримскей Митровици и Шиду. Шестри з тей нагоди принєсли и икону своєй сновательки блаженей ш. Йосафати. На концу стретнуца шицки волонтере поволани на Стретнуце волонтерох Каритасу Сербиї хторе будзе 16. юния у Зренянину. М. А.
У ВОДИЦИ
ОЗНАЧЕНЕ ШВЕТО ЦАРИЦИ БОГОРОДИЦИ
Зоз Службу Божу и Молебеном до Богородици, 31. мая вечар, у Водици означене нєзаповедане швето Царици Богородици, и так закончени и Водицов тидзень – остатнї тидзень у маю, Марийовим мешацу, кед ше у Водици кажди дзень служа Служби. Вечаршу Службу служели керестурски капеланє о. Владимир Медєши и о. Михайло Шанта, а парох о. Михайло Малацко споведал. Служба Божа була у лєтнєй каплїци, понеже було коло 200 вирних, а през цали тидзень служена є у водицовей церкви и вше була крашнє нащивена. Паломнїцки дзень, як нєзаповедане швето Царици Богородици запровадзени штредком прешлого вику и велї роки бул заєднїцки дзень у Водици за вирних зоз шицких наших парохийох док ше нє подзелєли зоз розличнима календарами. М. А.
30 РУСКЕ СЛОВО
8. ЮНИЙ 2018.
duhovni@ruskeslovo.com
У РУСКИМ КЕРЕСТУРЕ БУЛА ПЕРША ПРИЧАСЦ
ВИРАЗ БОЖЕЙ И НАШЕЙ ЛЮБОВИ У парохиї св. оца Миколая, 39 школяре другей класи, внєдзелю, 3. юния, на швето Пресвятей Евхаристиї, першираз приступели до св. Тайни Причасци, у Катедралней церкви на дзецинскей Служби Божей на 11,30, а дзень пред тим и до св. Споведзи. Службу Божу служели шицки троме домашнї священїки – парох о. Михайло Малацко и капеланє о. Владимир Медєши и о. Михайло Шанта, а церква була полна з фамелиями и родзину першопричашнїкох. Парох о. Малацко у казанї потолковал: – Нєт векше швето за нас як тото, кед сцеме указац же любиме Бога. Бо св. Причасц то вираз Божей любови ґу нам и нашей любови и подзековносци ґу Богу хтори нам шицко створел, кед го примаме у св. Евхаристиї под видами хлєба и вина. И ґу Богови треба приходзиц нє лєм раз до рока, алє
може и кажди дзень. Прето най и нєшка похопице же з Богом вельо лєгчейше през живот, як без Бога, бо вон сама чиста любов. На концу Служби першопричашнїки присутним пририхтали кратку програму о тим цо за нїх значи тота велька подїя, а потим участвовали у процесиї коло церкви зоз св. Тайнами. Зоз прершопричашнїками и други дзивчатка руцали ружово лїсточка опрез священїка хтори ношел св. Чашу шпиваюци хвалу Богу „Свят, свят, Господь саваот”. Кед закончена процесия, парох у церкви шицким першопричашнїком подзелєл памятни обращики на тоту значну подїю за їх духовни живот. За шицко их пририхтали шестри Служебнїци, а виронауку им тримала ш. Авґустина. Векшина ходзели и на школску виронауку ґу вироучительки Златици Малацко, а попри нєй на шветочносци першей Причасци були и їх учительки Любка Бучко и Ясминка Сабадош. М. А.
ҐЕНЕРАЛНА СКУПШТИНА КОНФЕРЕНЦИЇ ЕВРОПСКИХ ЦЕРКВОХ У НОВИМ САДЗЕ
ВЕЛЇ СПОКУСИ ХРИСТИЯНСТВА Спокуси за Церкву, дружтвена нєровновага у Европи, прешлїдзованє християнох у Сириї и Ираку, шлєбода виросповиданя и правда за меншински и векшински заєднїци, шведоченє о климатских пременкох, справдлїва учасц у Божей жеми и єй богатствох, миґрациї у Европи – то були теми, як явели медиї, о хторих бешедовали
8. ЮНИЙ 2018.
учашнїки Ґенералней скупштини Конференциї европских Церквох у Новим Садзе, од 31. мая по 5. юний. Участвовали представнїки православних, протестантских, анґликанских и старокатолїцких Церквох зоз Сербиї и шицких жемох Европи. Представнїки Апостолского еґзархата за грекокатолїкох у Сербиї нє були присутни. На отвераню того схода були патриярх сербски Ириней, митрополит заґребско-люблянски Порфириє, епископ бачки Ириней, предсидатель Покраїнскей влади Иґор Мирович, директор Управи за сотруднїцтво зоз Церквами и вирскима заєднїцами Милета Радоєвич и други особи зоз церковного, явного и политичного живота у жеми и иножемстве. У своєй бешеди за явносц, патриярх сербски Ириней замодлєл же би чолнїки у швеце дзвигли свой глас у борби процив нєсправедлївого и насилного одбераня териториї Републики Сербиї – Косова и Метохиї. М. Г. К.
РУСКЕ СЛОВО 31
informator@ruskeslovo.com OСТАТНЇ ПОЗДРАВ Наш мили тато и дїдо
ОСТАТНЇ ПОЗДРАВ Нашому милому шовґрови
МИРОНОВИ БУДИНСКОМУ (1931–2018) з Нового Саду
Красни памятки на ньго чуваю нєвеста Славица Сабадошова зоз своїма дзивчатми Славку и Таню и їх фамелиями Вичная памят! ОСТАТНЇ ПОЗДРАВ Нашому милому бачикови
МИРОН БУДИНСКИ (1931–2018) з Нового Саду МИРОНОВИ БУДИНСКОМУ (1931–2018) Красни памятки у своїх шерцох на ньго буду чувац Иринка Дудашова зоз мужом и дзецми, Мелания Ковачова зоз дзецми и Сенка Миячичова зоз дзецми Спочивай у мире Божим! Нашому писательови
ОСТАТНЇ ПОЗДРАВ
занавше нас зохабел 2. юния 2018. року. Будземе паметац його мудросц, пожертвовносц и змиреносц. Ожалосцени: дзивка Любка, унуки Ана и Лара и жец Миодраґ Вичная памят! ДВОРОЧНИ СПОМИН
МИРОНОВИ БУДИНСКОМУ (1931–2018) з Нового Саду Вашо приповедки зоз хторима зме росли буду жиц док єст руски дзеци. НВУ „Руске слово” и Национални совит рускей националней меншини СМУТНЕ ЗДОГАДОВАНЄ Дня 4. юния наполнєли ше єденац роки як нас занавше зохабела наша мила мац и баба, а 20. юния наполня ше двацец три роки як нас занавше зохабел наш мили оцец и дїдо
ВЕРА ПРОВЧИ народзена Попович (1954–2016) з Петроварадину
ВИТОМИР (1932–1995)
БОДЯНЕЦ
ОЛҐА (1934–2007)
з Руского Керестура З любову и почитованьом памятки на нїх чуваю їх наймилши
32 РУСКЕ СЛОВО
Нє иснує час хтори лїчи чежки рани, нє исную слизи хтори лїча вельки боль. Памятки прекрасни, стретнуца препровадзени зоз тобу будземе вично ношиц у наших шерцох. Твойо наймилши: Леона, Єлена и Мирослав 8. ЮНИЙ 2018.
informator@ruskeslovo.com ОСТАТНЇ ПОЗДРАВ Нашей милей супруги, мацери и баби
Моєй милей дзивки
ОСТАТНЇ ПОЗДРАВ
ИРИНКИ СКУБАН (1954–2018) з Коцура Дзивко моя, твою любов и доброту будземе чувац глїбоко у шерцу и занавше паметац. Твоя мила мац Цецилия Абрагамски СМУТНЕ ЗДОГАДОВАНЄ Дня 4. юния наполнєл ше рок як нас занавше зохабел супруг и оцец
ИРИНКИ СКУБАН (1954–2018) з Коцура Твою любов, доброту и пожертвовносц спрам нас будземе чувац глїбоко у наших шерцох. Памятка на тебе останє навики. Твойо наймилши: супруг Дюра, дзеци Татияна зоз супругом Владимиром, Мариєта, Ясмина и унучата: Сара, Урош, Дуня, Антонийо и Душица СМУТНЕ ЗДОГАДОВАНЄ Дня 6. юния наполнєли ше шейсц мешаци як нє з нами наша мила супруга, мац, баба и прабаба
МАРИЯ ФЕЙДИ народзена Надь (1940–2017) з Руского Керестура Час преходзи, тебе вецей нєт, алє за тобу нам остали лєм красни памятки. Ожалосцени супруг Мирон, дзивка Мария, унуки Мирко зоз супругу Андреу, Желько зоз супругу Андреу и Тамара зоз супругом Даниєлом, та праунучата Стефан, Теодора и Матео Спочивай у мире Божим! СМУТНЕ ЗДОГАДОВАНЄ
ВИКТОРИЯ ГОРНЯК (1969–2012) з Дюрдьова Пред шейсцома роками престало дуркац твойо шерцо и зоз твоїм одходом як кед би и час станул. Навики будзеш жиц у наших шерцох и думкох. Чуваме це од забуца, мила наша жено и мамо. Супруг Владимир и дзивки Лидия и Кристина
8. ЮНИЙ 2018.
ВЛАДИМИР КИШАДАМОВ (1944–2017) з Дюрдьова
З любову и почитованьом памятку на ньго вично буду чувац супруга Мелания и син Микола Спочивай у мире Божим! СМУТНЕ ЗДОГАДОВАНЄ Дня 4. юния наполнєл ше рок як нас занавше зохабел оцец и дїдо
СМУТНЕ ЗДОГАДОВАНЄ Дня 4. юния наполнєл ше рок як нас занавше зохабел оцец и дїдо
ВЛАДИМИР КИШАДАМОВ (1944–2017) ВЛАДИМИР КИШАДАМОВ з Дюрдьова (1944–2017) Памятку на ньго вично буду чуз Дюрдьова вац дзивка Славица, жец Алекса Памятку на ньго вично буду чуи унучата Валентино, Никола и вац дзивка Наташа, жец ВладиВалентина мир и унука Лидия Спочивай у мире Божим! Спочивай у мире Божим! СМУТНЕ ЗДОГАДОВАНЄ Дня 11. юния 2018. року наполнї Дня 16. октобра 2018. року наполше рок як вецей нє з нами наш ня ше 30 роки як вецей нє з нами оцец, швекор, дїдо и прадїдо наша мац, швекра, баба и прабаба
НАТАЛА БОДВАНЬСКИ народзена Семан з Руского Керестура
ВЛАДИМИР БОДВАНЬСКИ
Памятку на нїх вично буду чувац и нїґда нє забуду їх наймилши: син Славо зоз фамелию и син Михал зоз фамелию Спочивайце у мире Божим!
РУСКЕ СЛОВО 33
СМУТНЕ ЗДОГАДОВАНЄ Дня 11. юния 2018. року наполнї ше жалосни рок як вецей нє з нами
СМУТНЕ ЗДОГАДОВАНЄ Дня 30. мая наполнєли ше седем мешаци як занавше пошла з нашого цеплого дому
СМУТНЕ ЗДОГАДОВАНЄ Дня 5. юния наполнєли ше 4 смутни роки як нас занавше зохабел наш мили
ВАЛЕНТИНА ВИНАЇ МИХАЙЛО ЧИЗМАР (1972–2017) (1955–2014) з Руского Керестура з Руского Керестура Охабела ши вичну пражнїну и боль у З любову и почитованьом памятмоїм шерцу. ки на ньго чуваю його наймилши Твой супруг Велимир Винаї-Мичо Спочивай у мире Божим! Спочивай у мире Божим!
СМУТНЕ ЗДОГАДОВАНЄ Дня 6. юния наполнєли ше три роки як нас занавше зохабел наш мили оцец, дїдо и прадїдо
ТАНЯ КЕРАВЧИН народзена Тамаш (1969–2017) з Деспотова Прешол жалосни рок як ши нє з нами, а вельки боль у мацеровим шерцу остава. Нїч вецей нє так як було. Стоїм и ослухуєм чи ше капурка нє отвори. Чекам: чи це нє увидзим, твой ошмих, красне слово хторе ши мала за шицких. Алє тебе нєт! Вично ожалосцена мац Амалия и брат Юлиян зоз фамелию Спочивай у мире Божим! СМУТНЕ ЗДОГАДОВАНЄ Дня 9. юния наполня ше три смутни роки як нас нєсподзивано занавше зохабел у вельким смутку, болю и жалю наш мили супруг, оцец и дїдо
ВЛАДО МЕДЄШИ (1934–2015) з Руского Керестура
ЯКИМ РОМАН (1943–2015) з Руского Керестура Памятку на це у своїх думкох и шерцох навики буду чувац твойо наймилши, вично ожалосцена супруга Сена, дзеци и унучата Спочивай у мире Божим! СМУТНЕ ЗДОГАДОВАНЄ Дня 7. юния наполнєли ше 15 жалосни роки як ше преселєла до вичносци наша мила дзивка, мац и баба
СМУТНЕ ЗДОГАДОВАНЄ Дня 1. юния наполнєли ше два роки як вецей нє з нами наша мила супруга, мац, баба и прабаба
Памятку на його доброту и любов у своїх шерцох навики чуваю: син Юлин зоз супругу Ґенку, дзивка Марча зоз супругом Дюром, унуки: Борис зоз супругу Таню, Наташа зоз супругом Иґором, Иґор зоз супругу Марияну, Михаела зоз супругом Миодраґом, Aлександра зоз супругом Петром и Андрей, та праунуки: Елеонора, Валентина, Еван, Леана и Ана Спочивай у мире Божим! Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
МАРИЯ ОРОС народзена Жилник (1932–2016) ЛЮБКА ЯНКУЛОСКИ з Руского Керестура (1961–2003) Красни памятки на єй любов и Памятки на ню вично чуваю супруг доброту навики буду у шерцох Мирон, син Юлин зоз супругу Ґенку, унуки Весна и Ясна зоз фамелиями ношиц єй наймилши Спочивайце у мире Божим! Мила, най це ангели чуваю!
34 РУСКЕ СЛОВО
о поднєшеней вимоги за одлучованє о потреби преценьованя вплїву на животни штредок проєкта Ношитель проєкта „TEHNOPAPIR” ДОО, Беоґрад, Земун, Автодрага за Нови Сад число 74, поднєсол вимогу за одлучованє о потреби преценьованя вплїву на животни штредок проєкта „Пошоренє за дочасове маґазинованє и третман
нєопасних одруткох” у Новим Садзе, у Улїци Драга новосадского партизанского одряду число 11, на катастерских парцелох число 2245/3, К. О. Нови Сад I и ч. 480/9, К. О. Нови Сад IV Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110 a, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду.
8. ЮНИЙ 2018.
* дзе цо будзе *
ВЕСЕЛИНКА 2018 Весели нашо Веселинкаше! Тогорочни 17. Фестивал дзецинскей творчосци Руснацох Войводини „Веселинка” будзе на соботу, 9. юния, на старей адреси – Нови Сад, Йована Суботича 8. Як и каждого року, креативни роботнї починаю на 17, а музично-сценска програма на 20 годзин. ***
КОНЦЕРТ ХЛОПСКЕЙ ШПИВАЦКЕЙ ҐРУПИ РКЦ
На нєдзелю 10. юния на 20,30 годзин, у Реформатскей церкви (на углє улїчкох Пап Павла и Шафариковей) у Новим Садзе будзе концерт Хлопскей шпивацкей ґрупи РКЦ. Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же нє потребне преценьованє вплїву застатого стану на животни штредок проєкта базней станїци мобилней телефониї „НС Лїпов Ґай 2” Подприємство „Тelenor Com monOpe ra tion ” D.O.O., Оддїл Беоґрад-Нови Беоґрад, по овласценю ношителя проєкта TE LE NOR ” D.O.O., Нови Беоґрад, Младежских бриґадох 90, поднєсол тому орґану вимогу за одлучованє о потреби преценьованя вплїву застатого стану на животни штредок проєкта базней станїци мобилней телефониї „НС Лїпов Ґай 2” у улїци Новосадска драга 114, у Новим Садзе, на катастерских парцелох число 3763/1 и 3763/2, К. О. Ветерник, Город Нови Сад. После запровадзеного поступку, Городска управа за защиту животного штредку дня 30. мая 2018. року принєсла ришенє число VI-501-46/18 же потребне преценьованє вплїву застастого на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин на сайту Городскей управи за защиту животного штредку www. environovisad.org. rs. Заинтересована явносц може виявиц жалбу процив того ришеня у чаше 15 днї од дня його обявйованя у средствох явного информованя, по тим орґану.
МАЛИ ОГЛАШКИ ДИХТОВАНЄ облакох и дзверох з неопрен ґуму. Щици од витру, жими, праху и шпорує на зогриваню. Монтираме и оправяме ролетни, гармониково дзвери, пантлїково фиронґи, мрежи од суньоґох. 060/5088433 и 025/5827-710 *** ВЛАГА? Изолуєме влажни хижи. 063/440-470 и 063/102-41-14. 8. ЮНИЙ 2018.
ИНФОРМАТОР/СПОРТ РИБАРСКЕ ЗМАГАНЄ НА ДУҐОВ У РУСКИМ КЕРЕСТУРЕ
ПЕРШЕ МЕСТО ЗОЗ ТРОМА КИЛОГРАМАМИ РИБИ Внєдзелю, 3. юния, отримане традицийне змаганє котре орґанизовало Здруженє спортских рибарох „Коляк” зоз Руского Керестура. Змаганє було на Лалицкей писти на беґелю Дунай-Тиса-Дунай, а участвовали 25-еро змагателє, члени ЗСР „Коляк”. Того року бул лєм єден змагатель вецей як прешлого року, алє обачиц зменшанє сениорских змагательох котрих було лєм 12, а пионирох аж 13. Вироятнє же ше на змаганє пионире одволали у таким чишлє прето же праве пред тим закончена и Школа за малих рибарох у форми едукативних роботньох котри орґанизовало Здруженє, а зоз цильом прицигованя цо векшого числа дзецох. У катеґориї старших рибарох перше место завжал Яким Джуджар, друге Мирко Фекете, а треце Златимир Рамач, шицки троме искусни рибаре, алє у своєй мрежи анї єден нє мал три килоґрами. У катеґориї пионирох перше место завжал Никола Максимо-
вич (2006) зоз Лалитю, друге Борис Жирош (2004), а треце место Никола Максимович (2004), обидвоме з Керестура. По законченю трогодзинового змаганя за шицких учашнїкох, членох Здруженя и публику у їх лєтнїковцу на базену порихтани полудзенок, дзе побиднїком уручени награди з аплаузами, а шицки змагателє достали и символични дарунки и дипломи. Наймладши учашнїки були у провадзеню старших, алє ше змагали самостойно, та мож повесц же попри змагательох, з тей нагоди було присутне и красне число публики, котра давала щиру потримовку своїм фаворитом. М. Джуджар
ОТВОРЕНЕ ПЕРШЕНСТВО БАЧУ ЗА СТОЛНОТЕНИСЕРОХ
ШТИРИ МЕДАЛЇ КЕРЕСТУРЦОМ Отворене першенство у Бачу за столнотенисерох отримане внєдзелю, 3. юния, а на нїм ше змагали и спортисти Столнотениского клубу „Русин”. На турниру у Бачу було вецей як трицец змагательох, а зоз Руского Керестура участвовали штирме хлапци, у предшколским возросту Мартин Пашо, котри завжал друге место, зоз трецей класи основней школи Иґор Фейди, котри тиж освоєл друге место. Матей Сабадош освоєл друге место, а Сашо Шанта треце, обидвоме школяре шестей класи. По перши раз пионирох на змаганє водзел млади тренер Стефан Горняк. Як дознаваме од нього, перши змаганя були досц напарти, алє познєйше, кед ше Русиновци одшмелєли, указали же знаю и вецей як цо то мож обачиц на тренинґох. М. Дж.
РУСКЕ СЛОВО 35
СПОРТ ПОДРУЧНА ФОДБАЛСКА ЛИҐА НОВИ САД
„БАЧКА” ОСТАЛА У ИСТИМ ДРУЖТВЕ РФК „Нови Сад 1921” (Нови Сад) – ФК „Бачка 1923” 1:1 (0:1)
НОВИ САД: Стадион РФК „Нови Сад 1921” патрачох коло сто пейдзешат. Главни судия Марко Митрович (Нови Сад), помоцни Стефан Тепич (Шайкаш) и Лука Живкович (Нови Сад). БАЧКА: Иґнїч, Петрович, Солдат, Курушич, Павлов, Пантич, Летич, Маркович, Янкович, Тривунович и Делич. Було три замени у другим полчасу. До бависка вошли Балоґ у 68. минути котри заменєл Петровича, у 83. минути вошол Вуйович, а заменєл Янковича, а у 90. минути Яковлєвич заменєл Тривуновича. Ґол за Бачку дал Павлов у 20 минути. У 34, остатнїм колє у ярнєй часци змаганя Подручней фодбалскей лиґи Нови Сад, дзевятопласована ФК „Бачка 1923” з Дюрдьова госцовала у Новим Садзе на терену осмопласованого РФК „Нови Сад 1921”, котри мали исте число бодох. Змаганє ше закончело з нєришеним резултатом, а делеґат Воїслав Кесич з Нового Саду гварел же у векшей часци змаганя домашня екипа доминантнєйша, а госци вихасновали нагоду за ґол. – З оглядом на стартну позицию на полусезони, мушиме будзе задовольни, гоч я особнє нє задовольни зоз конєчним. Думам же зме могли буц пияти або шести, цо цалком реалне. У екипи у старту було кущик проблеми, було покалїченя, дакеди фодбалере нє приходзели поряднє на пририхтованя, а мали зме и вельо каребни картони на змаганьох. Алє я прешвечени же шицки дали свой максимум, так же сом задовольни – гварел Раденко Шарович, тренер першого тима ФК „Бачка 1923” з Дюрдьова. Тоту часци сезони Бачка почала як штернастопласована екипа, у цеку першенства ше найвецей затримовала у
першей часци таблїчки, а найвекши пласман им було шесте место. По ище вше нєурядових податкох, у Подручней фодбалскей лиґи Нови Сад будзе реорґанизациї. Найвироятнєйше пейц екипи зоз сподку таблїчки напуща лиґу. Дюрдьовска Бачка ше спрам того виборела остац у лиґи, бо спод собу ма седем екипи. Такой спод Бачки ше находзи ФК „ЖСК” Жабель з 45 бодами, котри ше тиж виборел остац. На предостатнїм месце, од осемнац екипох находзи ше ФК „Єдинство” зоз Ґосподїнцох, котре ма 22 боди. После того змаганя ФК „Бачка 1923” з Дюрдьова на єденастим месце од осемнац екипох, а у тей часци змаганя назберала 46 боди, цо за єден бод менєй од дзешатого, дзевятого и осмого места. У тей часци першенства Бачка мала 34 змаганя, од хторих 11 побиди, 13 змаганя з нєришеним резултатом и 10 страцени змаганя. Дали 73 ґоли, а прияли 61, цо твори позитивну розлику од дванац ґоли. Пауза у змаганю будзе до половки авґуста. С. Саламун
ПОДРУЧНА ФОДБАЛСКА ЛИҐА ЗОМБОР – БАЧКА ПАЛАНКА
НОВЕ ПОРАЖЕНЄ РУСИНА
ФК „Липар” – ФК „Русин” РУСИН: Надь, А. Кочиш, М. Янїч, М. Гарди, М. Голик, Малацко, Б. Орос, Саянкович, Дюканович, Будински, С. Кочиш. До бависка ище вошли Филип Рац хтори заменєл Будинския, Б. Янїч заменєл А. Кочиша, а Денис Гарди заменєл Б. Ороса. Русиново бавяче одлично почали змаганє, та перши полчас ришели на свой хасен зоз ґолом хтори дал Дюканович. Окрем того ґола Русин мал ище даскельо нагоди хтори нє вихасновал. У другим полчаше Русин ознова почал зоз одличним бависком и зоз посцигнутим другим ґолом хтори тераз посцигнул Стефан Кочиш. Таке добре бависко претаргнул пенал за домашнїх оправдано досудзени. Домашнї зменшали
36 РУСКЕ СЛОВО
(Руски Керестур) 5:2 (0:1) на 2:1. После того, за 5 минути Русин достал ище два ґоли, зоз нїма бависко Русина ше розпадло, та домашнї посцигли ище два ґоли. Змаганє процив Липара, одбавене 3. юния, було остатнє у тим першенстве. Русин завжал 13. место на таблїчки Подручней фодбалскей лиґи Зомбор – Бачка Паланка. За шлїдуюцу сезону планує ше реорґанизация лиґи хтора будзе чишлїц 14 клуби место терашнїх 16, та ше Русинови будзе требац добре пририхтац же би остал у тей лиґи. Фодбалере Русина на пияток, 8. юния, путую до Словацкей, дзе им буду домашнї фодбалере зоз Земплинских Теплицох. Тото стретнуце лєм предлуженє добрих одношеньох двох клубох. Я. Виславски 8. ЮНИЙ 2018.
sport@ruskeslovo.com
ПОДРУЧНА ФОДБАЛСКА ЛИҐА СУБОТИЦА
ПОБИДА ЗА БАРАЖ
ФК „Искра” – ФК „Пролетер” (Нєґошево) 6:1 (4:0) КОЦУР: стадион ФК „Искра”, патрачох коло 250. Ґоли за Искру дали: Даниєл Радулович 2, Зоран Сердар 2, Ненад Шанта 2 ИСКРА: Филеп, Иван, Делич Дамир Ґубаш, Сталевич, Ваяґич, Мароєвич, Малацко, Радулович, Дамян Ґубаш и Сердар До бависка вошли: Перович и Шанта Закончена сезона у Подручней лиґи Суботица, а Искра зоз Коцура на концу освоєла треце место и виборела бараж за уход до Войводянскей лиґи сивер. У остатнїм колу Искра на домашнїм ҐУБАШ ЗАКОНЧЕЛ терену дочекала Пролетер зоз БАВЯЦКУ КАРИЄРУ Нєґошева и зоз прешвечлїву побиду од 6:1 положела точку Пред початок змаганя на прешлу сезону. Искра – Пролетер на тереБавяче Искри ришенo во- ну отримана мала шветочшли до бависка же буду бавиц носц. Длугорочни бавяч и найлєпше як можу и же зоз капитен Искри Дамир добрим бависком подзекую Ґубаш закончел бавяцку коцурскей публики на потри- кариєру. З тей нагоди, рукомовки котру им указовали нє водство Клубу подаровало лєм у Коцуре, алє и на госцо- му урамени дрес за заклаваньох на котрих Искра баве- данє и доприношенє Искрола. Гоч Искри побида була вим успихом. императив пре обезпечованє баражу, бавяче бавели розтерховано и чечно. У каждим сеґменту надбавели госцох. Питанє побиднїка ришене у першм полчаше котре закончене зоз резултатом 4:0 за Искру. По два ґоли дали Даниєл Радулович и Зоран СерУ другим полчаше добре бависко Искри ше предлужедар. ло, медзитим госцом ше удало дац почесни ґол и зменшац на 4:1. Тренер Искри Абрамушич на тим змаганю УСПИШНИ И МЛАДШИ КАТЕҐОРИЇ дал дакус векшу „минутажу” шеснацрочному Ненадови Прешлого викенду активни були и младши катеґориї Шантови од котрого у клубу маю вельки очекованя и коло хторого би ше о даскельо роки могла будовац екипа Искри. Пионире одбавели два першенствени змаганя и за- Искри. Шанта на тим змаганю указал свой потенциял и значели два прешвечлїви побиди. Концом мая у Коцуре дал два ґоли и поставел конєчни резултат 6:1, а дакус хипобедзели ФК „Ядран” зоз Фекетичу зоз резултатом 5:0. бело же би посцигнул и гет-трик. Шампион Подручней лиґи Суботица за сезону Ґоли дали Ненад Шанта, Милорад Ваяґич, Оґнєн Салонтаї, Давид Дакич и Алекса Дорокхази. Всоботу, 2. 2017/2018 екипа ФК Байша зоз истоменого места котра Юния, у Панониї победзели истомену екипу зоз 8:0. обезпечела бависко у Войводянскей лиґи сивер, а по Ґоли на тим змаганю дали Дамян Колошняї 4, Давид остатнїх информацийох аж и у Сербскей лиґи ВойводиГарди, Дамян Михняк, Кристиян Мученски и Оґнєн на понеже иснує можлївосц же ше фузионую зоз ФК Булатович по 1 гол. „Србобран” котри освоєл перше место у Войводянскей Когуцики внєдзелю участвовали на турниру у Апати- лиґи и пласовал ше до Сербскей лиґи. ну и зазначели єдну побиду и два страцени змаганя. ПоДруге место освоєл ОФК „Вербас” котри зоз трецобедзели ФК „Слоґа” зоз Чоноплї зоз 1:0, а страцели од пласовану Искру тиж обезпечел бависко у баражу. Твердинї зоз Бачу зоз резултатом 3:1 и од Радничкого Перше змаганє у баражу Искра бави у Червинки процив зоз Зомбору зоз 3:0, обидва ґоли за Искру на тим турни- истоменей екипи на соботу на 17,30 годзин, а друге, ру дал Дарко Салонтаї. реванш змаганє у Коцуре, на стреду.■ З. Колєсар 8. ЮНИЙ 2018.
РУСКЕ СЛОВО 37
СПОРТ ШКОЛИ РИБОЛОВУ И ЕКОЛОҐИЙНОГО СПРАВОВАНЯ
ЗАЧУВАЦ РИБОВ ФОНД И ЗДРАВУ ПРИРОДУ
Пишу: М. ДЖУДЖАР А. МАРКОВИЧ А. ПАЛАНЧАНИН
ГОДЗИНА ЗОЗ ЕКОЛОҐИЇ Всоботу, 2. юния, з годзину пошвецену еколоґиї закончена Школа рибарства за 38 пионирох членох Здруженя спортских рибарох (ЗСР) „Коляк”, зоз Руского Керестура. Едукация отримана прешли два соботи, а учашнїки достали дипломи и дробни рибарски прибор. Годзину еколоґиї на тему „Еколоґия и животни штредок” пиониром отримала млада професорка биолоґиї Светлана Няради, хтора заключела же дзеци еколоґийно досц освидомени, маю и добре знанє о тей теми и буду приклад своїм парняком як чувац свойо околїско.
38 РУСКЕ СЛОВО
З цильом же би ше едуковало нових будуцих рибарох, пионирох, котри, медзи иншим, буду чувац природне околїско, Здруженє спортских рибарох „Коляк” орґанизовало Школу рибарства и очуваня околїска. Подобну школу орґанизовало и Здруженє спортских рибарох у Вербаше. Едукация младих рибарох значна и пре подмладзованє членства у здруженьох
Р
и бар ске под ру че Во й води ни хто ре контролує Риболоварски союз Войводини облапя рику Тису (100 километри цеку), Адорянске озеро, беґельску систему Тиса-Палич-Лудош, мертви рични рукавок Буджак при Ади, водовцо цеки Люково, Добродол, Борковац, Вренєш, Чалма, рики Тамиш зоз меандрами при Боки, Сечню, Неузини, а тиж так и ревири минералних сировинох при Кикинди, Сербскей Црнї и Зренянину. – Кед ше поровна богатство риболовних водох зоз количе ством риби и водовима цеками жемох у окруженю, нашо прешвечлїво вельке. Дунай хтори чече през Войводину длугоки 588 км, Сава 217, водоцек основней беґельскей мрежи длугоки 980 км. Най нє споминам мали рики як цо Нера, Єґричка и подобни. Но, важне надпомнуц же гоч маме вельке богатство, мушиме го чувац и пе стовац. Єдна з формох чуваня наших водоцекох и рибового фонду то праве школи. Кажде здруженє спортских рибарох у Войводини спрам предписаньох ма обовязку едуковац своїх младих членох – гварел предсидатель Риболоварского союзу Войводини Душан Йованович. Як надпомнул пан Йованович, членство у ме сних здруженьох вше старше, а кед
ше ище озбильнєйше нє похопи едукативна обовязка, пошвидко нє будзе рибарох на наших беґельох и рикох. ПОДМЛАД ЗОВАНЄ ЗДРУЖЕНЬОХ НЄОБХОДНЕ – Нє дармо поведзене же на младих швет остава. Прето прицагованє младих до рибарских здруженьох важне. Тиж так, важне и подзвигованє їх еколоґийней свидомосци, односно одвичательносци ґу природи. У процивним, нє лєм же нє будзе рибарох, алє нє будзе анї риби – надпомнул пан Йованович. За тераз ище вше риби єст. Ище вше нашо рибаре нє муша врациц лапену рибу назад до води, як цо то давно приклад у других державох у околїску. У тим напряме, як надпомнул пан Йованович, на наших просторох важнєйши задаток подзвинуц еколоґийну свидомосц и вецей усиловносци и акциї унапрямиц на зоперанє еколоґийних катастрофох и заґадзованє водох у Войводини. НЇҐДА ВЕКШЕ ЧИСЛО ПИОНИРОХ У Здруженю спортских рибарох „Коляк” зоз Руского Керестура, того року зазначене 8. ЮНИЙ 2018.
sport@ruskeslovo.com
найвекше число пионирских членох – скоро 50. За Здруженє значне прицагнуц дзеци, понеже вони после даскелїх рокох буду одроснути котри буду одвичательни спортски рибаре, та ше обчекує же предлужа старанє о беґелю и колїску. – Пред трома роками у Здруженю зме мали лєм шейсц пионирских членох, прешлого року тото число зме звекшали на 25, а того року аж 48. Роботнї у рамикох тей Школи отворени за шицких, а наймладши школяр ма седем роки – гварел Михайло Пашо, предсидатель „Коляку”. Прешлого викенду отримани два едукативни годзини у рамикох Школи. На першу годзину рибарства ше одволали 25-еро пионире, члени Здруженя, за котрих членска карта безплатна, а вєдно зоз членску карту доставаю и рибарску карту. На першей годзини, всоботу, мали рибаре учели вязац квачки и о основним рибарским прибору. На другей, нєдзельовей годзини, Коляково пионире достали нагоду ше опробовац у заруцованю циґоня на беґелю и упознац ше зоз файтами рибох, як и правилами риболову, кеди ше лови котри файти, як и о файтох рибох котри забранєне ловиц. У часци викладаня, едукаторе бешедовали и о водох нашого околїска и живим швеце у нїх. Треца, источашнє и остатня годзина, у тим циклусу школи будзе отримана идуцого викенду, а першенствено будзе пошвецена еколоґиї и очуваню околїска. Едукаторе у Школи рибарства Михайло Костелник и Мирко Лазор, годзини ше отримую на Базену у лєтнїковцу Здруженя и отворени су за шицких заинтересованих. По законченю Школи, заплановане орґанизовац єдно змаганє на котрим ше школяре опробую у звладаних схопносцох. „НОВИ БЕҐЕЛЬ” ЗА НОВИХ РИБАРОХ Концом мая, всоботу 26. мая, на Новим беґелю у Вербаше, Здруженє спортских риболовцох „Нови канал” орґанизовало лапанє риби за своїх наймладших членох. Идея нового руководства Здруженя вербаских рибарох була же би ше едуковало наймладших членох през друженє. – Подїя була задумана як друженє, же бизме дзеци упознали зоз беґельом, зоз нашим Здруженьом, хторе и їх Здруженє, понеже уж велї маю членски карти. На тот завод сцели зме их упознац и з Новим беґельом, понеже кед ше спомнє Вербас, перша асоцияция Вельки бачки беґель, хтори заґадзени, алє ми маме и тот беґель зоз чисту дунайску воду – визначел предсидатель Здруженя Славко Чернюш. На тим месце Здруженє помали ушорює терен же би ше дзеци частейше ту сходзели и лапали рибу, а тота часц беґелю, у напряме 8. ЮНИЙ 2018.
спрам Коцура, односно такволаней часци „Црпни”. План же би ше на тим месце благочасно почало орґанизовац и школу лапаня риби за дзеци, дзе би дзеци раз тижньово мали годзини, а уж маю и заинтересованих хтори би з наймладшима сцели робиц. – Наш циль цо вецей едуковац дзеци и информовац их, алє и старших людзох, же бизме крашнє пошорели побрежє коло беґелю, и вец нам шицким там будзе красне за хаснованє – гварел Чернюш и додал же мали часц заостатих средствох з прешлого року и одлучели уложиц их до едукациї малих рибарох. За цалу орґанизацию мали потримовку и спонзорох, окреме за томболу хтору тиж орґанизовали того дня, та им вочи вишли фабрика „Медела”, „Фриком” и други поєдинци. Дзецох було коло 50, рижних возростох, а було и єдно дзивче зоз Швайцарскей. Вони ше шицки радовали кажди раз кед лапели рибу, и були барз задовольни зоз тим збуваньом. Здруженє ютредзень, внєдзелю 27. мая, орґанизовало и змаганє за старших, дзе була и єдна файта котизациї, та дзелєли и пенєжни награди найлєпшим, а були поволани циґоньчкаре з вецей наших местох. Славко Чернюш барз задовольни з тим викендом, у хторим афирмовали наймладших же би ше занїмали з тим спортом у природи, а у Здруженю за наиходзаце лєто маю ище интересантни плани. Постої идея же би ше пред коцурским Кирбайом вєдно орґанизовало єдну нєзвичайну манифестацию – реґату од коцурского „Шлайзу” по вербаску „Триaнґлу” у хторей би участвовали чамци без моторох, и за цо будзе потребна векша и масовнєйша орґанизация, алє би вшелїяк було барз крашнє витвориц ю. Кельо риби було у чуваркох на друженю малих рибарох у Вербаше и Руским Керестуре, на тот завод нє було тельо важне. Од шицкого було важнєйше голєм на даскельо годзини одвоїц дзеци од екранох компютерох и телефонох и научиц дацо як чувац и жиц зоз природу. ■
НЄКОРЕКТНИ ОДНОС ҐУ РИБОВОМУ ФОНДУ – Риби лапам одкеди знам за себе, а на рижних функцийох у Риболоварским союзу Войводини сом двацец роки. Нажаль, з длугорочней пракси можем повесц же 90 одсто колеґох, рибарох, ма нєкоректне одношенє спрам рибовому фонду. Ище вше лєгчейше краднуц риби, як покраднуц бутку! Окрем того, фахово служби хтори окончую важни улоги у Союзу, благо поведзено, нєкоректно окончую свою роботу. Одлуки хтори приноша часто контрадикторни, окреме кед ше одноша на защиту одредзеней файти риби. Конєчно, и каребна система и санкционованє потупеньох предписаньох нє ма смисла. Наприклад, розпон казнох од 5 по 150 тисячи, цо по моїм думаню нонсенс – гварел предсидатель Риболоварского союзу Войводини Душан Йованович.
РУСКЕ СЛОВО 39
ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ РОК LXXIV ЧИСЛО 23 (3788) НОВИ САД, 8. ЮНИЙ 2018.
■ ОТРИМАНИ ЦЕНА 30 ДИНАРИ
45. ПЕТРОВСКИ ДЗВОН” ”
Фотоґрафия: 0701P-B1295
Фото: Aнa Маркович
СТРЕТНУЦЕ ПРЕДШКОЛСКИХ ДЗЕЦОХ З РУСКИХ ОДДЗЕЛЄНЬОХ
ОГЛЯД НУ ЦЕ НА ПРЕ ШЛОСЦ оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу на число телефона 021/548-421, лєбо на мейл: zavod.rusini@gmail.com.
Фото: В. Вуячич
П
■ ОСМИ ХОРСКИ ФЕСТИВАЛ „КАРПАТИ” У ВЕРБАШЕ