ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
НАЙКРАСШИ ЗАГРАДКИ
РОК LXXVII ЧИСЛО 23 (3944) НОВИ САД, 4. ЮНИЙ 2021.
ЛЕАНДЕР КВИТНЄ УЖ 50 РОКИ ж роками, сцерпезлїво и педантно, Ирина и Йовґен Ковачово зоз Руского Керестура коло своєй хижи пестую прекрасну заградку зоз квецом. А у заградки єст вецей файти мушкатли, арвачки, ружи, и червени и єшеньски, зомбульки, кичкириджи, беґониї, розмария, каменьово ружи и шицко крашнє уклопене и у черепчкох, и у заградки. Квитки з ружох андя Ирина каждого року одноши до парохиї першопричашнїком. А у заградки єст шицкого, но наймилши им 50-рочни леандер, алє и 13-рочна мушкатла хтора Ирини остала ище од єй мацери. Андя Ирина барз люби квеце, а єй супруг Йовґен у франти приповеда же кед ше ище як млади, пред 50 роками, селєли до свойого обисца, та уж рушали на коньох, а андя Ирина ше ище врацела по черепчок з леандером. Тот леандер нєшка вироснул до велького древа гоч, як гваря Ковачово, треба го поряднє орезовац, а його красоту потвердзую и велї сушедово хтори з нього, до своєй заградки, питаю младнїки. Ирина ше каждодньово стара о своєй заградки, а дружтво єй дзекеди прави и їх прекрасна мачичка. Ан. М.
У
ЦЕНА 30 ДИНАРИ
Фото: Вероника Вуячич
ОГЛЯДНУЦЕ НА ПРЕШЛОСЦ
Фотоґрафия: 0451P
Фотоґрафия: 0453P
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на слиП кох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу за културу войводянских Руснацох на число телефона 021/654-65-34, лєбо на мейл: zavod.rusini@gmail.com.
Даєдни фотоґрафиї обявюємє вецей раз, понеже за нїх дотераз нєт нїяки податки.
Завод за културу войводянских Руснацох ма нове число телефона 021/654-65-34
■ РУСКИ КУЛТУРНИ ЦЕНТЕР
ОЗНАЧЕЛ 75-РОЧНЇЦУ
ПЕРША НАША НАУКОВА И ЛИТЕРАТУРНА ТРИБИНА Пише: Микола М. ЦАП, одвичательни редактор часописа „Шветлосц”
Идея о видаваню часописа за литературу и културу на ру-
ским язику зявела ше вєдно з идею о видаваню тижньових новинох и видавательней дїялносци, ище у давним повойновим периодзе, безпостредно после ошлєбодзеня. После длугшого инсистованя при власцох же би ше видавало часопис, 1950. року достата потримовка, а перше число „Шветлосци” зявело ше два роки познєйше, 1952. року. За одвичательного редактора бул меновани Дюра Варґа. У „Предходним слове” першого числа, котре подписала Редакция, медзи иншим, писало: „Порушованє видаваня и виход першого числа литерарно-културного часописа ,Шветлосц’ на нашей бешеди одражує нове одскоченє у културним розвиваню нашого народа у социялистичней Югославиї. Порушованє нашого часописа потвердзує же обставини под котрима ше наша културно-просвитна дїялносц розвивала на тельо квалитативно полєпшани же шмело мож твердзиц, же и видаванє того часописа пришло як резултат того квалитативного полєпшаня културней дїялносци – литерарней творчосци у нашим народзе. (...) Попри литерарних творох у нашим часопише буду ше друковац роботи з нашей сучасней културней проблематики, як и роботи з нашей загальней историчнокултурней прешлосци и окреме з прешлосци каждого валала. Розумлїве же часопис будзе упознавац наших людзох з културним розвитком и литерарну творчосцу других народох нашого отечества.” О важносци и значеню порушованя часописа „Шветлосц” за наш културни и литературни живот на початку пейдзешатих рокох писали вецей авторе и з рижних нагодох, а єдно заєднїцке шицким: „Шветлосц” настала у рокох кед уж наросли потреби нашей народносци за всестраним културним розвойом, алє вона источасно була и одраженє реалного кадрового потенцияла Руснацох и єдина наша трибина тей файти дзе могла жиц сучасна литературна творчосц. Текст Дюри Варґи „Кратки исторични препатрунок кнїжовней творчосци у нашим народзе”, з котрим источасно и почина перше число, представя перше повойнове пробованє створиц кратку литературно-историйну синтезу нашей литературней творчосци од єй початкох по найновши часи, уключуюци и повойнови период. Гоч статя преважно дескриптивного характера, без глїбинскей анализи текстох, вона як перша одбавела свою улогу и указала нє лєм на потенциял з яким наша уметнїцка литература розполага, алє и у котрим напряме по думаню автора треба же би ишла. Шицко начишлєне одноши ше и на други текст Дюри Варґи, котри нє случайно обявени у истим чишлє „Шветлосци”, а ма наслов „Перша кнїжка на нашим язику” и бешедує о Идилским венцу „З мойого валала” Гавриїла Костельника. Треци текст у часопису з тей обласци, то текст Василя Мудрого „Тарас Шевченко – вельки поета-демократ”. Його дополнює портрет українского поети, автора Йовґена Кочиша, обявени на перших бокох часописа, цо препознатлїва символика з котру ше „Шветлосц” будзе метафорично идентификовац слїдующи три роки.
2 РУСКЕ СЛОВО
Шицки три тексти, мож повесц, програмного характера и одражую напрям и концепцию часописа, котрих ше Редакция будзе притримовац за цали час його виходзеня, т. є. до 1954. року, кед перша „Шветлосц” насилно загашена. Оценююци повойнови период у розвою нашей литератури, история литератури констатує же после ошлєбодзеня велька часц югославянскей литератури ма социялно-педаґоґийну функцию и же у тедишнїм чаше були актуални идеї социялистичного реализма, та же, согласно тому, и руска литература у Югославиї у тих повойнових рокох дзелї статус и функцию других югославянских литературох. З тим у вязи, гвари ше же социялна литература при Руснацох, окреме приповедка, останє маґистрални цек аж по початок седемдзешатих рокох, а же ше на ню опера и з нєй вираста и поезия руралистичней структури. Бул то час кед пановала комунистична идеолоґия, котрей ше теди повиновали и нови чолнїки у културним живоце Руснацох, а рефлекс тей идеолоґиї у добрей мири ше одражел и на концепцию и змисти у часопису „Шветлосц” у першим периодзе його виходзеня. У маниру спомнутей доктрини, у першим чишлє „Шветлосци” зявели ше вецей поетични и прозни тексти, углавним новей ґенерациї руских писательох: Микола Скубан „Пред штреляньом”, „У приятеля”, Мирон Будински „Жима и тащок”, „Жима и слунко”, „Шнїг”, Микола Кочиш „Бешеда зос Тису”, Василь Мудри „Товаришки”, „Поля радосци”, Оскар Кочиш „На правей драги”, Янко Папбиркаш „Там, на гори”, Дюра Латяк „Нялкош”, Штефан Чакан „Хлїста и кертица”, „Цо бешедую рошлїни о себе”, „Кого кельо споминаю по шмерци”, Ксения Стрибер „Ґовля и жаба” и Янко Сабадош „На угору”. Од старших писательох, котри свою поетику витворели медзи двома войнами, ту лєм три мена: Михайло Ковач „Ой, ви витри”, Янко Фейса „Ещи себе єдну писню зашпивам” и Евґений М. Кочиш „Перши шнїг”. На концу, же би опис першого числа бул комплетни, треба повесц же у часопису єст ище два малюнки (попри спомнутого портрета Тараса Шевченка): Мирон Будински „Портрет старого дїда” и Йовґен Чакан „Природа”. А найважнєйши податок, котри нєшка аж нєстварно випатра, находзи ше на концу часописа: перше число „Шветлосци” видруковане у 1 300 прикладнїкох (тираж нєшкайшей „Шветлосци” 250 прикладнїки)! Под час цалого свойого седемдеценийного живота „Шветлосц” була жвератко литератури, култури, уметносци, науки, та и дружтвеного живота Руснацох, цо було условене зоз часовима етапами през яки часопис преходзел. „Шветлосц” була и остала єдна з найзначнєйших трибинох и порушовачох литературного, уметнїцкого, та и наукового живота при Руснацох, цо єй императивно наклада нє лєм затримац континуитет виходзеня, алє и надалєй буц активно присутна у културним и науковим живоце Руснацох на тих просторох як и до тераз. ■ 4. ЮНИЙ 2021.
УВОДНЇК
ЗМИСТ
Пише: Олена ПЛАНЧАК-САКАЧ, заменїца главного одвичательного редактора
■ Тижньовнїк 4–5. Зоз схадзки Националного совиту Руснацох
■ Нашо места 8. Гуманитарни акциї у Руским Керестуре
■ Економия 12–13. Дипл. инж. польопривреди Иґор Гаргаї о прикармйованю рошлїнох
■ Мозаїк 16–17. Иґор Сакач, музичар зоз Нового Саду
■ Култура и просвита 20–21. У ОШ „Петро Кузмяк” отримане Републичне змаганє зоз руского язика
■ Дикица 22–23. Шмих вше здрави!
■ Людзе, роки, живот 24–25. Наш госц: инж. Никола Харди зоз Швайцарскей
■ Духовни живот 28. Соня Алексич, координаторка парохиялного Каритасу у Керестуре
■ Информатор
30–33. Мали оглашки и In memoriam
■ Спорт 34. У Шидзе отримани „Спортски бависка младих”
■ Интермецо 38–39. Горуци тепши Насловни бок: Женска шпивацка ґрупа РКЦ „Версе” Авторка фотоґрафиї: Вероника Вуячич
ТРА ДИЦИЯ И КРОЧАЙ ЗОЗ ШВЕТОМ У тижню за нами Руски културни центер зоз першим концертом у рядошлїду означел 75-рочнїцу свойого иснованя у континуитету. Наших читачох здогаднєме же 1946. рок вжати як початок орґанизованого културного живота Руснацох у Новим Садзе, такой после Другей шветовей войни. Од того часу новосадске дружтво КУД „Максим Горки” мало и популарну назву Матка, котру прилапели шицки новосадски Руснаци и їх приятелє, а тота назва ше хаснує и по нєшкайши днї. Новосадске дружтво найдлужей ношело мено КУД „Максим Горки”. Под тим меном воно росло и дозревало, велї аматере убудовали свой креативни труд до фундаментох того дружтва, та достати углядни награди и припознаня. Дзеведзешатих рокох мено пременєне на Руске културно-просвитне дружтво, а дватисячитих достало нєшкайше мено. Же ше Руснаци у Новим Садзе так швидко и схопно орґанизовали до дружтва КУД „Максим Горки” после Другей шветовей войни, указує на глїбшу историю и традицию културного орґанизованя у тим городзе. Парохиялни дом збудовани концом 18. вику, потим збудована и церква, а при нєй и школа. Коло церкви и школи у Новим Садзе исновал културни живот Руснацох и пред Другу шветову войну у даяких шлїдох. Як мож пречитац у церковних кнїжкох при церкви исновал хор, пририхтовали ше и драмски слички з нагоди векших церковних шветох, а у нєшкайшим будинку РКЦ, хтори старши од єдного вику, була и Школа и Читальня. Специфичносци новосадского Дружтва у тим же є у мишаним городским штредку и його членство вше було мултикултуралне и мултиконфесионалне, бо у нїм учасц беру шицки тоти котрим ше руска писня и танєц пачи, та ю сцу научиц и пестовац. Нєдзельови концерт указал високи уметнїцки уровень за цо найзаслужнєйши руководитель и Женскей и Хлопскей шпивацкей ґрупи Борут Павлич, школовани, талантовани, сцели и перспективни музичар. Без музики живот би бул гришка – гварел вельки филозоф Фридрих Ниче. Музика универзална уметносц, єй преклад нє потребни, вона зблїжує людзох и народи, а уметносц взагалї дава смисел нашим животом. Кельо нам хибели културни змисти под час епидемиї, указал и тот концерт, бо ше людзе зажадали як културних змистох, так и друженя. Громки аплаузи були награда аматером за витирвали труд сходзеня и усиловного вежбаня, з дня на дзень, з тижня на тидзень, з рока на рок. И так уж 75 роки у континуитету, з ґенерациї на ґенерацию. До Дружтва нєшка приходза унуки и праунуки тих цо го творели, цо му збудовали моцни фундамент на котрим и ми нєшка будуєме свой културни шлїд. Най би ше так и предлужело, на многая и благая лїта!
* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ Руске слово”, Нови Сад * Перше число вишло 15. юния 1945. року ”у Руским Керестуре * Адреса: НВУ ”Руске слово”, Футожска 2/III, 21000 Нови Сад * Редакция: одвичательни редакторe/ки – Олена Планчак-Сакач, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Славица Фейса, Вероника Вуячич * новинаре/ки – Мария Афич, Влада Дїтко, Лидия Кухар, Андреа Медєши, Оля Русковски, Сандра Саламун * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефон: 021/6613-697 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-923244-82 * Девизни рахунок 160-0050870024999-53 * Рукописи ше нє враца * Друкує Друкарня ”Maxima graf” Петроварадин * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *
Директор др БОРИС ВАРҐА *** Главни одвичательни редактор ИВАН САБАДОШ
4. ЮНИЙ 2021.
Новини „Руске слово” одликовани зоз Орденом братства и єдинства зоз стриберним венцом 1970. року.
РУСКЕ СЛОВО 3
ТИЖНЬОВНЇК 12. И 13. СХАДЗКА НАЦИОНАЛНОГО СОВИТУ РУСНАЦОХ
ВИБРАНИ НОВИ УПРАВНИ ОДБОРИ ЗАВОДУ ЗА КУЛТУРУ И „РУСКОГО СЛОВА” Национални совит принєсол одлуки о менованю управяцких целох наших значних институцийох – Заводу за културу войводянских Руснацох, Новинско-видавательней установи „Руске слово”, а тиж меновани директор Руского народного театру „Петро Ризнич Дядя”, як и члени Управного и Надпатарюцого одбору Театру. Меновани и нови члени Роботного цела Проєктни биро Пише: Александар ПАЛАНЧАНИН
Руским културним центре у Новим Садзе, пияток, 28. мая, отримани два схадзки Националного совиту Рускей националней заєднїци присутни були 18 члени, а зашеданє водзел предсидатель Совиту Борислав Сакач. На дньовим шоре дванастей порядней схадзки Националного совиту Руснацох були значни одлуки о менованю членох управяцких целох наших институцийох чий Совит снователь лєбо соснователь. Тиж так, дньови шор бул дополнєни зоз предкладами, а одношели ше на посиланє допису Совиту за безпечносц општини Кула, пре опасни пешацки преход у Руским Керестуре. Друге дополнєнє було у вязи зоз конференцию хтору орґанизую заменїки покраїнского омбудсмана за права националних меншинох. Тема того сходу будзе пошвецена визначним женом, припаднїцом националних меншинох, а з цильом же би ше ширшей явносци указало на творчосц, доприношенє и значенє женох зоз конкретних националних заєднїцох. Совит поволани же би дал предкладанє визначних женох зоз рускей заєднїци хтори би могли буц представени на тим сходу. Конференция би була отримана у периодзе од 15. по 22. юний у Новим Садзе. На єдней з предходних схадзкох Националного совиту Руснацох одлучене же ше на каждей будуцей схадзки нашого парламенту будзе бешедовац о активносцох медзи двома схадзками, та тота почала праве зоз тоту точку. Предсидатель Совиту Борислав Сакач поднєсол звит о шицких запровадзених активносцох. Насампредз надпомнул же у тим периодзе нащивени два Подручни канцелариї, подписани контракт о сотруднїцтве зоз словацким Националним совитом, а медзи иншим, предсидатель присуствовал и на трох схадзкох Координациї националних совитох. Тиж так, висока делеґация Националного совиту Руснацох мала стретнуце зоз чолнима особами ПУ „Бамби” зоз Кули. ВИБОР УПРАВЯЦКИХ ЦЕЛОХ Зоз векшину гласох прилапена одлука о менованю двох нових членох Роботного цела Проєктни биро. На место двох членох того цела хтори задзековали, меновани Єлена Дудаш и Зинaида Будински.
4 РУСКЕ СЛОВО
Фото В. Вуячич
У
Прилапени и предклад за менованє нового директора, як и членох Управного и Надпатраюцого добору Руского народного театру „Петро Ризнич Дядя”. Єдногласно за директора вибрани Славко Орос, як и члени УО и НО. Потим шлїдзели точки хтори ше одношели на менованє членох Управних и Надпатраюцих одборох Заводу за културу войводянских Руснацох и Новинско-видавательней установи „Руске слово”. То були точки хтори вимагали вецей часу пре дискусию, а и пре сам принцип гласаня. Односно, члени Националного совиту ше вияшнєли же би гласанє було тайне. Насампредз прето же було вецей предложени лїстини за вибор до тих целох – два предклади за УО Заводу за културу войводянских Руснацох, и три предклади за УО НВУ „Руске слово”. Мена кандидатох до УО Заводу за културу и НВУ „Руске слово” утвердзел Вивершни одбор Националного совиту на схадзки отриманей пияток, 21. мая у Новим Садзе. Спред Вивершного одбору, кандидатох до УО НВУ „Руске слово” предложели Желько Ковач и Миломир Шайтош, а до УО ЗКВР лєм Миломир Шайтош, хтори бул на чолє дотерашнього зволаня УО Заводу. Понеже члени Совиту мали можлївосц предкладац кандидатох по штварток, 27. май, односно дзень пред схадзку Совиту, а тоту можлївосц вихасновала член Националного совиту Олена Папуґа, хтора предложела кандидатох до обидвох целох, на схадзки Националного совиту члени УО ЗКВР и НВУ „Руске слово” 4. ЮНИЙ 2021.
tiznjovnjik@ruskeslovo.com
вибрани з гласаньом за конкретни мена зоз двох, односно трох предложених „лїстинох”. На пририхтаних гласацких лїсткох були мена шицких кандидатох, а членох нових управних одборох ше вибрало по числу гласох. По резултатох гласаня, обидва управяцки цела у шлїдуюцим мандату буду составени зоз кандидатох хторих предложел член Националного совиту Руснацох Миломир Шайтош. За членох УО Заводу за културу войводянских Руснацох, спрам числа гласох членох Совиту вибрани: Наташа Макаї Мудрох, Аня Делач, Миряна Дєкич, Борислав Сакач, Любица Отич, Йоаким Стрибер, Весна Цап, Далибор Болдиш, Андрей Орос, Владимир Сабадош, Мирко Преґун, Вероника Вуячич и Наташа Грубеня. Од 9 кандидатох хтори достали найвецей гласи, шесцеро були и члени предходного зволаня УО Заводу. Ту треба надпомнуц же УО Заводу хтори ма 9 членох, менує други соснователь, АП Войводина, а по Статуту, Национални совит предклада за трецину вецей кандидатох, односно 12. Понеже на тайним гласаню двоме кандидати достали исте число гласох (Вероника Вуячич и Наташа Грубеня), обидва
КАНДИДАТИ УО ЗАВОДУ ЗА КУЛТУРУ. Кандидати хторих предложел Вивершни одбор – Наташа Макаї Мудрох зоз Сримскей Каменїци (10 гласи), Аня Делач (14), Миряна Дєкич (13), Борислав Сакач (10) (шицки зоз Нового Саду), Любица Отич зоз Дюрдьова (13), Йоаким Стрибер зоз Беоґраду (13), Весна Раґаї-Цап зоз Коцура (13), Далибор Болдиш зоз Шиду (13), Андрей Орос зоз Руского Керестура (14), Марияна Мункачи (5), Вероника Вуячич (7), Наташа Грубеня (7) (шицки зоз Нового Саду). Кандидати хторих предложела Олена Папуґа: Владимир Сабадош зоз Зомбора (9), Никола Папуґа зоз Вербасу (5), Яким Гарди зоз Дюрдьова (4), Славко Надь (4), Мирко Преґун (8), Еуфемия Планкош (4), Златко Рац (4), Любица Няради (6) (шицки зоз Руского Керестура). Гласали 18 члени НС Руснацох, два нєважаци лїстки. УО НВУ „РУСКЕ СЛОВО”. Кандидати хторих предложел Вивершни одбор (На предклад Желька Ковача): за предсидателя УО Александар Мудри зоз Кули (7) (предложела го и О. Папуґа), Мирон Сабадош зоз Дюрдьова (13) (предложел го и М. Шайтош), Наташа Еделински Миколка зоз Беркасова (6), др Янко Рамач зоз Кисачу (7), Анамария Ранкович (5), Александар Саванович (7) (обидвойо з Нового Саду) (На предклад Миломира Шайтоша) за предсидательку УО Златица Няради зоз Петроварадину (10), Мирослава Даждиу зоз Нового Саду (11) (предложела ю и О. Папуґа), Деян Бобаль зоз Бикичу (11), Любомир Папуґа (10), Єлена Буила (9) (обидвойо зоз Коцура) Кандидати хторих предложела Олена Папуґа: Дияна Мученски зоз Вербасу (4), Саша Сабадош зоз Зомбора (4), Дюра Винаї зоз Нового Саду (3), Михал Надь зоз Руского Керестура (2). Гласали 18 члени НС Руснацох. 4. ЮНИЙ 2021.
мена вошли до предлогу, так же лїстина предложeних ма 13 кандидатох. За членох УО НВУ „Руске слово” спрам числа гласох вибрани: Мирон Сабадош, Мирослава Даждиу, Деян Бобаль, Любомир Папуґа, Єлена Буила и Златица Няради. Лєм Мирон Сабадош зоз Дюрдьова бул член (предсидатель) предходного составу Управного одбору. Спред занятих за членох УО НВУ „Руске слово” меновани Татяна Чулум, Блаженка Хома Цветкович и Микола М. Цап, хтори шицки були члени Управного одбору и у предходним зволаню. За нового предсидателя УО НВУ „Руске слово” менована Златица Няради, хтора достала 11 гласи „за”, 4 члени були стримани, а остаток членох нє гласал. За членох Надпатраюцого одбору НВУ „Руске слово” вибрани Борис Маґоч, Весна Еделински и Славица Фейса спред занятих. ЄДНА ТОЧКА ДНЬОВОГО ШОРА Пре процедуралне препущенє же нє меновани предсидатель УО Заводу за културу войводянских Руснацох кед тота точка була на дньовим шоре (Дїловнїк о роботи НС Руснацох нє дошлєбодзує врацанє на точку хтора уж заварта), по отриманей порядней дванастей схадзки Националного совиту Руснацох, такой отримана и тринаста. На дньовим шоре тей схадзки Совиту була лєм єдна точка дньового шора – вибор предсидателя УО Заводу за културу войводянских Руснацох. За нового предсидателя УО Заводу вибрана Наташа Макаї Мудрох. Вона по оконченим гласаню достала 13 гласи. З оглядом на тото же дзепоєдни члени Националного совиту уж пошли зоз схадзки, Наташа Макаї Мудрох на место предсидателя Управного одбору Заводу за културу войводянских Руснацох вибрана єдногласно. Члени Совиту прилапели и одлуку о посиланю допису компетентним службом у Општини Кула же би розпатрели можлївосц адекватного ришеня транспортного проблема на крижней драги у центре Руского Керестура (Маршала Тита и Русинска), насампредз пре безпечносц оводарцох, школярох и шицких других жительох у валалє. Вияшньованє членох Совиту о одлукох Вивершного одбору Националного совиту Руснацох хтори приношени у медзичаше медзи двома зашеданями Националного совиту будзе окончене прейґ електронскей схадзки хтора, як наявене будзе отримана пошвидко.■
РУСКЕ СЛОВО 5
ТИЖНЬОВНЇК ДЕЛЕҐАЦИЯ НАЦИОНАЛНОГО СОВИТУ РУСНАЦОХ У ПУ „БАМБИ” У КУЛИ
КОНСТРУКТИВНА РОЗГВАРКА О ВЕЦЕЙ ТЕМОХ
Национални совит Руснацох предложел руководзацим у ПУ „Бамби” же би ше анкетовало родичох у Кули о интересованю за формованє факултативней ґрупи по руски. Нашо дзеци у Кули єст, та поволане и членство кулского РКУД „Др Гавриїл Костельник” же би помогли у информованю руских фамелийох о тей инициятиви
Д
елеґация Националного совиту рускей националней заєднїци, у хторей бул предсидатель Борислав Сакач, предсидатель Вивершного одбору Желько Ковач, предсидателька Одбору за образованє Мелания Римар и предсидателька Одбору за службене хаснованє язика и писма Олена Папуґа, стреду, 26. мая, нащивела Предшколску установу „Бамби” у Кули. Домашня була директорка тей предшколскей установи Снежана Булатович. Зоз директорку Булатович найвецей ше бешедовало о „Бамбийовим” оддзелєню „Цицибан” у Руским Керестуре, дзе ходзи 161 дзецко у рижних воспитних ґрупох, алє и о можлївосци порушац факултативну ґрупу за руски язик у „Бамбийовим” оддзелєню у самей Кули. Най здогаднєме, того року проблем настал кед бул упис, бо еУправа нє положела руски язик до питальнїка у воспитно-образовней роботи у дзецинскей заградки у Керестуре. Гоч тот проблем ришени, догварене же Установа будзе информовац Национални совит Руснацох о активносцох и евентуалних проблемох же би ше их вєдно ришовало. Представителє Националного совиту виражели застараносц же даєдни кадри хтори робя у керестурскей оводи нє знаю бешедовац по руски, та ше тоту тему положи пред Координацию националних совитох на даєдней од шлїдуюцох схадзкох. Но, як дознаваме, директорка конкретно за керестурски случай одвитовала же законски нє обовязка же би помоцни особи у воспитно-образовним процесу мушели знац язик на котрим ше вон окончує, алє то обовязне за сами воспитачки. О МОЖЛЇВОСЦОХ ЗА ҐРУПУ НА СЕРБСКИМ ЯЗИКУ Бешеди далєй було и о инициятиви дзепоєдних родичох же би ше у керестурским оддзелєню форовало окремну ґрупу на сербским язику, прецо директорка иницировала анкетованє шицких родичох на хторим язику сцу же би їх дзеци ходзели до дзецинскей заградки. Директорка наглашела же ше од 161 уписаних у керестурским оддзелєню, лєм седмеро вияшнєли же сцу най дзеци ходза до оводи по сербски. Понеже тоти седмеро дзеци розличних возростох – од яшелькох по предшколске образованє, чежко орґанизовац наставу на другим язику, окрем по руски. Як за „Руске слово” о тей теми виявел предсидатель нашого Совиту Борислав Сакач, директорка попри резултатох анкети одлуку же нєт условия за сербску ґрупу, обгрунтовала з ище єдним фактом, а то нєдостаток простору у „Цицибану”. Понеже у
6 РУСКЕ СЛОВО
керестурским оддзелєню єст вельке число дзецох и у тим, а ище вецей оводарцох будзе у идуцим року, на тим простору нєт физично можлївосци правиц єдну оддвоєну ґрупу хтора би була на даєдним другим язику. – Ми поставели питанє хтори би то бул други язик, бо тота ґрупа гражданох цо глєдала свою окремну ґрупу векшина Роми, та ми предложели же би ше вец формовала ґрупа за ромски язик, алє директорка гварела же нєт просторно условия за окремну ґрупу на гоч хторим другим язику. – потолковал Борислав Сакач. ПОРУШАЦ ФАКУЛТАТИВНЕ УЧЕНЄ У КУЛИ Представителє Националного совиту Руснацох за нови школски рок предложели директорки же би ше у тей Установи у оддзелєню у Кули учело факултативно руски язик, а директорка обецала же уж у тим тижню направи анкету за родичох. Факултативна настава у кулскей оводи уж була орґанизована, дас пред 20 роками, алє тирвала барз кратко. Як потолковал предсидатель националного совиту Борислав Сакач, найважнжєйши крочай у тим видзиц кельо вообще маме нашо дзеци у тим возросту, а потим видзиц чи родичи заинтересовани за тоту активносц. Вон дошол до податку же у предшколскей установи у самей Кули єст коло 11 дзеци котри покресцени у нашей гркокатолїцкей парохиї, цо послужело як ориєнтация же би директорки „Бамбия” предложело зробиц анкету на тоту тему. – Кед же би було достаточно дзеци, думам же би нє бул проблем анї кадрово ришенє понеже Керестур нє далєко, та би ше нашло ришенє за єдну годзину тижньово и за ґрупу у Кули. Наклада ше и питанє хто би то финансовал, та зме начално и тото спомли у розгварки з директорку, алє як ше презнала предсидателька Одбору за службене хаснованє язика и писма Олена Папуґа, то би мала буц законска обовязка локалней самоуправи. – гварел Сакач. Вон з тей нагоди поволал и членох кулского РКУД „Др Гавриїл Костельник” же би помогли праве у анкетованю, т. є. информованю Руснацох о тей инициятиви. 4. ЮНИЙ 2021.
tiznjovnjik@ruskeslovo.com Тоту идею потримала и предсидателька Одбору за образованє Мелания Римар котра за нашо новини потвердзела же треба порушац шицко цо потребне за евентуалну факултативну ґрупу руского язика у Кули. Вона тиж визначела же найважнєйше видзиц кельо єст заинтересовани дзеци т. є. родичи, а вец предлужиц далєй обезпечовац шицки условия за тото, понеже предшколске образованє перша ґарадича у образовней вертикали. – Я тиж сцем наглашиц же ше указало барз добре урядово нащивиц тоти институциї дзе ше руски язик учи, як цо зме були у „Бамбию”, з часу на час ше стретнуц и видзиц яка ситуация, побешедовац, а нє лєм кед єст проблеми итд, бо за час одкеди я предсидателька то ше першираз случело у тим штредку. – заключела Римарова. И вона, як и предсидатель Сакач, у виявох наглашели же з тей нащиви у нашей делеґациї настала и прилапена инициятива же би ше на таким уровню пробовало порушац факултативни ґрупи у оводи и у других наших штредкох, дзе их нєт, або их було скорей. По Сакачових словох догварене у нашей делеґациї же би ше уж у тим мешацу нащивело и други штредки, тиж предлужело анкетовац кельо маме дзеци и заинтересованих родичох, та же би ше по єшень могло обезпечиц и кадрово и финансийни и шицки други условия, и до того уключиц и ширшу руску заєднїцу у тих штредкох.
ВЄДНО РИШИЦ И ТРАНСПОРТНУ НЄБЕЗПЕКУ На схадзки у „Бамбию”, зоз директорку Снежана Булатович тиж було бешеди и о транспортней нєбезпечносци за наймладших у центре Керетура дзе дзеци преходза драгу кед иду до оводи. Порадзене же Национални совит Руснацох и управа Предшколскей установи „Бамби” вєдно напишу допис до Општини Кула, до Совиту за безпечносц, же би ше у валалє огранїчело швидкосц и положело лєжацих полицайох, або семафори.
У своїх упечаткох зоз схадзки з директорку „Бамбия”, предсидателька Одбору за службене хаснованє язика и писма Олена Папуґа гвари же на самим уходзе такой обачене же назва Установи нє виписана по руски, гоч руски язик у службеним хаснованю у Општини Кула. Но єй упечатки зоз схадзки тиж позитивни, бо вше добре бешедовац о шицким и вимагац витвориц нашо законски права. – Як зме чули од директорки Булатович, вона похвалєла Керестур же число уписаних дзецох до керестурского оддзелєня остатнї даскельо роки рошнє, та за идуци рок уж маю уписани 166 дзеци, цо вецей як влонї, и же уж маю и проблеми зоз змесценьом дзецох, т. є. нєт досц простору и маю вельки ґрупи. Нам то з єдного боку мило було чуц, бо за нас Руснацох и Керестурцох позитивне кед маме вше вецей, а нє вше менєй дзеци у нашей заєднїци, та най ше вони у „Бамбию” остараю як обезпеча простор. – заключела Папуґова.■ Мария Афич 4. ЮНИЙ 2021.
STANOVISKA Пише: Мирослав ЗАДРЕПКО, новинар
МИРА ЗА МИРУ – Гвизда освоєла АБА лиґу! – Супер... – У скоро полним „Пиониру”. – МОДЛЇМ !?! Од слова до слова, так ишла розгварка у хторей сом дознал же ознова дзепоєдни правила за дзепоєдних важа, а за дзепоєдних нє. Вельо „дзепоєдно сци”, кед же ше мнє питаце. Гоч ми тото цо сом чул звучало дакус нєвироятно, а заш, знам дзе жиєм и хто люби „Червену гвизду”, влапел сом ше до интернету и ришел превериц о чим ше ту роби. И нажаль, випадло же наисце Спортска гала „Пионир” у Беоґрадзе була скоро полна. Дзешка сом нашол и вистку же предсидатель КК „Червена гвизда” Небойша Чович рано пред кошаркашским финалом виявел же стретнуце годни провадзиц лєм гевти хтори маю неґативни ПЦР тест, лєбо потвердзенє о вакцинациї и то ме ище баржей винервирало. Рушме шором. Як перше, присуство публики на спортских змаганьох забранєне такой на початку цалей тей паради зоз вирусом корона. Потераз тота забрана урядово нє утаргнута. Як друге, зна ше хто шедзи у Кризним штабу и хто урядово одлучує о мирох, цо ше шме, а цо нє. Вообще вецей нє будзем писац о тим яки мири приношени и цо думам о нїх, алє кед Кризни штаб гварел же нєт публики на спортских змаганьох, вец єй нєт, и нє може гоч хто повесц же тото правило у шоре, алє кед сце вакциновани лєбо маце неґативни ПЦР, вец воно нє важи. Тиж так, кед маска обовязна, вец ше нє може єден чловек цали час епидемиї шейтац без маски по цалєй Сербиї и нїкому нїч... Нє можу ше ґрупи людзох под час забрани рушаня пендрац на закрица будинкох и правиц бакляди. Тиж так, нє може ше скоро на державним уровню орґанизовац масовна пре слава освойованя фодбалскей „дуплей коруни” зоз хторей вистка були лєм гулиґански инциденти, а нє тото же тисячи людзох були на громади, а скоро шицки без маскох. Е, у нас то шицко мож. Алє можу лєм „дзепоєдни”, понеже правила, очиглядно, нє за шицких исти. Ти Янку, Мижу, Гелено, Марчо нє можеш войсц анї до предавальнї купиц хлєба и млєка кед нє маш маску, бо ци предавачка за касу такой пове же мушиш висц вонка прето же вони до станю прияву и пенєжну кару кед им войдзе инспекция. Алє, то ти. Гевтот други, може як сце. И то вам, мили мойо, значи же правна держава, владанє права и ушорена система нє функционую як треба. Нє видумал сом цеплу воду тераз, то шицким ясне, алє проблем у тим же зме ше уж звикли на таки стан. По стало нам нормалне заобиходзиц систему, глєдац вязу, „знаходзиц ше” (мержим значенє хторе тота синтаґма до стала у нас): по стало нам нормалне жиц у жеми, а нє у держави. Єдно ставно, звикли зме ше, и шлїдуюци еволутивни крочай будзе назадок, траценє похребцини и цаганє по блаце. Док дахто по сле нас ознова нє станє на ноги. Становиска висловени у тим тексту виключно авторово и нє вше одражую ушорйовацку политику новинох „Руске слово”
РУСКЕ СЛОВО 7
НАШО МЕСТА ГУМАНИТАРНИ АКЦИЇ У РУСКИМ КЕРЕСТУРЕ
ПОМОЦ ЗА НАТАШУ ҐАЙДОШ У Руским Керестуре тих дньох ознова порушани даскельо гуманитарни акциї у хторих ше предлужує зберац пенєж поєдинцом у чежкей здравственей ситуациї, як и акция дарованя меблю фамелийом у чежкей финансийней ситуациї
З
цильом помоци, фамелиї Садовски зоз Кули нєдавно уручене 32 800 динари, потим тидзень були поставени шкатули за добродзечни прилог за Милана Бєлича зоз Сивцу, а од нєдавна помоц ше збера и за Наташу Ґайдош зоз Коцура. Здогаднїме, пейцчленей фамелиї Садовски початком марца горела хижа, а огень спричинєл вельу материялну чкоду. У гуманитарней акциї теди участвовала локална самоуправа, МЗ Руски Керестур, привреднїки з валалу, як и гражданє хтори охабяли добродзечни прилоги. Назберани пенєж уручени тей фамелиї, а док им хижа будзе реновирана, од валалских тапетарох достаню и нови мебель, найвироятнєйше кавч и шейсц карсцелї. ПОТРЕБНА ПРОТЕЗА Прешлого тижня у Керестуре тирвала и гуманитарна акция у хторей назберане 4 250 динари за єденацрочного Милана Бєлича зоз Сивцу. Акция за Милана тирвала лєм седем днї, понеже нєодлуга найдзени спонзор хтори вифинансовал векшу часц лїченя, та ше у Керестуре предлужело зберац пенєж за Наташу Ґайдош зоз Коцура. Случай Ґайдошовей познати рускей явносци, понеже ше транспортне нєщесце у хторим Наташа остала без ноги случело пред вецей як трома роками. Най здогаднєме, 17. януара 2018. року, на теди осемнацрочну Наташу вилєцел авто, хтори одразу прешол на єй бок. Наташи у тим нєщесцу була пока-
Фото: М. Пашо
ТРОМ ФАМЕЛИЙОМ ПОДАРОВАНИ МЕБЕЛЬ Гуманитарна акция у хторей ше дарує половни, алє очувани мебель, ище вше тирва, а нєдавно тром фамелийом з валалу подаровани даскельо кавчи и фотелї. Гуманитарну акцию зорґанизовал Месни одбор Сербскей напредней странки Руски Керестур у сотруднїцтве зоз Месну заєднїцу, у хторей ше гражданом у потреби донира мебель. З тей нагоди, орґанизаторе акциї апелую на шицких хтори маю звишок очуваного меблю же би ше уключели до акциї дарованя, а тоти хторим потребни мебель, можу ше явиц до Месней заєднїци. Акция будзе тирвац и надалєй.
8 РУСКЕ СЛОВО
лїчена лїва рука и длань, мала отворене преламанє надлокцовей косци и лївей сцегновей косци. Теди страцела лїву ногу понад колєно, хтору лїкаре нажаль, нє могли зачувац понеже ше борели за єй живот. После двох тижньох лїченя у шпиталю ушлїдзели ище два операциї, а Наташа штири мешаци после операцийох нє
могла стануц зоз кавча. Потим достала социялну протезу зоз хтору направела свойо перши крочаї, но нажаль, анї терашня протеза Наташи нє оможлївює нормалне функционованє. Огранїчує ю у ходзеню и каждодньових активносцох, та єй прето потребна протеза нємецкого продукователя зоз микропроцесорним колєном, хтора би єй олєгчала каждодньови живот. Шкатули за добродзечни прилоги за Наташу Ґайдош поставени у предавальньох – „Тренд Би”, „Фреш-маркет”, „Аутоделови Виславски”, у кафичу „Мала оаза”, Транспортним центру „Ковач” и у ЯКП „Руском”, а акцию збераня пенєжу орґанизовали секретар Месней заєднїци Михайло Пашо и директор „Рускому” Иґор Фейди. ФОНД ЗА ДОНИРАНЄ Окрем шкатулох на спомнутих локацийох, Гуманитарни фонд „Будз гумани – Александар Шапич” Наташи додзелєл число прейґ хторого мож донирац пенєж – зоз посиланьом СМС порученя, так же удуркаме 911 и пошлєме СМС на 3030. Оможлївене посиланє СМС порученя и зоз Швайцарскей – тиж упишеме 911 и пошлєме СМС на 455, а средства мож уплациц и на динарски рахунок: 160-6000000795186-12, як и на девизни рахунок: 160600000079553920.■ Ан. Медєши 4. ЮНИЙ 2021.
mesta@ruskeslovo.com
ЯРНЄ УШОРЙОВАНЄ У ВЕРБАСКЕЙ ОПШТИНИ
ЗА ЖИВОТ У ЧИСТИМ ОКОЛЇСКУ На вецей як седемдзешат локацийох у Вербаше и у населєних местох вербаскей општини, та и у Коцуре, прешлого штвартку, 27. мая, почала велька акция ярнього ушорйованя. Вецей як шейсцсто гражданє, роботнїки явних подприємствох и општинских службох, Општинскей ради и члени здруженя гражданох, вєдно зоз занятима ЯКП „Комуналєц”, позберали шмеце, покошели траву, коровча и други рошлїни и орезали древка у числених городских паркох и на желєних поверхносцох. Ушорени ожелєнєти подруча коло транспортнїцох, школох, установох, дзецинских бавилїщох, паркох. Механїзацию и другу опрему за роботу обезпечели дзепоєдни локални компаниї. Предсидатель Општини Вербас Предраґ Роєвич вєдно зоз гражданами участвовал у акциї ушорйованя, а з тей нагоди гварел же шицки жителє указали вельку еколоґийну свидомосц и прихильносц ґу заєднїци. – Тота акция представя додатне доприношенє ушореню и унапредзеню животного амбиєнту у самим городзе, алє и у шицких населєних местох вербаскей општини. З реба-
лансом буджета зме одредзели 110 милиони динари за комунални роботи. У рамикох тей суми значну часц представя отримованє желєних поверхносцох и чистоти явних поверхносцох. Дзекуєм шицким котри участвовали у активносцох ушорйованя, а у будучносци плануєме и други заєднїцки акциї у интересу наших гражданох – гварел Роєвич. Директор ЯКП „Комуналєц” Иґор Шкундрич визначел же дзекуюци масовносци тей ярнєй акциї ушореня, у рекордним чаше зробена велька и значна робота. – Попораєли зме и ушорели числени места котри ше нє находза у порядним контракту и плану отримованя желєних поверхносцох медзи нашим подприємством и локалну самоуправу, цо нам окреме важне. Тота акция одлични приклад ефикасного сотруднїцтва комуналного подприємства и гражданох, як можеме помогнуц єдни другим, бо маме заєднїцки циль, а то же бизме жили у чистим городзе и чистих валалох – визначел Шкундрич з нагоди ярнього ушорйованя у општини Вербас. О. Р.
У ДЮРДЬОВЕ
МЛА ДИ У АКЦИЇ ЗБЕРАНЯ ШМЕЦА Шведкове зме вше векшого количества шмеца коло нас и у нашим околїску котре шицким завадза, алє нє ма кажде шмелосци, або моци порушац ше и поробиц дацо по тим питаню. Тот проблем препознали млади у Дюрдьове котри ше позберали и ришели закасац свойо рукави и рушиц до акциї. Идею достали дзекуюци дружтвеним мрежом, Фейсбуку и Инстаґраму, на котрих видзели здруженє по мену „Еко стража”. Роби ше о єдней нєформалней орґанизациї гражданох котра жада звекшац свидомосц о значносци чуваня животного стредку, окреме воздуху. Шицко цо треба поробиц то приявиц ше на їх боку и порушац других людзох на акцию, а потим тота Еко стража медийно, прейґ дружтвених мрежох, будзе промововац їх роботу и труд. Млади у Дюрдьове препознали тоту орґанизацию, приявели ше и за першираз су задовольни зоз свою роботу. – На акцию ше одволало красне число младих, углавном хлопи котри за даскельо годзини назберали полни коч шмеца. За початок зме розчисцели два локациї у Дюрдьове, а то Економия и беґель при гиподрому. Циль нам попораїц наш валал од шмециска котре роками стої на истим 4. ЮНИЙ 2021.
месце и поволац шицких гражданох же би ше приключели до акциї и були одвичательнєйши ґу природи котра нам тельо того дава, а ми єй на таки способ врацаме – гваря млади котри орґанизовали акцию. Ту ше акция нє застанови, млади маю идею же би ше тота Еко стража преселєла и до других местох општини Жабель, та уж шлїдуюцого мешаца шмеце ше будзе зберац у Ґосподїнцох. Л. Кх.
РУСКЕ СЛОВО
9
НАШО МЕСТА АКТИВ ЖЕНОХ КУД „ЖАТВА” КОЦУР
НА БОГАТЕЙ „ВОЙВОДЯНСКЕЙ КОСИДБИ” Културно-туристична манифестация „Войводянска косидба” отримана у Бачким Добрим Полю прешлей нєдзелї, 23. мая. Того року є отримана дванаста по шоре, а манифестация облапела рижнородну и змистову цалодньову програму. Тота традицийна манифестация зазберує косачох зоз Сербиї и реґиона, та отримани дефиле, смотра косачох и змаганє у ручним кошеню, алє були змаганя и у других дисциплинох, як цо то руцанє каменя з плєца, нацагованє зоз штранґом, скаканє у меху за дзеци, и инше. У културно-уметнїцкей часци наступел народни шпивач Миломир Милянич, а представени и наступи шпивацких ґрупох, гудацох на традицийних музичних инструментох, ґусларе. У рамикох „Войводянскей косидби” отримани бул и базар, а поставени були и штанди на котрих нащивителє могли видзиц интересантни понукнуца, алє и покоштовац традицийни народни єдла. На єдним столїку були поставени и
смачни сладки и слани лакотки котри за тоту нагоду порихтали членїци Активу женох КУД „Жатва” зоз Коцура. По словох предсидательки Активу женох Коцани Колєсар, барз су задовольни же и того року участвовали на тей традицийней манифестациї у Бачким Добрим Полю. Нащивительох вше було коло їх штанду, та на концу остал лєм празни столїк, а на тварох шицких котри ше тадзи прешейтали видно було ошмихи пре смачни лакотки котри нашо жени приготовели. Жени ше з манифестациї врацели дому полни красних упечаткох, и з нєсцерпеньом чекаю представянє на ,,Юнийским фестивалу” котре стредком юния будзе отримане у Вербаше. Манифестацию у Бачким Добрим Полю орґанизовало Здруженє „Войводянска косидба” и Туристична орґанизация општини Вербас. О. Р.
У ШИДЗЕ
У РУСКИМ КЕРЕСТУРЕ
НАПРАВЕНА ДРАЖКА ОПРЕЗ ЦЕРКВИ
ПАНАХИДА И ЗАКОНЧЕНИ ВОДИЦОВ ТИДЗЕНЬ
Опрез церкви Преображеня Господнього у Шидзе тих дньох направена дражки хтора преширена на поверхносци коло 30 квадратни метери. Сучасни коцочки заменєли дослужени бетон. Як нам гварел парох о. Михайло Режак, збоку ше покложи и два лавки. Єдну донирал парохиян Мирон Джуджар, а друга будзе виплацена зоз церковних средствох. Тиж ше покладзе и одвитуюци (нєшлїзкаци) цегелки на ґарадичи и обнови ше ґелендер з бокох. На єшень би требало направиц ище коло пейц метери дражки на самим уходзе до церковней порти и покласц цегли, а як випатра, будзе и цала дражка по главни уходни дзвери до Лєтней владическей резиденциї. Вл. Дї.
10 РУСКЕ СЛОВО
У Руским Керестуре вирни 30. мая пре славели Нєдзелю Шицких святих, та попри Службох Божих у катедралней церкви, на теметове служена панахида за шицких покойних. Служели парох керестурски о. Михайло Малацко и парох нововербаски о. Иґор Вовк, а по заєднїцкей молитви була нагоди и за молитву и пошвеценє на поєдинєчних гробох. З тей нагоди пришли велї Керестурци, алє и з других местох хтори ту маю похованих своїх блїзких. У казанї парох Малацко здогаднул же ше на теметов приходзи вєдно помодлїц за милих покойних прето же християнє веря до вичного живота. Остатнї дзень мая котри пошвецени Пречистей Дїви Мариї, означене и нєзаповедане швето Царици Богородици, та на 19 годзин у Водици була Служба Божа и Молебен до Богородици. Служели ю парох коцурски о. Владислав Рац и домашнї капеланє о. Михайло Шанта и о. Владимир Медєши. З тим закончени и Водицов тидзень, кед ше там кажди вечар служело богослуженя. М. А. 4. ЮНИЙ 2021.
mesta@ruskeslovo.com
МИЛАН ШОЛАЯ ЗОЗ КОЦУРА
ПРЕВОЗИХОДЗИ ИЩЕ ЄДНО ПРЕПРЕЧЕНЄ Милан Шолая зоз Коцура, дакеди успишни рукометаш, а нєшка параолимпиєц, котри перши у Европи и други на швеце у статичней апнеи за особи зоз инвалидитетом, пред пар мешацами ше зочел зоз дияґнозу озбильней хороти. Миланови на контролним препатрунку 12. априла дияґностиковани тумор на похребцини, котри залапел два похребциново персценї и нє могол анї шедзиц. Тумор требало цо скорей одстранїц зоз похребцини, сообщели дохторе, прето же Миланови загрожовал живот. Шолайови була нєобходна операция, же би му уложели два штучни похребциново персценї и фиксатор похребцини. Операция котра мала буц окончена початком мая на єдней приватней клинїки у Беоґрадзе вимагала вельки пенєжни. Средства були потребни и за регабилитацию, специялистични и контролни препатрунки, за ортопедски помагача и драгово трошки. Теди у Коцуре, Вербаше, порушани числени гуманитарни акциї, гуманитарни лицитациї, а оформена и Фейсбук ґрупа За Шолая Милана. Одволали ше числени спортисти котри донирали спортски дреси, лабди, уметнїки котри донирали свойо дїла, людзе котри жадали помогнуц на рижни способи. До збераня пенєжу за Миланово лїченє уключели ше и велї орґанизациї, та так и Гуманитарна фондация „Будз гу-
мани – Александар Шапич” котра дала Миланови число прейґ котрого доставал добродзечни прилоги. За кратки час назберани 1,3 милиони динари, кельо було потребне же би ше окончела операция. Милан оперовани 10. мая у шпиталю „Атлас” у Беоґрадзе, и шицко прешло у шоре. Шолая оптимистично превозиходзи и тото препреченє и сиґурно идзе ґу виздравеню. Зоз Гуманитарней фондациї „Будз гумани – Александар Шапич” апеловали на дальше уплацованє прилогох, понеже Миланови потребни средства за постоперативну регабилитацию, специялистични и контролни препатрунки, баньске лїченє, лїки, суплементи и ортопедски помоцни средства, помагача. Пенєж мож уплациц прейґ СМС порученя у хторим треба написац 1013 и послац на число 3030 (цена порученя 200 динари), лєбо на динарски рахунок 160-600000085671904, и девизни 160600000085727679. На сайту Гуманитарней фондациї обявене же за Миланово лїченє треба 3 263 502 динари, а понеже Милан нє у можлївосци финансовац то сам, замодлєл шицких гуманих людзох же би му помогли у тей борби. Помогнїме зоз свою гуманосцу тому младому чловекови же би звладал ище єдно препреченє котре му живот принєсол. О. Р.
ЗОЗ ОПШТИНИ КУЛА
БЕЗПЛАТНА СТЕРИЛИЗАЦИЯ И ЧИПОВАНЄ ПСОХ Статистика гутори же Сербия при самим верху по числу напущених животиньох, та праве пре тоту причину Явне комуналне подприємство „Комуналєцˮ пред мешацом порушало акцию безплатного чипованя, вакцинованя и стерилизованя псох блукачох и хижних любимцох. Директор того комуналного подприємства Марко Пешич за локални медиї гварел же „Комуналєцˮ за шицких гражданох општини Кула обезпечел безплатну стерилизацию и чипованє їх псох, а акция будзе тирвац по конєц рока. – Наша обовязка же бизме каждого пса хторого влапиме на улїци вакциновали, стерилизовали, чиповали и же бизме му нашли дом. Зоз тоту програму жадаме зменшац число псох по улїцох, понеже слово о векшим чишлє. Єдна стерилизация нашо Подприємство кошта коло 10 000 динари, а плануєме видвоїц достаточно средства за шицких хтори приявя своїх любимцох за стерилизацию, вакцинованє и чипованє. Сиґурни сом же нам ше уда того року вифинансовац и, ту у азилу, окончиц од 200 до 300 стерилизациї псох – гварел директор ЯКП „Комуналєцˮ Кула Марко Пешич. Гоч ше скорей думало же стерилизация ризична за живот пса, нєшка тото становиско застарене и фаховци твердза же то єдно з найгуманших способох зопераня народзеня 4. ЮНИЙ 2021.
нєжаданих щенятох, а з тим и способ же би ше зопарло цо векше число псох блукачох. – Тото цо би власнїки псох требали знац то же кед стерилизую пса, їх пес нє пременї справованє, а анї його способносци нє буду зменшани. Кед хлопским псом прероби гормон за розмножованє, теди су прихильни сцеканю з обисца, означованю териториї, бреханю, аґресивному справованю. Кед су стерилизовани, нє маю потребу за тим шицким. Думам же тота акция барз добра и же би ше людзе требали одволац у цо векшим чишлє, понеже пси блукаче и пси у азилу нє случайносц, алє су резултат нєодвичательного справованя поєдинцох. Знам случаї у хторих людзе удомя пса, ґарантую же ше буду старац о нїм, а вец истого пса о даяки час стретнєм даґдзе одруценого у полю. Нє знам прецо при наших людзох така нїзка свидомосц о одношеню ґу животиньом, кед и вони часц тей природи и требали бизме з нїма жиц єден складни живот, а нє бориц ше процив нїх – гвари Наташа Чизмар. Шицки гражданє хтори жадаю безплатно чиповац, вакциновац и стерилизовац своїх любимцох, треба же би ше явели до ЯКП „Комуналєц”, або на число телефона 064/828-7071 кажди роботни дзень од 7 по 12 годзин. Ан. М.
РУСКЕ СЛОВО 11
ЕКОНОМИЯ ДИПЛОМОВАНИ ИНЖИНЄР ПОЛЬОПРИВРЕДИ ИҐОР ГАРГАЇ О ПРИКАРМЙОВАНЮ У ЗАГРАДАРСТВЕ
ДОПАТРАНЄ ДАВА ВИСОКИ УРОЖАЙ И ДОБРИ КВАЛИТЕТ Пише: Мартица ТАМАШ
Рост заградкарских рошлїнох глєда континуоване подмирйованє зоз гнойом под час веґетациї – прикармйованє и тоту аґротехнїчну миру треба порядно применьовац кед ше сце мац успишну продукцию и заробок
Р
ошлїни у заградкарстве мож прикармйовац фолиярно – залївац з пирсканьом од горе, як зоз штучним дижджом, або зоз систему капка по капка. У фази продукциї розсади шицки заградкарски рошлїни любя систему пирсканя, а рошлїном у познєйших фазох розвою баржей одвитує прикармйованє през систему за наводньованє капка по капка, зоз чим мож почац о 15–20 днї после розсадзованя до поля. Файта наводньованя завиши и од файти рошлїни и єй морфолоґийного випатрунку. Кед рошлїна и єй стебелко оброснути зоз власками, як на приклад при огурки, совитує ше лєм система капка по капка, а други любя и пирсканє по лїсцу, з тим же ше у пластенїкох ше применює лєм система капка по капка. Фаховци гваря же ше прикармйованє при одредзених файтох, як цо паприґа и парадича, може окончовац цали час док тирва веґетацийни период, аж и два раз у тижню. СТИМУЛОВАЦ РОШЛЇНИ ЖЕ БИ ШЕ РОЗВИВАЛИ Тей яри пре жимну хвилю з вельо дижджами и похмаренима днями з мало слунка скоро шицки польопривредни култури помалши рошню. О тим як тераз рошлїном мож помогнуц, насампредз у заградкарстве, толкує дипломовани инжинєр польопривреди Иґор Гаргаї зоз Кисачу,
12 РУСКЕ СЛОВО
Иґор Гаргаї
хтори заняти у подприємству „Желєни хит” ДОО з Беоґраду и роби найвецей на терену Бачки як фахова потримовка польопривреней продукциї. ВАЖНА АНАЛИЗА И ЖЕМИ И ВОДИ – Шицким цо прикармюю рошлїни, чи у заградкарстве, чи у овоцарстве, совитуєм же би перше зробели комплетну анализу жеми на тим полю и анализу води зоз хтору ше окончує прикармйованє прейґ пирсканя, або з наводньованьом зоз систему капка по капка. На основи того ше и прави план прикармйованя хтори може буц вельо лєпши за продукователя, як цо кед ше роби напамят. Од води барз вельо завиши, як ше абсорбує хасновити материї, а и при хаснованю пестицидох, їх дїйство завиши од води. Лєпше викопац студню и за наводньованє и прикармйовац з таку воду прейґ системи капка по капка, або з ню пирскац. Вода зоз водоводу тварда, у нєй єст карбонати и бикарбонати, хтори вяжу за себе елементи зоз препарату за прикармйованє, або зоз пестициду и зменшую ефекти тих средствох. Вода их барз трима при своїх часцох и рошлїна их нє може абсорбовац, та ше може случиц же виветрею и нє будзе ефекти яки треба же би були и хтори ше очекує же буду – совитує дипл. инґ Иґор Гаргаї.
4. ЮНИЙ 2021.
ekonomija@ruskeslovo.com
ЯК МОЖ ПОМОГНУЦ – Тота жимна хвиля спомалшує рост и розвой польопривредних рошлїнох, а нєдостаток слунка значи и нєдостаток фотосинтези. Накадзи нєт фотосинтези, рошлїна нє продукує угльово гидрати, як би требала, и стої, нє рошнє. Рошлїни ище мали, та би им тераз нє давац вельо покарми през систему капка по капка, евентуално мож дац даяки стартер – то минерални гной зоз наглашеним фосфором, и можебуц треба причекац же би було вецей слунка. Накадзи будзе красша хвиля препоручел бим перше дац биостимулатор, продукти на бази алґох и аминоквашнїнох, або и з комбинацию єдней и другей материї. Млади рошлїни буду мац од того хасну, почню роснуц и шириц ше и пошвидко ше окрипя од жими и нєдостатка слунка – гутори дипл. инґ. Иґор Гаргаї. КЕДИ ТРЕБА ЗАЛЇВАЦ Важни час кеди ше окочує прикармйованє. – Прикармйовац найлєпше рано, або дополадня, бо рошлїна вец през дзень найвекше количество тих материйох, хтори єй сцигли прейґ прикармйованя, може абсорбовац. Найлєпши ефекти и найлєпше вихасновйованє кед ше рошлїни прикарми до 9 годзин рано. Кед ше залїва и прикармює рошлїни зоз систему капка по капка, то мож робиц цали дзень. Кед у питаню млади рошлїни, як цо розсадзена паприґа, я би причекал же би рушел период засушованя, то период кед ше рошлїна после пресадзованя дакус трапи, кед почина глєдац воду у жеми, кед почнє пущац, розвивац корень. После того периоду препоручуєм прикармйованє зоз гнойом з наглашеним фосфором. Добре би було прейґ системи капка по капка додац гумусни материї, хтори ше додава през хумински и фулвински квашнїни и хумин. Вони помогню же би коренї рошлїнох швидше и лєгчейше абсорбовали хасновити материї хтори им ше да през систему капка по капка и помогнє же би нє пришло до вимиваня хасновитих материйох, же би ше цо длужей затримали у тим пасму жеми дзе ше находзи корень и же би були доступни – гутори Гаргаї. БИОСТИМУЛАТОРИ И АЛҐИ Велї продукователє рошлїни прикармюю прейґ лїсца. – Питанє чи тераз єст досц лїсцовей маси и чи би тераз вообще вредзело прикармйовац рошлїни прейґ лїсца. 4. ЮНИЙ 2021.
Парадичи и паприґу под час веґетациї, а после формованя плода, треба фолиярно прикамйовац зоз калциюмом, хторого єст у жеми, алє ше помали транспортує до рошлїни. Його нєдостаток може виволац некрозу, то суха згнїтосц верха плода. Пирскац треба на кажди 10 до 14 днї, односно три до пейц раз у веґетациї од дня кед ше оформи перши плод. И тоти два култури, як и белави парадичи, огурки, динї, цибуля, ґереґи чувствительни на хлор, та добре хасновац гної у хторих калиюмов состойок у сулфатней форми. Знаки чкодлївого дїйства хлору то вчасне рушанє веґетациї, нєдостаточни розвой, круценє и деформованє и сушенє лїсцох. На нєдостаток бору окреме чувствительни кореньово заградово рошлїни. Його нєдостаток виволує зявенє пражнїни у штредку кореня або одумеранє розети лїсцох, та ше лїсце нє розвиє. Же би ше то нє случело, хасновите окончиц фолиярне прикармйованє з бором и з другима микроелементами два-три раз под час веґетациї.
Треба робиц з препаратами на бази аминоквашнїнох и алґох, або з комбинацию таких препаратох, же би рошлїни цо скорей вишли з того стресного периоду и почали нормално роснуц и функционовац. Алє, же би було даяки ефекти, потребне нам слунко. Тих дньох, кед була жимна хвиля, без слунка, од прикармйованя нєт даякого хасну – гутори Гаргаї. Важне стимуловац на рост и рошлїни у землєдїлстве. – У землєдїлстве (жито, кукурица, соя, слунечнїк, цукрова цвикла) дзе ше нє наводнює, а то углавним найчастейше, найлєпши ефекти прикармйованя рошлїнох могло би посцигнуц зоз пирсканьом зоз комбинацию препаратох на бази алґох и аминоквашнїнох, з тим же би ше могло додац универзални минерални гной хтори ше розпущує у води (водорозпущуюци) НПК 20-20-20, або НПК 10-10-10 з микроелементами – гутори Гаргаї. Того року шицко помали сходзело, бо було жимно, та вец помали и росло. – Я досц форсирам биостимулатори и алґи и хаснуєм их на своїх польох. Мам засадзени овоцнїк, лїсковци, у Сриме у Язку и продукуєм паприґу на отвореним за айвар, у мнє, у Кисачу. Тоти препарати на рошлїновей бази стимулую засадзени рошлїни же би звекшали продукцию природних рошлїнових гормонох хтори, медзи иншим, задлужени и за розвой и подзвигованє имунитета рошлїнох – гутори Гаргаї. ■
РУСКЕ СЛОВО 13
ЕКОНОМИЯ ДНЇ ПОЛЬОПРИВРЕДИ ОТРИМАНИ ОНЛАЙН
УВОД ДО ПОЛЬОПРИВРЕДНОГО САЙМУ
https://www.sajam.net/sr/
На прoграми Днї польопривреди онлайн, од 18. по 21. май наступели вецей як 80 викладаче зоз шейсцох жемох – Сербиї, Ческей, Шпаниї, Румуниї, Голандиї и Горватскей. Програму видзели вецей як 9 000 нащивителє. Отримани фахово сходи на хторих обробени 19 теми, а за Б2Б схадзки реґистровани 506 дїловни нащивителє
Н
а платформи Новосадского сайма ExpoOnline.rs, од 18. пo 21. май, отримани Днї польопривреди, на хторих наступели вецей як 80 викладаче зоз зоз шейсцох жемох – Сербиї, Ческей, Шпаниї, Румуниї, Голандиї и Горватскей, хтори представели свойо продукти и услуги зоз скоро шицких робних ґрупох, хтори нащивителє сайма очекую на програмох тей файти. Найнащивенши були штанди компанийох хтори понукли польопривредну механїзацию, приключни машини и резервни часци, а за штири днї тото видзели вецей як 9 000 нащивительох зоз Сербиї и иножемства. У фокусу Дньох польопривреди онлайн були субвенциї, стимулациї за польопривредну продукцию и нєврацаюци средства. Шицко то були и теми онлайн конференцийох и панелох хтори за штири днї провадзели вецей тисячи патрачох. Бешедовало ше о землєдїлстве, овоцарстве, потримовки розвою малих винарийох и пиварньох у АП Войводини, диґитализациї у польопривреди, розвою орґанскей
ОД 18 ПО 24. СЕПТЕМБЕР Днї польопривреди онлайн нє лєм же оможлївели дїловне повязованє викладачох и нащивительох у виртуалним просторе, алє на тот способ дали потримовку привреди и свойофайтови су увод до 88. Медзинародного польопривредного сайма, гвари ше у сообщеню Новосадского сайма. За наявени термин од 18. по 24. септембер заинтересовани компаниї з Италиї, Голандиї, Мадярскей, Шпаниї, Републики Сербскей, Турскей, Русиї и Билорусиї. Кед же епидемийна ситуация у Сербиї и швеце допущи отримованє Польопривредного сайма у Новим Садзе, у периодзе после пандемиї тота програма би ознова могла потвердзиц титулу винїмного амбиєнта за склапянє роботох, черанку искуствох и информацийох, установйованє и моцнєнє дїловних контактох. Платформа ExpoOnline.rs теди будзе услуга вецей на програми орґанизованей на традицийни способ.
14 РУСКЕ СЛОВО
польопривреди и мирох потримовки, стимулацийох и инвестицийох зоз потримовку Фондациї „Просперитати”, аґрарней политики Европскей униї – стратеґийох и цильох, диґитализациї и прецизней польопривреди. Нє виостала анї промоция John Deere комбайнох и чежких тракторох новей ґенерациї. Отримана и презентация публикациї „Аґрарна продукция у Войводини 2020”. Одвити на числени питаня глєдани и на онлайн подїйох, як и на штандох Министерства польопривреди, лєсарства и водопривреди – Покровителя Дньох польопривреди, як и Покраїнского секретарията за польопривреду, водопривреду и лєсарство – Приятеля Дньох польопривреди. Вельке интересованє нащивителє указали за штанди Ал Дахри – златного спонзора Дньох польопривреди, Дженерали осиґураня Сербия – ґенералного спонзора хтори понукнул широку палету услугох з обласци осиґураня урожайох и плодох, осиґуранє статку, Министерство польопривреди Ческей Републики – жеми партнера, Тарґовинско-економского оддзелєня Амбасади Шпаниї и Городу Нового Саду. Викладачи визначели числени реализовани контакти, алє и догварки за септембер, кед Новосадски саям планує 88. Медзинародни польопривредни саям. Зоз дньох польопривреди на тот завод виостала Вистава статкарства и Шампиони квалитета, хтори ше рихта за 88. Медзинародни польопривредни саям. Дарунок бависко, за хторе ше реґистровац мож по 10. юний, орґанизовала компания Аґропанонка. На платформи Ново садского сайма ExpoOnline.rs шицки заинтересовани и у наиходзацих дньох можу нащивиц штанди викладачох и одложено опатриц отримани конференциї и панели. ■ М. Тамаш 4. ЮНИЙ 2021.
ekonomija@ruskeslovo.com
ЗЕМЛЄДЇЛСКА ЗАДРУҐА „ҐРАНИЧАР” ЗОЗ ШИДУ ПРИКЛАД УСПИШНЕЙ ДЇЯЛНОСЦИ
ДОБРИ РЕЗУЛТАТИ И НЄПРЕРИВНИ РОЗВОЙ З нагоди Дня Месней заєднїци Шид 22. мая и швета Преношеня мощох Святого оца Миколая, Землєдїлска задруґа „Ґраничар” зоз Шиду достала „Святоникольске припознанє”
К
ед ше накратко спатри яки резултати витворює спомнута задруґа, такой ясне же припознанє пошло тому хто го наисце и заслужел. ЗЗ „Ґраничар” формована ище концом 1990. року з дакедишнього Польопривредного подприємста „Морович”, под час дезинтеґрованя дакедишнього ПИК „Шид”. Нє були то лєгки часи, бо задруґа у поступкох розгранїчованя походзеня жеми, реституциї и врацаня державней жеми, остала без 1 500 гектарох жеми и нєшка ма коло 2 300 гектари у катастерских општинох Ямена, Адашевци, Морович, Шид, Илинци и Батровци.
ПОМАГАЮ ЛОКАЛНЕЙ ЗАЄДНЇЦИ Робота орґанизована у двох дїловних секторох у Адашевцох и Моровичу зоз 1 150 гектарами жеми, а у Моровичу ма и сучасни овоцнїк яблукох на 50 гектарох, хтори ше залїва зоз систему капка по капка. Под залївну систему ище коло 250 гектари польопривредней жеми. У Адашевцох ше находзи силос капацитета 12 000 тони, а задруґа ма 75 стаємно занятих роботнїкох, од хторих 18 маю високу фахову приготовку, а по потреби анґажує ше и сезонских роботнїкох. Пре добри дїловни резултати, задруґа часто помага дружтвеней заєднїци. – Роками донираме средства церквом, спортским здруженьом и здруженьом гражданох, школом, а помагаме и
НАГРАДЗОВАНИ СУ И СКОРЕЙ ЗЗ „Ґраничар” єдна з найлєпших задруґох у Войводини и прето достала и припознанє од Задружного союзу Войводини. Тиж достала и припознанє од Привредней комори Сриму за успишни дїловни резултати. Найновше припознанє сцигло зоз локалного уровню, а то спомнута „Святоникольска награда”, цо тиж обовязує же би ше и далєй посциговало замерковани резултати у будучносци
спортски и културни манифестациї. Од 2015. по 2021. рок задруґа за тоту намену опредзелєла коло штири милиони динари. Окреме зме указали нашу солидарносц прешлого року под час пандемиї вируса корона кед зме локалней самоуправи донирали 500 000 динари – наводзи Янко Николич, дипломовани инжинєр польопривреди и директор ЗЗ „Ґраничар”, хтори тото подприємство водзи уж осем роки.
Янко Николич
ЗВЕКШАЦ ПОВЕРХНОСЦИ ПОД ЗАЛЇВНУ СИСТЕМУ Дознаваме же задруґа ма и 36 задруґарох и же значни средства уклада до обнови механїзациї, а же би ше и надалєй ишло напредок, планує ше вибудов хладзальнї за змесценє яблукох капацитета 2 500 тони. Значне инвестованє будзе и до преширйованя системи за наводньованє та ше планує же би ше о пейц-шейсц роки залївало до 50, або 60 одсто поверхносцох. Же и прешли рок дїловно бул добри указую резултати у продукциї польопривредних рошлїнох. Урожай жита мали 7,5 тони по гектаре, кукурици 11 тони, цукровей цвикли 70 тони по гектаре, олєйовей цвиклочки 4,4 тони, слунечнїку тиж 4,4 тони, а ярцу седем тони по гектаре. ■ Вл. Дїтко
www.sid.rs.poljoprivreda
4. ЮНИЙ 2021.
РУСКЕ СЛОВО 15
МОЗАЇК МУЗИЧАР И МАСТЕРАНТ ФИЛОЗОФИЇ ИҐОР САКАЧ ЗОЗ НОВОГО САДУ
ТОНИ ЯК ГВИЗДИ, А ГАРМОНИЯ, ТО ЯК ҐАЛАКСИЯ
И
Пише: Ивана ЧОРДАШ
ґор Сакач народзени 1994. року у Новим Садзе. Закончел Штредню уметнїцку школу „Боґдан Шупут”, напрям дизайн ентериєру и вец дипломовал на Филозофским факултету, напрям филозофия. Тераз є на мастер студийох филозофиї у Новим Садзе. Музика у його живоце присутна одмалючка и то му попри филозофиї гоби и єдна од найважнєших стварох хтора му помали постава и робота. – Закончел сом основну музичну школу, грал сом на клавиру, алє нє пачел ше ми способ на яки зме робели, бо зме були огранїчени. Кед сом закончел, почал сом вежбац грац на ґитари и цо сом лєпше грал, чувствовал сом ше важнєйше и моцнєйше. Я бул шлєбодни лєм нїхто за мнє нє знал, а мнє так у тим швеце було крашнє... – бешедує Иґор и додава: – Интересантне же сом першу композицию, так повесц, направел ище док сом бул у основней школи. Мали зме дома клавир хтори бул цалком розштимовани, а я лєм шеднул ґу ньому и почал сом грац якишик тони. Нє звучало то добре, алє важне же сом почувствовал же мам контролу – прешвечлїво бешедує Иґор.
ЯК НАСТАВА КОМПОЗИЦИЯ Кед звладал грац на клавиру почал виглєдовац гранє на ґитари, научел и рижни „цаки” хтори хасновити у
16 РУСКЕ СЛОВО
На репертоару Сербского народного театра у Новим Садзе у тей сезони и мюзикл „Хто забил Дженис Джоплин”, хтори ше виводзи у копродукциї зоз ОПЕНС-ом. У тим мюзиклу бави и Иґор Сакач, а за музични репертоар задлужени його УВ (UV) бенд граню и, як сам гвари, кед наишол на нови фазони, окреме на тоти хтори вон здумал, вязал ше за нїх. Медзитим, кед єден час нєпреривно исте робел, тото му поставало кич. Гоч як тота музика була алтернативна наспрам музики хтора нас окружує, вона поставала кич. Теди кед то Иґор почувствовал, врацел ше грац на клавиру. И аж кед на тим инструменту цалком звладал „технїчни ствари”, наисце почал компоновац. Теди почал розумиц и ґитару, алє нїґда нє обрацал увагу на ноти, на систему роботи, и вше хасновал нови методи. – Нови-стари методи, то значи же кед починам компоновац композицию нє важне чи рушим од даєдней ноти, ритму, мелодиї, чи рушим од даякей писнї хтору уж знам, або чи рушим од своєй писнї, та у нєй препознам добри часци за нову композицию. Нє можеме у своїх писньох нє препознац нїч, бо наша свидомосц функционує так же у тим цо тераз робиме препознаваме тото цо зме дакеди робели, або дожили, нє можеме зоз того висц, бо то наш живот – толкує Сакач и предлужує: – У тим виглєдованю налапал сом вельо фазони за мелодиї и зрозумел сом цо значи аранжман – то, у ствари, права метода. Поведзме, правиш єден рядошлїд – гармонию, то може преставяц ґалаксию. Тони би були гвизди, а гармония би була ґалаксия и тоти одношеня медзи тима
гвиздами и ґалаксию то аранжман. То цошка цо нє мож знїщиц, а и кед ше дацо и знїщи з того знова настава дацо нове и то поента шицкого – толкує Иґор Сакач.
ОД „УВЕРТИРИ” ДО „УВ2” На початку шицко було лєм простор медзи музику и автором, а вецка композициї почали буц озбильнєйши и Иґор то дзвигнул на висши уровень. На колектив. Ище у основней школи мал пайташох хтори любели музику подобно як и вон. Вєдно надумали формовац ґрупу хтора ше волала „Увертира”, а после тей ґрупи волали ше „УВ2”.
4. ЮНИЙ 2021.
mozajik@ruskeslovo.com – Перша свирка хтору зме мали була, нє здогадуєм ше точно, даяки Дзень школи, видзели зме же можеме вєдно и так то почало. Вец зме похопели же нашо музични животи иншаки, кажде з нас свой инструмент виглєдовал на свой способ. Чи зме ше складали – гей, чи зме ше нє складали – нє, кеди як, заш лєм то колектив и ту ше муши видзиц гранїци по хотри мож дойсц. Мушиш буц свидоми же вше будзе тих хтори маю цалком иншаки живот як ти, и же вони на цалком иншаки способ похопюю музику. Буц обєктивни нє значи же ши шицким прицагуюци, алє же маш свою приповедку. Як цо нє можеме розумиц китайски, бо зме го нє учели, так и кед я напишем писню, нє кажде розуми, а же би ме дахто потримал, потребна концентрация хтора у нєшкайшей култури анї нє така присутна – толкує Иґор. Музика за Иґора Сакача смисел, кед му шицко чарне и кед му ше нїч нє пачи, вон ше враца ґу правеню аранжмана за даяку писню. Теди и приходзи до ришеня. – Мнє цали швет теди розквитнє, кед напишем добри аранжман, вец ше людзе дакеди чудую та гваря „Идзе луди Лаза”, а шалєни Лаза у ствари, задовольни зоз собу. А ми хтори нє задовольни зоз собу повеме же „Идзе луди Лаза”. Шицко почина зоз того якогошик шалєнства, и я то хвалїм. Єдно шалєнство кед ти неґираш себе а друге, то тото шалєнство у хторим ше ти хвалїш и нє забуваш на себе – гутори Иґор.
ДОЗРЕВАНЄ НА ТЕАТРАЛНЕЙ СЦЕНИ Напредованє у компонованю, у правеню аранжманох, Иґора Сакача приведло до того же би го замерковали и у театре. Вон участвовал у пририхтованю двох мюзиклох хтори на репертоаре у Сербским народним театре у Новим Садзе. Перши мюзикл за хтори адапдовал музику и компоновал бул „Хто забил Дженис Джоплин” у режиї Сонї Петрович, а други мюзикл бул „Дзивче зоз ширками” у режиї Мини Петрич. – Пред тим сом бул лєм раз у театре и то ме нина одведла, а патрел сом представу „Чекаюци Ґодоа”. Здогадуєм ше же бул єден лиси чловек хтори плювал млєко, а мнє то було интересантне. Кед сом вошол 4. ЮНИЙ 2021.
до першей представи було ми чудне, бо було вельо людзох у тей приповедки, а шицки любя музику, любя ґлумиц, односно любя буц тото цо су. Ту сом похопел же театер єдна велька правда о чловекови. Допущене буц дурни, а так же бим бул наисце я, а шицко знова випатра културне – бешедує Иґор и додава: – На початку на пробох ми було допито, прето же ше нїяк нє сциговало по музику. Нє могол сом дочекац кеди войдземе до студия и почнєме робиц – слухац и злучовац шицки инструменти. Нє бул сом свидоми кельо музично дозревам на сцени и барз ме секирало же я нє вежбам дома свойо писнї, нє пишем нїч нове, чекам же би ше научело даяки звонкамузични ствари хтори сом праве на тих пробох упил, а анї сом нє бул свидоми. Ту можем направиц паралелу зоз другим мюзиклом у хторим сом главни композитор. Чул сом же композиторе нє присуствую на пробох, вони пошлю свойо композициї и вец ше то як колаж папер лїпка и злучує. Було ми важне же би ше мойо композициї могло слухац, а нє же би були у метрики зоз сцену, ту настал конфликт медзи режисером и композитором, алє и то за мнє єдна значна ствар же би представа була успишна – бешедує Иґор Сакач о власним искустве.
ЯК ДЖЕНИС ДЖОПЛИН Думаме же дакого добре познаме, а вец дознаваме же єст ище цошка цо о тей особи нє знаме. Иґора хторого шицки познаю як композитора представели зме у тим тексту, а Иґора хторого нє познаме упознаме тераз на концу єдней интересантней приповедки о музичарови. – Иґор хторого людзе познаю ма свою цильну ґрупу. А то значи же придзеш на стейдж, дакус поприповедаш зоз публику, питаш ше им чи сцу чуц твою нову шпиванку, вони кляпкаю и чекаю кеди почнєш грац и то подобне як цо робела Дженис Джоплин. Тото цо нє познате при шицких, та и при мнє, то тота файта
Представа „Хто забил Дженис Джоплин” премиєрно виведзена 9. марца 2020. року на Камерней сцени СНТ. На репертоару є театра и пошвидко ю годно одпатриц у юнию на сцени у Променада шопинґ центру. Тияна Ґрумич „ХТО ЗАБИЛ ДЖЕНИС ДЖОПЛИН” Стреда, 9. юний 2021. року Сцена: Променада шопинґ центер на 20:00 Концепт и режия: Соня Петрович Представу реализую у сотруднїцтве СНТ и ОПЕНС Представа тирва 1 годзину и 45 минути.
шалєнства о хторим сом скорей бешедовал. Я би то описал, у моїм случаю, як ґениялносц у уметносци хтору зме нє досц виглєдали же бизме могли повесц же ми то знаме и то нас видзелює з єдней маси и так поставаме свидоми того цо зме – додава Иґор и през шмих закончує: – Мушиме витримац у тим цо нє знаме, ми сами себе нєпознати, я Иґора хторого нє познам почал помали упознавац прейґ власних емоцийох, думкох... Найважнєйше упознац ше зоз собу, треба буц свидоми себе, же шицко цо ше у нас случує вибиє з нас на даяки способ. Чи прейґ мелодиї, през текст, нє важне, лєм най видзе на поверхносц. То уметносц. Кажде з нас уметнїк, уметносц нє муши буц анї так як то по дефинициї. Шицки ми док спознаме себе, тото цо нас прицагує, а цо нас нє прицагує, упознаме нє лєм себе, алє упознаме и уметносц.■
РУСКЕ СЛОВО 17
КУЛТУРА И ПРОСВИТА ДЗЕНЬ ШКОЛИ „ПЕТРО КУЗМЯК” У РУСКИМ КЕРЕСТУРЕ
ВИЗНАЧЕНИ АКТИВНОСЦИ И УСПИХИ Зоз пригодну програму у школским голу 25. мая означени Дзень Основней и штреднєй школи зоз домом школярох „Петро Кузмяк” зоз Руского Керестура
З
тей нагоди о. д. директора Школи мр Наталия Будински и єй помоцнїца Лїляна Фина привитали присутних, од предсидателя Општини Кула Дамяна Милянича, представительох месних власцох и Националного совиту Руснацох, до роботнїкох школи, представительох школярох и представительох дакедишнїх занятих. Як визначела директорка школи преслава присподобена ґу обставином у яких преходзи цали тот специфични школски рок, патраци на епидемийну ситуацию хтора спричинєла и велї пременки у наставним процесу и орґанизациї роботи. Потим зоз видеом представени активносци Школи, хтори ше могло реализовац, и хторих, заш лєм, було. Надосц ше робело на промоциї самей школи з акцентом на наиходзаци упис за штредньошколцох, на класични способ, зоз нащивами школох у шицких околних општинох, та и до наших двох руских школох у Коцуре и Дюрдьове. УСПИХИ ШКОЛЯРОХ И попри тим же у условийох епидемиї змаганя з велїх предметох були претаргнути на општинским уровню, кед ше патри на цали прешли школски рок и тото цо у нїм витворене, посцигнуте вельо – поєдинєчни успихи школярох у основней, а и у штреднєй школи, починаюци од спорта, язикох, по рецитованє и писанє, успихи зазначени на окружних, медзиокружних, зонским и покраїнским змаганю.
18 РУСКЕ СЛОВО
НАГРАДЗЕНИ ПРОМОТИВНИ ВИДЕА У Школи ше вельо робело на промоциї самей Школи, на класични алє и на сучасни способ. Так з тей нагоди преглашени и наград зени три найлєпши промотивни видеа на окремним конкурсу о промоциї школи хтори посилали школяре. Перше ме сто освоєли школярки Миряна Пилич и Сара Мандич, друге ме сто Филип Будински, а треце Матеа Югик и Аня Ґовля. Успихи з основней школи представел наставнїк Деян Бучко. Резултати од спортох посцигнути у столним тенису по окружни уровень и зоз атлетики по медзиокружни. Зоз руского язика ше сцигло по републични уровень, з нємецкого по окружне, а з рецитованя по републичне. У штреднєй школи успихи школярох представела педаґоґиня Любица Няради, а було их з анґлийского язика, аж и пласман на републичне змаганє, з нємецкого тиж пласман на републичне, а на нїм посцигнуте 2. место. Успихи тиж мали рецитаторки на републичним уровню, як и на литературним конкурсу. Зоз спорских змаганьох, штредньошколци тиж принєсли награди зоз столного тенису, з окружного змаганя 2. место и друге место и зоз плїваня. О шицких тих школярох цо були успишни уж зме обсяжнєйше писали. Присутним ше представела рецитаторка Валентина Новта хтора ше пласовала 4. ЮНИЙ 2021.
kultura@ruskeslovo.com
на републичну смотру у Валєве, а свою наградзену литературну роботу на конкурсу хтори ре ализовало Дружтво сербско-русийского приятельства зоз Сримскей Митровици, пречитал Леонтий Сивч. У голу була и мала вистава школярки Мии Чордаш, чия подобова робота тиж наградзена на єдним вельким конкурсу у Панчеве. РЕЗУЛТАТИ ЗОЗ СМОТРИ КИРИЛСКЕЙ ПИСМЕНОСЦИ Праве на Дзень школи сцигли резултати и зоз Тителю, дзе на тогорочним конкурсу Смотри кирилскей писменосци наградзени и школяре з керестурскей школи, у катеґорийох Найлєпши писмени задаток и Кирилска калиґрафия за найлєпши инициял. З основней школи у катеґориї Школски писмени задатки на руским язику за возрост од 5-8 класу перше место подзелєла Лора Новакович, друге Андрей Провчи и Клара Катрина, а треце Алекса Ґолубович. Пририхтали их наставнїци руского язика Тамара Хома и Каролина Джуджар. Од школярох штреднєй школи, т. є. зоз Ґимназиї наград зени школяре꞉ за перше место Сара Планчак, за друге Валентина Новта, а за треце Леонтий Сивч. Их пририхтала профе сорка Люпка Малацко, а шицки задатки на руским язику препатрела и вибрала Мелания Римар. У кате ґ о риї Ки рил ска калиґрафия, а у єй рамикох, за найкрасши инициял у старшим возро сту (58 класу) зоз кере стурскей Школи за перше ме сто наград зена Лана Штранґар, а за друге Яна Варґа. За змаганє их порихтала наставнї ца подо бо вей кул ту ри Мая Колошняї.■ М. Афич 4. ЮНИЙ 2021.
ОЗНАЧЕНИ ЮВИЛЕЙ МУЗЕЯ НАЇВНЕЙ УМЕТНОСЦИ „ИЛИЯНУМ” У ШИДЗЕ
ПОЛ ВИКА ОД СНОВАНЯ
Музей наївней уметносци „Илиянум” у Шидзе прешлого пондзелку, 31. мая, означел 50 роки од снованя. На пригодней шветочно сци Любинка Пантич, директорка музею здогадла присутних же 31. мая 1971. року з одлуку Скупштини општини Шид основани музей хтори чува малюнки познатого наївного маляра Илиї Башичевича Босиля. Була то и нагода же би особи хтори през велї роки сотрудзовали з музейом до стали под зекованя. Насампредз подзекованє до стала Ивана Башичевич Антич, унука Илиї Башичевича Босиля, потим републични и покраїнски институциї, локална самоуправа, институциї култури, школи, културно-уметнїцки дружтва медзи хторима и КПД „Дюра Киш”, медиї и числени поєдинци. Подзекованє за медийне провадзенє активносцох музею достал
и новинар „Руского слова” зоз Шиду Владимир Дїтко. Як гварела директорка Пантич, у новембру будзе отримана и промиция моноґрафиї о музею. У музичней часци шветочносци наступели Бояна Вуцоня, Стефан Маркович и Никола Китич, а потим отримани и коктел. Н. Р.
РЕПУБЛИЧНА СМОТРА РЕЦИТАТОРОХ
БИЛЯНА МИТРИЧ ЗОЗ КУЛИ ПЕРША У СЕРБИЇ
Тогорочна 52. Републична смотра рецитаторох, отримана 28. и 29. мая, у Валєве, а у штреднїм возросту перше место освоєла Биляна Митрич зоз Кули. На тогорочней Смотри участвовали 27 рецитеторе зоз Войводини, у трох возростних катеґорийох, а зоз рецитациями по руски на Републичней смотри Марина Барна зоз Дюрдьова у штреднїм возросту освоєла 5. место. Участвовали и Исак Новта у младшим возросту и Валентина Новта у старшим, ободвойо зоз Руского Керестура. Тогорочне змаганє отримане у онлайн формату на шицких уровньох змаганя цо значи же змагателє нє наступели „уживо”, алє орґанизатором посилани знїмки їх наступох. Жири на шицких уровньох змаганя зашедал, а знїмки им були емитовани у континуитету за кажду катеґорию окреме, як цо случай и у нормалних околносцох. – Вельки гендикеп тото же тогорочни смотри у шицких циклусох отримани онлайн. Рецитаторе вельо природнєйши, вецей даваю од себе кед маю живи наступ. Слухала сом даєдних рецитаторох кед ше знїмали, ту у Кули, и можем повесц же док сом их слухала, наїжела сом ше як їх интерпретация добре звучала. Медзитим, кед сом послухала їх знїмок, нє було ми таке упечатлїве. Траци ше тота автентичносц виразу зоз знїмком – гварела Амалия Ковач, консултант за руски язик у општини Кула. Як додала Амалия, на основи свойого вецейрочного искуства, мож зауважиц и тото же на Републичне змаганє, зоз Войводини,
требало пойсц и вельо векше число змагательох понеже су з рока на рок, по квалитету при самим верху. – По моїм особним думаню, требало би дакус реґуловац число учашнїкох хторе участвує на Републичней смотри. Думам же, праве прето же зме таки мултинационални штредок, ту у Войводини, цали рецитаторски рух роби на вельо висшим уровню як индзей. Поведзме, ми у цалей Войводини маме право на 9 учашнїкох у каждим возросту, а тельо ма и єден Беоґрад як город. Вони тримаю же пре число жительох то ровноправне. Алє думам же зоз Войводини, як зоз єдней покраїни дзе заступени вельо народи и вельо язики, пошло мало рецитаторох до Валєва. Ма Войводина у старшим возросту и першу и другу награду, алє ма ище полно таких рецитаторох хтори мушели випаднуц, а по квалитету були барз блїзко, кед нє и лєпши од наградзених – гварела Ковачова. Рецитаторе у младшим возросту наступали спред Школи „Петро Кузмякˮ, пририхтали их Наталия Зазуляк и Оленка Живкович, док учашнїкох у штреднїм и старшим возросту спред Дома култури Руски Керестур пририхтала Ивана Дудаш. Орґанизаторе тогорочней Републичней смотри були – Союз аматерох Сербиї и Центер за културу Валєво, зоз потримовку Републичного министерства просвити, науки и технолоґийного розвою, як и Министерства култури и информованя. Ан. М.
РУСКЕ СЛОВО 19
КУЛТУРА И ПРОСВИТА У ОСНОВНЕЙ ШКОЛИ „ПЕТРО КУЗМЯК” У РУСКИМ КЕРЕСТУРЕ
ОТРИМАНЕ 20. РЕПУБЛИЧНЕ ЗМАГАНЄ З РУСКОГО ЯЗИКА
У Основней школи „Петро Кузмяк” у Руским Керестуре всоботу, 28. мая, отримане 20. ювилейне Републичне змаганє з руского язика и язичней култури основних школох у хторих ше настава орґанизує по руски и школох у хторих ше руски язик учи як виборни предмет зоз елементами националней култури, на хторим ше змагали вєдно 19 школяре и, скоро шицки по числу бодох, освоєли даєдно место
З
оз порядней настави у катеґориї седмей класи перше место завжала Емина Бики зоз ОШ „Петро Кузмяк”, друга була Мартина Уйфалуши з коцурскей ОШ „Братство єдинство”, док треце место подзелєли Елена Шомодї и Анита Чизмар, обидва з керестурскей Школи. Од змагательох з осмей класи Андрея Надь з керестурскей и Ксения Вереш з дюрдьовскей ОШ „Йован Йованович Змай” и Сара Гарди з коцурскей Школи, подзелєли перше место. Друга була Марина Медєши з Коцура, (хтору з тей нагоди модлїме най пребачи, понеже є нєнароком вихабена у звиту зоз Медзиокружного змаганя дзе завжала перше место з максимално 20 бодами). Треце место на Републичним змаганю подзелєли Хелена Новта и Лора Новакович з Керестура. У виборней настави медзи змагателями седмей класи три школярки подзелєли перше место – Мирослава Колошняи з Вербасу, Лара Сопка з Кули и Даниєла Бицок з Бачкей Тополї. Друге место посцигнул Матей Фейди з Нового Саду, а треце Никша Йоксович з Кули. З осмей класи змагали ше штверо школяре и шицки з максималним числом бодом подзелєли перше место – то Лана Хорват з Бачкей Тополї, Маша Джуджар и Михайло Ковач з Нового Саду и Мария Жирош з Кули. ПРИРИХТОВАНЄ ШКОЛЯРОХ И ТЕСТОХ Задатки за порядну наставу порихтала Мелания Сабадош, а за виборну Мария Стрибер, а наставнїци котри пририхтали школярох за змаганє зоз керестурскей Школи то Каролина Джуджар и Тамара Хома, зоз коцурскей Снежана Шанта, а з дюрдьовскей Мария Самарджич. У виборней настави зоз школярами робели Славица Мали у Вербаше, Тамара Хома у Кули, Сенка Бенчик у Бачкей Тополї, Ана-Мария Рац и Оля Яковлєв зоз Нового Саду.
20 РУСКЕ СЛОВО
Як виявела Каролина Джуджар, понеже того року специфична ситуация и настава з найвекшей часци була онлайн, мерковало ше олєгчац школяром и при составяню задаткох, понеже нє исте кед ше роби директно зоз школярами и прейґ интернету. – З оглядом на шицко задовольни зме як прешло саме змаганє, понеже то найвисши републични уровень, задовольни зме з успихом, а так ше и поскладало же кажди школяр освоєл даєдно место, шицки позитивно оценєти и мали достаточне число бодох – наглашела Джуджарова. УРУЧЕНИ ПРИПОЗНАНЯ Ювилейне 20. Републичне змаганє у мено орґанизаторох привитала педаґоґиня Любица Няради и Ирина Папуґа, а награди школяром уручела о. д. директорка домашнєй Школи мр Наталия Будински. Папуґова з тей нагоди уручела припознаня з нагоди 20-рочного ювилея тром руским школом у котрих ше отримовало републични змаганя, руским медийом, и дакедишньому директорови кере стурскей школи Янкови Хомови дзе отримане перше републичне змаганє и учительови Славкови Надьови з Керестура, як потолковала Папуґова, єдному з найвреднєйших у тим 4. ЮНИЙ 2021.
kultura@ruskeslovo.com
БОДИ ЗА УПИС Папуґова тиж як здобуток визначела же Министерство просвити, пре малочисленосц наших школох дзе порядна настава, а у одношеню на численши меншини, єдино Руснацом допущела же би на змаганьох участвовали и школяре з виборней настави. Школяром хтори на републичним змаганю посцигню даєдно ме сто шлїдза одредзени боди хтори им ше буду раховац и при упису до штреднєй школи.
– Опатрела сом того року те сти и вид зела же су у согла сно сци зоз школ ски ма програмами, та дзекуєм наставнїком, и кед вид зиме красни ре зултати як научели дзеци. Дзекуєм и школяром за їх труд, а тиж и родичом же на змаганя привожа свойо дзеци. Ми ше остара ли же би за мед зиокружне змаганє змагателє до ста ли кнїжки „Руского слова”, а нєшка зме под зелєли кнїжки у виданю Дружтва за руски язик. Шлїдуюцого року домашня змаганя будзе Основна школа „Йован Йованович Змай” у Дюрдьове.■ М. Афич 4. ЮНИЙ 2021.
У РУСКИМ КУЛТУРНИМ ЦЕНТРЕ ОЗНАЧЕНА 75-РОЧНЇЦА ОД СНОВАНЯ
КОНЦЕРТ НА ВИСОКИМ УМЕТНЇЦКИМ УРОВНЮ
У рамикох преслави 75-рочнїци од снованя Руского културного центру у Новим Садзе, внєдзелю вечар, 30. мая, у його про сторийох отримани цаловечарши концерт. Привитуюци шицких присутних директор РКЦ Владимир Сивч гварел же шпи ва нє у ґру пох длуга традиция того Центру, хтори у предходзацим периодзе менял свойо мено, а найдлужей го паметаме под меном КУД „Максим Горки”. У його рамикох дакеди були формовани и два познати шпивацки ґрупи, дзивоцка „Барвинок” и хлопска „Товарише”. Тоту традицю шпиваня у ґрупох ше предлужело по нєшкайши днї. Предсидатель Националного совиту Руснацох Борислав Сакач, привитуюци публику на концерту, визначел длугу традицию пестованя култури при Руснацох, бо лєм будинок у котрим ше отримало концерт старши од єдного вика, а у нїм була дакеди школа и Читальня. Хорске шпиванє при нашей церкви ма богату традицию, бо остал писани шлїд у церковних кнїжкох. Тото место було централне место вецей
Фото: В. Вуячич
периодзе у виборней настави, хтори робел у сримских местох. Ювилейне, 20. змаганє, з потримовку Министерства просвити, науки и технолоґийного розвою Републики Сербиї, орґанизовали Дружтво за руски язик, литературу и културу и ОШ „Петро Кузмяк”. З тей нагоди треба здогаднуц кельо орґанизатор т. є. Дружтво вельки усиловно сци укладало у прешлосци же би и змаганє з руского язика вошло до календара змаганьох Министерства просвити. Ирина Папуґа визначела же вельке подзекованє дава и шицким наставнїцом и самим школяром же су заинтересовани, поготов у виборней настави, за ученє руского язика.
як єден вик дзе ше Руснаци сходзели и пестовали свою културу. Прето тоту витирвалосц и дзеку пестованя култури, хтору нам охабели нашо предки, ми чуваме и преношиме нашим потомком. На концерту учасц вжали Женска шпивацка ґрупа РКЦ „Версе” и Хлопска шпивацка ґрупа РКЦ, хтори ше представели зоз своїм богатим интернационалним репертоаром, бо шпивали композициї на вецей язикох. Женска ґрупа одшпивала нашо композициї „В калїновим лєше”, „Шугаїчко прешвечени”, „Дунай, Дунай глїбоки”, як и „Ој јесенске дуге ноћи”, як и композициї на анґлийским язику. Хлопска ґрупа одшпивала „За далєким нєбосклоном” „Желєнєє жито”, „Вило моја”, „Мало ја, мало ти” и други. Як госц на концерту наступел Смикови квартет „Инуендо” зоз популарнима класичнима нумерами. Концерт закончени зоз заєднїцким шпиваньом женскей и хлопскей ґрупи, а женска ґрупа шпивала и на бис. Руководитель обидвох ґрупох бул Борут Павлич, концерт бул на високим уметнїцких уровню, публика наисце уживала у каждей нумери и учашнїкох наградзовала зоз громкима аплаузами. Пре славу потримал Город Нови Сад-Городска управа за културу и Покраїнски секретарият за културу, явне информованє и одношеня з вирскима заєднїцами. Концерт провадзело красне число патрачох, а почитовало ше и шицки епидемийни мири. О. П-С.
РУСКЕ СЛОВО 21
ШМИХ ВШЕ ЗДРАВИ!
РОК XLI ЮНИЙ 2021. число 480
ЗОЗ ШИЦКИХ БОКОХ
Число ушорел: Любо Инґе Дудаш
ЗВАДА
ИСКУСТВО
ТРЕБА ШЕ ЗНАЙСЦ
- Знаце Ви цо робя фодбалере кед дойду до правих рокох и вид им ослабнє? - Нє... - Починаю нову кариєру. Тераз як фодбалски судийове !!!
И ЕН К Ч И И ОЖ КУЦ
П
ЯК ШЕ ВОЛА...? Пришол странєц до ресторану у валалє и сцел наручиц дацо за єдзенє. Знал дакус по домашнїм, а келнер дацо по странски, та ше якош згварели. Збачел странєц през облак когута на дворе, та рушела бешеда: – Як ше вола тота птица? – Вола ше когут. – А як ше вола когутова жена? – Вола ше кура. – А як ше волаю їх дзеци? – Волаю ше курчата. – А як ше вони волаю пред тим, скорей як ше вилягню? – Ша, то вайца. – Одлично! Модлїм вас, принєшце ми три пражени, два фалатки хлєба и шольку билей кафи! З анґлийского: Ю. П.
22 РУСКЕ СЛОВО
ЛЄВ
- И, так то було, приповеда Му Йо Га Сови, скочел ци я на лєва и зразу сом му одрезал хвост... - Озда ши му перше главу одрезал, опомнул го Га Со... - Боме нє, то уж хтошка други поробел.
ЯКЕ ТО ПИТАНЄ?
Питали ше Янкови же цо будзе док вирошнє... - Ви наисце нїч нє знаце о живоце, одвитовал вон, ша озда буд зем вельки!
ПЕРШЕ РОБОТА
Накладол Михал на фурик громаду хлївского гною, як прави параст, та наишол сушед и гвари му꞉ - Забога, ша швекра ци ше рано упокоєла, а ти робиш и запинаш... - Перше обовязки, а вешелє потим, одповед Михал.
З ПОШТАРОВЕЙ ТОРБИ
ГОБИ
Шейдзешатих рокох у Коцуре при Месней заєднїци, а тиж так и у других валалох постоялa „мировна рада”. Тота „мировна рада” ришовала зраженя медзи людзми коло меджох на польох, плотох у загради. Ту було и миреня малженских парох же би нє дошли по суд. Опоминало ше тих цо виорйовали зоз дильова себе до поля. Раз так ше людзе поносовали „ради” на єдного з конца валалу, Якова, котри мал вельо дзеци, а примал социялну пенєжну помоц. Нє поносовали ше людзе на його социялу, алє на його коня, бо бул чарни, блїщаци и пишно випинал главу. Зоз нїм Яков кажди дзень парадирал по валалє. Було ище конї, алє тоти були вше у польох. Анї нє так парадно допатрани. З нїма ше дерляло, садзело ше кукурицу. Поволали Якова до Месней заєднїци. – После войни, шицка худоба сце достали жем. Таки як ти такой попредали, и постали сце социялни случаї... Добре, чловече, як то же ти маш такого коня? Яков ше дакус задумал, обрацаюци у рукох крису на желєним калапе. – Правда, прецеднику мировней ради, я мам коня и нє мам жеми, алє тот мой конь то ми, то ми як гоби. То вам таке исте як и други цо тримаю папаґаї, голуби, заяци... То вам шицко гоби. Яков мал право. Алє, ше и далєй по хотаре викошує требиконїна. Мезґелює ше кукурица по ламачки, а други двойо лєбо тройо наймладши з обисца обок од сушедовей нєламаней, ламу и руцаю чутки на бок, дзе уж давно прешол тот цо треба. И так ше то прави и гоби и заробок... Дюра Салонтаї Миряна Бауцал
ОСА И ШВЕКРА
Котра то найважнєйша розлика медзи осу и швекру? - Оса укуши, уджобнє зоз жаделком и вецей єй нєт. Швекра лєм джобе. Куса, длобе, а на гевто друге анї нє подума...
По дефинициї то тото цо нам остава кед шицко друге потрошене як и живот...
Плаче унучка у хижи, аж ше облаки орошели... - Но, та, цо плачеш, цо же ше збуло? пита ше баба. - Мама и тато ше заш вадзели, вона йому же є маґарец, а вон єй же є пулька. То нє першираз, вше ознова, а вше исте... - Та цо же ту вец проблем? заш баба по своїм... — Проблем же я тераз нє знам же цо вецка я!
4. ЮНИЙ 2021.
О НЄДАВНИМ ШВЕТУ
ЗАЗНАЧЕНЕ ЖЕ БИ НЄ БУЛО ЗАБУТЕ
О ТИМ НЇКОМУ АНЇ СЛОВО! Єдни гваря же було праве так, други же то злобни видумали, а треци же час однєсол шведкох – та уж кому ше як пачи и як себе можe задумац... Углавним, швета прешли, тераз уж нїкого нє зведземе до гриху, та ниа, як то було. Збуло ше у Керестуре, дакус скoрей як родзени тоти цо им уж и унуки маю свойо унуки. Просто поведзено Велька ноц, Пасха, вще було ШВЕТО. Означованє швета починало зоз Вельким постом. Нїґда то нє була спокуса за тих цо и през рок, а зна ше и прецо и як, посцели и кед сцели и кед нє, и бeз совитованя зоз духовнима отцами. Наш, най повем, Янко, а анї нє такой-таке важне котре му було мено уписане у матрикулох, тримал обичай ище у родительским доме, та вец и кед ше побрали зоз Марю, кед и дзеци тому научовали... Роки робели свойо, дзеки було вше менєй, розум вше слабши на спокусу, кили вше вецей, а жалудок питал свойо як да огень гашиц требало. Вельки тидзень започал, а требало
и кошарку уж зрихтац, та колачи, унуки вшелїяк приду, колбаса лєм чекала увариц ше, писанки чекали Вельку соботу... Якош ище од пондзелку Янко видзел же то добре нє будзе. Глад превладала озда и у сну. Тримал ше вон твардо, алє нє мал вецей вири до себе. До иншого и було, алє себе вше менєй верел... Походзковал вон поряднє по обисцу як и вше, ша статок и дробизґ єсц муша, за нїх пост нє важи... Маря з дня на дзень, а стално дацо, готовела тото цо Пасхи припадало. Раз колачи, вец друге. На Вельки пияток, так и випадло, квочку насадзела же би ше вайца сиґурно завязали... Янко ше трапел, алє бул цихо, жалудок уж бул манди як орещок, а питал як кед би з меха до ньго стануло. Церпел, трапел ше, тримал обичай и посцел, а од нервозних живцох го жимни зной облївал. Уварена шунка, писанки порихтани, паска упечена у руским, парастским пецу, сирец, хрин, колбаса, маселко... Янко ше уж анї нє обавал, знал же
вон то нє витрима як тому шор, алє ше клонєл кухнї и заднєй хижи дзе шицко пахло як лєм йому упрекосц... Внєдзелю рано, и тераз споминаю людзе, Маря зоз кошарку и найкрасшим ручнїчком почала паковац. – Забога милого, перше цо учул Янко зоз заднєй хижи кед уж и до церкви требало рушиц, дзе же наша шунка, ша ту сом ю вчера одложела и закрила зоз хлєбовку? Я, Марйо, таки гришни же анї споведз нє поможе, ша лєм сом покоштовац, лєм дакус, сцел, а вец анї сам нє знам цо було, прегварел Янко. Вибухли з нього шицки стримованя и церпеня. – Нє сцел сом, вер ми, наисце сом сцел лєм покоштовац... И слиза рушела, алє шунки нє було занавше. Над розсипаним млєком нєт прецо плакац. Од дзецох Маря випитала тельо дакус шунки пошвециц, а зоз Янком, приповеда ше и после телїх рокох, як швет прегварела аж по Томовей нєдзелї...■ Любо Инґе
ОЧОМ НЄТ ЦО ВЕРИЦ
4. ЮНИЙ 2021.
РУСКЕ СЛОВО 23
ЛЮДЗЕ, РОКИ, ЖИВОТ НАШ ГОСЦ: НИКОЛА ХАРДИ ЗОЗ ШВАЙЦАРСКЕЙ
ЗОЗ ФАКУЛТЕТУ ПРОСТО ДО ЦЕРН-У
Пише: Мая ЗАЗУЛЯК ГАРДИ
Никола Харди зоз Кули уж даскельо роки жиє у Швайцарскей, вєдно зоз супругу Кристину, хтора по фаху, як и Никола, електроинжинєр. Вчас ше му удало сполнїц єден зоз своїх цильох – робиц у найвекшей науковей лабораториї на швеце, ЦЕРН-у, одкаль после даскелїх рокох искуства нєдавно прешол до єдней швайцарскей телекомуникацийней компаниї
Н
икола одроснул и закончел основну и штредню школу у Кули, алє вельо часу препровад зовал и у Руским Кере стуре, одкаль му родом фамелия и по мацеровим и по оцовим боку. За його успихи зме уж нєраз чули, понеже Никола бул школяр ґенерациї у Основней музичней школи, дзе грал на гармоники, а вец и школяр ґенерациї у Електротехнїчней школи. Закончел Факултет технїчних наукох у Новим Садзе, рахункарство и автоматику, а потим на истим факултету закончел и мастер студиї. Як коруна його образованя була пракса у ЦЕРНу, у Женеви, дзе познєйше остал и робиц. – Кед сом ше уписал на мастер студиї у Сербиї, у медзичаше сом започал праксу у ЦЕРН-у, у Швайцарскей. Кед сом ше врацел закончиц мастер, достал сом понукнуце за докторски студиї у Америки, у Бостону. Там сом бул два мешаци, алє понеже ми понукли врациц ше до ЦЕРН-у, прилапел сом, и там сом робел остатнї три роки. ЦЕРН специфични по тим же є медзи академию и индустрию, цо значи же би могло буц вецей пенєжи за роботу. Алє праве то було виволанє за нас, бо нас наганяло же бизме ше баржей трудзели и знаходзели ше у ришованю проблемох коло наших проєктох. Ствари хтори ше там роби з мойого фаху можебуц 20 роки опрез других фирмох, алє то шицко направенe так же би ше закончело роботу и ишло далєй. ЦЕРН урядово лаборатория за нуклеарну физиУ Женеви, ку и у тей хвильки ше там одвиваю дзе була коруна його науки
24 РУСКЕ СЛОВО
штири вельки експерименти, а я робел за єден з тих експериментох, „ALICE experiment”. Наприклад, физичаре маю даяку теорию хтору би сцели випитац, после того вони сцу потвердзиц на компютерох чи ше им мераня складаю, чи то шицко так як предвидзели, а моя робота була помогнуц им же би тоти свойо програми могли вираховац – толкує Никола кратко яки були його задлуженя у тей шветовей науковей лабораториї, за хтору интересантне и тото же у нєй видумани и веб сайти, рентдґен у фарби, нова технолоґия за маґнетну резонанцу и друге. – Пред мешацом сом почал робиц за „Swisscom”, швайцарску телекомуникацийну компанию. И на новей роботи сом барз задовольни, ту вельо векши тим и вельо вецей можеме посцигнуц. Думам же сом мал нагоду остац и у ЦЕРН-у, алє бим ше мушел премесциц до другого тиму, прето же ЦЕРН задумани так же контракти тирваю даскельо роки и вецка би ше требало врациц до своєй матичней лабораториї – гвари вон. РОБЯ ТОТО ЦО ЛЮБЯ Никола и його супруга Кристина, зоз хтору ше побрали пред двома роками, жию у єдним малим месце на женевским озеру, у 4. ЮНИЙ 2021.
ljudze@ruskeslovo.com
околїску Лозани, алє ше пошвидко преселя до Берну, дзе и шедзиско їх фирмох, гоч уж вецей як рок, пре корону, робя з дому. – Кристина зоз Зренянину, а упознали зме ше у студентским доме. Студирали зме на истим факултету, на истим напряме. Прето маме и исти интересованя, розумиме ше коло роботи и фаху. Обидвойо зме були рок на пракси у ЦЕРН-у, потим вона остала студирац на мастеру у Швайцарскей, а тераз ше унапрямела баржей на обласц хтора повязана зоз математику. Можебуц интересантне спомнуц же сом у штреднєй школи бул на єдним змаганю за найлєпшу технолоґийну иновацию, а половка мойого тиму були Руснаци. Освоєли зме перше место, а награда була одход на семинар до Берлину – здогадує ше Никола. Хардийово приходза голєм два раз рочнє до Сербиї, а случовало ше же були и шейсц раз до рока. Вше любя присц дому, алє су, гвари Никола, свидоми того же би у Сербиї нє могли робиц на истим уровню як у Швайцарскей.
Никола зоз родичами и братняком хторому пришол на свадзбу
КОНФЕРЕНЦИЇ, ЗМАГАНЯ, ПУТОВАНЯ Никола єден час орґанизовал и писал за маґазин о шлєбодним софтверу „LiBRE”, а участвовал и у орґанизованю конференциї о диґиталней безпечносци и шлєбодним софтверу „BalCCon”. – Мал сом вецей нагоди путовац. Як студент сом бул на змаганьох зоз роботики у Румуниї и у Нємецкей, а дзекуюци ЦЕРН-у сом участвовал на конференцийох у Сиєтлу, Букурешту, Лиону, Сплиту – начишлює Харди дзе шицко мал нагоду путовац дзекуюци науки.
– З другого боку, кед зме видзели як випатра живот у Швайцарскей, видзиме же зме вельо того мали и у Сербиї. Кед ши у Сербиї, видзи ци ше же нїч нє у шоре, алє вельо того, у ствари, добре функционує и там, наприклад школство и здравство. Кед слово о розликох у тих двох жемох, можем обачиц же постої дакус розлика у способе комуникациї. Думам же людзе у Швайцарскей баржей научени роздумовац позитивно, цо думам же помага людзом же би ше приємнєйше чувствовали и лєпше сотрудзовали – поровнує Никола и додава же маю щесца же на роботи приповедаю по анґлийски, алє мали проблем у комуникациї зна настац кед пойду на пияц, лєбо до предавальнї. – Жиєме у часци Швайцарскей дзе ше приповеда по французки, и то може буц дакус нєзґодне, окреме же
У Нюйорку, на тераси Ґуґл будинку
4. ЮНИЙ 2021.
У Паризу зоз супругу Кристину
медзи Французку и Анґлию постої розлика по питаню историї, та воля кед ше ґу нїм оздзиваю на гоч яким французким. За тоти скоро пейц роки, научели зме и по французки, нємецки зме уж и пред тим учели, а тот язик нам тераз баржей будзе требац кед будземе жиц у Берну. Маме щесца же робиме тото цо любиме, та нам нє проблем робиц и з дому. Оддих од роботи находзиме при озеру, хторе нам прейґ драги и часто ше пойдземе прешейтац, лєбо бежац. Воно постало состойна часц нашого живота, та часто и франтуєме же ше без озера нє будземе знац на хтори бок ше обрациц док ше преселїме до Берну – приповеда Никола. ПЕТНИЦА ЯК ДРУГИ ДОМ Док ходзел до штреднєй школи, Никола вельо часу препровадзовал у Виглєдовацкей станїци Петница, дзе ходзел дакеди и пейц раз до рока. Познєйше, уж як студент, бул и асистент на Електронїки. – Петница ми наисце барз помогла. Мойо пайташе тераз там почали водзиц семинари, я нє мам часу помогнуц им коло того, а щиро, барз бим любел, бо чувствуєм же бим могол пренєсц искуство младшим, так же ше наздавам же ше то єдного дня пременї – наглашує Никола цо му ище, попри фамелиї, найбаржей хиби зоз Сербиї. На концу визначує же кед слово о його кариєри, ма велї плани за будучносц, и же є на добрей драги же би ше вони раз и сполнєли. ■
РУСКЕ СЛОВО 25
ЛЮДЗЕ, РОКИ, ЖИВОТ НАША ГОСЦИНСКА: ДРАҐИЦА ЛУКЕНДА ЗОЗ КРУЩИЧУ
ИЩЕ ВШЕ ЖИЮ ПАМЯТКИ НА ШКОЛЯРСКИ ДНЇ
Пише: Мария АФИЧ
Кед нєшка младши ґенерациї чую же як ше до нашей штреднєй школи у Руским Керестуре дакеди уписовали и тоти школяре хтори нє були Руснаци, нє можу ше начудовац же як успишно позакончовали кед школа була реформована на заєднїцке и унапрямене штреднє образованє, котре у валалє було лєм на руским наставним язику. А було праве так же ше на правни, прекладательни и технолоґийни напрями уписовали и школяре зоз околних местох. Єдна з нїх и наша собешеднїца Драґица Лукенда зоз Крущичу
Г
НА ТОТО ШЕ НЄ ЗАБУВА · – Зоз школи у Керестуре попри тим цо сом научела, мам лєм найкрасши памятки, окрем того же сом научела нови язик, мам и велї пайташки и пайташох, и шицки ме барз крашнє прилапели. Паметам же кед були вельки швета, як Крачун поведзме, вони ше обеговали хтора ме скорей повола до себе. Були то красни безбрижни днї хтори ше навики памета – гвари Драґица.
26 РУСКЕ СЛОВО
оч була Чарногорка по народносци, Драґица була школярка у керестурскей школи „Петро Кузмяк”, на прекладательним напряму и закончела го далєкого 1982. року. О тим як ше одлучела за керестурску школу и як ше знашла на цалком нєпознатим язику, Драґица приповеда: – Поправдзе, я ше сцела уписац до школи за воспитачки, бо сом вше барз любела дзеци, та сом шнїла о тим же раз будзем робиц праве тото. Но, понеже сом ше до Нового Саду пошла приявиц уж кед бул остатнї дзень упису, и нє мала сом комплетну документацию, нє удало ше ми там конкуровац. Прето сом мушела вибрац дацо инше, и так випадло же сом ше одшмелєла пойсц до Керестура на прекладательни напрям – памета Драґица, гоч теди же знала анї слово по руски. Кед пришла до керестурскей Школи, пошла жиц до интернату, прето же теди нє бул каждодньови превоз медзи двома валалами, а то єй барз помогло и же би лєгчейше научела по руски, перше розумиц язик, а вец помали и же би почала бешедовац, та и одвитовац. – Попри мнє у оддзелєню були ище два школярки з Кули и тиж єдна школярка з Крущичу, и професоре нам перше полрочє толеровали, док у другим уж глєдали же бизме одвитовали на руским язику, хто кельо могол. Мнє було вельо лєгчейше научиц по руски, бо сом у интернату мала барз добри пайташки котри зо мну нароком бешедовали лєм по руски. Так сом швидко почала перше розумиц, а вец и одвитовац на годзинох. Исти тоти пайташки ме хвалєли и професором же сом уж вельо научела, преподаваня сом шицки розумела, а барз швидко сом почала и одвитовац, на дакус помишаним руским зоз сербским язиком, алє сом так и вецей научела. Думам же тота школа наисце була барз добра
Драґица зоз унуку Сару
и хто сцел, могол вельо научиц – задовольно ше здогадує наша собешеднїца на свойо давни штредньошколски днї. НЄ ОДНЇМАЛА ШЕ ОД РОБОТИ Драґицово родичи єй теди, на жаль, нє могли обезпечиц дальше школованє, бо уж на факултетох були єй брат и шестра, та и сама гвари же озда за ню так мушело буц. Вона ше по законченей штреднєй школи одала, народзела двойо дзеци, дзивку и сина, а робела вшадзи, дзе и цо могло. Найдлужей ше затримала у фабрики обуї у Кули, а кед ше дочасово заварла, Драґица ше нє лєнстовала и робела у Червинки у Цукровнї, у Шпиритальнї, на крущицкей фарми, гоч и лєм сезонски, цо значи же часто робела без призначеного роботного стажу. Робела вельо и у обисцу, окреме кед 4. ЮНИЙ 2021.
ljudze@ruskeslovo.com
зоз супругом ховали вельо статку, алє кед видзели же и з того було вше менєй хасну, и кед муж остал без роботи, одважела ше пойсц робиц до Нємецкей, чувац и допатрац старих. Гоч то бул нє мали и шмели крочай, наша собешеднїца була одлучна, як и теди кед ше одважела пойсц до школи у Керестуре. – Спочатку мой супруг бул подозриви же дзе пойдзем, и же то далєки швет, а нє знам анї язик... Я була свидома шицкого, алє так як сом ше у младосци одважела пойсц до другого, иншакого штредку, так сом ше и тераз нє ламала, гоч сом нє барз шмела, алє сом була борец. Можем повесц же ми праве ученє вецей язикох у керестурскей школи помогло, бо зме окрем руского и сербского мали и русийски и анґлийски, та и латински язик. Я ше сама одшмелєла и прейґ интернету научела основи нємецкого бешедного язика. У Нємецкей ми спочатку нє було лєгко, алє ме барз крашнє прилапели и помагали ми, так же сом ше швидко знашла и з язиком, почала го розумиц, а пошвидко и бешедовац. За мойо потреби думам же ми добре идзе, алє я ше учим и далєй – задовольна Драґица.
Под час школованя у Керестуре
ту єй живот нєобчековано поскладал коцочки. – Єдного дня наш син Здравко пришол ґу мнє и гвари ми же ма дзивку зоз Керестура. Там ше вони двойо зоз Маю Рацову и упознали, а цо тиж интересантне, Майова мац була родом зоз Крущичу, тиж нє Рускиня, а бивала у сушедстве там дзе ше я одала. Нашо дзеци ше пред даскельома роками побрали и вибрали бивац у Керестуре. Маю штирирочну Сару, а Дарио ма рок и пол. Дзивка тиж одата и жиє у Новим Садзе – поцешено приповеда Драґица. – Мойо унуки буду ходзиц до рускей ПРЕДЛУЖЕНИ ВЯЗИ шко ли дзе и я ходзела, и любим же так, а и МЕДЗИ ВАЛАЛАМИ позната присловка гвари же тельо вредзиш Кед нє роби у Нємецкей, вона и ту нє кельо язики знаш... Барз ми мило же моя мирує, або роби сезонски роботи на фарми нєвеста научела свойо дзеци обидва язики, у Крущичу, або є, як гвари, найчастейше и по сербски и по руски, а у оводи ше дзеознова у Керестуре, и то на барз красним ци упознаваю и зоз анґлийским. Старши задатку, бо чува свойо двойо унучата. А и гриша, бо нє знаю же малим дзецом нє проблем научиц вецей язики источашнє, то лєм нам старшим нє так лєгко, а дзеци то швидко звладаю – прешвечена вона. Тиж єй нє завадза анї же єй син вибрал бивац у Керестуре, бо гвари же вон як мали варощик, шицко у нїм єст, од яшелькох по штредню школу, и вельо койчого другого, цо нєт у Крущичу. – А и мнє ту нє чежко присц и на бициґли, и нєшка шицко розумим, та гварим нєвести Маї же ме прето нє шме огваряц, та ше на тото шмеєме... Я ше так чувствуєм лєм богатша – заНа кресценю унуки Сари, Драґица з дзецми, кончує наша собешеднїсупругом и сватом Рацовим ца.■ 4. ЮНИЙ 2021.
ВИТВОРЕЛА ЖА ДАНЄ Драґица часто чува свойо унучата и так помага дзецом, а єй то и наймилша обовязка и задовольство, та гвари унуки Сари же єй баба барз богата, бо ма их, зоз брациком. Так ше єй витворело и нєсполнєте жаданє – робиц зоз дзецми, алє зоз своїма. През викенд их приведзе и до себе, и вец су, як гвари, бабово.
РУСКЕ СЛОВО 27
ДУХОВНИ ЖИВОТ ЗОЗ ПАРОХИЙНОГО КАРИТАСУ У РУСКИМ КЕРЕСТУРЕ
НОВА КООРДИНАТОРКА СОНЯ АЛЕКСИЧ У парохийним Каритасу Парохиї св. оца Миколая у Руским Керестуре, вибрана нова координаторка, а то Соня Алексич. Гоч у чаше епидемиї уж вецей як рок, и Каритас бул застановени у векшини своїх порядних активносцох, заш лєм функционовал кельо могло, а того року орґанизовал и векши акциї
О
ситуациї, планох и можлївосцох у хторих Каритас, бешедовали зме з нову координаторку котра заменєла на тей длужносци Снежану и Звонимира Малацкових. Алексичова по фаху дипломовани психолоґ и тераз є занята у Здруженю МНРО „Белава птица”, а у Каритасу є присутна од дзецинства, перше як учашнїца у рижних активносцох, а познєйше и як волонтерка. ДРАГОЦИНИ ИСКУСТВА – Уключела сом ше до Каритасу од школярских дньох, ту було и ученє ґитари зоз ш. Авґустину и Сашом Палєнкашом, и дзецинске лєто, вец и танєц, учели зме дзеци кореоґрафиї, а познєйше, активнєйше сом ше уключела од 2016. року, кед сом була координаторка Центра за слуханє „Нїтка” – здогадла ше Соня. Вона попри тим єден час була и професийно анґажована як психолоґ спред Каритасу, на Принциповцу у Кампу за вибеженпорядни схадзки волонтерох ше нє преВИДАВА ШЕ ПРОСТОРИЇ тарговало – гварела наша собешеднїца. цох, дзе, як гвари, робела як аниматор, та здобула окремне искуство. Векша акция була Вельконоцни Тих дньох обновене видаванє проНа Водицовим кампу отримовала вашар и розношенє пасхалного єдзеня, з рижни роботнї и преподаваня, на сторийох Каритасу за рижни друженя тим же ше того року з нагоди Велькей пияткових друженьох за дзеци, участ- и преслави, до цени ураховани и нови ноци додало и символични дарунки за вовала и у стаємних активносцох роз- услуги, а приход наменєни людзом у людзох котри до Каритасу приходзели ношенє поживових продуктох и облє- потреби. Контакт особа Кристина на штвартково друженя, же би ше им Фаркаш, тел. 060 07048 39. чива. указало же су нєзабути, гоч нє було Опитали зме ше Сонї як Каритас стретнуца. функционовал у чаше вируса корони, на цо одвитовала: ЄСТ НАДОСЦ НАГОДИ ЗА АКТИВНОСЦИ – И у тим чаше нє було шицко застановене, Каритас жил, бо дїла любови нє можу престац, и робели зме цо могло. Спомли зме и плани яки ма нова координаторка. Цали час тирвала стаємна акция – кошарка помоци людзом – Робиме на тим, ознова порушац телефонски центер у потреби у предавальньох, тиж функционовал и наш бутик „Нїтка”, бо видно же єст потреби, и то помогнє людзом, з облєчивом, а помогло ше и дзепоєдним людзом обезпечиц вибешедовац ше з даским, подзелїц свойо страхи, итд. адекватне змесценє, цо нє було лєгко у епидемиї. Єдна з идейох и же бизме преширели кошарку за людзох у Познєйше зме порушали и стретнуца „Позитивна муну- потреби на векши тарґовински ланци. та” кед дакус процивепидемийни мири попущени, а тиж и Тиж у планє ознова порушац и пиятково друженя за дзеци, я би любела знова порушац и библиотеку, алє на специфични способ и авдио кнїжки. Думаме и на рижни ПРИЦАГЛА МЕ ЛЮБОВ ХТОРА ШЕ роботнї за дзеци и родичох на рижни теми, а будзе и нови УМНОЖУЄ идеї. У парохийним Каритасу тераз найактивнєйша стаємна Соня одрастала у Виславсковей фамелиї хтора, як ґрупа зоз коло 10 волонтерами, алє по потреби уключую ше гвари, була полна зоз даваньом любови: и други, рижних ґенерацийох, ту и ґрупа младих котри на – И до Каритасу ме прицагло єдинство яке сом ту школованю, алє вше су порихтани уключиц ше до акцийох, нашла, чувство же ши дзешка прилапени, заєднїцтво, и як и тераз коло пасхалного єдзеня. тота любов хтору можеш дац, а вона ше множи. То мнє Нова координаторка поволує шицких цо жадаю на даяки мотивує же можеш другому дац красне слово, вислухац способ даровац свой час же би ше придружели, як и тих цо го, помогнуц... Назад достанєш, тоту радосц од других, можу помогнуц з информациями хто у парохиї ма материцо це вец трима и цага, и тота любов цо, у ствари Каритас, дїлотворна любов – шведочи Соня. ялни, лєбо духовни потреби у хторих му потребне помогнуц.■ М. Афич
28 РУСКЕ СЛОВО
4. ЮНИЙ 2021.
duhovni@ruskeslovo.com
У ЗРЕНЯНИНУ
ЗАШЕДАНЄ МВК СВ. КИРИЛА И МЕТОДИЯ У Зренянину 31. мая почало 38. порядне пленарне зашеданє Медзинародней владическей конференциї св. Кирила и Методия (МВК), зоз предшедoваньом монс. Ладислава Немета, владики зренянинского и предсидателя МВК. Присуствовали и апостолски нунций у Републики Сербиї монс. Лучиано Суриани и апостолски нунций у Чарней Гори монс. Луидї Пецуто. На зашеданю Конференциї участвовал и наш епарх, владика кир Георгий Джуджар. Як сообщене зоз МВК, на тим пленарним зашеданю плановани розправи о преслави Рока фамелиї, хторого преглашел папа Франциско и о орґанизациї владических програмох у рамикох наявеней синоди владикох з тему „За синодалну Церкву: заєднїцтво, участвованє и посланє”. З оглядом же актуалному предсидательови, подпредсидательови и секретарови вицека пейцрочни мандат, плано-
вани и виберанки за тоти длужносци. Тиж предвидзене и розпатранє ситуациї коло виронауки у школох и ришеньох проблема напущених церквох и церквох у подлим стану, окреме у Войводини. М. Т.
СРИМСКА МИТРОВИЦА
ЗАКОНЧЕНИ МАЙОВО МОЛЕБЕНИ
Того року, нажаль, пре пандемию вирни зоз Сримскей Митровици нє могли пойсц орґанизовано до нашого святилїща у Водици. Прето, як и у других парохийох, и у Сримскей Митровици отримовани молебени до Мариї цали мешац май, а по народним їх волаю „майова” або „маївка” по українски. Гоч вирни розошати по Митровици, вони ше порядно зберали, дакеди вецей, дакеди менєй, та дзепоєдни найпобожнєйши приходзели аж и зоз Латярку. То була нагода през цали мешац преглїбиц свою виру до мацеринства Мариї котрей Исус дал задаток же би була мац шицким нам, та так ше роздумовало о историї зявеня Мариї у Водици пред 200 роками, о Плачуцей икони у Марияповчу у Мадяррскей и о плачуцей Клокочовей икони у Словацкей, о наших грекокатолїцких святилїщох у Лютини и Литмановей у Словацкей и о икони Дзвери Милосердия у Польскей котра ше находзи у месце Ярослав и пред хтору папа Франциско отворел у Риме 2015. року Рок Милосердия Божого. Єй копия 4. ЮНИЙ 2021.
У КУЛИ
БУЛА ПЕРША СВ. ПРИЧАСЦ
Фото: ш. М. Воротняк
ше находзи, як и велї други, у нашей церкви у Митровици. Внєдзелю ше вирни могли упознац и о остатнєй корунованей чудотворней икони „Надїя безнадїйних” котра истей нєдзелї була пошвецена у Чернивцох на Буковини у України. Шицки тоти вечари, вирни зоз душу и вельку виру и побожносцу шпивали, модлєли пацерки, а велї з нїх приношели квеце котре кладли пред икону Покрова котра ше находзи на правим олтаре у церкви Вознесения Господнього и пред котру часто мож видзиц вирних котри ше на клєчацо модля Мариї и приноша єй свою любов як и свойо потреби. У юнию вирни предлужа побожносц до Пресвятого шерца Христового, котрому пошвецена красна икона на правим боку коло крилосу. о. В. В.
У Парохиї св. Йосафата у Кули, 30. мая була Перша Св. причасц хтору прияли дзешецеро дзеци, шейсц дзивчата и штирме хлапци рижних возростох, од трецей по осму класу. Причасц прияли на Служби Божей хтору служели домашнї священїки парох о. Дамян Кича ЧСВВ и капелан о. Платон Салак ЧСВВ. Всоботу пред тим першопричашнїки першираз приступели и до св. Тайни Споведзи, а вєдно з нїма и їх родичи. За тоту вельку подїю у їх духовним живоце пририхтовали ше цали предходни школски рок на парохийней виронауки хтору водзела ш. Михаїла Воротняк. По Служби, старша виронаучна ґрупа першопричашнїком пририхтали и малу програму, на хторей виведли и писню на тему еухаристиї за котру сами зложели текст на познату мелодию. Першопричашнїки од парохиї достали и спомин дипломи на тоту подїю, швичку и квецик. М. А.
РУСКЕ СЛОВО 29
informator@ruskeslovo.com ОСТАТНЇ ПОЗДРАВ Дня 26. мая 2021. року занавше нас зохабел наш мили
ОСТАТНЇ ПОЗДРАВ Дня 26. мая 2021. року занавше нас зохабел наш шовґор
ЮЛИЯН ПУШКАШ (1946–2021) з Нового Саду Красни памятки на ньго буду чувац Дюра и Босилька Салонтаї, Славко Салонтаї з фамелию и Мария Бауцал з фамелию Спочивай у мире Божим! СМУТНЕ ЗДОГАДОВАНЄ Тих дньох наполнюю ше 40 днї як нас занавше зохабел наш мили брат и бачи
НА ЗДОГАДОВАНЄ Дня 5. юния наполнї ше жалосни рок як нас зохабела
ЮЛИЯН КОВАЧ (1936–2021) з Коцура Красни памятки на ньго чуваю брат Славо зоз супругу Славку зоз фамелию Спочивай у мире Божим!
МЕЛАНИЯ КОЗАР (1946–2020) з Руского Керестура Памятки на це навики чуваме – Михал Козар зоз супругу Ксению и їх фамелию Спочивай у мире Божим!
ЮЛИЯН ПУШКАШ (1946–2021) з Нового Саду Хованє було 28. мая 2021. року на Городским теметове у Новим Садзе. Ожалосцени: супруга Ирина, синове Владимир и Александар зоз фамелиями Спочивай у мире Божим! СМУТНЕ ЗДОГАДОВАНЄ Дня 10. юния наполнї ше рок як нас занавше зохабела наша мила мац, швекра и баба
Дня 18. юния наполня ше дзевец мешаци як нас занавше зохабел наш мили оцец, швекор и дїдо
НА ЗДОГАДОВАНЄ Дня 5. юния 2021. року наполнї ше жалосни рок як нас зохабела наша мила мац, швекра, баба и прабаба
МЕЛАНИЯ КОЗАР народзена Дудаш (1946–2020) з Руского Керестура З любову и почитованьом красни памятки на вас чуваю – син Борис зоз супругу Ану, унука Тамара зоз Мирославом и Александра зоз Дамиром, як и праунучки Миа и Ена
Дня 1. юния 2021. року наполнєли ше два роки як нас зохабел наш бачи
СИЛВЕСТЕР ДУДАШ (1943–2019) з Вараждину Памятки на ньго навики будзе чувац Борис зоз супругу Ану и їх фамелию Спочивайце у мире Божим!
СМУТНЕ ЗДОГАДОВАНЄ Дня 5. юния наполня ше пейц роки як нє з нами наша мила супруга, мац, баба и прабаба
НАДА САЛОНТАЇ (1964–2020)
ЛЮБОМИР САЛОНТАЇ (1956–2020) з Коцура
Красни памятки на вас у своїх шерцох навики буду чувац синове Саша и Любомир, нєвеста Наташа и унукове Славиша и Серґей Спочивайце у мире Божим!
30 РУСКЕ СЛОВО
МЕЛАНА ВИСЛАВСКИ народзена Гарди (1941–2016) з Руского Керестура У красних памяткох навики ю чуваю єй наймилши Спочивай у мире Божим!
4. ЮНИЙ 2021.
informator@ruskeslovo.com ОСТАТНЇ ПОЗДРАВ Дня 30. мая после длугей и чежкей хороти преселєл ше до вичносци наш мили супруг, оцец и дїдо
ОСТАТНЇ ПОЗДРАВ Дня 30. мая преселєл ше до вичносци
ЙОВҐЕН ЧАПКО (1956–2021) з Руского Керестура
ЙОВҐЕН ЧАПКО (1956–2021) з Руского Керестура У найкрасших памяткох навики це буду чувац твойо наймилши – супруга Фемка, син Славко, и дзивка Соня зоз Миланом и дзивочку Ивонку Спочивай у мире Божим!
Навики це будземе паметац. Од Владу Пристойкового зоз супругу Марчу, и дзивку Весну и єй фамелию Спочивай у мире Божим!
СМУТНЕ ЗДОГАДОВАНЄ Дня 8. юния наполнї ше смутни рок як нас занавше зохабел наш мили супруг, оцец и жец
СМУТНЕ ЗДОГАДОВАНЄ Наполнєл ше смутни рок як нас занавше зохабела наша мила шестра и нина
ЯНКО КОВАЧ Кижмишков (1949–2020) з Ветернику
КСЕНИЯ ПАЛЄНКАШ (1939–2020)
З любову и почитованьом памятки на ньго чуваю – супруга Сенка, дзеци Весна и Владко зоз своїма фамелиями, и швекор Яким Павлович Спочивай у мире Божим! СМУТНЕ ЗДОГАДОВАНЄ Дня 8. юния наполнї ше смутни рок як нас занавше зохабел наш мили дїдо
ЯНКО КОВАЧ Кижмишков (1949–2020) У красних памяткох навики го чуваю унуки – Ванеса, Валентина, Хелена и Страхиня Спочивай у мире Божим!
НА ЗДОГАДОВАНЄ Прешли уж 8 жалосни роки як нас занавше зохабел наш мили
МИХАЙЛО ЧИЗМАР (2013–2021) З любову и почитованьом найкрасши памятки на ньго чуваю його наймилши Спочивай у мире Божим!
СМУТНЕ ЗДОГАДОВАНЄ Дня 1. юния 2021. року наполнєли ше 10 роки як вецей нє з нами
МИХАЙЛО РАЦ (1939–2011) з Руского Керестура
З любову и почитованьом красни памятки на ньго чуваю його наймилши Спочивайце у мире Божим!
4. ЮНИЙ 2021.
Красни памятки на ню чуваю: брат Теодор зоз супругу Зорицу, и їх дзеци, Славо зоз фамелию и Сашо Спочивай у мире Божим! СМУТНЕ ЗДОГАДОВАНЄ Дня 6. юния наполня ше шейсц роки як вецей нє з нами наш мили оцец, дїдо и прадїдо
ВЛАДО МЕДЄШИ (1934–2015) з Руского Керестура
Памятку на його любов и доброту навики чуваю його наймилши Спочивай у мире Божим! СМУТНЕ ЗДОГАДОВАНЄ Дня 22. мая наполнєли ше 10 роки як ме занавше зохабел мой мили тато
ЛЮБОМИР БЕСЕРМИНЇ – Роґич (1933–2011) з Руского Керестура Прелєтли тоти роки у здогадованю и памяткох на наш живот. Чежко роздумовац о тим цо було и нїґда ше вецей нє враци. З любову и подзековносцу ношиме це тату у наших шерцох. Твоя дзивка Снежана Бесерминї и жец Мома Сотирович Спочивай у мире Божим!
РУСКЕ СЛОВО 31
informator@ruskeslovo.com СМУТНЕ ЗДОГАДОВАНЄ Чуваме памятки на милих нам – родичох, брата, шестру, фамелию Станоєвич, Джуня, на Марчу Шовшову, кумох Дюру и Янка, фамелию Джуджарову, Митрову, Лацкову, Дюрчову, на о. Любомира Семана, Мирка Малацка, Якима Костелника, Янка Гудака, Владимира Будинския, Ивана Папа, дружтво Циберея З почитованьом фамелия Гарвильчакова Спочивайце у мире Божим! РЕПУБЛИКА СЕРБИЯ АВТОНОМНА ПОКРАЇНА ВОЙВОДИНА ГОРОД НОВИ САД Городска управа за транспорт и драги Улїца Жарка Зренянина чс. 2 21000 Нови Сад Телефон: 021/4882-818
ОБВИСЦЕНЄ
О обявйованю Явного конкурса за пополньованє окончуюцого роботного места на нєодредзени час у
Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
о принєшеним ришеню же потребне преценьованє вплїву и о одредзованє обсгу и змисту студиї о преценьованю вплїву проєкта на животни штредок Ношитель проєкта „ЦЕНТЕР ЗА РЕЦИКЛАЖУ” Д.О.О. Беоґрад, Томе Буше 14 – Оддїл „Реґионални центер Нови Сад” Привреднїкова 3, поднєсла вимогу за одлучованє о потреби преценьованя вплїву на животни штредок проєкта „Звекшанє капацитета иснуюцого пошореня за третман – маґазионованє и знова хаснованє нєопасних одруткох” хтори ше находзи и улїци
Городскей управи за транспорт и драги Городу Нового Саду Роботне место: окончователь за технїчне реґулованє транспорту, явни и такси превоз хторе розпоредзене до роботного места совитнїк -1 окончователь на нєодредзени час. Тексти явного конкурса за пополньованє наведзеного роботного места мож превжац на интернет презентациї Городу Нового Саду: http://www.novisad.rs/. Городска управа за транспорт и драги Городу Нового Саду
ВИШОЛ МАЙСКИ МАК
МАЛИ ОГЛАШКИ ДИХТОВАНЄ облакох и дзверох. Щици од витру, жими, праху, галайку, инсектох. МОНТИРАМЕ: ■ РОЛЕТНИ
Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює
ОБВИСЦЕНЄ
„У фокусуˮ нового числа МАК Оддзелєнє за русинистику, як и мали матуранти зоз Дюрдьова и Руского Керестура. „МАК-ов колажˮ дава резултати онлайн виглєдованя на тему – млади и церква, а „Ґимназия и яˮ и у тим чишлє представя бувших школярох керестурскей рускей Ґимназиї. „Швет науки и технолоґиїˮ пише о Пиятей рускей науковей конференциї за студентох, младих науковцох и фаховцох, а „Спорт и рекреацияˮ о Санийови Бучкови зоз Анґлиї и бодибилдинґу. У рубрики „Упознай себеˮ вибрани даскельо питаня зоз Збиркох задаткох, а „Власни печацˮ представя Валентину Салаґ зоз Дюрдьова и єй фотоґрафиї. М. З. Г.
32 РУСКЕ СЛОВО
Привреднїкова 3, катастерска парцела 480/1 К.О. Нови Сад IV, Город Город Нови Сад. После запровадзеного поступку, Городска управа за защиту животного штредку дня 31. мая 2021. року принєсла ришенє число VI-501-326/21 же потребне преценьованє вплїву и о одредзованє обсгу и змисту студиї о преценьованю вплїву проєкта на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.
о поднєшеней вимоги за одлучованє о потреби преценьованя вплїву на животни штредок Ношитель проєкта „CONTINENTAL AUTOMOTIVE SERBIA” DOO Нови Сад улїца Народних геройох число 3, поднєсол вимогу за одлучованє о потреби преценьованя вплїву на животни штредок проєкта „Вибудов продукцийного комплекса за електро часци”, Римски шанчеви бб у Катю на катастерских парцелох число 4469, 4468, 4467, 4466, 4465, 4464, 4463, 4462, 4461, 4460, 4459, 4471, 4472, 4473, 4474, 4475, 4476, 4496/1, 4497/1, 4498/1, 4499/1, 4500/1, 4501/1, 4502/1, 6627, 6628 и део 6626/1 К.О.
■ ГАРМОНИКОВО ДЗВЕРИ ■ ПАНТЛЇКОВО ДЗВЕРИ ■ МРЕЖИ ОД СУНЬОҐОХ ■ ВЕНЕЦИЯНЕРИ ■ ОПРАВКИ Телeфон: 025/5827-710, 060/5088-433
Кать, Город Город Нови Сад. Продукцийни комплекс за продукцию електронских склопох/часцох за автомобилску индустирю состої ше зоз: продукцийно пословного обєкта, портирнїци 1, портирнїци 2, технїчного будинку, маґазину хемикалийох и опасних одрукох, отвореного маґазину, ґазификацийней станїци за чечни азот, резервоар води за огнї, цивового моста, реґулацийней станїци за меранє, приключно розводного пошореня, транспортней драги, манипулативного платоа и паркинґу. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110а, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду.
Покраїнски секретарият за урбанизем и защиту животного штредку, на основи члена 10. Закона о преценьованю вплїву на животни штредок („Службени глашнїк РС” чс. 135/04 и 36/09) обявює
ОБВИСЦЕНЄ
OGLA[OVANW e-mail: informator@ruskeslovo.com роботнидзень од 9-14 годзин число телефона 069/673328
О принєшеней вимоги за одлучованє о потреби виробку студиї о преценьованю вплїву на животни штредок Ношитель проєкта „Транснафта” а.д. Панчево, улїца Змай Йови Йовановича чс. 1, Панчево, поднєсол вимогу за одлучованє о потреби преценьованя вплїву на животни штредок проєкта Санация технїчного пошореня нафтовода – инсталация и опрема за нафту терминала Нови Сад, у часци манипулативних цивоводох на к.п. чс. 2009/1, 2009/2 и 2009/3 КО Нови Сад 3. Податки и документация зоз вимоги ношителя проєкта мож достац на увид у просторийох Покраїнского секретарияту за урбанизем и защиту животного штредку Булевар Михайла Пупина 16 (прижемє канцелария чс. 39). Шицки заинтересовани у чаше од 10 днї од дня обявйованя того обвисценя можу доручиц свойо думанє у писаней форми на адресу Секретарияту.
4. ЮНИЙ 2021.
informator@ruskeslovo.com
ЯВНА ПОВОЛАНКА ЗА ВИДАВАТЕЛЬНИ 2022. РОК
НВУ „Руске слово” од 1. януара 2021. року розписує поволанку за придаванє рукописох за обявйованє кнїжкох по руски з обласци поезиї, прози, наукових и есеїстичних жанрох, литератури за дзеци, младих и одроснутих. Рукопис треба же би бул написани по руски, у електронскей форми, унєшени до програми Ворд у системских майкросфтових Виндовс фонтох, треба же би мал помедзи штири и двацец друковани табаки (єден табак – 16 боки) и же би сполньовал нєобходни критериюми, котри оценї фахова комисия Видавательней редакциї. З рукописом треба послац Молбу у котрей буду наведзени точни податки о авторови, мено, презвиско (або псевдоним), електронску адресу и телефон, як и нєобходну информацию котру автор жада сообщиц Редакторови. Рукопис за видавательни 2022. рок треба послац найпознєйше по 1. септембер 2021. рок на електронcку адресу: ruske.vidavateljna@gmail.com. НВУ „Руске слово” нє длужне друковац кажди рукопис котри сцигнє на нашу адресу, а о поступку з рукописом Установа будзе благочасово информовац авторох. Б. В.
ЦЕНИ ОГЛАСНОГО ПРОСТОРУ Од 11. фебруара 2021. року применює ше нови ценовнїк за простор за оглашованє у новинох „Руске слово”. – мала оглашка (до 20 слова) 300 динари, – посмертна оглашка на 1 полю (45х66 мм) 800 динари, – посмертна оглашка на 2 поля (91х66 мм) 1600 динари, Цену жаданей оглашки треба уплациц на рахунок: 160-923244-82 (Банка Интеза). Текст оглашки и фотоґрафиї (за посмертни оглашки) посилац на имейл: informator@ruskeslovo.com лєбо видиктовац на телефон 069 673328 лєбо 069 673319 од пондзелку до пиятку од 9 до 15 годзин. За обявйованє у актуалним тижню, оглашку найпознєйше придац по стреду до 10 годзин. 4. ЮНИЙ 2021.
sport@ruskeslovo.com
ШАХ КЛУБ „ОМЛАДИНЄЦ”
КОЦУРЦИ СТРАЦЕЛИ У БАЧКЕЙ ТОПОЛЇ
Шаховски клуб „Омладинєц” зоз Коцура внєдзелю, у рамикох 3. кола Войводянскей лиґи ґрупа Суботица, госцовал у Бачкей Тополї и од домашнєй екипи „ВУК-МАТ” страцел зоз резултатом 4,5:1,5. Єдину побиду за Омладинєц зазначел Тихомир Пушкаш, Стеван Перич одбавел реми, а страцели Карло Бала, Споменко Павичевич, Ґоран Попович и Ґавра Коларич. После трох одбавених колох, Омладинєц тераз на 7. месце на таблїчки, а потераз освоєл 3 боди. З. К.
ЦЕНОВНЇК КНЇЖКОХ НВУ “РУСКЕ СЛОВО” Мелания Римар: ХТО ЯК СЦЕ . . . . . . . . . . . . . . . . . . . . . . . . . .300 дин. Ясмина Дюранїн: ЖЕНОБЛОҐИЯ . . . . . . . . . . . . . . . . . . . . . . .300 дин. Михал Рамач: ПЕРЛИ ШВЕТОВЕЙ ПОЕЗИЇ . . . . . . . . . . . . .300 дин. Янко Сабадош РОЗВАЛЯНИ САЛАШ . . . . . . . . . . . . . . . . . . .300 дин. Дюра Латяк: РУСКЕ СЛОВО 1945–2020 . . . . . . . . . . . . . . . . .300 ДИН. ДНЬОВКА 2 Зборнїк литературних и визуелних творох . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .300 дин. Славко Роман Рондо: З ВИДЛАМИ ДО ШИЇ . . . . . . . . . . . . . .300 дин Славко Винаї: УРОВНЇ СВИДОМОСЦИ . . . . . . . . . . . . . . . . . .300 дин Оленка Живкович: ТАНЬОВ ШВЕТ . . . . . . . . . . . . . . . . . . . . . .300 дин Даниела Тамаш: СТРАШИДЛА, НЄ ЗАШМЕЮЙЦЕ МЕ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .300 дин Сашо Палєнкаш: ВСЕЛЕНСКИ КОРАБЕЛЬ . . . . . . . . . . . . . .300 дин. РУСКИ ХРИСТИЯНСКИ КАЛЕНДАР 2021 . . . . . . . . . . . . .500 дин. Мирон Жирош: ГОРНЇЦА БАЧВАНСКО-СРИМСКИХ РУСНАЦОХ (III/1 том) . . . . . . . . . . . . . . . . . . . . . . . . . . . . . . . . . . . . . . .300 дин. Юлиян Тамаш: ТРИСКИ З ВЕЛЬКЕЙ ДУШИ . . . . . . . . . . . .300 дин. Гавриїл Костельник: ЧЛОВЕК И ШВЕТ . . . . . . . . . . . . . . . . . . 500 дин. Анамария Фурман и др Борис Варґа: БУКВАР . . . . . . . . . . . . 300 дин. ГУМНО 2 Дзеци з дружтвених мрежох . . . . . . . . . . . . . . . . . . .300 дин. Дюра Латяк: РУСНАЦИ (II том) . . . . . . . . . . . . . . . . . . . . . . . .500 ДИН. Любица Фа-Гарди: ЯК ШЕ ТРОЙО ПРАШАТА РИХТАЛИ ЗА ЖИМУ . . . . . . . . . . . . . . . .300 дин. Юлиян Тамаш: ЇЖИК ГОЛИК . . . . . . . . . . . . . . . . . . . . . . . . . . .300 дин. Силвестер Д. Макаї: БОСИ ПО ПРАХУ . . . . . . . . . . . . . . . . . . .300 дин. Ирина Гарди-Ковачевич: ЗА ГЛАВКИ У ЛАВКИ . . . . . . . . .300 дин. РУСКИ ХРИСТИЯНСКИ КАЛЕНДАР 2020 . . . . . . . . . . . . .500 дин. Славко Роман Рондо: ОДНЯТИ ОД ПСОХ . . . . . . . . . . . . . . . .300 дин Звонимир Павлович: ЗАЗБЕРОВАЧЕ ТРУПЛОХ . . . . . . . . . . .500 дин. Олена Планчак-Сакач: ВЕЦЕЙ ОД БЕШЕДИ . . . . . . . . . . . . . .500 дин. РУСКИ ХРИСТИЯНСКИ КАЛЕНДАР 2019 . . . . . . . . . . . . .500 дин. Мелания Римар (вибрала и пририхтала): ДРАГА ДО ШВЕТА . . . . . . . . . . . . . . . . . .300 дин. Агнета Бучко Папгаргаї: ТАМ ДЗЕ СЛУНКО
РУСКЕ СЛОВО 33
СПОРТ У ШИДЗЕ ОТРИМАНИ „СПОРТСКИ БАВИСКА МЛА ДИХ ДУНАЙ ОСИҐУРАНЄ”
ЗМАГАНЄ И ДРУЖЕНЄ Прешлого пиятку у Шидзе отримани „Спортски бависка младих Дунай осиґуранє” на хторих участвовали вецей як 500 учашнїки зоз општини Шид и Сримскей Митровици. Домашнї була ОШ „Бранко Радичевич”, дзе бависка и отворени зоз палєньом огня, односно огня бавискох. У мено домашнїх шицких привитал предсидатель Општини Шид Зоран Семенович. Вон з тей нагоди, медзи иншим, гварел же им велька чесц же Шид домашнї бавискох, а учашнїком пожадал добре змаганє и добри резултати. Потим, на теренох школи, як и у Установи за физичну културу и спортску рекреацию „Партизан”, отримани змаганя „помедзи два огнї”, стрит баскет, мали фодбал, одбойка и атлетика. По словох ПР-а бавискох Далиборки Делибашич, слово о локалним змаганю после хторого шлїдзи и реґионалне змаганє, а державне будзе у юлию на Златибору. – „Спортски бависка младих Дунай осиґуранє” означую ювилей, 25 роки иснованя, а два роки як ше отримую у Републики Сербиї. Найлєпши млади спортисти зоз Сербиї, Горватскей и Босни и Герцеґовини буду участвовац на финалним змаганю хторе ше отрима штредком авґуста у Сплиту у Републики Горватскей. А же би ше по теди мерало час, домашнїм, односно општини Шид, зме придали
и символични дарунок, мурову годзину – гварела Далиборка Делибашич. Окрем потримовки котру дала општина Шид, велька терха у орґанизациї була и на Спортским союзу општини Шид, ОШ „Бранко Радичевич” и Установи за физичну културу и спортску рекреацию „Партизан”. Потримовку дали и просвитни роботнїки, хтори анимировали школярох же би ше змагали. Вл. Дї.
ТРЕЦА РУКОМЕТНА ЛИҐА СИВЕР „СИВЕР”
НЄКОМПЛЕТНИ НА ГОСЦОВАНЮ РК „ОРК” Кляїчево – РК „Русин” 30:24 (16:14)
Госцованє у Кляїчеве всоботу, 29. мая, у остатнїм, 14. колу, Трецей рукометней лиґи Сивер „Сивер” одлучовало чи Русин будзе на 3, односно 4. месце. Перши полчас бавяче Русина добре започали, та резултат глашел и два, три ґоли на їх хасен. Од резултату 12:9 за Русин, госци дали аж седем ґоли, док русиновци дали лєм два, цо найвироятнєйше и було пресудне на цалим змаганю. Други полчас бул вельо мирнєйши, дзе домашнї отримовали предносц, а рукометашом Русина ше нє удало зменшац розлику. Як ше звичайно случує кед на змаганє нє пойдзе комплетна екипа, лєпши резултат нє мож було анї обчековац. Праве тото ше случело всоботу кед на змаганє пошли лєм осемцме бавяче. Без правого тренера и масовнєйшей
34 РУСКЕ СЛОВО
управи у клубу, млади рукометаше дали и вецей як ше од нїх могло обчековац. Гоч урядова таблїчка нє конєчна, рукометаше Русина найвироятнєйше завежню 3. место. Нашли ше попод екипи у хторих ше роби „озбильнєйше” и „масовнєйше”, як у управи клуба, так и зоз младима, будуцима першотимцами. На соботовим змаганю за Русин найефикаснєйше бавели – Филип Орос хтори дал седем ґоли, капитен Славко Гербут дал штири, Владислав Салак, Филип Тома и Виктор Микита дали по три ґоли, док Борис Югик и Иван Рац дали по два ґоли. У каждим случаю, шейсц побиди, єдно нєришене змаганє и пейц пораженя – добри успих младих ентузиястох, рукометашох Русина. Ан. М. 4. ЮНИЙ 2021.
sport@ruskeslovo.com
ЗМАГАНЯ КОГУЦИКОХ И ПИОНИРОХ ФК „РУСИН”
ВШЕ ЛЄПШИ НА ТЕРЕНУ Ище єден фодбалски дзень, лєбо можебуц лєпше повесц ревия, отримани прешлого викенду, всоботу, 29. мая, на хторим штири стретнуца одбавели младши и старши когуцики и пионире ФК „Русин” процив своїх парнякох зоз Кули. Бул то прави дзень фодбалу у Руским Керестуре пошвецени младшим катеґорийом
П
ерше наступела младша екипа когуцикох, дзеци 1. и 2. класи основней школи, а потим и старша екипа, дзеци 3. и 4. класи основней школи, хторих тренира Сани Колошняї. З тей нагоди, младша екипа когуцикох указала векшу схопносц на желєним тепиху, та Кулянцох победзели з резултатом 4:3 (2:2). На терену ше найлєпше указали – Йован Бошкович, хтори за свою екипу дал аж два ґоли, а по єден прецизни ґол дали Дарко Еделински и Єлисей Пап. Русиново младши когуцики участвовали у составе – Давид Колошняї, Тони Надь, Тони Колошняї, Тони Чижмар, Йован Бошкович, Валентин Гарди, Дзвонко Мудри, Марко Илич, Корина Будински и Даниел Фейди. ЕКИПИ ВШЕ СИҐУРНЄЙШИ
Старши когуцики одбавели кус слабше од младших, та страцели з резултатом 5:3 (3:2). У першим полчасу водзели з резултатом 2:0, алє понеже у таких стретнуцох битнєйше же би шицки, та и кус слабши бавяче, мали нагоду войсц до бависка, Кулянци звекшали резулат на 3:2, та резултатска предносц остала по конєц змаганя на їх боку. Два ґоли за Русин на тим змаганю дал одлични Никола Планчак, а єден, тиж добри, Лука Стойков. За Русин у старшей екипи когуцикох наступели – Марко Драґутинович, Урош Плавшич, Лазар Плавшич, Єлисей Пап, Никола Планчак, Тони Орос, Марко Илич, Никола Петкович, Анамария Сопка, Алекс Звинґ и Николая Рац. По словох їх тренера, обидва екипи бавя вше сиґурнєйше, шмелши су у нападу и додаваню, та напредованє у бависку обачлїве. Когуциком то уж штварте змаганє, а за тоти даскельо тижнї бавели процив Зомбору, Апатину, Червинки, тераз и процив Кули, а на соботу враца госцованє Кулянцом.
КАДЕТИ ГОСЦУЮ У ЧЕЛАРЕВЕ И кадети Русина прешлого викенду на Ярашу мали одбавиц змаганє процив екипи „Орлови” зоз Бачкей Паланки, медзитим, пре обєктивни причини змаганє було одказане. На нєдзелю кадети одбавя змаганє у Челарева процив першопласованей екипи, хторей то будзе остатнє змаганє у тей кадетскей лиґи.
4. ЮНИЙ 2021.
Такой шлїдуюцого дня, на нєдзелю, младши когуцики наступя и на манифестациї „Днї валалу, днї жита”, кед одбавя даскельо змаганя процив парнякох з Крущичу. Тренинґи и змаганя буду тирвац през цали юний, док нє почнє школски одпочивок, а шицки заинтересовани дзеци ше можу гоч кеди приключиц, понеже тренинґи безплатни. ЄДНО ПОРАЖЕНЄ И ЄДНА ПОБИДА После двох змаганьох когуцикох, на терен вишли и младши и старши пионире, школяре 5. и 6. класи основней школи, хторих тренираю Зденко Шомодї и Деян Йолич. Старши пионире, у чиїм составе векшина дзеци зоз 6. класи, своїх парнякох зоз Кули победзели з резултатом 7:2, а младша екипа пионирох хтору творя дзеци 5. класи, страцела од моцнєйшей екипи з Кули, з резултатом 8:0. Старшим пиониром то перша побида зоз таким прешвечлївим резултатом, за штири мешаци одкеди тота Лиґа оформена. Пионире наступели у составе – Андрей Провчи, Лука Фа, Теодор Штранґар, Максим Катона, Адриян Гарди, Марко Колошняї, Даниєл Иванкович, Стефан Настасич, Алекса Сопка, Кристиян Гайдук, Андрей Чизмар, Вукашин Вуйович, Тадия Гарди, Тадей Виславски, Теодор Сеґеди, Давид Джуня, Валентина Кочиш, Неманя Кушич, Кристиян Малацко, Даниєл Надь, Йован Плавшич, Иван Планчак. На соботу и пионирох, як и когуцикох, чека реванш змаганє зоз Кулянцами.■ Ан. Медєши
РУСКЕ СЛОВО 35
СПОРТ
ПОДРУЧНА ФОДБАЛСКА ЛИҐА ЗОМБОР
БАВИСКО ЗА ВОЙВОДЯНСКУ ЛИҐУ ФК „Русин” – ФК „Будучносц” (Младеново) 1:0 (1:0)
ФК „Русин” наступел у составе – Калинич, Тома, Голик, Павлович, Ланчужанин, Кочиш, В. Вуйович, Ф. Вуйович, Голик (Дюканович), Даноєвич, Кулич, Саянкович (Бранкович) Ґол за ФК „Русин” дал Янко Кулич У 32. колу Подручней фодбалскей лиґи Зомбор фодбалере Русина внєдзелю, 30. мая, дочекали госцох зоз Младенова. Тоти два екипи ше през цале першенство змагали и зменьовали хто освої позицию за бараж, односно за пополньованє Войводянскей лиґи. Нажаль, Русин и попри побиди, правел превельо „кикси” у остатнїх колох, та нє мал нїякей шанси, док госци зоз Младенова, кед победза, теорийно мали вецей шанси. Нєдзельове змаганє, мож повесц, було на уровню Войводянскей лиґи. Русин вишол на змаганє у наймоцнєйшим составе, та ше обчековало и добре бависко. У нєполней першей минути змаганя, як ше рушело зоз штредку терена, до лабди дошол Янко Кулич, вошол до 16 метерох, прешол двох бавячох зоз охрани, и на концу з прецизним бицом звладал и процивнїцкого ґолмана. Ридко хто на терену могол предпоставиц же то будзе и конєчни резултат, понеже шанси було з обидвох бокох. У першим полчасу „нєзастановени” од домашнїх бул Матей Саянкович, хтори на вецей заводи сцекол або прешол директного чувара. Но, то ше углавним случело при самей корнер линиї, та чежко було дац ґол зоз мертвого кута. Чкода же го нє провадзели його бавяче, бо би их лєгко могол „запошлїц”, цо би було
вельо ефикаснєйше и практичнєйше. През цали перши полчас ше зменьовали акциї на обдивох бокох. Єдина гришка у охрани можебуц була кед, вше лєпши и сиґурнєйши, Александар Кочиш заробел жовти картон. Нєодлуга, як остатнї бавяч, зопар напад госцох и у єдним дуелу строги судия Кочишови дал и други жовти, односно автоматски червени картон. Кочиш треба же би бавел остатнього бавяча, но хиби му швидкосц, та у таких нєпознатих змаганьох позиция правого бека му баржей одвитує. Други полчас домашнї бавели зоз 10 бавячами. Мали векши прицисок на охрану, но охрана одбавела змаганє без єдней гришки. Треба визначиц и даскельо нагоди русиновцох, кед скоро зоз корнер линиї на наруцену лабду нє було бавяча же би лєм, так повесц, „поставел” ногу, та би ше резултат сиґурно пременєл. Тей нєдзелї, як нїґда потераз, случело ше же после змаганя, навияче озбильно и зоз щирим аплаузом випровадзели своїх симпатизерох до зоблєкальнї, а тиж и шицки першотимци зоз аплаузом подзековали публики на озбильним и фер навияню през цале змаганє. Тераз Русин и далєй на 4. месце зоз 49 бодами, а на нєдзелю, 6. юния, у предостатнїм колу госцує у Каравукову процив екипи ФК „Полет”. У остатнїм колу того першенства ФК „Русин” дочека екипу ФК „Славия” зоз Пиньвиц. Ан. М.
ПОДРУЧНА ФОДБАЛСКА ЛИҐА СУБОТИЦА
ПОСЛЕ ДОБРОГО БАВИСКА, ИСКРИ ЛЄМ БОД ФК „ Искра” – ФК „Слоґа” (Остоїчево) 2:2 (1:2)
Коцур: стадион ФК „Искра”. Ґоли за Искру: Иван и Сталевич ИСКРА: Ступар, Ваяґич, Барович (Сталевич), Дякович, Пердух (Дакич), Човс (Ґубаш), Стоянович, Колошняи, Дюрич, Иван (Лукич) и Бокан Внєдзелю у Коцуре госцовала одлична екипа Слоґи зоз Остоїчева, котра у своїх шорох ма даскелїх искусних и барз добрих фодбалерох. Искра и на тим змаганю мала императив побиди, та домашнї фодбалере так и вошли до змаганя – борели ше, алє на концу заш лєм резултат бул нєришени. Мотивованосц фодбалерох Искри була обачлїва од першей минути, бавели аґресивно, твардо, а до предносци Искра пришла уж у першим нападу. Тони Иван вошол зоз правого боку до каребного простору, ґолман домашнїх обчековал же враци лабду на пенал и охабел празни угел ґолу, котри Иван и потрафел. Ґол у першей минути бул витор до хрибта домашнїм и Искра у тих хвилькох була вельо лєпша. Медзитим, и госцом ше поспишело. Бавела ше 20. минута, бавяч Слоґи копнул на ґол зоз 20 метерох, лабда ишла далєко од ґолу, алє на драги потрафела Стояновича и одбила ше до центарфору госцох, котри остал сам опрез ґолмана и рутински го звладал. Виєдначуюци ґол нє пременєл одношенє моцох на терену. Искра и далєй нападала, творела шанси, алє безуспишпно. Праве кед ше обчековало остатнї судийов пищок у першим полчасу, госци дали ище єден ґол. На наруцену лабду з боку, найвисше скочел єден бавяч госцох и з главу зоз 16 метерох дал ґол. То бул резултат зоз хторим ше пошло на одпочивок.
36 РУСКЕ СЛОВО
Други полчас почал зоз ровноправним бависком, алє як час преходзел, так и Искра вше вецей почала твориц шанси. Найлєпшу шансу мал Дюрич, котри предриблал и ґоламанa Слоґи, копнул до празного ґолу, алє бавяч охрани Слоґи сцигнул лабду на ґол линиї и вибил ю до корнеру. Но, заш лєм у 55. минути Искра виєдначела, а ґол после асистенциї Колошняя дал Боґдан Сталевич. З оглядом на тото же до конца остало ище вецей як пол годзини бависка, шицки на стадиону ше наздавали же Искра зоз таким бависком може освоїц и шицки 3 боди. Шанси було на обидвох бокох, ґолман Искри Ступар тиж одбранєл даскельо добри шанси, алє резултат на концу остал нєришени. Искри до конца остало одбавиц ище два змаганя, у тей хвильки є на 12. месце на таблїчки, а освоєла 32 боди. Шлїдуюце змаганє коцурски фодбалере буду бавиц тиж на домашнїм терену процив екипи ФК „АФК” зоз Ади котра по квалитету на уровню Слоґи, та ше тиж обчекує чежке змаганє на котрим Искра будзе мушиц дац шицко од себе же би зазначела побиду. З. К.
4. ЮНИЙ 2021.
sport@ruskeslovo.com
ОПШТИНСКА ФОДБАЛСКА ЛИҐА ШИД
У остатнїм, 18. колу, Општинскей фодбалскей лиґи Шид, и попри пораженя на своїм терену од ФК „Єдинство” з Моровичу зоз 3:2, ОФК „Бачинци” затримали перше место на таблїчки и пласовали ше до Медзиопштинскей фодбалскей лиґи. У Вашици Напредак победзел Борец зоз 9:1, Ґраничар победзел Омладинєц зоз 2:1, Єдинство (Лю) у Люби страцело од Синдєличa зоз 3:2, а у тим колу шлєбодни були фодбалере ОФК „Бинґула”. ОФК „Бачинци” затримали перше место зоз 42 бодами, а после стретнуца то и преславели. ФК „Напредак” други зоз 40 бодами, Синдєлич треци и ма 29 боди. Омладинєц штварти зоз 19 бодами, кельо боди ма и Єдинство (Лю) на пиятим месце. Ґраничар шести зоз 17 бодами, Єдинство
Фото: В. ПАпуґа
БАЧИНЧАНЄ ИДУ ДО ВИСШОГО РАНҐУ
(М) седме ма 16 боди, ОФК „Бинґула” осма зоз 15 бодами, а Борец остатнї, дзевяти, и ма 10 боди. Вл. Дї.
МЕДЗИОПШТИНСКА ФОДБАЛСКА ЛИҐА СРИМ, ҐРУПА ЗАХОД
ДОБРЕ БАВИСКО СРИМЦА У 29. колу Медзиопштинскей фодбалскей лиґи Срим, ґрупа Заход, ФК „Сримец” з Беркасова дома победзел Шлєбоду зоз 4:1, а ОФК „Бикич” на госцованю страцел од ФК „Зека Булюбаша” зоз 1:0. У Шидзе Єднота ознова страцела зоз високим резултатом 6:1 процив Ґраничара з Адашевцох, а у Руми Єдинство було лєпше од ФК „Ердевика 2017” зоз резултатом 5:2. У Ночаю Змай победзел ФК „Обилич 1993” зоз 4:1, Фрушкогорец обчековано победзел Слоґу зоз Чалми зоз 4:0, у Ярку Сримец и Трґовачки бавели 3:3, а у Кузмину Ґраничар победзел ФК „Фрушка Гора” зоз 1:0. На верху таблїчки нєт пременки, понеже Фрушкогорец прешвечлїво перши зоз 67 бодами, Єдинство (Р) друге зоз 59 бодами, кельо ма и Ґраничар (К) на трецим месце. После пораженя ОФК „Бикич” тераз штварти зоз 54 бодами, ФК „Обилич 1993” пияти и ма 54 боди, Фрушка Гора шеста зоз
53 бодами, Сримец (Б) седми зоз 47 бодами, Змай осми и ма 45 боди. Ґраничар (А) дзевяти на таблїчки зоз 41 бодом, ФК „Зека Булюбаша” дзешати зоз 39 бодами, ФК „Ердевик 2017” єденасти ма 30 боди, Трґовачки дванасти зоз 27 бодами, Шлєбода тринаста ма 26 боди, а Сримец (Я) штернасти зоз 21 бодом. Слоґа (Ч) предостатня, петнаста, ма 13 боди, а остатня, шеснаста, Єднота зоз лєм пейцома бодами. У остатнїм, 30. колу, на нєдзелю ФК „Ердевик 2017” дочекує Єдноту, ОФК „Бикич” будзе домашнї на стретнуцу зоз екипу ФК „Єдинство” (Р), а ФК „Обилич 1993” будзе бавиц процив ФК „Зека Булюбаша”. Слоґа (Ч) у остатнїм колу дочекує екипу ФК „Змай од Ночая”, Шлєбода будзе домашня Фрушкогорцу, Трґовачки будзе бавиц процив Сримца (Б), Фрушка Гора дочекує Сримец (Я), а Ґраничар (А) дочека Ґраничар (К). Вл. Дї.
ПОДРУЧНА ФОДБАЛСКА ЛИҐА НОВИ САД
БАЧКА ПРЕШВЕЧЛЇВО ПОБЕДЗЕЛА
ФК „Бачка 1923” – ОФК „Сириґ” (Сириґ) 5:0 (1:0) У тим колу процивнїк Бачкей бул ОФК зоз процивнїцкей екипи Марко Ґруїчич, „Сириґ” зоз Сириґу котрому ше нє удало котри тиж напущел бависко. У 84. минудац анї єден ґол. Початок змаганя нє на- ти госцински бавяч Стефан Ивкович пре гадовал таки пласман Бачкей, котра у покалїченє напущел терен. Но Бачка, першим полчасу бавела змирено, без ве- гоч з бавячом менєй, дала ґол уж у 54. льо акциї и нападаня. Перши ґол дома- минути, потим у 61. и 78. минути. Точку, шнї дали после 30. минути бависка, а кед слово о ґолох, на тим стретнуцу, положел Тодор Тривунович хтори дал остастрилєц бул Стефан Деянович. На павзу ше пошло зоз резултатом 1:0. танї, пияти ґол, пред самим концом змаПотим почал барз интересантни и дина- ганя, у 82. минути, та закончене з резулмични полчас у котрим було и вельо татом 5:0 (1:0). ґоли, алє и вельо опомнуца. У 43. минуБачка ше тераз находзи на 10. месце на ти судия домашньому бавячови Ґорано- таблїчки и ма 43 боди. Шлїдуюце змагави Калайджичови дал други жовти кар- нє заказане за 6. юний, кед ФК „Бачка тон пре нєспортске справованє и виклю- 1923” будзе бавиц зоз екипу ФК „Фручел го зоз бависка, а таке достал и бавяч шкоґорац”. Л. Кх.
Дюрдьов: Главни судия змаганя бул Иван Кукуда зоз Петроварадину, а помоцни судия бул Урош Радинович з Беочину БАЧКА: Ненад Иґнїч, Ґоран Калайджия, Желько Тривунович, Балоґ Никола, Ратко Чирин, Стефан Сивчевич, Деян Тривунович, Милан Роґич, Драґан Тривунович, Стефан Деянович, Предраґ Маркович У 31. колу першенственого змаганя Новосадскей лиґи, ФК „Бачка 1923” на домашнїм терену однєсла прешвечлїву побиду зоз аж пейц ґолами розлики. То други викенд за шором же Бачка зоз змаганя виходзи як побиднїк. 4. ЮНИЙ 2021.
РУСКЕ СЛОВО 37
ИНТЕРМЕЦО
ГОРУЦИ ТЕПШИ
Юшка зоз покриви Ароматична юшка з покриви хтора найсмачнєйша вяри Покриву ше очисци, попребера, умиє (роби ше зоз рукавицами) и прелєє зоз врацу воду. Одцадзи ше ю и пошека на коцочки. Попражиц цибулю вєдно зоз младу цибулю (и желєни пирка порезац) и кед омегча додац ложку муки, мелку паприґу и на-
Потребне: ■ верхи (з лїсцох) з покриви 300 ґрами ■ главка цибулї ■ три главки младей цибулї ■ мелка паприґа ■ солї ■ веґети ■ ложка муки ■ рискаша 200 ґрами ■ попер ■ кисле млєко ■ вайцо ■ лїсце зоз петрушки
ляц зоз воду. Кед почнє врец, положиц рискашу и веґети, вариц док ше рискаша нє увари. На концу положиц пошекану покриву и най вре лєм 3 минути. Сцагнуц зоз огня и кед ше кус охладзи усипе ше до юшки розмишане кисле млєко вєдно зоз вайцом и пошекане лїсце зоз петрушки.
(Марґита Лїкар, Наша кухарка)
Таще млєко Положиме превариц єдну литру млєка и док ше млєко греє, витрепеме 5 бильчки, 5 ложки цукру и єдну ванелию. Кед млєко вре, винїмаме з ложку бильчкову пену, кладземе до млєка, обрацаме на други бок и винїмаме до танєра. Пейц жовчки хтори нам остали вимишаме зоз 5 ложками цукру, єдним паклочком ванелиї и трома ложками муки, та додаме ище кус жимного млєка. Масу улєєме до врацого млєка, дакус повариме и сипеме по шнїгових лабдох у танєрох. Таще млєко єме охладзене як лакотку.
38 РУСКЕ СЛОВО
4. ЮНИЙ 2021.
rusmak.ruske@gmail.com
ГОРУЦИ ТЕПШИ
Пририхтали: Лю. Цвеїч и Т. Салонтаї
Славица Катона, Руски Керестур
Рейтещики з маком
Тот рецепт у першим шоре за млади ґаздинї, а окреме за тоти цо их час вше оганя. Кед любице мак и цесто за кремпиту вецка то рецепт праве за вас. Почнїме. Поступок: Мак зомлєц и розмишац зоз цукром, додац млєко (горуце). Окреме зєдинїц витрепани бильчок зоз жовчком и замишац до маку. Положиц на бок. Розженьце перше єдно цесточко як правоугельнїк велькосци одприлики 35цм х25цм, та зоз обидвох бокох по длу жини поПотребне: ложце цо на грубше маку. ■ єдно пакованє змарзнутого По штредку, а цеста за кремпиту. Обично у по длу жини нїм єст два цесточка. прережце цесточко и поЗа фил: масце зоз во■ 500-600 ґрами млєтого маку ду лєбо зоз ■ шолька цукру вайцом. Зна■ деца млєка чи зоз єдного цесточка достанєце два рейтещики. ■ вайцо – бильчок добре Можеце скруциц и положиц до тепши на папер за печенє. витрепац зоз видлїчку Так исто поробце и зоз другим цесточком. Добиєце штиЗа премасцованє: ри рейтещики хтори на половки печеня винєце зоз релни ■ вайцо, тиж розтрепац зоз и, швидко, горуци премасцице зоз розтрепаним вайцом. видлїчку Мак ище у миски подзельце на 4 часци. Печеме их на 200 ступнї коло 15 минути.
4. ЮНИЙ 2021.
РУСКЕ СЛОВО
39
ИНФОРМАТОР, ОГЛАШКИ, ИНТЕРМЕЦО
ГЛАСНЇК ПО РУСКИ
НАЙКРАСШИ ЗАГРАДКИ
РОК LXXVII ЧИСЛО 23 (3944) НОВИ САД, 4. ЮНИЙ 2021.
ЛЕАНДЕР КВИТНЄ УЖ 50 РОКИ ж роками, сцерпезлїво и педантно, Ирина и Йовґен Ковачово зоз Руского Керестура коло своєй хижи пестую прекрасну заградку зоз квецом. А у заградки єст вецей файти мушкатли, арвачки, ружи, и червени и єшеньски, зомбульки, кичкириджи, беґониї, розмария, каменьово ружи и шицко крашнє уклопене и у черепчкох, и у заградки. Квитки з ружох андя Ирина каждого року одноши до парохиї першопричашнїком. А у заградки єст шицкого, но наймилши им 50-рочни леандер, алє и 13-рочна мушкатла хтора Ирини остала ище од єй мацери. Андя Ирина барз люби квеце, а єй супруг Йовґен у франти приповеда же кед ше ище як млади, пред 50 роками, селєли до свойого обисца, та уж рушали на коньох, а андя Ирина ше ище врацела по черепчок з леандером. Тот леандер нєшка вироснул до велького древа гоч, як гваря Ковачово, треба го поряднє орезовац, а його красоту потвердзую и велї сушедово хтори з нього, до своєй заградки, питаю младнїки. Ирина ше каждодньово стара о своєй заградки, а дружтво єй дзекеди прави и їх прекрасна мачичка. Ан. М.
У
ЦЕНА 30 ДИНАРИ
Фото: Вероника Вуячич
ОГЛЯДНУЦЕ НА ПРЕШЛОСЦ
Фотоґрафия: 0451P
Фотоґрафия: 0453P
оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на слиП кох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу за културу войводянских Руснацох на число телефона 021/654-65-34, лєбо на мейл: zavod.rusini@gmail.com.
Даєдни фотоґрафиї обявюємє вецей раз, понеже за нїх дотераз нєт нїяки податки.
Завод за културу войводянских Руснацох ма нове число телефона 021/654-65-34
■ РУСКИ КУЛТУРНИ ЦЕНТЕР
ОЗНАЧЕЛ 75-РОЧНЇЦУ