Issuu

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ

МЛАДЕЖСКИ ВОЛОНТЕРСКИ КАМП БУДЗЕ ОТРИМАНИ КОНЦОМ ЮЛИЯ У АРХИВЕ НВУ „РУСКЕ СЛОВО” ладежски волонтерски камп, котри уж традицийно орґанизує Ту ри стич не здру же нє Ру ски Ке ре стур, то го ро ку буд зе отри ма ни у ар хи ве НВУ „Ру ске сло во”, ко три ше на ход зи у будинку бувшей Друкарнї у Руским Керестуре. Младежски волонтерски камп будзе тирвац два тижнї и будзе отримани у остатнїм тижню юлия и першим тижню авґуста. Архив НВУ „Руске сло во” у бу дин ку був шей Дру кар нї у Руским Керестуре нє бул пораєни вецей як три цец ро ки, а за зред зо ва нє єст потреби и пре нови закон о архивованю. Тиж так, зредзованє архи ви НВУ „Руске слово” часц процесу на ста ва ня но во фор мованого Документацийного центру НВУ „Руске слово”, котри леґат ювилея 75-рочнїци НВУ „Руске слово”. На Младежски волонтерски камп заинтересовани ше можу приявиц предсидательки Туристичного здруженя Руски Керестур Любици Няради (на ljubicanjaradi@gmail.com). Б. В.

РОК LXXVII ЧИСЛО 22 (3943) НОВИ САД, 28. МАЙ 2021.

Фото: Андреа Медєши

■ ЛИТЕРАТУРНЕ СЛОВО: ПОЕЗИЯ И КРИТИКА ЦЕНА 30 ДИНАРИ

ОГЛЯДНУЦЕ НА ПРЕШЛОСЦ

Фотоґрафия: 0501P-B351

Фотоґрафия: 0651P

оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на сликох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу за културу войводянских Руснацох на число телефона 021/654-65-34, лєбо на мейл: zavod.rusini@gmail.com.

Даєдни фотоґрафиї обявюємє вецей раз, понеже за нїх дотераз нєт нїяки податки.

Завод за културу войводянских Руснацох ма нове число телефона 021/654-65-34

■ У БЕОҐРАДЗЕ ПРЕДСТАВЕНИ ПРОЄКТ „БИЛИНҐВАЛНИ СТЕМ НАУЧНЇЦИ”

КЕД МЛА ДОСЦ НЄ ТИРВА КРАТКО Пише: Мая ЗАЗУЛЯК ГАРДИ, одвичательна редакторка Мултимедиялного часопису за младих МАК

Скоро пол вика прешло одкеди почал виходзиц МАК – и

теди, и тераз, єдини младежски часопис по руски. Перше число обявене у юнию 1972. року, як орґан Союзу младежи Войводини. Видало го Новинско-видавательне подприємство „Руске слово” у Новим Садзе, а видруковала друкарня „Руске слово” у Руским Керестуре. Директор теди бул Микола Москаль, главни и одвичательни редактор МАК-у Янко Рац, технїчни редактор Микола Скубан, число ушорела Ирина Гарди-Ковачевич, а подобово го оформел Яков Макаї. Редакцийни совит МАК-у творели: Владимир Бесерминї, Янко Бучко, Ирина Гарди-Ковачевич, Яким Грубеня, Мирон Канюх, Йовґен Колбас, Янко Рац, Ярослава Шанта и Штефан Щурок. Перше число MAK-у вишло на 24-ох бокох, а формат му бул 31,5 зоз 22 цм. Лєм рамики були видруковани у фарбох, а нукашньосц часописа чарно-била. Коштал 2 динари, предплата за цали рок була 20 динари, a за иножемство 40. На насловним боку oбявена фотоґрафия на хторей себе єдна пионирка и Йосип Броз Тито винчую, а у часопису єст и опис тей фотоґрафиї – „осемдзешати дзень народзеня товаришови Титови винчовали шицки народи и народносци Югославиї, а окреме младеж, котра истого дня преславела свойо швето – Дзень младосци”. На остатнїм боку фолклорна секция КУД „Маским Горки” з Нового Саду. У уводнїку першого числа, под насловом „Дарунок младим”, глав ни и од ви чате ль ни ре дак тор Ян ко Рац на пи сал: „ ...Перше число младежского часопису „МАК” ше народзело. Народзело ше у историйним року кед ше преславюю даскельо значни ювилеї: 80-рочнїца од народзеня товариша Тита; 30-рочнїца Зєдинєного союзу антифашистичней Югославиї и 25-рочнїца дзецинского часопису „Пионирска заградка”. Шицки тоти ювилеї цесно вязани за тото число, хторе з нєшкайшим датумом отвера нови бок у историї нашей периодики.” Вон наводзи и же ше идея о видаваню младежского часопису народзела у „Пионирскей заградки”: „ ...Як тот „Мак” будзе розквитац на вашим полю и розшевац свойо плоди, будзе завишиц од вас самих, од вашей дзеки и активносци на зазберованю читачох, од вашого закладаня у сотрудзованю и нєсебичней помоци у його дальшим розвою. Прето у тей святочней хвильки наздравме и пожадайме най тот „МАК” буйно квитнє, най розшева свойо плоди до младих шерцох и най их оплеменює з нєвичерпну любову ґу найкрасшим идеалом цалого чловечества.” Перше число МАК-у було конциповане зоз рубрикох: Фото висти; Акциї, задатки, успихи; Вони себе вибрали; Вашо прилоги; Тони Червеней ружи; Лектира; Физична култура и спорт; Символи и знанє; Гоби и хасен; Заєднїцки проблеми; Мода и козметика; Пишеце, пишеме; Шлєбодни хвильки; Гороскоп; Медзи нами.

2 РУСКЕ СЛОВО

Теми о хторих млади у юнию 1972. року писали то, на-

приклад, було же „американски предсидатель Ричард Никсон нащивел Совєтски Союз”, потим о Дню младосци и Титовому дню народзеня, о будуцих занїманьох младих, була ту и литература, „розгварка з Богом число два” – Минимаксом, о идолох младих, олимпийских бавискох, историї фотоґрафиї, допатраню скори, сучасней моди... Авторе тих текстох Силвия Будински, Дюра Папуґа, Мария Колошняї, Мелания Ковач, Любомир Дудаш, Желько Пап, Яким Грубеня, Звонко Павлович, Борис Гралюк, Юлиян Каменїцки, Божидар Ковачевич, Лидия Колєсар, Д. Орос, Ярослава Будински. Як наведзене у тим чишлє, даєдни з перших МАК-ових предплатнїкох були Яким Пушкаш, Звонко Колєсар, Геленка Папуґа, Мария Дволиш, Ґабор Чельовски, Владимир Кочиш и други. При концу першого числа потолковане прецо часопис до ст ал праве мено МАК, хторому кум писатель Владимир Кочиш, а за тото же вибране його предкладанє, вон до стал год зин ку. У коми сиї за вибор ме на часопису були Ирина Гарди-Ковачевич, Дюра Латяк и Янко Рац. Комисиї ше пачели и предкладаня Одблїск, Крочаї, Глєданя, Швитанє, Заря младосци, Квиток младосци... Назву МАК ше прилапело прето же: „Зоз тим меном квета цо тирва кратко як младосц, квитнє упадлїво и рошнє буйно, а напредок ше нє зна цо у його главки будзе док дозреє, символизує ше сама буйна, розкошна и амбицийна младосц. Як з розпирснутей главки мака цо витор розшева тисячи здрави чарни заренка и розноши их же би родзели и надалєко, так можебуц з нашого „Мак”-у ви ду ве лї мла ди ко три єд но го дня свою плодносц подарую жеми, людзом, животу... Конєчно, „Мак” и успишно скрацене мено за слова котри провадза на й крас шу часц чло ве ко во го жи во та: мла до сц, активносц и креативносц. Кед шицко тото позберане вєдно, теди живот полни и його плоди вироятно буду богати.” За тоти скоро пейдзешат роки одкеди вишол перши МАК, технолоґия барз напредовала, та и прелом часописа, розуми ше, цалком иншаки, а МАК ше у медзичаше преселєл и до диґиталного швета, дзе млади нєшка, мож повесц, жию, а интернет им отворел облачок до швета. Прето, мож обачиц же ше розликує язик младих и стил писаня теди и тераз, як и тото же политични аспект вецей нє приоритетни у младежским медию, як дакеди. Медзитим, интересованя младих остали дзешка подобни, а за пол вика нє пременєло ше и тото же МАК и далєй часопис шицких Младих, Активних, Креативних!■ 28. МАЙ 2021.

УВОДНЇК

ЗМИСТ

Пише: Иван САБАДОШ, главни одвичательни редактор

■ Тижньовнїк 4. Преславени Дзень Руснацох у Републики Горватскей

■ Нашо места 8. Означени Дзень Месней заєднїци Шид

■ Економия 10–11. Владо Фекете, продукователь овоци зоз Коцура

■ Култура и просвита 15. Керестурска ґимназия промовована у Коцуре и Дюрдьове

■ Литературне слово 19–22. Поезия, критика и подобово прилоги

■ Людзе, роки, живот 24–25. Наш госц: Зденко Сивч Пико зоз Осєку

■ Духовни живот 26. Преславени Кирбай у Беоґрадзе

■ Информатор 28–32. Мали оглашки и In memoriam

■ Спорт 33. Рукометаше „Русина” звладали Сивчаньох

■ Интермецо 38–39. Горуци тепши

Насловни бок: Проєкт „Билинґвални СТЕМ научнїци” представени у Беоґрадзе Авторка фотоґрафиї: Aндреа Медєши

ПРАВО НА ВИДЛЇВОСЦ Проєкт „Билингвалне СТЕМ научнице” хтори реализовало Здруженє гражданох „руСТЕМ” зоз Руского Керестура у чиїм ядре дакедишнї ґимназиялци и нєшкайши заняти у школи „Петро Кузмяк”, представени у Министерстве за людски и меншински права и дружтвени диялоґ у Беоґрадзе вовторок, 25. мая, з нагоди Шветового дня културней рижнородносци, диялоґу и розвою. То проєкт хтори промовує начала ровноправносци и єднаких шансох, конкретно у сфери образованя и професийного розвою, полу, националней припадносци, мацеринского язика и места походзеня, а наисце у найширшим смислу тих поняцох. Медзитим, кед нам требало мено проєкта написац по руски – такой проблем. У бешеди, якошик прецихно хасновани виведзени компромис же то „Билинґвални СТЕМ жени у науки”. Алє, кед зме у Редакциї, пририхтуюци звит зоз подїї у Беоґрадзе, о тей вариянти роздумали кус глїбше и ширше, похопели зме же тота верзия заправо знєважує саму сущносц идеї и основней вредносци проєкта, бо „научници” меновани описно и заобиходно. Як кед бизме за лїкарку поведли же є жена-лїкар. У наших референтних друкованих словнїкох, хтори поправдзе уж маю и роки, вообще нє препозната „женска” вариянта занїманя зоз науку, алє поняце науковец предложене и за жену и за хлопа. Дараз часи були иншаки и прето нє треба пригваряц нашим линґвистом предходних ґенерацийох. У тим контексту, добре же ше и нєшка роби на нових руских словнїкох, затераз у диґиталней форми. У цайтноту пред посиланьом новинох до друку, нє було кеди преглєдовац тоти бази, алє ше наздавам же ше уж думало о подобних терминолоґийних пражнїнох. Прето нашому язику на власну инициятиву понукаме нови конструкт, поняце научнїца/научнїци. Вшелїяк же линґвисти поведза конєчне слово чи су прилаплїви чи можебуц мож повесц и даяк иншак, алє ми го хаснуєме з найлєпшу намиру и прешвеченьом же адекватно почитує и сущносц поняца и форму руского язика. Гоч ше у сербскей явносци праве тих дньох водзи цалком анахрона дебата о родно сензибилней терминолоґиї, понеже закон нїби, нє препознава поняца як цо виглєдователька и подобни, нєминовносц же ше швет и живот меняю, та ше муши меняц и язик (а и закони, поправдзе). Скаменєти, нєпременлїви язик з часом постава нєдостаточни своїм бешеднїком понеже ше на нїм нє можу виражиц анї витвориц. Преставаю го хасновац и постава мертви язик. Закон ище швидше постава мертве слово на паперу. Одвше зме мали учительку и наставнїцу. З часом зме прилапели директорку, студентку, адвокатку/правнїцу, колеґиню, народну посланїцу... На концу, прилапели зме аж и медицинского брата. Родна ровноправносц реалносц нашого часу. Прето би нам анї научнїца нє шмела представяц препреченє. Окреме же героини проєкта „Билинґвални СТЕМ научнїци” тото право и почитованє аж и на то заслужели.

* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ Руске слово”, Нови Сад * Перше число вишло 15. юния 1945. року ”у Руским Керестуре * Адреса: НВУ ”Руске слово”, Футожска 2/III, 21000 Нови Сад * Редакция: одвичательни редакторe/ки – Олена Планчак-Сакач, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Славица Фейса, Вероника Вуячич * новинаре/ки – Мария Афич, Влада Дїтко, Лидия Кухар, Андреа Медєши, Оля Русковски, Сандра Саламун * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефон: 021/6613-697 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-923244-82 * Девизни рахунок 160-0050870024999-53 * Рукописи ше нє враца * Друкує Друкарня ”Maxima graf” Петроварадин * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *

Директор др БОРИС ВАРҐА *** Главни одвичательни редактор ИВАН САБАДОШ

28. МАЙ 2021.

Новини „Руске слово” одликовани зоз Орденом братства и єдинства зоз стриберним венцом 1970. року.

РУСКЕ СЛОВО 3

ТИЖНЬОВНЇК ДЗЕНЬ РУСНАЦОХ У РЕПУБЛИКИ ГОРВАТСКЕЙ

ПРЕСЛАВА ЗОЗ ВУКОВАРУ ПРЕНОШЕНА И НА ДРУЖТВЕНИХ МРЕЖОХ Шветочна академия з нагоди Дня Руснацох у Републики Горватскей отримана всоботу, 22. мая, у Горватским доме у Вуковаре. Академия отримана под окремнима епидемийнима мирами пре пандемию вирусу корона, а преношена є и прейґ Фейсбук боку Союзу Русинох Републики Горватскей хтори бул орґанизатор шветочносци ре спомнути мири, у сали могло буц найвецей по двойо присутних з каждей институциї хтора поволана на преславу, а на бини нє було дошлєбодзене наступанє хорох, понеже у Горватскей аматеризем у завартих просторох ище вше нє дошлєбодзени. Присутних на Академиї привитала предсидателька Союзу Русинох РГ Дубравка Рашлянин и предсидатель Ради рускей националней меншини Вуковарско-сримскей жупаниї Яким Ерделї, а поздрави и винчованки послали и Звонко Костелник у мено Александра Толнауера, предсидателя Совиту за национални меншини РГ, прочелнїк управного оддзелєня за дружтвени дїялносци Фото: фб Союз Русинох РГ городу Вуковару Дражен Кобашевич, як и владически викар за Славонию и Срим, мр сц. Владимир Седлак у штински заменїки началнїкох з квоти рускей националмено владики крижевского Милана Стипича. ней меншини Ярослав Медєши з општини Боґдановци и Медзи визначнима госцами бул и дожупан Вуковар- Славко Ждиняк з општини Миклошевци. У публики тиж ско-сримскей жупаниї Дьордє Чурчич, представнїци и були представителє руских културних и културно-уметпредсидателє радох рускей националней меншини зоз нїцких дружтвох. Осєку, Вуковару, Петровцох и Миклошевцох, як и опПрограма водзена двоязично, та о Руснацох у Горватскей

ПРОГРАМА На Академиї наступели рецитаторе хтори рецитовали власни твори, лєбо твори наших писательох Любица Гаргай, Томислав Кетелеш, Томислав Рац, Владимир Дудаш и Звонимир Барна, а векшину на ґитари провадзел Оґнєн Здравкович. Як соло шпиваче, дуети лєбо як трио, наступели Михайло Голик зоз шпиванку „Милєнко моя”, Паула Поточки хтору провадзела Любов Колесар зоз шпиванку „Сон у моїм сну”, Вероника Маркович одшпивала „Ей Руснаци”, а трио Любов Колесар, Нада Батакович и Леся Мудри одшпивали два шпиванки, „Лєпше тей дзивочки” и „Родими край”. На концу, Давид Мрдянов на флаути виведол традицийни валцер „На красним белавим Дунаю”. Шицки учашнїки програми зоз своїм наступом представели културно-уметнїцки дружтва у хторих су члени.

4 РУСКЕ СЛОВО

читали Леся Мудри по руски, и Томислав Рац по горватски. Як уж поведзене, пре епидемийни мири програма була огранїчена на дошлєбодзени активносци хтори предписани у РГ, та на тот способ виостали и мили госци з Войводини, алє и нашо Руснаци хтори на тоту Академию предходних рокох приходзели у вельо векшим чишлє зоз цалей Горватскей, та и иножемства. За тих хтори нє мали можлївосц особнє присутвовац, Академия преношена прейґ дружтвених мрежох, а знїмок и далєй будзе доступни за опатранє. Попри шветочней Академиї, у рамикох преслави Дня Руснацох могло опатриц виставу зоз 10 прешлих академийох, а традицийно положени и венци при памятнїку на улїваню Вуки до Дунаю. Дзень Руснацох у Републики Горватскей почало ше означовац пред 12 роками алє влонї, пре тедишнї строгши епидемийни мири, шветочна Академия нє отримана. Першираз одкеди ше преславює Дзень Руснацох у РГ, того року орґанизатор бул Союз Русинох РГ зоз Раду рускей националней меншини Вуковарско-сримскей жупаниї. Причина за пременку у орґанизацийней структури насампредз финансийней природи, бо институциї як цо ради и представнїки нє можу апликовац на явни средства, док здруженя можу. На тот способ Союз Русинох РГ мал нагоду достац средства од Министерства науки и просвити, та зоз самим тим и квалитет тогорочней Академиї подзвигнути на висши уровень. Зоз тоту финансийну потримовку, Министерство науки и просвити на тот способ записане як покровитель означованя Дня Руснацох, вєдно зоз Горватским домом у Вуковаре у чиїм просторе ше Академию отримовало, а хтори старши познаю як Вуковарске казалиште.■ А. Балатинац 28. МАЙ 2021.

tiznjovnjik@ruskeslovo.com

ЗАВОД ЗА КУЛТУРУ ВОЙВОДЯНСКИХ РУСНАЦОХ

ОДЛУЧЕНИ РЕЗУЛТАТИ КОНКУРСУ

Управни одбор Заводу за културу войводянских Руснацох на своєй 28. схадзки хтора отримана штварток, 20. мая, розподзелєл финансийну потримовку по Конкурсу за софинансованє програмох и проєктох очуваня, пестованя, презентациї и розвою култури и уметности рускей заєднїци у Републики Сербиї. Як узвичаєне, Завод по тим Конкурсу чий вкупни буджет милион динари, софинасує два обласци – проєкти очуваня нєматериялного скарбу, и проєкти зоз сучасней творчосци, а участвовац могли шицки нашо здруженя хтори у програми роботи маю културни змисти. УО Заводу за културу одлуку о розподзельованю конкурсного буджета принєсол на основи Звиту и предкладу ранґ лїстини трочленей фаховей Комисиї хтора препатрела проєкти. На Конкурс сцигла 21 апликация од вкупно 14 подношительох. У часци Конкурсу за очуванє нєматериялного скарбу за цо Завод опредзелєл 700 тисячи, сцигли 12, а финансийну потримовку достали 8 проєкти. РКУД „Г. Костельник” зоз Кули за пестованє жридлового шпиваня достал 68 тисячи динари, Дружтво Руснацох Суботица за ревию народного облєчива 80 тисячи, а вербаске КПД ,,Карпати” за пририхтованє тамбуркового оркестра и шпивацкей секциї 92,5 тисячи динари. По 126 тисячи динари достали РКЦ за очуванє култури и традициї Руснацох у Новим Садзе, и дюрдьовски КУД ,,Тарас Шевченко” за роботу секцийох у 2021. року. За исту намену шидски КПД ,,Дюра Киш” достал 120 тисячи. НАР за проєкт пошвецени малярови Арсенийови Теодоровичови достал 43,5 тисячи динари, кельо додзелєне и ораховскому КУД ,,Петро Кузмяк” за пририхтованє тамбурковей оркестри. Комисия препоручела же би ше иншак квалитетни проєкт коцурского КУД „Жатва” у вязи попису реализовало у шлїдуюцим, пописним року на уровню цалей заєднїци, зоз значну финансийну потримовку Националного совиту Руснацох. Кед слово о сучасней творчосци, за хтору Завод опредзелєл 300 тисячи динари, конкуровали дзевец проєкти, зоз вкупну вимогу штири раз векшу од буджета. УО Заводу на предлог Комисиї финансийну потримовку додзелєл шейсцом апликантом. Pact Ruthenorum за Процесуалну ґалерию младих достанє 68 тисячи, КУД „Жатва” 66 тисячи за младежски документарни филм, а РКЦ 64 тисячи за представу „Скорей як когут закукурика”. Дружтво Руснацох Сримскей Митровици за розробок проєкту о Ирени Колєсар достало 52 тисячи, а КПД ,,Дюра Киш” за сценски прикази руских представох и КПД ДОК за „Коцурску чутку 2021” по 25 тисячи динари. Констатоване же того року було вецей барз добре обдумани и написани проєкти, алє и таки хтори лєм елементарно зложени. Зауважени и обачлїво нїзки язични стандард. Прето Комисия препоручела УО Заводу же би ше од идуцого року фиксна сума хтора ше додзелює каждому проєкту хтори сполнює технїчни критериї зменшала на 25% место 50% од вкупней суми як було потераз. То значи же квалитетни проєкти годни достац А. П. векшу потримовку. 28. МАЙ 2021.

STANOVISKA Пише: Мария ПЕРКОВИЧ, новинарка и активистка

ҐЛОБАЛНИ ОДВИТ Вистка з нєдавних локалних виберанкох у Републики Горватскей же у першим кругу (тераз на нєдзелю будзе други круг) платформа Можеме! практично оддула политичну конкуренцию у Заґребу, на ноги подзвигла граждански опциї у цалей реґиї. Нєобчековани успих младей и нєзависней политичней орґанизациї улял надїю же граждански ориєнтовани моци и индзей маю нагоду цошка пременїц. Платформа (нє странка!) Можеме! виросла и профиловала ше зоз заґребацких активистичних кругох анґажованих коло виключно локалних темох хтори звичайно нєинтересантни такволаним „вельким”, етаблованим странком и партийом, алє су, (лєбо би требали буц) насушно важни звичайним людзом. Конкретно, Можеме! Настала зоз руху за охрану єдного городского парку од „инвеститорох” хтори го сцели зровнац, вибетоновац и подзвигнуц ище єден шопинґ-мол. Потим було ище подобни акциї гражданского нєпослуху, же би нєшка Можеме! политично стала на „желєно-лївей” позициї. Найприблїжнєйше цо ми ту дома маме подобне то „Нє давме Беоґрад”, лєбо нарастаюца „Охраньме рики Старей планини” Кед патриме ширше, Можеме! припада кругу орґанизацийох як цо словенацка Лївица, Подемоса у Шпаниї, лєбо аж и греческа Сириза. Шицки спомнути политични ґрупациї, зоз барз зроднима политичнима платформами, настали з активизму унапряменого на локални проблеми, на еколоґию а процив корупциї, клиєнтелизму и других хоротох класичней политики. Шицки су унапрямени на младих и на щезуюцу штредню класу хтора себе широко идентификує даґдзе „лїво” на политичним спектру. У стану кед планета уж навелько постала „ґлобални валал”, кед жиєме у єдним универзалним политичним швеце, ґлобализация як реакцию и алтернативу достава виразно локални политични орґанизациї. Прето же униформни ґлобални швет, надрилєни през образовну и економску систему и медиї, при єдней, и то вше векшей часци младшого гражданства, односно гласачох, виволує одуперанє, хторе ше вец манифестує през локални акциї. Ґлобални швет, у хторим голєм у чечуцей рунди историї победзел капитализем, нє шме себе дошлєбодзиц ґлобалного опонента як цо бул социялизем (хторого уж надбавел у тей рунди). Алє себе може (а можебуц и муши) дошлєбодзиц слабшого ривала хтори му нє може загрожиц фундаменти, алє є хасновити як свойофайтови вентил през хтори видує гражданске нєзадовольство, а система останє нєдотхнута. З другима словами, глобална капиталистична система нас идеолоґизує же ґлобални алтернативи анї нє потребни анї нє маю шанси, алє ше зато вредзи занїмац зоз стварами „у своїм дворе”, кед же го ище маце. На тот способ, тераз ше капитализем сам представя як „конєц историї и идеолоґиї”. Наисце каждодньови ритем у капиталистичним швеце таки интензивни же нє маме часу анї за сон, анї за оддих, а дзе ше ище озбильнєйше забавяц зоз критику ґлобалного порядку. У ґлобализованим швеце ми у истим моменту знаме же у Конґу гори пралєс, лєбо же у Индонезиї вибухнул вулкан, алє у исти час нє знаме же ше ту коло нас нємилосердно керчи и пустоши Фрушка гора... Прето затераз анї Можеме! анї други подобни орґанизациї коло нас нє можу анї меняц, анї злєпшац ґлобални капиталистични порядок стварох. Корупция лєбо заґадзенє планети нє инциденти, анї су нє надумане зле дїло капитализму. Вони глїбоко у його нєсвидомей структури, вони сам його фундамент. Капитализем ирационални, цо значи же ше кажда добра идея у нїм обраци наруби. Прето вимага ґлобални одвит. Становиска висловени у тим тексту виключно авторово и нє вше одражую ушорйовацку политику новинох „Руске слово”

РУСКЕ СЛОВО 5

НАШО МЕСТА ОТРИМАНА XVIII СХАДЗКА СО КУЛА

ПОЧИНА ВИРОБОК РОЗВОЙНОГО ПЛАНУ ОПШТИНИ Схадзка локалного парламенту, XVIII по шоре, отримана штварток, 20. мая, у Велькей сали СО Кула, а Дньови шор облапял тринац точки о хторих одборнїки розправяли. По прилапйованю Дньового шорa, перша точка була задзекованє и потвердзованє мандатох одборнїкох Скупштини општини Кула. Дотерашня одборнїца зоз виберанковей лїстини „Александар Вучич – Зато же любиме Кулу”, Драґана Дуркович, дала задзекованє на одборнїцки мандат, а место нєй вибрана Биляна Пайчич, мастер економиста зоз Кули, зоз истей виберанковей лїстини, хтора потим и пришагала. После того, розпатрени предклад Одлуки о вименкох и дополнєньох Статуту општини Кула, хтори обгрунтовал секретар општини Кула Милорад Вуксан, а потим зоз векшину гласох одборнїкох Одлука и принєшена. Одборнїки розпатрали и предкладаня, а после розправи, зоз гласами векшини, принєсли Одлуку о безповратним софинансованю активносцох на инвестицийним отримованю и унапредзованю власнїцтвох будинкох, поступку додзельованя средствох, проценту учасцох и условийох под хторима општина Кула участвує у финансованю активносцох отримованя. Розпатрени и предклад Одлуки о приступаню виробку Плану розвою општини Кула за период 2022–2028. рок. Зоз векшину гласох одборнїкох принєшена спомнута Одлука, а потим глас векшини принєсол и Одлуку о одредзованю компетентного орґану за запровадзованє поступку даваня под аренду польопривредней жеми у державней власносци на териториї општини Кула. Одборнїки принєсли и Одлуку о одцудзеню будовательнєй жеми зоз явней власносци општини Кула заинтересованим гражданом, зоз хторима контракти будзе подписовац предсидатель општини Кула.

На схадзки локалного парламенту, принєшени и шлїдуюци Одлуки – Одлука о зменшаню вредносци нєрухомосци у явней власносци општини Кула, Одлука о порушованю поступкох за одцудзенє нєрухомосци зоз явней власносци општини Кула и розписованю явней оглашки за одцудзенє нєрухомосци зоз явней власносци општини Кула. Пред одборнїками ше нашол и предклад Одлуки о прилапйованю рочного ликвидацийного звиту Явного подприємства Завод за вибудов Кула, а одлуки принєшени без розправяня, з гласами векшини присутних одборнїкох. Одборнїки тиж розпатрали и прилапели звити о роботох установох хторим снователь општина Кула за 2020. рок – Народней библиотеки Кула и Центра за социялну роботу општини Кула. На концу схадзки принєшена одлука же би ше Драґану Дуркович меновало за окончователя длужносци директора Народней библиотеки Кула, понеже потерашня директорка Снежана Таталович сполнєла условиє за одход до пензиї. Ан. М.

У КОМУНАЛНИМ ПОДПРИЄМСТВЕ „ЧИСТОТА” У ЖАБЛЮ

ГРАЖДАНЄ МОЖУ ПОБЕШЕДОВАЦ О ПРОБЛЕМОХ

Жителє у општини Жабель уж даскельо мешаци маю нагоду побешедовац зоз предсидательом Општини Жабель Урошом Радановичом, о тим цо им важне, о проблемох и нєясносцох. Однєдавна, каждей стреди мож побешедовац и зоз директорами Явних комуналних подприємствох „Чистота” и „Водовод општини Жабель” у Жаблю, у просторийох тих подприємствох. Розгварку зоз предсидательом Радановичом мож заказац каждей стреди од 12 по 16 годзин на число телефона 021/210-22-88. Приєм гражданох у истим периодзе у будинку локалней самуправи, а окрем предсидателя присутни и його сотруднїк заняти у општинскей самоуправи котри

Директор Злоколица у розгварки зоз жителями

6 РУСКЕ СЛОВО

годзен помогнуц при ришованю проблемох, або пояшнїц гоч цо кед же питаня вязани за даєден ресор локалней самоуправи. На тот способ гражданє можу и суґеровац або дацо предкладац, а окреме кед мож злєпшац квалитет живота гражданох општини. Розгварку зоз директором ЯКП „Чистота” Радомиром Злоколицом мож заказац каждей стреди у периодзе од 9 по 10 годзин на число телефона 021/832-246. Потераз ше директорови Злоколицови найчастейше явяли гражданє з питанями цо потребне же би им ше зменшал рахунок за виношенє шмеца, явяли же у одредзених часцох валала нє роби явне ошвиценє, сцели знац як мож удомиц пси, односно як их сколнїц зоз улїцох. Розгварку зоз директором ЯКП „Водовод општини Жабель” Радованом Плачкичом мож заказац тиж каждей стреди од 8 по 10 годзин на число телефона 021/832-145. Таки файти отворених и директних розгваркох зоз предсидательом и директорами значни, понеже гражданє општини конєчно маю нагоду опитац ше и бешедовац зоз особами котри одлучую о велїм цо граданом на першим месце, окреме кед слово о квалитету живота у спомнутей општини. Людзох интересує и квалитет води зоз општинского водоводу, сцу знац як ше ришую дзиви депониї и чом подли драги... На шицки питаня конєчно годни достац одвит. С. С. 28. МАЙ 2021.

mesta@ruskeslovo.com

ЗОЗ СХАДЗКИ УО РУСКЕЙ МАТКИ

МЕНОВАНИ ЧЛЕНИ ФАХОВИХ ОДБОРОХ

На схадзки Управного одбору Рускей матки и РО Глашнїка Рускей матки Руснак зоз представителями одборох за фахову роботу РМ, 22. мая у Руским Керестуре, меновани члени трох фахових одборох и прилапени плани їх роботи. То Одбор за културу, за информованє и видавательну дїялносц, и Одбор за науку, док одбор за образованє и Одбор за медзисобне сотруднїцтво членских орґанизацийох шветового конґресу РРЛ и розвой турузма, пре одредзени почежкосци достали термин по 10. юний же би ше розришело проблеми. Предшедуюци одбору за културу Деян Загорянски придал УО план роботи Одбору за тот рок, дзе учишлєни стаємни активносци хтори РМ орґанизує: Стретнуца поетох, Подобовo колониї, и друге котрe условене и зоз епидемийну и финансийну ситуацию у месних и реґионалних одборох. За членох тей комисиї предложени и меновани Саня

УПЛАЦЕНИ ПЕНЄЖ ЗА КНЇЖКУ На схадзки УО Рускей матки хтору предводзел предсидатель Дюра Папуґа, потвердзена информация же Город Нови Сад уплацел на рахунок Матки средства за друкованє кнїжки Мала история Русинох у суми 273 750 динари, так як городоначалнїк и обецал под час нащиви представительох Матки його кабинету. Роботи на пририхтованю того прекладу и кнїжки у закончуюцей фази.

Тиркайло зоз Шиду, Олена Папуґа з Руского Керестура, Владо Няради з Вербасу и Славко Пап з Руского Керестура. До Одбору за информованє и видавательну дїялносц його предсидателька Мария Ковач Дорошки предложела, а УО и прилапел, Михайла Катону з Руского Керестура, Олю Хома и Владимира Гаргая з Нового Саду и Златка Колєсара зоз Коцура. До Одбору за науку за членох прилапени др Карло Бал, др Михаил Дронов, проф. др Михаил Капраль, проф. др Ярослав Катона, мр Гелена Медєши, проф. др Дюра Орос, проф. др Владимир Пушкаш, проф. др Далибор Соколович и проф. др о. Борис Холошняй, хторих предложел предсидатель того одбору проф. др Михайло Фейса.

До фахового Одбору за медзисобне сотруднїцтво членских орґанизацийох шветового конґресу РРЛ и розвой турузма, його предсидатель Стеван Самочета зоз Коцура за членох предложел Меланию Мали з Коцура, Тамару Салаґ и Оливеру Пап з Дюрдьова, Лидию Костелник з Руского Керестура, Валентину Чизмар з Вербасу, Милана Ґнипa и Ивана Лїкара з Нового Саду, и Аниту Ґовля зоз Шиду. Понеже ище потребне приложиц и програму роботи того одбору, УО РМ на шлїдуюцей схадзки потвердзи и членох того одбору. Так будзе и за членох одбору за образованє, до котрого членох ма предложиц и придац план роботи Любица Няради зоз Руского Керестура. У информациї о проєктох з котрима РМ конкуровала до двох покраїнских секретариятох, на схадзки УО визначене же прилапени три од шейсц послатих проєктох. Перши то одход на Шветови конґрес у септембру у Кринїци, потим за порядну дїялносц РМ и за Подобову колонию Еуфемия Гарди 2021. Прешол и проєкт РМ за порядну дїялносц у Националним совиту рускей националней заєднїци, а остал без потримовки проєкт єй Глашнїка Руснак, за цо ше будзе глєдац нови можлївосци як обезпечиц средства за його друкованє, найскорей вєдно зоз Форумом младих РМ. М. А.

ПРЕДСТАВНЇКИ КАРИТАСУ З ИТАЛИЇ НАЩИВЕЛИ ШИД

ПОТРИМОВКА ПРОЄКТОМ НА ТЕРЕНУ

Представнїки Каритасу з Италиї, Паоло Валенте, директор Каритасу Болцано и Фабио Молон, координатор спомнутого Каритасу за иножемство, пондзелок були у роботней нащиви Шиду. У провадзеню Петра Дуїча, координатора Каритасу за Срим, вони перше нащивели прилапююци центри за миґрантох у Адашевцох и на Принциповцу. Єден

28. МАЙ 2021.

зоз проєктох Каритасу од самого початку миґрантскей кризи, то робота зоз миґрантами. У Лєтней владическей резиденциї привитал их о. Михайло Режак, парох у Шидзе и декан сримски, и кратко им представел историю Руснацох и грекокатолїцку церкву, а у розгварки участвовали и Евґения Данчо и Дубравка Мохнацки зоз Служби хижного допатраня Каритасу у Шидзе. У пополадньових годзинох госци нащивели и дзепоєдних хасновательох о хторих ше стара праве Служба хижного допатраня. Як нам гварел Петар Дуїч, госци з Италиї внєдзелю нащивели тиж єден з проєктох, а то Дом за старих хтори пред даскельома роками отворени у Марадику. Вовторок плановани за нащиву Ґолубинцом и Старей Пазови, як и стретнуце зоз римокатолїцким владиком Дюром Ґашпаровичом у Петроварадину. Вл. Дї.

РУСКЕ СЛОВО

НАШО МЕСТА ОЗНАЧЕНИ ДЗЕНЬ МЕСНЕЙ ЗАЄДНЇЦИ ШИД

ПРИПОЗНАНЄ УРУЧЕНЕ ЗА ДРУҐИ „ҐРАНИЧАР”

Всоботу, на швето Преношеня мощох Святого оца Миколая, Месна заєднїца Шид означела свой Дзень зоз шветочносцу у просторийох МЗ. Священїки Сербскей православней церкви пошвецели славски колач, а кума тогорочней слави була Зорица Ґраховац, директорка Туристичней орґанизациї Шид. На шветочносци були Тихомир Стаменкович, предсидатель СО Шид, Дьордє Томич, заменїк предсидателя општини, Ромко Папуґа, секретар СО Шид, члени Општинскей ради, народни посланїки и други. Свящнїк протоєрей о. Дьордє Марич гварел же Святи Миколай защитнїк жительох Шиду и шицким повинчовал швето. Милан Ґербер, предсидатель Совиту МЗ визначел же прешли рок бул чежки пре пандемию вируса корона, алє же ше и попри почежкосцох Шид розвивал. Додзелєне и „Святоникольске припознанє”, найвисше припознанє хторе додзелює МЗ поєдинцом, здруженьом и колективом хтори дали окремне доприношенє за розвой городу. Того року Совит МЗ одлучел же би припознанє достала Землєдїлска задруґа „Ґраничар” зоз Шиду, а обгрунтованє за награду пречитала Саня Степанчевич, заменїца предсидателя Совиту МЗ, у хторим наглашела же Задруґа иснує од 1990. року и же часто помага церкви, школом, здруженьом, спортским орґанизацийом, а свою гуманосц указала и под час пандемиї вируса коро-

на, кед локалней самоуправи донирала 500 000 динари. Предсидатель Совиту МЗ Милан Ґербер придал припознанє и репродукцию малюнка Сави Шумановича директориви задруґи Янкови Николичови. Означованє швета предлужене у церкви Преношеня мощох Святого оца Миколая зоз шветочну литурґию, после хторей, уж по традициї, процесия прешла през централни улїци городу. На концу у церковней порти СКУД „Святи Сава” отримани кратши концерт. Вл. Дї.

РОБОТНЇ У ШКОЛИ „ПЕТРО КУЗМЯК” У РУСКИМ КЕРЕСТУРЕ

О ДАВАНЮ КРЕВИ У штреднєй школи „Петро Кузмяк” у Руским Керестуре, 19. мая отримана мотивацийна роботня о добродзечним даваню креви хтору отримала представителька Червеного крижа зоз Кули. Роботня отримана школяром трецей и штвартей класи обидвох напрямох, т. є. и ґимназиялцом и школяром туристичного напряму, же би ше их мотивовало на тот гумани чин. Мотив роботнї бул „Даванє креви нє болї, дай дакому нагоду любиц”. У мено Школи, домашня на роботнї була педаґоґиня Любица Няради, витирвала активистка у тей гуманей активносци Школи, хтора ше у сотруднїцтве зоз Червеним крижом запровадзує уж вецей роки. Каждого року, одредзене число школярох-матурантох участвує у тих активносцох.

8 РУСКЕ СЛОВО

О ЕЛЕМЕНТАРНИХ НЄПОГОДОХ У рамикох вецейрочного проєкту Каритасу Сербиї под назву „Зменшованє ризику од елементарних нєпогодох”, 20. мая отримани роботнї за школярох од першей по штварту класу у Основней школи „Петро Кузмяк” у Руским Керестуре, хтори водзела координаторка Каритасу Нови Сад, Анита Ґовля. Отримани вкупно пейц роботнї за школярох од першей по седму класу. Школяре мали нагоду научиц цо то животни штредок, як го зачувац, хтори то природни нєщесца/елементарни нєпогоди, а тиж и на яки способ ше справовац и цо робиц кед ше случи природне нєщесце. Тема була интересантна шицким школяром и активно участвовали у роботньох, дзелєли свойо искуства и роздумованя. Тиж, школяре буду участвовац на литературно-подобовим конкурсу, а найлєпши роботи буду и наградзени. Конкурс будзе тирвац по конєц идуцого тижня, кед будзе и додзельованє наградох. М. А. 28. МАЙ 2021.

mesta@ruskeslovo.com

У ШИДЗЕ ОЗНАЧЕНИ НАЦИОНАЛНИ ДЗЕНЬ ДОБРОДЗЕЧНИХ ДАВАТЕЛЬОХ КРЕВИ

ПАПУҐОВО БРАЦА – ВЕТЕРАНЄ

Прешлого штвартку у Шидзе означени Национални дзень добродзечних давательох креви, а з тей нагоди Тихомир Стаменкович, предсидатель СО Шид приял делеґацию Червеного крижа Шид, односно добродзечних давательох креви. Стаменкович, хтори гварел же и сам дава крев, подзековал давательом на гуманосци и поручел же би тоту гуманосц пренєсли на младши ґенерациї. Йована Вуксан, секретарка Червеного крижа, гварела же ше рочнє на подручу општини орґанизує коло 20 акциї даваня креви и же отримованє акцийох нє зопарла анї пандемия вируса корона. За мешац ше просеково обезпечи коло 100 єдинки креви, а коло штири одсто жительох шидскей општини давателє креви. Медзи ветеранами и браца Ириней и Ромко Папуґа зоз Шиду. Ромко, хтори як секретар СО Шид и по службеней длужносци бул на приєму, гварел же вон крев почал давац ище на 18 роки, та потераз дал 110 раз. Порив за даванє креви вшелїяк гуманосц и ратованє

животох и додал же му чежко кед дакеди пре одредзени здравствени причини нє може тото зробиц. Його брат Ириней Папуґа, потераз крев дал 117 раз, а почал давац тиж на 18 роки. Вон гварел же слово о гуманосци и же прето же дава крев и нє обчекує даяки хасен, алє здогаднул же давателє креви дакеди мали и одредзени олєгчаня. Ище кед сом бул студент, та паметам же давателє креви мали одредзени олєгчаня кед требало набавиц окуляри або даяки други помоцни средства, достац уходнїци за базен або даяки културни манифестациї. Можебуц би о тим ознова требало роздумац – гварел Ириней Папуґа. На приєму були и наймладши давателє креви. Владимир Тарлач ма 19 роки и крев дал штири раз, а Николина Башич ма 18 роки и уж два раз тото зробела. Обидвойо су и волонтере Червеного крижа и гварели же и далєй буду порядни давателє. Вл. Дї.

ДОМ ЗДРАВЯ КУЛА

СЦИГЛА МЕДИЦИНСКА ОПРЕМА И РТҐ АПАРАТ Дом здравя у Кули прешлого штвартку достал медицинску опрему – аналоґни РТҐ апарат зоз ношачом циви на жеми, додатну опрему и ЦР систему вредносци 8 милиони динари. З тей нагоди спомнути Дом здравя обишла и помоцнїца Покраїнского секретара за здравство др Снежана Боянич. Директор Дома здравя у Кули, др Жарко Шевин, на тот завод за општински медиї виявел же пациєнти тераз достаню квалитетнєйшу услугу, так же и пациєнти и заняти буду примац меншу дозу зарйованя. Радиолоґийна слика ше будзе доставац у диґиталней форми, цо значи же нє потребни РТҐ филми, и на тот способ ше ушпорує средства за санитетски материял. Добре и тото же диґиталну слику годно нарезац на

диск и електронски послац вибраному лїкарови, як цо то случай при мамоґрафиї, дзе ше знїмки можу директно послац Институту у Сремскей Каменїци. Шевин додал же стари РТҐ апарат мал вецей як 35 роки и бул зоз ослабену катодну циву, док зоз новим РТҐ апаратом радиолоґийна дияґностика ДЗ Кула достала комплетну нову медицинску опрему. И предсидатель општини Кула Дамян Милянич на тот завод визначел же зоз Покраїнским секретариятом за здравство предлужене барз добре сотруднїцтво. Ан. М.

НА ДОЧАСОВИМ ПУНКТУ У РУСКИМ КЕРЕСТУРЕ

ВАКЦИНОВАЛИ ШЕ СКОРО 200 ОСОБИ

У здравственей амбуланти у Руским Керестуре всоботу, 22. мая, скоро 200 жителє прияли першу дозу вакцини китайскиго продукователя Синофарм. Вакциновали ше тоти котри прешлого тижня приявени до Месней заєднїци, а од 200 особох, лєм даскельо

28. МАЙ 2021.

нє могли прияц вакцину пре одредзени здравствени причини. И тото друге по шоре вакцинованє зоз першу дозу вакцини, на дочасовим пункту у керестурскей амбуланти, орґанизовал Дом здравя Кула, а з потримовку Месней заєднїци и волонтерох, котри ше постарали обезпечиц превоз особом котри чежше рухоми. Иншак, як ище на початку прешлого тижня сообщене зоз Явного Заводу за здравє у Зомборе, епидемийна ситуация на териториї цалого заходнобачкого округу вельо лєпша, понеже вельо менше число и тестираних и позитивних на вирус. По остатнїх нєурядових податкох зоз ковид амбуланти у Кули, у прешлим тижню ше тестирали 153 особи, позитивни були 7, а медзи нїма анї єдна з Керестура. М. А.

РУСКЕ СЛОВО

ЕКОНОМИЯ ВЛАДО, ДАДО ФЕКЕТЕ, ПРОДУКОВАТЕЛЬ ОВОЦИ ЗОЗ КОЦУРА

СЛАДКИ ПЛОД – СЛАДКЕ И ЗАДОВОЛЬСТВО Пише: Оля РУСКОВСКИ

Основна характеристика овоцох зоз нашого поднєбя, котре характеризує умерена клима и квалитетна жем, то праве високи процент цукру котри им дава винїмкову сладосц и окреме добри смак. Праве таки, смачни и сладки шицки плоди у овоцнїку котри роками з увагу допатра Коцурец Дадо Фекете

а поверхносци од два и пол гольти, у коцурским хотаре, пресцера ше Фекетов овоцнїк. Два тисячи древка вецей файтох овоци пишно стоя, а по словох нашого собешеднїка, у овоцнїку найвецей єст яблука, кайси, грушки и шлївки.

Алиса, Дадо и Лейла Фекете

– Штернац роки ше занїмам зоз тоту роботу. Мож повесц же сом нєплановано вошол до роботи з овоцами. Пред 20 роками, перши сушед коло нас у хотаре на свою жем по садзел овоцово древка. Пар роки их вон допатрал, ховал, алє нажаль, нєодлуга умар, и теди моїм родичом понукли чи би нє сцели купиц овоцнїк, понеже бул обок коло нашей жеми. У поради з моїм братом и зо мну, родичи 2007. року купели овоцнїк, алє роботу препущели нам. И так шицко почало – започина приповедку наш Коцурец. ПОЧАТКИ У ОВОЦАРСТВЕ Браца Фекетово, понеже нє знали вельо о овоцарстве, пошли на Польопривредни факултет до Нового Саду ґу професорови Зоранови Ке серовичови

10 РУСКЕ СЛОВО

ше порадзиц, же би им дал напрямки у вязи роботи. Вон их унапрямел на тедишнього директора Карнексових овоцнїкох, Милана Баїча. – Шлїдуюци два роки Баїч отримовал наш овоцнїк, ходзел поряднє, указовал нам и учел нас цо и як маме робиц. Медзитим, пошвидко ше чежко похорел, а и брат одустал, та я ришел шицку роботу превжац на себе. Применьовал сом знаня котри сом здобул за тот час, покус читал, бешедовал з людзми, черал упечатки и искуства, и шицко то якошик помали рушело – толкує Дадо. Рок 2009, здогадує ше вон, бул окреме чежки за овоцарство у Коцуре. Велї овоцаре того року прецерпели вельки утрати пре масовни напад мохоткавих бубох. – Теди велї людзе 2009. у коцурским хотаре садзели олєйову цвиклочку. Мохоткави буби ше намножели и у овоцнїкох направели прави „масакр”. Барз их вельо було, же ше аж анї квитки на древкох нє отверали. Ми теди, зоз седем прикочох плодох кельо зродзело пред роком, того чежкого року спадли на пол прикочу. МОХОТКАВА БУБА ВЕЛЬКИ ПРОБЛЕМ По Дадових словох, мохоткава буба часто зна правиц проблеми у овоцнїку, и може направиц вельки чкоди. На ню вплївує хвиля, и кед цепло, єй то пасує и теди ше розмножує. Мрази и жимнєйши днї єй нє барз пасую. – Мохоткава буба уходзи пейц центиметери под жем, випатра як кромпльова златица, лєм є чарна и кус ма шерсци на себе, прекриту зоз глїну. Кед вона роби, теди квитню яблука и шлївки, алє теди робя и пчоли. 28. МАЙ 2021.

ekonomija@ruskeslovo.com

Кажди препарат инсектицид забиє мохоткаву бубу, алє забиє и пчолу. Єст єден изреалски препарат котри пчоли лєм дакус омамунї, а буби забиє. Цена того препарату пейц тисячи динари по литри, а проблем же кед ше з нїм попирска, о 20 минути придзе друга буба, и вон на ню уж нє дїйствує, потребне ознова третировац. Кед вельки налєт мохоткавих бубох, вец мушиш бегац кажди час, пирскац, а шицко то, окрем часу, вимага и пенєжни средства – толкує наш собешеднїк. Зачувац ше од мохоткавих бубох мож и на други способ, гвари Дадо, так же ше поквача били погарики на древка и на ограду, до котрих ше усипе води, положи фалаток Неґро бомбони, и вец мохоткави буби войду до погарика и задавя ше. – Ми каждого року у априлу на ограду кладземе тисяч били погарики, з дротом поквачиме, понеже мохоткави буби углавним з боку лєца и иду на билу фарбу. Таке мойо искуство, и так ше я борим з нїма. Того року их, на щесце, нє було тельо вельо прето же було мразу, алє гоч ше жимни ноци ту и здали, индзей направели чкоди – щири Дадо. Прешлого року, як гвари, мал проблем и з яблуками, бо у маю, юнию було каменцу – нє вельо, алє досц же би очкодовал плоди. Нє одпадли, алє нє могло их предавац по порядней цени, бо мали храсти, шпляхи, та пошли на палєнку. Того року Дадо обчекує добри род яблукох, а кед случайно будзе ознова каменцу, гвари, ознова пойду на палєнку. ОБЧЕКУЄ ДОБРИ РОД – Плоди уж формовани, та спрам того цо видно, того року би требало буц досц яблука, алє и грушки, и шлївки. Наздавам ше доброму роду, бо яблука тей сезони винїмково добре квитли, окреме Червени делишес. Попри тей сорти, у овоцнїку од яблукох заступени и Айдаред, Златни делишес и Ґрени смит, од грушкох Бутира, Санта Мария и Вилямовка, а од шлївкох Стенлейка. Прешлого року, гвари Фекете, найглєданши були Червени и Златни делишес и Айдаред, а Ґрени смит углавним глєдаю людзе котри маю цукрову хороту и нє шму єсц сладке. Нови, сучасни увозни сорти яки мож видзиц по маркетох, припознава, анї го нє интересую, а анї их людзе нє глєдаю. Кед слово о хвилї, гвари Дадо, наздава ше же тота нєстабилна ситуация пошвидко прейдзе и же годно запровадзовац порядне пирсканє, бо з таку хвилю шицко позарядове. Шицко поремецене, толкує, и пре таку хвилю треба и вецей пирскац. – Вше ше знал даяки рядошлїд, а тераз го нєт. Хвилї ше часто зменюю, скоро каждого тижня треба пирскац. Нє знаю древка цо их знашло пре таку пременку клими. Я наисце нє пирскам вельо, гоч препоруки 800 литри препаратох по гектаре, та спрам того бим требал пирскац зоз 1 200 литри, а я пирскам минимално, зоз 400 литри. Можем ше и з тим похвалїц, а людзе то видзели и препознали квалитет. ШИЦКУ ОВОЦ ПОПРЕДА З предаваньом и пласманом роби Дадо нє ма проблеми, нє дава анї до хладзальнї, анї за вивоз, алє шицко попреда у валалє и по околних местох. 28. МАЙ 2021.

– У Коцуре овоц предавам у дутянох и на пияцу, а ходзим и на пияци до Савиного Села и до Руского Керестура. Тиж, предавам овоц и за палєнку. Питаю людзе, задовольни сом зоз поглєдованьом, а нєт анї векши проблеми и варияциї зоз цену. Остатнї пар роки и яблука маю добру цену, та можем повесц же сом задовольни. Кед придзе час за оберанє, Дадо анґажує роботнїкох. Ма таку праксу же ше у його овоцнїку обера лєм пополадню по пар годзини, та наднїчаре можу закончиц и свойо други обовязки, а и одпочинуц скорей як приду до ньго.

ИЩЕ ЄДЕН ПОДЛИ РОК ЗА КАЙСИ Нєвигодна хвиля нє так страшно вплївовала на другу овоц, алє кайси цалком препадли, гвари наш Коцурец. Кед ше кайси формовали зявел ше мраз, а по його словох, у тей остатнєй габи кед температура спадла на -3 ступнї, то их знїщело. – Намагал сом ше зачувац кайси, топел сом, алє того року требало вельо ноци топиц, а нє мал сом анї тельо огриви порихтане, а анї тельо моци. Так же, кайси нє будзе, праве остало лєм тельо за покоштовац. Прешлого року сом з кайсу добре прешол, требало лєм єдну ноц топиц, та сом єдини у околїску мал кайси – бешедує далєй. Гоч кайси були дробни, кед приходзел з овоцнїку, гвари, людзе го уж чекали, та ше добре попредало. Гевти плоди котри нє були за предай, Дадо охабел за палєнку. – Мам свой казань и палєнчарню, та печем палєнку и з шлївки, и з грушки, а прешлого року сом пекол и з кайси. Мал сом 8 казанї по 200 литри, та гоч прешли рок бул чежки за кайсу, я одлично прешол, можем ше похвалїц – з ошмихом приповеда Дадо.

– Нє мам проблем найсц роботнїкох за оберанє. Система роботи така же дас годзину обераме, вец кратка павза, и так покля нє наобераме єден прикоч, то досц за тот дзень. Направиме приємну атмосферу за роботу, а вец и шицко идзе лєгчейше. У овоцнїку ми помагаю и мойо дзивчата Алиса и Лейла, и гоч пре школу нє можу вше буц ту, наисце су ми велька помоц, а и пиха – з ошмихом приповеда Дадо. Пред пейцома роками вон преширел овоцнїк и посадзел нови древка, а сцигнє и услужно пирскац и отримовац и велї други овоцнїки у валалє. И гоч углавним шицко зна, як гвари, вше ше дацо нове случи и дацо нове научи. – Вшелїяки ше ситуациї прейдзе през роки. Нє мож направиц стандард роботи, окреме остатнїх рокох. Шицко ше меня, нєт правила... Кажда сезона за себе, кажди рок за себе. Алє, важне же робота идзе, овоци обставаю, та гоч ше трафи и нєзґодни рок, робиме и далєй и вше ше наздаваме же уж шлїдуюцей сезони будзе лєпше – визначел на концу овоцар зоз Коцура Дадо Фекете. ■

РУСКЕ СЛОВО 11

ЕКОНОМИЯ ВИВОЗ НАШИХ ПОЛЬОПРИВРЕДНИХ ПРОДУКТОХ

ВЕЦЕЙ ОВОЦИ И ЖЕЛЄНЯВИ НА ЕВРОПСКИМ И РУСИЙСКИМ ПИЯЦУ Окрем шицких почежкосцох у прешлим року хтори бул у знаку пандемиї Ковид-19, зоз нашей жеми, углавним до державох Европскей униї и Русийскей Федерациї, вивежене вецей файти житаркох и овоци. Таки тренд мал вецей позитивни ефекти. Як сообщене у Привредней комори Сербиї, вивоз польопривредних продуктох у одношеню на потерашнї податки призначел пороснуце од шейсц одсто

а таки позитивни економски ефект найвецей заслуги маю цени польопривредних продуктох, хтори прешлого року були векши. Насампредз ше добре заробело на предаваню малинох, 259 милиони евра. На тарґовищу було вельке поглєдованє, а цена була добра. З другого боку, як наглашую у ПКС, прешлого року у Сербиї було випродуковане 1,6 тони овоци, од хторих на други тарґовища вивежене 503 тисячи тони. Вредносц того вивеженого контиґента коло 644 милиони евра и представя пороснуце за коло 19 одсто. ЕКОЛОҐИЙНО ЗДРАВА ПОЖИВА МА ПРЕДНОСЦ Главне тарґовище за малини була Нємецка дзе ше рочнє вивеже коло 37 одсто продукциї тей овоци. Потим шлїдза: Французка – 17 одсто, Белґия – 7 одсто. До Велькей Британиї, Голандиї и других державох Европскей униї вивежене од 5 до 7 одсто. Важне надпомнуц же малина нашла драгу на тарґовища ЗАД, Австралиї и Русиї.

У предходним периодзе и у млїнско-пекараскей индустриї, визначує ше у сообщеню ПКС, витворене добре, стабилне, дїлованє насампредз дзекуюци добрей сировинскей нази. Односно, нє призначени нєдостаток жита и муки. Тиж так и у тей обласци витворене пороснуце вивозу за 11 одсто. У абсолутних числох то – вивежене 1 300 тони печива, а источашнє зменшани увоз за 6 одсто. Кед слово о увоженю, Сербия прешлого року найвецей купела цитрусней овоци, односно култури, продукти, хтори у нас нєт. ПОТРИМОВКА КОМПАНИЙОМ Привредна комора Сербиї и Министерство привреди и польопривреди, вєдно зоз Розвойну аґенцию Сербиї вельо роби на потримовки продуковательом и тарґовцом хтори ше намагаю дойсц на други, странски, тарґовища.

Прилапйованє и применьованє технолоґиї продукованя еколоґийно здравей поживи з векшей мири уплївовало на звекшанє поглєдованя за овоцу хтору ше пестує на тих просторох. Прешлого року на других тарґовищох и пияцох ше предавало и нашо яблука. Прешлого року од вивозу яблука заробене 110 милиони евра. Найвекше количество предате Русийскей Федерациї – 78 одсто. Як надпомнуте, у ПКС Сербия найвекши вивожнїк яблукох до тей держави. Кед слово о других ягодаркох, чернїци зме предали у вредносци од 41 милиони евра, вишнї – 40 милиони евра. Лєм змарзнути вишнї на тарґовищу Европскей униї и Русийскей Федерациї предате у вредносци од 32 милиони евра. Шлївки зме вивезли у вредноsци од 21 милион евра, аж 86 одсто од вивеженого количества були швижи, а 13 одсто сухи. На исти тарґовища зме вивезли брескинї, ягоди и черешнї. A кед слово о желєняви, прешли рок бул дакус горши. Вредносц вивозу була коло 110 милиони евра. На тарґовище ше пласує углавним замарзнуту, як и сушену желєняву, а найвецей парадичи, паприґи, огурки, пасулю, цеснок.

12 РУСКЕ СЛОВО

Помоц тих институцийох мож спатриц през потримовку компанийом же би виложели свойо продукти на сайми у иножемстве. Тиж так и оможлївйованє билатералних схадзкох и повязованє зоз потенциялнима купцами. Часто ше приводзи купцох до Сербиї, а тиж так ше дава и информациї о адекватних и оптималних тендерох, як и совити же як мож ступиц до контакту з потенциялнима купцами. Вельку помоц шицким дава и ПКС у Нємецкей, Словениї, Москви, Емиратох, Албаниї, Бриселу, Бечу, Софиї, Италиї, Французкей, дзе ма свойо представительства, за ефикаснєйше повязованє компанийох зоз купцами. Вєдно зоз Владу Републики Сербиї, ПКС ше пририхтує за наступ на медзинародним сайме поживовей индустриї „Дубаи Експо” хтори будзе отримани од 1. октобра того року по 31. марец идуцого року (саям тирва шейсц мешаци). На сайме Република Сербия будзе мац свой павильон и уж дати предклад компанийох хтори би могли виложиц свойо продукти – Фабрика дзецинскей поживи, Нектар, Яфа, Юмис, Атлантик Ґруп, дестилериї Зарич, Крстич и други. ■ Пририхтал А. П. 28. МАЙ 2021.

ekonomija@ruskeslovo.com

ПРЕСАДЗОВАНЄ ПАПРИҐИ У РУСКИМ КЕРЕСТУРЕ

РОБОТА ПОЖНЇ ПРЕ ХВИЛЮ Пресадзованє паприґи у Руским Керестуре, пре нїзши температури у априлу, того року почало кус познєйше як звичайно. Дзепоєдни паприґаре пресадзовац почали коло Кирбаю, алє векшина чекала вигоднєйши условия, та аж тих дньох пресадзованє у полним розмаху

оверхносци под паприґу звекшую ше каждого року, нє лєм у Керестуре, алє и у околних местох як – Коцур, Лалить, Кула, Червинка, Савине Село ..., а векшини тих продуковательох центер за набавку репроматериялу и за одкуп праве Керестур. После пресадзованя обовязка паприґарох будзе очувац рошлїну од хоротох и чкодлївцох, прикармиц ю за укореньованє, же би рошлїна змоцнєла, а после вельких дижджох ушлїдзел и бакар процив пламенячи.

ФОЛИЯ ПРЕБЕРА ПРИМАТ Векшина продуковательох у Керестуре, паприґу садзи под фолию, а тих хтори ше опредзелюю за директне шаце до жеми, єст барз мало. – У Ґосподїнцох, поведзме, векшина продуковательох директно шеє паприґу, а тиж ю и нє сортираю, нє пребераю ю. На вельки поверхносци им приходзи шлепер на польо, и обераю шицко шором. Ми ту вельо часу и пенєжи страциме, понеже робиме дзекеди и два раз исту роботу. На концу, кед ше порахує кельо ше страци часу, и кельо пенєжи ше да за наднїци, за пребераня, а часто друга класа анї нє ма таку подлу цену, питанє цо мудрейше – гвари Душица Орос, предсидателька Здруженя паприґарох. Кере стурец Желько Сабо, вецейрочни продукователь паприґи, того року ше по першираз опред зелєл паприґу посадзиц и на фолию и зоз директним шацом, и обчекує же на тот способ, за продукцию буду менши трошки. – Того року зме ше опредзелєли 2,5 гольта паприґи положиц под фолию, а гольт и пол зоз директним

28. МАЙ 2021.

шацом. Хтора вариянта будзе лєпша, ище вше нє знаме, понеже того року зме ше першираз опредзелєли за таке садзенє. Но, даяка предносц би була у тим же ше пресаду нє муши окреме випестовац, нє потребни пластенїки, а нє треба анї роботнїкох за пресадзованє, гоч вони и так нє даяки трошок, прето же векши трошок то оберанє – гвари Желько и додава же так посадзена паприґа познєйше и доходзи, а як будзе з обераньом, ище ше нє зна. Вон гвари же и їх, як и других, того року слабша и помалши рошнє, алє вери же зоз добру прикарму и допатраньом паприґа будзе добра.

РОБОТНЇКОХ НЄТ, А НАДНЇЦА СОЛИДНА – Робиме зоз роботнїками, и рахуєме же по конєц тижня бизме требали закончиц зоз пресадзованьом. Маме коло 20, 30 роботнїкох, та ше паприґу пресадзи за даскельо днї. Но, окрем паприґи, маме и пол гольта парадичи и пол гольта карфиолу, так же роботи єст – гвари наш собешеднїк, и додава же прешлорочни рок бул штреднї, алє и зоз родом и зоз цену заш лєм бул задовольни. А кед слово о находзеню роботнїкох, окреме за оберанє, паприґаре часто праве же нєт роботнїкох визначовали як єден од векших проблемох. Заш лєм, наш собешеднїк Желько Сабо ше зоз тим нє склада, и твердзи же роботнїкох вше було и будзе, алє за тих цо дзечни пристойно заплациц. Но, з оглядом на тото же цена годзини на наднїци того року висша за 50 динари, та є тераз 300 динари, односно 2 400 дньовнїца за осем годзини, озда и продукователє и наднїчаре у тим найду рахунок. ■ Ан. Медєши

РУСКЕ СЛОВО 13

КУЛТУРА И ПРОСВИТА ПРОМОЦИЯ ПРОЄКТУ „БИЛИНҐВАЛНИ СТЕМ НАУЧНЇЦИˮ У БЕОҐРАДЗЕ

ДВОЯЗИЧНОСЦ БОГАТСТВО, А МОЖЕ БУЦ И ПРЕДНОСЦ Проєкти як цо „Билинґвални СТЕМ научнїциˮ, хтори реализовало Здруженє гражданох „руСТЕМ” зоз Руского Керестура, промовую вредносци як цо родна ровноправносц и мултикултурализем, алє и значенє базичних природних наукох за образовни и привредни розвой дружтва. Прето на представяню у Беоґрадзе оценєне же тот проєкт добри приклад як ше локална заєднїца ноши зоз велькима дружтвенима темами Пише: Анреа МЕДЄШИ

нагоди означованя Шветового дня за културну рижнородносц за диялоґ и розвой, Министерство за людски и меншински права и дружтвени диялоґ, вовторок 25. мая, орґанизовало представянє проєкту „Билинґвални СТЕМ научнїциˮ, а хторе реализовало Здруженє гражданох „руСТЕМ” зоз Руского Керестура. Проєкт презентовани у Палати „Сербияˮ у Беоґрадзе, а потримало го Министерство просвити, науки и технолоґийного розвою Влади Републики Сербиї. Учашнїкох проєкта привитала министерка за людски и меншински права и дружтвени диялоґ Ґордана Чомич, хтора з тей нагоди визначела же орґанизованє такого сходу спо соб же би держава, у хторей жени у науки здобули образованє, указала подзековносц за шицко цо зробели у обласци науки, як и же би подзековала здруженьом гражданох зоз хторима вєдно участвовали у промоциї билинґвалней СТЕМ науки, понеже то значне за шицких хтори приду по сле нїх. Министерка Чомич здогадла же нам по родзеню дата можлївосц витвориц резултати, кед жадаме виглєдовац, пренаходзиц одвити и витвориц ше у тим цо найлєпша часц каждого наукового виглєдованя. Окрем Чомичовей, уводне слово мал и др Ярослав Катона зоз Руского Керестура, спред Технолоґийного факултету у Новим Садзе, хтори пошведочел же у остатнїх трох рокох, иснує значне звекшованє поглєдованя з боку инду-

14 РУСКЕ СЛОВО

стриї за квалификовану роботну моцу, праве зоз обласци природних наукох. Медзитим, як єден зоз проблемох хтори спомнул Катона, тот же на Природно математичним факултету у Новим Садзе, „розсаднїкˮ професорского кадру у тих обласцох, зазначене драматичне опадованє интересованя школярох праве за базични науки. Прето гварел же Здруженє гражданох „руСТЕМ” и проєкт „Билинґвални СТЕМ научнїциˮ, добри приклад як ше локална заєднїца ноши зоз велькима темами як мултикултуралносц, СТЕМ дисциплини и положенє женох у дружтве. Вон похвалєл инициятиву Министерства за людски и меншински права и дружтвени диялоґ же орґанизує таки сход, понеже диялоґи на тоту тему наисце потребни. УНАПРЕДЗЕНЄ КВАЛИТЕТУ ЖИВОТА Директорка керестурскей школи „Петро Кузмяк” мр Наталия Будински, як єдна од ношительох проєкту, перше потолковала основни цилї Здруженя гражданох „руСТЕМˮ чийо члени – мр Наталия Будински, дипломовани биолоґ Тереза Катона, др Ярослав Катона и дипломовани инжинєр електро-технїки Мирослав Новта, а потим и активносци у рамикох проєкта „Билинґвални СТЕМ научнїциˮ. – Здруженє гражданох „руСТЕМ” основане прешлого року, зоз цильом же би трансформовало мали штредки до сучасних заєднїцох, и же би унапрямело креативни потенцияли таких заєднїцох. Здруженє ма циль же би през проєкти нєформалного образованя допринєсло едукациї младих зоз руралних штредкох и чувствительних ґрупох, и же би им дало потримовку у подзвигованю квалитету дружтвеного живота – гварела Будинскова и 28. МАЙ 2021.

kultura@ruskeslovo.com

додала же активносци спомнутого проєкту залапюю промоцию женох у науки зоз Сербиї зоз билинґвалних штредкох, хтори окрем сербского бешедую и даєден други язик националних меншинох, на хторим закончели и штредньошколске образованє. Змист проєкта облапени у брошури хтора ше состої зоз 11 статйох, дзе жени з науки хторим мацерински язик – руски, мадярски, словацки и бошняцки, а хтори представели свойо биоґрафиї, науково референци, алє и свойо становиска о билинґвилизму и положеню женох у науки. Од 11 женох у брошури, аж три Рускинї, бувши ґимназиялки – др Ясна Папуґа з Природно-математичного факултету, Департману за физику, др Сандра Бучко, зоз Катедри за применєни и инженєрски хемиї, на Технолоґийним факултету у Новим Садзе, и др Ивана Будински, зоз Институту за биолоґийни виглєдованя „Синиша Станковичˮ, на Оддзелєню за ґенетични виглєдованя на Универзитету у Беоґрадзе, хтора и присуствовала сходу. Ивана бешедовала о своєй розвойней драги у швеце науки, а хтора почала од „любови” ґу пергачом хторих преучує уз вецей як 16 роки. Ивана бешедовала и о предно сцох билинґвално сци, и о проєктох на хторих хвильково роби, а за „Руске словоˮ подзелєла свойо становиска о положеню женох у науки, як и о тим чи на профе сийним уровню дакеди почувствовала даяку файту дискриминациї. УПАРТОСЦ ШЕ ВИПЛАЦИ – У биолоґиї єст вельо жени, медзитим, кед ше патри на руководзацих положеньох, ище вше процентуално єст вецей хлопох. Мнє ше скорей случело, же сом „виґуралаˮ даяку роботу, а мойо мено або нє було подписане або було подписане познєйше. Алє то нє вше ма вязи зоз

ПОТРИМОВКА На промоциї проєкта „Билинґвални СТЕМ научнїциˮ присутни були и предсидатель Националного совиту Руснацох Борислав Сакач, предсидатель Оштини Кула Дамян Милянич, як и просвитни роботнїки керестурскей школи „Петро Кузмякˮ хтори на тот завод наглашели важносц проєктох хтори промовую науку и образованє, а хтори укажу младим, окреме дзивчатом, же зоз роботу, и зоз здобуваньом квалитетного знаня, драга по успих отворена.

28. МАЙ 2021.

полом, дакеди ма вязи и зоз роками, односно, кед придзеш до ситуациї же даєдних старших колеґох обегнєш зоз знаньом. Мойо мено, поведзме, препознате уж на медзинародним уровню, и вец даєдним старшим колеґом то дакус завадза же други людзе контактую директно мнє, а нє идзе шицко прейґ нїх. Прето ме практично вецей нє можу контроловац. Тиж, нєдавно сом мала ситуацию, дзе сом, после докторованя требала достац науково званє хтори ми шлїдзи, а то званє наукови сотруднїк. Медзитим, понеже сом мала барз вельо назберани поени, и грих бул же би препадли, порушала сом процедуру за прескакованя званя. Тота можлївосц по закону иснує. То прешло и на моїм Институту, и на матичним Одбору, медзитим на остатнїм уровню пришло до „гамованяˮ, пре єдного професора хтори гварел же таке нє дошлєбодзи. Нє знам чи то було прето же сом жена, чи прето же сом Рускиня, чи прето же сом нє зоз даякей „педиґрованейˮ беоґрадскей фамелиї, алє то єдна файта дискриминациї заш лєм була – приповеда Ивана з власного искуства и додава же ше на концу заж лєм виборела за свойо право, понеже мала и основу и закон на своїм боку, а мала и потримовку Науковей ради на своїм Институту. – Кед маш даяки циль, нє треба же би ци було препреченє же ши жена, або же ши другей националносци, вири, треба буц лєм упарти и провдзиц драгу витирвало и помали – поручує др Ивана Будински. На сходу у Палати „Сербияˮ, окрем науковцох зоз Руского Керестура, участвовали и други билинґвални жени з науки, а промоциї проєкту присуствовала и державни секретар Министерства за людски и меншински права и дружтвени диялоґ, Олена Папуґа: – Нєшкайши дзень означели пецеро науковци, Руснаци хтори указую же образованє на язику националней меншини од предшколского воспитаня, през основне и штреднє образованє, та и на факултету, нє препреченє же би ше посцигло високи досцигнуца. Школа у Керестуре, як и други школи хтори од окремного значаю за Автономну Покраїну Войводину, алє и за Републику Сербию, указую же дзеци хтори виходза зоз тих школох нє маю нїяки препреченя познєйше у образованю – гварела Папуґова, а потим по руски повинчовала присутним просвитним роботнїком школи „Петро Кузмякˮ, 25. май, Дзень школи. ■

РУСКЕ СЛОВО 15

КУЛТУРА И ПРОСВИТА ПРЕДСТАВЕНА КЕРЕСТУРСКА ШКОЛА И ҐИМНАЗИЯ У ДЮРДЬОВЕ И КОЦУРЕ

МОЖЛЇВИ ВИБОР ЗА ОСМАКОХ У Основней школи „Йован Йованович Змай” у Дюрдьове, у прешлим тижню, штварток, 21. мая, школяром седмих и осмих класох руских и сербских оддзелєньох представена Штредня школа „Петро Кузмяк” з Руского Керестура и Ґимназия на руским язику. Школу представели єй заняти, директорка Штреднєй школи „Петро Кузмяк” Наталия Будински, єй заменїца Лїляна Фина, педаґоґинї Любица Няради и Марина Дудаш, як и секретарка Националного совиту Руснацох Таня Арва Планчак. Присутним приказана интересантна презентация Школи и Ґимназиї, як випатра нукашньосц и вонкашньосц Школи, а гуторене и о шицких предносцох и околносцох у котрих ше одвива настава, алє и успихох їх школярох, о секцийох, звонка школских активносцох и стипендийох, як можлїви вибор за предлуженє стредньошколского образованя на руским и сербским язику и можлївосцу пребуваня у їх Доме за школярох. – Мило ми же нам ше удало присц представиц нашу школу и до Дюрдьова. Важне нам же би школяре зоз осмих класох чули за нашу школу, алє и младши ґенерациї, же би ю мали на розуме як можебуц вибор за шредньошколске образованє. Нашу школу пре зентуєме на рижни спо соби, алє ше у живим представяню заш лєм найлєпше представи цо ше роби у нєй – гварела директорка котра визначела же ше Школу пре зентує и по дружтвених мрежох и медийох, з окремним акцентом на Инстраґрам, понеже то формат котри млади найвецей провад за. Директорка гварела и же су по рихта ни одви то вац на

шицки нєясно сци, та же их мож контакто вац и на дружтве них мре жох. Ва жна часц пре зента циї була и тота у котрей спред На цио нал но го со виту Та ня Ар ва Планчак по гу то ре ла на яки спо соб На цио нал ни со вит помага тим котри ше пред лужа школо вац на ру ским язику у Ґим на зиї, цо облапя стипендиї и задармо интернат у пер шим ро ку школо ва ня. При концу пре зентациї школяром руских оддзелєньох уру че ни кнїж ки „Би лин гвал не стем науч ни це” котре ви да ло Здруже нє гра жда нох „Ру СТЕМ” зоз Ру ско го Ке ре сту ра, а у котрей пред ста ве ни ус пи шни осо би, да кеди шнї школя ре Ке ре стур скей школи як єден од до ка зох же ше у ке ре стур скей Школи ослу хує потре би шиц ких школя рох, ви ход зи вочи и пома га у ви тво рй о ва ню їх при хи ль но сцох. С. С.

ПРЕЗ ВИДЕО ПРЕЗЕНТАЦИЮ УКАЗАНИ АМБИЄНТ

Штварток, 13. мая, школяром осмих класох представена Основна и стредня школа „Петро Кузмяк” з Руского Керестура и Ґимназия на руским язику, як можлїви вибор за предлуженє стредньошколского образованя на руским и сербским язику. Школяром представени Школа, настава, Интернат и провадзаци активносци. Зоз презентацию на видео-биму школяром указани и випатрунок Школи и школских просторийох, змесценє у Интернату, школска библиотека, физкултурна сала, терховня и други просториї за рижни активносци. Окрем домашнїх, на представяню керестурскей Школи присуствовали о. д. директора Наталия Будински, педаґоґи школи Любица Няради и Марина Дудаш, професорки математики Оливера Винаї и Тат`яна Бучко-Рац котри бешедовали о напрямох хтори Школа понука, як и о проєктох котри ше запровадзує. Школярки керестурскей Школи Силвия Маґоч, Валентина Полдруги и Саня Будински бешедовали о школованю, наставнїкох, живоце у Интернату, алє и

16 РУСКЕ СЛОВО

о рижних активносцох котри интересантни младим. Спред Националного совиту Таня Арва-Планчак пояшнєла школяром на яки способ Национални совит помага тим котри предлужа школованє на руским язику у Ґимназиї, цо облапя стипендиї и безплатни интернат у першим року школованя. По словох директорки Наталиї Будински, коцурским школяром руского, алє и сербских оддзелєньох пришли презентовац першенствено Ґимназию на руским язику, алє и други напрями котри понука керестурска школа – Ґимназию на сербским наставним язику и напрям Туристични технїчар. – З окремну увагу зме пришли до Коцура прето же то школа дзе ше учи руски язик у основней школи, та предпоставяме же би дакому зоз школярох була интересантна и наша Ґимназия. Указали зме на предносци котри наша школа ма, а єст их вельо – маме и Дом школярох, маме квалитетни кадер, константно вельо активносци котри зме ше намагали представиц школяром у презентациї котру зме направели на сучасни способ блїзки школяром, же бизме пробовали комуниковац на їх язику, з тим цо им блїзке и интересантне. Окрем зоз промоциями, дзе ходзиме по околних местох, ми ше представяме и на дружтвених мрежох, окреме на Инстаґраму дзе маме значне число тих котри провадза нашу роботу. Дом за школярох зме осучаснєли, реновирали, та можем повесц же од септембра школярох чека и квалитетне змесценє и квалитетна настава – гварела Будинскова. Директорка домашнєй школи Сенка Мученски подзековала го сцом на представяню кере стурскей Школи и Ґимназиї и визначела же школяре до стали хасновити информациї о можлїво сцох предлужованя стредньошколского образованя. О. Р. 28. МАЙ 2021.

kultura@ruskeslovo.com

ПОЗАРЯДОВА СКУПШТИНА КУД „ЖАТВА”

МЕЛАНИЯ МАЛИ НОВА ПРЕДСИДАТЕЛЬКА После длугшей павзи, прешлого вовторку, 18. мая, преширени Управни одбор КУД „Жатва” отримал схадзку у просторийох Подручней канцелариї у Коцуре. Главни теми бешеди були о анимированю секцийох Дружтва, приношенє одлуки о отримованю традицийней Манифестациї жридловей фолклорней творчосци Руснацох „Коцурска жатва”, як и одредзованє датуму Позарядовей скупштини. Бешедоване о тим же би ше почало з роботу секцийох котри функционую у рамикох Дружтва (фолклорней секциї, женскей шпивацкей ґрупи, театралней секциї, литературно-рецитаторскей секциї, мишаней шпивацкей ґрупи, тамбурового оркестру и Активу женох), а догварене же би ше предлужела традиция сотруднїцтва зоз Михаїлом Римаром, Агнету Тимко-Мудри и Слободаном Вельовичом, понеже, як визначел Шанта, под їх руководством зазначени евидентни успихи. Тиж, дефиновани и датум отримованя манифестациї „Коцурска жатва” и то 6. и 7. авґуст. Понеже було присутне коло трицец членох и симпатизерох коцурского Дружтва, одлучене же би того дня була отримана и Позарядова скупштина КУД „Жатва”. На нєй, потерашнї предсидатель Микола Шанта поднєсол текстуални и финансийни звит о роботи за период у котрим вон бул предсидатель. Вибране нове руководство и петнац члени нового Управного одбору КУД „Жатва”. З того Управного одбору, вибрана и нова предсидателька КУД „Жатва” Мелания Мали и подпредсидателька Весна Раґаї-Цап. Перша схадзка нового руководства була отримана пондзелок, 24. мая, тиж у просторийох Подручней канцелариї у Коцуре. Члени коцурского Дружтва бешедовали о манифестациї „Коцурска жатва”, о концепциї дводньовей програми, а меновани и координаторе секцийох котри, окрем других активносцох, буду и участвовац на манифестациї. По думаню новей предсидательки КУД „Жатва” Меланиї Мали, кед присутна енерґия младих, вец мож и квалитетнєйше робиц. Пре функцию предсидателя є барз щешлїва, алє

и оптимистична по питаню наиходзацих активносцох коцурского Дружтва. – Важне ми було же бим позберала коло себе людзох котру сцу робиц и же бизме шицки задлуженя розподзелєли. Шицки особи котри у Управним одборе винїмково ценїм и почитуєм и знам же ми тоти людзе помогню. Плануєме каждого викенду орґанизовац даяку активносц, же бизме младих заинтересовали за тото цо робиме у Руским доме и же би знали же до тих просторийох вше можу присц и дружиц ше. Цо ше дотика планох Дружтва за надалєй, починаме зоз пририхтованями за манифестацию „Коцурска жатва”, и наздаваме ше же будзе голєм подобна як и предходна котра отримана 2019. року, алє и скорейших рокох. Цали план нового Управного одбору, а и мой особни, то же би „Жатва” була активна нє лєм кед манифестациї, алє и каждого викенду и вше кед то можлїве, же би нашо Дружтво конєчно жило и дихало з полнима плюцами – з ошмихом визначела предсидательки КУД „Жатва” з Коцура Мелания Мали. О. Р.

ДОМ КУЛТУРИ РУСКИ КЕРЕСТУР

„РУЖА” БУДЗЕ ДВА ДНЇ У АВҐУСТУ На заєднїцкей схадзки Орґанизацийних одборох Драмского меморияла Петра Ризнича Дядї и Фестивала рускей култури „Червена ружа”, хтора отримана вовторок, 18. мая, догварене же би тогорочна „Ружа” була отримана през два днї у авґусту – у истим дню будзе отримане „Червене пупче” и „Одгуки ровнїни”, за други дзень запланована „Червена ружа”, а точнєйши датум ше будзе знац у наступним периодзе. На схадзки утвердзени и концепт Манифестациї, та так на „Червеним пупчу” буду представени нови композициї за дзеци, а буду приказани и рисовани видео-анимациї хтори поробени у рамикох проєкта за прешлорочне „Червене пупче 2020”. „Одгуки ровнїни”, гоч у меншим обсягу як потераз, заш лєм буду отримани, истого дня кеди и „Пупче”, понеже векшина наших Дружтвох пре попущованє епидемийних мирох помали почала з роботу. За други дзень запланована 60. „Червена ружа” у рамикох хторей би ше отримало змаганє младих зоз рускима 28. МАЙ 2021.

забавнима, новима и старима шпиванками, як и ревиялна часц, односно ретроспективу народних композицийох хтори виводзени на потерашнїх „Ружох”, а у провадзеню Народного орекстра Дома култури. Тиж, з нагоди ювилейней 60. „Ружи”, буду поставени и два вистави – єдна вистава прикаже стари фотоґрафиї зоз потерашнїх 60 „Червених ружох”, а хтори на паноох буду поставени на адекватних локацийох у Руским Керестуре, даскельо днї пред и после манифестациї, док друга вистава будзе виложена на сам дзень „Ружи”, и прикаже руски дзивки у народним облєчиве фото-документаристи Петра Дешича, а хтора представя часц проєкту валалского Туристичного здруженя. Конкурс за нови руски дзецински шпиванки за „Червене пупче” и Явна поволанка за участвованє на тогорочней „Червеней ружи” буду отворени по конєц мая, а мож их найсц на сайту domkultureruskikrstur.com Ан. М.

РУСКЕ СЛОВО 17

КУЛТУРА И ПРОСВИТА УО РУСКОГО НАРОДНОГО ТЕАТРУ ПЕТРО РИЗНИЧ ДЯДЯ” ”

СЛАВКО ОРОС ВИБРАНИ ЗА ДИРЕКТОРА ТЕАТРУ Управни одбор Руского народного театру „Петро Ризнич Дядяˮ, на схадзки хтора отримана стреду, 12. мая у Руским Керестуре, за директора Театру на штиророчни мандат вибрал Славка Ороса, котри и дотераз окончовал тоту функцию Схадзку отворел предсидатель УО Театру Янко Лендєр, та по першей точки Дньового шору, присутни прилапели записнїк зоз прешлей електронскей схадзки хтора отримана 19. фебруара, а потим прешли на розпатранє приявох хтори сцигли на Конкурс за директора Театру и даванє предкладаня сновательови о кандидатови. Так, на Явни конкурс за директора Театру сцигла лєм єдна приява – Славка Ороса з Руского Керестура, хтори сполнює шицки условия предписани з конкурсом, а одлука, односно предклад за вибор Славка Ороса за директора РНТ будзе послати сновательови – Националному совиту на менованє. Окрем того, на схадзки бешедоване и о активносцох од остатнєй схадзки, як и о Програми роботи и розвою Театра, по хторей потерашнї директор Славко Орос визначел даскельо стратеґийни задатки у штиророчним наступним периодзе як цо – очувац добру репертоалну политику, звекшац конзументох тей файти уметносци през правенє Веб сайту Театра, як и през госцованє по рижних руских местох, обезпечиц векши и стабилнєйши жридла финансованя и ришиц питанє статуса снователя Театру, алє и окончиц поступну транзицию, односно змену ґенерацийох у Театру, як у креативней и у технїчней часци ансамбла, так и у управяцких орґанох. Попри Програми роботи и розвою, на схадзки бешедоване и о планох активносцох за наступни рок 2021. рок, у хторим, по словох директора Славка Ороса, фокус будзе на пририхтованю преслави 50 рокох РНТ „Дядяˮ,

чия реализация у плану кед условия пре вирус дошлєбодза, а преслава подрозумює – обезпечованє средствох потребних за друкованє кнїжки-моноґрафиї „50 роки РНТ Петро Ризнич Дядяˮ, автора Дюру Латяка, потим обезпечованє средствох за проєкт „Ениґма Дядяˮ, як и за виробок и отримованє Веб сайту РНТ. Попри тим, план поставиц представу „Скорей як когут закукурикаˮ у копродукциї зоз Руским културним центром у Новим Садзе, поставиц представу „Вандровкаш 3ˮ, обезпечиц виводзенє Омнибуса сказкох за дзеци „Вандровкашˮ по руских местох, а вшелїяк, як наглашене, витворенє плану за тот рок будзе у велькей мири завишиц од розвою епидемийней ситуациї. Ан. М.

ДВА ОНЛАЙН МЕДЗИНАРОДНИ КОНФЕРЕНЦИЇ

ВИВОЛАНЯ СЛАВИСТИКИ У 21. ВИКУ

Проф. др Михайло Фейса прешлого тижня успишно наступел на двох онлайн конференцийох у двох дньох. У Ростову на Дону 15. мая отримана медзинародна науково-практична конференция о положеню националних меншинох у України. Учашнїки Конференциї були зоз восточних, централних и южних жемох Европи. Главни орґанизатор бул Центер за дружтвене и информацийне сотруднїцтво Европа, а модератор бул директор Центра Едуард Попов. Зоз Сербиї участвовал член Сербскей академиї наукох и уметносцох Зоран Милошевич и Михайло Фейса, кандидат за члена САНУ. Док перши бешедовал о положеню русийскей националней меншини у України, други бешедовал о запровадзованю Плана мирох о ришованю проблему Русинох-Українцох у Сербиї з нагоди 25-рочнїци од його приношеня. У Марибору од 14. по 16. май отримана Медзинародна наукова конференция Виволованя славистики у 21. вику. На конференциї участвовали слависти зоз цалого

18 РУСКЕ СЛОВО

швета, а о руским язику бешедовал лєм проф. др Михайло Фейса. Автор роботи спатрел у сфери функционованя руского язики у АП Войводини. Тоти сфери, по проф. др Александрови Дуличенкови, уметнїцка литература, администрация, наука, власни културни институциї и орґанизациї, церква, театрални дружтва, радио, телевизия, топоґрафски надписи и други надписи и особна преписка. Значне визначиц же, зоз шесцерих дискутантох у пополадньовей сесиї прешлей соботи, аж пецеро пошвецели увагу викладаню професора Фейси и виражели жаданє же би креирали заєднїцки медзинародни проєкти у блїзкей будучносци у вязи зоз националнима меншинами/заєднїцами Европи. Главни орґанизатор бул Универзитет у Марибору, а координатор Ґойко Николовски спред Оддзелєня за славянски язики и литератури. Орґанизаторе обидвох конференцийох наявели публикованє зборнїкох роботох по конєц 2021. року. О. Р. 28. МАЙ 2021.

МАЙ

2021. рок ЧИСЛО 5

Кристина АФИЧ

ПТИЦИ Ти, чудесна птицо, цо долапяш нєбесни кружнїци, допущ ми преткац твою шлєбоду у тей нїжней писнї. Дай ми закушиц з плода нєбесного, пошпиртац по хмарох и гойсац ше по витру. Обецай ми ратунок цо наисце ратує, затримай ми погляд на своєй красоти. Ти, птицо чудесна, надваладай галайк, та и тоту цихосц, допущ отвориц тоти прадавни дзвери цо водза до цеплих крайох, там дзе твой лєт безконєчни. Ти, красавицо, притуль мою вичну младосц, цо вично остава наивна, цо старосц одганя а на слунко ше ошмихує. О, ти, щедрото... Розтолкуй ми тоти безконєчни гори и рики, преплївай зо мну моря и океани, пущ на нас габи високи, най з нас змию бруд и шмеце и шлєбоду до шерца посадза. Птицо нєбесна, одведз ме там дзе тебе блїзки и нам далєки одходза, там, дзе свой дом находза. 28. МАЙ 2021.

РУСКЕ СЛОВО 19

literaturne@ruskeslovo.com

Ирина Гарди Ковачевич

ЧАС УЖ Час уж сциха заврец капурку Позметац дражки по дворе, Позалївац клобучки под конком, Поспущовац фиронґи Очухац скло на лампи Та при натопеному пецу З хрибтом опарта, Бо, го лєм вон уж зогрива, През пиро сциха, Медзи пальцами пущиц най ше покруци Нїтка з вершнїка. Запрагнута до колєска цо ше обраца То зоз дзецинства музика Дакедишнє дзивчатко рознїжує Ґомбичку под браду, верхню, На ґалєру цо сциска, розкапчує. Час уж зогривац ше у просторе Медзи дзецинством и терашньосцу Дзе остало ище вельо цеплоти, Дзе було и дижджу и слунка И гуку и шпиву И гладу и ситосци, Радосци и гнїву, Дзе зависц часто була пестунка, Сну у котрим ше прейґмирно Кусало и хлїпало Зоз чого по нєшка Лєм вибляднути рендочки Стапшани остало.

НА ГОРИЗОНТУ СПАТРАНЯ

ШВИЦАЦИ ТОЧКИ НА МАПИ БИОҐРАФИЇ

Швиже желєне житних польох ище карми Надїї и сни, тоти швицаци каменьчки На платну слики о богатстве Тота розкош фарбох и кветох Цо нєзашата украшує видогляди На горизонту, нєба гранїци, Рубец ше швици з пурпуром. Кралїца польох слунку од’здравка. О мешац уж, жито будзе зрец фарби пекота погаши, зоз класкох ше нашенє висипе за нови жатви. Лєм даєдно пипинє, бувша кральовна, Лови погляди з галовом краси. Єй лїсточка на дотик лєгки палєц овию Постаню друга скорка якаш мегка Та о хвильку, як кажда красота, Фарбу страци, затупи блїск, побелавеє и почарнї, Як од вдереня живота. Лєм запах горки, на опиюм подобни, Здогаднє на занос цо марнї. На горозонту паметаня, Пейзажу даякого импресионисти, Якаш подоба, як остатнє пипинє виплїва медзи клашом И похопиш же у природи шицко у согласю И же чловека и квета судьби исти.

Преходзим ше, як по Ґетсиманскей загради По ґеоґрафиї своєй биоґрафиї. Як швицаци точки, молитва крачунскей радосци, По меридиянох и паралелох виписує Галов часу и означує важни координати у нїм. По хторих ше тераз рушам задком. Прескакуєм мутни барки Тоти з мутлянку после бурї виполнєти ярки И зберам пацерки здогадованя На ошмихи, на благословени слова, на цепли дотики. Зоз нїх правим лєгки хмарки За хтори ше квачим док их витор заганя Понад сухи нєплодни предїли и високи камени схили, Прейґ знємирених водох. Плївам зоз поетовим стихом Попод слунко, лєгучко, лєгучко... И весело, и дзецински щиро спрам себе И з благословом ґу другим, лєтам, Як думка цо моя радосно лєта Ґу шицким цо з прахом своєй души посипали мойо кридла Же бим з нїма досягла свою чловеческу висоту. Знам же зме вєдно, я у нїх, А вони у мнє, єство того швета.

ЄДНА ПИСНЯ Висцискана єдна писня Зоз соку громади словох Зоз габох стихох Виклeсана зоз думками Як зоз скулпторскима длетами, Як майстор кед ошлєбодзує Билу подобу Дївици Зоз мрамору. У зною твари своєй Же би єй на концу Под ногами вибил свойо иницияли И дожил катарзу: Дал материялни доказ О красоти своєй визиї И же зоз множества спреведацих можлївосцох И обецуюцих поволанкох Одруцуюци шицко цо му ше надрильовало А цо го з драги зводзело Вибрал шлїдзиц глас З хторим през даскельо слова До дїла зложел Сущносц свойого єствованя И умераня.

20 РУСКЕ СЛОВО

28. МАЙ 2021.

РУСКЕ СЛОВО 21

literaturne@ruskeslovo.com

Ирина Гарди Ковачевич

НА ГОРИЗОНТУ СПАТРАНЯ

ШВИЦАЦИ ТОЧКИ НА МАПИ БИОҐРАФИЇ

20 РУСКЕ СЛОВО

28. МАЙ 2021.

РУСКЕ СЛОВО 21

Гелена Медєши

ВИНАЙОВО УРОВНЇ СВИДОМОСЦИ (Славко Винаї, Уровнї свидомосци (поезия), НВУ „Руске слово”, Нови Сад, 2020)

а чловековей драги єст вельо подобносци зоз швидкима бистрима водами и мутнима цеками двох рикох хтори ше нє можу нїґда стретнуц, лєм у морю дзе ше злїваю по законох нужносци. Тота нєминовносц каждей судьби хтора нас, випросцених, водзи до вичней цмоти и мира, видзи ше ми, главна преокупация твоїх уровньох свидомосци и три точки (...) на слунечни часи и паданє дижджу шицкого у живоце, бо ци поетска слиза ма одблїск фалаткох скла даякого розбитого и милого жвератка. З поетику хтора ме нєсподзивала з новосцами, зоз здогадованьом на плодну розумносц опущеносци з младосци, з лексику нєзвичайней вредносци, зоз семантичну поливалентносцу, глїбокима рефлексиями, з информациями хтори окупирую и окрипюю, указал нам нови вредносци своєй уметнїцкей твари и красу творчей дїї хтору ше од скорей могло нагаднуц. Його погляднїци прешлосци лєм привидно керую одомкнути дзеври будучносци. Зоз жальом розточена думка оковала ци любов зоз снами о прешлим. Дзекеди жада з огньом, на каменю намальованим, пояшнїц власни смуток и указац на мирни и моцни руки хтори розплєтаю суєтни нємир и меняю будзенє. То дланї якейшик твардоглавей огромносци хтори ламу страсни шерца и оформюю моцни чувства, то надїя у ошмиху слизи хтора нас приблїжує ґу правди. Як поета знємиреней души, Славко Винаї шмело патри на чудне судьбове предодредзенє потарганосци чловека, нєсиґурного и нєпредвидзуюцого. Праве тота нєзводлївосц живота на жадани димензиї, на чувство сиґурносци пред импровизацию, хтора єдини стаємни закон космоґониї, представя причину людских найзложенших поривох думкох и шицких його блуканьох и глєданьох заклону у мире. Його язична вишивка ма квалитетну лексичну и виреченьску предзу. З богатством фиґуративного язика оформена шицка трапеза и зложеносц тайни у чиїх ше циньох чловек найдзечнєйше препущує бувшому бависку любови, а з тим и часто обрахунку розума зоз шерцом. Дзепоєдни його стихи маю идею о огромносци мистериозного живота и упут’юю на заключенє же у тим и таким швеце поета муши, чисти и моцни, прейсц през слова и з правим своїм словнїком буц на драги до поетского трону. Даєдни писнї указую на шицку автентичносц процивсловного и парадоксалного швета хтори це моцно, як сензибилного поету, преокупирує и вичерпює, гоч зна же чловеково я” крегке и мегке; абсолутна лєм пре” ходносц чийо ариї нєпреривно заглушую и троша кажде єство. Шицкому цо постої, драга иста: водзи ‒ нїґдзе. А на нєй єст барз вельо людски паданя и дзвиганя, (нє)потребни тайни, змерканя и розвидняня. Винайово писнї з уровньох свидомосци нам указую широки думково досяги, твойо барз зложене филозофске становиско о велїх питаньох сучасного живота, як и

окреме розвите язичне чувство. Його моцна полисемия, специфична метафоризация значеньох, сликовитосц и вична актуалносц мотивох и сликох надрилюю ми упечаток о велькей вредносци. У цихосци космосу находза ше и час и нємир самоти хтору зоз шерцом слухаш и з ню под руку шлїди зохабяш, задумани, алє без пароксизма болю и задовольства. Такого це прилапюєме, роздумуюци як нє умрец после шицких умераньох. Гваря же на отворени дзвери нє треба дуркац. Дзвери твоєй поезиї нащежар отворени. Гварел автор: Най ше ” пачи, войдзце без дурканя” до швета бешеди цо трепеци зоз цму блїщацосцу племенїтей уметносци поезиї хтора нє страцела моц святого пречисценя, анї ше тей цмоти нє одрекла, до швета бешеди о уровньох свидомосци.■

Число ушорел Сашa Сабадош, фотоґрафиї Андреа Новак

22 РУСКЕ СЛОВО

28. МАЙ 2021.

kultura@ruskeslovo.com

МЕДЗИНАРОДНИ ФЕСТИВАЛ ГУМОРА И САТИРИ

ҐУ 11. КОЦУРСКЕЙ ЧУТКИ У Доме култури Коцур, внєдзелю 23. мая, отримана схадзка Орґанизацийного одбору Медзинародного фестивала гумора и сатири Коцурска чутка/ Куцурски клип/ Kuczorai csutka/ Kucura Corncob. Присутних привитал проф. др Михайло Фейса и наглашел же Коцурска чутка постала бренд реґиона и же подобней манифестациї гумора и сатири у Войводини нєт

онеже ше створели условия за орґанизованє Фестивала, пред мешацом розписана явна поволанка же би духовити креативци свойо идеї пренєсли зоз карикатуру, афоризмом, вицом, гумористичну приповедку або писню, сатиричну писню або приповедку. Поволанку, попри предсидателя Културно-просвитного дружтва ДОК – Нови Сад проф. др Михайла Фейси, конциповали и предсидателька Здруженя за науку, културу и комуникацию Византина доц. др Валентина Чижмар и предсидатель Здруженя за дзецинску уметнїцку творчосц Аша и Ана Милан Ґнип у Новим Садзе. Теди професор Фейса вибрани за предсидателя Орґанизацийного одбору Коцурска чутка 2021 и порадзени теми за конкурс – 1. Пандемия и я; 2. Попис гражданох, статку и дробизґу. – З намиру же би обновена Чутка була цо лєпше реализована, поволани представителє и других заинтересованих здруженьох гражданох реґистрованих за културу, як и поєдинци хтори упознати зоз змистом предходзацих фестивалох. На тот способ отворена можлївосц за преширйованє ОО Коцурска чутка 2021 зоз младшима дїячами у култури хтори, обчекує ше, унєшу и нову творчу енерґию и нови идеї. На розпослану поволанку ше одволали представителє трох здруженьох: зоз Драмского студия Греда зоз Бачкого Доброго Поля Радоє Раонич, з Коцурского здруженя младих Стеван Самочета и з Месного одбору Коцур Рускей матки мср Славица Чельовски, а участвованє у роботи прилапели и представителє КУД Жатва Мелания Мали и Здруженя Музика на куб Єлена Алексич – гварел др Фейса. Длугорочни предсидатель жирия Юлиян Пап и з тей нагоди уключени до Орґанизацийного одбору. 28. МАЙ 2021.

Понеже Конкурс Коцурскей чутки отворени по 15. септембер, коло 20. септембра комплетни материял будзе по електронскей пошти прешлїдзени предсидательови жирия. Лауреати буду представени под час отримованя Централного вечара Манифестациї 27. новембра. – Док концепция Централного вечара завиши од лауреатох и у сущносци є нєпременлїва, концепция Коцурскей чуточки, початней часци Централней манифестациї хтора наменєна дзецом и младежи, мож повесц же аж на тей схадзки здобула яснєйши контури. Перше, ОО КЧ 21 пошлє поволанку шицким школом у хторих ше виучує руски язик же би зоз своїма школярами порихтали скеч-два хтори годни представиц. Друге, предсидателька Драмскей секциї КПД ДОК – НС Катарина Фейди наявела и свой штварти театрални проєкт хтори будзе пошвецени пандемиї, до хторого уключела и Дарину Михняк и Мартину Уйфалуши. Зоз проєктом Коцурска чуточка КПД ДОК – НС ше прияви на Кoнкурс за софинансованє младежских проєктох у рускей заєднїци хтори праве розписало Роботне цело за младих Националного совиту рускей националней меншини. Спатраюци тим хтори вишол зоз нєдзельовей схадзки, члени Орґанизацийного одбору прешвечени же заплановане будзе на єшень и на високим уровню витворене. През лєто, у сотруднїцтве зоз Драмским студийом Греда планує ше и госцованє єдного театралного ансамбла зоз гумористичним фалатом – визначел на концу др Михайло Фейса.■ О. Русковски

РУСКЕ СЛОВО 23

ЛЮДЗЕ, РОКИ, ЖИВОТ НАШ ГОСЦ: ЗДЕНКО СИВЧ ПИКО ЗОЗ ОСЄКУ

КЕД РОБОТА И ДРОБНИ ЗА ДОВОЛЬСТВА ЛЄМ НА РА ДОСЦ Пише: Агнетка БАЛАТИНАЦ

Кед ше Зденко Сивч народзел, Пишкуревци, мале место нєдалєко од Дякова, словели за валал дзе жило векше число Руснацох. Мац му зоз Миклошевцох, оцец з Пишкуревцох, обидвойо Руснаци, могли одховац лєм дзецко хторе, кед єдного дня надума пойсц гоч дзе з валалу, вшадзи будзе глєдац Руснацох. Так ше и случело

ед ше Зденко по законченей школи преселєл до Осєку, такой поглєдал своїх Руснацох. – Перши Руснак хторого сом упознал у Осєку бул Владо Еделински (Миколка) по походзеню з Руского Керестура. Вон робел як лаборант у Доме здравя, и по бешеди могло нагаднуц же є Руснак. Потим сом упознал, нєшка уж покойного Владу Тимка, а вец зме єдни прейґ других поупознавали ище велїх наших людзох хтори жили у Осєку. Руснаци ше вше найду – гвари Зденко з ошмихом и предужує ... – У Осєку сом ше уписал до туристичнопогосцительней школи, а по одслуженю воєного року, достал сом роботу у „Бендеку”. Теди, 70-тих рокох прешлого столїтия, а и велї роки познєйше, бул то єден з найпознатших ресторанох. Квалитет єдлох бул на завидним уровню, а и вислуга словела за єдну медзи найлєпшима у городзе. Теди то була державна фирма, робота була безпечна, плаца порядна, а нє мала. Алє тото цо найважнєйше, там сом научел велї финеси у погосцительстве, справованя з госцами, хасновити роботни звикнуца хтори и нєшка применюєм – гвари наш собешеднїк. ФАМЕЛИЯ И РЕСТОРАН

Фраґменти зоз ресторану

24 РУСКЕ СЛОВО

– У „Бендеку” сом робел по 1991. рок, а вец сом отворел свой ресторан на осєцким пияцу, так повесц, у центру города. Волал ше „Пико”, а по тей назви и мнє волаю. Понукали зме гамбурґери и швидки єдла, познати „фастфуд” як то нєшка волаю, а вец, кед зме ше 2004. року преселєли и почали рихтац велї варени и „ала кард” єдла, дзвигли зме ресторан на висши уровень. Ресторан ше нєшка вола Ober Lunch Bar, алє велї знаю повесц – идземе до Пики – приповеда Зденко и предлужує о фамелиї: – Моя супруга ходзела до истей школи як и я, там зме ше упознали, а потим и побрали. Вона нєшка главна кухарка у нашим ресторану. Mаме два одроснути и поодавани дзивки, а тераз уж и штверо унучата – приповеда Зденко, и видно же му мило док дума на свою фамелию.

Зденко зоз супругу Манду на Плитвицох

– Младша дзивка Ивана дизайнерка, ма свой бутик, а шиє святочни сукнї и винчанїци. Робота єй идзе добре, ма и троїх занятих – цеши ше оцец Зденко и такой спомина старшу дзивку Ирену котра закончела правни факултет, а пре супругову роботу у „Еурополу”, у тей хвильки су у Голандиї. Медзи иншим, вона ше занїма и зоз уметнїцку фотоґрафию. З єдним словом, обидва су задовольни зоз свою роботу, а вец и ми, як родичи, радосни – гутори док пребера по фотоґрафийох на телефону и указує як унучата у Голандиї добре бешедую по анґлийски. ДРУЖТВЕНИ МРЕЖИ И ВЛАСНА РОБОТА Обачели зме же Зденков ресторан ма и свой Фейсбук профил, а тиж мож пойсц до ресторану зоз слику єдла и наручиц праве тото цо на Фейсбуку. Лєбо наволац и так наручиц. – Пред вирусом корона до нашого ре сторану приходзели велї студенти, а як познате, вони шицки хасную дружтвени мрежи. Воля поопатрац „мени” на мобилним телефону, як на паперу. Понеже и сам досц 28. МАЙ 2021.

ljudze@ruskeslovo.com

добре знам хасновац дружтвени мрежи, одлучел сом осучашнїц рекламу и понукнуц шицко онлайн, а пре пандемию нєшка вельо вецей робиме и одношиме єдла на адреси, маме такволану „доставу”. Без дружтвених мрежох и приказу шицкого цо понукаме, було би барз чежко дойсц до численшей клиєнтели – толкує Зденко. Обер ланч бар познати по велїх смачних єдлох, а єдни су зоз ридких хтори варя и филеки (шкембичи). – Нє можеце анї задумац же келї людзе любя тото єдло, гоч вариме и велї други єдла як цо то фиш и чобанац. Праве тоти два найбаржей пахню шицким доокола, бо их рихтаме у котлїку и то на ресторановей тераси – гвари наш собешеднїк. ЗЛОЖНИ ПАЙТАШЕ Но, Зденко нє лєм власнїк спомнутого ресторану, вон и активни член КУД Руснацох у Осєку, а єден є и зоз сновательох истого Дружтва. – У єдней хвильки, ми, Руснаци у Осиєку, почувствовали же бизме ше даяк могли орґанизовац. Порадзели зме ше же оснуєме и реґиструєме културне дружтво. Було то 10. марца 1983. року и ниа, по нєшка, кед нє рахуєме войнови период, ище вше иснуєме – задовольни Зденко, по хторим видно же нє може без нашого Дружтва, же люби шпивац, алє и бавиц столни тенис, а найбаржей тото же ше там бешедує по руски, же су шицки „свойо”, гутори вон. – У нашим Дружтве можебуц така приятельска атмосфера и прето же нас нєт вельо, нє конкуренция зме єдним другим як у вельких и числених горватских ансамблох. Баржей приходзиме прето же бизме ше дру-

На єдней зоз числених манифестацийох зоз хором КУД Руснацох Осєка” ”

ЗНА ЦО БУДЗЕ РОБИЦ У ПЕНЗИЇ Зденко Сивч єден з ридких хтори медзи першима мал видео камеру. Зазначовал векшину збуваньох, а нєшка рихта формовац архиву тих знїмкох. – Так як гваря людзе, цо нє написане лєбо нє зазначене, як кед би го анї нє було... Я вше любел знїмац зоз камеру, и мам досц того, алє тераз шицко потребне претвориц до нєшкайших медийних записох. Верим же ми ше поспиши, гоч, кед видзим кельо то материялу, можебуц то будзе аж док пойдзем до пензиї – през шмих гутори Зденко. 28. МАЙ 2021.

Штири ґенерациї, Зденкова мац, Зденко зоз супругу, його дзивки зоз фамелиями и унучата

СТУДЗЕНЇНА ОБОВЯЗНА Одкриєме ище єдну тайну нашим читачом же кед ше даяким концом найду у Осєку, вжиме, у чаше кед ше вари студзенїну, там дзешка помедзи Крачуном и Новим роком, „Обер ланч бар” каждого дочека зоз студзенїну, гоч ю госци нє наручели за полудзенок. А цо ище цикаве, кед Пико, односно Зденко у ресторану, наручиц мож и по руски.

жели и зашпивали руски шпиванки. Нормално, кед вас финансує держава, длужни сце дацо и „одробиц” за тот пенєж. Муши ше наступац на манифе стацийох и явних збуваньох, гоч зме дзекеди анї нє таки сцели за одход на манифе стациї. Векшина нас уж у шорових рокох, нє найздравши зме, алє любиме свойо, та ше нє даме. Поправдзе поведзене, хорске шпиванє свойофайтова терапия од стре сного ритму живота. Гуторя же шпиванє, а окреме руских шпиванкох, шпиванкох хтори нам пренєсли нашо предки, приноши якиш окремни мир и радосц у шерцу. Шведок сом же то наисце так. Гнєтка кед ше зидземе, зашпиваме и так, за себе, за душу – приповеда Сивч и толмачи же и у Дружтве, а и кед ше стретню у городу, хлопи зоз хору єден другого ословюю зоз „пайташ”. ПАСКА ПОШВЕЦEНА У ЦЕРКВИ Зденко почитує руску традицию, та окрем активно сцох у Дружтве, з часу на час, тельо кельо му робота дошлєбод зи, пойд зе и до грекокатолїцкей церкви у Осєку, а патри же би вше на Вельку ноц однєсол и пошвециц Паску. – То прекрасни обичай. Вше ме здогаднє на часи кед сом бул хлапец, док сом ище жил у Пишкуревцох. Нєшка, кед уж мам и унучата, намагам ше помириц тото цо за дзеци тераз модерне з гевтим цо наша традиция. Моя супруга, гоч є нє Рускиня, научела велї нашо обичаї, научела правиц велї нашо єдла, та ше у нашей вельконоцней кошарочки обовязно найдзе и сирец – закончує Зденко и цеши ше же за Вельку ноц на столє ма и руски єдла.■

РУСКЕ СЛОВО 25

ДУХОВНИ ЖИВОТ У БЕОҐРАДЗЕ ПРЕСЛАВЕНИ КИРБАЙ

СКРОМНЄЙШЕ, АЛЄ ТОРЖЕСТВЕНО Пре нєшкайшу ситуацию велї старши, алє и заняти нє могли всоботу, 22. мая, буц у Беоґрадзе у церкви Христа Краля, дзе ше вирни того року зишли и означели свою националну манифестацию – Кирбай. Службу предводзел домашнї парох, арихиєрейски намеснїк протоєрей ставрофор о. Варґа, а зоз нїм служел и домашнї парох дон Александар Ковачевич, ґенерални викар беоґрадскей надбискупиї котри и прешлїдзел щири поздрави од митрополита

Станислава Хочевара. Попри домашнього пароха, котри привитал вирних и госцох по руски и по українски, казань по сербски отримал дон Александер, наглашуюци нєзаменлїву улогу славянских братох Кирила и Методия, мотивуюци домашнїх же би тиж були шведкове радосней вистки єдней нєподзелєней Церкви Христовей. Свойо винчованки вирним послал и наш владика кир Георгий Джуджар, нашо священїки, представнїки оби-

двох Националних совитох, Руснацох и Українцох, а у мено Министерства правди, Управи за сотруднїцтво з Церквами, пан Ґаврило Ґрбан и сам бул присутни и шицких привитал визначуюци вредносци Кирила и Методия и одвичательносц нашей парохиї як єдиней у нашей епархиї котра праве им пошвецена. Апостол по українски читал богослов Ярослав Варґа, Евангелию по старославянски и руски домашнї парох, а шпиванє предводзели тройо митровицки парохиянє. После Служби Божей одшпивани „Многая лїта” папови Францискови, владикови и вирним, а потим отримани и традицийни аґапе котри и тераз порихтали домашнї. Окрем братского друженя, панї Олґица (Канюхова) и Соня Морозова одшпивали даскельо познати руски и українски писнї по хторих було видно кельо таки друженя потребни нашим парохияном у Беоґрадзе. А. Стаменич

ГРЕКОКАТОЛЇЦКА ЦЕРКВА У ДЮРДЬОВЕ ВИДАЛА НОВИ КОМПАКТ ДИСК

НА СПОМИН ПАРОХОВИ ПРОТOЄРЕЙОВИ О. ЙОАКИМОВИ Дюрдьовска грекокатолїцка церква Рожде ства Пре святей Богородици нєдавно видала нови компакт-диск на спомин єй длугорочного пароха протоєрея о. Йоакима М. Холошняя (1971–2017), антолоґийного и добре познатого соло-шпивача. Компакт-диск ма груби рамики зоз кнїжочку, а под назву „Ко тихому пристанищу притеке, вопию ти”, антолоґия солистичних писньошпивох тенора протоєрея о. Йоакима М. Холошняя, виписани на руским и сербским язику. Перши знїмок ма вельку историйну значносц, записане у кнїжочки, и напевно є найстарши звучни запис хорского шпиву при Руснацох з 1958. року. Було то на керестурски Кирбай кед за священїка пошвецени Йоаким Холошняй. Теди на святочним полудзенку присутни богослове Крижевскей епарихиї и священїки, члени семинарского

26 РУСКЕ СЛОВО

хору богословох зоз хторима руководзел теди ище богослов Владимир Тимко, одшпивали даскельо вецейгласни хорски композициї. Так перша приложена нумера на компакт-диску представя Сугубу ектению зоз одповедаюцим тройнїстим „Господи помилуй”. Солистичну партию шпива 26-рочни новорукоположени о. Йоаким М. Холошняй – Матїйов. Окрем тей, на компакт-диску єст ище шеснац писньошпиви, а у кнїжочки ше находза фотоґрафиї Хора „Розанов”, односно фотоґрафиї його фамелиї чий снователь о. Йоаким Холошняй, або як у кнїжочки зазначене – Семействени Хор Холошняй. Шицки фотоґрафиї подписани, кнїжочка богата з илустрациями, а ту и животопис и богата биоґрафия нашого ставрофора протоєрея о. Холошняя. Виданє Антолоґиї солистичних писньошпивох тенора протоєрея о. Йоакима

М. Холошняя оможлївена з пенєжну потримовку Уряду за сотруднїцтво зоз церквами и вирскима заєднїцами Министерства правди Републики Сербиї. Вибор писньошпивох, як и текстуалну часц того виданя зробел протоєрей ставрофор о. Михаил Холошняй – Митїйов, парох Дюрдьовски и Ґосподїнски, а текст по сербски ушорела панїматка Наташа Холошняй. Заинтересовани можу тот компактдиск купиц на дюрдьовскей парохиї. С. Саламун 28. МАЙ 2021.

duhovni@ruskeslovo.com

У РУСКИМ КЕРЕСТУРЕ ПРЕСЛАВЕНИ РУСАДЛЯ И ЗАВИТНИ ДЗЕНЬ

НАШ ЖИВОТ ТО ПАЛОМНЇЦТВО ДО ГОСПОДА БОГА Вирни парохиї св. оца Миколая у Руским Керестуре, 23. и 24. преславели Сошедствиє Св. Духа – Русадля, а 25. и Завитни дзень наших предкох у Марийовим святилїщу Водици. Архиєрейску Литурґию предводзел наш епарх преосвящени владика Георгий Джуджар. Зоз владиком сослужели дванац священїки и троме споведали вирних, та мож повесц же були зоз скоро шицких наших парохийох. Тиж так було и вельке число вирних, попри домашнїх тиж поєдинєчно и з других парохийох и околних местох. Владика у казанї здогаднул же зме до Водици пришли як паломнїки и принєсли зоз собу дар любови и подзековносци, и придали го Мацери ПРОЦЕСИЯ На други дзень Швета, на 17 годзин, зоз катедралней церкви дзе ше одшпивало молитву Царю Нєбесни, рушела процесия до Водици, зоз крижами, и образом Мариї Водицовей. Процесию у хторей участвовали коло 50 особи рижних ґенерацийох предводзел капелан о. Михайло Шанта, а молитву предводзели шестри Служебнїци. У Водици на 19 годзин була Служба Божа як предвечериє за шицких цо нє могли присц ютре на сам Завитни дзень. Водица була полна вирних. Служели ю капеланє о. Михайло Шанта и о. Владимир Медєши.

Божей, бо вона од 1817. року вибрала тото место як место чудесних подїйох. Єй зявенє за нас цали час було и тераз є, як благовищенє за нашу церкву и за нас. – На тим месце прейґ заступнїцтва и молитвох Мацери Божей, сам Господь Бог зробел вельо чуда, а найвекше тото же очисцовал нашо души, шерца, нашо животи, од нєчистоти гриха. Ту велїм бул врацени дар вири, ту ше Бог на окремни способ старал за каждого з нас и ту зме поставали иншаки людзе, кед нас дотхла ласка Божа

и кед зме ше покаяли. А тото ше ту случує уж даскельо стотки роки, та и нєшка, дзе нас Бог крипи, посила свойо ласки и помоц – надпомнул владика Георгий. Шпиванє Служби Божей предводзел домашнї дзияк Янко Виславски котри читал и апостол, а по Служби служени и молебен до Богородици. Цали час богослуженє директно преношене прейґ Фейсбук боку Катедрали, а о тим ше старал член Церковного одбору Сашко Рац. М. Афич

IN MEMORIAM

УПОКОЄЛА ШЕ Ш. ЙОСАФАТА ЮЛИЯНА МОЛНАР

На теметове у Руским Керестуре 19. мая похована монахиня служебнїца, шестра Йосафата Молнар, хтора ше упокоєла 18. мая у своїм 92. року живота у керестурским манастире шестрох Служебнїцох. Хованє предводзел епарх кир Георгий Джуджар зоз седем нашима священїками, котри єй подзековал за 72 роки монашеского служеня нашей Церкви. Ш. Йосафата у Руским Керестуре народзена 3. фебруара 1930. року як Юлияна, єдна з троїх дзецох оца Осифа и мацери Юлиї Молнарових. До основней школи ходзела у родним валалє Керестуре, а 15. юния 1949. року ступела до манастира шестрох служебнїцох у Коцуре, кед настоятелька була ш. Софрония Рамач. О пол рока облєкла и монашески шмати. першу дочасову пришагу (обити) дала 22. 12. 1951. року, а вичну 26. 12. 1958. року. Уж як монахиня у Коцуре докончела основну школу, а тророчну штредню медицинску у Новим Садзе дзе такой достала роботу у шпиталю 1958. року, и як медицинска шестра на инфективним оддзелєню робела аж по пензию. У медзичаше 1962. року закончела курс скраваня и шица, а 1978. и катехетски курси. Попри у шпиталю, шестра у велїх сеґментох активно служела у новосадскей парохиї св. апостолох Петра и Павла,

28. МАЙ 2021.

дзе помагала у сахристиї, дзияковала, учела дзеци на виронауки и робела у Каритасу. Вирни у тей парохиї ю окреме любели и почитовали, бо каждому була на помоци, за пораду, красне слово, потримовку. За свойо 40-рочне служенє у новосадскей парохиї 2009. року достала подзекованє од Апостолского пристолу св. оца папи. Тиж за свойо катехетске служенє 2016. року достала припознанє з меном учителя Осифа Фа, и од Дружтва за руски язик, литературу и културу. Пре погоршане здравє од 2016. року з Нового Саду була премесцена до манастирского дому у Керестуре, дзе до остатку, гоч у посцелї, сцерпено подношела свою хороту, з ошмихом на твари, духовну кнїжку и пацерками у рукох. Окремне почитованє до Пречистей Дїви Мариї мала одмалючка, любела ше модлїц, Ружанєц и молебени до Богородици. Цалого живота нєвистато ше модлєла за потреби шицких, шестрох, вирних, цалей Церкви и народу. Праве у чаше майових молебенох до Богородици, и упокоєла ше у Господу. На єй остатню драгу попри священства, шестрох и фамелиї, були ю випровадзиц и вирни з Керестура и Нового Саду. Вичная єй памят! Ш. служебнїци/М. Афич

РУСКЕ СЛОВО 27

informator@ruskeslovo.com OСТАТНЇ ПОЗДРАВ Дня 18. мая 2021. року у своїм 80. року живота преселєл ше до вичносци наш мили оцец, швекор и дїдо

ЮЛИЯН САБО (1941–2021) з Руского Керестура Ожалосцени – дзивка Таня, жец Мижо, и унуки Филип и Ана Костелниково Спочивай у мире Божим! OСТАТНЇ ПОЗДРАВ Дня 18. мая 2021. року у своїм 80. року живота преселєл ше до вичносци наш мили оцец, швекор и дїдо

ЮЛИЯН САБО (1941–2021) з Руского Керестура Ожалосцени – дзивка Тереза, жец Кимо и унук Борис Медєшово Спочивай у мире Божим! OСТАТНЇ ПОЗДРАВ Дня 18. мая 2021. року у своїм 80. року живота преселєл ше до вичносци наш мили дїдо и прадїдо

ЮЛИЯН САБО (1941–2021) з Руского Керестура Ожалосцени – унук Иван зоз супругу Виолету, и праунучата Алекса и Лука Спочивайце у мире Божим, най вас чуваю ангели!

ОСТАТНЇ ПОЗДРАВ Дня 23. мая 2021. року преселєл ше до вичносци мой супруг

ЮЛИЯН НАДЬ (1940–2021) з Руского Керестура Най це вично чуваю нєбесни ангели, а я це будзем чувац у моїм шерцу. Супруга Натала Спочивай у мире Божим! ОСТАТНЇ ПОЗДРАВ Дня 23. мая 2021. року преселєл ше до вичносци наш оцец, дїдо и прадїдо

ЮЛИЯН НАДЬ (1940–2021) з Руского Керестура З любову и почитованьом вично це будземе чувац у наших шерцох. Дзивка Терезка, жец Райко, унук Боян, Бобан зоз Таню и праунука Йована Спочивай у мире Божим! ОСТАТНЇ ПОЗДРАВ Дня 23. мая 2021. року преселєл ше до вичносци мой оцец

ЮЛИЯН НАДЬ (1940–2021) з Руского Керестура Навики будзеш у наших шерцох и молитвох. Твой син Янко зоз Раду и унукове Денис и Даниєл Спочивай у мире Божим! ОСТАТНЇ ПОЗДРАВ Дня 23. мая 2021. року занавше нас зохабел наш шовґор

ОСТАТНЇ ПОЗДРАВ Дня 23. мая 2021. року занавше нас зохабел наш шовґор

ЮЛИЯН НАДЬ (1940–2021) з Руского Керестура Найкрасши памятки у своїх шерцох буду чувац Амала и Владо Красни памятки на ньго чуваю Ана и Дюра Костелниково Джуджарово зоз дзецми Спочивай у мире Божим! Спочивайце у мире Божим!

ЮЛИЯН НАДЬ (1940–2021) з Руского Керестура Красни памятки на ньго буду чувац Сенка Бучкова зоз Снежану и Звонком Спочивайце у мире Божим!

ОСТАТНЇ ПОЗДРАВ Дня 18. мая 2021. року упокоєл ше наш добри сват

ЮЛИЯН САБО (1941–2021) з Руского Керестура

28 РУСКЕ СЛОВО

28. МАЙ 2021.

informator@ruskeslovo.com ОСТАТНЇ ПОЗДРАВ Дня 24. мая 2021. року занавше нас зохабела наша мила шестра и нина

ОСТАТНЇ ПОЗДРАВ Дня 17. мая 2021. року занавше ме охабела моя наймилша супруга

СЛАВА НОВТА (1939–2021) з Нового Орахова Мила наша, Святи Дух зишол зоз нєба и одведол це до вичносци. У раю прекрасного квеца, най твоя душа вично спочива. У наших шерцох навики будзеш квитнуц як найкрасша ружа. Най це Бог Нєбесни чува. З любову и почитованьом, занавше чуваю памятку на тебе твоя шестра Мелана и єй дзеци Саламуново и Салаково Спочивай у мире Божим! ОСТАТНЇ ПОЗДРАВ Дня 23. мая занавше нас охабел мой єдини брат и пошол на свою остатню драгу зоз хторей ше вецей нє враци

ЮЛИЯН НАДЬ (1940–2021) з Руского Керестура Ожалосцена шестра Мелана Фейсова зоз Коцура зоз Мижом и Натку Садовски зоз мужом и сином Сашом и його фамелию Спочивай у мире Божим!

ОСТАТНЇ ПОЗДРАВ Дня 18. мая преселєла ше до вичносци наша мила тета

ш. ЙОСАФАТА ЮЛИЯНА МОНАР (1930–2021) Най ю навики чуваю нєбесни ангели, а ми ю вично будземе чувац у наших шерцох. Остали красни памятки котри вше буду чувац у своїх шерцох Вашо наймилши Спочивайце у мире Божим!

Дня 3. юния наполня ше три смутни роки, як ши нас занавше зохабела

ИРИНА СКУБАН (1954–2018) Остали нєвиповедзени слова, смуток и боль. Останєш нам занавше у шерцох. Твою любов, доброту и пожертвовносц будземе паметац: супруг Дюра и дзивки Татияна зоз фамелию, Мариєта и Ясмина зоз дзецми Спочивай у мире Божим! НА ЗДОГАДОВАНЄ Дня 29. мая 2021. року наполня ше тринац смутни роки як нас занавше зохабела наша наймилша

АМАЛКА САБАДОШ народзена Тиркайла (1953–2008) з Дюрдьова Памятку на ню вично чуваю Иван, Марина, Влада и Марко, Мирослав, Оля, Максим и Андрей и Мирко Спочивай у мире Божим!

28. МАЙ 2021.

СЕРАФИНА КОЛОШНЯЇ (1944–2021) з Коцура З любову и почитованьом занавше будзем чувац памятку на це у своїм шерцу и у своїх думкох. Най це ангели чуваю! Твой супруг Силвестер Спочивай у мире Божим! ОСТАТНЇ ПОЗДРАВ Дня 17. мая 2021. року занавше ме охабел моя наймилша мац

ОСТАТНЇ ПОЗДРАВ Дня 17. мая 2021. року занавше нас охабела наша наймилша мац

СЕРАФИНА КОЛОШНЯЇ (1944–2021) з Коцура Най це, мила мамо, чуваю нєбесни ангели, а я будзем чувац памятку на це и твою любов у своїм шерцу. Твой син Звонко Спочивай у мире Божим!

СЕРАФИНА КОЛОШНЯЇ (1944–2021) з Коцура Мила мамо, з любову и почитованьом занавше будземe чувац памятку на це у своїх шерцох и думкох. Най це ангели чуваю! Син Златко, нєвеста Люпка, унука Даяна и унук Дамян Спочивай у мире Божим!

НА ЗДОГАДОВАНЄ Наполнєли ше 15 роки як нас занавше зохабел наш

др ЛЮБОМИР ВИСЛАВСКИ (1953–2006) з Вербасу Зоз його одходом до вичносци чувствуєме вельку пражнїну... Нїґда го нє забуду кумово Папянково зоз Нового Саду, Янко и Мария зоз дзецми Славку, Мирком и Томиславом Най спочива у мире Божим!

РУСКЕ СЛОВО 29

informator@ruskeslovo.com СМУТНЕ ЗДОГАДОВАНЄ Дня 30. мая наполня ше 6 мешаци як вецей нє з нами наша мила мац, баба и швекра

СМУТНЕ ЗДОГАДОВАНЄ Дня 18. мая наполнєл ше смутни и жалосни рок як вецей нє зо мну моя мила супруга

ГЕЛЕНА СЕМАН народзена Варґа (1941–2020) з Руского Керестура

ФЕБРОНА ПАВЛОВИЧ народзена Шовш (1938–2020) з Руского Керестура З любову и почитованьом паметац ю буду – син Янко зоз супругу Зденку, дзивка Мария, и унучата Златко, Ясна и Деян Най спочива у мире Божим! СМУТНЕ ЗДОГАДОВАНЄ Дня 28. мая прешли два роки як ше упокоєл мой брат

Твою любов и доброту нїґда нє забудзем, а памятки на це навики будзе чувац твой супруг Владо Спочивай у мире Божим! СМУТНЕ ЗДОГАДОВАНЄ Дня 18. мая наполнєл ше смутни и жалосни рок як вецей нє з нами наша мила мац и баба

ГЕЛЕНА СЕМАН народзена Варґа (1941–2020) з Руского Керестура

о. ЙОАКИМ ДЖУДЖАР (1930–2019) з Минхену

З любову и почитованьом занавше будзем чувац памятки на тебе и час препровадзени з тобу. Брат Юлин з фамелию СМУТНЕ ЗДОГАДОВАНЄ Дня 28. мая 2021. року наполня ше два смутни роки як престало дуркац шерцо мойого брата

о. ЙОАКИМ ДЖУДЖАР – папски прелат (1930–2019) з Нємецкей народзени є и поховани у Дюрдьове Красни памятки на тебе занавше будзе чувац шестра Маря Мудрова з фамелию Спочивай у мире Божим до воскресеня, най це ангели чуваю!

Нєт вас мамо и бабо, а то болї. Мило нам же зме були ту кед було найпотребнєйше. Пошли сце у мире зоз нашу вислугу и любову. Ваша дзивка Геленка, жец Кимо и унуки Златко и Ясмина Спочивайце у мире Божим! СМУТНЕ ЗДОГАДОВАНЄ Дня 9. априла наполнєли ше Дня 17. мая наполнєли ше шейсц штири роки як ше преселєл до роки як ше преселєла до вичносци наша мила мац вичносци наш мили оцец

МИХАЛ ПАСТЕРНАК (1936–2017)

МАРИЯ ПАСТЕРНАК народзена Штранґар (1938–2015)

з Руского Керестура Красни памятки на нїх чува дзивка Геленка зоз супругом Славом Сабадошово Спочивайце у мире Божим! СМУТНЕ ЗДОГАДОВАНЄ Дня 17. мая наполнєли ше шейсц роки як ше преселєла до вичносци наша мила баба и прабаба

СМУТНЕ ЗДОГАДОВАНЄ Дня 24. мая наполнєли ше пейц смутни роки як нас занавше зохабел

СМУТНЕ ЗДОГАДОВАНЄ Дня 30. мая наполня ше 7 смутни роки як нас занавше зохабел наш мили

Дня 9. априла наполнєли ше штири роки як ше преселєл до вичносци наш мили дїдо и прадїдо

ЗВОНИМИР БОДНАР (1961–2016) з Руского Керестура Красни памятки на ньго чуваю супруга Славка, син Златко зоз супругу Марияну и сином Леоном, дзивка Андреа зоз супругом Мирком и дзецми Стефаном и Сару Спочивай у мире Божим!

ВЛАДИМИР ГАРВИЛЬЧАК (1954–2014) з Руского Керестура З любову и почитованьом памятки у своїх шерцох чуваю його наймилши Спочивай у мире Божим!

МИХАЛ ПАСТЕРНАК МАРИЯ ПАСТЕРНАК (1936–2017) народзена Штранґар (1938–2015) з Руского Керестура У своїх шерцох вас навики чуваю вашо унуки: Арияна зоз супругом Йоелом, Андрея зоз супругом Слободаном, и праунучата Никола, Лана и Доминик Спочивайце у мире Божим!

30 РУСКЕ СЛОВО

28. МАЙ 2021.

informator@ruskeslovo.com СМУТНЕ ЗДОГАДОВАНЄ Дня 31. мая 2021. року наполнї ше рок як нас занавше зохабел наш мили

НА ЗДОГАДОВАНЄ Дня 29. мая наполнї ше жалосни рок як нас занавше зохабел наш мили супруг, тато и дїдо

ВЛАДИМИР САБАДОШ (1953–2020) з Нового Саду

ЯНКО ГОЛИК (1949–2020) овласцени ревизор у пензиї з Нового Саду Занавше будземе чувац памятки на ньго. Супруга Любица, синове Янко, Петро и Микола, нєвеста Єлена и унук Виктор Спочивай у мире Божим! Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о принєшеним ришеню же нє потребне преценьованє вплїву проєкта на животни штредок Ношитель проєкта „ADECO” DOO Нови Сад, Темеринска драга число 109, поднєсол вимогу за одлучованє о потреби преценьованя вплїву на животни штредок проєкта „Вибудов маґазину поверхносци часци прижемє (П) и часци прижемє и два поверхи (П+2), водоводней и канализацийней мрежи и интерних драгох комплекса”, на Темеринскей драги число 109, на катастарскей парцели число 3/3, К.О. Нови Сад I, Город Нови Сад. Плановани обєкат наменєни маґазинованю готових продуктох (моторни олєї, антифризи и чечносци за умиванє витробрана) на палетох у реґалох пакованю, конфекционованю, пририхтованю, утоварйованю и одпремйованю, шицко у функциї продукциї хтора ше одвива на истей парцели. После запровадзеного поступку, Городска управа за защиту животного штредку дня 24. мая 2021. року принєсла ришенє число VI-501-311/21 же нє потребне преценьованє вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.

28. МАЙ 2021.

Мили наш, у шерцох ши нам зохабел вичну любов и почитованє, у душох смуток и вельки боль. У наших думкох и молитвох лєм ти, ище вше ши у наших каждодньових збуваньох, часц ши наших бешедох и чувствох. З памятками на ошмих, щесце, любов, радосц и потримовку хтору ши нам сердечно давал виполнєти наш кажди дзень. Барз нам хибиш! Занавше ожалосцени твойо наймилши: супруга Славица, дзивки Анита и Мая, унукове Иван и Лука, жецове Микола и Милош Спочивай у мире Божим!

Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

о принєшеним ришеню же нє потребне преценьованє вплїву проєкта на животни штредок Ношитель проєкта „НИС” а.д. Народного фронта 12, Нови Сад, поднєсол вимогу за одлучованє о потреби преценьованя вплїву на животни штредок проєкта „Вибудов и реконструкция (зоз пременку намени) обєкта привредного комплекса у Новим Садзе (Пошоренє за продукцию AdBlue, цивового моста и реконструкция иснуюцого обєкта пунїлїща битуменом и його пременка намени до маґазинованє сировинох – уреа, деминерализована вода и AdBlue розтвор, шицко поверхносци П” на катастарскей парцели число 2555/14, К.О. Нови Сад III, Город Нови Сад. После запровадзеного поступку, Городска управа за защиту животного штредку дня 24. мая 2021. року принєсла ришенє число VI501-310/21 же нє потребне преценьованє вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.

о поднєшеней вимоги за одлучованє о потреби преценьованя вплїву на животни штредок Ношитель проєкта „STEEL-IMPEX” DOO Сримска Каменїца Вихорска 35, поднєсол вимогу за одлучованє о потреби преценьованя вплїву на животни штредок проєкта „Звекшанє капацитета маґазинованя нєопасних одруткох и уводзенє третману – ознова хаснованє нєопасних одруткох на локациї „STEEL-IMPEX” DOO – МПП Победа Индустриал ДОО” у улїци Раде Кончара 1, на катастерских парцелох число 496/1, 496/40, 496/41, 496/42 и 496/43 К.О. Петроварадин, Город Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110а, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду.

ОБВИСЦЕНЄ

РУСКЕ СЛОВО 31

informator@ruskeslovo.com Городска управа за защиту животного штредку на основи члена 20. Закона о преценьованю вплїву на животни штредок („Службени глашнїк Републики Сербиї” число 135/04 и 36/09), обявює

ОБВИСЦЕНЄ

о явним увиду, явней презентациї и явней розправи о Студиї о преценьованю вплїву на животни штредок Подприємство „LABING” d.o.o. зоз Беоґраду, по овласценю ношителя проєкта „ A1 Srbija d.o.o. Beograd” doo Милутина Миланковича 1ж, Нови Београд, поднєслo вимогу за одлучованє о потреби преценьованя вплїву на животни штредок проєкта радио базней станїци мобилней телефониї „НС2077_01 НС_Нови_Сад_Лиман_4”, у улїци Балзакова число 64, у Новим Садзе, на катастерскей парцели число 3930/9, К.О. Нови Сад II, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110 а, Нови Сад, роботни днї од 10 по 15 годзин по 22. юний 2021. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 23. юния 2021. року, у просторийох Городскей управи за защиту животного штредку Городу Нового Саду, Руменацка 110 а, Нови Сад, на 12,30 годзин.

о принєшеним ришеню з хторим дата согласносц на Студию о преценьованю вплїву застатого стану на животни штредок проєкта базней станїци мобилней телефониї „НС118, НСУ118, НСЛ118, НСО118 НС-ВОЙВОДИ СТЕПИ” Нови Сад Ношитель проєкта „Телеком Сербия” а.д. Таковска 2, Беоґрад, поднєсол вимогу за даванє согласносци на Студию о преценьованю вплїву застатого стану на животни штредок проєкта базней станїци мобилней телефониї „НС118, НСУ118, НСЛ118, НСО118 НС-ВОЙВОДИ СТЕПИ” Нови Сад, у улїци Булевар войводи Степи бб, на катастерскей парцели 703/8, К.О. Нови Сад IV, Город Нови Сад. После запровадзеного поступку, Городска управа за защиту животного штредку дня 24. мая 2021. року принєсла ришенє число VI-501-658/20 же нє потребне преценьованє вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Процив того ришеня мо порушац управни суд пред Управним судом у чаше од 30 днї од дня обявйованя обвисценя о принєшеним ришеню у средствох явного информованя.

Городска управа за защиту животного штредку на основи члена 20. Закона о преценьованю вплїву на животни штредок („Службени глашнїк Републики Сербиї” число 135/04 и 36/09), обявює

Покраїнски секретарият за урбанизем и защиту животного штредку, на основи члена 20. Закона о преценьованю вплїву на животни штредок („Службени глашнїк РС” чс. 135/04) обявює

о явним увиду, явней презентациї и явней розправи о Студиї о преценьованю вплїву на животни штредок Подприємство „LABING” d.o.o. зоз Беоґраду, по овласценю ношителя проєкта „ A1 Srbija d.o.o. Beograd” doo Милутина Миланковича 1ж, Нови Београд, поднєслo вимогу за одлучованє о потреби преценьованя вплїву на животни штредок проєкта радио базней станїци мобилней телефониї „НС2389_02 НС_Нови_Сад_Слана_бара”, у улїци Йована Солдатовича 1, у Новим Садзе, на катастерскей парцели число 2214/8, К.О. Нови Сад I, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110 а, Нови Сад, роботни днї од 10 по 15 годзин по 22. юний 2021. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 23. юния 2021. року, у просторийох Городскей управи за защиту животного штредку Городу Нового Саду, Руменацка 110 а, Нови Сад, на 12 годзин.

явни увид студиї о преценьованю вплїву на животни штредок Ношитель проєкта „DP World” а.д. Нови Сад улїца Царинска чс. 1, Нови Сад, поднєсол вимогу за даванє согласносци на Студию о преценьованю вплїву на животни штредок ПРОЄКТА Вибудов и реконструкция Луки Нови Сад на к. п. 4142/35, 4142/2, 4142/7, 4142/40, 4142/39, 4142/3, 4142/29, 4144/4, 4144/3, 4142/8, 4142/27, 4142/26, 4142/4 и 10667/1 КО Нови Сад I. Податки и документация зоз вимоги ношителя проєкта мож достац на увид роботни дзень од 10г до 14 г у просторийох Покраїнского секретарияту за урбанизем и защиту животного штредку Булевар Михайла Пупина 16 Нови Сад (прижемє канцелария чс. 39) и у канцеларийох Городскей управи Нови Сад, улїца Руменацка чс. 110, по 07. 07. 2021. року. Под час тирваня явного увида заинтересована явносц може у писменей форми поднєсц зауваги и думаня на виложену студию о преценьованю вплїву на адресу Покраїнского секретарията. З цильом орґанизованя здравствено безпечних условийох за отримованє явней розправи и презентациї нєобходне же би шицки заинтересовани наявели свойо участвованє на телефон +381 21 487 46 90 лєбо по електронкей пошти на е-маил: еkourb@vojvodina.gov.rs. Явна презентация отрима ше 08. 07. 2021. року у будинку Влади АП Войводини (прижемє, канцелария чс. 39) на 12 г.

РЕПУБЛИКА СЕРБИЯ АВТОНОМНА ПОКРАЇНА ВОЙВОДИНА ГОРОД НОВИ САД Городска управа за маєток и маєтно-правни роботи Улїца Народного фронта чс. 53 21000 Нови Сад Телефон: 021/489-0000

ОБВИСЦЕНЄ

о поднєшеней вимоги за одлучованє о потреби преценьованя вплїву на животни штредок Ношитель проєкта „EMERALD HILL” DOO Нови Сад, Булевар войводи Степи число 52, хторого по ополномоцнєню заступа Проєктни биро „EKO LOGIC” JASMINA SARATLIĆ PR NOVI SAD Шумадийска число 21, поднєсол вимогу за одлучованє о потреби преценьованя вплїву на животни штредок проєкта „Вибудов продукцийного обєкта – роботнї за продукцию меблю поверхносци прижемє (П) и наджемного резервоара за ТНҐ капацитета 3 м³” у улїци Долнї Жеми бб, на катастерскей парцели число 8919/5 К.О. Футоґ, Город Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110а, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду.

32 РУСКЕ СЛОВО

ОГЛАШУЄ

ОБВИСЦЕНЄ

О обявйованю Явного конкурса за пополньованє окончуюцих роботних местох на нєодредзени час у Городскей управи за маєток и маєтноправни роботи Городу Нового Саду Роботне место: окончователь за роботи ликвидатури хторе розпоредзене до роботного места висши референт -1 окончователь на нєодредзени час.

Роботне место: окончователь за набавянє документациї за потреби управного поступку хторе розпоредзене до роботного места младши референт -1 окончователь на нєодредзени час. Роботне место: окончователь за набавянє документациї за нормативни и студийно-аналитични роботи у обласци роботного простора хторе розпоредзене до роботного места младши референт -1 окончователь на нєодредзени час. Тексти явного конкурса за пополньованє наведзених роботних местох мож превжац на интернет презентациї Городу Нового Саду: http://www.novisad.rs/. Городска управа за маєток и маєтно-правни роботи Городу Нового Саду

28. МАЙ 2021.

informator@ruskeslovo.com

sport@ruskeslovo.com

ТРЕЦА РУКОМЕТНА ЛИҐА СИВЕР „СИВЕР”

ПОБИДА НАД „СТАРИМ” ПРОЦИВНЇКОМ РК „Русинˮ – РК „Сивец 69” 35:32 (16:15)

У 13. колу Войводянскей рукометней лиґи Сивер „Сивер”, рукометаше Русина внєдзелю, 23. мая, дочекали „старих” ривалох зоз Сивцу. Було то змаганє дзе ше по сам конєц нє знало хто будзе побиднїк, а так ше и обчековало. Обидва екипи ше на початку змаганя зменьовали у водзеню резултата – зоз єдним ґолом розлики, а обачлїва була и єднакосц екипох. Заш лєм, по конєц першого полчасу ше дошло зоз минималну предносцу на хасен Русина. Друга часц ше нє вельо розликовала – було то праве хлопске, безкомпромисне бависко у надмудрованю. Домашнї бавяче хтори уходзели до бависка, дали свойо доприношенє прейґ датих ґолох, як и у бависку у охрани. Розположених бавячох Русина було вельо вецей, цо резултовало зоз конєчну побиду. Госци до Керестура пришли лєм зоз єдну замену, правда, зоз

ШК „ОМЛАДИНЄЦ”

ПРЕШВЕЧЛЇВИ КОЦУРЦИ

У Войводянскей шаховскей лиґи у котрей ше змага коцурски Омладинєц, прешлого викенду одбавене друге коло. Коцурски шахисти дочекали шахистох зоз екипи БТСК з Бачкей Тополї и победзели з резултатом 5:1. Партиї шахистох Омладинца на змаганю прицив БТСК-а здогадли на период кед коцурски шахисти були у самим верху лиґи у котрей ше змагаю. Висока побида зазначена и дзекуюци факту же Омладинєц на тим змаганю наступел у скоро наймоцнєйшим составе, а зоз першей постави хибел лєм Владимир Лазор. Побиди зазначели Карло Бала, Стеван Перич, Споменко Павичевич и Никола Тадич, а свою партию страцел лєм Ґавра Коларич. После двох колох Омладинєц ма єдно страцене змаганє и єдну побиду. У шлїдуюцим колу Омладинєц будзе госцовац у Бачкей Тополї, а бавиц будзе процив екипи ШК „ВУКМАТ”. З. К.

МАЛИ ОГЛАШКИ ДИХТОВАНЄ облакох и дзверох. Щици од витру, жими, праху, галайку, инсектох. МОНТИРАМЕ: ■ РОЛЕТНИ 28. МАЙ 2021.

■ ГАРМОНИКОВО ДЗВЕРИ ■ ПАНТЛЇКОВО ДЗВЕРИ ■ МРЕЖИ ОД СУНЬОҐОХ ■ ВЕНЕЦИЯНЕРИ ■ ОПРАВКИ Телeфон: 025/5827-710, 060/5088-433

даскелїма барз квалитетнима бавячами, но то нє було досц же би ше спроцивели розположеним и численшим русиновцом. Кед „моцна лавочка”, вец тоти найлєпши бавяче можу висц на даскельо минути одпочивку, цо у тим змаганю було досц важне, понеже себе госци таки „луксуз” нє могли дошлєбодзиц. За Русин, на нєдзельовим змаганю, найефикаснєйши були – Филип Орос хтори дал 8 ґоли, Филип Тома дал 7 ґоли, капитен Славко Гербут 6, Борис Югик и Виктор Микита по 5 ґоли, Владислав Салаґ 2, и Иван Рац и Мирослав Виславски дали по 1 ґол. Русин тераз 3. на таблїки зоз 13 бодами. У шлїдуюцим, и остатнїм колу, госцує у Кляїчеве, дзе би го побида затримала на тим високим 3. месце. Ан. М.

КУП НАЦИЙОХ У БОКСУ ЗА ЮНИОРОХ У ВЕРБАШЕ

ТУРНИР З МЕДЗИНАРОДНИМ ХАРАКТЕРОМ У першей половки юния Вербас по пияти раз будзе у знаку бокса, понеже ше у тим городу од 6. по 13 юний отрима Куп нацийох у боксу за юниорох. Отримана и схадзка Орґанизацийного одбору того медзинародного змаганя на котрей, окрем членох Одбору, були присутни и чолни людзе локалней самоуправи, представнїки Центра за физкултуру „Драґо Йовович”, як и вербаского Дома здравя „Велько Влахович”, Червеного крижа, Полицийней станїци Вербас и представнїки Канцелариї за младих и Културного центру, а шицки потвердзели сотруднїцтво и помоц на турниру. Секретарка Войводянского боксерского союзу Дария Хаджич сообщела же участвованє на турниру потвердзели 12 держави – Словацка, Летония, Греческа, Зєдинєни Америцки Держави, Кирґистан, Словения, Горватска, Русия, Сиверна Македония, Чарна Гора, Босна и Герцеґовина и домашнї Сербия. Приявйованє тирва по конєц мая, а член Орґанизацийного одбору Иґор Шкундрич обчекує же на тогорочним турниру буду участвовац 20 держави. Елиминацийни борби почню 8. юния у центру за физкултуру „Драґо Йовович” и буду тирвац пейц днї. По Шкундричових словох, плановане же би ше поставело ринґ на централней городскей площи 12. юния, док ше буду отримовац финални борби. Турнир ше будзе отримовац зоз почитованьом шицких епидемийних мирох, як визначел, а чи будзе допущене и присуствованє публики – о тим одлучи Кризни штаб за борбу процив Ковид-19 у вербаскей општини. Часц мечох, уключуюци и шицки финални, годно провадзиц и на телевизийних спортских каналох. Турнир ше находзи на лїстини Шветовей боксерскей асоцияциї и ма медзинародни характер. О. Р.

РУСКЕ СЛОВО 33

СПОРТ ПОДРУЧНА ФОДБАЛСКА ЛИҐА СУБОТИЦА

З ПОДЛИМ БАВИСКОМ ЧЕЖКО ДО УСПИХУ ФК „Раднички” (Баймок) – ФК „Искра” 3:2 (2:0)

Баймок: стадион ФК „Раднички”. Ґоли за Искру: 2 автоґоли ИСКРА: Ступар, Ваяґич, Барович, Дякович, Пердух, Стоянович, Иван, Сталевич, Дюрич, Лукич (Ґубаш) и Бокан. До бависка вошли: Ґубаш, Колошняи, Човс и Суботич У ФК „Искра” наздавали ше же ше коцурска екипа зоз госцованя у Бaймоку враци кед нє з трома, вец голєм з єдним бодом. Медзитим, фодбалере Искри предлужели зоз бависком цепле-жимне, а у Баймоку одбавели барз подло, та зоз таким бависком анї нє могли обчековац побиду. Домашнї до бависка вошли оштро и аґресивно, а коцурски фодбалере ше нє могли присподобиц такому бависку. У дзепоєдних моментох було видно же фодбалске знанє и физична пририхтаносц були на боку Искри, алє домашнї свойо нєдостатки надополньовали зоз борбеносцу котра им на концу и принєсла резултат. Хто будзе побиднїк, менєй-вецей було ришене уж после першого полчасу котре закончене зоз резултатом 2:0 за Раднички. Домашнї до предносци пришли у 20. минути кед єдну гришку охрани Искри вихасновал домашнї бавяч и принєсол предносц. После приятого ґола Искра

почала бавиц кус лєпше и нападац, алє праве тото нападанє Радничкому принєсло предносц, понеже Искра други ґол достала зоз єдного процивнападу. У другим полчасу до вираженя вше вецей приходзела физична пририхтаносц екипох, котра була на Искровим боку. Искра нападала, госци ше бранєли, а надїю же ше заш лєм може вибориц позитивни резултат Искри дали сами домашнї, кед єден бавяч Радничкого дал автоґол и зменшал на 2:1. Нажаль, радосц Коцурцох нє тирвала длуго, понеже домашнї нєодлуга знова дали ґол после котрого шицким було ясне же ше будзе чежко до Коцура врациц нєпоражени. Медзитим, и попри подлого бависка, Искра мала свойо шанси. Други ґол за Искру тиж домашнї дали сами себе кед Дюрич бил на ґол, а лабда потрафела бавяча Радничкого до хрибта и вошла до ґола. Дюрич потим премахнул стопроцентну шансу кед з главу потрафел греду, алє лабда нє вошла до ґолу. После 27 одбавених колох, Искра на 12. месце на таблїчки и потераз освоєла 31 бод. По конєц сезони остало одбавиц ище три кола, од котрих Искра два одбави у Коцуре. На нєдзелю Искра дочека Слоґу зоз Остоїчева, потим, тиж у Коцуре дочека екипу АФК зоз Ади и на концу, у остатнїм колу, будзе госцовац у Бачким Добрим Полю. З. К.

КАРАТЕ КЛУБ „ГАЙДУК” КУЛА

НА КУПУ СЕРБИЇ ТРИ МЕДАЛЇ ҐЛОРИЯНОВИ ШТРАНҐАРОВИ На карате Купу Сербиї за кадетох, юниорох и сениорох хтори отримани всоботу, 15. мая, у Беочину, участвовал и Карате клубу „Гайдук” зоз Кули. Спред кулского Карате клубу наступели 16-еро поєдинци и 5 екипи, а вєдно освоєли аж 10 медалї – 1 златну, 2 стриберни и 7 бронзово. З тей нагоди змагал ше и Керестурец Ґлориян Штранґар у трох катеґорийох – у поєдинєчней юниорскей катеґориї дзе завжал треце место, у юниорскей екипней катеґориї вєдно зоз Луком Ґириц, Марком Пуцар и Растком Батуран освоєли друге место. Штранґар ше змагал и у кадетскей екипней катеґориї дзе Фото. www.nasemesto.rs вєдно зоз Марком Пуцар и Растком Батуран завжали треце место. Внєдзелю, 16. мая, у Беочину було отримане визначне надїї, на хторим КК „Гайдук” тиж посцигнул замерковаМ. Дж. карате змаганє Дунай куп за когуцикох, пионирох и ни резултати.

34 РУСКЕ СЛОВО

28. МАЙ 2021.

sport@ruskeslovo.com

ЗМАГАНЯ МЛАДШИХ СЕЛЕКЦИЙОХ ФК „РУСИН”

ДОБРИ РЕЗУЛTАТИ ПРОЦИВ ИСКУСНЄЙШИХ Прешлого викенду, всоботу, 22. мая, отримане ище єдно фодбалске стретнуце на хторим штири змаганя одбавели младши и старши когуцики и пионире ФК „Русин” процив своїх парнякох зоз Червинки. На терен перши вишли когуцики, подзелєни до двох ґрупох. Перше наступела младша екипа 1. и 2. класи основней школи, а потим и старша екипа, дзеци 3. и 4. класи основней школи, хторих тренира Сани Колошняї. З тей нагоди, старши когуцики указали кус вецей схопносци, та госцох з Червинки победзели з резултатом 3:1 (1:1). На тим змаганю ше окреме добре указал схопни Тони Орос, хтори за свою екипу дал аж три ґоли. Дзекуюци йому и одлучному ґолманови, алє и тимскому бависку, русиновци однєсли побиду. За Русин у старшей екипи когуцикох бавели – Марко Драґутинович, Урош Плавшич, Лазар Плавшич, Єлисей Пап, Никола Планчак, Тони Орос, Марко Илич, Никола Петкович, Анамария Сопка, Алекс Звинґ и Николая Рац. Младши когуцики наступели у составе – Давид Колошняї, Тони Надь, Тони Колошняї, Тони Чижмар, Йован Бошкович, Валентин Гарди, Дзвонко Мудри, Марко Илич, Корина Будински и Даниел Фейди. После двох змаганьох когуцикох, на терен вишли и младши и старши пионире, школяре 5. и 6. класи основней школи, хторих тренираю Зденко Шомодї и Деян Йолич. За пионирох Русина бавели – Андрей Провчи, Лука Фа,

Теодор Штранґар, Максим Катона, Адриян Гарди, Марко Колошняї, Даниєл Иванкович, Стефан Настасич, Алекса Сопка, Кристиян Гайдук, Андрей Чизмар, Вукашин Вуйович, Тадия Гарди, Тадей Виславски, Теодор Сеґеди, Давид Джуня, Валентина Кочиш, Неманя Кушич, Кристиян Малацко, Даниєл Надь, Йован Плавшич, Иван Планчак. Младши пионире, дзеци 5. класи основней школи, з тей нагоди одбавели свойо остатнє 7. коло, на хторим ше одлучно указали зоз посцигнуту минималну розлику. Було то єдно з їх лєпших наступох. У першим полчасу рушели дакус слабше, понеже резултат бул 3:0 за госцох, док у другим полчасу нє допущели процивнїком дац анї єден ґол. Бавели упарто, шмело, а розлику на 3:1 у другим полчасу зменшал Тадей Виславски зоз єдним красним, чистим ґолом. З оглядом на тото же процивнїки искуснєйши бавяче од домашнїх, фодбал тренираю уж пейц роки, а русиновци лєм три мешаци, конєчни резултат 3:1 цалком добри, окреме бависко у другим полчаше. У екипи старших пионирох, односно дзецох 6. класи, даскельо бавяче хибели, та змаганє процив екипи з Червинки страцели зоз векшу розлику як младши пионире. Док ше Червинчанє на змаганю визначели зоз швидким, прецизним и жившим рухом зоз лабду, праве тота енерґичносц хибела русиновцом. Ан. М.

У СЛИКИ И СЛОВОХ

ОДЛИЧНИ ДЮРДЬОВСКИ КОГУЦИКИ Фодбалски клуб „Бачка 1923” зоз Дюрдьова ше може похвалїц зоз добру екипу младих фодбалерох котри на остатнїх двох стретнуцох зазначели одлични резултати, а тренере ше можу з нїма лєм цешиц. – Намагаме ше затримац квалитет бависка котри зме потераз мали, а то мож лєм зоз упарту роботу и тренинґами на високим уровню. Дзеци наисце вельо труду и моци

28. МАЙ 2021.

укладаю до фодбалу, похвалєл бим їх дисциплину и порихтаносц на побиду. Пред двома викендами зме госцовали у Пелеґичеву у Босни и Герцеґовини на Медзинародним турниру у фодбалу, а борели зме ше за уход до Квалификацийох за медзинародни турнир у Бечу, до котрого уж вошли клуби зоз познатима менами як цо Милан, Ювентус, Ливерпул. Посцигли зме одлични успих, завжали зме треце место и квалификовали ше за турнир у Бечу. За треце место зме бавели процив екипи ФК „Младосц” и победзели зме з резултатом 3:2 – приповеда тренер Душан Тривунович. Прешлого викенду ґенерация 2010/2011. зазначела ище єден успих на турниру у Беоґрадзе котри орґанизовала Школа фодбалу ФК „Олимпик” зоз Беоґраду. То було приятельске змаганє на котрим Бачка победзела зоз резултатом 4:1. Л. Кх.

РУСКЕ СЛОВО 35

СПОРТ

ПОДРУЧНА ФОДБАЛСКА ЛИҐА ЗОМБОР

ДВА РОЗЛИЧНИ ПОЛЧАСИ ФК „Твердиня” (Бач) – ФК „Русин” 4:3 (2:0)

БАЧ: стадион ФК „Бач”. Ґоли за ФК „Русинˮ дали – Кулич, Ковачевич, Бранкович. ФК „РУСИН”: Калинич, Тома, Голик, Ланчужанин (Чонка), Малацко, Ковачевич, Джуджар, Будински (Саянкович), Кулич, Бранкович, Даноєвич. У 31. колу Подручней фодбалскей лиґи Зомбор, фодбалере Русина всоботу, 22. мая, одбавели змаганє у Бачу, дзе страцели од домашнєй Твердинї. То им уж 13. змаганє у тей першенственей сезони же терен напущели як победзени. Домашнї предостатнї у Лиґи, и побида им була остатня „сламка спашеняˮ же би остали у истей лиґи. По законченє того першенства остало ище три кола, а кед би мали добри резултати по сам конєц, Твердиня би ше могла вицагнуц з найгоршого. Од самого початку домашнї рушели на „шицко або нїч”, за розлику од Русина хтори на змаганє вишол преполовени, без пейцох стаємних першотимцох, и без амбициї за високи пласман. Подмладзени тим Русина ше нє знашол у першим полчасу, та резултат бул на хасен домашнїх. Лєм цо почал други полчас, домашнї дали ище єден ґол, зоз чим наявели праву

Русинову катастрофу. Но, нє було то шицко на тим змаганю – за нєполни 10 минути Русин дава три ґоли, зоз чим виєдначує резултат. Три озбильни напади и три ґоли ше ридко случую на першенствених змаганьох. Перши ґол за Русин дал Янко Кулич, хтори конєчно як центарфор почал давац ґоли, а и бависко у нападу му вше озбильнєйше и хасновитше. Други ґол дал Неманя Ковачевич, бавяч хтори „реґрутовани” зоз кадетскей екипи Русина. Просто нєвироятне ше случело у 74. минути, кед Боян Бранкович зоз прецизним бицом виєдначел резултат на 3:3. Кед уж шицки думали же ше змаганє закончи зоз нєришеним резултатом, домашнї при самим концу змаганя дали ище єден ґол, так же боди остали у Бачу. Русин зоз 4. места тераз спаднул на 5. место, цо нє вельо меня и нє уплївує на конєчни резултат. Заш лєм, шлїдуюце змаганє укаже чи подли резултати у остатнїх колох лєм дочасови, чи настата „криза” у бависку озбильнєйша. Тей нєдзелї, 30. мая, до Керестура приходзи трецопласована екипа ФК „Будучносци” зоз Младенова хтора ше наздава баражу за уходзенє до Войводянскей лиґи. Змаганє на Ярашу почнє на 17 годзин и 30 минути. Ан. М.

ОКРУЖНА КА ДЕТСКА ЛИҐА

БОРБЕНО ПО ОСТАТНЮ МИНУТУ Кадети ФК „Русинa” наступели у составе – Д. Надь, Зорич, Бодянец, Няради, М. Иличич, Чонка, Л. Иличич, Тома, Ковачевич, Попов, К. Надь, Ж. Стричко Ґоли за Русин посцигли – Божидар Чонка и Лука Иличич У седмим колу ярнєй часци першенства у Окружней кадетскей лиґи, внєдзелю, 23. мая, кадети ФК „Русина” одбавели нєришено у госцох, у Природним парку „Тиквара” процив екипи ФК „Крила країне” зоз Бачкей Паланки, з резултатом 2:2 (2:0). Як ше блїжи конєц першенства, млади фодбалере вше убавенши, зоз вше лєпшим „наступом” на терену. Внєдзелю, процив моцного процивнїка хтори бул три места над нїма на таблїчки, бавели витирвало, борбено, стабилно... Но, сам початок змаганя нє указовал же конєц будзе позитивни за русиновцох. Гоч одношенє моцох на терену од самого початку було ровноправне, домашнї заш лєм перши дали ґол. Нєосторожносц русиновцох коштала же достали ґол, алє то нє зопарло хлапцох же би предлужели бавиц борбено и отворено. Нєодлуга ище єден ґол дали домашнї, а добри нагоди Луки Иличича и Александра Томи, нажаль, остали нєвихасновани. Резултат доброго бависка лєпше було видно у другим полчасу, кед исти бавяче як и на прешлим змаганю у Бачким Петровцу, Божидар Чонка и Лука Иличич, дали по єден ґол. Перше на 2:1 зменшал Божидар Чонка хтори у 50. минути дал евроґол зоз 20 метерох. У остатнєй, 90. минути, тиж з єдним красним бицом зоз 20 метерох, Лука Иличич направел преобраценє и вировнал резултат на 2:2. У другим

36 РУСКЕ СЛОВО

полчасу, як и у першим, було ище даскельо красни нагоди – Давида Надя, Александра Томи и Неманї Ковачевича, хтори нажаль, остали нєвихасновани, алє упартосц же би посцигли цо лєпши резултати тирвала по сам конєц. Тота упартосц, алє и надосц дуели, резултовали зоз червеним картоном Теодора Нярадия. Перши жовти картон достал штредком другого полчасу пре пригварки судийови, а други жовти картон достал пред сам конєц змаганя пре оштри старт над процивнїцким бавячом. За розлику од предходних двох змаганьох на хторих було аж штири спорни ситуациї висудзени на хасен Русинових процивнїкох, за тото змаганє мож повесц же було фер и коректне. Же ше нашим хлапцом по сам конєц удало вировнац резултат, пошлїдок, медзи иншим, и лєпшей физичней пририхтаносци, а то яґда дакус хибело процивнїцкей екипи. Свою физичну и другу пририхтаносц русиновци буду „мерац” и того викенду, кед до Керестура придзе екипа ФК „Орлови” зоз Бачкей Паланки, хтора тераз 9. од 10 екипох на таблїчки, док Русин после того змаганя забера 6. место. Будзе то остатнє змаганє на домашнїм терену у тей першенственей сезони. Ан. М. 28. МАЙ 2021.

sport@ruskeslovo.com

ОПШТИНСКА ФОДБАЛСКА ЛИҐА ШИД

У 17. колу Општинскей фодбалскей лиґи Шид, ОФК „Бачинци” на госцованю у сушедним Ґибарцу победзели Синдєлич зоз 4:1. Омладинєц у Батровцох победзел Єдинство (Лю) зоз 5:0, а Борец у Илинцох победзел Ґраничар з Ямени зоз 4:0. ОФК „Бинґула” направела нєсподзиванє и победзела Напредак з Вашици зоз 3:1, а у тим колу шлєбодна була екипа Єдинства (М). У колу пред законченє сезони, ОФК „Бачинци” перши зоз 42 бодами, Напредак други ма 37 боди, а Синдєлич треци зоз 26 бодами. Омладинєц штварти зоз 19 бодами, Єдинство (Лю) пияте ма 16 боди, ОФК „Бинґула” шеста зоз 15 бодами, Ґраничар седми ма 14 боди, Єдинство (М) осме зоз 13 бодами, а остатнї, дзевяти, Борец зоз 10 бодами.

Фото: В. Папуґа

БАЧИНЦИ ЛЄПШИ ОД СИНДЄЛИЧА

Стретнуце ФК „Синдєлич” – ОФК „Бачинци” 1:4

У остатнїм, 18. колу, на нєдзелю, ОФК „Бачинци” дочекую Єдинство (М), Напредак угосци Борец, Ґраничар будзе бавиц процив Омладинца, Єдинство (Лю) дочека Синдєлич, а шлєбодна екипа ОФК „Бинґула”. Вл. Дї.

МЕДЗИОПШТИНСКА ФОДБАЛСКА ЛИҐА СРИМ, ҐРУПА ЗАХОД

ОФК „БИКИЧ” У ДОБРЕЙ ФОРМИ

У 28. колу Медзиопштинскей фодбалскей лиґи Срим, ґрупа Заход, ОФК „Бикич” на домашнїм терену победзел Змай з Ночаю з 3:0, у Чалми Слоґа и Сримец з Беркасова бавели 0:0, Єднота у Шидзе старцела од Єдинства (Р) зоз 4:0. Ґраничар (А) страцел у Адашевцох од Фрушкей Гори з Руми з 1:0, ФК „Ердевик 2017” на своїм терену победзел Зеку Булюбашу зоз 4:0, у Куковцох ФК „Обилич 1993” победзел водзаци Фрушкогорец з 2:0, Шлєбода и Сримец з Ярку бавели 2:2, а Трґовачки страцел од Ґраничара з Кузмину зоз 5:0. На таблїчки Фрушкогорец и далєй перши зоз 64 бодами, ОФК „Бикич” тераз други зоз 57 бодами, Ґраничар (К) треци зоз 56 бодами, а тельо боди ма и Єдинство (Р) на штвартим месце. ФК „Обилич 1993” пияти зоз 54 бодами, Фру-

шка Гора шеста зоз 53 бодами, Сримец (Б) седми ма 44, а Змай осми ма 42 боди. Ґраничар (А) дзевяти зоз 38, а Зека Булюбаша дзешати зоз 36 бодами. ФК „Ердевик 2017” єденасти зоз 30 бодами, Трґовачки дванасти зоз 26 бодами, кельо ма и Шлєбода на тринастим месце. Сримец (Я) штернасти зоз 20 бодами, Слоґа (Ч) предостатня, петнаста, зоз 13 бодами, а остатня, шеснаста, Єднота котра ма лєм пейц боди. У 29. колу на нєдзелю, Зека Булюбаша дочекує ОФК „Бикич”, Сримец (Б) домашнї Шлєбоди, Єднота дочекує Ґраничар (А), Єдинство (Р) угосци ФК „Ердевик 2017”, а Змай будзе бавиц процив ФК „Обилич 1993”. Фрушкогорец домашнї Слоґи (Ч), Ґраничар (К) будзе бавиц процив Фрушкей Гори, а Сримец (Я) дочекує Трґовачки. Вл. Дї.

ПОДРУЧНА ФОДБАЛСКА ЛИҐА НОВИ САД

БАЧКА ШЕ ВРАЦЕЛА ДО БАВИСКА

ОФК „Славия” (Нови Сад) – ФК „Бачка 1923” 1:2 (1:1) Нови Сад: Стадион ФК „Славия”. Главни судия на медзитим, то ше у другей половки бависка пременєло кед змаганю бул Деян Кресич зоз Тителю, а помоцни Милан Роґич у 46. минути дал ище єден ґол за Бачку. Госцинска екипа ше намагала превжац лабду и бависко, алє судия бул Дьордє Миленкович зоз Футоґу БАЧКА: Неманя Иґнїч, Душан Чеґар, Ґоран по конєц змаганя резултат остал нєпременєни. Екипа Бачкей мала єдну пременку бавячох, кед на Калайджич, Никола Балоґ , Ратко Чирин, Стефан Сивчевич, Неделько Тривунович, Милан Роґич, початку тренер до бависка уведол Стефана Топчия, а з Драґан Тривунович, Стефан Максимович, Стефан бависка вишол Миленко Проданов. По словох орґанизаторох, змаганє ше закончело фер и Деянович, Миленко Проданов Першенствене змаганє 30. кола одбавене у Новим Садзе, коректно, без опомнуцох и векших проблемох. После того кола, Бачка ше находзи на єденастим месце и на котрим моци одмерали ОФК „Славия” з Нового Саду и ФК „Бачка 1923” зоз Дюрдьова. После даскелїх ма 40 боди. Шлїдуюце змаганє дюрдьовска екипа будзе пораженьох котри Бачка мала, бавяче ше помали врацели бавиц дома процив екипи ФК „Сириґ” зоз Сириґу, а змаганє почнє на 17,30 годзин. до бависка и у тим колу победзели зоз ґолом розлики. Л. Кх. Перши полчас закончени зоз виєдначеним резултатом, 28. MAЙ 2021.

РУСКЕ СЛОВО 37

ИНТЕРМЕЦО

ГОРУЦИ ТЕПШИ

Єдноставни мафини Пририхтованє꞉ До судзини усипац перше йоґурт, бо ше количество других состойкох будзе мерац зоз истим погаром. Додац погар олєю, 3 погари муки, погар цукру, 3 вайца, ванелийов цукер, пращок за пече-

Потребне: ■ погар йоґурту ■ погар олєю ■ 3 погари муки ■ погар цукру ■ 3 вайца ■ ванелийов цукер ■ пращок за печенє ■ сок зоз лимуна ■ чоколадови чипс, лєбо наламаней чоколади

нє и сок зоз лимуна. Шицко вимиксовац зоз миксером. Додац чоколадови чипс, лєбо порезану чоколаду на коцочки и зоз варешку вимишац. До фурмочкох за мафини положиц папери и усипац тоту зготовену мишанїну. Печиц у зогратей рерни 20-25 минути на 180 ступнї. При концу печеня од горе мож ище кущичко покласц чоколадови чипс, лєбо коцочки з чоколади.

(Марґита Лїкар, Наша кухарка)

Копрова мачанка Єдну варешку масци з двома варешками муки кус попражиме и додаме на дробно пошеканого желєного копру, кус премишаме и залєєме з млєком, посолїме, посладзиме по смаку и поквашнїме.

*копрова мачанка окреме смачна зоз младима кромплями, та ше зоз тоту комбинацию достанє прави ярнї полудзенок. 38 РУСКЕ СЛОВО

28. МАЙ 2021.

rusmak.ruske@gmail.com

ГОРУЦИ ТЕПШИ

Пририхтали: Лю. Цвеїч и Т. Салонтаї

Мария Бауцал, Вербас

Филовани медовнїки

Вайца, мед, марґарин, соду-бикарбону розпущиц на нєбарз моцней температури же би нє згорело, а потим положиц муку. Замишиц цесто. Миску зоз цестом прекриц зоз фолию и охабиц 2 годзини же би ше одпочинуло. Цесто роПотребне: зогнац на 3 центи и виберац зоз ■ 200 ґрами цукру фурмочку. Печиц ■ 2 вайца на 180 ступнї ■ ложка меду дас 7-10 минути. ■ ложичка сода-бикарбони Муку и ванели■ 100 ґрами марґарину йов цукер розму■ 450 ґрами муки циц зоз дакус млєка, остаток Фил млєка превариц и вец додац шицки состойки. ■ 400 милилитри млєка Кед ше фил добре охладзи додац до ньго 200 ґрами добре ■ 3-4 ложки муки розмишаного марґарину. Медовнїки лїпиц зоз филом, а одго■ ванелийов цукер ре положиц ґлазуру. ■ 150 ґрами цукру За ґлазуру треба 100 ґрами чоколади и 2 ложки олєю.

Милана Младеновски (инстаґрам cooking.with.love_mm)

Карменадли зоз шампиньонами Карменадли потлучиц зоз млатком, посолїц и положиц сенф. Пражиц их на дакус олєю, хтори сце пред тим зограли. Кед карменадли упражени, виняц их на танєр. У истим олєю у хторим ше пражели карменадли подинстовац на дробно порезану цибулю, потим додац порезани Потребне: шампиньони и кратко попра■ 8 швиньски карменадли жиц. без косцох (лєбо шницли) Положиц при■ 400 ґрами шампиньони смачки по смаку ■ 2 главки цибулї и врациц карме■ 180 ґрами шметанки надли там дзе ■ ложка сенфу ше пражели и ■ 2 ложки муки наляц води лєм тельо же би их прекрило. Охабиц же би ше ва■ присмачки (соль, попер, рело дас 20 минути до пол годзини. веґета, петрушково лїсце, У 2 децилитрох розмишац 2 ложки муки и шметанки и додацеснок у праху) вац помали до палачинкарнї и мишац. Охабиц минуту-два же ■ олєй за праженє би ше згусло. Мож их послужиц зоз варену рискашу. 28. МАЙ 2021.

РУСКЕ СЛОВО

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ

РОК LXXVII ЧИСЛО 22 (3943) НОВИ САД, 28. МАЙ 2021.

Фото: Андреа Медєши

■ ЛИТЕРАТУРНЕ СЛОВО: ПОЕЗИЯ И КРИТИКА ЦЕНА 30 ДИНАРИ

ОГЛЯДНУЦЕ НА ПРЕШЛОСЦ

Фотоґрафия: 0501P-B351

Фотоґрафия: 0651P

Даєдни фотоґрафиї обявюємє вецей раз, понеже за нїх дотераз нєт нїяки податки.

Завод за културу войводянских Руснацох ма нове число телефона 021/654-65-34

■ У БЕОҐРАДЗЕ ПРЕДСТАВЕНИ ПРОЄКТ „БИЛИНҐВАЛНИ СТЕМ НАУЧНЇЦИ”