Issuu

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ РОК LXXV ЧИСЛО 21 (3838) НОВИ САД, 24. МАЙ 2019.

■ ХОРСКИ ФЕСТИВАЛ „КАРПАТИ” У ВЕРБАШЕ ЦЕНА 30 ДИНАРИ

Фото: Оля Русковски

ПЕЙЦ ХОРИ УЧАСТВОВАЛИ НА 9. ХОРСКИМ ФЕСТИВАЛУ У ВЕРБАШЕ

Фото: Любомир Дудаш

Фотоґрафия: 0421P

Фотоґрафия: 0418P

ОГЛЯДНУЦЕ НА ПРЕШЛОСЦ

У проєкту идентификованя особох и подїйох зоз склєняних плочох фотоґрафох Будински зоз Руского Керестура, котру орґанизує Завод за културу войводянских Руснацох (ВР), а котри уж длугши час обявйовани на остатнїм боку новинох „Руске слово”, потребна векша помоц ширшей явносци. Велї од обявених фотоґрафийох уж идентификовани, алє о даєдних потераз зазначене барз мало податки. На Фейсбук боку Заводу за културу ВР до окремного албуму положени тоти фотоґрафиї, та ше модлї шицких котри дацо знаю о особох, подїйох, часу, обставинох, обичайох,

облєчиве и инши податки хтори вязани за тоти фотоґрафиї же би ше явели. Явиц ше мож прейґ порученя на Фейсбуку або коментару на фотоґрафиї, на имейл zavod.rusini@gmail.com лєбо на телефон 021/548-421. Кажда информация значна. Дзекуюци фотоґрафийом хтори настали у фотоґрафскей роботнї Будинскових, а котри диґитализовани на склєняних плочох, зачува ше шведоченє о живоце людзох и подїйох и велїх податкох цо припадаю културно-историйному скарбу Руснацох на тих просторох.

■ ЕПАРХИЯ СВЯТОГО МИКОЛАЯ,

НА МНОГАЯ И БЛАГАЯ ЛЇТА!

СТАНОВИСКА ЧЛЕНОХ ОДБОРОХ И РОБОТНИХ ЦЕЛОХ НАЦИОНАЛНОГО СОВИТУ РУСНАЦОХ

МЛАДИ НЄ ЛЄМ БУДУЧНОСЦ, АЛЄ ДРАГОЦИНА ТЕРАШНЬОСЦ РУСКЕЙ ЗАЄДНЇЦИ Пише: Иван КАНЮХ, предсидатель Роботного цела за младих

Зоз одлуку Националного совиту Руснацох зоз 2015. нансийох и з оглядом на тото, маме порозуменя за наяроку о снованю Роботного цела за младеж, млади у ру- вйованя наших старших колеґох же у тим року чежко скей заєднїци по першираз до стали можлївосц, знука годно обчековац звекшанє буджету Роботного цела за Националного совиту, само стойно одлучовац о розвою младих котре нєобходне, кед Националному совиту у интере су ище баржей заинтеактивно сцох и змистох за младих и дїйствовац у напряме їх Задатки и обчекованя котри пред нами ре совац младих за роботу рувитвореня. Як єдна зоз главних ских институцийох и уключонє мож успишно реализовац зоз активно сцох Роботного цела ванє младих до їх роботи. скромним буджетом яки ми тераз було додзельованє средствох, Гоч ми млади ношителє духу маме и котри з велькей часци одно сно софинансованє млаактивизма и волонтеризма у наопред зе лє ни за фи нан со ва нє дежских проєктох. За тоти штишей заєднїци, наша робота вимла деж ских про єк тох. ри роки софинансовани вецей мага вше векшу и константну як 100 младежски проєкти зоз Ми нє сцеме завишиц лєм од средствох Националного совиту, свидоми зме же присутносц при младих у шицобласци култури, информоваких местох дзе жию Руснаци, будучносц обрацена ґу проєктному ня, образованя, музики, розвацо вимага додатни трошки за ги... Медзитим, робота Роботфинансованю. Праве прето, Роботне превозиходзенє виволаньох у ного цела ше ту нє застановела. цело за младих инициятор снованя активованю нашей младежи. Члени того Цела активно робенового здруженя за младих зоз Задатки и обчекованя котри ли на афирмациї руских инстишедзиском у Новим Садзе котре будзе пред нами нє мож успишно ретуцийох при младих. Зоз своїм зазберовац младих зоз шицких наших ализовац зоз скромним буджеприкладом и прикладом других местох котри ше ту приходза том яки ми тераз маме и котри активних младих у рускей заєдшколовац, студирац и найсц роботу нїци, як и прейґ рижних активз велькей часци опредзелєни за но сцох, промоцийох, роботньфинансованє младежских проох и упознаваньох указовали як мож дацо порушац у єктох. Ми нє сцеме завишиц лєм од средствох Нациосвоїм ме сце цо цикаве и прицагує младих, а источашнє налного совиту, свидоми зме же будучносц обрацена ґу є и хасновите за руски културни живот. проєктному финансованю. Праве прето, Роботне цело за Друге зволанє Роботного цела за младих тиж рушело у младих инициятор снованя нового здруженя за младих добрим напряме, перши зме ше конституовали и почали зоз шедзиском у Новим Садзе котре будзе зазберовац робиц. Прилапели зме нови правилнїк о роботи дзе зме младих зоз шицких наших местох котри ше ту приходза визначели же кажде з нас ма конкретну улогу и задлуже- школовац, студирац и найсц роботу. Таке єдно здруженє ня. Наприклад, єден зоз перших резултатох такого при- нєобходне, бо Нови Сад младим понука велї можлївосци ступу то урядови бок Роботного цела за младих на дру- и велька шанса же млади, кед им ше нє понукнє дацо цижтвених мрежох дзе кладземе шицки информациї о на- каве у рамикох рускей заєднїци у Новим Садзе, пойду шей роботи, конкурси, проєкти, идеї и шицко тото цо ду- даґдзе индзей виполнїц свой шлєбодни час и виражиц маме же може буц хасновите младим у нашей заєднїци. свойо идеї, креативносц и способносц. Млади нас тераз можу провадзиц, контактовац з нами и дознац шицко цо им треба у вязи зоз нашу заєднїцу. Тиж Праве прето, кед слово о младих у рускей заєднїци, мотак, одредзени и заменїк предсидателя, як и особи котри йо становиско же их треба вше баржей уключовац до задлужени за комуникацию зоз рускима младежскима процесох приношеня одлукох на шицких уровньох. Таки здруженями у Сербиї и иножемстве. Нове зволанє Робо- тренд уж започати у нашей заєднїци и то вшелїяк треба того цела за младих надбудовює роботу прешлого звола- похвалїц. Медзитим, младих треба уключиц од початку ня жадаюци же бизме у шлїдуюцих штирох рокох ище до процесох, треба мац довирия до нїх, додзельовац им баржей, попри потримованя младежских проєктох, по- одвичательносци и зоз нїма бешедовац на єднаким уровню. Нє лєм декларативно, алє и насправди! Младим трерушовали свойо активносци унапрямени ґу младим. ба дац нагоду и шансу опробовац ше и реализовац свойо Медзитим, гоч млади наисце зоз своїма идеями, енерґию идеї, бо су порихтани за красни резултати, алє лєм кед их и талантом можу и муша буц мотор нашей заєднїци, ми ше будзе почитовац и кед ше як заєднїца нє будземе вичу позициї же часто завишиме од старших ґенерацийох но тримац того же млади наша будучносц. Мушиме покотри ище вше доминантни у шицких обласцох рускей хопиц же млади и наша драгоцина терашньосц!■ националней заєднїци. Свидоми зме того же тот поСтановиска висловени у тим тексту виключно авторово и нє чатни 2019. рок барз нєпод зековни кед слово о фивше одражую ушорйовацку политику новинох „Руске слово”

2 РУСКЕ СЛОВО

24. МAЙ 2019.

ЗМИСТ

УВОДНЇК Пише: Мартица ТАМАШ, редакторка рубрики Економия

■ Тижньовнїк 4–5. Национални совит Руснацох: формовани роботни цела за науку и за спорт

■ Нашо места 8–9. И у руских валалох отримана Ноц музейох” ”

■ Духовни живот 12–13. Шветочно преглашена Епархия Св. Миколая у Руским Керестуре

■ Култура и просвита 16. Отримани 9. Хорски фестивал „Карпати” у Вербаше

■ Дом и фамелия 19–21. Домашнї коктели – ришенє за ошвиженє

■ Людзе, роки, живот 24–25. Наш госц: Иван Гарди, Керестурец у Суботици

■ Економия 28–29. Министер польопривреди нащивел Ґосподїнци

■ Информатор

32–35. Мали оглашки и In memoriam

■ Спорт 37. Коцурска „Искра” обезпечела бараж Насловни бок: Зоз преглашеня Епархиї Св. Миколая у Руским Керестуре Автор фотоґрафиї: Любомир Дудаш

ПОЛЯ ШЕ ПОНОВЕЛИ ЗА 20 МИЛИОНИ ЕВРИ Тогорочни Медзинародни польопривредни саям, хтори на Новосадским сайме у Новим Садзе отримани 86. раз и на нїм свойо продукти и услуги представели 1 518 викладаче зоз 61 жеми швета, по предаваню польопривредней механїзациї превозишол очекованя викладачох. Податки членїцох Дїловного здруженя увожнїкох и вивожнїкох польопривредней механїзациї указую же вредносц подписаних контрактох польопривредних машинох виноши коло 20 милиони еври, а то двацец одсто предаваня за єден рок. Вистава польопривредней механїзациї орґанизована аж на 35 000 квадратних метерох. У компаниї Титан Машинери (Titan Mashineri) задовольни, бо предали нову серию комбайни Ахиал 7 250, на дзешатки трактори и вецей приключни машини, а нащивителє Сайма були заинтере совани и за овоцарски и винїцарски трактори и хедери и навиґациї. Компания КИТЕ, хтора позната по тим же предава трактори „Джон дир”, предала польопривредни машини за два милиони еври и сполнєла план так же на Сайме предала 100-ти трактор у тим 2019. року, а щешлїви купец за награду достал 100 литри моторного олєю. Задовольни и у компанийох Аґропанонка, хтора предава трактори Беларус и Махиндра, у АґроТех-у и других, бо направели вецей предрахунки як предходних рокох и, як гваря, прави ефекти очекую после Сайма. Саям указал же тарґовище польопривреди живе, же продукция поживи вельки привредни потенциял економиї нашей жеми, же вона вельо приноши, алє же ше до нєй и вельо уклада. На наших польох єст вше вецей нови трактори, комбайни и други польопривредни машини, дзекуюци тому же и Покраїнски секретарият за польопривреду, водопривреду и лєсарство и Министерство польопривреди, лєсарства и водопривреди зоз значнима средствами субвенционую купованє польопривредней механїзациї. Предносц маю млади и жени по 40 роки, и шицким вельо значи кед им держава надополнї 40, 60 одсто пенєжу, од того кельо плацели або шицко, цо случай зоз ИПАРД средствами. На пейц поволанки за доставанє пенєжу зоз тей Програми, сцигло 736 апликациї, цо за скоро 50 одсто вецей як ше очековало. То указує же ше парасти одшмелєли порихтац обсяжну документацию, хтору глєда конкурс за тоти средства. Польопривреднїком на розполаганю и 175 милиони еври нєврацаюци средства у рамикох ИПАРД програми за купованє тракторох, комбайнох и других машинох и, дзекуюци тому, у польопривреди вельо того годно рушиц на лєпше.

* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/VII, 21000 Нови Сад * Редакция: одвичательни редакторe – Славица Фейса, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Олена Планчак-Сакач, Вероника Вуячич * новинаре/ки – Мария Афич, Влада Дїтко, Сандра Саламун, Андреа Медєши, Оля Русковски * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a . d . B e o g r a d 160-923244-82 * Девизни рахунок 160-0050870024999-53 * Рукописи ше нє враца * Д ру ку є Д ру ка р н я graf” П е т р о ва р а д и н * ”Maxima E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *

Директор др БОРИС ВАРҐА *** Главни одвичательни редактор ИВАН САБАДОШ

24. МАЙ 2019.

РУСКЕ СЛОВО 3

ТИЖНЬОВНЇК КОНСТИТУОВАНИ РОБОТНИ ЦЕЛА ЗА НАУКУ И ЗА СПОРТ НАЦИОНАЛНОГО СОВИТУ РУСНАЦОХ

АКТИВНОСЦИ ХТОРИ ОПЛЕМЕНЮЮ ЦЕЛО И ДУХ ЗАЄДНЇЦИ З формованьом ище двох роботних целох – за науку и за спорт, комплетує ше структура Националного совиту Руснацох, односно його фахових целох. У предходним периодзе указало ше же тоти два роботни цела, кажде у своєй обласци и на специфични способ, значно доприноша и преглїбюю квалитет и обсяг нашей културней автономиї

онститутивана схадзка Роботного цела за науку отримана вовторок, 14. мая, у просторийох Заводу за културу войводянских Руснацох у Новим Садзе. До Роботного цела за науку меновани докторе наукох Дюра Гарди, Алексей Кишюгас, Йоаким Стрибер и академик Юлиян Тамаш, а за предсидателя вибрани проф. др Янко Рамач. На схадзки прилапени Дїловнїк о роботи Роботного цела у хторим одредзени його компетенциї и обовязки, як и други технїчни поєдинєчносци важни за роботу. Насампредз, то можлївосц и процедура отримованя електронских схадзкох, а тото ришенє потераз прилапели шицки роботни цела у рамикох Националного совиту рускей националней меншини. РУСНАЦИ У АКАДЕМСКИМ ФОКУСУ Предсидатель Роботного цела за науку, проф. др Янко Рамач, присутних на схадзки поинформовал о орґанизованю и отримованю Медзинародней науковей конференциї „Лемки, Бойки, Гуцули, Руснаци – прешлосц, сучасносц, духовна и материялна култура”. Конференция ше отримує кажди други рок, а вше у другей держави. Того року пришол шор же би була отримана у Новим Садзе. Як плановане, єй реализацию ше очекує концом юния, а на нєй, як надпомнуте, буду участвовац 30 академски фаховци зоз шейсцох державох. Як визначел предсидатель Роботного цела за науку, куриозитет тей Конференциї же на нєй буду участвовац и представителє зоз ЗАД и Япону. Член Роботного цела за науку Йоаким Стрибер поинформовал присутних о поволанки Националней библиотеки – ґрупи за Славянски народи зоз Беоґраду на сотруднїцтво. Слово о отримованю своєродней конференциї хтора у фокусу будзе мац нашу историю, традицию и културу. Национална библиотека уж длугши час заин-

Роботне цело за спорт

4 РУСКЕ СЛОВО

Роботне цело за науку

тересована за сотрудзованє з нашу националну заєднїцу, а з тей нагоди понукла цалу лоґистику за отримованє „Беоґрадскей Конференциї”. Конференця би требала буц отримана на початку юния, а на тей конститутивней схадзки приявели ше троме учашнїки и теми на хтору би могли бешедовац. Стрибер винєсол и новосци по питаню Проєкту „Горизонт 2020” у хторим би наша меншина знова була у центре уваги. Но, тот проєкт би облапел, так повесц, цалу популацию Руснацох у Европи, а у питаню вельки материялни средства хтори уложени за його реализацию. На Конститутивней схадзки за подпредсидателя Роботного цела за науку меновани др Дюра Гарди а за записнїчара Таня Арва Планчак, а на схадзки присуствовал предсидатель Националного совиту Рускей националней меншини Борислав Сакач. ОТРИМАЦ РИТЕМ СПОРТСКИХ БАВИСКОХ Зоз конститутивну схадзку отриману 16. мая у просторийох Националного совиту Руснацох у Руским Керестуре, формоване Роботне цело за спорт. Национални совит Руснацох до Роботного цела за спорт меновал Ивана Папуґу з Вербасу, хтори вибрани за предсидателя Цела, а за членох Янка Хому з Руского Керестура, Звонка Салаґа з Дюрдьова, Владислава Папуґу зоз Бачинцох и Владимира Ивана з Нового Саду. На схадзки участвовали и предсидатель Вивершного одбору Националного совиту Руснацох Желько Ковач, и секретар Совиту Таня Арва Планчак. После конституованя, нови члени подписали Записнїк о конститутивней схадзки, а з явним гласаньом и векшину ,,заˮ, вигласане же би ше такой отримало и першу порядну схадзку. 24. MАЙ 2019.

tiznjovnjik@ruskeslovo.com

ТИРВА АКЦИЯ ЗА БИСТУ ЯШИ БАКОВА Попри спортских активносцох, Роботне цело за спорт розпатрало и цек акциї збераня пенєжу за виробок бронзовей бисти Йоакима Яшу Бакова, котру орґанизую КУД ,,Тарас Шевченко” зоз Дюрдьова и Спортске здруженє Спортских бавискох ,,Яша Баков”. За бисту треба обезпечиц коло 130 000 динари, а за тераз, од Општини Жабель, достате коло 30 000 динари. Же би ше бисту могло вифинансовац, у цеку акция збераня металу бакру и алуминиюму хтори ше преда, а назберани пенєж ше похаснує на финансованє спомнутей бисти нашого спортского велїкана.

По штвартей точки дньового шора, бешедоване о прешлих и наиход зацих активно сцох Роботного цела. Кед слово о прешлих активно сцох у цеку 2019. року, Спорт ске здруженє Спорт ски бависка ,,Яша Баковˮ участвова ло на турниру ква лификацийох за ше сти ,,Русин купˮ котри отримани у Руским Кере стуре, отримане и змаганє у билияру у Дюрдьове, потим, змаганє у кошарки ,,3 на 3” у Шид зе, змаганє у столним тенису у Бачинцох. У плану нада лєй витвориц ище 17 екипни и осем поєдинєчни змаганя.■ А. Паланчанин/Ан. Медєши 24. МАЙ 2019.

ОТРИМАНА ПЕРША СХАДЗКА СОВИТУ ЗА МЕДЗИНАЦИОНАЛНИ ОДНОШЕНЯ OПШТИНИ КУЛА

ЖЕЛЬКО КОВАЧ ПРЕДСТАВИТЕЛЬ РУСНАЦОХ У малей сали Скупштини општини Кула, стреду, 15. мая отримана перша схадзка Совиту за медзинационални одношеня котру зволал предсидатель Скупштини општини Кула Велибор Милоїчич.

теля Општини Кула Дамяна Милянича. На тим сходзе, єдна од темох була и початок зоз роботу того цела, хторе по закону и статуту держави мушело буц урядово формоване. Здогаднїме, од остатнєй схадзки Скупштини оп-

Фото: Кула.рс

По другей точки дньового шора, спомнути проблем одредзованя до хторей роботней дїялносци будзе припадац Роботне цело за спорт. Понеже шицки средства Националного совиту треба розподзелїц до штирох компетенцийох за хтори вон задлужени – право на образованє на мацеринским язику, културу, информованє и службене хаснованє язика и писма, Роботне цело за спорт би, на основи того, требало уклопиц до даєдней од тих штирох обласцох. Окреме же, зоз приношеньом нового Закона о вименкох и дополнєньох Закона о Националних совитох националних меншинох, шицки средства хтори наменєни Националному совиту муша буц вихасновани и потрошени, по напредок принєшеним плану. То значи же нє остава простору за ,,шлєбодне” розполаганє зоз средствами, або даяки позарядово финансованя. На схадзки, после приприлапйованя Дїловнїка о роботи Роботного цела за спорт, одредзени и заменїк предсидателя Роботного цела, а то Звонко Салаґ з Дюрдьова, як и записнїчар Владислав Папуґа з Бачинцох.

На Совиту за предсидателя вибрани Йово Хайдин, представнїк векшинскей, сербскей националней заєднїци, а за його заменїка Желько Ковач, представнїк рускей националней заєднїци у Општини Кула, хтори и член нашого Националного совиту, и предсидатель його Вивершного одбору. Совит за медзинационални одношеня Општини Кула ма вкупно дзевец членох. Штверо представнїки сербскей националносци – Йово Хайдин з Липару, Миряна Обрадов з Кули, Велько Лукишич з Кули и Радован Ковач з Кули. Спред чарногорскей националней меншини, у Совиту Слободан Баланджич з Кули, а Руснацох будзе заступац Желько Ковач з Руского Керестура. Кристиан Золтан з Кули представнїк мадярскей националней меншини, представитель Українцох Михал Кржачек, а горватскей националней меншини Мира Ґонка. Схадзка зволана на инициятиву представнїкох Националного совиту Руснацох – предсидателя Борислава Сакача, заменїка предсидателя Йоакима Раца и предсидателя Вивершного одбору Националного совиту Желька Ковача, хтори 7. мая нащивели предсида-

штини Кула на хторей принєшене ришенє о формованю Совиту за медзинационални одношеня, прешол цали рок. На схадзки предложене же би ше у року од мешац заказало и порядну схадзку, на хторей би ше принєсло Дїловнїк о роботи Совиту, хтори будзе реґуловац тото цо у инґеренциї Совиту за медзинационални одношеня. Улога Совиту же би розпатрал и давал думанє коло шицких питаньох на териториї єдинки локалней самоуправи, а хтори ше дотикаю сполньованя меншинских правох заєднїцох хтори жию на єй подручу. Перши Совит за медзинационални одношеня Општини Кула зволани 2011. року, а спред рускей националней меншини член бул Михайло Зазуляк. После Зазуляка, спред Руснацох до Совиту менована народна посланїца и член НС Руснацох Олена Папуґа, а 2017. року тоту функцию формално превжал Желько Ковач. Руснаци маю менованих представнїкох у совитох за медзинационални одношеня општинох Жабель, Шид, Вербас, Бачка Тополя, и Кула, як и у Совиту за медзинационални одношеня Городу Нового Саду. Ан. Медєши

РУСКЕ СЛОВО 5

ТИЖНЬОВНЇК СХАДЗКА УПРАВНОГО ОДБОРУ ЗАВОДУ ЗА КУЛТУРУ ВОЙВОДЯНСКИХ РУСНАЦОХ

КОНЄЧНА ОДЛУКА О ПРОЄКТОХ БУДЗЕ ПО НЄДЗЕЛЇ У шедзиску Заводу за културу войводянских Руснацох стреду, 15. мая, отримана схадзка Управного одбору тей институциї, а на дньовим шоре було одлучованє о розподзельованю средствох по Конкурсу за нєматериялни скарб и сучасну уметнїцку творчосц. Конєчну одлуку члени Управного одбору нє принєсли, прето же у дзепоєдних случайох нє придата подполна конкурсна документация онкурс Заводу за културу бул розписани за Програму очуваня и пестованя нєматериялного скарбу и Програму сучасней уметнїцкей творчосци. За першу програму опредзелєни средства у суми од 700, а за другу 300 тисячи динари. По Конкурсу сцигло 32 прияви од вкупно 16 ношительох, алє Фахова комисия за бодованє виключела проєкти вецей апликантох прето же документация нє була подполна, а тиж так и прето же дзепоєдни проєкти нє одвитую конкурсней вимоги. – При розпатраню звиту Фаховей комисиї и Предкладу ранґ лїстини, УО принєсол Одлуку же би ше дал дополнююци термин од осем дньох гевтим подношительом хтори мали нєподполну документацию же би ю дополнєли, так же ше конєчни резултати Конкурса буду знац аж по вицеку тих осем дньох. Тиж так, кед слово о Програми нєматериялного културного скарбу, УО принєсол одлуку же би кажди проєкт хтори виполнює условия Конкурсу достал минималну суму средствох у рамикох буджету зоз хторим Завод розполага, а на хтору ше будзе додавац средства на основи бодох хтори додзелєла Фахова комисия за оценьованє приявох. Пре нє послати финансийни звити за прешлорочни проєкти по конєц рока, и пре нє участвованє на едукацийох Заводу и Националного совиту даєдни прияви мали барз мало боди, та зоз суму хтора би им була додзелєна наисце нєможлїве реализовац предложени проєкти. Тоти суми и так мали, прето же Завод того року пред розписованьом Конкурсу нє достал дополнююци средства од Националного совиту. На шицки способи пробуєме висц вочи нашому цивилному сектору и другим институцийом култури, алє у рамикох почитованя Правилнїка и пропозицийох Конкурса – гварела директорка Заводу за културу войводянских Руснацох Анамария Ранкович и визначела же то и становиско Управного одбору, хтори принєше конєчну одлуку. ВИМОГИ Иншак, на Конкурс сцигло двацец вимоги дзевец ношительох за софинансованє проєктох у Програми очуваня и пестованя нєматериялного културного скарбу. КПД „Дюра Киш” зоз Шиду конкуровал за два проєкти – шпивацка секция и оркестер, за хтори вимагал по 95 тисячи динари. КУД „Иван Котляревски” зоз Бикич Долу за проєкт шпивацкей и фолклорней ґрупи вимагало 154 000 динари. КУД „Тарас Шевченко” зоз Дюрдьова придал вимоги за штири проєкти: жридлове шпиванє 70 000 динари, фолклор 80 000 динари, тамбурова секция 70 000 динари, и рецитаторе 30 000 динари. Руски културни центер зоз Нового Саду тиж придал штири проєкти: оркестер 100 000 динари, жридлове шпиванє

6 РУСКЕ СЛОВО

Фото: В. В.

130 000 динари, фолклорна секция 275 000 динари и хорске шпиванє 170 000 динари. РКУД „Гавриїл Костельник” зоз Кули за проєкт жридлового шпиваня вимагал 96 000 динари, а КУД „Петро Кузмяк” зоз Нового Орахова за проєкт фолклорней секциї 50 000 динари. КУД „Жатва” зоз Коцура конкуровал за три проєкти: за фолклор 130 000 динари, за женску шпивацку ґрупу 140 000 динари и за дзецински тамбурови оркестер 140 000 ди на ри. КПД „Кар пати” зоз Вер ба су за три про єкти ви ма га ло за хор ске шпи ва нє 224 000 динари, за фолклор 182 000 динари и за оркестер

ПРОТОКОЛ Члени Управного одбору поинформовани о розгваркох хтори водзени у протоколарней служби АП Войводини у вязи зоз протоколом дочекованя визначни госцох на наших манифестацийох. Протоколарни одряднїци важни насампредз же обезпечую стабилносц и жадани уровень явних подїйох. У нїм точно одредзене хто дочекує госцох, хто дзе шедзи, рядошлїд бешеди, итд. З почитованьом протоколарних правилох, вецей нє требали би ше случовац гришки и препущеня хтори зме на вецей заводи призначели на наших сходох и манифестацийох.

160 000 динари. Парохия святих Кирила и Методия зоз Беоґраду за проєкт „Каламенє руского беоґрадского конару” вимагала 100 000 динари. Кед ше поздава, по рижних проєктох у тей обласци нашо дружтва и институциї вимагаю 2 490 873,37 динари – три и пол раз вецей як цо за тоти проєкти єст пенєжи на розполаганю. На Конкурс за Програму сучасней уметнїцкей творчосци вимоги послали єденац ношителє за дванац проєкти. КПД „Дюра Киш” зоз Шиду за проєкт дзецинскей представи „Заспана красавица” вимагало 85 тисячи динари. КУД „Тарас Шевченко” зоз Дюрдьова за проєкт виробку и по ставяня бисти Яши Бакова вимагало 30 000 динари. Ново садски РКЦ при дал два про єк ти: знї ма нє му зич них 24. MАЙ 2019.

tiznjovnjik@ruskeslovo.com матрицох, за цо вимагал 200 000, и представу „Шпак”, за хтору вимога 150 тисячи. Новинарска асоцияция Руснацох зоз Нового Саду за проєкт „Учме вєдно руски язик: Читай ми” вимагала 130 000 динари, а НВУ „Руске слово” зоз Нового Саду за проєкт вистави „Твитература з мура” вимагало 50 000 динари. Етно клуб „Одняте од забуца” зоз Коцура за проєкт дзецинскей представи „Васо Пикасо” вимагал 50 000 динари, а РКУД „Гавриїл Ко стельник” за проєкт монодрами „Ясна” 110 000 динари. Коцурске здруженє младих „Кум” зоз Коцура за проєкт едукациї младих вимагал 80 000 динари, а РНТ „Дядя” зоз Руского Кере стура за проєкт представи „Вина” вимагал 218 270,83 динари. Здруженє женох „Олория” зоз Дюрдьова за проєкт вистави старих фотоґрафийох, обичайох и облєчива вимагало 92 000 динари, а Дружтво за руски язик зоз Нового Саду за проєкт Подобовей вистави зоз каталоґом вимагало 35 000 динари. Кед ше поздава, за проєкти з тей обласци нашо дружтва и институциї вимагали 1 230 258,19 динари – штири раз вецей як у буджету тей часци Конкурса єст пенєжи. ПРЕСЛАВА НАЦИОНАЛНОГО ШВЕТА На схадзки Управного одбору Заводу за културу розпатрани и предклад Орґанизацийного одбору за преславу Националного швета Руснацох же би ше нашо швето означовало у Новим Садзе. Як було обгрунтоване на схадзки, Нови Сад понука найлєпшу лоґистику за означованє швета, а тиж так средства хтори наменєни за преславу би були рационалнєйше потрошени. Як надпомла предсидателька Орґанизацийного одбору за пре славу Националного швета Руснацох Олена Планчак Сакач, потераз ше нашо швето пре славело у каждим ме сце дзе жию Руснаци, а понеже єден круг пре слави по тим моделу закончени, здобуте искуствиє указує же условия у хторих ше отримую манифе стациї у рамикох того швета розлични. Дакеди аж и спод минималного уровня, та ше дошло по идею же би ше го отримовало у Новим Сад зе пре вецей причини. Насампредз то вигодни условия за отримованє програми – можлївосц вибору сали, ра ци о нал нє й ше ха сно ва нє шиц ких дру гих ре сур сох, шпорованє пенєжу. У дискусиї дефиновани вецей предклади, гоч було вецей бешеднїкох хтори були опредзелєни же би швето було означоване як и потераз – у шицких местох з обгрунтованьом „же на тот дзень домашнї валал ожиє”. Члени Управного одбору предложели же би ше централну манифестацию Дня Руснацох идуцого року отримало у Шидзе у реновированей сали Културного центра. Потим, идуцого року, у Новим Садзе, прето же 2021. року Нови Сад будзе пристолнїца Европскей култури. Пред приношеньом конєчней одлуки Орґанизацийни одбор би требал превериц можлївосци хтори понука реновирани Културни центер у Шидзе. Но, после гласаня ше нє могло принєсц конєчни предклад, та ше тото питанє пошлє на розпатранє Националному совиту. Директорка Заводу за култу ру во й водян ских Ру сна цох, Анамария Ран кович, по ин формо ва ла чле нох Управно го одбору и о обста ви нох у вя зи зоз хи жу у улї ци Матици сербскей у Новим Са дзе дзе би ше тре ба ла пре селїц тот ин сти туция. На схадзки були 6 од 9 членох Управного одбору, а на схадзки присуствовал и предсидатель Националного совиту Руснацох Борислав Сакач.■ А. Паланчанин 24. МАЙ 2019.

STANOVISKA Пише: Каролина ДЖУДЖАР, професорка руского язика

ДО ДЮҐА

Якаш там Милица Дабович зоз белаву шлївку на шиї. Тота иста о пар днї ше уцагла до чарного цесного бикинию – главна вистка. Єй бувши леґинь госцує на телевизиї и опущено бешедує о шицким. Чекаме же би ше ище и вон зруцел до гола и поставел слики на инстаґрам. Шицко тото сом нєдавно чула од школярох котри водзели моцну дебату на тоту тему. Ище и гваря же кед ши нє на инстаґраму, тебе нєт. Ти просто нє постоїш. Розум ше поцагнул до мишовей дзири, же би глупосц насправди и у полней моци коло водзела. Чловек би и могол обкеровац таку ситуацию, алє випатра лєм под условийом же пойдзе жиц до лєса ґу медведзом и там страци сиґнал. У процивним, чежко. Зоз шицких бокох, кадзи лєм главу обрациш, насловни боки зоз Цецу, єй дзецми, Секу, Дару, Алеком, трапезу, насилнїками, збойнїками.. Поламал, одламал, одрубал, зрубал, украднул, предал... И так до круга. Зоз лацом, обовязно. Бо, кед нє наглашиш свойо становиско зоз лацом, вец то нє ма таки моцни ефект. Ефект на цо? На кого? На празноглавих? Кед нє лаце, вец голи перша, голи задок, огромни надути ґамби и обовязно пулєнє истих кед ше прави фотоґрафию. И гей, нєзаобиходна глупосц котра грожи же нас на сухо прелїґнє. А дзеци як шпунджиї. Лєм упиваю. Уча же то цалком нормалне зоблєкац ше гоч дзе, и гоч кеди. Кед ше зоблєчеш, доставаш и простор, та и увагу. Кед ши облєчени, нє видно це. Нє постоїш. Цалком нормалне постац криминалєц, ша криминалци и так шлєбодно жию, шпацираю ше, без даякого скрупулу участвую у рижних риалитийох, зоз дату можлївосцу жє би 24/7 до камери пред широким авдиториюмом приповедали цо ґод им лєм спаднє на розум. А дзеци упиваю. Уча же то цалком нормалне краднуц, бо хто краднє, тот и ма. Хто нє краднє, за ньго ше жобра прейґ новинох або смс порученьох. Уча же ше нє треба учиц, бо кед ше вишколую, буду мушиц сцекац зоз тей держави, або отворя даяки киоск зоз виршлами и плєскавицами и то под условийом же за тото достаню допущенє. Уча же то цалком нормалне естетично ше деформовац, бо хто ту ище дзба за нукашню красоту, або гарактер особи? Уча ше жиц на фейсбуку, на инстаґраму, на твитеру, на рижних медийох, бо без интернету живота нєт. Дзеци упиваю, а дружтво их анї кус нє шпорує. Уча на силу буц „премасцени” зоз шицкима фарбами и лукави прето же чули родичох кед знали повесц: „До дюґа (поправдзе, ту було лаце похасноване) ми, и наша чесносц”. А вец видзели же исти тоти родичи жичаю од особи котра ше на погубени способ збогацела же би могли виплациц маґнетну резонанцу, або даяке друге лїченє. Часи ше пременєли. И людзе ше премєнєли. Технолоґия вошла на вельки дзвери и поремецела шицко. А окреме медиї. Рошню яґод кед би бог до нїх квасу руцел. Ище и надрилєни темпо. И тото же нє знаме як влапиц крочай зоз тим шицким. А дзеци лєм упиваю. Найчастейше тото цо нє треба. Становиска висловени у тим тексту виключно авторово и нє вше одражую ушорйовацку политику новинох „Руске слово”

РУСКЕ СЛОВО 7

НАШО МЕСТА „ДНЇ И НОЦИ МУЗЕЙОХ” У РУСКИМ КЕРЕСТУРЕ

ПРИЄМНЕ И КУЛТУРНЕ ПОПОЛАДНЄ Манифестация „Днї и ноци музейох” у орґанизициї Туристичного здруженя „Руски Керестур” отримана през квалитетно обдумани роботнї за предшколски и школски дзеци, музични точки, розпатранє музейней збирки и з понукнутим етно столом. Замок всоботу, 18. мая, од 16 по 23 годзин бул нєпреривно нащивени, а окреме роботнї за предшколски и школски дзеци. – Мило ми же було вельо дзеци зоз родичами и же то було приємне културне пополаднє, єдно красне стретнуце дзе дзеци могли научиц дацо з нашей прешлосци, о старих обичайох и видзиц музейну збирку. Дзеци наймладшого возросту мали роботнї прилагодзени свойому возросту, а младши и старши основношколски дзеци ґу свойому. Оможлївене видзиц и даяки нови напрями хтори актуални у образовней политики, нє лєм у Сербиї, алє и на шветовим уровню, як цо амбиєнтална настава, интерактивне ученє, участвованє у експериметнох, повязованє природних наукох зоз уметносцу. На роботньох були виложени експонати хтори правели ґимназиялци, та младши могли видзиц и дацо звонка того цо робя у школи. Орґанизована и роботня зоз цестом дзе дзеци, а боме и мацери, правели пироги – визначела предсидателька Туристичного здруженя, Любица Няради. Окрем роботньох, єдна часц програми пошвецена народним писньом, хотру релизовали професоре и школяре керестурского оддзелєлня Музичней школи. Висцельованє посцелї тиж було атрактивне и прицагло увагу присутним.

Велї Керестурци котри нїґда нє були у музею, вихасновали нагоду и нащивели го, так же од 16 по 23 годзин у „Замку” вше було дакого. Бул порихтани и етно стол за послуженє дзецом и нащивительом. Хто ґод пришол нашол ше у даєдним сеґменту хтори бул порихтани. Манифестция „Днї и ноци музейох” отримана зоз помоцу Туристичней орґанизациї Општини Кула, а обчекує ше и средства з Роботного цела за младих Националного совиту. Партнере у реализациї „Дньох и ноцох музейох” було Здруженє женох „Байка”, Предшколска установа „Бамби” и учительки и професоре зоз Основней школи и Ґимназиї „Петро Кузмяк”. О. Ж.

У ВЕРБАШЕ ОКОНЧЕНА ПЕРША ОПЕРАЦИЯ УКЛАДАНЯ ЦАЛОСНЕЙ ПРОТЕЗИ КОЛЄНА

ПОДЗВИГНУТИ КВАЛИТЕТ ЗДРАВСТВЕНИХ УСЛУГОХ У Общим шпиталю у Вербаше, вовторок, 14. мая окончена перша операция укладаня цалосней протези колєна. Пририхтованя за початок такей файти операциї тирвали скоро два роки. По доставаню шицких потребних согласно сцох, формовани тим еминентних фаховцох зоз вецейрочним искуством – прим. др Веселин Боят, др Срдян Радич, др Златко Лаинович и др Милан Милович, специялистох ортопедскей гирурґиї и траума-

8 РУСКЕ СЛОВО

толоґиї, хтори зробели тоту комплексну процедуру. Плановане же би ше у Общим шпиталю Вербас каждого вовторку по конєц рока оперовало пациєнтох хторим потребна протеза колєна, виявел за медиї директор др Милан Попов. На тот способ, Общи шпиталь Вербас постал єден зоз здравствених центрох у хторих ше запровадзує тоту файту операциї, зоз чим ше подзвигує квалитет здравствених услугох хтори на розполаганю гражданом. М. Т. 24. МАЙ 2019.

mesta@ruskeslovo.com

ЗАКОНЧЕНА АКЦИЯ ЗА ОГНЬОГАСНИ КАМИОН У РУСКИМ КЕРЕСТУРЕ

ВАЛАЛЧАНЄ УКАЗАЛИ ОДВИЧАТЕЛЬНОСЦ Месна заєднїца Руски Керестур и Добродзечне огньогасне дружтво (ДОД) приведли ґу концу зберанє добродзечних прилогох за купованє огньогасного камиона хторе тирвало од 11. марца по 10. май. У акциї вкупно назберане 1 826 000 динари, а на тоту суму будзе дониране ище 600 000 динари зоз Општинскей управи. Попри жительох Руского Керестура и приватних поднїмательох, у ак циї уча ство ва ли и 25 ке ре стур ски фа ме лиї зоз Ка на ди, зоз го родох Са скату ну (Sa ska toon) и Норт Бетлфорду (North Battleford). – Одволованє людзох прешло барз добре и з тей нагоди сцем подзековац шицким цо участвовали у тей акциї, а окреме привреднїком Керестура, хтори нам нєсебично помогли у донираню пенєжох. Тиж, вельку финансийну помоц зме достали и од наших людзох зоз Канади, та и зоз Швайцарскей, як и од жительох Керестура, хтори пенєж дали спрам своїх можлївосцох. Помоц зме достали аж и од оджацкого командира, понеже праве професийна Огньогасна єдинка Оджак задлужена за Керестур – визначел предсидатель Совиту Месней заєднїци Владимир Олеяр.

Предсидатель општини Кула наявел помоц 600 000 динари хтори ше годно достац прейґ розписаного конкурсу на хтори ДОД будзе апликовац. Камион ше купи аж кед ше виплаци на жиро рахунок Дружтва. Нови огньогасни камион будзе реґистровани на керестурске ДОД и зоз нїм буду розполагац лєм члени Дружтва. Минимална цена зоз царинскима трошками и особи котра би увезла камион, виноша коло 10 000 еври за камион випродуковани коло ’92. року, а чий капаци-

МЕНА УЧАШНЇКОХ У акциї участвовали: Славко Бучко, Михайло Фейди, Владимир Олеяр, Илона Зарубица, Мария Шепински, Желько Папуґа, Дюра Сабадош, Михайло Сабадош, Михайло Надь, Славко Гарди, Славко Надь, Борис Штранґар, Владимир Колєсар, Михал Стрибер, Владислав Рац, Тихомир Медич, Єлена Сивч, Иґор Фейди и Михайло Пашо.

тет од 7 000 до 10 000 литри води. Надпомнїме же дотерашнї камион хтори ше хасновало у Дружтве мал цистерну од лєм 2 000 литри, а пре свою старосц продукованя, нє могло ше го анї реґистровац. Ан. М.

„НОЦ МУЗЕЙОХ” У КОЦУРЕ

КРАСА СТАРИХ ОБРАЗОХ У рамикох манифе стациї „Ноц музейох” у Етно клубу „Одняте од забуца” у Коцуре, 17. мая була отримана програма хтора була пошвецена краси старих образох. З тей нагоди нащивителє того вечара могли опатриц виставу стародавних святих образох хтори у прешло сци прикрашовали коцурски обисца. Про гра му отво ре ла пред си дате ль ка Ет но клубу Аран ка Медє ши, здогадуюци шицких присутних на пред ходни вистави котри були орґанизовани з нагоди тей манифе стациї хтору ше у Коцуре отримує од 2009. року. – Нєшка можеме поопатрац и уживац у краси образох хтори роками, децениями, аж и виками прикрашова ли коцурски обисца. Нашо предки их зачува ли од на йстарших, та по нєшкайши часи, и нам су дати на чуванє и пре зентованє. Прето хаснуєме нагоду ука зац их ширшей явно сци на таки спо соб – гварела Медєшова. Як визначела, циль им бул же би младши ґенерациї почувствовали яка то драгоциносц, и же би ше шицки здогадли своїх родичох, на баби и дїдох хтори нам таке богатство зохабели. На вистави були виложени 56 образи хтори дакеди були на мурох у руских, мадярских и нємецких оби24. МАЙ 2019.

сцох у Коцуре. О значно сци образох бешедовал и коцурски парох о. Владислав Рац. Як гварел, у прешло сци у обисцох вше було визначне ме сто дзе ше кладло главни образ, и тот образ вше заслужовал почитованє. – Образ вше представя святи тематики и воздзвигує чловека до висших че снотох, же би бул добри, зоз свою циху духовну поруку – визначел коцурски парох. Школя ре ОШ „Брат ство єдин ство” зоз свою ви роу чи те ль ку Ксе нию Бе серми нї при рихта ли крат ку про гра му. Манифестацию „Ноц музейох” 2019. року финансийно потримали Национални совит рускей националней меншини у Сербиї и Месна заєднїца Коцур. О. Р.

РУСКЕ СЛОВО 9

НАШО МЕСТА „БЕЛАВА ПТИЦА” У КУЛИ

ИНКЛУЗИЯ ПО МИРИ ЧЛОВЕКА Инклузию особох зоз окремнима потребами у Кули ше запровадзує уж вецей роки. Почина ше од наймладшого возросту, та по найстарши. Початни ентузиязем бул вельки и шицки привитали заєднїцку акцию, на рижних уровньох дружтва

ефектолоґ и координатор дньового пребуваня у „Белавей птици” у Кули Ивана Зазуляк Папуґа, котра роби и на индивидуалних третманох. – У дньовим пребуваню маме розлични активносци наших хасновательох. Робиме на розвою бешеди, социялним розвою, роботним воспитаню и другим. У рамикох социялного розвою жадаме же би нашо хаснователє, особи зоз почежкосцами у розвою, упознавали свойо окруженє, алє и же би окруженє упознавало их. Думаме же то добре за шицких, праве прето же би ше инклузию цо лєпше витворело – пояшнєла Ивана. У ОКРУЖЕНЮ МОЖЕ БУЦ ПРОБЛЕМИ

– Индивидуални третмани актуални уж 10 роки зоз дзецми од народзеня та по дванац роки и роби ше зоз каждим дзецком окреме по штерацец минути, а з нїма робя фаховци. Маме дзеци зоз розличнима почежкосцами, од благих почежкоцох, проблеми зоз бешеду, проблеми у атрикулациї, вигваряню. Маме и аутистични дзеци, и дзеци хтори пожня у розвою пре рижни причини. У „Белавей птици” тиж так єст и физиотерапеутох хтори робя вежби Войта терапиї. Родичи, кед же маю потребу за тима вежбами, нє муша путовац з дзецми до векших центрох, бо ше таки вежби робя ту, у Кули – визначела наша собеИвана Зазуляк Папуґа шеднїца.

Инклузия нє постої лєм прето же би ше дзеци зоз окремнима потребами уключели до дружтва, алє и же би шицки у їх окруженю, односно ми, иншак патрели на нїх. И попри намаганьох, инклузию ше нє запровадзує идеално. – Вельо завиши од того з якима ше хаснователями люд зе у окруженю стретаю. Кед су функционални, людзе их крашнє прилапюю, реаґую и углавним нєт проблеми. Алє, кед ше идземе прейсц по городу зоз хаснователями хтори маю чежши ступень охореня, хтори у кочику, або кед то аутистични особи, особи котри крича и нєартикуловано бешедую, людзе ше оглядаю, злєкню ше. Патра на нас, котри их водзиме, и як кед бизме им видзели у попатрунку питанє же чом зме их виведли вонка, чом вони муша патриц на нїх. Людзе их ище вше чежко прилапюю – додала Ивана. У „Белавей птици” часто маю вистави на котрих ше предава предмети котри правя хаснователє, предмети зоз дикиню, прикраски, и на тото ше людзе з окруженя привикли. Кед бул дзень особох хорих од аутизма, дзелєли флаєри и даєдни то прилапели, даєдни обраца погяд и нє сцу вжац, просто обрацаю главу. Ище вше єст стиґматизациї. Значне надпомнуц же у „Белавей птици” єст и индивидуални третмани зоз особами котрим су потребни. Мож заказац препатрунки при физиотерапеутови, а од авґуста 2018. року уведзени и нови третман – Войта терапия за дзеци од народзеня и мали дзеци.

10 РУСКЕ СЛОВО

БИВАНЄ ЗОЗ ПОТРИМОВКУ У тей установи ше практикує и биванє зоз потримовку, дзе хаснователє тирвацо змесцени и єст два таки обєкти. У єдним функционалнєйши особи, од котрих даєдни маю родичох, док даєдни нє маю нїкого и прето су ту змесцени, же би нє ишли до других домох, алє же би оставали у своїм окруженю. Даєдни з нїх сами иду до городу, сами себе варя, порая, уча ше сами отримовац гиґиєну, уча буц самостойни и то смисел того пребуваня. Ту маю координаторох хтори зоз нїма робя, маю особи хтори их допатраю. У другим обєкту хаснователє котрим потребна помоц и потримовка 24 годзини. Там константо єст особи котри при нїх и стараю ше о їх потребох. Процес инклузиї напредує, алє зоз малима крочаями. Потребне вельо часу, вельо едукациї, поготов дзецом у окруженю и їх родичом. У обисцу, як и шицко друге, учи ше и же особу зоз окремнима потребами треба прилапиц як ровну себе, гоч дакус иншаку. Шицки зме иншаки по дачим и праве то наша окремносц.■ О. Живкович 24. МАЙ 2019.

mesta@ruskeslovo.com

ТУРИСТИЧНА ОРҐАНИЗАЦИЯ ЖАБЛЮ

ПРОМОЦИЯ ОПШТИНИ И ҐОЛФА Представнїки Општини Жабель и Туристичней орґанизациї Општини Жабель, як и представнїки Ґолф клуба „Центер” зоз Жаблю того мешаца почали промоцию своїх туристичних понукнуцох у Чарней Гори, а потим у Босни и Герцеґовини. Промоциї ше отрмує у рамикох проєкта „Ґолф през реґион”, а окрем ґолфа були промововани и други туристични понукнуца општини, од домашнїх продуктох, по понукнуца погосцительних обєктох. Промоция проєкта почала концом прешлого мешаца, перше у центре Тивта, дзекуюци вецейрочному сотруднїцтву зоз Ґолф клубом „Кнєґиня Милица”. За перши май промоция була у луксузней марини и наутичним населєню Порто Монтенеґро, тиж у Тивту, дзе бул присутни и Чедомир Божич, предсидатель Општини Жабель. – Жабель познати по Ґолф клубу, а бенефити вецейзначни. Нащивителє на ґолф теренох маю нагоду упознац и туристични понукнуца у општини, од истирийних интересантносцох по ґастрономски понукнуца и традицийну кухню – гварел предсидатель Божич. Проєкт будзе промововани у пейцох державох у осем местох, а циль то злєпшац туристични заробок и обток у општини. – Зоз Ґолф клубом у Жаблю добре сотрудзуєме. Вон припознати у реґиону и маме заєднїцки интереси, а то промоция туристичних понукнуцох у нашей општини и прицагованє уваги туристом на нашо потенцияли и можлївосци – гварела Мария Чупич, директорка Туристичней орґанизациї Општини Жабель.

После Чарней Гори промоциї предлужени у Лукавцу у Босни и Герцеґовини, 8. мая на 17. Медзинародним сайме туризма и еколоґиї „Лист”. Нащивителє и заинтересовани мали нагоду пробовац бавиц ґолф на импровизованим терену за ґолф. Ютредзень, 9. мая, у сотруднїцтве Туристичней орґанизациї Тузланского кантона и Туристичней заєднїци городу Тузли, у истоменним месце отримана промоция. Заплановане же би ше промоциї проєкта отримали и у Мостару, Баня Луки, Сараєве, Осєку, Заґребу, Любляни и Темишвару. Туристична орґанизация Жаблю пондзелок, 20. мая свойо понукнуца представела у люблянскей општини з нагоди Шветового дня пчолох. С. С.

У ВЕРБАШЕ

ПРЕЗЕНТАЦИЯ О ВИБУДОВИ ТРАНСФЕР СТАНЇЦИ У сали Скупштини општини Вербас штредком мая отримана явна презентация студийох о тим як мож вивесц уключованє станїци зоз рециклажним центром и компо стилїщом у Вербаше до реґионалней системи управяня зоз одпадом.

24. МАЙ 2019.

Пла нує ше же би ши цок кому нал ни од пад зоз оп шти ни ро бот нї ки ,,Кому нал ца” од воже ли до тран сфер ста нї ци, дзе ткв. мо кри од пад по йд зе до ком по сти лї ща. Од пад котри оста нє ше буд зе сорти рац, а на ре ґ и о нал ну де по нию ше од ве же тото цо нє год но од во їц. На презентациї участвовали представнїки Оддзелєня за урбанизем Општинскей управи Вербас, „Анд`зор инженєринґ”, Нємецки орґанизациї за медзинародне сотруднїцтво, представнїки ЯКП ,,Комуналєц” и други важни учашнїки. Институциї Еврпскей униї помагаю витвориц реґионалну систему депонийох у Сербиї. За Южнобачки округ планована вибудова реґионалней депониї у Новим Саду, а тиж и два трансфер станїци у Бачкей Паланки и Вербаше. О. Р.

РУСКЕ СЛОВО 11

ДУХОВНИ ЖИВОТ ШВЕТОЧНА ПРЕСЛАВА ПРЕГЛАШЕНЯ ЕПАРХИЇ СВ. МИКОЛАЯ И ИНТРОНИЗАЦИЯ ПЕРШОГО ЕПАРХА КИР ГЕОРГИЯ ДЖУДЖАРА

ПРЕЙДЗЕНА ВЕЛЬКА ДРАГА И ЗАЧУВАНА ВИРА

Урядови живот новопреглашеней Епархиї св. Миколая почал 19. мая на 10 годзин у Катедрали св. оца Миколая зоз Архиєрейску Литурґию и интронизацию першого епарха кир Георгия Джуджара. Кардинал Леонардо Сандри одликовал братох Янка и Михала Рамачових за преклад Святого писма на руски язик Пишу: Мария АФИЧ и Мирон ГОРНЯК КУХАР

веточна преслава преглашеня Епархиї св. Миколая почала у Новим Садзе у полней конкатедралней Ш Церкви св. апостолох Петра и Павлa 18. мая, зоз вечур-

ню на хторей бул кардинал Леонарно Сандри, префект Конґреґациї за Восточни Церкви, наш епарх кир Георгий Джуджар, числени владикове з рижних жемох и местох, священїки, монахи, монахинї, представнїки державох и институцийох и вирни. Вечурню служел о. Владислав Рац, а дзияковал о. Дарко Рац зоз ґрупу паноцох. Шпивали ужгородски Катедрални хор блаженого Теодора Ромжи з дириґентом о. Святославом Задорожним, новосадски Хор „Гармония” з дириґентку Сузану Ґрос Маркович, Ана Римар Симунович (корепетитор Йожеф Ритер) и хлопска ґрупа з дириґентом Михайлом Колєсаром. На шветочней академиї парох новосадски о. Юлиян Рац привитал кардинала Сандрия и велїх госцох зоз Сербиї, Румуниї, Греческей, Нємецкей, Словацкей, Канади, Горватскей, Мадярскей, Билорусиї, України, Италиї, як и амбасадора України у Сербиї Олександра Александровича и Ґаврила Ґрбана з Управи за сотруднїцтво зоз Церквами и вирскима заєднїцами у Сербиї. СПОЛНЄТА МИСИЯ РОЗВОЮ ДУХОВНОСЦИ Наш владика кир Георгий, як гварел, з полним шерцом, привитал госцох и домашнїх. – Установенє Епархиї дава нови живот, вона дар за очуванє вири и традициї, живе мистичне тїло Христово, дїйствує сам Христос на спашенє каждого. Модлїме и Мацер Божу и святого Миколая за заступнїцтво. За остатнї 15 роки у нашим Еґзархату реализовани вельо

12 РУСКЕ СЛОВО

проєкти – гварел епарх Джуджар и подзековал проф. др Янкови Рамачови и Михалови Рамачови за преклад цалого Святого писма на руски язик. Потим др Янко Рамач дал историйни прегляд нашей Церковней орґанизациї на тих просторох и заключел же зме зачували нашу традицию, а Апостолски еґзархат за грекокатолїкох успишно сполнєл мисию розвою духовного живота, же би 2019. року бул подзвигнути на уровень Епархиї св. Миколая. На концу, кардинал Сандри визначел же и папа Франциско дзелї тоту радосц заслуженого живота Епархиї. – Радуєме ше, бо по 2019. рок прейдзена велька драга, алє знаме же конєчни циль ище нє сполнєти, бо ше треба трудзиц жиц у любови и вири – гварел кардинал Леонардо Сандри. ПОЧАТОК ТО ПОДЗЕКОВНОСЦ И МОЛИТВА У Руским Керестуре Лутурґию з владиком Георгийом и нунцийом Лучияном Суриянойом предводзел кардинал 24. MАЙ 2019.

duhovni@ruskeslovo.com

Сандри. Сослужели коло 20 владикове и вецей як 50 священїкове нашого и латинского обряду, домашнї и госци зоз вецей державох. На початку найвисших владикох з квецом привитали дзеци и млади – Дане Макаї зоз Руского Керестура, Ирена Хеґедиш зоз Кули и Антония Рац зоз Бачинцох, а потим шицких присутних привитал домашнї парох о. Михайло Малацко. Попри церковних велькодостойнїкох, вельочислених монахох и монахиньох рижних чинох з обидвох обрядох, висланїка епископа бачкого Иринея СПЦ, привитал и представительох власци, републичней, општинскей и месней, представительох явного и културного живота и вирних зоз шицких наших парохийох, як и домашнїх. Потим пречитани Були папи Франциска обявени 6. децембра 2018. року, о преглашеню нашей новей Епархиї и першого єй епарха Георгия. Кардинал Сандри потим шветочно окончел чин його интронизациї, кед го поставел на його владически трон у керестурскей Катедрали. Перши чин нового епарха бул же наградзел седем своїх священїкох як протоєрейох ставрофорох, за їх роботу и закладанє у душпастирскей роботи, а тоту чесц зоз златним крижом достали о. Яков Кулич, о. Михайло Режак, о. Михаил Холошняй, о. Алексий Гудак, о. Владимир Еделински Миколка, о. Владимир Медєши и о. Дарко Рац. На Лутурґиї дияконовали о. Ливийо Марян зоз крижевского владичества и парох з Бачинцох о. Дарко Рац, хтори читал и Євангелию, а апостол читал домашнї дзияк Янко Виславски. Шпиванє предводзели два хори – госцуюци Катедрални хор Теодора Ромжи з Ужгороду з дириґентом о. Святославом Задорожним и домашнї Катедрални хор св. оца Миколая з дириґентку Лидию Пашо. Вирних у порти споведал о. Иґор Вовк, дзе од Велького шора коло Катедрали, Лутурґию прейґ видео биму провадзело вельке число вирних. На концу Служби млади Павлина Шепински и Андрей Орос привитали госцох на вецей язикох жемох одкаль пришли, а домашнї епарх Георгий висловел свойо подзе-

ВИТЯЗИ ШОРА СВ. ПАПИ СИЛВЕСТРА За капиталну роботу, преклад цалого Святого писма на руски язик, кардинал Леонардо Сандри святочно уручел одликованє „Витяз шора св. папи Силвестра” и диплому хтору видал папа Франциско прекладательом братом проф. др Янкови и Михалови Рамачовим. Дзекуюци Рамачовим за тот преклад, епарх кир Георгий Джуджар наглашел же зме на тото чекали 250 роки.

24. МАЙ 2019.

КАРДИНАЛ САНДРИ: БУДЗЦЕ РАДОСНИ И ГОРДИ У своєй казанї, кардинал Леонардо Сандри, медзи иншим, гварел: – Будзце радосни и горди пре вашу историю. Вода кресценя у каждим з нас муши остац жридло котре чече на живот вични. То смисел одлуки котру принєсол Святи Отец, у одношеню на вашу заєднїцу, припознанє єй церковней узретосци. Подзвигованє Еґзархата на Епархию нє похопене як награда, анї як циль, алє як одвичательносц за християнску присутносц вєдно з братами з латинскей Церкви и з отвореносцу за сотруднїцтво з припаднїками Православней Церкви. Визначує ше єден барз важни факт – и попри розличних териториялних гранїцох державох, и їх ушореньох, жридлове ядро Руснацох ше могло розвивац и у церковним поглядзе, а у своїм штредку розвивало преучованє историї, ґраматику руского язика, алє видало и цалосни виданя Євангелийох, Старого и Нового завиту. Язична меншина горда на свой идентитет, алє источасно свидома же є народ медзи другима народами. Най дружтвене и церковне поволанє Руснацох вше будзе тото же би були творителє и шведкове краси живота у заєднїци взаємних розличносцох. Факт же Руснаци нє маю национални гранїци, най им помага же би у нєшкайшим чаше були шведкове же за их очуванє идентитета народох нє треба правиц мури и препреченя. З другого боку, їх вияшньованє на основи Євангелиї най нам одкриє же вона нє може буц средство процив дакого, або дачого. То вельке историйне нашлїдство, и останьце у нїм добре укоренєни. А источасно то поволанка и одвичательносц за шицких вас, цо припадаце русинскей традициї, алє и за членох Епархиї котри маю розличне походзенє и язик, як цо то Українци, або Румунє –поручел кардинал.

ковни слова шицким цо прейґ роботи, пожертвовносци, молитви и любови допринєсли до нового початку Епархиї. – Початок новей Епархиї то подзековносц и молитва же би ше шицко сполнєло по слову Того, котрому шицко можлїве и яки Пан и Господь шицкого – гварел кир Георгий. Владика на памятку кардиналови Сандрийови подаровал икону св. Миколая, а кардинал йому медалю од папи Франциска и шицким присутним подзелєл и папов благослов. По Служби Божей за шицких госцох домашнї пририхтали полудзенок и окрипенє, а з тей нагоди у крипти мож було нащивиц и виставу портретох керестурских священїкох. ■

РУСКЕ СЛОВО 13

ДУХОВНИ ЖИВОТ ПРЕСЛАВА ПРЕГЛАШЕНЯ ЕПАРХИЇ СВ. МИКОЛАЯ У ДЮРДЬОВЕ

ЗОЗ ГРЕЧЕСКИМ ВЛА ДИКОМ И ДУХОВНИМ КОНЦЕРТОМ У Дюрдьове, шветочна преслава преглашеня Епархиї св. Миколая почала вовторок, зоз вечурню на 19 годзин котру предводзел гречески владика Димитриос Салакас, сослужел о. Борис Холошняй, шпивал Хор „Розанов”, а у нїм и домашнї паноцец о. Михиал Холошняй. У казанї владика Салакас гварел же за ньго велька чесц буц медзи нами. – Владичество значи же владика у заєднїцтву, алє є и автономни, бо Церква ма нукашню автономию. Источасно, маме у оглядзе же нєшка потребни нови импулс за шведоченє Исуса Христа. У будованю заєднїцтва, важне же святи Миколай святитель шицких Церквох, и на востоку и на заходзе – гварел владика Димитриос. По вечурнї, а пред Духовним концертом у програми котру пречитала домашня панїматка теолоґ Наташа Холошняй, гварене же мац свою Епархию, то нє лєм награда пре окремни заслуги, алє и обовязка хтору треба християнски ношиц и сполньовац.

Шпивацка ґрупа „Мале словословиє”

Хор „Розанов”

На Духовним концерту участвовали ново сновани Хор „Василис”, уметнїцка руководителька Оля Сапаньош, Хор „Розанов”, дириґентка Татиана Барна и подро сток Хора „Розанов” ШпиХор „Василис” вацка ґрупа „Мале словословиє”, чия дириґентка Ана Радишич. По законченю програми домашнї о. Михаил Холошняй подзековал шицким же пришли на тоту шветочну преславу, хтору возвелїчали и госци, нашо священїки зоз вецей парохийох. С. С.

ЕКУМЕНСКИ СХОД У ОСЄКУ

СЛУХАЦ ЗОЗ ШЕРЦОМ У рамикох екуменского сотруднїцтва женох зоз Горватскей, и проєкта „Библийни авантури”, од 10. по 12 май у Осєку отримана роботня на тему „Слухам зоз шерцом, бешедуєм зоз шерцом”, зоз фокусом на нєнасилну комуникацию, а учашнїки були зоз Горватскей, Анґлиї и Сербиї, зоз Римокатолїцкей Церкви, Православней и Грекокатолїцкей Церкви, односно зоз Беоґрадu, Нового Саду, Кули, Коцура и других местох. У першей часци, на Високим евангелским теолоґийним училїщу, водителька була др мед. Катарина Крухоня, тренер нєнасилней комуникациї. Акцентовани порозуменє и пребачованє, цо позитивно уплївує на здравє. Процивно тому, гнїв, огорченосц и други неґативни емоциї очкодовюю здравє. Проєкт запровадзени зоз финансийну потримовку Екуменскей инициятиви женох зоз Омишу. О. Л. Р.

14 РУСКЕ СЛОВО

24. MАЙ 2019.

duhovni@ruskeslovo.com

НАШО ПАЛОМНЇКИ ДОЧЕКАЛИ ПАПУ ФРАНЦИСКА У АПОСТОЛСКЕЙ НАЩИВИ СИВЕРНЕЙ МАКЕДОНИЇ

НЄ БОЙ ШЕ, МАЛЕ СТА ДО”

”

З нашей Епархиї Святого Миколая – Руски Керестур, пондзелок вечар рушела ґрупа паломнїкох, 16 особи, вєдно зоз о. Владиславом Рацом парохом зоз Коцура и шестрами Тарзикию, Анастасию и Михаїлу до Македониї на стретуце зоз папом Франциском. Врацели ше зоз єдинственима духовнима упечатками и памятками за цали живот

апа Франциско сцигол до Скопя 7. мая зоз Болгарскей, зоз Софиї. Його нащива була под гаслом „Нє бой ше, мале стадо”. У тей велькей подїї участвовал и наш епарх кир Георгий Джуджар. Паломнїки сцигли вчас рано, и док очековали и других котри ше сходзели зоз рижних крайох швета, на площи у центру Скопя шпивали духовни и народни писнї. Було то барз спонтано, цо други присутни з увагу слухали, а даєдни ше и приключели. Була то источасно и молитва з нагоди приходу папи Франциска до Скопя. На видео биму могло провадзиц як папу з найвекшима почесцами дочекали державни представнїки вєдно з домашнїм епархом Киром Стояновим. Були там и млади котри му подаровали квеце. КРАСА СОЖИВОТА РИЖНИХ ЗАЄДНЇЦОХ Папа наглашел красу соживота рижних вирских и националних заєднїцох хтори творя прекрасни мозаїк, дзе кажда часточка ориґинална и дава красу цалей слики. Потим папа нащивел Спомин хижу Мати Терезиї. На тим стретнуцу зоз папом, окрем шестрох мисионеркох любови, було и коло сто худобних людзох о хторих ше вони стараю, як и родзина св. Мати Терезиї. Ту папа поблагословел фундаментни камень за нову церкву на спомин на албанско-македонских святих. З вельку радосцу и одушевийом людзе дочекали папу на площи, дзе почала святочна Служба Божа. У своєй казанї вон наглашел же глад за хлєбом ма и други мена: – Глад за Богом, за братством, глад за стретнуцом и заєднїцким славеньом. Ми постали гарештанци фалшивих информацийох, етикетираня и ганьбиц, верели зме же комформизем загаши нашу жажду, а на концу нас зарабровала ровнодушносц и нєчувствительносц. – Поведзме гласно, без страху: гладни зме, Господи! Гладни зме Господи, хлєба – твойого слова хторе може отвориц нашу завартосц и нашу осаменосц – поволал папа.

ПОДЗЕКОВНИ ЗА КРАСНИ ДОЖИЦА Бе ше ду ю ци о сво їх па лом нїц ких упечат кох, Йоаким Гру бе ня з Ново го Са ду гва рел: – Од ход до Ма ке до ниї и можлї восц уча стовац у тей ве ль кей подїї за мнє було барз во зви ше не, под зе ков ни сом за та ки кра сни дожи ца и спод зи вам ше же то за мнє буд зе од ве ль ко го ха сну. 24. МАЙ 2019.

Паломнїки зоз владиком Киром Стояновим при резиденциї у Скопю

Пред конєц Служби Божей, скопски владика Киро Стоянов привитал и подзековал папови на його пристуносци и наглашел же приготовка за тоту подїю була час заєднїцтва, наздаваюци ше же слова хтори пошати у наших шерцох принєшу добри плоди. ЕКУМЕНСКЕ СТРЕТНУЦЕ МЛАДИХ Пополадню отримане медзирелиґийне и екуменске стретнуце младих зоз папом у порти катедрали Пресвятого Шерца, а участвовали и даскельо особи зоз нашей, грекокатолїцкей ґрупи. Папа поволал на окремени способ младих же би ше нє бали постац творителє снох и надїї. – Источашнє мушиме мац шмелосци буц иншаки, указац иншаки сни, хтори тот швет нє понука, шведочиц красу велькодушносци, служеня, чистоти, пребачованя, вирносци особному поволаню, молитви, борби за правду, любови ґу худобним и дружелюбивосци. На концу своєй апостолскей нащиви Сиверней Македониї, папа Франциско ше стретнул у катедрали зоз священїками, монахами и монахинями и поволал их же би ше у виполньованю свойого поволаня опарли на Бога. У своїм обрацаню вон окреме визначел: – Видзим ту Церкву хтора диха з обидвома плюцовима кридлами – латински и византийски обряд – и удихує вше нови и обновени воздух Святого Духа. Папа тиж акцентовал и заохоцел присутних у катедрали же би у своїм служеню мали нїжносци ґу людзом хтори у потреби, же би були отворени дац шицко найлєпше цо маю у себе, а цо од Духа Святого. ■ ш. М. Воротняк/К. Бесерминї

РУСКЕ СЛОВО 15

КУЛТУРА И ПРОСВИТА ОТРИМАНИ ХОРСКИ ФЕСТИВАЛ „КАРПАТИ” У ВЕРБАШЕ

ЯК КОРУНА ВЕЛЬКОГО ШВЕТА – Нєшка окреме значни дзень за нашу заєднїцу, за нашу церкву, кед славиме преглашенє подзвигнуца Апостолского еґзархату на уровень Епархиї св. Миколая. Можеме наволац тот концерт як коруну и заключенє нєшкайшого велького швета. Най будзе тото шпиванє и тоти писнї на чесц Господу Богу и подзекованє за його вельки дар – визначел епарх кир Георгий Джуджар

просторийох Културно-просвитного дружтва „Карпати” зоз Вербасу внєдзелю, 19. мая, орґанизовани традицийни дзевяти по шоре Фестивал хорского шпиваня. Одволали ше пейц хори – Хор КПД „Карпати” з Вербасу, Хор Дома култури з Руского Керестура, Хор „Гармония” з Нового Саду, Хор Културного центру Вербас „Бачки шпиваче” и госцуюци Катедрални хор владики Теодора Ромжи зоз Ужгороду з України, котри и отворел тогорочну манифестацию. Як визначене на самим початку програми, хорске шпиванє значна културна компонента сучасного дружтва. Воно представя цали проєкт чия благородна мисия ма общу културну и дружтвену значносц. Пре шицко тото, хорске шпиванє ма вше важнєйше место у сучасним дружтве и живоце каждей жеми. Шицких присутних привитали предсидатель КПД „Карпати” Славко Барановски, предсидатель Национал-

ного совиту Руснацох Борислав Сакач и, наш епарх кир Георгий Джуджар, хтори зоз своїм присуством возвелїчал манифестацию у Вербаше. Числени владикове з рижних жемох и местох, священїки, монахи, монахинї, вецей священи особи були после керестурскей програми преглашованя епархиї госци и у Вербаше. На Фестивалу присуствовали и други визначни госци, медзи хторима була народна посланїца Олена Папуґа, други члени НС Руснацох, предсидатель Управного одбору Заводу за културу войводянских Руснацох Миломир Шайтош, як и представнїки локалней самоуправи и числени други госци. През цалу програму шицки присутни могли уживац у класичних, народних, духовних и шветовних композицийох. Госцуюци Катедрални хор владики Теодора Ромжи зоз Ужгороду з України зоз своїм шпивом виступели перши. Представели ше зоз писнями духовней музики, а по законченю їх наступу гласни аплауз ше розлял по цалей сали виполнєтей зоз публику до остатнього места. Потим ше представел госцуюци Хор „Бачки шпиваче” хтори основани 2014. року на инициятиву Милени

16 РУСКЕ СЛОВО

Алексич, зоз сотруднїцтвом Културного центру Вербас и Општини Вербас. Од теди є каждого року госц на Фестивалу. Хор за пейц роки освоєл велї награди и наступел на велїх концертох. Дириґентка хору мастер теоретичар уметносци Єлена Алексич. Їх наступ збогацела шпивацка етно ґрупа „Аваз” зоз инструменталним провадзеньом. Ґрупа основана прешлого року на инициятиву Марка и Милени Алексич, а їх главни циль же би очували стредньовиковни звук з тих просторох. Потим виступел Хор КПД „Карпати” котри формовани 2004. року зоз здружованьом церковних хорох зоз Коцура и Вербасу. Дзекуюци шпивачом котри наисце любя хорске шпиванє, тот хор предлужує свою роботу. Дириґентка хору Надїя Воротняк. Шлїдуюци насупел Мишани хор Дома култури и Катедралней церкви Святого оца Миколая. У своєй богатей историї длугшей як 120 роки зазначел велї успихи на рижних змаганьох и манифестацийох. Дириґентка хору професор музики Лидия Пашо. На концу ше представел Хор „Гармония” зоз дириґентку професорку музики Сузану Ґрос-Маркович. Ма вецей як 30 членох рижних ґенерацийох, националносцох и вирох. Шпиваю духовни и народни писнї, на вецей шветових язикох. З їх шпивом закончени Фестивал хорского шпиваня того вечара зоз громким аплаузом. Тогорочни хорски стретнуца потримали Национални совит рускей националней меншини, Завод за културу войводянских Руснацох, Општина Вербас, Покраїнски секретарият за културу, явне информованє и одношеня з вирскима заєднїцами и Покраїнски секретарият за образованє, предписаня, управу и национални меншини.■ О. Русковски 24. МАЙ 2019.

kultura@ruskeslovo.com

НАШО УЧАШНЇЦИ НА СМОТРИ РЕЦИТАТОРОХ СЕРБИЇ

ГОЧ БЕЗ ФИНАЛА У ВАЛЄВУ – ЗАШ ЛЄМ ВЕЛЬКИ УСПИХ Смотра рецитаторох Сербиї „Поето народа мойогоˮ, пейдзешат перша по шоре, отримана 17. и 18. мая у Валєву, на котрей Руснаци мали два представнїци. Обидва рецитаторки, Ема Живкович у младшим воросту и Минеа Югас у катеґориї штреднього возросту, ше нє пласовали до финалного змаганя. Смотра почала зоз отвераньом, на котрим участвовал и прешлорочни побиднїк Мирослав Малацко з Руского Керестура, котри одрецитовал писню Хорхеа Рохаса, „Псалм смутней нєвестиˮ. Першого дня, пияток, 17. мая, було змаганє рецитаторох у катеґориї штреднього возросту, кед наступела Минеа Югас з Руского Керестура, котра рецитовала писню Ирини Гарди Ковачевич „Страшидло, меркуй!ˮ, а за смотру ю пририхтовала фахова руководителька Ивана Дудаш. Другого дня, всоботу, 18. мая, змагали ше рецитаторе у катеґориї младшого и старшого возросту. У старшим возросту рецитаторох котри рецитовали по руски нє було, док у млашдим возросту наступела Ема Живкович з Руского Керестура, котра рецитовала писню Дюри Папгаргая „Приповедка о запетки, мудрей петки, єдним

ланцу и злим танцуˮ, а пририхтала ю Оленка Живкович. Гоч нашо рецитаторки нє вошли до финала, то нє зменшує їх успих, бо пласовац ше на Смотру рецитаторох Сербиї и наступиц медзи найлєпшима рецитаторами, заш лєм вельки успих. О. Ж.

У ОШ „ПЕТРО КУЗМЯК” ОТРИМАНИ КВИЗ З МАТЕМАТИКИ

ЗМАГАНЄ У РАХОВАНЮ ПРЕЗ БАВИСКО И ДРУЖЕНЄ

З нагоди манифестациї ,,Май мешац математики” у керестурскей ОШ ,,Петро Кузмяк”, уж по шести раз отримани квиз ,,Математика през бависко”. У змаганю участвовали школяре пиятих класох зоз ОШ ,,Братство єдинство” зоз Коцура, ОШ ,,Петефи бриґада” зоз Кули и зоз керестурскей ОШ ,,Петро Кузмяк”, а школяре Ґимназиї зоз свою професорку математики, на интересантни и ориґинални способ пририхтали рижни математични питаня и задатки. Школяре були подзелєни до трох ґрупох, а у каждей ґрупи були штири члени. Перше место освоєли школяре꞉ Никша Йоксович, Дарян Гарди, Єлена Колошняї и Стефан Радович зоз Кули, хторих рихтала наставнїца Славица Мармила. Друге место завжали керестурски школяре꞉ Алекса Ґолубович, Стефан Колошняї, Адрияна Русковски и Емина Бики хторих рихтала професорка мате-

24. МАЙ 2019.

матики Леона Сабо, а треце место припадло екипи зоз Коцура у хторей були꞉ Филип Яким, Петар Буша, Марина Такович и Надя Бабич, а хторих, з тей нагоди, пририхтала наставнїца Николета Папуґа. Квиз водзели и пририхтали школяре трецей класи керестурскей штреднєй школи꞉ Марко Буила, Тереза Будински, Ивана Ґлиґорич, Сара Мармила, Оґнєн Дудаш и Анастасия Козар зоз помоцу їх професорки математики Леони Сабо, а члени жирия були наставнїци꞉ Славица Мармила, Николета Папуґа и директорка Школи Хелена Пашо Павлович. Квиз прешол у змагательней атмосфери, дзеци гласно потримовали своїх парнякох, а на концу, директорка школи шицким учашнїком уручела дарунки у мено Школи. Циль такей файти змаганя, промововац и приблїжиц математику през бависко, забаву и друженє. Ан. М.

РУСКЕ СЛОВО 17

КУЛТУРА И ПРОСВИТА НА РЕПУБЛИЧНИМ ЗМАГАНЮ У НОВИМ САДЗЕ

ДОБРИ РЕЗУЛТАТИ КОЦУРСКИХ ШКОЛЯРОХ Прешлей нєдзелї у Новим Садзе у ОШ „Соня Маринкович” отримане републичне змаганє зоз сербского язика як нємацеринского. Змаганє почало на 10 годзин, школяре мали годзину и пол часу же би ришели тести. Зоз Коцура ше змагали штири школярки, и шицки зазначели красни резултати. У катеґориї осмих класох школярка Катарина Кулич завжала перше место, а Наташа Тамаш друге место. За змаганє их пририхтала наставнїца Бояна Петрович. У катеґориї седмих класох Катарина Ґайдош завжала друге место, а Катарина Недич треце место. Их порихтала наставнїца Бояна Митошевич. О. Р.

ЗОЗ СХАДЗКИ ОРҐАНИЗАЦИЙНОГО ОДБОРУ 58. ФЕСТИВАЛУ РУСКЕЙ КУЛТУРИ „ЧЕРВЕНА РУЖА”

УТВЕРДЗЕНИ КОНЦЕПТ ЗА ТОТ РОК Концепт и випатрунок тогорочного 58. Фестивалу рускей култури ,,Червена ружа”, остава исти яки бул запровадзени и прешлого року, утвердзене на схадзки Орґанизацийного одбору, хтора отримана 14. мая у Доме култури Руски Керестур. Як уж наклада традиция, „Червене пупче” будзе отримане першого дня Фестивала, пияток пополадню, 28. юния. На ,,Пупчецу” плановане виводзенє трох нових дзецинских шпиванкох котри сцигли на Конкурс, а ту будзе нагода же би ше дзеци зоз наших местох представели зоз танцами и шпиванками. „Вечар младих” будзе першого дня, а на нїм буду виведзени пейц нови авторски забавни шпиванки, потим ту и змаганє за найкрасши дзивоцки и леґиньски глас дзе ше приявели два дзивки и двоме леґинє, а шицки учашнїки ше буду змагац и за найлєпши цалосни наступ. Други дзень Фестивала, всоботу, 29. юния буду „Одгуки ровнїни” кед наступя културно-уметнїцки дружтва зоз местох дзе ше пестує руску културу, а у планє и госцованє фолклорного ансамбла ,,Галичанки” зоз Львова, з України. Попри тих змистох, у рамикох Фестивалу будзе отримани „Керестурски саям” котри орґанизує керестурске Здруженє майстрох и приватних поднїмательох и Здруженє женох „Байка”. У Спортскей гали будзе отримани Медзинародни турнир у одбойки, а планована и вистава фотоґрафийох шветовей путнїци Маї Орихан. Ан. М.

18 РУСКЕ СЛОВО

ОТРИМАНА СХАДЗКА УО КУД „ЖАТВА”

МАНИФЕСТАЦИЯ БУДЗЕ ЮВИЛЕЙНА У коцурским Руским доме пондзелок, 20. мая, отримана схадзка Управного одбору КУД „Жатва”. На схадзки присуствовали члени УО, преширени з представнїками Коцурского здруженя младих Стеваном Самочетом, предсидательку Етно клубу „Одняте од забуца” Аранку Медєши, як и представнїками Туристичней орґанизациї Општини Вербас. Главна причина пре хтору предсидатель „Жатви” Микола Шанта зволал схадзку була тота же би ше зоз директорку Туристичней орґанизациї Марию Златович-Арсениєвич и представнїком орґанизациї Михайлом Кишом догварел коло соорґанизованя манифестациї „Жатви” котра ше отрима у юлию, а того року то будзе ювилейна 40. по шоре. На самей схадзки було найвецей бешеди коло того на яки способ би Туристична орґанизация могла помогнуц у орґанизациї тей манифестациї котра ше у Коцуре отримує од 1979. року, як и коло маркетинґу же би цо вецей людзе чули и були информовани о тей подїї. Як гварела Златович-Арсениєвичова, тераз заєднїцки задаток орґанизовац манифестацию на найлєпши можлїви способ, а потим план же би „Жатву” положели до своєй програми дїлованя, же би як соорґанизаторе на лєпши способ могли и финансийно помогнуц. На концу, як визначел предсидатель Дружтва Шанта, то радосна хвилька прето же з помоцу Туристичней орґанизациї Општини Вербас, значна манифестация „Коцурска жатва” достанє цалком нову димензию. Манифестация будзе 12. и 13. юлия. О. Р. 24. МАЙ 2019.

РОК XVIII ЧИСЛО 5 Число ушорела: Вероника ВУЯЧИЧ

Лєто ше того року од нас одцагує. Уж длуго очекуєме красни и слунечни днї, а дижджовни май нє да слунку ограц нас. Но, поучени з предходнима роками, и тераз лєто годно присц нараз, а ми нє порихтани и нє звикнути на горучави будземе глєдац хладок и жимни напой. Порихтани сце кус ше ошвижиц? Кед сце смиядни у лєтнєй горучави, а вода нє достаточна же бисце ше з нєй напили, можеце порихтац смачни и ошвижуюци соки и коктели. 24. МАЙ 2019.

ВОЧИ ЦЕПЛЄЙШИМ ДНЬОМ... РУСКЕ СЛОВО 19

ДОМ И ФАМЕЛИЯ

famelija@ruskeslovo.com

КОКТЕЛИ РИШЕНЄ ЗА ОШВИЖЕНЄ

СИРУП ЗОЗ МЕНТИ 40 конарчки менти 4 лимуни – вицадзиц сок (мож и цали лимуни зомлєц, лєм вец их треба прецадзиц) 3 кили цукру 5 мещки лимунтусу 2 литри води

Влєце нам ше вше зда ошвижиц ше и попиц дацо жимне, а сладке. Благи коктели, яки можеце лєгко и швидко сами пририхтац дома, мож пиц цале лєто. Цо то коктел?

Коктел ше пририхтує од найменєй двох файтох напою. Можу то буц рижни соки, алє и вецей файти алкоголного и безалкоголного напою. Звичайно ше их пририхтує у

ба шицко закриц и охабиц най одстої голєм пол годзини, а вец прецадзиц. Сируп ше чува у фрижидеру. Остава лєм ошвижиц ше, до погара наляц кус сирупу, додац минералней води, лєбо соди и коцочки ляду.

МАРТИН КОКТЕЛ 500 мл пива 1 лимун – вицадзиц сок (мож и цали лимуни зомлєц у соковнїку, алє хаснуєме лєм сок) 50 мл ликер з вишнї 250 мл кока-коли До пива усипеме сок зоз лимуна и ликер з вишнї, лєбо з червених овоцох. Вец усипеме кокаколу, алє помали, бо ше направи пена. Коктел барз ошвижуюци влєце, прави ше го лєм тельо кельо попиєме, а понукаме го розхладзени у погарох за пиво, лєбо додаме коцочки ляду.

Квашне ошвиженє Кед вам през лєто нє пасира сладке можеце направиц квашни, лєбо горки ошвиженя Лєгки коктел зоз желєних яблучкох у досц соку зоз лимуна може тиж приємно ошвижиц.

ХУҐО КОКТЕЛ

Ошвижуюца парадича

100 мл билого вина 150 мл ґазираней води 5 мл сирупу зоз габзи 5 лїсца з менти 1 лимета (може и лимун) коцочки ляду

Помишайце 3 шольки швижого соку зоз парадичи, шольку соку зоз мархви, шольку соку зоз червеней цвикли, 3 ложки жовтого цукру и понукнїце зоз кус нашеканим петрушковим лїсцом по верху.

СИРУП ЗОЗ ГАБЗИ

Нашекац и поджамиц лїсца з менти и положиц на дно високого погара за вино. Додац сируп зоз габзи, сок зоз лимети, вино и ґазирану воду. Премишац и додац лїсток-два менти и на дробно нарезану лимету (лєбо кус натартей скорки) и ляд.

40 квитки розквитнутей габзи 4 лимуни – вицадзиц сок (мож и цали лимуни зомлєц лєм вец их треба прецадзиц) 4 кили цукру 5 мещки лимунтусу 3+2 литри води

шейкеру, погаре за коктел, лєбо такой у погаре у хторим и понукаме коктел, а прикрашує ше их з рижнима овоцами, цивочками и прикрасками.

До 3 литрoх води намочиц пахняци и розквитнути квитки зоз габзи и охабиц най одстоя 48 годзини, и з часу на час премишац. О два днї прецадзиц. Цукер и 2 литри води превариц и охабиц най ше хладзи, до лїтного додац лимунтус и охабиц най ше цалком охладзи. Кед ше преварени цукер охладзел додац му сок зоз лимунох и сок зоз прецадзеней габзи. Добре розмишац. Посипац до фляшкох. Надпомнуце: Понеже у тим соку нєт конзервансу трима ше го у фрижидеру, а мож го посипац и пластичних фляшкох, та го чувац у змаржляку. Треба примерковац и дзе наобераме габзу, бо ше ю нє умива скорей як почнєме правиц сок – та най то нє будзе коло драги дзе єст вельо праху лєбо коло поля на хторим засадзени опирскани рошлїни. Тиж ґу габзи мож додац и квитки зоз баґрени.

У тим чишлє будзе слова о сокох за хтори шицки знаме и пиєме од дзецинства, бо су нам доступни, нє драги су и лєгко их порихтац, алє и о вариянтох хтори ошвижую як цо то сок зоз габзи хтори вше добри вибор през лєто. Менту найчастейше хаснуєме як чай, а зоз нєй мож направиц ошвижуюци соки. Мента и лимун Треба очисциц 6 лимуни и нарезац на колєчка, додац 2 шольки цукру, кус солї и штири шольки води. Тото треба вариц и мишац док нє зовре. Кед превре, склонїц зоз огня, додайце скорки з лимуна и 8 конарчки менти. Тре-

20 РУСКЕ СЛОВО

24. МАЙ 2019.

Менту нарезац на поладнє, даз 40 конарчки. Нашекац и лїсца и конарчки, и намочиц до литри води. Охабиц най одстої 48 годзини, а з часу на час премишац. Кед досц одстало, прецадзиц. Цукер превариц у литри води и охабиц най ше хладзи. У лїтним розмишац лимунтус и охабиц най ше цалком охладзи. Кед ше преварени цукер охладзел, додац сок зоз лимунох и сок зоз прецадзеней менти. Добре розмишац. Сипац до фляшкох. Надпомнуца: Кед ше вам нє пачи фарба яку сце достали мож додац фарбу за колачи, та так нє пременїце смак, а будзе красше випатрац.

Лєтнї микс Помишайце литру жимного чаю (зоз руменцу, лїпи..) зоз соком зоз желєних яблукох и до того додайце сок зоз помаранчеца и 3 ложки жовтого цукру. Треба мишац док ше цукер нє розпущи и тримац у фрижидеру. И дзеци ше зрадую кед до овоцового коктелу додаце сладоляд, лєбо витрепану пуслу, и фалатки овоци, та направице лєтнї коктел-десерт. Кед слунко припече, звичайно сцекаме даґдзе до хладку лєбо ґу води, а вец би нам ше и ошвижиц, и дацо попиц. Зоз безалкоголнима коктелами мож ше ище лєпше ошвижиц як зоз напойом у хторим єст алкоголу. Но, треба вше мац на розуме же нє треба гонїц авто и слунковац ше кед сце уживали у коктелох хтори порихтани зоз алкоголнима напоями. Порихтала Вероника Вуячич

РУСКЕ СЛОВО 21

ДОМ И ФАМЕЛИЯ

famelija@ruskeslovo.com

КОКТЕЛИ РИШЕНЄ ЗА ОШВИЖЕНЄ

ХУҐО КОКТЕЛ

Ошвижуюца парадича

100 мл билого вина 150 мл ґазираней води 5 мл сирупу зоз габзи 5 лїсца з менти 1 лимета (може и лимун) коцочки ляду

СИРУП ЗОЗ ГАБЗИ

20 РУСКЕ СЛОВО

24. МАЙ 2019.

РУСКЕ СЛОВО 21

ДОМ И ФАМЕЛИЯ

женоблоґ

У КА ДРУ

email: jasmina.djuranin@gmail.com www.zenoblogija.com

22 РУСКЕ СЛОВО

право. За мнє мудри тот цо зна математику, физику и хемию, а искусни тот цо научел же лєпше за ньго най нє знєважує тих цо знаю язики и дружтвени науки. Лєбо най ше прави мертви. – Випатра ми же сцеш постац гипстер. Модерни. Лєм вец мушиш отримовац тоту браду. Подштриговац, вичесовац, аж и добре намидлїц. – Айде, цо ши запла! Обритвим ше док ше обритвим! Ей, чловече, я запла? Забул ши як то кед я запнєм. После того на шицко приставаш. После того ше у моїм присустве правиш мертви як тоти цо их медведз нападнє. И вообще нє знам прецо кодификовани тот язик. Док людзе комуниковали з очми и рухами, шицким шицко було ясне. Досц було лєм попатриц на дакого. Можебуц и жґиртац зоз зубами, лєбо дацо подобне. Слова лєм закомпликовали ствар. Бо, кед бим тоту ситуацию сцела преприповедац без словох, кадер би тирвал три секунди, а шицко би було поведзене. И наисце, цо мам з того чи є обритвени чи нє? Прецо правим з брамушки слона? Вон ше и так, и так, таки мудри и искусни, обритви кеди вон сце. Самей себе дакеди нє можем скрациц язик.■

Photofunia

Пише: Ясмина ДЮРАНЇН

едзим и припатрам ше на мойого док шедзи и сцагує якушик серию з нету. Думам себе – прецо же нє ма дакус густейшу браду? Кед є така ридка, а уж покус и шива, випатра як тото цо попресадзуєм у загради. З тим же мнє дацо и зидзе, а йому анї резанка з нєдзельовей юшки нє останє вишиц з нєй. Гоч припознавам же бим у тим случаю знова мала одредзени зауваги. Гм... – Кеди же ше обритвиш? – оздзивам ше цалком нормално. – Чом ше питаш? – штрелєл на мнє з очми. – Ша, так лєм... – тото о чим штудирам нє шмем вигвариц. – Кед ше обритвим пойдзе шива брада, а шива брада значи мудросц и искуство. Но, лєм цо ми нє забегло! То можу повесц Стефан Неманїч и брат му Растко, познатши як Святи Сава, алє вон? Лєбо зна дацо цо я нє знам, лєбо надумал розпочац войну. У нашим обисцу високе думанє о себе ше нє указує, бо зме шицки исти єдни пред другима. И за столом, и у тоалету. Значи вон за себе трима же є мудри и искусни. Мушим припознац, з часци ма

24. МАЙ 2019.

kultura@ruskeslovo.com

ОТРИМАНИ ФЕСТИВАЛ „ГУЦУЛСКА РОДИНА – 2019” У УКРАЇНИ

ГОСЦИ БУЛИ И ЗОЗ СЕРБИЇ У ме сту Ясиня у Закарпатскей обласци України од 3. по 7. май того року отримани Штварти медзинародни фе стивал „Гуцулска родина”. На фе стивалу окрем домашнїх групох и ансамблох були присутни и го сци зоз Словениї, Словацкей, Польскей и Сербиї. Фе стивал шветочно отворени 3. мая пред Домом култури у Ясинї, одкаль ше формовала колона учашнїкох облєчених до тра ди ци й них на род них облє чи вох, про вад зе на зоз гу цул ски ма на род ни ма инструментами. Програми отримани у Доме култури, и то 3, 4. и 6 мая пред медзинародним жирийом и вельочислену публику. Член жирия бул и представнїк Союзу Руснацох Українцох Сербиї Боґдан Виславски, а зоз Сербиї у програми наступели хор ,,Пасторала” зоз Жаблю и солисти зоз КУД „Карпати” з Вербасу. Хор „Пасторала” на чолє з диригентку Катарину Янкович виведол вецей духовни и сербски народни писнї зоз свойого репертоара, а дует Славко Микитишин и Филип Пронек з музичним провадзеньом Стефана Семянїва, вецей українски и русински писнї котри ше зачували у Войводини.

Внєдзелю ґрупа зоз Сербиї нащивела место Рахов, дзе ше сходза Била и Чарна Тиса, потим церкву у Рахове, дзе виведли даскельо духовни и народни писнї. Зоз орґанизаторами фестивалу бешедоване о можлївим сотруднїцтве надалєй, а медзи иншим и нащива ансамблу „Галичанки” з Львова котри заинтересовани наступиц у наших местох у Сербиї, як и дальше сотруднїцтво коло орґанизованя фестивала у 2020. року. Б. Ви.

ОПШТИНСКА СМОТРА МУЗИЧНО-ФОЛКЛОРНЕЙ ТВОРЧОСЦИ ЗА СТАРШИХ У ШИДЗЕ

ШИЦКИ ПРЕШЛИ НА ЗОНУ

У орґ а ни за циї Кул тур но-обра зов но го цен тра, у Шидзе прешлого штвартку отримана општинска Смотра музично-фолклорней творчо сци за старших. Участвовали КПД „Дюра Киш” зоз Шиду, КПД „Иван Котляревски” зоз Бикичу, словацке СКУД „Єднота” зоз Шиду и горватске ГКУД „ Шид”. Наступ оценьовала Даяна Ко стич зоз Старей Пазови, а на Зонску смотру,

24. МАЙ 2019.

хтора ше 1. юния отрима у Печинцох, пласовали ше шицки штири дружтва. Удатни наступ мало КПД „Дюура Киш” хторе наступело зоз Младшу шпивацку ґрупу хтора ше представела зоз двома шпиванками. Тиж наступела и Старша шпивацка ґрупа хтора на сцени виведла обичаї за пратки. Уметнїцки руководителє були Снежана Лазич и Владимир Торма, а руководитель оркестра Драґан Макивич.. Вони указали як ше дакеди на праткох предло, лупало чутки кукурици, шпивало и танцовало, а тиж и дацо поєдло и попило. Бикичске Дружтво ше з тей нагоди представело зоз двома шпиванками хтори одшшивала Женска шпивацка ґрупа. Уметнїцка руководителька була Драґана Ґлувня Бабич, а на гармоники их провадзел Боян Бабич. Удатни наступ мало и горватске дружтво хторе на сцени приказало обичаї косидби преткани зоз шпиванку, музику и танцами. Словацке Дружтво представяла женска шпивацка ґрупа, хтора по оцени селекторки смотри и будзе представяц Словацох у Печинцох, а место обичайох, односно пестованя традициї, словацке Дружтво указало даскельо танци, цо селекторка преценєла же нєдосц же би и тота часц програми була ввведзена за зонскей смотри у Печинцох. Вл. Дї.

РУСКЕ СЛОВО 23

ЛЮДЗЕ, РОКИ, ЖИВОТ НАШ ГОСЦ: ИВАН ГАРДИ, КЕРЕСТУРЕЦ ЗОЗ СУБОТИЦИ

ТИРВАЦЕ БОГАТСТВО Пише: Мария АФИЧ

Остатнї даскельо роки парохия з Руского Керестура орґанизує паломнїцтва на рижни важни християнски места. Кед ше поволує людзох и з других парохийох же би ше приявели, особа за контакт вше и Иван Гарди. З Иваном зме бешедовали праве пред одходом на нову паломнїцку драгу, тераз до Києва и Львова у України

ТРЕБА ШЕ ИЩЕ ЛЄПШЕ ПОВЯЗАЦ – Думам же нам, Руснацом ту, хиби маркетинґ о нас. Єст сайти поєдинєчних наших институцийох, алє думам же би направиц єден информативни сайт, лєбо ґрупу на дружтвених мрежох, бо млади углавним нєпреривно там, а з цильом же би ше млади медзисобно повязовали, же би ше могло и коментаровац, чи вязане за културу, виру, а дзе би ше могло зохабяц и коментари, або информациї о наших людзох дзе су активни и звонка рускей заєднїци.

24 РУСКЕ СЛОВО

ван Гарди, родом зоз Руского Керестура, а як гвари, другу половку живота є уж и Суботичань, а наша явносц го найвецей позна праве як орґанизатора паломнїцтвох уж 20 роки, а тиж и як активного у Дружтве Руснацох Суботици. Иван ше нашол у улоги орґанизатора паломнїцтвох насампредз за младих, хтори орґанизую монахи зоз заєднїци ТЕЗЕ у Французкей. – Мойо паломнїцки путованя почали 1999. року кед ше ишло до Польскей до Познаню. Теди ш. Михаила Воротняк орґанизовала єдну меншу ґрупу, шлїдуюци рок була Барселона, и мнє ше то попачело. Штудирал сом, чи исц з даским другим, чи лєпше най идземе сами, Руснаци и Українци з наших парохийох, та бизме ше и медзи собу упознали. Так то и почало, и було нас вше вецей з наших местох цо сцели путовац, так же зме од 2001. року почали сами орґанизовац перше паломнїцтва за младих. На поволанку брата Ришара хтори бул задлужени за Сербию, як сом гварел, то порушала ш. Михаїла, а вец превжал я, а помагали ми Саня Семанова, Кимо Дудашов и з Митровици Иґор Щурк. Як познате, монашеска заєднїца зоз ТЕЗЕ-у у Французкей орґанизує лєтнї и жимски паломнїцтва за младих. Вони маю кампи до хторих мож пойсц през цали рок, а през лєто єст седемдньови кампстретнуца, док през жиму одн. коло нового року орґанизую стретнуца у рижних европских городох. Як наш собешеднїк Иван доживйовал тоти путованя шведочи – То красна нагода же би ше упознало розличних людзох, култури, нациї и то барз вельке богатство кед ше видзи дацо

иншаке, ґу тому вежбало ше и анґлийски язик. Можебуц то була за мнє даяка пресудна хвилька або мото, же бим ишол далєй, видзел цо вецей, а допринєсол тому же би то и други людзе видзели. Бо, кед ти то видзиш сам, остава то лєм за тебе, а чкода же би то и други людзе нє видзели, та и за далєй ше нє мотивовали за путованя. Констатовали зме же зоз тима паломнїцтвами ше дакус отворели дзвери до швета и нашим младим, у чаше кед нє було лєгко путовац. – Вшелїяк, бо теди було наисце чежко одпутовац, требало вецей визи, а то була скоро єдина нагода же би ше даґдзе пошло. Ґу тому паломнїцтва нє були анї драги, були векшини доступни – дума Иван и предлужує: – Думам же векшини людзом остали з тих путованьох красни памятки. Млади зоз шицких наших парохийох з Бачки и Сриму ходзели на паломнїцтва, вец ше наша грекокатолїцка ґрупа повязала зоз Сримским римокатолїцким владичеством и Беоґрадску надбискупию зоз хторима зме сотрудзовали. Нє мам точну евиденцию, алє думам же сиґурно прешли коло 1 000 людзе през тоти путованя. А нє було важне чи дахто наш, чи православни, римокатолїк, атеиста, чи муслиман, кажде могол присц, нїкого зме нє одбивали, 24. МАЙ 2019.

ljudze@ruskeslovo.com

бо кажде могол дацо дожиц, чи дацо духовне, чи социялне, а и видзиц европски городи. Интере сантне ми же на таких стрет ну цох було слу чаї же ше людзе на путованьох и понаходзели як зродни души, та єст и таких цо ше побрали, и то єден з плодох паломнїцтвох – задовольни наш собешеднїк. ПАЛОМНЇЦТВА ЗА СТАРШИХ Вец почали и други паломнїцтва. Нє лєм Керестурци паметаю паломнїцтва хтори од 70-рокох прешлого столїтия орґанизовал парох Макаї. Шицки мали красни памятки на тот период, та ше дзепоєдни, а и Иван Гарди опитали, чом би ше нє ишло и тераз. – Найблїжей було пойсц до Меджуґоря дзе зме були даскельо раз. Вец зме розду-

твердзели як найвекше дожице, бо вони приватно досц путую, алє нїґдзе у автобусу ше нє бешедує по нашим, и же ше цали автобус дружи на тим путованю, та вец, и тоти цо уж путовали, ознова приходза. Приду и нови, алє и вони почувствую же су прилапени и так функционуєме як єдна велька фамелия, нє лєм ґрупа. То окремна драгоциносц наших паломнїцтвох – прешвечени Гарди. АКТИВНИ У ДРУЖТВЕ РУСНАЦОХ У СУБОТИЦИ

У Суботици

Иван Гарди у родним Керестуре закончел основну школу, до штреднєй економмовали зоз терашнїм парохом керестур- скей пошол до Суботици там остал и стуским о. Михайлом Малацком, шестрами дирац, а о кратши час ше там врацел и на служебнїцами и другима, же цо би за стар- роботу до Порцийней управи. Ище як стуших ище було интересантне нащивиц, та дент з даскелїма краянами, поглєдали назме були у України, тераз ознова, вец у Ри- шо Дружтво Руснацох на єдним од балох. – Тедишнї Управни одбор Дружтва, кед ме, у Лурду. Попри духовних дожицох, то нагода же би ше и старши, гоч ше и по- була предсидателька Ксения Палатинус, знаю медзи собу, баржей зблїжели, бо там вельо поробел же би нас штредньошколнастанє глїбша атмосфера. Цали автобус цох и студентох позберал коло себе. Робебешедує по руски, гоч спочатку людзе кус ли вецей секциї дзе зме ше уключовали, а стримани, алє вец ше опуща и атмосфера я помагал коло технїчних стварох, вец сом окремна. Єдни паломнїки ми тото по- од Янка Раца превжал водзиц финансиї. Потим ме вибрали и за предсидателя Дружтва, нєдавно ми вишол мандат, хтори превжала Геленка Сивч Веляновичова – гвари наш собешеднїк. Кед ше му дахто пита яки ма хасен даровац тельо свойого часу одвитує. – А кеди бим иншак упознал телїх Руснацох у Суботици, алє и людзох з других националних заєднїцох и рижних ґенерацийох, як цо Євреє, Нємци, Македонци зоз хторима зме сотрудзовали? То за мнє тирваце богатНа паломнїцкей драги ство – закончує Иван.■ 24. МАЙ 2019.

БУДОВАНЄ ЗАЄДНЇЦТВА – Скорей ми хибело же ше ми, з Бачки, мало познаме и стретаме з людзми зоз наших сримских парохийох. На паломнїцтвох наша Церква нас повязала, и Руснацох медзи собу, и з Українцами, а и нє дзелїме ше. Людзе ше упознаваю, повязую, и думам же ше на тот способ дакус порушує и националну свидомосц, же хто зме и цо зме и же зме нє сами. То и за старших мотивация, хтори векшином путую, и тото преноша и на свойо дзеци – прешвечени Гарди.

РУСКЕ СЛОВО 25

ЛЮДЗЕ, РОКИ, ЖИВОТ ҐУ СТОРОЧНЇЦИ ОД СНОВАНЯ РНПД –

ПЕРИОД ПОДЗЕЛЄНЬОХ И НЄПОРОЗУМЕНЬОХ Пише: Дюра ЛАТЯК

ОДБРАНА ОД ЗАРЯШОХ До полемики зоз заряшами ше уключел дюрдьовски грекокатолїцки парох др Мирко Боїч, тиж Жумберчан по походзеню, порушани зоз заряшскима нападами на горватских грекокатолїцких священїкох на служби у руским народу, алє оштро бранєл и дїялносц РНПД. Озвал ше и владика Дионизий у своїм Посланию Ц. 5325. Пр. 1934, обявеним у „Руских новинох” ч. 37.(458) од 21. септембра 1934. року. На початку 1935. року, у чишлє 4. (475) „Руских новинох” од 25. януара 1935. року (бок 3.) зявює ше и о. Янко Будински грекокатолїцки парох у Ґосподїнцох. Други учаснїки у полемики ше подписовали зоз псевдонимами Славянски, Вербащань, Имски, Новосадски Русин, Ґосподїнчань, Коцурец, итд.

26 РУСКЕ СЛОВО

Початки националного будзеня при Руснацох на териториї дакедишнєй Угорскей, особлїво на подручу нєшкайшей Восточней Словацкей и Закарпатскей обласци України, ґу котрим етнїчно припадаю и бачванско-сримски Руснаци, вязани за мено священїка Александра Духновича (1803–1865). Реализовало их у нас Руске народне просвитне дружтво, основане 2. юлия 1919. року у Новим Садзе

чишлє 3 „Зарї” зоз 1934. року, на боку 2, под писню „ВРУЧАНІЕ” (Я Русинъ былъ, есмъ и буду...) як мотом свойого уводнїка, редактор др М. Ґубаш з правом велїча Духновичову будительну дїялносц, гоч вон бул униятски свяще„ нїк, и констатує же його „Вручаніе , „жило у руских шерцох, та ше на нїм зламали зуби руского народоного ворога”, та далєй пише: „Кажди наш родолюб наш брат и ми го славиме и споминаме чи вон бул уніят чи православни, главно то же люби наш народ...(нєпотребне вихабел – Дю. Л.) ... Же нас єст и православних нє ганьбиме ше за то, бо у нашим народу єст вецей православних як уніятох. Нам коло „Зарї” єднак мили як єдни так други, главно то да тварди Русини буду. Чи ми Москали, чи Українци як засебни руски народ, на то нє поволани, анї панове коло „Руских новинох”, а нї ми коло „Зарї”. То росчисци 200 милионски руски народ з людзима, котри на то поволанши, котри тому вопросу пошвецую свойо животи. Ми за тераз, док ситуация нє будзе зошицким чиста оставаме Русини, як зме и до тераз були”. Медзитим, зоз статї, обявеней у „Руских новинох” ч. 23 од 15. юния 1934. року (бок 2.) под насловом „Аґитация, кламства и спреводзки” дознаваме: „Откеди батогаше започали видавац свою „Зарю”, руцели ше медзи наш руски народ зос єдну чкодлїву аґитацию проци нашей вири и церкви. Там дзе народ поучени, свидоми своєй народней чесци и

вири, там аґитираю лєм проци Просвитному Дружтву и гуторя о якейш „прадїдовскей” вири и просвити, котра приходзи зос Подкарпатох. А там, дзе народ нє поучени, бидни и у бриґох за свой каждодневни хлєб, там иду од хижи до хижи и аґитираю, же би наш народ одступел од своєй греко-катол. вири и церкви та прешол на православну виру. Обецую им порти и жеми и Бог це пита цо ище.” А вец кус познєйше нєподписани автор статї ше директно обраца батогашом: „Кед ше нє мишаце до вирских роботох, чом сце вец зохабели свою греко-катол. виру и винчали ше у православней? Чом вецка члени вашого дружтва преходза на православиє и чкодлїво аґитираю од хижи до хижи? Чом нєт до тераз анї єдного числа, дзе би ше „Заря” нє очесала о рим. и катол. церкву?” „Нє, нє панове батогаше, нє на розуме вам просвита, а найменєй руска просвита, бо вас нє одколїсала руска мац, анї нє дойчела руским млєком. Ви нє знаце анї руского язика, вам цудза и тота святиня нашей греко-катол. вира котра Русина зачувала до нєшка и зачува го и надалєй, „от навитох вражиїх”. И при концу заключує: „Руски народ у Югославиї нє да ше превесц смядни прейґ води. Водзел вон и чежши борби, алє вишол вше як побидитель, бо вон свойо нє да, а цудзе почитує. Я признавам же ваша акция була потребна прето же би шицко тото цо погнїте и нє добре у нашим народним живоце було вируцене, же би ше роздзелєла плєва од зарна. Плєву и так витор рознєше а зарно 24. МАЙ 2019.

ljudze@ruskeslovo.com

РУСКОГО НАРОДНОГО ПРОСВИТНОГО ДРУЖТВА (XII) останє, так и зоз батогашкей вашей просвити по даскельо рокох нє останє анї спомена, а наш народ ище баржей ше утведзи у своєй прадїдовскей греко-катол. вири и рускосци.” Одвит на тоту статю, обявени у „Зарї” число 9 од 17. юния 1934. року (боки 2-3) под насловом Хто напада а хто ше бранї, подписує „канд. права” Николай Д. Олеяров. У тим одвиту вон, медзи иншим, пише: „У остатнїх числох „Руских Новинох” на єден безобзирни способ, свойствени лєм страни, котра стої на тзв. „християнским становиску”, напада ше на наш Союз и його людзох и приписує им ше тото, о чим вони нїґда анї нє шнїли. Шицки статї, котри ше дотикаю Союза наполнєти су зос єдну пекельну, або да ю иншак назвем „дияволску” мержню процив нашого Союза и їх людзох, а напади, па цо вецей и вшелїяки клевети, котри ше у остатнє време лансираю потполносцу нєзасновани на правди. Цо вецей, ми осетели у тих чланкох нє лєм мержню процив Союзу и його людзох, алє и єден вельки страх тих, цо тоти чланки писали од нєминовного успиху Союза. Кричи ше, грожи ше на нас, приписує нам ше фантастични дїла, нє напада ше на нашо идеї, алє особи (як Др. Сакача, Др. Губаша и других), а то шицко указує нам, же ше хтошка барз бої и же успих Союза у будучно сци заґарантовани, вон муши вшелїяк присц, бо таки кричаня, таки над зераня, таки видрижньованя и пред зиваня, таки нєправди и клевети на нас и сам наш мудри руски народ осуд зи зос пре зираньом. Нїяки кричаня, нїяки над зераня, нїяки клевети и увреди нє годни нам начкод зиц на тельо да нас унїчтожа. Вони можу мац успиху за даяки час, док народ нє упозна, же хто тот цо ше так над зера, док народ нє упозна, же хто у праву, алє, яй буд зе вецка тим, цо ширели тоту мержню, кед їх народ раз замержи. На краю крайох ми заряше преход зиме преко тих нєзаснованих и нєдокументованих нападох дзвигнутей глави, шмелим кроком, мушки и храбро, бо знаме же: „Не та собака кусаетъ, что лаетъ а та, что молчитъ да хво стомъ виляетъ”, (Нє тот пес куса цо бреше, алє тот, цо є цихо и зос хво стом маха).” Полемика медзи РНПД-ом и КПСЮР/КНСЮР-ом, тирвала, з векшим або меншим интензитетом, аж по 1941. рок! Медзитим, дальшу учасц о. Дюри Биндаса у тей полемики у руских друкованих медийох ми замерковали ище лєм раз, кед у „Руских новинох” ч. 48.(469) од 7. децембра 1934. року (бок 3) обявена його виява у котрей демантує твердзенє богослова Виславския же на православну виру прешол на нагварянє „п.о. Дра Костельника Ґабра, и же нєодлуга и вон прейдзе на сербску православну виру, а так исто и паноцове Биндаас и Буйла”. При тим цитовал и часц зоз Костельникового писма од 26. ХІ 1924. року, котру ту наводзиме: „Я нїґда анї Виславского, анї нїкого нє нагварял, да прейдзе на православну виру. А кед ше вон даґдзе з таким хвалєл, та то його ствар, а нє моя... То сом, цо сом вше бул”. Як длугорочни редактор Руского календара вон свою дїялносц пошвецел унапредзованю тей публикациї и 24. МАЙ 2019.

БОЇЧ, о. др МИРКО Парох дюрдьовски, активиста РНПД-а и защитнїк Руснацох пред власцами Народзел ше 26. мая 1888. року у босанским городзе Власеници. Оцец Микола походзел зоз жумберацкого валалу Боїчох, котри припадал парохиї у Сошицох. У Власеници постал углядни граждан и учаснїк у политичним живоце. Мал седмеро дзеци – трох синох и штири дзивчата. Мирко бул наймладши. После основней школи штири класи ґимназиї закончел у Исусовскей семинариї у Травнику, а пияту и шесту класу закончел у Тузли, а вец седму и осму з вельку матуру закончел у Заґребе як питомец Грекокатолїцкей семинариї. Студирал у Риме на Урбанияни, дзе закончел студий филозофиї и докторовал на Академиї святого Томи Аквинского. Богословски студиї започал у Заґребе и ту закончел перши рок. Треци семестер студирал у Львове, а на штвартим уж бул у Станиславове (нєшка Ивано-Франкивск). Штварти рок заш студирал у Львове. Под час студийох научел даскельо язики – нємецки, италиянски, українски и польски. Пред пошвецаньом за священїка оженєл ше зоз Українку Корнелию (Нелу) Шинкарюк. Пошвецел го крижевски владика Юлий Дрогобецки у церкви св. Кирила и Методия у Заґребе 30. авґуста 1914. року. Истого року бул поставени за управителя новей грекокатолїцкей парохиї у Завидовичох (Босна). Медзитим, кед почала Перша шветова война, Боїч бул поволани за воєного священїка и у тей служби бул од 1. новембра 1914. по 27. марец 1919. року. До Коцура за капелана пришол тиж у 1919. року, дзе 1920. року постал администратор коцурскей парохиї. На тей длужносци ше затримал три роки, а 1. мая 1923. року є премесцени за пароха до Дюрдьова, дзе до теди бул парох о. Дюра Биндас, котри поставени за пароха до Коцура. У Дюрдьове др Мирко Боїч службовал по 31. октобер 1936. року, кед є поставени за пароха у Беоґрадзе у ранґу каноника, а бул и банатски декан. Найплоднєйши период активносци о. др Мирка Боїча, вязаней за национални и културни препород Руснацох у Бачкей и Сриме, бул праве тот под час службованя у Дюрдьове. Як зограти активист РНПД-а, вон темпераментно заступал його програму и дїялносц у народзе, особлїво у Дюрдьове трицетих рокох, кед там почал дїйствовац КПСЮР як опозицийни РНПД-у. Теди пришол и до зраженя зоз дотедишнїм приятельом Янком Хромишом, котри ше приклонєл ґу КПСЮР („заряшом“). Од теди мож замерковац його полемични написи у „Руских новинох“ унапрямених процив дїялносци заряшох, розодкриваюци їх прикриту аґитацию процив грекокатолїцкей вири и священства.

витворйованю програмней дїялносци РНПД-а, особлїво после 1936. року, кед ше поднял стануц на чоло тей нашей асоцияциї. ■ (Предлужи ше)

РУСКЕ СЛОВО 27

ЕКОНОМИЯ МИНИСТЕР НЕДИМОВИЧ И СЕКРЕТАР РА ДОЄВИЧ У ҐОСПОДЇНЦОХ

САЛОНСКОВО ҐАЗДОВСТВО ЗА ПРИКЛАД Пише: Сандра САЛАМУН

Министер польопривреди, лєсарства и водопривреди Бранислав Недимович и покраїнски секретар за польопривреду, водопривреду и лєсарство Вук Радоєвич пияток, 17. мая, нащивели польопривредне ґаздовство Салонскових у Ґосподїнцох EЛЕКТРИФИКАЦИЯ ПОЛЬОХ У ОПШТИНИ – Општина Жабель видвоює значни средства за аґрар. Того року опредзелїме средства за малих польопривредних продуковательох за камати на краткорочни польопривредни кредити за шатву, як и средства за статкарство. Општина уходзи до проєкта електрификациї польох, бо ше закладаме же би цо векша поверхносц була под систему за наводньованє – гварел предсидатель Општини Жабель Чедомир Божич.

редставительох державней и покраїнскей власци дочекали домашнїх спред локалней самоуправи, предсидатель Општини Жабель Чедомир Божич и предсидатель Скупштини општини Жабель Радован Чолич, а домашнї бул и Ґоран Салонски, ношитель польопривредного ґаздовства котре єдно з найвекших продуковательох желєняви у Општини Жабель, преважно мархви. Министер Недимович з тей нагоди визначел же наша держава почала вивожиц мархву, а то нє було пред пейцома, або шейсцома роками, а шицко дзекуюци сучасней опреми. Вон власнїкови ґаздовства повинчовал на успиху у велькей продукциї мархви, алє му поручел и же ше наздава же од першого юния тото ґаздовство почнє анґажовац сезонских роботнїкох по новим Закону. УСПИШНИ У ПРОДУКОВАНЮ МАРХВИ – Ґаздовство Са лонскових позитивни приклад у продукциї желєняви, зазначує

28 РУСКЕ СЛОВО

барз до бри ре зул тати, окре ме у продук циї мар хви. То лєм до каз же ше зоз при ме нь о ва нь ом су ча снє й ших ри ше нь ох полєп ша ло стан, гва рел ми ни стер Неди мо вич. Бе шеду ю ци о но вим За ко ну о се зон ским анґ а жо ва ню ро бот нї кох, гва рел же гоч ище вше нє поча ла глав на се зо на ро ботох и анґ а жо ва нь ох ро бот нї кох, у пер ших шти рох ме ша цох його при ме нь о ва ня при я ве не коло пе йц ти ся чи ро бот нї кох и коло дзе вед зе шат седем ти ся чи ро бот ни днї. При ходи од то го у дер жав ним буд же ту ско ро 30 ми ли о ни ди на ри. – По ров ну ю ци з пре шлим ро ком, у ца лим по ль о при вред ним сек то ру було три ти ся чи осем сто анґ а жо ва них ро бот нї кох у поль о при вреди, а уж те раз их єст ве цей од то го. То до каз же но ви За кон ма сми сла и же на тот спо соб мож пре та кац зоз ши вей до ре ґ улар ней зо ни. З дру го го бо ку, ро бот нї ки маю пра во на пен зи й не и ин ва лид не оси ґ у ра нє, як и здравстве не оси ґ у ра нє кед ше по ка лї ча на ро боти. Ке льо ґод було 24. МАЙ 2019.

ekonomija@ruskeslovo.com

тих цо нє верели до того, позитивни ре зултати вельо гуторя – гварел министар Недимович. ЗВЕКШАЦ ПРОДУКЦИЮ И БУЦ КОНКУРЕНТНЄЙШИ Под час оби ход зе ня спом ну то го ґаздовства у Ґосподїнцох, покраїнски секретар Радоєвич гварел же би польопривреднїки требали конкуровац за дод зельованє средствох за софинансованє набавки опреми и системи за наводньованє, понеже єст средства. Вон поволал польопривреднїкох же би звекшали продукцию, же би нашо тарґовище було конкурентнєйше, же би нашо продукти нашли ме сто на шветовим тарґовищу, алє и же би польопривредни продукователє обезпечели добри заробок за себе и свою фамелию. Вецей о конкурсу на сайту спомнутого покраїнского скеретарияту – http://www.psp.vojvodina.gov.rs/ у рубрики конкурис/оглашки у правим куце початного бока. – Зоз нащиву таких ґаздовствох жадаме по слац порученє же лєм зоз интензиво ва нь ом поль о при вред ней продук циї мож по сцигнуц векши урожай. Прето мири Покраїнского секретарияту унапрямени на интензивни линиї польопривредней продукциї. Покраїнска власц, у одношеню на остатнї три роки, того року видвоєла найвецей средства за субвенционованє системох за наводньованє.

24. МАЙ 2019.

За три роки подписани контракти вредно сци коло 2,7 милиярди динари за набавку системох за наводньованє и нови вецей як ше снац тисячи гектари под системами за наводньованє – гварел секретар Радоєвич. ВАЖНЕ НА ЧАС ПОРОБИЦ НА ПОЛЮ Фамелия Салонскових зоз Ґосподїнцох продукє желєняву вецей як трицец роки, син Ґоран любов ґу тей роботи нашлїдзел од оца Любомира. Обрабяю штиристо гектари жеми, єдна половка под житарками, а друга под желєняву. Од того осемдзешат гектари мархви, шейдзешат цибулї, трицец кромплї, двацец паприґи и дзешец гектари огурки корнишони. – У продукциї желєняви, алє и житаркох, важне шицки потребни роботи поробиц на час и найквалитетнєйше. Нам жалєнява примарна продукция. Чули зме цо представителє власци видвоюю як значне, а я би обрацел увагу на цену горива, бо гориво драге, у нас го у польопривреди нє субвенционую – гварел ношитель ґаздовства Ґоран Салонски. По розпатраню ґаздовства Салонскових, обєктох у хторих ше чисци и одклада желєняву, министер Надимович и секретар Радоєвич одвитовали на питаня польопривреднїкох и статкарох о условийох у роботи, нєясно сцох коло законох, як и о помоци держави.■

ВИВОЗ МАҐОЧКОВЕЙ ОВОЦИ ДО РУСИЇ – У тим тижню би требало буц подписане дошлєбодзенє же бизме ознова вивожели маґочково овоци на простор Евроазийней униї. И у тим року ознова диждж прави проблеми, та ше будземе мушиц баржей интересовац за защиту рошлїнох од хоротох, же бизме нє мали заш исту ситуацию з овоцу. Нє маме огранїчене количество за вивоз, так же можеме вивезц шицко цо випродукуєме . Без огляду на тото, думам же зме ознова годни повесц же зме мали добри вивоз – гварел министер Недимович, котри наглашел и же тарґовище Русиї глєда найквалитетнєйши продукти. Най здогаднєме, вивоз у прешлим року застановени пре зявенє хоротох на маґочкових овоцох пре дижджовну хвилю у сезони дозреваня овоци.

РУСКЕ СЛОВО 29

ЕКОНОМИЯ У НОВИМ САДЗЕ ЗАКОНЧЕНИ 86. МЕДЗИНАРОДНИ ПОЛЬОПРИВРЕДНИ САЯМ

ОДЛИЧНЕ ПРЕДАВАНЄ МЕХАНЇЗАЦИЇ Медзинародни польопривредни саям у Новим Садзе за седем днї, од 11. по 17. май, нащивели коло 140 000 людзе, а найлєпши резултат посцигнути у предаваню механїзациї, у вредносци 20 милиони еври а 86. Медзинародним польопривредним сайму презентовани найновши досяги у обласци польопривредней продукциї и механїзациї, поживи, напою, опреми за поживову индустрию, у продукциї хемийних и защитних средствoх, орґанскей поживи и других продуктох и услугох у аґробизнису. Першираз у историї Польопривредни саям мал Жем партнера – Италию и Жем приятеля – Тунис и їх делеґациї, задовольни и зоз витворенима дїловнима контактами. Ґенерални спонзор було Дженерали осиґуранє Сербия, а Златни спонзор Ал Дахра. Сумируюци резултати тогорочного Сайма, ґенерални директор Слободан Цветкович гварел же тоту манифестацию за седем днї нащивели 140 000 людзе и же то нащива на прешлорочним уровню, як и же диждж хтори падал под час Сайма, нє бул причина же би нащивителє одустали од приходу на тоту найвекшу аґрарну манифестацию у реґиону. На Сайме ше представели 1 518 викладаче зоз 61 жемох швета, витворени 300 дїловни схадзки, а найвекши резултат посцигнути у предаваню польопривредней механїзациї, у вредносци 20 милиони еври – гварел Цветкович. Премиєрне виданє на найзначнєйшей аґро-бизнис подїї у тей часци Европи мала Национална вистава Русиї, а нащивительом и фаховей публики, пре одно-

Пнеуматичну шеячку ÖZDÖKEN VPHE-D4 достал Ян Злох з Ковачици

Погар за схопносц на аґрополиґону освоєл Хари Хорват зоз Чантавиру

30 РУСКЕ СЛОВО

Трактор Беларус 82.1 достал Пал Чипак зоз Яши Томича

Трактор „Джон дир 5045 2wd” достал Слободан Крстич з Варварину

шенє цени и квалитета, окреме була интересантна польопривредна механїзация. Остатнього дня Медзинародного польопривредного сайма у дарунок-бависку додзелєни два трактори и шеячка. Трактор Беларус 82.1, хтори подаровала „Аґропанонка”, достал Пал Чипак зоз Яши Томича. Ключи му придал Александар Швоня, директор предаваня тей компаниї, хторей то 23-ци трактор подаровани у дарунок-бависку. Ключи од трактора „Джон дир 5045 2wd” Слободанови Крстичови зоз Варварину подаровал Дьордє Мишкович, вивершни директор компаниї КИТЕ д.o.o. Пнеуматичну шеячку ÖZDÖKEN VPHE-D4, дарунок фирми „VGP ozdoken”, Янови Злохови з Ковачици уручел представнїк VGP Ґоран Василєвич. Остатнї дзень Сайма, 17. мая, уручени и погар за схопносц указану на аґрополиґону, хтори освоєл Хари Хорват зоз Чантавиру, так же полиґон прешол за єдну минуту и 46 секунди. На Сайме додзелєни и найвекши припознаня за квалитет продуктох и за дїлованє у обласци аґрара. Медзи наградзенима и Општина Вербас, хтора достала диплому „Найлєпши у аґробизнису”, а вредни припознаня достали пейцме продукователє зоз тей општини.■ М. Тамаш 24. МАЙ 2019.

ekonomija@ruskeslovo.com

У ШИДЗЕ ПРИЛАПЕНА РОЧНА ПРОГРАМА ЗАЩИТИ, УШОРЕНЯ И ХАСНОВАНЯ ДЕРЖАВНЕЙ ПОЛЬОПРИВРЕДНЕЙ ЖЕМИ

ШИЦКИ ПОДАТКИ О ПОЛЬОХ У ДИҐИТАЛНЕЙ ФОРМИ Скупштина општини Шид благочасово прилапела Рочну програму защити, ушореня и хаснованя державней польопривредней жеми за 2019. рок. Як наглашел заменїк предсидателя општини, Зоран Семенович, по першираз програма принєшена у диґиталней форми, цо у значней мири допоможе же би ше ефикасно витворело, алє и провадзело як ше поля хаснує. Понукац ше будзе коло 2 000 гектари хтори на лицитованю буду по праву першенства закупу. – Новосц же одтераз ше будзе контроловац яки польопrивредни рошлїни посадзени на полю. Нє годно ше вецей случиц же би на польох под закупом, а хтори наменєни за статкарох и за продукцию статковей покарми, були рошлїни хтори ше нє хаснує за карменє статку. Програма хтору зме принєсли цалком транспарентна и у каждей хвильки ше будзе знац хтори поля под закупом, хто их хаснує, хтори рошлїни на полю, як и чи ше почитує такволани плодоряд – додава Зоран Семенович. Вон нависцує же би лицитованє жеми за економски 2019–2020. рок мало буц отримане уж у юлию, же би парасти могли благочасово порихтац поля за нову продукцию. Як предлужує далєй, парасти буду мац часу окончиц анализу жеми же би ше утвердзело єй плодносц и же би знали по тим яки аґротехнїчни мири маю превжац и хтори минерални гної треба же би унєсли до жеми. Семенович додава и же парастох треба едуковац же би тоти мири покончели пре лєпшу продукцию и висши

урожаї. Тиж би парасти требали водзиц и такволану кнїжку поля, до хторей буду уписовац як обрабяю польо, хторе нашенє хасную, яки гербициди хасновани за пирсканє и подобни хасновити податки. – У виробку програми зме мали вельку помоц и потримовку од Ґеодетского заводу и нашей Канцелариї за польопривреду. Праве спомнута канцелария будзе мац длужносц едуковац парастох же би пополньовали таблїчку зоз глєданима податками. Тиж так и же би ше вецей контроловало як ше поля хаснує, же би нє було узурпованя польох – гвари Зоран Семенович. Вл. Дї.

У СЛИКИ И СЛОВОХ

ПЧОЛИ НА ПАЖИЦИ

Oпштина Шид позната по розвитим пчоларстве пре богату пашу на Фрушкей гори кед квитню лїпа и баґрен, потим по овоцнїкох и польопривредних рошлїнох, як цо слунечнїк и 24. МАЙ 2019.

олєйов репчень, хтори прицагую пчоли. А єден пчолар лади з пчолами на прикочох покладол на окраїску Шида на пажици просто потоку Шидина. Нєзвичайно же ше ту нашли пчоли,

бо их прешли роки нє було, алє пчолар озда преценєл же пчолом паша нє так далєко и же вредни пчоли випродукую надосц меду. Вл. Дї.

РУСКЕ СЛОВО 31

informator@ruskeslovo.com ОСТАТНЇ ПОЗДРАВ Дня 13. мая упокоєла ше наша мила мац, баба и прабаба

ОСТАТНЇ ПОЗДРАВ Дня 13. мая ше преселєла до вичносци наша мила шестра

МАРИЯ ОРОС народзена Сопка (1933–2019) з Руского Керестура Останєш жиц у наших памяткох и здогадованьох на красни хвильки препровадзени вєдно. Твойо шестри Ана и Ксения и брат Мирон зоз супругу Амалку СМУТНЕ ЗДОГАДОВАНЄ Дня 23. мая наполнєл ше смутни рок як нас зохабел наш мили оцец и дїдо

СМУТНЕ ЗДОГАДОВАНЄ Дня 23. мая наполнєл ше рок як нас зохабел наш мили дїдо и прадїдо

ЙОВҐЕН ТАКАЧ (1936–2018) з Руского Керестура Красни памятки на час препровадзени з вами вично буду чувац дзивка Сенка и унук Боян Щепановичово Спочивайце у мире Божим!

ЙОВҐЕН ТАКАЧ (1936–2018) з Руского Керестура Красни памятки на вас вично буду чувац унука Бояна зоз супругом Жельком и праунук Виктор Малацково Спочивайце у мире Божим!

ЛЕОНА ХОМА народзена Малацко (1934–2019) з Руского Керестура З любову и почитованьом навики будземе ношиц у наших шерцох єй любов, доброту и милу подобу. Твойо наймилши: син Янко зоз супругу Наталию, дзивка Весна, унук Владимир, унука Наташа зоз супругом Ваньом, унук Яни и унук Мирко, та праунучата Павле и Петра Спочивай у мире Божим! ОСТАТНЇ ПОЗДРАВ Дня 21. мая 2012. року упокоєла ше наша мила мац и баба

Дня 8. мая наполєли ше три жалосни мешаци як нас занавше зохабел наш мили оцец и дїдо

ВЕРОНИКА – ВЕРА ИВАНОВ ВАСИЛИЄ – ВАСА ИВАНОВ народзена Бесерминї (1927–2019) з Ґосподїнцох (1942–2012) Вично будземе ношиц у своїх шерцох Пошол ши поцихи и нєсподзивано. єй любов, доброту и пожертвованосц. Слизи падаю, алє поцешеня нєт. Най Єй наймилши: син Мирослав зоз кажда наша молитва Господу Богу дзецми Марком и Иваном, дзивка поласка твою душу. Спочивай спокойно. Занавше ожалосцена дзивка Олґица зоз сином Василийом Спочивай у мире Божим! Олґица и унук Василиє, син Мирослав и унукове Марко и Иван.

НА ЗДОГАДОВАНЄ Дня 22. мая 2019. року наполнєли ше шейсц смутни роки як нас занавше охабел наш супруг, оцец и дїдо

ЙОВҐЕН ҐОҐА (1941–2013) з Дюрдьова

З почитованьом и любову памятку на ньго навики чуваю супруга Люпка, син Звонко, нєвеста Саня и унукове Владимир и Иґор Най спочива у мире Божим!

32 РУСКЕ СЛОВО

НА ЗДОГАДОВАНЄ У розквитнутим маю здогадуєм ше же сце вецей нє зо мну, мойо мили родичи БЕСЕРМИНЬОВО

ЄЛЕНА ЛЮБОМИР народзена Шимко (1933–2011) (1937–2019) з Руского Керестура Чежка и боляца кажда хвилька здогадованя на ваш одход. З любову и почитованьом ваша дзивка Снежана Бесерминї и жец Мома Сотирович Вичная памят!

СМУТНЕ ЗДОГАДОВАНЄ Дня 25. мая наполня ше 6 жалосни роки як умар наш мили супруг, оцец, дїдо и прадїдо

МИХАЛ ВАРҐА – друкар (1945–2013) з Руского Керестура Красни памятки остали нам у наших жалосних шерцох. Супруга Ганча, син Звонко зоз супругу Геленку, син Ромко зоз супругу Терезку, и шицки його унуки. Най ци гвизди ошвицую твой гроб! Спочивай у мире Божим!

24. МАЙ 2019.

informator@ruskeslovo.com СМУТНЕ ЗДОГАДОВАНЄ Дня 22. мая наполнєли ше шейсц мешаци як нас зохабел наш мили супруг, оцец и дїдо

ОСТАТНЇ ПОЗДРАВ

МАРИЯ ХОМА народзена Югик (1. VII 1942 – 10. V 2019) з Руского Керестура Шестри од Владу Югикового зоз фамелию Спочивай у мире!

ДЮРА МУЧЕНСКИ (1940–2018) з Руского Керестура З любову и подзекованьом памятки на Вас чуваю вашо наймилши: супруга Еуфемия, син Дюра и нєвеста Марча, дзивка Оленка и жец Янко, та унуки: Иван, Соня, Александра и Теодора Спочивайце у мире Божим! Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о принєшеним ришеню же нє потребне преценьованє вплїву проєкта на животни штредок Ношитель проєкта Силвана Милетич зоз Нового Саду, улїца Коперникова число 10, поднєсол вимогу за одлучованє о потреби преценьованя вплїву на животни штредок проєкта „Вибудов продукцийного обєкта – гала за продукцию древених палетох и древеней ґалантериї прижемней поверхносци (П)”, у Руменки, Державна драга IIA-113, на катастерскей парцели число 47/10, К.О. Руменка, Город Нови Сад. После запровадзеного поступку, Городска управа за защиту животного штредку дня 20. мая 2019. року принєсла ришенє число VI-501266/19 же потребне преценьованє вплїву застатого стану на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www.environovisad.org.rs. Заинтересована явносц може виявиц жалбу процив того ришеня у чаше 15 днї од дня його обявйованя у средствох явного информованя, по тим орґану.

МАЛИ ОГЛАШКИ НА ПРЕДАЙ хижа у Руским Керестуре на адреси Народного фронту 49. Обявиц ше на телефонске число 064/249-4690. *** ПРЕДАВА ШЕ хижу у Руским Керестуре на адреси Иви Лоли Рибара 146а. Хижа на велькей порти, попри помоцних обєктох єст и ґатерня и тапетарска роботня. Обявиц ше на телефонски числа: 062/1789131 або 025/703-880. 24. МАЙ 2019.

Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює ОБВИСЦЕНЄ о принєшеним ришеню же потребне преценьованє вплїву и о одредзованю обсягу и змисту студиї о преценьованю вплїву на животни штредок проєкта радио базней станїци мобилней телефониї „НСДраґе Спасич” – НСУ257/НСЛ257” Ношитель проєкта „Tелеком Сербия” а.д. Таковска 2, Беоґрад поднєсол вимогу за одлучованє о потреби преценьованя вплїву на животни штредок проєкта базней станїци мобилней телефониї „НС-Драґе Спасич” – НСУ257/НСЛ257” у Новим Садзе, у улїци Драґе Спасич 10, на катастерскей парцели число 3720/2, К.О. Нови Сад II, Город Нови Сад. После запровадзеного поступку, Городска управа за защиту животного штредку дня 20. мая 2019. року принєсла ришенє число VI-501115/19 же потребне преценьованє вплїву застатого стану на животни штредок и о одредзованю обсягу и змисту студиї о преценьованю вплїву на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного ш т р е д к у www.environovisad.org.rs. Заинтересована явносц може виявиц жалбу процив того ришеня у чаше 15 днї од дня його обявйованя у средствох явного информованя, по тим орґану.

CENOVN>K MALIH I POSMERTNIH OGLA[KOH – mala ogla{ka do 20 slova ko{ta 200 dinari – mala ogla{ka vecej yk 20 slova ko{ta 300 dinari – uramikovani tekst ogla{ki, abo vin~ovanki ko{ta 500 dinari – posmertna ogla{ka na wdno polqo ko{ta 600 dinari – posmertna ogla{ka na dva poly ko{ta 1 200 dinari. Cenovn<k va`i od 1. мая 2015. roku Ogla{ki mo` poslac na mejl office@ruskeslovo.com лєбо ruske.redakcija@gmail i uplacic na rahunok Novinsko-vidavatelqnej ustanovi “Ruske slovo” u banki Inteza ~islo 160-923244-82. Informaci< mo` dostac na telefon 021/ 6613-697.

РУСКЕ СЛОВО 33

ИНФОРМАТОР * дзе цо будзе * дзе цо будзе *

НА СОБОТУ ПРОМОЦИЯ КНЇЖКИ СЛАВКА РОМАНА РОНДУ На соботу, 25. мая з початком на 21 г. у Младежским доме будзе отримана промоция кнїжки Славка Романа Ронду „Одняти од псох”. Плановане же би на промоциї наступела шпивацка ґрупи „Ария”, комичаре „Ступиденти”, а Мирослав Малацко з тей нагоди пречита даскельо авторово твори. Уход на промоцию безплатни, а после 23 г. будзе журка на котрей будзе преважно музика 90-тих рокох. Под час промоциї на штанду НВУ „Руске слово” присутни буду мац нагоду купиц Рондову кнїжку по вигодней цени од 210 динари, познєйше порядна цена кнїжки будзе виношиц 300 динари. ***

ФЕСТИВАЛ ПОЕЗИЇ МЛАДИХ У ВЕРБАШЕ

У Вербаше од 21. по 25. май тирва 51. Фестивал поезиї младих. Пейцдньова програма тей поетскей манифестациї облапи познатих писательох, подобову манифестацию „Палету младих”, портрети поетох, хвильки прози и поезиї, як и промоцию кнїжки прешлорочного побиднїка Александра Ґабони зоз Нового Саду. Пияток будзе поетски митинґ, а остатнього вечара, на соботу буду представени дзешецеро найлєпши млади поетове зоз Сербиї и реґиону котрих у музичней часци програми будзе провадзиц маестро Бора Дуґич.

СТРЕТНУЦЕ ВЛАДИЧЕСКИХ КАРИТАСОХ СЕРБИЇ У РУСКИМ КЕРЕСТУРЕ Стретнуце владических Каритасох Сербиї отрима ше у Руским Керестуре, у нашим святилїщу Водица, 1. юния, на тему „ПАРОХИЯ+ПАРОХ+ВОЛОНТЕР = УСПИХ”. Госци стретнуца буду архиепископ беоґрадски монс. Станислав Хочевар, директор националного Каритасу о. Ивица Дамянович, координатор националного Каритасу Дарко Тот и шицки директоре владических Каритасох. Тиж, будзе присуствовац и представитель Каритасу Австриї, священїки и волонтере. По словох директора Каритасу Епархиї св. Миколая у Руским Керестуре о. Владислава Варґи, на схадзки Канцелариї Каритасу Сербиї и Каритасу Епархиї зоз священїками и волонтерами зоз Керестура и Коцура, отриманей у марцу, обдумана и програма сходу. На стретнуцу присутних привита монс. Станислав Хочевар, хтори отрима и преподаванє на спомнуту тему. Потим будзе Служба Божа св. Йоана Златоустого, а присутни после Служби буду мац орґанизовани полудзенок. Далєй ше предлужи роботу по ґрупох формованих по возросту, на спомнуту тему, а потим винєшу и заєднїцки заключеня. Орґанизаторе задумали же би ше модлєло Ружанєц по руски, горватски и мадярски. Пред законченьом стретнуца подзелї ше благослов шицким присутним. Будзе орґанизовани и Саям социялного поднїмательства, на хторим буду виложени прикладнїки поднїмательох, хтори ше будзе и предавац. Поволани шицки цо заинтересовани за волонтеризем и Стретнуце владических Каритасох Сербиї. О. Ж.

Городска управа за защиту животного штредку на основи члена 20. пасус 1. Закона о преценьованю вплїву на животни штредок („Службени глашнїк Републики Сербиї” число 135/04 и 36/09), обявює

ОБВИСЦЕНЄ

о явним увиду, явней презентациї и явней розправи о Студиї о преценьованю вплїву застатого стану на животни штредок Подприємство „Telenor Common Operation” Оддїл Беоґрад – Нови Беоґрад по овласценю ношителя Проєкта TELENOR d.o.o. Младежских бриґадох 90, Нови Беоґрад, поднєсол вимогу за одлучованє о потреби преценьованя вплїву на животни штредок проєкта базней станїци мобилней телефониї „НС Булевар ошлєбодзеня 3” у Улїци Турґенєва 7, у Новим Садзе, на катастерскей парцели число 6900/26, К.О. Нови Сад I, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110 а, Нови Сад, роботни днї од 10 по 15 годзин по 18. юний 2019. року. У складзе зоз членом 6. Правилнїка о поступку явного увиду, презентациї и явней розправи о студиї о преценьовню вплїву на животни штредок („Службени глашнїк РС”, 69/05) заинтерсованих орґанох, орґанизацийох и явносц под час тирваня явного увиду можу поднєсц зауваги и думаня на студиї о преценьованю вплїву у писаней форми Городскей управи за защиту животного штредку. Явну розправу и презентацию ше отрима 19. юния 2019. року, у просторийох Городскей управи за защиту животного штредку Городу Нового Саду, Руменацка 110 а, Нови Сад, на 11 годзин.

34 РУСКЕ СЛОВО

МАЛИ ОГЛАШКИ

ДИХТОВАНЄ облакох и дзверох. Щици од витру, жими, праху, галайку, праху, инсектох. МОНТИРАМЕ: – РОЛЕТНИ – ГАРМОНИКОВО ДЗВЕРИ – ПАНТЛЇКОВО ДЗВЕРИ – МРЕЖИ ОД СУНЬОҐОХ – ВЕНЕЦИЯНЕРИ – ОПРАВКИ 025/5827-710 065/5088-433 24. МАЙ 2019.

ИНФОРМАТОР/СПОРТ

ВИШЛО МАЙСКЕ ЧИСЛО „ЗАГРАДКИ”

Тих дньох зоз друку вишло майске число нашого дзецинского часопису „Заградка”, а у нєй призначени вецей подїї. Медзи иншим и як означени дзень школи „Братство єдинство” у Коцуре. Отримани роботнї, спортски активносци, квиз и културноуметнїцка програма, о чим шведоча и фотоґрафиї на насловним боку майского числа часописа „Заградка”, а вецей о тей подїї дознаце у рубрики „Висти зоз школох” на 18. боку. Тота рубрика приноши и висти о успихох рецитаторох на Покраїнскей смотри и пласману на Републичне змаганє, як и о креативних роботньох вербаских и новосадских школярох пред Вельку ноцу. О „Бамби фесту” у Руским Керестуре и о вельконоцним концерту у Дюрдьове можеце пречитац на 2. боку. За любительох литератури за дзеци ту стихи руских писательох Меланиї Павлович и Миколи Скубана, и приповедка Ксениї Варґа, а у „Малей заградки” кратки писньочки за наймладших Ирини Гарди Ковачевич, Михайла Ковача и Силвестера Д. Макая и вельо илустрациї за вифарбйованє. У литературней часци и драгопис зоз Малезиї Андрея Чипкара и вибор поезиї Добрици Ерича, и ище даскельо кратки приповедки сербских писательох. О славней годзини у Кремлю и о барбики хтора уж ма шейдзешат роки, можеце пречитац на 23. боку, а школярским литературним и подобовим роботом пошвецени аж шейсц боку „Заградки”. М. Р. 24. МАЙ 2019.

ЗАКОНЧЕНЕ ПЕРШЕНСТВО II ВОЙВОДЯНСКЕЙ РУКОМЕТНЕЙ ЛИҐИ СИВЕР ЗА ЖЕНИ

НИКОЛИНА ЗОРИЧ НАЙЛЄПШИ ҐОЛҐЕТЕР Николина Зорич зоз Руского Керестура, рукометашка ЖРК „Деронє” на остатнїм змаганю II Войводянскей лиґи Сивер за жени, у Сримскей Митровици 18. мая, преглашена за найлєпшу ґолґетерку зоз 106 посцигнутима ґолами у першенстве, а єй екипа хторей тренер Керестурец Славко Надь завжала треце место на таблїчки. У остатнїм колє прешлей соботи, Деронє прецерпело пораженє од домашнєй и першопласованей екипу Сриму з резултатом 23:32, а друга на таблїчки екипа ЖРК „Петровардин”. Тренер зоз лиценцу, Керестурец Славко Надь посцигнул ище єден успих – перше место зоз екипу „Сриму” зоз Сримскей Митровици, з дзивчатами народзенима 2004. року хтори бавя у I Войводянскей лиґи. Надьови то иншак треца медаля у трох младших катеґорийох хтори тренира. М. А.

13. КОЛО РУКОМЕТНЕЙ ЛИҐИ „СИВЕР”

НАПАРТО ПО САМ КОНЄЦ

РК „Русин” – РК „Обилич” 21:24 (12:11) Рукометаше Русина прешлей собо- бавяче ,,Обилича” забавели кус аґрети, 18. мая, страцели од госцох, екипи сивнєйше и однєсли побиду. Найвецей ґоли за Русин дали и зоз Нового Кнежевцу зоз резултатом 21:24 (12:11). Резултат зоз лєм трома тоти найискуснєйши и наймладши ґолами розлики, указує на добру роз- бавяче: Салак 5, Югик 5, Тома 4, бавеносц и пририхтаносц обидвох Мудри 4. За Русин бавели꞉ Пирожек, екипох. У першим полчасу ше бавело ґол за ґол, водзели раз єдни раз други, Стойков, Тома (4), Гербут (2), Югик а у другим полчасу, екипа Русина (5), В. Мудри, Салак (5), М. Ґовля, отримовала резултат зоз ґолом розли- Дюрко, Микита (1), М. Мудри (4). Змаганє судзели꞉ Милица ки по сам конєц, кед уж у 56. минути Калудєрович, Мария Радоичич, а контролор Давор Хорват. Екипа Русина ше и далєй находзи на другим месце на таблїчки зоз 19 бодами, а першопласована екипа зоз Зомбора зоз 24 бодами. За рукометашох остало ище єдно, 14. Коло, хторе укаже хтора екипа превежнє титулу найлєпших у тей ярнєй сезони рукометного змаганя. Ан. М.

РУСКЕ СЛОВО 35

СПОРТ ПОДРУЧНА ФОДБАЛСКА ЛИҐА НОВИ САД

„БАЧКА” ОЗНОВА БЕЗ БОДОХ ФК „Бачка 1923” – ФК „Младосц” (Нови Сад) – 0:4 (0:2)

ДЮРДЬОВ: Стадион ФК „Бачка 1923”. Главни судия Александар Євтич (Будисава), помоцни Деян Чабанов (Руменка) и Тихомир Миланович (Нови Сад). БАЧКА: Лишич, Д. Тривунович, Вуйович, С. Деянович, Я. Вуйович, Роґич, Петрович, П. Маркович, Баґич, Ґелич и Солдат. На змаганю було три вименки бавячох, шицки у другим полчасу. У 46. минути вошол Маркович вишол Вуйович, у 61. минути вошол Дюрич вишол Петрович, а у 78. минути вошол С. Тривунович, а вишол Деянович. Гоч було нагоди, фодбалере першого тима дюрдьовскей Бачки нє дали анї єден ґол. У 25. колу ярнєй часци першенства Подручней фодбалскей лиґи Нови Сад ФК „Бачка 1923” з Дюрдьова, внєдзелю, 19. мая на своїм терену бавела зоз першопласованим тимом ФК „Младосц” зоз Нового Саду. Госцуюци тим указал вельку доминацию на терену, гоч були госци на нєпознатим терену и пред навиячами котрим Бачка фаворит. Нажаль, домашнї бавяче нє дали анї єден ґол, добре водзели лабду, алє пред самим нападом пред ґолом госцох часто ю трацели. З другима словами, госци були моцни у одбрани, а окреме у нападу. Бачка после того

змаганя на таблїчки Подручней лиґи пада за место нїжей, на 9. место, з истим числом бодох – 29. У пиятей минути другей часци змаганя почала падац моцни диждж и гирмиц, бависко нє застановене, а на трибинох остали лєм найвитирвалиши навияче котрим диждж нє завадзал. Диждж нє падал длуго, алє терен за бавенє фодбалу постал барз шлїзкаци, та було вецей покалїченя. Бачков тим оддавна нє бул таки подмладзени, бо даскельо искуснєйши бавяче покалїчени. – Маме подлу серию стретнуцох. Фодбалере нє сцигую на тренинґи пре приватни обовязки, та зме досц ослабени у одношеню на прешлу полусезону. Щесце же зме вєшенї витворели добри резултати, та найвироятнєйше нє будземе у позициї за випадованє зоз лиґи. Половка тиму млади леґинє од шеснац и седемнац роки – гварел Раденко Шарович, тренер першого тима ФК „Бачка 1923” з Дюрдьова. Того викенду Бачка ознова на своїм терену привита ФК „Петроварадин” зоз Петроварадину хтора на єденастим месце на таблїчки. Змаганє ше отрима на нєдзелю, 26. мая, на 17,30 годзин. С. С.

ФОДБАЛСКА ПАНОРАМА ОПШТИНИ ШИД

ЄДНОТА ДЕКЛАСОВАЛА МОРОВИЧАНОХ У 19. колу Општинскей фодбалскей лиґи Шид, найвецей були розположени ґолґетере у Шидзе дзе Єднота победзела Єдинство з Моровичу зоз 9:0. Беркасовски Сримец на госцованю у Батровцох освоєл нови боди з побиду процив Омладинца 4:1. Тиж и ФК „Напредак” з Вашици у Ґибарцу бул лєпши од домашнього Синдєлича и победзел зоз 4:1. У Бачинцох стретнуце медзи ОФК „Бачинци” и ОФК „Бинґула” прервана у 62. минути при резултату 1:1. Борец дома страцел до Ґраничара з Ямени з 2:0, а Ердевик 2017 дома победзел Єдинство з Люби зоз 2:0. На таблїчки Сримец прешвечлїво перши зоз 52 бодами, Єднота друга ма 43 боди, а Ердевик 2017 треци зоз 40 бодами. На штвартим месце Напредак зоз 33, пияте Єдинство (Лю) зоз 30 бодами. Єдинство (М) шесте зоз 28 бодами, седми Синдєлич и осми ОФК „Бачинци” маю по 20 боди. Ґраничар дзевяти зоз 19, ОФК „Бинґула” предостатня єденаста зоз 14 бодами, а остатнї дванасти Борец ма лєм пейц боди.

36 РУСКЕ СЛОВО

У 20. колє на нєдзелю буду бавиц Напредак процив Єдноти, Єдинство (М) дочекує Ердевик 2017, а Єдинство (Лю) будзе бавиц процив Омладинца. Беркасовчанє буду мац лєгки задаток, бо Сримец дочекує остатнї Борец. Ґраничар дочекує ОФК „Бачинци”, а ОФК „Бинґула” будзе бавиц процив Синдєлича. Цикаво було и у Медзиопштинскей фодбалскей лиґи Срим дзе бавени стретнуца 25. кола. ОФК „Бикич” дома страцел од ФК „Зека Булюбаша” зоз Равню зоз 1:0, Обилич 1993 у Куковцох победзел Младосц зоз Будяновцох зоз 4:1, а Гайдук у Вишнїчеве победзел Слоґу з Воґню з 1: 0. На таблїчки ФК „Долнї Срим 2015” з Печинцох прешвечлїво перши зоз 60 бодами. Гайдук з Вишнїчева други зоз 50, ФК „Обилич 1993” штварти зоз 47, а ОФК „Бикич” седми зоз 41 бодом. У 26. колє на нєдзелю дерби будзе у Печинцох дзе Долнї Срим 2015 дочекує Гайдук з Вишнїчева, Ґраничар з Обрежу дочекує ОФК „Бикич”, а у Сримскей Митровици буду бавиц Митрос и Обилич 1993. Вл. Дї. 24. МАЙ 2019.

sport@ruskeslovo.com

ПОДРУЧНА ФОДБАЛСКА ЛИҐА СУБОТИЦА

ИСКРА ОБЕЗПЕЧЕЛА БАРАЖ ДО ВОЙВОДЯНСКЕЙ ЛИҐИ ФК „Искра” – ФК „Препород” (Нови Жедник) 2:0 (0:0) ФК „Виноґрадар” – ФК „Искра” 1:2 (1:1)

Искра прешлого тижня одбавела два першенствени змаганя, зазначела два побиди и обезпечела бависко у баражу за пласман до Войводянскей лиґи. Прешлей стреди, 15. мая у Подручней лиґи Суботица було одбавене позарядове коло у котрим Искра на домашнїм терену дочекала екипу Препород зоз Нового Жеднику. Змаганє процив Препороду фодбалере Искри почали добре, були лєпша екипа на терену, медзитим, госци зоз Нового Жеднику ше концентровали на охрану свойого ґолу и нє хибело им вельо же би сполнєли циль и дому пошли зоз єдним бодом. Искра творела шанси за ґол, алє лабда до ґолу нє сцела войсц. На щесце за Искру, госци нє витримали, та змаганє було ришене у остатнїх 15 минутох. Перше после єдней красней акциї Душан Ваяґич бул найвисши у каребним просторе госцох и принєсол Искри предносц. Хто будзе побиднїк було ришене такой у шлїдуюцей минути кед Тони Иван дал други ґол за Искру и принєсол вельку радосц бавячом и навиячом Искри. Внєдзелю, 19. мая, Искру очековало чежке госцованє у Гайдукове процив добрей екипи Виноґрадар. Тото змаганє за Искру було окреме значне, понеже на нїм могла и теорийно обезпечиц бависко у баражу за пласман до Войводянскей лиґи. За тот циль

було нєобходне освоїц єден бод. У першим полчаше публика котра на тот завод пришла на стадион Виноґрадара патрела ровноправне змаганє, шанси було на обидвох бокох, а обидва екипи подавали и по єден ґол. Стрилєц за Искру бул Радован Ґаґович. У другим полчаше обидва екипи предлужели бавиц твардо и бориц ше за кажду лабду. Нагоди мали обидва екипи но, домашнї свойо нє вихасновали, а Искров центарфор Ґаґович єдну Искрову шансу у другим полчаше вихасновал, дал свой други ґол на змаганю и принєсол Искри и побиду и бараж. Искри на „руку” ишли и резултати конкурентох у борби за бараж, понеже и Пролетер зоз Равного Села и Раднички зоз Баймоку свойо змаганя страцели. Три кола пред концом першенства Искра зоз 61 бодом на други месце на таблїчки. Першопласована Войводина зоз Бачкого Ґрадишта сиґурна на першим месце и ма 6 боди вецей од Искри, а з оглядом на розпорядок по конєц, мож повесц же будзе и нови шампион Подручней лиґи Суботица. Искра поле того кола ма 4 боди вецей од Пролетера зоз Равного Села котри на трецим месце, а аж 15

боди вецей од Радничкого зоз Баймоку и Нєґоша зоз Ловченцу котри дзеля штварте и пияте место. Искри тераз остало зачувац тоти 4 боди предносци у одношеню на Пролетер и анализовац потенциялних процивнїкох з котрима би ше могла стретнуц у баражу. Система бависка у баражу будзе иста як и прешлого року та у полуфиналох буду бавиц другопласована екипа зоз Подручней лиґи Суботица зоз трецопласовану екипу зоз Подрученй лиґи Зомбор и обратно. На концу у финалу баражу буду бавиц побиднїки зоз тих полуфиналних змаганьох. Потенциялни процивнїки з котрима би ше Искра могла стретнуц то Кридла Країни зоз Бачкей Паланки, Славия зоз Пиньвиц и Герцеґовац зоз Ґайдобри.У шлїдуюцим колу Искра будзе бавиц у Коцуре процив ФК „Дюрдїн” зоз истоменного места, а змаганє почнє на 17 годзин. З. К.

ПОДРУЧНА ФОДБАЛСКА ЛИҐА ЗОМБОР

НОВЕ ПОРАЖЕНЄ РУСИНА ФК „Кулпин” – ФК „Русин” 4:1 (1:0)

КУЛПИН: стадион ФК „Кулпин”, патрачох 250. Стретнуце судзел судия Д. Митрович зоз Оджаку. Єдини ґол за Русин дал Будински у 65. минути. РУСИН: М. Надь, А. Кочиш, Жарич, Ланчужанин, Малацко, Саянкович, Маркович, Будински, Дюканович, Бранкович, С. Кочиш. До бависка у цеку стретнуца вошли: Б. Надь , Боднар и Д. Надь. У 28. колу Подучней фодбалскей лиґи Зомбор, ФК „Русин” бавел у Кулпину процив домашнєй екипи ФК „Кулпин” – ФК „Русин” 4:1 (1:0). Ґол за Русин дал Будински. Нажаль, русиновци и у тим колу нє мали досц щесца, та змаганє закончене зоз єдним ґолом на хасен Русина, и 24. МАЙ 2019.

аж штири за процивнїцку екипу. Же змаганє прейдзе зоз таким поражуюцим резултатом указало ше на початку другого полчасу, кед ше ґоли зоз процивнїцкей екипи шоровали, у просеку, кажди 15 минути. И попри тим же Русиново фодбалере мали велї нє витворени нагоди дац ґол, мож повесц же Русиново фодбалере дали шицко од себе же би добре одбавели у одбрани. У идуцим колє на нєдзелю на домашнїм терену Русин дочека екипу ФК „Войводина” зоз Товаришева, котра забера шесте место на таблїчки, лєм єдну позицию нїжей од Русина. Ан. М.

РУСКЕ СЛОВО 37

СПОРТ МЕМОРИЯЛНИ ТУРНИР У ФОДБАЛУ „ВЛА ДИМИР МАЛАЦКО УЧО”

ТУРНИР ПОЗБЕРАЛ КОЛО 100 МЛА ДИХ ФОДБАЛЕРОХ На керестурским Ярашу, прешлей соботи отримани други Мемориялни турнир у фодбалу за дзеци „Владимир Малацко Учо”. Змаганя були орґанизовани у двох катеґорийох, за старших пионирох народзених 2007. у хторей участвовали 5 екипи и младших пионирох народзених 2008. року, дзе ше змагали 4 екипи. Екипи були зоз Нового Саду, Пиньвиц, Савиного Села, два екипи зоз Оджаку и три Русиново. Когуцики зоз Руского Керестура ше добре указали У ґрупи старших пионирох, перше место завжала „Славия” зоз Пиньвиц, друге „Петрика” зоз Нового Саду, треци бул „Русин 1”, штварте припадло клубу „Текстилац” зоз Оджаку, а пияте место завжал „Русин 2”. У ґрупи младших пионирох, перше ме сто припадло клубу „Лидер” зоз Оджаку, друге место „Славиї” зоз Пиньвиц, треце „Будучносц” зоз Савиного Села, а на штвартим месце нашол ше ФК „Русин”. По словох предсидателя фодбалского клубу „Русин” Тихомира Медича, зоз општини Кула кажди рок клуб достава од 500 000 до 600 000 динари лєм за фодбал. З оглядом же за финансованє єдней сезони потребне коло милион динари, Клуб ше „знаходзи” и на даяки други способи. – За тот нєшкайши Мемориялни турнир, конкуровали зме за помоц од Општини Кула, и требали бизме за ньго достац коло 110 000 динари. Конкуровали зме и за Ноцни турнир, за хтори бизме тиж требали достац коло 100.000 динари. Но, ми маме досц спонзорох зоз валалу. Єст коло 15 приватнїкох хтори нас финансийно помагаю, а тиж и през рижни манифестациї мож назберац даяки додатни пенєж – гварел Медич. На Турниру участвовало коло 100 младих фодбалерох, а як гвари секретар ФК ,,Русинˮ Желько Орос, того року им дакус очежало орґанизовац таке змаганє прето же велї дзеци у тим периодзе на школских екскурзийох, або маю

обовязки у школи пре роботни соботи, та даскелї екипи мушели одказац змаганє. И попри тим, змагало ше красне число дзецох. Турнир прешол у добрей орґанизациї, добрим розположеню, у бависку и друженю. На концу змагательней часци, зоз перших трох найлєпших екипох, преглашени и найлєпши бавяче. Зоз катеґориї старших бавячох, народзених 2007. року, за найлєпшого бавяча преглашени Дамир Ґуба („Петрика”), найлєпши ґолман бул Александар Драґутинович („Русин 1”), а найлєпши стрилєц Лука Парошки („Славия”). Зоз катеґориї младших бавячох, народзених 2008, найлєпши бавяч на турниру бул Адриян Милец („Славия”), найлєпши ґолман Страхиня Коматина („Будучносц”), а за найлєпого стрилца преглашени Филип Баґи („Лидер”). Ан. М.

ШК „ОМЛАДИНЄЦ”

ОЗНОВА НЄРИШЕНО

Шаховски клуб „Омладинєц” зоз Коцура нову сезону започал дакус слабше як прешлих рокох кед на початку шоровал сами побиди. Коцурски шахисти внєдзелю у рамикох другого кола у Войводянскей лиґи ґрупа Бачка у Коцуре бавели процив ШК „Бездан” зоз истоменного места и зазначели и друге нєришене змаганє. Резултат бул 3:3. За розлику од прешлого кола кед шицки шахисти одбавели нєришено, у тим колу шахисти зазначели три побиди и три пораженя. Побиди зазначени на перших трох таблох на котрих бавели Владимир Лазор, Стеван Перич и Никола Тадич, а на

38 РУСКЕ СЛОВО

штвартей, пиятей и шестей табли свойо змаганя страцели Споменко Павичевич, Любомир Турович и Ґоран Попович. Шах клуб „Омладинєц” и у тим колє бул ослабени, понеже нє бавел найлєпши шахисита коцурскей екипи Карло Бала. После двох колох „Омладинєц” ма два нєришени змаганя и зоз 2 освоєнима бодами ше находзи на 7 месце на таблїчки. У трецим колу „Омладинєц” у Бачкей Тополї будзе бавиц процив екипи ШК „БТСК”. З. K. 24. МАЙ 2019.

sport@ruskeslovo.com

СПОРТСКИ СОЮЗ ОПШТИНИ ЖАБЕЛЬ

ДЮРДЬОВСКА БАЧКА ПРЕГЛАШЕНА ЗА НАЙУСПИШНЄЙШИ ХЛОПСКИ КЛУБ

У святочней сали Скупштини општини Жабель и того року уручени Плакети Спортского союзу Општини Жабель найуспишнєйшим спортским клубом и спортистом зоз општини за 2018. рок. Шветочносц отворели член Oпштинскей ради задлужени за спорт Зоран Шолая и предсидатель Спортского союзу општини Жабель Урош Блаґоєвич. Вони привитали присутних и винчовали им на винїмковим успиху котри витворели у поєдинєчних, або екипних змаганьох у спорту. Член Општинскей ради Зоран Шолая з тей нагоди гварел же локална самоуправа препознава значносц спорта у розвою локалней заєднїци и предлужи помагац його спортским клубом и поєдинцом у спорту. На додзельованю Плакетох бул и Марко Милетич, предсидатель Скупштини општинского Здруженя „Спорт за шицких” основани при Спортскому союзу општини. Додзелєни дзевец Плакети, а медзи наградзенима и Фодбалски клуб „Бачка 1923” зоз Дюрдьова котри наградзени як найуспишнєйши спортски тим у катеґориї хлопох. Плакету превжал предсидатель Управного одбору и спомнутого фодбалского Клуб Никола Тртич. У катеґориї женох, за найуспишнєйши спортски тим наградзени Одбойкашски клуб „Жабель-Волей” зоз Жаблю.

За найлєпшого спортисту поєдинца преглашени Душан Димич зоз Клуба борецких спортох „Тиґрови 021” зоз Жаблю, а за найуспинєйшу спортистку Єлену Зекич зоз Боксерского клуба „Шайкаши” зоз Жаблю. Титулу найлєпшого спортского роботнїка достала Рената Петрич зоз Шаховского клуба „Гайдук” зоз Чуроґу, а найуспишнєйшого тренера Миодраґ Бабич зоз Кошаркашского клуба „Дефенс” зоз Жаблю. У катеґориї найлєпши фаховец у спорту преглашени дохтор Никола Дукич зоз Дома здравя Жабель, а за животне дїло у рамикох спорта Милан Йосимов зоз Фодбалского клуба „Єдинство” зоз Ґосподїнцох. За найуспишнєйшу спортску акцию у прешлим року наградзена спортска акция Здруженя спортских рибарох „Стара Тиса” зоз Чуроґу. С. С.

СТОЛНОТЕНИСКИ КЛУБ „РУСИН” З РУСКОГО КЕРЕСТУРА

ТРИ МЕДАЛЇ НА ОТВОРЕНИХ ТУРНИРОХ конкуренция понеже ше у Млади столнотенисере Столшицких катеґорийох змаганотениского клубу „Русин” зоз ли вецей як 100 змагателє. Руского Керестура на двох Як визначує млада София отворених турнирох у Новим Ковач хтора од нєдавно треСадзе и Шабцу освоєли три нира русинових бавячох, забронзово медалї, єдну Иґор Федовольна є як напредую, йди, другу Матей Сабадош, а упатро тренираю уж даскена змаганю у Шабцу Матей Мальо роки, и цеши ше з успикаї тиж освоєл бронзову медахами хтори посцигую. лю. Шлїдуюцого викенду, МаНа овореним Столнотенитей Сабадош будзе участвоским турнире Нового Саду хтовац и на найвекшим медзири 11. мая отримани на Спенсу, народним европским турнипопри Фейдия хтори наступал у ре хтори од 24. по 27. май катеґориї младших кадетох змабудзе отримани у Заґребе, за гали ше ище и Матей Сабадош хтори го Ковачова пририхтоза кадетох и младших кадетох, вала цали мешац. Матей Макаї у мини кадетох и Попри тим, Русиново млаАлександар Шанта за кедетох. Александар Шанта, Матей Сабадош и Матей Макаї ди бавяче активно тренираю и На отвореним турнире у Шапцу, 18. мая наступела иста Русинова штверка младих далєй, бо ше пририхтую за екипне першенство Сербиї М. А. столнотенисерох, а на обидвох турнирох була и велька хторе будзе початком юния. 24. МАЙ 2019.

РУСКЕ СЛОВО 39

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ РОК LXXV ЧИСЛО 21 (3838) НОВИ САД, 24. МАЙ 2019.

■ ХОРСКИ ФЕСТИВАЛ „КАРПАТИ” У ВЕРБАШЕ ЦЕНА 30 ДИНАРИ

Фото: Оля Русковски

ПЕЙЦ ХОРИ УЧАСТВОВАЛИ НА 9. ХОРСКИМ ФЕСТИВАЛУ У ВЕРБАШЕ

Фото: Любомир Дудаш

Фотоґрафия: 0421P

Фотоґрафия: 0418P

ОГЛЯДНУЦЕ НА ПРЕШЛОСЦ

■ ЕПАРХИЯ СВЯТОГО МИКОЛАЯ,

НА МНОГАЯ И БЛАГАЯ ЛЇТА!