RUSKE SLOVO 19-20

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ

НВУ „РУСКЕ СЛОВО”, ВИДАВАТЕЛЬНА ДЇЯЛНОСЦ

РОК LXXVII ЧИСЛО 19-20 (3940-3941) НОВИ САД, 14. МАЙ 2021.

ВИШЛИ ТРИ НОВИ КНЇЖКИ

ЦЕНА 30 ДИНАРИ

адреси Футожска 2, ІІІ поверх (од 9 до 14 годзин) и на телефон 021 6613 697; у Руским Керестуре у будинку да кеди шнєй Дру кар нї на 2. по вер ху и на теле фон 025 703 311, од 9 по 13 годзин. Тиж нашо кнїжки мож купиц и у трафики у нашей церкви у Новим Садзе. Кнїж ки „Руско го сло ва” мож на ру чиц и у онлайн кнїжкарнї https://knjizkiporuski.com на сайту Руского слова. Б. В.

ОГЛЯДНУЦЕ НА ПРЕШЛОСЦ

Фотоґрафия: 0366P

Фотоґрафия: 0361P

оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на слиП кох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу за културу войводянских Руснацох на число телефона 021/654-65-34, лєбо на мейл: zavod.rusini@gmail.com.

Даєдни фотоґрафиї обявюємє вецей раз, понеже за нїх дотераз нєт нїяки податки.

Завод за културу войводянских Руснацох ма нове число телефона 021/654-65-34

Фото: Наташа Кисич

Редакция видавательней дїялно сци Но вин ско-ви да ватель ней установи „Руске слово” обявела у апри лу ище три но ви кнїж ки – писнї за дзеци, популарну прозу и преклад шветовей поезиї. Уж мож ку пиц кнїж ку по пу лар них бло ґ ох-колум нох Ясми ни Дю ра нїн „Же но бло ґ Ия”, а за дзе ци кнїж ку пи снь ох за на й млад ших Мела ниї Ри мар „Хто як сце”, зоз илустра ци я ми Па вли ни Шепински. Обидва кнїжки обявени дзе к у ю ц и п о т р и м о в к и а н о ним но го до нато ра, котри та рґ ує зоз Ки та й ом. Преклади познатого новинара Михала Рамача найкрасших шветових писньох „Перли шветовей поезиї” з поднасловом „Розгварка з виками – од Ґилґ а ме ша по Ми ро сла ва Ан ти ча” шведоча о красоти и бо гато сци руско го язи ка. Кнїж ка ви ход зи зоз финансийну потримовку держави України. Кнїж ки ко штаю по 300 ди на ри єд на, а мож их купиц прейґ колпортерох у наших местох, у представительствох НВУ „Руске слово” у Новим Садзе на новей

■ ВЕЛЬКОНОЦНИ РОЧНИ КОНЦЕРТ У ДЮРДЬОВЕ

ШИРЦЕ „РУСКЕ СЛОВО”! Пише꞉ Иван САБА ДОШ, главни одвичательни редактор „Руского слова”

Перше число „Руского слова” обявене 15. юния 1945. року, цо значи же наша Установа хтора з часом настала коло того глашнїка по руски, тераз пред заключеньом свойого 75-рочного ювилея хтори означує цали предходни рок. То добра нагода ище раз ше здогаднуц на перше число „Руского слова”, без хторого би ми нєшка нє були ту дзе зме, а найскорей би анї розвой, анї випатрунок рускей националней заєднїци у Югославиї/Сербиї нє бул таки яки тераз маме. О початкох, контексту и предисториї „Руского слова” вельо мож пречитац у Зборнїку „Руске слово 1945 – 2020” хтори у рамикох означованя ювилею влонї обявела наша Хижа. У шлїдуюцих шорикох накратко будзе представена сама новинка, односно перше друковане виданє „Руского слова”. Могло би ше повесц же було скромне – лєм штири густо друковани боки новинского формату, з єдну єдину фотоґрафию на насловним боку. А на нєй – Тито. Йосип Броз, маршал Югославиї, у своїх найлєпших рокох и найлєпшим виданю, якого го запаметали ґене ра циї. Во є ни по бид нїк, тво ри те ль и символ нового дружтва и часу, Тито на портретней фотоґрафиї у урядовей пози, у єдноставней вояцкей униформи з маршалскима коларами, запатрени напредок, до далєкосци, як живи монумент. У першим, нєподписаним тексту на першим боку новинох, визначує ше же югославянски народи з помоцу союзнїкох вивойовали драгоцину шлєбоду, же после фашизму приходзи народна власц, же после штирох рокох рабства пришло братство, и поручує ше же зме, Руснаци, першираз од приселєня ровноправни зоз другима, народ зоз хторим ше рахує. Такой перше число „Руского слова” було – предвиберанкове. У Прегласу Покраїнского одбору Єдинственого фронту народного ошлєбодзеня Войводини хтори забера два трецини першого и половку другого бока новинох, а насловени є на роботнїкох, землєдїлцох и гражданох Войводини, воякох войводянских дивизийох, алє и на народи, жени и младеж Войводини, читательство ше информує же пошвидко буду виберанки за месни, срезки, окружни народни одбори, як и за Главни одбор народного ошлєбодзеня Войводини, хтори потим принєше одлуку о будуцим положеню автономней Покраїни у рамикох юго славянскей федерациї. Сам факт же скоро трецина огранїченого обсягу новинох пошвецена тей теми указує нє лєм нову идеолоґийну линию нових руских новинох, алє и вельо вецей – ясну свидомосц нє лєм о дружтвено-политичних, алє насампредз вельо глїбших цивилизацийних здобуткох нового часу, а то ровноправносц и реґионализем. Єднакосц народох, полох и ґенерацийох и окремносц и єдинственосц войводянского животного простору. Значи, вредносцох хтори и нєшка часто табу-теми. Окрем Прегласу хтори ше заключує з поволанку Шицки на виберанки!, на вецей местох, практично вшадзи дзе могло углобиц до шпиґли, повторююю ше подобни мотивацийни пароли у духу тедишнього часу. Попри спомнутого Шицки на виберанки, читаме и Уписуйце ше до Синдикатох!, Чи зме порихтани за косидбу?, Най жиє автономна покраїна Войводина!, алє и Ширце „Руске слово”! 2 РУСКЕ СЛОВО

На другим боку новинох, попри даскельо сервисних

информацийох зоз Руского Керестура и Редакциї, маме и Привит новином у стиху подписани зоз псевдонимом, а аж на трецим боку, коло вистох зоз шветовей политики (два вибалансовани тексти подєднакого обсягу о спорозуменьох Югославиї зоз СССР, односно зоз Заходнима союзнїками), и економиї (наява фамозного принудного одкупу жита и статку за потреби Армиї и худобних), у тексту О наших новинох заправо читаме перши програмски уводнїк „Руского слова”. У нїм стої же нови новини, за розлику од (нєменованих) старих муша буц прави народни новини хтори буду „виношиц наш живот, нашо добри и подли страни, нашо потреби и жаданя”. Новини хтори буду змоцньовац нашу народну свидомосц и културно-економски живот. Редакция поручує же новини нє буду лєм Керестурски алє Руски, же буду провадзиц дружтвени живот у наших валалох („Шицки вони робя, жию, дакеди и погриша. Шицко тото треба да найдзе место у наших Новинох”) и живот народох коло нас, приношиц висти зоз жеми и швета, же будзе простору за франти, писнї и оглашки. Так повесц, у тим тексту зарисована мисия „Руского слова” хтору новини з вецей лєбо менєй успиху сполнюю предходни 75 роки... Гоч Редакция (поправдзе нєнападно, медзи шориками) пробує направиц дистинкцию од старих Руских новинох, нє мож сцекнуц (а зоз часовей дистанци видзи ше же наисце анї то нє була намира наших сновательох) од континуитету. Нє лєм же заправо Друкарня и фонт, часц технїчного кадру и сотруднїкох остали исти, алє водзене рахунка нє лєм цо читательству муши буц важне, алє и цо му наисце важне. Так на другим боку нєзвичайно обсяжни, а як ше нєшка гвари, обачлїво „виспиновани” напис о афирмативним становиску и похвалох дяковского владики Акшамовича о Титови и Югославянскей Армиї. На остатнїм боку першого числа „Руского слова” окрем ище кус сервисних информацийох и висткох Зоз физкултури, находзи ше и єдини текст чий автор подписани. Слово о напису Лїкарски поради хтори написал углядни керестурски лїкар Дюра Пап. Можебуц нє нагода пригваряц предходнїком, алє напис славного дохтора Папянки язично и ґраматично найчистейши у тим першим чишлє „Руского слова”. Но, часи теди були таки, нє могло такой одразу и змист, и форма. Лєм кед подумаме же „Руске” вишло лєм мешац познєйше як цо у Югославиї (углавним) закончена Друга шветова война, а пол рока после Сримского фронту дзе половка руских валалох була у воєней зони, же го волонтерски и коло основней роботи правели наставнїки першей Рускей ґимназиї, же можеме лєм задумац як функционовали телеґраф, телефон, транспорт и чи було струї (знаме же перши Рускословци ище нє мали анї писаци машинки по руски!), порушованє „Руского слова” було епске подняце. Озда нїґда у будучносци даєдна шлїдуюца ґенерация нє будзе мушиц рушац од початку и на своєй скори випитовац чи би го могло повториц ознова, бо одвит думам же шицки знаме.■ 14. МАЙ 2021.

ЗМИСТ

УВОДНЇК Пише: Олена ПЛАНЧАК-САКАЧ, заменїца главного одвичательного редактора

■ Тижньовнїк 4. Зоз схадзки Роботного цела за младих Националного совиту Руснацох

■ Нашо места 8–9. У Руским Керестуре и Вербаше означени Дзень побиди

■ Духовни живот 10–13. Преславена Велька ноц по юлиянским календаре

■ Руске слово у швеце 14–15. Вирски живот на Горнїци

■ Култура и просвита 18–19. Дюрдьовске КУД „Тарас Шевченко” отримало Рочни концерт

■ Мозаїк 20–21. Представяме учашнїкох Пиятей науковей конференциї младих

■ Економия 22–23. Сабина Сабадош Ром прави красни и смачни декоративни аранжмани

■ Людзе, роки, живот 24–25. Нашо госци: Нярадийово зоз Керестура

■ Информатор

26–32. Мали оглашки и In memoriam

■ Спорт 35–37. Фодбалере нє геверовали през швета

■ Интермецо 38–39. Горуци тепши Насловни бок: Вельконоцни концерт у Дюрдьове Авторка фотоґрафиї: Наташа Кисич

НОВИ ОПТИМИЗЕМ У КУЛТУРИ За вельконоцни швета дюрдьовскому КУД „Тарас Шевченко” поспишело ше отримац традицийни Вельконоцни рочни концерт. Гоч пре пандемию концерт бул отримани зоз огранїченим числом публики у сали, тельо кельо дошлєбод зене у таким просторе, Дюрдьовчанє прето концерт преношели и онлайн на дружтвеней мрежи Фейсбук. И праве тота информация нам дава ознова якиш нови оптимизем у култури, же ше ситуация зоз вирусом корона з дня на дзень злєпшує и же уж раз будзе конєц и тей пандемиї. Велька часц гражданох Сербиї уж вакцинована, а обдумую ше и вше креативнєйши способи як ше приблїжиц ґу гражданом же би ше цо векше число вакциновало, по миру же ше тих цо ше вакциную наградзує зоз пенєжнима ваучерами. Яки ґод лєм ше мири обдумує, найважнєйше же бизме ше цо скорей врацели до нормалносци яку паметаме и на яку зме звикли. „Ружова заградка” запланована за конєц юния, кед же ю ситуация зоз пандемию нє загрожи. Радийска екипа Фестивал пририхтує уж два ме ша ци. За кон че на кон курс на про цеду ра, ви бра ни нови композициї у народним духу, як и интерпретаторе, так же ше тот Фестивал пририхтує у полним розмаху. Шлїдом тих информацийох шейдзешати, ювилейни, Фестивал рускей култури „Червена ружа” будзе отримани у авґусту. Преложени є прето же ше аматере нє могли сходзиц уж длугши час, та же би ше го цо ква ли тет нє й ше мо гло по рихтац, з да кус ви ме нє ну концепцию од тей на яку зме звикли. Вшелїяк у рамикох того Фестивала би ше отримало и „Червене пупче”. Мемориял тиж так преложени до єшеньскей часци рока, без наявйованя же у хторим мешацу би мал буц. То то же ше поча ло озби ль но пла но вац на шо тра ди ци й ни фестивали указує же ше дїяче у култури наздаваю же тот рок нє прейдзе так як лоньски, без збуваньох и публики у култури. Правда, шицки плани вирус корона може и погубиц, алє нїхто вецей од фаховцох нє обчекує таки алармантни стан зоз тоту оберацу хороту. Уж велї Ковид-19 и прелєжа ли, велї ше и вакцинова ли, так же би зме мо гли буц оп ти ми стич нє й ши у тих пла нох у култури у другей половки рока. Єдна з на й крас ших де фи ни ци й ох кул ту ри може буц гевта сербского филозофа Милоша Дюрича же: „Култура мост медзи животом и вичносцу.” Шицки зме ше уж наисце зажадали културних змистох, бо култура обогацує и оплеменює наш живот, вона му дава сми сел. Кул ту ра то и наш ви бор. Лєм час хто ри без нєй прешол нє годно врациц.

* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ Руске слово”, Нови Сад * Перше число вишло 15. юния 1945. року ”у Руским Керестуре * Адреса: НВУ ”Руске слово”, Футожска 2/III, 21000 Нови Сад * Редакция: одвичательни редакторe/ки – Олена Планчак-Сакач, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Славица Фейса, Вероника Вуячич * новинаре/ки – Мария Афич, Влада Дїтко, Лидия Кухар, Андреа Медєши, Оля Русковски, Сандра Саламун * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефон: 021/6613-697 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a.d. Beograd 160-923244-82 * Девизни рахунок 160-0050870024999-53 * Рукописи ше нє враца * Друкує Друкарня ”Maxima graf” Петроварадин * E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *

Директор др БОРИС ВАРҐА *** Главни одвичательни редактор ИВАН САБАДОШ

14. МАЙ 2021.

Новини „Руске слово” одликовани зоз Орденом братства и єдинства зоз стриберним венцом 1970. року.

РУСКЕ СЛОВО 3

ТИЖНЬОВНЇК СХАДЗКА РОБОТНОГО ЦЕЛА ЗА МЛА ДИХ НАЦИОНАЛНОГО СОВИТУ РУСНАЦОХ

ОДРЕДЗЕНИ ФИНАНСИЙНИ ПЛАН И РОЗПИСАНИ КОНКУРС Буджет Роботного цела за младих у тим року за рижни проєкти младих по наших местох виноши 400 000 динари. По єдногласней одлуки членох Роботного цела, 350 000 динари опредзелєне за софинансованє младежских проєктох, а 50 000 динари за активносци Цела

У

просторийох Руского дома у Коцуре вовторок, 11. мая, отримана пията порядна схадзка Роботного цела за младих Националного совиту Руснацох. Дньови шор облапял штири точки, а найважнєйши були одредзованє финансийного плану Роботного цела за 2021. рок и розписованє Конкурсу за софинансованє проєктох за младих у 2021. року. Схадзку водзел предсидатель Роботного цела Иван Канюх, а попри пейцох членох Цела – Андрея Ороса, Тамари Салаґ, Далибора Болдиша, Меланиї Мали и Танї Буила, присутни були и секретар Националного совиту Таня Арва-Планчак, предсидателька Туристичного здруженя Руски Керестур Любица Няради и подпредсидатель Здруженя младих „Pact Ruthenorum” з Руского Керестура Янко Хома. На початку схадзки, предсидатель Канюх привитал нового члена Роботного цела Таню Буила, понеже Емилия Чизмар дала задзекованє. НАЙВЕЦЕЙ ЗА ПРОЄКТИ По податкох котри винєшени на схадзки, буджет Роботного цела за младих у тим року за рижни проєкти младих по наших местох виноши 400 000 динари. Спрам єдногласней одлуки членох Роботного цела, 350 000 динари опредзелєне за софинансованє младежских проєктох, а 50 000 динари за активносци Цела. Тиж, на схадзки єдногласно одлучене и о розписованю Конкурсу за софинансованє проєктох за младих у 2021. року. Конкурс будзе тирвац од 15. мая по 15. юний, а по словох предсидателя Роботного цела, теми з котрима ше млади можу явиц треба же би були вязани за штири обласци у котрих Национални совит Руснацох витворює културну автономию у Републики Сербиї, а то култура, образованє, информованє и урядове хаснованє язика и писма. Остатня точка дньового шора облапела дискусию членох Цела зоз госцами на тей схадзки, представнїками здруженьох з Руского Керестура. Бешедоване о даяких но-

ПРИСУСТВО НА ДРУЖТВЕНИХ МРЕЖОХ Нови член Роботного цела за младих Таня Буила, такой достала и нову улогу – отримованє профилу Роботного цела на дружтвених мрежох. По словох предсидателя, циль подзвигнуц присутносц и обачлївосц Роботного цела за младих на дружтвених мрежох, же би млади могли дойсц до информацийох вязаних за схадзки, роботу и активносци Цела. Понеже младша популация, як цильна ґрупа хторей наменєне Роботне цело, найефикаснєйше комуникує у онлайн сфери, прейґ дружтвених мрежох ше значно унапредзи и робота Цела.

4 РУСКЕ СЛОВО

вих идейох, о розвиваню активносцох за младих у рускей заєднїци и, як визначел Канюх, о виволаньох яки буду у тим року з оглядом на епидемийну ситуацию. – Мушим повесц же зме наисце були експедитивни и швидко зме закончели схадзку. Найвекшу часц схадзки одняла

нєформална часц и точка котра облапя рижне, з оглядом на тото же вше маме теми за розгварку, окреме кед слово о розвиваню активносцох за младих у рускей заєднїци на рижни способи. Найважнєйши точки були коло розподзельованя средствох котри Роботне цело за младих достало праве од Националного совиту. Того року зме принєсли одлуку же найвекша часц средствох идзе на софинансованє младежских проєктох и думам же у тим зволаню Националного совиту то и найвекша цифра хтора опредзелєна за софинансованє проєктох. Часц средствох зме охабели за активносци нашого Цела, а то може буц и даяка активносц котру сами порушаме як члени и котра би була унапрямена тиж на анимированє младих у рускей заєднїци – гварел Канюх. ПОРИХТАНИ ЗА КОНЄЦ ПАНДЕМИЇ Буджет за 2021. рок ше нє менял, як додал, без огляду же прешлого року була пандемия, котра ище вше тирва. – Обачели зме же приходзи до попущованя епидемийних мирох и же просто уходзиме до єдного периоду дзе бизме нормално могли орґанизовац проєкти, односно потримац проєкти з младих по наших местох. Спрам одлуки членох Роботного цела, финансийни план одредзени и обявени конкурс за софинансованє проєктох. Так же, як и прешлих рокох, заинтересовани млади ше можу явиц, можу шлєбодно почац розвивац свойо идеї. Наприклад, можу орґанизовац округли стол, литературни вечар, стретнуца младих, даяки роботнї... Идеї єст вельо, лєм ше муша почитовац наведзени обласци, бо заш лєм Национални совит Руснацох, а ми як состойна часц того Националного совиту, мушиме насампредз робиц на афирмациї нашей рускей заєднїци и робиц на тим же би млади мали активну учасц у тей заєднїци – визначел предсидатель Роботного цела за младих Иван Канюх.■ О. Русковски 14. МАЙ 2021.

tiznjovnjik@ruskeslovo.com

ЕПИДЕМИЙНА СИТУАЦИЯ У АП ВОЙВОДИНИ

ВАКЦИНОВАНЄ ДАВА РЕЗУЛТАТИ

Институт за явне здравє Войводини концом прешлого тижня оценєл же епидемийни обставини на териториї АП Войводини, односно у шицких 45 општинох и городох ище позарядови, гоч призначене благе злєпшанє. На початку того тижня на подручу Войводини реґистровани 238 нови случаї хорих особох. Од того числа 205 детектовани зоз швидким антиґенским тестом, а як фаховци надпомли, тоти особи „резервоари хороти” хтори у блїзким контакту з другима особами можу пренєсц вирус и спричинїц ширенє хороти. Менше число позитивних одкрити з применьованьом ПЦР тесту после неґативного швидкого тесту. Найвецей хорих реґистровани у Новим Садзе – 43 особи. Слово о роботно активних особох од 30 до 50 роки. На подручу цалей Войводини реґистроване 10 612 случаї активно хорих. Найвекше число у Новим Садзе 2 209, у Зренянину вецей як 1 000, а у других општинох спод 1 000 особи. Прето, Институт оценює обставини як епидемийно нєвигодни, та ше и далєй треба притримовац предписаних мирох безпечносци и вакцинованя жительства. Од прешлого тижня окрем у гали Новосадского сайма, вакцину процив вируса корона мож достац и у тарґовинским центре „Променада”, а Новосадянє вакцину можу достац и у тарґовинским центре „Биґ”. Вакцинованє ше окончує кажди дзень од 10 до 18 годзин. Потераз були доступни два вакцини – Файзер и Синофарм, а у наиходзацих дньох буду доступни и други вакцини. Спрам доступних податкох потераз имунизация идзе одлично. Вакциновани аж 75 одсто гражданох Нового Саду хтори старши од 80 роки и 60 одсто старших од 60 роки. Зоз Дома здравя Нови Сад наявюю же и у наиходзацих дньох будзе предлужене вакцинованє гражданох по Месних заєднїцох по утвердзеним розпорядку. Тиж наявене же у Новим Садзе од початку того тижня почнє и вакцинованє у автобусу Городского т ранспортного подприємства хтори будзе опремени и хасновани лєм за тоту намену. Державни секретар Министерства здравя Мирсад Дєрлек виявел же ище вше мушиме буц осторожни. Защитни маски ше муши ношиц ище 3 до 6 мешаци, прето же дзепоєдни одсоби нє шму прияц вакцину пре здравствени стан. Так ше мушиме справовац аж по хвильку кед ше здобудзе колективни имунитет. Кед по конєц юния буду ревакциновани три милиони жителє Сербиї, од юлия ше можеме наздавац и нормализациї живота. Пририхтал: А. Паланчанин 14. МАЙ 2021.

STANOVISKA Пише: Mирон ДЖУНЯ, публициста

ЦМОТА ПОНАД ДЕСКИ

(Контаминация културних центрох #1) Видзиме, Драмского мемориялу Петра Ризнича Дядї дефинитивно нє будзе тей яри, як цо було плановане. Чом и прецо... другираз гибаль, кед же будзе требац вообще. Замеркуєм лєм же ми дзешка подозриве тото вимесцанє за познєйше, як цо ше трафело и влонї. Подобно як цо свойочасово загнати Митинґ поезиї „Струни шерца” з лєтного термину „Червеней ружи” до єшеньскей манифестациї „Костельникова єшень”. Но, алє, то нє приповедка о хторей сом сцел бешедовац. Цо ше уметнїка з хторим ше требала смотра святочно отвориц дотика, и на хторого сом обрацал увагу, явносц мала нагоду видзиц у статї „Руского слова” число 16, 16-ого априла. Державотворни народ (нє знам як меншински театри, нє провадзим) удатно нашол способ функционовац у позарядовим стану, та ниа, и наиходзацому Стерийовому позорю ше напевно нє трафи тото цо ше у нашим (орґанизацийним) локалє збува. Як єдней з остатнїх оазох демократиї и шлєбодного думаня, и театру ше случую общи синдроми кризи як такей. Же є начати, указало ше даскельо роки назад з скандалом чи фарсу коло „Моста на Дрини”, на тим истим Стерийовим. Най здогаднєм – Мики Манойлович, тедишнї главни у жирию, чи тай – инструовани режимски чловек, обкеровал наградзиц (за вельку векшину прешвечених найлєпшу) представу котра була метафоризована критика (актуалней) власци. Исти Манойлович нєодлуга скапал одкаль ше и зявел (до ґастарбайтерских, углавном нємецких Б-продукцийох, значи другорядних филмох, дзе є уж єден час, як поведзме и Шербеджия свойочасово у Голивудзе). Режисер „Дрини”, Кокан Младенович уж нарок по нємилей подїї позберал шицки ловорики у селекциї за чечуцу продукцию (нє лєм на Стерийовим) и так лєм предлужел по нєшка, випровадзени з овациями новосадскей публики на сцени Сербского народного. Випада же ше Микия сциха и ефикасно лустровало звонка локалного драмского обору. Ту вец випада же уметносц надбавела политику. Кед о културней лустрациї у Сербиї слово, найвекша жвирка цо ту спадла то вшелїяк контроверзни Любиша Ристич, котри нїяк нє повторює свойо епохални блїскавково хвильки слави скорей часох пайташеня з „панї з кветом у власох” Миряну Маркович. Тото ше наприклад нє трафело (по сербеному) Кустурицови, ошведоченому госцови и приятельови фамелиї Милошевич, во врем’я оно. Тераз, чи прето же Ристич окончовал, попри драмскей, и политичну функцию, дзе му соборец була и „наша” Наталия Дудаш, то уж би ше дало дискутовац. Алє, у „нас” таке дацо табу тема. А Кустурица ниа, чуєме, шпацира за швета за нами нобеловца Гандкеа по Андричґраду. Може як сце. Тото цо сиґурне, до театру нє уходзим покля будзем мушиц класц маску (и влонї сом нє ишол на Стерию), алє домерковано провадзим шицко релевантне цо ше збува на и коло „дескох цо живот знача”. Шлїдзи звит и предлуженє... #якнадбавицчорта Становиска висловени у тим тексту виключно авторово и нє вше одражую ушорйовацку политику новинох „Руске слово”

РУСКЕ СЛОВО 5

НАШО МЕСТА МЕСНА ЗАЄДНЇЦА РУСКИ КЕРЕСТУР

ЗРЕЖЕ ШЕ ДРЕВА КОЛО ДРАГИ ҐУ КОСАНЧИЧУ У просторийох Майсторского дому у Руским Керестуре, стреду 28. априла, отримана схадзка хтору орґанизовала Месна заєднїца, а на хторей найвецей бешеди було о зрезованю древох коло драги ґу Косанчичу, як и о отримованю яркох у керестурским хотаре, за хтори задлужени Водопривредне дружтво „Бачкаˮ и Општина Кула. Месна заєднїца схадзку орґанизовала з цильом же би ше польопривреднїком приблїжело задлуженя подприємствох як цо Водопривредне дружтво „Бачкаˮ, Польопривредней фаховей служби з Вербасу, як и Општини Кула, а хтори задлужени за отримованє хотарох у Руским Керестуре. На схадзки попри секретара Месней заєднїци Михайла Пашу, присуствовали и директор Водопривредного дружтва „Бачка” зоз шедзиском у Вербаше Данило Кркинич, Александар Дюричкович спред Польопривредней фаховей служби Вербас, и предсидатель општини Кула Дамян Милянич, а окрем представяня задлуженьох тих подприємствох, на схадзки були дефиновани и даскельо проблеми зоз хторима ше у тей хвильки зочую польопривреднїки з валалу. По словох секретара Месней заєднїци Михайла Пашу, єден од проблемох хтори ше перше будзе ришовац, то проблем драги ґу Косанчичу, на хторей ше подзвигує асфалт пре коренї древох хтори там посадзени. У планє же би ше тоти древа зрезало, а нови посадзело на даєдней другей локациї. Окрем того, визначени и проблем допатраня яркох од хторих би дзепоєдни требала отримовац ВД „Бачка”, а дзепоєдни општина Кула.

– У хотаре маме проблем зоз запущенима ярками, а случує ше же кед придзе механїзация зоз ВД „Бачка”, ярки за хтори вони компетентни пошоря, а гевти хтори би Општина требала отримовац останю запущени, гоч механїзация там, и ярки нєдалєко єдни од других. Општина и ВД „Бачка” дотераз нє були у медзисобней комуникациї пре таки проблеми. Медзитим, после тей схадзки проблем ше будзе ришовац так же по потреби ВД „Бачка” скоши и ярки за хтори задлужена Општина – толкує секретар Пашо. На схадзки польопривреднїки винєсли и заувагу же би ВД „Бачка” после вимульованя КЦ3 беґеля, муль требала одношиц даґдзе индзей, а нє зохабяц на бенту, а на шлїдуюцей подобней схадзки хтору ше планує зоз рибарским Здруженьом „Колякˮ, у планє винєсц таки и подобни проблеми хтори єст на керестурским беґелю. Ан. М.

ЗОЗ СХАДЗКИ УО РУСКЕЙ МАТКИ

О ПРОГРАМИ ЗА ШВЕТОВИ КОНҐРЕС На схадзки Управного одбору Рускей матки хтора отримана 29. априла у Руским Керестуре, бешедоване о отриманим Стретнуцу делеґациї Рускей матки зоз городоначалнїком Нового Саду Милошом Вучевичом, розпатрани и предкладаня Програми XVII Шветового конґресу Русинох/Руснацох/Лемкох, а було бешеди и о запровадзованю активносцох на витворйованю донациї и спонзорствох за друкованє кнїжки на руским язику проф. др Ивана Попа „Мала история Русинохˮ. Розпатрене о отриманим стретнуцу зоз городоначалнїком Нового Саду, Милошом Вучевичом, 13. априла, хтори по-

6 РУСКЕ СЛОВО

тримал и прилапел предкладанє же би город Нови Сад бул домашнї XVII Шветового конґресу 2023. року, та медзи иншим, на схадзки бешедоване и о будуцим сотруднїцтве РМ и других руских орґанизацийох з городом Новим Садом, як и о обецаним донаторству Милоша Вучевича, односно городу Нового Саду за видаванє кнїжки под насловом „Мала история Русинохˮ, проф. др Ивана Попа. По другей точки Дньового шору розпатрана Програма за наступни Шветови конґрес, а розпатрене и предкладанє шефа кабинета городоначалнїка Нового Саду, Жарка Мичина, же би ше окрем Филозофского факултету, односно Оддзелєня за русинистику, як и церкви Св. апостола Петра и Павла, под час Шветового конґресу нащивело и Матицу сербску у Новим Садзе. На концу, на схадзки, було бешеди и о запровадзованю активносцох на витворйованю донациї и спонзорствох за друкованє кнїжки на руским язику „Мала история Русинохˮ, а чийо друкованє ше обчекує на єшень. Догварка була и о наступней схадзки УО хтора запланована за 21. май, а на нєй буду поволани предсидателє пейцох Одборох за фахову роботу Рускей матки, хтори сообща состави своїх Одборох як и програми роботи тих Одборох, а хтори потим буду представени на даскельо явних трибинох. Ан. М. 14. МАЙ 2021.

mesta@ruskeslovo.com

РУСКИ КЕРЕСТУР

ЧЕСЦ ПОГИНУТИМ БОРЦОМ

И того року на Дзень побиди над фашизмом у Другей шветовей войни и з нагоди Дня Европи, 9. мая на памятнїк погинутим борцом у Народноошлєбодительней войни (НОВ) у центре Руского Керестура положени венєц. Присутни при памятнїку з минуту цихосци дали почесц шицким погинутим борцом НОВ, а з тей нагоди, у мено Месного одбору Здруженя борцох, Дюра Папуґа здогаднул же з Руского Керестура у НОВ и ошлєбодзеню жеми од фашизма участвовали вецей як 350 млади особи, спомедзи котрих 56 погинули. На кладзеню венца присуствовали – Дюра Папуґа у мено Месного одбору Здруженя борцох, Янко Хома, предсидатель Месней заєднїци Владимир Олеяр, секретар МЗ Михайло Пашо, предсидатель ФК „Русинˮ Тихомир Медич, директор НВУ „Руске словоˮ др Борис Варґа и други Керестурци. Ан. М.

ПЕРШИ МАЙ У РУСКИМ КЕРЕСТУРЕ

ТОГО РОКУ НА ДОСЦ ВИЛЄТНЇКОХ З оглядом на тото же ше того року швето роботи 1. май скапчало зоз Вельку ноцу по юлиянским календаре, велї Кере стурци тот период од пейцох нєроботних дньох вихасновали за одход на кратке путованє, алє ище вецей було тих хтори тото медзинародне

швето одлучели препровадзиц у валалє, у природи. Преславело ше у лєшику, коло Озерка и на базену, а шатри, огнї за роТРАҐИЧНО НАСТРАДАЛ штиль и пахи рижних єдлох, могло видзиц и поНА МОТОРКИ чувствовац и на других местох коло беґелю и коло Нажаль, на дзень преславйованя старого беґелю. 1. мая, случела ше и єдна траґична Вельке число вилєтнїкох подїя, у хторей млади чловек Б. Х. за мерковане на практично (36) зоз Кули у транспортним нєщешиц ких локацийох у присцу страцел живот кед ше на моторки, марки „Хондаˮ, збил до тракто- роди. И хвиля послужела, ра. Нєщесце ше случело коло 20 год- цо окреме значело младим, зин, кед ше вожач на моторки вра- голєм кед у питаню вецейдцал на преславу 1. мая до Руского ньове кампованє. Окрем Керестура, зоз Кули. По нєурядових вилєтнїкох, було и тих хтоинформацийох, трактор бул нєо- ри тот нєроботни дзень вишвицени, а настрадани Б. Х. у хви- брали пре славиц у своїм льки нєщесца, нє мал алкоголу у обисцу, у кругу найблїзкреви. ших. Ан. М.

14. МАЙ 2021.

ОТРИМАНА И ВАШАРСКА ЧАСЦ КИРБАЮ

НА РАДОСЦ НАЙМЛАДШИХ

Преславйованє Кирбаю у Руским Керестуре, 9. мая, провадзела и богата и нащивена вашарска часц, того року першираз на новей локациї, а Кирбай нащивели и госци з других местох и з иножемства. Столїки зоз рижнима артиклами були поставени у улїци М. Тита од Дзецинскей заградки „Цицибанˮ, та по ЯКП „Рускомˮ, а тиж и на автобускей станїци и на пияцу. На желєней поверхносци при Пошти, як и у Старей школи були забавни бависка на радосц дзецох и младих. Найвецей понукнуца було за наймладших, а велї преславйованє предлужели и у вечарших годзинох у кафичох у центру валала. Отримованє тей програми финансийно помогла Месна заєднїца Руски Керестур, а за вашарску часци Кирбаю Месна заєднїца обезпечела и дежурних хтори провадзели поставянє тезґох, потим мобилни тоалети, як и цалодньову патролу транспортней полициї. Вашарска часц отримана у складзе зоз епидемийну ситуацию. Ан. М.

РУСКЕ СЛОВО

7

НАШО МЕСТА СКУПШТИНА ОПШТИНИ ЖАБЕЛЬ

На остатнєй схадзки Скупштини општини Жабель котра отримана у велькей сали у будинку локалней самоуправи у остатнїм тижню априла, прилапени шицки двацец шейсц точки дньового шора. На дньовим шоре було гласанє о Одлуки о приступаню виробку Плану розвою општини Жабель за период од 2022. по 2028. рок, о Одлуки запровадзованя явного конкурса за менованє директора ЯКП „Чистота” Жабель, чий ше конкурс пошвидко обяви у явних оглашкох, а на тей схадзки розришени и меновани нови директоре трох явних установох. На особне вимаганє розрошеня длужносци директорки Центра за социялну роботу за општину Жабель и општину Титель „Солидарносц” розришена Наташа Лукич зоз Нового Саду, а за о. д. директора на тей схадзки вибрани Мирослав Лакич зоз Жаблю, котри рок будзе на длужносци о. д. директора. На место директора Яней установи „Спортски обєкти” розришени, алє вец и вибрани Марко Шолая зоз Жаблю, як и директор Канцелариї за инклузию Ромох општини Жабель Боґдан Радул котри тиж розришени, а вец и вигласани за директора.

Фото: www.zabalj.rs

ОДЛУКА О ВИРОБКУ ПЛАНУ РОЗВОЮ

На схад зки вигласана и Одлука о дополнєню Одлуки о явних паркира лїщох, та особи котри маю мултипла склерозу нє муша плациц паркинґ на явних поверхно сцох на териториї општини. О паркира лїщох у општини ше стара ЯК „Водовод општини Жабель”, та особи зоз тоту хороту треба же би ше явели тому подприємству. На схадзки гласане и о Звитох роботи за 2020. рок осем явних установох медзи котрима месни заєднїци, Туристична орґанизация општини Жабель, Општинска народна библиотека, а тиж розришени стари и меновани нови Управни одбор ПУ „Дзецинство Жабель”. С.С.

ДЗЕНЬ ПОБИДИ НАД ФАШИЗМОМ У ВЕРБАШЕ

ПОДЗЕКОВАНЄ ШМЕЛИМ ПРЕДКОМ Зоз покладаньом венцох на штири памятнїки у Вербаше, представнїки Општини Вербас, як и представнїки дзепоєдних здруженьох и политичних орґанизацийох, означели внєдзелю 9. май, Дзень побиди над фашизмом. Венци положени на Памятну крипту на Городским теметове, на Памятнїк погинутим борцом Червеней армиї, потим на Памятнїк погинутим борцом у войнох од 1991.

8 РУСКЕ СЛОВО

по 1999. рок, як и на Памятнїк погинутим борцом у Народноошлєбодительней войни и жертвом фашизму, у центру Вербасу. Делеґацию Општини Вербас предводзел предсидатель Општини Предраґ Роєвич, а зоз нїм були и предсидателька Скупштини општини Вербас Саня Жиґич и заменїк предсидателя Општини Милан Ґлушац. Роєвич з тей нагоди виражел подзековносц шицким нашим шмелим предком котри ше борели и жертвовали за найвекши людски и цивилизацийни вредносци и, як гварел, наша длужносц же бизме каждого року означели тот датум и здогадли ше шицких котри дали свойо животи за лєпшу будучносц, котри ше жертвовали же би ми могли жиц у миру и шлєбодно будовац свою будучносц. Венци на памятнїки, попри делеґациї локалней самоуправи, положели и представнїки Општинского одбору СУБНОР-у, Здруженя сербско-русийского приятельства „Род”, як и представнїки локалних одборох Сербскей напредней странки, Социялистичней партиї Сербиї и Сербскей радикалней странки. О. Р. 14. МАЙ 2021.

mesta@ruskeslovo.com

СКУПШТИНА ОПШТИНИ ШИД

ПОТРИМОВКА ЗА ПРОЄКТ „МОХАРАЧ” Концом априла отримана схадзка Скупштини општини Шид на хторей одборнїки потримали план детального реґулованя за станїцу за черпенє води „Мохарач” блїзко при Ердевику. Уводни надпомнуца дал Милан Яндрич, директор Заводу за урбанизем, напоминаюци же спомнути план у согласносци з планом општини Шид, алє и просторним планом Фрушкей гори и през два фази облапя вкупно 485 гектари. Зоран Семенович, предсидатель општини Шид, потолковал одборнїком же проєкт будзе витворени з потримовку Министерства польопривреди и же у першей фази буду сотрудзовац општина Шид и город Сримска Митровица, з оглядом же будзе збудована водотурня на подручу Дивошу. У другей фази будзе сотруднїцтво зоз Бачку Паланку, бо плановане же би вода з Дунаю прейґ валалох Нештин и Визич у бачкопаланскей општини приходзела до озера Мохарач и служела за наводньованє и хасен будзе мац цале подруче. Єдна зоз значних одлукох була и одлука о жатви рошлїнох зоз польох у державней власносци, а хтори без правного основа хасную поєдинци. Як обгрунтовала Бо-

яна Мравик, началнїца Општинскей управи, особа хтора на таки спосособ хаснує державну польопривредну жем будзе мушиц заплациц три раз цену закупу (аренди), а кед нє зосце, вец будзе запровадзени поступок же би локална самоуправа покончела жатву. Општинска рада будзе формовац роботне цело хторе ше будзе старац о тих питаньох. СО потримала и звит о роботи Музею наївней уметносци „Илиянум” за 2020. рок, а тиж розришела и меновала нови школски одбори у седем школох на подручу општини пре вицек мандату, о чим одборнїкох поинформовал Ромко Папуґа, секретар СО Шид. На концу одборнїки потримали и звит о роботи Општинскей управи за 2020. рок хтори поднєсла началнїца Бояна Мравик. Прешли рок Општинска управа робела у очежаних условийох пре пандемию вируса корона и позарядови стан, а часц роботох з компетенциї локалней самоуправи заняти окончовали з дому, алє гражданє нє були очкодовани у витворйованю своїх правох. Тиж Општинска управа предходного року мала досц роботи и коло запровадзованя виберанкох. Вл. Дї.

ОПШТИНА ЖАБЕЛЬ

ВАКЦИНОВАНЄ ПРИЛАГОДЗЕНЕ ҐУ ПОТРЕБОМ У шицких амбулантох Дома здравя Жабель, у прешлим тижню предлужене вакцинованє процив Ковиду19, без заказованя, алє у тим тижню вакцинованє без заказованя предлужене у Спортскей гали у Жаблю котра ше находзи за Домом здравя Жабель, як и у Чуроґу у амбуланти. У жабельскей општини було коло 8 250 вакцинованих жительох. Од того першу дозу Синофарм вакцини прияли 3 820 жителє општини, а другу 3 073. Першу дозу Файзер вакцини прияло 397 жительох, а другу 275. Першу дозу Спутнїк вакцину прияло 380 жительох, а другу до-

ЄСТ ВЕЛЬО РОБОТИ У општини Жабель, по статистики Института за явне здравє Войводини, уключуюци и пондзелок, 10. май, було 202 активни случаї Ковида-9, а од початку пандемиї охорени 2 500 гражданє. Число тестираньох на присуство Ковида-19 ше звекшало после шветох котри за нами. – Зменшало ше число особох котри першираз препатрени, а контроли єст вельо вецей, так же єст вельо роботи у обидвох зменох у Ковид амбуланти у Жаблю – гварел директор Якшич. 14. МАЙ 2021.

зу 131. Першу дозу Астразенека вакцини достал 176 жителє, а другу дозу нїхто, понеже ше вона достава три мешаци по доставаню першей. – Пре менше и нєдостаточне число заинтересованих за вакцинованє на пунктох у менших општинских местох, як цо Дюрдьов и Ґосподїнци, мушели зме их заврец. Прилагодзуєме ше ґу потребом, прето пункт у Жаблю роби у двох зменох. Вакцинуєме старших и нєрухомих, им найєдноставнєйше же би ше за вакцинованє приявели при свойому дохторови у амбуланти – гварел директор Дома здравя Жабель др Никола Якшич. С. С.

РУСКЕ СЛОВО

9

ДУХОВНИ ЖИВОТ

ХРИСТОС ВОСКРЕС! ВОИСТИНУ ВОСКРЕС! ПРЕСЛАВЕНА ВЕЛЬКА НОЦ ПО ЮЛИЯНСКИМ КАЛЕНДАРЕ

ИСУСОВА ПАСХА НАША ПАСХА Епидемийни мири пре вирус корона ублажени и то такой було видно и на преслави Пасхи по юлиянским календаре у наших местох. Було вельо людзох у церквох, присутни прекоментаровали – же ше зажаднєли присц, стретнуц ше зоз другима и повинчовац. Медзи нїма було и вельо младих

НОВИ САД – ОТВОРЕНИ НАМ РАЙСКИ ДЗВЕРИ Фото: В. Вуячич

У Новим Садзе внєдзелю Архиєрейску Службу Божу зоз швеценьом пасхалного єдзеня предводзел наш епарх кир Георгий Джуджар, со служел парох о. Юлиян Рац, а дзияковал Йовґен Надь. У своєй казанї владика надпомунл же воскреснути Исус Христос пременєл судьбу цалого швета и чловеческого роду, тих цо жили, жию и буду жиц. – Христос нам отворел райски дзвери хтори були заварти. Вон воскреснул, врацел ше до нового живота и зашведочел побиду над злом. Прето, людска шмерц то преход до нового живота, якого ми тераз нє можеме похопиц. Най воскреснута любов наполнї нашо шерца, же бизме тоту любов ношели и даровали – гварел владика Георгий. М. Г. К.

КОЦУР – ПОДЗЕКОВНОСЦ БОГУ

У Коцуре на Вельки пияток на 15 годзин була Вечурня зоз покладаньом плащанїци, хованє Исусово, зоз обходом коло церкви, служели парох о. Владислав Рац, капелан о. Данил Задрепко и о. др Яков Кулич, а були и велї парохиянє. На Вельку соботу бул дзень цихей молитви, церква була отворена цали дзень и парохиянє могли нащивиц Исусов гроб. Перши дзень Велькей ноци, Воскресеня Исуса Христа, почал зоз читану, дзецинску Службу Божу на 8 годзин, а потим на 10 годзин була шпивана святочна Служба Божа зоз пошвецаньом паскох. Служели о. Рац, о. Задрепко, о. Кулич, як и o. Михайло Шанта. Парох о. Рац пречитал винчованку владики кир Георгия Джуджара. Пошвецанє кошаркох було у церковней порти, у присустве велїх парохиянох. На Шветли пондзелок на концу богослуженьох було мированє. На Шветли вовторок, Служби були як и предходного дня. На Фейсбук боку Грекокатолїцка парохия Коцур наживо преношена векшина богослуженьох, а знїмки мож одпатриц и на одложеним патреню. О. Р.

ИНДЇЯ – ВИРНИ ШИЦКИХ ҐЕНЕРАЦИЙОХ Як нам гварели зоз парохиї у Индїї, у тим месце було барз крашнє, вельо людзох, преславена Пасха торжествено, а послужела и красна хвиля. – Прешлого року було огранїчене преславйованє, а того року, яґод кед би ше людзе зажаднєли присц и преславиц тото найвекше швето вєдно. Було вирних шицких ґенерацийох и красне число младих. Була полна церква, ище сом за коло два роки нє видзел тельо людзох у тим храме – гварел парох индїйски о. Михайло Шанта. На Перши дзень Велькей ноци, рано на 7 годзин внєдзелю одслужена Воскресна утриня и такой после нєй була святочна литурґия. После Служби Божей пошвецени паски. М. Г. К.

10 РУСКЕ СЛОВО

Фото: О. Стецюк

14. МАЙ 2021.

duhovni@ruskeslovo.com

ХРИСТОС ВОСКРЕС! ВОИСТИНУ ВОСКРЕС!

ДЮРДЬОВ – З ВЕЛЇМА ГОСЦАМИ

На Перши дзень Велькей ноци, у Дюрдьове на 10 годзин була Литурґия Св. Йоана Златоустого и пошвецанє паскох у парохиялним дворе. Служел о. Борис Холошняй котри у казанї гварел же Христова Пасха, наша Пасха. – Славиме швето воскресенє Исуса Христа нє як подїю зоз прешлосци, алє як швето котре ше дотика каждого з нас. То нашо швето, наша радосц, прето же нам дата надїя котра преходзи гранїцу шмерци. Гоч ми, людзе, на тим швеце знаме же ше наш жемски живот закончи, заш лєм знаме же можеме жиц як шветкове шветла – гварел о. Борис. У церкви були велї домашнї вирни, алє и госци зоз Ґосподїнцох, зоз Жаблю, Руского Керестура, Нового Саду и иножемства. На Други дзень було и мированє. Дюрдьовски священїк о. Михаил Холошняй и члени Церковного одбору ше и под час того швета намагали директно преношиц Служби на його Фейсбук профилу Mihail Holosnjaj https://www.facebook.com/mihail.holosnjaj.14 С. С.

ВЕРБАС – ТОРЖЕСТВО У ДОМОХ У нововербаскей парохиї вельконоцну Службу Божу зоз пошвецаньом кошаркох з пасхалним єдзеньом служел парох нововербаски о. Иґор Вовк. На Служби були числени вирни, а парох того дня пошвецел и нову икону Пресвятей Богородици котра купена од прилогох котри дали вербаски парохиянє. У старовербаскей парохиї шпивану святочну Службу Божу на Перши дзень Велькей ноци служел парох старовербаски о. Алексий Гудак. Числени парохиянє того дня у церковней порти принєсли свойо вельконоцни кошарки на пошвецанє. Шицки вирни котри нє могли присуствовац на пошвецаню паскох, могли пошвециц свойо пасхалне єдзенє зоз швецену воду, запалїц швичку и помодлїц ше и на таки способ унєсц торжество того швета до свойого дому. О. Р.

ҐОСПОДЇНЦИ – ПРЕСЛАВЕНИ НАЙВЕКШИ ДЗЕНЬ Вирни грекокатолїцкей церкви Святого архангела Михаїла у Ґосподїнцох, найвекше християнске швето, Вельку ноц, тиж означую по юлиянским календаре. Под час вельконоцних шветох Служби Божо у ґосподїнскей церкви служели о. Михаил Холошяй и о. Борис Холошняй. На Перши дзень Велькей ноци, внєдзелю, 2. мая, шпивана Служба Божа була на 8 годзин, а служел ю и пошвецел пасхални кошарки у парохияляним дворе домашнї священїк о. Михаил Холошняй. На Други дзень Велькей ноци Служба була на 12 годзин, а на нєй и мированє. На Треци дзень Пасхи Служба була на 8 годзин. С. С. 14. МАЙ 2021.

РУСКЕ СЛОВО 11

ДУХОВНИ ЖИВОТ

ХРИСТОС ВОСКРЕС! ВОИСТИНУ ВОСКРЕС!

У ШИДЗЕ, БЕРКАСОВЕ И БИКИЧУ – МЛА ДИ ФАМЕЛИЇ З ДЗЕЦМИ У церкви Преображеня Господнього у Шидзе парох о. Михайло Режак служел богослуженя на Вельки штварток, потим Вельки пияток, кед було покладанє плащанїци Исуса Христа до гроба, потим на Вельку соботу, а окреме було досц вирних на Перши дзень швета, внєд зелю. Радує красне число младих фамелийох з дзецми хтори пришли возвелїчац Христово воскреснуце. О.

ШИД

БИКИЧ

БЕРКАСОВO Режак пречитал Вельконоцну винчованку кир Георгия Джуджара, и у церковней порти пошвецел кошарки зоз коло 30 пасками. На Други дзень швета на концу Служби було и мированє. Торжествено було и у наших церквох у Беркасове и Бикичу, дзе парох о. Владимир Еделински Миколка на Вельки пияток перше у Беркасосве, а потим и у Бикичу служел Саночне з покладаньом плащанїци до Христового гроба. На Перши дзень Велькей ноци перше служена Служба на 8 годзин у церкви у Бикичу и пошвецени коло 30 кошарки з пасками, а потим и у церкви у Беркасосве, дзе пошвецени пейц кошарки. На Други дзень тиж були Служби и мированє. У пополадньових годзинох по традициї була молитва на теметовох у Беркасове и Бикичу за покойних. Вл. Дї.

БАЧИНЦИ – НА ШВЕТО ВЕЦЕЙ ВИРНИХ У церкви у Бачинцох парох о. Дарко Рац на Вельки штварток служел Вечурню зоз Василийову Службу Божу, а вечар Утриню страсцох зоз читаньом 12 Евангелийох. На Вельки пияток була Вечурня зоз покладаньом плащанїци до гроба, односно Христово хованє, а всоботу о. Рац служел воскресне Саночне. Першого дня швета внєдзелю служена святочна пасхална Служба Божа зоз пошвецаньом кошаркох у церковней порти, а бул и монах Алойзиє Павлович зоз Беоґраду. На богослуженьох було вецей вирних як звичайно, окреме на Перши дзень швета, кед було и госцох зоз Вуковару и Миклошевцох. Другого дня швета после Служби Божей було и мированє. Вл. Дї.

КУЛА, КРУЩИЧ – ОКРЕМНА АТМОСФЕРА По традициї на пейц годзин рано у Кули воскресну Утриню служел о. Платон Салаґ, ЧСВВ, а вец кулски парох о. Дамян Кича, ЧСВВ служел воскресну Службу Божу после котрей обидвоме священїки пошвецали паски.

Фото: ш. М. Воротняк

12 РУСКЕ СЛОВО

На дзешец годзин служена друга Служба Божа на котрей було красне число людзох, служел о. Платон, а на нєй пречитана винчованка нашого епарха кир Георгия Джуджара. Источашнє у Крущичу о. Дамян служел Службу Божу, на котрей було коло трицец особи. На Други и Треци дзень Пасхи служени богослуженя на дзевец годзин, з тим же на Други дзень було и мированє. – Пасха того року була окреме святочна, людзом було мило же ше могли стретнуц, за розлику од прешлого року – виявел кулски парох о. Дамян. Вон визначел и нове збуванє у кулскей парохиї – пририхтованє до Першей святей причасци, котре планую концом мая. Кажду соботу ш. Михаїла Воротняк, СНДМ, зоз Керестура приходзи и отримує виронауку на 14 годзин. Ол. Ж. 14. МАЙ 2021.

duhovni@ruskeslovo.com

ХРИСТОС ВОСКРЕС! ВОИСТИНУ ВОСКРЕС!

БЕОҐРАД – ПРИШЛИ И НОВИ ОСОБИ У Беоґрадзе, 1. мая, на 16 годзин до парохиялней заєднїци Кирила и Методия котра премесцена до Крунскей улїци 23, до римокатолїцкей церкви Христа Краля, конєчно ше позберали окрем младши и дзепоєдни старши парохиянє котри пре пандемию нє ходзели од прешлей Пасхи. Пред Службу дзепоєдни приступели и до споведзи, а вец после кратшей воскресней Утринї почала Служба Божа зоз пошвецаньом 27 кошаркох котри принєсли вецей як 30 парохиянє. Под час Служби вирни шпивали и познати вельконоцни писнї, а потим ше шицки и мировали. На Службу першираз пришли и дзепоєдни нови особи. Парох пречитал на трох язикох виривки зоз владиковей винчованки, а Апослол читал богослов Ярослав Варґа. На концу ґу вирним ше приключели и повинчовали им Пасху домашнї парох дон Александар и богослов Стипо. Понеже у маю тота парохия трима свой Кирбай св. Кирила и Методия, котри ше и того року отрима дзень пред самим Кирбайом, односно на соботу 22. мая на 11 годзин, парохиянє ше рихтаю за тот, за нїх окремни дзень за їх заєднїцу. о. В. В.

СРИМСКА МИТРОВИЦА – ЧУВАЮ ТРАДИЦИЮ И ОБИЧАЇ

У Сримскей Митровици було богослуженє на Вельки штварток, а на Вельки пияток после покладаня плащанїци до гроба на 16 годзин, поставена и традицийна стража коло Христового гроба, котру чували 11 младши и старши стражаре, облєчени до традицийного облєчива. Вирни з вельку побожносцу, идуци на колєнох през цалу церкву, пришли ше поклонїц умартому Спасительови. После богослуженьох всоботу, парох пошол одслужиц Воскресну Службу до Беоґраду, а внєдзелю на 6 годзин рано одслужена часц Воскресней утринї з обходом коло церкви, зоз Службу Божу и швеценьом 75 кошаркох парохиянох котри пришли аж зоз найоддалєншого Прхова. На 11 годзнин була друга Служба зоз мированьом, читаньом владиковей винчованки на трох язикох, а на Швитли пондзелох и вовторок, окрем порядних Службох, парох пошвецал перше гроби на руским, а вец на централним теметове. На богосложеню помагали двоме богослове, єден православни и Ярослав Варґа, котри читал Апостол, а парохиянє шпивали зоз вельким одушевийом и пасхалну радосцу. о. В. В. 14. МАЙ 2021.

КИРБАЙ У РУСКИМ КЕРЕСТУРЕ

ПОМАГАЙМЕ ЄДНИ ДРУГИМ

Парохия св. оца Миколая у Руским Керестуре, зоз своїма госцами, з Архиєрейску Службу Божу 9. мая преславела дзень преношеня мощох свойого нєбесного заступнїка св. о. Миколая – Кирбай, а нащивена була и вашарска часц Кирбаю. Архиєрейску Службу Божу у катедралним храме предводзел преосвящени владика Георгий Джуджар, а сослужели о. Владислав Рац, о. Дарко Рац, о. Алексий Гудак, о. Платон Салак ЧСВВ, и домашнї парох о. Михайло Малацко и капелан о. Михайло Шанта. Апостол читал домашнї дзияк Янко Виславски, Eвангелию о. Дарко, а швичкаре були члени Церковного одбору. У казанї владика Георгий повинчовал Кирбай, и здогаднул на св. Миколая.

ИКОНА МАРИЇ ВОДИЦОВЕЙ НАШОМУ ВЛАДИКОВИ Представительки Центра „Йосафата”, на чолє зоз ш. Авґустину Илюк, преосвященому владикову уручели з перлами вишиту икону Мариї Водицовей з нагоди швета Святого Миколая, а хтори праве у мешацу маю, хтори пошвецени и Пречистей Дїви Мариї. – Вона учителька як любиц Бога и ближнього, як мац до ньго довирия, и як правилно славиц Бога – визначела ш. Авґустина и пожадала владикови же би тоту поуку од нєй черпал, и придавал нам же бизме у вичносци могли вєдно ше радовац и славиц Бога. Тиж, 19. марца, того року, владика Георгий Джуджар преславел ювилейни 20 роки як є пошвецени за владику зоз рукох папи Йоана Павла II.

– Вон наполнєти зоз любову Божу, з милосердийом помагал другим же би и вони постали щешлїви – гварел владика, а визначел и же Миколайово главни духовни характеристики – робиц добри дїла у таємносци, нє тельо пре власну скромносц, алє пре достоїнство тих цо ше им помага. Миколай помагал тим цо були у потреби, а то робел нє лєм за свойого живота, алє и по своєй шмерци предлужел помагац тим котри ше зоз виру обрацаю ґу ньому – назначел владика. По Служби Божей бул одпустови обход коло церкви, хтори ше закончел з читаньом Євангелиї на шицких штирох бокох швета, а владика по каждим читаню пошвецел храм и присутних вирних. Ан. М.

РУСКЕ СЛОВО 13

РОК XV

МАЙ 2021. число 5 (156)

ВИРСКИ ЖИВОТ РУСИНОХ НА ГОРНЇЦИ

ДУХОВНА ТРА ДИЦИЯ НА МАЦЕРИНСКИМ ЯЗИКУ

Пририхтала: Олена ПАПУҐА

Русини на Горнїци, насампредз тоти у Прешовскей епархиї, пошвидко достаню молитвенїк на своїм народним язику, а предлужена робота и на прекладу Святого писма Нового завиту на русински. Тоти два значни публикациї потвердзую же Русини маю нє лєм богату културну, алє и духовну традицию на своїм мацеринским язику

Р

Молитвенїк по русински вида Парохия св. Йоана Крестителя зоз Прешова

едакция Лем.фм на своїм порталє преноши информацию зоз грекокатолїцкей Парохиї св. Йоана Крестителя зоз Прешова, же после вельо рокох молитвенїк на русинским язику готови, и же достал дошлєбодзенє за друкованє oд прешовского архиепископа и митрополити кир Яна Бабяка. Молитвенїк ше вола Радуйце ше у Господу, а у нїм цала литурґия св. Йоана Златоустого, тропари, парастос, часци утринї и вечурнї, духовни писнї и молитви за рижни потреби. Молитвенїк Радуйце ше у Господу написани по русински и по церковнославянски, а рахує ше же до лєта будзе медзи русинским народом. Зоз прешовскей епархиї поручели и же 30. априла 2021. року було 31. зашеданє Совиту епархох Грекокатолїцкей церкви у Словацкей на хторим були присутни шицки порядни члени. Наявене же порихтани и преклад Нового завиту на русински язик, а вида го, як и молитвенїк, Парохия св. Йоана Крестителя зоз Прешова. Владикове бешедовали о можлївих проблемох у прекладаню, поровнованю русинского текста зоз греческу и церковнославянску

РУСИНСКИ СВЯЩЕНЇК ДОСТАЛ ОРДЕН МАДЯРСКОГО ЗЛАТНОГО КРИЖА Вседержавна русинска самоуправа зоз Мадярскей информовала же предсидатель Мадярскей Янош Адер зоз своїм указом зоз Орденом мадярского златного крижа наградзел грекокатолїцкого священїка и русинского патриоту Яноша Мигаля Соноцкого. Препоруку за додзельованє Ордена дал премиєр Виктор Орбан, понеже преценєл же священїк Соноцки дава вельо усиловносци за ширенє рускосци и же пропаґує русинску културу у Мадярскей. Священїк Соноцки у пензиї, зоз грекокатолїцкей епархиї є у Мишколцу, а заменїк є предсидателя Общества Русинох у Мадярскей и вельо роби на ширеню рускосци у тей держави. Предсидатель Янош Адер священїкови Соноцкому, алє и ище шейсцом священїком мадярскей грекокатолїцкей церкви ордени уручел 15. марца на державне швето МаО. Янош Мигаль Соноцки, чувар дярскей националней револуциї и рускосци у Мадярскей борби за шлєбоду.

14 РУСКЕ СЛОВО

вариянту Нового завита. Oстава ше лєм наздавац же Нови завит нє будзе чекац телї роки до видаваня як молитвенїк. Як цо у старих часох св. Кирил и Методий принєсли Славяном преклад Євангелиї, бо були свидоми же ше Боже слово найбаржей чувствує на мацеринским язику, так у нових

О. Франтишек Крайняк

часох тото почувствовал и священїк Франтишек Крайняк. Похопел же Боже слово за каждодньови живот и за литурґиї потребни Русином на їх мацеринским язику. Почал прекладац тоти святи кнїжки зоз помоцу своїх согражданох, указуюци же Русини маю нє лєм културни, алє и духовни традициї на своїм язику, та народ хтори ма на своїм язику преклад Библиї, тот народ овиковичени. Священїк Крайняк почал прекладац Святе писмо у часох кед грекокатолїцка церква була забранєна, кед ше нє шмело вияшньовац як Русин. Теди ище нїхто нє верел же Руснаци воскрешню и же оживйованє їх националного идентитету нїхто нє годзен зопрец. Нови молитвенїк Русини у Словацкей пошвидко буду тримац у рукох зоз подзековносцу тим хтори го ожили пред вецей як трицец роками. МУКАЧОВСКА ГРЕКОКАТОЛЇЦКА ЕПАРХИЯ ОСТАНЄ САМОСТОЙНА О статусу Мукачовскей грекокатолїцкей епархиї хтора нєшка самостойна, а споминало ше єй прилучованє до Українскей грекокатолїцкей церкви официйно ше вияшнєл 14. МАЙ 2021.

rsusvece@ruskeslovo.com

єй апостолски администратор владика Нил Лущак, як и владика Филип Кочиш, архиепископ и митрополит гайдудороґски зоз Мадярскей, после авдиєнциї у папи римского Франциска зоз хторим бешедовал о питаню Мукачовскей епархиї.

Владика Нил Лущак, апостолски администратор Мукачовскей грекокатолїцкей епархиї

„После шмерци епископа Милана Шашика зоз Мукачовскей грекокатолїцкей епархиї, почали прициски же би ше тота епархия прилучела ґу Українскей грекокатолїцей епархиї зоз Ужгороду. Грекокатолїки зоз мукачовскей епархиї зоз Закарпатскей обласци то нє сцу, а тиж то нє сцу анї грекокатолїки зоз Словацкей, Сербиї, Горватскей, та анї митрополия зоз Питсбурґу. Шицки вони тримаю тоту Мукачовску епархию як свою – русинску и жадаю зачувац єй нєзависносц хтора то у историї вше и булаˮ, визначел у нащиви папови Францискови, владика Филип Кочиш. Владика Нил Лущак, апостолски администратор Мукачовскей епархиї виявел же покойни владика Милан Шашик бранєл мукачовску традицию самостойносци тей грекокатолїцкей епархиї и же тото предлужи и вон як єй терашнї администратор. Визначел же 2021. рок барз значни за Мукачовску грекокатолїцку епархию, бо 1646. року, пред ровно 375 роками, Ужгородска уния припознала єдинство зоз католїцку церкву. Тиж визначел же Апостолски пристол на чолє зоз римским архиєрейом припознава самостойносц Мукачовскей грекокатолїцкей церкви. Прето ше у ювилейним року треба за тото модлїц. Додал ище и же церкви муша тримац свою самостойносц яку им дава Рим. Обидвоме владикове здогадую же Мукачовска греко-

Марийово святилїще на Земплину – Екуменизем за нови часи

14. МАЙ 2021.

католїцка епархия настала зоз Ужгородскей униї, а Українска грекокатолїцка епархия зоз скорейшей Берестовскей униї, та анї у тим факту нєт основи же би ше злучовали. „ВОДИЦАˮ НА ЗЕМПЛИНЄ Кажди рок, на Вельку Матку Божу 15. авґуста у Клокочове при Медзилаборцох на Земплинє вирнїки приходза помодлїц ше клокочовскей икони пресвятей Богородици хтора пред 350 роками плакала. Рок 2020. Кошицка грекокатолїцка епархия преглашела за ювилейни, алє пре пандемию преслава пренєшена на тот, 2021. рок. Концом марца на швето Благовищеня пресвятей Богородици, 25. марца у шицких грекокатолїцких церквох у Словацкей бул пречитани декрет Конґреґациї за Восточни церкви з Риму. У декрету писало же ше клокочовска Богородица преглашує за покровительку Земплина. Зоз тим до литурґийного календара грекокатолїкох у Словацкей уписане нове швето – Памятка на клокочовску Богородицу, покровительку Земплина. Инициятиву потримал и монсиньор Бернард Бобер, кошицки римокатолїцки архиепископ-митрополит и православни владика Георгий Страньски, так же тото грекокатолїцке святилїще постало екуменске одпустове место. Клокочовска икона хтора ма 350 350 роки роки, 29. юния того року клокочовскей икони будзе однєшена до Ватикану папови Францискови же би ю поблагословел, а трецу нєдзелю у авґусту у Клокочове будзе преслава 350. рочнїци як Мац Божа на икони плакала. Клокочов найвекше Марийово одпустове место у Восточней Словацкей, односно на Земплину, бо ше у грекокатолїцкей церкви находзи икона на хторей Мария плакала далєкого 1670. року. Теди нашо Руснаци цо ше приселєли до наших горнїх крайох там ище жили. Була то теди Мукачовска грекокатолїцка епархия на териториї восточней Угорскей. Икона хора ше нєшка находзи у Колокочове нє ориґинална, а нє зна ше дзе ориґинал и чи постої. Но, то вирним грекокатолїком нє важне. Вони ше модля Мариї и тей икони зоз надїю и вона постала їх духовне нашлїдство од предкох хтори ю почитовали. З часом постала защитнїца нє лєм грекокатолїком, алє и православним и римокатолїком. Читаюци тексти о наших людзох на Горнїци, видзиме же ше Русини там будза, же вше баржей потримую свою националну припадносц и грекокатолїцку прадїдовску виру. Длуго им то було забранєне, та су жадни свойого. Ми оталь им можеме дац потримовку и буц у думкох зоз нїма у надїї же и то и нам да витор до хрибта, и же и ми будзме вше баржей чувац свойо руски коренї.■ (Зоз текстох Петра Медвидя зоз Лем.фм, фото Грекокатолїцке Закарпатє, Википедия, документи грекокатолїцких парохийох у Словацкей и України)

РУСКЕ СЛОВО 15

КУЛТУРА И ПРОСВИТА ОШ „ПЕТРО КУЗМЯКˮ У РУСКИМ КЕРЕСТУРЕ

ШКОЛА УЧАСТВУЄ У ЕКОЛОҐИЙНИМ ПРОЄКТУ Основна и штредня школа „Петро Кузмякˮ, од 26. априла по 5. май участвує у „Ерасмус плусˮ проєкту под назву „Radšej potrební, ako spotrebníˮ („Rather needed than consumerˮ), а як представнїки Школи вибрани наставнїци – Каролина Джуджар, Тамара Хома, Кристина Молнар, Тереза Катона, директорка Наталия Будински и предсидатель Вивершного одбору Националного Совиту Руснацох Желько Ковач. Слово о проєкту хтори подрозумює еколоґийни теми, як и теми о отримуюцим розвою, а состої ше зоз двох часцох. Єдна часц ше отримує онлайн, а друга ше будзе отримовац

МУДРИ ИТ КАБИНЕТ Основна и штредня школа зоз домом школярох „Петро Кузмякˮ у Руским Керестуре єдна спомедзи 30 школох у Сербиї хтора достанє мудри ИТ кабинет наменєни за наставу информатики и рахункарства. Предносц такого кабинету тота же ше гардверски и софтверски ресурси находза у клауду, у Державним дата центру, у Беоґрадзе и Краґуєвцу. Зоз цалу инфраструктуру ше управя и надпатра зоз централного места зоз Державного дата центру, а инжинєре Канцелариї за ИТ и еУправу водза рахунку о тим чи шицки програми на хторих школяре робя лиценцовани и чи найновши верзиї тих програмох доступни. Канцелария за ИТ и еУправу обецала 1,3 милиони евра за запровадзованє централней инфраструктури и опреми за 30 таки кабинети у Сербиї. – Мудри ИТ кабинет у велькей мири унапредзи наставу у керестурскей школи, окреме у обласцох информатики и програмованя. У Школи ше хаснує и други ИТ средства як цо 3Д принтер, мБот роботи и микробити хтори доприноша же би Школа провадзела найновши тренди у образованю, як и же би своїм школяром оможлївела квалитетну и сучасну наставу – потолковала директорка Школи Наталия Будински.

у Братислави, док допуща условия пре ґлобалну пандемию. Наставнїки на тот способ достаню потримовку и информациї у обласци еколоґийних темох, а свойо знанє буду применьовац и у учальньох през роботу зоз школярами. – Потераз зме мали онлайн обуки хтори тирвали 4 днї, а тераз рушаме до реализациї проєкта у нашей школи. Проєкт плануєме реализовац през рижни активносци за школярох, як цо – зберанє паперу и шмеца, писанє литературних роботох на тему еколоґиї, ожелєньованє школи, орґанизованє рижних преподаваньох и презентацийох на тему еколоґиї и очуваня животного штредку, и шицки тоти активносци буду уплївовац на розвиванє еколоґийней свидомосци и компетенцийох при школярох у обласци еколоґиї. – потолковала директорка Школи Наталия Будински. Проєкт „Ерасмус плусˮ водзи орґанизация „Фениксˮ зоз Словацкей, у хторим окрем наставнїцох школи „Петро Кузмякˮ и предсидателя вивершного одбору НС Желька Ковача, участвую и наставнїкове зоз Словацкей и Ческей. Одход до Братислави дзе будзе отримане презентованє проєкту, заплановани же будзе у авґусту, под условийом же епидемийна ситуация дошлєбодзи. Ан. М.

ОПШТИНА ЖАБЕЛЬ

У ЕМИСИЇ „ЩЕШЛЇВА СЕРБИЯ” ПРЕДСТАВИ ШЕ И ЧАСЦ РУСКЕЙ ТРА ДИЦИЇ

У тижню пред Вельку ноцу писателька и новинарка Миряна Бобич Мойсилович зоз знїмательну екипу Першей телевизиї и емисиї „Щешлїва Сербия” нащивели општину Жабель, а у нєй и Руснацох у Дюрдьове.

16 РУСКЕ СЛОВО

Емисия „Щешлїва Сербия” емитує ше од новембра прешлого року и презентує места у нашей держави. Їх природну красоту и природни богатства. Прето у општини Жабель нащивели шицки штири места Жабель, Чуроґ, Дюрдьов и Ґосподїнци дзе знїмали прилоги о природи, култури, правеню сира и меду, нащивели Музеї пошвецени жертвом рациї у Чуроґу, а у Дюрдьове Руску школу и Руску одлогу у нєй. Там их дочекал предсидатель Скупштин КУД „Тарас Шевченко” Мирослав Чакан, понеже ше тото Дружтво стара о одлоги и тей часци школи. Чакан им гуторел о рускей традициї, култури и будинку Рускей школи. Домашнї у нащиви општини були заняти у Туристичней орґанизациї општини Жабель, а емисия о тей нашей општини будзе емитована на Першей телевизиї на нєдзелю, 16. мая од 12 годзин. С. С. 14. МАЙ 2021.

kultura@ruskeslovo.com

КОНКУРС ЯВНЕЙ БИБЛИОТЕКИ У ВЕРБАШЕ

НАГРАДИ И КОЦУРСКИМ ШКОЛЯРКОМ И того року Оддзелєнє за дзеци и младих Явней библиотеки „Данило Киш” у Вербаше розписало Ярнї конкурс 2021 за шицких школярох основних и стреднїх школох вербаскей општини, а у остатнїм тижню прешлого мешаца, 29. априла, найуспишнєйшим школяром подзелєни и награди. Школяре тей яри мали можлївосц рисовац, лєбо писац на тему „Найкрасши слова ~ по слунку ишли”. Спред Явней библиотеки жири за литературне творительство Бранислав Зубович и за подобове творительство Милияна Радованович вибрали найлєпши роботи, медзи велїма котри сцигли на конкурс. – Вибрали зме по 8 роботи з обидвох катеґорийох котри ше визначели. Поспишело нам ше на тим конкурсу достац одредзене число квалитетних роботох, котри зме и наградзели. Верим же ше пошвидко врациме живей комуникациї и друженю з дзецми, же зме годни орґанизовац вистави, алє и читаня дзецинских роботох. Пота-

У ОШ „БРАТСТВО ЄДИНСТВО” У КОЦУРЕ

ОНЛАЙН ПРОГРАМА ЗА ДЗЕНЬ ШКОЛИ Коцурска Основна школа „Братство єдинство” внєдзелю, 9. мая, означела Дзень школи. Того року, пре епидемийну ситуацию нє було можлївосци преславиц тот дзень зоз програму и рижнима активносцами, та за тоту нагоду просвитни роботнїки и школяре коцурскей школи пририхтали онлайн програму. Наставнїца музичней култури Єлена Алексич зоз школярами висших класох пририхтала гимну коцурскей школи, котру з нагоди того дня премиєрно представели на школским Фейсбук боку, а тиж и на блоґу Школи. Учительки зоз школярами нїзших класох пририхтали рижни писнї, рецитациї, музични композициї, як и рецитациї на мадярским язику. Окрем гимни и знїмкох шицких точкох котри школяре виведли, на концу онлайн програми на школским Фейсбук боку и блоґу мож опатриц и виставу подобових роботох. Як наведзене, похвалєни шицки школяре и їх менторе котри зазначели успихи на тогорочних литературних и подобових змаганьох, а з онлайн програму привитани шицки школяре и їх родичи, валалчанє, колеґове, сотруднїки и приятелє Основней школи у Коцуре, котри провадза и потримую єй роботу. О. Р. 14. МАЙ 2021.

маль, шицки роботи мож опатриц на Фейсбук боку Явней библиотеки – гварел Зубович. Награди, уж традицийно, були кнїжки, а за школярох пририхтане и додзельованє наградох у централней читальнї у Вербаше. Тота традиция ше отримує уж скоро трицец роки, а того року и додзельованє, и цек конкурсу, ше одвивали у вименєних епидемийних условийох. Медзи наградзенима школярами зоз Вербасу, Бачкого Доброго Поля и Савиного Села, були и школярки зоз Основней школи ,,Братство єдинство” зоз Коцура. За литературну роботу наградзена школярка трецей класи Драґана Ревес, а за подобово роботи наградзени школярка трецей класи Дуня Юрчук и школярка другей класи руского оддзелєня Рамона Будински. На додзельованю наградох, вєдно зоз школярками, присуствовали и їх учительки Дюрдїца Полдруги и Славица Чельовски. О. Р.

ДОМ КУЛТУРИ РУСКИ КЕРЕСТУР

„РУЖАˮ НАЧАЛНО БУДЗЕ У АВҐУСТУ, МЕМОРИЯЛ НА ЄШЕНЬ

На заєднїцкей схадзки Орґанизацийних одборох Драмского меморияла Петра Ризнича Дядї и Фестивала рускей култури „Червена ружа” хтора отримана стреду, 28 априла, бешедоване о тим же би фестивал „Червена ружа” начално бул отримани у авґусту, а Мемориял Петра Ризнича Дядї на єшень. Термин и формат їх отримованя завиша од епидемийних мирох хтори буду на моци, алє на схадзки заключене же ше тоти два фестивали того року вшелїяк отрима. Попри уж даскелїх приявених представох за одроснутих и за дзеци, за Драмски мемориял би до єшенї можебуц могли буц закончени ище два нови проєкти. На схадзки бешедовани и же би ше у рамикох 60. Фестивала рускей култури „Червена ружа” отримало „Червене пупче”, змаганє младих зоз рускима забавнима шпиванками „Червена ружа”, як и ревиялну часц, односно ретроспективу забавних композицийох зоз прешлих „Ружох”, зоз чим би ше и означело ювилей фестивала. „Одгуки ровнїни” того року найвироятнєйше нє буду отримани, понеже векшина наших дружтвох нєактивна уж длугши период, а о детальнєйшей концепциї будзе бешеди у наиходзацим периодзе. Конкурс за нови руски дзецински шпиванки за „Червене пупче” и Явна поволанка за участвованє на тогорочней „Червеней ружи” и далєй отворени, а мож их найсц на сайту Дома култури Руски Керестур. М.З.Г.

РУСКЕ СЛОВО 17

КУЛТУРА И ПРОСВИТА КУЛТУРНО-УМЕТНЇЦКЕ ДРУЖТВО „ТАРАС ШЕВЧЕНКО” У ДЮРДЬОВЕ

ВЕЛЬКОНОЦНИ РОЧНИ КОНЦЕРТ МОГЛО ПАТРИЦ НАЖИВО И ОНЛАЙН Длуго и нєсцерпезлїво обчековани, и з боку публики и з боку членох Културно-уметнїцкого дружтва „Тарас Шевченко” зоз Дюрдьова, Вельконоцни рочни концерт того Дружтва отримани внєдзелю, 2. мая, на радосц Дюрдьовчанох, алє и велїх з нашей заєднїци, та и споза гранїци Пише: Сандра Саламун

Д

лужей як рок застановена робота културних установох и дїячох. У прешлим року Велька ноц и провадзаци преслави анї нє отримани, та анї нє чудне же Дюрдьовчанє жадни патриц и слухац дацо цо ше нє дотика єдного истого, алє красшого, як цо наш културни скарб. Пре таке, алє и пре дошлєбодзенє компетентних у велькей сали Задружного дома у Дюрдьове отримани Рочни вельконоцни концерт дюрдьовского Дружтва. Гоч уметнїцки руководителє Дружтва зоз членами секцийох у тим року почали робиц першого априла, понеже им аж теди дошлєбодзене, а прешлого лєта и вєшенї на два заводи кратши час, заш лєм, удало им ше обновиц стари и научиц нови репредсидатель Управного одбору Културно-уметнїцкого дружтва „Тарас Шевченко” Микола Кухар. Предсидатель Кухар задовольни же ше удало наживо преношиц Концерт на Фейсбук профилу Дружтва, за цо ше остарала младеж, алє и же публика почитовала мири, бо до сали вошло лєм дошлєбодзене число патрачох. ОБНОВЕНИ СТАРИ И НАУЧЕНИ НОВИ РЕПЕРТОАР

пертоар, котри публика у сали, алє и гевта котра Концерт провадзела на социялней мрежи наградозвала зоз моцнима аплаузами, подзековни же их розвешелюю и даваю нагоду патриц и слухац красу нашей култури.

У богатей и рижнороней програми котра тирвала годзину и петнац минути участвовала фолклорна секциї чийо ше члени зоз каждей возростней ґрупи за кажди танєц преблєкали до другого народного облєчива, шпивацка и рецитаторска секция, а шицки музични нумери провадзел оркестер Дружтва. Танєчнїки зоз виводзацкей фолклорней ґрупи виведли „Руски танци зоз Дюрдьова”, „Танєц зоз юговосточней Сербиї” и „Буковински танєц”.

БАРЗ ЗАДОВОЛЬНИ И ПУБЛИКА И УЧАШНЇКИ – Маме щесца же ситуация стабилнєйша и же зменшани мири. У першим шоре дзекуєм нашим членом котри участвовали, вони мали вельку жажду виступац. Векшина точкох на концерту були премиєрно виведзени, понеже даєдни з нїх пририхтани у прешлим року за наступи котри нє отримани. Єдино члени Рецитаторскей секциї за тот єден рок, та и вецей, мали наступи на смотрох, алє ше отримовали онлайн, нє пред публику. Мило ми же ше штверо пласовали на Покраїнску смотру – гварел

18 РУСКЕ СЛОВО

14. МАЙ 2021.

kultura@ruskeslovo.com

Пририхтуюца фолклорна ґрупа виведла танєц „Диканьски козачок”, а дзецинска фолклорна ґрупа „Буковински свадзебни танєц”. Дзивоцка шпивацка ґрупа одшпивала вецей шпиванки, а медзи нїма и „Идзе мили до двора” и „Пре твой погляд”, младша Дзивоцка шпивацка ґрупа виведла шпиванку „Од Кракова”, а Дзецинска шпивацка ґрупа

РОБОТА ПРЕДЛУЖЕНА

ПРОЄКТНИ БИРО НСР У ДЮРДЬОВЕ

ЕДУКАЦИЯ САМОСТОЙНОГО ВИТВОРЙОВАНЯ ПРОЄКТОХ У просторийох Културно-уметнїцкого дружтва „Тарас Шевченко” у Дюрдьове, всоботу, 8. мая, члени Роботного цела Проєктного бироa Националного совиту Руснацох отримали едукацию о писаню проєктох.

У реазлизациї концерта участвовали члени УО Дружтва и уметнїцки руководителє: Мария Хромиш, Тамара Салаґ, Микола и Даря Хромиш, Сенка Станкович, Срдян Цучич и Яким Гарди. Конферансу написала Тамара Салаґ, за озвученє ше остарали Мирослав Шарик, Микола Роман и Борис Цап, а конферансу водзели Кристина Горняк и Тарас Чапко. Сценоґрафию обдумали и направели млади з Дружтва на креативних роботньох.

„Мам я товариша”. Нашо успишни рецитаторе одрецитовали писнї з котрима ше змагаю на смотрох. Милица Михальовски одрецитовала „Мацери при кудзелї”, Марина Барна „Любовна школа за початнїкох”, Мария Рамач „Чудна свадзба”, Владимир Молнар „Шмела миша”, Иван Молнар „Учитель”, а Валентина Салаґ одрецитовала писню „О нас”. Шицким им хибел виступ пред публику. Було им мило же можу указац тото цо научели, а то було видно на твари каждого учашнїка – були то за-

довольни ошмихи и окремна позитивна енерґия. Концерт закончени зоз словами видительох програми – „Наздаваме ше же зме нарок Концерт годни отримац у порядних условийох”. Концерт могло провадзиц и онлайн на Фейбук профилу КУД „Тарас Шевченко” – KUD Taras Sevcenko – Djurdjevo, а знїмок зоз Концерту ище вше мож опатриц на тим профилу. Гоч пре ситуацию з корона вирусом нє мож плановац на длугши час, члени Управного одбору дюрдьовского Дружтва вєдно зоз уметнїцкима руководителями робя як дошлєбодзене. Проби ше, за тераз, поряднє отримує остатнї мешац, а як гваря, рихтаю ше як же ше отримаю шицки нашо концерти, манифестациї и фестивали на котрих порядно участвую. ■ 14. МАЙ 2021.

Роботне цело Проєктни биро НСР основане зоз цильом розвою цалей рускей заєднїци през аплицированє на рижни конкурси, односно ученє цо векшого числа особох же би писали, апликовали на рижни конкурси и реалзиовали их. Прето з тей нагоди, Анита Ґовля и Елемир Джуджар, члени Роботного цела, котри маю искуства у писаню проєктох и апликованю на конкурси у нашей держави и на Европских конкурсох, младих з дюрдьовского Дружтва, як и предсидателя УО Дружтва Миколу Кухара едуковали о писаню проєктней документациї. О конкурсох, алє и нєвихаснованих можлївосцох, окреме кед слово о европских конкурсох, присутних поинформовал предсидатель НСР Борислав Сакач. Подобна едукация пред мешацом отримана у РКЦ у Новим Садзе, алє на нєй акцент бул унапрямованє на информацию дзе годно конкуровац з одредзенима проєктами. – На роботнї у Дюрдьове зме ше баржей унапрямели научиц млади особи же би писали проєкти. Учели ше пополньовац проєктну документацию конкурса Општини Жабель и так зме даєдни идеї проєктох пробовали положиц на папер. Млади ше перше научели виполньовац єдноставнєйши проєктни форми, а з часом годни писац и проєкти зложеншей форми – гварела Анита Ґовля, членїца Роботного цела Проєктни биро НСР. На едукациї виполнованя проєктней документациї присутни подзелєни до двох ґрупох. Єдна написала проєкт еколоґийного характеру, о одкладаню шмеца и рециклованю у валалє. Друга о подїї котра би мала задаток подзвигнуц свидомосц и почитованє шицких културох у валалє. Зоз тим едукаторе були задовольни, понеже обидва теми актуални, алє и витворлїви. С. Саламун

РУСКЕ СЛОВО 19

МОЗАЇК ПИЯТА КОНФЕРЕНЦИЯ МЛАДИХ НАУКОВЦОХ

ҐЕНЕРАЦИЯ ХТОРА ПРЕБЕРА ШТАФЕТУ Представяме младих науковцох, студентох, фаховцох – учашнїкох на Пиятей рускей науковей конференциї. У идуцим чишлє нашей новинки будзе вецей о презентованих роботох и о Конференциї, а тераз вецей о учашнїкох

Н

а Конференцию ше приявели млади науковци, виглєдоваче и студенти: мср Ана Римар Симунович, Якуб Павляк, мср Єлена Дудаш, Андрей Орос, мср Доротеа Будински и мср Сашо Сабадош, а у Зборнїку зоз того сходу буду обявени и роботи мср Марини Шлемендер и Марини Сакач. Даєдни учашнїки до тераз уж участвовали и скорейших рокох, алє даєдни участвую першираз, а заеднїцке им же су заинтересовани за наукову роботу. мср МАРИНА ШЛЕМЕНДЕР Закончени студиї: Основни и мастер студиї на Филозофским факултету, Универзитет у Новим Садзе, тераз є на докторских студийох. Напрям: Анґлийски язик. – Мастер филолоґ анґлиста Наслов роботи: Анґлийски модали can и could и їх руски еквиваленти Тема роботи: Поровнованє анґлийских модалох и їх руских еквивалентох. Дотерашнє участвованє на Конференциї младих науковцох: Участвовала на IV конференциї младих науковцох. Интересованя: Ученє нових язикох, путованя, вежбанє, здраве костиранє. Плани за будучносц: Предлужиц роботу на анґлийско-рускей контрастивней линґвистики и закончиц докторски студиї. мср АНА РИМАР СИМУНОВИЧ Закончени студиї: Мастер студиї на Филозофским факултету, Универзитет у Новим Садзе. Напрям: Руски язик и литература – Мастер професор руского язика и литератури.

20 РУСКЕ СЛОВО

Роботне место: Роби як асистент на Оддзелєню за русинистику на Филозофским факултету у Новим Садзе, а трима вежби зоз предметох на котрих ше виучує руску и українску литературу. Наслов роботи: О своєй улоги писателя у дньовнїкох Михайла Ковача. Дотерашнє участвованє на Конференциї младих науковцох: Участвовала на шицких штирох потерашнїх конференцийох, як и на вецей медзинародних конференцийох у жеми и иножемстве. Фокус роботи єй на литературним дїлу (литературней творчосци) Михайла Ковача. Плани за будучносц: Закончиц докторски студиї язика и литератури (модул литература) на Филозофским факултету у Новим Садзе. ЯКУБ ПАВЛЯК Закончени студиї: Филозофски факултет, Универзитет у Лодю, Польска. Напрям: Славистика. Роботне место: Роби як лектор польского язика и тиж так учи странцох польски язик, робота прейґ интернету. Наслов роботи: Руски Керестур як центер руского швета у Костельниковей приповедки ,,Муша буц черкотки”. Тема роботи: Приповедацка творчосц Гавриїла Костельника. Дотерашнє участвованє на Конференциї младих науковцох: Сход младих сербистох у Лодю 2018. року и Сход младих Болгарох у Лодю 2017. року.

Интересованя: Интересую го сербски язик, старославянски язик, култура и язик войводянских Руснацох и вообще славянски язики, як и история истих. Тиж так, люби путованя, уживанє у природи и бициклизем. Плани за будучносц: Планує ше уписац на докторски студиї. мср ЄЛЕНА ДУДАШ Закончени студиї: Польопривредни факултет, Природно-математични факултет, Универзитет у Новим Садзе. Напрям: Пейзажна архитектура, гортикултура и ґеоеколоґия. – Дипломовани инжинєр пейзажней архитектури, мастер инженєр польопривреди-гортикултура, мастер ґеоґраф. Роботне место: Новинар у Радио-телевизиї Войводини. Наслов роботи: Пейзажно-архитектонске ушоренє преднього двора (заградки) етно клуба ,,Одняте од забуца” у Коцуре по принципох дакедишнього випатрунку руского валалского двора. Тема роботи: Етно клуб, руске валалске обисце, ушоренє двора, заградка, стародавни файти рошлїнох. Интересованя: Єй интересованя унапрямени ґу уметносци, природи, єй защити и украшованю. Интересує ю пейзажна архитектура, гортикултура, еколоґия, клима, дизайн, аранжиранє з квицом, рисованє. Плани за будучносц: Усовершовац ше у фаху, любела би зоз своїм знаньом и фахом допринєсц лєпшому випатрунку стредку у котрим жиєме и можебуц почац власни бизнис. 14. МАЙ 2021.

mozajik@ruskeslovo.com

АНДРЕЙ ОРОС Закончени студиї: Филозофски факултет, Универзитет у Новим Садзе. Напрям: Журналистика – Дипломовани новинар. Наслов роботи: Анґлийски елементи у язику младих у МАК-у. Тема роботи: Кельо анґлийски язик уплївує на язик младих Руснацох, ґенерално у МАК-у. Дотерашнє участвованє на Конференциї младих науковцох: Участвовал на Штвартей рускей науковей конференциї младих науковцох и фаховцох, дзе ше представел зоз двома роботами. У роботи под назву Урядове хаснованє язика и писма у местох Нове Орахово, Дюрдьов, Руски Керестур, Кула и Нови Сад представел ше як коавтор, а робота Улога „Руских новинох” у националним препороду Руснацох представяла самосталну роботу. Интересованя: Интересую го медиї, у рускей редакциї Радио Нового Саду єден є од авторох младежскей емисиї „АЛТ шоу”. Тиж так, интересує го история Руснацох и културни живот Руснацох, та є попри формалного образованя и роботи на радию, активни и у културним живоце Руснацох як длугорочни рецитатор, ґлумец и водитель културних манифестацийох. Плани за будучносц: Закончиц мастер студиї и достац роботу у фаху и можебуц уписац ше на докторски студиї. мср ДОРОТЕА БУДИНСКИ Закончени студиї: Основни и мастер студиї на Филозофским факултету, Универзитет у Новим Садзе.

14. МАЙ 2021.

Напрям: Педаґоґия – Мастер педаґоґ. Роботне место: Роби як презентер и новинар у Радио-Телевизиї Войводини у Редакциї на руским язику. Наслов роботи: Розвой вчасней двоязичносци у двоязичней фамелиї и двоязичним стредку. Интересованя: Фокус интересованя у академским смислу – розвой двоязичносци при дзецох, розвой и очуванє язика, мултикултуралносц, култура, медиї, уплїв медийох, значносц медийох за национални заєднїци. Тиж так интересую ю рецепти здравих єдлох, здрави способ живота, кнїжки и виучованє популарней психолоґиї, люби природу, животинї и занїма ше зоз спортом. Плани за будучносц: Планує напредовац у роботи котру роби и кажди дзень научиц дацо нове. Жада и надалєй писац науково роботи и участвовац на наукових конференцийох. МАРИНА САКАЧ Закончени студиї: Филозофски факултет, Универзитет у Беоґрадзе Напрям: Етнолоґия и антрополоґия. – Хвильково є на дворочних мастер студийох зоз културней и социялней антрополоґиї на Католїцким Универзитету Лувен у Белґиї. Наслов роботи: Антрополоґийни погляд на есенциялизацию култури на прикладу вистави „Обряди преходох у фокусу обєктива фотоґрафох Будински”.

Интересованя: До тераз обрабяла теми хтори ше дотикаю концептуализациї идентитету, насампредз етнїчни идентитет, линґвистични. Плани за будучносц: за мастер тезу рихта тему хтора обрабя тїлесносц як основ за роздумованє о култури – цо нам воно може повесц о людзох хтори нас цикавя, як ше справую, цо ше розуми як нормалне/нєнормалне, чи маме подполну автономию над своїм целом чи нє и подобни питаня. мср САША САБАДОШ Закончени студиї: Филозофски факултет, Универзитет у Новим Садзе. Напрям: История – Мастер историчар. – Студент докторских студийох на Филозофским Факултету Универзитета у Новим Садзе. – Архивист у Историйним архиве Зомбор. Наслов роботи: Школяре рускей грекокатолїцкей основней школи у Новим Садзе пред початком Першей шветовей войни и после єй законченя. Интересованя: Обласци виглєдованя и сфери интересованя: История Руснацох у ХХ вику, Руснаци и популарна култура, Католїцка церква у Югославиї после ІІ шветовей войни. Орґанизаторе Конференциї Виглєдовацки круг, НВУ „Руске слово”, Завод за културу войводянских Руснацох и Оддзелєнє за русинистику, а главни координаторе мср Сашо Сабадош спред нєформалней орґанизациї Виглєдовацки круг и мср Мая Зазуляк Гарди спред мултимедиялного часопису МАК. Пията руска наукова конференция за студентох, младих науковцох и фаховцох отримує ше у рамикох означованя 75-рочнїци НВУ „Руске слово”, а ношитель активносцох мултимедиялни часопис МАК. У пририхтованю и Зборнїк зоз тей Конференциї, котри будзе нєодлуга после подїї обявени. Пририхтала Т. Салаґ

РУСКЕ СЛОВО 21

ЕКОНОМИЯ САБИНА САБА ДОШ РОМ, ПРАВИ АРАНЖМАНИ ЗА ЄДЗЕНЄ

БУКЕТИ ЗА ПРАВИХ ҐУРМАНОХ

Пише: Андреа МЕДЄШИ

У єй букетох єст шицкого. Од кокосу, нару, ананасу, та по броколи, сир и домашню колбасу. Сабина Сабадош Ром, родом зоз Кули, одата у Керестуре, и гоч є по фаху дипломовани козметичар, уж роками прави букети и рижни аранжмани хтори окрем як декорация, служа и за єдзенє

Є

й аранжмани людзе поручую за рижни нагоди, жени преферую букети зоз овоци и чоколади, а хлопи, зна ше, зоз меса. – Одмалючка сом стално дацо правела. Углавним то були нєзвичайни дарунки милим людзом, так же прихильносц ґу креативносци тирва длугши час. Пред 5 роками сом першираз направела дарунок за єден родзени дзень, було то древо зоз чоколади, и теди шицко почало. Велї людзе видзели тото древо, и мой гоби помали постава дополнююца робота. З початку то були рижни аранжмани зоз чоколади – у шкатулки, кошарки, у форми древа..., а пред двома роками сом на интернету замерковала аранжмани зоз овоци и желєняви. Барз ме прицагли

миї. Ту зме онлайн робели рижни „мастер класиˮ, остали зме у контакту, так же нєшка припадам єй тиму – гвари Сабина, а о технїки зоз хтору роби, предлужує: – Технїка ми тераз уж єдноставна, гоч сом на початку досц вежбала, а и тераз мам дакеди рижни виволаня. У сущносци, шицко ше зводзи на палїчки за рожень. Шицко лїпкам або надзивам на нїх, и так формуєм букет, правим аранжман у шкатулки, кошарки, шольки... Кажда намирнїца ше иншак склада зоз палїчками, цо и „цакаˮ у правеню аранжманох. Найважнєйше же би ше шицко добре уклопело, же би палїчки нє було видно, а знова же би твардо тримали намирнїцу у аранжману – толкує Сабина. и такой сом себе задумала у такей креациї – приповеда наша креативна собешеднїца.

ПО ВОЙВОДЯНСКИ, З СУХОМЕСОВИХ ПРОДУКТОХ

ЗА ПОЄСЦ ЗОЗ ОВОЦИ, АБО ЖЕЛЄНЯВИ

Аранжмани за єдзенє прави зоз шицких можлївих файтох овоци, желєняви, а ту и „Войводянски аранжманˮ, хтори, як му и саме мено гутори, найпопуларнєйши при хлопох. – У декорованю хаснуєм од найдробнєйших овоцох – боровнїци, малини, ягоди, яблука, помаранчата, ананас, та по желєняву – паприґа, броколи, цеснок..., а ту и „Войводянски аранжманˮ хтори зоз сухомесо-

Тото „ремеслоˮ Сабина учела од искусних, од Иї Макеєвей, Рускинї хтора жиє у Новим Садзе, а понеже Ия була задовольна зоз єй роботу, нєодлуга Сабина постала членїца єй тиму. – Була сом на єдней роботнї хтору тримала тота Рускиня и вона була задовольна з мою роботу, та ме учленєла до своєй акаде-

22 РУСКЕ СЛОВО

14. МАЙ 2021.

ekonomija@ruskeslovo.com

вих продуктох – колбаси, шкварки, сланїни, пива, и хтори найчастейше поручую за хлопох. Правим и посни вариянти, то звичайно букети зоз кандираней и сухей овоци, так же у аранжманох шицко за єдзенє окрем квеца и желєнїдла хтори служа за декорацию. Нєдавно сом була и на єдней роботнї карвинґу, же бим могла и квеце и желєнїдло правиц зоз єдзеня. Наприклад ружу зоз цвикли, а желєнїдло и лїсца зоз бундавкох – гвари вона. Випатрунок и цена букету завиши од вимоги самих купцох, од того яки намирнїци треба положиц, а клиєнти, як гвари, цалком отворени за сотрудзованє. – Цени индивидуални, у зависносци од того цо ше находзи у аранжманох, яки су вельки, яка форма, так же шицко идзе по догварки. Кед клиєнт наручи аранжман, перше ше питам чи є за хлопа чи за жену, яка нагода, чи тота особа ма облюбену фарбу, овоц, пице, даяке окремне жаданє... Догвариме ше яка форма треба же би була и велькосц аранжмана, и яки папер треба же бим хасновала за декорованє. Часто муштериї вимагаю же бим до аранжману положела дацо цо тей особи окреме миле, або же бим уруцела дацо франтовлїве. Потим у моєй глави почина креативни процес. Нїґда нє мож направиц два исти аранжмани, аж и кед хаснуєме исти намирнїци. Кажди аранжмани приповедка за себе, и скоро нїхто нє може остац ровнодушни кед до станє таки специялизовани аранжман, направени праве за ньго – приповеда наша вредна собешеднїца. ЄСТ И КОМБИНАЦИЯ ЗА ШВИДКЕ ОКРИПЕНЄ Найчастейши нагоди за хтори людзе наручую єй букети то родзени днї, рижни швета, рочнїци, алє часто маю и франтовнїву ноту. Служа же би дакого орозположели, же би му злєпшали дзень, а з оглядом на настату Ковид ситуацию, Сабина ше здогадла обдумац и аранжман за „Швидке окрипенєˮ. – Тоти аранжмани настали пре ситуацию зоз Корону, и до нїх кладзем мишану овоц и желєняву, и як єден франтовлїви деталь, додам и шкатулку Це витамину з апатики. Однєдавна аранжмани приношим и на хижну адресу. Барз любим кед мам часу шицко сама зробиц, и кед видзим тоту емоцию и щесце на твари тей особи хторей уручим букет. И за мнє то барз красне чувство, же их 14. МАЙ 2021.

моя робота ущесцела, и вец знам же труд нє бул даремни. Тиж, пре ситуацию з вирусом, даєдни фамелиї роздвоєни, нє можу ше часто нащивйовац, та зо мну прейґ дружтвених мрежох контактую велї людзе зоз иножемства хтори наруча даяки букет за свою милу особу ту у нас, хторей я тот букет и однєшем – задовольно приповеда Сабина, а шицки фотоґрафиї зоз єй дотерашнєй роботи мож найсц на Фейсбуку и Инстаґрам профилу под назву „Сароса јестиви аранжманиˮ.■

ЗА РОЗВОЙ СОЦИЯЛНОГО ПОДНЇМАТЕЛЬСТВА

ТРЕБА ГОЛЄМ 100 МИЛИОНИ ЕВРИ За порушованє социялного поднїмательства, як трецого сектора привредзованя у Сербиї, попри реалного и явного, потребне найменєй 100 милиони еври, виявел тих дньох министер за старосц о валалу Милан Кркобабич. Вон гварел же то предусловиє же би социялни задруґи могли зажиц. – Очекуєм же тото зволанє скупштини укаже завидни ступень дружтвеней одвичательносци и предвидзи тоти средства у буджету за наиходзаци рок. То од нїх очекую особи зоз инвалидитетом, жени и хлопи у познєйших рокох, вибеженци и розшати особи и шицки гевти хтори би сцели робиц и жиц од свойого заробку. Робота и заробок – гей, милостиня – нє. То министер Кркобабич гварел одвитуюци на питаня посланїкох о пенєжней помоци держави за други файти задруґарства, попри тих у обласци польопривреди. Вон гварел же социялне поднїмательство корективни фактор нєсовершеней тарґовищней економиї и же ше може реализовац як поднїмательска роботня, дружтво зоз огранїчену одвичательносцу, акционерске дружтво, задруґа и ту би ше роботно анґажовали тоти хтори тераз нє конкурентни на тарґовищу роботи. За нїх роботне анґажованє нє лєм жридло еґзистенциї, алє и способ же би себе врацели барз потребне достоїнство – гварел Кркобабич. М. Т.

РУСКЕ СЛОВО 23

ЛЮДЗЕ, РОКИ, ЖИВОТ НАШО ГОСЦИ: НЯРАДИЙОВO ЗОЗ РУСКОГО КЕРЕСТУРА

НА ВАЛАЛЄ МОЖ БАРЗ КРАШНЄ ЖИЦ

У Руским Керестуре, а и далєй, велї вешеля уж роками нє преходза без младого музичара Кристияна Нярадия, члена и єдного зоз сновательох „Пицикато бенда”, хтори настал як тинейджерски состав, а нєшка є скоро єдини „шоу” бенд хтори грає и руску музику Пише: Мая ЗАЗУЛЯК ГАРДИ

Клаудия на роботи медзи дзецми

24 РУСКЕ СЛОВО

У

„Пицикато бенду” Кристиян шпивач и клавиятуриста, а на тим инструменту почал грац кед мал дас седем роки, гоч познєйше закончел кларинет у Основней музичней школи. Вишколовал ше за електротехнїчара, познєйше студирал на Факулету технїчних наукох и гоч музика нє повязана зоз його фахом, заш лєм му вона одредзела занїманє. – Перши бенд зоз хторим сом грал бул „РК бенд”, думам же зме ше так волали. Теди зме були штредня, дахто и основна школа, и зоз нїма сом першираз грал за пенєжи, єдней нашей родзини под шатром, на остатнєй. Так почало мойо гранє на вешельох. После того сом грал и у єдним бенду у Новим Садзе, дзе зме були позберани даскельме зоз штреднєй електро школи. Потим зме сцели пробовац и зоз єдним колеґом зоз Вербасу, алє то препадло. У медзичаше Алексей Сивч и я почали грац у такволаней „ґайби” у Керестуре, дзе ше єден час зиходзела младеж у валалє – здогадує ше Кристиян як почала приповедка зоз „Пицикатом”, у хторим перше бул вон и Алексей, а познєйше достали и трецого члена, шпивачку Николаю Сивч. – Николая мала 13 роки кед почала з нами шпивац. Алексей бул фолклораш, а я ше ходзел ґу нїм дружиц. После того ше ишло до тей нашей „ґайби” и лапало ше чи ґитару, чи гармонику, та зме забавяли добру екипу хтора ше там зиходзела. Вец ми оцец купел звучнїки, клавиятури сом мал, однєсло ше то шицко до тей хижи и так настал бенд. Грали зме на журкох, родзених дньох, под шатрами, у кафичу, а єден час и кажди пияток у диску. Теди нас поволала єдна пара же бизме им грали на свадзби. Ми були „клинци”, грали зме дас рок-два, так же зме ше дакус и злєкли, бо кед бизме дацо „зезли”, погубели бизме свадзбу. Було нам ясне же то уж цошка озбильнєйше, же зме ище нє доросли такому, алє вони були упарти, нагваряли нас, та зме прилапели. Замодлєли зме Мирона Сивча же би нас порихтал, та зме у тей уж спомнутей „ґайби”

вежбали и рихтали ше за нашу першу свадзбу. После того нас и други почали волац – гвари Кристиян. БЕНД У МЕНШИМ И ВЕКШИМ СОСТАВЕ За тоти вецей як дзешец роки, у „Пицикату” ше зменєли даєдни члени, а тераз ше бенд и преширел. – Кед Николая престала з нами шпивац, придружела ше ґу нам Саня Полдруги, тераз Дивлякович. Познєйше Алексей почал шпивац у єдним бенду у Новим Садзе. Теди було ваганє чи ше заозбилїме, запнєме и будземе ше ище з тим занїмац, чи престанєме. Глєдали зме трецого члена, та нам Алексей предложел свойого оца Мирона, Винцриля як го шицки познаю. Думал сом же я за такого єдного професийного музичара „шалабайзер”, алє вон заш лєм прилапел и од теди є член „Пициката”. Од таких музичарох як вон мож вельо научиц, а ми тераз добри пайташе и колеґове. Наш бенд дакус дозрел, та маме и буґнара, то Янко 14. МАЙ 2021.

ljudze@ruskeslovo.com

Крайчик, басиста Александар Човс, а на ґитари грає Михаил Рамач, та тоти хтори нас анґажую можу виберац чи сцу „Пицикато” у меншим, чи у векшим составе. Тераз, док Саня нє роби, Танита Ходак з нами шпива. Нє лєгко отримовац проби кед у бенду єст вецей людзох, а окреме кед су зоз розличних местох, як ми. Зиходзиме ше лєбо у Новим Садзе у даяким приватним студию, лєбо вежбаме у Керестуре. Жанр музики хтори „Пицикато” грає остал исти, то руска музика, даяки сербски поп-рок, „благи народняки”, алє и то завиши од места до места дзе граєме, бо нє вшадзи любя исте. Я найволїм руску музику, алє ше дакеди розчаруєм кед ю людзе нє сцу, лєбо поведза же цо допиваме зоз тима рускима писнями. Медзитим, тиж так ме младеж остатнї час приємно нєсподзивала, бо кед им пойдзем грац на гармоники, сцу и знаю руски шпиванки – визначує Няради и додава же зоз „Пицикатом” наступал и у иножемстве, у Словацкей, Польскей, Горватскей, Нємецкей, Италиї... МУЗИЧАРЕ У ЧАШЕ КОРОНИ Гоч можебуц з боку нє випатра же то так, робота музичара нє лєгка. Грає ше дакеди и по дванац годзини, после свадзби ше такой рано бежи на бичак, а у валалє нє нєзвичайне и же ше гармоникаша, гоч и после полноци, зорве зоз сна же би пришол на даяке вешелє. На тото ше мушела звикнуц и Кристиянова супруга Клаудиа, зоз хтору є вєдно осем роки, а побрани су дакус вецей як рок. – Помирела сом ше же то його робота и зоз тим же сом на каждим вешелю сама, без пари, бо вон грає. Прилапела сом же то так, гоч ми спочатку було нєзвичайне, алє, ша, нє єдина сом – гвари Клаудиа, дефектолоґ у Дружтве за помоц МНРО „Белава птица” у Кули. – „Белава птица” ше вше баржей розвива, отвера и нови обєкти и нови услуги. Робела сом на нашим салашу як фахови роботнїк, вец сом прешла до дньового пребуваня як воспитачка, а робим и индивидуални третмани зоз дзецми. Пред тим сом закончела руску Ґимназию, нє лєм я, алє и мойо два шестри, Настася и Мартина, и шицки три зме ше после уписали на факултети. У Ґимназиї сом здобула добре знанє и професоре були барз добри ґу нам, а видзим же у нєшкайшим чаше маю и модернєйши приступ, односно, же нє маю вецей лєм тото класичне викладанє, алє уключую и школярох же би правели презентациї, цо думам же барз важне, бо ше и на таки способ пририхтує школярох на тото цо их чека на факултету – наглашує вона. Понеже пре корону прешлого, а и того року, одказани велї збуваня, то було вельке вдеренє и на буджет музичарох. Кристиян толкує же им вшелїяк хибя тоти „свирки”, алє тоту ситуацию, гвари, заш лєм баржей почувствовали гевти хтори жию лєм з музики, док його фамелиї заробок од музики додатни приход, понеже ше занїмаю и зоз продукованьом паприґи. Млада Нярадийова фамелия без роздумованя остала жиц на валалє, дзе себе справели и хижу, а майстор, за скоро шицко цо требало поробиц коло нєй, бул Кристиян. – Од почат ку нам єди на оп ция була ва лал. У Но вим Сад зе кра шнє, єст ве цей можлї во сци, алє на ва 14. МАЙ 2021.

Бенд у преширеним составе

ПИЦИКАТО ТО ЦОШКА ДОБРЕ Гоч даскельо раз наступал и на даєдних збуваньох у Доме култури, Кристиян гвари же го нє прицагує наступ на бини, та го прето и керує, а одгаднул нам и як настало мено „Пицикато”. – На „свирки” шицко мам под контролу, нє ма ше цо нєпредвидзене случиц. Кед забудзем трецу строфу, предлужим зоз нову шпиванку, а на наступу то так нє мож. Мено бенда „Пицикато” рушело праве зоз Дома култури, точнєйше од Чаму, хтори за дацо цо добре гуторел же то пицикато, та так и нам фоклораше гуторели же граєме – пицикато. Но, у музики пицикато то способ граня, „тарганє” струнох з пальцами на смикових инструментох – толкує вон.

Сам початок Пициката” ”

ла лє нам яко шик мил ше, мир нє й ше, окре ме кед ше поч нє ро здумо вац о фа ме лиї. Те раз ма ме и троме шач ну Ан то нию, ту нам и роди чи як помоц, а и дружтво оста ло у Ке ре сту ре – гва ри Клаудиа, а Кри сти ян ше на до вя зує: – Кед зме купели хижу, була до поли готова. Скоро шицко зме сами робели. Мулярски роботи ми дакус оцец поуказовал, дацо сом нашол на интернету, малярски роботи ми указал бачи, струя мой фах, та сом то знал, ґипсово плочи сом ше ту учел класц итд. Кус по кус, та пошло – толкує Кристиян, хтори на добре вихасновал тот период у корони кед нє було роботи и „преквалификовал” ше од музичара до езер майстра.■

РУСКЕ СЛОВО 25

informator@ruskeslovo.com ОСТАТНЇ ПОЗДРАВ Дня 6. мая преселєл ше до вичносци наш мили оцец и дїдо

ОСТАТНЇ ПОЗДРАВ Дня 6. мая преселєл ше до вичносци наш мили оцец, дїдо и прадїдо

ВЛАДИСЛАВ ПАШО (1933–2021) з Руского Керестура

ВЛАДИСЛАВ ПАШО (1933–2021) з Руского Керестура

Най це навики чуваю нєбесни ангели, а ми це вично будземе чувац у наших шерцох. Остала лєм цихосц и пражнїна. Твоя дзивка Геленка, жец Славко и унук Алексей Спочивай у мире Божим! ОСТАТНЇ ПОЗДРАВ Дня 27. априла преселєла ше до вичносци моя мила шестра

МАРИЯ ПАШО (1937–2021)

Красни памятки на це будземе чувац у наших шерцох. Твоя дзивка Сенка, жец Слободан, унук Стефан, и унука Теодора зоз супругом Миланом и дзивочку Миню Спочивай у мире Божим! ОСТАТНЇ ПОЗДРАВ

Дня 6. мая преселєл ше до вичносци мой шовґор

Дня 27. априла преселєла ше до вичносци наша шестра и нина

Дня 6. мая преселєл ше до вичносци наш шовґор

ВЛАДИСЛАВ ПАШО (1933–2021)

МАРИЯ ПАШО (1937–2021)

ВЛАДИСЛАВ ПАШО (1933–2021)

з Руского Керестура З любову и почитованьом памятки на нїх навики будзе Красни памятки у своїм шерцу на вас навики будзе чувац брат Славо Бучков зоз дзецми Татяну и Славком чувац брат Юлин Бучков и їх фамелиями Спочивайце у мире Божим! Спочивайце у мире Божим! з Руского Керестура

26 РУСКЕ СЛОВО

14. MAЙ 2021.

informator@ruskeslovo.com ОСТАТНЇ ПОЗДРАВ Нашим милим

МАРИЯ ПАШО (1937–2021)

ОСТАТНЇ ПОЗДРАВ Дня 1. мая преселєла ше до вичносци наша мила мац, баба и прабаба

МЕЛАНА ПАШО (1926–2021) з Руского Керестура

ВЛАДИСЛАВ ПАШО (1933–2021)

з Руского Керестура Красни памятки на Вас вше будзе чувац андя Мелана Бучкова зоз дзецми и їх фамелиями Спочивайце у мире Божим!

Навики будзеце у наших шерцох и молитвох. З любову и почитованьом найкрасши памятки на Вас буду чувац вашо наймилши – син Йовґен зоз супругу Веруну, унука Лидия, унук Владо зоз супругу Наташу, и праунуки Давид и Филип Спочивайце у мире Божим!

ОСТАТНЇ ПОЗДРАВ Дня 27. априла преселєла ше до вичносци наша нина

ОСТАТНЇ ПОЗДРАВ

Дня 6. мая преселєл ше до вичносци наш шовґор

МЕЛАНА ПАШО народзена Арваї (1926–2021) з Руского Керестура ВЛАДИСЛАВ ПАШО МАРИЯ ПАШО з Руского Керестура Красни памятки на Вас зоз почитованьом навики будзе чувац Сена Бучкова и єй дзеци зоз фамелиями Спочивайце у мире Божим! СМУТНЕ ЗДОГАДОВАНЄ Дня 12. мая 2021. року наполнєли ше штири роки як ме занавше напущела моя мила мац

З любову и почитованьом красни памятки на Вас навики будземе чувац у наших шерцох. Славка зоз супругом Ратком и Йовица зоз фамелию Спочивайце у мире Божим! НА ЗДОГАДОВАНЄ У маю того року ище єдна смутна рочнїца шмерци наших наймилших

ЛЮБА СИВЧ (1934–2017) з Дюрдьова ВЛАДКА (1995–2021)

МАРЧИ (1991–2021) Вично ожалосцени син Микола

14. МАЙ 2021.

Най спочива у мире Божим!

ПАСТЕРНАКОВИХ Памятку на нїх чуваю Пастернаково

РУСКЕ СЛОВО 27

informator@ruskeslovo.com ОСТАТНЇ ПОЗДРАВ Престало дуркац шерцо мойому супругови

ОСТАТНЇ ПОЗДРАВ Дня 2. мая преселєл ше до вичносци наш мили

ПЕТРО ГРУБЕНЯ (1945–2021)

ПЕТРО ГРУБЕНЯ (1945–2021) з Нового Саду Остала пражнїна у нашим обисцу. Най це ангели чуваю и спочивай у мире Божим! Твоя Марча

З любову и почитованьом найкрасши памятки на ньго буду чувац його наймилши. Син Мирко зоз супругу Наташу, унук Никола и унука Марина

ОСТАТНЇ ПОЗДРАВ Престало дуркац шерцо нашому милому оцови и дїдови

ОСТАТНЇ ПОЗДРАВ Наймилшому братови и стрикови

ПЕТРО ГРУБЕНЯ (1945–2021)

ПЕТРО ГРУБЕНЯ (1945–2021)

Вично будзеш у наших памяткох и шерцох! Дзивка Весна, жец Златко и унуки Мария и Ана Канюх

Милому жецови

ОСТАТНЇ ПОЗДРАВ

Навики останє у наших красних памяткох! Брат Янко зоз супругу Серафину и дзецми Маю и Зденку зоз фамелию

СМУТНЕ ЗДОГАДОВАНЄ Дня 7. мая наполнєли ше 40 жалосни днї як нас занавше зохабела наша мила мац

ПЕТРО ГРУБЕНЯ (1945–2021)

Навики останєш у наших красних думкох! Од Юлина, Верици, Звонка, Ивани и Андрея Молнар ОСТАТНЇ ПОЗДРАВ Mилому и почитованому сватови

ОСТАТНЇ ПОЗДРАВ Нашому сватови

ИРИНА КОВАЧ народзена Сабадош (1940–2021) з Руского Керестура ПЕТРО ГРУБЕНЯ (1945–2021) Сваха Мария Пап

28 РУСКЕ СЛОВО

ПЕТРО ГРУБЕНЯ (1945–2021) Фамелия Канюх

У молитвох и здогадованьох, твою любов, доброту и красни памятки на це вично будземе чувац. Твойо синове Славко и Звонко Спочивай у мире Божим! 14. МАЙ 2021.

informator@ruskeslovo.com ОСТАТНЇ ПОЗДРАВ Дня 2. мая 2021. року преселєла ше до вичносци наша мила мац, баба и прабаба

МЕЛАНИЯ ПЕРЕПЕЛЮК (1939–2021) з Руского Керестура

ОСТАТНЇ ПОЗДРАВ Дня 2. мая 2021. року преселєла ше до вичносци наша мила мац, баба и прабаба

МЕЛАНИЯ ПЕРЕПЕЛЮК (1939–2021) з Руского Керестура

Красни памятки на це будземе чувац у наших шерцох. Син Дюра, нєвеста Славка, унуки Ясминка и Мирко зоз фамелиями зоз Канади Спочивай у мире Божим!

У наших думкох и шерцох останєце занавше и нїґда вас нє забудземе. Син Славо, нєвеста Оленка, унуки Тияна и Келвин зоз фамелиями зоз Канади Спочивай у мире Божим!

ОСТАТНЇ ПОЗДРАВ Дня 2. мая 2021. року занавше нас зохабела наша мила шестра

ОСТАТНЇ ПОЗДРАВ Дня 2. мая преселєла ше до вичносци наша мила кума

МЕЛАНИЯ ПЕРЕПЕЛЮК (1939–2021) з Руского Керестура Красни памятки на це будземе навики чувац у наших шерцох. Шестра Фема, андя Гелена, брат Владо и шестра Гелена зоз фамелиями Спочивай у мире Божим! 14. МАЙ 2021.

МЕЛАНИЯ ПЕРЕПЕЛЮК (1939–2021) з Руского Керестура Навики ю будземе чувац у наших шерцох. Од старей куми Надьордьовей и кумчеца Ясни зоз супругом Николом и дзецми Спочивайце у мире Божим!

РУСКЕ СЛОВО 29

informator@ruskeslovo.com ОСТАТНЇ ПОЗДРАВ Дня 17. априла занавше нас охабел наш мили брат

ОСТАТНЇ ПОЗДРАВ

ОСТАТНЇ ПОЗДРАВ Мойому милому мужови

ЮЛИЯН КОВАЧ (12. IV 1936 – 27. IV 2021) Най спочива у мире Божим! Його супруга Маря Ковач, син Юлиян Ковач, нєвеста Тамара Ковач и унука Теодора Велї болї у шерцох остали. Смуток. Най це Господь Бог чува и шицки ангели!

ЮЛИЯН КОВАЧ (1936–2021) Одпутовал ши сам по драги єдного нового закона, дзе нєпотребни талант за щесце. Дзекуєм ци за живот, Божи дар! Остатнї поздрав од дзивки Марчи зоз дзецми Вичная памят!

ОСТАТНЇ ПОЗДРАВ Дня 27. априла, смутни дзень кед ше упокоєл и пошол до вичносци мой брат

ОНУФРИ ЦАП (1950–2021) з Коцура Памятку на його доброту вично будзе чувац брат Юлиян зоз супругу Марию и шестра Натала Надь зоз Вербасу Спочивай у мире Божим! ОСТАТНЇ ПОЗДРАВ Дня 17. априла занавше нас охабел наш мили бачи

ЮЛИН КОВАЧ (1936–2021) з Коцура Ожалосцени брат Яким зоз фамелию

Спочивай у мире Божим!

СМУТНЕ ЗДОГАДОВАНЄ Дня 16. мая наполнї ше 10 роки як ме зохабела моя мила супруга

ОНУФРИ ЦАП (1950–2021) з Коцура Памятку на його доброту вично будзе чувац Леона Сеґеди зоз мужом и дзецми и Славица Русковски зоз дзецми Спочивай у мире Божим! ОСТАТНЇ ПОЗДРАВ СВОЇМ РОДИЧОМ Милому оцови Милей мацери

МЕЛАНИЯ РУСКОВСКИ (1947–2011) з Коцура ВЕРУНИ ПОЛДРУГИ МИХАЛОВИ ПОЛДРУГОВОМУ (1920–2001) (1911–1971) з Коцура Най спочиваю у мире Божим! Їх дзивка Маря Ковач зоз сином Юлияном Ковач, Тамара и Теодора

30 РУСКЕ СЛОВО

З любову и почитованьом занавше будзем чувац памятку на це у своїм шерцу и думкох. Най це ангели чуваю! Твой супруг Микола Спочивай у мире Божим! 14. МАЙ 2021.

informator@ruskeslovo.com ОСТАТНЇ ПОЗДРАВ Дня 5. мая 2021. року после чежкей и длугей хороти, занавше престало дуркац шерцо и пошол до вичного живота наш мили син, брат и стрико

ВЛАДИМИР САЛАҐ (1960–2021) з Беочину

СМУТНЕ ЗДОГАДОВАНЄ Прешли 40 днї як нас занавше зохабела наша мила

ЗДЕНКА ФЕЙСА народзена Малїк (1947–2021) з Коцура

Мили наш, Нєбесни Оцец це вжал и олєгчал ци муки, нєт вецей болю за тебе. Чувай нам ше. Покля ми жиєме и ти будзеш жиц у наших шерцох. Спокойни будз, ангели най нам це чуваю. З вельку любову, найкрасши памятки на тебе, у своїх шерцох навики чуваю мац Ганя, брат Янко и Янково дзеци Мая и Ваня Спочивай у мире Божим!

Твоя любов и доброта навики будзе медзи нами и занавше оставаш у наших шерцох и каждодньових молитвох. У смутку за тобу остали швекра Мария, дзивка Вероника, син Ивица, жец Бранко, нєвеста Милка и унучата Николина, Антоний и Лука Спочивай у мире Божим!

ОСТАТНЇ ПОЗДРАВ Нашому милому братнякови и кумови

СМУТНЕ ЗДОГАДОВАНЄ СМУТНЕ ЗДОГАДОВАНЄ Дня 16. мая наполнї ше жалосни Мила бабо наполнї ше жалосни и рок як ши нас занавше зохабела боляци рок як ши вецей нє з нами и преселєла ше до вичносци

МАРИЯ ФА народзена Сабадош (1948–2020) з Руского Керестура Нїґда це нє забудземе. Твойо наймилши – син Владо и нєвеста Таня Спочивай у мире Божим!

МАРИЯ ФА народзена Сабадош (1948–2020) з Руского Керестура Твою любов, доброту и пожертвовносц нїґда нє забудземе. Твойо унуки Мирко и Мелиса зоз фамелиями Спочивай у мире Божим!

СМУТНЕ ЗДОГАДОВАНЄ На наших милих

ВЛАДИМИР САЛАҐ (1960–2021) з Беочину

МАРИЯ ОРОС народзена Сопка (16. X 1933 – 13. V 2019)

ЙОАКИМ ОРОС Лацкань (14. II 1932 – 9. V 2011)

Од шестринїци, братнякох и кумових Вичная му памят!

Мили родичи, з любову и почитованьом красни памятки на Вас чуваю вашо наймилши Спочивайце у мире Божим!

СМУТНЕ ЗДОГАДОВАНЄ Дня 6. мая наполнєли ше 12 роки як нас занавше зохабел наш мили супруг, оцец, швекор и дїдо

СМУТНЕ ЗДОГАДОВАНЄ Дня 13. мая наполнєли ше два жалосни роки як ше упокоєла наша мила мац, баба и прабаба

ДАНИЛ ГАРДИ (1951–2009) з Вуковару

Красни памятки на його любов, доброту, пожертвовносц навики останю у наших шерцох. Твойо наймилши Спочивай у мире Божим!

14. МАЙ 2021.

ЛЕОНА ХОМА народзена Малацко (1934–2019) з Руского Керестура

У своїх шерцох и молитвох памятку на ню чуваю єй наймилши Най спочива у мире Божим!

РУСКЕ СЛОВО 31

informator@ruskeslovo.com СМУТНЕ ЗДОГАДОВАНЄ Дня 6. мая наполнєли ше 2 роки як нє з нами наш мили кум

ЮЛИЯН НАДЬ (1944–2019) Мили куме, ти вична памятка у наших шерцох, нїґда це нє забудземе. Твоя кума Оля, Саша, Маряна, Давид и Адам Гербутово Спочивай у мире Божим!

ЦЕНОВНЇК КНЇЖКОХ НВУ “РУСКЕ СЛОВО”

OGLA[OVANW

e-mail: informator@ruskeslovo.com роботни дзень од 9-14 годзин число телефона 021/6613-697 069/673328

Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о поднєшеней вимоги за одлучованє о потреби преценьованя вплїву на животни штредок Ношитель проєкта „ЦЕНТЕР ЗА РЕЦИКЛАЖУ” Д.О.О. Беоґрад, Томе Буше 14 – Оддїл „Реґионални центер Нови Сад” Привреднїкова 3, поднєсла вимогу за одлучованє о потреби преценьованя вплїву на животни штредок проєкта „Звекшанє капацитета иснуюцого пошореня за третман – маґазионованє и знова вихасновйованє нєопасних одруткох” хтори ше находзи и улїци Привреднїкова 3, катастерска парцела 480/1 К.О. Нови Сад IV, Город Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110а, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду.

Городска управа за защиту животного штредку Городу Нового Саду, на основи члена 29. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о принєшеним ришеню же нє потребне преценьованє вплїву проєкта на животни штредок Ношитель проєкта „ҐЕПАРД - ВИС” Д.О.О. Нови Сад, Кочи Ивана число 2, хторого по ополномоцнєню заступа „ECOlogica Urbo” D.O.O. Краґуєвац, Сави Ковачевича 3/1 поднєсла вимогу за одлучованє о потреби преценьованя вплїву на животни штредок проєкта „Вибудов продукцийно-маґазинского будинку за продукцию ципелох зоз административну часцу поверхносци прижемє (П), и часц прижемє и поверхносц (П+1)” у улїци Руменацка драга бб на катастерскей парцели число 500/5, К.О. Нови Сад IV, Город Город Нови Сад. После запровадзеного поступку, Городска управа за защиту животного штредку дня 10. мая 2021. року принєсла ришенє число VI-501-222/21 же нє потребне преценьованє предметного проєкта на животни штредок. Увид до предметного ришеня мож окончиц у просторийох Городскей управи за защиту животного штредку, Руменацка 110 а, Нови Сад, роботни днї у чаше од 10 до 15 годзин, на сайту Городскей управи за защиту животного штредку www. environovisad.org.rs. Заинтересована явносц може виявиц жалбу процив того ришеня у чаше од 15 днї од дня його обявйованя у средствох явного информованя, по тим орґану.

МАЛИ ОГЛАШКИ ДИХТОВАНЄ облакох и дзверох. Щици од витру, жими, праху, галайку, инсектох. МОНТИРАМЕ: ■ РОЛЕТНИ

32 РУСКЕ СЛОВО

■ ГАРМОНИКОВО ДЗВЕРИ ■ ПАНТЛЇКОВО ДЗВЕРИ ■ МРЕЖИ ОД СУНЬОҐОХ ■ ВЕНЕЦИЯНЕРИ ■ ОПРАВКИ Телeфон: 025/5827-710, 060/5088-433

Мелания Римар: ХТО ЯК СЦЕ . . . . . . . . . . . . . . . . . . . . . .300 дин. Ясмина Дюранїн: ЖЕНОБЛОҐИЯ . . . . . . . . . . . . . . . . . . .300 дин. Михал Рамач: ПЕРЛИ ШВЕТОВЕЙ ПОЕЗИЇ . . . . . . . .300 дин. Янко Сабадош РОЗВАЛЯНИ САЛАШ . . . . . . . . . . . . . .300 дин. Дюра Латяк: РУСКЕ СЛОВО 1945–2020 . . . . . . . . . . . .300 ДИН. ДНЬОВКА 2 Зборнїк литературних и визуелних творох . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .300 дин. Славко Роман Рондо: З ВИДЛАМИ ДО ШИЇ . . . . . . . . .300 дин Славко Винаї: УРОВНЇ СВИДОМОСЦИ . . . . . . . . . . . . .300 дин Оленка Живкович: ТАНЬОВ ШВЕТ . . . . . . . . . . . . . . . . .300 дин Даниела Тамаш: СТРАШИДЛА, НЄ ЗАШМЕЮЙЦЕ МЕ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .300 дин Сашо Палєнкаш: ВСЕЛЕНСКИ КОРАБЕЛЬ . . . . . . . . .300 дин. РУСКИ ХРИСТИЯНСКИ КАЛЕНДАР 2021 . . . . . . . .500 дин. Мирон Жирош: ГОРНЇЦА БАЧВАНСКО-СРИМСКИХ РУСНАЦОХ (III/1 том) . . . . . . . . . . . . . . . . . . . . . .300 дин. Юлиян Тамаш: ТРИСКИ З ВЕЛЬКЕЙ ДУШИ . . . . . . .300 дин. Гавриїл Костельник: ЧЛОВЕК И ШВЕТ . . . . . . . . . . . . . 500 дин. Анамария Фурман и др Борис Варґа: БУКВАР . . . . . . . 300 дин. ГУМНО 2 Дзеци з дружтвених мрежох . . . . . . . . . . . . . .300 дин. Дюра Латяк: РУСНАЦИ (II том) . . . . . . . . . . . . . . . . . . .500 ДИН. Любица Фа-Гарди: ЯК ШЕ ТРОЙО ПРАШАТА РИХТАЛИ ЗА ЖИМУ . . . . . . . . . . .300 дин. Юлиян Тамаш: ЇЖИК ГОЛИК . . . . . . . . . . . . . . . . . . . . . .300 дин. Силвестер Д. Макаї: БОСИ ПО ПРАХУ . . . . . . . . . . . . . .300 дин. Ирина Гарди-Ковачевич: ЗА ГЛАВКИ У ЛАВКИ . . . .300 дин. РУСКИ ХРИСТИЯНСКИ КАЛЕНДАР 2020 . . . . . . . .500 дин. Славко Роман Рондо: ОДНЯТИ ОД ПСОХ . . . . . . . . . . . .300 дин

Покраїнски секретарият за урбанизем и защиту животного штредку, на основи члена 14. Закона о преценьованю вплїву на животни штредок („Службени глашнїк РС” чс. 135/04 и 36/09) обявює

ОБВИСЦЕНЄ

o приношеню ришеня обсягу и змисту студиї о преценьованю вплїву на животни штредок Покраїнски секретарият за урбанизем и защиту животного штредку дня 9.05. 2021. року, принєсол ришенє o обсягу и змисту Студиї о преценьованю вплїву на животни штредок за ПРОЄКТ Ремедияциї/ревитализациї Велького бачкого каналу зоз вибудову пошереня за третман нєопасних одрутког – Фаза I на к.п. чс. 1275/2, 1275/3, 1275/7, 1275/8, 1276/1, 1276/2, 1311, 1312, 1313, 3082/1, 3072/2, 3073/1, 3073/2, 3073/3, 3073/4, 3082/2, 3082/3, 3082/5, 3082/6, шицко у КО Вербас и 6574, 10872, 10753/1, шицко у КО Вербас Варош. Ношитель проєкта ЯВП „Води Войводини”, улїца Булевар Михайла Пупина чс. 25 зоз Нового Саду. Ришенє o обсягу и змисту Студиї о преценьованю вплїву на животни штредок за предметни проєкт мож мож достац на увид у просторийох Покраїнского секретарияту за урбанизем и защиту животного штредку Булевар Михайла Пупина 16 (прижемє канцелария чс. 39) на телефон 021/4874690 лєбо на мейл адресу olivera.vucinic@vojvodina.gov.rs и natasa.knezevic@vojvodina.gov.rs. Заинтересована явносц може виявиц жалбу на принєшене ришене у чаше од 15 днї од дня обявйованя того обвисценя. РЕПУБЛИКА СЕРБИЯ АВТОНОМНА ПОКРАЇНА ВОЙВОДИНА ГОРОД НОВИ САД Городска управа за заєднїцки роботи Улїца Жарка Зренянина чс. 2 21000 Нови Сад Телефон: 021/529-770

ОБВИСЦЕНЄ

О обявйованю Явного конкурса за пополньованє окончуюцих роботних местох на нєодредзени час у Городскей управи за заєднїцки роботи Городу Нового Саду Роботне место: финансийно-

рахунководски референт, 1 окончователь на нєодредзени час, хторе розпоредзене до роботного места висши референт и окончователь за оперативноаналитични роботи у обласци явних набавкох 1 окончователь на нєодредзени час хторе розпоредзене до роботного места совитнїк. Текст явного конкурса за пополньованє наведзеного роботного места мож превжац на интернет презентациї Городу Нового Саду: http://www.novisad.rs/. Городска управа за заєдїнцки роботи Городу Нового Саду

14. МАЙ 2021.

sport@ruskeslovo.com

КОГУЦИКИ И МЛАДШИ ПИОНИРЕ ФК „РУСИН” ОТРИМАЛИ СТРЕТНУЦЕ

ПРАВИ ФОДБАЛСКИ ДЗЕНЬ Прешли викенд, пияток, 7. май, прешол у духу фодбалу, кед ше на Ярашу у Руским Керестуре зишло скоро 100 дзеци возросту од 1. по 6. класу сновней школи и одбавели даскельо стретнуца процив своїх парнякох зоз ФК „Младосцˮ Апатин

М

ладши Русиново пионире, дзеци возросту 5. и 6. класи основней школи, одбавели свойо треце коло Розвойней лиґи младших пионирох, док когуцики, дзеци возросту од 1. по 4. класу основней школи, одбавели даскельо приятельски стретнуца. Свойо схопносци з лабду на терену перши указали когуцики, подзелєни до двох ґрупох. Перше наступела младша екпа 1. и 2. класи, а потим и старши. Дзеци бавели два раз по 15 минути, на скраценим терену, а як гварел їх тренер Сани Колошняї, циль їх бавискох же би розвивали спортски дух и же би цо вецей усовершовали технїку бавеня, а сам резултат нє на першим месце. З ДОБРУ ДЗЕКУ ҐУ УСПИХУ – У нашей ґрупи когуцикох єст 35-ецеро дзеци, а на нєшкайшим стретнуцу патрели зме же би ше каждому указала нагода висц на терен, алє зме заш лєм предносц давали тим цо ше вецей намагали на тренинґох, тим цо напреднєйши, понеже зме бавели процив моцних процивнїкох, процив дзецох хтори пришли зоз квалитетней школи фодбалу. Задовольни сом як нєшка дзеци одбавели, упарти су, слухаю, цо и найважнєйше, а з часом буду и резултати вше лєпши – гварел тренер Сани Колошняї, хтори свою улогу тренера окончує як волонтер. Шицко ше роби волонтерски, фодбал ше нє плаци, лєм опрему, а копачки и дреси треба дзеци же би себе обезпечели, за гевто ше остара Клуб, та аж и превоженє орґанизоване, з векшей часци. – Тренинґи затераз маме вовторок и штварток, и так будзе по лєтни школски одпочивок, цо за таки возрост цалком досц же би дзеци нє були преобтерховани, гоч би вони сцели тренирац и частейше. През викенд вец орґанизуєме даяки приятельски стретнуца, а циль нам же би дзеци мали цо вецей искуства на терену, же би розвивали спортски дух и справованє, же би були дисциплиновани и знали почитовац процивнїка – толкує Колошняї, и додава

14. МАЙ 2021.

же заинтересовани дзеци ше и далєй можу приключиц ґу когуциком. Шлїдуюце стретнуце когуцики одбавя у Оджаку процив екипи „Текстилац”, и то будзе їх перше госцованє. РОЗВИВАНЄ ТЕХНЇКИ БАВИСКА После двох змаганьох когуцикох, на терен вишли и младши пионире, школяре 5. и 6. класи основней школи, хторих тренираю Зденко Шомодї и Деян Йолич. И тренер Шомодї потвердзел же на таких стретнуцох резултат нє найважнєйши, алє розвиванє технїки бависка, упознаванє зоз свою позицию, правилне рушанє по терену... Но заш лєм, як гвари, векшу схопносц и утренираносц указали госци з Апатину. – Госци ше указали як моцни, квалитетни процивнїки, но їх екипа заш лєм искуснєйша и численша. Ми маме у єдней екипи 10-ерих хлапцох, док вони три раз вецей. Нашо дзеци тренираю лєм 3 мешаци, а процивнїки уж назберали искуства од коло 5 роки. Же би дзеци звладали даяки основни ствари як цо – схопно прияц лабду, точно ше поставиц и правилно рушац по терену, будзе им требац коло 18 мешаци, но алє зоз упартосцу и дисциплину, резултати сиґурно нє виостаню – гвари тренер Шмодї. Найблїжей по квалитету процивнїком, були пионире у другим стретнуцу, понеже одбавели два, окреме у першим полчасу кед резултат бул 1:0 за госцох. У єдней хвильки пришло до виєдначеня резултату, а ґол за Русин дал Андрей Чижмар. Медзитим, у другим полчасу русиновци дакус попущели з енерґию, та з благу предносцу почали водзиц Апатинци. Нашим хибел и єден важни бавяч, Валентина Кочиш. Но и попри того змаганє квалитетно одбавене, а пионире з искуством вецей, такой шлїдуюцого викенду одбавели стретнуце, тиж як и когуцики, процив екипи „Текстилац” з Оджаку.■ Ан. Мeдєши

РУСКЕ СЛОВО 33

СПОРТ ОТРИМАНЕ ОКРУЖНЕ АТЛЕТСКЕ ПЕРШЕНСТВО У ЗОМБОРЕ

МАТЕА ЮГИК И ИВОНА РАЦ ИДУ ДАЛЄЙ На Окружним школским атлетским першенстве, хторе отримане штварток, 29. априла, на Городским стадиону у Зомборе, участвовали и 19 школяре од 2. по 6. класу Основней школи „Петро Кузмякˮ з Руского Керестура, а на Войводянске школске атлетске першенство пласовали ше Матеа Югик и Ивона Рац. Так Матеа Югик 1. место освоєла у дисциплини руцанє кулї, а тиж 1. место освоєла и Ивона Рац у дисциплини скаканє до висока. Други места завжали – Емина Няради у скаканю до далєка, Теодор Штранґар у дисциплини скаканє до висока, а Марко Колошняї у руцаню кулї, док Фото. В. Тиркайла треци места у дисциплинох руцаня кулї припадли Марияни Сивч и Адриянови Гардийови. На змаганю участвовали коло 250 дзеци зоз школох ца- подруцели з резултатами, цо нє значи же их нє годно вилого Заходно-бачкого округу, а школярох з керестурскей правиц – гварела тренер Саня Еделински. За першопласованих, штредком мая, будзе отримане Вошколи водзели и пририхтали тренере Саня Еделински и й во дянске школске атлетске першенство и то будзе конєц помоцнїк тренера Валентина Тиркайла. школ ских атлетских першенствох, та керестурских атле– З резултатами наших дзецох сом нє подполно задовольна, а тото цо им хибело то дакус вецей борбеносци и тичарох потим обчекую змаганя у Атлетским клубу „Русин”. кондицийни пририхтованя. Зоз саму орґанизацию Окружного першенства и школяРобели зме цалу жиму, но нажаль, пре хвилю зме нє море и тренере були задовольни, а змаганє отримане у складгли висц и тренирац на отвореним, так же технїка була зе зоз запровадзенима епидемийнима мирами. Ан. М. звладана, алє им хибело кондициї. Можебуц прето дакус

ТРЕЦА РУКОМЕТНА ЛИҐА СИВЕР „СИВЕР”

ЗА 5 МИНУТИ РИШЕЛИ ХТО БУДЗЕ ПОБИДНЇК РК „Русинˮ – РК „Обиличˮ (Нови Кнежевац) 40:33 (19:10)

Русин наступел у составе – Неманя Стойков (1), Иван Рац (2), Славко Гербут (8), Борис Югик (5), Мирослав Виславски, Владимир Мудри, Владислав Салаґ (3), Петар Пирожек, Иґор Варґа (2), Давор Хома (1), Виктор Микита (5), Филип Орос (6), Филип Тома (7) У 11. колу Трецей рукометней лиґи Сивер „Сивер” рукометаше Русина всоботу, 8. мая, у Спортскей гали стретли ше РК „Обилич” з Нового Кнежевцу. Стретнуце почало ровноправно, як ше гутори „ґол за ґол”. Хвильково госци

34 РУСКЕ СЛОВО

на остатнїм месце, та ше обчековала сиґурна побида Русина. Но, тото требало потвердзиц и на терену у Спортскей гали. Як ше цек стретнуца одвивал, було заш лєм ясне же хто ту фаворит, и же боди найвироятнєйше останю у Керестуре. При самим концу першого полчасу, Русин направел значну розлику, хтору отримал по конєц змаганя. У остатнїх минутох першого полчасу, бавяче Русина бавя без гришки, и од резултату 12:10, конєц пешрого полчасу закончени зоз прешвечлївих 19:10 на свой хасен. У тей хвильки, як и през цали час стретнуца, найрозположенши бул капитен Гербут, як и Орос и Тома Филип. Треба похвалїц и вше стандарднєйших, младих, Микиту и Югика. Кед ше посцигнє таки резултат у першим полчасу, друга часц змаганя за добри екипи лєм формална. Шицки бавяче Русина достали одредзену минутажу, цо у таких змаганьох права нагода за бавячох хтори менєй бавя, и наступаю у першенствених змаганьох, за розлику од стаємних першотимцох. У тей хвильки рукометаше Русина дзеля 3, односно 4. место зоз рукометашами „Сивец 69”, а у шлїдуюцим 12. колу русиновци госцую у Ґакове, дзе одбавя змаганє процив Ґраничара, лидера на таблїчки. Ан. М. 14. МАЙ 2021.

sport@ruskeslovo.com

ПОДРУЧНА ФОДБАЛСКА ЛИҐА СУБОТИЦА

ИСКРОВА ПОБИДА

ФК „Искра” – ФК „Напредак” (Надаль) 3:1(2:1) Коцур: Стадион ФК „Искра”. Ґоли за Искру: Милош Чурґуз 2, Лазар Ваяґич ИСКРА: Ступар (Скубан), Л. Ваяґич (Ґубаш), Барович (Дрляча), Дякович (Лукич), Колошняи, Човс, Иван, Сталевич (Николич), Д. Ваяґич, Чурґуз и Дакич Искра внєдзелю, 2. мая, на домашнїм терену дочекала Напредак зоз Надалю, трецопласовану екипу на таблїчки и мала имератив побиди, понеже ше бори за оставанє у лиґи. На щесце, госци пришли у ослабеним составе, та Искра и без даскелїх стандардних бавячох освоєла три боди. Домашнєй екипи стретнуце добре почало, а после 5 минутох бависка Искра уж мала предносц. Єдну добру акцию успишно закончел найискуснєйши Искров бавяч Милош Чурґуз, та велї на стадиону подумали же коцурски фодбалере без векших проблемох освоя важни 3 боди. Медзитим, Напредак у 10. минути сцигол виєдначиц. Искров штопер Дякович безпотребно направел фаул у своїм каребним просторе, та судия оправдано досудзел пенал за госцох, а исти и успишно реализовани. После того ґолу бавело ше углавним на стредку терена без конкретних шансох за ґол. Заш лєм, Искра на одпочивок пошла зоз предносцу, понеже Лазар Ваяґич вихасновал єдну полу шансу и дал ґол.

Госци на тото госцованє до Коцура пришли зоз 11 бавячами и без резервох, та ше у другим полчасу вше вецей чувствовало же бавяче Напредку маю вше менєй кондициї. У другим полчаше Искра була вельо лєпша, бавяче творели вше вецей шанси, алє лабда нє сцела до ґолу. Хто будзе побиднїк ришел Чурґуз у 85. минути, котри приял лабду на коло 20 метери од ґолу, вошол до каребного простору и зоз 15 метерох потрафел сам угел ґола и поставел конєчни резултат. После 24 одбавених колох у Подручней лиґи Суботица Искра на 12. месце на таблїчки и потераз освоєла 25 боди. За Искру барз значне стретнуце у шлїдуюцим колє у котрим будзе госцовац у Малим Идьошу дзе будзе бавиц процив остатнєй екипи на таблїчки, екипи Едьшеґу. З. К.

ОЧЕКОВАНИ ТРИ БОДИ У ГОСЦОХ ФК „Едьшеґ” (Мали Идьош) – ФК „Искра” 1:3 (1:0)

Мали Идьош: стадион ФК „Едьшеґ”. Ґоли за Искру: Дюрич 2 и Бокан ИСКРА: Ступар (Ступар), Ваяґич (Лукич), Барович, Ґубаш (Сталевич), Дякович, Пердух, Човс (Стоянович), Иван, Дюрич, Бокан, Дакич (Колошняи) Искрово госцованє у Малим Идьошу було можебуц и пресудне у борби за оставанє у лиґи, понеже домашнї Едьшеґ остатнї на таблїчки и кед Искра на даєдним госцованю очековала шицки три боди, то було праве на тим змаганю. Искра до того змаганя вошла у досц вименєним составе у котрим даєдни бавяче нє бавели на природних позицийох и то ше почувствовало у бависку. Медзитим, и зоз таким бависком Искра була екипа котра мала инциятиву и котра творела шанси дац ґол. Же хто будзе побиднїк могло ше знац уж у першим полчаше, понеже коцурски фодбалере премахли даскельо добри шанси за ґол, а два раз потрафели и рамик ґола. Капитен Искри Дамир Ґубаш после єдней наруценей лабди добре бил зоз главу, медзитим, лабда потрафела греду. Греду, алє зоз шлєбодного бица, потрафел и Барович. Перши до предносци на тим змаганю, заш лєм, 14. МАЙ 2021.

пришли домашнї. Бавела ше 32. минута кед Ваяґич страцел лабду на своєй половки и оможлївел центарфорови Едьшеґу же би вишол сам опрез ґолмана, котри тоту нагоду вихасновал. У другим полчаше тренер Искри направел даскельо вименки котри Искри принєсли лєпше бависко и позитивни резултат. Искра вировнала резултат у 76. минути, а стрилєц бул Дюрич котри ше найлєпше знашол у єдней гужви у каребним просторе. Як ше приблїжовал конєц змаганя, так ше вше вецей обачовала велька розлика у физичней пририхтаносци двох екипох. Домашнї мали вше менєй моци бранїц ше, а Искра вше вецей прицискала на ґол Едьшеґа. То єй ше виплацело у 81. минути кед Дюрич дал свой други ґол, а Искри принєсол предносц. Хто будзе побиднїк – ришел Бокан у 90. минути и поставел конєчни резултат. У Подручней лиґи Суботица потераз одбавени 25. кола, а Искра на 12. месце на таблїчки и потераз освоєла 28 боди. На нєдзелю Искру очекує ище єдно важне змаганє процив Пролетеру зоз Нєґошева, а Искра би зоз нову побиду направела вельки крочай ґу цилю, а то оставанє у лиґи. З. К.

РУСКЕ СЛОВО 35

СПОРТ

ПОДРУЧНА ФОДБАЛСКА ЛИҐА ЗОМБОР

ТРИ ТИЖНЇ – ПЕЙЦ КОЛА ФК „Русин” – ФК „Будучносц” (Параґе) 2:3 (1:2) Русин наступел у составе – Калинич, Кочиш (Тома), Голик, Ланчужанин, В. Вуйович, Павлович (Чернок), Ф. Вуйович, Даноєвич (Дюканович), Кулич, Бранкович (Джуджар), Саянкович, а ґоли за Русин дали – Душан Даноєвич и Срдян Дюканович. У 26. колє Подручней фодбалскей лиґи Зомбор, хторе отримане внєдзелю 2. мая, ФК „Русинˮ одбавел дома процив ФК „Будучносц” зоз Параґох, а з резулатом 2:3 (1:2). Фодбалером Русина ше у тим колє нє Фото: ФК „Русин” поспишело вибориц приключок за место хторе на концу першенства оможлївює бараж за пополнєнє Войводянскей лиґи. Стретнуце мож домашнїх запискани ище єден пенал, дзе було очиглядне оценїц зоз високу оцену, дзе госци як другопласована хто ма у тим стретнуцу победзиц. Два пенали процив екипа мали вецей конкретнєйши нагоди, як и вецей спорт- Русина нє пискани у цалей єшеньскей часци, а нє на ского щесца. Вони свойо нагоди вихасновали, док ше єдним змаганю. Же би ше ситуация ище баржей закомплидомашнї досц „трапели” дзе од коло 6,7 шлєбодних бицох, ковала, Боян Голик як капитен, достава червени картон, пре „нєспортске справованє” односно пригварку, док тиж зоз коло 20, 25 метерох, нє потрафели анї раз сам ґол. Госци свой перши ґол дали прейґ правого кридла, скоро пре „нєспортске справованє” пейцме бавяче Русина зоз мертвого кута, нєодлуга, борбени Павлович зоз лївого доставаю жовти картон, цо нє характеристика тих бавябоку моцно биє до горнєй греди од хторей ше лабда одби- чох, з оглядом на бависка през цалу сезону. ва до Даноєвича, а хтори потим виєдначує резултат. ФК „Русинˮ – ФК „Станишич 1920ˮ 0:0 Минуту пред концом першого полчасу госци даваю и други ґол. Русин наступел у составе – Калинич, Тома, У другим полчасу, госци чуваю резултат. Шлїдзи напад прейґ Филипа Вуйовича, лабду додава Дюкановичови, и Джуджар (Чонка), Ланужанин, Малацко, Павлович, Ф. Вуйович, Будински (Ковачевич), Кулич (Надь), резултат ознова виєдначени. Кед ше обчековало ище єден ґол за Русин, госцуюци Дюканович (Чернок), Саянкович (Иличич) Внєдзелю, 9. мая, у 28. колу Подручней фодбалскей троме бавяче виходза опрез домашнього ґолмана, помоцни судия нє дзвига заставку же офсайд, та з тим посциг- лиґи Зомбор, у Руским Керестуре, госцовал лидер на таблїчки, екипа зоз Станишичу. Русиново процивнїки уж нути и конєчни резултат. сиґурни член Войводянскей лиґи, так же внєдзелю нє укаФК „Задруґар” (Сербски Милетич) – ФК „Русин” 3:1 зали шицко цо знаю. Одпочатку було видно же зоз бодом буду задовольни и єдни и други. Госци на даскельо заводи (1:1) загрожели ґол домашнїм, но початни резултат ше нє преРусин наступел у составе – Калинич, Тома (Чонка), менєл. Першопласованей екипи зоз Станишичу ше нє Голик, Ланчужанин, В. Вуйович, Павлович, Ф. удало пребиц тварду охрану Русина, змаганє було динаВуйович, Малацко, Кулич, Бранкович, Саянкович мичне, зоз мало нагодами з обидвох бокох, а госци у 20. минути, зоз претаргнуцом, потрафели горню греду. (Будински) Свойо 27. коло Русин одбавел у госцох, у Сербским Русиново бавяче ше досц добре тримали и нє допущовали процивнїком же би розвили бависко, а при концу перМилетичу, стреду, 5. мая, процив домашнього Задруґара. Понеже домашнї при самим сподку на таблїчки, кажди шого полчасу екипа Русина мала и єден контранапад бод им вельо значи, за розлику од Русина хторому нагоди хтори нє реализовани зоз ґолом. На початку другого полчасу госци почали прицискац, стваряли добри нагдои, за бараж „прекоцкани”. Од самого початку стретнуца, було видно же ше домаш- алє заш лєм добра охрана нє допущела преход по штреднї добре „порихтали” освоїц 3 боди. Комплетна екипа ку. На нєдзелю, 16. мая, Русин одбави змаганє на Ярашу Русина добре отворела партию. Уж у 18. минути, вше лєпши Филип Вуйович дава водзаци ґол за Русин. После процив „БСКˮ Бачки Брестовец, а змаганє почнє на 17 того шлїдзи пенал за домашнїх, потим жовти картон, а вец годзин и 30 минути. А. Медєши и червени, и резултат виєдначени. У другим полчасу, за

36 РУСКЕ СЛОВО

14. МАЙ 2021.

sport@ruskeslovo.com

ОПШТИНСКА ФОДБАЛСКА ЛИҐА ШИД

На стретнуцох 14. кола Општинскей фодбалскей лиґи Шид, ОФК „Бачинци” на своїм терену декласовали ОФК „Бинґула” зоз аж 6:0. Напредак з Вашици на госцованю у Люби победзел Єдинство зоз 5:0, Борец з Илинцох на госцованю у Моровичу победзел Єдинство зоз 3:2, а Синдєлич у Ґибарцу з 3:2 победзел Омладинєц з Батровцох. Шлєбодна була екипа Ґраничар. На таблїчки Напредак перши ма 34 боди, ОФК „Бачинци” други зоз 33 бодами, Синдєлич треци ма 23 боди, Ґраничар штварти зоз 14 бодами, Омладинєц пияти ма 13 боди кельо маю и Єдинство (Лю), на шестим и Єдинство (М), на седмим месце. Борец тераз осми зоз седем бодами, а остатня, дзевята ОФК „Бинґула” зоз шейсцома бодами. У 15. колє на нєдзелю Борец дочекує ОФК „Бачинци”, Напредак будзе бавиц процив Ґраничара, а Омладинєц дочека Єдин-

Фото: Владислав Папуґа

БАЧИНЧАНЄ ДЕКЛАСОВАЛИ БИНҐУЛЧАНЬОХ

ство (М). ОФК „Бинґула” будзе бавиц процив Єдинства (Лю), а шєбодна екипа Синдєличу. Вл. Дї.

МЕДЗИОПШТИНСКА ФОДБАЛСКА ЛИҐА СРИМ, ҐРУПА ЗАХОД

ПОДРУЧНА ФОДБАЛСКА ЛИҐА НОВИ САД

ДВА ПОБИДИ БИКИЧАНЬОХ

ГОСЦИ У ОДЛИЧНЕЙ ФОРМИ

У 24. колє Медзиопштинскей фодбалскей лиґи Срим, ґрупа Заход, хторе позарядово бавене стреду, 28 априла, фодбалере ОФК „Бикичу” победзели дома Ґраничар з Кузмину зоз 2:1, беркасовски Сримец у Шидзе победзел Єдноту зоз 4:1, Ердевик и Сримец (Я) бавели 1:1, Обилич 1993 страцел дома у Куковцох од Фрушкей Гори зоз 3:2, Слоґа (Ч) и Трґовачки бавели 0:0, Єдинство (Р) победзело Фрушкогорец зоз 2:1, Зека Булюбаша и Змай бавели 2:2, а Ґраничар у Адашевцох победзел Шлєбоду зоз 2:0. У 25. колє, хторе бавене внєдзелю (2. мая), ОФК „Бикич” у Ярку победзел Сримец зоз 2:1, а Сримец з Беркасова дома страцел од Ердевику 2017 зоз 3:2, ФК „Обилич 1993” на госцованю победзел Ґраничар (К) зоз 3:1, Фрушка Гора победзела Слоґу (Ч) зоз 6:0, Трґовачки бул лєпши од Шлєбоди и победзел зоз 2:1, Фрушкогорец декласовал Єдноту зоз Шиду зоз 5:0, Єдинство (Р) победзело на госцованю у Ночаю Змай зоз 2:1, а Ґраничар (А) на госцованю победзел ФК „Зека Булюбаша” зоз 2:1. 14. MAЙ 2021.

На таблїчки Фрушкогорец и далєй перши зоз 58 бодами, Єдинство друге зоз 51 бодом, ФК „Обилич 1993” треци зоз 49 бодами, кельо ма и Ґраничар (К) на штвартим месце. ОФК „Бикич” пияти зоз 48 бодами,Фрушка Гора шеста зоз 44, Сримец (Б) седми зоз 43 бодами, Змай осми ма 36 боди, Ґраничар (А) дзевяти зоз 35, а Зека Булюбаша дзешати ма 33 боди. Ердевик 2017 єденасти зоз 27 бодами, Трґовачки дванасти ма 26 боди, а Шлєбода тринаста ма 25 боди. Сримец (Я) штернасти зоз 16 бодами, Слоґа предостатня, петнаста зоз 8 бодами, а Єднота остатня, шеснаста зоз пейцома бодами. У 26. колє на нєд зелю, ОФК „Бикич” дочекує Сримец (Б), ФК „Ердевик 2017” привита Фрушкогорец, ФК „Обилич 1993” будзе бавиц процив Сримцу (Я), Слоґа (Ч) дочекує Ґраничар (К), Шлєбода дочекує Фрушку Гору, а Єднота домашня Змаю. Єдинство (Р) дочека ФК „Зека Булюбаша”, а Ґраничар (А) домашнї Трґовачкому. Вл. Дї.

ФК „Бачка 1923” – ФК „ТСК” (Темерин) 0:4 (0:1) ДЮРДЬОВ: стадион ФК „Бачка 1923”, судия на стретнуцу бул Срдян Станич зоз Будисави. БАЧКА: Неманя Иґнїч, Сивчевич, Чирин, Д. Тривунович, Калайджич, Н. Тривунович, Ненад Иґнїч, Балоґ, Максимович, Деянович, С. Тривунович (Топчиов) На прешлонєдзельовим стретнуцу у Дюрдьове, екипа зоз Темерину потвердзела прешвечлїви квалитет и одличну форму. Прето и заслужено победзели зозо високим резултатом На перши ґол чекало ше двацец минути и то було одличне бице госцуюцого бавяча нападу Томича, хтори на ґол бил зоз коло двацец метерох и потрафел горнї угел Иґнїчового ґолу. То бул резултат з хторим ше пошло на одпочивок. Дюрдьовчанє ище вше мали надїю же годни дацо пременїц, злєпшац бависко и вецей загрожовац госцох. У другим полчасу тренер госцох Александар Милькович направел добри пременки бавячох хтори у предлуженю дали ище три ґоли – у 68, 76. и при самим концу стретнуца у 87. минути. Бачка найлєпшу шансу мала у 83. минути, кед судия пискал пенал. Бице зоз билей точки нє реализовал капитен Бачкей Стефан Деянович. Прето капитен госцуюцей екипи Неманя Милосавчєвич, седем минути при концу стретнуца з ефектним бицом зоз главу и штварти раз звладал ґолмана Иґнїча. Темеринцом то була шеста побида за шором у тей часци першенства. После одбавених 27 колох ФК „Бачка 1923” мала по дзевец побиди, нєришени и страцени стретнуца. Тераз є на 14. месце на таблїчки зоз 36 бодами. Шлїдуюце, 28. коло, Подручней фодбалскей лиґи Нови Сад, бави ше на стреду, 12. мая. Бачка будзе госц на терену екипи ФК „Шайкаш 1908”. А. П.

РУСКЕ СЛОВО 37

ИНТЕРМЕЦО

ГОРУЦИ ТЕПШИ Александар Паланчанин

Округли поґач

Потребне: ■ 3 деци млєка ■ 2 деци води ■ лошка цукру ■ лошка солї ■ пол деци олєю ■ сухи квас ■ масло або марґарин ■ вайцо ■ лєново нашенька и сусам ■ кила муки

1.

2.

38 РУСКЕ СЛОВО

Поступок: До лїтного млєка положиц цукер, квас, ложку муки и вимишац. Охабиц 10 минути. Додац лїтну воду, олєй, соль и муку. Виробиц добре цесто, премасциц го зоз олєйом и охабиц же би цесто наросло. Масло або марґарин порезац на 6 часци, єдну часц охабиц за премасцованє тепши. Цесто подзелїц на 6 часци, кажде цесточко розогнац и на ньго потрец єдну часц марґарину и так повториц и зоз другима цесточками и складац єдно на друге. Таки наскладани цеста (слика 1) розогнац же би було цо длуговастейше и круциц як ролат (слика 2). Одрезац конци од хторих ше на концу до штредку направя ружички. Таке закруцене цесто резац як на єден палєц и складац до помасценей тепши зоз марґарином. До круга складац (слика 3), а до штредку направиц од цеста ружички. Премасциц поґач зоз витрепаним вайцом. По верху посипац зоз лєновима нашеньками и сусамом. Печиц на 200 ступнї док нє почервенї.

3.

14. МАЙ 2021.

rusmak.ruske@gmail.com

ГОРУЦИ ТЕПШИ

Пририхтали: Лю. Цвеїч и Т. Салонтаї

Мария Бауцал, Вербас

Кокосов ролат

Тот ролат ше рихта без печеня. До шерпенки положиц чоколаду, цукер, какао, млєко и на шпоргету поцихи розпущиц. Потим тото усипац до кексох, Потребне: добре розмишац и розогЦесто: нац зоз роз■ 300 ґрами зомлєти валку на кекси паперу за ■ 150 ґрами мелкого печенє. цукру М арґарин, ■ 100 ґрами чоколади кокос и ■ 2 ложки какаа мелки цукер ■ пол шольки млєка вимишац и премасциц Фил: перше цесто ■ 150 ґрами марґарину и помали ■ 100 ґрами кокосу закруциц до ■ 150 ґрами мелкого ролату. цукру

Китайски чевап Шицки состойки змишац же би ше єднак шицко помишало. Охабиц их у Потребне: ■ 500 ґрами зомлєтого швиньского меса ■ 3 вайца ■ 2 децилитри млєка ■ пращок за печенє ■ 6 ложки муки ■ цибуля натарта (штреднєй велькосци) ■ попер, веґета, соль по смаку

14. МАЙ 2021.

фрижидеру 2 годзини. Виберац зоз ложичку и пражиц на горуцим олєю.

РУСКЕ СЛОВО

39

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ

НВУ „РУСКЕ СЛОВО”, ВИДАВАТЕЛЬНА ДЇЯЛНОСЦ

РОК LXXVII ЧИСЛО 19-20 (3940-3941) НОВИ САД, 14. МАЙ 2021.

ВИШЛИ ТРИ НОВИ КНЇЖКИ

ЦЕНА 30 ДИНАРИ

адреси Футожска 2, ІІІ поверх (од 9 до 14 годзин) и на телефон 021 6613 697; у Руским Керестуре у будинку да кеди шнєй Дру кар нї на 2. по вер ху и на теле фон 025 703 311, од 9 по 13 годзин. Тиж нашо кнїжки мож купиц и у трафики у нашей церкви у Новим Садзе. Кнїж ки „Руско го сло ва” мож на ру чиц и у онлайн кнїжкарнї https://knjizkiporuski.com на сайту Руского слова. Б. В.

ОГЛЯДНУЦЕ НА ПРЕШЛОСЦ

Фотоґрафия: 0366P

Фотоґрафия: 0361P

оволуєме читачох новинох „Руске слово” же би помогли препознац особи на старих фотоґрафийох. Пре точне идентификованє особох на слиП кох, хтори маю окремну музейну вредносц, потребна помоц од ширшей явносци. Шицки фотоґрафиї настали у дакедишнєй фотоґрафскей роботнї Бруґошових у Руским Керестуре. Кажду фотоґрафию ше подпише зоз одредзену шифру, та кед же препознаце даєдну, лєбо вецей особи на фотоґрафиї, модлїме Вас же бисце явели до Заводу за културу войводянских Руснацох на число телефона 021/654-65-34, лєбо на мейл: zavod.rusini@gmail.com.

Даєдни фотоґрафиї обявюємє вецей раз, понеже за нїх дотераз нєт нїяки податки.

Завод за културу войводянских Руснацох ма нове число телефона 021/654-65-34

Фото: Наташа Кисич

Редакция видавательней дїялно сци Но вин ско-ви да ватель ней установи „Руске слово” обявела у апри лу ище три но ви кнїж ки – писнї за дзеци, популарну прозу и преклад шветовей поезиї. Уж мож ку пиц кнїж ку по пу лар них бло ґ ох-колум нох Ясми ни Дю ра нїн „Же но бло ґ Ия”, а за дзе ци кнїж ку пи снь ох за на й млад ших Мела ниї Ри мар „Хто як сце”, зоз илустра ци я ми Па вли ни Шепински. Обидва кнїжки обявени дзе к у ю ц и п о т р и м о в к и а н о ним но го до нато ра, котри та рґ ує зоз Ки та й ом. Преклади познатого новинара Михала Рамача найкрасших шветових писньох „Перли шветовей поезиї” з поднасловом „Розгварка з виками – од Ґилґ а ме ша по Ми ро сла ва Ан ти ча” шведоча о красоти и бо гато сци руско го язи ка. Кнїж ка ви ход зи зоз финансийну потримовку держави України. Кнїж ки ко штаю по 300 ди на ри єд на, а мож их купиц прейґ колпортерох у наших местох, у представительствох НВУ „Руске слово” у Новим Садзе на новей

■ ВЕЛЬКОНОЦНИ РОЧНИ КОНЦЕРТ У ДЮРДЬОВЕ