RUSKE SLOVO 18-19

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ РОК LXXV ЧИСЛО 18-19 (3835-3836) НОВИ САД, 10. МАЙ 2019.

■ СЕДМИ ДНЇ ТЕАТРA „ВЛАДИМИР САБО-ДАЙКО” У КОЦУРЕ ЦЕНА 30 ДИНАРИ

ОГЛЯДНУЦЕ НА ПРЕШЛОСЦ

Фотоґрафия: 0232P

Фотоґрафия: 0639P

фотоґрафиї, та ше модлї шицких котри дацо знаю о особох, подїйох, часу, обставинох, обичайох, облєчиве и инши податки хтори вязани за тоти фотоґрафиї же би ше явели. Явиц ше мож прейґ порученя на Фейсбуку або коментару на фотоґрафиї, на имейл zavod.rusini@gmail.com лєбо на телефон 021/548-421. Кажда информация значна. Дзекуюци фотоґрафийом хтори настали у фотоґрафскей роботнї Будинскових, а котри диґитализовани на склєняних плочох, зачува ше шведоченє о живоце людзох и подїйох и велїх податкох цо припадаю културно-историйному скарбу Руснацох на тих просторох.

Фото: Сандра Саламун

У проєкту идентификованя особох и подїйох зоз склєняних плочох фотоґрафох Будински зоз Руского Керестура, котру орґанизує Завод за културу войводянских Руснацох (ВР), а котри уж длугши час обявйовани на остатнїм боку новинох „Руске слово”, потребна векша помоц ширшей явносци. Велї од обявених фотоґрафийох уж идентификовани, алє о даєдних потераз зазначене барз мало податки. На Фейсбук боку Заводу за културу ВР до окремного албуму положени тоти

■ ПРЕСЛАВЕНА ВЕЛЬКА НОЦ ПО СТАРИМ КАЛЕНДАРE

ЦАЛИ ШВЕТ НА ЄДНЕЙ ГАБИ Пише: Александра БУЧКО, новинарка трецей програми радия Радио-телевизиї Войводини „Гласи Руснацох зоз Войводини” назва емисиї у хторей Ру- Нє думам такой тераз, алє у будучносци, бо циль повязовац сини зоз Словацкей, алє и цалого швета (кед слухаю интер- медиї и новинарох зоз державох у хторих иснує и функционет радио), на интернет радию „Русин.фм” можу чуц и нашу нує руска заєднїца и през черанки материялох емитовац теми „Културну панораму”. Тота емисия ше емитує каждого вов- хтори буду шицким интересантни. Прецо то потребне? торку на 15.30 годзин на адреси: www.rusyn.fm. Пишем „нашу” прето же то емисия рускей редакциї трецей Прето же, як сом и скорей спомла, можеме єдни од других програми радия Радио-телевизиї Войводини, хтору ушо- научиц вельо. Ми, як функционовац у ушорених державох, рює Мария Тот, а хтора ше од априла 2019. року, дзекуюци по протоколох, предписаньох и законох, а вони, як то мац (и сотруднїцтву котре подписане медзи руску редакцию як глєдац) шицки тоти права хтори ми маме. Трецей програми радия, Радио-телевизиї Войводини и А маме, голєм на паперу, досц – то сом обачела през дворочинтернет радия „Русин.фм”, може слухац и на Горнїци. не искуство роботи на авторскей емисиї „Европски горизонОдскорей, слухаче русинского радия зоз Словацкей можу ти” у хторей сом мала нагоду бешедовац як зоз Руснацами, а слухац и прилоги зоз лемковского радия „Лем.фм” зоз жителями других державох, так и зоз особами хтори задлужени за права националних меншиПольскей. З другого боку, слухаче трецей про- Циль повязовац медиї и новинарох нох у Европскей униї и державох членїцох. грами радия Радио-телевизиї Войзоз державох у хторих иснує Чом то интересантне? Ниа, лєм дасводини каждого пиятку у раншей и функционує руска заєднїца и през кельо приклади: програми, можу послухац приповедчеранку медийних материялох Кед „загребеце” дакус глїбше, мож ки хтори нам посилаю колеґове новиемитовац теми хтори буду шицким обачиц же, наприклад, руска заєднїца наре зоз Словацкей. Тото спорозуменє, у наяви, могло би интересантни. Прецо то потребне? у Пенсилваниї, у Америки ище вше допринєсц и черанки искуствох и Прето же можеме єдни од других постої и функционує. Людзе познаю традицию, пестую ю, дзеля знаньох, нє лєм готових медийних научиц вельо. Ми, як функционовац свою роздумованя, питаня та и „розличматериялох. у ушорених державох, по протоколох, носци” (хтори єст превельо, мушим Циль того протоколу же би ше предписаньох и законох, а вони, як обачиц) на интернету, но тоти Руснаци зоз швета повязали и дознато мац (и як витвориц) шицки Руснаци, окрем даєдних традицийли новосци о случованьох медзи них назвох за єдла, облєчива и инше, тоти права хтори ми ту маме нашима заєднїцами. по руски нє знаю. Верим же би сцели Алє, нє лєм тото. Реализация тей научиц. идеї почала после интервюа, медзи Потим ту и шветово познати „Бабово иншим, и за емисию „Европски горипироги”, хтори виплївали на зонти” зоз директором радия Фейсбуку пред даскельома роками. „Русин.фм”, Петером Штефанеком, о У питаню ресторан у Бруклину, тим як треба же би ше Руснаци Нюйорк, ЗАД, хтору трима єдна (односно, по их, Русини) повязали и Русначка Гелена Фабиянкович. Нє сотрудзовали на вецей уровньох, зоз Сербиї, алє зоз Словацкей. У прето же можеме вельо научиц єдни интервюу хтори обявени у емисиї од других. А же би ше то случело, и „The Chew” (Tелевизийна мрежа медиї треба же би сотрудзовали, вод„ABC”), бешедую о идеї, традицийзаци ше зоз идею же кед будземе них пирогох, алє и о сучасних, о вельєдни о других знац вецей, вец будзекей заинтересованосци Американцох ме лєпше (и лєгчейше) сотрудзовац праве за тото єдло, а ориґинални медзисобно. рецепт гутори Геленова баба, Гелена Кед нїяк иншак, вец зоз Шветових конґресох Руси-нох/Руснацох/Лемкох знаме же исную моцни Глинка, хтора бешедує по руски. руски заєднїци у Словацкей, Польскей, Мадярскей, Интервю иншак поробел новинар Майкл Симон хтори тиж ма „руснацкей креви”, як гвари на початку интервюа. Горватскей, Румуниї, України, алє и Америки и Канади. Кед сце цикави по природи, верим же вам голєм раз „преро- Нонагейце же интересантне? бел хробак” и же сце ше интересовали яки вони там маю Праве таки приповедки и интересантносци буду можлїви кед права? Як там жию? Чи забули бешедовац по руски? Як у ше новинаре медзисобнє повяжу и буду робиц на чераню велькей (тераз Трамповей) Америки мож зачувац свой иден- знаньох, искуствох и материялох. Потим, ше можебуц, поруша и заєднїцку емисию, лєбо програму, хтору буду правиц титет и традицию? зоз шицких державох у хторим иснує руснацка Праве таки сотруднїцтва, яке тераз витворене медзи Трецу новинаре заєднїца. Но, то затераз лєм идея. Медзитим, на єй реализапрограму радия, Радио-телевизиї Войводини и интернет циї зме почали робиц, а „Гласи Руснацох” єй перши крочай.■ радиом „Русин.фм”, оможлївя нам одвити на шицки тоти Становиска висловени у тим тексту виключно авторово и нє питаня. вше одражую ушорйовацку политику новинох „Руске слово”

2 РУСКЕ СЛОВО

10. МAЙ 2019.

ЗМИСТ

УВОДНЇК Пише: Иван САБА ДОШ, главни одвичательни редактор

■ Тижньовнїк 4–5. Резултати покраїнских конкурсох за меншинску културу

■ Нашо места 6. Зоз схадзки Совиту МЗ Руски Керестур

■ Духовни живот 19–14. Преславена Велька ноц по старим календарe

■ Економия 16–17. Министер польопривреди Бранислав Недимович бул у Коцуре

■ Култура и просвита 20–21. Вельконоцни концерт КУД „Тарас Шевченко” у Дюрдьове

■ Людзе, роки, живот 26–27. Сримске археолоґийне богатство интересантне и фаховцом, и аматером

■ Мозаїк 30–31. Йован Живкович, коавтор наградзеного филма на Тайланду

■ Информатор

32–35. Мали оглашки и In memoriam

■ Спорт 36–37. Чежки обставини у керестурским ЖРК „Русин”

Насловни бок: Пошвецанє кошаркох у Ґосподїнцох Авторка фотоґрафиї: Сандра Саламун

НОВИ НАРАТИВ У Републики Сербиї 9. май, Дзень побиди, державне швето хторе ше слави роботно. Понеже тото число „Руского слова” виходзи у тим чаше, нашо сотруднїки з рубрики Мозаїк пририхтали блиц-анкету медзи младима читателями же цо ше слави того дня. Одвити досц униформни и, поправддзе, досц обчековани. Перша асоцияция випитаних, правилно, побида над нацистичну Нємецку у Другей шветовей войни и єй капитулация. Медзитим, лєм пред пейцома-шейсцома роками, тота асоцияция би ше орґански предлужела же то и Дзень Европи. Нєшка тот наратив у явносци вецей нє присутни. Нїч Европа, нїч углє и челїк, нїч Шуман... Место нїх, медзи асоцияциї на 9. май на вельки дзвери врацела ше Парада побиди у Москви. Аж и кед би нашо випитани нє були щири у одвиту, алє би ше нашвидко консултовали з „Ґуґлом”, верим же би одвити були исти: на домашнїх сайтох углавним доминую иконични фотоґрафиї червеноармейцох на Райхстаґу и (анахрони) „ґеорґиєвски ленти”, а лєм даґдзе ше прецагнє белава застава з гвиздочками до круга. Побида союзнїкох у Европи, за хтору СССР поднєс надлюдски напруженя, одреканя и милионски утрати у животох воякох и цивилох, то историйна хвилька за хтору побиднїкови навики припада чесц и слава. Держава чий континуитет нашлїдзела Република Сербия, була на побиднїцким боку и допринєсла єй кельо найвецей могла. Без нєдвосмислового и подполного знїщеня антицивилизацийней и нєлюдскей идеолоґиї нацизма и єй физичного репрезента Гитлерового Трецого райху, нє було би нєшкайшей Европи, демократского и отвореного дружтва, людских правох, толеранциї и шицкого того цо твори можебуц нє совершени, алє найлєпши доступни модел живота и дружтва хтори по нєшка створело чловечество. То процес хтори тирва вецей як седемдзешат роки, дакеди идзе лєпше, дакеди загамує, алє идзе напредок. Медзитим, чи ше и побиднїк меня и трима крочай зоз животом и шветом, чи лєгчейше навики жиц замарзнути у хвильки старей слави? Випатра же так. Бо, Побида то тото цо було, и то нїхто ю нє може одвжац анї пременїц, алє Европа то тото цо будзе. И тото нїхто нє пременї, гоч як ше упера, алє ше за ню ище маме наробиц...

* ”РУСКЕ СЛОВО” – гласнїк по руски * Виходзи каждого пиятку * Снователь Национални совит рускей националней меншини * Видава НВУ ”Руске слово”, Нови Сад * Перше число вишло 15. юния 1945. року у Руским Керестуре * Адреса: НВУ ”Руске слово”, Булевар ошлєбодзеня 81/VII, 21000 Нови Сад * Редакция: одвичательни редакторe – Славица Фейса, Ясмина Дюранїн, Микола М. Цап, Микола Шанта * редакторе/ки рубрикох – Мирон Горняк-Кухар, Александар Паланчанин, Мартица Тамаш, Олена Планчак-Сакач, Вероника Вуячич * новинаре/ки – Мария Афич, Влада Дїтко, Сандра Саламун, Златко Колєсар, Марина Джуджар * лекторка – Блажена Хома-Цветкович * ґрафична редакторка – Люпка Цвеїч * ґрафични дизайнерки – Мария Гудак, Таня Салонтаї * Телефони: 021/6613-697, 021/6624-708, 021/6623-076; 021/6621-433 * Телефакс 021/528-083 * Предплата за цали рок: у жеми 1 500 динари, а у иножемстве 100 евра * Жиро-рахунок Banca Intesa a . d . B e o g r a d 160-923244-82 * Девизни рахунок 160-0050870024999-53 * Рукописи ше нє враца * Д ру ку є Д ру ка р н я graf” П е т р о ва р а д и н * ”Maxima E-mail: redakcija@ruskeslovo.com * Web site: www.ruskeslovo.com * YU ISSN 0350-4603 * COBISS SR-ID 15915778 * Друковани тираж 2 000 *

Директор др БОРИС ВАРҐА *** Главни одвичательни редактор ИВАН САБАДОШ

10. МАЙ 2019.

РУСКЕ СЛОВО 3

ТИЖНЬОВНЇК ОБЯВЕНИ РЕЗУЛТАТИ ПОКРАЇНСКИХ КОНКУРСОХ

По резултатох конкурсох хтори АП Войводина розписала за финансованє и софинансованє активносцох у обласци пестованя и унапредзованя меншинских правох у чечуцим року, руска заєднїца найвецей достала за проєкти у обласци културних манифестацийох, дзе придати и найвецей апликациї

П

окраїнски секретарият за културу, явне информованє и одношеня зоз вирскима заєднїцами, по Конкурсу за финансованє – софинансованє програмох и проєктох од значеня за културу и уметносц националних меншинох – националних заєднїцох у АП Войводини у 2019. року хтори розписани 25. януара, додзелєл средства за потримовку културней дїялно сци меншинских националних заєднїцох у двох обласцох – защити нєматериялного културного скарбу и уметнїцкей творчо сци, и за видавательну дїялносц. МАНИФЕСТАЦИЇ И ВИДАВАТЕЛЬСТВО У обла сци за щ и ти нє мате ри ял но го кул тур но го скарбу и уметнїцкей творчо сци националних меншинох зоз буджету видвоєне 6,5 милиони динари. Од тей суми, аж 6, 1 милион ше розпод зелї нєпрофитним институцийом. По тим конкурсу потримани 117 проєкти хтори прида ли 17 национални заєднїци. По обя вених ре зултатох того Конкурсу, кед слово о рускей заєднїци, потримовку до ста ли шейсц проєкти. Дом кул тури Руски Керстур за отримованє 58. Фе стива лу Рускей култури „Червена ружа” до стал 150 000 динари, а КУД „Жатва” зоз Коцура до ста ла 55 000 динари за отримованє Манифе стациї жридловей творчо сци „Коцурска жатва”. Исту суму пенєжу до ста ли: КПД „Карпати” за Фе стивал хорского шпиваня, КПД „Петро Кузмяк” зоз Нового Орахова за означованє дня приселєня Руснацох до Нового Орахова и за роч ни кон церт, КУД „Та рас Шевчен ко” зоз Дюрдь ова за отримованє 17. Фе стива ла жридловей народ-

4 РУСКЕ СЛОВО

Фото: В. Вуячич

РУСНАЦОМ НАЙВЕЦЕЙ ЗА КУЛТУРНИ МАНИФЕСТАЦИЇ

ней шпиванки „Най ше нє забуд зе” и КПД „Дю ра Киш” за Фе стивал народних и тамбурових ор ке строх „Мелодиї Руского двору”. Покраїнски секретарият за културу, явне информованє и одношеня зоз вирскима заєднїцами по тим конкурсу потримал найвецей проєкти з хторима апликовала мадярска заєднїца – аж 53. Шлїдзи горватска заєднїца зоз 10 потриманима проєктами, словацкей заєднїци прешли дзевец, а румунскей осем. Потримовку до стали по пейц проєкти македонскей и ромскей заєднїци, штири бунєвацкей и по три проєкти чарногорскей и нємецкей заєднїци. Українскей, болгарскей, че скей и русийскей заєднїци прилапени по два проєкти, а словенскей, грече скей и єврейскей по єден проєкт. У обла сци ви да вате ль ней дї ял но сци на язи кох мен ши нох – на ци о нал них за єд нї цох, По кра їн ски се кре та ри ят за кул ту ру, яв не ин формо ва нє и од но ше ня зоз вир ски ма за єд нї ца ми, по од лу ки Кон курс ней коми сиї, у обла сци ви да вате ль ней дї ял но сци буд зе со фи на со вац про гра ми у вкуп ней суми про єкти од 2,1 ми ли он ди на ри. Комисия одобрела финасийни средства за штири нашо проєкти. Дружтво за руски язик литературу и културу за видаванє 24. числа Зборнїка роботох „Студия Рутеника” до стало 50 000 динари, а тельо до стала и Руска матка за видаванє глашнїка „Руснак”. Новинсковидавательна установа „Руске слово” до стала 70 000 динари за видаванє Часопису за културу и уметносц „Шветлосц”, а за видаванє трох кнїжкох Дзецинскей трилоґиї авторох Юлияна Тамаша, Силве стера Макая и Ирини Гарди Ковачевич – 100 000 динари. 10. МАЙ 2019.

tiznjovnjik@ruskeslovo.com

По конкурсу за видавательну дїялносц пенєж ровномирнєйше розподзелєни: од вкупно 32 проєктох, попри штирох руских, потримовку достали по шейсц проєкти горватскей и румунскей заєднїци, штири мадярскей и по три виданя словацкей и нємецкей заєднїци. Потримани по два проєкти ромскей и бунєвацкей заєднїци, як и по єден чарногорскей и македонскей националней заєденїци. МУЛТИКУЛТУРАЛНОСЦ И ТОЛЕРАНЦИЯ На основи явного конкурса за софинансованє програмох и проєктох у обласци очуваня и пестованя мултикултуралносци и медзинационалней толеранциї у АП Войводини, хтори розписал Покраїнски секретарият за образованє, предписаня, управу и национални менши-

СЛУЖБЕНЕ ХАСНОВАНЄ ЯЗИКА И ПИСМА По кра їн ски се кре та ри ят за обра зова нє, пред пи са ня, упра ву и на ци о нал ни мен ши ни – на ци о нал ни за єд нї ци обя вел и ре зул тати Кон кур са за фи нан сова нє орґ а нох и орґ а ни за ци й ох у чи єй ро боти у службе ним ха снова ню язи ки и пи сма на ци о нал них мен ши нох – на ци о нал них за єд нї цох. Кон курс на коми сия, у тим сми слу, дод зе лє ла пе нє жи Ме сней за єд нї ци Ко цур за тро шки ви роб ку и по ста вя ня та блох ви пи са них на язи кох на ци о нал них мен ши нох хто ри у службе ним ха снова ню, до ста нє 28 000 ди на ри. За исту на ме ну, од но сно про єкт, 350 000 ди на ри до ста нє и Оп штин ска упра ва Вер бас.

ни, буджет бул 14 милиони динари, Покраїна потримала вецей як 130 проєкти рижнородних ношительох и широкого спектра описох. Кед слово о учашнїкох конкурса зоз рускей националней заєднїци, конкурсна комисия додзелєла 300 000 динари Рускому културному центру зоз Нового Саду за отримованє Рочного концерта. То иншак найвекша пенєж хтори ше по тим конкурсу додзельовало за поєдинєчни проєкт, и РКЦ медзи лєм даскельома ношителями хтори го до стали. Од апликантох зоз наших штредкох, Коцурске здруженє младих КУМ за проєкт „Пестованє и розвой духу мултикултурално сци и толеранциї при младих” достал 100 тисячи динари.■ А. П. / И. С. 10. МАЙ 2019.

STANOVISKA Пише: Mирон ДЖУНЯ, публициста

ГЛОБЕНЄ 021 Архитектонски гаос поняце характеристичне за балкански вароши як наприклад Атина (вид зел), применююце на Беоґрад, а вше баржей обачлїве и за, насущни нам, Нови Сад. З тим же по Бе-Ґе-у мож транспортовац якош на бициґли (преверел), док у пристолним варошу Грече скей то, напро сто – нєможлїва мисия. У „Сербскей Атини”, од мойого бива льнїку по роботу мам лєм даскельо стотки лєгучкого шпациру, алє ми ше з дня на дзень вид зи, окрем же як кед би кажди раз бул жобрак вецей у драже, же ше вше чежше прехпац. Тото цо сом ше влєце на власни очи припатрал и прешвечел; даремни Белґрейд Вотерфронт проєкт, здабе ми на увертиру за подобни „Пристол култури 021”, алє тераз на домашнїм терену. Повед бим, #милионикамиониитакото. Бешеда, баяко, о Єврейскей улїчки – оград зени будова лїска, виставени пого сцительни тераси збити з будками на це сних тротоарох – до чого ше и векшина вас цо ше шпотаце коло Футожского пияцу бизовно прешвечели, веду ме опрез платоа СНТ – и, па ля, цикаво! – збирного ме ста #1од 5милионох. А на роботи (СНТ) рутиновано; за даскельо роки назад зоз звекшаним обсягом роботи заробок зменшани за даскельо езерки – минима лєц ше то иншак вола. Нє лєм у Сербиї, алє и у швеце, звичайному гражданови шлїзко з приходами ґу збиваню з видатками. И так гнєтка, уж роками. Кад зи вед зе тота и така кон’юнктура, обчекуєм вид зиц идуцей жими. Гинто ище кед Марча Хомова претолкова ла за преполну осмичку (городски бус) дзе ше нє да ло нїяк ухпац, же „так нам упреко сца”. Теди ми нє було цалком ясне, но тераз по сле рокох тей и такей ре ално сци у котрей жиєм(е), параноично знам поцерпац же то нє такой так случайно (гайзибан цо нам урва ли през Срим) и пригадуєм страшни слики о злогласним „трамваю” у Ста лїновей Русиї, дзе циска ли люд зох як свойофайтови социялни експеримент. Нє єден сом од 5-ох милионох (цо ми по тей истей Єврейскей ма ло-ма ло шпацираю и глобя транспорт – цо ми у тим случаю О). Гоч нєдво смислово нє шпоруєм лайки на фейсу и у бешеди собешеднїкови благо давам знац о моєй потримовки шейтачом, нє чувствуєм ше поволани придружиц им ше. О тим даєден други раз. На Дзуря (по старим, юлиянским ка лендаре) вочи и апропо НС 2021. Становиска висловени у тим тексту виключно авторово и нє вше одражую ушорйовацку политику новинох „Руске слово”

РУСКЕ СЛОВО 5

НАШО МЕСТА ЗОЗ СХАДЗКИ СОВИТУ МЕСНЕЙ ЗАЄДНЇЦИ РУСКИ КЕРЕСТУР

МИХАЙЛОВИ САБА ДОШОВИ ЗВЕРЕНИ ДРУГИ МАНДАТ На 10. схадзки Совиту Месней заєднїци Руски Керестур хтора отримана 29. априла (од єденац, седмеро були присутни) члени Совиту вигласали други штирирочни мандат потерашньому секретарови Михайлови Сабадошови. Понеже Сабадош и єдини хтори ше явел на конкурс за тото роботне место, автоматски є и вибрани на тоту функцию, а члени Совиту похвалєли и його потерашню роботу, закладанє и чесносц. По дньовим шоре Совит хторому предшедал предсидатель Владимир Олеяр, прилапел и вименки финансийного плану МЗ за тот рок, хтори настал пре нєдавни ребаланс општинского буджету пре ткв. „ципелкарох” у просвити и явней управи. На схадзки констатоване и же акция збераня пенєжу за камион Добродзечному огньогасному дружтву чече удатно, а ище вше тирва по 10. май. Як визначел предсидатель Олеяр, потераз, значи по датум отримованя схадзки, зоз рижних жридлох за тоту намену назберани у динарох 1 660 808. Пенєж даровали керестурски обисца, подприємства, а помогли и 25 здружени нашо фамелиї зоз Канади. Як поведзене, док ше закончи акция, з тим пенєжом ше пойдзе до Општини Кула хтора тиж обецала же дода голєм 500 000 динари за набавку камиона.

На схадзки прилапене и предкладанє о ценох терминох хаснованя Спортскей гали, хторе будзе послате до Општини Кула на конєчне одлучованє. По предкладаню, локално спортски клуби реґистровани у АПР-у и члени Општинского спортского союзу, галу би мали безплатно, як цо було и потераз. Рекреативне хаснованє гали би тиж коштало як и потераз, 3 500 динари мешачно, односно за єден термин 1 000 динари. М. А.

АКТИВНОСЦИ КЕРЕСТУРСКОГО КАРИТАСУ

ВАЛАЛЧАНЄ ДУМАЮ НА СВОЇХ ЛЮДЗОХ

Каритас ше през цали рок стара о особох у потреби, алє окремну увагу указує и дарує им цо потребне праве пред велькима шветами. Як уж традиция, на Вельку соботу ше у просторийох керестурского Каритасу примало пасхалне єдзенє од парохиянох, од 13 по 14 годзин. Одволанє було красне, людзе приношели тото цо и сами себе пририхтали до кошарки. Даєдни дацо ище купели и принєсли волонтером. Пасочки мало хто приношел, бо ше зна же СЗПР „Макаї” чий власнїк Михайло Макаї дарує пасочки. Волонтере попаковали єдзенє и керестурски капелан о. Михайло Шанта го пошвецел. До 25 обисцох волонтере Каритасу однєсли пасхалне єдзенє. – Людзе ше барз обрадовали подарованому єдзеню, бо то даєдним єдине єдзенє на тото вельке швето. Велї себе

6 РУСКЕ СЛОВО

нє можу купиц анї тото найосновнєйше за святочни полудзенок на Вельку ноц. Найбаржей им значи же пойдземе, же думаме на нїх, бо на таки способ и вони участвую у швету котре за християнох найвекше и найрадоснєйше – потвердзела Ясмина Надь, волонтерка Каритасу. Єдна зоз акцийох котру орґанизовал Каритас то и купованє артиклох у предавальньох хтори ше после дарує особом у потреби. Тота акция почала ище з початком Нового року у предавальньох ТР „Фреш” власнїка Весни Бучковей и СТР „Тренд Б” власнїка Иґора Бодянца и нє претаргнута є. – Одволанє на тоту акцию наисце одличне и добре же така акция иснує. Каждей стреди у тижню вше єст дацо купене и подароване у двох ґайбочкох котри тому наменєни. Дакеди людзе купя средства за особну гиґиєну, або поживово продукти котри можу длужей стац. Добре праве тото, же кажде видвої кельо може и положи купене на тото место. Єдну ствар мало хто би нам принєсол, а за даяки пакет уж треба видвоїц вецей пенєжи. Прето тот вид акциї наисце прикладни – гварела Ясмина. Тоти продукти ше тиж ноши фамелийом у потреби и указало ше же то наисце добра и хасновита идея котра зажила и указала же Керестурци думаю на своїх согражданох котри нє мож, пре рижни причини, купиц себе тото цо нам каждодньова потреба, а им, нажаль, луксуз. О. Ж. 10. МАЙ 2019.

mesta@ruskeslovo.com

КЕРЕСТУРСКИ ГЕРОЄ У ПЕРШОМАЙСКЕЙ АКЦИЇ

КАЖДЕ ШЕ МОЖЕ СТАРАЦ О ПРИРОДИ Волонтерска орґанизация „Trash hero” Руски Керестур, за преславу Першого мая поставела на базену штанд на котрим кажде могол вжац мех за шмеце, же би го кажде за собу позберал. Штанд поставели волонтере Соня Варґова, Кристина Шепински и Славко Пап. Позберане до мехох, шмеце могло охабиц при найблїзшей драги, та мехи познєйше „Руском” однєсол. Тиж так на штанду були охабени и пластични фляши до котрих могло одруциц циґарчки же би ше их нє розруцовало доокола.

– Попри мехох на штанду положена велька фляша за затички зоз пластичних фляшох у рамикох акциї „Зоз затичку до ошмиха”, та кажде хто жадал затички могол принєсц нам, а ми их вец прешлїдзиме далєй. Тота акция задумана так же кажде може буц герой, без даякей орґанизованей акциї. Мехи стоя и треба их лєм вжац, позберац шмеце за собу, або аж и за другима – виявел Славко Пап младши. Кажде хто бул на беґелю 1. мая могол буц герой, позберац шмеце за собу, або за другим и нє охабиц го у природи. О. Ж.

МЕСНИ ОДБОР ПЕНЗИОНЕРОХ У РУСКИМ КЕРЕСТУРЕ

ЧИ ЄСТ МОЦИ ОТРИМАЦ ШЕ?

У Руским Керестуре єст дакус вецей як 1 000 пензионерох, а активно членарину плаца коло 300 члени. Єст пензионерох котри каждодньово у Доме, а єст и таких котри ше вообще анї нє явя кед пойду до пензиї. Руководство роби два днї у тижню, стреду и соботу од 8 до12 годзин, а пензионере приходза кажди дзень од 8 до 12 годзин. Домар им отвера Дом вше на час, попораї, натопи. Ярослав Малацко, предсидатель Месного одбору пензионерох у Руским Керестуре жада же би ше пензионере активовали, же би приходзели до свойого Дому, кед го уж маю. То ше нє одноши лєм на хлопох, алє ище вецей на жени, котри вельо менєй присутни и активни. – Мали зме прешлого року вельо активносци у Доме, мали зме штири екскурзиї, почали зме куповац материял з котрим бизме облїпели зоз стиропором Дом и набавели зме шицок материял за етажне зогриванє, у чим нам прешлого року помогла Сербска напредна странка – гварел Славко Малацко. По його словох средства, нажаль, вецей нєт. Пензионере их скорей доставали од Месней заєднїци и то шицко

10. МАЙ 2019.

було унапрямене за адаптацию будинку, вельо поробели же би злєпшали обставини у Доме. Проблем настал теди кед у Месней заєднїци престал исновац самодопринос од котрого з буджету Месней заєднїци доставали пенєж. Тераз завиша директно од оштини котра затераз нє розписує проєкти за тоту катеґорию. Нє доставаю нїяки динар. Цо найгорше, нїхто ше анї нє пита за нїх. – Ми ше, практично, отримуєме сами, часточно зоз членарини, алє активних членох котри ю уплацую єст мало. Поштредуєме у набавяню древа, угля, курчатох, меду, кромпльох, цибулї и ту доставаме даяки дотациї од добавячох. Робиме на контрактох животного осиґураня, котре ґрупне и самим тим вигоднєйше од поєдинєчних осиґураньох. Тото цо ше набавя ше пише, та кед пензионер вимири коло пол суми, випоручує ше цо поручене – потолковал Малацко. – Ми ше без месного самодоприносу нє отримаме. И тераз роботу Месного одбору пензионерох отримуєме на роботи ентузиястох. Членарина у нас 400 динари, но, понеже пензионерох котри активно плаца членарину єст мало, а други средства нє доставаме, нє знаме як ше шицко закончи – акцентовал предсидатель Малацко. Зоз шицкого виходзи же пенизонере даяк муша найсц свойо место у дружтве. Єст их, алє су дзешка на марґинох. Робели, доприношели дружтву док робели, а тераз, кед би дружтво требало врациц пожичене, як кед би нїхто о нїх нє дзбал. Таке ше чувство прецагує през бешеду з нїма. А пензионере нє мала катеґория, лєм у тим валалє вони єдна штварцина. Як ше орґанизовац, цо поробиц же би були видлїви и же би їх проблеми ришовала держава, окреме у менших штредкох, на локалу, треба обдумац и виступиц зоз новима идеями. Чи пензионере маю моци? О. Ж.

РУСКЕ СЛОВО 7

НАШО МЕСТА ЯВНЕ КОМУНАЛНЕ ПОДПРИЄМСТВО „ЧИСТОТА” ЖАБЕЛЬ

НОВИ КАНТИ ЗА ПЕТ АМБАЛАЖУ Явне комуналне подприємство „Чистота” зоз Жаблю почало дзелїц безплатни желєни канти од 120 литри. Истого су випатрунку як и гевти цо уж подзелєли за одкладанє мишаного шмеца, алє тоти нови наменєни лєм за одкладанє ПЕТ, односно пластичней амбалажи. Нови канти донация Медзинародней орґанизациї ҐИЗ нємецкей Амбасади у сотруднїцтве зоз Министерством за защиту животного штредку и Општини Жабель. Нє будзе накнадно наплацовац їх пражнєнє хторе будзе исти дзень кед и канти з мишаним одпадом. На кантох налїпка дзе пише цо ше до нїх шме одкладац – пластичну превидну и офарбену амбалажу од єдзеня и напою, як цо пластични фляши од сокох, води и подобне. Треба спомнуц же фляши од млєка и йоґурту мож одложиц, алє лєм кед ше их добре вимиє з нука, и же до канти нє треба одкладац пластични предмети, бависка, стиропор, хемийни одрутки и друге. – Назберана амбалажа будзе предата, а од тих стредствох будземе куповац канти же би их достало кажде ґаздовство. Циль нам же бизме мали седем тисячи канти. Вец нашо гражданє годни одкладац и други секундарни сировини, а ми будземе мац основу за будованє рециклажного центра – гварел Радомир Злоколица, директор ЯКП „Чистота”. Приоритет при розподзельованю кантох буду мац ґаздовства зоз штирома або вецей членами котри поряднє виплацую рахунки за одношенє шмеца, цо запровадзує

Нови канти мож превжац у „Чистоти”

исте подприємство. Канти мож превжац кажди роботни дзень од седем по петнац годзин у просторийох ЯКП „Чистота”, Святого Николи 7 у Жаблю. Кед ше превежнє канту, подписує ше контракт, а кажда канта ма свойо серийне число. Вецей информациї мож достац у ЯКП „Чистота” на 021/2100-429 або 021/2100430. Кед роботнїки котри пражня канту обача же у нєй одложене погришне, односно мишане шмеце, такой будзе врацена „Чистоти” и по потреби розпоредзена до другого ґаздовства котре будзе почитовац намену. С. С.

У ДЮРДЬОВЕ

РОБОТНА АКЦИЯ Вочи Велькей ноци, штварток 25. априла, у дюрдьовскей парохиї, традицийно, Церковни одбор орґанизовал роботну акцию у котрей за каждого було роботи. Хлопи з потримовку парохиянох ушорели теметов и церковну порту. Акция почала на 9 годзин и тирвала до 16 годзин пополадню. Даєдни члени помогли на таки способ же

8 РУСКЕ СЛОВО

пришли на своїх тракторох и прикочами котри були нєобходни. На теметове очисцени два вельки шмециска. То би требала буц остатня акция такого типу, бо Явне комуналне подприємство „Чистота” зоз Жаблю обецала два контейнери котри ше постави на уход до теметова и котри ше будзе поряднє випражньовац. Друга часц акциї була у церковней порти и парохийним дворе. Уж вецей як два роки у церкви после векших роботох оставало надосц шмеца котре одкладане на вельку громаду до парохийного двора, та одборнїки мали задаток тото шмециско однєсц на валалске шмециско. Члени Одбору на концу були задовольни зоз тим цо поробене. Тиж, на Вельки пияток, 26. априла, вредни жени украшели и пририхтали Исусов хроб зоз рижнородним квецом. Л. К. 10. МАЙ 2019.

mesta@ruskeslovo.com

ОЗНАЧЕНИ 1. МАЙ – MЕДЗИНАРОДНИ ДЗЕНЬ РОБОТИ У РУСКИМ КЕРЕСТУРЕ

НАГОДА БУЦ У ПРИРОДИ Роботнїцке швето Перши май ше и того року у Кере стуре пре славело на традицийни спо соб – у природи. И попри тим же подла хвиля, дзень пред Першим майом, могла погубиц плани велїм вилєтнїком, заш лєм ше єй то нє удало.

На уж добре познатих локацийох – у лєшику, коло беґелю и малого озера, на базену, векшина ткв. роботнїцкей класи, як и тоти хтори то нє (пензионере и младеж), швето преславели нєроботно. Узвичаєни бул и способ розваги, виполнєти зоз рижнима змистами – старши були прихильнєйши вареню паприґашу у котлїку, або печеню меса на роштилю, млади малженски пари преферовали шпациранє зоз малима дзецми, а було и тих хтори тот дзень вихасновали за спортску рекреацию, фодбал, одбойку на писку або риболов. Як и каждого року, тото швето найинтересантнєйше школяром основних и штреднїх школох, понеже, пре ярнї школски розпуст, мали нагоду вецей днї препровадзиц у природи. Шатри були подзвигани ище пар днї пред шветом, простор бул пририхтани за кампованє, а музика, пахи рижних єдлох характеристичних за тот дзень и шмих, як знак доброго розположеня, ширели ше по цалим валалє. Ан. М.

У ДЮРДЬОВЕ

У КОЦУРЕ

ПОД СТРЕХУ НА ДВОРЕ

МЕНЄЙ ЛЮДЗОХ НА БЕҐЕЛЮ

У жабельскей општини Медзинародне швето роботи 1. май звекшого преславене по обисцох, у природи коло води, дзе мож лапац риби, або у околних местох и на Фрушкей гори. Дзепоєдни одпутовали до иножемства, а понеже падал наявйовани диждж, на долми при Старей Тиси у дюрдьовским хотаре, котра синоним за тото швето, нє було нїкого. Обачлїве же Дюрдьовчанє тото швето вше частейше преславюю дома на дворе зоз векшим дружтвом, дзе варя паприґаш у котлїку, або печу месо на роштилю. Так було и того року. С. С. 10. МАЙ 2019.

Медзинародне швето роботи, 1. май, Коцурци як и каждого року препровадзели на побрежю коло беґелю, но, у вельо меншим чишлє як цо то було поведзме прешлого року, а ище менєй як прешлих рокох, кед ше фамелийно и зоз вельким дружтвом пошло камповац до природи. Гоч ше уж роками обачує тренд зменшованя камперских местох на побрежю коцурскей часци Каналу Д–Т–Д, того року пре нєстаємну хвилю камперох було ище менєй як прешлих рокох, алє було и тих котрим така хвиля нє завадзала, та заш лєм пошли препровадзиц дзень у природи и наздавали ше же нє змокню. Хвиля по конєц дня витримала без дижджу, а кеди-нєкеди ше зявело и слунко, та найшмелши заш лєм успишно преславели тото швето у природи. Найвекше число Коцурцох одлучело печиц роштиль дома зоз приятелями, а велї котри були у можлївосци одпутовац даґдзе и котри ше нє бали же им диждж погуби швето, углавним пошли на Палич, до Карадьордєва, або на Фрушку гору. З. К.

РУСКЕ СЛОВО 9

ДУХОВНИ ЖИВОТ

ХРИСТОС ВОСКРЕС! НОВИ САД

ПОБИДА ПРАВДИ Воскресну утриню у Новим Садзе, у конкатедралней церкви св. апостолох Петра и Павла, всоботу на 20 годзин, служели преосвящени владика кир Георгий Джуджар и парох о. Юлиян Рац, як и внєдзелю, на 10 годзин, Службу Божу зоз швеценьом пасхалного єдзеня, на хторей шпивал Хор „Гармония” зоз дириґентку Сузану Ґрос Маркович. У полней церкви на Перши дзень Велькей ноци, у своєй казанї, кир Георгий визначел же славиме найвекше швето, преход од шмерци до живота, побиду правди и любови над нєнависцу. – Добра часц людзох, нажаль, жиє лєм на жемски способ, яґод же Бога нєт. А правдиви християн, по живоце, хто чувствує жажду за воскресеньом, вон жиє у любови, за нови живот и радосц без конца. Йоан Златоусти нам поручел же най нїхто нє будзе смутни, бо нам зоз Хри-

стового гроба зашвицело пребаченє, а ми ше потрудзме же бизме ше удостоєли вичного живота – гварел епарх кир Георгий Джуджар. M. G. K.

СРИМСКА МИТРОВИЦА

ИНДЇЯ

ЗОЗ ВЕЛЇМА ДЗЕЦМИ

СЕДЕМДЗЕШАТ ПРИЧАСЦИ

У церковней сали сримскомитровицкей парохиї на Вельки пияток першираз отримана роботня зоз дзецми котри иншак нє приходза на Пасху до церкви понеже Богослуженє вчас рано. Учителька Славица Канюґа и домашнї парох о. Владислав Варґа дзецом указали як ше фарби писанки и цо ше кладзе до кошарки. После того дзеци першираз участвовали у процесиї покладаня плащанїци до Исусового гроба, а потим поставена традицийна стража коло Христового гроба, до нєдзелї рана. На плащанїцу дзеци и старши приношели свойо каритасово шкатулки у котрих зберали помоц за єдну худобну фамелию. На раншей Служби зоз воскресну Утриню котра почала на 5 годзин рано, було красне число старших и дзеци, а пошвецени коло 100 кошарки. Попри домашнього пароха служел и римокатолїцки парох Едвард Шпанович, котри тиж и споведал вирних.Дзеци зоз пиятковей роботнї принєсли на пошвецанє свойо 30 кошарочки, а найкрасши достали и награди. о. В. В.

10 РУСКЕ СЛОВО

У грекокатолїцкей церкви у Индїї на Вельку ноцПасху, внєдзелю було 64 причасци, а зоз причащаньом старших и хорих, було и вецей як седемдзешат, на Служби Божей зоз швеценьом пасхалного єдзеня, хтору служел парох о. Петро Дутка. У присустве вирних, паноцец Дутка пред тим, на Вельки штварток, служел Службу Божу св. Василия Велького, потим на Вельки пияток утриню зоз читаньом 12 Євангелийох, вечурню Исусового хованя и Єрусалимску утриню, а на Вельку соботу Воскресна утриня була на 18 годзин. Задовольни сом зоз приходом вирних, хтори були, окрем з Индїї, и зоз других местох, наприклад, зоз Земуна, Байши и индзей. По обичаю, и у тих околних местох пошвецим теметови, а у тим мешацу будземе мац и молебени – гварел о. Дутка. М. Г. К.

Фото: О. Стецюк

10. МАЙ 2019.

duhovni@ruskeslovo.com

ВОИСТИНУ ВОСКРЕС! КОЦУР

ПОШВЕЦЕНИ ВЕЦЕЙ ЯК 300 ПАСКИ На дзень Велькей ноци, у Коцуре було три Богослуженя – рано на читаней, дзецинскей Служби дзеци хтори ходза на виронауку вєдно зоз ш. Михаїлу Воротняк и вироучительку Ксению Бесерминї отримали пригодну програму на тему Велькей ноци, а по шпиваней, велькей Служби Божей, коцурски парох о. Владислав Рац вєдно зоз капеланом о. Данилом За- Фото: В. Вуячич дрепком, о. Яковом Куличом, о. Михайлом Шантом и о. Яковом Новаком, у полней церковней порти пошвецели вецей як 300 кошарки. На Богослуженьох на Вельку ноц пречитана винчованка владики кир Георгия у котрей владика здогаднул на значносц Исусового церпеня на крижу, як и воскресеня з мертвих.

Служба Божа и пошвецанє паскох внєдзелю служена и у Новим Орахове и у Савиним Селу. У Новим Орахове парох о. Владислав Рац пошвецел 8 кошарки зоз пасхалним єдзеньом, а у Савиним Селу о. Данил Задрепко пошвецел 9 кошарки. Служби Божо з мированьом у Коцуре були на Шветли пондзелок. На Вельки пияток, 6. априла, у Коцуре церква була полна, понеже числени вирни Коцурци пришли ховац Христа. Пияток рано служена утриня, а пополадню вечурня – хованє Исуса Христа – з покладаньом плащанїци, хтору вирни до соботи вечара могли поциловац и помодлїц ше при нєй. З. К.

КУЛА

НОВЕ ОРАХОВО

ЗОЗ ВЛАДИКОВУ ВИНЧОВАНКУ

КОШАРКИ И ЗОЗ ТОПОЛЇ

И у грекокатолїцкей парохиї священомученїка Йосафата вирни зоз своїма священїками монахами Василиянами парохом о. Дамяном Кичом ЧСВВ и капеланом о. Платоном Салаком ЧСВВ, 28. априла преславели Пасху. През богослуженя Страсного тижня, од Велького штвартку, Велького пиятку, дня розпинаня Исуса Христа, и Велькей соботи зоз молитву пред Божим гробом и цилованьом плащанїци духовно ше пририхтовали за швето Воскресеня Христового. На Перши дзень Пасхи, у Кули затримани давни обичай вчас рано на 5 годзин, першей пасхалней Литурґиї и пошве-

10. МАЙ 2019.

цаня кошаркох з паскалним єдзеньом, а пред тим и Пасхалну утриню. Служба Божа зоз пошвецаньом кошаркох, була тиж и на 10 годзин, а вечурня на 17 годзин. Красна хвиля оможлївела же би и на тот завод на богослуженьох було красне число парохиянох и їх госцох. У Крущичу, дзе филияла кулскей парохииї, св. Литурґия и пошвецанє паскох було и на дзень Пасхи, 28. априла на 8 годзин. На обидвох Службох Божих священїки пречитали Пасхалну винчованку преосвященого владики нашей Епархиї Св. Миколая кир Герогия Джуджара, на руским и українским язику. На Други дзень Пасхи на 7,30 годзин служена утриня, на 9 Литурґия, а потим бул традицийни пасхални концерт у церкви и у порти хтори пририхтує кулске КУД „Иван Сенюк”, а по Служби мированє. Пасха з утриню, Службу Божу и вечурню преславена и на Треци дзень швета, 30. априла. М. А.

Фото: Лю. Рац

У Новим Орахове внєдзелю, 28. априла, рано на 8 годзин у Церкви Христа Спасителя преславене Воскресенє Христово. Служел парох о. Владислав Рац хтори пречитал Вельконоцну винчованку нашого владики Георгия Джуджара у котрей гварене же Христово Воскресенє найвекша подїя у историї спашеня и побиди живота над шмерцу, правди над нєправду, любови над нєнависцу. По служби о. Рац пошвецел кошарки зоз пасхалним єдзеньом и присутних вирних, медзи хторима попри домашнїх були и вирни зоз Бачкей Тополї. З. К.

РУСКЕ СЛОВО 11

ДУХОВНИ ЖИВОТ

ХРИСТОС ВОСКРЕС! ОПШТИНА ШИД

ЦЕРКВИ БУЛИ ПОЛНИ

У

грекокатолїцких парохийох у општини Шид преславена Велька ноц зоз богослуженями у церквох у Шидзе, Беркасове, Бикичу и Бачинцох. У Шидзе служел парох о. Михайло Режак на Вельки штварток, а потим и на Вельки пияток зоз покладаньом плащанїци и Исусовим хованьом, як и молитвами всоботу. На Перши дзень Велькей ноци о. Режак служел шветочну Службу Божу, а потим у церковней порти пошвецени паски. Церква була преполна, окреме младих малженских парох, хтори до церкви приведли и свойо дзеци, а на Други дзень тиж була Служба Божа и мированє. Торжествено було и у наших церквох у Беркасове и Бикичу, дзе на Вельки пияток було Христово хованє, а

ШИД БАЧИНЦИ

БЕРКАСОВО

БИКИЧ 12 РУСКЕ СЛОВО

на Вельку ноц парох о. Владимир Еделински Миколка перше служел Службу Божу на осем годзин у Бикичу и пошвецел паски, а потим и у Беркасове. Отец Еде лин ски служел Служби Божо и понд зелок, кед було и мированє, а по традициї на Други дзень швета бул благо слов гробох, перше на теметове у Беркасове, а потим и у Бикичу. Вирни у церкви Святого апостола и євангелисти Луки у Бачинцох торжествено преславели Вельку ноц з богослуженями од Велького штвартку зоз службу Святого Василия Велького

зоз Вечурню. На Вельки пияток парох о. Дарко Рац служел утриню зоз читаньом 12 Євангелийох, як и вечурню з хованьом Христа. Всоботу о. Дарко Рац служел Єрусалимску утриню и Воскресне саночне и Василийову Службу. На Перши дзень Велькей ноци о. Рац служел святочну Службу Божу Йоана Златоустого зоз пошвецаньом пасхал них ко шар кох. На Други дзень швета було мированє, а Служба Божа служена и вовторок на Треци дзень швета.■ Вл. Дї. Фото: о. В. Е. М./ Д. Бобаль 10. MАЙ 2019.

duhovni@ruskeslovo.com

ВОИСТИНУ ВОСКРЕС! ДЮРДЬОВ

ПОТВЕРДЗЕНЕ И НАШО ВОСКРЕСЕНЄ Вирни у Дюрдьове внєдзелю преславели Вельку ноц, а на Други дзень Пасхи була Архиєрейска Служба Божа и мированє. На Вельку соботу од 8 по 10 годзин була велька споведз, потим Служба Божа Василия Велького, а на 22 годзин Воскресна утриня. У Страсним тижню богослуженя служели домашнї о. Михаил Холошняй и о. Борис Холошняй, котри внєдзелю служел Пасхалну Литурґию, а потим у церковней порти пошвецел пасхалне єдзенє. По красней хвилї було красне число кошарох за пошвецованє, алє заш лєм мож повесц же кошарки єст з рока на рок вше менєй. На Други дзень Архиєрейску Службу Божу предводзел владика кир Георгий Джуджар, а сослужел о. Борис Холошняй. Владика у казанї визначел же славиме побиду живота над шмерцу, любови над нєнависцу и правди над нєправду. – Исус, кед воскре снул, перше ше зявел женом, мироносицом. Перши слова котри им виповед були – Радуйце ше! Тоти слова мали и маю вельке значенє за шицких и за каждого окреме, виполнюю нас зоз возви-

шену радосцу, бо до Исусового воскресеня у велькей векшини чловечества нє було вири и надїї до вичного живота. Воскресенє потвердзенє же и ми воскреснєме як воскреснул Спаситель – гварел у казанї кир Георгий. На Архиєрейскей Служби, як и на Перши дзень, було полно вирних у церкви, домашнїх и госцох, були и члени Церковного одбору у Ґосподїнцох, чолнїки општинскей и месней власци и роботнїки зоз України котри пребуваю у Жаблю. Шпивали члени Хора „Розанов”, а на Треци дзень Велькей ноци тиж було мированє. С. С.

ҐОСПОДЇНЦИ

ПОБИДА ЖИВОТА У Ґосподїнцох, на Перши дзень Велькей ноци, внєдзелю 28. априла, шпивана, велька Служба Божа була на 12 годзин, служел домашнї о. Михаил Холошняй, а наказовал о. Борис Холошняй. – Славиме швето над шветами. Воскресенє Христово нам дава надїю за тот живот, смисел, алє и надїю за будучносц. Исус Христос указал безконєчну любов Бога ґу людзом – гварел у казанї о. Борис Холошняй. На Други и Треци дзень Велькей ноци, Служби були на 12 годзин. На Други дзень служел и мировал о. Борис Холошняй, а на Треци дзень о. Михаил Холошняй. У Страсним тижню у церкви у Ґосподїнцох була споведз, а висповедани и стари и нєрухоми особи котри нє могли сами присц до церкви. С. С. 10. МАЙ 2019.

РУСКЕ СЛОВО 13

ДУХОВНИ ЖИВОТ

ХРИСТОС ВОСКРЕС! БЕОҐРАД

ВЕРБАС

ВИРНИ У КАПЛЇЦИ

ТОРЖЕ СТВЕ НИ ПРЕ СЛА ВИ

Посхалне швето у Беоґрадзе почало у Вишеґрадскей улїци 23 зоз Воскресну утриню, а у предлуженю Служби Божей пошвецени коло 30 паски. На тото вельке швето посходзели ше беоґрадски вирни у вельким чишлє, скоро 50 особи, та нє було места анї за шедзенє. Велї пришли поприберани до народних вишиваних руских и українских кошульох. После пречитаних виривкох зоз владиковей винчованки на трох язикох, парох о. Владислав Варґа наглашел владиково слова о каждодньовей борби зоз своїма слабосцами и духовним воздзвигованю, важносци робиц добри дїла прейґ котрих людзе можу стретнуц и дожиц воскреснутого Христа и у нєшкайшим чаше. Попри порядних парохиянох, були и дзепоєдни нови котри потераз нє знали за нашу церкву, а медзи найвизначнєйшима госцами бул амбасадор України Олександер Александрович зоз свою супругу и пан Кристофер зоз америцкей амбасади у Авґанистану зоз супругу и троїма дзецми. После пошвецаня шицки вирни ше и мировали, а шпиваче цали час шпивали воскресни писнї котри окреме допринєсли радосней пасхалней атмосфери. О. Р. Л.

Велька ноц торжествено означена и у двох вербаских парохийох. У старовербаскей парохиї о. Алексий Гудак внєдзелю, 28. априла служел два Служби, рано на 6 годзин Воскересну утриню и на 10 годзин Службу Божу на котрей було и пошвецанє кошаркох зоз пасхалним єдзеньом. У грекокатолїцкей церкви у Старим Вербаше пошвецени 94 кошарки котри порихтали парохиянє старовербаскей парохиї. У Новим Вербаше паски пошвецал нововербаски парох о. Иґор Вовк, котри на тот завод у церкви пошвецел 106 кошарки зоз пасхалним єдзеньом. З. К.

ОБЛЇВАНЄ У ДЮРДЬОВЕ

ХЛОПИ МАЛИ ВЕЦЕЙ ЩЕСЦА Народну традицию ходзеня по облїваню тримаю и Дюрдьовчанє. Так на Други дзень Велькей ноци облївац ходзели хлапци и хлопи, док на Треци дзень дзивчата и

14 РУСКЕ СЛОВО

дзивки пооблївали хлапцох и леґиньох, а так як себе „пожичели”. Медзитим, понеже пондзелок була красша хвиля, як вовторок, кед падал диждж и було жимно, та даєдни дзивчата и дзивки сановали воду, док исте тото нє мож повесц за хлапцох и хлопох котрим пондзелок нє були достаточни анї поллитрово погари. Найблагши медзи нїма, през обидва днї були наймладши облїваче, котри за тоту нагоду хасновали пахнячку. Старши по облїваню ходзели пешо, младши на бициґлох, або их орґанизовано розвожели родичи на автох. Нажаль, вше єст менєй тих котри ходза облївац на прикрашеним кочу, або шпедитеру. С. С. 10. МАЙ 2019.

duhovni@ruskeslovo.com

ДЗУРЯ У ДЮРДЬОВЕ

ХРИСТИЯНСТВО ВИРА ЛЮБОВИ На швето велїкомученїка Георгия 6. мая, у Дюрдьове у церкви Рождества Пресвятей Богородици, шпивану Службу Божу на 10 годзин служел домашнї о. Михаил Холошняй, а шпивали члени фамелиї Холошняй. У казанї о Михаил гварел же християнство вира любови ґу Господу Богу и каждому блїжньому, алє и же тото швето потвердзує же Бог од нас обчекує же би ше тота любов пресцерала и на шицки други живи єства, и на животиньски и рошлїнски.

ПОВОЛАНКА НА ШВЕДКОВАНЄ Паноцец Михаил Холошняй поволал вирнїкох же би на нєдзелю, 19. мая на 10 годзин участвовали на святочней Служби Божей у Руским Керестуре и преслави преглашеня Епархиї святого Миколая. Зоз Дюрдьова на тоту подїю будзе орґанизовани автобус, та най ше шицки заинтересовани цо скорей приявя у парохиї. Тота велька подїя на вовторок, 21. мая, будзе преславена и у дюрдьовскей церкви на вечурнї на 19 годзин по котрей будзе кратши духовни концерт, односно академия з нагоди того торжества. Будзе пречитани реферат историйного цеку злучованя наших церковних структурох за грекокатолїкох на тих просторох. – Пред нами скошене младе житко и ми го пошвециме. То можебуц випатра як обична ствар котру можебуц нє барз уважуєме, алє воно достойне любови, почитованя и пошвецованя. Тота рошлїна нам дава живот. З єй плода маме хлєб, основне и елементарне за наш чловечески живот – надпомнул о. Михаил. Понеже дополадня падал диждж и було жимно, жито ше пошвецело у церкви. С. С.

ДЗУРЯ У КОЦУРЕ

ЖИТО ПОШВЕЦЕНЕ У ЦЕРКВИ

У коцурскей церкви Успения Пресвятей Богородици, 6. мая означене швето Дзуря по юлиянским календаре и на шпиваней, велькей Служби Божей пошвецене младе жито. Служел коцурски парох о. Владислав Рац котри у казанї вирним бешедовал о живоце и страданю св. Георгия, а по законченю Богослуженя, парох у церкви зоз капеланом о. Данилом Задрепком пошвецел снопчки жита котре скошели члени Церковного одбору и котри були поставени на штири боки, цо символично представя штири боки коцурского хотара. Процесия пошвецаня жита ше углавним отримує у церковней порти, на месце дзе праве за тоту нагоду пошате жито, медзитим, того року пре нєкрасну хвилю пошвецанє жита було у церкви, а вирни го потим могли вжац и однєсц дому. З. К.

10. МАЙ 2019.

КАЛЕНДАР ПОДЇЙОХ

ШВЕТОЧНА ПРЕСЛАВА ПРЕГЛАШЕНЯ ЕПАРХИЇ Шветочна пре слава преглашеня Епархиї св. Миколая у Руским Кере стуре будзе отримана 18. и 19. мая у Новим Садзе и Руским Кере стуре. У конкатедралней церкви св. апостолох Петра и Павла у Новим Садзе, 18. мая на 18 годзин будзе служена вечурня. Буду ю служиц наш епарх владика Георгий з кардиналом префектом за Восточни Церкви и численима владиками госцами. По вечурнї у церкви будзе и пригодна академия на хторей будзе слова о историйним прегляду нашей церковней орґанизациї на тих просторох, а пририхтал го др Янко Рамач. У уметнїцкей часци наступи домашнї Хор „Гармония” и Катедрални хор з Ужгороду. Поволани и шицки вирни. Ютре дзень, на нєдзелю, 19. мая у Руским Керестуре у Катедрали св. оца Миколая на 10 годзин будзе Архиєрейска Литурґия хтору попри спомнутих кардинала и владикох буду служиц и велї священїки, а попри Керестурцох поволани и вирни зоз шицких наших парохийох. Буду шпивац Хор з Ужгороду и домашнї Катедрални хор св. оца Миколая. По Служби за шицких госцох будзе полудзенок.М. А.

РУСКЕ СЛОВО 15

ЕКОНОМИЯ МИНИСТЕР ПОЛЬОПРИВРЕДИ БРАНИСЛАВ НЕДИМОВИЧ БУЛ У КОЦУРЕ

ПАРАСТИ ЗАИНТЕРЕСОВАНИ ЗА СУБВЕНЦИЇ Пише: Златко КОЛЄСАР

Парасти у Коцуре концом априла мали нагоду „з першей руки” дознац цо Министерство польопривреди, лєсарства и водопривреди Републики Сербиї пририхтує у наиходзацим периодзе, кед у питаню субвенциї и помоц польопривреднїком, понеже польопривредне ґаздовство Владимира Копчанского, нащивел министер польопривреди, лєсарства и водопривреди Бранислав Недимович. Вон на тот завод отримал и схадзку зоз парастами на котрей могли дознац яки кредити актуални, алє повесц и свойо проблеми з котрима ше стретаю у польопривреди

М

инистер Бранислав Недимович, вєдно зоз предсидательом општини Вербас Миланом Ґлушцом, чолнима людзми вербаскей општини и Месней заєднїци Коцур, стреду, 24. априла, нащивели польопривредне ґаздовство Владимира Копчанского, у котрим мал нагоду видзиц механїзацию, котра у найвекшей мири купена праве прейґ субвенцийох и конкурсох котри дава наша держава як помоц польопривреднїком, а котри прешлих рокох розписовали як Република Сербия, так и Автономна Покраїна Войводина. – Владимир Копчански, чийо ґаздовство зме нащивели на тот завод добри приклад на котри способ мож вихасновац помоц од держави и унапредзиц польопривредну продукцию. При парастох найвекши проблем едукация и велї парасти єдноставно нє знаю цо шицко маю на розполаганю як

16 РУСКЕ СЛОВО

помоцни средства же би напредовали у роботи – гварел министер Недимович. О КОНКУРСОХ И КРЕДИТОХ ВАЖНЕ ДОЗНАЦ НА ЧАС Недимович гварел же Министерство почало зоз субвенционованима кредитами за польопривреднїкох и барз важне же би парасти за нїх дознали на час, же би могли апликовац и конкуровац. – Моя робота и же бим людзох упознал зоз тим цо Министерство пририхтує за польопривреднїкох, а живе слово и нєпоштредни контакт на терену найлєпши способ за презентацию роботи. Вше баржей ше намагаме же би средства котри обезпечує Министерство польопривреди пошли на продукцию, а нє на трошенє. Од того року можеме контроловац кажду парцелу, 10. МАЙ 2019.

ekonomija@ruskeslovo.com

понеже зме до стали нови алати як цо то, наприклад, интеґрована система за надпатранє. Тиж так, на схадзки зме розпатрели и даскельо проблеми з котрима ше стретаю коцурски парасти, та увидзиме у якей мири зме их годни ришиц – визначел министер Бранислав Недмович. УДАТНА СХАД ЗКА У КОПЧАНСКОГО У обисцу Владимира Копчанского була орґанизована схадзка на котрей ше польопривреднїки зоз Коцура и околних ме стох министрови Недимовичови могли опитац шицко цо их интере сує у вязи зоз польопривреду – од кредитох, субвенцийох, закупу державней жеми, по вичисцованє беґельох за залїванє и комасацию жеми. У вербаскей општини жем найлєпшого квалитету, а єдна часц тей жеми державна, котру општина дава до закупу. – У општини Вербас маме вкупно 33 700 гектари польопривредней жеми за обрабянє, од того 5 904 державна жеми, а 5 500 гектари дате на хаснованє у першим кругу лицитациї и тераз нас очекує други круг. З оглядом на тото же жем у нашей општини ма векшу вредносц у одношеню на сушедни општини, то значи же и локална самоуправа, як и Република Сербия буду мац векши приходи. Парасти барз значни тот живи контакт чи зоз министром, чи зоз покраїнским секретаром, же би им на час наявели цо ше нове пририхтує, та же би на час порихтали документацию и опитали ше кед им дацо нє ясне – гварел предсидатель општини Вербас Милан Ґлушац. На схадзки у Копчанского окрем коцурских парастох були и польопривреднїки зоз околних ме стох. Найвецей було парастох котри же занїмаю зоз землєдїлством, алє було и статкарох, як и тих котри ше занїмаю зоз продукцию желєняви, так же у розгварки були облапени шицки обласци польопривреди. Владимир Копчански єден з коцурских польопривреднїкох котри конкуровал на велї розписани конкурси и вихасновал рижни державни субвенциї, з помоцу котрих цалком обновел свою польопривредну механїзацию. ОБНОВЕЛИ МЕХАНЇЗАЦИЮ – Векшину польопривредней механїзациї зме купели прейґ державних субвенцийох, понеже поряднє провадзиме конкурски котри ше розписую на уровню Покраїни и Републики и конкуруєме дзе 10. МАЙ 2019.

можеме та даґдзе прейдземе, а даґдзе нє. Верим же бизме вшелїяк обновели механїзацию, лєм зоз значну розлику у тим же бизме без субвенцийох купова ли менши и туньши машини и без тих додаткох котри вельо олєгчую и подшвидшую роботу, так же зме дзекуюци субвенцийом швидши и ефикаснєйши. Наприклад, на пирскачки котру зме купели можеме розклопиц кридла, а анї нє мушиме висц зоз трактора, а то значно шпорує час на полю, понеже нє мушиме вецей раз виходзиц з трактора и ручно склапяц кридла пирскачки. Тиж так, на тот спо соб чуваме и здравє, понеже нє удихуєме гербициди и инсектициди зоз котрма ше пирска – гварел Копчански. У ПЛАНЄ ПРЕШИРИЦ РОБОТУ Копчански гвари же понеже ма нову механїзацию, тераз конкуровал за преши рй о ва нє по верх но сцох, од но сно за купованє жеми. – Наздавам ше же прейд земе на конкурсу. Циль нам же бизме нє завишели тельо од закупу жеми, алє же бизме мали цо вецей власней жеми. Польопривредни кредити нєшка вельо туньши як скорей и то, у каждим случаю, треба вихасновац – гварел домашнї тей схад зки польопривреднїк зоз Коцура Владимир Копчански. На схадзки зоз министром польопривреди, лєсарства и водопривреди Браниславом Недимовичом були углавним млади польопривреднїки котрих интере совало цо Министерство польопривреди пририхтує у наиходзацим чаше кед у питаню субвенциї и кредити. Єден з нїх Саша Вадаски. – На схад зки було ме нєй-ве цей тото цо сом и оче ко вал, до знал сом же кеди буду роз пи са ни да єд ни кон кур си за ку по ва нє но вей меха нї за циї на котри мам на ми ру апли ко вац. Тиж так, ин те ре со ва ло ме же чи ше буду да вац суб вен ци о но ва ни креди ти, та сом од ми ни стра чул же тоти креди ти уж буду актуал ни по сле Поль о при вред но го са й ма у Но вим Сад зе, же би люд зе котри маю на ми ру да цо ку пиц ма ли сред ства там и ку пиц цо им нє обход не – гва ри Са шо Ва да ски, мла ди поль о при вред нїк зоз Ко цу ра. ■

ПИТАНЯ ЗА МИНИСТРА МАЛИ И СТАТКАРЕ Понеже на схадзки окрем парастох були и польопривреднїки котри ше занїмаю зоз статкарством, министер Недимович бешедовал и яки новини ше будзе запровадзовац кед у питаню тот конар польопривреди. – Потераз сом конкуровал на Покраїнски конкурси за польопривреду, алє ниа, праве сом дознал од министра Недимовича же на републичних конкурсох вельо векши буджети за польопривреду, а и запровадзує ше иншаки правила, та сом одлучел же того року пробуєм конкуровац на конкурс котри розписує Република Сербия. Информация котра ми тиж значела и котру сом ту чул була вязана за закуп державней жеми за статкарох, понеже було приповедки же вельки комбинати закупя вельо жеми, та же за нас нє останє. Медзитим, министер гварел же ше то на даяки способ лимитирує, та же останє и за нас, а мнє нє треба барз велька поверхносц, понеже мам коло 40 кози у хлїве – винєсол свойо упечатки и млади статкар Синиша Мали.

РУСКЕ СЛОВО 17

ЕКОНОМИЯ ПИРСКАНЄ ПОЛЬОПРИВРЕДНИХ КУЛТУРОХ ОД КОРОВЧА И ХОРОТОХ

ДОБРА ЗАЩИТА ПРИНЄШЕ ВЕКШИ УРОЖАЙ Ярнї польопривредни култури на польох добре напредую и тераз парастом найвекша старосц як рошлїни зачувац и защициц од хоротох и од коровча. Велї парасти маю свою процедуру пирсканя котру пестую уж роками, з часом даєдни коровча розвили резистентносц, односно одпорносц на стандардни гербициди, та би було добре правиц и комбинациї рижних отровох зоз розличнима активнима материями же би ше рошлїни лєпше виборели зоз коровчом

У

коцурским хотаре превладую польопривредни култури як цо то жито, кукурица, слунечнїк и соя. Дипломовани инжинєр землєдїлства и заградкарства Борис Медєши зоз Коцура, котри роби як аґроном у ОЗЗ „Аґроном” Деспотово-Пиньвиц, наглашує же нєдостаток влаги у оптималним чаше будзе вплївовац на урожай житаркох, алє же би урожай бул задоволююци, рошлїни треба защициц од хоротох. – Пирсканє жита закончене и остава обрациц увагу на защиту житох од печаркових хоротох як цо то ардза и пегавосц жита, котри ше тих дньох зявели на даєдних поверхносцох. Жита у тим периодзе барз важне защициц понеже ше формую остатнї лїсточка, а вони найзначнєйши за урожай. За защиту лїсца найлєпши препарати котри у себе маю активни материї ципроконазол и пропиконазол. Потим би концом мая, кед ше формую класки, требало поробиц ище єдно пирсканє за защиту класкох, а ту найлєпши препарати на бази тиофанат метила, котри треба викомбиновац зоз ище єдну активну материю – гвари дипл. инж. польопривреди Борис Медєши. РОШЛЇНИ МАЮ НАДОСЦ ВЛАГИ Польопривредни култури котри посадзени штредком и концом априла, як цо то соя, кукурица и слунечнїк, маю влаги и добри предусловия же би ше добре укоренєли. – Соя, слунечник и кукурица за першу фазу веґетациї маю добри условия понеже диждж спаднул праве кеди требал и их требало защициц з пирсканьом з хемийнима средствами пред шатву, алє ту ше мушело водзиц рахунку, понеже после того пирсканя жеми потребни диждж, же би тота хемия мала ефекту и же би ше нє пирскало кед пооране вяри, пре груди на полю. Хто нє мал условия за пирсканє пред шатву, може похасновац контактну хемию, значи, ту ше пирска на желєно. У сої треба викомбиновац три активни материї и то: бентазол, имазамокс и тифенсулфурон метил. Остатнї роки ше зявюю коровча котри одпорни на поєдинєчни хербициди, а я ше у своєй роботи стретнул зоз амброзию котра преживйовала третмани кед нє були викомбиновани шицки три активни материї – визначел Медєши. ДЗИВИ ЦИРОК У КУКУРИЦИ НАЙВЕКШИ ПРОБЛЕМ Парасти у Коцуре заш лєм найвецей на свойо поля садза слунечнїк и кукурицу.

18 РУСКЕ СЛОВО

Борис Медєши

– Слунечнїк найподзековнєйши за пирсканє пред сходзеньом и хто може, требал би польо опирскац такой после шатви слунечнїку. Ту найзаступенши два активни материї тербутилазин и с-метолахлор. Кед ше пирсканє з тима активним материями уда, вец слунечнїк одскочи, завре шори и ту му коровче вецей нє може нїч. Кед ше пирсканє пред шатву нє уда, або ше нє сцигнє опирскац, вец треба зашац гибриди слунечнїку хтори толерантни на два активни материї и то имазамокс и трибенурон метил, та и на тот способ мож зачувац слунечнїк од коровчох. Ту ше муши водзиц рахунку же хтори гибрид слунечнїку посадзени понеже нє шицки гибриди толерантни на тоти два активни материї – гвари Медєши. За защиту кукурици од коровчох на тарґовищу єст надосц тунї препарати, алє заш лєм ше муши водзиц рахунку о тим же хтори препарати найлєпше знїща коровча. – По моїм думаню, у кукурици парастом найвекши проблем прави дзиви цирок котри зоз истей ботанїчней ґрупи як и кукурица, та ше муши добре водзиц рахунку о тим зоз чим ше пирска. Найлєпше би було нє садзиц кукурицу до поля дзе єст вельо дзивого цирку. Обачене же ше на польох почал зявйовац и резистентни дзиви цирок котри обстава гоч є попирскани, та тоти препарати вецей нє таки хасновити як цо то були пред, поведзме, 15 роками. За тераз, ту нєт конкретне ришенє. Найлєпше провадзиц цирок и пирскац го док є мали и у початних фазох розвою. Цо ше дотика широколїсцових коровчох, на тарґовищу єст надосц препарати на бази мезотриона и темботриона хтори ефикасни и мож их хасновац до фази док кукурица нє ма 8 лїсца – заключує дипл. инж. Борис Медєши.■ З. Колєсар 10. МАЙ 2019.

ekonomija@ruskeslovo.com

ПО КОНКУРСУ ПОКРАЇНСКОГО СЕКРЕТАРИЯТУ ЗА ПОЛЬОПРИВРЕДУ

Представнїки Покраїнскей влади АП Войводини – предсидатель Влади Иґор Мирович и секретар за польопривреду, водопривреду и лєсарство Вук Радоєвич, вовторок 7. мая у вельким голу Новосадского сайма шветочно привитали 716 особи – ношительох польопривредних ґаздовствох и представительох землєдїлских задруґох, котри потим подписали контракти о софинансованю набавки опреми за залївни системи и опреми за злєпшанє водового, воздушного и цеплотного режиму рошлїнох. За тоту намену по конкурсу котри тирвал по 15. марец, вкупно опредзелєни 380 милиони динари як софинансованє инвестицийох до польопривреди, а цалосна вредносц инвестицийох по реализованю би требала буц вецей як 663 милиони динари. Як гварел покраїнски секретар Радоєвич, на конкурс сцигли коло 1 000 прияви, алє нє шицки сполньовали потребни условия. Медзи иншим, визначел же ше з рока на рок звекшує число женох и младих особох до 40 рокох котри ношителє польопривредних ґаздовствох. Найвецей прияви, та и подписнїкох контрактох, було зоз општини Рума, а медзи 716 хаснователями вецей як

Фото: www.vojvodina.gov.rs

ПОДПИСАНИ 716 КОНТРАКТИ

50-еро зоз Руского Керестура, котри преважно конкуровали за залївну систему капка по капку, алє и за моторчки за залїванє и фолиї як защиту од мразу. РП/М. Дж.

ЗОЗ ПОЛЬОПРИВРЕДНЕЙ ФАХОВЕЙ СЛУЖБИ ВЕРБАС

БАРЗ ДОБРЕ ЖЕ СПАДНУЛ ДИЖДЖ – Диждж барз добри за жито и цукрову Диждж хтори спаднул концом априла и у цвиклу. Жито ше находзи пред фазу клапершей декади мая барз ше здал шицким сканя, даєдни ше уж клаша и треба им польопривредним културом, а найвецей жимнєйша хвиля же би вируцели класки, житу, ярцу, олєйовому репченю и цукровей так же житу одвитує и вельке количество цвикли. Руководителька Совитодавней слудижджу и нїзши темптератури. Мож пожби Польопривредней фаховей служби весц же диждж виратовал жито. Воно того (ПФС) Вербас и совитодавец Катарина Рароку будзе мац нїзке стебло, гоч добре видонич гвари же спадло вецей як 40 литри патра, ма фатюги хтори виходза з пазухох дижджу по квадратним метеру, на даєдних основних лїсцох и и з нїх маю буц вируцеповерхносцох и до 70 литри, цо цалком ни класки. По косидбу житу ище треба тедосц за терашнї фази розвою польоприльо дижджу. За цукрову цвиклу хвиля идевредних културох. ПФС Вербас зоз свою ална, як поручена. Одвитує єй тота силна дїялносцу закрива польопривредни поверхвлага и тоти нїзки температури и вона инносци у штирох општинох: Вербас, Кула, Катарина Радонич тензивно рошнє. Цвикла сцекла од цукроСрбобран и Бечей. – Одлично же спаднул диждж, бо жем була барз суха, вей пипи, по 1. юний завре шори, лїсце ше так розвиє же барз длуго було сухо, алє тераз завадзаю нїзки температу- закриє жем – гутори Радоничова. Ранши температури тих дньох барз нїзки за тоту часц ри, окреме же рана барз жимни. Нїзки температури нє добри за заградарство, окреме за паприґу и парадичи роз- рока, було би добре кед би ше нє спущовали спод 5 до 8 садзени на стаємне место до поля. Рошлїни церпя пре жи- ступнї. – Накадзи годно войсц до жеми, най польопривреднїму, нє хори су, алє ше спомалшено укоренюю и нєодпорки почню знїчтожовац коровча. Поля барз закоровчени, ни су на хороти – гутори Радоничова. По єй словох, за кукурицу добре же спадли дижджи, та бо коровче швидше рошнє од пестованих польопривреддзекуюци добрей влаги добре посходзела. Даєдни куку- них културох. Продукователє треба же би провадзели рици тих дньох пре нєдостаток слунка достали жовкаву розвой рошлїнох, най порихтаю фунґициди окреме при фарбу. Кукурица нє люби жимну хвилю, пре нїзки темпе- житу и провадза чи ше зяви пепелнїца и познєйше на ратури и кукурици нїзки, маю лєм 4 лїсца и високи су дас класкох фузариюм – гварела Радоничова и заключела же 5 центи нє рошню, а фено-фази преходза. Скунечнїк у добре же диждж допринєсол виєдначеному сходзеню, зишло скоро и кажде зарно. М. Т. одличним стану и соя досц добре подноши тоту хвилю. 10. МАЙ 2019.

РУСКЕ СЛОВО 19

КУЛТУРА И ПРОСВИТА РОЧНИ ВЕЛЬКОНОЦНИ КОНЦЕРТ КУД „ТАРАС ШЕВЧЕНКО” У ДЮРДЬОВЕ

НА БИНИ ШИЦКИ ҐЕНЕРАЦИЇ АМАТЕРОХ У Дюрдьове традицийно, на Перши дзень Велькей ноци, внєдзелю вечар, 28. априла, отримани рочни Вельконоцни концерт у орґанизациї валалского Културно-уметнїцкого дружтва „Тарас Шевченко”. Гоч каждого року аматере того Дружтва укажу богати репертоар, того року бул ище богатши

Пише: Сандра САЛАМУН

У

дво год зи но вей бо га тей про гра ми уча ство ва ли шиц ки сек циї Дружтва, та на би ни дзе ци и мла ди, од оводи по студен тох и за ня тих, ука за ли часц роч ней ро боти Дружтва. Во ни тан цо ва ли, шпи ва ли, ре ци то ва ли и ґлуме ли пред пол ну са лу патрачох у За дружним доме, котри нє шпо ро ва ли на моц них аплау зох. То го роч ни кон церт збо га це ни зоз ре пер то а ром, по не же окрем ор ке стра за потре би про гра ми и шпи вац ких сек ци й ох Сен ка Стан ко вич, умет нїц ка ру ко води те ль ка, на би ни гра ла на но вим електрич ним кла ви ре. У про гра ми, окрем тра ди ци й них тан цох, сти хох на ших по е тох и ком по зи ци й ох мед зи котри ма век ши на ви вед зе на пре ми єр но, пер ши раз ви вед зе ни и но во ком по но ва ни, за бав ни пи снї на ру ским язи ку. Ви ведла их Дзи воц ка ґру па у про вад зе ню двох ґита рох на котрих гра ли Ва си лиє Кочиш и Алексан дар Човс. Ви вед зе на шпи ван ки „Цо я за те бе” Са нї Ди вля ко вич и „Вше буд зе лю бо ви” Яки ма Сивча. Кра сни гла си, по при бе ра ни та нєч нї ки до роз ко шних шматох, до бри ре ци тато ре котри публи ку пре швече ли до то го цо ре ци тую, як и скеч авто ра Яки ма Чап ка, патрачом нє пре рив но три ма ли ува гу и потре бу же би им ше зоз шпи ва нь ом, аплау зом и ошми хом з ча су на час при ключе ли у ви вод зе ню. Гумо ри стич ни скеч ви ведли Оля Ба ра нь и Та рас Чап ко, чле ни

20 РУСКЕ СЛОВО

драм скей сек циї, у котрим бе шедо ва не о актуал ним ста ну у на шим дружтве, дер жа ви, яв них ин сти ту ци й ох и на те ми котри на й ве цей ци ка вя. КОНЦЕРТ ОТВОРЕЛ НАШ ВЛАДИКА КИР ГЕОРГИЙ ДЖУДЖАР На самим початку концерта присутних привитал Миро слав Чакан, предсидатель Скуштини домашнього Дружтва и владика кир Георгий Джуджар, котри шицким вирнїком повинчовал тото найвекше и найрадоснєйше християнске швето. – Же бизме були радосни и благословени, же бизме Вельконоцну радосц чували у наших шерцох и розуме, з ню жили, Господу Богу дзековали. Нашим виводзачом жичим успишни концерт и нам шицким приємни вечар. Христос Воскрес! – гварел кир Георгий. У публики були: о. Михаил Холошняй, о. Борис Холошняй, шестри служебнїци зоз Руского Керестура, Борислав Сакач, предсидатель Националного совиту Руснацох, Олена Папуґа републична посланїца, Радован Чолич, предсидатель Скупштини Општини Жабель, Душанка Джамбас, предсидателька Совиту МЗ и єй заменїк Душко Михелц, як и велї представителє валалских дружтвох и здруженьох. Предсидатель нашого националного совиту Борислав Сакач, бул першираз на тим концерту и такой обачел гевто о чим домашнї з окремну увагу дзбаю. – Приємно сом нєсподзивани. Видзим же водза рахунку о шицких ґенерацийох наших младих, же пе стую танєц, писню, рецитованє и гевто цо велька часц нашей традициї. Мило ми же бина була нєпреривно виполнєта з младима, а окремни упечаток на мнє зохабели рецитаторе котри прекрашнє 10. МАЙ 2019.

kultura@ruskeslovo.com

ДРУЖТВО ЗА РУСКИ ЯЗИК, ЛИТЕРАТУРУ И КУЛТУРУ У РУСКИМ КЕРЕСТУРЕ

НАГРАДЗЕНИ ШКОЛЯРЕ

Иван Молнар

гуторели, шпивацки ґрупи котри прекрашнє шпиваю, а цо повесц о фолклору, видзели зме як добре танцую, красни хореоґрафиї и народне облєчиво – гварел предсидатель Сакач, котри визначел и же му окреме мило же у шлїдуюцим школским року Дюрдьовчанє ознова буду мац першу класу руского оддзелєня з красним числом школярох. По законченю програми друженє госцох и аматерох предлужене у просторийох Дружтва, дзе послужена пасхална вечера пред котру ше шицки вєдно помодлєли. Молитву вимодлєли о. Борис Холошняй и о. Михаил Холошняй. По вечери Юлиє Еделински зоз Петроварадину вихасновал нагоду же би на тото вельке християнске швето домашнїм подзековал на велькей и нєсебичней помоци у його нєщесцу.

Дружтво за руски язик, литературу и културу, прешлого пиятку, 3. мая, у Основней школи „Петро Кузмяк” у Руским Керестуре, додзелєло награди школяром чийо литературни и подобово роботи оценєни як найлєпши. Конкурс розписани з нагоди 28. Дньох Миколи М. Кочиша, на хтори сцигло 167 школярски роботи – 64 литературни роботи школярох основней и штреднєй школи и 103 подобово роботи. Од того числа, зоз керестурскей школи наградзени 7 литературни и 14 подобово роботи. Спред Дружтва за руски язик, литературу и културу, Ирина Папуґа, на тот завод виражела подзековносц учительком и професорком руского язика у витирвалосци пестованя руского язика, а школярох поволала же би и далєй предлужели интересовац ше за литературну и подобову уметносц. – Барз зме задовольни и зоз числом школярских роботох хтори сцигли на конкурс, алє и

О ПРОГРАМИ ШЕ ОСТАРАЛИ Фахово руководителє наймладших танєчнїкох були Мария Хромиш и Тамара Салаґ, пририхтуюци и виводзацки фолклор Микола и Саня Хромиш, соло шпивачох и шпивацки ґрупи Сенка Станкович, оркестер Срдян Цуцич, а рецитаторох Яким Гарди и Мария Самарджич. Сценоґрафию порихтали дзивки зоз виводзацкей фолклорней ґрупи. Драмску сличу написал Яким Чапко, а конферансу Тамара Салаґ. Програму водзели Кристина Горняк и Тарас Чапко, а концерт орґанизовали члени Управного одбору Дружтва. Концерт потримали Покраїнски секретарият за културу, явне информованє и одношеня з вирскима заєднїцами, Покраїнски секретарият за образованє, предписаня, управу и национални заєднїци-национални меншини, Општина Жабель, Национални совит Рускей националней меншини и Завод за културу войводянских Руснацох.■

10. МАЙ 2019.

зоз їх квалитетом. Похвалєла бим и руски учительки и руски дзеци хтори з тей нагоди указали же познаю руски язик, руску бешеду, же знаю руску ортоґрафию, крашнє составяю виреченя, креативни су, а приповедки маю контекст и добру задумку. Дружтво ше будзе намагац видац зборнїк роботох зоз конкурсу – творчосци Миколи М. Кочиша як окремну кнїжочку, плануєме то витвориц до конца рока, медзитим, шицко завиши од финансийних средствох – визначела Ирина Папуґа. За найлєпшу литературну роботу наградзени школяре основней школи: Стефан Колошняї, Лора Новакович, Ребека Семан, Олеся Папуґа, и школяре Ґимназиї: Марко Буила, Кристина Гайдук, Жарко Остоїч. За найлєпшу подобову роботу наградзени школяре основней школи: Кристина Русковски, Дуня Апро, Марияна Сивч, Сара Гарди, Валентина Фаркаш, Мирко Малацко, Филип Илич, Ребека Сабадош, Мартина Еделински, Аня Симич, Андрей Рац, Тияна Бучко, Ивона Рац, а єдна награда пошла ПУ ,,Бамбиˮ, хтору достала Милена Рамач. Школяре як награду достали кнїжку Миколи М. Кочиша „Писнї и приповедки за дзеци”, а кнїжки тиж подаровани виховательком, учительком и професорком руского язика. Ан. М.

РУСКЕ СЛОВО 21

КУЛТУРА И ПРОСВИТА СЕДМИ ДНЇ ТЕАТРА „ВЛА ДИМИР САБО-ДАЙКО” У КОЦУРЕ

ПОЛНА САЛА И БОГАТИ РЕПЕРТОАР У Коцуре прешлого викенду у Доме култури були отримани седми Днї театра „Владимир Сабо-Дайко”. На тогорочней манифестациї означени 50 роки театралней и културней дїялносци, як и 70 роки живота Дюри Салонтая, котрому додзелєна грамота за културне доприношенє Пишу: Оля РУСКОВСКИ и Златко КОЛЄСАР

П

рограму и виставу фотоґрафийох пошвецену ювилантови Дюрови Салонтайови отворелa предсидателька Етно клуба „Одняте од забуца” Аранка Медєши котра присутних упознала зоз театралну дїялносцу и животом Дюри Салонтая, а потим Стеван Самочета пречитал остатню, обявену приповедку тогорочного ювиланта „Лаптоп и губаба”. Ґу присутним ше обрацел и Дюра Салонтаї, котри подзековал орґанизатором на указаней чесци, же на ньго нє забули, а подзековал и публики котра у вельким чишлє нащивела програму. – Мило ми же Днї театра у Коцуре пестую виключно дзецински представи, у чим ше розликуєме од других фестивалох. Чесц ми же тогорочни фестивал з єдней часци пошвецени моєй роботи цо ми дава чувство же и я на єден способ допринєсол розвою театралней дїялносци у Коцуре. По законченю ґлумецкей кариєри нє мал сом дзеку пробовац режирац представи, алє сом почал писац и по нєшка мам вецей як 40 обявени гуморески. Можебуц бим ше знова врацел на бину кед би ше врацел и мой стари режисер и вибрал ми даяку пригодну улогу – гварел ювилант Дюра Салонтаї. На бини коцурского Дома култури предсидателька Етно клуба „Одняте од забуца” Аранка Медєши и Моника Гарди Дюрови Салонтайови уручели пригодни дарунки и грамоту. Програмска часц першого дня закончена зоз приказованьом представи „Франтовнїца” Петра Ризнача Дядї у котрей и Дюра Салонтаї одбавел єдну зоз своїх найлєпших улогох. – Орґанизацийни одбор Дньох театра пред даскельома роками одлучел же бизме як часц програми обовязно уключели означованє ювилея даєдного ґлумца старшей ґенерациї котри допринєсол розвою театра у Коцуре. Того року ювилант мой колеґа зоз сцени Дюра Салонтаї. Вон одмалючка на бини, а и члени його фамелиї тиж були часц коцурского театралного живота. Так ше потрафело же Дюра праве по законченю манифестациї наполнєл и 70 роки живота. Окрем того, Дюра и длугорочни

член нашого Етно клуба и од нього маме барз вельо експонати котри виложени – гварела єдна зоз орґанизаторох и идейни творец Дньох театра Аранка Медєши. ВАСО ПИКАСО У представи „Васо Пикасо” ґлумела уж убавена ґлумецка дзецинска екипа, котра уж даскельо розлични представи ґлумела вєдно, та Коцур през нїх помали, алє сиґурно достава ґлумцох котри указую на шветлу будучносц коцурского театру. Млади ґлумци ше през представу намагали указац на значносц школи и порядних роботох у обисицу и же нє добре жиц лєм у завартей хижи и у своїм швеце, алє ше треба отвориц ґу другим и виглєдовац свойо можлївосци. Улоги у представи „Васо Пикасо” ґлумели Михайло Буша як Васо Пикасо, Катарина Ґайдош ґлумела Тету Нату Язикату, Сара Гарди у представи була Васова шестра Весна Єсна, Томислав Бесерминї бул Васов товариш Тихомир, Лазу штребера ґлумел Дамян Штефанко, а Русалку Марина Медєши. Представу режирала Моника Гарди, адаптацию поробела Аранка Медєши, зоз сербского преложел Владимир Бодянец, за музику бул задлужени Славко Вулин, а за сценоґрафию и костими ше остарала Снежана Радошевич. Режисерка представи Моника Гарди младим ґлумцом по законченю представи подзелєла подзекованя за труд и успишно одбавени улоги, а подзекованє уручене и Снежани Радошевич котра поробела комплетну сценоґрафию и облєчиво за спомнуту представу, як и Славкови Вулинови котри бул задлужени за музику. ВАЙ-ФАЙ ПРИНЦЕЗА Млади ґлумци зоз кулского РКУД „Др Гавриїл Костельник” през представу „Вай-фай принцеза” жадали парняком котри виполнєли салу Дома култури визначиц

22 РУСКЕ СЛОВО

10. МАЙ 2019.

kultura@ruskeslovo.com

опасносци котри грожа од превершованя у хаснованю интернета, виртуалних бавискох, а жадали послац порученє же ше нє шме дошлєбодзиц же би ше цали наш живот окруцал коло таблету, компютера або мобилного телефона, бо коло нас єст прекрасни ствари у котрих мож, и треба у нїх уживац. У представи котру по тексту Людмили Шандаловей режирала Нада Лендєр, ґлумели Весна Вонич, Дарян Пирожек, Мария Жирош, Наталия Жирош, Серґей Барановски, Мартина Барна, Лара Сопка, Дарко Вукелич, Навена Люмович и Уна Пирожек. НЄ СЦЕМЕ РЕЗАНКИ Представа „Нє сцеме резанки”, по тексту Крист Бендов, у режиї Весни Камановей и Ярмили Чобрдовей, у виводзеню Основней школи „15. октобер” з Пиньвиц. Представа була на словацким язику, и бешедовала о кральовней хтора ше учела вариц, и научела рихтац лєм резанки на рижни способи. То було у шоре, покля тоти єдла нє допили шицким, и дзвигли револуцию, так же на концу лїсток з єдлами бул вименєни. Представа була кратка, алє барз интересантна, о чим шведочели и ошмихи на тварох шицкей публики. КЕД ШЕ БОСОРКА ЗАЛЮБИ Представа „Кед ше босорка залюби”, по тексту Мири Станишев, текст преложел Владимир Бодянец, у режиї Блаженки Бодянец, а виведол Драмски студио „АРТ”, Дома култури Руски Керестур. Млади ґлумци, школяре од 2. по 4. класу, коцурскей публики принєсли порученє же треба любиц. На сцени мож було видзиц труд з хторим дзеци порихтали свойо улоги, а по словох режисерки Бодянцовей, дзеци ше на сцени наисце бавели и крашнє дружели. Ґлумци з бини випровадзени зоз моцним аплаузом численей публики. КАНДУР У ЧИЖМОХ Представа „Кандур у чижмох”, по тексту Шарла Пероа, у режиї Наталиї Зазуляк. Преклад и прешпив музичних точкох зробела Лидия Пашо, у виводзеню школярох Основней школи „Петро Кузмяк” з Руского Керестура. Талантовани музикални дзеци представели тот мюзикл, а коло цалого проєкту робела велька екипа ґлумцох и сотруднїкох. Як наведла режисерка Зазулякова, Лидия Пашо робела музичну часц зоз хорску секцию школярох 6. класи, а познєйше уруцовали драмски елементи, и анґажовали и школярох 4. класи хтори бавели

10. МАЙ 2019.

улоги мищаткох и розвешелєли бину. Публика з одушевийом попровадзела представу, и шицки дзеци зоз Дому култури пошли полни красних упечаткох. СИМФОНИЯ У Ф-ДУРУ ЛЄБО МАЛА ЛЕКЦИЯ ПРОЦИВ ШУНДУ Дипломовани професийни ґлумец Цвєтин Аничич ше коцурскей публики представел зоз монодраму „Симфония у Ф-дуру лєбо мала лекция процив шунду” у котрей през комику приказал же у яким положеню класична уметнїцка музика у одношеню на нєшкайшу популарну музику котру слуха младеж. Тиж так, дзецом пробовал дочаровац же на котри способ би нєшка преходзели познати композиторе як цо то Бах, Хендл лєбо Моцарт. Основне порученє тей представи то борба процив музики котра популарна од дзеведзешатих рокох и котра на єден способ унїжує тоту файту уметносци, а шпиваче без квалитетного гласу гласу маю векшу медийну потримовку од композиторох котри творя правдиву музичну уметносц. ГОСЦИ, ОРҐАНИЗАТОРЕ И СПОНЗОРЕ На отвераню тогорочних Дньох театра „Владимир Сабо-Дайко” присуствовали представителє Општини Вербас Предраґ Роєвич и Саня Жиґич, потим Мирко Штрбац спред Совиту Месней заєднїци Коцур, як и директорка ОШ „Братство єдинство” Славица Байор и члени Националного совиту Руснацох Весна Раґаї Цап, Деян Загорянски, Микола Шанта, Стеван Самочета и Борис Фейди. Нєсподзивани госци на коцурскей манифестациї були зоз Полькей котри ше преволую Коцур, а пришли до нащиви приятельом у Вербаше, та зоз Деяном Загорянским нащивели Днї театра. Орґанизаторе тогорочних Дньох театра були: Етно клуб „Одняте од забуца”, Месни одбор Рускей матки Коцур и Културни центер Вербас – Дом култури Коцур и задовольни су як шицко прешло, же публика пришла потримац тогорочну манифестацию. Отримованє Дньох театру помогли: МЗ Коцур, ОШ „Братство єдинство” Коцур, ДОД Коцур, КЦ Вербас, МО Рускей матки Коцур, Серафина Самочета, професор Михайло Буша, Ясмина Буша, Даниєла Майкич, Цукрарня „Медове шерцо”, Єсения Сабо-Дайко, Будимир Сабо-Дайко, Иван Црнчич, Мелания Макаї, Радойка Лазор, Аранка Медєши, Йована Медєши, Милена Дражич, Босилька Салонтаї и Моника Гарди.■

РУСКЕ СЛОВО 23

ЛЮДЗЕ, РОКИ, ЖИВОТ СТРЕТНУЦЕ З МАРИЮ БЛОТНЕЙ З ОСИЄКУ

УЧИТЕЛЬСКА МИСИЯ

Пише: Агнетка БАЛАТИНАЦ

Прешлого року на вецей заводи споминане мено о. Йована Храниловича. Прикмета „чловек злучованя”, лєбо народни трибун, а блїзко повязани з Руснацами, понукла нас на виглєдованє. У нашим окруженю у Осиєку, у руским дружтве, мали зме членох з презвиском Хранилович, понеже ше медзи собу скоро шицки познаме, знали зме же Мария Блотней родом з тей фамелиї – Йован Хранилович бул брат мойого прадїда Владислава Храниловича котри тиж бул паноцец. Паноцец Йован поховани у Новим Садзе, а о. Владислав на Мироґою у Заґребе. Обидвоме були грекокатолїцки священїки – толкує Мария, поцешена же походзи з фамелиї єдного з найзначнєйших руских преднякох. РУСНАЦТВО И ТАНЄЦ И попри тим же Блотнейова нє одросла у руским стредку, родичи ю научели по руски и бешедовац и шпивац. Усадзели до єй єства любов ґу рускей култури, а танєц и нєшка Мариї барз важни. Мария учителька, и у школи руководзи з фолклором, и цикаве тото же уключени нє лєм школяре, алє аж и учительки зоз школи. Тото цо тиж интересантне то же на вешельох и балох познате же вше найрозтанцованша пара праве Мария и Ярослав Блотнейово. Нєвичерпна енерґия хтора их порушує за собу ма уж пол столїтия и инспирация є велїм младим, та аж и старшим. Крашнє ше припатрац на нїх у

24 РУСКЕ СЛОВО

танцу, велї би подумали же су аж професийни танцоше. – Нє, през шмих гутори Мария, ми лєм барз любиме танцовац. Побрали зме ше кед мнє було 22, а Ярославови 25 роки и од теди, кеди ґод маме нагоду, танцуєме. ФАМЕЛИЙНЕ НАШЛЇДСТВО Мария Блотней (дзивоцке Хранилович) народзена 17. януара 1967. року у Дервенти. Єй оцец Владислав Хранилович и мац Єлена, народзена Сивч. Мац була професорка нємецкого язика, нєшка є у пензиї, а Мария предлужела учительску традицию. До основней школи ходзела до Билого Манастира, а Педаґоґийни факултет закончела у Осиєку. – Робиц сом почала 1987. року у трох основних школох. У Основней школи у Раєвим Селу, сом преподавала руски язик нашим дзецом, О два роки сом почала робиц, одала сом ше за Ярослава, и жили зме у Вуковаре, дзе ше 1990. року народзел и наш син Боґдан. Война нас одведла до вибеженства, до Словениї, а потим зме ше врацели до Заґребу и ту остали жиц. Наша дзивка Ана, народзена 1995. року – приповеда Мария. ШЛЇДОМ ГОРЯКОХ Попри своєй профе сийней роботи, Мария барз люби природу. Зоз супругом 10. МАЙ 2019.

ljudze@ruskeslovo.com

и приятелями часто одходза до горох, по горяцких дражкох по Медведници и околних брегох, а кеди ґод маю нагоду, нащивя родзину у Словениї дзе тиж прекрасна природа за горякох. – На й ча сте й ше нас може це вид зиц на Медвед ни ци, або на Слє ме ну, но, ми, во о бще лю би ме буц у при роди – пред лужує во на. Окрем спомнутого, єй любов и руска култура и традиция. Кеди ґод ма нагоду, приключує ше КУД-у Руснацох Осиєк и шпива у хору. Найчастейше то на „Крачунским концерту у Заґребе” и на „Дравских габох” у Осиєку. Вона лєм предлужела тото цо робела док була школярка, та и теди кед ше уписала на студиї була активна у КУД Руснацох Осиєк, дзе єден час и сама водзела музичну секцию. – Водзела сом дзецинску шпивацку секцию, хор и солистох. Було то осемдзешатих рокох кед сом студирала у Осиєку. Просториї нам теди були у Тврдї, було вельо дзеци и паметам же зме их водзели на „Петровски дзвончок”– здогадує ше Мария котра у тедишнї час була и подпредсидателька Дружтва.

ДЗЕЦИ БИ НЄ БУЛИ ДЗЕЦИ Мария у своєй професийней кариєри мала велї цикави искуства з дзецми младшого возросту. – Раз сом вошла до класи, шедла за катедру, а єдна школярка дзвигла руку. Цо ше стало – опитала сом ше, а вона мнє же чи мам ище дєдни ципели чи лєм тоти цо ношим. Гварела сом же мам, а вона ми врацела же чом же сом вец вше у истих. Нє знала сом цо одвитовац, алє од теди кус баржей меркуєм же бим нє була вше у истей сукнї або блузни, а о ципелох ище баржей дзбам – през шмих приповеда наша собешеднїца.

Мария з Боґданом и Ану

10. МАЙ 2019.

До фолклору поцагла нє лєм дзеци, алє и своїх колеґох

Мария тиж так участвовала и на велїх семинарох котри у тедишнї час орґанизовал Союз Русинох и Українцох РГ, а котри „на шлїд нїк” нє шка й шей „Лєт ней школи” на хторей ше учи руски язик, историю и културу – Я, так повесц, руски язик научела дома, бо зме дома так бешедовали. Родичи и баба ме научели читац и писац, а доставали зме и новини „Руске слово” и „Пионирску заградку”– памета наша собешеднїца. Мария нєшка порядни преподавач на Лєтней школи Союзу Русинох РГ котра ше каждого року отримує у Ораховици, а преподава руски язик и културу. – На Лєтну школу приход за и гевти хтори уж лєм по далєким поход зеню маю вязи з Руснацами, а з руску азбуку ше нїґда нє стретли. Любя слухац о рускей култури и историї, сцу научиц писац по руски бо им то цошка нове и интере сантне, окреме азбука, як даяке еґзотичне писмо – толкує Мария. Можебуц єдного дня дахто з тих „лєтних” школярох будзе нови будитель рускей свидомосци при жительох котри маю руски коренї, а учительки з Лєтних школох, и Мария медзи нїма, буду поцешени же праве од нїх научели перши букви. Мария и Ярослав маю двойо дзеци, Боґдана и Ану. Ана єден час, док студирала, док бивала у Осиєку при баби, була член КУД-а Руснацох Осиєк, а Боґдан успишни новинар у новинох „24.sata”. Блотнейових очекуєме на ище велїх балох, а їх дзецом жадаме же би чували мацерински язик и пренєсли го на свойо дзеци, праве так як то зробели и їх родичи.■

РУСКЕ СЛОВО 25

ЛЮДЗЕ, РОКИ, ЖИВОТ ПОДРУЧЕ ОПШТИНИ ШИД БОГАТЕ З АРХЕОЛОҐИЙНИМА ПРЕДМЕТАМИ

ГЛЇБОКО У ЖЕМИ ШЛЇДИ ПРЕШЛОСЦИ Пише: Владимир ДЇТКО

ТРИБИНА О ПРЕШЛОСЦИ Податки хтори винєсол Радован Сремац о археолиґийних находзискох, мали нагоду слухац и нащивителє трибини „Упознай родими край” хтора отримана у рамикох проєкта „Култура на дарунок”. Праве нащивителє вецей дознали и о „Ґрадини” и пренаходзеню двох римских шлемох у Беркасове.

26 РУСКЕ СЛОВО

На подручу општини Шид скрита богата археолоґийна прешлосц як шлїд дакедишнїх цивилизацийох хтора можебуц анї по нєшка науково нє цалком випитана. Од археолоґийних находзискох, найпознатше у шветових рамикох Ґрадина на Босуту нєдалєко до валала Вашици, алє нєвипитане и подруче валала Беркасово и його хотара хтори му припада

К

ед би зме рушели шором у тей археолоґийней приповедки, праве од беркасовского хотара, тото цо вон у жеми скрива знаю людзе з того краю, а єден з нїх и Янко Ждиняк, панзионер зоз Шиду. На єдним таким находзиску у потесу Берак у Катастерскей општини Беркасово у часци парастом познатше як напрям Велького проґону, Ждинякова фамелия ма 6, 5 гольти жеми хтору обрабяли ище дакеди Янков дїдо, а потим и оцец Владо. Янко як лаїк толкує же ше дакеди орало зоз плугом хтори цагали конї. ТОТ ХТО ОРАЛ МУШЕЛ МЕРКОВАЦ Познате же то нє було глїбоке оранє як познєйше кед ше почало орац жем з тракторами. – Було то можебуц до пред 50 роками. Кед оцец уж нє могол орац з коньми, даскельо роки заплацел же би му други з трактором, односно глїбше з плугом поорали. Даґдзе 1982. року и я купел трактор „ИМТ 539” и од теди я почал орац и обрабяц польо. И накеди сом почал орац на 30 або 40 центиметри глїбини, почал сом ви-

орйовац якиш тварди плочи, хтори ше ламали – приповеда нам Янко Ждиняк и указує фалатки спомнутих плочох. Под моцу тракторского плуга плочи ше ламали и Янко их вец виношел на дильов и насиповал. Гвари же ше раз там превалєла и студня, та мож нагаднуц же праве на тим подручу дакеди було населєнє. Пре таки обставини мушел буц осторожни вше кед орал же би нє зламал лєбо викривел плуг, а вец кед чисцел плуг од глїни нашол и перши пенєж. ЛЮДЗЕ ВЕРЕЛИ ЖЕ ДАҐДЗЕ ЗАКОПАНЕ БЛАГО То уж було цошка конкретнєйше у одношеню на спомнути фалати плочох. Осторожно пенєж очисцел од глїни и однєсол дому, а гвари же ше таке подобне случвало и другим парастом хтори у тей часци хотара обрабяли жем, та ше то пречуло, подознавало и ширше, а народ часто спомина приповедки о закопаним благу... – Кед сом орал почали ту приходзиц и розпитовац ше нєпознати людзе и видзел сом же зоз собу ношели детектори за метал. 10. МАЙ 2019.

ljudze@ruskeslovo.com

Вони мали и одредзени каталоґи стародавного пенєжу у случаю кед би дацо пренашли же би могли поровнац з гевтим цо у каталоґу. З оглядомна тото же то нє дошлєбодзене робиц, вецей их нє видзим же би приходзели на тото подруче. Нєт ту нїякого блага, окреме нє на поверхносци жеми хтора обрабяца, а гевти даскельо пенєжки хтори сом пренашол чувам як памятку у своїм обисцу – гвари нам Янко и указує пенєжну прешлосц на дланї. ДАКЕДИ У ЖЕМИ, НЄШКА У МУЗЕЮ Радован Сремац, висши кустос археолоґ зоз Шиду напомина же општина Шид нєдалєко од подруча Сримскей Митровици, дакедишнього Сирмиюму и же прето скрива богату археолоґийну прешлосц. Як вельке богаство Сремац визначує находзиско „Ґрадина” на Бо суту ище зоз часу палеолита, а тото пасмо глїбоке коло 10 метери. Єдна часц зоз бронзового часу глїбини коло три метери. Там пренайдзени коло 10 000 предмети, а виглєдане лєм коло штири одсто находзиска. Числени предмети ше чува у археолоґийней по становки у Шидзе. – Ище давного 1952. року кед єдна жена у околїску Беркасова копала винїцу, вико-

Янко Ждиняк

АРТЕФАКТИ БУЛИ ВИЛОЖЕНИ Пред даскельома роками спомнути барз вредни римски шлем, хтори пренайдезни у Беркасове, були виложени на вистави у Ґалериї „Сава Шуманович”. Зоз свою швицацосцу у склєняней витрини прицаговали попатрунки велїх нащивительох хтори ше найвецей праве там затримовали.

10. МАЙ 2019.

Радован Сремац

пала цошка цо анї нє знала же цо то. Кед помали поопатрала, були то два римски шлеми хтори маю барз вельку вредносц. У швеце их єст лєм даскельо. Тоти шлеми ше чува у Музею Войводини у Новим Садзе – гвари на концу Радован Сремац.■

РУСКЕ СЛОВО 27

ЛЮДЗЕ, РОКИ, ЖИВОТ ҐУ СТОРОЧНЇЦИ ОД СНОВАНЯ РНПД –

ПРАВИЛА Пише: Дюра ЛАТЯК

Початки националного будзеня при Руснацох на териториї дакедишнєй Угорскей, особлїво на подручу нєшкайшей Восточней Словацкей и Закарпатскей обласци України, ґу котрим етнїчно припадаю и бачванско-сримски Руснаци, вязани за мено священїка Александра Духновича (1803–1865). Реализовало их у нас Руске народне просвитне дружтво, основане 2. юлия 1919. року у Новим Садзе

П

СТАРОСЦ О КУЛТУРНИМ ЖИВОЦЕ У Руским Керестуре Перше шпивацке дружтво основане 1921. року2, а истого року у Коцуре уж иснує Коцурске дилетантске дружтво, бо у тим року Коцурци виведли театрални фалат Нєщешлїве на швеце розмазане дзецко. У Руским календаре за 1922. рок обявена аж и фотоґрафия зоз тей представи. Актере у виводзеню того фалата ище вше були школяре. У Дюрдьове дилетантске дружтво, основане 1923. року, цо заключуєме зоз писмох тедишнього дюрдьовского грекокатолїцкого пароха Дюри Биндаса (а чува их Дюра Варґа). Вон ище у периодзе 1912–1914. року купел єдну порту за будуци Народни дом, алє вибудов того дому зопарла Перша шветова война. По других наших местох тиж сновани руски читальнї и месни одбори РНПД, котри ше старали о културним живоце наших людзох.

28 РУСКЕ СЛОВО

равила хтори прилапени на Сновательней схадзки Руского народного просвитного дружтва (РНПД) мали шицкого 7 поглавя. У першим поглавю (Мено и циль Дружтва) уж у параґрафу 2. наведзене же „циль друштва: видавац и шириц популарним руским язиком написани кньишки и брошури набожного, поучного и забавного содержанія та видавац руски народни новини”. У поглавю 2. представени средства Дружтва, котри ше состоя зоз штирох ставкох: А, В, С и D. Под А то „темельна имовина” (по теди назберана сума членарини од почесних и утемелїтельних членох першей класи, дарунки понад 100 коруни и „єдна трецина суми котра останє на концу каждого року у дружтвеней каси, як уж шицки друштвени обовязки вимирени”). Под В то „редовни рочни приход” (камата, „подпори и припомоци”, шицки дарунки до 100 К, два трецини од приходу од предаваня кнїжкох, приход од оглашкох, кнїжкох и новинкох, членарина утемелїтельних членох ІІ класи и членарина рочних членох). Под С то „фундаціи (штипендіи). При тим наведзене же „за утемелєне фундаціи треба положиц суму гольем од 1000 К.” А „як треба управяц зос фундаціями и зос каматами одредзує при каждей фундаціи окремне фундационалне писмо”. Под D то „дарунки”. Тот сеґмент поблїжей у Правилох нє пояшнєни. У поглавю 3.(„Приступ до друштва”) у трох параґрафох ше пояшнює же хто ма право постац член Дружтва и поступок коло приманя и преставаня членства, як и штири катеґориї членства: Почесни члени, утемелїтельни члени І класи, утемелїтельни члени ІІ класи и рочни члени. У тим поглавю реґуловани и права и длужносци членох. Интересантне ту окреме визначиц же зоз параґрафом 14 предвидзене же „кажди член длужен купиц календар, котрого будзе друштво видавац а по возможносци и други виданія”. То бул добри индикатор за одредзованє тиража будуцих публикацийох.

У поглавю 4 (Управа друштва) розробене управянє з Дружтвом („Управни одбор од 6 персонох. Вони муша буц голєм утемельительним членом”, з мандастом на 3 роки, итд.) У поглавю 5 (Главне собраніе) ше розрабя як ше зволує Главна схадзка, хто ма право присуства на нєй, и други подробносци. У поглавю 6 („Престанак друштва”) зоз параґрафом 28. предвидзене же „кед би ше друштво мало розисц муши ше скорей шицко намириц и длуства повиплацац, а цо останє од имовини треба придац греко каф. ординаріяту у Крижевцох, да вон употреби тото на исту циль, яку мало и друштво” (подцагнул – Дю. Л.). У поглавю 7 („Надзор держави”) зоз параґрафом 29 предвидзене же держава ма право надпатрунку над Дружтвом, чи ше його дїялносц одвива у складзе зоз Правилами и же, у случаю кед би дїялносц приведла до опасносци интереса держави або членства, держава ма право „друштво обуставиц и у потреби по проведеней истраґи исте розпущиц, односно присиловац го на точне отримованье правилох”. Интересантне ту замерковац же на концу Правилох наведзени Бачкерестур, з датумом 1. юлия 1919. Подписали их: з лївого боку Михаил Поливка в. р. тайник, а з правого боку Михаил Мудри в. р. предсидатель. После того, по концу наведзених подписох дотата призначка: „Бр. 2983/1920. Видео и одобрио Г. Министар Унутрашњих Дела. Београд, 10. јуна 1920. По наредби Министра Унутрашњих Дела, начелник (Печат), (Потпис нечитљив).” Интересантне же у Правилох нє реґуловане ширше польо дїялносци РНПД-а, гоч у своїм уводним реферату на Сновательней схадзки о. Дюра Биндас наявел же то ма буц Дружтво „котрому циль будзе: зачувац народни характер Русинох и розвивац и розпространяц руску народну просвиту и у културних вопросох вшадзи заступац интерес южних Русинох”. Як уж спомнуте, у поглавю 1. (Мено и циль Дружтва), котре ма лєм два параґрафи, под па10. МАЙ 2019.

ljudze@ruskeslovo.com

РУСКОГО НАРОДНОГО ПРОСВИТНОГО ДРУЖТВА (X) раґрафом 1. ше наводзи мено Дружтва и же му шедзиско там дзе бива його предсидатель, а под параґрафом 2. ше наводзи же „циль друштва: видавац и шириц популарним руским язиком написани кньишки и брошури набожного, поучного и забавного содержанія та видавац руски народни новини”. То шицко цо о цилю и дїялносци РНПД-а наведзене у Правилох котри одобрели державни власци. Кед бизме сцели представиц дїялносц РНПД у периодзе його иснованя лєм на основи того цо призначене у його Правилох, вец би то була лєм видавательна дїялносц на популарним руским язику! Медзитим, його дїялносц була вельо ширша, праве така яку формуловал о. Дюра Биндас у своїм уводним реферату на Сновательней схадзки. Як видзиме, музично-сценска дїялносц нашого народу нє була окреме визначена у главних документох Руского народного просвитного дружтва. Зоз того би ше могло вицагнуц погришне заключенє же РНПД нє було заинтересоване за тоту дїялносц. Алє, факти указую процивне. Правди по дзеки, треба спомнуц же векша увага пошвецована образованю и видавательней дїялносци, алє уж на Другей рочней схадзки, отриманей у Руским Керестуре 23. мая 1921. року1 принєшене єдно зоз заключеньох же по наших валалох треба основац народни читальнї, бо и гевти цо були скорей основани – престали з роботу, даєдни ище пред Першу шветову войну, а даєдни после войни (а знаме же у нас и у нашим окруженю таки читальнї були и стредки у рамикох котрих ше одвивала и музичносценска дїялносц). Поступнє ше тото заключенє почало и витворйовац зоз снованьом месних одборох РНПД. Зоз писаних жридлох видно же сценски живот почина праве у тих читальньох. Так перши информациї о початку музично-сценского живота у Петровцох походза зоз 1926. року3, у Миклошевцох зоз 1928, Шиду зоз 1924, Вербасу 1933, Бачинцох 1934, Ґосподїнцох, Беркасова и Раєвого Села 1935, Пишкуревцох и Нового Саду тиж зоз 1935, а у Сримскей Митровици аж зоз 1941. року, гоч Месни одбор РНПД там иснує уж 1928. року4, алє пре познати причини (язична гетероґеносц и малочисленосц) условия за орґанизовану музично-сценску дїялносц дозрели аж 13 роки познєйше. Же ше РНПД наисце старало нє лєм о образованю на руским язику и о видаваню учебнїкох, кнїжкох, и брошурох набожного, поучного и забавного содержанія, та видаваню руских новинкох, алє и о музично-сценским живоце наших людзох доказує и факт же у рамикох програми означованя Дзешецрочнїци иснованя и дїйствованя РНПД 25. авґуста 1929. року у Руским Керестуре хор зоз 1 Роман Миз: Ґу 70-рочнїци од снованя РНПД – Конститутивна и главни рочни схадзки „Просвити” – хронолоґийни прегляд. – „Думки з Дунаю”, Вуковар, 1989, б. 98. 2 Доказ: фотоґрафия у Руским календаре за 1924. рок, б. 109. 3 Податки о тим з найвекшей часци превжати зоз хронолоґийного прегляду сценских и других културно-мистецких явних виступох Руснацох у Бачкей, Сриме и Славониї, под назву: На отвореней сцени автора Романа Миза – „Шветлосц” ч. 2–4/1070, НВП „Руске слово”, Нови Сад, 1970. 4 Доказ: фотоґрафия у Руским календаре на 1929. рок, б. 73. 5 Руски календар на 1929. рок, б. 155. 6 Михайло Ковач: Длугока драга номадска (Автобиоґрафски записи).– „Шветлосц” ч. 1/1990, б. 439.

10. МАЙ 2019.

Управни одбор РНПД-а з нагоди 10-тей рочнїци

Миклошевцох дал концерт, а студенти и стредньошколци (вєдно зоз керестурску валалску младежу) виведли драму др Гавриїла Костельника Єфтайова дзивка у режиї Петра Ризнича. И попри шицким тим, упечаток тот же ше музичносценски живот препущовало у РНПД на старанє младшим членом. Прето вон и приходзи до подполнєйшого вираженя аж после снованя Союзу руских школярох (1927). Уж на Сновательней схадзки у Коцуре 1–2. авґуста прилапени Правила у котрих ше окреме визначує же Союз, медзи иншим, отримує школярски схадзки, концерти, забави, преподаваня и же подпомага и снує хасновити институциї за школярох и народ. У складзе з тим, уж до першого Управного одбору, зложеного зоз 7 членох, єден бул задлужени за Дилетантску секцию (абитуриєнт Янко Ерделї), а на Другей главней схадзки 22. юлия 1928. року у Миклошевцох за предняка Дилетантскей секциї вибрани Янко Биндас, теди школяр стреднєй технїчней школи.5 Преламну точку у нашим музично-сценским живоце представя приход до Руского Керестура и уключованє до роботи РНПД теди младого учителя Михайла Ковача, а кус познєйше и священїка Онуфрия Тимка. Перши одбавел историйну улогу на унапредзеню театралней дїялносци, а други – на унапредзеню нашого музичного живота. Випатра же Ковачов приход на службу до Руского Керестура анї кус нє бул случайни. Вон и сам предпоставя же то було на инициятиву тедишнього крижевского владики др Дионизия Нярадия6. Владика добре упознал Ковача ище як стредньошколца, бо му Ковач бул часто на помоци у канцеларийних роботох. Прето мож вериц же упознал и Ковачово писательски и орґанизаторски схопносци и любов ґу масовней култури, та вироятно оценєл же би тоти схопносци могли присц до полного вираженя праве у Руским Керестуре, дзе було шедзиско Руского народного просвитного дружтва. И – нє спревед ше! З потераз наведзеного можеме заключиц же снованє и дїялносц Руского народного просвитного дружтва дало моцни импулс и розвою музично-сценскей дїялносци нашого народу на тих просторох. Гоч тота дїялносц нє була децидно визначена у цильох РНПД, вона заш лєм мала визначне место у його рочних програмох активносци. По нашим упечатку – анї кус нє менше як цо то мало образованє (просвитна), або видавательна дїялносц.■ (Предлужи ше)

РУСКЕ СЛОВО 29

МОЗАЇК ЙОВАН ЖИВКОВИЧ КОАВТОР ФИЛМА ЗОЗ ШВЕТОВИМ ПРИПОЗНАНЬОМ

ФЕНОМЕНАЛНА И НЄРЕАЛНА АВАНТУРА НА ТАЙЛАНДУ Пише: Мaрина ДЖУДЖАР

Йован Живкович зоз Руского Керестура и його колеґиня Ана Ирґа з Беоґраду, освоєли треце место на Тайландским интернационалним филмским дестинацийним фестивалу краткого филма (Thailand international film destination festival 2019), котри од 25. марца по 3. април орґанизовал Тайландски филмски центер под меном „Жий еко, жий по тайладнски” (Living eco, living thainess)

У

конкуренциї 20 интернационалних екипох котри були вибрани до узшого круга, Йован Живкович и Ана Ирґа у финалней часци завжали треце високе место, za co достали погар и пенєжну награду. Йован Живкович студент Академиї уметносцох ґлумецкого департману, напрям Знїманє и дизайн звука, а його колеґиня Ана Ирґа студенткиня истого факултету на напряме Aнимация и визуални ефекти Универзитета у Новим Садзе. На конкурс, на котри ше прявели 420 интернационални тими, були вибрани 20, а треба наглашиц же вони двойо самостойно оформели свой тим и так наступели, єдно условиє було лєм же би були студенти напрямох вязаних за филм, або телевизию.

ИДЕЯ И КРЕАТИВНОСЦ ПРЕВАГЛИ На сам конкурс послали задумани концепт филма и кратки видео у котрим ше вони двойо представели, и по шицким то було достаточно же би себе обезпечели карту за Тайланд и єдну красну авантуру. Драга по таки успих и треце место за двоїх младих студентох нє була лєгка и єдноставна, а як то почало надалєй, дознаваме од Йована. – Приповедка почала так же сом од товариша дознал за спомнути конкурс, вони знїмали, та ришел и я. Нажаль, мал сом ище лєм тидзень часу, знал сом же би колеґиня Ана сцела зо мну участвовац, понеже и вона авантуристичного духу и нє ма страх од спознаваня нового.

30 РУСКЕ СЛОВО

Тот тидзень за нас двоїх бул барз стресни, здумовали зме концепт филма, виглєдовали по интернету же дзе пойдземе и у котрей тайландскей провинциї будземе реализовац свой филм. Два тижнї зме чекали на резултати, и кед зме их видзели, перше сом видзел же прешол єден тим зоз Сербиї, и бул сом сиґурни же нєможлїве же би и ми освоєли пласман, но було праве так. На Тайланд одпутовали аж два тими зоз Сербиї – гварел Йован. Як далєй бешедує Йован, 24. марца одпутовали, а по його словох бул то наисце стресни период за обидвоїх, Йован мушел укомбиновац наступ зоз представу „Потвори” на Драмским мемориялу „Петро Ризнич Дядя”, було потребне обезпечиц и опрему, понеже шицко мушели однєсц зоз собу. Вельо технїки пожичели од других колеґох, товаришох и людзох добрей дзеки котри их розумели, алє нароком пре тот проєкт Йован мушел купиц и нови лаптоп рахункар котри годзен випровадзиц їх филм. Технїчна опрема з котру вони розполагали була далєко од професийней котру мали дзепоєдни екипи на Тайланду, алє по шицким, їх идея и креативносц превагла. На Конкурс ше приявели зоз уж розробену идею за филм, правда познєйше ю дакус меняли, алє место знїманя остало исте. Док други учашнїки виберали локацию блїзко при морю з цильом же би ше упознало атрактивни туристични локациї, Йован и Ана вибрали еко валал у провинциї Каласин оддалєней аж 520 километри од Банкоку, та надалєй дознаваме як то там випатрало. 10. МАЙ 2019.

mozajik@ruskeslovo.com – Мушели зме там пойсц, друга локация нє приходзела до огляду, то наисце одвитовало тогорочней теми фестивалу. Наш вибор локациї подрозумйовало путованє коло 7 або 8 годзини, а три днї нам остали за знїманє филма. Барз зме ше одушевели зоз домашнїм валалом, ми обидвойо любиме волонтирац, и то було як єден волонтерски камп за нас. Домашнї ше там притримую самоотримуюцого закону. Барз ше трудза жиц по своїх правилох, одховац рискашу, правиц цегли, а з цеглох хижи... Мали зме домашнього Тайландяна котри нам прекладал и дзекуюци котрому зме витворйовали комуникацию зоз людзми, тиж з нами бул и єден вожач, а розполагали зме зоз буджетом за филм у вредносци коло 950 долари.

АНКЕТА

ЖИВОТ З ПРИРОДУ МОЖЛЇВИ Ґу тому, Йован пробовал жиц на їх способ и потвердзел нам зоз вельким одушевийом же би дзечнє ознова пошол там. – Шицко тото, як жию домашнї у тим валалє, робел и я, и барз ми ше пачело, кед бим мал нагоду ище раз пойсц я би пошол голєм на два тижнї – потолковал Йован котри попри коавтора бул и ношитель главней ґлумецкей улоги у филму. Филм тематски обрабя еколоґийну тему самоотриманосци живота на Тайланду, конкретно у месце дзе го вони знїмали, Йован ше попробовал зожиц зоз тамтейшим животом котори цалком нєзвичайни, иншаки од того у Банкоку и котри подполна процивносц еколоґийней катастрофи з яку ше зочує Тайланд. Як нам потолковал, живот яки видзел там почитує природни закони и праве то го виполнєло и дало му инспирацию за роботу. На концу, гоч и нє таки задовольни зоз филмом, скоро без обчекованьох, зоз думаньом же то могло вельо лєпше, їх филм преглашени за трецепласовани. Бул то огромни успих за Йована и Ану котри ше зочели и зоз численима нєпредвидзенима проблемами, як цо то очежаносц роботи технїки пре високи температури и влагу у воздуху. Зочели ше и зоз бурю после котрей нєстало струї, цо им одняло надосц часу, и прецо филм закончовали у рекордно кратким интервалу – до 24 годзин 30. марца.

ЦО ШЕ ОЗНАЧУЄ 9. МАЯ? Марина Сеґеди, Дюрдьов: – Знам же того дня державне швето, алє сом нєпоинформована о тим датуме барз вельо. Александра Русковски, Руски Керестур: – Того датума означуєме Дзень побиди, кед закончена Друга шветова война у Европи. Леонардо Дудаш, Коцур: – Тельо знам же того датума закончена Друга шветова война и же тот датум прилапени як Дзень побиди.

Кадер зоз филму...

– Абсолутно же зме нє обчековали награду, дакус зме пременєли приповедку, нє були зме задовольни зоз нашу реализацию, а свидоми зме були же технїчно було вельо лєпши филми, учашнїкох котри розполагали зоз вельо квалитетнєйшу опрему. Ми шедзели, у публики и видзели зме же аж и асистент барз нервозни, и одразу зме видзели же наш филм преглашени за трецепласовани, з разу нас вицагли зоз наших местох. Искуство було феноменалне и нєреалне – визначел Йован. Филм остал у власнїцтве орґанизатора, обчекує ше же будзе обявени на їх ютюб каналу, та го нашо авторе буду дзелїц на дружтвених мрежох, понеже нє дошлєбодзена нїяка друга репродукция. Перше место на фестивалу освоєла екипа зоз Пакистану, друге место екипа зоз Ирскей, а додзелєлна и єдна награда за активносц на социялних мрежох котру освоєла екипа з Бразилу. ■ 10. МАЙ 2019.

Марияна Венчельовски, Ветерник: – Того дня, 9. мая, означуєме Дзень побиди, кед 1945. року Нємецка подписала капитулацию и зоз тим була закончена Друга шветова война. Тот дзень ше преславює у цалей Европи, а найвекша парада ше отримує у Москви. У Сербиї ше воєна парада отримує каждого року у другим городзе. Мария Хромиш, Дюрдьов: – 9. мая означуєме Дзень побиди над фашизмом у Другей шветовей войни. Тамара Салаґ

РУСКЕ СЛОВО 31

informator@ruskeslovo.com НА ЗДОГАДОВАНЄ

СИМЕОН САКАЧ aдвокат (1929–2018) з Нового Саду

ЮЛИЯН НАДЬ (1944–2019)

Прешли шейсц жалосни мешаци як ши вецей нє зоз нами. Нїґда це нє забудземе. Спочивай у мире Божим! Твойо наймилши ОСТАТНЇ ПОЗДРАВ Дня 12. мая 2019. року наполня ше два роки як ме занавше напущела моя мила мац

Най спочива у мире Божим!

СМУТНЕ ЗДОГАДОВАНЄ Дня 29. априла наполнєли ше 10 роки як нас зохабел наш мили супруг, оцец и дїдо

ВЛАДО ПАШО (1956–2009) з Руского Керестура Памятку на це чуваме и вше ши зоз нами. Твоя супруга Славка, син Желько и син Борис зоз супругу Весну и унуки Андрей и Давид Спочивай у мире Божим! СМУТНЕ ЗДОГАДОВАНЄ Дня 29. априла наполнєли ше 10 роки як нас зохабел наш

ВЛАДО ПАШО (1956–2009) з Руского Керестура Памятку на це чуваме и часто це споминаме. Твой брат Яким зоз супругу Терезу и дзецми Оленку и Кимом зоз фамелиями Спочивай у мире Божим!

32 РУСКЕ СЛОВО

Мили куме, пошли сце до вичносци, а тото цо остава то боляце чувство же Вас вецей нєт. Най вас Бог благослови и да спокой вашей души. Зоз смутком у души и больом у шерцу од вас ше одпитую Саша, Маряна и їх дзеци Давид и Адам Гербутово Спочивайце у мире Божим! ОСТАТНЇ ПОЗДРАВ Занавше нас зохабел наш мили кум

ЮЛИЯН НАДЬ (1944–2019)

ЛЮБА СИВЧ (1934–2017) з Дюрдьова Вично ожалосцени син Микола

ОСТАТНЇ ПОЗДРАВ Преселєл ше до вичносци наш мили кум

Мили куме, так ши нас нєсподзивано зохабел и без слова пошол до вичного спокою, алє кума це вше будзе споминац и думац на це. Ожалосцена кума Оля Спочивай у мире Божим! СМУТНЕ ЗДОГАДОВАНЄ Дня 16. мая 2019. року наполня ше осем смутни як зоз того швета до вичносци пошла моя мила супруга

МЕЛАНИЯ РУСКОВСКИ народзена Мали (1947–2011) з Коцура Памятку на щешлїви днї заєднїцкого живота навики будзем чувац у своїм шерцу. Вично ожалосцени супруг Микола Мила моя, най ци ангели буду на помоци! НА ЗДОГАДОВАНЄ Дня 2. мая наполнєли ше 20 роки як престало дуркац шерцо нашого милого оца, дїда и прадїда

Дня 4. новембра наполня ше 23 роки як престало дуркац шерцо нашей милей мацери, баби и прабаби

ФЕБРОНА ШТРАНҐАР СЛАВО ШТРАНҐАР народзена Шовш (1925–1999) з Руского Керестура (1929–1996) Красни памятки на нїх чува син Славо зоз супругу Веселку, унука Ванеска зоз супругом Милорадом, унук Желько, та праунучата Давид, Сара и Ана Спочивайце у мире Божим!

10. МАЙ 2019.

informator@ruskeslovo.com ОСТАТНЇ ПОЗДРАВ Дня 26. априла занавше нас зохабел наш мили супруг, оцец и дїдо

ЯНКО ГАЙДУК (1943–2019) з Руского Керестура

ЕМИЛ СОПКА (25. X 1938 – 9. V 2018) з Руского Керестура

З любову и почитованьом у красних памяткох навики це буду чувац супруга Мария, син Янко, син Сашо зоз Андрею, та унуки Виктор и Валентина Спочивай у мире Божим! ОСТАТНЇ ПОЗДРАВ Дня 26. априла занавше нас зохабел наш шовґор

СМУТНЕ ЗДОГАДОВАНЄ Дня 5. мая наполнєли ше жалосни три роки як нє з нами наша мила шестра и тета

НАТАЛИЯ БУДИНСКИ ЯНКО ГАЙДУК (1942–2016) (1943–2019) з Руского Керестура з Руского Керестура Красни памятки на це навики Памятку на ню чува шестра буду чувац Пештиково и їх дзеци Мария и єй дзеци Владко и Спочивай у мире Божим! Ясминка зоз їх фамелиями Спочивай у мире Божим! НА ЗДОГАДОВАНЄ

МИРОСЛАВ СЕҐЕДИ – МИРЕ (1960–2015)

МИХАЛ СЕҐЕДИ (1933–2011)

з Дюрдьова Памятку на нїх чуваю їх наймилши СМУТНЕ ЗДОГАДОВАНЄ Дня 9. мая наполнєли ше осем жалосни роки як нє з нами наш мили супруг, оцец, дїдо и прадїдо

ЯКИМ ОРОС (1932–2011) з Руского Керестура Зоз виру и надїю до воскресеня памятки на це навики чуваю, супруга Мария и синове Яким, Любо и Славко зоз фамелиями Спочивай у мире Божим!

10. МАЙ 2019.

СМУТНЕ ЗДОГАДОВАНЄ Дня 9. мая наполнєл ше рок як нє з нами наш мили супруг и оцец

З любову и почитованьом памятки на ньго навики чуваю супруга Ана и син Саша зоз фамелию Най спочива у мире Божим! СМУТНЕ ЗДОГАДОВАНЄ Дня 5. мая наполнєли ше жалосни три роки як нє з нами наша мила супруга, мац, баба и прабаба

НАТАЛИЯ БУДИНСКИ (1942–2016) з Руского Керестура Зоз любову и почитованьом памятку на ню навики чуваю супруг Леонтин, дзивка Оленка, син Славко зоз супругу Тат’яну, унука София зоз Миланом, унука Ваня зоз Йовицом, унука Даря зоз Лоґаном, унука Оля, и праунучата Мираш и Дуня Спочивай у мире Божим! СМУТНЕ ЗДОГАДОВАНЄ Дня 1. мая наполнєли ше 7 длугоки роки як нє з нами наша мила мама

ЄЛЕНА ХОМА (22. VII 1965 – 1. V 2012) з Руского Керестура Мила мамо, твою подобу и красни памятки на час препровадзени зоз тобу вично будземе ношиц у наших шерцох. Твойо наймилши, дзеци Тамара и Андрея зоз татом Дюром Спочивай у мире Божим!

CENOVN>K MALIH I POSMERTNIH OGLA[KOH – mala ogla{ka do 20 slova ko{ta 200 dinari – mala ogla{ka vecej yk 20 slova ko{ta 300 dinari – uramikovani tekst ogla{ki, abo vin~ovanki ko{ta 500 dinari – posmertna ogla{ka na wdno polqo ko{ta 600 dinari – posmertna ogla{ka na dva poly ko{ta 1 200 dinari. Cenovn<k va`i od 1. мая 2015. roku Ogla{ki mo` poslac na mejl office@ruskeslovo.com лєбо ruske.redakcija@gmail i uplacic na rahunok Novinsko-vidavatelqnej ustanovi “Ruske slovo” u banki Inteza ~islo 160-923244-82. Informaci< mo` dostac na telefon 021/ 6613-697.

РУСКЕ СЛОВО 33

ИНФОРМАТОР * дзе цо будзе * дзе цо будзе *

НА СОБОТУ У НОВИМ ОРАХОВЕ ШВЕТОЧНИ КОНЦЕРТ Шветочни концерт з нагоди означованя рочнїци роботи КУД „Петро Кузмяк” у Новим Орахове, основаного 1947. року, будзе отримани на соботу, 11. мая, у Руским доме на 19 годзин. Як госци у програми наступя члени Драмско-литературного здруженя „Граца Янош” зоз Нового Орахова и члени КУД-а зоз Решова. Уход шлєбодни. ***

НА НЄДЗЕЛЮ ЗМАГАНЄ У ЛАПАНЮ РИБИ НА ДУҐОВ

У рамикох СБ „Яша Баков” будзе змаганє у лапаню риби на дуґов. Змаганє будзе отримане 12. мая 2019. року у Моровичу на рики Босут (кед ше прейдзе мост на рики Босут на виходзе зоз Моровичу ґу Ямени, та на лїво. Сход екипох до 7 годзин у центру Бачинцох при Mесней заєднїци кед ше руши на воду, або на 7,30 годзин на води, кед почина вицагованє местох и початок змаганя. Городска управа за защиту животного штредку Городу Нового Саду на основи члена 10. Закона о преценьованю вплїву на животни штредок („Службени глашнїк Републики Сербиї”, число 135/04 и 36/09) обявює

ОБВИСЦЕНЄ

о поднєшеней вимоги за одлучованє о потреби преценьованя вплїву на животни штредок проєкта Подприємство „MARURI” доо, улїца Чирпанова 1, Нови Сад, по овласценю ношителя проєкта „BS BLOK 41A” доо Булевар Зорана Дїндїча 81/11, Нови Беоґрад, поднєсол вимогу за одлучованє о потреби преценьованя вплїву на животни штредок проєкта „Вибудов обєкта-станїци за обезпечованє зоз горивом”, угел Темеринскей улїци и драга шайкашского одряду, у Новим Садзе, на катастерских парцелох чс. 2424/2, 2739, 2737, 2736, 2734/2, 2733/2, 2728/1 и 2332/1 КО Нови Сад I, Город Нови Сад. Податки и документацию зоз вимоги ношителя проєкта мож видзиц у просторийох Городскей управи за защиту животного штредку Городу Нового Саду, Улїца Руменацка 110а, Нови Сад, роботни днї од 10 до 15 годзин. Шицки заинтересовани, у чаше 10 днї од дня обявйованя того обвисценя, можу дац свойо думанє у писаней форми на адресу Городскей управи за защиту животного штредку Городу Нового Саду. РЕПУБЛИКА СЕРБИЯ АП ВОЙВОДИНА ГОРОД НОВИ САД Городска управа за маєток и маєтно-правни роботи Улїца Народного фронта чс. 53 21000 Нови Сад Телефон: 021/488-0034

ВИШЛО АПРИЛСКЕ ЧИСЛО ЧАСОПИСУ МАК Предпрешлого тижня зоз друку вишло априлске число младжеского часопису МАК, а „У фокусу” му интервю зоз Катарину Кулич зоз Коцура, текст о младежским здруженю „Pact Ruthenorum”, як и напис о новооформеним Роботним целу за младих при Националному совиту Руснацох. „МАК-ов колаж” преноши информацию о розписаним Конкурсу за младежски проєкти Роботного цела за младих, а у рубрики „Куцик совитох” Єлена Дудаш зоз Коцура дзелї свойо искуство як инженєр гортикултури.

У рубрики „Швет науки и технолоґиї” ше находзи власне и с к у с т в о Да либора Болдиша котри фриленсер на Апворк интернет платформи, „Спорт и рекреация” упознава читачох зоз фолклорашами у д ю рд ь о в с к и м вивод зацким ансамблу, а у рубрики „Упознай себе” нагода превериц знанє зоз ґеоґрафиї. „Алт шоу у МАК-у” преноши анкетованє о театру, вакцинованю и електронских дньовнїкох, а у рубрики „Кинотека” нагода пренайсц препоруку за даскельо сериї на Нетфликсу. М. Дж.

РЕПУБЛИКА СЕРБИЯ АВТОНОМНА ПОКРАЇНА ВОЙВОДИНА ГОРОД НОВИ САД Правобранїтельство Городу Нового Саду Улїца Войводянских бриґадох чс. 17 21000 Нови Сад Телефон: 021/452-232

ОБВИСЦЕНЄ о обявйованю Явного конкурса за пополньованє окончуюцого роботного места на нєодредзени час у Правобранїтельстве Городу Нового Саду Роботне место: окончователь за правни роботи, хторе розподзелєне до роботного места совитнїк, 1 окончователь на нєодредзени час. Текст явного конкурса за пополньованє наведзенoго роботного места мож превжац на интернет презентациї Городу Нового Саду: http://www.novisad.rs/. Правобранїтельство Городу Нового Саду

МАЛИ ОГЛАШКИ ДИХТОВАНЄ облакох и дзверох. Щици од витру, жими, праху, галайку, праху, инсектох. МОНТИРАМЕ: – РОЛЕТНИ – ГАРМОНИКОВО ДЗВЕРИ – ПАНТЛЇКОВО ДЗВЕРИ – МРЕЖИ ОД СУНЬОҐОХ – ВЕНЕЦИЯНЕРИ – ОПРАВКИ 025/5827-710, 060/5088-433

ОБВИСЦЕНЄ

о обявйованю Явного конкурса за пополньованє окончуюцого роботного места на нєодредзени час у Городскей управи за маєток и маєтно-правни роботи Городу Нового Саду Роботне место: окончователь за роботи контроли и озаконьованя нєрухомосци у Секторе роботного простора, Оддїл за контролу и евиденцию роботного простора, хторе розподзелєне до роботного места совитнїк, 1 окончователь на нєодредзени час. Текст явного конкурса за пополньованє наведзенoго роботного места мож превжац на интернет презентациї Городу Нового Саду: http://www.novisad.rs/. Городска управа за маєток и маєтно-правни роботи

34 РУСКЕ СЛОВО

10. МАЙ 2019.

СПОРТ 10. ЮВИЛЕЙНИ ТУРНИР У МИНИ РУКОМЕТУ У ЧЕРВИНКИ

НОВЕ ОРАХОВО

МЕМОРИЯЛНИ ТУРНИР „ВЛАДИМИР ХОДАК – ТИРКЕ”

ШТЕРНАЦ ЕКИПИ УКАЗАЛИ РУКОМЕТНУ СХОПНОСЦ

Побиднїцка екипа на Мемориялним турниру у малим фодбалу – екипа „Фехирово”

Терен ФК „Славия” у Новим Орахове бул домашнї 8. Мемориялного турнира у малим фодбалу „Владимир Ходак Тирке”. Змаганє отримане 2. мая, а того року ше на турнире приявели осем екипи зоз: Фекетичу, Ґунарошу и Бачкей Тополї. Домашнї мали приявени пейц екипи. Бавело ше по турнирскей системи „кажде зоз каждим” у двох ґрупох. Стретнуца тирвали два раз по дзешец минути, а по одбавених шицких стретнуцох у першей фази, екипи хтори завжали перши места у своїх ґрупох бавели финалне змаганє. За треце место ше борели екипи „Ґунарош” и „Орахово”. Лєпша була екипа зоз Ґунарошу и заслужено освоєли треце место. У финалним змаганю бавели екипи „Фехирово” и „Пивопиє”, обидва екипи зоз Нового Орахова. У тим стретнуцу лєпша була екипа „Фехирово” хтори освоєли побиднїцки погар. Ґолман першопласованей екипи преглашени за найлєпшого ґолмана на турниру. Зоз истей екипи вибрани и найлєпши бавяч. Полуфиналне и финалне стретнуце одлично судзел судия Роберт Ерделї зоз Бразилиї. Но, судия нє мушел вельо хасновац пишчок, бо ше бавело фер и спортски, без фаулох. Турнир орґанизовали Спортске дружтво „Славия” и младежски клуб зоз Нового Орахова. У орґанизациї вельо помогли Форум женох „Армида” и Месна заєднїца Нове Орахово. Лю. Рац

Дзешати, ювилейни, вельконоцни турнир у минирукомету за бавячох народзених 2008. року и младших, отримани 27. априла у Червинки. Участвовали хлапцовски, дзивчатски и мишани екипи зоз Руского Керестура, Бачкого Брестовцу, Бачкого Моноштору, Дироню, Бачкого Ґрачцу, Крущичу, Приґревици, Суботици и Зомбора. Змагали ше 14 екипи, а керестурска Основна школа ,,Петро Кузмяк” одбавела три змаганя. Победзела основну школу зоз Зомбора зоз резултатом 10:1, алє страцела од Бачкого Моноштору з резултатом 7:9, и од Крущичу з резултатом 7:14. Турнир реализовал Рукометни клуб ,,Лаки” зоз Червинки у сотруднїцтве зоз Рукометним союзом Сербиї и Рукометним союзом Войводини, а школярох Основней школи ,,Петро Кузмяк” водзел їх учитель Славко Надь. Кажде дзецко достало офарбену писанку, сок, чоколадку и сендвич, а кажда екипа лабду на дарунок. Як и каждого року, у першим планє було друженє и нагода же би дзеци през бависко указали свойо знанє и талант у рукомету. Ан. М.

11. КОЛО РУКОМЕТНЕЙ ЛИҐИ „СИВЕР”

ПОСЛЕ ВЕЛЬКЕЙ БОРБИ, ОДБАВЕЛИ НЄРИШЕНО РК „Русин” – „РК Ґраничар” 19꞉19 (12꞉9)

Рукометаше Русина процив РК ,,Ґраничар” зоз Ґакова, пияток, 3. мая, у 11. колє, одбавели нєришено. Перши полчас за рукометашох Русина рушел лєпше од процивнїцкей екипи, зоз нєпреривним водзеньом, а добре бависко на терену приведла до трох ґолох предносци, хтору наша екипа успела отримац по конєц першей половки. Други полчас за русиновцох рушел добре, медзитим, при самим концу змаганя, бавячом Русина яґод кед би нєстало моци, та тото вихасновала процивнїцка екипа, кед у 42. минути виєдначела резултат на 15꞉15. Познєй10. МАЙ 2019.

ше ше ґоли зменьовали єден за другим цо приведло до нєришеного резултату. За Русин бавели꞉ Стойков, Тома (2), Гербут (4), Югик (6), В. Мудри , Салак (4), Дюрко, Пирожек, Варґа (1), Микита (1), Мудри М (1), а мрежу чувал Даниєл Милинкович. Змаганє судзели꞉ Радоичич Мария и Калудєрович Милица, а делеґат-контролор Ґоран Ловрич. Екипа Русина ше и далєй находзи на першим месце на таблїчки зоз 19 бодами, дзе после єденац одбавених змаганьох маю зазначени дзевец побиди, єдно пораженє и єден нєришени резултат. Ан. М.

РУСКЕ СЛОВО 35

СПОРТ ЖЕНСКИ РУКОМЕТНИ КЛУБ „РУСИН”

БУДУЧНОСЦ ПОД ЗНАКОМ ПИТАНЯ

Женски рукометни клуб „Русин” основани и реґистровани давного 25. авґуста 1983. року у Зомборе. Тедишнї Управни одбор Рукометного клуба на место першого тренера вибрал Янка Хому, професора ґеоґрафиї, а познєйше и директора ОШ и Ґимназиї „Петро Кузмяк”, хтори ше на месце тренера затримал полни 31 рок. У периодзе од коло 30 рокох, през ЖРК „прешло” вецей як 300 дзивчата, а Хома зоз ЖРК-ом обишол цалу Войводину, вецей раз участвовали на змаганьох у Словацкей, шоровали ше велї побиди, награди и припознаня Пише: Андреа МЕДЄШИ

З

– Кед ши заступнїк єдного клубу, як догаднїме, наша найпознатша и найцо я, постої велька одвичательносц. успишнєйша рукометашка хтора Препущиц финансиї и вельку часц свою спортску кариєру розпочала праобовязкох – нє мала ствар. До такей ве у ЖРК ,,Русин” була и Злата Паплацособи треба мац надосц довирия, треко. Паплацкова два роки бавела за Руба мац порозуменя и добру комуникасин на позициї ґолмана, кед ю на турцию. После Папуґи, єдну сезону Клуб нире у Кисачу, замерковал тренер зоз ше нє змагал, а 2016. року приходза ґу Темерину. Участвовала на вецей нам пар людзе зоз валалу, зоз идею же Европских першенствох, а єй найвекби любели ознова уключиц Клуб до ши успих вшелїяк Шветове першенлиґи. Орґанизовали єден приятельски ство у рукомету за жени отримане у турнир у Керестуре, досц успишно, Италиї 2001. року кед зоз Репрезентапозберали надосц людзох, приведли цию СР Югославиї освоєла бронзову спонзорох и шицко нагадовало же вомедалю. Звонко Планчак ни буду мац моци отримац тот клуб. Тедишнї предсидатель ЖРК-у, Янко Хома, 2014. року ше пре приватни причини поцагує зоз Понукнул сом им помоц коло паперох, а їм сом препущел Кулбу, а на його место приходзи Мирко Папуґа, водзи пенєж и орґанизацию змаганьох, понеже сом и так мал тот Клуб два сезони, медзитим 2016. року, тиж пре при- превельо обовязки у хлапцовскей екипи – гвари Звонко Планчак, предсидатель Рукометного клубу ,,Русин”. ватни причини, напущує Клуб. Гоч хлопски и женски рукометни клуб припадаю єдному Клубу, хлопски РК у такей предносци же ше змага у 3. лиПРОБЛЕМИ З ТРЕНЕРАМИ И ПРЕДПИСАНЯМИ ґи, односно, лиґи хтора вецей обрацена ґу аматеризму. ТоВа жне над пом нуц и тото же хлоп ски и жен ски ру - та лиґа локална, бави ше на уровню Бачкей, а вецей порокомет ,,Ру син” тво ря єден Клуб. Тот клуб у Аґен циї зуменя маю и компетентни. – При дзивчатох тота лиґа нє иснує, понеже у Войвоза при вред ни ре ґ и стри ре ґ и стро ва ни на Звон ка План ча ка и Вла ди сла ва Са ла ка. Клуби маю подоб ни дини таки клуби нєт досц, та дзивчата примушени зма,,трет ман” як и фирми, цо значи же му ша функ ци о - гац ше у 2. лиґи. Тота лиґа озбильнєйша, векша є, и бано вац по од ред зе них прав них за ко нох, маю сво й о го ви ше по цалей Войводини. Єст вецей професионализму, кнїж ко води те ля, кон ку рую на кон кур си, оправдую за єй иснованє треба мац тренера, а муша ше плациц и рижни допущеня, лиценци, реґистрациї, пререґистрациї, до стати сред ства итд. котизациї итд – гварел Планчак. З оглядом на тото же општина Кула спонзорує лєм сениорски спорт, дзивчата ше мушели змагац у лиґи за одроснутих же би достали средства за змаганя. Понеже дзепоєдни старши бавячки напущели Клуб, або прешли бавиц даґдзе индзей, дзивчата Русина пре вельке число пораженьох на змаганьох, кус по кус, трацели ентузиязем и дзеку за бавеньом. – Младши дзеци сом нє могла пририхтовац за 2. лиґу, понеже то за нїх барз вельки крочай. Тиж, при дзивчатох була присутна нєзаинтере сованосц и безвольносц за бавеньом, а случова ло ше и же зме ше нє могли назберац анї за одход на змаганє. Я ро бе ла, и ча сто сом нє мо гла до стац шлєбодни дзень, та зме нє раз пре тото

36 РУСКЕ СЛОВО

10. МАЙ 2019.

sport@ruskeslovo.com

же дзивчата иду без тренера на змаганє, доставали пенєжни кари од пар тисячи динари. У такей ситуациї, єдине ришенє було виступиц зоз лиґи – толкує Сабина Планчак, лиценцирани тренер за рукомет. ПЕНЄЖНА КАРА У тей хвильки найвекши проблем РК ,,Русин” то же дзивчата одустали у полусезони, та прето ушлїдзела пенєжна кара од 40 000 динари, а назберали ше и рижни длуства од коло 15 000 динари. Понеже и хлопски и женски рукометни клуб творя єден клуб, пенєжна кара муши буц виплацена, бо вона по автоматизме заш лєм будзе преруцена хлопскому рукометному Клубу. – Инициялна казна за виступанє зоз лиґи, по правилнїку Рукометного союзу Войводини (РСВ) може буц и до 250 000 дин. Медзитим, директорка 2. лиґи и секретар РСВ-а, нашли порозуменя за наш проблем и понукли ришенє же би ше виплацело минималну кару од 40 000 динари – толкує предсидатель РК ,,Русин” Звонко Планчак наглашуюци же окрем тих пенєжних карох хтори Клуб достал, проблем бул и у тим же остатнї час општина Кула пожнї зоз виплацованьом средствох. – Скорей зме од Општини средства доставали найпознєйше до конца априла, початка мая, и до того периоду зме шпоровали клубски пенєж. Медзитим, прешлого року зме од Општини средства достали аж концом авґуста, а то за нас було барз позно. Трошки хтори зме мали у хлопским и женским Клубу давали Сабина и я зоз своєй кишенки. То наисце превелька жертва, одвичательносц, а дакус и стрес. Людзе муша похопиц же ми лєм аматере, у Клубу волонтираме, свойо услуги нє наплацуєме, трошиме свой час и робиме найлєпше як можеме. Єдноставно, придзе дакеди период кед нє мож вецей ,,поцагнуц”, кед свойо особни приоритети мушиш положиц опрез клубских, а праве то ше случело Сабини и ЖРК-у – бешедує Планчак. ЧЕЖКИ ПЕРИОД ЗА РУКОМЕТАШКИ Но, Женски рукометни клуб нє єдини хтори ше престава змагац, понеже, як гвари дакедишнї, длугорочни предсидатель того Клубу Янко Хома, у Заходно-бачким округу велї ЖРК-и загашени. – Перши и основни проблем тот же дзеци єст вше менєй. Нє шицки дзеци талантовани за спорт, а нє каждого анї интересує праве рукомет. Рукомет заш лєм кус „грубши” спорт, єст у нїм надосц калїченя, витхнуца плєца, директного контакту медзи бавячами и вироятно же то дзивчатом нє таке цикаве. З другого боку, дзеци треба мотивовац, зоз тренинґох и одходох на змаганя направиц єдну файту друженя, розваги, же би дзеци сам спорт нє доживйовали як даяку терху, обовязку... И критериюми у рукомету пооштрени, пенєжни кари вельки, а дзеля ше часто пре даяки дробнїци. Нам ше случело же зме достали пенєжну кару прето же ше єдней бавячки, под час змаганя, одквачело число зоз спортского дресу – гварел Янко Хома. И попри тим же ше Женски рукометни клуб нє будзе змагац, спортски можлївосци за дзивчата нє зменшани. Дзивчата хтори любя рукомет, можу ше за ньго опредзелїц и далєй, понеже ше уж даскельо роки у керестурскей школскей сали отримую тренинґи ЖРК-у ,,Диронь”. Интересантне спомнуц и тото же до Керестура пришол и Женски одбойкашски клуб „Гайдук” зоз Кули, зоз цильом же би ше тот спорт понукнул дзивчатом у валалє. Найважнєйше же понукнуца и алтернативи єст, а кельо тота файта спорту зацикави младих, укаже ше у наиходзацим периодзе.■ 10. МАЙ 2019.

РУКОМЕТНА ЛИҐА ,,СИВЕР”

ИЩЕ ЄДНА ПРЕШВЕЧЛЇВА ПОБИДА РК „Русин” – „РК Борец” 30:18 (15:7)

У дзешатим колє у рукометней лиґи ,,Сивер”, рукометаше Русинa всоботу, 20. априла, зазначели ище єдну прешвечлїву побиду. Бавели процив екипи зоз Бачкого Ґрачцу, а стретнуце будзе запаметане прето же екипа Русина нєпреривно мала солидну резултатску предносц. Перши полчас цекол зоз нєпреривним шорованьом ґолох рукометашох Русина, же би ше закончел зоз резултатом 15:7. У другим полчасу, на терену була иста слика. Русин шоровал прекрасни акциї и ґоли. Замерковани були и одлични охрани ґолмана Милинковича, одлични розбавйованя Мудрия, и добру схопносц ґолґетера Гербута. Бависко у охрани тиж було одличне. Окремне розположенє замерковане и на трибинох, дзе навияче под час цалого змаганя, вирно потримовали своїх фаворитох. З тей нагоди за Русин бавели꞉ Тома (4), Боянович (1), Гербут (7), Салак (4), Югик (3), Микита (3), Михайло Мудри (8), Владимир Мудри, Дюрко, Пирожек, а мрежу чувал Милинкович Даниєл. Судийове були Страхиня Спремо и Никола Росич, а делеґат-контролор Горват Давор. Екипа Русинa ше и далєй находзи на першим месце на таблїчки зоз 18 бодами, дзе после дзешец одбавених змаганьох маю зазначени дзевец побиди и єдно пораженє, дали 300 ґоли, а їх мрежа ше затресла 220 раз. Ан. М.

РУСКЕ СЛОВО 37

СПОРТ ПОДРУЧНА ФОДБАЛСКА ЛИҐА НОВИ САД

ПРЕД КОНЄЦ ЗМАГАНЯ БЕЗ ПУБЛИКИ ОФК „Славия” (Нови Сад) – ФК „Бачка 1923” 1:1 (0:1)

НОВИ САД: Стадион ОФК „Славия”. Главни судия Милош Иванович (Нови Сад), помоцни Желько Штумпф (Нови Сад) и Тамара Лазаревски (Нови Сад). БАЧКА: Иґнїч, Драґан Тривунович, М. Маркович, Деянович, Вуйович, Роґич, Петрович, П. Маркович, Баґич, Єлич и Душан Тривунович. У 23. колу ярнєй часци першенства Подручней фодбалскей лиґи Нови Сад ФК „Бачка 1923” з Дюрдьова всоботу 4. мая госцовала на фодбалским стадиону ФК „Славия” у Новим Садзе. Стретнуце закончене зоз нєришеним резултатом 1:1. Ґол за Бачку дал Милан Роґич и то уж у 21. минути. Були три вименки бавячох, шицки у другим полчасу. У 52. минути вошол Милан Тривунович вишол Петрович, у 89. минути вошол Балоґ вошол Роґич, а у 90. минути вошол Янкович, а вишол Душан Тривунович. Гоч Дюрдьовчанє доминовали у першим полчасу, други полчас им нє ишол од рук. На змаганю подзелєни седем

опомнуца, з того пейц домашнїм котри нє шпоровали анї у нєспортским справованю, анї у пригваряню судиї. З бависка виключени єден з домашнїх бавячох котри ше тиж нєспортски справовал и вигварял бритки слова. У 70. минути досудзене каребне бице за госцуюцу екипу котру реализовал Душан Тривунович. Пре таку судийову одлуку домашнї бавяче ше побунєли и на терену указовали нєзадовольство на котре реаґовал госцуюци тим. Теди єден з домашнїх бавячох виключени з бависка цо виволало вельки реакциї у публики котра почали

„СИРИҐ” – „БАЧКА 1923” 3:2 (2:1) И у викенду пред госцованьом у Новим Садзе, а у 22. колє, дюрдьовска Бачка госцовала у Сириґу. На тим змаганю Бачка страцела, а за ню два ґоли дали Баґич у 25. минути, и Ґелич у 85. минути.

руцац тварди предмети на обєкт у котрим шедзели госцуюци бавяче. На инсистованє главного судиї трибини випраженєни, а змаганє закончене як спада. После того змаганя ФК „Бачка 1923” остава на истей позициї на таблїчки Подручней фодбалскей лиґи, на осмим месце медзи петнац тимами и з 29 бодами. Зоз тим змаганьом, у тей сезони, вона зазначела осме по шоре змаганє з нєришеним резултатом, а ма и седем побиди и шейсц страцени змаганя. У шлїдуюцим 24. колу Бачка будзе госцовац у Темеринє дзе будзе бавиц зоз длугопласованим ФК „ТСК”, котри у тей сезони ма лєм єдно страцене змаганє и штернац побиди. Змаганє ше отрима на 12. мая на 17 годзин на стадиону домашнього Клуба. После того змаганя, а у 25. колу Бачка угосци єдного од фаворитох у своєй лиґи, першпласовани тим ФК „Младосц” зоз Нового Саду котри нє ма анї єдно страцене змаганє и петнац побиди. С. С.

ФОДБАЛСКА ПАНОРАМА ОПШТИНИ ШИД

СРИМЕЦ ШИЦКИХ ПОБЕДЗУЄ У 16. колє Општинскей фодбалскей лиґи Шид, Сримец у Беркасове победзел Єдинство (М) зоз 2:0, шидска Єднота у Ямени победзела Ґраничар зоз 2:1, а ОФК „Бачинци” дома победзел Борец з Илинцох зоз аж 7:2. Синдєлич победзел Омладинєц зоз 5:2, а ФК „Ердевик 2017” на стадионє у Бинґули победзел ОФК „Бинґула” зоз 3:0, як и ФК „Напредак” у Вашици бавел 3:0 процив Єдинства (Лю). У 17. колє Општинскей фодбалскей лиґи Шид Сримец на госцованю у Шидзе победзел Єдноту зоз минималним резултатом 1:0, ОФК „Бачинци” на своїм терену бавели нєришено 2:2 процив Напредку, Омладинєц у Батровцох „преґажел” ОФК „Бинґула” зоз 7:2. У Моровичу Єдинство и ФК „Єдинство” з Люби бавели 1:1, а без ґолох було у Илинцох дзе бавели Борец и Синдєлич. На стретнуцу ФК „Ердевик 2015” и ФК „Ґраничар” резултат бул 4:2 за домашнїх. На таблїчки Сримец перши зоз 46 бодами, Єднота друга ма 40, а треци ФК „Ердевик 2017” зоз 37 боди. Єдинство (Лю) штварте зоз 28, Напредак пияти ма 27, а Єдинство (М) шесте зоз 26 бодами. Седми Синдєлич ма 20, Омладинєц осми зоз 19, а ОФК „Бачинци” дзевяти зоз 17 бодами. На сподку таблїчки Ґраничар дзешати зоз 13,

38 РУСКЕ СЛОВО

ОФК „Бинґула” єденаста зоз 11 и остатнї дванасти Борец зоз пейцома бодами. У 18. Колє, на нєдзелю, буду бавиц Напредак процив Єдинстав (М), Єдинство (Лю) дочекує Єдноту, а Сримец дома одмера моци зоз ФК „Ердевик 2017”, Ґраничар дочекує Омладинєц, ОФК „Бинґула” дочека Борец, а Синдєлич дочека ОФК „Бачинци”. У 22. колє Медзиопштинскей фодбалскей лиґи Срим, Обилич 1993 у Куковцох победзел ОФК „Бикич” зоз 3:1, а Фрушкогорец з Мандєлосу и Гайдук з Вишнїчева бавели без ґолох. У 23. колє ОФК „Бикич” ознова страцел на своїм терену процив екипи ФК „Митрос” зоз Сримскей Митровици 2:1, Фрушка Ґора у Руми победзела ФК „Обилич 1993” зоз 2 : 1, а Гайдук у Вишнїчеве бавел 4:1 процив ФК „Зека Булюбаша” зоз Равня. На таблїчки Гайдук други зоз 46 бодами, Обилич 1993 треци зоз 43 боди кельо ма и Митрос на штвартим месце. Пияти тераз Крушедол зоз 40 бодами кельо ма и ОФК „Бикич” на шестим месце.У 24. колє Фрушкогорец дочекує ОФК „Бикич”, ФК „Обилич 1993” будзе бавиц процив Шумара, а Гайдук у Обрежу будзе бавиц процив екипи ФК „Ґраничар”. Вл. Дї. 10. МАЙ 2019.

sport@ruskeslovo.com

ПОДРУЧНА ФОДБАЛСКА ЛИҐА СУБОТИЦА

НЄРИШЕНИ РЕЗУЛТАТ – РЕАЛНИ СТАН НА ТЕРЕНУ ФК „Искра” – ФК „Пролетер” (Равне Село) 1:1

КОЦУР: стадион ФК „Искра”, патраче: 250. Стретнуце судзел судия Б. Черанович (Ловченац). Стрилєц за Искру бул Ваяґич у 65. минути. жовти картон у екипи Искри достал Родич. ИСКРА: Калинич, Пєшивац, Дурутович, Юрчук, Родич, Ґубаш, Шанта (Малїк), Малацко, Ваяґич, Ґаґович и Сердар. Фодбалере Искри зоз Коцура внєдзелю 5. мая, по подлей хвилї, алє пред полним стадионом у Коцуре одбавели општински дерби процив Пролетера зоз Равного Села, а змаганє Искри и Пролетеру було и дерби 24. кола Подрученей лиґи Суботица, понеже ше стретли другопласована и трецепласована екипа. Дерби у подполносци оправдал очекованя, понеже патраче мали нагоду видзиц и ґоли и добри акциї, алє и борбеносц на обидвох бокох. Бавело ше углавним твардо, на стредку терена и були цалком ровноправни. Освоєни бод одвитує обидвом екиу першим полчаше обидва екипи мали свойо шанси за ґол. За пом, понеже зоз нїм у велькей мири обезпечели бараж, бо штвартопласовани Раднички зоз Искру найлєпшу шансу мал Ненад Баймоку свойо змаганє страцел на Шанта, алє зоз 5 метери нє дал ґол. Кед БОРБА ЗА БАРАЖ домашнїм терену од Ядрану зоз уж шицки очековали же ше зоз нєришеФК „Искра” у остатнїх двох колох Фекетичу, та тераз заостава 8 боди за ним резултатом пойдзе на одпочивок, госци зоз Равного Села у остатнєй одбавела два змаганя процив директних Искру, а 5 боди за Пролетером. У шлїдуюцим колу Искра будзе госцоминути першого полчаса после єдного конкурентох за места котри обезпечую корнеру дали ґол и зоз предносцу од 1:0 бависко у баражу за Войводянску лиґу. вац у Новим Кнежевцу дзе будзе бавиц Пред двома колами госцовала у Баймоку процив Обилича, котри предостатнї на пошли на одпочивок. У другим полчаше ше зменьовали дзе победзела домашнї Раднички зоз 3:1, таблїчки. Зоз потенциялну побиду периоди у котрих обидва екипи мали а ґоли за Искру на тим змаганю дали Искра була блїзко при цилю, а то обезРадован Ґаґович 2 и Зоран Сердар. печованє баражу за уход до инциятиву и нагоди за ґол. Окрем Войводянскей лиґи. На руку єй идзе и поєдинєчних бицох на ґол зоз дистанци же у шлїдуюцим колу Раднички зоз векших шансох за ґол нє було. ФУРИОЗНИ ПОДРОСТОК Баймоку будзе госцовац у Равним Селу, Найзначнєйши деталь у другим полчаше случел ше у 70. минути кед после Пред початком змаганя медзи перши- а у случаю же нє победзи вец и дефиниєдней наруценей лабди Душан Ваяґич з ма екипами Искри и Пролетера, змаганє тивно одпаднє зоз борби за место котре ґлаву дал ґол и вировнал резултат на 1:1. одбавели и подростки тих двох екипох. водзи до баражу. Искра после 24. одбавеного кола на Нєришени резултат реално приказал Подросток Искри бул лєпши и зазначел другим месце на таблїчки зоз 54 освоєстан котри бул на терену, понеже екипи прешвечлїву побиду од 10:2. нима бодами. З. К.

ПОДРУЧНА ФОДБАЛСКА ЛИҐА ЗОМБОР

ПРЕШВЕЧЛЇВА ПОБИДА ФК „РУСИН” ПРОЦИВ ФК „ЖАК” ФК „Русин” – ФК „ЖАК” (Зомбор) 6:0 (3:0)

Руски Керестур: стадион ФК „Русин”, патрачох 300. Стретнуце судзел судия Б. Алексич (Каравуково). Стрилци: Маркович у 16. минути, Жарич у 33. и 77. минути, Б. Надь у 40. минути, Дюканович у 60. и С. Кочиш у 66. минути. Жовти картон у екипи Русина достал Б. Надь. РУСИН: М. Надь, А. Кочиш (Маньош), Жарич, Ланчужанин, Б. Надь, Саянкович, Маркович, Бранкович, Дюканович, Будински (Чизмар), С. Кочиш (Д. Надь). У 25. колу Подручней фодбалскей лиґи Зомбор, внєдзелю 5. мая, ФК ,,Русинˮ прешвечлїво победзел екипу ФК ,,Жакˮ зоз Зомбора зоз резултатом 6:0 (3:0) На домашнїм терену, такой после 16 минути, ґол за ,,Русинˮ дал Оґнєн Маркович, а потим ґоли шоровали Боян Надь, Срдян Дюканович и Стефан Кочиш, з тим же Страхиня Жарич з 10. МАЙ 2019.

тей нагоди два раз затресол процивнїкову мрежу. Русиновци уж добре розбавени, од самого початку бавели повязано, борбено и нє допущели госцом же би реализовали даскельо нагоди. Зоз резултатом 3꞉0 ше пошло на одпочивок. У другим полчаше русиновци забавели ище твардейше и вони диктовали темпо бависка. Ґолман госцуюцей екипи зоз Зомбора, аж шейсц раз мушел винїмац лабду зоз свойого ґола. За Русин то була прешвечлїва побида. Алє за „зомборцох” найчежше пораженє у тей сезони. После одбавеного 25. кола верх таблїчки П.Ф.Л. Зомбор ма шлїдуюци випатрунок: 1. ,,Стари град” 56 боди, 2. ,,Крила країне” 48 боди, 3. ,,Славия” 46 боди, 4. ,,Русин” 44 боди У идуцим колє, 12. мая, ,,Русинˮ будзе госц у Кули и бавиц процив тринастопласованого ФК ,,Кулаˮ. Ан. М.

РУСКЕ СЛОВО 39

ИНФОРМАТОР, ОГЛАШКИ, ИНТЕРМЕЦО

ГЛАСНЇК ПО РУСКИ РОК LXXV ЧИСЛО 18-19 (3835-3836) НОВИ САД, 10. МАЙ 2019.

■ СЕДМИ ДНЇ ТЕАТРA „ВЛАДИМИР САБО-ДАЙКО” У КОЦУРЕ ЦЕНА 30 ДИНАРИ

ОГЛЯДНУЦЕ НА ПРЕШЛОСЦ

Фотоґрафия: 0232P

Фотоґрафия: 0639P

фотоґрафиї, та ше модлї шицких котри дацо знаю о особох, подїйох, часу, обставинох, обичайох, облєчиве и инши податки хтори вязани за тоти фотоґрафиї же би ше явели. Явиц ше мож прейґ порученя на Фейсбуку або коментару на фотоґрафиї, на имейл zavod.rusini@gmail.com лєбо на телефон 021/548-421. Кажда информация значна. Дзекуюци фотоґрафийом хтори настали у фотоґрафскей роботнї Будинскових, а котри диґитализовани на склєняних плочох, зачува ше шведоченє о живоце людзох и подїйох и велїх податкох цо припадаю културно-историйному скарбу Руснацох на тих просторох.

Фото: Сандра Саламун

У проєкту идентификованя особох и подїйох зоз склєняних плочох фотоґрафох Будински зоз Руского Керестура, котру орґанизує Завод за културу войводянских Руснацох (ВР), а котри уж длугши час обявйовани на остатнїм боку новинох „Руске слово”, потребна векша помоц ширшей явносци. Велї од обявених фотоґрафийох уж идентификовани, алє о даєдних потераз зазначене барз мало податки. На Фейсбук боку Заводу за културу ВР до окремного албуму положени тоти

■ ПРЕСЛАВЕНА ВЕЛЬКА НОЦ ПО СТАРИМ КАЛЕНДАРE