Karmageita
Karmageita
Marjun Syderbø Kjelnæs
Originaltittel: Karmageitin
Boka er utgitt etter avtale med Ungu Føroyar, Færøyane
© Marjun Syderbø Kjelnæs og Ungu Føroyar Første utgåve, første opplag 2022
Gjendikta frå færøysk av Lars Moa, MNO
Utgivinga er støtta av Nordisk Ministerråd
Sats: Design Baltic etter Ungu Føroyar
Omslag: Guðrið Syderbø Tapetmønster på omslag: Siggi Óli Pálmason
Trykk: Dardedze holografija
© Orkana forlag 2023
Orkana forlag as, 8340 Stamsund
ISBN: 978-82-8104-564-4 www.orkana.no post@orkana.no
Teach me, my god, bless and pray
The secret of wilting leaves, the brilliance of ripe fruit
This freedom: to see, to feel, to breathe
To know, to hope, to fail
Leah Goldberg, End of the road songs 1954
Opphav
Her er ei kort utgåve av mine apokryfar om ugras og godtru og ein stad i minnet som heiter jenterommet
Her er tankestiar attende til ættemødrer og inn i draumeflokar ja, heilt inn til ei openberring om ei geit ei særeiga søster los og lagnad på same tid
Her er ei mor som stadfestar seg i eit vegkryss uendeleg midtlivstrøytt men som likevel nektar å fornekte livet eller den fargen som gir livet innhald
Her er tvilen velkommen
her er nåden ein sjølvsagt ting her er følgjene av å flykte unna alle dei himmelvende auga
Her er barnet som ingenting forstod men som følte alt heilt inn til botnen der sjela søkte ly mot orda
Her er opprør og underdanigheit om einannan innvendighylet og utanpåsmilet den utemde og den udjerve fløkte inn i kvarandre
Her er sanninga om at alle sanningar smuldrar og morknar og blafrar bort forgylte i vinden
Her er tida som det ikkje går an å krøke seg i men som krøker seg i alt som finst
Her er eit hylster omkring kjøtt og sorg og kraft og ekstase
Her er eit eg som zappar og scrollar i trusspørsmål og vitskapar og gjentar apokalyptiske tidender om vekstar og ville dyr og tenker - kva meir er det å sjå?
Sela
Stunda da eg ser den eine bestemor mi i ansiktet og føler den andre i kroppen
Sela
Tenker på alle børene dei bar mjølkebøttene og vaskebaljene og torvkipene korleis dei kinna
og tvinna og strikka fødde barn rivna
utan bedøving og knadde og skura og dyrka alt slitet og tronge tidene dei hadde til å gjere seg tankar og til å tileigne seg kunnskap
Sela
Alt slitet deira var mi berging det tunge taket dei tok telta reiste på deira grå panner som vinka fortida farvel all deira venting på fredstider båtar mista av syne eit omskifte i vêret at feberen skulle sleppe taket togna boren i verdigheit kvar bønn kvar smerte kvart varme nybakte brød angande på kjøkenbenken eit storveges minnesmerke
Sela
No som eg drøymde om ei geit i dag tidleg
ønskte eg meg likevel berre å drøyme om eitkvart anna
dyret var for banalt
men likevel følte eg meg tett knytt til henne liksom var ho ein del av meg ei søster kanskje
og her må eg nemne at eg inga søster har
men at eg alltid har ønskt meg ei
Lengselen ver altså allereie sterk
og gleda over å finne henne
stor
mi eiga blidøygde bjølleringande geit endeleg
ISBN: 978-82-8104-564-4