Når me nå nærmar oss juletider, er det på sin plass å reflektere over året som har gått og sjå framover mot det som kjem. 2024 har vore eit år fylt med aktivitet, samhald og imponerande dugnadsinnsats frå både ungdommar og vaksne.
Den frivillige innsatsen frå våre medlemmar og støttespelarar har vore avgjerande for gjennomføringa av våre store arrangement. Både Fotballskulen og Kiwi Bama Cup har vore suksessar, takka vere dykk som har stilt opp med tid og engasjement. Utan denne felles innsatsen hadde me ikkje kunna tilby slike opplevingar for born og unge i lokalsamfunnet. Og ikkje minst i kvardagen, med treningar, panting av flasker, dugnad i kiosk og bruktbutikk, organisering av cupar, innkalling til trening og kamp – det å sørge for eit godt tilbod til over 500 medlemmer krever sitt.
I år har me gleda av å sjå basketlaget vårt delta i serien, i samarbeid med Stegaberg under namnet «Stølen». Dette samarbeidet har styrka tilbodet vårt og gjeve spelarane høve til å utvikle seg i eit større miljø. Vidare har me etablert ei racketgruppe som har ansvaret for badminton og padeltennis, noko som utvidar aktivitetstilbodet vårt ytterlegare, spesielt forhold eil eldre ungdommar og vaksne.
Me har også valgt å investere eigen buss – ein raud Ford med plass til 16 utvøarar, dekorert i Ølen IL-stil – her skal mange få gode oppleving på veg til og frå kamp eller andre arrangement.
Vårt tilrettelagde handballag har år teke steget inn seriespel. Dette er eit stort framsteg for inkludering og viser at idrettsglede er for alle, uavhengig av føresetnader.
Me har store planar på anleggssida, med bygging av ein fotballhall som me satsar på å kome i gong med i løpet av året. Kanskje hallen har reist seg til neste jul? Dette vil gje oss endå betre høve til å tilby aktivitetar året rundt og styrke idrettsmiljøet i Ølen.
Til slutt vil eg på vegne av idrettslaget takke kvar og ein av dykk for innsatsen i året som har gått, både utøvarar, heiagjengar, dugnadsfolk og alle andre som har engjasert seg, tillegg til sponsorane våre. Saman skapar me eit inkluderande og levande idrettslag der alle kan finne sin plass. Eg ser fram til eit nytt år med nye moglegheiter og opplevingar!
Håpar de koser dykk med årets Amatøren.
Med ynskje om ei god jul og eit godt nytt år,
Johnny Vik Leiar, Ølen Idrettslag
Produksjon:
Framsidefoto: Jonas Sandsgård
Opplag: 000
Levert til innbyggjerane Ølen og Ølensvåg Web: olenil.no
Innhaldet i Amatøren er produsert av eldsjeler og dugnadsfolk Ølen IL.
Sesongen 2024 Eit tilbakeblikk på sesongen
No som året nærmar seg slutten, vil eg som leiar for fotballgruppa ta eit lite tilbakeblikk på sesongen.
2024 har vore eit fantastisk år for fotballen i Ølen. Me har opplevd flotte augneblink, enten det var på barne- og ungdomsfotballkampar eller på seniornivå. Det er noko heilt spesielt med å sjå utviklinga både på og utanfor bana – nye venskapsband, idrettsglede og ein sterk dugnadsånd.
23 lag var påmeldt til seriespel i år, der 3 av laga var samarbeidslag med Etne. I tillegg kjem dei minste i G/J 6 og 7 klassen, som ikkje har seriespel, men deltar på ein del cupar. Noko som er rekord mange lag. Det gror veldig godt på fotballsiden, som viser godt igjen.
Ølen/Etne Kvinner debuterte i 4. divisjon, noko som var svært gledeleg. Endeleg hadde vi eit 11’er kvinne lag igjen. Sjølv om det var eit veldig ungt lag, så leverte dei ein god sesong. I sesongavslutninga leverte dei ein sterkt 2-1 seier over Skjoldar/Vats/Vik /Vind. Vi opplever stor vekst nedover på jente sidan, som lover veldig godt for framtida.
Herrane var endeleg tilbake i 5. divisjon, også her stilt vi eit ungt mannskap. Men etter litt innkøyring til seniorfotball, leverte dei ein veldig sterk haust sesong. Og enda til slutt på ein sterk 4. plass, og kan trones som det beste laget på indre Hauglandet. Ølen 2 leverte sterke prestasjonar i 7. divisjon, som hadde mange kjekke lokal oppgjer. Der dei vant vår sesongen, og havna på 2. plass i den toppa gruppa i haust sesongen.
Vi opplever god tilskore vekst for dei fleste laga, som er veldig gledeleg. Håper vi kan forsette denne utviklinga og at SR-Bank Stadion blir eit naturleg samlingspunkt for både unge og vaksne.
Eg vil spesielt takka dei som står på dag ut og dag inn for klubben:
•Trenarane som legg ned utruleg mykje arbeid for at spelarane skal få utvikla seg og trivast.
•Lagleiarar som organisera og administrera alt rundt laga, slik at alt flyter fint i kvardagen for både trenarar, spelarar og klubb.
•Frivillige og dugnadsfolk som bidreg med alt frå å organisera turneringar til å halda klubbhuset og banene i stand.
•Sponsorar og samarbeidspartnarar, som gjer det mogleg å driva klubben vidare og halda aktivitetstilbodet oppe.
Me kan vera stolte av innsatsen som vert lagt ned av alle frivillige for å skape ein god arena for utvikling og meistring. Her vert det lagt til rette for at alle skal få delta, uavhengig av alder og nivå, og dette set sitt preg på miljøet vårt.
Når me ser framover mot 2025, gler eg meg til å sjå meir idrettsglede, fleire mål, og ikkje minst fleire smil både på og utanfor bana. Me har mykje spanande å sjå fram til, og eg er sikker på at me saman vil løfta fotballen i Ølen til nye høgder.
Eg ønskjer dykk alle ei god og fredfull jul og eit riktig godt nytt år! Takk for at de er ein del av Ølen IL-familien.
Med beste helsing, Mats Årvik
Leiar for fotballgruppa i Ølen IL
Jenter 12 år på Etnecup.
Ølen og Etne samarbeider for aldersgruppa 14 år og oppover. Her er dei på Norway Cup.
FOTBALLHALL-PROSJEKTET TIL ØLEN IL: Me nærmar oss!
// TEKST: JOHNNY VIK //
Ølen Idrettslag sitt store prosjekt med å bygge ein fotballhall har no tatt eit stort steg vidare. Finansieringa er på god veg, med fleire av brikkene som no fell på plass. Hallen, som skal vere ein stålkonstruksjon med sandwich-elementer, vil vere ei viktig investering for heile lokalsamfunnet, for fotballspelarar og andre idrettsutøvarar i Ølen og andre bygder. At både Ølen og Ølensvåg Grendautval støttar prosjektet med store beløp viser kor viktig ein trur prosjektet blir for lokalsamfunnet. Hallen, ca 77 x 57 meter og ei utvendig høgd på tretten meter utvendig, vil kunne romme både store ambisjonar og mykje idrettsglede.
Aukar treningskapisteten og kan ha større arrangement Hallen vil bidra til å utvide kapasiteten på eksisterande arrangement, som fotballskular og turneringar. Dette vil ikkje berre betre treningsmoglegheitene, men også bidra til at Ølen kan arrangere større cupar og idrettsarrangement som vil tiltrekke seg fleire deltakarar frå regionen. Ølen Kiwi Bama Cup blei i år fullbooka. Det samme gjeld Tine Fotballskule.
Ein planlegg også for å bygge eit servicebygg med ein mingleplass med kiosk, noko som vil skape ein sosial arena der både utøvarar og publikum kan møtast. Dette er viktig for oss å byggje eit levande idrettsmiljø som fremjar både fysisk aktivitet og sosial trivsel. Dette i lag med
garderobar kjem nok i ein fase to, aller først skal me få opp hallen.
Den nye hallen vil ikkje berre dekke dagens behov for kapasitet, men vil også bli den einaste hallen av ein slik storleik på Indre Haugalandet. Dette vil legge til rette for større fotballskular og turneringar, samt moglegheita for andre idrettar som løp, bordtennis, badminton, lacrosse, og mange fleire. Vidare vil hallen også vere tilgjengeleg for uorganisert aktivitet, noko som er viktig for å stimulere til meir spontan leik og fysisk aktivitet blant born og ungdom.
Me er godt i gong med å sikre midlar. Med solid leigetakar, Vindafjord Kommuner bidar det til å gi prosjektet ein trygg økonomisk basis. I tillegg har me fått viktig støtte frå fleire stiftelsar, og dette har gitt oss eit stort løft i riktig retning. Støtta frå stiftelsane syner at dette er eit prosjekt som blir sett på som viktig for lokalsamfunnet og for å gi born og ungdom ein arena der dei kan utvikle seg både fysisk og sosialt. Prefabpartner bidreg med ein gunstig pris
PrefabPartner, som skal stå for sjølve hallen, har gitt oss eit svært gunstig tilbod som gjer prosjektet overkomeleg. Den nye hallen vil vere omtrent dobbelt så stor som den eksisterande idrettshallen i Ølen, med mål på ca. 57 x 77 meter. Dette gjer at me kan få ei topp moderne fotballhall som dekkjer behova til både
breiddeidretten og dei som har ambisjonar om å satse. PrefabPartner sitt bidrag med ein god pris har gjort det mogleg for oss å komme enda nærare målet vårt.
Lokalt næringsliv og lånefinansiering Søknaden understrekar også kor viktig det er å ha ein hall som er tilgjengeleg for alle aldersgrupper, og som kan bidra til betre folkehelse i heile Vindafjord kommune. Hallen skal ikkje berre vere for born og unge, men også vaksne og eldre vil kunne nytte seg av tilbodet, anten det er gjennom organiserte treningar eller meir uformell bruk. Me ser føre oss ei levande hall der sosialt samvær, idrett og aktivitet går hand i hand, og kor folkehelse står i sentrum.
Trass all den gode støtta manglar me framleis ein del millionar for å kunne realisere hallen. Men me er optimistiske! Noko av finansieringa kan dekkjast gjennom låneopptak, men det viktigaste for Ølen IL no er å få med det lokale næringslivet på laget. — Med felles innsats
frå bedrifter og aktørar i bygda, kan me klare å skape noko heilt unikt saman. Det handlar ikkje berre om å bygge ein hall – det handlar om å gjer Ølen og kommunen til ein enda meir attraktivt stad å bu.
Ein hall for framtida Denne fotballhallen er meir enn berre stål og sandwich-elementer. Det er eit prosjekt som symboliserer vekst, inkludering, og utvikling. Med ein slik hall kan me gi både born og ungdom moglegheita til å trene og drive idrett uavhengig av vær og vind – ei investering i fysisk aktivitet, fellesskap, og trivsel. Ølen IL ser fram til dagen då hallen kan opne dørene og gi ei ny treningsoppleving for alle, og me har trua på at me saman kan realisere denne draumen.
Ølen IL planlegg også å bli ein aktiv aktør på treningsleir-fronten. Me ser føre oss at hallen kan brukast som base for treningsleirar, noko som kan tiltrekke seg lag frå heile regionen og gi lokalsamfunnet fleire ringverknadar, både økonomisk og sosialt.
Din lokale hus og hytteleverandør!
NORWAY CUP 2024: EI FEIRING AV SAMHALD OG GLEDE!
Det har vore ei fantastisk veke for Ølen Idrettslag under årets Norway Cup. Laget viste stort engasjement og stor lagånd på dei ulike banene, og representerte bygda på beste vis. Med ei flott blanding av ungdommar, engasjerte trenarar og lagleiarar, og ivrige føresatte, var Ølen IL godt synleg blant dei titusenvis av deltakarane i Oslo.
Ein Sosial Fest Norway Cup handlar ikkje berre om fotball, men kanskje aller mest om å bygge vennskap og oppleve noko utanom det vanlege. Mellom kampane var det mykje tid til sosialt samvær, bading, og andre aktivitetar som Norway Cup arrangerte. For mange av spelarane var dette fyrste gong dei fekk delta på ei slik stor turnering, og det var tydeleg at opplevinga gjorde stort inntrykk.
Det sosiale samværet var minst like viktig som fotballkampane, og mange av spelarane knytta nye vennskap som dei kjem til å ta med seg vidare. Spelarane brukte kveldsstundene til å slappe av saman, spele kort, løkkefotball til seint på kveld på Ekebergslette, bare sjå på livet, eller slappe av i lagteltet. Det var mykje latter og gode historier, og ein kunne merke at det var sterke band som vart knytt både mellom spelarane på laget og med andre lag. For dei som deltek er Norway Cup mykje meir enn berre fotball – det er ei oppleving for livet.
Ølen IL stilte i år med fire lag: Gutar 13, Gutar 14/15, Jenter 14 og Jenter 15 (dei to jentelaga i samarbeid med Etne). Interessa for neste års Norway Cup er stor, så her blir nok enda fleire lag.
Oppvarming til kamp: Aller kjekkast var det med kampar på Ekeberg-sletta. Idyllisk, og bare ein kort rusletur frå campingen laga oppheldt seg på
Knallkjekt når ein har ein god heiagjeng på kampane
Jentene speler annakvar kamp Ølen-rødt og Etne-grønt. Her for anledninga i grønt.
G14-15 fornøydde etter å tatt seg vidare til A-sluttspel
// TEKST: JOHNNY VIK //
Ølen
Fem lag frå Ølen og Etne deltok på Norway Cup
Godt samhald også blant dei vaksne når fire lagtelt og eit fellestelt skulle monterast
Ølensgjengen viste godt gjeng i den tradisjonelle åpningsparaden til Norway Cup G13 møtte mexikansk motstand
Nærmare 60 familar frå Ølen og Etne budde på Ekeberg Camping – trivlige dagar og kveldar
Det tradisjonelle pizzabordet med alle spelarane og foreldra
GOD OPPLADNING TIL SESONGEN
I år reiste dei eldste ungdomsjentene til Malaga for å lade opp til sesongen. Laget består av mange spelarar som ikkje har spelt så mykje i lag frå før – her var spelarar frå Ølen, Etne, Sandeid, Vikebygd, og elevar ved internatskulen på Lundeneset.
Gutar og jenter i alderen 14-15 år reiste til Skudenes. Over 40 spelarar fekk gode treningsøkter inne i Skudeneshallen og Storhall Karmøy. Treningsleirane er ein del av ungdomssatsinga til Ølen – fokus her er først og fremst på det sosiale. Samtidig som de får eit godt sportsleg tilbod.
Sosialt rundt bordet på treningsleir for gutar og jenter 14-15.
Sosiale aktivitetar på treningsleir.
Jørgen B. Johansen skyt Skudeneshallen.
Lagbilde gutar og jenter 14-15.
Ungdomsjentene var på treningsleir Malaga.
Knapphus Buss – topp service!
// TEKST: JOHNNY VIK //
ØLEN KIWI BAMA CUP: Tidenes største idrettsarrangement i Ølen
ØLEN IL RULLAR I NY KLUBB-BUSS!
// TEKST: STIAN BERGE //
Med stoltheit kan Ølen IL presentere vår splitter nye 17-seters klubb-buss! Denne flotte raude bussen er ikkje berre eit transportmiddel, men ei viktig brikke i arbeidet vårt med å styrke samhaldet i klubben og løfte idrettsgleda enda eit hakk.
Siste helga i september arrangerte me Ølen Kiwi Bama Cup for andre gong, og me må kunne skryte på oss at dette har blitt ein stor suksess. Totalt deltok 107 lag, og me hadde til og med lag på venteliste. Hadde me hatt betre kapasitet, kunne me gjerne hatt med enda fleire lag.
Totalt vart det spelt 161 kampar over to dagar, med omlag 1000 spelarar i aksjon. Kommunane Vindafjord, Etne, Tysvær, Suldal, Sauda, Haugesund, Stord, Kvinnherad og Odda var representerte.
Etter cupen har me sendt ut tilbakemeldingsskjema til deltakarlaga, og her har me fått mykje positiv respons!
Og ikkje minst gode innspel som kan gjera cupen endå betre. Etter fjorårets arrangement fekk me høyre at folk ønskte seg fleire aktivitetar, og det har me lytta til. Hoppeslott, fotballdart, VR-briller, glitterpynting, i tillegg til Kiwi Bama Cup-aktivitetane med blinkskyting, prøvesmaking og cornhole. Og det falt verkeleg i smak.
Ein enorm dugnadsinnsats frå ungdommar og foreldre gjorde at det blei eit vellykka arrangement. Cupen er også eit viktig bidrag til økonomien i klubben og gav eit overskot på omlag 200 000 kr.
Me ser fram til neste års cup, og på sikt satsar me på at ein fotballhall kan gi plass til endå fleire lag.
Bussen gir laga våre moglegheita til å reise saman, anten det er til bortekampar, turneringar eller treningssamlingar. Me håpar bussen vil skape eit sosialt samlingspunkt for spelarane, som kan dele opplevingar både før og etter kampane. Dette bidreg til å byggje fellesskap og lagånd, som me veit er avgjerande både på og utanfor bana.
Med Ølen IL-profilering vil bussen også vere eit flott blikkfang. På veg til kampar og arrangement vil den vise fram kven me er.
Me håpar bussen vil vere klar rundt nyttår, og me gler oss til mange kjekke turar!
Bussen er ei stor investering for idrettslaget, nærmare 750,000. Me har tidligare leigd buss til gunstig pris. Men med mange kilometer me ønsker å bruke buss, så svarer det seg å eige framfor å leige. Og me skal ta godt vare på den! Sikkerhet kjem først!
Dyktige og trivelige dommarar er viktig - Erlend Lønning Gjøsæter, tilflytta bømling har også godt overblikk
Etne mot Sauda - Dommar Jendine Erichsen Østebøvik har full kontroll
Godt å kunne kose seg inne på Klubbhuset mellom kampane
Litt skiftande ver må ein rekne med når cupen arrangeres siste helga i september
Hoppeslott og andre aktiviteter idrettshallen var populært.
Hektisk aktivitet.
Alle laga fekk med seg diplom med lagbilde -heilt gratis.
Av: Tor Kalleklev
Ølen IL og FK Haugesund:
samarbeid som styrker grasrota
Ølen Idrettslag har dei siste åra utvikla eit sterkt og fruktbart samarbeid med FK Haugesund, noko som har gitt klubben nye moglegheiter både for spelarutvikling og trenarutvikling. Dette samarbeidet har skapt ein arena der lokalt talent kan blomstre, og trenarar kan få inspirasjon og kompetanse til å vidareutvikle seg. FK Haugesund har denne sesongen spelt fleire av kampane i nasjonalserien for G14 og G15-lag til Ølen.
Grasrottrenarkurs med stor deltaking Ein viktig del av samarbeidet er trenarutviklinga. FK Haugesund har halde grasrottrenarkurs i regi av Ølen IL, og deltakinga har vore svært stor. Desse kursa gir lokale trenarar ei solid innføring i moderne treningsmetodar og gjer dei betre rusta til å gi spelarane den oppfølginga dei treng. Mange av trenarane har deltatt med stor entusiasme, og kurset har bidrege til å skape eit sterkare fagmiljø i klubben, noko som kjem både spelarane og det lokale fotballmiljøet til gode.
FK Haugesund med På G11-treningar I tillegg til kursa deltek trenarar frå FK Haugesund på G11-treningane til Ølen IL ein gong i månaden. Dette er med på å sikre at dei yngste spelarane får god rettleiing tidleg i si fotballkarriere, samtidig som det styrkar forholdet mellom klubbane. Tilbakemeldingane frå både trenarar og spelarar har vore svært positive,
og det er tydeleg at denne månadlege oppfølginga har bidrege til auka treningsglede og utvikling for dei yngste spelarane, og trenarane.
Talenter som tek steget vidare Samarbeidet har også gitt resultat for spelarane som har ønskt å satse vidare. I år har fleire spelarar frå Ølen IL meldt overgang til FK Haugesund. Sander Christiansen er blant dei som no tek steget vidare, og dette er ein stor inspirasjon for dei andre spelarane i klubben. I tillegg deltek fleire Ølen-spelarar regelmessig på treningar i regi av akademia til FK Haugesund. Filip Christiansen, Niklas Christiansen, Leander Solheim (keeper), Niklas Sjo Heggebø, Sara Vik, Emilia Lothe, Celina Sjo Heggebø og Julie Nedrelid er blant dei som får moglegheita til å trene på eit høgare nivå og dermed utvikle seg ytterlegare. På samarbeidlaget Ølen/Etne har ein også landslagsspelar: Lilly Øren frå Etne på jenter 15 (med opprinnelig Ølensbu Peter Øren som far).
— Det er heilt unikt at landslagsspelar på jenter 15 speler på ein rein breiddeklubb, fortel Monica Arnesen i FK Haugesund / Team Haugaland Kraft. Monica fortel vidare at det ikkje er noko fasitsvar på kva som fungerer best. — Det viktigaste er at det er spelaren sine behov og ønsker som er styrande. Hu skryt av samarbeidet Ølen/Etne på jentesida, og har sjølv sett laget i aksjon i 1. divisjonskamp: — Det at ein kan iverata både topp og breidde er flott, og det er vedig kjekt å sjå at laget har ein spelande fotballstil avsluttar Monica.
TRIMGRUPPA 2017
Trimgruppen har fulgt sitt vanlige opplegg i 2017. Dette er: perioden september - april: Først joggetur en drøy halvtime, deretter styrketrening en drøy halvtime og til slutt en kort svømmeøkt. Alle kan gjennomføre treningen med den intensiteten som pas-
Eit samarbeid med gode moglegheiter vidare Ølen IL ser fram til å vidareutvikle det gode samarbeidet med FK Haugesund, og er i dialog om å opprette eit eige opplegg spesielt for jentespelarar. Dette vil gi jentene våre enda betre moglegheiter til å utvikle seg, både gjennom dedikert oppfølging og fleire relevante treningsarenaer. Målet er å sikre at også jentespelarar får dei same sjansane til å satse
Av: Tor Kalleklev
ser for hver enkelt. mai: Fjellturer hver torsdag med merking av turstier. De siste årene har vi prioritert merking av turstier til Roafjellet / Bygdarenuten, Skukkane / Keisarholli, Steinslandsnuten og Svartafjell. Til Svartafjell har vi steinsatt stien på de våteste plassene på første delen av turen. Men når vi
og utvikle seg, i eit trygt og støttande miljø. Samarbeidet handlar ikkje berre om fotball, men også om å bygge eit sterkt og inkluderande lokalmiljø der alle kan utvikle seg, uansett nivå.
har passert Eivindsåsen har det vært vanskeligere å finne stein. Det er i overkant av 10 som trener i denne gruppen. Trimgruppen ble startet som et nyttårsfortsett i 1990. Om noen skulle ha tanker om å starte et mer aktivt liv etter nyttår er der god plass til flere.
TRIMGRUPPA 2017
Ølen IL er også i dialog med FKH om moglegheiten for å FFO (fotballfritidsordning). Dette er noko me eventuelt kjem tilbake til hausten 2025.
Trimgruppen har fulgt sitt vanlige opplegg i 2017. Dette er: perio-
ser for hver enkelt. mai: Fjellturer hver torsdag med merking av turstier. De siste årene har vi prioritert merking
André Sæther Olsen instruerer på populært trenarkurs. Måkeungen skapte ekstra stemning på FKH G15-kamp i Ølen
Basketdebuten
i
Ølen
// TEKST: JONASSANDSGÅRD//
Det var eit samarbeid med nabokommunen som skulle til for at basketspelarane frå Ølen IL endeleg kunne få spele tidenes første offisielle basketkamp i Ølenshallen. «Stølen» består av naboar frå Stegaberg IL og lokale spelarar frå Ølen IL.— Me har blitt gode vener og det er veldig kjekt, seier Lars Johan Hustveit
Historisk kamp
Ølen og Stegaberg gutane møtte sterk motstand i Forus Gausel IL og Staal Jørpeland IL. «Stølen» gav begge laga kamp, men motstandardane trekte det lengste strået. Siger skal dei ta igjen neste gang.
— Me føler me blir betre for kvar gang, sa Theodor Kleppe Askvig til Grannar.
No ser gutane frå «Stølen» fram til å kunne spele fleire kampar i Ølenhallen.
To trenarar for «Stølen»
Det er Debora Hustveit som har vore initiativtakar med basket-laget, og har vore aktivt med for å få til eit samarbeid med Stegaberg, som gjorde at det til slutt var mogleg å spele seriespel, og no også ha fleire kampar på heimebane for vindafjordingane.
— Eg synest det er viktig å få med at treningane våre er åpne for alle, og at det berre er å hive seg med, seier Hustveit om baskettreningar.
«Stølen» bytar på å spele heimekampane på Frakkagjerd og i Ølen. Treningane det same. Kvar tysdag er det trening i nabokommunen, og då med Hendrik Dybdahl, som har fleire års erfaring som basket-spelar. På onsdagar held dei til i Ølenhallen.
Har du lyst til å prøve deg på basket? Ikkje vær redd for å ta turen, eller kontakt Debora Hustveit om du ønsker å vere med.
Ølen IL og Stegaberg IL har slått seg saman og danna «Stølen», som er det nye basketball-laget. Her er Nicholas Olsen (Stegaberg) og Lars Johan Hustveit (Ølen).
Bak f.v.: Oskar Woll Utbjoa, Julian Vetrhus Engenes, Lars Johan Hustveit, Theodor Kleppe Askvig, Marcel Auksel. Framme f.v.: Daniel Wold og Nicholas Olsen.
Julehelsing frå handballgruppa
// TEKST: EVELYN VEDHOLM HEGGEN //
Då var enda eit år snart over, og handballsesongen er godt i gang. Kvar veke kjem glade handballspelarar til hallen for å trene og vere sosiale. Lagidrett er fantastisk!
Denne sesongen har me meldt på lag i årsklassane 6, 7, 8, 10 og 13 år. I tillegg har me damelaget og vårt kjære hjartelag. Me skulle gjerne hatt fleire lag i fleire årsklassar, men det viktigaste er at me tek vare på dei me har.
I september arrangerte me eit «kickoff» ein laurdag, der alle som hadde lyst, kunne koma og prøve seg på handball. Det kjekkaste er at fleire av dei som deltok, har kome tilbake då me starta opp med treningane. I god tradisjon arrangerte me også Sparebank 1 Sør-Noreg sin handballskule i to dagar i haustferien. Me hadde flinke, unge instruktørar som laga eit kjekt opplegg for deltakarane mellom 7 og 12 år. Ivrige små stjerner fekk masse ballleik og god mat i pausane. Me hadde også besøk av jenter frå Skånevik handball, som gjekk rett inn i miljøet med spelarane frå Ølen handball.
«Tøffe gutar speler handball» er eit uttrykk som blir mykje brukt for å fremje gutehandballen. Dessverre har me i Ølen IL inga reine gutelag. Men me ser ei positiv utvikling i rekrutteringa, spesielt blant dei yngste, der fleire gutar har byrja å delta på treningane enn tidlegare. Mitt ønskje for 2025 er at me skal klare å melde på eit reint gutelag i siste halvdel av sesongen, kanskje i årsklassen 8–9 år. Allsidigheit i idretten er viktig, og det å spele fotball kan fint kombinerast med handball i vintersesongen. Kanskje har du ein Sagosen heime i staden for ein Håland? Verdt eit forsøk – velkommen til gutane på trening! Me treng alltid dommarar i klubben, og i haust tok tre jenter på 15 år dommar 1-kurs. Dette gjer at dei no kan dømme lag opp til 14 år. Me skal snart ha ein runde med kurs for 13-åringane også, slik at dei kan vere med å dømme minihandball.
Me ser at hallen byrjar å bli nokre år, og kaféområdet er litt kjedeleg. Difor var det stor glede i handballgruppa då me fekk pengar frå Ølen Ung og Aktiv til å kjøpe nye møblar. Møblane er bestilte, og me gler oss til å få dei på nyåret. Då manglar me berre nytt kjøkken, og der håper me at kommunen finn midlar til neste år. Då blir det endå trivelegare å arrangere og sjå på handball. Til slutt vil eg takke alle dei flinke trenarane som bruker mykje fritid i hallen, og ikkje minst lagleiarane som bidrar. Utan dykk hadde me ikkje hatt lag i Ølen.
Takk til Helene Haukland, Anna Nordtveit, Heidi Haugland, Åsa Berge Opheim og Sandra Hegerland – de gjer ein fantastisk jobb for dei yngste laga våre. Anne Karin Nøkland Berge, takk for at du starta opp med hjartelaget. Handballglede som dette skal ein leite lenge etter. Takk til Rolf Gangdal, som legg ned mykje tid i damelaget vårt – alltid kjekt å gå i hallen og heie på dei spreke og flinke damene. Takk også til alle dei unge hjelpetrenarane som bidrar – de er viktige for framtida.
Handballstyret består av Anette Solheim, Eline Hundhammer Siglen, Astrid Gundersen, Vegard Berge og underteikna. Me håper at me neste år får oppleve masse handballglede i hallen og anbefaler alle å ta turen når det er kampar. Me byr på tørt vêr og masse smil, i tillegg til noko godt i kiosken.
Ønsker alle ei riktig god jul! På vegne av Ølen IL handball, Evelyn Vedholm Heggen, Leiar
Håndball - A-lag damer.
Tre jenter som tok dommarkkurs i haust.
Klare for kamp.
To på handballtrening
1.Kor gammal var du då du starta å spela handball?
2.Kva er det kjekkeste med handball?
3.Kor like du best å spele på banen/kor spele du på banen?
4.Kva er det kjekkeste med å spela på eit lag?
5.Har du eit favoritt handball minne?
JOHAN K. AASERUD, 8,5 ÅR
1. Eg har spelt sidan eg var 6 år.
2. Å vera med på forskjellige cuper.
3. Eg likar meg best som keeper eller på midt.
4. Det er når ein får venner.
5. Det er alltid kjekt på handballavslutning.
ELINE HUNDHAMMER SIGLEN, 24 ÅR
1. Eg er litt usikker presist årstall eg starta med håndball, men eit av åra då eg gjekk på barneskulen.
2. Det er mykje som er kjekt med håndball! Men om eg skal plukke ut nokon ting som er kjekkast må det vera at ein får vera med gode lagkameratar, og at ein får utfordra seg sjølv på fleire områder.
3. Eg har vore på fleire posisjonar tidlegare, men nå spelar eg på venstre ving.
4. Det kjekkaste med å spela på eit lag er at ein er fleire med same interesse, som har felles mål ein jobber seg opp mot.
FLYTSTI KLAR TIL VÅREN
Etter eit godt stykke arbeid, hovedsakleg dugnad, er sykkelstien så godt som ferdig. Me har me fått godkjent spelemidlar til flytstien, og avventer kun endelige godkjenningar frå Kommunen. Me gler oss til å invitere til opning her i vår, og ser fram til at stien blir ein trygg og flott arena f or sykling for både store og små.
TEKNIKKPARK OG HOPPLØYPE PÅ
TRAPPENE
I tillegg har me fått godkjent spelemidlar til å utvikle ein teknikkpark. Dette vil bli eit spennande område der både nybyrjarar og erfarne syklistar kan utfordre seg sjølve og utvikle ferdigheitene sine. Me har òg planar om ei hoppløype, som me trur vil bli eit populært tilskot til sykkelmiljøet vårt. Denne vil ligge på oppsida av SR-Bank Stadion. Me satsar på å komme i gong med grunnarbeider her til våren.
5. Favoritt håndball minner må vera når me som lag har klart å slå topplaga i divisjonar! Då har det som regel vore ein tøff kamp og laget har samarbeida godt saman.
LEIGESYKLAR FOR ALLE
For å gjere det lettare for fleire å prøve seg i sykkelgruppa, har me no kjøpt inn leigesyklar. Desse kan lånast av alle som ønsker å teste sykkelaktivitetane våre – eit tilbod me håper vil inspirere fleire til å bli med! Ein stor takk går til Sparebank1 Sør-Norge stiftelsen for støtta til syklane. Me ser fram til å utvikle sykkeltilbodet vidare og håper mange vil ta del i den spennande våren som kjem!
skilt, emballasje, etiketter og firmagaver. Vi jobber fra idé til ferdig produkt, og skreddersyr løsninger til den enkeltes behov.
kai-hansen.no
Me heiar på dykk!
- einlokal støttespelar av barn og unge
KOMPLETT LEVERANDØR
RÅBYGG!
Med Prefabpartner er du sikret et godt fundament for hele byggets levetid.
8 grunner til å velge prefab-produkter
1.Kostnadseffektivitet
2.Tidsbesparelse
3.Kvalitetskontroll
4.Holdbarhet og styrke
vidar@prefab-partner.no
5.Fleksibilitet i design
6.Miljøvennlighet
7.Sikkerhet
8.Værbestandighet
Livsglede i bassenget – på trass av politiske bølgjer
// TEKST: BJØRN ALVSEIKE //
Det er med blanda kjensler eg skriv dette juleinnlegget i år. På den eine sida er gleda stor: Me er endeleg i gang igjen! Sein oppstart, ja, men det skuldast noko så positivt som at kommunen har investert fleire millionar i oppgradering av bassenget vårt. No byrjar det verkeleg å bli flott – og det gjer det heile endå meir meiningslaust at politikarane no vil leggje det ned.
Så eit takk til politikarane, takk for denne overraskinga – ikkje heilt den julepakken me håpa på. Men me løftar blikket over brutte valgløfter og gir full gass framover, som alltid.
Me har snart 200 medlemer, og gleda er enorm når me ser korleis me saman får det til å gå rundt. Flyktningane som har kome til Ølen har ikkje berre fått opplæring i symjing, men òg eit fellesskap etter skuletid – noko dei ikkje ville hatt utan innsatsen frå våre instruktørar og badevakter. Den frivillige innsatsen som blir lagt ner betyr alt, og utan denne hadde det ikkje vore mogleg å få til dette tilbudet.
Bassenget si livline
Sanninga er at livlina til bassenget i Ølen – nok ein gong – kviler på næringslivet og
alle dei ustoppelege eldsjelene som gir av tid og ressursar. Me lever i håpet om at denne sesongen ikkje blir den siste, og at me kan få halda fram med å spreie både livsglede og svømmeopplæringa i vatnet i mange år til.
Så, i mens kommunen driv med sine politiske «flyteprøvar,» held me fram med å symje. For kvart svømmetak, glede over mestring og smil rundt bassengkanten, kjenner me at me gjer noko viktig, noko som gir det lille ekstra i dagen.
Til alle som har støtta oss gjennom året –tusen takk! Og til politikarane: Kanskje juleånda kan vekke dykk til å halde ord og halde liv i dette fantastiske tilbudet? Så lytt til dette ordtaket som kommer frå ein klok gammal ringrev, «Når politikarar sparar småpengar, kostar det samfunnet gull.»
God jul frå alle oss i svømmegruppa.
Bjørn Alvseike Leiar svømmegruppa
PADELTENNIS: ØLEN OPEN –TURNERING FOR ALLE!
Den årlege padeltennisturneringa «Ølen Open» samla igjen i år eit breitt spekter av deltakarar – frå nybyrjarar til erfarne utøvarar, i dei flotte omgjevnadene ved Ølen Aktivitetspark. Arrangementet, som Ølen Idrettslag står bak, gir alle i som ønsker til å delta i ein sosial og spennande sport. Idrettslaget låner ut utstyr og tilbyr instrøktør / opplæring til dei som ønsker. Turneringa blei arrangert med eigne dame- og herreklassar. Det startar med gruppespel, der dei beste går vidare til sluttspel. Frå og med semifinalane blei resultata slik:
Menn:
Semifinalar:
Sindre Knutsen & Andreas Madsen vs Sondre Vestrheim & Johnny Vik 2-0 Josef Bø & Samuel Joakimsen vs Leif Rørtveit Vestbø & Sigve Lee Tveit 2-1
Finale:
Sindre Knutsen & Andreas Madsen vs Josef Bø & Samuel Joakimsen 2-0
Damer:
Semifinalar: Ellen Kristine Frøland & Astrid Gundersen vs Jette Klungland & Annelise Skrunes 0-2 Silje Berge og Ingvild Skare: Walkover.
Finale: Silje Berge & Ingvild Skare vs Jette Klungland & Annelise Skrunes 2-0 For Berge og Skare sin del var dette den fjerde strake turneringsigeren. Madsen og Knutsen har vunne Ølen Open tre gonger Me gler oss til ny turnering til våreoppstart er like etter påske. Følg med på Ølen IL si Facebook-side og www. olenil.no angåande påmelding.
Andreas Madsen og Sindre Knutsen aksjon.
finalen for menn vant Sindre Knutsen og Andreas Madsen over Josef Bø og Samuel Joakimsen.
Skal du innrede eller style huset / hytta di?
Me kan:
• Gi råd og veiledning
• Ta deler av jobben
• Gjera heile jobben med total stying/innredning
Ta kontakt så finn me den beste løysinga for deg!
Fordi dette kan me!
Hyttemagasinet
Mobelringen.no
Hyttemagasinet 2023
Mobelringen.no
SERVICEFIRMA
Mat for alle anledninger
• Tlf: 53 77 50 32
Bergen - Haugesund - Stavanger
Tlf: 52 22 31 10
Tlf: 52 22 31 10
Mat for alle anledninger
Julakos
Et lyst, varmt og trygt hjem med nett nok til alle.
Les mer og bestill våre produkter på hkraft.no
Turistinformasjonen: Telefon 48 25 85 58, Haukelivegen 722, 5580 Ølen
Sjekk ut våre opplevingar på nettsida: vindafjord.kommune.no/vakre-vindafjord/opplev-vindafjord
vindafjord.kommune.no
Julequiz
1. Kva ballidrett har flest spelarar på banen på same tid?
2. I kva idrett bruker ein ordet «love» i poeng?
3. Kven samarbeider Ølen IL med i basketball?
4. Kva heiter fotballcupen som Ølen IL arrangerer?
5. Kor mange lag deltok på denne cupen?
6. Kor mange spelarar er det på banen på kvart lag i handball?
Trimgruppa
// TEKST: TOR KALLEKLEV // om vi vil trene med høg intensitet eller ta det litt rolegare om det passar oss betre den dagen.
Trimgruppa vart starta som eit nyttårsforsett 2. januar 1990. I byrjinga var vi ei uformell gruppe som møttest fast på tysdagar og torsdagar for løping og styrketrening. Etter nokre år var vi rundt 10 personar. Nå er vi totalt 13, men vanlegvis er vi 6–9 på kvar trening. For 15 år sidan vart vi ein del av idrettslaget. Etter kvart har det vist seg at aktivitetane våre er ein fulltreff i høve til Helsedirektoratet sine råd om korleis folk «litt opp i åra» bør trene.
Kvar veke har vi to økter med løping, kvar på omtrent 45 minutt. Nokre vel å gå ein rask marsj i staden. Etterpå køyrer vi styrketrening i om lag 40 minutt. På både løpinga og styrketreninga kan vi sjølv velje
Men det at vi trenar i ei gruppe, gjer ofte at vi pressar oss litt ekstra – og det er vel berre bra! Sjølvsagt kan ein få det same treningsutbyttet på andre måtar, anten individuelt, på treningssenter eller i mindre grupper, men dette er vår måte.
Om nokon kjenner at dette kan vere noko for dei, startar vi opp att etter nyttår, 2. januar kl. 19.00 med oppmøte utanfor gymsalen.
Ta kontakt med Knut Andersen (974 76 770) eller Tor Kalleklev (416 91 363) om du ønskjer meir informasjon.
Helsing Tor.
Trimgruppa har trening kvar tirsdag og torsdag kl. 19.00, oppmøte utanfor gymbygget. Dei som kjem kl. 19.01 kjem eitt minutt for seint. Først løping eller rask gange 40–45 minuttar, deretter styrketrening omtrent like lenge. Og du bestemmer sjølv fart på løpinga og intensitet på styrkeøvingane.
Uansett kvar og korleis du vel å trene, er det eit fint nyttårsforsett å starte på denne viktige mirakelkuren i 2024. PS: I trimgruppa er det plass til mange fleire! Vil du ha fleire opplysningar, ring Knut Andersen tlf 974 76 770 eller Tor Kalleklev tlf 416 91 363.
7. Kva plass kom a-laget menn på i 5. divisjon i år?
8. Kva plass kom a-laget damer på i 4. divisjon i år?
9. Kor mange år fyller Ølen IL i 2025?
10. Kva er det Ølen IL håper å få bygga i 2025?
Fasit
1. Amerikansk fotball
2. Tennis og padeltennis
3. Stegaberg
4. Ølen Kiwi Bama Cup
5. 107
6. 7
7. 4. plass
8. 7.
Fotballhall
Hjartelaget i Ølen
// TEKST: JONAS SANDSGÅRD //
Det var i eit møte med idrettslaget i oktober i fjor, som eigenleg omhandla noko anna, der idéen om «Hjartelaget» kom. Eit lag der også personar med ein funksjonsnedsetting skal få spele og ha det gøy med idretten. Det tok ikkje lang tid frå idé til handling.
— Eg var kanskje litt stor i kjeften på møtet, og sa at «ja, dette må me få til», seier Anne-Karin Nøkland Berge, som er trenar for Hjartelaget.
Styret i Ølen IL var heilt einige og snaue månaden seinare var første treninga i gang. No eit år seinare har det også for første gang toke del i kampar, tilbake i september då handballsesongen begynte.
— Idrettslaget synst det er kjekt å bidra med alt som er gøy for folk. Plutseleg var det i gang, seier Anne Karin.
Eit lag for alle Hjartelaget er for alle som har ein eller annan form for funksjonsnedsetting. Det er hovudsakleg personar frå Vindafjord, og ein frå Skånevik, som er med på laget, og
det er personar i alle aldrar. Aldersspennet i laget er frå 14 til 54 år. Laget er for alle – heilt uavhengig av alder, funksjonsnedsetting eller kvar du bur.
— Til og med folk frå Etne er velkomne til Hjartelaget, seier Anne Karin med eit glimt i auge. Ein som har hatt stor glede av Hjartelaget er Svein Helge. Han har i fire år reist til Haugesund ein gang i veka for å trene med tilsvarande lag i Kolnes. Dette synest Anne Karin var tungvindt, berre for at Svein Helge skulle få leve ut sin handball draum.
— Det er kjempebra synest eg, seier Svein Helge. Som ikkje legg skjul på at to timar med buss til tider kunne vere slitsamt. No er det faste treningar ein gang i veka, og kamp ein gang i månaden frå september til mars med Ølen IL som står på agendaen.
Glede, samhald, meistring og respekt Hjartelaget i Ølen er svært opptatt av å følgje slagorda til Ølen IL. Glede, samhald, meistring og respekt er stikkord som beskriv ikkje berre Ølen IL, men også Hjartelaget. Alle skal føle glede og meistring. Alle skal kjenne på godt samhald med lagkameratar, og alle skal bli respektert. Det er også ein anna ting som står sentralt.
— Det som også er viktig for denne gruppa, det er fairplay. Alle skal få vere med og alle skal vere borti ballen, seier Anne Karin og legg til:
— Du kan neste vere blind og framleis vere med å spele.
Alle skal kunne få lov til å drive med idrett, og alle skal føle dei høyrar til eit fellesskap. Det er det Hjartelaget er til for.
MAN-TORS KL. 10 - 16 / FRE. 10-17 / LØR 11-14
Tenk globalt - kjøp lokalt
Svært godt utvalg i saueskinn, reinsdyrskinn og andre produkt i vårt fabrikkutsalgvelkommen !
