2 April 2026 - 8 April 2026
GRATIS | FREE
Nuus net vir jou sedert 1950
SA
LIGHTING ELECTRICAL
021 887 2786 LIKE OUR NAME SAYS: ALWAYS A “SALE” NM10053277-EN020426
Die Stellenbosch-vliegveld op die R44 is die tuiste van die Stellenbosch-vliegklub, Stellair Aircraft Maintenance, die Stellenbosch Flight Academy en private lugvaartmaatskappye. Foto: Barend Williams
Twaalf in huurgeskil Yaël Malgas
T
waalf huurders van munisipale grond sal nou moet wag om te hoor hoe hul huurooreenkoms moontlik geraak word nadat die nasionale tesourie die Stellenbosch-munisipaliteit ingelig het dié huurooreenkomste voldoen nie aan die nodige beleid nie.
Op die jongste raadsvergadering op Dinsdag 31 Maart het die Stellenbosch- munisipale raad besluit om die status van die in-beginsel-goedkeuring van huurooreenkomste te oorweeg. Dit omdat die nodige mededingende prosesse nie gevolg is nie. Onder die huurders is die Stellenbosch-vliegveld, die Nuwe Apostoliese kerk in La Motte en die Animal Welfare Society Stellenbosch (AWSS). Die nasionale tesourie in Mei 2025 die munisipaliteit laat weet het dat die voormalige burgemeester Gesie van Deventer en haar burgemeesterskomitee nie by regte was om van hierdie huureenkomste goed te keur nie. Die besluit is nie in die mag van ’n burgemeester of raadslede nie. Anton Bredell, Wes-Kaapse LUR vir plaaslike regering, omgewingsake en
Regte proses is glo nie gevolg
ontwikkelingsbeplanning, het Dinsdag bevestig dat hy die potensiële onreëlmatighede met die huurooreenkomste na die provinsiale tesourie asook die provinsiale regsdienste in die kantoor van die premier verwys het. In ’n verklaring het Bredell gesê indien ernstige wanpraktyke of wanadministrasie geïdentifiseer word, sal ’n volle ondersoek van stapel gestuur word. VERKEERDE BELEID Die magtiging deur die burgemeester en die burgemeesterskomitee spruit uit ’n beleid wat in 2022 deur die raad goedgekeur is. Die beleid het bepaal dat die burgemeester, saam met die burgemeesterskomitee, besluite mag neem oor munisipale nie-roerende eiendom. Die tesoruie het uitgewys dat hierdie proses afwyk van ’n mededingende proses, wat nie ooreenstem met die Wet op Plaaslike Regering: Munisipale Finansiële Bestuur (wet 56 van 2003) nie. In ’n skrywe aan Stellenbosch se munisipale bestuurder, Geraldine Mettler,
Die 12 betrokke eiendomme: • Stellenbosch-vliegveld; • Stellenbosch-perdryklub; • Technopark-parkering; • Happy Folks-parkering; • L’Abri-plek van veiligheid; • Stellenbosch-dierewelsynsorganisasie; • Nuwe Apostoliese kerk, La Motte; • U-Turn Ministeries-skuiling; • Mercedes Benz-parkering; • Hanna’s Charity; en • FLX-EV Minibustaxi- elektriese herlaaistasie.
oor die huurooreenkoms met die Stellenbosch-vliegveld het die tesourie uitgewys dat die munisipaliteit versuim het om regulasie 35, 36 en 45 van die Munisipale Bate-oordragregulasies (MATR) in ag te neem. RAADSBESLUIT Dinsdag het die munisipale raad gestem dat Mettler en burgemeester Jeremy Fasser dringend met die nasionale tesourie moet skakel deur die kantoor van die LUR
Die Animal Welfare Society Stellenbosch in Devonbosch is een van die munisipale eiendomme wat “onwettig” verhuur is. Foto: Yaël Malgas
vir plaaslike regering in die Wes-Kaap; dat met die bystand van die kantoor van die LUR konsultasie met die nasionale tesourie gefasiliteer word; en dat die uitslag van hierdie konsultasie en die pad vorentoe aan die raad voorgelê word. Na bladsy 2.