Kökubæklingur
Kökubæklingur
Nóa Síríus 2017
Uppskriftir:
Albert Eiríksson
Á fjölmennu bernskuheimili mínu var allt bakað heima. Þegar leið að jólum jukust umsvifin enn frekar, hinar og þessar smákökutegundir og stríðstertur litu dagsins ljós. Kirkjukaffi, afmælisveislur og önnur slík kaffisamsæti, þar sem borð voru hlaðin heimabökuðu meðlæti, voru mínar bestu stundir.
Oftast baka ég nokkrar smákökutegundir til jólanna, þar á meðal hinar víðfrægu Sörur, sem eru í miklu uppáhaldi. Að vísu tekur mig þrjá daga að útbúa þær, fyrst er botninn bakaður og frystur, næsta dag er kremið sett á og fryst og að lokum er þeim dýft í dökkt og gott súkkulaði.
Það er ljúft að eiga góðar minningar tengdar bakstri og öðru sem tengist mat og matarundirbúningi. Munum að daglega búum við til minningar, bæði fyrir okkur sjálf og blessuð börnin. Það er því mikilvægt að þær séu góðar.
Njótið vel! alberteldar.com
Ljósmyndir: Hróbjartur Sigurðsson
Útlit og umbrot: Árnasynir
Prentun: Ísafoldarprentsmiðja ehf.
Útgefandi:
Nói Síríus, Hesthálsi 2-4, 110 Reykjavík
Í baksturinn
frá Nóa Síríus
Nói Síríus hefur fylgt Íslendingum í að verða 100 ár og í gegnum árin hafa vörur fyrirtækisins verið sérstaklega vinsælar í bakstur. Allir landsmenn þekkja Síríus súkkulaðið og gæði þess, en undanfarin ár hefur það einnig orðið æ vinsælla að nota sælgætið frá Nóa Síríus í kökugerð og hvers kyns bakstur. Kökubæklingur Nóa Síríus hefur því eðlilega notið mikilla vinsælda og er fyrir löngu orðinn fastur liður í undirbúningi margra Íslendinga fyrir hátíðarnar. Sem fyrr erum við stolt af kökubæklingnum og því að geta boðið Íslendingum upp á úrvalshráefni í ómótstæðilegar freistingar.
Fylgihlutir: HRÍM – HÖNNUNARHÚS
Hrím – hönnunarhús er verslun á Laugavegi 25 og í Kringlunni sem kappkostar að bjóða upp á spennandi og fallegar vörur sem prýða heimilið.
Síríus Konsum 45% (suðusúkkulaði)
Þetta eina sanna sem löngu er orðið klassískt. Kakóinnihaldið er 45%, það er meðalbragðsterkt og hentar vel hvort sem er til neyslu beint úr pakkanum eða í bakstur og matargerð að ógleymdu heita súkkulaðinu.
Síríus Konsum 56%
Áþekkt Síríus 45% súkkulaðinu en kakóinnihaldið er 56%. Einstaklega kröftugt súkkulaðibragð án þess að vera rammt í munni. Þetta súkkulaði er frekar lítið sætt og
geðjast því vel þeim sem kunna ekki að meta sætar vörur.
Síríus Konsum 70%
Toppsúkkulaði í munni þeirra sem vilja almennilegt súkkulaðibragð og ekkert annað. Bragðfyllingin er mikil en samt í góðu jafnvægi. Kakóinnihaldið er eins og nafnið gefur til kynna 70% og sykurinnihald er komið niður fyrir 30%. Segja má að neytandinn þurfi svolítið að venjast svona kröftugu og lítið sætu súkkulaði og eðlilegt að mörgum þyki bragðið fullrammt við fyrstu kynni. Síríus Konsum 70% hentar vel í eftirrétti, múffur og súkkulaðitertur þar sem maður vill ná fram miklu súkkulaðibragði og fá eindreginn súkkulaðilit.
Súkkulaðið
frá Nóa Síríus
Síríus rjómasúkkulaði
Síríus rjómasúkkulaði er vinsælasta súkkulaði Íslendinga. Það inniheldur mikið af þurrkaðri mjólk sem blandast einkar vel við kakóbaunirnar frá Fílabeinsströndinni. Bragðið er milt og mjúkt. Þetta súkkulaði er unnið á sérstakan hátt til þess að fá eins mjúka áferð og hægt er svo að það bráðni þægilega í munni. Rjómasúkkulaðið er mestmegnis borðað eins og það kemur fyrir, hreint eða með hnetum og/eða rúsínum. Síríus rjómasúkkulaði er einnig notað í bakstur þar sem leitað er eftir mildum undirtóni frekar en sterku súkkulaðibragði.
Sjálfbærni og samfélagsábyrgð
Síríus súkkulaði er hluti af Cocoa Horizons verkefninu. Cocoa Horizons gerir kakóræktendum kleift að rækta og framleiða kakóið á sjálfbæran og ábyrgan hátt. Cocoa Horizons ferlið tryggir fræðslu til kakóbænda varðandi ræktunaraðferðir og aðbúnað starfsfólks auk þess sem það kemur að fræðslumálum, heilsugæslu og aðgengi að hreinu vatni.
Þannig stuðlar Cocoa Horizons að betri lífsskilyrðum í kakóræktarsamfélögum.
Síríus Konsum hvítt súkkulaði Hvítt súkkulaði er hvítt vegna þess að það inniheldur einungis kakósmjör en engan kakómassa (sem gefa hefðbundnu súkkulaði brúna litinn). Síríus Konsum hvítt súkkulaði er milt á bragðið en með mikla fyllingu og hentar því vel í allan bakstur, auk þess að vera einstaklega gómsætt beint úr pakkanum.
Skyreftirréttur
með piparlakkrísbragði
Hráefni
500 g Skyr með lakkrísbragði • ½ l rjómi • 2 dl mulið Nóa Kropp • 2 ½ dl Nóa Kropp með pipardufti • 6 msk jarðarberjasulta
Aðferð
Þeytið rjóma og hrærið skyri saman við. Myljið Nóa Kroppið og Piparkroppið gróft og blandið því saman í skál. Setjið tæplega matskeið af jarðarberjasultu í botninn á glasi á fæti.
Þar ofan á fer skyr- og rjómablandan og sléttið vel. Þar ofan á fer matskeið af muldu Nóa Kroppi. Endurtakið tvisvar og skreytið með jarðarberi.
Fyrir 6
Súkkulaði
með piparlakkrískurli og gojiberjum
Hráefni
50 g Síríus rjómasúkkulaði með karamellukurli og íslensku sjávarsalti •
1 dl Síríus hvítir súkkulaðidropar • 1 dl Nóa piparlakkrískurl • 2–3 msk þurrkuð gojiber
Aðferð
Bræðið súkkulaðið í skál í vatnsbaði. Setjið bökunarpappír í ofnskúffu, hellið súkkulaðinu
á og dreifið úr því með sleif. Setjið hvíta súkkulaðidropa, piparlakkrískurl og gojiber ofan á og kælið. Brjótið niður og raðið á disk.
Rice Krispies bitar
með Nóa piparlakkrískurli
Hráefni
50 g smjör • 20 stk Nóa rjómakúlur • 100 g Síríus pralín súkkulaði með karamellufyllingu • 4 dl Rice Krispies • 1 dl Nóa piparlakkrískurl
Aðferð
Bræðið smjör, rjómakúlur og súkkulaði í potti við lágan hita. Slökkvið undir, bætið við Rice Krispies og blandið varlega saman með sleif. Bætið loks piparlakkrískurlinu við og hrærið saman. Setjið í lítil muffinsform, kælið í um það bil 15 mínútur.
Frönsk súkkulaðiterta
með valhnetum
Hráefni
BOTN 300 g 56% Síríus súkkulaði • 200 g smjör • 4 egg • 200 g sykur • 50–100 g valhnetur, saxaðar
KREM 1 ½ dl rjómi • 200 g Síríus suðusúkkulaði • jarðarber • flórsykur
Aðferð
BOTN Hitið ofn í 160°C . Bræðið súkkulaði og smjör við hægan hita. Takið af hitanum.
Þeytið egg með sykri, þar til þau eru ljós og létt. Blandið bráð saman við eggin á hægum hraða.
Bætið valhnetum út í með sleif.
Setjið bökunarpappír í smelluform upp á brún. Bakið kökuna í 1 klukkustund eða þar til hún hreyfist ekki til í miðjunni þegar formið er hrist. Látið kólna á borði, hvolfið henni á tertudisk og setjið kremið á.
KREM Hitið rjóma og Konsum suðusúkkulaði í vatnsbaði og dreifið yfir tertuna.
Skreytið með jarðarberjum og flórsykri.
Biscotti
með hvítu súkkulaði
Hráefni
3 dl heilar möndlur með hýði • 7 dl hveiti • 1 tsk lyftiduft • 150 g Síríus hvítir súkkulaðidropar • 3 egg • 1 bolli sykur • ½ bolli pistasíur • ¼ bolli sítrónubörkur • ½ tsk salt • 100 g Síríus rjómasúkkulaði
Aðferð
Ristið möndlurnar í nokkrar mínútur á vel heitri pönnu. Látið kólna og saxið gróft.
Blandið öllum hráefnunum, nema rjómasúkkulaðinu, vel saman. Hnoðið hveiti upp í deigið á borði, þangað til það klessist ekki við. Mótið tvær lengjur (aðeins kúptar) og bakið á bökunarpappírsklæddri ofnplötu um 25 mínútur í 175°C heitum ofni eða þar til þær eru ljósgylltar. Takið úr ofninum og látið kólna í um 10 mínútur. Skerið í sneiðar, raðið á bökunarpappír og bakið í um 10 mínútur.
Snúið kökunum þá við og bakið í aðrar 10 mínútur. Kælið kökurnar.
Bræðið Síríus rjómasúkkulaðið í vatnsbaði og dýfið einum þriðja af hverri sneið í súkkulaðið. Látið kólna á bökunarpappír. 3
30–35 sneiðar
Skálin hans Nóa
Hráefni
PÚÐURSYKURMARENGS 4 eggjahvítur • 4 dl púðursykur • 150 g poki Nóa karamellukurl
Í SKÁLINA ½ l þeyttur rjómi • jarðarber, kíví, bláber, brómber, hindber og blá vínber eftir smekk •
3 kókosbollur • 100 g Síríus rjómasúkkulaði með karamellukurli og íslensku sjávarsalti, saxað •
3 stk Nóa Lakkrís í rjómasúkkulaði, skorin í bita • 75 g Nóa Lakkrís karamelluperlur • 75 g Nóa Lakkrís kókosperlur, skornar til helminga
Aðferð
PÚÐURSYKURMARENGS Þeytið saman eggjahvítur og sykur þangað til blandan er vel stíf.
Blandið karamellukurli varlega saman við. Bakið í ofnskúffu í 60 mínútur í 130°C heitum ofni eða þangað til marengsinn er bakaður í gegn. Látið kólna á borði áður en byrjað er að setja í skálina.
Í SKÁLINA Brjótið marengs og setjið á botninn á skálinni. Bætið kókosbollum saman við þeytta rjómann og setjið lag ofan á marengsinn. Þar ofan á fer saxaða súkkulaðið og berin. Síðan er annað lag byggt upp alveg eins og í lokin eru alls konar ber sett efst og hálfar kókosperlur í efsta hringinn. Annars er hægt að nota ímyndunaraflið og skreyta að vild.
Nammiterta
með Nóa Kroppi
Hráefni
BOTN 4 eggjahvítur • 200 g sykur • 2 tsk lyftiduft • 7 ½ dl Rice Krispies • 1 dl saxað Nóa Kropp
FYLLING ½ l þeyttur rjómi • 150 g Nóa Kropp
OFAN Á 150 g Síríus rjómasúkkulaði
Aðferð
BOTN Þeytið egg og sykur vel ásamt lyftidufti. Bætið Rice Krispies og Nóa Kroppi við með sleif. Setjið bökunarpappír á ofnplötu, myndið tvo hringi og bakið í
150°C heitum ofni í um það bil 45 mínútur.
FYLLING Kælið botnana og setjið þeyttan rjóma og Nóa Kroppið á milli.
OFAN Á Bræðið rjómasúkkulaðið yfir vatnsbaði og setjið yfir kökuna.
Jarðarber
með súkkulaðikremi
Hráefni
15–20 jarðarber • 2 dl Nóa Kropp • 2 dl rjómi • 75 g Síríus rjómasúkkulaði • 1 tsk vanilludropar • 100 g Mascarpone rjómaostur • 2 msk Síríus heslihnetusmjör
Aðferð
Fjarlægið grænu blöðin af jarðarberjunum. Skerið ofan af hinum enda jarðarberjanna og útbúið holu ofan í. Myljið Nóa Kroppið og setjið í litla skál. Bræðið súkkulaði og
dýfið jarðarberjunum í það og síðan í mulið Nóa Kroppið. Setjið á bökunarpappír og kælið.
Þeytið saman rjóma, vanilludropa og Mascarpone. Skiptið rjómablöndunni í tvennt og hrærið heslihnetusmjöri út í helminginn. Setjið kremin hvort í sinn pokann og klippið gat á hornin. Sprautið saman í hringi ofan í jarðarberin.
Súkkulaðiterta
Hráefni
5–6 appelsínur • 175 g Síríus suðusúkkulaði • 100 g smjör • 2 egg • 2 eggjarauður • 2 msk hunang • ½ tsk salt • 2 msk hveiti • flórsykur • mynta
bökuð í appelsínu 3
Aðferð
Skerið toppinn af appelsínunum og fjarlægið „kjötið” úr þeim. Gott er að skilja eftir þunnt lag næst hvíta laginu – það gefur gott bragð.
Bræðið súkkulaði og smjör við lágan hita yfir heitu vatnsbaði. Þeytið saman egg og eggjarauður með hunangi. Bætið hveitinu rólega saman við, þá bræddu súkkulaðismjörblöndunni, saltinu og hrærið mjög vel.
Hellið deiginu í appelsínubörkinn, þó ekki meira en um það bil ¾ þar sem deigið á eftir að lyfta sér. Bakið í 160°C heitum ofni í um 30 mínútur.
Skreytið með myntu og stráið flórsykri yfir.
Súkkulaðikex
með Nóa Kroppi
Hráefni
1 egg • 1 dl sykur • 2 msk Síríus kakóduft • 120 g smjör • 150 g Síríus rjómasúkkulaði • ½ tsk salt • 225 g Matarkex, skorið gróft • 2 ½ dl Nóa Kropp • 1 dl Síríus hvítir súkkulaðidropar
Aðferð
Þeytið egg og sykur vel, bætið við kakói. Bræðið saman í potti smjör og súkkulaði við lágan hita.
Hellið því saman við eggjablönduna ásamt salti og hrærið vel saman. Setjið Matarkex, Nóa Kropp og súkkulaðidropa saman við og hrærið varlega saman með sleif. Klæðið bökunarform með filmu eða smjörpappír og hellið deiginu þar í. Kælið. Takið úr forminu og skerið í sneiðar.
Súkkulaðipæ
með karamellukúlum
Hráefni
3 plötur smjördeig úr pakka • 20 stk Nóa Rjómatöggur (eða rjómakúlur) • 50 g smjör • ½ dl rjómi •
1 bolli hnetur • 100 g Síríus suðusúkkulaði • 3 egg • jarðarber • Nóa karamellukurl
Aðferð
Stráið hveiti á borð og fletjið smjördeig þunnt út, leggið yfir eldfast mót og þrýstið snyrtilega að börmunum.
Pikkið í með gaffli og bakið í 200°C heitum ofni í 10 mínútur, eða þar til deigið tekur góðan lit.
Bræðið karamellur með smjöri í potti og hellið yfir deigið. Ristið hneturnar á þurri pönnu og dreifið yfir karamelluna.
Bræðið súkkulaðið yfir vatnsbaði. Skiljið að eggjarauður og hvítur og þeytið rauðurnar og hrærið saman við súkkulaðið.
Stífþeytið hvítur og blandið saman við með sleif. Hellið kreminu yfir kökuna og kælið.
Skreytið með jarðarberjum, karamellukurli og hnetum, áður en pæið er borið er fram.
Snúðar
með karamellukurli
Hráefni
1 kg hveiti • u.þ.b. 2 bollar 37°C heitt vatn • 2 msk matarolía • ½ tsk sykur • 1 tsk salt • 1 tsk kardimommur • 1 msk ger • 150 g smjörlíki (við stofuhita) • 3 msk kanilsykur • 150 g Nóa karamellukurl
Aðferð
Blandið saman vatni, matarolíu, sykri, salti, kardimommum og geri. Setjið hveiti í hrærivélarskál, bætið gerblöndunni saman við og hrærið saman. Látið deigið lyfta sér í rúma klukkustund.
Hnoðið deigið með hveiti og fletjið út, smyrjið smjörlíkinu á, stráið kanilsykrinum og karamellukurli yfir og rúllið upp. Skerið í um það bil 3 cm sneiðar, raðið á bökunarpappír í ofnskúffu og látið lyfta sér aftur í um það bil 30 mínútur. Bakið í um 20 mínútur í 180°C heitum ofni.
Brownies
með þrenns konar súkkulaði
Hráefni
200 g Síríus suðusúkkulaði • 50 g Síríus rjómasúkkulaði með kremkexi •
115 g smjör • 3–4 egg • 250 g (hrá)sykur • 3 tsk vanilludropar • 150 g Síríus hvítir súkkulaðidropar •
3
150 g hveiti • ½ tsk salt
Aðferð
Bræðið suðusúkkulaði og rjómasúkkulaði með smjörinu í vatnsbaði. Hrærið egg, sykur og vanilludropa vel saman. Sigtið hveitið út í ásamt salti og hrærið vel. Hellið súkkulaðiblöndunni út í og hrærið vel.
Bætið hvítu súkkulaðidropunum saman við.
Þekið skúffukökuform með bökunarpappír og hellið deiginu í.
Bakið í 30 mínútur í 175°C heitum ofni.
45–50 bitar
Frönsk súkkulaðiterta
Mangóísterta
á Nóa Kropp botni
með valhnetum
Hráefni
BOTN 100 g Nóa Kropp • 100 g Nóa Kropp með pipardufti • 225 g Graham hafrakex • 3 stk Nóa Lakkrís og marsipan í súkkulaðihjúp • 150 g smjör • 2 msk olía
MANGÓÍS 5 bollar frosið mangó • 2 ½ bolli kókosmjólk • ½ dós Mascarpone rjómaostur • 2 msk sítrónusafi • 2 msk síróp
Aðferð
BOTN Myljið Nóa Kroppið og hafrakexið gróflega, hvort í sínu lagi, til dæmis í poka, með kökukefli. Saxið Nóa Lakkrís og marsipan stykkin smátt. Blandið öllu vel saman. Bræðið smjör á lágum hita, bætið olíu við og hellið yfir. Hrærið vel saman, setjið í form og þrýstið vel niður. Kælið.
MANGÓÍS Setjið allt í matvinnsluvél eða blandara, þeytið þar til allt er orðið jafnt og setjið ofan á botninn og frystið. Skreytið með afganginum af Nóa Kroppinu áður en tertan er borin fram.
