KÖKUBÆKLINGUR
Kökubæklingur
Nóa Síríusar 2016
Uppskriftir:
Berglind Guðmundsdóttir
Berglind Guðmundsdóttir er eigandi uppskriftasíðunnar GulurRauðurGrænn&salt sem hefur notið mikilla vinsælda meðal landsmanna undanfarin ár. Á GulurRauðurGrænn&salt er lögð áhersla á einfaldar, ölbreyttar og bragðgóðar uppskriftir og þar ættu allir að geta fundið eitthvað við sitt hæfi. www.grgs.is
Fylgihlutir:
Snúran er verslun í Síðumúla 21 sem kappkostar að bjóða upp á spennandi og fallegar vörur sem prýða heimilið.
Ljósmyndir: Hróbjartur Sigurðsson
Útlit og umbrot: Árnasynir
Prentun: Ísafold ehf.
Útgefandi:
Nói Síríus, Hesthálsi 2-4, 110 Reykjavík
Í BAK S TURI NN FRÁ NÓA SÍRÍU S I
Nói Síríus hefur fylgt Íslendingum í að verða 100 ár og í gegnum árin hafa vörur fyrirtækisins verið sérstaklega vinsælar í bakstur. Allir landsmenn þekkja Síríus súkkulaðið og gæði þess, en undanfarin ár hefur það einnig orðið æ vinsælla að nota sælgætið frá Nóa Síríusi í kökugerð og hvers kyns bakstur. Kökubæklingur Nóa Síríusar hefur því eðlilega notið mikilla vinsælda og er fyrir löngu orðinn fastur liður í undirbúningi margra Íslendinga fyrir hátíðarnar. Sem fyrr erum við stolt af kökubæklingnum og því að geta boðið Íslendingum upp á úrvalshráefni í ómótstæðilegar freistingar. Njótið vel.
SÚKKULAÐIÐ
FRÁ NÓA SÍRÍU S I
Síríus Konsum 45% (suðusúkkulaði)
Þetta eina sanna sem löngu er orðið klassískt. Kakóinnihaldið er 45%, það er meðalbragðsterkt og hentar vel hvort sem er til neyslu beint úr pakkanum eða í bakstur og matargerð að ógleymdu heita súkkulaðinu.
Síríus 56%
Áþekkt Síríus 45% súkkulaðinu en kakóinnihaldið er 56%. Einstaklega kröftugt súkkulaðibragð án þess að vera rammt í munni. Þetta súkkulaði er frekar lítið sætt og geðjast því vel þeim sem kunna ekki að meta sætar vörur.
Síríus Konsum 70%
Toppsúkkulaðið í munni þeirra sem vilja almennilegt súkkulaðibragð og ekkert annað. Bragðfyllingin er mikil en samt í góðu jafnvægi. Kakóinnihaldið er eins og nafnið gefur til kynna 70% og sykurinnihald er komið niður fyrir 30%. Segja má að neytandinn þurfi svolítið að venjast svona kröftugu og lítið sætu súkkulaði og eðlilegt að mörgum þyki bragðið fullrammt við fyrstu kynni. Síríus Konsum 70% hentar vel í eftirrétti, mú ur og súkkulaðitertur þar sem maður vill ná fram miklu súkkulaðibragði og fá eindreginn súkkulaðilit.
Síríus rjómasúkkulaði
Síríus rjómasúkkulaði er vinsælasta súkkulaði Íslendinga. Það inniheldur mikið af þurrkaðri mjólk sem blandast einkar vel við kakóbaunirnar frá Fílabeinsströndinni.
Bragðið er milt og mjúkt. Þetta súkkulaði er unnið á sérstakan hátt til þess að fá eins mjúka áferð og hægt er svo að það bráðni þægilega í munni. Rjómasúkkulaðið er mestmegnis borðað eins og það kemur fyrir, hreint eða með hnetum og/eða rúsínum.
Síríus rjómasúkkulaði er einnig notað í bakstur þar sem leitað er eftir mildum undirtóni frekar en sterku súkkulaðibragði.
Síríus Konsum hvítt súkkulaði
Hvítt súkkulaði er hvítt vegna þess að það inniheldur einungis kakósmjör en engin kakóþurrefni (sem gefa hefðbundnu súkkulaði brúna litinn). Síríus Konsum hvítt súkkulaði er milt á bragðið en með mikla fyllingu og hentar því vel í allan bakstur, auk þess að vera einstaklega gómsætt beint úr pakkanum.
Sjálfbærni og samfélagsábyrgð
Síríus súkkulaði er hluti af Cocoa Horizons verkefninu.
Cocoa Horizons gerir kakóræktendum kleift að rækta og framleiða kakóið á
sjál æran og ábyrgan hátt. Cocoa Horizons ferlið tryggir fræðslu til kakóbænda varðandi ræktunaraðferðir og aðbúnað starfsfólks auk þess sem það kemur að fræðslumálum, heilsugæslu og aðgengi að hreinu vatni. Þannig stuðlar Cocoa Horizons að betri lífsskilyrðum í kakóræktarsamfélögum.
SARA B ER N HARDT
í ofnskú u
HRÁEFNI
Möndlubotn
400 g möndlur
400 g sykur
4 tsk lyftiduft
6 eggjahvítur
Súkkulaðikrem
250 g smjör
200 g flórsykur
6 eggjarauður
4 tsk Konsum kakó
2 tsk vanillusykur eða vanilludropar
Súkkulaðiglassúr
200 g Konsum suðusúkkulaði
2 msk smjör
AÐFERÐ
Möndlubotn
Malið möndlur í matvinnsluvél. Blandið svo lyftidufti saman við möndlurnar.
Stífþeytið eggjahvítur og blandið sykrinum við í smáum skömmtum.
Þekið ofnskú u (um það bil 30x40 cm) með bökunarpappír og dreifið deiginu jafnt í ofnskú una. Bakið í miðjum 175°C heitum ofni í 20 mínútur.
Kælið botninn í um það bil ½ til 1 klukkustund.
Súkkulaðikrem
Þeytið smjör og flórsykur saman. Þeytið eggjarauður saman við þar til verður úr mjúkt smjörkrem. Þeytið að lokum saman við kakó og vanillusykur eða vanilludropa. Smyrjið svo kreminu jafnt yfir botninn. Athugið að mikilvægt er að botninn sé orðinn alveg kaldur þegar súkkulaðikreminu er dreift yfir. Kælið vel í um 1 klukkustund.
Súkkulaðiglassúr
Bræðið smjörið og súkkulaðið saman. Dreifið blöndunni svo yfir kalda kökuna
í þunnu lagi. Kælið. Skerið að lokum í bita eftir smekk. Geymist vel í frysti.
COR N FLAKE S SM ÁKÖKUR
HRÁEFNI
4 eggjahvítur
200 g púðursykur
160 g Kellogg‘s Corn flakes
120 g kókosmjöl
100 g Konsum suðusúkkulaði
1 tsk vanilludropar
AÐFERÐ
Þeytið eggjahvítur og púðursykur vel saman. Blandið Corn flakes og kókosmjöli varlega saman við með sleif ásamt suðusúkkulaði og vanilludropum. Setjið síðan með teskeið á plötu með bökunarpappír, í smá toppa. Bakið í 150°C heitum ofni í um 15 mínútur.
Um það bil 20 stykki
K ÚLU G OTT
HRÁEFNI
260 g hnetusmjör
50 g Kellogg‘s Rice Krispies
300 g flórsykur
30 g smjör, brætt
300 g Konsum suðusúkkulaði
A ÐFERÐ
Látið öll hráefnin saman í hrærivél og hrærið þar til allt hefur blandast vel saman. Hnetusmjör hefur mismunandi áferð þannig að ef kúlurnar eru of blautar, bætið þá meiri flórsykri saman við, en bætið við meira hnetusmjöri ef þær eru of þurrar. Hnoðið litlar kúlur úr deiginu. Dýfið þeim í brætt súkkulaðið og geymið á ofnplötu með smjörpappír þar til súkkulaðið hefur harðnað. Geymið í kæli eða frysti.
Um það bil 35 litlar kúlur
NIZZA O S TAKAKA
HRÁEFNI
B otn
300 g hafrakex, mulið
3 msk smjör, brætt
3 msk sykur
Fylling
300 ml rjómi, þeyttur
340 g rjómaostur, mjúkur
100 g sykur
125 g Nizza súkkulaðismjör
Skraut
100 g hindber, fersk eða frosin
1 dl Nizza súkkulaðismjör, brætt
AÐFERÐ
B otn
Blandið saman muldu kexi, smjöri og sykri. Blandið vel saman og látið í 28 cm form. Frystið þar til fyllingin er tilbúin.
Fylling
Hrærið saman þeyttan rjóma og sykur og blandið vel saman. Blandið Nizza kreminu varlega saman við með sleif. Hellið blöndunni yfir botninn og frystið í að minnsta kosti 4 klukkustundir. Hellið bræddu Nizza súkkulaðismjöri yfir kökuna.
ÁVAXTABO M BA
með Síríus Pralín
HRÁEFNI
8 súkkulaðikexkökur
1 ½ dl rjómi
3 kíví
2 bananar
250 g jarðarber
200 g Síríus Pralín með karamellufyllingu
6 makkarónukökur, muldar
6 msk Baileys
AÐFERÐ
Myljið kexið og setjið ½ dl af rjóma saman við svo úr verði létt deig.
Skiptið niður í 4 glös. Skerið ávextina smátt og deilið jafnt í glösin.
Setjið 1 dl af rjóma í pott ásamt Síríus Pralín og hrærið þar til það er bráðið. Látið kólna lítillega áður en sósan er sett yfir. Bleytið makkarónurnar með Baileys og setjið yfir allt.
Fyrir 4
HRÁEFNI
B ollakökur
200 g hveiti
200 g sykur
200 g smjör, mjúkt
4 egg
1 tsk lyftiduft
100 g Síríus rjómasúkkulaði
með kremkexi, saxað
Krem
80 g smjör, mjúkt
1 tsk vanilludropar
250 g flórsykur
1 eggjarauða
1 msk vatn
150 g Síríus rjómasúkkulaði
með kremkexi, smátt saxað
B OLLAKÖKUR
með kremkexsúkkulaði
AÐFERÐ
B ollakökur
Hrærið hveiti, sykur, smjör, egg og lyftiduft vel saman. Bætið söxuðu
Síríus rjómasúkkulaði með kremkexi saman við deigið. Setjið deigið í mö nsform og bakið í 190°C heitum ofni í um 20 mínútur. Takið úr ofninum og kælið.
Krem
Hrærið smjör og vanilludropa saman. Bætið því næst eggjarauðu og
flórsykri saman við. Ef kremið er of þykkt er gott að bæta saman við 1 msk af vatni. Bætið Síríus rjómasúkkulaði með kremkexi varlega saman við með sleif. Setjið kremið í sprautupoka og setjið á bollakökurnar.
Skreytið með söxuðu rjómasúkkulaði.
Um það bil 24 stykki
R O C KY R OAD VEI S LUKAKA
H RÁEFNI
100 g smjör
100 g Konsum súkkulaði, saxað
3 egg
1 ½ dl púðursykur
½ dl ljóst síróp
2 dl hveiti
2 dl Konsum súkkulaðidropar
2 dl litlir sykurpúðar
2 dl salthnetur, gróflega saxaðar
Skraut
150 g Nóa Bismark, saxaður
1 dl salthnetur, saxaðar
1 dl litlir sykurpúðar
A ÐFERÐ
Bræðið smjör og saxað súkkulaði saman við vægan hita. Hrærið egg, sykur og síróp vel saman þar til blandan verður létt og ljós og bætið síðan hveitinu varlega saman við með sleif. Hellið súkkulaðismjörinu saman við. Bætið síðan súkkulaðidropum, sykurpúðum og hnetum varlega saman við. Smyrjið um það bil 23-26 cm form og hellið deiginu í formið. Bakið í 175°C heitum ofni í um 25-30 mínútur. Skreytið með muldum Bismark brjóstsykri, salthnetum, sykurpúðum og jafnvel súkkulaðisósu.
SÆL G ÆTI SS KÁL með piparmynturjóma og heitri súkkulaðisósu
HRÁEFNI
1 marengsbotn
150 g Nóa Kropp
250 ml rjómi
50 g Síríus Pralín með piparmyntu, saxað
250 g jarðarber, skorin í fernt
Piparmyntusúkkulaðisósa
150 g Síríus Pralín með piparmyntu
2 dl rjómi
2 msk síróp
AÐFERÐ
Setjið Nóa Kropp í botninn á skál og myljið marengsbotn yfir það. Þeytið rjóma og bætið piparmyntu Pralín varlega saman við með sleif. Setjið rjómann yfir Nóa Kroppið og síðan jarðarber yfir allt.
Setjið piparmyntu Pralín, rjóma og síróp saman í pott og hitið við vægan hita. Berið fram með sælgætisskálinni.
Fyrir 4
KÓKO S TO PPAR
HRÁEFNI
2 egg
2 dl sykur
5-6 dl kókosmjöl
1 tsk vanillusykur
50 g Síríus rjómasúkkulaði, saxað
50 g appelsínubörkur, rifinn
150 g Konsum súkkulaðidropar, bræddir
A ÐFERÐ
Þeytið egg og sykur saman. Bætið kókosmjöli, vanillusykri, rjómasúkkulaði og appelsínuberki vel saman við með sleif. Setjið deigið á plötu með teskeið.
Bakið í 180°C heitum ofni í 10-12 mínútur. Takið úr ofni og leyfið að kólna.
Bræðið Konsum súkkulaði, dýfið neðsta hluta kókostoppanna ofan í súkkulaðið og setjið á ofnplötu með smjörpappír þar til súkkulaðið hefur harðnað.
Um það bil 24 stykki
SÚKKULAÐIBRAUÐBOLLUR
HRÁEFNI
1 pakki þurrger (11 g)
2 dl volgt vatn
1 ½ tsk salt
3 msk sykur
2-3 tsk kardemommudropar
100 g smjör, mjúkt
4 dl sýrður rjómi (18%)
2 egg
200 g Konsum súkkulaðidropar
700 g hveiti
A ÐFERÐ
Setjið ger saman við volgt vatn og bætið salti, sykri og kardemommudropum. Bætið smjörinu saman við ásamt sýrðum rjóma og eggjum. Hnoðið síðan helmingnum af hveitinu og súkkulaðidropunum saman við deigið. Athugið að deigið á að vera aðeins klístrað. Látið hefast í skálinni undir volgum klút í um það bil 30-45 mínútur. Hnoðið og notið hveiti eftir þörfum. Mótið í um 16 bollur og setjið á ofnplötu með smjörpappír. Látið hefast í um 20 mínútur undir rökum klút. Penslið bollurnar með léttþeyttu eggi og bakið í 200°C heitum ofni í um 20 mínútur.
Um það bil 16 stykki
NÓA K RO PP S KYRKAKA
með hvítu súkkulaði og ferskum jarðarberjum
H RÁEFNI
200 g Nóa Kropp
500 ml rjómi
700 g vanilluskyr
300 g Konsum hvítir
súkkulaðidropar, bræddir
Skraut
250 g jarðarber, fersk
100 g Nóa Kropp
A ÐFERÐ
Myljið Nóa Kroppið gróflega og setjið í form. Þeytið rjómann.
Hrærið vanilluskyr og brædda, hvíta súkkulaðidropa varlega saman við með sleif. Hellið blöndunni yfir Nóa Kroppið. Skreytið með berjum og Nóa Kroppi. Geymið í kæli þar til kakan er borin fram.
K ARA M ELLUÍ S TERTA með salthnetumarengsbotni
HRÁEFNI
Marengsbotn
3 eggjahvítur
2 dl sykur
50 g salthnetur, saxaðar
K aramellukrem
3 eggjarauður
1 dl sykur
200 g Síríus rjómasúkkulaði með karamellu og sjávarsalti
4 dl þeyttur rjómi
Skraut
100 g Síríus rjómasúkkulaði með karamellu og sjávarsalti
AÐFERÐ
Marengsbotn
Gerið marengsbotninn. Þeytið eggjahvíturnar þar til þær eru orðnar stífar, setjið sykurinn smátt og smátt saman við og þeytið í um 5-10 mínútur eða þar til marengsinn er orðinn þéttur og glansandi. Blandið salthnetunum varlega saman við með sleif. Setjið deigið í form klætt með smjörpappír og bakið í 130°C heitum ofni í um eina klukkustund.
Krem
Þeytið eggjarauður og sykur vel saman eða þar til létt og ljóst. Saxið rjómasúkkulaðið og blandið saman við. Þeytið að lokum rjómann og bætið varlega saman við með sleif. Setjið kremið yfir botninn og frystið í að minnsta kosti 4 klukkustundir. Takið kökuna úr frysti 15 mínútum áður en hún er borin fram og skreytið með söxuðu Síríus rjómasúkkulaði með karamellu og sjávarsalti.
MARE NGSP I PARTO PPAR
HRÁEFNI
4 eggjahvítur
210 g púðursykur
100 g Nóa lakkrís piparperlur, saxaðar
200 g Pipar Nóa Kropp, saxað
AÐFERÐ
Þeytið eggjahvítur og púðursykur vel saman eða í um það bil 5-10 mínútur
þar til blandan er orðin þétt. Bætið piparperlum og Pipar Nóa Kroppi varlega saman við með sleif. Látið á plötu með teskeið. Bakið í 125°C heitum ofni í 30-40 mínútur.
Um það bil 30 stykki
D ÖÐLU G OTT M EÐ LAKKRÍ S KURLI
HRÁEFNI
500 g döðlur, saxaðar smátt
250 g smjör
120 g púðursykur
150 g Kellogg‘s Rice Krispies
400 g Síríus rjómasúkkulaði
2 pokar Nóa lakkrískurl
A ÐFERÐ
Döðlur og smjör brætt saman í potti. Púðursykurinn er bræddur með þangað til döðlurnar eru orðnar mjúkar. Blandið Rice Krispies og lakkrískurli saman við og setjið í form í frysti í 10 mínútur. Bræðið súkkulaðið yfir vatnsbaði. Hellið yfir Rice Krispies blönduna og frystið í um það bil 30 mínútur. Skerið í bita, berið fram og njótið.
Um það bil 25 stykki
MARE NGS TO PPAR
með Nizza súkkulaðismjöri
HRÁEFNI
3 eggjahvítur, við stofuhita
Salt af hnífsoddi
100 g sykur
1 dl Nizza súkkulaðismjör
A ÐFERÐ
Þeytið eggjahvíturnar í nokkrar mínútur eða þar til þær eru vel freyðandi. Bætið salti saman við og síðan sykri, einni matskeið í einu. Þeytið við hæsta styrk í 5-10 mínútur eða þar til þykkur og glansandi marengs hefur myndast. Bætið nú súkkulaðismjöri varlega saman við með sleif þar til brúnar línur hafa myndast í hvítan marengsinn. Látið marengsinn með teskeið á ofnplötu með smjörpappír. Setjið inn í 175°C heitan ofn og lækkið hitann strax niður í 100°C. Bakið í um klukkustund eða þar til marengsinn er orðinn stökkur.
Um það bil 16 stykki
PRALÍ N KARA M ELLUBÚÐI NG UR
HRÁEFNI
250 g Síríus Pralín með karamellufyllingu
500 ml rjómi
2 eggjahvítur
2 msk mjólk
150 g Nóa Síríus karamellukurl
A ÐFERÐ
Skerið karamellusúkkulaðið í bita og setjið í pott ásamt mjólkinni.
Bræðið súkkulaðið við vægan hita þar til allt hefur blandast vel saman. Takið pottinn af hellunni, látið standa í 10-15 mínútur og
hellið síðan í skál. Þeytið rjómann og blandið varlega saman við súkkulaðiblönduna. Stífþeytið eggjahvíturnar og blandið þeim varlega saman við súkkulaðirjómann. Setjið búðinginn í skál og
látið í kæli í að minnsta kosti klukkustund. Stráið karamellukurli yfir allt áður en hann er borinn fram.
Fyrir 4
Nói Síríus mælir með
R I C E K RI SP IE S KAKA
með banana og karamellusósu
H RÁEFNI
B otn
100 g smjör
100 g Síríus 56% súkkulaði
100 g Síríus Pralín
með karamellufyllingu
4 msk síróp
5 bollar Kellogg‘s Rice Krispies
Rjómakrem
250 ml rjómi
2 bananar (þroskaðir)
K aramellusósa
150 g rjómatöggur eða rjómakúlur
½ dl rjómi
A ÐFERÐ
Bræðið smjör og súkkulaði saman við vægan hita í potti, hrærið
sírópi saman við og blandið svo Rice Krispies saman við að lokum.
Setjið blönduna í hringlaga form og kælið í að minnsta kosti 20-30 mínútur.
Rjómakrem
Þeytið rjómann og skerið bananana í bita. Einnig er hægt að
stappa bananana. Blandið saman og setjið á kökuna.
K aramellusósa
Bræðið karamellurnar með rjómanum við vægan hita, hrærið vel.
Kælið sósuna í smá tíma og setjið svo ofan á kökuna.
Vinningsuppskrift Sólveigar Guðmundsdóttur
í kökukeppni starfsmanna Nóa Síríusar
56% súkkulaði
Einstakt súkkulaðibragð
Síríus súkkulaði hefur fylgt íslensku þjóðinni síðan 1933. Þannig hafa Íslendingar
notið Síríus súkkulaðis á stórum sem hversdagslegri stundum lengur en þeir hafa
notið sjálfstæðis. Síríus 56% súkkulaði er með háu kakóinnihaldi og gefur kröftugt súkkulaðibragð með silkimjúkri áferð og ljúffengu eftirbragði. Það hentar mjög vel í bakstur, auk þess að vera einstaklega gómsætt eitt og sér.