Issuu

Kökubæklingur Nóa Síríus 2015

Uppskriftir:

Thelma Þorbergsdóttir

Thelma þróaði og samdi uppskriftirnar fyrir okkur, ásamt því að útbúa þær og setja í stílinn fyrir ljósmyndun. Thelma er tveggja barna móðir og félagsráðgjaﬁ með mikinn áhuga á bakstri, sætum kökum og eftirréttum af öllum gerðum. Síðustu ár hefur hún unnið að þróun uppskrifta. Hún er meðal vinsælustu matarbloggara landsins og hefur um árabil bloggað á eigin síðu, http://freistingarthelmu. blogspot.is/, og öðrum vefmiðlum þar sem þúsundir Íslendinga hafa notið góðs af. Árið 2013 gaf

Thelma út sína fyrstu uppskriftabók, Freistingar Thelmu. Ásamt því hefur hún unnið í nánu samstarﬁ við Nóa Síríus.

Ljósmyndir: Heimir Óskarsson

Útlit og umbrot: Árnasynir

Prentun: Ísafold ehf.

Útgefandi:

Nói Síríus, Hesthálsi 2-4, 110 Reykjavík

Í baksturinn frá Nóa Síríusi

Nói Síríus hefur fylgt Íslendingum í að verða 100 ár og í gegnum árin hafa vörur fyrirtækisins verið sérstaklega vinsælar í bakstur. Allir landsmenn þekkja Síríus súkkulaðið og gæði þess, en undanfarin ár hefur það einnig orðið æ vinsælla að nota sælgætið frá Nóa Síríus í kökugerð og hvers kyns bakstur. Kökubæklingur Nóa Síríus hefur því eðlilega notið mikilla vinsælda og er fyrir löngu orðinn fastur liður í undirbúningi margra Íslendinga fyrir hátíðarnar. Sem fyrr erum við stolt af kökubæklingnum og því að geta boðið Íslendingum upp á úrvals hráefni í eðal freistingar. Njótið vel.

Súkkulaðið frá Nóa Síríusi

Síríus Konsum 45% (suðusúkkulaði)

Þetta eina sanna sem löngu er orðið klassískt. Kakóinnihaldið er 45%, það er meðalbragðsterkt og hentar vel hvort sem er til neyslu beint úr pakkanum eða í bakstur og matargerð að ógleymdu heita súkkulaðinu.

Síríus Konsum 56%

Áþekkt Síríus Konsum súkkulaðinu en kakóinnihaldið er 56%. Einstaklega kröftugt súkkulaðibragð án þess að vera rammt í munni. Þetta súkkulaði er frekar lítið sætt og geðjast því vel þeim sem kunna ekki að meta sætar vörur.

Síríus Konsum 70%

Toppsúkkulaðið í munni þeirra sem vilja almennilegt súkkulaðibragð og ekkert annað. Bragðfyllingin er mikil en samt í góðu jafnvægi. Kakóinnihaldið er eins og nafnið gefur til kynna 70% og sykurinnihald er komið niður fyrir 30%. Segja má að neytandinn þurﬁ svolítið að venjast svona kröftugu og lítið sætu súkkulaði og eðlilegt að mörgum þyki bragðið fullrammt við fyrstu kynni. Síríus Konsum 70% hentar vel í eftirrétti, mú ur og súkkulaðitertur þar sem maður vill ná fram miklu súkkulaðibragði og fá eindreginn súkkulaðilit.

Síríus rjómasúkkulaði

Síríus rjómasúkkulaði er algengasta átsúkkulaði Íslendinga. Það inniheldur mikið af þurrkaðri mjólk sem blandast einkar vel við kakóbaunirnar frá Fílabeinsströndinni.

Bragðið er milt og mjúkt. Þetta súkkulaði er unnið á sérstakan hátt til þess að fá eins mjúka áferð og hægt er svo að það bráðni þægilega í munni. Rjómasúkkulaðið er mestmegnis borðað eins og það kemur fyrir, hreint eða með hnetum og/eða rúsínum.

Síríus rjómasúkkulaði er einnig notað í bakstur þar sem leitað er eftir mildum undirtóni frekar en sterku súkkulaðibragði.

Síríus Konsum hvítt súkkulaði

Hvítt súkkulaði er hvítt vegna þess að það inniheldur einungis kakósmjör en engin kakóþurrefni (sem gefa hefðbundnu súkkulaði brúna litinn). Síríus hvítt súkkulaði er milt á bragðið en með mikla fyllingu og hentar því vel í allan bakstur, auk þess að vera einstaklega gómsætt beint úr pakkanum.

Sjálfbærni og samfélagsábyrgð

Síríus súkkulaði er QPP framleitt. QPP (Quality Partner Program) gerir kakóræktendum kleift að rækta og framleiða kakóið á sjál æran og ábyrgan hátt. QPP ferlið tryggir fræðslu til kakóbænda varðandi ræktunaraðferðir sem og aðbúnað starfsfólks sem gerir þeim kleift að auka framleiðni sína á ábyrgan hátt.

Auk þess kemur QPP að fræðslumálum, heilsugæslu og aðgengi að hreinu vatni í kakóræktarsamfélögum og stuðlar þannig að betri lífsskilyrðum þeirra sem þar búa.

Nizza brownie með súkkulaðiperlum

Fyrir 8 manns

HRÁEFNI

230 g smjör

200 g sykur

200 g dökkur púðursykur

2 tsk vanilludropar

4 egg

130 g hveiti

90 g Konsum kakó

½ tsk lyftiduft

280 g Nizza súkkulaðismjör

1 poki Nóa súkkulaðiperlur

Hitið ofninn í 180 gráður og setjið smjörpappír í meðalstórt eldfast mót (u.þ.b. 32 x 22 cm). Bræðið smjörið og hrærið það saman við sykurinn og púðursykurinn. Bætið vanilludropum saman við og hrærið vel. Bætið eggjum saman við, einu í senn og hrærið. Blandið hveiti, kakói og lyftidufti saman í skál, bætið þurrefnunum rólega saman við og hrærið létt. Setjið 230 g af súkkulaðismjöri í skál og hitið í örbylgju í 45 sekúndur. Blandið súkkulaðismjörinu saman við deigið ásamt súkkulaðiperlunum og hrærið létt þar til allt hefur náð að blandast vel saman. Hellið deiginu í eldfasta mótið og dreiﬁð vel úr því. Hitið restina af súkkulaðismjörinu, 50 g, í örbylgju í 30 sekúndur, hellið því yﬁr deigið og hrærið aðeins í gegnum deigið með hníf. Bakið í 25-30 mínútur eða þar til tannstöngull kemur nánast hreinn upp úr miðju kökunnar. Gott er að kæla kökuna áður en hún er skorin í bita.

Appelsínusúkkulaðimús með möndlum

Fyrir 8–10 manns

HRÁEFNI

Súkkulaðimús

400 ml rjómi

300 g Síríus Konsum Orange 4 egg

120 g sykur

2 msk appelsínusaﬁ

Riﬁnn börkur af einni appelsínu

AÐFERÐ

Súkkulaðimús

Toppur

Riﬁnn appelsínubörkur

Grófsaxaðar möndlur

Saxið súkkulaði gróﬂega niður og setjið í skál. Hitið 200 ml af rjóma að suðu (95ºC), hellið honum yﬁr súkkulaðið og látið standa þar til súkkulaðið hefur bráðnað alveg. Hrærið rjómann og súkkulaðið vel saman. Þeytið egg og sykur saman þar til blandan verður ljós og létt. Þeytið restina af rjómanum, 200 ml, og blandið saman við eggjablönduna ásamt súkkulaðiblöndunni. Bætið því næst appelsínuberki og safa saman við og hrærið varlega með sleif svo músin falli ekki. Setjið músina í glös eða skálar og kælið í rúmar 2 klst. Geymist í kæli þar til borin fram.

Toppur

Ríﬁð appelsínubörk og grófsaxið möndlur og setjið ofan á súkkulaðimúsina.

Kanilkökur með súkkulaðibitum og pekanhnetum

U.þ.b. 25–30 stk.

HRÁEFNI

140 g smjör við stofuhita

100 g ljós púðursykur

100 g sykur

1 egg

1 tsk vanilludropar

200 g hveiti

2 ½ tsk kanill

½ tsk sjávarsalt

½ tsk matarsódi

½ tsk lyftiduft

150 g Konsum suðusúkkulaði

100 g pekanhnetur

A ÐFERÐ

Hitið ofninn í 170 gráður og setjið smjörpappír á tvær bökunarplötur. Hrærið smjör, púðursykur og sykur saman þar til blandan verður ljós og létt. Bætið eggi og vanilludropum saman við og hrærið vel. Blandið hveiti, kanil, salti, matarsóda og lyftidufti saman í skál og bætið því rólega saman við. Grófsaxið súkkulaði og pekanhnetur. Setjið 100 g af súkkulaði saman við deigið ásamt pekanhnetunum. Myndið jafnstórar kúlur úr deiginu (u.þ.b. 1 msk) og raðið með jöfnu millibili á bökunarplöturnar. Setjið restina af grófsaxaða súkkulaðinu ofan á hverja köku fyrir sig (það er þó í lagi að setja allt súkkulaðið út í deigið í einu). Bakið í 8-10 mínútur. Leyﬁð kökunum að jafna sig og kólna aðeins áður en þið takið þær af plötunni.

Hvít súkkulaðimús með hindberjum

Fyrir 6–8 manns

HRÁEFNI

Súkkulaðimús

250 g Konsum hvítt súkkulaði

30 g rjómaostur

1 tsk vanilludropar

60 ml rjómi

¼ tsk sjávarsalt

3 eggjahvítur

100 g sykur

Toppur

Hindber

Flórsykur

Súkkulaðimús

Bræðið súkkulaði yﬁr vatnsbaði og hrærið þar til súkkulaðið hefur náð að bráðna alveg, setjið til hliðar og kælið. Hrærið rjómaost og vanilludropa saman þar til rjómaosturinn er orðinn mjúkur og sléttur. Bætið rjómanum saman við og hrærið vel í rúmar 3 mínútur. Hrærið eggjahvítur og salt saman í annarri skál og bætið sykrinum varlega saman við. Hrærið þar til blandan er orðin stíf og stendur. Blandið brædda súkkulaðinu saman við rjómaostablönduna ásamt eggjahvítunum og hrærið varlega saman með sleif þar til allt hefur blandast vel saman. Setjið í sprautupoka, sprautið súkkulaðimúsinni jafnt í eftirréttaglös og kælið inni í ísskáp í rúmlega 2 klst.

Toppur

Skreytið með ferskum hindberjum og ﬂórsykri. Geymist í kæli þar til súkkulaðimúsin er borin fram.

HRÁEFNI

Ís

Pistasíuís með súkkulaði og karamellu

2 ltr.

AÐFERÐ

Ís

6 eggjarauður

70 g sykur

120 g púðursykur

7 dl rjómi

2 tsk vanilludropar

200 g Konsum suðusúkkulaði

200 g pistasíuhnetur

½ tsk sjávarsalt

200 g Pipp með karamellufyllingu

3 msk rjómi

Toppur

Brætt Pipp með karamellufyllingu

Pistasíuhnetur

Þeytið eggjarauður og sykur saman þar til blandan verður ljós og létt.

Blandið púðursykri varlega saman við með sleif. Þeytið rjómann og blandið honum saman við með sleif og hrærið þar til allt hefur blandast vel saman.

Bætið vanilludropum saman við og hrærið. Grófsaxið súkkulaði og blandið saman við ásamt pistasíuhnetum og salti. Hellið ísblöndunni í kökuform eða form sem þolir frost.

Bræðið Pipp með karamellufyllingu í potti yﬁr lágum hita ásamt 3 msk af rjóma. Hrærið þar til Pippið hefur ná að bráðna alveg. Hellið brædda Pippinu yﬁr ísinn og hrærið aðeins í gegnum ísinn með hníf. Frystið ísinn í að lágmarki 5 klukkustundir. Ísinn geymist vel í 3 mánuði í frysti.

Toppur

Berið fram með bræddu Pippi með karamellufyllingu og pistasíuhnetum.

Kókosmarengs með lakkrískurli og jarðarberjum

HRÁEFNI

Marengs

3 stk eggjahvítur

200 g sykur

½ tsk lyftiduft

100 g kókosmjöl

150 g Nóa lakkrískurl

Krem

3 eggjarauður

60 g ﬂórsykur

100 g Konsum suðusúkkulaði

Toppur

½ lítri rjómi

Nóa lakkrískurl

Jarðarber

AÐFERÐ

Marengs

Hitið ofninn í 160 gráður og setjið smjörpappír á bökunarplötu. Þeytið eggjahvítur og sykur saman þar til blandan er orðin stíf og stendur. Bætið lyftidufti saman við og hrærið vel. Blandið kókosmjöli og lakkrískurli saman við og hrærið með sleif þar til allt hefur blandast vel saman. Setjið marengsinn á bökunarplötuna og myndið jafnan hring. Bakið í rúmar 40 mínútur eða þar til marengsinn er þurr viðkomu. Kælið marengsinn alveg áður en þið takið hann af plötunni og setjið kökuna saman.

Krem

Þeytið eggjarauður og flórsykur saman þar til blandan verður ljós og létt. Bræðið súkkulaðið yfir vatnsbaði þar til það hefur bráðnað alveg. Blandið súkkulaðinu varlega saman við eggjablönduna. Setjið kremið yfir marengsinn.

Toppur

Þeytið rjóma og setjið ofan á kremið á marengsinum. Skreytið með niðurskornum jarðarberjum og lakkrískurli. Geymist í kæli þar til marengsinn er borinn fram. Gott er að setja rjómann á marengsinn deginum áður.

Nizza bollakökur með lakkrís og jarðarberjum

U.þ.b. 15–20 stk.

H RÁEFNI

Bollakökur

220 g hveiti

200 g sykur

½ tsk matarsódi

1 tsk lyftiduft

170 g smjör við stofuhita

120 g Nizza súkkulaðismjör

¼ tsk sjávarsalt

2 egg

1 tsk vanilludropar

120 ml sýrður rjómi

120 ml mjólk

Krem

250 g smjör við stofuhita

500 g ﬂórsykur

200 g Nizza súkkulaðismjör

2 tsk vanilludropar

¼ tsk sjávarsalt

Toppur

Nizza súkkulaðismjör

Jarðarber

Nóa lakkrískurl

A ÐFERÐ

Bollakökur

Hitið ofninn í 180 gráður og raðið bollakökuformum í bökunarmót eða á plötu. Setjið hveiti, sykur, matarsóda og lyftiduft í skál og blandið saman. Bætið smjöri, Nizza súkkulaðismjöri, eggjum, vanilludropum, salti, sýrðum rjóma og mjólk saman við og hrærið þar til allt hefur blandast vel saman. Gott er að skafa skálina að innan af og til og hræra vel. Það gætu verið smjörkögglar í deiginu en það er í góðu lagi þar sem smjörið bráðnar inni í ofninum. Setjið deigið í bollakökuformin og passið ykkur að fylla þau ekki meira en 2/3 eða u.þ.b. 2 msk í hvert form. Bakið í rúmlega 18-20 mínútur eða þar til tannstöngull kemur hreinn upp úr miðju bollakökunnar. Kælið kökurnar alveg áður en þið setjið kremið á.

Krem

Hrærið smjörið þar til það er orðið ljóst og létt. Bætið ﬂórsykri

saman við, litlu í einu, og hrærið vel á milli. Bætið vanilludropum

saman við ásamt salti og Nizza súkkulaðismjöri. Hrærið þar til allt hefur blandast vel saman og kremið er orðið mjúkt og slétt. Setjið kremið í sprautupoka og sprautið kreminu á kökurnar. Skreytið með Nizza súkkulaðismjöri, jarðarberjum og lakkrískurli. Gott er að geyma kökurnar í kæli og taka þær út 30 mínútum áður en þær eru bornar fram.