Tígull 10. tbl 08. árg.

10. tbl. 09. árg. 16. - 22. apríl 2026

Sælkeri vikunnar: KRISTLEIFUR GUÐMUNDSSON

Ég vil byrja á að þakka Ölla mági fyrir þessa áskorun, að skila inn uppskrift er ekkert grín fyrir hvatvísa mig þar sem ég notast ekki við uppskriftir en hin hliðin á þeim pening er að nú þarf ég að elda matseðilinn handa fjölskyldunni og skrásetja hráefnið sem í það fer og eru allir kátir með það hér á heimilinu en ég ætla að bjóða mínum bestu upp á

Kjúklinga Gordon Bleu með Risotto Bollum og camembert & kampavínssósu. Í eftirrétt ætlum við að fá okkur strangheiðarlega snúða, ég þekki svo marga meðlætasjúklinga og langaði að setja inn allskonar meðlæti inn en var bent á að Tígull væri ekki að gefa út bók en ég og þú ætlum að elda þetta saman - LET’S GO!

Risotto bollur

Hráefni:

50 g smjör

1/2 rauðlaukur, smátt saxaður

1 vorlaukur, smátt saxaður

5 hvítlauksgeirar, smátt saxaðir

200 g risottogrjón (um 3 dl)

1 dl hvítvín

2 dl vatn

1 kjúklingakraftsteningur

3–5 dl vatn til viðbótar saffran, salt og pipar

6 ostsneiðar eða ostur í teningum

Til að hjúpa: hveiti

2 egg

4 dl mjólk panko-rasp

Aðferð

Bræðið smjör á pönnu og mýkið rauðlauk, vorlauk og hvítlauk. Bætið risottogrjónum út á, hellið hvítvíni saman við og látið gufa upp.

Setjið 2 dl vatn og kjúklingakraft út

á, kryddið með saffrani, salti og pipar. Bætið síðan vatni smám saman út á, um 1 dl í senn, þar til grjónin eru mjúk og pannan nær vatnslaus.

Kælið í um 10 mínútur. Mótið bollur með ostateningi í miðjunni.

Pískið saman egg og mjólk. Veltið bollunum upp úr hveiti, síðan eggjablöndu og loks panko.

Djúpsteikið í um 3 mínútur, þar til

TÍGULL

DREIFING:

Dreifing fer fram á fimmtudögum og er blaðinu dreift inn á öll heimili í Vestmannaeyjum. Einnig er hægt að skoða blaðið á vefsíðunni okkar: www.tigull.is

þær eru gylltar og stökkar.

Gott að vita: Má

forsteikja í 1 mínútu og frysta, síðan klára í airfryer.

Snúðar

Hráefni

3 msk sykur

1 msk ger

300 ml volgt vatn

0,5 dl olía

1 tsk salt

1 l hveiti

Fylling púðursykur sykur kanill

Aðferð

Kristleifur er sælkeri vikunnar.

Hrærið saman sykri, geri og volgu vatni og látið standa þar til blandan freyðir. Bætið olíu, salti og hveiti út í og hnoðið í 5–7 mínútur.

Látið hefast undir plasti á volgum stað í 30–60 mínútur, eða þar til deigið hefur tvöfaldast að stærð.

Fletjið deigið út, stráið púðursykri, sykri og kanil yfir, rúllið upp og skerið í 8 snúða.

Raðið á smurða plötu og látið hefast aftur við vægan hita í um 40 mínútur.

Bakið við 190°C þar til snúðarnir eru gylltir.

Smyrjið glassúr eða kremi yfir áður en borið er fram.

Lifum saman í gleði og góðum mat. Ég ætla að fara í upprunann sjálfann og skora á elsku mömmu mína, hún heitir Þura Stína og er með matarboð á hverjum sunnudegi fyrir afkomendur sína.

Restina af uppskriftum Kristleifs má finna á vefsíðu Tíguls eða skanna inn QR kóðann hér fyrir neðan:

Tígull kemur út vikulega í Vestmannaeyjum og er dreift frítt inn á öll heimili. Ritstjórar & ábyrgðarmenn: Lind Hrafnsdóttir & Katrín Laufey Rúnarsdóttir

Hönnun: Lind Hrafnsdóttir lind@leturstofan.is

Auglýsingar: Katrín Laufey katalaufey@tigull.is Prentun: Prentun.is

Auglýsingar sendist á: tigull@tigull.is Skil á auglýsingum er í hádeginu á mánudögum. Vinsamlegast bókið tímalega.

„ÞETTA

BREYTIR

MANNI“ – ógleymanleg ferð til Úganda sem situr djúpt í hjartanu

Það var meira en ævintýraþrá sem kom þeim hjónum Guðmundi Gíslasyni og Guðnýju Jensdóttur af stað til Úganda í mars. Ferðin, sem stóð frá 2. til 24. mars, var ekki aðeins farin vegna áhuga Guðnýjar á górillum og stórbrotinni náttúru Afríku, heldur líka til að heimsækja barn sem þau hafa stutt um árabil í gegnum ABC barnahjálp. Úr varð upplifun sem þau segja hafa snert sig djúpt og breytt sýn þeirra á lífið. En Guðný rakst á auglýsingu frá ferðaskrifstofunni Opio travel á Facebook sem kom þeim á bragðið og ákváðu þau að skella sér út.

Ferð með dýpri merkingu

Að baki ferðinni lá ekki aðeins löngun til að upplifa framandi land og dýralíf, heldur líka sterk þörf til að sjá með eigin augum þann veruleika sem þau hafa lengi stutt úr fjarlægð. Guðmundur og Guðný hafa um árabil styrkt börn í Úganda

og því var heimsóknin að mörgu leyti bæði persónuleg og tilfinningaþrungin.

Fyrir þau varð ferðin þannig sambland af ævintýri, fræðslu og mannlegri reynslu sem erfitt er að lýsa til fulls. Þetta var ekki aðeins ferð til nýs lands, heldur líka ferð inn í annan veruleika — veruleika sem kallaði fram þakklæti og nýja sýn á eigið líf.

Óvæntar breytingar á leiðinni út

Aðdragandi ferðarinnar var þó ekki alveg hnökralaus. Vegna óstöðugs ástands í heiminum þurfti að breyta flugáætlun á síðustu stundu, en sú breyting reyndist að lokum til góðs. Þau komu fyrr út en upphaflega stóð til og fengu því meiri tíma til að hvílast áður en sjálf ferðin hófst af fullum krafti.

Þegar þau lentu í landinu var það þó fyrst og fremst andrúmsloftið sem greip þau. Þau lýsa fyrstu upplifun-

inni sem rólegri og hlýrri; það hafi strax verið eins og þau væru komin inn í annan takt en þann sem þau þekktu að heiman. Brosandi andlit, vingjarnlegt viðmót og ró yfir fólki hafi mótað fyrstu dagana og gefið ferðinni fallegan tón alveg frá upphafi.

Viktoríuvatn og fyrstu kynni af náttúrunni

Strax fyrsta daginn fengu þau að kynnast þeirri náttúrufegurð sem Úganda hefur upp á að bjóða. Þau fóru í siglingu á Viktoríuvatn þar sem gróður, fuglalíf og kyrrðin settu sterkan svip á upplifunina. Vatnið sjálft, ásamt sefi og gróskumiklu landslaginu, vakti hjá þeim djúpa aðdáun og varð þessi fyrsta ferð um svæðið eftirminnileg byrjun.

Á siglingunni sáu þau meðal annars krókódíla, flóðhesta og fjölbreytt fuglalíf. Þau höfðu sérstaklega

vonast til að sjá Skónef, þennan sérkennilega fugl sem margir ferðalangar leggja leið sína til að berja augum og var heppnin með þeim. Þótt náttúran hafi í heild sinni verið mikilfengleg var það ekki síður kyrrðin og nálægðin við hið villta líf sem snart þau.

Í návígi við simpansa og górillur

Þrátt fyrir að fyrstu dagarnir hafi verið áhrifamiklir voru það göngurnar tvær í frumskógunum sem stóðu upp úr þegar litið er til baka. Guðmundur og Guðný fóru bæði í simpansa- og górilluferð, og segja þær upplifanir hafa verið meðal þess magnaðasta sem þau hafa nokkru sinni upplifað.

Í simpansaferðinni gengu þau í um klukkutíma í miklum hita, yfir 30 gráðum, og þungum raka áður en þau komust að dýrunum. Aðstæður voru krefjandi og líkamlega reyndi verulega á, en þegar þau loks komu að simpönsunum varð allt erfiðið aukaatriði. Tíminn sem ferðafólk fær með dýrunum er takmarkaður við eina klukkustund, enda þarf að gæta þess að valda þeim sem minnstu álagi, en þau segja þessa stund hafa verið ómetanlega.

En ekkert jafnaðist á við fundinn með górillunum. Í þéttum frumskógi og fjalllendi þurfti bókstaflega að ryðja sér leið áfram. Þar var höggvið í gegnum gróður til að komast leiðar sinnar, og eftir því sem hópurinn nálgaðist dýrin jókst spennan. Ferðalangarnir fengu skýr fyrirmæli um að hreyfa sig hægt, tala lítið og forðast allar snöggar hreyfingar.

Eitt augnablik situr þeim þó sérstaklega í minni. Silfurbakur, fullorðið karldýr, settist við hliðina á einum úr hópnum. Sá sem þar sat er um 185 sentímetrar á hæð, en þegar górillan settist niður náði hún honum samt upp að bringu. Þau segja að erfitt sé að lýsa því með orðum hversu óraunveruleg og áhrifamikil sú stund hafi verið. Ótti hafi ekki verið ríkjandi, heldur fremur djúp virðing og undrun yfir því að fá að

vera svo nálægt þessu stórbrotna dýri í sínu náttúrulega umhverfi.

Ævintýri sem reyndi á líkamann Ferðin var ekki aðeins falleg og áhrifamikil, heldur líka líkamlega krefjandi. Hitinn og rakinn voru viðvarandi áskorun, göngurnar langar og landslagið á köflum erfitt yfirferðar, öðruvísi aðstæður en þær sem flestir Íslendingar þekkja.

Þau segja þó einmitt þetta hafa verið hluta af töfrunum. Að þurfa að hafa fyrir upplifuninni og var þetta erfiðinsis virði.

Vopnaðir verðir og önnur veröld Það sem einnig vakti athygli þeirra var að vopnaðir verðir fylgdu þeim víða um ferðina. Verðirnir voru með sjálfvirka riffla og viðvera þeirra var stöðug áminning um að aðstæður á svæðinu væru aðrar en þær sem þau þekktu að heiman. Ástæður þess liggja meðal annars í

bundin við náttúruna, heldur við mannleg samskipti. Guðmundur og Guðný hafa styrkt börn í Úganda síðan árið 2006 í gegnum ABC barnahjálp. Elsta barnið sem þau studdu er nú komið út á vinnumarkaðinn, en í dag styrkja þau sjö ára stúlku að nafni Akullu.

Í ferðinni fengu þau að hitta hana og móður hennar, og segja þá stund hafa snert sig djúpt. Fyrir þeim varð heimsóknin áþreifanleg áminning um hversu miklu máli slíkur stuðningur getur skipt. Skólaganga getur ráðið úrslitum um framtíð barnanna, og án hennar eiga mörg þeirra á hættu að lenda á götunni. Að sjá barnið, umhverfið og fjölskylduna í eigin persónu hafi gefið stuðningnum nýja merkingu og dýpt.

Þau hittu einnig móður drengsins Daríusar sem þau hafa styrkt í gegnum tíðina en þau nýhætt að

hættu vegna veiðiþjófa og annarra ógna sem geta skapast á þessum slóðum. Þótt þau hafi sjálf ekki lent í neinum óþægindum hafði þetta ekki mikil áhrif á upplifunina en undirstrikaði að þau væru stödd í allt öðrum heimi, þar sem öryggi er hugsað með öðrum hætti en hér á landi. Þau lýsa þessu sem sérstöku en jafnframt mikilvægu samhengi við ferðina sjálfa.

Heimsókn sem snerti hjartað Sterkasta upplifunin var þó ekki

styrkja. Það varð þeim dýrmætt að sjá hvernig tengsl sem hafa byggst upp úr fjarlægð höfðu raunverulegt innihald og áhrif.

Gjafir sem vöktu gleði Þau fóru ekki tómhent í þessa ferð. Fyrir brottför hafði Guðmundur farið í Tölvun og keypt fartölvu handa dreng að nafni Daríus, sem þau höfðu stutt um árabil og hafði lengi dreymt um að eignast eigin tölvu. Sú gjöf hafði mikla þýðingu fyrir hann og varð eitt af þeim augna-

Guðný og Guðmundur með Akullu, barnið sem þau eru að styrkja í dag.

Guðný og Guðmundur við Murchisons fossa í Níl.

blikum sem sitja eftir sem tákn um hvað litlir hlutir geta skipt miklu máli.

Auk þess fóru þau með 30 fótboltabúninga frá KSÍ — treyjur, sokka og stuttbuxur — sem vöktu mikla gleði. Viðbrögðin við þessum gjöfum voru hlý og innileg, og þau segja augljóst að slíkt hafi mikla þýðingu fyrir börnin og samfélagið.

Skólaheimsóknin sem sat dýpst eftir Þegar þau rifja upp ferðina er þó eitt sem situr dýpst í þeim: heimsókn í skóla þar sem þau fengu að sjá aðstæður barnanna með eigin augum. Þar blasti við veruleiki sem er um margt ólíkur því sem við eigum að venjast hér heima.

Aðstæður voru einfaldar og víða báru þær með sér skort. Veggir voru óhreinir, gólf skítug og á heimavistinni sváfu börnin í járnrúmum. Þá þurfa börn, allt niður í sex ára aldur, sjálf að þvo fötin sín í höndunum. Fyrir Guðmund og Guðnýju var erfitt að horfa upp á þetta, ekki síst vegna þess að þrátt fyrir allt virtust börnin bera með sér gleði, lífskraft og hlýju.

Sú reynsla að mæta fólki sem býr við einfaldari og oft erfiðari aðstæður, en sýnir samt hlýju, kurteisi og þakklæti, varð þeim sterk áminning um hvað skiptir raunverulega máli. Þau nefna sérstaklega að við mættum ef til vill vera aðeins þakklátari, aðeins minna kröfuhörð og gefa meira af brosi og kurteisi í daglegu lífi.

Góðvild sem gleymist ekki

Eitt af því sem kom þeim hvað mest á óvart í ferðinni var hversu mikla góðvild þau upplifðu. Þau segja að sjaldan hafi þau kynnst jafn mikilli kurteisi og hlýju í samskiptum og í Úganda. Sú upplifun hafi minnt þau á að gott fólk sé alls staðar í heiminum, þrátt fyrir ólíkar aðstæður, menningu og lífsskilyrði.

fyrir sér sambærilegu ferðalagi. Slík ferð, segja þau, sé upplifun sem allir hafi gott af.

Hún víkkar sjóndeildarhringinn, kennir manni að meta eigið líf með öðrum hætti og skilur eftir minningar sem gleymast ekki. Þetta sé ferð sem breyti manni — ekki aðeins á meðan á henni stendur, heldur líka eftir heimkomuna, þegar hversdagsleikinn tekur við á ný.

Það sem situr eftir

Þegar þau eru spurð hvað sitji sterkast eftir nú þegar þau eru komin heim kemur svarið fljótt. Það er heimsóknin í skólann, að þrátt fyrir erfiðar aðstæður mæta börnin lífinu með gleði og reisn.

Ný sýn á eigið líf

Ferðin hafði djúp áhrif á þau bæði og breytti hugsuninni og sýn þeirra á lífið. Þau segjast hafa komið heim með skýrari tilfinningu fyrir því hversu lítilvæg mörg þeirra vandamála eru sem við teljum stór hér heima.

Þetta er lærdómur sem þau segja að sitji djúpt eftir: að mannleg hlýja, hjálpsemi og virðing séu algild gildi sem skipta öllu máli, sama hvar fólk býr.

Ferð sem allir hefðu gott af Þrátt fyrir að ferðin hafi verið bæði krefjandi og á köflum átakanleg eru þau ekki í nokkrum vafa um hvað þau myndu segja við aðra sem velta

Sú reynsla hefur brennt sig í hjartað. Minningarnar úr frumskóginum, návígið við dýrin, ferðalögin og stórbrotin náttúra landsins lifa áfram — en það eru mannlegu augnablikin sem standa hæst. Það er fundurinn við fólkið, börnin og þær aðstæður sem þau búa við sem hafa skilið eftir dýpstu sporin.

Fleiri myndir munu birtast með greininni þegar hún verður birt á tigull.is.

Hressingarganga í Herjólfshöllinni alla daga kl. 08:00 - 12:00

Púttsalurinn pútt í kviku virka daga kl. 13:00 - 14:00

MOSATÆTING

Hafðu samband í síma 775 9394 og fáðu tilboð í garðinn þinn

Við erum einnig farnir að taka niður pantanir fyrir þá sem ætla að vera í áskrift í sumar!

Laust starf

hjá Gröfuþjónustunni Brinks ehf.

Vegna aukinna umsvifa óskar Gröfuþjónustan Brinks ehf. eftir að ráða góðan starfsmann í framtíðarstarf. Um er að ræða 100% starf.

Vinnuvélaréttindi og Meirapróf eru skilyrði.

Ef þú hefur áhuga eða vilt fá frekari upplýsingar, vinsamlegast hafðu samband með tölvupósti á brinks@brinks.is eða hringdu í Símon í síma 692-9022.

ÍBÚAKOSNING

Vestmannaeyjabær boðar til íbúakosningar þar sem spurt verður:

Ertu fylgjandi því að Vestmannaeyjabær skoði möguleika á uppbyggingu á þróunarsvæðinu M2, sem fór undir hraun í gosinu 1973?

Atkvæðagreiðsla fer fram frá 4. maí til 16. maí

Íbúakosningin tekur til M2‑svæðisins, sem er afmarkað á meðfylgjandi korti (grænt svæði, 9.155 m2).

Kosningarrétt í íbúakosningunni hafa þeir

íbúar sem eiga kosningarrétt í sveitarstjórnarkosningum og hafa skráð lögheimili í Vestmannaeyjabæ.

Hægt er að greiða atkvæði á eftirfarandi kjörstöðum:

4. – 15. maí:

Ráðhús (ein kjördeild), opið 13:00-15:00

16. maí:

Barnaskóli (tvær kjördeildir), opið 9:00 – 22:00

Íbúafundur með nánari upplýsingum verður haldinn í Eldheimum 20. apríl nk. kl. 17:30

Íbúakosningin er haldin á vegum Vestmannaeyjabæjar í samræmi við sveitarstjórnarlög og reglugerð um íbúakosningar sveitarfélaga.

Atkvæðagreiðslan er ráðgefandi fyrir bæjarstjórn Vestmannaeyjabæjar.

Tilk ynning u m framboðs lis ta

við bæjarst jórnar kosni ngar í Vestmannaeyjum 16. maí 2026

Y rkjörst jórn Vest mannaeyjabæjar tilkynnir hér m eð, að hún hefur úrskurðað að neðangreindir listar séu f rambornir og verða því í kjöri við bæjarstjórnarkosningar í Vestmannaeyjum 16. maí 2026

D

Listi Sjálfstæði s okksi ns

1 Ey þór Harðarson

2. Trausti Hjaltason

3. Aníta Jóhannsdóttir

4. Óskar Jósúason

5. Hildur Sólveig Sigurðardóttir

6. Kjartan Vídó Ólafsson

7. Ran nveig Ís örð

8 Ármann Halldór Jensson

9. Guðbjörg Só l Sindradóttir

10. Hannes Kristinn Sigurðsso n

11. Ragnheiður L ind Geirsdótt ir

12. Þóra Guðný Arnarsdóttir

13. Garðar Benedikt Sigurjónsson

14. Guðríður Jónsdótt ir

15. Magnús St efánsson

16. Guðný Rún Gíslad óttir

17. Jason Stef ánsson

18. Elísabet Arnod dsdóttir

EListi Eyjalistans

1 . Arndís María Kjartansdóttir

2 Anton Örn Björnsson

3 . Erlingur Guðbjörnsson

4 . Hildur Rún Róbertsdóttir

5 . Jessý Friðbjarnardóttir

6 . Ágúst Erling Kristjánsson

7 . Ey rún Haraldsdóttir

8 . Zindri Frey r Ragnarsson Caine

9 Þorsteinn Ívar Þ orsteinsson

1 0. Þórdís Jóna Guðmundsdóttir

1 1. Hafdís Víglund sdóttir

1 2. Bergþóra Sigu rðardót tir

1 3 Stefán Jónasson

1 4. Hafdís Ástþórsdóttir

1 5. Bjartey Hermannsd óttir

1 6. Friðrik Björgv insson

1 7. Hrefna Valdís Guðmundsdótt ir

1 8. Hörð ur Þórðarson

Vestmannaeyjum 10 apríl 2026 Y rkjörstjórn Vestmannaeyjabæjar

Jóhann P étursson

Ólafu r Elísson Þór Í. Vilhjálmsson

M

Listi Mið okksi ns

1. Jón Þór Guðjónsson

2. Sæunn M agnúsdóttir

3. Jóhann Ingi Óskarsson

4. Sonja Andrésdóttir

5. Guðni Hjörleifsson

6. Þu rðíður Bernódusdót tir

7. Linda Rós Sigu rðardótt ir

8. Erlendur Ágúst St efánsson

9. Emma Karína Jakobsen

10 . Sveinn Hjalti Guðm undsson

11 . Hafþór Elí Hafsteinsson

12 . Ailandas Baurin as

13 . Þórey Katla Brynjarsdóttir

14 . Jón Helgi Gíslason

15 Sigdór Yngvi Kristin sson

16 . Adam Smári Sigfússon

17 . Elmar Hrafn Óskarsson

18 . Eyjólfur Pétu rsson

„NÚ MEIKAR ÞÚ ÞAÐ, GÚSTI“

– Ágúst Brynjarsson tekur við brekkusöngnum á Þjóðhátíð

„Hausinn var gjörsamlega á milljón,“ segir Ágúst Þór Brynjarsson um fyrstu viðbrögðin þegar honum bauðst að taka við brekkusöngnum á Þjóðhátíð. Fyrir honum er hlutverkið bæði mikill heiður og stór ábyrgð. Í viðtalinu segir hann frá símtalinu, tónlistarferðalaginu og því hvað hann vill að fólk upplifi þegar blysin fara á loft. Við tókum Ágúst í spurt & svarað.

Hvað fór í gegnum hugann þegar þú fékkst boðið um að taka við brekkusöngnum og getur þú líst símtalinu?

Það var ansi margt sem fór í gegnum hugann í þessu símtali, og þá aðallega eftir símtalið en ég lýg engu með það að ég átti við svefntruflanir að stríða svona fyrstu 2-3 næturnar því hausinn var gjörsamlega á milljón að reyna ná utanum þetta stóra og ábyrgðarmikla hlutverk. En símtalið sjálft var mjög skemmtilegt við Jónas formann og ég er bara virkilega þakklátur nefndinni að sýna mér þetta traust. Ég hlakka mikið til að drífa mig sem fyrst út í eyju og hitta allt það góða fólk sem sér til þess að Þjóðhátíð í Eyjum gangi smurt fyrir sig.

Hvað þýðir brekkusöngurinn á Þjóðhátíð fyrir þig persónulega? Hann þýðir náttúrulega mikið fyrir mig, óháð öllu því sem hann gerir fyrir mig sem tónlistarmann, að þá finnst mér gaman að fá þessa viðurkenningu, og svona aðeins staldra við og líta til baka þegar ég var lítill strákur á Húsavík að koma fram með gítarinn. Ég byrjaði 8-9 ára gamall að troða upp á þessum helstu hátíðardögum heima á Húsavík og ég spilaði þá eins og ég geri enn, á gítarinn minn alla daga og kom fram við

hvert tækifæri. Mér finnst í raun galið að þessi litli landsbyggðar gómur sé búinn að þroskast jafnt og þétt í gegnum árin og að öll þau verkefni og tækifæri sem ég hef fengið, líður mér eins og hafi öll spilað saman og komið mér í þessa stöðu sem ég er í dag, og er ég virkilega þakklátur og stoltur að fá þetta tækifæri, svo já þetta þýðir ansi mikið fyrir mig.

Finnurðu fyrir þunga hefðarinnar, þar sem þetta er svona stór stund í íslensku menningarlífi?

Já ég geri það, ég fylgdist með og hlustaði/ horfði á brekkusönginn hvert einasta ár, og þekki söguna og þýðinguna sem þessi gömlu góðu Eyja og Þjóðhátíðar lög hafa fyrir sérstaklega heimamenn og gesti Þjóðhátíðar, og mikilvægi þess að halda uppi heiðri þeirra lag sem hafa verið sungin í árar-

Ágúst Þór Brynjarsson

aðir. Svo ég finn svo sannarlega fyrir stærðargráðu hefðarinnar og það er bara stórkostlegt að fá að verða partur af henni.

Hvernig nálgast þú svona hlutverk — ertu byrjaður að skipuleggja prógrammið?

Ég nálgast þetta hlutverk með mjög opnum hug og ætla leyfa tímanum og undirbúningum bara stýra því! Ég er nú þegar búinn að skoða lagalista fyrri ára og það hefur verið mjög svo gaman að skoða mynstrið í því, hvaða lög eru alltaf tekin, lögin sem detta inn og út milli ára og svo þau sem hafa poppað upp einu sinni og svo aldrei aftur. Ég er byrjaður að skipuleggja prógrammið og það er bara gaman að fá það hlutverk að ákveða lögin sem verða fyrir valinu þetta árið.

Margir Eyjamenn þekkja þig ekki jafnvel enn — hver er Ágúst Þór Brynjarsson utan sviðs?

Ég er 26 ára Húsvíkingur og er búsettur í Hrafnagilshverfi í Eyjafjarðarsveit með unnustu minni Katrínu og 4 ára stráknum okkar honum Emil Huga. Mér finnst mjög gaman að sjá viðbrögð fólks þegar ég segi þeim að ég sé enn búsettur fyrir norðan, en sem starfandi tónlistarmaður eru ansi mörg verkefni á höfuðborgarsvæðinu og því er ég mikið á ferðinni á milli landshluta, sem mér finnst í raun bara töluvert þægilegra, þá get ég verið bara með fullan fókus á því sem ég er að gera, og svo bara farið aftur heim til mín úr þessari blessaðri höfuðborg okkar sem þú færð mig ekki til að flytja í þó að ég fengi borgað fyrir það. En það er svona mitt líf í stuttu máli, út um allt að spila og koma fram og svo heima með fjölskyldunni.

Hvernig hefur leiðin þín í tónlist verið hingað til?

Tónlistarferill minn hefur vaxið jafnt og þétt síðustu 6 ár og ég er mjög sáttur hvernig hann hefur spilast, það er held ég þessi stöðugi tröppugangur sem hefur leyft mér að þróast og stækka sem tónlistarmaður og allt hefur fengið sitt pláss og tíma, en ég hætti í fótbolta eftir tímabilið 2020, spilaði þá með mögnuðum Magnamönnum á Grenivík í Lengjudeildinni en sumarið eftir , 2021 byrjaði ég að auglýsa mig sem trúbador og spilaði út um allar trissur, það var svona byrjunin á þessum ferli eins og sennilega hjá mörgum öðrum í þessum bransa. Ári síðar, 2022, stofnuðum við nokkrir drengir á Akureyri ballhljómsveitina Færibandið, og síðan þá hefur bandið verið í ballbransanum að spila árshátíðum,bæjarhátíðum,brúðkaupum og hvað nú þetta allt heitir, og meðal annars síðustu tveimur Þjóðhátíðum, og bara gengið virkilega vel hjá Færibandinu sem mun að sjálfsögðu halda áfram að halda uppi stuðinu þó svo að ég komi til með að framvegis sinna

öðrum verkefnum, með tilkomu plötu minnar sem kemur út núna sumardaginn fyrsta þann 23.apríl, og öðrum verkefnum meðal annars tengt brekkusöngnum. En án efa hafa síðustu tvö ár í tónlistarferli mínum verið þau allra stærstu, árið 2024 fékk ég það hlutverk að koma inn í Stuðlabandið á meðan Magnús Kjartan

söngvari bandsins glímdi við sín veikindi og var það svona fyrsta alvöru verkefnið sem ég fékk, enda lærði ég ótrúlega mikið að þeim Stuðlabands mönnum, þeir eru svo miklir fagmenn hvernig þeir nálgast öll sín verkefni, gríðarlega vel æfðir, undirbúnir, og engir náttúrlega duglegri en þeir, enda búnir að vera spilandi allar helgar í rúman áratug. Ég á þeim öllum mjög margt að þakka og þá sérstaklega honum Marinó Geir Lilliendahl, trommuleikara og það má segja bara framkvæmdastjóra bandsins. Hann hefur fylgt mér í öllu sem ég hef verið að gera síðustu tvö ár og hann hefur verið svona minn umboðsmaður og lærifaðir sem ég er mjög þakklátur fyrir, enda þekkir maðurinn hvern einasta krók og kima í þessum tónlistarbransa.

Svo árið 2025 tók ég þátt í Söngvakeppninni, undankeppni Eurovision, og það var bara stórkostleg reynsla og upplifun að fá þann stökkpall til að sýna sig sem tónlistarmann og lagahöfund. Maður fékk að kynnast helling af æðislegu fólki og koma fram út

um allt í grunnskólum, leikskólum og bæjarhátíðum og það er hreinlega ekkert skemmtilegra en að syngja sín eigin lög og sjá alla syngja með.

Er einhver fyrirmynd sem þú horfir til?

Eins og ég nefndi áðan að þá hef ég alltaf fylgst með brekkusöngnum og horfi hvert einasta ár svo að ég horfi klárlega til þeirra sem á undan mér voru, það er til eitthvað minna af opinberu efni af Árna svo að ég hef ekki séð mikið af honum, svo að ef einhver á gamlar spólur af Árna og kaffibolla þá má bjóða mér í heimsókn! en bæði Ingó og Maggi eru klárlega þær fyrirmyndir sem ég horfi til núna þegar undirbúningurinn er hafinn.

Hvað viltu að fólk upplifi þegar blysin fara á loft?

Ég vona bara að það verði allir raddlausir eftir að hafa sungið saman í góðra vinahópi, og að Þjóðhátíðar gæsahúðin komi yfir mann, sem er svona nokkurn veginn gefið að gerist því þetta augnablik er gjörsamlega engu líkt.

Hvernig myndirðu lýsa sjálfum þér í þremur orðum?

Miðað við þau þrjú orð sem koma fyrst upp í hugann að þá er ég sannfærður um að hafa verið Eyjamaður í fyrra lífi en það er 1.Vinnusemi 2. Gleði 3. Þrjóska

Hvað viltu segja við Eyjamenn áður en þú stígur í fyrsta sinn í þetta hlutverk?

Ég hlakka mjög svo til að hitta sem flesta af ykkur heimamönnum því komandi frá litlu bæjarfélagi veit ég að það gerist ekki neitt af sjálfu sér og það þarf að djöfulsins dugnað og samstöðu til að halda úti svona risastóru batteríi sem Þjóðhátíð er og ég vona að ég hreinlega geri ykkur Eyjamenn stolta og nái að láta ykkur öskur syngja “ Nú meikar þú það Gústi”

Tígull Kírópraktorstöðin.pdf 1 27.10.2025 23:07:17

Frumherji í Eyjum

Apríl 27. - 30. apríl (allar stærðir ökutækja)

Tímapantanir í síma 570 9090

Við komum þér til betri heilsu.

Tímabókanir hjá kírópraktor í síma 588-8085.

Strandvegur 26 | Vestmannaeyjar

OPIÐ ALLA DAGA FRÁ KL. 11:30

VERIÐ VELKOMIN Í VÖRUHÚSIÐ ALLT ÁRIÐ UM KRING

Faxastígur 38 (Lokað í hádeginu) s. 772-1771 / 772-7175 / ggsmidir@gmail.com

Almennt viðhald & smíði!

Sumarstörf á vegum Vestmannaeyjabæjar 2026

Vestmannaeyjabær auglýsir eftir starfsfólki 17 ára og eldra til sumarstarfa á vegum bæjarins fyrir árið 2026. Umsóknarfrestur til og með 19. apríl.

Leitað er að jákvæðum, duglegum og samviskusömum einstaklingum.

Vestmannaeyjabær vill stuðla að jafnrétti kynja og hvetur því alla óháð kyni til að sækja um laus störf.

Störf í boði:

Bókavörður I

- Bókasafn

Flokkstjóri í vinnuskóla - Umhverfisverkefni

Hafnarvörður I - Vestmannaeyjahöfn

Hafnarverkamaður - Vestmannaeyjahöfn

Leiðbeinandi - Heimaey vinnu- og hæfingarstöð

Leikskólakennari/leiðbeinandi - Kirkjugerði

Leikskólakennari/leiðbeinandi - Víkin

Safnvörður I - Eldheimar

Safnavörður I - Sagnheimar (Byggðasafn/Landlyst)

Starfsmaður í þjónustukjarna fyrir fatlað fólk - Málefni aldraðra og fatlaðra

Sumarstarfsmaður - Umhverfisverkefni

Sundlaugarvörður/starfsmaður - Íþróttamiðstöð

Verkamaður II - Umhverfisverkefni

Verkamaður III - Umhverfisverkefni

Almennar upplýsingar veitir Erna Georgsdóttir hjá Vestmannaeyjabæ í síma 488-2000 eða í tölvupósti: sumarstorf@vestmannaeyjar.is

Umsóknir skulu berast rafrænt í gegnum íbúagátt Vestmannaeyjabæjar. Umsóknarfrestur er til og með 19. apríl nk.

Öllum umsóknum verður svarað þegar ákvörðun um ráðningar hefur verið tekin.