Félagarnir Ágúst Halldórsson og Vilmar Þór Bjarnason ætla að standa fyrir hlaðvarpi sem heitir
Peyjapúlsinn
Hlaðvarp sem fjallar um komandi sveitastjórnarkosningar í Vestmannaeyjum. Þeir eru áhugamenn um pólitík, markmiðið er að afla upplýsinga og jafnvel auka áhuga Vestmanneyinga á komandi sveitastjórnarkosningum.
Þegar blaðið var í vinnslu voru komnir út 6 þættir, hægt er að hlusta á þættina á spotify.
Skannaðu QR kóðann til að hlusta á þættina.
Við höldum áfram að birta myndir eftir Hörð Sigurgeirsson sem starfaði sem ljósmyndari í Vestmannaeyjum um og eftir miðja síðustu öld.
Ef þú ert með nöfn eða sögu sem tengist myndunum væri gaman að heyra frá þér! Kíktu á Leturstofuna Vestmannabraut 38 eða sendu okkur tölvupóst á netfangið: tigull@tigull.is
Tígull kemur út vikulega í Vestmannaeyjum og er dreift frítt inn á öll heimili. Ritstjórar & ábyrgðarmenn: Lind Hrafnsdóttir & Katrín Laufey Rúnarsdóttir Forsíðumynd: Guðmundur og Birgir Reimar á Þorrablóti ÍBV. Ljósmynd/Teresa
Dreifing fer fram á fimmtudögum og er blaðinu dreift inn á öll heimili í Vestmannaeyjum. Einnig er hægt að skoða blaðið á vefsíðunni okkar: www.tigull.is
Hönnun: Lind Hrafnsdóttir lind@leturstofan.is
Auglýsingar: Katrín Laufey katalaufey@tigull.is Prentun: Prentun.is
Auglýsingar sendist á: tigull@tigull.is Skil á auglýsingum er í hádeginu á mánudögum. Vinsamlegast bókið tímalega.
Fyrsta Þorrablót ÍBV var haldið um síðustu helgi þar sem mættu hátt í 300 manns í Höllina.
Einar Björn sá um matinn, Fannar úr hljómsveitinni Hipsumhaps og Stuðlabandið sáu um tónlistaratriði og Stefán Einar um veislustjórn. Myndbrot frá þorrablótsnefndinni, happadrætti, lukkuhjól, treyjusala og fleira skemmtilegt einkenndi kvöldið.
Vel heppnað kvöld í alla staði og vill þorrablótsnefnd koma á framfæri þakklæti til sjálfboðaliða, styrktaraðila og öllum þeim komu að kvöldinu og sem að mættu og gerðu kvöldið ógleymanlegt. Hlökkum til næsta þorrablóts, janúar 2027.
Iðjuþjálfun gegnir mikilvægu hlutverki í að styðja fólk til sjálfstæðis og aukinna lífsgæða á öllum æviskeiðum. Í Vestmannaeyjum starfar Sandra Dís Sigurðardóttir sem ráðgjafi í iðjuþjálfun innan öldrunarþjónustu bæjarins og er jafnframt eini starfandi iðjuþjálfinn í Eyjum. Hún hefur komið að uppbyggingu þjónustunnar frá útskrift og vinnur daglega að því að efla færni, virkni og vellíðan eldri borgara. Við fengum Söndru til að segja okkur frá bakgrunni sínum, starfinu á Bjarginu og framtíðarsýn sinni fyrir iðjuþjálfun í Eyjum.
Geturðu sagt okkur aðeins frá þér – menntun, bakgrunni og hvað leiddi þig í iðjuþjálfun? Ég heiti Sandra Dís Sigurðardóttir og er fædd og uppalin hérna í Vestmannaeyjum. Kærastinn minn heitir Halldór Friðrik Alfreðsson og eigum við 4 ára dóttir sem heitir Sóldís Unnur Halldórsdóttir og við eigum von á annarri stelpu núna í lok júní. Árið 2020 breyttist svolítið stefnan hjá mér, en ég var alltaf á leiðinni í sjúkraþjálfarann og var búin að sækja um nám í Danmörku. Svo kom Covid og þá breyttust hlutirnir, ég var ekki tilbúin að fara á þeim tíma út og svo kynntist ég Halldóri í kjölfarið. Ég vissi alltaf að mig langaði að vinna með fólki þannig ég fór að skoða hvað væri í boði og hvort það væri eitthvað fjarnám sem heillaði mig. Ég kynnti mér nám hjá Háskólanum á Akureyri og rakst á iðjuþjálfunarfræði og fór að skoða það, þar sem ég vissi lítið sem ekkert um það nám. Það heillaði mig og ákvað ég að skrá mig. Ég útskrifaðist með B.Sc. gráðu í iðjuþjálfunarfræði árið 2024 og árið 2025 útskrifaðist ég með
viðbótardiplómu á meistarastigi í iðjuþjálfun sem veitti mér starfsleyfi frá Embætti landlæknis til að starfa sem iðjuþjálfi. Í framhaldinu fékk ég vinnu hjá Vestmannaeyjabæ sem ráðgjafa iðjuþjálfi.
Hvað felst í starfi iðjuþjálfa á litlu samfélagi eins og í Vestmannaeyjum?
Ég starfa innan öldrunarþjónustu hjá Vestmannaeyjabæ og skiptist starfið mitt þannig að ég vinn með þjónustuþegum dagdvalar og stuðningsþjónustu. Starfið mitt felst í því að skipuleggja, ráðleggja og veita einstaklingsbundna þjónustu, meta þörf fyrir hjálpartæki ýmist hjá þjónustuþegum dagdvalar og stuðningsþjónustu. Einnig fæ ég beiðni um heimilisathuganir sem felst í því að fara heim til þjónustuþega og skoða heildaraðstæður, þar sem ég met færni, umhverfi og finn lausnir á iðjuvanda einstaklingsins í samvinnu við hann og aðstandendur.
Þú ert eini starfandi iðjuþjálfinn í Eyjum – hvernig hefur það mótað starf þitt og hlutverk?
Þar sem ég er eini iðjuþjálfinn hjá Vestmannaeyjabæ hef ég einnig verið ráðgefandi fyrir aðra starfsmenn dagdvalar, stuðningsþjónustunnar og fjölskyldu- og fræðslusviðs. Það hefur bæði verið krefjandi enn jafnframt mjög lærdómsríkt. Það sem mér hefur fundið hvað erfiðast við það er að ég er nýútskrifuð og kem inn í starf sem er í mótun og þá þarf maður svolítið að finna út úr hlutunum sjálfur en það er einnig gaman að fá að taka þátt í þeirri mótun og er virkilega þroskandi. Ég hef myndað mér góð tengsl við aðra iðjuþjálfa á landinu og gott að geta speglað sig við aðra sem vinna á sama starfsviði og ég.
Hvernig lítur dæmigerður vinnudagur út hjá þér á Bjarginu?
Það má segja að engin dagur er eins í mínu starfi en ég sinni sérhæfðri þjálfun fyrir einstaklinga með heilabilun, bæði einstaklings- og hópastarfi og bý til plön út frá áhugasviði einstaklings. Ég vinn meira með einstaklings þjálfun þar sem skjólstæðingar hafa ólík áhugamál og vinn mest með endurminningarþjálfun og iðju sem þau hafa gaman af.
Hvað finnst þér mest gefandi við að vinna með eldri borgurum? Mér finnst ótrúlega gaman að vinna með eldra fólki, að hjálpa þeim að finna gleði og tilgang í daglegri iðju er það sem er virkilega gefandi. Að fá að heyra þeirra lífsreynslu og persónulegar sögur og að geta stutt þau til þátttöku í hlutverkum sínum þrátt fyrir breytingar á heilsu eða aðstæðum.
Fyrir þá sem ekki þekkja – hvað er Bjargið og hvaða hlutverki gegnir það í samfélaginu? Bjargið dagdvöl er stuðningsúrræði við þá sem búa í heimahúsum en þurfa að staðaldri eftirlit og umsjá til að geta búið áfram heima og að rjúfa félagslega einangrun. Á Bjarginu leggjum við áherslu á fjölbreytta dagskrá svo hver og einn finni eitthvað við sitt hæfi.
Hvernig styður iðjuþjálfun við markmið dagdvalar fyrir eldri borgara? Iðjuþjálfar búa yfir sérþekkingu á iðju í samhengi við heilbrigði og velferð. Íhlutun iðjuþjálfa beinist ýmist að einstaklingsþáttum, iðju eða umhverfi eins og að styrkja líkamlega og vitræna færni, stuðla að frumkvæði og sjálfbjargargetu, að ýta undir aukinni áhugahvöt. Auka leikni við iðju, aðlaga hana svo hún mæti færni einstaklings og einnig jafna færni hennar með hjálpartækjamiðlun.
Hvaða tegund verkefna eða athafna nýtir þú mest í starfi þínu? Ég reyni að hafa þetta fjölbreytt en ég einblíni á hreyfingu, hugarleikfimi og almenna virkni. Fyrir hvern mánuð bý ég til virkniplan sem er fyrir alla á dagdvölinni, þar set ég inn m.a. bingó, spurningakeppni, hver er maðurinn, orðaleiki, hreyfifjör o.fl. en við vinnum með fjölbreytta dagskrá og reynum að finna eitthvað sem flestir hafa gaman af. Í sérhæfðri þjálfun nota ég mikið endurminningarverkefni þar skapast umræður um gamla tíma, hluti og fáum stundum persónulegar sögur sem er skemmtilegt. Einnig vinn ég með áhugasvið einstaklings og gerum við verkefni út frá því.
Hvernig sérðu áhrif starfsins á lífsgæði þeirra sem sækja dagdvölina?
Markmið Bjargsins dagdvöl er að draga úr félagslegri einangrun og viðhalda sjálfstæði einstaklinga svo þeir geti búið sem lengst heima og upplifað öryggi.
Bjargið fékk gjöf frá kvenfélaginu í Landakirkju, geturðu sagt okkur frá gjöfinni?
Gjöfin sem við fengum er hljóð- og myndvarpi sem heitir Omi Vista Mobii sem er skynörvunarþjálfi. Tækinu fylgir ,,Sensory Suite‘‘ sem má finna yfir 300 mismunandi forrit með hljóð- og myndbrellum sem hönnuð eru til þess að örva, taka þátt og veita slökun. Bæði er hægt að varpa mynd á gólfið þar sem fleiri geta tekið þátt enn einnig er hægt að varpa á borð sem hentar vel í einstaklingsvinnu.
Hvernig mun gjöfin nýtast í starfi ykkar og hvaða áhrif mun hún hafa á notendur dagdvalarinnar? Ég tel að gjöfin muni nýtast okkar starfi vel. Kostirnir við tækið er að það getur aukið vellíðan og styrkt einstaklinginn. Einnig er hægt að persónumiða þjálfunina með því að setja inn ljósmyndir eða tónlist sem einstaklingurinn tengir við og þá sérstaklega gott fyrir einstaklinga með heilabilun til að nýta í endurminningarvinnu. Með slíkri vinnu gefur það starfsfólki gott tækifæri á að kynnast manneskjunni á bak við heilabilunina og einstaklingur fær tækifæri á að deila persónulegum sögum sem getur aukið vellíðan og stöðugleika tilfinninga.
Hvað er iðjuþjálfun í einföldu máli? - Hvernig myndirðu útskýra muninn á iðjuþjálfun og öðrum heilbrigðisstéttum, t.d. sjúkraþjálfun?
Í iðjuþjálfun felst sérþekking á iðju í samhengi við heilbrigði og velferð. Hér er átt við allt það sem fólk innir af hendi í daglegu lífi í þeim tilgangi að annast sig og sína, vinna ýmis störf sem koma að gagni í samfélaginu og njóta þess sem lífið hefur upp á að bjóða. Sem dæmi um iðju má nefna það að klæða sig og snyrta, útbúa mat, aka bíl, afgreiða í verslun, skrifa ritgerð, fara á skíði eða mála mynd. Þótt þessi viðfangsefni virðist sjálfsögð og einföld fyrir flesta, þá geta þau verið erfið og jafn-
vel óyfirstíganleg fyrir þau sem búa við skerðingar á færni eða hindranir og tækifærisleysi í umhverfi sínu. Iðjuþjálfun styður fólk á öllum aldri við að endurheimta eða bæta getu sína til að sinna daglegum athöfnum með því að takast á við líkamlegar, andlegar og tilfinningalegar áskoranir sem hafa áhrif á sjálfstæði þeirra.
Finnst þér þörf á aukinni kynningu á stéttinni í Vestmannaeyjum? Ef já – hvernig mætti bæta hana? Já, það hefur borið á þörfinni fyrir fleiri iðjuþjálfum í Vestmannaeyjum á hinum ýmsu sviðum og fengum við reynslu af því þegar það var starfandi iðjuþjálfi hér í eyjum en hún ruddi svolítið veginn fyrir þessu starfi hér með öldruðum sem og í skólamálum. Og í því starfi opnaðist grundvöllur fyrir því hversu faglegt og gott er að hafa þessa stétt starfandi í eyjum á öllu aldursbili, hvort sem það er með börnum, fullorðnum eða öldruðum.
Hvernig sérðu þróun þjónustunnar í Eyjum til framtíðar – er þörf á fleiri iðjuþjálfum?
Ég sé fyrir mér góða þróun þjónustunnar hér í eyjum en ég hef ýmsar hugmyndir og mikinn metnað fyrir starfinu. Mér finnst iðjuþjálfun vera vanmetin stétt og allt of fáir vita hvað við gerum en það er nauðsynleg þörf á fleiri iðjuþjálfum sem dæmi má nefna á spítalanum, hjúkrunarheimilið, í skólanna, leikskólanna og einnig í málefnum einstaklinga með fötlun.
Eitthvað að lokum?
Ég er virkilega þakklát fyrir atvinnutækifærið sem ég fékk strax eftir útskrift og vonast ég eftir fleiri iðjuþjálfum í framtíðinni hér í Eyjum því þetta er virkilega gefandi og nauðsynlegt starf. Einnig vil ég þakka Kvenfélagi Landakirkju fyrir þessa rausnarlegu gjöf og það óeigingjarna starf sem þar er unnið.
Kvenfélag Landakirkju afhendir Bjarginu gjöf hljóð- og myndvarpi sem heitir Omi Vista Mobii sem er skynörvunarþjálfi. Tækinu fylgir ,,Sensory Suite‘‘ sem má finna yfir 300 mismunandi forrit með hljóðog myndbrellum sem hönnuð eru til þess að örva, taka þátt og veita slökun.
Nú á dögum fékk Bjargið rausnarlega gjöf frá Kvenfélaginu Landakirkju. Þær höfðu safnað fyrir skynjunartæki sem er öflugt verkfæri fyrir eldra fólk til að efla hreyfingu og skynjun hjá eldra fólki. Tækið mun koma sér mjög vel á Bjarginu.
Allir á Bjarginu eru svo innilega þakklát fyrir þessa frábæru gjöf og það óeigingjarna starf sem Kvenfélagið Landakirkja gerir.
Vestmannaeyjabær auglýsir lausa til umsókn ar íbúð eldri borgara í Sólhlíð. Leiguverð fylgir leiguverði annarra íbúða hjá Vestmannaeyjabæ og er vísitölutengt. Umsóknarfrestur er til 9.mars nk.
Sótt er um í gegnum íbúagátt á heimasíðu Vest mannaeyjabæjar. Einnig er hægt að nálgast umsóknareyðublöð á skrifstofu Fjölskyldu og fræðslusviðs að Kirkjuvegi 23 (gamla Íslands banka) og skal þá fylgigögnum einnig skilað þangað. Mikilvægt er að skila inn öllum gögn um sem óskað er eftir eða nýjum gögnum hafi aðstæður breyst frá fyrri umsókn. Eldri umsóknir óskast staðfestar.
Frekari upplýsingar veitir Margrét Ingólfsdóttir, í síma 488-2000 eða á netfanginu margret@vestmanna eyjar.is. Einnig er hægt að fá nánari upplýsingar í þjón ustuveri Fjölskyldu -og fræðslusviðs að Kirkjuvegi 23.
Tökum að okkur gerð sálmaskráa. PANTA ÞARF TÍMA Í SÍMA 694 7999 eða senda tölvupóst á leturstofan@leturstofan.is
Ég vil þakka Erlendi falleg orð, kannski orðum aukið en ég skulda honum reyndar matarboð og mun reyna að bjóða uppá eitthvað gott miðað við gott álit hans á matreiðslu hæfileikum mínum. Núna er ég þar í lífinu að ég elska mat í einu fati/ pönnu og gott heimabakað brauð með. Þessi Marry Me Chicken orzo-pasta réttur er rjómakenndur, bragðmikill og einstaklega auðveldur. Hann sameinar kjúkling, sólþurrkaða tómata, hvítlauk, parmesan, rjóma og orzo pasta í algjöra veislu. Þessi útgáfa er fljótleg og þægileg sem er alls ekki verra svo er mesti plúsinn að uppvaskið er í algjöru lágmarki.
Uppskrift fyrir 4 fullorðna
Hráefni:
· Kjúklingur: 4 bringur (skornar í ca. 6 jafna bita hver)
· Pasta: 300 - 350 g Orzo pasta frá Rummo
· Vökvi: 300 - 500ml kjúklingasoð (eða 1 teningur + vatn)
·
Rjómi: 300 - 500 ml. Byrja á 300, bæta við ef þarf.
· 1 krukka sólþurrkaðir tómatar (vel saxaðir),
· 1 hvítlaukur eða 4 litlir hvítlauksgeirar
· 1 tsk reykt paprika (krydd)
· 1 msk þurrkað oregano eða italian seasoning
· parmesan ostur (rifinn ferskur), ca. 50 gr. Og bera svo fram meira með réttinum
· ca. Hálfur poki spínat eða 2 -3 handfylli spínat, ég set alltaf aðeins meira
· salt/pipar eftir smekk
· olía til steikingar
Aðferð:
1. Hitið olíu á stórri pönnu. Steikið kjúklingabitana þar til þeir eru gullinbrúnir. Kryddið með salti, pipar, papriku og oregano eða italian seasoning. Færið þá af pönnunni og geymið.
2. Bætið hvítlauk og sólþurrkuðum tómötum á pönnuna og steikið í 1-2 mínútur.
3. Bætið orzo pastanu (ósoðnu) steikið það aðeins með, á þessu stigi bæti ég aðeins smjöri á pönnuna fyrir orzo-ið og bæti svo kjúklingasoði á pönnuna. Lækkið hitann, setjið kjúllabitana aftur útí, setjið lok á og látið malla í um 10-12 mínútur eða þar til pastað og kjúllinn er eldað og mestur vökvi horfinn, passið samt að bæta við soði ef þetta er að verða allt of þurrt.
Dísa er sælkeri vikunnar.
4. Hrærið rjómanum og spínatinu saman við þar til spínatið er orðið mjúkt og blandast vel við.
5. Takið af hitanum og hrærið parmesanosti saman við eftir smekk. Þetta á að vera frekar creamy, alls ekki þurrt og heldur ekki of blautt. Berið fram strax með auka parmesan, það er aldrei of mikið af parmesan. Ég baka oft foccacia brauð með, þetta finnst mér langbest, gott að baka það í ofnskúffu og skera það í bita, svo frysti ég afganginn í nokkrum pokum, þá á ég ferskt heimabakað brauð með nokkrum máltíðum, alveg brilliant. Það tekur í heildina ca. 2 tíma að græja það, en handtökin eru fá, það er aðallega að hefast mest af tímanum. Þið verðið að nota ferska basiliku, hún er möst.
Hér er slóðin á brauðið: eldhussogur.com/tag/focaccia-braud-uppskrift
Mig langar að skora næst á Breka Ómarsson. Ég hélt að hann hefði ekkert verið að fylgjast með í eldhúsinu hérna um árið, en svo var víst aldeilis ekki, hann er sá eini sem ég hef treyst fyrir að elda áramótamatinn heima hjá okkur, enda frábær kokkur, hann er bara með þetta í sér drengurinn. Allavega hlökkum við til í hvert sinn sem hann býður okkur í mat í borginni.
Tígull óskar fjölskyldunum innilega til hamingju!
Fæðingardagur: 14. febrúar 2026
Foreldrar: Selma Helgadóttir og
Tómas Bent Magnússon
Þyngd: 16 merkur
Lengd: 56 cm
Fæðingardagur: 18. febrúar 2026
Foreldrar:
Tómas Aron Krjartansson og Sigríður Kristjana Þorkelsdóttir
Þyngd: 3650 g
Lengd: 48 cm
Móður afi og amma: Helgi Sigurðsson og María Valdimarsdóttir.
Föður afi og amma: Magnús Elíasson og Harpa Hauksdóttir.
Móður afi og amma: Þorkell Ingimarsson og Gunnþóra Hólmfríður Önundardóttir.
Föður afi og amma: Kjartan Sölvi Guðmundsson og Anna Lilja Tómasdóttir.
kl. 17:00 - 18:00
17:00 -
kl. 16:00 - 17:00
Hressingarganga í Herjólfshöllinni alla daga kl. 08:00 - 12:00
Púttsalurinn pútt í kviku virka daga kl. 13:00 - 14:00
Það var sannkölluð veisla hjá 3. flokki um helgina þegar bæði kvenna- og karlalið félagsins tryggðu sér sigur í úrslitaleikjum Powerade-bikarsins gegn Val. Stelpurnar voru með öruggan sigur á liði Vals 36–31, strákarnir fylgdu fast á eftir og tryggðu sér
Bikarmeistaratitilinn með 37–34 sigri einnig á liði Vals.
Tígull óskar leikmönnum, þjálfurum og öllum þeim sem að koma þessum flokkum innilegar hamingjuóskir með titlana.
Undanfarna mánuði hef ég verið að skoða gjaldtöku fyrir húshitun í Vestmannaeyjum og bera hana saman við sambærileg veitusvæði annars staðar á landinu. Ég geri það ekki af fræðilegum áhuga einum saman, heldur vegna þess að hér er um að ræða grunnþjónustu, sem allir verða að greiða fyrir, óháð tekjum eða aðstæðum.
Í stuttu máli blasir við eftirfarandi:
Heimili í Vestmannaeyjum greiða verulega hærra verð fyrir hringrásarvatn (rúmmetra) en heimili á öðrum veitusvæðum, til dæmis á Vestfjörðum, þrátt fyrir að húshitun í báðum tilvikum byggi á raforku og lúti sama raforkuverði. Samhliða þessu er niðurgreiðsla á orkueiningu (kWh) lægri á veitusvæði HS Veitna en hjá Orkubúi Vestfjarða.
Þegar þessi tvö atriði leggjast saman verður niðurstaðan einföld í reynd, þó hún sé flókin í útreikningum:
Heildarbyrði heimila vegna húshitunar í Vestmannaeyjum verður hærri, án þess að fyrir liggi skýrar,
Friðrik Björgvinsson
aðgengilegar skýringar á því hvers vegna svo er.
Ein röksemd sem hefur verið sett fram er að rúmmetragjald eigi að virka sem „hvati gegn sóun“. Það hljómar skynsamlega á yfirborðinu, en vekur jafnframt eðlilegar spurningar.
Hvernig er sóun skilgreind? Hvernig er greint á milli þess sem notendur ráða við sjálfir og þess sem stafar af afhendingarskilyrðum hitaveitunnar, svo sem framrásarhita og hönnun dreifikerfis?
Og á hvaða gögnum byggir sú
Við komum þér til betri heilsu.
fullyrðing að þessi gjaldtaka nái raunverulega markmiðum sínum? Þetta eru ekki fræðilegar spurningar. Þær snerta beint heimilin í bænum og geta numið tugum eða hundruðum milljóna króna í heildarkostnað á ári.
Ég vil taka skýrt fram að þessi umfjöllun er ekki sett fram til að saka einstaka aðila eða draga í efa nauðsyn eðlilegrar gjaldtöku. Hún er sett fram vegna þess að jafnræði, gagnsæi og skýrar forsendur skipta máli þegar um er að ræða nauðsynjaþjónustu sem enginn kemst hjá að nota.
Það sem ég kalla eftir er í raun einfalt:
Að almenningur fái skýrar og aðgengilegar skýringar á því af hverju þessi munur er til staðar og hvort hann samræmist þeim markmiðum sem niðurgreiðslum húshitunar er ætlað að þjóna.
Þegar slíkar skýringar liggja fyrir, er miklu auðveldara að sætta sig við niðurstöðuna — hver sem hún reynist vera.
Tillaga að breyttu Aðalskipulagi Vestmannaeyja 2015-2035.
Notkun landnotkunarreits athafnasvæðis AT-2 verður breytt í iðnaðarsvæði.Reiturinn stækkar úr 15,4 ha í 16,6 ha.
Skipulagsgögn verða til sýnis í Ráðhúsi Vestmannaeyja að Kirkjuvegi 50 og á Skipulagsgátt Skipulagsstofnunar.
Allir þeir sem telja sig eiga hagsmuna að gæta vegna málsins eru hvattir til að koma á framfæri athugasemdum sínum.
Ábendingum og athugasemdum við tillöguna þarf að skila skriflega í gegnum Skipulagsgátt Skipulagsstofnunar eigi síðar en 25. mars 2026.
Innilegar þakkir til allra sem sýndu okkur samúð, vináttu og hlýhug vegna andláts og útfarar elsku föðurs okkar, tengdaföðurs, afa, langafa og langalangaafa,
RICHARDS SIGHVATSSONAR frá Ási
Lilja Richardsdóttir
Guðmundur Richardsson
Magnea Richardsdóttir
Sigurður Bjarni Richardsson
Erlingur Birgir Richardsson
Arnar Richardsson
Dröfn Gísladóttir
Hulda Margrét Þorláksdóttir
Vigdís Sigurðardóttir
Elfa Ágústa Magnúsdóttir
barnabörn, barnabarnabörn og barnabarnabarnabarn.
Viltu minnast látins ættingja eða vinar?
Hægt er að senda okkur minningargrein á netfangið tigull@tigull.is og við birtum fyrir þig greinina á útfarardegi, þér að kostnaðarlausu.
Einnig er hægt að panta hjá okkur andlátstilkynningu og tilkynningu á vef.
Verð: 18.600 kr.
Fyrirtækið sérhæfir sig í öllum almennum pípulögnum, hvort sem um er að ræða nýlagnir, viðhald, viðgerðir, snjóbræðslulagnir, skipta um dren og skólplagnir í eldra húsnæði eða fóðringar á skólplögnum.
Starfsfólk fyrirtækisins leggur mikinn metnað í góða þjónustu, fagleg vinnubrögð og ánægða viðskiptavini.