Eyjamaður ársins 2025 að mati lesenda Tíguls
EYJAMAÐUR ÁRSINS 2025 ER SONJA ANDRÉSDÓTTIR
Sonja Andrésdóttir
Hún starfar af hjarta, mætir fólki af virðingu og skilur eftir sig spor í lífi annarra – oft án þess að gera mikið úr því sjálf. Þegar lesendur Tíguls völdu hana Eyjamann ársins var það viðurkenning á ómetanlegu starfi, hlýju og þeirri gleði sem hún miðlar dag eftir dag. Hér segir hún frá fyrstu viðbrögðum, starfinu sem skiptir hana máli og þeirri elju sem knýr hana áfram.
Hvernig leið þér þegar þú fréttir að þú hefðir verið valin Eyjamaður ársins að mati lesenda Tíguls? Fyrstu viðbrögðin voru að ég var mjög hissa og meyr.
Þú fékkst óvenjumargar og fallegar umsagnir – hvað finnst þér mest snerta þig í þeim viðbrögðum sem þú hefur fengið? auðmjúk og þakklát
Geturðu lýst starfi virknifulltrúa á Hraunbúðum – hvað felst í því
TÍGULL
DREIFING:
Dreifing fer fram á fimmtudögum og er blaðinu dreift inn á öll heimili í Vestmannaeyjum. Einnig er hægt að skoða blaðið á vefsíðunni okkar: www.tigull.is
og hvers vegna skiptir það máli? Hlutverk virknis fulltrúa er fyrst og fremst að auka lífsgæði, virkja íbúa bæði líkamlega, andlega og félagslega skipuleggja tómstundir handavinnu spila söng bingó og fleira.
Hvað finnst þér mikilvægast þegar kemur að virkni og lífsgæðum eldra fólks? Að horfa á hvern einstakling sem einstakling, virða lífssögu hans, áhuga og getu
Er einhver stund eða atvik í starfinu sem hefur sérstaklega staðið upp úr og minnir þig á hvers vegna þú valdir þessa leið? Gleði og þakklætið sem ég fæ dagsdaglega frá mínu fólki
Hvaðan kemur þessi mikla elja og umhyggja fyrir fólki – var þetta alltaf eitthvað sem þú sást þig gera?
Ég kom mér sjálfri á óvart, mér hefur alltaf þótt vænt um fólk og fundist mikilvægt að hlusta og sýna skilning
Hvað gefur starfið þér persónulega, þrátt fyrir að það geti verið krefjandi?
Það gefur mér mikið, þó dagarnir geti verið erfiðir þá fæ ég það margfalt til baka, traust og þakklæti og gleði
Þú starfar einnig í Kjarnanum þar sem búa fatlaðir einstaklingar – hvernig er það starf og hvað tengir þessi tvö störf saman að þínu mati?
Í Kjarnanum vinn ég með fötluðum einstaklingum og það snýst líka um stuðning og sjálfstæði
Hvaða lærdóm færðu af því að vinna með fólki á ólíkum æviskeiðum og með mismunandi þarfir? Ég læri á hverjum degi þolinmæði og virðingu. Fólk er ólíkt en grunn þarfir okkar eru þær sömu, að tilheyra, fá að vera viðurkennd og njóta lífsins
Telurðu að nægileg áhersla sé lögð á virknistarf og mannlega nálgun í umönnun hér á landi?
Það hefur orðið framför en það má alltaf gera betur.
Hvað þýðir það fyrir þig að hljóta þessa viðurkenningu einmitt hér í Vestmannaeyjum?
Það þýðir ótrúlega mikið, eyjarnar eru mitt samfélag og að fá viðurkenningu frá mínum fólki er eitthvað sem ég er ævinlega þakklát fyrir.
Hvað viltu sjá þróast eða batna í þessum málaflokki á næstu árum?
Að við höldum áfram að þróa þjónustuna sem byggir á hlýju og virðingu.
Að lokum – ef þú gætir sent ein skilaboð til þeirra sem tilnefndu þig og kusu, hvað myndirðu vilja segja?
Innilega þakklát, hlý orð munu fylgja þér áfram í starfinu og ég mun reyna að gera enn betur.
Tígull kemur út vikulega í Vestmannaeyjum og er dreift frítt inn á öll heimili. Ritstjórar & ábyrgðarmenn: Lind Hrafnsdóttir & Katrín Laufey Rúnarsdóttir
Hönnun: Lind Hrafnsdóttir lind@leturstofan.is
Auglýsingar: Katrín Laufey katalaufey@tigull.is Prentun: Prentun.is
Auglýsingar sendist á: tigull@tigull.is Skil á auglýsingum er í hádeginu á mánudögum. Vinsamlegast bókið tímalega.
Velkomin
Á V Ö R U H Ú S I Ð
ið erum fjölskyldurekinn veitingastaður í hjarta Vestmannaeyja, byggður á ást okkar fyrir góðum mat og samfélaginu sem við elskum.
kkar markmið er einfalt – að bjóða upp á ljúffengan mat á góðu verði, allt árið um kring.
SAMA HLÝJA ÞJÓNUSTAN
SAMA SANNGJARNA VERÐIÐ
SAMA GÓÐA STEMNINGIN
Alltaf
LÁTTU ÞÉR LÍÐA EINS OG HEIMA HJÁ ÞÉR OG NJÓTTU!
Anton Örn Eggertsson og Hildur Rún Róbertsdóttir
Róbort Agnarsson og Sigrún Ósk Ómarsdóttir
Skannaðu QR kóðann til að skoða matseðilinn
Sælkeri vikunnar JÓHANN INGI
KJÚKLINGUR MEÐ PIPAROSTI, PESTÓ
OG HVÍTLAUK
Ég vil byrja á að þakka Þóri kærlega fyrir þessa áskorun. Ég er kannski ekki þekktur sem kokkurinn á heimilinu, en ég á einn til tvo rétti sem slá alltaf í gegn og þessi er þar efst á lista. Þetta er einfaldur, bragðmikill og vinsæll réttur sem hentar í öll tilfelli.
Hráefni:
4 kjúklingabringur
4–6 hvítlauksrif (fer eftir smekk)
½ l matreiðslurjómi
1 piparostur
1 krukka rautt pestó
2 msk Kikkoman sojasósa
8–10 dropar Tabasco-sósa (fer eftir smekk — ég fer alltaf í 10+)
Meðlæti:
3 pokar Tilda hrísgrjón
1 eðal First Price hvítlauksbrauð
Aðferð:
1. Byrjið á að forhita ofninn í 180°C, undir- og yfirhita.
2. Saxið hvítlaukinn fínt og léttsteikið hann á pönnu í um 1 msk af smjöri.
3. Bætið síðan út á pönnuna matreiðslurjóma, rifnum piparosti, rauðu pestói og sojasósu.
4. Leyfið ostinum að bráðna og sósunni að malla rólega. Smakkið til og bætið við salti, pipar, Tabasco og sojasósu eftir smekk.
5. Á meðan sósan er að malla, skerið kjúklinginn í munnstóra bita og brúnið á pönnu, þar til hann er fallega gylltur á báðum hliðum.
6. Setjið kjúklinginn í eldfast mót, hellið sósunni yfir og setjið inn í ofn.
7. Eldið í 25–30 mínútur, eða þar til kjúklingurinn er fulleldaður.
Jóhann Ingi er sælkeri vikunnar.
Berið fram með hvítlauksbrauði, hrísgrjónum og hér er lykilatriði: Setjið grjónin fyrst á diskinn og síðan kjúklinginn með sósunni yfir. Aldrei hafa grjónin til hliðar með sojasósu á! Hægt er að bera fram með salati, en ég verð að viðurkenna að ég nenni ekki að standa í því.
Ég ætla að skora á samfélagsmiðla stjörnuna Erlend Ágúst Stefánsson, einstaklega góður á “tokkinu” en er víst einnig ólíkindatól í eldhúsinu og mikill matgæðingur.
SÁLMASKRÁR
Tökum að okkur gerð sálmaskráa. Panta þarf tíma í síma 694 7999
eða senda tölvupóst á leturstofan@leturstofan.is
Viltu minnast látins ættingja eða vinar?
Hægt er að senda okkur minningargrein á netfangið tigull@tigull.is og við birtum fyrir þig greinina á útfarardegi, þér að kostnaðarlausu.
Einnig er hægt að panta hjá okkur andlátstilkynningu og tilkynningu á vef.
Verð: 18.600 kr.
ERTU MEÐ HUGMYND?
Þjóðhátíðarnefnd leitar eftir hugmyndum tengdum þjóðhátíðinni okkar!
Skannaðu QR kóðann & komdu hugmynd þinni til okkar eða sendu okkur á netfangið: dagskra@dalurinn.is
GAMLA MYNDIN
Í síðasta tölublaði birtum við þessa mynd og í framhaldi af því fengum við þessar upplýsingar frá Kristínu
Valtýsdóttur sem er númer tvö í neðri röð hægra megin frá. Síðasta myndin sem tekin var í Bragganum.
Efri röð vinsti: Ástvaldur Valtýsson, Guðbrandur Valtýsson, Helga Valtýsdóttir, Ása Valtýsdóttir, Sveinn Valtýsson. Neðri röð: Ásta María Jónasdóttir, Kristín Valtýsdóttir, Jóhanna Jónsdóttir, Sigríður Valtýsdóttir, Valtýr Brandsson, í fanginu Óskar Valtýsson, Ásta Sigrún Guðjónsdóttir, Jón Valtýsson og Auðberg Óli Valtýsson. Á myndina vantar Jóhönnu Valtýsdóttur. Tilefnið var ferming.
Hér í Eyjum voru nokkrir braggar úti á Urðum en aðeins einn stóð við Löngulág.
Sá braggi var upphaflega byggður úti í Stórhöfða og var ætlaður sem sjúkrahús fyrir herinn sem var hér á stríðsárunum. Vorið 1944 var hann síðan rifinn niður í einingum og fluttur niður í Löngulág, þar sem Valtýr Brandsson byggði hann upp, forskalaði að utan og innréttaði með hjálp góðra manna.
Valtýr og Ásta Sigrún hefja búskap
Valtýr og kona hans, Ásta Sigrún Guðjónsdóttir, byrjuðu búskap í Sjólyst og voru þar í eitt ár, en fluttu þá að Hvoli í tveggja herbergja íbúð. Þar eignuðust þau átta börn. Á Hvoli bjuggu þau í fjórtán ár, en þá eignuðust þau braggann sem nefndur var Kirkjufell og fluttu inn haustið 1944. Mikil breyting varð hjá fjölskyldunni við flutningana, þar sem plássið jókst til muna. Fjölskyldan var með mikinn búskap; kýr, hænur og fáeinar kindur. Ræktaðar voru kartöflur, rabbabari og kál, allt var heimabakað og fiskur var vaskaður og saltaður heimavið. Einnig var þar lítið gróðurhús þar sem Valtýr ræktaði
rauðrófur, tómata, hvítkál og alls kyns afbrigði af kartöflum. Má segja að hann hafi verið á undan sinni samtíð hvað þetta varðaði.
Lífið í bragganum
Bragginn var ekki stór fyrir allan þennan barnahóp, en hann samanstóð af eldhúsi sem snéri í norður og inn af því var herbergi. Inni í bragganum var klósett sem í raun var mjög merkilegt, því í þá daga voru útikamrar mun algengari.
Fyrir innan það var stórt rými þar sem voru dívanar sem eldri strákarnir sváfu á og svo inn af því rými var herbergi þar sem Valtýr og Ásta sváfu ásamt fimm börnum. Krakkarnir sváfu í koju með þremur rúmum og svo stóð barnarúm við hjónarúmið, þar sem yngri krakkarnir sváfu.
Í eldhúsinu var ekki mikið um húsgögn. Þar var stórt eldhúsborð og stólar, kolaeldavél og svo var þar baðkar. Það var smíðað utan um baðkarið svo hægt væri að nota það sem bekk þegar það var ekki í notkun.
Í eldhúsinu var einnig pumpa sem pumpaði vatninu
svo það kæmist inn í eldhúsið. Þá þurfti ekki lengur að sækja vatn í brunninn og það þótti mikil bót frá
því sem áður var. Ekki fór mikið fyrir innréttingum en þar var bara einn skápur og vaskur.
Fæðingar og sorg
Í bragganum fæddust fimm börn til viðbótar, en eitt þeirra lifði aðeins til fjögurra ára aldurs.
Nýtt heimili við Strembugötu
Bragginn var þó ekki framtíðarhúsnæði fjölskyldunnar, því farið var að leggja drög að byggingu húss við Strembugötu 10. Húsið var byggt smátt og smátt eftir
því sem tími og efni leyfðu. Allir í fjölskyldunni lögðu sitt af mörkum til byggingarinnar og var húsið tilbúið árið 1956.
Nafn braggans fylgdi fjölskyldunni í nýja húsið og heitir það enn þann dag í dag Kirkjufell, eins og gamli
SKÁK Svartur á leik og vinnur!
Við komum þér til betri heilsu. Tímabókanir hjá kírópraktor í síma 588-8085.
bragginn. Það sem stóð upp úr fyrir fjölskylduna við flutningana var að nóg var að opna fyrir krana í eldhúsvaskinum til að fá vatn og að geta lokað að sér til að fara í bað – það þótti mikill lúxus!
Klúbburinn Kakadú
Þegar fjölskyldan var flutt á Strembugötuna fengu eldri braggapeyjarnir braggann til afnota og stofnuðu þar sinn eigin klúbb sem þeir kölluðu Kakadú. Þetta var mikill partýstaður og yngri braggasystkinin voru mjög forvitin um starfsemina, en fengu ekki aðgang að því sem tautaði og raulaði. Það eru eflaust margir Vestmannaeyingar sem eiga minningar úr partýunum í Kakadú.
Endalok braggans
Bragginn var síðan rifinn einhvern tímann á árunum 1966–1968.
ÞORRABLÓT
FÉLAGS ELDRI BORGARA
Árlegt Þorrablót Félags eldri borgara í Vestmannaeyjum var haldið föstudagskvöldið 6. febrúar í Akóges og var vel sótt. Kvöldið hófst kl. 19.00 og var boðið upp á fjölbreytta og skemmtilega dagskrá í tali og tónum. Jarl kom fram og tók nokkur lög og einnig skemmtu nemendur úr Tónlistarskólanum gestum með glæsilegum flutningi. Að vanda var þorramaturinn í aðalhlutverki og sá Einsi Kaldi um veitingarnar, sem féllu vel í kramið hjá gestum. Ljósmyndari Tíguls, Addi í London kíkti við og myndaði stemningu kvöldsins.
S a m a n á s k r e f i n u - f r í t t n á m s k e i ð
Stutt einföld útivera í góðum félagsskap um eyjuna
Leiðbeinandi: Guðbjörg Sigríður Hauksdóttir Hefst 1 9 . febrúar
Skráningá viskave.is
NÝ HEFÐ AÐ FÆÐAST: ÍBV HELDUR SITT FYRSTA ÞORRABLÓT
Ellert Shceving, framkvæmdastjóri ÍBV
Í fyrsta sinn í sögu félagsins stendur ÍBV fyrir Þorrablóti, metnaðarfullum viðburði sem ætlað er að festa sig í sessi sem ný hefð í Vestmannaeyjum. Ellert Scheving, framkvæmdastjóri ÍBV, fer hér yfir aðdragandann, fólkið á bak við blótið og hvað gestir mega vænta þegar Eyjamenn koma saman til að fagna þorranum – á sinn einstaka hátt.
Þorrablótsnefnd ÍBV er skipuð einstaklega öflugu og fjölbreyttu fólki sem veigrar sér ekki við að taka til hendinni. Upphafið má rekja til þess að eiginkona mín, Sólveig Rut Magnúsdóttir, var fyrst „plötuð“ í verkefnið, enda með mikinn áhuga á skipulagi og utanumhaldi. Fljótlega bættust við bræðurnir Bragi og Daði Magnússynir, sem eru öllum hnútum kunnugir þegar kemur að veisluhaldi. Næst gekk Lind Hrafnsdóttir til liðs við hópinn, með sinn óbilandi drifkraft, og síðast en alls ekki síst komu Óskar Jósúason og Sara Rós Einarsdóttir, sem einfaldlega eru svo skemmtileg að ekki var annað hægt en að fá þau með. Niðurstaðan er nefnd skipuð frábæru fólki sem sækir í öll verkefni af krafti og gleði.
Að halda sitt fyrsta Þorrablót er mikilvægt skref fyrir ÍBV sem félag. Félagið hefur lengi verið í fremstu röð þegar kemur að öflugum og vel heppnuðum
viðburðum, svo sem Þrettándagleði, sumarmótum og Þjóðhátíð. Nú bætist einfaldlega enn einn viðburðurinn í þá sterku hefð. Þorrablót ÍBV er ekki hugsað sem eitt skipti, heldur sem byrjun á nýrri hefð sem stefnt er að því að festist í dagatali Vestmannaeyja um ókomin ár.
Gestir mega eiga von á kvöldi þar sem stemningin verður í fyrirrúmi. Eyjamenn hafa löngum verið þekktir fyrir að halda sérstaklega skemmtilega viðburði, og það verður engin undantekning hér. Markmiðið er einfalt: að fólk skemmti sér betur en nokkurs staðar annars staðar. Maður er manns gaman – og það á sannarlega við á Þorrablóti ÍBV.
Tónlistin spilar stórt hlutverk í upplifun kvöldsins. HipsumHaps og Stuðlabandið eru bæði skipuð úrvalstónlistarfólki. Fannar úr HipsumHaps er sannkallað þjóðlegt atómskáld sem fellur einstaklega vel að anda Þorrablótsins, á meðan Stuðlabandið er þekkt fyrir fagmennsku og kraftmikla framkomu.
Slíkir viðburðir skipta ÍBV gríðarlega miklu máli, enda er hér fyrst og fremst um mikilvæga fjáröflun að ræða. Allar fjáraflanir skipta máli, og það er afar ánægjulegt að sjá hversu vel ÍBV-arar hafa tekið í þetta framtak. Nefndin mun leggja sig alla fram við að skila gestum góðri og eftirminnilegri skemmtun.
Mikið er rætt um veglegt uppboð á kvöldinu, en þar er haldið spilunum þétt að brjósti. Þó má gefa það upp að einhver tenging verði við Þjóðhátíð. Þá er einnig unnið hörðum höndum að ÍBV-skaupi sem talið er að muni standa upp úr, auk þess sem bæði happadrættið og uppboðið eiga eftir að vekja lukku meðal gesta.
Að lokum er einföld áskorun til þeirra Vestmannaeyinga sem eru enn að velta því fyrir sér hvort þeir eigi að mæta: látið þetta ekki fram hjá ykkur fara. Það er vissulega notalegt að sitja heima í sófanum með ostapopp og hálfslappa dagskrá í sjónvarpinu, en það er hægt alla daga ársins. Að klæða sig upp, mæta í sínu fínasta og taka þátt í skemmtilegasta kvöldi ársins er eitthvað allt annað. Miðar eru að klárast, svo það borgar sig að tryggja sér aðgang sem fyrst.
Enginn ætti að láta fyrsta Þorrablót ÍBV fram hjá sér fara. Við lofum skemmtilegasta kvöldi ársins – og það er ekki síður gaman að geta sagt síðar: „Ég var á fyrsta blótinu.“
Hægt er að tryggja sér miða með því að kíkja í Týsheimilið eða senda tölvupóst á netfangið: ellert@ibv.is
Stuðlabandið // Hipsumhaps
Matur frá Einsa Kalda // Skemmtiatriði
Uppboð // Lukkuhjól // Happadrætti veislustjóri: Stefán Einar
Fyrirtækið sérhæfir sig í öllum almennum pípulögnum, hvort sem um er að ræða nýlagnir, viðhald, viðgerðir, snjóbræðslulagnir, skipta um dren og skólplagnir í eldra húsnæði eða fóðringar á skólplögnum.
Starfsfólk fyrirtækisins leggur mikinn metnað í góða þjónustu, fagleg vinnubrögð og ánægða viðskiptavini.
