Spói: Jóhann Axel Ingólfsson
Ungi: Ylfa Marín Haraldsdóttir
Leikstjórn: Agnes Wild
Höfundar: Agnes Wild, Jóhann Axel Ingólfsson, Ylfa Marín Haraldsdóttir, Nick Candy, Sigrún Harðardóttir og Eva Björg Harðardóttir
Leikmynd, búningar og brúður: Eva Björg Harðardóttir
Tónlist: Sigrún Harðardóttir
Hljóðmynd: Sigrún Harðardóttir og Aron Þór Arnarson
Lýsing: Jóhann Bjarni Pálmason
Sviðshreyfingar: Agnes Wild og Nick Candy
Aðstoðarleikstjóri: Nick Candy
Aðstoðarmaður leikstjóra: Hildur Kaldalóns Björnsdóttir
Sýningarstjórn: Egle Spaviciute, Leifur Eiríksson
Búningagerð: Þórhildur Sunna Jóhannsdóttir
Leikmyndar- og leikmunagerð: Eva Björg Harðardóttir og Heiðrún Ósk Ólafsdóttir
Smiður: Ingvar Guðni Brynjólfsson
Keyrslumaður á sýningum: Fannar Smári Sindrason og Gísella Hannesdóttir
Ljósmyndir í leikskrá: Eyþór Árnason
Forsíðumynd: Sváfnir Sigurðarson og Jorri
Sérstakar þakkir: Oddur, Fróði, Brynhildur Sigurrós, Þröstur Máni, leikgervadeild Þjóðleikhússins, Andri, Ingi, Haffi, Dóra, Brynhildur, Snorri og allt starfsfólk Þjóðleikhússins
Miðnætti í samstarfi við Þjóðleikhúsið
Frumsýning á litla sviði Þjóðleikhússins 28. febrúar 2026
Verkefnið var styrkt af Sviðslistasjóði
Hægt er að hlusta á tónlistina úr Hreiðrinu á streymisveitum
Þjóðleikhússtjóri: Magnús Geir Þórðarson
Prentun: Prentmet Oddi
Um Miðnætti
Leikhópurinn Miðnætti var stofnaður árið 2017 af leikkonunni og leikstjóranum Agnesi Wild, tónlistarkonunni Sigrúnu Harðardóttur og leikmynda- og búningahönnuðinum Evu Björgu Harðardóttur. Hópurinn hefur frá upphafi lagt áherslu á metnaðarfullt og vandað menningarefni fyrir börn og ungmenni og er í dag einn af leiðandi leikhópum landsins á því sviði.
Miðnætti hefur átt farsælt samstarf við Þjóðleikhúsið. Agnes, Eva Björg og Sigrún voru ráðnar þangað sem listrænt teymi og sköpuðu sýninguna Blómin á þakinu, sem hlaut Grímuverðlaunin sem Barnasýning ársins 2025. Barnasýningar Miðnættis, Geim-mér-ei og Á eigin fótum, hafa einnig verið sýndar í Þjóðleikhúsinu við góðar undirtektir. Auk þess leikstýrði Agnes Línu Langsokk og Eva Björg hannaði búningana.
Þetta er í annað sinn sem Miðnætti skapar leikhúsverk fyrir ungabörn. Áður setti hópurinn upp sýninguna Tjaldið í Borgarleikhúsinu, sem var sýnd þrjú leikár í röð og hlaut tvær tilnefningar til Grímunnar: annars vegar sem barnasýning ársins og hins vegar fyrir leikstjórn ársins.
Sýningar Miðnættis hafa verið settar upp víða um land, meðal annars í Þjóðleikhúsinu, Borgarleikhúsinu, Tjarnarbíói og í Samkomuhúsinu á Akureyri.
Hópurinn hefur jafnframt tekið þátt í alþjóðlegum sviðslistahátíðum og sýnt verk sín í Okinawa og Kyoto í Japan, í Nuuk á Grænlandi, í Tallinn í Eistlandi og í Szczecin í Póllandi.
Af öðrum sviðsverkum Miðnættis má nefna Jólaævintýri Þorra og Þuru í Tjarnarbíó, Allra veðra von í samstarfi við Hringleik sem sýnd var í Tjarnarbíói, víða um land og á sviðslistahátíðum erlendis, og Djáknann á Myrká í samstarfi við Menningarfélag Akureyrar. Einnig hefur Miðnætti gefið út þrjár barnabækur um Þorra og Þuru í samstarfi við Bókabeituna og nokkrar hljómplötur sem finna má á streymisveitum. Miðnætti hefur framleitt þrjár sjónvarpsþáttaraðir um álfana Þorra og Þuru fyrir RÚV, þar á meðal Jóladagatal sjónvarpsins árið 2024.
Með Hreiðrinu heldur Miðnætti áfram að þróa leikhús fyrir yngstu áhorfendurna og byggir á þeirri reynslu og þekkingu sem hópurinn hefur aflað sér á undanförnum árum í starfi sínu fyrir börn og fjölskyldur. Hlýlegt, hugmyndaríkt og metnaðarfullt leikhús fyrir yngstu áhorfendurna, þar sem listin, leikgleðin og ímyndunaraflið fá að njóta sín til fulls.
Þjóðleikhúsið
Miðasölusími: 551 1200
Netfang miðasölu: midasala@leikhusid.is www.leikhusid.is Hægt er að hlusta á tónlistina úr Hreiðrinu á streymisveitum.
