Ragnheiður I. Þórarinsdóttir
rektor fer yfir áherslur á starfsárinu 2025
Rannsókna- og alþjóðastarf
Á undanförnum árum hefur Landbúnaðarháskóli Íslands staðið í örum vexti og þróun. Við höfum eflt rannsóknir og nýsköpun, og aukið alþjóðlegt samstarf. Alþjóðlegt samstarf hefur aldrei verið öflugra, með nýjum verkefnum og verulegu fjármagni frá Erasmus, Horizon og LIFE sjóðum Evrópusambandsins. LIFE verkefnið Peatland LIFEland.is, sem hófst formlega í september 2025, er stærsta verkefnið sem Landbúnaðarháskóli Íslands hefur stýrt, en heildarupphæð þess er um 8 milljónir evrur þar af koma 6 milljónir evrur eða um milljaður íslenskra króna frá Evrópusambandinu. Landbúnaðarháskólinn fær um þriðjung þess fjármagns sem dreifist á fimm og hálft ár. Styrkhlutfall umsókna sem við sendum til Rannís var einnig gott á síðasta ári og fengum við þrjú ný verkefni styrkt af Rannsóknasjóði.
Við höfum tekið virkan þátt í evrópska háskólanetinu UNIgreen, þar sem átta evrópskir háskólar á sviði lífvísinda og landbúnaðar leggja saman krafta sína. Samningur var gerður um sameiginlegt doktorsnám fjögurra háskóla í UNIgreen samstarfinu og hefur fyrsti doktorsneminn við LBHÍ hafið nám sitt byggt á þeim
samningi. Unnið var að sameiginlegu dýralæknanámi með Lífvísindaháskólanum í Varsjá í Póllandi, en að þeirri vinnu komu einnig Háskóli Íslands, Tilraunastöð Háskóla Íslands í meinafræði á Keldum og Háskólinn á Hólum.
Fulltrúar fjölmargra landa hafa heimsótt okkur á starfsárinu og finnum við fyrir auknum áhuga á samstarfi við okkur. Vil ég sérstaklega nefna hér áhuga í Tékklandi á auknu samstarfi og vísíndaferð starfsfólks til Tékklands í mars 2026. Einnig vil ég nefna gott samstarf við sendiráð Bretlands sem styrkti m.a. ferð framkvæmdastjórnar til Skotlands í mars 2025. Þá hefur samstarf við sendiráð Bandaríkjanna einnig verið náið og styrkti sendiráðið ráðstefnu um auðgandi landbúnað sem haldin var að frumkvæði bænda á Hótel Hilton Reykjavík Nordica í apríl 2025.
Þessi þróun endurspeglar þá vinnu sem við höfum lagt af mörkum á undanförnum misserum og sem styður við þá skuldbindingu okkar að vera leiðandi í þekkingarsköpun og miðlun á sviði skipulags, lífvísinda, landbúnaðar og matvælaframleiðslu.
Gæði kennslu
Sérstök áhersla er lögð á gæði og þróun kennslu í stefnu Landbúnaðarháskólans.
Ráðið var í nýtt starf kennsluforseta og í starf deildarforseta sameinaðrar deildar.
Það er ánægjulegt að fjölgað hefur í hópi starfsfólks sem lokið hefur viðbótarmenntun í kennslufræði og nokkrir starfsmenn stunda nú námið við Háskóla Íslands.
Einnig hafa starfsmenn verið hvattir til að sækja um í kennsluakademíu opinberu háskólanna og fékk Landbúnaðarháskólinn sinn fyrsta fulltrúa samþykktan í akademíuna í byrjun árs 2025.
Búnaður til kennslu og rannsókna hefur verið endurbættur og ber þar hæst kaup á tveimur nýjum drónum og tilheyrandi búnaði. Unnið er að því að fleiri starfsmenn fái réttindi til að fljúga þeim.
Nemendur hafa tekið virkan þátt í gæða- og umbótastarfi og lögð er áhersla á rekjanleika þannig að unnt sé að sýna fram á hvernig brugðist er við ábendingum og tillögum. Það er gaman að fá jákvæða endurgjöf frá nemendum um að þeim finnist jafnan að brugðist sé hratt við ábendingum þeirra.
Nýir drónar keyptir með styrk frá Samstarfssjóði háskólanna
Uppbyggingar- og viðhaldsframkvæmdir
Unnið var að ýmsum viðhalds- og uppbyggingarframkvæmdum á árinu. Má þar nefna viðgerðir á Ásgarði, áfram var unnið að endurbótum á Gamla skóla og Skólastjórahúsi, og gengið var frá sundlaugargarði við Ásgarð með heitum pottum.
Nýju loftræstikerfi var komið upp á Hestbúinu og traktor þar endurnýjaður. Þá var keyptur fóðrunarbúnaður á Hestbúið fyrir styrk frá Minningarsjóði Halldórs Pálssonar. Á Mið-Fossum var unnið að því að koma útireiðvellinum í gott ástand og var hann tekinn í notkun í byrjun maí.
Hvanneyrarbúið ehf.
Ákvörðun var tekin um að færa Hestbúið undir Hvanneyrarbúið ehf. frá og með 1. janúar 2025, en Hestbúið hefur á undanförnum árum verið rekið sem hluti af háskólanum meðan Hvanneyrarbúið hefur verið rekið sem fyrirtæki í 100% eigu Landbúnaðarháskólans. Við þessa breytingu
var fjölgað úr þremur í fimm fulltrúa í stjórn Hvanneyrarbúsins, samþykktum breytt og nýr þjónustusamningur undirritaður. Á aðalfundi félagsins 2025 var skipaður faghópur Hvanneyrarbúsins með fulltrúum starfsmanna og unnið að enn frekari eflingu rannsókna og tilraunaaðstöðu á búunum.
Jarðræktarmiðstöð og rannsóknagróðurhús
Áfram var unnið að undirbúningi Jarðræktarmiðstöðvar og rannsóknagróðurhúss í samstarfi við FSRE. Verkið hefur gengið hægt, FSRE sendi rannsóknagróðurhúsið í útboð í apríl 2025, sem síðan var dregið tilbaka vegna galla. Ekki náðist að ganga frá útboðsgögnum vegna fyrirhugaðrar jarðræktarmiðstöðvar á árinu, né heldur að senda útboð vegna rannsóknagróðurhússins aftur af stað. Fyrirhugaðar jarðvegsframkvæmdir urðu því ekki að veruleika á árinu. Tímalína verkefnisins hefur því seinkað um enn eitt ár.
Reiðvöllurinn á Mið-Fossum lagfærður og kynbótasýningar haldnar þar
Tilraunafóðrunarbúnaði komið upp á Hesti með styrk frá Minningarsjóði Halldórs Pálssonar
Kynningarstarfsemi og samvinna
við hagaðila
Áfram hefur verið lögð áhersla á að kynna starfsemi Landbúnaðarháskólans í fjölmiðlum og efla samstarf við hagaðila. Samningur við atvinnuvegaráðuneytið um kornkynbætur var endurnýjaður, en verkefnið er til fimm ára og byggir á
tillögum úr skýrslunni Bleikir akrar sem kom út í mars 2023. Samningur um Orkideu var framlengdur til þriggja ára (2025-2027), samstarfssamningur var undirritaður við ON og samningur endurnýjaður við RML.
Framtíðin er björt
Í þessari stuttu samantekt hef ég stiklað á stóru enda ógjörningur að fara yfir öll þau fjölmörgu verkefni sem unnið er að við Landbúnaðarháskóla Íslands. Við höfum byggt upp sterkari innviði, aukið sýnileika Landbúnaðarháskólans og eflt hlutverk okkar á innlendum sem og alþjóðlegum vettvangi. Þá höfum við einnig horft inn á við, rætt hvernig við getum bætt innra starf
okkar, samvinnu og samskipti. Við sjáum árangur af stefnu okkar og vinnu, og með þátttöku allra, nemenda, starfsfólks og samstarfsaðila, erum við að taka stór skref í átt að nýjum fjölbreyttum verkefnum.
Ég þakka starfsfólki, nemendum og öðrum hagaðilum kærlega fyrir samstarfið á árinu 2025.
4
Fjórir nemendur verja doktorsritgerðir sínar
DIGI-rangeland – Horizon verkefni
Vettvangskennsla
Verkefnakynningar
Lagfæringar á gömlu torfunni og bílastæði við Ásgarð
LIFE verkefnið Peatland LIFEline.is hefst
Verkleg kennsla
Met sett í umfangi styrkja úr samkeppnissjóðum árið 2025
671.000.000
2024 > 354.000.000 kr 2023 > 398.000.000 kr
JAN
Starfsemi Háskólaráðs
LBHÍ 2025
Breyting á háskólaráði samþykkt
Nýr varaforseti háskólaráðs
Málstefna uppfærð
Verklagsregla um stjórnskipulag og
stjórnarhætti samþykkt
Verklagsregla um hlutverk og ábyrgð samþykkt
Greiðslur vegna rannsóknamissera uppfærðar
Tillögur um sparnaðaraðgerðir
Umræða um dýralæknanám
FEB Starfsáætlun LbhÍ 2025-2026 samþykkt
Kynning frá kennslustjóra
Ný námsleið MSc – Sustainable agriculture and rural development
Kynning framkvæmdastjóra Orkideu
Starfsþróunarstefna uppfærð
Hlaðan í Halldórsfjósi
Uppbygging á Hesti
MAR
Fjármál
Starfsánægja – niðurstöður Sameykiskönnunar
Traustmæling Gallup
Hugverkastefna
Doktorsnámssjóður LIFE verkefni
Kynning frá hæfisnefnd
Kynning frá deildarforseta R&F
Ársreikningur 2024
Efling starfsánægju
Hugverkastefna
Samstarf við hagaðila
Jarðræktarmiðstöð og gróðurhús
MAÍ Kynning frá deildarforseta N&S
Ársfundur
Háskólafundur
Ráðning aðstoðarrektors samþykkt
Gjaldskrá 2025-2026 samþykkt
Hugverkastefna
Starfsáætlun háskólaráðs 2025-2026
Jarðræktarmiðstöð og rannsóknagróðurhús
Framkvæmdir við LBHÍ
Framkvæmdir við bú LBHÍ
Kaup á drónum og búnaði
Starfsánægjuúttekt og næstu skref
Framtíðarsýn og innleiðing á breyttu skipulagi
Samningur við RML
Samningur við ON
LARK í Feneyjum
Nýir doktorsnemar
Ráðunautafundur LBHÍ og RML
Peatland LIFEline.is kickoff fundur
Sendiherra Evrópusambandsins í heimsókn
Dýralæknanám
Fundur rektora með ráðherra háskólamála
Samstarf við hagaðila
Alþjóðastarf
Nýr fulltrúi í öryggisnefnd
Fjármál og innviðauppbygging
Örnám
Rannsóknir og nýsköpun
Rannsóknahópar
Rannsóknamisseri samþykkt
Fundur með fulltrúum ráðuneytis háskólamála
Reiknilíkan
Breytingar á lögum um háskóla
Heimsókn frá NABU
Vinnufundur DIGI-Rangeland
Jafnlaunaúttekt
Skoðunarferð háskólaráðs um Ásgarð
Heimsókn háskólaráðs í bú LBHÍ
Gamla torfan og Landbúnaðarsafnið
Fundir með starfsfólki um framtíðarsýn LBHÍ
Jólagleði LBHÍ
Fjárlagafrumvarp, staða og rekstraráætlun 2026
Umbun til starfsmanna
Dýralæknanám - samstarf við SGGW
Framtíðarsýn - starfsmannafundur
Jarðræktarmiðstöð og rannsóknagróðurhús
– hækkun áætlunar FSRE
Gervigreindarstefna
Umsóknir í Sóknarsjóð Rannís
LIFE umsókn og umsóknir í Horizon
Breytingar í UNIgreen
Háskólaráð 2025-2026
Ragnheiður I. Þórarinsdóttir
Rektor
Birgir Þór Haraldsson Fulltrúi Háskóla-, iðnaðarog nýsköpunarráðherra
Haukur Þórðarson Fulltrúi starfsmanna
Guðmundur Fertram Sigurjónsson
Valinn af háskólaráði
Jóhanna GísladóttirFulltrúi starfsmanna
Þóranna Jónsdóttir Valin af háskólaráði
Bragi Geir Bjarnason Fulltrúi nemenda
Áshildur Bragadóttir Fulltrúi starfsmanna/Tók við af Hauki á vorönn
Varamenn
• Áshildur Bragadóttir
• Isabel Barrio
• Ingiberg Daði Kjartansson
• Jón Bjarnason, oddviti Hrunamannahrepp
• Guðrún Sigríður Tryggvadóttir, bóndi Svartárkoti og umsjónarkennari Stórutjarnaskóla Þingeyjarsveit
Brautskráning
Framúrskarandi árangur við brautskráningu 2025
Salka Einarsdóttir stóð efst á B.S. prófi heilt yfir með einkunina 9,02 en hún var að brautskrást úr skógfræði.
Maríanna Ósk Mikaelsdóttir stóð efst fyrir B.S. lokaverkefni og brautskráðist úr landslagsarkitektúr. Verkefni hennar fjallaði um Náttúruperluna Kjarnaskóg, greining á þáttum sem stuðla að vinsældum útivistarsvæða.
Kristín Ólafsdóttir fékk veðlaun fyrir frábæran árangur á búfræðiprófi
Ingiberg Daði Kjartansson hlaut viðurkenningu LBHÍ fyrir vel unnin störf í þágu félags-, kynningarog framfaramála skólaárið 2024-2025 við brautskráningu 2025
Styrkveitingar
Styrkir úr Framfarasjóði Ingibjargar
Guðmundsdóttur og Þorvaldar
Guðmundssonar í Síld of Fisk 2025
Tilgangur sjóðsins er að styrkja nemendur
Landbúnaðarháskóla Íslands til framhaldsmenntunar og að styrkja rannsóknir nemenda á fagsviði Landbúnaðarháskólans.
Að þessu sinni eru tveir nemendur sem hljóta styrk, annar er í doktorsnámi og hinn í meistaranámi.
Geirlaug Þorvaldsdóttir t.v. veitir Gunnhildi og Önnu Guðrúnu styrki við brautskráningarathöfn í júní 2025.
Erfðaleg aðlögun byggs að krefjandi umhverfisskilyrðum
Anna Guðrún Þórðardóttir hlýtur styrk frá Framfarasjóði til doktorsverkefnis síns þar sem meginmarkmið verkefnisins er að stuðla að úrvali byggplantna sem eru aðlöguð kaldtempruðum umhverfisskilyrðum líkt og þekkjast á Íslandi.
Í verkefninu verða þróuð tölfræðilíkön sem nýta arfgerðargreiningar byggyrkja, ættartölutengsl og veðurfarsgögn til að spá fyrir um kynbótagildi byggyrkja með sem nákvæmustum hætti, svo velja megi fyrir aukinni uppskeru að gæðum og magni við íslenskar aðstæður.
Anna Guðrún er stúdent frá Fjölbrautaskóla Suðurlands, lauk BSc prófi í búvísindum frá Landbúnaðarháskóla Íslands árið 2019 og tók þá til starfa sem búfræðikennari við Landbúnaðarháskóla Íslands. Árið 2023 lauk hún meistaranámi í búvísindum frá Landbúnaðarháskólanum og tók síðan til starfa sem aðjúnkt og námsbrautarstjóri. Á síðasta ári hóf hún síðan doktorsnám sitt við Landbúnaðarháskólann.
Uppruni íslenska byggsins, skyldleiki og erfðafræðileg þróun í aðlögun byggs að íslenskum umhverfisaðstæðum
Gunnhildur Gísladóttir hlýtur styrk frá Framfarasjóði til meistaraverkefnis síns sem snýr að því að skoða uppruna íslenska byggsins og hvernig það hefur erfðafræðilega aðlagað sig að íslenskum umhverfisaðstæðum. Með því að skoða stofnbyggingu og erfðablöndun er hægt að leggja mat á uppruna íslenska stofnsins og hversu blandaður hann er við aðra stofna. Niðurstöður verkefnisins verður hægt að nota til að auka erfðaframfarir enn frekar sem skilar sér í meiri og betri uppskeru korns í ökrum bænda.
Gunnhildur útskrifaðist frá Fjölbrautaskóla Suðurlands 2014 og er búfræðingur frá Landbúnaðarháskóla Íslands 2019. Árið 2023 lauk hún BSc prófi í búvísindum frá Landbúnaðarháskóla Íslands og hóf meistaranám sitt við skólann í fyrra. Gunnhildur hefur á undanförnum misserum starfað við Landbúnaðarháskólann sem aðstoðarmaður í rannsóknum og við kennslu.
