3 April_Voluit_Vrydag_DIGITAAL

Feeskoerant

Inligting, opinies en resensies

Op ’n doodgewone oggend, by ’n doodgewone dagsorg, beleef die driejarige Samuel die onkeerbare verwoester van onskuld – die nuus. Hy verander in ’n oogwink: Van ’n doodgelukkige kind na ’n moeë volwassene, dekades verouder deur haglike hoofopskrifte, tragiese gebeure en die lot van die mensdom wat hopeloos te swaar is vir sy nuwe skouers om te dra. CRYBABY is ’n absurde tragikomedie wat handel oor die tol wat dit eis om te lewe in ’n geldgierige wêreld waar alles in duie stort. Met Frank Opperman, Nicole Holm, Wian Taljaard, René Cloete en Gantane Kusch, teks en regie deur Carla Smith. Foto: Hans van der Veen

FEES VANDAG SÓ

TONEEL & STAND-UP

09:30 Boklied

09:30 Gryp elke grasHolm

09:30 Reünie

09:30 Verwelkingslied

10:00 Deep Heat

10:00 Spoel

10:00 The Fool’s Guide

11:00 Netphlix

13:00 Markus (en die brandblusser op die derde verdieping)

13:00 Ouma en die ou koeie

13:30 Kafka’s Ape

14:00 Lemoene, Lemoene, Lemoene, Lemoene, Lemoene

14:30 CRYBABY

14:30 Gebou soos Steffi Graf

15:00 ge-gebergtes

15:30 Destiny Twice Over. And the Fate of a Half-eaten Sandwich.

16:00 Vrou ens. 1.2

16:30 Geagte kampeerders

16:30 Kompoun

17:00 Deep Heat

17:30 With/Draw

18:00 Emotional Black Male

18:00 Seun

18:30 Die gebed van ’n halfmens

18:30 Kry vir jou ’n tux, Thomas

19:00 Atropa: Die wraak van vrede

19:00 Die ander dogter

19:30 Alfred Adriaan: Positive Strokes in Afrikaans

19:30 Doolhof

20:00 Antie Wi’oekal

20:00 Kenan ennie Klopse

22:00 Play Things

MUSIEKTEATER

10:00 Anna Davel en The Melisizwe Plaatjie Collective

10:00 Ommitafel

11:00 Francois van Coke: Hoe ek dit onthou

13:00 Omwentelinge, ’n papierspel

14:30 Stille vuur

16:30 Die kronieke van Buks

16:30 The Scullery Quintet: Stir-Fried Sonatas

18:00 Albert Frost en James Grace: Twee wêrelde, twee kitare, een verhoog

20:00 Luna Paige: Die reisigers

20:00 Wat om te doen as die wêreld brand

VISUELE KUNS

09:00 Kunsuitstallings open

11:00 Visuelekuns-rondleiding

Skandeer dié QR-kode VIR DIE VOLLEDIGE PROGRAM

GRATIS GESPREKSREEKSE

KKNK Boekstories

10:30 Vandagsedag met Lanie van Reenen en Michèle Meyer

11:00 Vier die storie! Nataniël en Anna-Mart van der Merwe in gesprek

12:00 Seisoene van Steyn met Martin Steyn en Nadine Petrick

14:30 Einde en begin met Michèle Meyer en Marliza van den Berg

16:00 Waterman, Prins en ’n Brief op veertigduisend voet met Herman Wasserman, Tom Dreyer en Ryan Pedro

Praat Saam met Netwerk24 en Die Burger

09:00 Popsielkunde en geestesgesondheid met Luricka Fick en Danie Marais

Storievertel

16:00 Stories onnerie DAK met Elias P. Nel, André Boezak, Willem Fransman jr. en Poem Mooney

Ander Gesprekke

12:30 Die opwinding en uitdagings van plekspesifieke teater met onder andere Nicola Hanekom, Tobie Cronjé, Annelisa Weiland, Brendon Daniels, Marlo Minnaar, Gretha Brazelle, Alyssa Dionne en Grant Swanby

14:00 Om te onthou: Plaaslike geskiedenis deur die lens van fotografie met Hans van der Veen, Hazel Jonker en Derrick Jackson

KLEIN KAROO-ERVARINGS EN LEEFSTYL

07:30 Olifant-en-ontbyt-ervaring

10:00 Miniatuur-herinneringe: ’n Borsspeld-werksessie

11:00 Brousels en baksels

11:00 Olyf tot olyfolie

11:00 Wildehondekloof: Fynbos-fynproe

14:00 Olyf tot olyfolie

14:30 Suikerkoekie-versierklasse

15:00 Brousels en baksels

18:30 Die Wynmeester: Kom proe saam

20:00 Sterrekyk in die Klein Karoo

Innerlike wêreld van ou man magies verbeeld

ge-gebergtes

Tot 3 April, SANW-ouditorium.

’n Ou man lê ’n historiese konteks in ’n lewelose stem uit; daar is datums en feite wat ’n mens aanvaar word reg onthou. Verskeie komponente van die stel word op die verhoog gestoot en gedra: ’n ouetehuis wat aanmekaargeplak word deur sy “koor van carers”, wat vir die duur van die toneelstuk na die ou man se behoeftes omsien – medies, psigiatries, palliatief. Hul pligte strek oor die hele spektrum, van die opmaak van sy bed en om seker te maak hy slaap daarin tot die hou van ’n onwaardige verjaardagpartytjie vir sy 90ste. En uiteindelik die bystand in sy laaste ure, wat sy terminale oomblik gemakliker maak.

Die dun lyn tussen wees en nie meer wees nie, die ontstellende tydperk tussen ten volle lewend wees en heeltemal dood wees –dit is die pynlike, ongemaklike, soms destabiliserende ruimte wat verken word in ge-gebergtes, die dramaturg Saartjie Botha se deurdagte, teer nuwe toneelstuk oor ’n soort skadulewe wat posvat gedurende ’n mens se skemerjare. Die titel is ontleen aan wat Botha beskou as die emosionele kern van die Afrikaanse deel van SuidAfrika se volkslied; daardie liriek wat jou ’n knop in die keel gee, en hier is dit ook betekenisvol as aanduiding van die geestelike krag wat kwyn en fisiek manifesteer dit as ’n soort gehyg na asem.

Daar is ’n aanduiding van daardie berge op die verhoog in die intense landskap wat ’n visuele agtergrond vorm vir die deurmekaar herinneringe en toenemende verwarring van die ou man, wie se lewe ontvou soos ’n bisarre kabaret – een wat soms makaber, soms prettig is – terwyl die versorgers sing, dans, paradeer, kussings regtrek en hul verskillende pligte uitvoer.

Die stofgegewe dui grootliks op ’n interne stryd, en die toneelstuk is ’n uitdrukking van die ou man se verwarring en lyding wat uiteindelik ondeurgrondelik is. Regisseur Wessel Pretorius het hierdie innerlikheid bewonderenswaardig uitgedruk en doen uitstaande werk om Botha se roerende geskrewe teks lewe te gee.

Hy doen dit deur die somber onderwerp in iets magies en bonatuurliks te omskep, dit ’n eteriese, droomagtige kwaliteit te gee, asof ons die aksie ervaar met dieselfde soort benewelde, semi-

hallusinerende disoriëntasie wat ’n mens voel wanneer jy ná narkose terugkeer na bewussyn.

Hierdie ontwykende, in-die-wolke-atmosfeer word versterk en beklemtoon deur Sylvaine Strike se choreografie van die bewegings, wat aan die vervreemding ’n element van grasie en innemendheid verleen.

Pretorius en Strike sleur ’n mens mee na ’n wêreld buite die grense van ’n slaapkamer in ’n verpleeginrigting. Terwyl herinneringe opgediep word, bly die werklikheid tartend buite ’n mens se bereik; die kognitiewe agteruitgang wat intree, is soos ’n wrede dief in die nag.

Nog ’n geniale toevoeging vir die toneelstuk is die teenwoordigheid van die akteur-danser Jayden Dickson, ’n lang, seningrige, pragtige nimfagtige wese wat op die verhoog rondbeweeg asof hy van fluweel gemaak is, en wat herinneringe van die ou man beliggaam – herinneringe aan wie hy eens was. Dit is ’n hartverskeurende kontras, en word tot asemrowende effek gebruik, veral soos die toneelstuk sy onvermydelike, visueel treffende klimaks bereik.

Intussen, terwyl hierdie man se lewe rondom hom blyk te gebeur, of hy nou ten volle teenwoordig is of nie, monitor en meet die psigiater (Daneel van der Walt) die man se onvoorspelbare, onkenbare afdaling in die vergetelheid. Daar is, in oomblikke van haar interaksies met haar pasiënt, glimpse in dieselfde ruimte van oneindige emosies wat vir so baie opgewek word deur Langenhoven se beeltenis van “ewige gebergtes”. Charl-Johan Lingenfelder se pragtige klanklandskap skep ’n soortgelyke boeiende sielvolheid; die musiek is betowerend, weemoedig en delikaat.

Dit is ’n toneelstuk oor die onvermydelike einde wat op ons almal wag, en in daardie opsig is dit brutaal eerlik; dit is ook onsentimenteel. Ook as kommentaar op die verwarrende tempo waarmee die werklikheid self deur tegnologie getransformeer word, het ek dit ervaar as ’n redelik oortuigende portret van ’n soort afdaling in kollektiewe waansin. Dit het uiteindelik vir my gevoel soos ’n soort ritueel van oorgawe, ’n toneelstuk wat dapper genoeg is om ons te vra om die lewe te herken as ’n soort groot kosmiese herwinning – ’n antieke, tydlose siklus waarvan die dood ’n onafwendbare en onvermydelike komponent is.

US-alumni fees steeds voluit.

Liza Grobler, US-alumna en kurator van visuele kuns vir die KKNK

Magda Louw en haar Erhard: How Louw can you go? (4 April om 09:30)

Heelwat komedie te vind op vanjaar se program

Deur Wayne Muller

Ons almal hou van lag – wel, die meeste van ons – maar die dinge waaroor ons lag, is uiteraard nie so universeel nie. Van die beste grappe steek draak met wie ons self is, maar daar is sommige mense wat skater vir blote vloekwoorde –ek twyfel of dit op sigself lagwekkend is.

Dís seker wat van komedie op die verhoog so ’n uitdagende genre maak. Hoe laat ’n mens ’n gehoor van uiteenlopende mense lag? En as hulle nie lag nie, hoe trek jy dit uit hulle soos hardnekkige tande?

Op vanjaar se KKNK is daar ’n paar goeie komediante wat van ’n flou gehoor ’n laggende skare kan maak. ’n Mens moet ook die KKNK-span erkenning gee dat hulle komedie oor die afgelope paar jaar nogal al hoe sterker op die feesprogram laat staan.

Alan Committie is ’n naam wat al lank aankom, en selfs op ’n Afrikaanse fees sukkel dié Engelse grapjas nie juis nie. In Maandag se vertoning van Comedy by Committie! was die gehoor bietjie traag vir lag, maar Alan weet hoe.

Sy vertelling van ’n Suzuki Swift wat so klein is dat jou arms aan weerskante van die motor uitsteek, was ’n wenner. Hy spring van karre tot sport en van wiskunde tot oorsese reise asof dit een onderwerp is. Só kry hy gou stoere ooms en tannies om saam te lag.

Dan is daar die jonger span. Die duo Ané Koegelenberg en Christie van Niekerk was verlede jaar hier met ’n 20 minute-Blitsteaterstuk, Beste van alle tye. Dit was k@ ksnaaks. Vanjaar het hulle dit ’n uur lange komedie gemaak – steeds k@ksnaaks!

Dié twee het nogal ’n magic saam en laat die grappies en satiriese kommentaar gly asof uit een mond.

Die vertelling oor die “wit-visa” is skreeusnaaks, die belaglike woorde van ’n opgemaakte nuwe Afrikaanse liedjie raak so byna aan die waarheid, en dan is die naam “Marlenique” (my eie spelling) sekerlik een van die snaaksste Afrikaanse name wat ek al gehoor het.

Christie doen ook haar eie stand-up-vertoning, Oepsie (tot 4 Maart), maar dit was minder geslaagd en nogal onsamehangend, gemeet aan haar vertoning van laasjaar, Add my op die groep

Aletta Francina de Kock is koddig in Effens anders en gewild onder jonger gehore. Sy het aanvanklik bedees oorgekom, maar gou het sy slim kwinkslae afgevuur. Haar komedie krap die snaaksighede van die alledaagse uit en haar gehoor is mal daaroor.

As komiese teater meer jou ding is eerder as stand-up, laat Magda Louw en haar Erhard: How Louw can you go? (4 April om 09:30) jou lag en warmhartig voel. Magda (Desiré Gardner) en Erhard (Hannes van Wyk) is ’n bejaarde egpaar – gewild en ook op TV – wat ons in die verhoogstuk deur die stadia van die lewe neem.

Hulle is ’n komieklike paartjie wat jou beslis herinner aan een of ander oom en tannie wat jy ken.

Vir komiese improvisasie is die drie Britte in Police Cops: The Original ’n lekker malligheid. Zachary Hunt, Nathan Parkinson en Tom Roe maak die beste Amerikaanse aksente na en met bitter min – soms ook bitter min klere – kry hulle jou verbeelding op hol soos wat twee polisiemanne ’n aartsmisdadiger lomp-lomp probeer vastrek.

Daar is talle komedie op vanjaar se KKNK; en ’n mens moet maar gaan vind wat jou aan die lag sal sit. En as jy ’n bloutjie loop, lag maar daaroor.

Pretorius en Joubert lanseer Marais se gedigte na volgende dimensie

Deur Deborah Steinmair

Ek is nie Danie

Op die verhoog is instrumente, mikrofone, ’n stoel, bewegende ligte. Albert Pretorius gaan sit in die stoel, geklee in ’n hoody, vooroorgeboë, gesig in die skadu. Sy teenwoordigheid is monumentaal voordat hy nog ’n woord geuiter het.

Wanneer hy praat, eksperimenteer Schalk Joubert met sy stem in verskillende verstellings. Is Pretorius Afrikaans se mees veelsydige akteur? Bes moontlik. Hy is ‘n towenaar. ’n

Shapeshifter. En so sexy.

In hierdie verstommende verhooggebeurtenis wals die gehoor deur die stadia van Danie Marais se lewensreis en die nuanses van sy wit-middelklas-pyn. En twostep en rock. Die verstommend welsprekende Danie, wat deur sy eerste, Duitse, vrou teatraal, melodramaties, ’n drama queen en pateet genoem is, is ’n wroeger. En hoe oneindig lieflik wroeg hy nie. Hy spreek mense soos hy aan. Sentimentele roofdiere, met onfotogeniese pyn wat hulle wit bevoorregting nie op ebay kan verkoop nie. Wat veilig voel in die suburbs met tuinmeubels wat blink in die maanlig en wat maar net wil klou waaraan almal klou.

Wroeg hy altemit met ’n witbrood onder die arm vanuit ’n voorstedelike huis in Stellenbosch, of Little Europe, soos dit in die townships genoem word? Daarop kom dit nie aan nie. Enige pyn is geldig en elkeen het slegs sy eie leefwêreld as palet en databank. My gunstelingdigters is almal melankole, of hulle nou skryf oor liefdesverdriet, eksistensiële angs of apartheid. Almal word nie gestraf of geseën met ’n worthy course nie. Soos WB Yeats oor sy (onbeantwoorde) liefde Maud Gonne geskryf het: There was no Troy left for her to burn

Waarop dit aankom, is die manier waarop Albert Pretorius en Schalk Joubert Danie se teks en gedigte, waarvan ek ’n aanhanger is, na ’n volgende dimensie lanseer. Hulle is nie alleen nie. Aanwesig in hul afwesigheid is die digter (hy is nie da’ nie) en die geïnspireerde regisseur, Nico Scheepers. Hulle weef voor ons oë goud uit wit skuld.

Joubert beweeg hoeka soos ’n hiperaktiewe alchemis tussen basviool, baskitaar, mengbord en mikrofoon; verstel hier, kielie en kierang daar. Hy vertolk selfs ’n gedig, “Ek en jy bestaan nie”, onderspeel en trefseker. Die twee akteurs verleen soveel skop en ritme aan Marais se poësie wat hulle roerend visueel vergestalt, met Pretorius wat met sy lyf en die volle inset van sy wit middeljarige weerloosheid woeker. Hulle (en die regisseur) wissel die stemming voortdurend af en skep teaterbetowering deur middel van beligting en subtiele, veerligte klankmomente.

Dis nie ’n gemaklike stuk vir wit gehore nie, dit sny diep soos ’n kitaarsnaar. Dit verwoord en vergestalt ons middeklas-aspirasies, ons self-sabotasie en die erfskuld wat ons nooit kan afbetaal nie. Ons allesoorheersende begeerte om vergeef te word.

Ek het net een punt van kritiek: Ná die magtige crescendo en waansinnige hoogtepunt waarop die stuk eindig, sou ek nie weer die wit geruis van Marais se praatstem op endless loop speel nie. Stilte is wat dan nodig is. Stomgeslane stilte. Stilte anderkant woorde. Hierdie stuk verdien elke toekenning wat dit te beurt geval het.

Universiteit Stellenbosch

Kadetjoernaliste by KKNK 2026

Deur Lené Vorster

“In die stikdonker teater val die kollig net op hom. Op die verhoog is daar net ’n vleuelklavier en Nataniël geklee in ’n bloedrooi teatergordyn-agtige rok. Dan begin hy sing. Dis dramaties en feestelik en so fabulous SOOIBRAND is ’n kabaret-enkomedie-feesdebuut soos net Nataniël dit kan doen. Dis eerlik en skerp en skreeusnaaks. Met klavierbegeleiding deur Charl du Plessis en teatrale kostuumontwerp deur Floris Louw, is dit ’n opvoering wat jou net wil laat terugkom vir meer. Du Plessis skep deur sy klavierwerk ’n dramatiese atmosfeer op die donker verhoog en laat Nataniël net nog meer uitstaan.”

Deur Krotoa Felix

RSG en ATKV-Kuierkol

Skandeer vir die volledige resensies

“Met die Karoo-berge teen die agtergrond en met die Karooson wat skel skyn, beleef die gehoor Deep Heat. Dit is ’n plekspesifieke drama wat afspeel op ’n vlakte buite Oudtshoorn, op die pad Calitzdorp toe. Die storie handel oor Hedda (Carin Bester) wat op die vlug slaan en nou saam met haar broer, Gizz (Hendrik Nieuwoudt), in ’n pondokkie in die Karoo wegkruip. Die buitelugplasing van Deep Heat in die Karoo werk goed, want die oop vlaktes en berge verhelder die storie. Die warm weer en rooi grond dra ook by tot die sukses van die drama.”

RSG en die ATKV se Kuierkol is terug by die KKNK en beslis dié plek om te wees vir die KKNK se 30ste verjaarsdag! Kom geniet ’n propvol program met regstreekse uitsendings, vermaak, speletjies vir oud en jonk, kinderpret en musiekoptredes. Ontmoet en gesels met RSG se gewilde omroepers en geniet die heerlike versnaperings wat rondom die Kuierkol beskikbaar is. Maak ’n draai, ons sien jou daar!

Dié kuierplek vir elke iemand!

MET Albert Frost

In die Netwerk24-feeskafee by die C.P. Nelmuseum

Vanaf

22:00 tot laat

09:00 Begin jou dag saam met RSG

10:00 Liza Grobler

10:30 Idiome-vasvrae

11:00 Frieda van den Heever

11:30 Paasgedigte met Angie Gallagher

12:00 Deon Meiring

13:00 Neil Büchner

14:00 Hou dié spasie dop 14:30 Magé

15:00 Blaaskansie

16:30 Jason Baartman

16:30 Edinia Citwa

17:15 Vir nou net Magé

18:30 Joshua na die Reën

19:45 N1 Jozi

21:00 GSTRING

Ingesluit by jou Feesmark-kaartjie

IN DIE FEESMARK

Kom fees voluit tot jy voos is by die Klein KKNK-teater!

10:30 Opera Blocks: Under the Sea 11:30 LAPA Lekkerleesminuut met Rolanda Marais 13:00 Kattekwaad en Koekeloer 15:30 Potloodsakkie: Agter die zip

Agt uiteenlopende 20-minuut-blitsvertonings vorm deel van hierdie jaar se Blitsteater. Kom sluit aan vir teater wat jou aan die skouers gryp en stukkie vir stukkie losskud uit die alledaagse. Vars. Vinnig. Verniet.

11:00 Dom, PasOp! & Met die maan gepla

11:30 Badtyd & Wag, wat?

12:00 Dom, PasOp! & Met die maan gepla

12:30 Badtyd & Wag, wat?

15:00 Apple & Haasvoël

15:30 Excerpts | Uittreksels & Veer

16:00 Apple & Haasvoël

16:30 Excerpts | Uittreksels & Veer

ABSA KUIERKAMER

Kom vier drie dekades van kuns, kultuur en klank by die Absa Kuierkamer. Hier wag ’n ruimte waar verbeelding, samekoms en musiek mekaar vind.

11:00 Vier die storie met Nataniël en Anna-Mart van der Merwe

12:00 Kaas- en wynproe met Meerendal

12:45 Rooibanksessies met Hannes van Wyk in gesprek met Luna Paige, André Schwartz en Stephanie Baartman

Elke dag ontvou twee kuieroomblikke, waar welbekende Suid-Afrikaners by die Checkers-kombuistafel aansluit vir vermaaklike gesprekke oor hartskos en lewensreise.

11:45 André Schwartz en Elzabé Zietsman

Aanbieder Hannes van Wyk

15:00 Tino Aan tafel met en vriende!

14:15 Met Wilhelm van der Walt en Marion Holm

Aanbieder Hannes van Wyk

Klein Karoo Agri is opgewonde om in 2026 by die KKNK betrokke te wees. Kom kuier by ons en neem ’n foto by die CASE- en die Suzuki-uitstalling! Of kom sit rustig en geniet Vida e Caffè se koffies en lekkernye.

Die Heuwels Fantasties 21:45 Die Piesangskille 20:45

Springbok Nude Girls 19:30 Refentse 18:15 Robbie Wessels 17:00

Checkers Kuierverhoog vanaf 10:30 • Feesmark-verhoog 17:00

by jou Feesmark-kaartjie

Barto Swiegers 15:30 Aan tafel met Checkers 14:15 Van Der Aven 13:00 Aan tafel met Checkers 11:45 Shaza 10:30 Kom besoek ons by

Early B (22:00) • Demi Lee Moore (20:45) • Appel (19:30) • Elandré (18:15) • Kurt Darren (17:00) • Chris Steyn (15:30) • Aan tafel met Checkers (14:15) • Dodo Nyoka (13:00) • Aan tafel met Checkers (11:45) • Don Vino (10:30)