Ang bawat mag-aaral sa bawat institusyon ay mayroong kaniya-kaniyang kuwento na nais ibahagi sa tao. Ang bawat estudyante ay may kaniya-kaniyang karanasan sa araw-araw nilang pamumuhay habang sila ay nag-aaral sa bawat silid-aralan na kanilang pinapasukan. Dito sa Jose Rizal University, mayroon din kaming nais ibahagi sa inyo. Ito ay ang kung paano nga ba namin binubuhat ang bawat araw at bawat pagsubok na nakalatag sa amin bilang mga estudyante ng nasabing paaralan. Ngayong ilang hakbang na lamang at matutungtong na namin ang entablado ng pagtatapos ng Senior High School, samahan ninyo kami sa isang makabuluhang paglalakbay ngayong tapos na ang unang semestre. Samahan ninyo kami habang kami ay sumasali sa iba’t ibang patimpalak, nagsasagawa ng iba’t ibang aktibidad, at nag-sasaayos ng aming mga takdang-aralin bilang STEM Students mula sa E12E.