Нумар распачынаецца расповедам пра заступніка 2024 года – шматаблічнага пісьменніка Вітальда Гамбровіча, інтэлектуальнага правакатара, аўтсайдара і трыкстэра.
У мінулых нумарах мы распавядалі пра выбітных і прафесійна паспяховых жанчын, якія паходзяць з беларускіх зямель. Эстафету ад пісьменніцы Марыі Радзевіч і скульптаркі Алены Скірмунт пераймае мала вядомая ў Беларусі Бальбіна Світыч-Відацка, аўтарка бюстаў Тадэвуша Касцюшкі, Адама Міцкевіча, Генрыха Сянкевіча.
У рубрыцы «Узнагароды і фестывалі» – самыя адметныя падзеі гэтай вясны, сярод якіх – польскі ўдзел у 60-м Венецыянскім біенале і гала-канцэрт юбілейнай, 30-й прэміі Fryderyk Awards.
Нябачную, нечаканую інтэрпрэтацыю творчасці Чэслава Немэна, 85-годдзе з дня нараджэння якога адначаецца сёлет, прадставіў музычны тэатр «Рома».
Ва Урсыноўскім цэнтры культуры «Alternatywy» праходзіць выстава «Polska» мастака, сцэнографа, графічнага дызайнера Рышарда Каі.
Даведаецеся, пра анімаваную котку Кіцю Коцю і відэагульні пра Сярэднявечча.
