ᐅᓪᓗᖅ ᐅᓐᓄᓪᓗ
ᐅᖃᓕᒫᕆᐅᖅᓴᓂᖅ
Uqalimaariuqsaniq | Level 11
Uqalimaariuqsaniq is an Inuktitut reading program developed in Nunavut. This program is based on language-acquisition research from around the world. Uqalimaariuqsaniq is a sequential and progressive Inuktitut reading program that supports students in their development from emergent to fluent readers.
Book details
Level: 11
Text type: Fiction
Subjects/themes: how day and night were created, traditional Inuit story, lesson from a story
Key features: dialogue, third-person point of view, past tense
ᐅᓪᓗᖅ ᐅᓐᓄᓪᓗ
ᑎᑎᕋᖅᑐᖅ ᓃᐅᓪ ᑯᕆᔅᑕᕗ ᑎᑎᖅᑐᒐᖅᑐᖅ ᔨᕐᒪᐃᓐ ᐊᕐᓇᖅᑕᐅᔪᖅ
2
ᑖᓐᓇ ᐅᓂᒃᑳᖅ ᐃᓄᓐᓃᙶᖅᑐᖅ ᐊᑐᓚᐅᖅᑐᒥᓂᖅ ᐅᕙᑦᓯᐊᕈᐊᓗᒃ. ᐅᓂᒃᑳᕆᔭᐅᓯᒪᔪᖅ ᓯᕗᓕᖏᓐᓂᒃ ᑭᖑᕚᖏᓐᓄᑦ ᐅᑭᐅᕋᓵᓗᓐᓄᑦ. ᑖᓐᓇ ᐅᓂᒃᑳᖅ ᐱᒋᐊᖅᓯᒪᔪᖅ ᑕᐃᑦᓱᒪᓂ ᑖᖏᓐᓇᖅᑎᓪᓗᒍ ᓯᓚᕐᔪᐊᕐᒥ. ᑖᓐᓇ ᐅᓂᒃᑳᑐᖄᓗᒃ ᓇᓗᓇᐃᖅᓯᔪᖅ ᖃᓄᖅ ᖃᐅᒻᒪᕐᓂᕐᒪᖔᑦ ᓯᓚᕐᔪᐊᕗᑦ, ᓱᒻᒪᓪᓗ ᐅᓪᓘᓲᖑᒻᒪᖔᑦ ᐅᓐᓄᓲᖑᒻᒪᖔᓪᓗ. 3
ᐅᕙᑦᓯᐊᕈᑐᖄᓗᒃ, ᐅᕙᑦᓯᐊᕈᑐᖄᓗᒃ ᓯᓚᕐᔪᐊᖅ ᒫᓐᓇᐅᔪᖅ ᐊᔾᔨᒋᒐᓛᓚᐅᙱᑕᖓ. ᓄᓇᓗ ᕿᓚᓗ ᑖᖏᓐᓇᓚᐅᖅᑑᒃ. ᐃᓄᐃᑦ ᐱᓱᕋᔭᑦᑐᑦ ᐊᔾᔭᖅᓯᖃᑦᑕᕆᐊᖃᓚᐅᖅᑐᑦ ᒥᑭᔪᓂᒃ ᐃᑯᐊᓚᔪᓂᒃ, ᐊᒡᒐᒻᒥᓄᑦ ᐊᑐᖅᑕᓂ ᑕᐅᑐᓐᓂᐊᕋᒥᐅᒃ. ᑖᒃᑯᐊ ᐃᑯᐊᓚᔪᑦ ᖃᐅᒪᔾᔪᑎᑐᐊᕆᓚᐅᖅᑕᖕᒋᑦ ᓯᓚᕐᔪᐊᑉ. 4
5
6
ᑕᐃᑦᓱᒪᓂ, ᐆᒪᔪᑦ ᒫᓐᓇᐅᔪᖅ ᖃᐅᔨᒪᔭᕗᑦ ᓱᓕ ᓴᓇᔭᐅᓯᒪᓚᐅᙱᑦᑐᑦ. ᐃᑭᖅ ᓇᑦᓯᖅᑕᖃᓚᐅᙱᑦᑐᖅ, ᕿᓚᓗᒐᕐᓂᓪᓗ, ᐊᓪᓛᑦ ᐃᖃᓗᓐᓂᒃ. ᓄᓇᒥ ᑐᒃᑐᑕᖃᓚᐅᙱᑦᑐᖅ, ᐅᒥᒻᒪᓐᓂᒃ, ᐊᓪᓛᑦ ᐊᒪᕈᕐᓂᒃ. ᑭᓯᐊᓂᓕ ᐃᓄᐃᓴᑦᑐᕐᓂᒃ ᐆᒪᔪᖅᑕᖃᓚᐅᖅᑐᖅ, ᐃᓘᓐᓇᑎᑲᓴᓪᓗ ᒥᑭᔫᓚᐅᖅᑐᑦ. 7
ᑕᐃᒪᐃᑦᑑᓚᐅᖅᑐᖅ ᓯᓚᕐᔪᐊᖅ
ᖃᐅᒪᓗ ᐱᑕᑦᓯᓚᐅᖅᑎᓐᓇᒍ ᓄᓇᕐᔪᐊᑦᑎᓐᓄᑦ.
ᑖᖅᑐᒥ, ᐊᖑᓇᓱᒃᑏᑦ ᐊᑐᓚᐅᖅᑐᑦ ᖃᐅᒪᖏᓐᓂᒃ ᕿᓂᖅᓱᑎᒃ ᐅᑲᓕᕐᓂᒃ, ᑐᓗᒐᕐᓂᒃ, ᐊᒻᒪᓗ ᐊᕿᒡᒋᕐᓂᒃ. ᑕᐅᑐᙳᐊᕈᓐᓇᖅᑮᑦ ᖃᓄᑎᒋ ᐱᔭᕆᐊᑐᒐᔭᕐᒪᖔᑦ ᐃᓄᑑᓇᕋᔭᕐᒪᖔᓪᓗ ᓂᕿᒃᓴᖅᓯᐅᕐᓗᓂ ᑖᖅᑐᐊᓗᒻᒥ?
ᓱᓕ
ᓄᑖᖑᓂᖅᓴᐅᑎᓪᓗᒍ,
8
9
10
ᐆᒪᔪᑦ ᑕᐃᑦᓱᒪᓂ ᐊᔾᔨᒋᓚᐅᙱᑕᖏᑦ ᐆᒪᔪᑦ ᑕᑯᖃᑦᑕᖅᑕᕕᑦ ᒫᓐᓇᐅᔪᖅ. ᑖᒃᑯᐊ ᐆᒪᔪᑦ ᐅᖃᓕᒪᒍᓐᓇᓚᐅᖅᑐᑦ ᐃᓄᓐᓄᑦ, ᐊᓪᓛᑦ ᐃᓚᖏᑦ ᐃᒡᓗᕕᒐᕐᒥᐅᑕᐅᓚᐅᖅᑐᑦ. ᐃᓚᖏᑦ ᐆᒪᔪᑦ ᑕᐅᑦᑐᕐᒥᓂᒃ ᐊᓯᔾᔩᒍᓐᓇᓚᐅᖅᑐᑦ, ᐃᓄᔾᔫᔮᓕᕐᓗᑎᒃ ᑕᐃᒪᐃᒍᒪᒍᑎᒃ. 11
ᐅᖃᖅᑕᐅᓚᐅᖅᓯᒪᙱᑦᑐᕐᒥᒃ. ᐅᖃᐅᓯᕆᓚᐅᖅᑕᖓ “ᐅᓪᓗᖅ.”
ᑕᐃᒪᐃᓚᐅᖅᑯᖅ ᑕᐃᑦᓱᒪᓂ. ᑭᓯᐊᓂᓕ ᐅᓪᓗᐃᑦ ᐃᓚᖓᓐᓂ ᑐᓗᒐᖅ ᑖᖅᑐᒥ ᑎᒻᒥᓚᐅᖅᑐᖅ.
ᑕᑯᒍᓐᓇᓚᐅᙱᒻᒪᐅᒃ ᐅᖓᓯᑦᑐᖅ. ᓂᕿᑦᓴᒥᓪᓗ ᓇᓂᓯᒍᓐᓇᕋᓂ. ᒥᓚᐅᖅᑐᖅ ᐅᔭᖅᑲᑦ ᖄᖓᓐᓄᑦ, ᐅᖃᐅᓯᕐᒥᓪᓗ ᐅᖃᓚᐅᖅᑐᖅ
ᖁᕕᐊᓱᓚᐅᙱᑦᑐᖅ,
12
13
14
ᕿᓚ ᖃᐅᒻᒪᑲᓪᓚᓚᐅᖅᑐᖅ, ᑖᓐᓇᓗ ᓯᕗᓪᓕᖅᐹᖑᓚᐅᖅᑐᖅ ᐅᓪᓘᑎᓪᓗᒍ ᓯᓚᕐᔪᐊᑦᑎᓐᓂ. ᓯᕗᓪᓕᖅᐹᑦᓯᐊᒥ, ᕿᓚ ᑐᖑᔪᖅᑕᐅᓚᐅᖅᑐᖅ ᖃᐅᒪᑦᓱᓂᓗ. ᑐᓗᒐᖅ ᖁᕕᐊᓚᐅᖅᑐᖅ, ᑕᑯᒍᓐᓇᖅᓯᒐᒥ ᐅᖓᓯᑦᑐᕐᒧᑦ. ᖃᐅᔨᑦᓱᓂᓗ ᐊᒥᓱᓂᒃ ᓂᕆᔭᑦᓴᕐᓂᒃ ᐱᙳᐊᖃᑎᑦᓴᕐᓂᓪᓗ. ᑐᓗᒐᖅ ᐃᑉᐱᒍᓱᓚᐅᖅᑐᖅ ᓯᓚᕐᔪᐊᖅ ᑕᑕᒋᐊᖓ ᐊᒥᐊᕐᓄᑦ. 15
ᑕᑯᔭᐅᓴᕋᐃᒍᓐᓇᓕᖅᑯᖅ.
ᐅᑲᓕᕋᓛᑯᓗᒃ ᐃᔨᖅᓯᒪᓚᐅᖅᑐᖅ ᐊᖑᓇᓱᒃᑎᒥᒃ ᖃᐅᒪᒋᐅᓯᑎᓪᓗᒍ ᓯᓚᕐᔪᐊᖅ. ᐅᑲᓕᕐᓕ ᐃᓱᒫᓗᓚᐅᙱᒃᑲᓗᐊᕐᖓᑦ ᓯᓚᕐᔪᐊᖅ ᑖᖅᑎᓪᓗᒍ. ᐊᖑᓇᓱᒃᑏᑦ ᓇᒧᙶᔭᖅᑐᑦ ᐱᔭᕆᐊᑐᑦᓴᓚᐅᖅᑐᑦ ᐅᑲᓕᕐᓂᒃ ᓇᓂᓯᒋᐊᖅ ᑖᖅᑎᓪᓗᒍ. ᒫᓐᓇᓕ ᑭᓯᐊᓂ ᐅᑲᓕᖅ ᓄᐃᑕᓕᖅᑯᖅ, ᐊᖑᓇᓱᒃᑎᓄᓪᓗ
16
17
18
ᐅᑲᓕᖅ ᓂᙵᓚᐅᖅᑐᖅ. ᐸᖓᓕᑦᓯᓚᐅᖅᑐᖅ ᑐᓗᒐᕐᒧᑦ, ᑲᔾᔮᖅᑎᓪᓗᒍ ᐅᓪᓗᕐᒥᒃ ᐊᒥᐊᕋᓵᐱᖏᓐᓂᓪᓗ. “ᓱᕋᑖᕋᕕᑦ?” ᐊᐱᕆᓪᓗᓂ ᐅᑲᓕᖅ ᑐᓗᒐᕐᒧᑦ. “ᐊᖑᓇᓱᒃᑎᓄᑦ ᑕᑯᔭᐅᒍᓐᓇᖅᓯᔪᖓ, ᐊᒻᒪᓗ ᐃᔨᕐᕕᑦᓴᖃᑦᓯᐊᕈᓐᓃᖅᑐᖕᒐ!” 19
ᐅᖃᖅᑕᐅᓚᐅᖅᓯᒪᙱᑦᑐᒥᒃ.
ᑐᓗᒐᖅ ᓇᓗᕗᖅ, ᑭᐅᓪᓗᓂᓗ ᐅᑲᓕᕐᒥᒃ. “ᓯᓚᕐᔪᐊᖅ ᖃᐅᒻᒪᖅᑎᑕᕋ. ᑕᑯᒍᓐᓇᖅᓯᔭᕗᑦ ᐊᒥᐊᑦ, ᐅᖓᓯᑦᑐᐊᓗᒻᒧᓪᓗ ᐊᓪᓛᑦ ᑕᑯᒍᓐᓇᖅᓯᔪᒍᑦ ᐃᓱᒫᓗᙱᓪᓗᑕ!” ᑭᐅᕗᖅ. ᐅᑲᓕᖅ ᕿᕕᐊᖅᐳᖅ ᕿᓚᒻᒧᑦ, ᐅᖃᖅᓱᓂᓗ ᐅᖃᐅᓯᕐᒥᒃ
ᐅᖃᐅᓯᖅ ᐅᓇ “ᐅᓐᓄᒃ.” ᓯᓚᕐᔪᐊᖅ ᑖᖅᓯᓪᓗᓂ,
20
ᐅᓐᓄᕈᒃᑲᓐᓂᖅᑯᖅ.
21
22
ᑐᓗᒐᖅ ᓂᙵᑉᐳᖅ. ᐅᖓᓯᑦᑐᕐᒧᑦ ᑕᑯᖃᑦᑕᕈᒪᒐᒥ ᖃᐅᒪᒥᒃ, ᐊᖅᓵᖅᑕᐅᒍᒪᓇᓂᓗ ᐅᑲᓕᕐᒧᑦ ᖃᐅᒪᒥᒃ. “ᐅᓪᓗᖅ,” ᓂᐱᖅᑯᖅᑐᑦᓱᓂ ᐅᖃᖅᐳᖅ. “ᐅᓪᓗᖅ!” ᓯᓚᕐᔪᐊᖅ ᖃᐅᒻᒪᒃᑲᓐᓂᕆᕗᖅ. ᐅᓪᓗᕈᒃᑲᓐᓂᖅᑯᖅ. 23
ᐅᑲᓕᖅ ᐱᖃᑎᖃᓚᐅᙱᑦᑐᖅ ᑐᓗᒐᕐᒥᒃ, ᑕᐃᒪᐃᒃᑲᓐᓂᖁᔨᓚᐅᙱᑦᑐᖅ ᐅᓪᓗᕐᒥᒃ ᑕᐃᒫᒃ. “ᐅᓐᓄᒃ,” ᐅᖃᕆᕗᖅ ᓇᓗᖅᑯᑎᙱᑦᓯᐊᖅᓱᓂ. “ᐅᓐᓄᒃ!” ᐅᖃᓕᖅᑭᑉᐳᖅ ᓂᐱᖅᑯᖅᑐᑦᓱᓂ ᐅᑲᓕᖅ. ᖃᐅᒪ ᕿᒪᐃᓪᓗᓂ ᓯᓚᕐᔪᐊᕐᒥᒃ, ᐅᓐᓄᕈᒃᑲᓐᓂᓚᐅᖅᑯᖅ. 24
25
26
ᐊᑯᓂᐊᓗᒃ ᐅᑲᓕᒃᑯᒃ ᑐᓗᒐᒃᑯᒃ ᐅᖃᓕᒪᐅᑎᓚᐅᖅᐴᒃ. ᑕᒪᕐᒥᒃ ᐊᖏᖃᑎᖃᕈᓐᓇᓚᐅᙱᓛᒃ ᐊᐃᑉᐹᑕ ᐊᑐᖅᑕᐅᖁᔭᖓᓂᒃ. ᐅᑲᓕᖅ ᐅᓪᓗᕈᖁᔨᓚᐅᙱᓚᖅ, ᖃᐅᒻᒪᕐᓗᓂ ᐊᒥᐊᖃᕐᓗᓂᓗ. ᑐᓗᒐᖅ ᐅᓐᓄᕈᖁᔨᓚᐅᙱᓚᖅ, ᑖᖅᑑᓗᓂ. 27
ᑕᐃᒪᐃᓕᐅᕈᑎᓂᑯᖏᓐᓄᑦ, ᐅᓪᓗᖃᓲᖑᓕᖅᑐᒍᑦ ᐅᓐᓄᒻᒥᓪᓗ. ᑕᐃᒪᐃᑦᑑᓚᐅᖅᓯᒪᕗᖅ ᐅᕙᑦᓯᐊᕈᐊᓗᒃ, ᐆᒪᔪᑦ ᐅᖃᓕᒪᒍᓐᓇᖅᑎᓪᓗᒋᑦ ᐅᖃᐅᓯᑐᐃᓐᓇᐃᓪᓗ ᐱᔪᓐᓇᕐᓂᖃᕈᑕᐅᑎᓪᓗᒋᑦ. 28
Department of Education, Government of Nunavut
PO Box 1000, Station 960, Iqaluit, NU X0A 0H0
© 2016 Government of Nunavut
All rights reserved. The use of any part of this publication reproduced, transmitted in any form or by any means, electronic, mechanical, photocopying, recording, or otherwise, or stored in a retrievable system, without written consent of the publisher, is an infringement of copyright law.
ISBN: 978-1-77266-200-9
Developed and published in Canada by Inhabit Education www.inhabiteducation.com
ᐅᓂᒃᑳᖅᑐᐊᑐᖃᖅ ᐅᓂᒃᑲᐅᓯᖃᖅᐳᖅ ᑐᓗᒐᕐᒥᒃ ᐅᑲᓕᕐᒥᒡᓗ ᐅᓪᓗᕐᒥ ᐅᓐᓄᐊᒥᓪᓗ ᐱᙳᖅᑎᑦᑎᓚᐅᖅᑑᖕᓂᒃ.